''နယ်စပ်ဖြတ်ကျော် သွားလာခွင့်တွေကို နိုဝင်ဘာလ ၂၄ ရက်နေ့မှာ စတင်ဖွင့်လှစ်ပါပြီ။ နေ့ချင်းပြန်ရော၊ ၇ ရက် ဗီဇာသမားတွေရော အားလုံးကို ပြန်လည်သွားလာခွင့် ပြုလိုက်တာ ဖြစ်ပါတယ်'' ဟု မောင်တောနယ်စပ် ကုန်သည်များအသင်း ဥက္ကဌက ပြောသည်။
နေ့ချင်းပြန် သွားလာခွင့်ကို နိုဝင်ဘာလ (၁၉ ) ရက်နေ့တွင် နယ်စပ်လုံခြုံရေးအရ ပိတ်လိုက်ခြင်းဖြစ်ပြီး တစ်ပတ်အကြာတွင် ပြန်လည်ဖွင့်လှစ်လာခြင်းဖြစ်ကြောင်းလည်း သိရသည်။
ယင်းအပြင် ဇွန်လ ၈ ရက်နေ့ မောင်တော ဆူပူအကြမ်းဖက်မှု ဖြစ်ပွားခဲ့သည်မှစကာ ငါးလကျော်ကြာ သွားလာခွင့် ပိတ်ထားခဲ့သည့် (၇) ရက်ဗီဇာဖြင့် သွားလာခွင့်ကိုလည်း ပြန်လည်ဖွင့်လှစ်ပြီဖြစ်ကြောင်းလည်း သိရသည်။
''၇ ရက်ဗီဇာနဲ့ သွားလာခွင့်ကို ပြန်လည်ဖွင့်လှစ်တော့ နယ်စပ်ကုန်သွယ်ရေး ပိုမိုအားကောင်းလာမယ့် သဘောမှာ ရှိပါတယ်။ ဘင်္ဂလားဒေ့ရ်ှက ကုန်သည်တွေလည်း ဒီကိုလာခွင့်ရပြီ။ ဒီကကုန်သည်တွေလည်း ဟိုဘက်သွားပြီး ဈေးကွက်ရှာဖွေတာတွေ လုပ်နိုင်လာပြီဆိုတော့ ကောင်းပါတယ်'' ဟု ဘင်္ဂလားဒေ့ရှ် ကုန်သည်တစ်ဦးက မောင်တောမြို့သို့ ရောက်ရှိစဉ် ပြောကြားခဲ့သည်။
''၇ ရက်သွားလာခွင့်ကို ဖွင့်လှစ်တာဟာ မောင်တောနယ်စပ် ကုန်သွယ်ရေးကို တိုးတက်လာစေတယ် ဆိုတာကတော့ မဟုတ်ပါဘူး။ နှစ်ဖက်ကုန်သည်အချင်းချင်း ဆက်သွယ်ဖို့ဆိုရင်တောင် နေ့ချင်းပြန်ကို ခွင့်ပြုလိုက်တာနဲ့ လုံလောက်တယ်။ လက်ရှိမှာလည်း ကုန်သွယ်မှုတွေ လုပ်နေတာပဲ။ ဖုန်းနဲ့ ဆက်သွယ်လို့လည်း ရပါတယ်'' ဟု မောင်တောမြို့မှ နယ်စပ်ကုန်သည်တစ်ဦးက ပြောသည်။
မြန်မာ-ဘင်္ဂလားဒေ့ရှ် ၇ ရက် သွားလာခွင့်ကို နယ်စပ်ကုန်သွယ်ရေး တိုးတက်လာစေရေးအတွက် ခွင့်ပြုထားခြင်းဖြစ်ကြောင်းနှင့် သွားလာသူများမှာ မောင်တောနယ်စပ် ကုန်သည်များအသင်း၏ အသင်းဝင်ဖြစ်ရမည်ဖြစ်ကြောင်းလည်း သိရသည်။
နယ်စပ်ဖြတ်ကျော် (၇) ရက်သွားလာခွင့်ကို ပြန်လည်ခွင့်ပြုလိုက်သော်လည်း အမှန်တကယ် ကုန်သည်များကိုသာ သွားလာခွင့် ပြုသင့်ကြောင်းနှင့် အမှန်တကယ်ကုန်သည်ဟု သိစေရန် ကုမ္ပဏီ၏ ထောက်ခံချက်များကို စစ်ဆေးရန်လိုအပ်ကြောင်း မောင်တောမြို့ခံများက ပြောကြားကြသည်။
''အခုလို ၇ ရက်သွားလာခွင့်ကို ခွင့်ပြုလိုက်တာဟာ နယ်စပ်ကုန်သွယ်ရေးအတွက် ကောင်းကျိုးတွေ ရှိနိုင်သလို နယ်စပ်လုံခြုံရေးအတွက် သေသေချာချာ စစ်ဆေးမှုတွေ မလုပ်နိုင်ရင် စိုးရိမ်စရာတွေ ဖြစ်လာနိုင်တယ်။ ဖောက်ခွဲရေးသမားတွေ ကုန်သည်အယောင်ဆောင်ပြီး ဒီလမ်းက ၀င်လာနိုင်ပါတယ်။ မောင်တောမှာ ၁၉၉၄ ခုနှစ်မှာ ဖောက်ခွဲရေးသမားတွေလက်ချက်နဲ့ မြို့ပေါ် ၅ နေရာမှာ ပေါက်ကွဲမှုတွေ ဖြစ်ခဲ့ဖူးတယ်။ ဒါကြောင့် စိုးရိမ်ပါတယ်။ နောက်ပြီး ကုန်သည်တွေသာ သွားလာခွင့်ရှိတယ်လို့ ဆိုပေမယ့် အမှန်တကယ်မှာ မောင်တောက ဘင်္ဂလီတွေဆေးကုသဖို့သွားသူနဲ့ မှောင်ခိုစီးပွားရေးလုပ်သူတွေပဲ သွားလာတာ များပါတယ်'' ဟု မောင်တောမြို့ခံတစ်ဦးက ပြောသည်။
မောင်တော နယ်စပ်ကုန်သွယ်ရေး တိုးတက်လာခြင်းမှာ ၇ ရက်ဗီဇာဖြင့် သွားလာခွင့်ပြုလိုက်ခြင်းနှင့် သက်ဆိုင်ခြင်းမဟုတ်ကြောင်းနှင့် ၇ ရက်သွားလာခွင့် မရှိရင်လည်း အဆင်ပြေကြောင်း ကုန်သည်များက ပြောကြားကြပါသည်။
မြန်မာ-ဘင်္ဂလားဒေ့ရ်ှနယ်စပ် ဖြတ်ကျော်သွားလာခွင့်ကို နေ့ချင်းပြန်ခရီးသည်များနှင့် ၇ ရက်နေထိုင်သွားလာသည့် ကုန်သည်များကို ခွင့်ပြုပေးထားပြီး ၇ ရက်ပြည့်ပြီးသော်လည်း နောက်ထပ် ရက်တိုးနေထိုင်ခွင့်ကိုလည်း ခွင့်ပြုချက်တောင်းခံ နေထိုင်နိုင်ကြောင်းလည်း သိရသည်။
လက်ရှိအချိန်တွင် ဘင်္ဂလားဒေ့ရ်ှမှ နေ့ချင်းပြန်ခရီးသည် တစ်နေ့လျှင် ၅၀ ဦးခန့်နှင့် ၇ ရက်ဗီဇာဖြင့် ၀င်ရောက်သူ ၁၅ ဦးခန့်ရှိပြီး မြန်မာဘက်မှလည်း နေ့ချင်းပြန်ခရီးသည် ၅၀ ဦး ၊ ၇ ရက်ဗီဇာဖြင့် သွားသူ ၂၀ ဦးခန့် ရှိနေကြောင်း သိရှိရပါသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။