နိုင်ငံခြားငွေ ဘဏ်စာရင်းရှိသူတိုင်း ၂၀၀၇ ခုနှစ်နဲ့အထက်မိုဒယ်ကား တင်သွင်းခွင့်ပြုမည်

မေလ ၇ ရက်၊ ၂၀၁၂ ခုနှစ်-ကျော်စိုးလင်း (YPI)

နိုင်ငံခြားငွေ ဘဏ်စာရင်းရှိသူ မြန်မာနိုင်ငံသားတိုင်း ၂၀၀၇ ခုနှစ်အထက် မိုဒယ် အိမ်စီးကားများ တင်သွင်းခွင့်ပြုတော့မည်ဟု ယနေ့မွန်းလွဲ ၂ နာရီ နေပြည်တော် စီးပွားကူးသန်းဝန်ကြီးဋ္ဌာနတွင် ပြုလုပ်သည့် သတင်းစာရှင်းလင်းပွဲတွင် စီးပွားကူးသန်းဝန်ကြီးဋ္ဌာန ၀န်ကြီး ဦးဝင်းမြင့်က ပြောကြားလိုက်သည်။  

 
    ယခုကဲ့သို့ တင်သွင်းခွင့်ပြုလိုက်ခြင်းမှာ ကားပါမစ် စနစ်ဖျက်သိမ်းလိုက်ခြင်း မဟုတ်ဟုလည်း ၀န်ကြီးက ရှင်းလင်းပြောဆိုသည်။

၂၀၀၇ ခုနှစ်မိုဒယ်နှင့် အထက် ကားတင်သွင်းခွင့်ပြုရာတွင် ဘယ်မောင်း ညာမောင်း နှစ်မျိုးစလုံး တင်သွင်းခွင့်ပြုမည် ဟုလည်း သတင်းစာရှင်းလင်းပွဲတွင် ပြောဆိုသွားသည်။

နိုင်ငံခြားငွေ ဘဏ်စာရင်းဟုဆိုရာတွင် MICB Myanmar Investment and Commercial Bank နှင့် MFTB Myanmar Foreign Trade Bank သို့မဟုတ် နိုင်ငံခြားဘဏ်တခုခုဖြင့် ချိတ်ဆက်ထားသည့် ပုဂ္ဂလိကဘဏ်တခုခုတွင် ငွေစာရင်းဖွင့် လှစ်ထားသည့် ငွေစာရင်းကို ရည်ညွှန်းခြင်းဖြစ်၍ ငွေစာရင်းတွင် တင်သွင်းမည့် ကားတန်ဖိုး ပမာဏသာရှိဖို့ လိုအပ်သည်ဟု ၀န်ကြီးက ပြောသည်။

ကားတင်သွင်းခွင့်ကို ဆယ်စုနှစ် တစ်ခုကျော်ကြာ ချုပ်ကိုင်ထားခြင်းကြောင့်ွှဲအိမ်နီးချင်းနိုင်ငံများထက် မြမန်မာနိုင်ငံတွင် ကားတန်ဖိုး အဆမတန်မြင့်တက်ခဲ့ရာ လွန်ခဲ့သည့် ၂ နှစ်ကျော်ကာလတွင် ဖင်ကောက်ဟု ကားဈေးကွက်မှခေါ်ဆိုသည့် ကိုရိုလာဗင် (ဒီဇယ်) ၂၀၀၀ ၉၇၊ ၉၈ ခုနှစ်မိုဒယ်ကားမှာ သိန်း ၇၅၀ ၊ ၈၀၀ အထိမြင့်တက်ခဲ့သည်။
ယခုအခါ သိန်း ၃၀၀ ၀န်းကျင် ရောင်းချနေသည့် ၂၀၀၁/ ၂ခုနှစ်မိုဒယ် တိုယိုတာမတ်တူး ( ဈေးကွက်အခေါ်ရွှေငါး ) ကားမှာ သိန်း ၁၄၀၀ အထိ အမြင့်ဆုံးဈေးရှိခဲ့သည်။

ယခု ခွင့်ပြုလိုက်သည့် ကားတင်သွင်းခွင့်ပါမစ်လျှောက်ထားခြင်းကို သဘက်ခါ (မေလ ၉ ) ရက်မှစတင်၍ စီးပွားကူးသန်းဝန်ကြီးဋ္ဌာနမှကိုင်တွယ် ဆောင်ရွက်ပေးသွားမည် ဟုလည်း ၀န်ကြီးက ပြောဆိုသွားသည်။

စီတီးတက်စီနှင့် ဘတ်စ်ကား တင်သွင်းခွင့်ကိုမူ ပုံမှန်ရှိပြီးသား သတ်မှတ်ချက်များအပြင် သက်ဆိုင်ရာ တိုင်းဒေသကြီးသို့မဟုတ် ပြည်နယ်အစိုးရများထံမှ ခွင့်ပြုချက် လျှောက်ထားရမည်ဟုလည်း ၀န်ကြီးက ပြောဆိုသည်။

ယင်းသို့ သတ်မှတ်ရခြင်းမှာ သက်ဆိုင်ရာ နယ်မြေအလိုက် လိုအပ်ချက် အရေအတွက်၊ လမ်းအခြေအနေတို့အပေါ် မူတည်ကာ ဒေသဆိုင်ရာ အစိုးရများက တင်သွင်းခွင့်ပေးရန် ဆုံးဖြတ်မည့် သဘောဖြစ်သည်ဟု ၎င်းက ရှင်းလင်းပြောဆိုသည်။


ဦးသိန်းစိန် အစိုးရတက်လာချိန်မှစတင်၍ စီးပွားရေး ပြုပြင်ပြောင်းလဲမှုများ ပြုလုပ်လျှက်ရှိရာ ယမန်နှစ် စက်တင်ဘာလတွင် ယာဉ်အိုယာဉ်ဟောင်းများ အစားထိုးလဲလှယ်ရေး အစီအစဉ်ကို စတင်ခဲ့သည်။ယင်းအစီအစဉ် စတင်သည့်နောက်ပိုင်း ကားဈေးများ ခေါက်ချိုးအောက် ထိကျဆင်းလာခဲ့သည်။

သင်္ဘောသား ပါမစ်ဟုခေါ်ဆိုသည့် နိုင်ငံခြား သင်္ဘောသား လုပ်ကိုင်သူများ အနေဖြင့် လျှောက်ထားရရှိသည့် ပါမစ်ဝယ်ယူထားသူ ဦးမျိုးထွန်းက “ကျွန်တော်ဝယ်ထားတဲ့ ပါမစ်က သိန်း ၇၀လောက်ပေးရတယ်။ အဲဒီပါမစ်နဲ့ အခု ခွင့်ပြုလိုက်တဲ့ ပါမစ်က အတူတူဆိုတော့ ကျွန်တော်ပါမစ် က တန်ဖိုး သုည ဖြစ်သွားတဲ့သဘောပေ့ါ” ဟု YPI သို့ပြောသည်။ ။

Yangon Press International