ရန်ကုန်-မန္တလေး အဆင့်မြင့် လမ်းမကြီးကို အစီအစဉ်အတိုင်း ရှစ်လမ်း သွား လမ်းမကြီးအဖြစ် ဖောက်လုပ်ခြင်း၊ နိုင်လွန် ကတ္တရာ ထပ်ခင်းခြင်း၊ CCTV များ တပ်ဆင်ခြင်းနှင့် လမ်းမကြီးပေါ် ကျွဲ၊ နွားများ မတက်စေအောင် ခြံစည်းရိုး ခတ်ခြင်းများကို ဂျပန်နိုင်ငံ၏ အကူအညီဖြင့် လုပ်ဆောင် သွားရန်ရှိကြောင်း ဆောက်လုပ်ရေးဝန်ကြီးဌာနမှ သိရသည်။
“ရန်ကုန်-မန္တလေး လမ်းမကြီးကို နိုင်လွန်ကတ္တရာခင်းဖို့ စီစဉ်နေတယ်လို့ ကြားထားတာကြာပြီ။ ဂျပန်က ကူညီမှာလည်း ကြားထားတာပါပဲ။ ဒီလမ်းမကြီးက အရေးပေါ် အမြန်ဆောက်ခဲ့ရတဲ့ လမ်းမကြီးထဲမှာ ပါတယ်လေ” ဟု ဆောက်လုပ်ရေးဝန်ကြီးဌာနမှ အငြိမ်းစား အဆင့်မြင့် အရာရှိ တစ်ဦး ကလည်း ပြောကြားသည်။ အဆိုပါ လမ်းမကြီးပေါ်တွင် အဝေးပြေးကားများမှာ တစ်နာရီလျှင် မိုင် ၆၀ ထက် ပိုမမောင်းရကြောင်း သတိပေးထားပြီး ကွန်ကရစ်၏ ခိုင်ခံ့မှု အရည်အသွေး အာမခံချက် နည်းပါးမှုကြောင့် နှစ်အနည်းငယ် ကာလအတွင်းမှာပင် ပြင်ဆင်ခဲ့ရမှုများ ရှိနေခဲ့သည်ဟု သိရသည်။ အေဝိုင်အီး
No comments:
Post a Comment
စာဖတ်သူများကွန်မန်.ပေးနိုင်ပါသည်။