ရန်ကုန်မြို့တွင်
အလှည့်ကျမီးပေးစနစ်များစတင်ခဲ့ပြီးနောက် လျှပ်စစ်မီးကိုသာ
အားကိုးလုပ်ကိုင်နေရသော အိမ်တွင်းအသေးစား စက်မှုလုပ်ငန်းအချို့
လုံးဝရပ်ဆိုင်းထားရကြောင်း သိရှိရသည်။
“စက်တွေက
မီးလာတဲ့အချိန်မှာပဲ လည်ရသလိုဖြစ်နေတယ်။ မီးမလာတဲ့အချိန်ကျတော့
မီးစက်မောင်းရင် လုပ်ငန်းက ဘယ်လိုမှ မကိုက်တော့ဘူး ။ အဲဒါနဲ့
လုံးဝရပ်ထားလိုက်တယ်” ဟု မြောက်ဥက္ကလာပမြို့နယ်မှ အိမ်တွင်း
ပလက်စတစ်ကော်စေ့လုပ်ငန်း လုပ်ကိုင်သူ ကိုကျော်လွင်ကပြောသည်။
အလုပ်သမားကိုနေ့စားခ
ပေးရခြင်း၊ မီးစက်မောင်းရန်ဆီဖိုး ကုန်ကျခြင်းများနှင့် မကာမိသည့်အတွက်
လုပ်ငန်း ရပ်ဆိုင်းထားရခြင်းဖြစ်ကြောင်း လက်ရှိတွင်
ဆိုင်ကယ်ကယ်ရီမောင်းနှင်နေသော ကိုကျော်လွင် က ဆက်ပြောသည်။
ရန်ကုန်မြို့တွင်
အလှည့်ကျမီးပေးစနစ်အား မေလ ၁၉ ရက်နေ့တွင် စက်မှုဇုန်များကို ၂၄ နာရီ
မီးဖျက်တောက် ခဲ့ပြီး မေလ ၂၁ ရက်နေ့မှစ၍
လူနေရပ်ကွက်များတွင်အလှည့်ကျစနစ်ဖြင့် အုပ်စုသုံးစုခွဲကာ ဓာတ်အားဖြန့်ဖြူး
ပေးခဲ့ခြင်းဖြစ်သည်။
“မီးပုံမှန်ပြန်လာမယ့်
အချိန်ကျမှပဲ အလုပ်ဖြစ်မှာ။ ဒီတိုင်းကတော့ အော်ဒါရှိပေမယ့်
မလုပ်နိုင်ပါဘူး ” ဟု တောင်ဥက္ကလာပမြို့နယ်မှ အိမ်တွင်းအသေးစားစက်မှုလုပ်ငန်း
လုပ်ကိုင်သူတစ်ဦးက ပြောကြားသည်။
မေလ(၁၉)
ရက်နေ့ နံနက် ၂ နာရီ ၄၇ မိနစ်တွင် ရွှေလီ-မန်စံ ဓာတ်အားလိုင်းတာဝါတိုင်များ
ဖောက်ခွဲဖျက်ဆီး ခံခဲ့ရသောကြောင့် အင်ဂျင်နီယာအဖွဲမှ
သွားရောက်ပြုပြင်လျက်ရှိကြောင်း သိရသည်။ မီးပုံမှန်မရရှိ သောကြောင့် တပြည်လုံးအနှံ့ရှိ မြို့နယ်အများစုတွင် မီးရရှိရေး ဖယောင်းတိုင်ထွန်း ဆန္ဒထုတ်ဖော်မှုများ ဆက်တိုက်ဖြစ်ပေါ် လျက်ရှိသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။