တာမွေမြို့နယ်ရှိ ရာပြည့်ဈေးအား အဆင့်မြင့်ဈေးအဖြစ် ယခုနှစ်မိုးအကုန်ပွင့်လင်းရာသီတွင်အကောင်အထည် ဖော်ဆောက်လုပ်သွားမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ (ဈေးများဌာန)ကသိရှိရသည်။
တာမွေမြို့နယ်ရှိရာပြည့်ဈေးအား(၁၂)ထပ်အဆောက်အဦး၊အဆင့်မြင့်ဈေးအဖြစ် အောင်ကောင်းကျော်ကုမ္ပဏီ က(၂)နှစ်အတွင်းအပြီးဆောက်လုပ်ရန်တာဝန်ယူထားကြောင်း သိရသည်။
“ဈေးသူဈေးသားတွေရဲ့ တောင်းဆိုမှုကြောင့်
ဆောက်ပေးရတာပါ။ အခု ဈေးသူဈေးသားတွေအတွက် ယာယီဈေးဆောက်ပေးဖို့
နေရာရှာနေပါတယ်။ အဆင့်မြင့်ဈေး ဆောက်ပြီးသွားပြီဆိုရင်လည်း ဈေးသူဈေးသားတွေကိုသူ့ဆိုင်ခန်းနဲ့သူ ပြန်ပေးပြီး သူတို့အနေနဲ့ ငွေကုန်ကျမှုမရှိပါဘူး ” ဟု ရန်ကုန်မြို့တော် စည်ပင်သာယာရေးကော်မတီ(ဈေးများဌာန)မှ ဒုတိယဌာနမှူး က ပြောသည်။
လက်ရှိ
တာမွေမြို့နယ်ရှိ ရာပြည့်ဈေးအား ရာပြည့်(အားကစားကွင်း)ကွင်း
ဟုခေါ်ဆိုခဲ့ကာ ၁၉၈၉ ခုနှစ်မှစ၍ ဈေးရုံများအဖြစ် ပြောင်းလဲခဲ့၍ အဆိုပါ
ဈေးရုံအတွင်း ဆိုင်ခန်းပေါင်း (၆၀၀)ကျော်ရှိကြောင်း သိရှိရသည်။
“ရာပြည့်ဈေးကို
အဆင့်မြင့်ဈေးဆောက်ပေးမယ်ဆိုတော့ ကောင်းတာပေါ့။ အခုက မိုးတွင်းဆိုတော့
ကျွန်မ တို့လည်း ဈေးဝယ်ရတာ အဆင်မပြေဘူး။ မိုးစိုပြီး ရွှံ့တွေဗွက်တွေလည်း
ရှိတော့ ညစ်ပတ်နံစော်နေတာပဲ။ ဒီလိုဆောက်ပေးမယ်ဆိုတော့ ဈေးသည်တွေအတွက်လည်း
ကောင်းတာပေါ့ ” ဟု တာမွေမြို့နယ်မှ ဒေါ်နုကြည် က ပြောသည်။
ရန်ကုန်တိုင်းဒေသကြီးတွင်း
မြို့အဂါင်္ရပ်နှင့်ညီညွတ်စေရန်အတွက် ဈေးရုံများအား
အဆင့်မြင့်ဈေးများအဖြင့် ပြောင်းလဲတည်ဆောက်မှုများရှိလာပြီး လက်ရှိတွင်
အလုံမြို့နယ်ရှိ ဆင်မင်းဈေးအား အဆင့်မြင့်ဈေးအဖြစ်
စတည်အကောင်အထည်ဖော်ဆောက်လုပ်နေပြီဖြစ်သည်။
တာမွေမြို့နယ်ရှိ ရာပြည့်ဈေးနှင့် ရန်ကင်းမြို့နယ်ရှိ ဘောက်ထော်ဈေးတို့အားအဆင့်မြင့်ဈေးများအဖြစ်တည်ဆောက်ရန် ဆောင်ရွက်လျက်ရှိကြောင်းကိုလည်းသိရှိရသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။