ရှမ်းပြည်နယ်မြောက်ပိုင်းတွင် လိုင်စင်မဲ့ဆိုင်ကယ်ခိုးယူဖောက်ထွင်းမူများ မကြာခဏဖြစ်ပေါ် နေပြီး ပျောက်ဆုံးသူများအနေဖြင့် လိုင်စင်မဲ့ဖြစ်သဖြင့် ရဲစခန်းတိုင်ကြားရန် အခက်အခဲဖြစ် နေကြောင်း ဒေသခံများထံက သိရှိရသည်။
လူစည်ကားသောလက်ဖက်ရည်ဆိုင်များ၊ ဘိလိယက်စနူကာရုံ (ကျူခုံ) များနှင့် လူနေအိမ်များ မှ လိုင်စင်မဲ့ဆိုင်ကယ် ခိုးယူခံရမှုများရှိလာကြောင်းကိုလည်း သိရသည်။
သြဂုတ်လ(၂၃) ရက်နေ့က ကျောက်မဲမြို့အနီးရှိ ခဲမွန်းရွာတွင်လည်း အညာသားပုံစံနှင့် လူ(၅)ဦးက အိမ်လေးလုံး ကို ဖေါက်ထွင်းပြီးဆိုင်ကယ်များ တွန်းထုတ်ခိုးယူနေစဉ်တွင် ရွာသူရွာသားများမှတွေ့မြင်၍ ဝိုင်းဝန်းဖမ်းဆီးသော်လည်း ထွက်ပြေးလွတ်မြောက်သွားကြောင်း ခဲမွန်းရွာမှ မနန်းမွန်ခမ်းကပြောသည်။
၂ဝ၁၂ခုနှစ် ဇူလိုင်လမှစ၍ ရှမ်းပြည်နယ်မြောက်ပိုင်းရှိ အချို့ဒေသများတွင် ဆိုင်ကယ်ခိုးယူခံရမှု များပြားလာခဲ့ပြီး လားရှိုးမြို့နယ်၊ ကျောက်မဲမြို့နယ် နှင့် နောင်ချိုမြို့တို့တွင် ဆိုင်ကယ်ပျောက် မှု အများဆုံးဖြစ်ပွားလာကြောင်း ဒေသခံများ၏ ပြောပြချက်အရသိရှိရသည်။
''လားရှိုးမှာက ရိုးရိုးပျောက်တာမဟုတ်ဘူး ဆိုင်ကယ်တက်စီသမားတွေ ခရီးသည် လိုက်ပို့ရင်း နဲ့တောင် ဆိုင်ကယ်အလုခံရတာမျိုးက များတယ်၊ လူကိုအန္တရာယ်ပေး တာတွေတော့ မကြား မိဘူး'' ဟု လားရှိုးမြို့ဒေသခံတစ်ဦးဖြစ်သူ ကိုကျော်ငြိမ်းက ပြောသည်။
ရှမ်းပြည်နယ်မြောက်ပိုင်းတွင် ယခင်နှစ်များက ရာဇဝတ်မှုနည်းပါးခဲ့ပြီး ယာဉ်မတော်တဆမှု အနည်းငယ်သာ ရှိခဲ့သော်လည်း ယခု၂ဝ၁၂ခုနှစ်တွင် ရွှေ့ပြောင်းလူဦးရေ များပြားလာမူနှင့် အတူ ရာဇဝတ်မှုများလည်း များပြားလာခြင်းဖြစ်သည်ဟု ဒေသခံများက ဆိုသည်။
''ခိုးမှုတွေနဲ့အတူ ဖောက်ထွင်းမှုတွေလည်း များလာတယ်။ အဲ့လိုလူတွေကို ဘာလို့ မဖမ်းမိတာ လဲ။ တာဝန်ရှိသူတွေ အလုပ်မလုပ်ကြလို့လား။ ခိုးမူတွေက အခုဆိုတော်တော်လေးများ လာ တယ်။''ဟု ကျောက်မဲမြို့ခံတစ်ဦးက အဖြစ်အပျက်များ အပေါ်တွင် ၄င်း၏အမြင်ကို သုံးသပ် သည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။