2012-08-27
မြန်မာနိုင်ငံရဲ့ ပထမဆုံး စားသုံးသူများ ကာကွယ်ရေးအသင်းကို ရန်ကုန်မြို့ ဗဟန်းမြို့နယ်၊ ရွှေဂုံတိုင်မှာရှိတဲ့ တော်ဝင်နှင်းဆီ ခန်းမမှာ မနေ့က စတင် ဖွဲ့စည်းလိုက်ပါတယ်။ မြန်မာနိုင်ငံက ပြည်သူတွေ အစားအသောက်နဲ့ လူသုံးကုန် ပစ္စည်းတွေမှာ ဓာတုအဆိပ်သင့် အန္တရာယ် ကင်းဝေးစေဖို့ နိုင်ငံသားတွေ ကျန်းမာစွာ သက်တမ်းစေ့ နေနိုင်စေဖို့ စတဲ့ ရည်ရွယ်ချက်တွေနဲ့ ဖွဲ့စည်းခဲ့တာ ဖြစ်ပါတယ်။
၂၀၁၂ ခုနှစ် သြဂုတ်လ ၂၇ ရက်က ရန်ကုန်မြို့ ဗဟန်းမြို့နယ်၊ ရွှေဂုံတိုင်ရှိ တော်ဝင်နှင်းဆီ ခန်းမတွင် စားသုံးသူများ ကာကွယ်ရေးအသင်း ဖွဲ့စည်းခြင်း အခမ်းအနား ကျင်းပနေစဉ်။
အသင်းအနေနဲ့ တရားဝင်မှတ်ပုံတင် ရရှိတဲ့ အဖွဲ့အစည်းတစ်ခု အနေနဲ့ ရပ်တည်သွားမှာဖြစ်ပြီး လတ်တလော ရန်ကုန်မြို့တွင်းက အခြေခံပညာ ကျောင်းတွေမှာ ရောင်းချနေတဲ့ စားသောက်ကုန်တွေကို စစ်ဆေးတာ၊ ရောင်းချသူတွေကို အသိပညာ ပေးတာ စတဲ့ လုပ်ငန်းတွေကို ကျန်းမာရေးဝန်ကြီးဌာန၊ ပညာရေး ၀န်ကြီးဌာန၊ ပြည်ထဲရေး ၀န်ကြီးဌာန စတဲ့ ၀န်ကြီးဌာနတွေနဲ့ ပူပေါင်းလုပ်ဆောင်သွားဖို့ ရှိပြီး မီဒီယာတွေက တဆင့်လည်း ပြည်သူကို အသိပေးဖို့ ရှိတယ်လို့ သိရပါတယ်။
မနေ့က ကျင်းပခဲ့တဲ့ စားသုံးသူများ ကာကွယ်ရေးအသင်း ဖွဲ့စည်းခြင်း အခမ်းအနားကို NLD ပါတီဝင်တွေအပြင် အနုပညာရှင်တွေဖြစ်တဲ့ ဆောင်းဦးလှိုင်၊ သျှီ၊ စာရေးဆရာ နွမ်ဂျာသိုင်း၊ ကျောင်းသား သမဂ္ဂများ ပေါ်ပေါက်ရေး ဆောင်ရွက်နေသူ ကိုစည်သူမောင်၊ လူမှုရေး အသင်းအဖွဲ့ အသီးသီးက ပုဂ္ဂိုလ်တွေ တက်ရောက်ခဲ့ကြပါတယ်။
အဲဒီအသင်းမှာ လောလောဆယ်အထိ အသင်းဝင် ၂၀၀ နီးပါး ရှိနေပြီဖြစ်ပြီး နောက်လာမယ့် အစည်းအဝေးမှာ ဗဟို အလုပ်အမှုဆောင် ကော်မတီကို ရွေးချယ် ဖွဲ့စည်းသွားဖို့ ရှိတယ်လို့လည်း သိရပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။