သင်္ဃန်းကျွန်းမြို့နယ်တွင် ရှို့မီးသဖွယ် ဖြစ်ပွားခဲ့သော အစ္စလာမ် စာသင်ကျောင်းမှ တာဝန်ရှိသူများနှင့် ပတ်ဝန်းကျင် နေထိုင်သူများကို ရဲတပ်ဖွဲ့က စစ်ဆေးနေ

သင်္ဃန်းကျွန်းမြို့နယ်ရှိ ရှို့မီးသဖွယ် ဖြစ်ပွားခဲ့သော အစ္စလာမ်ဘာသာရေး စာသင်ကျောင်းမှ တာဝန်ရှိသူများနှင့် ပတ်ဝန်းကျင် နေထိုင်သူများကို ရဲတပ်ဖွဲ့က စစ်ဆေးနေကြောင်း သိရသည်။, ဖြစ်စဉ်အနေအထားအရ စက်တင်ဘာ ၄ ရက် နံနက်အစောပိုင်း ၂ နာရီခန့်မှ စတင်ခဲ့ခြင်းဖြစ်ကာ လူသုံးဦးက ဓနိမိုးထားသော အစ္စလာမ် စာသင်ကျောင်းပေါ်သို့ အင်ဂျင်ဝိုင်များ သုတ်ထားသော တုတ်များဖြင့် မီးရှို့ကာ ပစ်တင်ခဲ့ပြီးနောက် မီးမှာသုံးမိနစ်ခန့်သာ လောင်ကျွမ်းနိုင်ခဲ့ကြောင်း ရဲတပ်ဖွဲ့၏ ကနဦးစစ်ဆေးချက် အဖြေများအရ သိရသည်။, သင်္ဃန်းကျွန်းမြို့နယ် ရဲတပ်ဖွဲ့မှူး ဖြစ်သူက "ဖြစ်စဉ်ဖြစ်တယ်ဆိုတဲ့ စသိသိချင်းပဲ ရောက်ရှိနေခဲ့ပြီး အခြေအနေကို ထိန်းထားခဲ့ပါတယ်။ ဘာမှတော့ မဖြစ်ပါဘူး။ လက်ရှိတော့ ကျောင်းတာဝန်ရှိသူတွေကို စစ်ဆေးနေတယ်။ ပြီးတော့ ပတ်ဝန်းကျင် နေထိုင်သူတွေ ဆီကလည်း ဆက်လက်စုံစမ်း သွားမယ်" ဟု ပြောကြားသည်။, မီးရှို့ရာတွင် အသုံးပြုခဲ့သော ဆီအိတ်အား တွေ့ရစဉ် (ဓာတ်ပုံ-အောင်ရဲကို), ယင်း အစ္စလာမ်ဘာသာရေး စာသင်ကျောင်းမှာ သင်္ဃန်းကျွန်းမြို့နယ် ၂ ရပ်ကွက်ရှိ ယုဝလမ်းတွင် တည်ရှိပြီး ကျောင်းဆောင်နှစ်ခုဖြင့် စာသင်ကြားနေကြောင်း၊ ကျောင်းသားဦးရေ ၂၇၀ ရှိပြီး ကျောင်းဆရာ ၃၄ ဦးရှိကြောင်း သိရသည်။, ရှို့မီးသဖွယ် ဖြစ်ပွားခဲ့သော ဂျာမေအာ အာရဗီယာ အစ္စလာမီယာသအ်လီမွလ်ကုရ်အာန်ကျောင်းမှ ဒုတိယကျောင်းအုပ် ဖြစ်သူက "ကျွန်တော်တို့ အနေနဲ့ကတော့ ရဲတပ်ဖွဲ့က လာရောက်စစ်ဆေးတာကို ပြန်လည်ဖြေကြားတယ်။ နောက်ပြီး ဓနိမိုးထားတဲ့ကျောင်းကို သွပ်မိုးဖို့အတွက် သက်ဆိုင်ရာကို တင်ထားခဲ့ဖူးတာ မှန်ပါတယ်။ ဒါပေမဲ့ ချမပေးခဲ့ပါဘူး" ဟု ပြောသည်။, လက်ရှိတွင် ယင်းအစ္စလာမ်ဘာသာရေး စာသင်ကျောင်းမှ ကျောင်းအုပ်ဦးခင်အောင်နှင့် အဆောင်ဆရာနှစ်ဦးကို မြို့နယ်ရဲတပ်ဖွဲ့၊ မြို့နယ်မီးသတ် ဦးစီးဌာနနှင့် မြို့နယ်အုပ်ချုပ်ရေးမှူးများက စစ်ဆေးနေသည့်အပြင်  ယင်းကျောင်းဝန်းကျင်အနီး နေထိုင်သူ ငါးဦးခန့်ကိုလည်း စစ်ဆေးနေကြောင်း သင်္ဃန်းကျွန်းမြို့နယ် ရဲတပ်ဖွဲ့မှူးရုံးမှ သိရသည်။, မီးရှို့ခဲ့သည်ဟူသော အစ္စလာမ်ဘာသာရေး စာသင်ကျောင်းမှာ ၁၉၈၀ ခုနှစ်က စတင်တည်ထောင် စာသင်ကြားခဲ့ကြောင်း၊ ၎င်းစာသင်ကျောင်းရှိသော လမ်းမှာလည်း အစ္စလာမ် ဘာသာဝင်များသာ နေထိုင်ကြောင်း ပတ်ဝန်းကျင် နေထိုင်သူများ၏ ပြောကြားချက်အရ သိရသည်။, ၎င်းအပြင် လာရောက်မီးရှို့မှု ဖြစ်ပွားခဲ့သည်ဆိုသော ဓနိမိုး စာသင်ကျောင်းကိုလည်း ၁၉၉၅ ခုနှစ်က သွပ်မိုးအဖြစ် တည်ဆောက်ရန် သက်ဆိုင်ရာ မြို့နယ်ရုံးများသို့ တင်ပြခဲ့သော်လည်း ခွင့်ပြုမိန့် မရရှိခဲ့ကြောင်း သိရသည်။

ရဲစခန်းများတွင် ပြစ်မှုကျူးလွန်သူဟု သံသယရှိသူနှင့် တရားခံများကို စစ်ဆေးရာ၌ မိသားစုဝင်များ လာရောက်ကြည့်ရှုခွင့်ပြု

မြန်မာနိုင်ငံ အတွင်းရှိ ရဲစခန်းများတွင် ပြစ်မှုကျူးလွန်သူဟု သံသယရှိသူများနှင့် တရားခံများကို စစ်ဆေးရာ၌ မိသားစုဝင်များနှင့် စိတ်ပါဝင်စားသူများကို လာရောက်ကြည့်ရှုခွင့်ပြုရန် ညွှန်ကြားထားကြောင်း မြန်မာနိုင်ငံ ရဲတပ်ဖွဲ့ဌာနချုပ်၊ လုံခြုံရေးဌာနမှ ဒုတိယရဲမှူးကြီး မင်းအောင်က ပြောကြားသည်။

ယင်းကဲ့သို့ ပြစ်မှုကျူးလွန်သူဟု သံသယရှိသူများနှင့် တရားခံများကို အမှုစစ်ဆေးရာ၌ လာရောက်ကြည့်ရှုခွင့် ပြုရခြင်းမှာ ပွင့်လင်းမြင်သာမှု ရှိကြောင်းကို အများပြည်သူသိရှိရန် ရည်ရွယ်ကြောင်း သိရသည်။

အမှုစစ်အရာရှိ၏ အမှုစစ်ဆေးမှုကို CCTV မှတစ်ဆင့် တိုက်ရိုက်မှတ်တမ်းတင် ရိုက်ကူးထားရာ ရဲစခန်းအတွင်း ထားရှိသည့် တီဗွီသို့မဟုတ် ကွန်ပျူတာ ပရင်တာမှတစ်ဆင့် ကြည့်ရှုနိုင်ကြောင်း သိရသည်။

အဆိုပါဖြစ်စဉ်နှင့် ပတ်သက်၍ "အခု တစ်နိုင်ငံလုံးမှာရှိတဲ့ ရဲစခန်းတွေမှာ အမှုစစ်တဲ့ အခန်းနဲ့ လာရောက်တိုင်ကြားတဲ့ နေရာတွေကို CCTV ကင်မရာတွေ တပ်ဆင်ရမယ်လို့ ညွှန်ကြားထားတယ်။ တပ်ဆင်မှု အပိုင်းကို မြန်မာနိုင်ငံ ရဲတပ်ဖွဲ့ဌာနချုပ်က ဦးစီးပြီး ဆောင်ရွက်နေတယ်။ အချို့အမှုသည်တွေ၊ ပြစ်မှုကျူးလွန်တဲ့ သူတွေက တိုင်ကြားမှုတွေ ရှိနေတဲ့အတွက် CCTV ကင်မရာတွေကို တပ်ဆင်ရခြင်း ဖြစ်တယ်။ အဓိကကတော့ ပွင့်လင်းမြင်သာမှု ရှိတယ်ဆိုတာကို ပြသခြင်း ဖြစ်တယ်။ အမှုစစ်ဆေးနေတဲ့ အပိုင်းတွေကို မိသားစုဝင်တွေနဲ့ စိတ်ဝင်စားသူတွေက ရဲစခန်းမှာ CCTV ကင်မရာကနေတစ်ဆင့် ရိုက်ကူးထားတာကို အမှုစစ်ဆေးနေတဲ့ အချိန်နဲ့ တစ်ပြေးညီ လာရောက်ကြည့်လို့ ရပါတယ်" ဟု မြန်မာနိုင်ငံ ရဲတပ်ဖွဲ့ ဌာနချုပ်၊ လုံခြုံရေးဌာနမှ တာဝန်ရှိသူ ဒုတိယရဲမှူးကြီး မင်းအောင်က စက်တင်ဘာ ၃ ရက်နေ့ နံနက်က ပြောကြားသည်။

ပြည်သူများက အမှုလာရောက် တိုင်ကြားသည့် ဖြစ်စဉ်အချို့တွင် ရဲတပ်ဖွဲ့မှ အမှုမဖွင့်ပေးခြင်းနှင့် ကျူးလွန်သူဟု ယူဆရသူနှင့် တရားခံများကို ရဲတပ်ဖွဲ့က စစ်ဆေးရာ၌ ညှဉ်းပန်းနှိပ်စက်မှုများ ရှိနေသည်ဟု ပြည်သူအချို့က သက်ဆိုင်ရာ အသီးသီးသို့ တိုင်ကြားပြီးနောက် ရဲစခန်း အားလုံးတွင် CCTV ကင်မရာများ တပ်ဆင်ရန် ညွှန်ကြားခဲ့ခြင်း ဖြစ်သည်။ 

မလေးရှားနိုင်ငံတွင် အဖမ်းခံရသည့် မြန်မာများကို မြန်မာသံရုံးမှ စစ်ဆေးပြီး ပြည်တွင်းသို့ ပြန်လည်ခေါ်ယူရန် စီစဉ်

မလေးရှားနိုင်ငံတွင် တရားမ၀င် အလုပ်သမားများကို အထူးစီမံချက်ဖြင့် နိုင်ငံအနှံ့ ပိုက်စိပ်တိုက် ဖမ်းဆီးနေမှုကြောင့် တရားမ၀င် သွားရောက်အလုပ် လုပ်ကိုင်နေသည့် မြန်မာနိုင်ငံသားများ ဖမ်းဆီးခံနေရသဖြင့်  မလေးရှားနိုင်ငံရှိ မြန်မာသံရုံးမှ စစ်ဆေးကာ ပြည်တွင်းသို့ ပြန်လည်ခေါ်ဆောင်ရန် စီစဉ်နေကြောင်း စက်တင်ဘာ ၄ ရက်နံနက်က နိုင်ငံခြားရေး ၀န်ကြီးဌာနမှ ညွှန်ကြားရေးမှူးချုပ် ဦးသာအောင်ညွန့်က The Daily Eleven သို့ ပြောကြားသည်။  

ယင်းကဲ့သို့ မလေးရှားနိုင်ငံအတွင်း တရားမ၀င် အလုပ်သမားများကို အထူးစီမံချက်ဖြင့် ဖမ်းဆီးနေမှုကြောင့် မြန်မာနိုင်ငံသားများ အပါအ၀င် အင်ဒိုနီးရှား၊ ဘင်္ဂလားဒေရှ့်၊ နီပေါ၊ ကမ္ဘောဒီးယား၊ အိန္ဒိယ၊ နိုင်ဂျီးရီးယား စသည့်နိုင်ငံများမှ တရားမ၀င် အလုပ်သမားများ ဖမ်းဆီးခံနေရကြောင်း သတင်းရရှိသည်။

မလေးရှားနိုင်ငံတွင် တရားမ၀င် အလုပ်လုပ်ကိုင် နေမှုများကြောင့် ဖမ်းဆီးခံရသည့် မြန်မာနိုင်ငံသားဦးရေ ၅၅၀ ၀န်းကျင်ခန့် ရှိနေသည်ဟု သတင်းရရှိထားသော်လည်း ယခုအချိန်အထိ (စက်တင်ဘာ ၄ ရက် နံနက် ၁၁ နာရီ) မလေးရှားနိုင်ငံရှိ မြန်မာသံရုံးသို့ မလေးရှားနိုင်ငံ သက်ဆိုင်ရာဌာနမှ တရားဝင် အကြောင်းကြားမှု မရှိသေးကြောင်း နိုင်ငံခြားရေး ၀န်ကြီးဌာနမှ သိရသည်။

"အခု မလေးရှားနိုင်ငံမှာ မြန်မာနိုင်ငံသားတွေ အများအပြား အဖမ်းခံရနေတယ် ဆိုတာကို သတင်းရရှိထားတယ်။ အချို့ အဖမ်းခံရတဲ့ နိုင်ငံခြားသားတွေကလည်း မြန်မာနိုင်ငံသား ဖြစ်တယ်ဆိုပြီး လိမ်ညာပြောဆိုမှုတွေ ရှိနေတဲ့အတွက် အဖမ်းခံနေရတဲ့ မြန်မာတွေအားလုံးက မြန်မာနိုင်ငံသားတွေ ဟုတ်မဟုတ်ဆိုတာကို မလေးရှားနိုင်ငံမှာရှိတဲ့ မြန်မာသံရုံးကနေတစ်ဆင့် စစ်ဆေးသွားမယ်။ တချို့ကိစ္စတွေမှာလည်း ကိုယ့်လိုအင်ဆန္ဒအတိုင်း အားလုံးမပြည့်နိုင်ဘူး။ သူတို့နိုင်ငံမှာလည်း သူတို့ဥပဒေတွေ၊ စည်းကမ်းချက်တွေ ရှိတယ်။ သူတို့ဥပဒေအတိုင်း စည်းကမ်းဖောက်ဖျက်တဲ့ သူတွေက ခံယူပြီးရင်တော့ မြန်မာနိုင်ငံကို ပြန်လာချင်တဲ့ မြန်မာနိုင်ငံသားတိုင်း အဆင်ပြေစွာ အခမဲ့ ပြန်လာနိုင်ဖို့ကို စီစဉ်နေပါတယ်" ဟု စက်တင်ဘာ ၄ ရက် နံနက်က နိုင်ငံခြားရေး ၀န်ကြီးဌာနမှ ညွှန်ကြားရေးမှူးချုပ် ဦးသာအောင်ညွန့်က ဆိုသည်။

ယင်းကဲ့သို့ စီစဉ်နေမှုကို နိုင်ငံခြားရေး ၀န်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနနှင့် ဆက်စပ်ဝန်ကြီးဌာနများ ပါဝင်ကြောင်း သတင်းရရှိသည်။

"သမီးဖြစ်တဲ့သူက အရင်တစ်ခေါက်တည်းက ပြန်လာချင်နေပေမယ့် အလုပ်ရှင်နဲ့ ချုပ်ထားတဲ့ စာချုပ်သက်တမ်းက မပြည့်သေးလို့ဆိုပြီး ပြန်မလာခဲ့ရဘူး၊ အခု မလေးမှာ ဖမ်းဆီးမှုတွေ ရှိနေတယ်ဆိုတဲ့ အခါကျတော့ သမီးမှာ ထွက်ပြေးနေရတယ်။ အခု အဖမ်းခံရတဲ့ သူတွေကို ကြိမ်ဒဏ်တွေ ပေးနေတယ်လို့ သတင်းကြားနေရတယ်။ မိန်းကလေးဆိုတော့ အရမ်းကို စိတ်ပူမိတယ်။ ဖြစ်နိုင်ရင် သမီးကို မြန်မာနိုင်ငံဆီ အမြန်ဆုံး ပြန်ရောက်ချင်နေပါပြီ" ဟု မလေးရှားနိုင်ငံ ကပုန်းမြို့တွင် အလုပ်လုပ်နေသည့် အမျိုးသမီးတစ်ဦး၏ အမေဖြစ်သူ ဒေါ်မြင့်မြင့်သိန်းက ပြောပြသည်။ 

မြန်မာနိုင်ငံတွင် Mobile Banking စနစ် စက်တင်ဘာလအတွင်း စတင်အသုံးပြုနိုင်မည်

မိုဘိုင်းဖုန်းမှတစ်ဆင့် ငွေပေးချေနိုင်သည့် Mobile Banking စနစ်အား မြန်မာနိုင်ငံရှိ ပြည်တွင်းပုဂ္ဂလိက ဘဏ်များ၌ စက်တင်ဘာလအတွင်း စတင်အသုံးပြုနိုင်မည်ဖြစ်ကြောင်း မြန်မာနိုင်ငံတော် ဗဟိုဘဏ်မှ သိရသည်။

အဆိုပါ မိုဘိုင်းဖုန်းမှတစ်ဆင့် ငွေပေးချေနိုင်သည့် Mobile Banking စနစ်အား ပြည်တွင်း၌ အသုံးပြုနိုင်ရန်အတွက် မြန်မာနိုင်ငံတော် ဗဟိုဘဏ် အနေဖြင့် အဆင့်ဆင့် ဆောင်ရွက်ချက်များဖြင့် လုပ်ကိုင်ဆောင်ရွက်ခဲ့ပြီး စီးပွားရေးရာ ကော်မတီသို့ တင်ပြထားပြီး စီးပွားရေးရာ ကော်မတီမှတစ်ဆင့် နောက်ဆုံးအဆင့် အနေဖြင့် Cabinet အဖွဲ့သို့ တင်ပြထားကာ အဆိုပါအဖွဲ့မှ ခွင့်ပြုချက် ရသည့်အခါ ပြည်တွင်းပုဂ္ဂလိက ဘဏ်များအနေဖြင့် စတင်လုပ်ကိုင် ဆောင်ရွက်နိုင်မည်ဖြစ်ကြောင်း သိရသည်။

"ဆရာတို့အနေနဲ့ ဒီစနစ်ကို လုပ်ကိုင်နိုင်ဖို့အတွက် အဆင့်ဆင့် တင်ပြထားပြီးပါပြီ။ နောက်ဆုံးအဆင့် အနေနဲ့ Cabinet အဖွဲ့ကို တင်ပြထားပါတယ်။ ဒီစက်တင်ဘာလ အတွင်းမှာပဲ အသုံးပြုနိုင်အောင် စီစဉ်ဆောင်ရွက် နေပါတယ်" ဟု မြန်မာနိုင်ငံတော် ဗဟိုဘဏ်မှ တာဝန်ရှိသူတစ်ဦးက ပြောကြားသည်။

မိုဘိုင်းဖုန်းမှတစ်ဆင့် ငွေပေးချေနိုင်သည့် စနစ်အား လုပ်ကိုင်နိုင်ရန်အတွက် ပြည်တွင်းပုဂ္ဂလိက ဘဏ်များအနေဖြင့် မြန်မာနိုင်ငံတော် ဗဟိုဘဏ်သို့ တင်ပြထားပြီး တင်ပြထားသည့် ဘဏ်များမှာ ပထမပုဂ္ဂလိကဘဏ် လီမီတက်၊ သမ၀ါယမဘဏ် လီမိတက်၊ အင်းဝဘဏ် လီမီတက်နှင့် မြ၀တီဘဏ်တို့ဖြစ်ကြောင်း သိရသည်။

မြန်မာနိုင်ငံတော် ဗဟိုဘဏ်အနေဖြင့် Mobile Banking လုပ်ငန်း လုပ်ဆောင်နိုင်ရန်အတွက် မိုဘိုင်းဘဏ် လုပ်ငန်းဆိုင်ရာ ညွှန်ကြားချက် ဒုတိယမူကြမ်းကို ဘဏ်များသို့ (၂၄.၁၂.၂၀၁၂) တွင် ရှင်းလင်းဆွေးနွေးခဲ့သည်။

အဆိုပါ အကြောင်းအရာနှင့် ပတ်သက်၍ ဆွေးနွေးခဲ့ရာတွင် မိုဘိုင်းဘဏ်လုပ်ငန်း ဆောင်ရွက်ရန် အသင့်ဖြစ်နေသည့်ဘဏ်မှာ အနည်းငယ်သာရှိပြီး ယင်းဘဏ်များကိုလည်း မိုဘိုင်းဘဏ်လုပ်ငန်း ဆောင်ရွက်ရန် ကြိုတင်ပြင်ဆင်မှု လုပ်ငန်းများ ဆောင်ရွက်နိုင်ရန် အကြောင်းကြားထားကြောင်း သိရသည်။

ထို့ပြင် Mobile Banking လုပ်ကိုင်ဆောင်ရွက်ပါက မြန်မာ့ဆက်သွယ်ရေး လုပ်ငန်း၏ Network ကို သုံးစွဲသွားမည်ဖြစ်ပြီး မြန်မာနိုင်ငံတော် ဗဟိုဘဏ်အနေဖြင့် မြန်မာ့ဆက်သွယ်ရေးလုပ်ငန်းနှင့် နည်းပညာပိုင်းဆိုင်ရာ ကွန်ရက်ချိတ်ဆက်နိုင်ရန် ဆွေးနွေးညှိနှိုင်းမှုများ ပြုလုပ်ခြင်းများအပြင် Software နှင့် Hardware တို့ကို ကိုင်တွယ်အသုံးပြုနိုင်ရန်အတွက် ဘဏ်ဝန်ထမ်းများအား လေ့ကျင့်သင်ကြားပေးခြင်း၊ အကျိုးတူ ပူးပေါင်းဆောင်ရွက်မည့် Partner များအား Agent သင်တန်းများ လေ့ကျင့်ပေးလျက် ရှိသည်။

ဆီးရီးယားကို တိုက်ခိုက်မယ့်အစီအစဉ် အမေရိကန်လူထုသဘောမတူ

ဓာတုလက်နက်တွေ အသုံးပြုခဲ့တယ်ဆိုပြီး ဆီးရီးယားအပေါ် စစ်ရေးအရ အရေးယူဖို့ အမေရိကန် သမ္မတ ဘရက်ခ် အိုဘားမား (Barak Obama) နဲ့ ထိပ်တန်းလွှတ်တော် အမတ်တချို့က အခိုင်အမာ ထောက်ခံနေကြပေမဲ့ အမေရိကန် လူထုက လက်ခံအောင် လုပ်ဖို့တော့ လိုအပ်နေဆဲ ဖြစ်ပါတယ်။

Washington Post သတင်းစာနဲ့ ABC News ရုပ်သံဌာနတို့ရဲ့ လူထုစစ်တမ်း မှာတော့ ဆီးရီးယား အစိုးရကို မစ်ဇိုင်းဒုံးပျံတွေနဲ့ တိုက်ခိုက်မယ့် အစီအစဉ်ကို ဆန့်ကျင်သူ ၅၉ ရာခိုင်နှုန်းနဲ့ ထောက်ခံသူက ၃၆ ရာခိုင်နှုန်းသာ ရှိနေတာကို
တွေ့ခဲ့ရတာပါ။

ဗြိတိန်နဲ့ ပြင်သစ်တို့လို တခြားမဟာမိတ် နိုင်ငံတွေနဲ့အတူ လေကြောင်း ထိုးစစ်ဆင်မယ် ဆိုရင်တော့ ထောက်ခံသူက ၄၆ ရာခိုင်နှုန်း ရှိပါတယ်။ ထင်ရှားတဲ့ Pew သုတေသနဌာနရဲ့ စစ်တမ်းမှာတော့ လေကြောင်းက တိုက်ခိုက်မှုကို ကန့်ကွက်သူ ၄၈ ရာခိုင်နှုန်းနဲ့ ထောက်ခံသူ ၂၉ ရာခိုင်နှုန်းသာ ရှိနေတာပါ။

စစ်တမ်းကောက်ခံမှုရဲ့ ၇၄ ရာခိုင်နှုန်းကတော့ လေကြောင်း ထိုးစစ်တွေကြောင့် အမေရိကန် ဆန့်ကျင်တဲ့အမြင်တွေ ပေါ်ပေါက်နိုင်တယ်လို့ မြင်ကြသလို၊ ၆၁ ရာခိုင်နှုန်းကတော့ အမေရိကန်အနေနဲ့ စစ်ပွဲမှာ ရေရှည်ပါဝင်သွားရမယ့် အခြေအနေမျိုး ဖြစ်လာနိုင်တယ်လို့ ယူဆကြပါတယ်။

စစ်တမ်း ၂ ခုစလုံးကိုတော့ စစ်ရေးအရ အရေးယူမယ့် အစီအစဉ်တွေကို ထောက်ခံမှုရအောင် သမ္မတ အိုဘားမားနဲ့ ထိပ်တန်း အစိုးရအရာရှိတွေ နောက်ဆုံးအကြိမ် ကြိုးပမ်းခဲ့တဲ့ အချိန်မတိုင်မီ သြဂုတ်လ ၂၉ ရက်နေ့ကနေ စက်တင်ဘာလ ၁ ရက်နေ့အတွင်း လူပေါင်း ၁ ထောင်ကျော်ရဲ့ သဘောထားတွေကို အခြေခံစစ်တမ်း ကောက်ယူထားတာ ဖြစ်ပါတယ်။

ဆီးရီးယားကိုအရေးယူဖို့ အထက်လွှတ်တော် နိုင်ငံခြားရေးကော်မတီဆုံးဖြတ်

ဆီးရီးယားကို စစ်ရေးအရ အရေးယူဖို့အတွက် အမေရိကန် အထက်လွှတ်တော် နိုင်ငံခြားဆက်ဆံရေး ကော်မတီက ထောက်ခံလိုက်ပါတယ်။
အရပ်သားတွေကို ဓာတုလက်နက်သုံး တိုက်ခိုက်ခဲ့တဲ့ ဆီးရီးယားအစိုးရကို စစ်ရေးအရ အရေးယူဖို့အတွက် ထောက်ခံမဲ ၁၀ မဲ၊ ကန့်ကွက်မဲ ၇ မဲနဲ့ ဗုဒ္ဓဟူးနေ့မှာ အမေရိကန်သမ္မတ ဘရက်ခ် အိုဘားမား (Barack Obama) ကို လုပ်ပိုင်ခွင့် ပေးခဲ့တာဖြစ်ပါတယ်။

အရေးယူတဲ့ကာလကို ရက်ပေါင်း ၉၀ ထက် မပိုရဆိုတဲ့ သတ်မှတ်ချက်ထားဖို့  အထက်လွှတ်တော်က ဆုံးဖြတ်ချက် ချခဲ့ပါတယ်။ ဒါ့အပြင် အမေရိကန် ကြည်းတပ်သားတွေကို ဆီးရီးယားမှာ ချမထားဖို့ သတ်မှတ်လိုက်ပြီး  အမေရိကန် ပြည်ထောင်စုကို နောက်ထပ် စစ်ပွဲတပွဲ ထပ်ပြီး မနွှဲစေချင်တဲ့ လွှတ်တော်အမတ်တွေကို အာမခံချက်ပေးခဲ့ပါတယ်။

ဒီဆုံးဖြတ်ချက်အတွက် အထက်လွှတ်တော်မှာ မဲခွဲမှာဖြစ်သလို အောက် လွှတ်တော်မှာလည်း မဲခွဲဆုံးဖြတ်ချက် ရယူမှာဖြစ်ပါတယ်။ အထက်လွှတ်တော် မှာ ပါတီ ၂ ရပ်စလုံးက အမြန် ဆုံးဖြတ်လုပ်ဆောင်ကြဖို့  သမ္မတအိမ်ဖြူက
ကြေညာချက်ထုတ်ပြန် ပြောဆိုခဲ့ပြီး  အခုလို ဆီးရီးယားကို အရေးယူဖို့ ဆုံးဖြတ်ချက် ချတာဟာ  အမေရိကန်နိုင်ငံရဲ့ အမျိုးသားလုံခြုံရေး တိုးမြင့် ခိုင်မာစေဖို့ ဖြစ်တယ်လို့ ဆိုပါတယ်။

ဆီးရီးယားကိစ္စအတွက် ဘောင်သတ်မှတ်မှုကို သမ္မတ အိုဘားမားက  ချမှတ်လုပ်ဆောင်တာမဟုတ်ဘဲ၊ ပထမကမ္ဘာစစ်ကြီးအပြီး အဆိပ်ဓာတ်ငွေ့ သုံးစွဲမှုကို တားမြစ်ခဲ့တာဟာ တကမ္ဘာလုံးအတိုင်းအတာနဲ့ လုပ်ဆောင်ခဲ့တာ သာဖြစ်ကြောင်း သမ္မတ အိုဘားမား က လွှတ်တော်မှာ မဲခွဲ မဆုံးဖြတ်ခင်မှာပဲ
ပြောကြားခဲ့ပါတယ်။

အလုပ်ချိန် ၈ နာရီထက် ပိုမိုခိုင်းစေခံရလျှင် တိုင်ကြားနိုင်သည် ဟုဆို

အလုပ်ချိန် ၈ နာရီနှင့် အချိန်ပို ၃ နာရီထက် ပိုခိုင်းသည့် စက်ရုံ၊ အလုပ်ရုံနှင့် ကုမ္ပဏီများကို တိုင်ကြားပါက ဝန်ကြီးဌာနက စစ်ဆေးကာ တရားစွဲသွားမည် ဖြစ်ကြောင်း သိရသည်။

မည်သည့် အလုပ်သမားမဆို သတ်မှတ် အလုပ်ချိန်ထက် ကျော်လွန်အောင် ခိုင်းစေခြင်းခံရပါက အလုပ်သမား ဝန်ကြီးဌာနသို့ တိုင်ကြားနိုင်ကြောင်း၊ အဆိုပါ တိုင်ကြားချက်ကို မူတည်ကာ စစ်ဆေးမည်ဖြစ်ပြီး အလုပ်ရှင်၊ အလုပ်သမား နှစ်ဦးနှစ်ဘက် ညှိနှိုင်းပေးမည် ဖြစ်သော်လည်း မရပါက အလုပ်ရှင်ကို တရားစွဲမည်ဟု အလုပ်သမား ညွှန်ကြားရေးဦးစီးဌာန ဒု ညွှန်ကြားရေး မှူးချုပ် ဦးစောနိုင်က ပြောသည်။

"ပုဂ္ဂလိကဖြစ်ဖြစ်၊ အစိုးရဖြစ်ဖြစ် ဘယ်အလုပ်သမားမဆို ဝန်ကြီးဌာနကို တိုင်မယ်ဆိုရင် ဖြေရှင်းပေးမှာပါ။ ဘယ်လိုပဲဖြစ်ဖြစ် အလုပ်သမား အခွင့်အရေးအရ အိမ်ဖော် ဆိုရင်တောင် ၈ နာရီထက် ပိုလုပ်ရရင် တိုင်လို့ရတယ်၊ ဖြေရှင်းလို့ မရရင်တော့ အလုပ်ရှင်ကို တရားစွဲမှာပါ" ဟု ဒု ညွှန်ကြားရေးမှူးချုပ် ဦးစောနိုင်က ဧရာဝတီသို့ ပြောသည်။

ဝန်ကြီးဌာနသို့ တိုင်ကြားနိုင်သည့် အစီအစဉ်ကို စတင် ဆောင်ရွက်နေပြီ ဖြစ်ပြီး သာမန် တိုင်ကြားမှုမျိုးနှင့် ပစ်စာများအတွက် တိုင်ကြားသူ၏ အမည်ကို လျှို့ဝှက်ပေးထားမည် ဖြစ်ကြောင်း၊ ဝန်ထမ်း နစ်နာမှု တိုင်ကြားခြင်း အတွက်သာ အမည်ဖော်ပြပြီး ဖြေရှင်းသွားမည် ဖြစ်ကြောင်း သိရသည်။

"ဝန်ထမ်းတွေ ဘက်က တိုင်ဖို့ဆိုတာ ခက်တယ်၊ စက်ရုံ အလုပ်ရုံတွေက အချိန်ပိုခိုင်းတယ် ဆိုတာကို ဌာနက ဝင်စစ်ပေါ့၊ အလုပ်သမားတွေ ဘက်က အချိန်ပို ဆင်းတယ်ဆိုတာ ဖိစီးမှု သိပ်ကိုကြီးတယ်လေ။ တိုင်ရင် အရေးယူပါမယ် ဆိုတာကတော့ ၁၀ စုနှစ် တခုလောက် ပြောလာတာပဲ၊ လက်တွေ့ကျကျ ကွင်းဆင်း ကျပ်မတ်ဖို့တော့ လိုတာပေါ့။ တိုင်တဲ့ အလုပ်သမားကို
ဥပဒေအရ ဘယ်လို အကာအကွယ် ပေးမလဲဆိုတာလည်း လိုသေးတယ်။ ဝန်ထမ်းကို တိုင်လို့ မဖြုတ်ပစ်ပေမယ့် နည်း အမျိုးမျိုး သုံးပြီး ဖြုတ်ချင်ရင် ရတာပဲလေ" ဟု အလုပ်သမား၊ အလုပ်ရှင် အငြင်းပွားမှုဆိုင်ရာ ဖြေရှင်းရေး ခုံသမာဓိ ကောင်စီဝင် ဦးရဲနိုင်ဝင်းက ပြောသည်။

စက်ရုံ၊ အလုပ်ရုံများတွင် အချိန်ပိုနှင့် All Night (တညလုံး အလုပ်ချိန်ပို ဆင်းရခြင်း) များ ရှိခဲ့သည်မှာ ဆယ်စုနှစ် တစုပင် ကျော်ခဲ့ပြီဖြစ်ကြောင်း သူက ဆိုသည်။

"ကျမတို့က အလုပ်ချိန်ပို ဆင်းခိုင်းလို့ တိုင်ရမယ် ဆိုတာတော့ ခက်တယ်။ နာမည် မဖော်ဘူးပဲ ပြောပြော၊ တဆင့်စကားနဲ့ တိုင်တယ်ဆိုတာ ပေါ်သွားရင် ပြဿနာ ဖြစ်နိုင်တယ်လေ။ အော်ဒါထည် ပါးတဲ့ အချိန်တွေ ဆိုရင်တော့ အချိန်ပို သိပ် မဆင်းရဘူး၊ အထည်တွေပုံ လာပြီ ဆိုရင်တော့ တပတ်၊ နှစ်ပတ် ဆက်တိုက် ညလုံးပေါက် ဆင်းခိုင်းတာတွေ ရှိတယ်" ဟု မင်္ဂလာဒုံ စက်မှုဇုန်အတွင်းရှိ အထည်ချုပ် စက်ရုံတရုံမှ အလုပ်သမ မသဲစုမွန်က ပြောပြသည်။

မင်္ဂလာဒုံ စက်မှုဇုန်နှင့် အနီးတဝိုက်ရှိ အထည်ချုပ် စက်ရုံအများစုတွင် အလုပ်ချိန်ကို မနက် ၈ နာရီမှ ည ၉ နာရီအထိ ပျှမ်းမျှ သတ်မှတ်လေ့ရှိပြီး အလုပ်များသည့်အပေါ် မူတည်ကာ ည ၁၂ နာရီ အထိလည်းကောင်း၊ မနက် ၆ နာရီ အထိလည်းကောင်း ထပ်မံ အချိန်ပို ဆင်းရလေ့ရှိကြောင်း သိရသည်။

အချိန်ပိုကြေးကိုမူ တနာရီလျှင် ကျပ် ၃၀၀ မှ ၈၀၀ ကျပ် အကြား တွက်ကာ ပေးကြောင်း၊ ညလုံးပေါက် အလုပ် ဆင်းရသူများ ကို ညစာစားရန် အတွက် မုန့်ဖိုး ၅၀၀ ကျပ်မှ ၁၀၀၀ ကျပ် အကြား ပေးကြောင်း အလုပ်သများများက ပြောကြသည်။

စက်ရုံ အလုပ်ရုံများအပြင်၊ ပုဂ္ဂလိက ကုမ္ပဏီတချို့တွင်လည်း အလုပ်ချိန် ပိုဆင်းရသော်လည်း အချိန်ပိုကြေး မရသည့် ပြဿနာများ ရှိကြောင်း၊ တခါတရံတွင် ဝန်ထမ်းလစာကို သတ်မှတ်ရက်ထက် တပတ်၊ ၂ ပတ် နောက်ကျပြီးမှ ထုတ်ပေးခြင်း၊ အလုပ်တက်ချိန် နောက်ကျသည်နှင့် နောက်ကျကြေးဟု ဆိုကာ ကျပ် ၁၀၀၀ မှ ၂၀၀၀ ကျပ် အထိ လစာငွေထဲမှ ဖြတ်ယူခြင်း၊ နေထိုင်မကောင်း၍ ခွင့်ယူပါကလည်း တရက်စာ ပျက်ရက်ကြေး အဖြစ် လစာဖြတ်ခြင်းများ ရှိကြောင်း သိရသည်။

ဆယ်တန်းကျောင်းသား သေဆုံးမှုအတွက် စွပ်စွဲခံရသည့်ရဲကို တရားရုံးကအမိန့်ချတော့မည်

အသက် ၁၅ နှစ်အရွယ် ဒသမတန်းကျောင်းသားတစ်ဦး သေဆုံးမှုအတွက် တရားစွဲခံထားရသည့် ရဲ 
ဒု-တပ်ကြပ် သဲမောင်မောင်၏ အမှုကို လာမည့်စက်တင်ဘာ ၁၀ ရက်တွင် ရွှေတောင်မြို့နယ်တရားရုံးက အမိန့် ချတော့မည်ဟု အဆိုပါတရားရုံးမှ စုံစမ်းရရှိသည်။

သာမန်အတိုင်းဆိုလျှင် စက်တင်ဘာ ၃ ရက်က ထိုအမှုကိုအမိန့်ချမှတ်ရမည်ဖြစ်သော်လည်း ဒု-တပ်ကြပ် သဲမောင်မောင်သည် နှလုံးသွေးကြောကျဉ်းရောဂါရှိနေကြောင်း ဆရာဝန်ကထောက်ခံသဖြင့် တရားသူကြီးက ခွင့်ပေးခဲ့ကြောင်းလည်း စုံစမ်းရရှိသည်။

အမှု၏တရားလိုဖြစ်သည့် သေဆုံးသူကျောင်းသား၏ ဖခင်ဦးအေးဟုန်ကမူ ဒု- တပ်ကြပ်က ထိုသို့တရားရုံးကို ခွင့်တိုင်ကြားခြင်းသည် အချိန်ဆွဲနေခြင်းဖြစ်သည်ဟု စွပ်စွဲပြောဆိုသည်။ သို့သော် သူက "တရားသူ ကြီးကတော့ ဒါနောက်ဆုံးအကြိမ်လို့ ပြောတယ်" ဟုလည်းရှင်းပြသည်။

ယခုတရားစွဲဆိုထားသော အမှုသည် ပြီးခဲ့သည့် ၂၀၁၂ ခုနှစ်ဇန်န၀ါရီ ၃ ရက်က ပြည်မြို့၊ စည်တော်မင်္ဂလာ ရပ်ကွက်တွင် ဖြစ်ပွားခဲ့သော ကျောင်းသားတစ်ဦး သေဆုံးပြီး၊ ကျန်လူငယ်တစ်ဦး အပြင်းအထန် ဒဏ်ရာ ရသွားသည့်ကိစ္စဖြစ်သည်။

သေဆုံးသူ မောင်ကောင်းဆက်ပိုင်နှင့် ဒဏ်ရာရရှိသွားသူ ကိုဇော်လင်းဦးတို့သည် ထိုနေ့က ဆိုင်ကယ်စီးနင်း သွားလာနေစဉ် ဒု-တပ်ကြပ် သဲမောင်မောင်က ဆိုင်ကယ်ဖြင့်လိုက်လာပြီး နောက်မှထိုင်စီးသူ ကိုဇော်လင်းဦး ကို ဆွဲချခဲ့သလို၊ ဆိုင်ကယ်မောင်းနေသူ မောင်ကောင်းဆက်ပိုင်ကိုလည်း ခြေထောက်ဖြင့် ကန်လိုက်သည်ဟု တရားလိုဘက်က တရားရုံးတွင် စွပ်စွဲထွက်ဆိုထားသည်။

ထို့ကြောင့် ကိုဇော်လင်းဦးမှာ ဆိုင်ကယ်ပေါ်မှပြုတ်ကြကာ ဒဏ်ရာအပြင်းအထန်ရခဲ့သလို၊
မောင်ကောင်းဆက်ပိုင် သည်လည်း ဆိုင်ကယ်အရှိန်မထိန်းနိုင်ဘဲ လဲကျသွားကာ ဓာတ်တိုင်၊ အုတ်ခုံတို့နှင့်
ဆောင့်မိခဲ့ရာ ပြည်မြို့ ဆေးရုံကြီးသို့ ပို့ဆောင်စဉ်လမ်းတွင်ပင် သေဆုံးခဲ့ရသည်ဟုလည်း တရားလိုဘက်က ဆိုထားသည်။

ဒု-တပ်ကြပ် သဲမောင်မောင်ကမူ ခိုက်ရန်ဖြစ်ပွားမှုတစ်ခုတွင် မျက်မြင်သက်သေဖြစ်သော
မောင်ကောင်းဆက်ပိုင် ကို ရဲစခန်း၌သက်သေထွက်ဆိုရန် လိုက်လံရှာဖွေစဉ် လှမ်းတွေ့လိုက်သဖြင့် နောက်မှ လိုက်လံ တားဆီးခဲ့ခြင်းဖြစ်ကြောင်း၊ သူဆိုင်ကယ်နှင့် နောက်မှလိုက်ခဲ့သည်မှာ မှန်ကန်သော်လည်း ၎င်း ဆိုင်ကယ် အနီးသို့ အရောက်တွင် မောင်ကောင်းဆက်ပိုင်တို့စီးလာသည့် ဆိုင်ကယ်မှာ တိမ်းမှောက်ပြီ
ဖြစ်ကြောင်း၊ ဆိုင်ကယ်မှောက်သည်မှာလည်း အနီးရှိသစ်ပင်နှင့်ချိတ်မိ၍ မှောက်ခြင်းဖြစ်နိုင်ကြောင်း တရားရုံးတွင် ခုခံချေပထားသည်။

မောင်ကောင်းဆက်ပိုင် သေဆုံးမှုနှင့် ပတ်သက်၍ မှုခင်းဆရာဝန် ဒေါက်တာ သန်းဝင်းက စစ်ဆေးခဲ့ရာ ဦးခေါင်းခွံနှင့် နံရိုးများကျိုးပဲ့ပြီး ဦးနှောက်အတွင်း သွေး ထွက်လွန်ကာ သေဆုံးခြင်းဖြစ်ကြောင်း၊ သေဆုံး သူသည် အရက်သေစာ သောက်စားထား ခြင်းမရှိကြောင်း မှုခင်းမှတ်တမ်းတွင် မှတ်ချက်ပြုထားသည်။ ကိုဇော်လင်းဦးသည်လည်း အဆုတ်ပေါက်ထွက်ပြီး အဆုတ်အတွင်းသို့ သွေးများ ၀င်ရောက်သဖြင့် ပြည်
ဆေးရုံကြီး တွင် ခွဲစိတ်ကုသခဲ့ရသည်ဟု တရားလိုဘက်မှပြောသည်။

ထိုအမှုကို ပြည်မြို့ရှိ မြို့မရဲစခန်းသို့ တိုင်ကြားသော်လည်း အမှုဖွင့်မပေးသဖြင့် ခရိုင်ရဲမှူးနှင့် တိုင်းရဲမှူးတို့ထံ တိုင်စာရေး သားပေးပို့ခဲ့ကာ မြို့နယ်တရားရုံး၌ ဦးတိုက်လျှောက်ထားခဲ့ရကြောင်း ဦးအေးဟုန်က ပြောသည်။

သေဆုံးသူ၏မိခင် ဒေါ်ကြည်ကြည်မြင့်ကလည်း "စခန်းမှာ အမှုသွားဖွင့်တော့လည်း လက်မခံခဲ့ဘူး။ ခရိုင် ဥပဒေရုံးကို ဦးတိုက်လျှောက်တော့ ခရိုင်ရဲမှူးက အမှုဖွင့်ပေးလိမ့်မယ်ဆိုပြီး တစ်ပတ်စောင့်ခိုင်းတယ်" ဟု ထိုစဉ်က ကြုံတွေ့ခဲ့သည်ကို ပြန်ပြောပြသည်။

ထိုအမှုသည် ရုံးချိန်းပေါင်း ၆၀ ကြိမ်ခန့် တရားရင်ဆိုင်ခဲ့ရပြီး အချိန်နှစ်နှစ်နီးပါးပင် ကြာမြင်ခဲ့ကြောင်း တရားလိုများက ဆိုသည်။

စွပ်စွဲခံထားရသူ ဒု-တပ်ကြပ်သည် ပြစ်မှုဆိုင်ရာ ဥပဒေပုဒ်မ ၃၀၄ (က) ပေါ့လျော့မှုကြောင့် လူသေမှု၊ ပုဒ်မ ၃၃၈ အပြင်းအထန် နာကျင်စေမှုတို့ဖြင့် တရားစွဲခံထားရခြင်းဖြစ်ပြီး သူသည် ရဲလုပ်သက် ၁၂ နှစ်
ကျော်ရှိပြီဖြစ်သည်။

ကလေးအဖေတစ်ဦး ကြိုးဆွဲချ၍ မိမိကိုယ်ကို အဆုံးစီရင်

ကလေးအဖေတစ်ဦး ကြိုးဆွဲချ၍ မိမိကိုယ့်ကိုယ်ကိုအဆုံးစီရင်မှုတစ်ခု သုံးခွမြို့နယ်တွင် စက်တင်ဘာ ၂ ရက်က ဖြစ်ပွားခဲ့ကြောင်း ရန်ကုန်တိုင်းရဲတပ်ဖွဲ့မှူးရုံးမှ သတင်းထုတ်ပြန်သည်။

အဆိုပါကြိုးဆွဲချသေဆုံးမှုမှာ သုံးခွမြို့နယ် မဟာမိတ်ကျေးရွာတွင် ဖြစ်ပွားခဲ့ခြင်းဖြစ်ပြီး ယင်းနေ့မွန်းလွဲ ၁ နာရီ အချိန်တွင် မြို့နယ်ရဲစခန်း တာဝန်ရှိသူများက သက်သေများနှင့်အတူ သွားရောက် စစ်ဆေးခဲ့ကြသည်ဟု ရဲဌာန၏ မှုခင်းမှတ်တမ်းတွင် ဖော်ပြထားသည်။

သေဆုံးသူအမျိုးသားမှာ အသက် ၂၆ နှစ်ရှိပြီဖြစ်ပြီး ၎င်းသည်နေအိမ်အတွင်း ခြောက်ပေခန့်မြင့်သည့် ထုတ်တန်းတွင် ကလေးပုခက်ကြိုးဖြင့်ကြိုးဆွဲချ သေဆုံးနေခြင်းဖြစ်ကြောင်း ရဲတပ်ဖွဲ့က မှတ်တမ်းတင် ထားသည်။

ထိုအမှုနှင့်ပတ်သက်၍ သေဆုံးသူ၏ ဇနီးဖြစ်သူနှင့် မိသားစုဝင်များ၏ ပြောပြချက်အရ ၎င်းသည် အရက် အလွန်အကျွံ သောက်ပြီး စိတ်ပိုင်းဆိုင်ရာ ဝေဒနာခံစားနေရကြောင်း ကနဦးစစ်ဆေးချက်များအရ သိရှိထားရသည်ဟုလည်း ရဲကဆိုထားသည်။

ရဲများက ၎င်းကိစ္စနှင့်ပတ်သက်၍ အမှန်တကယ် ကြိုးဆွဲချ၍သေဆုံးခြင်း ဟုတ်မဟုတ် ဆက်လက်စစ်ဆေးရန် အလောင်းကို သုံးခွဆေးရုံသို့ ပို့ဆောင်ထားကြောင်း၊ ရဲစခန်းကလည်း သေမှုသေခင်းအမှတ်စဉ် ၂၃/ ၂၀၁၃ဖြင့် အမှုဖွင့်ထားကြောင်း တိုင်းရဲဌာနကသတင်းထုတ်ပြန်ထားသည်။

ဇော်ဇော်ထွေး 
Mizzima - News in Burmese

ဘူးသီးတောင် အထကခွဲ (၂) ခြိမ်းခြောက်ခံနေရ

ရခိုင်ပြည်နယ် ဘူးသီးတောင်မြို့ အစိုးရ အထက်တန်းကျောင်းခွဲ (၂) မှ ဆရာ ဆရာမများကို အမည်မသိ ဆူပူ သောင်းကျန်းလိုသူ အချို့မှ ခြိမ်းခြောက်မူများ ရှိနေသည်ဟု သတင်း ရရှိသည်။

၎င်း အထကခွဲ (၂) သည် ဘူးသီးတောင်မြို့ အနောက်ကွင်းခေါ် အမှတ်(၁)ရပ်ကွက်တွင် တည်ရှိပြီး ဘင်္ဂလီ ကျောင်းသား အများစု သင်ကြားနေသော ကျောင်း ဖြစ်သည်ဟု သိရသည်။

လွန်ခဲ့သောလ သြဂတ်စ်လ ၂၁ ရက်နေ့က ၎င်းအခြေခံပညာအထက်တန်းကျောင်းခွဲ(၂) တွင် စစ်ဝတ် ပြောက်ကျား ဂျာကင်(၁) ထည်၊ စစ်ဖိနပ်(၁) ရံ၊ တောဆောင်း စစ်ဦးထုပ် (၁)လုံး၊ ခြေအိတ်(၁) စုံ နှင့် စွပ်ကျယ်(၁)ထည်ကို ကျောင်းဝင်းရှေ့ အုတ်ထရံအနီးတွင် အမည်မသိသူများက လာရောက်ချထားခဲ့သည်ဟု ဆိုသည်။

၎င်းစစ်အသုံးအဆောင် ပစ္စည်းများကို ကျောင်းဝင်းရှေ့တွင် လာရောက် ချထားခြင်းမှာ ဆရာ ဆရာမများကို ခြိမ်းခြောက်လို၍ ဖြစ်ကြောင်း အမည်မဖေါ်လိုသူ ဆရာ တစ်ဦးက ပြောသည်။

၎င်းစစ်အသုံးအဆောင် ပစ္စည်းများကို ရဲတပ်ဖွဲ့က လာရောက် စစ်ဆေးပြီး သိမ်းယူသွားခဲ့သည်ဟု ဆိုသည်။

ယင်းမတိုင်မှီ အစွန်းရောက် အစ္စလာမ်မစ် အဖွဲ့ တစ်ခုမှ ဘူးသီးတောင်တွင် ဗုံးခွဲမည်ဆို၍ အဆိုပါ ကျောင်းအား (၂) ကြိမ်တိုင်တိုင် စစ်တပ်မှ လာရောက် စစ်ဆေးခဲ့သည်ဟု ၎င်းဆရာက ပြောသည်။

ဆရာ ဆရာမများ အနေဖြင့် လုံခြုံရေး စိုးရိမ်ရသဖြင့် ကျောင်းသို့ သွားရောက် စာပြရန်မှာ ၀န်လေး နေကြပြီး အချို့ ဆရာ ဆရာမများမှာ ကျောင်းသို့ မသွားရဲဘဲ ဖြစ်နေကြသည်ဟု ဆိုသည်။

၎င်းနောက်ပိုင်း လုံခြုံရေးကြောင့် ကျောင်းပျက်ကွက်သော ဆရာ ဆရာမများအား ဒေသခံ ဘင်္ဂလီ ကျောင်းသားမိဖများက အထက်သို့ တိုင်ကြားမူများ ရှိလာသဖြင့် ဆရာ ဆရာမများ အနေဖြင့် အခက်ကြုံနေကြရသည်ဟု ဆိုသည်။

အချို့ ဆရာ ဆရာမများမှာ အလုပ်ထွက်ရန်ထိ စဉ်းစားနေကြပြီး အချို့မှာ ခြိမ်းခြောက်မူများရှိနေသော်လည်း ၀မ်းရေး အတွက် သွားရောက် စာပြနေကြသည်ဟု ဆိုသည်။

သက်ဆိုင်ရာ ပညာရေးဌာနမှ အထက်အာဏာပိုင်များ အနေဖြင့် အထက ခွဲ(၂) တွင် ဖြစ်ပေါ်နေသော ခြိမ်းခြောက်ခံ ပြဿနာအား အမြန်ဆုံး ဖြေရှင်းပေးရန်ကို ဆရာ ဆရာမများက အထူး လိုလားနေကြသည်ဟု အဆိုပါ ဆရာက ပြောသည်။

သြဂတ်စ် ၁၈နှင့်  ၁၉ ရက် နေ့များတွင် ဘူးသီးတောင်တွင် ဗုံးဖေါက်ခွဲမည့် သတင်းများကြောင့် အထက်တန်းကျောင်းများ အပါအဝင် မြို့ပေါ်ကျောင်းများတွင် လုံခြုံရေး တင်းကျပ်စွာ ချထားခဲ့ရသည်ဟု သိရသည်။

(နိရဉ္စရာ- ၄ စက်တင်္ဘာ ၂၀၁၃)

ရှေ့ကားကို ကျော်တက်သည့်ကားက ကျောင်းသားနှစ်ဦးကို ၀င်တိုက်မိ

ရှေ့ကားကို ကျော်တက်မောင်းနှင်လိုက်သည့် ခရီးသည်တင် ဒိုင်နာကားတစ်စီးက လူသွားစင်္ကြန်ပေါ်တွင် လမ်းလျှောက်နေသော ကျောင်းသားနှစ်ဦးကို ၀င်တိုက်မှုတစ်ခု မရမ်းကုန်းမြို့နယ်တွင် စက်တင်ဘာ ၂ ရက်က ဖြစ်ပွားခဲ့ကြောင်း ရန်ကုန်တိုင်းရဲတပ်ဖွဲ့မှူးရုံးက သတင်းထုတ်ပြန်သည်။

သမိုင်းဘူတာရုံလမ်းမှ သမိုင်းခုံးတံတားအနီး အတက်တွင် နံနက် ၆ နာရီအချိန်၌ ထိုယာဉ်တိုက်မှု ဖြစ်ပွားခဲ့ခြင်းဖြစ်ပြီး ဒိုင်နာယာဉ်မောင်းမှာ မင်္ဂလာဒုံမြို့နယ်တွင် နေထိုင်သည့် အသက် ၃၆ နှစ်အရွယ် ကိုမင်းမင်းထွန်း ဆိုသူဖြစ်ကြောင်း ရဲဌာနက အတည်ပြုထားသည်။

ထိုကားသည် ၁၂၁ ယာဉ်လိုင်းမှ ခရီးသည်တင်ကားဖြစ်ပြီး ကားတိုက်ခံရသည့် ကလေးများမှာ န၀မတန်းကျောင်းသား များဖြစ်ကြပြီး နှစ်ဦးလုံး အသက် ၁၄ နှစ်အရွယ်သာရှိသေးကြောင်း ရဲဌာန၏ မှတ်တမ်းများတွင် ဖော်ပြထားသည်။

ကလေးနှစ်ဦးသည် ကားတိုက်ခံရမှုကြောင့် တံတောင်ဆစ်၊ နှုတ်ခမ်း၊ နားထင် နှင့် ပုခုံးတို့တွင် အသီးသီးဒဏ်ရာ ရရှိခဲ့ကြပြီး အင်းစိန်ဆေးရုံတွင် အတွင်းလူနာအဖြစ် ကုသခံနေရာ ဒဏ်ရာများမှာ မစိုးရိမ်ရကြောင်း ရဲဌာနက သတင်းထုတ်ပြန်ထားသည်။

ထို့ပြင် ကားပေါ်တွင်လိုက်ပါလာသော အသက် ၁၀ နှစ်အရွယ် သီလရှင်လေးတစ်ပါးလည်းပါးနှင့် ဒူးပွန်းပဲ့ ဒဏ်ရာများရရှိခဲ့သဖြင့် ဆေးကုသထားသည်ဟုလည်း ရဲမှတ်တမ်းတွင်တွေ့ရသည်။

ယခုကိစ္စကြောင့် ယာဉ်မောင်း ကိုမင်းမင်းထွန်းကို ယာဉ်မဆင်မခြင်မောင်းနှင်သူအဖြစ် ယာဉ်ထိန်းရဲအုပ် င်းဌေးက စွပ်စွဲတိုင်တန်းသဖြင့် မြို့နယ်ရဲစခန်းတွင် အမှုအမှတ်(ပ) ၃၃/၂၀၁၃ဖြင့် အမှုဖွင့်ထားကြောင်း၊ ၎င်းကို ပြစ်မှုဆိုင်ရာ ဥပဒေပုဒ်မ ၂၇၉/၃၃၇/ ၃၃၈ တို့ဖြင့် တရားစွဲမည်ဖြစ်ကြောင်း တိုင်းရဲဌာနက သတင်းထုတ်ပြန်သည်။

ဇော်ဇော်ထွေး
Mizzima - News in Burmese

တစ်ဖက်နိုင်ငံသို့လူကုန်ကူးမည့်အမျိုးသမီးနှစ်ဦးအား ဖမ်းမိ

မန္တ လေး ပြည်ကြီးတံခွန်မြို့နယ် တံ ခွန်တိုင်ရပ်ကွက်တွင် တရုတ်နိုင်ငံ ကျယ်ဂေါင်မြို့မှ လာရောက်၍ အမျိုးသမီးများအား စည်းရုံးခေါ် ဆောင်နေသူ အမျိုးသမီးနှစ်ဦး ကို ဖမ်းမိခဲ့ကြောင်း သိရသည်။
တံခွန်တိုင်ရပ်ကွက်အုပ်ချုပ် ရေးမှူး ဦးအောင်ကျော်စိုးသည် ၎င်း၏နယ်မြေအတွင်း တရုတ် နိုင်ငံ ကျယ်ဂေါင်မှ အမျိုးသမီး တစ်ဦးရောက်ရှိပြီး အမျိုးသမီး ငယ်များအား စည်းရုံးခေါ်ဆောင် နေကြောင်းသတင်းအရ လူကုန် ကူးမှုတားဆီးနှိမ်နင်းရေး ရဲတပ် ဖွဲ့(မန္တလေး)မှ ရဲအုပ်ထင်အောင် ရဲမြင့်နှင့် ရဲတပ်ကြပ်ကြီး ညီညီ မြင့်မောင်တို့ကစုံစမ်းခဲ့ရာ မစန္ဒာ (ခ)မငယ်လေးသည် တရုတ်နိုင်ငံ ကျယ်ဂေါင်တွင်နေထိုင်ပြီး အနှိပ် ခန်းဖွင့်လှစ်ထားကြောင်း၊ မိန်း ကလေးငယ်များကို စုဆောင်း ခေါ်ဆောင်ပြီး အနှိပ်ခန်းတွင် အလုပ်လုပ်ခိုင်းကာ ရောင်းစား ကြောင်း အသက်ငယ်ငယ်အမျိုး သမီးသုံးဦးခန့် ခေါ်ယူလိုကြောင်း သိရသည်။

လူကုန်ကူးမှုတားဆီးနှိမ် နင်းရေးရဲတပ်ဖွဲ့ဝင်များသည် တံ ခွန်တိုင်ရပ်ကွက်အုပ်ချုပ်ရေးမှူး၊ ရပ်ကွက်အမျိုးသမီးရေးရာအဖွဲ့ တို့နှင့်ညှိနှိုင်းကာ မိမိ၏အမာခံ ဖြစ်သော မ-----အား အသွင် ယူပြီး ဩဂုတ်၃ဝရက် မွန်းလွဲ၁ နာရီခန့်တွင် မစန္ဒာ(ခ)မငယ်လေး ရောက်ရှိနေသောအိမ်သို့ စေလွှတ် ကာ မွန်းလွဲ၂နာရီတွင် ရဲတပ်ဖွဲ့ ဝင်များ၊ အသိသက်သေများနှင့် စောင့်ဆိုင်းနေစဉ် ၎င်းတို့ငှားရမ်း သုံးစွဲနေသော ၉က/----ခဲရောင် ဗင်ကားအားတားဆီးပြီး ရပ်ကွက် အုပ်ချုပ်ရေးမှူးရုံးသို့ ခေါ်ယူစစ် ဆေးခဲ့ကြောင်း သိရသည်။

တရုတ်နိုင်ငံ ကျယ်ဂေါင်မြို့ ကျယ်ဂေါင် (၅)လမ်းနေသူများ ဖြစ်သည့် မစန္ဒာ(ခ)မငယ်လေး နှင့် မဇင်မျိုးခိုင်တို့၏ ထွက်ဆို ချက်အရ ကျယ်ဂေါင်တွင် ထူးကဲ အမည်ဖြင့် အနှိပ်ခန်းဖွင့်လှစ်ထား ကြောင်း၊ အဆိုပါအနှိပ်ခန်းအ တွက် မန္တလေးသို့ မိန်းကလေးများ လာရောက်ခေါ်ယူ စုဆောင်းခြင်း နှင့် ရောင်းစားရန်အတွက်ဖြစ် ကြောင်း စစ်ဆေးပေါ်ပေါက်ခဲ့ သဖြင့် မစန္ဒာ(ခ)မငယ်လေးနှင့် မဇင်မျိုးခိုင်တို့အား လူကုန်ကူး မှု တားဆီးကာကွယ်ရေးဥပဒေ အရ အရေးယူပေးပါရန် ရဲအုပ် ထင်အောင်ရဲမြင့်က တရားလိုပြု လုပ်တိုင်တန်းခဲ့ရာ ပြည်ကြီးတံခွန် မြို့မရဲစခန်းမှ (ပ)၄၄၇/၂၀၁၃ လူကုန်ကူးမှုပုဒ်မ ၂၄/၃၂အရ အမှုဖွင့်ဆောင်ရွက်နေကြောင်း သိရသည်။

မန်းကိုကို ၊ မန္တလေး ၊စက်တင်ဘာ(၃)
Yangon Media Group

မလေးရှားက မြန်မာတွေကို ဟုတ်မှန်ကြောင်း စိစစ်ပြီးမှ အစိုးရပြန်ခေါ်မယ်

မလေးရှားနိုင်ငံက ​တရားမ၀င်နေထိုင် ​အလုပ်လုပ်ကိုင်နေသူများကို ​စီမံချက်နဲ့ ​ဖမ်းဆီးထားတဲ့ ​အယောက် ​၂၄၀၀ ​ထဲက ​၅၅၅ ​ယောက်ဟာ ​မြန်မာ ​နိုင်ငံက ​ဖြစ်တာကို ​တွေ့ရှိခဲ့တဲ့အတွက် ​မြန်မာသံရုံးက ​စိစစ်နေပြီး ​ မြန်မာနိုင်ငံသား ​မှန်ကန်တယ်ဆိုရင် ​မြန်မာနိုင်ငံကို ​ပြန်ခေါ်ဖို့ ​ဆောင်ရွက်သွားမှာဖြစ်တယ်ဆိုတဲ့ ​အကြောင်း ​ပြန်ကြားရေး ​ဒုဝန်ကြီး ​ဦး ​ရဲထွဌ် ​ရဲ့ ​ Facebook ​စာမျက်နှာမှာ ​ဖေါ် ​ပြထားပါတယ်။

မလေးရှားနိုင်ငံမှာ ​စက်တင်ဘာ ​၁ ​ရက်နေ့ကစပြီး ​တရားမ၀င်နေထိုင် ​အလုပ်လုပ်ကိုင်နေသူများကို ​စီမံချက်နဲ့လူပေါင်း ​၈၁၀၀ ​ကို ​ဖမ်းစီးခဲ့ပြီး ​အဲဒီထဲက ​တရားဝင် ​အလုပ်လုပ်ခွင့် ​အထောက်အထား ​မ ​ရှိသူ ​အယောက် ​၂၄၀၀ ​ကို ​သက်ဆိုင်ရာ ​ဌါနေ ​နိုင်ငံတွေ ​ကို ​ပြန် ​ပို့ဖို့ ​စီစဉ်သွားမယ်လို့ ​သိရပါတယ်။

အဲဒီ ​ထိန်းသိမ်းထားတဲ့အထဲက ​ မြန်မာနိုင်ငံ ​၅၅၅ ​အင်ဒိုနီးရှားနိုင်ငံသား ​၇၁၇ ​ယောက်ဘင်္ဂလားဒေ့ရ်ှနိုင်င ​၃၈၇ ​ယောက်၊ ​နီပေါနိုင်ငံ ​က ​၂၂၉ ​ယောက် ​နဲ့ ​ကျန် ​တဲ့ ​လူတွေက ​ထိုင်း၊ ​ကမ္ဘောဒီးယား၊ ​ဗီယက်နမ်၊ ​အိန္ဒိယ၊ ​ပါကစ္စတန်၊ ​ဖိလစ်ပိုင်၊ ​တရုတ်၊ ​နိုင်ဂျီးရီးယားနိုင်ငံ ​ကဖြစ် ​ကြတယ်လို့ ​ပါရှိ ​ပါတယ်။

မြန်မာနိုင်ငံက ​အဖမ်းခံရတဲ့အထဲက ​အများစုဟာ ​ချင်း ​တိုင်းရင်းသားတွေ ​ဖြစ်ကြတယ်လို့ ​လဲ ​သိ ​ရ ​ပါတယ်။ ​အခုလို ​တရားမဝင် ​အလုပ်လုပ်ကိုင်နေသူတွေ ​မလေးရှားမှာ ​၇ ​သိန်းလောက် ​ရောက် ​ရှိ ​နေ ​တဲ့ ​အတွက်၊ ​၃လ ​ကြာ ​စီမံကိန်း ​နဲ့ ​အယောက် ​၅သိန်းကို ​ဖမ်းစီး ​ပြန်ပို့မှာဖြစ်တယ်လို့ ​သိ ​ရ ​ပါတယ်။

ABC Radio Australia

MPT ကို အသွင်ပြောင်းရန် ကန်ဒေါ်လာ နှစ်သန်း သုံးမည်ဟုဆို

ဆက်သွယ်ရေး ဝန်ဆောင်မှု လုပ်ငန်းများ အပြိုင်အဆိုင် ပေးအပ်လာတော့မည့် မြန်မာ့ ဆက်သွယ်ရေး ကဏ္ဍတွင် ပြည်ပကုမ္ပဏီများနှင့် ယှဉ်ပြိုင်နိုင်ရေး မြန်မာ့ဆက်သွယ်ရေး လုပ်ငန်း (MPT) ကို အသွင်ပြောင်း ဖွဲ့စည်းရန် အမေရိကန်ဒေါ်လာ နှစ်သန်း အသုံးပြုသွားမည် ဖြစ်ကြောင်း မြန်မာ့ဆက်သွယ်ရေး လုပ်ငန်းမှ အကြီးတန်း အရာရှိတစ်ဦးက ပြောကြားသည်။

မြန်မာနိုင်ငံ၏ ဆက်သွယ်ရေး ဈေးကွက်အတွင်း နည်းပညာနှင့် ဓနအင်အား တောင့်တင်းလှသည့် ပြည်ပကုမ္ပဏီနှစ်ခု ဝင်ရောက်လာတော့မည်ဖြစ်၍ ယင်းကုမ္ပဏီများနှင့် အဓိက ယှဉ်ပြိုင်နိုင်ရန် ဌာနမှဝန်ထမ်းများကို လေ့ကျင့်သင်တန်းများနှင့် လိုအပ်သည့် စက်ပစ္စည်းဆိုင်ရာ ဖြည့်တင်းမှုများအတွက် ယင်းငွေကို အသုံးပြုမည် ဖြစ်ကြောင်း ၎င်းကဆက်လက် ပြောကြားသည်။

"ကမ္ဘာ့ဘဏ်က ဆက်သွယ်ရေး ဝန်ကြီး ဌာနကို ဒေါ်လာသန်း ၅၀ ချေးဖို့ ပြောထားတာ ရှိတယ်။ အဲဒီအထဲက ယူသုံးမှာ" ဟု ၎င်းကဆိုသည်။ လက်ရှိ ဆက်သွယ်ရေး ဝန်ဆောင်မှု လုပ်ငန်းများ ဆောင်ရွက်နေသည့် MPT ကို ပထမအဆင့်၌ ကော်ပိုရေးရှင်းအဖြစ် အသွင်ပြောင်းမည်ဖြစ်ပြီး ဒုတိယအဆင့်အဖြစ် အများပိုင်ကုမ္ပဏီသို့ ပြောင်းလဲဖွဲ့စည်းမည် ဖြစ်ကြောင်း ဆက်သွယ်ရေးနှင့် သတင်းအချက် အလက် နည်းပညာ ဝန်ကြီး ဌာန ဒုတိယဝန်ကြီး ဦးသောင်းတင်က ပြောကြားထားသည်။

MPT ကို အသွင်ပြောင်း ဖွဲ့စည်းမည့် အစီအစဉ် အသေးစိတ်ကို ယနေ့အထိ တိတိကျကျ မသိရသေးကြောင်း၊ တိုင်းဒေသကြီးနှင့် ပြည်နယ်အဆင့် ရုံးများကိုမူ ဆက်ထားသွားဖွယ် ရှိကြောင်း မြန်မာ့ ဆက်သွယ်ရေးလုပ်ငန်း တိုင်းဒေသကြီး မန်နေဂျာ တစ်ဦးက ပြောကြားသည်။

မြန်မာနိုင်ငံ၏ ဆက်သွယ်ရေး ကဏ္ဍ ဘက်စုံပြုပြင် ပြောင်းလဲရေး အတွက် ကမ္ဘာ့ဘဏ်ထံမှ အတိုးမဲ့ချေးငွေ အမေရိကန် ဒေါ်လာသန်း ၅၀ တင်ပြ တောင်းခံထားပြီး ပထမအဆင့် ၃၁ ဒသမ ၅ သန်းခွင့်ပြုထားကာ လုပ်ငန်း လိုအပ်ချက်အပေါ် မူတည်၍ သန်း ၅၀ အထိ တိုးမြှင့်ချေးယူမည် ဖြစ်ကြောင်း ဦးသောင်းတင်က ပြောကြားထားသည်။ 

(၇) ရက်သားသမီး ဟောစာတမ်း (စက်တင်ဘာ)

တနဂ်နွေသားသမီး ။။ ။။ ယခုလအတွင်း ၀န်ထမ်းဖြစ်ပါက မိတ်ဆွေ၏ ကူညီမှုကြောင့် ရာထူးတိုးခြင်း လစာတိုးခြင်း အထက်လူကြီး မျက်နှာသာပေးခြင်း ခံရမည်.။ မြေ ပညာရေး ပညာပေး ပရိဘောဂ ဖုန်း လုပ်ငန်းများ အကျိုးပေးမည် ။ နိုင်ငံခြား ခရီးစီစဉ်ထားသူများ ယခုလအတွင်း အစဉ်မပြေနိုင်သေးပါ ။ ထီ ထီး နာရီ တစ်မျိုး၂ ကြောင့် စိတ်ညစ် ရတတ်သည် ။ငယ်ရွယ်သူများ အချစ်ရေးကံကောင်းနေသော်လည်း မိမိချစ်သူသည် သောကြာသားသမီးဖြစ်လျှင် စိတ်ညစ်နေရမည်။
ယတြာ ။ ။ မွေးနေ့ တွင် အုန်းလက်တစ်တောင်ကို တောင်ဖက်အရပ် ရေထဲသို့  စွန့် ပြစ်ပါ ။

တနင်္လာသားသမီး ။ ။။ ယခုလတွင် စပ်တူလုပ်ငန်းများ အကျိုးမပေးပါ ။ ခရီးသွားလုပ်ငန်း ရွှေလုပ်ငန်းများ အထူးသတိထားလုပ်ကိုင်ပါ ။ဆုံးရှုံးမှုများတတ်သည် ခရီးသွားခြင်း ငွေချေးခြင်း လက်ဝတ်ရတနာငှားခြင်းလုံးဝရှောင်ပါ ငွေကြေး အထားမှားသောကြောင့်ပျောက်တတ်သည် ။ ခြေထောက် တွင်ထိခိုက် ဒဏ်ရာရတတ်သည် ။ မမျှော်လင့်ပဲ ငွေဝင်လာပါက ရွှေလုံးဝမ၀ယ်ပါနှင့် ။ ငယ်ရွယ်သူများ အချစ်ရေးကံကောင်းသော လဖြစ်သည် ။ ပညာရေးနှင့်ပတ်သက်ပြီး သတင်းကောင်းကြားရ တတ်သည်။ 
ယတြာ ။ ။။ ကော်ပတ်ရုပ်တစ်ရုပ် ၀ယ်ပြီး ကလေးတစ်ယောက်အားလက်ဆောင်ပေးလိုက်ပါ

အင်္ဂါသားသမီး ။။ ။။ ယခုလအတွင်း အလုပ်အကိုင်များမမျှော်လင့်ပဲ အဆင်မပြေဖြစ်နေမည်။ ပြောဆိုထားသော လုပ်ငန်းများလည်း တေ့လွဲ လွဲနေမည် ။ ဆေး စက်ပစ္စည်း စာအုပ် စာပေ လုပ်ငန်းများ ငွေကြေးအရှုပ် အရှင်းကြောင့် စိတ်ည်စရာများတွေ့ ကြုံရတတ်သည်။ ငွေဝင်သော် လည်း လက်ထဲတွင် ကြာရှည်မမြဲပါ ။ ၀န်ထမ်းများ အထက်လူကြီး နှင့်သတိထားဆက်ဆံပါ ။ စကားပြောမှားသောကြောင့် ငြိုငြင်ခံရ တတ်သည် ။ ငယ်ရွယ်သူများ ချစ်သူနှင့်စကားများနေရသောလဖြစ် သည် ။ ခါးနှင့်ပတ်သက်သော ရောဂါဝေဒနာခံစားရတတ်သည် ။
ယတြာ ။။ ။။ ဆင်ကို ကြံကျွေးခြင်း ။ စာကလေးများကို ဆန်ကြွေးခြင်းဖြင့် ကုသိုလ်ယူပါ။

ဗုဒ္မဟူးသားသမီး ။။ ။။ ယခုလအတွင်း ရွှေ ရေ မြေ လုပ်ငန်းများ အဆင်မပြေဖြစ်နေမည်။ ၀န်ထမ်းများ အထက်လူကြီးဆရာသမားများနှင့် အဆင်မပြေဖြစ်နေ လိမ့်မည် ။ စက်မှု စာပေ စာအုပ် စားသောက်ဆိုင် လုပ်ငန်းများ အရင်းအနှီးနဲပါးမှုကြောင့် လုပ်ငန်းရပ်သွားနိုင်သည် ။ မိန်းကလေး တစ်ဦးကြောင့် ပြသနာဖြေရှင်းရလိမ့်မည် ။ လက်ဝဲဖက်လက် ထုံ ကျင်ကိုက်ခဲ သော ဝေဒနာခံစားရတတ်သည် ။ အလုပ်ခွင်အတွင်း မိမိ ကိုမနာလိုသူကြောင့် စိတ်ညစ်နေရမည် ။ စိတ်ကောက်တတ် သောချစ်သူကြောင့် အချစ်ရေးကို စိတ်ကုန်သလိုဖြစ်နေတတ်သည်။
ယတြာ ။။ ။။ မွေးနံ ဘုရားထောင့်တွင် ရွှေပန်း ၄ ကုံး နှင့် ရေသက်စေ့လှုပေးပါ ။။။

ကြာသပတေး သားသမီး ။ ။ အိမ် ကား ကျောက် ကွန်ပျူတာ ငွေကြေးလုပ်ငန်းများအဆင် ပြေမည် ။ မြေ အမွေ ကိစ္စများ သတင်းကောင်းကြားရတတ်သည်။ ဆရာသမား၏ ကူညီဖေးမမှုကြောင့် လုပ်ငန်းများ အဆင်ပြေပြီး စိတ်ချမ်းသာမည် ။ မမျှော်လင့်ပဲ ငွေဝင်လာပါက ၂ ၅ ၁ ပါသော ဂဏန်းများနှင့်ထီထိုးပေးပါ ။ ငယ်ရွယ်သူများ အချစ်ရေးကံကောင်း လွန်းသဖြင့် မမျှော်လင့်ပဲ အိမ်ထောင်ကျသွားနိုင်သည် ။ ၀ဲဖက်တင်ပါး ပေါင်တို့ တွင် နာကျင်မှုဝေဒနာ ခံစားရတတ်သည်။
ယတြာ ။။ ။။ သံဃာတော်များအား မွေးနေ့ တွင် ကြက်သားဟင်းနှင့် ဆွမ်းလောင်းပါ ။

သောကြာသားသမီး ။။ ။။ စက်ပစ္စည်း ဆေး ကား ကွန်ပျူတာ ကျောက် လုပ်ငန်းများအထူး သတိထားပါ ။ လုပ်ငန်းတူလုပ်သူ သစ္စာမဲ့မှုကြောင့် ငွေကြေးဆုံးပါး ခြင်း ။ ငွေကြေးပြသနာများ ဖြေရှင်းရတတ်သည် ။ ညီအကိုမောင်နှမ (သို့ ) လင်ယောင်္ကျားအတွက်စိတ်ညစ်ရမည်။ ငွေဝင်သော်လည်း ၀င်သလောက်ပြန်ထွက်နေမည် ။ ၀န်ထမ်းဖြစ်ပါက စိတ်ညစ်ပြီး အကျိုးမရှိသောခရီးသွားရတတ်သည် ။ ငယ်ရွယ်သူများအချစ်ရေး ကံမကောင်းသောလဖြစ်သည် ။ ခဏခဏစကားများနေခြင်းဖြင့် အချိန်ကုန်နေလိမ့်မည် ။ ဆီးနှင့်ပတ်သက်သော ဝေဒနာခံစားရ တတ်သည် ။
ယတြာ ။။ ။။ နို့ ဆီခွက်တစ်လုံးအတွင်းသို့  သဲ ၂၁ ဇွန်း သီဟိုရွက် ၂၁ ရွက်ထည့်ပြီး အရှေ့ တောင်အရပ် ရေထဲသို့ မျှောပေးပါ ။

စနေသားသမီး ။။ ။။ ယခုလအတွင်း ခရီးသွားလုပ်ငန်းများ အိုး အိမ် အဆောက်အဦး သံ သဲ သွပ် အရောင်းအ၀ယ်လုပ်ငန်းများ ထင်သလောက်အကျိုးမပေးပါ ဂတိပေးလွယ်သောကြာင့် အချင်းချင်း စကားများရလိမ့်မည် ။ မိမိ နှင့်မအပ်စပ်သော နေရာဒေသ လုပ်ငန်းခွင် နယ်ပယ်သို့  ၀င်ရောက်သွားလာ စွက်ဖက်ခြင်းကြောင့်ဂုဏ်သိက္ခာထိခိုက်စရာ မျက်နှာပျက်စရာများကြုံတွေ့ ရတ်သည် ။ ယခုလအတွင်း အပျော် သဘောခရီးထွက်ခြင်းကိုရှောင်ပါ ။ ငွေကုန်စိတ်ပမ်း ဖြစ်လိမ့်မည်။ ညာဖက် ဒူးတွင်ထိခိုက်ဒဏ်ရာရတတ်သည် ။ ငယ်ရွယ်သူများ မိမိကို အပျော်ချစ်သောချစ်သူနှင့် ဖူးစာဆုံလိမ့်မည် ။
ယတြာ ။။ ။။ မွေးနေ့ နံက်တွင် အိမ်မှဘုရားအား နွားနို့  တစ်ခွက်နှင့် နာနတ်ယိုလှုပေးပါ။

ကိုမောင်မောင် (ဆန်းသုတေသီ)

မြောက်ဥက္ကလာပမြို့နယ် ဆေးတက္ကသိုလ် ၂ မှ အတိုင်ပင်ခံ ခွဲစိတ်အထူးကု ဆရာဝန်ကြီးတစ်ဦး နေအိမ်အတွင်း သေဆုံးမှုအား ကိုယ့်ကိုယ်ကိုယ် သတ်သေခြင်း ဟုတ်မဟုတ် စစ်ဆေးလျက်ရှိ

မြောက်ဥက္ကလာပမြို့နယ် ဆေးတက္ကသိုလ် ၂ မှ အတိုင်ပင်ခံ ခွဲစိတ်အထူးကု ဆရာဝန်ကြီးတစ်ဦး နေအိမ်အတွင်း ဆေးထိုးအပ်နှင့်အတူ စက်တင်ဘာ ၃ ရက်၊ နံနက်ပိုင်းက သေဆုံးလျက်ရှိပြီး သင်္ဃန်းကျွန်း မြို့မရဲစခန်းမှ ကိုယ့်ကိုယ်ကိုယ် သတ်သေခြင်း ဟုတ်မဟုတ် စစ်ဆေးလျက်ရှိကြောင်း သင်္ဃန်းကျွန်း မြို့မရဲစခန်းမှူး ဒုရဲမှူးသိန်းဟန်က စက်တင်ဘာ ၃ ရက်က ပြောကြားခဲ့သည်။

ထို့ပြင် သေဆုံးသူသည် မြောက်ဥက္ကလာပမြို့နယ် ဆေး ၂ တွင် ကထိကအဖြစ် တာဝန်ထမ်းဆောင်လျက်ရှိသော ဒေါက်တာနိုင်လင်းဆိုသူဖြစ်ပြီး အသက် ၄၀ ရှိပြီဖြစ်ကြောင်း သေဆုံးသူ၏ ဖခင်ထံမှ သိရသည်။

"သေဆုံးသွားတဲ့ ဒေါက်တာနိုင်လင်းကို နေအိမ်ခုတင်ဘေးမှာ ဆေးထိုးအပ်နဲ့အတူ တွေ့ရပါတယ်။ ကိုယ့်ကိုယ်ကိုယ် သတ်သတာ ဖြစ်တယ်လို့ ယူဆရပါတယ်။ အတိအကျကတော့ ဆေးစာပြန်ကြားချက်ရမှ သိရပါတယ်။ သေဆုံးသူရဲ့ ဇနီးသည် အပြင်ကပြန်လာမှ သေနေတာကို တွေ့တယ်လို့ သိရပါတယ်။ ကျွန်တော်တို့ ဒေါက်တာသေဆုံးတဲ့ သတင်းကို ၈ နာရီလောက်မှ သိရပါတယ်" ဟု သင်္ဃန်းကျွန်း မြို့မရဲစခန်းမှူး ဒုရဲမှူးသိန်းဟန်က ပြောကြားသည်။

သေဆုံးသူသည် ဇနီးဖြစ်သူနှင့်အတူ သင်္ဃန်းကျွန်းမြို့နယ်၊ စံပြဆေးရုံ အတွင်းရှိ အလုပ်သင် ဆရာဝန်အဆောင်တွင် နေထိုင်သူဖြစ်ပြီး ယခင်က စံပြဆေးရုံတွင် တာဝန်ထမ်းဆောင်ခဲ့ကြောင်း ယင်းနောက် မြောက်ဥက္ကလာပမြို့နယ် ဆေး ၂ တွင် ကထိကအဖြစ် ပြောင်းရွှေ့တာဝန် ထမ်းဆောင်ခဲ့ကြောင်း သေဆုံးသူ၏ ဖခင်က ဆိုသည်။

ဒေါက်တာနိုင်လင်း သေဆုံးမှုနှင့် ပတ်သက်ပြီး ဒုရဲမှူးသိန်းဟန်က သေဆုံးသူ ဒေါက်တာနိုင်လင်း၏ ခုတင်ခြေရင်းတွင် ထောင်ထားသော ၀ှိုက်ဘုတ်တွင် I love you very much Hnin Hnin ဟု ရေးသားထားမှုမှာ မသေခင် ဒေါက်တာနိုင်လင်းမှ ရေးသားထားခြင်း ဖြစ်သည်ဟု ယူဆရကြောင်းနှင့် အဆိုပါ စာတန်းအောက်တွင် ဒေါက်တာနိုင်လင်းက လက်မှတ်ရေးထိုးထားသည်ကို တွေ့ရှိရသည်ဟု ဆိုသည်။

အဆိုပါ ဒေါက်တာနိုင်လင်း သေဆုံးမှု ဖြစ်စဉ်ကို သင်္ဃန်းကျွန်း မြို့မရဲစခန်းမှ သေမှုသေခင်း အမှတ်စဉ် ၁၇/၂၀၁၃ ဖြင့် အမှုဖွင့် စစ်ဆေးဆောင်ရွက်လျက်ရှိကြောင်း ဒုရဲမှူးသိန်းဟန်က ပြောကြားခဲ့သည်။

ထို့ပြင် စက်တင်ဘာ ၁ ရက်က ရန်ကင်းသွားဘက်ဆိုင်ရာ ဆေးတက္ကသိုလ် သွားအတုဌာနတွင် တာဝန်ထမ်းဆောင်နေသော ကထိက ဆရာဝန်တစ်ဦးသည် ရန်ကင်းမြို့နယ်၊ ၅ ရပ်ကွက်၊ ရွှေအုန်းပင်အိမ်ရာ ၂ ရှိ နေအိမ်တိုက်ခန်းအတွင်း ရေချိုးခန်း၏ ထုပ်တန်းတွင် နိုင်လွန်ကြိုးကွင်းစွပ်ကာ သေဆုံးခဲ့ကြောင်း သိရပြီး ကိုယ့်ကိုယ်ကိုယ် သတ်သေခြင်းဖြစ်ကြောင်း ရန်ကင်းမြို့မ ရဲစခန်းမှူး ဒုရဲမှူး ဇော်ဇော်ထံမှ သိရသည်။

သံတွဲတွင် ဗုဒ္ဓရှင်တော်မြတ်ဘုရားကို ဆဲရေးတိုင်းထွာသူ ဘင်္ဂလီတစ်ဦး အား ထောင်ဒဏ်ချမှတ်

သံတွဲ၊ စက်တင်ဘာ-၄

ရခိုင်ပြည်နယ်၊သံတွဲမြို့နယ်၌် ဗုဒ္ဓဘုရားရှင်အပေါ် ဆဲဆိုသူ ဘင်္ဂလီ မူဆလင် တစ်ဦးအား ပြစ်မှုထင်ရှားသဖြင့် မြို့နယ် တရားရုံးက စက်တင်ဘာလ ၃ရက်နေ့တွင် ထောင်ဒဏ် ၂နှစ်ချမှတ်လိုက်ကြောင်း သိရသည်။

အမှုဖြစ်စဉ်မှာ၂၀၁၂ခုနှစ်၊ဒီဇင်ဘာလ၂၈ရက်နေ့က နတ်မော်ကျေးရွာအုပ်စု၊သပြုချိုင်ရွာနေ(ဘ) ဦးကျော် မောင် ၏သားအောင်ကျော်မိုး(၂၉-နှစ်)မှာအရက်သေစာသောက်စားမူးယစ်ကာဗုဒ္ဓဘုရားရှင်အပေါ် ရိုင်းပြ ပြင်းထန်စွာ ဆဲရေးတိုင်းထွာခဲ့သဖြင့် နယ်မြေရွှေလှေရဲစခန်းမှ(ပ)၄၈/၂၀၁၂၊ပြစ်မှုဆိုင်ရာဥပဒေပုဒ်မ ၂၉၅-ကအရ ၄င်းအား အမှုဖွင့် အရေးယူခဲ့သည်။

မြန်မာနိုင်ငံရဲတပ်ဖွဲ့မှ ရဲအုပ် တင်မောင်လွင် တရားလိုပြု၍ ထိုအမှုအား သံတွဲမြို့နယ်တရားရုံး၌ တရားစွဲဆို ရာတွင်တရားရုံး၏လုပ်ထုံးလုပ်နည်းများနှင့်အညီစစ်ဆေးချက်၊တရားခံ၏၀န်ခံချက်တို့အရပြစ်မှုကျူး လွန်ထား ကြောင်းမှာထင်ရှားသည်ဖြစ်၍ ဥပဒေပုဒ်မ၂၉၅(သာသနာကိုအကြည်ညိုပျက်စေမှု) အရ မြို့နယ်တရားရုံးက တရားခံအောင်ကျော်မိုးအား အလုပ်နှင့် ထောင်ဒဏ် ၂နှစ် ပြစ်ဒဏ်ချမှတ်ခဲ့ခြင်း ဖြစ်သည်။

စီရင်ချက်ချသည့်နေ့တွင် တရားခွင်သို့ ရောက်ခဲ့သူ သံတွဲမြို့ခံတစ်ဦးက "စီရင်ချက်မှာ တရားခံက မင်းဘုရားက ငါ့(xxx)ပဲ။မင်းတို့ကငါ့(xxx)ကို ကိုးကွယ်နေကြတာပဲ။ မင်းတို့ဘုရားက ကုလားပဲ ဆိုတဲ့ ယုတ်ညံ့တဲ့ဆဲဆိုမှုတွေ ကိုထပ်ခါတလဲလဲလုပ်ခဲ့တယ်၊ တရားခံ ကိုယ်တိုင်ကလည်း ၀န်ခံထားတယ်လို့ မြို့နယ်တရားသူကြီးက ဆိုတယ်"ဟု ပြန်ပြော ပြသည်။

အဆိုပါဖြစ်စဉ်နှင့်ပတ်သက်၍ သံတွဲမြို့စည်းကမ်းထိန်း သိမ်းရေးနှင့်ကူညီစောင့်ရှောက်ရေး ရဟန်းတော်များအဖွဲ့ အတွင်းရေးမှူး ဆရာတော် ဦးကောသလ္လက "ပြဿနာဖြစ်လိုက်တိုင်း ဖြစ်ရတဲ့အကြောင်းရင်းကိုကြည့်ရင် သူတို့ ဘက်ကစတာပဲတွေ့ရလိမ့်မယ်။ ဒါဟာ စနစ်တကျ လေ့ကျင့်ထားတဲ့စစ်ဆင်ရေးတစ်ရပ်လိုဖြစ်နေတာမို့ ဗုဒ္ဓဘာ သာဝင် တွေ အထူးကရုစိုက်ဖို့ လိုနေပြီလို့ပဲ သတိပေးချင်ပါတယ်"ဟု မိန့်ကြားခဲ့သည်။

သံတွဲမြို့တွင်ရခိုင်ဗုဒ္ဓဘာသာဝင်များနှင့်ဘင်္ဂလီမူဆလင်များအနီးကပ်နေထိုင်လျက်ရှိကြသည်ကြောင့် မတူညီ သော လူမျိုးစုနှစ်ခုကြား တင်းမာမှုများ ရှိနေပြီး၊ ဤအတောအတွင်းဒေသ မငြိမ်မသက်မှုများကြောင့် ဇွန်လ၃၀ ရက်မှ စ၍ ပုဒ်မ ၁၄၄ အမိန့်ကို ထပ်မံထုတ်ဆင့်ထား ရဆဲဖြစ် သည်။

RSV

လက်နက်နဲ့ အတူ ဖမ်းမိတဲ့ ဘင်္ဂါလီလူမျိုး (၃)ဦး အား ဆက်လက် အရေးယူ ဆောင်ရွက်နေ

စက်တင်ဘာလ (၁) ရက် ည (၁၁း၅၀)နာရီ အချိန်ခန့်တွင် မောင်းနှင်လျက်ရှိသော မသင်္ကာဖွယ်လှေတစ်စီးကို တနင်္သာရီ ရေတပ်စခန်း ဌာနချုပ်မှ မြိတ်ရေပြင်တွင် လုံခြုံရေးနှင့် ပိတ်ဆို့ရေး တာဝန်ထမ်းဆောင်လျက် ရှိသော ကမ်းခြေစောင့် တိုက်ရေယာဉ် (၄၀၃)မှ မီးအချက်ပြခေါ်ယူ၍ စစ်ဆေးခဲ့ရာ "ကောင်းမြတ်ဟင်္သာ" အမည်ရှိ စက်လှေပေါ်တွင် ဘင်္ဂါလီလူမျိုး (၃)ဦးအား AK-47 မောင်းပြန်ရိုင်ဖယ် တစ်လက်၊ ကျည်အတောင့် (၂၀၊ ကျည်ကပ် (၂)ခုနှင့် အတူ ဖမ်းဆီးရမိ ခဲ့သည်။ 

တရားဝင်ကိုင်ဆောင်ခွင့် မရှိသော သေနတ်အား ကိုင်ဆောင်၍ ဘင်္ဂါလီလူမျိုးများအား ဘင်္ဂလားဒေရ်ှ့ နိုင်ငံမှ ထိုင်းနိုင်ငံသို့ ပို့ဆောင်ရန် ကြံစည်အားထုတ်ခဲ့ကြသော ကောင်းမြတ်ဟင်္သာ စက်လှေမှ လှေသား(၁၃)ဦး နှင့် ဘင်္ဂါလီလူမျိုး(၃)ဦးအား မြို့မရဲစခန်း (ပ)၄၄၄/၂၀၁၃ လက်နက် ယာယီ ပြင်ဆင်ချက် ဥပဒေပုဒ်မ၁၉-က ဖြင့် စစ်ဆေး ဆောင်ရွက်လျက်ရှိသည်။ 

ဘင်္ဂါလီလူမျိုး(၃)ဦးမှာ ဦးမောင်မောင်(ခ)လာမြား(ဘ) ဦးခင်မောင် ဘင်္ဂါလီလူမျိုး၊ ပေါက်တောမြို့၊ မိုအာမက်ဖာရု(ခ)မောင်မောင်စိုး (၂၆)နှစ်(ဘ)ဦးကျော်မင်း(ခ)မာမွတ်မွန်နစ် ဘင်္ဂါလီ လူမျိုး၊ မောင်တောမြို့နယ်၊ မိုဟာမက်ဟာရှင်း(၃၀)နှစ်(ဘ)ဦးပေါ်ယာဇူ ဘင်္ဂါလီလူမျိုး၊ မောင်တောမြို့ နယ် တို့မှဖြစ်ကြောင်း သတင်းရရှိသည်။

မြိတ်ပုလဲမြေ

မြန်မာနိုင်ငံသို့ ပြန်လာလိုသည့် မလေးရှားရှိ မြန်မာအလုပ်သမားများအား သီတဂူ အထောက်အကူပြု အဖွဲ့နှင့် MAI လေကြောင်းလိုင်းတို့ ပူးပေါင်းပြီး ပြန်လည်ပို့ဆောင်ပေးမည်

မြန်မာနိုင်ငံသို့ ပြန်လာလိုသည့် မလေးရှားရှိ မြန်မာအလုပ်သမားများအား သီတဂူ အထောက်အကူပြုအဖွဲ့ (မလေးရှား)နှင့် MAI လေကြောင်းလိုင်းတို့ ပူးပေါင်းပြီး ပြန်လည်ပို့ဆောင် ပေးသွားမည်ဖြစ်ကြောင်း သီတဂူ အထောက်အကူပြုအဖွဲ့၏ ဘဏ္ဍာရေးမှူး၊ မြန်မာပြည်တာဝန်ခံ ဒေါက်တာမြတ်သူက The Daily Eleven သို့ ပြောကြားသည်။

မလေးရှားတွင် တရားမ၀င် သွားရောက်အလုပ် လုပ်ကိုင်နေပြီး ဒုက္ခရောက်နေသည့် မြန်မာများအား လေယာဉ်လက်မှတ် အခမဲ့ဖြင့် MAI မှ ပြန်လည်ပို့ဆောင်ပေးရန် စီစဉ်လျက်ရှိပြီး သီတဂူ အထောက်အကူပြု အဖွဲ့မှ လက်ရှိကောက်ခံ ရရှိထားသော အလှူငွေများဖြင့် လေယာဉ်သုံးစင်းစာ ပို့ဆောင်ပေးမည်ဖြစ်ကြောင်း သိရသည်။

အမှန်တကယ် ဒုက္ခရောက်သူတွေကို ဦးစားပေးအနေနဲ့ ပြန်လည်ပို့ပေး သွားမှာပါ။ ကျန်းမာရေး မကောင်းသူတွေ၊ ကိုယ်ဝန်ဆောင်တွေ၊ ကလေးရှိတဲ့သူတွေ၊ အမျိုးသမီးတွေ အဲလိုလူတွေကို ဦးစားပေး ပြန်ခေါ်သွားပါမယ် . . . . .

"သီတဂူ ဆရာတော်ကြီးက လက်ရှိအလှူငွေ အမေရိကန်ဒေါ်လာ ၁၂၈၀၀၀ ခန့် ရထားပြီးပြီ။ လေယာဉ်တစ်ခေါက်ကို လူ ၁၇၀ ကျော် ပါမယ်။ တစ်ခေါက်ကုန်ကျစရိတ်က လေယာဉ်ခမပါ ဒေါ်လာလေးသောင်းလောက် ကုန်မယ်ဆိုတော့ သုံးခေါက်ပို့ပေး သွားပါမယ်" ဟု ဒေါက်တာမြတ်သူက ပြောကြားသည်။

သီတဂူ အထောက်အကူပြုအဖွဲ့၏ မြန်မာပြည်ဆိုင်ရာ ကိုယ်စားလှယ်အဖွဲ့မှ စက်တင်ဘာ ၉ ရက်တွင် မလေးရှားနိုင်ငံသို့ သွားရောက်မည်ဖြစ်ပြီး စက်တင်ဘာ ၁၃ ရက်တွင် ပထမဆုံး အခေါက်အဖြစ် ပို့ဆောင်ပေးမည်ဖြစ်ကြောင်း သိရသည်။

"အမှန်တကယ် ဒုက္ခရောက်သူတွေကို ဦးစားပေးအနေနဲ့ ပြန်လည်ပို့ပေး သွားမှာပါ။ ကျန်းမာရေး မကောင်းသူတွေ၊ ကိုယ်ဝန်ဆောင်တွေ၊ ကလေးရှိတဲ့သူတွေ၊ အမျိုးသမီးတွေ အဲလိုလူတွေကို ဦးစားပေး ပြန်ခေါ်သွားပါမယ်။ သြဂုတ်လကုန်ပိုင်း မလေးရှားမှာ စအဖမ်းခံ ရကတည်းက ဆရာတော်က ပြန်ခေါ်ဖို့ စီစဉ်နေတာပါ" ဟု ဒေါက်တာမြတ်သူက ဆက်လက်ပြောကြားသည်။

စက်တင်ဘာ ၁၃ ရက်တွင် ဆိုက်ရောက်မည့် ပထမဆုံးအကြိမ်တွင် မြန်မာအလုပ်သမားများအား သီတဂူ ဆရာတော်ကိုယ်တိုင် လေဆိပ်၌ သွားရောက်ကြိုဆိုမည်ဖြစ်ကြောင်း သိရသည်။ မလေးရှားနိုင်ငံတွင် နိုင်ငံတွင်း တရားမ၀င် နေထိုင်သူများအား စက်တင်ဘာ ၁ ရက်မှ စတင်၍ လုပ်ဆောင်ခဲ့သည့် အထူးစီမံချက်ဖြင့် နိုင်ငံအနှံ့ ပိုက်စိပ်တိုက် ဖမ်းဆီးနေမှုကြောင့် မြန်မာအလုပ်သမား ရာနှင့်ချီ၍ ဖမ်းဆီးခံနေရသည်။ မလေးရှားနိုင်ငံတွင် တရားမ၀င် နေထိုင်နေသူဦးရေ အများဆုံးမှာ အင်ဒိုနီးရှား နိုင်ငံသားများဖြစ်ကြပြီး မြန်မာနိုင်ငံသားများမှာ ဒုတိယအများဆုံး ဖြစ်သည်။ လက်ရှိအချိန်ထိ မလေးရှားနိုင်ငံတွင် မြန်မာရွှေ့ပြောင်း အလုပ်သမား အရေအတွက် ၇၀၀၀၀၀ ခန့် ရှိနေပြီး ထိုအထဲတွင် ၈၀ ရာခိုင်နှုန်းမှာ တရားမ၀င် အလုပ်သမားများ ဖြစ်နေကြောင်း သိရသည်။

၅၀၀ မဂ္ဂါဝပ်ရှိ သဘာဝဓာတ်ငွေ့နှင့် စွန့်ပစ်အပူသုံး လျှပ်စစ်ဓာတ်အားပေးစက်ရုံ ဆောက်လုပ်ရန် မြန်မာ-ကိုရီးယားနှစ်နိုင်ငံ လက်မှတ်ရေးထိုး

ရန်ကုန်တိုင်းဒေသကြီး သာကေတမြို့နယ်တွင် ၅၀၀ မဂ္ဂါဝပ်ရှိ သဘာဝဓာတ်ငွေ့နှင့် စွန့်ပစ်အပူသုံး လျှပ်စစ်ဓာတ်အားပေးစက်ရုံ ဆောက်လုပ်ရန် မြန်မာ-ကိုရီးယား နှစ်နိုင်ငံ လုပ်ငန်းရှင်များ MOU လက်မှတ်ရေးထိုးခြင်း အခမ်းအနားကို စက်တင်ဘာ ၃ ရက်တွင် ရန်ကုန်မြို့၊ Sedona ဟိုတယ်တွင် ပြုလုပ်ခဲ့ကြောင်း သိရသည်။

အဆိုပါ လျှပ်စစ်ဓာတ်အားပေးစက်ရုံအား ကိုရီးယားနိုင်ငံ၊ Korea Western Power ကုမ္ပဏီ၊ ကိုရီးယား လျှပ်စစ်ပစ္စည်းများ ထုတ်လုပ်ရေးအသင်းနှင့် မြန်မာနိုင်ငံမှ Hexa International ကုမ္ပဏီတို့မှ လျှပ်စစ်ဓာတ်အား ထုတ်လုပ်ရန်အတွက် ပူးပေါင်းဆောင်ရွက်မည်ဖြစ်ကြောင်း သိရသည်။

"ဒီစီမံကိန်းက မြန်မာနိုင်ငံရဲ့ ပထမဆုံးနဲ့ အကြီးဆုံးဖြစ်တဲ့ ၅၀၀ မဂ္ဂါဝပ် သဘာဝဓာတ်ငွေ့နဲ့ စွန့်ပစ်အပူသုံး ဓာတ်အားပေးစက်ရုံ စီမံကိန်းကြီး ဖြစ်တဲ့အပြင် မြန်မာနိုင်ငံမှာ ပထမဆုံး ၁၀၀ ရာခိုင်နှုန်း နိုင်ငံခြား တိုက်ရိုက်ရင်းနှီးမြှုပ်နှံမှု စီမံကိန်းလည်း ဖြစ်ပါတယ်" ဟု လျှပ်စစ်စွမ်းအား ၀န်ကြီးဌာနမှ ဒုတိယ၀န်ကြီး ဦးအောင်သန်းဦးက ပြောကြားခဲ့သည်။

စီမံကိန်းတွင် ပြည်တွင်းပါတနာအဖြစ် ၀င်ရောက်လုပ်ကိုင်မည့် Hexa Group of Companies အနေဖြင့် စီမံကိန်း၏ တည်ဆောက်ရေး လုပ်ငန်းများတွင် ၀င်ရောက်လုပ်ကိုင်မည်ဖြစ်ကြောင်း Hexa Group of Companies မှ ဥက္ကဋ္ဌဖြစ်သူ ဒေါက်တာစုံဟန်က ပြောပြခဲ့သည်။

အဆိုပါ စီမံကိန်း ပြီးစီးပါက သီလ၀ါ အထူးစီးပွားရေးဇုန်တွင် သုံးစွဲရန်အတွက် လျှပ်စစ်မီး အဓိက ပေးသွားမည်ဖြစ်ပြီး ယခု ၂၀၁၃ ခုနှစ်အတွင်း၌ လိုအပ်သည့် နှစ်နိုင်ငံ သဘောတူညီမှု စာချုပ်များ ချုပ်ဆိုပြီးစီးပါက တည်ဆောက်ရေးလုပ်ငန်း ပထမအဆင့်ကို ၂၀၁၄ ခုနှစ်အတွင်း အပြီးသတ် ဆောင်ရွက်သွားမည်ဖြစ်ကြောင်း သိရသည်။

ကိုရီးယားနိုင်ငံမှ Korea Western Power ကုမ္ပဏီအနေဖြင့် မြန်မာနိုင်ငံအပြင် အိန္ဒိယ၊ အင်ဒိုနီးရှား၊ လာအို၊ ရုရှားနှင့် အမေရိကန်နိုင်ငံတို့တွင် လျှပ်စစ်ဓာတ်အားပေး စက်ရုံများကို တည်ဆောက်လုပ်ကိုင်လျက် ရှိနေကြောင်း သိရသည်။

အေးရှားဝေါလ် ကုမ္ပဏီ၏ ရေအားလျှပ်စစ် စီမံကိန်းမှ ဓာတ်အားကို တစ်ယူနစ် ကျပ် ၇၀ ဖြင့် အစိုးရက ပြန်ဝယ်ရမည်၊ စီမံကိန်းမှာ ကျပ် ၂၃၀ ဘီလျံကျော်ကုန်ပြီး ယခုတစ်နှစ်တည်း အတွက်ပင် ကျပ်ဘီလျံ ၃၀ အေးရှားဝေါလ် ပြန်ရ

အေးရှားဝေါလ် ကုမ္ပဏီ (ရွှေစွမ်းအင်ကုမ္ပဏီ)မှ BOT စနစ်ဖြင့် တည်ဆောက်လုပ်ကိုင်ခွင့် ရရှိထားသော သောက်ရေခပ် (၂) ရေအားလျှပ်စစ် စီမံကိန်းမှ ထွက်ရှိသည့် ဓာတ်အားများကို လျှပ်စစ်စွမ်းအား ၀န်ကြီးဌာနမှ တစ်ယူနစ် ကျပ် ၇၀ နှုန်းဖြင့် ပြန်လည်ဝယ်ယူရန် သဘောတူထားပြီးဖြစ်ကြောင်း သတင်းရရှိသည်။

ယခု ၂၀၁၃ ခုနှစ် တစ်နှစ်တည်းအတွက်ပင် လျှပ်စစ်စွမ်းအား ၀န်ကြီးဌာနမှ အေးရှားဝေါလ် ကုမ္ပဏီသို့ ပေးချေရမည့် ပမာဏမှာ ကျပ်ဘီလျံ ၃၀ (ကျပ်သန်းပေါင်း ၃၀၀၀၀ နီးပါး) အထိ ရှိကြောင်းနှင့် သောက်ရေခပ် (၂) စီမံကိန်း ကုန်ကျစရိတ် (ရင်းနှီးမြှုပ်နှံမှု ပမာဏ) မှာ ကျပ် ၂၃၀ ဘီလျံကျော် ဖြစ်သည်ဟုလည်း သိရသည်။

ပဲခူးတိုင်းဒေသကြီး အတွင်းရှိ သောက်ရေခပ် ချောင်းပေါ်တွင် တည်ဆောက်ထားသော သောက်ရေခပ် (၂) ရေအားလျှပ်စစ် စီမံကိန်းအား BOT စနစ်ဖြင့် လုပ်ကိုင်ရန် ၂၀၀၈ ခုနှစ် မေ ၂ ရက်က လျှပ်စစ်စွမ်းအား ၀န်ကြီးဌာနနှင့် အေးရှားဝေါလ် ကုမ္ပဏီတို့ နှစ်ဖက်နားလည်မှု စာချွန်လွှာရေးထိုးခဲ့ပြီး ၂၀၀၉ ခုနှစ် ဒီဇင်ဘာ ၃၁ ရက်တွင် ပဋိညာဉ်စာချုပ် ချုပ်ဆိုလုပ်ကိုင်ခဲ့ခြင်း ဖြစ်သည်။

အေးရှားဝေါလ် ကုမ္ပဏီမှ တစ်ယူနစ် ၇၅ ကျပ်နှုန်း စတင်တောင်းခံခြင်းဖြစ်ပြီး ကုန်ကျစရိတ်များအား ပြန်လည်တွက်ချက်ကာ တစ်ယူနစ် ကျပ် ၇၀ နှုန်းဖြင့် ၀ယ်ယူရန် ပြင်ဆင်ညှိနှိုင်း ခဲ့ကြခြင်းဖြစ်ကြောင်း၊ ယခု ၂၀၁၃ ခုနှစ် တစ်နှစ်တည်းအတွက်သာ တစ်ယူနစ် ကျပ် ၇၀ နှုန်းဖြစ်ပြီး နှစ်စဉ်တစ်ယူနစ် ဓာတ်အားခဈေးနှုန်းကို ပြင်ဆင်သွားရန် ရှိသည်ဟု . . . . .

သောက်ရေခပ် (၂) ရေအားလျှပ်စစ် စီမံကိန်းအား ၂၀၁၃ ခုနှစ် ဖေဖော်ဝါရီလထဲတွင် စီးပွားဖြစ် စတင်လုပ်ကိုင်ခြင်း ဖြစ်ကြောင်းနှင့် ၂၀၁၃ ခုနှစ် ဒီဇင်ဘာလကုန်အထိ ဓာတ်အားများကို စာချုပ်ဝယ်ယူခြင်းဖြစ်ကြောင်း၊ ၂၀၁၃ ခုနှစ် ဖေဖော်ဝါရီလမှ ၂၀၁၃ ခုနှစ် ဒီဇင်ဘာလအထိ အေးရှားဝေါလ် ကုမ္ပဏီထံမှ လျှပ်စစ်ဓာတ်အား ယူနစ်သန်းပေါင်း ၄၂၇ ကျော်ကို ၀ယ်ယူမည် ဖြစ်ကြောင်းနှင့် ယခုတစ်နှစ်စာအတွက် အေးရှားဝေါလ် ကုမ္ပဏီသို့ ကျပ်သန်းပေါင်း ၃၀၀၀၀ (၃၀ ဘီလျံနီးပါး) နီးပါးအထိ ကုမ္ပဏီသို့ ပေးချေရမည် ဖြစ်သည်။

အဆိုပါ ကုန်ကျငွေများကို လျှပ်စစ်စွမ်းအား ၀န်ကြီးဌာန၏ ဘတ်ဂျက်အတွင်းမှ စိုက်ထုတ်ပေးချေရမည် ဖြစ်ကြောင်းလည်း သိရသည်။

သောက်ရေခပ် (၂) စီမံကိန်းရှိ စက်တပ်ဆင်အားမှာ ၁၂၀ မဂ္ဂါဝပ်ဖြစ်ကြောင်း၊ ဓာတ်အားများကို ၀ယ်ယူပြီး မဟာဓာတ်အားလိုင်း စနစ်အတွင်း ပို့လွှတ်ဖြန့်ဖြူးကြောင်း သိရသည်။

အေးရှားဝေါလ် ကုမ္ပဏီမှ တစ်ယူနစ် ၇၅ ကျပ်နှုန်း စတင်တောင်းခံခြင်းဖြစ်ပြီး ကုန်ကျစရိတ်များအား ပြန်လည်တွက်ချက်ကာ တစ်ယူနစ် ကျပ် ၇၀ နှုန်းဖြင့် ၀ယ်ယူရန် ပြင်ဆင်ညှိနှိုင်း ခဲ့ကြခြင်းဖြစ်ကြောင်း၊ ယခု ၂၀၁၃ ခုနှစ် တစ်နှစ်တည်းအတွက်သာ တစ်ယူနစ် ကျပ် ၇၀ နှုန်းဖြစ်ပြီး နှစ်စဉ်တစ်ယူနစ် ဓာတ်အားခဈေးနှုန်းကို ပြင်ဆင်သွားရန် ရှိသည်ဟုလည်း သိရသည်။

လျှပ်စစ်စွမ်းအား ၀န်ကြီးဌာန အနေဖြင့် လက်ရှိတွင် ၀န်ကြီးဌာန၏ လျှပ်စစ်ဓာတ်အား တစ်ယူနစ် ပျမ်းမျှထုတ်လုပ်ကုန် ကျစရိတ်မှာ ၇၈ ကျပ်အထိရှိပြီး ပြန်လည်ဖြန့်ဖြူးရာတွင် ပျမ်းမျှတစ်ယူနစ် ၅၆ ကျပ်သာ ပြန်ရ၍ တစ်ယူနစ် ၂၂ ကျပ် အရှုံးပေါ်နေသည်ဟုလည်း ထုတ်ပြန်ထားသည်။

သို့သော် မြန်မာနိုင်ငံတွင် ရေအားလျှပ်စစ် ထုတ်လုပ်ရာ၌ တာပိန် (၁)၊ အထက်ကွမ်းလုံကဲ့သို့ ရေအားလျှပ်စစ် စီမံကိန်းများ၏ ဓာတ်အားခဈေးနှုန်းမှာ တစ်ယူနစ်လျှင် ကျပ် ၃၀ ကျော်သာ ကျသင့်မည့် အနေအထား ရှိသည်ဟုလည်း သိရသည်။

ထို့ထက်ပို၍ ပုဂ္ဂလိက လျှပ်စစ်ဓာတ်အား ဖြန့်ဖြူးသည့်လုပ်ငန်း လုပ်ကိုင်မည့် ကုမ္ပဏီ အသိုင်းအ၀ိုင်းအတွင်း ပြောကြားချက် အချို့အရ ရဲရွာ၏ တစ်ယူနစ် ဓာတ်အားကုန်ကျစရိတ်မှာ ကျပ် ၃၀ မှ ၄၀ ကြားသာ ကျသင့်သည်ဟုလည်း စုံစမ်းသိရသည်။

ထိုင်း၌ကျင်းပသည့် မဟာမဲခေါင်ဒေသဉာဏ်ရည်မသန်စွမ်းသူများနှီးနှောဆွေးနွေးပွဲသို့ မြန်မာကြယ်ပွင့်များတက်ရောက်

ထိုင်းနိုင်ငံတွင် စက်တင်ဘာ ၄ရက်မှ ၆ရက်နေ့အထိ ကျင်းပမည့် မဟာမဲခေါင်ဒေသခွဲ နိုင်ငံများမှ ဉာဏ်ရည် မသန် စွမ်းသူများ ကိုယ့်အားကိုယ်ကိုးအဖွဲ့ နှီးနှောဖလှယ်ဆွေးနွေးပွဲ နှင့် မသန်စွမ်းသူများ၏ အခွင့်အရေးများဆိုင်ရာ အင်ချွန် နည်း ဗျူဟာအား ဉာဏ်ရည်မသန်စွမ်းသူများ နားလည်လွယ်စေရန်အတွက် နှီးနှောဖလှယ် ဆွေးနွေးပွဲ တက်ရောက်နိုင်ရေး လူမှု ဝန်ထမ်းဦးစီးဌာန မသန်စွမ်းသက်ငယ်သင်တန်းကျောင်း အခြေပြုအနာဂတ် ကြယ်ပွင့်လေးများ ဉာဏ်ရည်မသန်စွမ်းသူများ ကိုယ်အားကိုယ်ကိုးအဖွဲ့မှ ဉာဏ်ရည်မသန်စွမ်းသူလူငယ် ၁၀ဦး တက်ရောက်ခဲ့သည်။

အဆိုပါ နှီးနှောဖလှယ်ပွဲကို  အာရှ- ပစိဖိတ်မသန်စွမ်းသူများဗဟိုဌာန ( Asia Pacific Center of Disabilities- APCD )၊ ယူအင်န်အက်စ်ကက် ( UN-ESCAP )၊ ဂျပန် အာဆီယံပေါင်းစည်းရေး ရန်ပုံငွေအဖွဲ့ (  Japan Asean Integration Fund- JAIF ) နှင့် ထိုင်းနိုင်ငံ ဉာဏ်ရည် မသန်စွမ်းသူများအဖွဲ့(  Association for Persons with Intellectual Disabilities of Thailand ) တို့ ပူးပေါင်းဆောင်ရွက်ခြင်း ဖြစ်သည်။

" ကျွန်တော်တို့ ကို တွေ့ရင်ပတ်ဝန်းကျင်က ရယ်စရာ လှောင်ပြောင်စရာလို့ ယူဆပြီး နောက်ပြောင်ကြ အထင်သေးကြပါတယ်။ ကျွန်တော်တို့ မိသားစုတွေလည်း မျက်နှာငယ်ကြပါတယ်။ အခု ကျွန်တော်တို့ နိုင်ငံခြားမှာ ဆွေးနွေးပွဲတက်ရောက်ရမှာဆိုတော့ကျွန်တော်တို့ကို အသိအမှတ်ပြုပေးလို့ဝမ်းသာပါတယ် " ဟု အနာဂတ် ကြယ်ပွင့်လေးများ ဉာဏ်ရည်မသန်စွမ်းသူများ ကိုယ့်အားကိုယ်ကိုး အဖွဲ့ဒုတိယ ခေါင်းဆောင် မောင်ကောင်းထက်နိုင်က ပြောကြားပါသည်။

အဆိုပါ ဆွေးနွေးပွဲများသို့ ဉာဏ်ရည်မသန်စွမ်း လူငယ် ၁၀-ဦး၊ ကူညီစောင့်ရှောက်သူ သုံးဦး၊ စကားပြန်/ ဘာသာပြန် နှစ်ဦး နှင့်
လူမှုဝန်ထမ်းဦးစီးဌာန၊ မသန်စွမ်းသူများ ပြန်လည်ထူထောင်ရေး ဌာနစိတ်မှ လက်ထောက်ညွှန်ကြားရေးမှူး ဒေါ်ခင်စန်းရီ နှင့် ဌာနစိတ်မှူး ဒေါ်အေးအေးဝင်းတို့ပါဝင် တက်ရောက်ရန်အတွက် စက်တင်ဘာ၃ရက် နံနက်ပိုင်းက ဘန်ကောက်သို့ ထိုင်း အဲဝေးလေယာဉ်ဖြင့် ထွက်ခွာသည်။

" ကျွန်မတို့ အကတိုက်ထားပါတယ်။ ဟိုမှာ နိုင်ငံအလိုက် ကပြရမှာဆိုတော့၊ ကျွန်မတို့လည်း ကောင်းကောင်း ကတတ်အောင် လေ့ကျင့် ထားပါတယ်။ " ဟု ဆွေးနွေးပွဲတက်ရောက်မည့် မထက်ထက်ဝေက ပြောသည်။

မောင်ဇော်နိုင်လင်းဦးကလည်း စကားလုံးများကို ကြိုးစားအသံထွက်ရင်း " ကျွန်တော်တို့ကို သူများတွေက အထင်သေးတယ်။ လူကြီးတွေက ဆူတယ်။ ကျွန်တော် မကြိုက်ဘူး။ ငွေရတဲ့အလုပ် လုပ်ချင်တယ်။ ဟိုရောက်ရင် ဒါတွေပြောမယ်  " ဟု
၎င်းက ပြောသည်။

မသန်စွမ်းသူများဟုဆိုရာ၌ ကိုယ်ခန္ဓာ မသန်စွမ်း၊ အကြားအာရုံ မသန်စွမ်း/ စကားပြောချို့တဲ့၊  အမြင်အာရုံ မသန်စွမ်း၊ အော်တစ်ဇင်နှင့် ဉာဏ်ရည်မသန်စွမ်းစသည်ဖြင့် မသန်စွမ်းအမျိုးမျိုးရှိကြောင်း၊ မသန်စွမ်းတွေအမျိုးမျိုးအနက်၊ ကိုယ်ခန္ဓာ မသန်စွမ်း၊ ဆွံ့အ နားမကြား၊ မျက်မမြင်စသည့် မသန်စွမ်းများအတွက် အပြည့်အ၀ လွှမ်းခြုံမှုမပေးနိုင်သေးသော်လည်း ယခင် ကတည်းက ကူညီဆောင်ရွက်ပေးခဲ့သည့်အဖွဲ့အစည်းများရှိကြောင်း၊ သင်္ကေတ အချက်ပြ ဆက်သွယ်ရေး ဘာသာစကား (Sign Language )၊ မျက်မမြင်စာနှင့် အထောက်အကူပြုပစ္စည်းများ ပံ့ပိုးပေးခြင်း၊ ကူညီထောက်ပံ့ခြင်းတို့ဖြင့် ၄င်းတို့ဘ၀အဆများစွာ တိုးတက်စေသည်ဟု အနာဂတ်ကြယ်ပွင့်လေးများ ဉာဏ်ရည် မသန်စွမ်းသူများကိုယ်ထူကိုယ်ထအဖွဲ့ ဆက်သွယ်ရေး တာဝန်ခံ ဒေါ်ခင်မျိုးစုက ဆိုသည်။

"ဉာဏ်ရည် မသန်စွမ်းတွေ ကတော့ အဖွဲ့အစည်းမရှိသေးပါဘူး။ သူတို့ကိုယ်တိုင်ကလည်း ဉာဏ်ရည် မသန်စွမ်းသည့်အတွက် သူတို့ကိုယ်တိုင် မလုပ်နိုင်ကြပါဘူး၊ မိသားစုတွေ၊ လုပ်အားပေးတွေ အကူအညီလိုပါသေးတယ်။  ဉာဏ်ရည်မသန်စွမ်းတွေ အတွက် လူမှုဝန်ထမ်းဦးစီးဌာနက မသန်စွမ်းသက်ငယ်သင်တန်းကျောင်း ဖွင့်လှစ် ပြုစုပေးနေတာပါ။ ဒီကျောင်းရဲ့ ပြုစုစောင့် ရှောက်မှုကြောင့် ဒီကလေးတွေ လုံခြုံစိတ်ချစွာ၊ ဂုဏ်သိက္ခာရှိစွာ ရပ်တည်နေနိုင်ကြတာပါ။ အခု ပြင်ပအဖွဲ့အစည်းတွေနဲ့ ဆက် သွယ် လုပ်ဆောင်ခွင့်ရတာ အလွန် ဝမ်းမြောက်ဖွယ်ရာ ဖြစ်ပါတယ် " ဟု တာဝန်ခံ ဒေါ်ခင်မျိုးစုက ပြောကြားခဲ့ခြင်း ဖြစ်သည်။

လူမှုဝန်ထမ်းဦးစီးဌာနသည် သဘာဝဘေးဒဏ်လျော့ပါးရေး၊ ကယ်ဆယ်ရေး နှင့် ပြန်လည်ထူထောင် ရေးလုပ်ငန်းများ၊ ရှေးဦးကလေးငယ်များ ဖွံ့ဖြိုးရေး၊ မိဘမဲ့ကလေးငယ်များ ပြုစုစောင့်ရှောက်ရေး၊ လူငယ် ဖွံ့ဖြိုးတိုးတက်ရေး၊ လူကုန်ကူးမှု တားဆီးကာကွယ် စောင့်ရှောက်ရေး၊ သက်ကြီးရွယ်အို ပြုစုစောင့်ရှောက်ရေး လုပ်ငန်းများ၊ မူးယစ်ဆေးသုံးစွဲမှု ပပျောက်ရေး နှင့်
ပြန်လည်ထူးထောင်ရေး နှင့် မသန်စွမ်းသူများ ပြုစုစောင့်ရှောက်ရေးနှင့် ပြုစုပျိုးထောင်ရေးစသည့် လူမှုစောင့်ရှောက်ရေး နှင့်
ဖွံ့ဖြိုးရေးလုပ်ငန်းများကို တာဝန်ယူဆောင်ရွက်လျက်ရှိသည်။

" နိုင်ငံတော်အစိုးရအနေနဲ့ ကုလသမဂ္ဂ မသန်စွမ်းသူများ အခွင့်အရေးဆိုင်ရာ သဘောတူစာချုပ်ကို အဖွဲ့ဝင်နိုင်ငံ အနေနဲ့ ပါဝင်လက်မှတ်ရေးထိုးပြီး ဖြစ်ပါတယ်။ ဒါ့အပြင် မသန်စွမ်းသူများရဲ့ အခွင့်အရေးများ ဥပဒေတစ်ရပ်ကို မူကြမ်းရေးဆွဲလျက် အတည်ပြု ပြဌာန်းနိုင်စေရန် ညှိနှိုင်း ဆောင်ရွက်လျက်ရှိပါတယ်။ လူမှုစောင့်ရှောက်ရေးလုပ်ငန်းများကိုလည်း အသုံးစရိတ်များ ပိုမို အသုံးပြုပြီး တိုးမြှင့်ဆောင်ရွက်လျက်ရှိပါတယ်။ " ဟု လူမှုဝန်ထမ်းဦးစီးဌာန၊ မသန်စွမ်းသက်ငယ် သင်တန်းကျောင်းမှ
ကျောင်းအုပ်ဆရာမကြီး  ဒေါ်ရီမာတင်က ပြောကြားပါသည်။

အနာဂတ်ကြယ်ပွင့်လေးများ ဉာဏ်ရည်မသန်စွမ်းသူများ ကိုယ်ထူကိုယ်ထအဖွဲ့ကို ဉာဏ်ရည်မသန်စွမ်းသူများ ဘဝကို ရင်ဆိုင် နိုင်စွမ်းရှိရေး၊ အမှီအခိုကင်းကင်းရပ်တည်နိုင်ရေးနှင့် မိမိဘာသာဝင်ငွေရှာနိုင်ရေး ရည်မှန်းချက်ရူပါရုံများထားလျက် ဉာဏ်ရည် မသန်စွမ်းသူများအတွက် အတားအဆီးအခက်အခဲများ ဖယ်ရှားပေးလျက် ရည်မှန်းချက်များ ဖြစ်နိုင်စွမ်းသည့် အခြေအနေ ကောင်းများ ဝိုင်းဝန်းဖန်တီးပေးရန် ရည်ရွယ်၍ ဉာဏ်ရည်မသန်စွမ်းလူငယ်များ၊ မိသားစုများနှင့် စေတနာ့ ဝန်ထမ်းများဖြင့် ဖွဲ့စည်းထားခြင်းဖြစ်သည်

 

တရုတ်ကုမ္ပဏီ မြစ်ဆုံစီမံကိန်း ဆက်လုပ်မည်

တရုတ်နိုင်ငံက လျှပ်စစ်ဓာတ်အား ရင်းနှီးမြှုပ်နှံရေး ကော်ပိုရေးရှင်း  (CPI) ဟာ သမ္မတဦးသိန်းစိန်က ဆိုင်းငံထားဖို့ ကြေညာထားတဲ့ ကချင်ပြည်နယ် မြစ်ဆုံ ရေအားလျှပ်စစ်စီမံကိန်းကို စာချုပ်အတိုင်း ဆက်လုပ် သွားမယ်လို့ ပြောကြားလိုက်ပါတယ်။

ရန်ကုန်မြို့ ကုန်သည်ကြီးများဟိုတယ်မှာ ၂ ၇က်ကြာ ကျင်းပနေတဲ့  မြန်မာ့ စွမ်းအင် ရင်းနှီးမြှုပ်နှံမှုဆိုင်ရာ ထိပ်သီး အစည်းအဝေးမှာ ပြောကြားလိုက်တာပါ။

ဒီအစည်းအဝေးကို confexhub  (ကွန်ဖက်ဟတ်) အဖွဲ့အစည်းရဲ့ အစီအစဉ်နဲ့  စွမ်းအင် ဝန်ကြီးဌာန၊ ရေအားလျှပ်စစ်ဌာနနဲ့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်းချုပ်တို့ ပူးပေါင်းကျင်ပတာဖြစ်ပါတယ်။

ဆွေးနွေးပွဲမှာ စွမ်းအင် စီမံကိန်းတွေအတွက် သဘာဝ ပတ်ဝန်းကျင် ထိခိုက်မှု လေ့လာ ဆန်းစစ်ချက် (CEIA) အစီအစဉ်တွေကို ထည့်သွင်းဆွေးနွေးဖို့ရှိပြီး  မနက်ဖြန်မှာ ဆွေးနွေးပွဲပြီးဆုံးမှာ ဖြစ်ပါတယ်။

ဒီသတင်းနဲ့ပတ်သက်ပြီး ဆွေးနွေးပွဲမှာ သတင်းယူနေတဲ့ ရန်ကုန် အခြေစိုက် ဒီဗွီဘီ သတင်းထောက် ကိုမျိုးဇော်လင်းနဲ့  ဆက် သွယ်မေးမြန်းထားတာကို အသံဖိုင်မှာ နားဆင်နိုင်ပါတယ်။

by ကို​ထွေး​  (ဒီဗွီဘီ)

ထမင်းဆိုင်တွင် ထမင်းကြော်စားစဉ် စကားများပြီး လူသတ်မှုဖြစ်

ပဲခူးမြို့ ရွှေမော်ဓောဘုရားတောင်ဘက်မုခ်အနီး သနပ္ပင်လမ်းရှိ ထမင်းဆိုင်တစ်ဆိုင်တွင် စက်တင်ဘာ ၁ ရက် ည ၁၁ နာရီ မိနစ် ၄၀ က ထမင်းကြော်စားနေသူချင်း ရေနွေးအိုးယူသည့် ကိစ္စကို အကြောင်းပြု၍ စကားများရာမှ လူသတ်မှု တစ်ခုဖြစ်ပွားခဲ့သည်။

ဖြစ်စဉ်မှာ ပဲခူးမြို့ နန်းတော်ရာရပ်ကွက် ရွှေအောင် ရွေး(၁)လမ်းနေ ယာဉ်မောင်း ဦးမိုးဇော်(ခ)ဇော်မင်းထွေး (၃၄)နှစ်သည် စက်တင်ဘာ ၁ ရက် ည ၁၁ နာရီ မိနစ် ၄၀ တွင် ရွှေမော်ဓောဘုရား တောင်ဘက်မုခ်အနီး သနပ္ပင်လမ်းရှိ "မယု" ထမင်းဆိုင်၌ ယာဉ်နောက်လိုက် စိုးသူမြတ်၊ ယာဉ်အမှတ် ဆ/---မှ ယာဉ်မောင်း မင်းသိန်း ထွန်း (ခ) ချန်ဒူးဝမ် မြို့တွင်း ကြီးရပ်ကွက် ပဲခူးမြို့နေသူနှင့် ၎င်း၏ယာဉ်နောက်လိုက် စန်းကိုဦး အလင်းရောင် (၁)လမ်း နန်းတော်ရာရပ်ကွက်နေ သူတို့နှင့်အတူ ထမင်း ကြော် စားနေကြသည်။

ထိုစဉ် ယာဉ်အမှတ် ၄က/---တိုယိုတာနက်ပြာရောင် အမှတ်(၅) ယာဉ်လိုင်းမှ ယာဉ်မောင်းနှင့် ယာဉ်နောက် လိုက်(အမည် မသိ)တို့ရောက်ရှိလာပြီး ထမင်းကြော်စားကြရာ မင်းသိန်းထွန်း(ခ)ချန်ဒူးဝမ်က ရေနွေးအိုးထယူရာ ၄က/---ယာဉ်မောင်း က "မင်းဘာထလုပ်တာလဲ"ဟု မေးသဖြင့် ချန်ဒူးဝမ်က ရေနွေးအိုးထယူကြောင်း ပြောရာမှ တစ်ယောက်တစ်ခွန်း စကားများကြစဉ်၎က/--- ယာဉ်မှ ယာဉ်နောက်လိုက်ဖြစ်သူက အရိုးအသွား တစ်ထွာခန့်ရှိ ဓားဦးချွန်ဖြင့် ချန်ဒူးဝမ်အား ထိုးသည်ဟုဆိုသည်။

ချန်ဒူးဝမ် ဝဲဘက်ရင်ဘတ်၊ ရင်ဘတ်အောက်၊ ယာမျက်လုံးအပေါ်တို့တွင် ထိုးသွင်းဒဏ်ရာတစ်ချက်စီရ ရှိစဉ် စိုးသူမြတ်က ထဆွဲရာ စိုးသူမြတ်ကိုဓားဖြင့် ဆက်လက် ထိုးသဖြင့် ၎င်း၏ယာလက်မောင်း၌ ပြတ်ရှဒဏ်ရာတစ်ချက် ရရှိသွားပြီး ၄က/---ယာဉ်မှာ ပြန်လည်ထွက်ခွာသွားသည်။ဒဏ်ရာများရရှိထားသော ချန်ဒူးဝမ်နှင့် စိုးသူမြတ်တို့အား ပဲခူးဆေးရုံပို့ဆောင်ခဲ့ရာ မင်းသိန်းထွန်း (ခ) ချန်ဒူးဝမ်မှာ ရရှိသောဒဏ်ရာများဖြင့် သေဆုံးသွားသည်။

ဖြစ်စဉ်နှင့် ပတ်သက်၍ ဦးမိုးဇော်(ခ)ဇော်မင်းထွေးက ပြစ်မှုကျူးလွန်ပြီး ရှောင်တိမ်းသွားသူ ၄က/--- အမည်မသိ ယာဉ်နောက်လိုက် (စိစစ်ဆဲ)ကို စုံစမ်းဖော်ထုတ်၍ ဥပဒေအရအရေးယူပေးပါရန် ပဲခူးမြို့မရဲစခန်းသို့ လာရောက်တိုင် တန်းသဖြင့် (ပ)၅၀၉/၂၀၁၃၊ ပြစ်မှုပုဒ်မ ၃၀၂/၃၂၆ အရ အမှုဖွင့်ပြီး စခန်းမှူး ဒုရဲမှူးလှသိန်းက စစ်ဆေးလျက်ရှိကြောင်း သိရသည်။

(နေထက်ဝင်း)
သတင်းနှင့်စာနယ်ဇင်းလုပ်ငန်း

ဓါးကိုင်ရမ်းကားသည့် ရူးသွပ်နေသူကိုဖမ်းဆီး

နေပြည်တော်၊ စက်တင်ဘာ ၃

၃၀-၈-၂၀၁၃ ရက်နေ့ ၁၉၅၀ အချိန် မန္တလေး တိုင်းဒေသကြီး၊ အောင်မြေသာစံမြို့နယ်၊ ပြည်လုံးချမ်းသာ ရပ်ကွက်၊ ၁၆ လမ်း(၈၀x၈၁)လမ်းကြားတွင် လူတစ်ဦးဓါးကိုင်ရမ်းကားနေကြောင်း သတင်းအရ အောင်မြေသာစံ အမှတ်(၄)နယ်မြေရဲစခန်းမှတပ်ဖွဲ့ဝင်များနှင့် အောင်မြေသာစံမြို့မရဲစခန်းမှတပ်ဖွဲ့ဝင်များ ပူးပေါင်း၍ အခင်းဖြစ်ရပ်သို့ ဖမ်းဆီးရန် သွားရောက်ခဲ့သည်။ 

အထက်ပါနေရာတွင် ပြည်လုံးချမ်းသာရပ်နေ အုန်းကြီး(ခ)စိုင်းကျော်ထက်သိန်း(ခ) စိုင်းကိုကို(၃၀)နှစ်က အရိုးအသွား(၈)လက်မခန့်ရှိဓါးဦးချွန်၊ မီးဖိုဆောင် သုံးဓါး(၁)ချောင်း၊ အရှည်(၁၀)လက်မရှိ လက်ကိုင်ကွေးထားသော ဆိုင်ကယ်စပုတ်တံ (၁)ချောင်းတို့ ကိုင်ဆောင်ပြီး လမ်းသွားလမ်းလာများအား လိုက်လံ ထိုးနှက်ရန်ပြုနေသည်ကိုတွေ့ရသဖြင့် ဖမ်းဆီးရန် ဆောင်ရွက်ခဲ့သည်။

ထိုသို့ဖမ်းဆီးစဉ် အုန်းကြီးမှာ ထွက်ပြေးတိမ်းရှောင်ခဲ့ပြီး (၁၅x၈၂)လမ်းထောင့်၌ စက်ဘီးစီး လာသည့် အောင်မြေသာစံမြို့နယ်၊ မေဃဂီရိရပ်ကွက်နေ ၀င်းထွန်း(၃၂)နှစ်အားရန်ပြုခဲ့သဖြင့် ၀င်းထွန်းတွင် မေးရိုးယာဘက် ပြတ်ရှဒဏ်ရာရရှိခဲ့သည်။

ထို့နောက် ၎င်းသည် ဆက်လက်ထွက်ပြေးသွားပြီး(၈၂)လမ်း၊ (၁၅x၁၆)လမ်းကြားသို့အရောက် ပြည်လုံးချမ်းသာ ရပ်နေ ဇော်မင်းဦး(၄၂)နှစ်အား ဆက်လက်ရန်ပြုခဲ့သဖြင့် ဇော်မင်းဦးတွင် ယာလက်မောင်း ပြတ်ရှ၊ ၀ဲလက်ဖျံ ပွန်းပဲ့ဒဏ်ရာများရရှိခဲ့သောကြောင့် မန္တလေးဆေးရုံသို့ တင်ပို့ကုသခဲ့ရသည်။

ထို့ကြောင့် ရဲတပ်ဖွဲ့ဝင်များ၊ အုပ်ချုပ်ရေးအဖွဲ့များနှင့် ရပ်ကွက်နေပြည်သူများက ၀ိုင်းဝန်းဖမ်းဆီး ခဲ့ရာ အုန်းကြီးကို နောက်စေ့နှင့်ဦးခေါင်းထိပ်တို့တွင် ပေါက်ပြဲဒဏ်ရာများဖြင့် ဖမ်းဆီးရမိခဲ့သောကြောင့် မန္တလေးဆေးရုံ သို့တင်ပို့ကုသခဲ့ပြီး အုန်းကြီးနှင့်အတူနေအဒေါ်ဖြစ်သူ ဒေါ်ဇင်မာဝင်း(၄၀)နှစ်အား မေးမြန်း စုံစမ်းချက်အရ အုန်းကြီး သည် ငယ်စဉ်ကတည်းက စိတ်ပုံမှန်မဟုတ်ဘဲ ရူးသွပ်နေသောကြောင့် ထိန်းမရသဖြင့် လွှတ်ထားရခြင်း ဖြစ်ကြောင်းသိရှိရသဖြင့် အုန်းကြီး(ခ)စိုင်းကျော်ထက်သိန်း(ခ) စိုင်းကိုကိုအား မန္တလေး ဆေးရုံကြီးမှ စိတ်ကျန်းမာရေး ဌာနသို့ လွှဲပြောင်းကုသစေလျက်ရှိကြောင်း သတင်းရရှိသည်။

ရဲဇာနည်

မန္တလေးတွင် ရဲအချင်းချင်း ပစ်ခတ်မှု ဖြစ်ပွား

မန္တလေးတိုင်း ရဲရုံးတွင် တာဝန်ကျနေသော ရဲအချင်းချင်း စကားများရာမှ သေနတ်နှင့် ပစ်ခတ်မှု စက်တင်ဘာလ ၂ရက်နေ့ ဖြစ်ပွားခဲ့ရာ ရဲတစ်ဦး သေဆုံးခဲ့သည်။

ယင်းနေ့ ညပိုင်း ၁၁နာရီအချိန်တွင် မှုခင်းအကူတပ်ဖွဲ့ရုံးတွင် ရဲအုပ်ဦးမောင်တင့်ကို ဒုရဲအုပ် သိန်းသန်းစိုးမှ တာဝန်ကျရာ အခန်းတွင်းသို့ ၀င်ရောက်ပြီး ခြောက်လုံးပြူးသေနတ်ဖြင့် ဘယ်ဘက်နားထင်သို့ ပစ်ခတ်ရာ ကျည်ဆန်တုတ်ချင်းပေါက်ပြီး သေဆုံးခဲ့ကြောင်း သိရှိရသည်။

ပစ်သတ်ရသည့် အကြောင်းရင်း အသေးစိတ်ကို စုံစမ်းစစ်ဆေးနေဆဲ ဖြစ်သည်။

တရားခံ ဒုရဲအုပ် သိန်းသန်းစိုးမှာ ယခင်က ယာဉ်ထိန်းရဲတပ်ဖွဲ့မှ အကြမ်းဖက်နှိမ်နင်းတိုက်ဖျက်ရေးဘက် ပြောင်းလာခဲ့ပြီး လက်ရှိတွင် မှုခင်းအကူဌာနစိတ်တွင် ဒုရဲအုပ်ဖြင့် တာဝန်ထမ်းဆောင်နေသူ ဖြစ်သည်။

"ဆရာက သူ့ကို တာဝန်ချိန်မှာ ဘယ်သွားနေတာလဲဆိုပြီး ဖုန်းဆက်မေးလိုက်တာ ကျနော်ကြားတယ်။ နောက်ပိုင်း သူတို့ချင်း ဖုန်းနဲ့ ဘာတွေစကားများလည်းတော့ မသိဘူး။ သိန်းသန်းစိုး ညပိုင်းလာပြီး စာရေးပြီး ထိုင်နေတဲ့ ဆရာ့ခေါင်းကို သေနတ်နဲ့ ပစ်သွားတာပါ။ တကယ်တော့ ဆရာကော၊ သူကော အေးဆေးနေတတ်တဲ့ လူတွေပါ။ ဘာကနေ ဘယ်လို ဖြစ်သွားတာလဲ သေချာမသိဘူး။ သိန်းသန်းစိုးကတော့ ငယ်လည်း ငယ်တယ်။ ချောတော့ ကောင်မလေးတွေလည်း ကြည်တယ်။ ကြည့်ရတာ အဲဒီနေ့က ကောင်မလေးတွေနဲ့များ စကားများလာတာလား သေချာတော့ မသိဘူး" ဟု သေဆုံးသွားသည့် ရဲအုပ် ဦးမောင်တင့်၏ တပည့်ဖြစ်သူက ပြောသည်။

သေဆုံးသွားသည့် ရဲအုပ်တွင် သားသမီးနှစ်ဦးကျန်ရှိခဲ့ပြီး ရုပ်အလောင်းကို ယနေ့နေ့လည် ၂နာရီခွဲကျော်က ကြာနီကန်သုသာန်သို့ ပို့ဆောင် သဂြိုဟ်လိုက်ပြီ ဖြစ်သည်။

ပစ်ခတ်သည့် သေနတ်အမျိုးစားမှာ ခြောက်လုံးပြူးဖြစ်ပြီး စမစ်အမျိုးအစား V73918 ဖြစ်သည်။ တရားခံကို အမှတ် ၈ ရဲစခန်းတွင် ဖမ်းဆီးထားပြီး အမှုတွဲများကို အခင်းဖြစ်စဉ်အပိုင် အမှတ် ၃ တွင် /၃၉၇- ၂၀၁၃ ပြစ်မှုပုဒ်မ ၃၀၂ဖြင့် စစ်ဆေးလျှက်ရှိကြောင်း သိရသည်။

ယခုလကုန်ပိုင်း အတွင်း ကျောက်ဖြူဒေသ အနီးတစ်ဝိုက်၌ လျှပ်စစ်ဓါတ်အား စတင်ဖြန့်ဖြူး ပေးသွားရန်ရှိ

မြန်မာ-တရုတ် ရေနံနှင့် သဘာဝ ဓါတ်ငွေ့ ပိုက်လိုင်း တည်ဆောက်ရေး စီမံကိန်းမှ သဘာဝ ဓါတ်ငွေ့များ ထုတ်ပြီး ဂတ်စ်အင်ဂျင်များ တပ်ကာ

ယခုလကုန်ပိုင်း အတွင်းမှ စတင်ပြီး ရခိုင်ပြည်နယ် ကျောက်ဖြူ ဒေသအနီး တစ်ဝိုက်မှာ လျှပ်စစ် ဓါတ်အားများ စတင်ဖြန့်ဖြူး ပေးတော့မှာ ဖြစ်တယ်လို့ လျှပ်စစ် စွမ်းအား ၀န်ကြီးဌာနမှ တာဝန်ရှိသူ တစ်ဦးရဲ့ ပြောကြားချက် အရ သိရပါတယ်။ လက်ရှိ မှာတော့ အဆိုပါ မြန်မာ-တရုတ် ရေနံနှင့် သဘာဝ ဓါတ်ငွေ့ ပိုက်လိုင်း တည်ဆောက် ရေးစီမံကိန်းမှ သဘာဝ ဓါတ်ငွေ့များကို တရုတ်နိုင်ငံကို စတင်တင်ပို့ နေပြီ ဖြစ်ပါတယ်။

 

ဒါ့အပြင် ကျောက်ဖြူ ဒေသရှိ သဘာဝ ဓါတ်ငွေ့ အသုံးပြုလို့ ရမယ့် နေရာတွေမှာ အရေးပေါ် ဂတ်စ် တာဘိုင်များ တပ်ဆင်ပြီး စတင် လည်ပတ် နိုင်အောင် ဆောင်ရွက်နေပြီ ဖြစ်တယ်လို့ သိရပါတယ်။ အဆိုပါ ဂတ်စ်တာ ဘိုင်များ စတင် လည်ပတ် နိုင်ပါက ကျောက်ဖြူဒေသ အနီး တစ်ဝိုက်ရှိ မြို့များဟာ လျှပ်စစ်မီး စတင် ရရှိတော့မှာ ဖြစ်တယ်လို့ သိရပါတယ်။ ဒီလို ဆောင်ရွက်မှုတွေ အပြင် အဆိုပါ စီမံကိန်း နဲ့အတူ ရခိုင်ပြည်နယ်ရှိ ရေနံစိမ်း ပိုက်လိုင်း စီမံကိန်း ဆောင်ရွက်မှု ဟာလည်း ၉၅ ရာခိုင်နှုန်း ပြီးစီးနေပြီ ဖြစ်ပါတယ်။

 

အဆိုပါ ရေနံစိမ်း ပိုက်လိုင်းဟာ ဆိုရင် တစ်နှစ်ကို ရေနံစိမ်း တန်ချိန်ပေါင်း ၂၂ သန်း ပို့လွှတ်နိုင်မှာ ဖြစ်ပြီး Process Stations ၅ ခုနဲ့ တန်ချိန် ၃ သိန်း အဆင့်ရှိ ရေနံစိမ်း ဆိပ်ကမ်း တစ်ခုကို တည်ဆောက် သွားမှာ ဖြစ်တယ်လို့ သိရပါတယ်။ ဒီလို ဆောင်ရွက်မှုတွေ အပြင် ရခိုင်ပြည်နယ်ရှိ ဒေသများကို လျှပ်စစ် ဓါတ်အား ပေးနိုင်ရန် အတွက် ဓါတ်အားလိုင်း တည်ဆောက်မှု စီမံကိန်းများကိုပါ ဆောင်ရွက် နေပြီး အဆိုပါ ဓါတ်အား လိုင်းမှ ၂၀၁၄ ခုနှစ် အကုန်မှာ လျှပ်စစ်ဓါတ်အား စတင်ဖြန့်ဖြူး ပေးနိုင်ဖို့ လျာထားတယ်လို့ သိရပါတယ်။

 

ပဲခူးမြစ်မှ ရေချိုရရှိရေး အတွက် ဆာဗေး တိုင်းတာမှုများ ပြုလုပ်လျက်ရှိ

 

ပို့ဆောင်ရေး ၀န်ကြီးဌာန ရေအရင်းအမြစ်နှင့် မြစ်ချောင်းများ ဖွံ့ဖြိုး တိုးတက်ရေး ဦးစီးဌာနနဲ့ ဒိန်းမတ် နိုင်ငံ Grontmij ကုမ္ပဏီတို့နဲ့ ပူးပေါင်းပြီး ပဲခူးမြစ်မှ

ရေချိုရရှိရေး အတွက် ရေကြောင်း တိုင်းတာမှုများ ပြုလုပ်လျက်ရှိပြီး ဒီလိုပြုလုပ်ရာ မှာလည်း ရန်ကုန်နဲ့ ပဲခူးကြားရှိ ဒါးပိန်အထိ တိုင်းတာမှု ပြုလုပ်နေရာ ယခု စက်တင်ဘာ လထဲမှာ ပြီးမှာ ဖြစ်တယ်လို့ သိရပါတယ်။ ဒီလို ရေချိုရရှိရေးကို ရှေးဦးစွာ ဆာဗေး လေ့လာမှုတွေ ပြုလုပ်ပြီးပါက နောက်ပိုင်းမှာ ဒီဇိုင်းဆွဲ ကုန်ကျစရိတ် တွက်ချက်ပြီး EIA/ SIA သို့ တင်ပြရမှာ ဖြစ်ပါတယ်။

 

အခုလို အဆင့်ဆင့် တွက်ချက်ပြီး ပါကလည်း အဆိုပါ စီမံကိန်းကို အကောင်အထည် ဖော်ဖို့ အတွက် လုပ်ဆောင်မယ့် ပြည်တွင်း၊ ပြည်ပ ကုမ္ပဏီတွေကို တင်ဒါခေါ်ယူ သွားမှာဖြစ်ပြီး ဒိန်းမတ်နိုင်ငံ Grontmij ကုမ္ပဏီနဲ့ နည်းပညာပိုင်းများ ကူညီပံ့ပိုးပေး သွားမှာ ဖြစ်တယ်လို့ ရေအရင်းအမြစ်နှင့် မြစ်ချောင်းများ ဖွံ့ဖြိုး တိုးတက်ရေး ဦးစီးဌာနမှ တာဝန်ရှိသူ တစ်ဦးက ပြောကြား ခဲ့ပါတယ်။ ဒါ့အပြင် ပဲခူးမြစ်မှ ရေချိုရေသန့် ရရှိပါက သီလ၀ါ အထူးစီးပွားရေး ဇုန်ကို အဓိက ပေးဝေ သွားဖို့နဲ့ သီလ၀ါ ဒေသအနီးရှိ ကျေးရွာများမှာပါ ရေချိုရရှိရေး ဆောင်ရွက် သွားမှာ ဖြစ်တယ်လို့ သိရပါတယ်။

 

 

ပြည်သူတွေ အတွက် သန်းခေါင် စာရင်း အသိပညာပေးရေး လက်စွဲစာစောင်များ ထုတ်ဝေ သွားရန်ရှိ

၂၀၁၄ ခုနှစ်တွင် ကောက်ယူမယ့် ပြည်လုံးကျွတ် သန်းခေါင်စာရင်း အတွက် သန်းခေါင် စာရင်းနဲ့ ပတ်သက်တဲ့ အသိပညာပေး လက်စွဲစာစောင်

တွေကို ပြည်သူတွေကို ထုတ်ဝေ သွားဖို့ ရှိတယ်လို့ လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီး ဌာနမှ တာဝန်ရှိသူ တစ်ဦးရဲ့ ပြောပြချက် အရ သိရပါတယ်။

 

အခုလို ရေးဆွဲရာမှာ သန်းခေါင် စာရင်းနဲ့ ပတ်သက်တာ တွေကို ပြည်သူတွေ တင်မကဘဲ သန်းခေါင်စာရင်း ကောက်ရာမှာ မေးမယ့် မေးခွန်းနဲ့ ပတ်သက်တာတွေ၊ မေးခွန်းတစ်ခုစီ အတွက် ဘယ်လိုမေးရမယ် စတာတွေကို စာရင်းကောက်သူတွေ သိရှိစေရန်လည်း စာရင်း ကောက်သူတွေ အတွက် လက်စွဲစာစောင် တွေကို ရေးဆွဲသွားမှာ ဖြစ်တယ်လို့ သိရပါတယ်။ အခု ရေးဆွဲရာမှာ လိုအပ်တဲ့ အကူအညီ တွေကို UNFPA က ထောက်ပံ့ပေး တယ်လို့ သိရပြီး ယခုနှစ်ကုန်ပိုင်း အတွင်း ထုတ်ဝေနိုင်အောင် စီစဉ်လျက် ရှိတာ ဖြစ်တယ်လို့ သိရှိရပါတယ်။

 

ငါးပိတွင် ဓာတ်မြေသြဇာပါသည့်ဂယက်ကြောင့် ရောင်းအား ၈၀ ရာခိုင်နှုန်း ကျဆင်း

စားသုံးသူဈေးကွက်အတွင်းသို့ ၀င်ရောက်လာသောငါးပိများတွင် ဓာတ်မြေသြဇာအသုံးပြုထားသည် ဆိုသည့် သတင်းများကြောင့် ငါးပိရောင်းလိုအားမှာ ၈၀ ရာခိုင်နှုန်းခန့် ကျဆင်းသွားကြောင်း
ငါးပိ၊ ငါးခြောက်၊ ငံပြာရည် အသင်းဖြစ်မြောက်ရေးကော်မတီနာယက ဦးမောင်မောင်သိန်းက မဇ္ဈိမသို့ ပြောသည်။

"အရင်တုန်းကဆိုရင် ငါးပိဿာရောင်းရရင် အခုလေးပိဿာပဲရောင်းရတော့ ရောင်းအားက အရမ်းကျ သွားတယ်"ဟု ဦးမောင်မောင်သိန်းက ဆိုသည်။

ဓာတ်မြေသြဇာကို ငါးပိတွင် အသုံးပြုထားသည်ဆိုသည့်သတင်းများကြောင့် ရန်ကုန်မြို့ရှိဆိုင်များတွင် ရောင်းအား များ ရုတ်တရက်ကျဆင်းသွားသည်ဟု ဦးမောင်မောင်သိန်းက ဆက်လက်ပြောသည်။

ရောင်းအားကျသွားပြီး ရောင်းဈေးမှာမူ ပုံမှန်အတိုင်းပင်ရှိကြောင်း လုပ်ငန်းရှင်များက ဆိုသည်။

ထမင်းဆိုင်အချို့တွင်လည်း ငါးပိရည်ကို အသုံးမပြုတော့ဘဲ ငံပြာရည်ချက်များကို သုံးတော့ကြောင်းကို ဆရာစံလမ်း တွင် ထမင်းဆိုင်ဖွင့်လှစ်ထားသည့် အသက် ၅၀ ခန့်အရွယ်အမျိုးသမီးတစ်ဦးက
"ဂျာနယ် တွေမှာ ပါကတည်းက ဆိုင်မှာ လုံးဝ ငါးပိရည်မသုံးတော့ဘူး။ ငံပြာရည်တို့ ဘာတို့ကိုပဲ သုံးတော့တယ်" ဟု ဆိုသည်။

တောင်ဒဂုံမြို့နယ်ရှိ အိမ်ရှင်မတစ်ဦးဖြစ်သည့် မချိုက ဆင်းရဲသားများတွင် အားပြုစားနေရသည့် ငါးပိရည်ကို မသမာမှုပြုသည့်အတွက် စားစရာပင်မရှိတော့ဟု ခံစားရကြောင်းနှင့် ကိုယ်တိုင်လုပ်ရောင်းသည့် သူများထံတွင် ၀ယ်စားကြောင်း "မျက်နှာသိ ငါးပိပဲဝယ်တော့တယ်"ဟု ပြောသည်။

စက်မှုဇုန်လုပ်ငန်းရှင်များက ငါးပိကို ဓာတ်မြေသြဇာအသုံးပြုထုတ်လုပ်ခြင်း လုံးဝမရှိကြောင်း၊ ဈေးပေါပေါနှင့် နယ်မှလာရောင်းချပါက သတိထား စားသုံးသင့်ကြောင်း ဦးမောင်မောင်သိန်းက အကြံပြုပြောသည်။

မြန်မာနိုင်ငံစားသုံးသူကာကွယ်ရေးအသင်း ဥက္ကဋ္ဌ ဦးဗအုပ်ခိုင်က ယခုလောလောဆယ်တွင် ဓာတ်မြေသြဇာ အသုံးပြု ထားသည်ဟု ယူဆရသော ငါးပိများကို စစ်ဆေးရန် အစားအသောက်နှင့်ဆေးဝါးစစ်ဆေးရေး ဦးစီးဌာနသို့ ပေးပို့ထားပြီး စက်တင်ဘာ ၃ရက်မှ စတင်ကာ ငါးပိလုပ်ငန်းရှင်များနှင့် ပူးပေါင်း၍ ရန်ကုန် တိုင်းဒေသကြီးရှိ ငါးပိ လုပ်ငန်းများကို သွားရောက်စစ်ဆေးတော့မည်ဖြစ်ကြောင်း ရှင်းပြသည်။

"ဒါတွေကို စစ်ဆေးပြီးသွားရင် တံဆိပ်တွေသတ်မှတ်ပြီး ဘယ်ဟာက စားသုံးသင့်တယ်၊ ဘယ်ဟာက မစားသုံး သင့်ဘူးဆိုတာတွေကို ထုတ်ပြန်သွားမယ်"ဟု ဦးဗအုပ်ခိုင်က ဆိုသည်။

ဧရာဝတီတိုင်းဒေသမှထွက်ရှိသော ငါးပိများတွင် ငါးများကို လျင်မြန်စွာနူးစေရန်အတွက် ဓာတ်မြေသြဇာ အသုံးပြု ထားသည်ကို စစ်ဆေးတွေ့ရှိခဲ့သည်ဟု ၎င်းက ပြောသည်။