နိုင်ငံတော် သမ္မတကြီးမှ ပြည်ထောင်စု ဝန်ကြီးနှင့်ဒုတိယဝန်ကြီး အသစ်များအား ပြောင်းလဲခန့်အပ်သည့် အပေါ်တွင် ပြည်သူအကျိုးအတွက် အမှန်တကယ်ဆောင်ရွက်ပေးနိုင်လိမ့်မည်ဟု မျှော်လင့်မိသဖြင့် ကြိုဆိုကြောင်း ပြည်သူများက ဆိုသည်။
“ဒီဝန်ကြီးတွေက တိုင်းပြည်နဲ့ပြည်သူအတွက် အလွန်အရေးကြီးပါတယ်။ အခုတာဝန်ယူလိုက်တဲ့ ဝန်ကြီးတွေက ခန့်အပ်လိုက်တဲ့ ကဏ္ဍအလိုက် ကျွန်တော်တို့ ပြည်သူတွေအတွက် တကယ် လေးလေးနက်နက် ဆောင်ရွက်ပေးနိုင်လိမ့်မယ်လို့ မျှော်လင့်ပါတယ်””ဟု လှည်းတန်းဈေးတွင်းမှ မုန့်ပဲသရေစာရောင်းချသူ ဦးသန်းဝင်းက ပြောသည်။
သြဂုတ်လ(၂၇) နေ့တွင် နိုင်ငံတော်သမ္မတမှ ပြည်ထောင်စုဝန်ကြီး (၉)ဦးအားပြောင်းလဲတာဝန် ပေးခဲ့ခြင်းနှင့် ဒုတိယဝန်ကြီး(၁၅)ဦးအား အသစ်ခန့်အပ်တာဝန်ပေးအပ်ခဲ့ခြင်းဖြစ်ပြီး ပြုပြင် ပြောင်းလဲ ရေးလုပ်ငန်းစဉ်များအား အရှိန်အဟုန်ဖြင့်ဆောင်ရွက်လာသော အစိုးရသစ်လက်ထက်တွင် အကြီးမားဆုံးသော အစိုးရအဖွဲ့ပြောင်းလဲမှုလည်း ဖြစ်သည်။
နိုင်ငံတော် ပြုပြင်ပြောင်းလဲရေးလုပ်ငန်းစဉ်များအား အရှိန်အဟုန်ဖြင့်ဆောင်ရွက်နိုင်ရန် သြဂုတ်လ (၂၇) နေ့တွင် နိုင်ငံတော်သမ္မတကြီးမှ ပြည်ထောင်စုဝန်ကြီး (၉)ဦးအား တာဝန်ပြောင်းလဲခန့်အပ် ခြင်းနှင့် ဒုတိယဝန်ကြီး(၁၅)ဦးအား အသစ်ခန့်အပ်လိုက်ခြင်းဖြစ်ပြီး နိုင်ငံတော်အစိုးရသစ်လက်ထက် အကြီးမားဆုံးအစိုးရအဖွဲ့ ပြောင်းလဲမှုဖြစ်သည်။
သြဂုတ်လ (၂၈)ရက်နေ့တွင်လည်း ပြန်ကြားရေးဝန်ကြီးဌာနမှ ဒုတိယဝန်ကြီးဦးစိုးဝင်းအား သာသနာရေးဝန်ကြီးဌာန ဒုတိယဝန်ကြီးအဖြစ် ပြောင်းလဲတာဝန်ပေးလဲလိုက်ကြောင်းလည်း သိရသည်။
“အထူးသဖြင့်ဦးကျော်ဆန်းနေရာဝင်သွားတဲ့ ဦးအောင်ကြည်ကို ပိုပြီးစိတ်ဝင်စားတယ်ပေါ့နော်။ နှစ်ပေါင်းများစွာ ပြန်ကြားရေး ဝန်ကြီးနေရာမှာ တာဝန်ယူခဲ့တဲ့ ဦးကျော်ဆန်းထက်စာရင် ဦးအောင်ကြည်ကတော့ အားလုံးနဲ့သဟဇာတ ဖြစ်အောင်လုပ်နိုင်လိမ့်မယ်လို့ ယုံကြည်တယ်။ အခုနေရာတွေပြောင်းသွားတဲ့ ဝန်ကြီးတွေ အားလုံးတော်တယ်ကောင်းတယ်လို့ မြင်ပါတယ်။ ကြိုလည်းကြိုဆိုပါတယ်။ သမ္မတကိုလည်း နှစ်နှစ်ခြိုက်ခြိုက်ပဲ ကျေးဇူးတင်လိုက်ပါတယ်။”” ဟု ဦးသန်းဝင်းက ဆက်ပြောသည်။
မြန်မာနိုင်ငံတော်အစိုးရအဖွဲ့တွင် သမ္မတရုံးဝန်ကြီးဌာနအပါအဝင် ဝန်ကြီးဌာနပေါင်း(၃၂)ခုရှိပြီး ပြည်ထောင်စုဝန်ကြီး (၂၇) ဦးခန့်အပ်ထားပြီး ၄င်းအနက်မှ (၆)ဦးမှာ သမ္မတရုံးဝန်ကြီးဌာန ပြည်ထောင်စုဝန်ကြီးများဖြစ်ကြောင်း သိရသည်။
ပြည်ထောင်စုဝန်ကြီးများပြောင်းလဲခန့်အပ်ခြင်းကြောင့် လစ်လပ်သွားသော ဝန်ကြီး (၁ဝ) နေရာအတွက် အမြန်ဆုံးပြန်လည်ခန့်အပ်သွား မည်ဖြစ်ကြောင်း၊ ပြုပြင်ပြောင်းလဲရေးမှာ မပြီးဆုံးသေးကြောင်း သမ္မတရုံးမှ ဗိုလ်မှူးဇော်ဌေးကမှ ဗွီအိုအေတီဗွီမဂ္ဂဇင်း သို့ပြောထားခဲ့ကြောင်း သိရသည်။
ဒုတိယဝန်ကြီးများအဖြစ်အသစ်ခန့်အပ်လိုက်သော ပုဂ္ဂိုလ်(၁၅)ဦးတွင် နယ်ပယ်အသီးသီးမှ ကျွမ်းကျင် ပညာရှင်များပါဝင်ပြီး အမျိုးသမီး (၄)ဦးပါဝင်ကြောင်း သိရသည်။
''အခုတာဝန်ပေးလိုက်တဲ့နေရာတွေမှာ ကောင်းအောင်လုပ်နိုင်ကြလိမ့်မယ်လို့ထင်ပါတယ်။ ဆက်သွယ်ရေးဒုဝန်ကြီး ဖြစ်သွားတဲ့ ဦးသောင်းတင်ဆိုလည်း အိုင်တီပညာကျွမ်းကျင်ပြီးသားကိုး။ တကယ့်ပညာရှင်တွေပဲလေ။ အဲလိုဆိုတော့ အခုခန့်လိုက်တာတွေက ပြည်သူ့အတွက် အကျိုးပြုမယ်ထင်ပါတယ်။” ဟု ရန်ကုန်မြို့ဒေသခံ ဦးခင်အောင်ကြည်ကပြောသည်။
လစ်လပ်နေသောဝန်ကြီးဌာနများမှာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ယဉ်ကျေးမှု ဝန်ကြီးဌာန၊ ဘဏ္ဍာရေးနှင့်အခွန် ဝန်ကြီးဌာန၊ ဆောက်လုပ်ရေး ဝန်ကြီးဌာန၊ အမျိုးသားစီမံကိန်းနှင့်စီးပွားရေးဖွံ့ဖြိုးတိုးတက်မှုဝန်ကြီးဌာန၊ အလုပ်သမားဝန်ကြီးဌာန၊ ဟိုတယ်နှင့်ခရီးသွားလာရေးဝန်ကြီးဌာန၊ ရထားပို့ဆောင်ရေးဝန်ကြီးဌာန၊ အမှတ်(၁)လျှပ်စစ် စွမ်းအားဝန်ကြီးဌာနနှင့် သိပံ္ပနှင့်နည်းပညာဝန်ကြီးဌာနတို့ ဖြစ်ကြောင်းသိရသည်။
ပြည်ထောင်စုမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ (၂၃၂) နှင့် (၂၃၄)တို့တွင် ပြည်ထောင်စုဝန်ကြီးများ ခန့်အပ် တာဝန်ပေးခြင်းနှင့် ဒုတိယဝန်ကြီးများ ခန့်အပ်တာဝန်ပေးခြင်းများအား အသေးစိတ်ပြဌာန်းဖော်ပြပါရှိပြီး ပုဒ်မ(၂ဝ၂)တွင် နိုင်ငံတော်သမ္မတသည် ပြည်ထောင်စု လွှတ်တော်၏ သဘောတူညီချက်ဖြင့်ပြည်ထောင်စု ဝန်ကြီးဌာနများကို လိုအပ်သလိုပြင်ဆင်ပြောင်းလဲခြင်း၊ ပြည်ထောင်စုဝန်ကြီးဦးရေကို လိုအပ်သလို တိုးခြင်း၊ လျှော့ချခြင်းများ ပြုလုပ်နိုင်ကြောင်း ဖော်ပြပါရှိသည်။
နိုင်ငံတော်သမ္မတမှ ပြောင်းလဲတာဝန်ပေးအပ်လိုက်သော ပြည်ထောင်စုဝန်ကြီးများနှင့် ယခင်တာဝန်ထမ်းဆောင်ခဲ့သော ဝန်ကြီးဌာနများ
အမည် ယခု ဝန်ကြီးဌာန ယခင် ဝန်ကြီးဌာန
ဦးစိုးသိန်း သမ္မတရုံးဝန်ကြီးဌာန စက်မှုဝန်ကြီးဌာန
ဦးအောင်မင်း သမ္မတရုံးဝန်ကြီးဌာန ရထားပို့ဆောင်ရေးဝန်ကြီးဌာန
ဦးလှထွန်း သမ္မတရုံးဝန်ကြီးဌာန ဘဏ္ဍာရေးနှင့် အခွန်ဝန်ကြီးဌာန
ဦးတင်နိုင်သိန်း သမ္မတရုံးဝန်ကြီးဌာန အမျိုးသားစီမံကိန်းနှင့် စီးပွားရေး
ဖွံ့ဖြိုးတိုးတက်မှုဝန်ကြီးဌာန
ဦးအောင်ကြည် ပြန်ကြားရေးဝန်ကြီးဌာန လူမှုဝန်ထမ်း၊ ကယ်ဆယ်ရေးနှင့်
ပြန်လည်နေရာချထားရေး ဝန်ကြီးဌာန
ဦးကျော်ဆန်း သမဝါယမဝန်ကြီးဌာန ပြန်ကြားရေးဝန်ကြီးဌာနနှင့်
ယဉ်ကျေးမှုဝန်ကြီးဌာန
ဦးအုန်းမြင့် မွေးမြူရေးနှင့် ရေလုပ်ငန်းဝန်ကြီးဌာန သမဝါယမဝန်ကြီးဌာနနှင့် မွေးမြူရေးနှင့်
ရေလုပ်ငန်းဝန်ကြီးဌာန
ဦးအေးမြင့် စက်မှုဝန်ကြီးဌာန သိပ္ပံနှင့်နည်းပညာဝန်ကြီးဌာန
ဦးတင့်ဆန်း အားကစားဝန်ကြီးဌာန ဟိုတယ်နှင့် ခရီးသွားလာရေးလုပ်ငန်း
ဝန်ကြီးဌာနနှင့် အားကစားဝန်ကြီးဌာန
No comments:
Post a Comment
စာဖတ်သူများကွန်မန်.ပေးနိုင်ပါသည်။