Tuesday, January 22, 2013

စစ်တပ်ချင်း ပူးပေါင်းဆောင်ရွက်ရန် အိန္ဒိယကာကွယ်ရေးဝန်ကြီး မြန်မာရောက်ရှိ



2013-01-21
အိန္ဒိယကာကွယ်ရေးဝန်ကြီး AK Antony နဲ့ အဖွဲ့ဟာ မနေ့က မြန်မာနိုင်ငံကို ရောက်ရှိ လာခဲ့ပါတယ်။ အိန္ဒိယကာကွယ်ရေး ဝန်ကြီးဟာ သမ္မတ ဦးသိန်းစိန်၊ ကာကွယ်ရေး ဝန်ကြီးတို့နဲ့ တွေ့ဆုံပြီး နှစ်နိုင်ငံနယ်စပ်လုံခြုံမှု စီမံဆောင်ရွက်ရေး၊ နှစ်နိုင်ငံစစ်တပ်ခြင်း ပူးပေါင်းဆောင်ရွက်ရေးအပါအဝင် နှစ်နိုင်ငံအကျိုးတူကိစ္စတွေကို ဆွေးနွေးကြမယ်လို့ သိရပါတယ်။

မိုင်ပေါင်း ၈၀၀ ကျော် ချီတက် လမ်းလျှောက်သူတွေ ပဲခူးမှာ တားဆီးခံရ



2013-01-22
ကချင်ပြည်နယ်က စစ်ပွဲတွေ ရပ်တန့်ပေးဖို့ လမ်းလျှောက်ဆန္ဒပြ သူတွေကို ဒီကနေ့ ဇန်နဝါရီလ ၂၂ ရက်နေ့ မနက်ပိုင်းက ပဲခူးတိုင်းဒေသကြီးအဝင်မှာ ပဲခူးတိုင်းအာဏာပိုင်တွေ က ရှေ့ဆက်သွားခွင့်မပေးပဲ တားဆီးပိတ်ပင်ခဲ့ပါ တယ်။

ဖားကန့်-မိုးကောင်းလမ်း ပြန်လည်သွားလာခွင့်ရ



2013-01-22
အစိုးရတပ်နဲ့ ကေအိုင်အေတပ်တွေကြား တိုက်ပွဲတွေကြောင့် ပြီးခဲ့တဲ့ ဇန်နဝါရီ ၉ရက်နေ့ကစပြီး နှစ်ပတ်နီးပါးပိတ်ထားခဲ့တဲ့ ကချင်ပြည်နယ်၊ ဖားကန့် ကျောက်စိမ်းတွင်းဒေသ၊ မိုးကောင်း-ဖားကန့်လမ်းကို ဒီကနေ့ ဇန်န၀ါရီလ ၂၂ရက်နေ့ မနက်ပိုင်းမှာ ဖြတ်သန်းသွားလာခွင့် ပြုလိုက်ပြီလို့သိရှိရပါတယ်။
Photo:RFA
ဖားကန့်မြို့ ဖားကန့် အထက်တန်းကျောင်းဘေးက ဖားကန့်-ဆိုင်းတောင်လမ်းကိုတွေ့ရစဉ်။
ဒီကနေ့ မနက်ပိုင်းကစပြီး မိုးကောင်းဘက်က ကားတွေတက်လာပြီး ဖားကန့်ဘက်ကလည်း ခရီးသည်တင်ကားတွေနဲ့ ကိုယ်ပိုင်းကားတွေ ဆင်းသွားကြပြီလို့ ဒေသခံတစ်ဦးက RFA ကိုပြောပါတယ်။
ဒီကနေ့ မနက်ပိုင်း ၅နာရီလောက်မှာ လုံးခင်းရဲ့ အရှေ့မြောက်ဘက် ၇မိုင်ခန့်အကွာ နန့်စန်းသုံးကျေးရွာဘက်မှာ ပစ်ခတ်သံအချို့ ကြားရတာတွေရှိပေမယ့် လတ်တလော တည်ငြိမ်တဲ့အခြေအနေမှာ ရှိနေတယ်လို့ သိရပါတယ်။
ဖားကန့်ဖက်အခြေအနေ ပြန်တည်ငြိမ်လာတာကြောင့် လုံးခင်းနဲ့ မှော်စီစာကျေးရွာတွေမှာ ခိုလှုံနေကြတဲ့ မားဆား၊ ကုဋေမှော်၊ မဇွပ်ယန် စတဲ့ရွာတွေက ဒေသခံတစ်ချို့ဟာ သူတို့ရဲ့ ရွာတွေကို ပြန်နေထိုင်ကြတာလည်း ရှိနေပါတယ်။
ဒါပေမယ့် ကေအိုင်အေ တပ်ရင်း ၆အခြေစိုက်တဲ့ ကံစီးပတ်ဝန်းကျင်ရွာတွေက ဒေသခံပြည်သူအများစုကတော့ လုံးခင်းဖက်က ကယ်ဆယ်ရေးစခန်းတွေမှာ ဆက်လက်နေထိုင်နေဆဲဖြစ်ပါတယ်။
အဲဒီစခန်းတွေမှာ လက်ရှိ စစ်ပြေးရှောင်ဒုက္ခသည် အနည်းဆုံး နှစ်ထောင်လောက်ရှိနေသေးတယ်လို့  ကယ်ဆယ်ရေးလုပ်ငန်း ဆောင်ရွက်နေသူတွေက ပြောပါတယ်။

အစိုးရ ငြိမ်းချမ်းရေးအဖွဲ့ ခေါင်းဆောင် ဦးအောင်မင်း ဒီကေဘီအေ နဲ့ ပထမဆုံးတွေ့ဆုံ



2013-01-22
ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဌ ပြည်ထောင်စုဝန်ကြီး ဦးအောင်မင်း ဦးဆောင်တဲ့အဖွဲ့ဟာ တိုးတက်သော ကရင်ဗုဒ္ဓဘာသာတပ်မတော် (DKBA) အဖွဲ့က ခေါင်းဆောင်တွေ ဒီကနေ့ မနက်ပိုင်းက ကရင်ပြည်နယ် မြဝတီမြို့မှာ ဆွေးနွေးခဲ့ကြပါတယ်။

ကချင်စစ်ပြေးဒုက္ခသည် အမျိုးသမီးတွေကို ဒေါ်အောင်ဆန်းစုကြည် အားပေးစကားပြော



2013-01-22
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က ကချင်ပြည်နယ် စစ်ဘေးရှောင် ဒုက္ခသည်စခန်းက အမျိုးသမီးတွေ အနေနဲ့ ပြဿနာတွေကို အတူတကွ လက်တွဲဖြေရှင်းသွားကြဖို့နဲ့ အနာဂတ်မျှော်လင့်ချက်တွေကို လက်မလွှတ်ကြဖို့ အားပေးစကား ပြောကြား လိုက်ပါတယ်။

ဆက်သွယ်ရေး အရာရှိ အများအပြား ခေါ်ယူစစ်ဆေးခံရ

ဆက်သွယ်ရေးဝန်ကြီးနှင့် အရာရှိများ ၀န်ကြီးဌာနတွင်း လုပ်ငန်းများကို လိုက်လံစစ်ဆေးကြည့်ရှုနေစဉ် (ဓာတ်ပုံ – ဆက်သွယ်ရေး ၀န်ကြီးဌာန)

သမ္မတဦးသိန်းစိန်က ဆက်သွယ်ရေးဝန်ကြီး ဦးသိန်းထွန်းကို ရာထူးမှ ဖယ်ရှားပြီးနောက် ပြည်ထဲရေးဝန်ကြီးဌာန အထူး စုံစမ်းစစ်ဆေးရေး ဦးစီးဌာနက မြန်မာ့ဆက်သွယ်ရေး လုပ်ငန်းမှ အဆင့်မြင့်အရာရှိကြီးများကို နေပြည်တော်တွင် ခေါ်ယူ စစ်ဆေးလျက်ရှိကြောင်း သတင်းရရှိသည်။

သမ္မတဦးသိန်းစိန်က ဇန်န၀ါရီလ ၁၆ ရက်နေ့တွင် ဆက်သွယ်ရေးနှင့် သတင်းအချက်အလက် နည်းပညာဝန်ကြီး ဦးသိန်းထွန်း၊ သာသနာရေးဝန်ကြီး သူရဦးမြင့်မောင်တို့ကို ရာထူးမှ နုတ်ထွက်ခွင့်ပြုသည်ဟု ထုတ်ပြန်ကြေညာ ပြီးနောက် ဇန်န၀ါရီလ ၁၇ ရက်နေ့တွင် မြန်မာ့ဆက်သွယ်ရေးလုပ်ငန်းမှ အထွေထွေမန်နေဂျာ၊ အင်ဂျင်နီယာချုပ်ကဲ့သို့သော အရာရှိများအပါအ၀င် အဆင့်မြင့် အရာရှိကြီးများကို နေပြည်တော်သို့ ခေါ်ယူစစ်ဆေးခြင်း ဖြစ်ကြောင်းသိရှိရသည်။

"၀န်ကြီး ထွက်သွားပြီးတဲ့ နောက်တနေ့မှာပဲ ရန်ကုန်က ဆက်သွယ်ရေး အရာရှိကြီးတွေကို နေပြည်တော်ကို ခေါ်စစ်ပါတယ်။ ပထမတော့ ၈ ဦး၊ ဒါပေမယ့် အစစ်ဆေး ခံရတဲ့သူတွေနဲ့ ဆက်စပ်တာတွေ ထပ်ခေါ်တော့ ခေါ်စစ်ဆေး ခံရတဲ့သူတွေ အရေအတွက်များတယ်လို့ သိရပါတယ်" ဟု နေပြည်တော်အစိုးရ အသိုင်းအ၀န်းနှင့် နီးစပ်သူတဦးက ပြောသည်။

ဆက်သွယ်ရေး အရာရှိများကို ခေါ်ယူစစ်ဆေးမှု၏ အဓိက အကြောင်းအရင်းမှာ မိုဘိုင်းလ်ဖုန်းကတ်နှင့် အင်တာနက် ၀န်ဆောင်မှု လုပ်ငန်းများ ချထားပေးရာတွင် အကျင့်ပျက်ခြစားမှု၊ လာဘ်ပေးလာဘ်ယူမှုများ ကျူးလွန်မှု ရှိ၊ မရှိ ခေါ်ယူ စစ်ဆေးခြင်းဖြစ်ပြီး ၀န်ကြီးဌာနတွင်း အကျင့်ပျက်ခြစားမှုများနှင့် တိုက်ရိုက် ဆက်စပ်နေကြောင်း၊ သမ္မတဦးသိန်းစိန်က ဆက်သွယ်ရေး ၀န်ကြီးဦးသိန်းထွန်းနှင့် သာသနာရေးဝန်ကြီး သူရဦးမြင့်မောင်တို့ကို ၀န်ကြီးရာထူး တာဝန်များမှ အနားပေးခဲ့ခြင်းသည် လာဘ်ပေးလာဘ်ယူမှု၊ အကျင့်ပျက်ခြစားမှု၊ အမိန့်မနာခံမှု များကြောင့်ဖြစ်ကြောင်း အစိုးရနှင့် နီးစပ်သည့် အသိုင်းအဝန်းမှ သိရသည်။

ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန၊ ဒုတိယ၀န်ကြီး ဦးသောင်းတင်ကို မြန်မာ့ဆက်သွယ်ရေး လုပ်ငန်းမှ အရာရှိများ ခေါ်ယူစစ်ဆေးခံရမှုနှင့်ပတ်သက်ပြီး ဧရာဝတီက မေးမြန်းရာ ဦးသောင်းတင်က မှတ်ချက် မပေးလိုကြောင်း ပြောသည်။

"ကျနော် မှတ်ချက် ပေးစရာ မရှိသေးပါဘူး" ဟု ဦးသောင်းတင်က ဆိုသည်။

နေပြည်တော်တွင် မြန်မာ့ဆက်သွယ်ရေး လုပ်ငန်းမှ အရာရှိများ ခေါ်ယူစစ်ဆေးခြင်းကို ဒုတိယ သမ္မတ ဒေါက်တာစိုင်းမောက်ခမ်း ဦးဆောင်သော  လာဘ်ပေးလာဘ်ယူမှု အရေးယူ ဆောင်ရွက်ရေး ကော်မတီက တိုက်ရိုက် ကိုင်တွယ်လျှက်ရှိကြောင်း သိရှိရသည်။

လာဘ်ပေးလာဘ်ယူမှု အရေးယူဆောင်ရွက်ရေး ကော်မတီကို ဇန်န၀ါရီလ ၈ ရက်နေ့တွင် သမ္မတဦးသိန်းစိန်က ဖွဲ့စည်းလိုက်ပြီး ယင်းအဖွဲ့တွင် ဥက္ကဋ္ဌအဖြစ် ဒုတိယသမ္မတ ဒေါက်တာစိုင်းမောက်ခမ်း၊ အဖွဲ့ဝင်များအဖြစ် ပြည်ထဲရေးဝန်ကြီး ဒုတိယဗိုလ်ချုပ်ကြီး ကိုကို၊ သမ္မတရုံး ၀န်ကြီးများဖြစ်ကြသည့် ဦးသိန်းညွှန့်၊ ဦးစိုးမောင်၊ ဦးစိုးသိန်း၊ ဦးတင်နိုင်သိန်း၊ ပြည်ထောင်စုရှေ့နေချုပ် ဒေါက်တာထွန်းရှင်၊ သမ္မတ၏ ဥပဒေအကြံပေး ဦးသန်းကျော်၊ အတွင်းရေးမှူးအဖြစ် သမ္မတရုံး ညွှန်ကြားရေးမှူးချုပ် ဦးလှထွန်းအပါအ၀င် စုစုပေါင်း ၉ ဦးဖြင့် ဖွဲ့စည်းခဲ့သည်။

ယင်းကဲ့သို့ ဆက်သွယ်ရေးဝန်ကြီးဌာနတွင်း အကျင့်ပျက်ခြစားမှုများနှင့် ပတ်သက်၍ စစ်ဆေးရာတွင် ပွင့်လင်းမြင်သာမှု မရှိကြောင်း၊ ယခင် စစ်အစိုးရလက်ထက် လာဘ်ပေးလာဘ်ယူမှုများတွင် ပါဝင် ပတ်သက်ခဲ့ပြီး ယခု အစိုးရအဖွဲ့အတွင်း ပါဝင် ဆောင်ရွက်နေသူများပါ ထိခိုက်လာနိုင်ဖွယ် ရှိသောကြောင့် ဖြေရှင်းရာတွင် ပွင့်လင်းမြင်သာမှု မရှိဟု ယူဆရကြောင်း လေ့လာ သုံးသပ်သူများက ဝေဖန်နေကြသည်။


ဗန်းမော် - လွယ်ဂျယ်ကားလမ်းတွင် ဗုံးကွဲ၊ ခရီးသည် ၂၀ ကျော် ဒဏ်ရာရ