“မြန်မာနိုင်ငံကအဓိကလမ်းတွေ မှာ BOT စနစ်နဲ့လုပ်ကိုင်နေတာ ၇၀ ရာခိုင်နှုန်းရှိတယ်။ ကျန်တဲ့လမ်းတွေ ကိုလည်း ဆက်လက် လုပ်ကိုင်ခွင့်ပြုသွားမှာ ဖြစ်ပါတယ်။ ပြည်နယ်နဲ့ တိုင်းဒေသကြီးအလိုက် ပြောရမယ်ဆိုရင် ကယားနဲ့ချင်းက လွဲရင်ကျန်တဲ့ ပြည်နယ်နဲ့ တိုင်းဒေသကြီးတွေက လမ်းတွေမှာ BOT စနစ်နဲ့ လုပ်ကိုင်ခွင့်ချ ထားပေးပြီးဖြစ်ပါတယ်”ဟု ဆောက်လုပ်ရေးဝန်ကြီးဌာနမှ တာဝန်ရှိသူ တစ်ဦးက ပြောကြားခဲ့သည်။
ယင်းကဲ့သို့ BOT စနစ်ဖြင့် လုပ်ကိုင်ရာ၌ ပြည်တွင်းကုမ္ပဏီ ၂၉ ခုမှ လမ်းပိုင်း ၆၁ ပိုင်း၌ လုပ်ကိုင် လျက်ရှိပြီးလမ်းမိုင်ပေါင်း ၃၃၆၃ မိုင် ၄ ဖာလုံရှိကြောင်း၊ အများစုမှာ မန္တလေးတိုင်းဒေသကြီးအတွင်းရှိ လမ်းများဖြစ်ကြောင်းလည်း သိရှိရသည်။
တည်ဆောက်ရေးပိုင်း အနေဖြင့် လမ်းဆောက်လုပ်ရေး ကုမ္ပဏီကြီးများ ၁၄၆ ခုနှင့် လမ်းပေါင်း ၁၉ လမ်း တွင် လမ်းမိုင်ပေါင်း ၇၃၀ မိုင်ကို တည်ဆောက်လျက်ရှိကြောင်း ဆောက်လုပ်ရေးဝန်ကြီးဌာနမှ ထုတ်ပြန်ချက် များအရ သိရှိရသည်။
ထို့ပြင် လမ်းဖောက်လုပ်မှုအပိုင်း ကိုလည်း အိန္ဒိယနိုင်ငံ၊ တရုတ်နိုင်ငံ နှင့်ထိုင်းနိုင်ငံများနှင့်လည်းပူးပေါင်း ဆောင်ရွက်သွားမည်ဖြစ်သည်။
ကချင်ပြည်နယ်ရှိ မြစ်ကြီးနား - ကန်ပိုက်တီး လမ်းပိုင်းအား တရုတ်နိုင်ငံမှ ဖောက်လုပ်ပေးထားကြောင်း၊ ထို့ပြင် အရှည် ၇၅ မိုင်ရှိ ကလေးဝ-ယာကြီး လမ်းပိုင်းအားလည်း အိန္ဒိယနိုင်ငံမှ ဖောက်လုပ်သွားမည် ဖြစ်ကြောင်း၊ တနင်္သာရီ-မောတောင် (ကျား ကလေး) လမ်းပိုင်းများကို ထိုင်းနိုင်ငံမှ ဖောက်လုပ်ပေးသွားမည် ဖြစ်ကြောင်းလည်း သိရှိရသည်။
ကလေးဝ-ယာကြီးလမ်းအား အကျယ် ၂၄ ပေဖြင့် ၂၀၁၆ ခုနှစ် မတိုင်မီ အပြီးဖောက်လုပ်သွားမည် ဖြစ်ကြောင်း၊ ထို့ပြင် ကလေးဝနှင့်တမူးကြားရှိ တံတား ၇၆ စင်းကိုလည်း ကွန်ကရစ်တံတားများအဖြစ် ဆောင်ရွက်သွားမည်ဖြစ်ကြောင်းလည်း သိရှိရသည်။
ပြည်နယ်နှင့် တိုင်းဒေသကြီး အလိုက် BOT ကုမ္ပဏီများ လုပ်ကိုင်လျက်ရှိသည့် လမ်းမိုင်များ
|
No comments:
Post a Comment
စာဖတ်သူများကွန်မန်.ပေးနိုင်ပါသည်။