ပြည်ထောင်စု သမ္မတမြန်မာနိုင်ငံတော်လက်ထက် ဒီမိုကရေစီအသွင်ကူးပြောင်းနေချိန်တွင် လူမှုရေးလုပ်သူများ NGO လုပ်ငန်းများ
နိုင်ငံရေးနှင့် မပတ်သတ်ရဟူသည့် အချက်သည် ဒီမိုကရေစီစံနှုန်းနှင့်
ကိုက်ညီမှုမရှိဟု ပြည်တွင်းလူမှုရေး အဖွဲ့အစည်း များက ပြောဆိုကြသည်။
“ကျွန်တော်တို့
ဒီမိုကရေစီနိုင်ငံတော် ထူတောင်နေတဲ့အချိန်မှာ ပြည်သူတွေတစ်ဦးချင်း
တစ်ယောက်ချင်း ပါဝင်လာအောင် အခြေအနေဖန်တီးပေးတဲ့ စနစ်မျိုးပါ။ အခု
လူမှုရေးလုပ်တဲ့ လူတွေကျတော့ နိုင်ငံရေးနဲ့ မပတ်သတ်ရဘူးဆိုရင် ဒီအချက်ကလည်း
ဒီမိုကရေစီစံနှုန်းနဲ့ မညီဘူးလို့ ပြောလို့ရပါတယ်”ဟု
မန္တလေးမြို့ရှိ သဘာဝပတ်ဝန်းကျင်ထိမ်းသိမ်းရေးလုပ်ငန်းများနှင့်
လူမှုကူညီရေး လုပ်ငန်းများကို လုပ်ကိုင်လျက်ရှိသော စိမ်းရောင်စုံအဖွဲ့မှ
ဥက္ကဌ ဦးတင်သစ်က ပြောသည်။
မြန်မာနိုင်ငံတော်
အစိုးရသစ်လက်ထက် ၂၀၁၂ ခုနှစ် ဇန်န၀ါရီလတွင် လူမှုရေးအဖွဲ့အစည်းများ ပြန်လည်
မှတ်ပုံတင်ရန်အတွက် မြန်မာနိုင်ငံအတွင်းရှိ
လူမှုကူညီရေးအဖွဲ့အစည်းများကို သက်ဆိုင်ရာမြို့နယ်များမှ
တဆင့်အကြောင်းကြားပြောဆိုခဲ့ကြောင်း သိရသည်။
ထိုကဲ့သို့
မှတ်ပုံတင်ပြုရာတွင် လူမှုရေးအသင်းအဖွဲ့တစ်ခုထူထောင်သူသည်
နိုင်ငံရေးကင်းရှင်းရမည်ဟု ကတိ ၀န်ခံ ချက်ပြုရကြောင်းနှင့် တည်ဆဲဥပဒေအရ
ပြစ်ဒဏ်ပေးခံသူမဟုတ်ရဆိုသည့်အချက်များ ပါဝင်နေခြင်း သည် ဒီမိုကရေစီစံနှုန်းနှင့် မကိုက်ညီဟု လက်ရှိတွင် လူမှုရေးလုပ်ငန်းများလုပ်ကိုင်နေကြသော အဖွဲ့အစည်းများက အကြံပြုကြသည်။
“ဒီစကားရပ်တွေက
ကျွန်တော်တို့လိုမျိုး ထောင်ထဲမှာ နှစ်ရှည်နေပြီးထွက်လာတဲ့လူတွေက
ကျွန်တော်တို့ မြန်မာလူ့အဖွဲ့အစည်းကို တစ်ခန်းတစ်ကဏ္ဍကနေပြီးတော့
ပါဝင်ဆောက်ရွက်ဖို့အတွက် ထပ်ပြီးတော့ ကန့်သတ် ခံထားရသလိုဖြစ်နေတယ်”ဟု ပြည်တွင်းရှိ လူမှုရေးလုပ်ငန်းများကို လိုက်လံကူညီ ဆောင်ရွက်ပေးလျက်ရှိ သော “ငြိမ်းချမ်းရေးနှင့် ပွင်းလင်းလူ့အဖွဲ့အစည်း”တွင် ပါဝင် လှုပ်ရှားလျက်ရှိသော (၈၈) မျိုးဆက်ကျောင်းသား ခေါင်းဆောင် ကိုကိုကြီးက ပြောသည်။
မြန်မာနိုင်ငံတွင် လူမှုရေးလုပ်ငန်းများကို လုပ်ဆောင်နေသောလုပ်ငန်း သဘာဝခြင်းမတူသည့် အဖွဲ့အစည်း ပေါင်း (၁၀၀၀)
ကျော်တွင် ရှိနေပြီး နာရေးကူညီမှုဆောင်ရွက်ပေးသောအဖွဲ့၊ ပညာရေးကူညီမှု
ဆောင်ရွက်ပေး သောအဖွဲ့၊ သွေးလှုဒါန်းမှုများ ဆောင် ရွက်ပေးသော
အဖွဲ့နှင့် အချို့အသင်းအဖွဲ့များမှာ နာရေး၊ ကျန်းမာရေး၊ သဘာဝဘေး၊
သွေးလှုဒါန်းခြင်း၊ ပညာရေး စသည်ဖြင့် လူမှုရေးလုပ်ငန်းမျိုးစုံ
ဆောင်ရွက်ပေးသောအဖွဲ့ဟူ၍ လူမှုကူညီရေးအဖွဲ့အစည်းများစွာ ရှိနေသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။