မြန်မာ့ ဆက်သွယ်ရေး လုပ်ငန်းမှ ပြည်တွင်း မိုဘိုင်းဖုန်း များကို ပြည်ပနိုင်ငံ အားလုံးတွင် အသုံးပြုနိုင်ရန်အတွက် ဖုန်းအသုံးပြုခများကို ညှိနှိုင်းဆောင် ရွက်လျက် ရှိကြောင်း သိရသည်။ မြန်မာနိုင်ငံရှိ မိုဘိုင်းဖုန်းများအား ပြည်ပနိုင်ငံအများစုတွင် သယ်ဆောင် အသုံးပြုနိုင်ရန်အတွက် ဆောင်ရွက် လျက်ရှိရာ လက်ရှိအချိန်တွင်လည်း အာဆီယံနိုင်ငံအများစုနှင့် ချိတ်ဆက် အသုံးပြုနိုင်သည့်အနေအထားတွင် ရောက်ရှိနေပြီဖြစ်ကြောင်းလည်း သိရ သည်။
“မြန်မာနိုင်ငံကဖုန်းတွေ၊ ပြည်ပ နိုင်ငံမှာအသုံးပြုနိုင်ဖို့အတွက် ငွေ ကြေးပိုင်းကို ညှိနှိုင်းဆောင်ရွက်နေ တယ်။ လက်ရှိအချိန်မှာလည်း ပြည်ပ ဖုန်းတွေကို မြန်မာနိုင်ငံမှာ အသုံးပြုနိုင် ဖို့အတွက် ဆောင်ရွက်ပေးထားပါ တယ်။ ပြည်တွင်းကဖုန်းတွေ ပြည်ပ နိုင်ငံအများစုမှာ မကြာခင် အတွက်ဆောင်ရွက်ပေးသွားမှာပါ”ဟု မြန်မာ့ဆက်သွယ်ရေးလုပ်ငန်းမှ တာ ဝန်ရှိသူတစ်ဦးကပြောသည်။
ယခုအခါ မြန်မာ့ဆက်သွယ်ရေး လုပ်ငန်းမှ အာဆီယံနိုင်ငံများအပါအဝင် ပြည်တွင်းသို့ သယ်ဆောင်အသုံးပြု နိုင်ရန် ဆောင်ရွက်ပေးနိုင်ခဲ့ပြီး အခြား နိုင်ငံများသို့လည်း ထပ်မံသယ်ဆောင် အသုံးပြုနိုင်ရန်အတွက် ဆောင်ရွက် သွားမည်ဖြစ်ကြောင်း သိရသည်။
အဆိုပါကိစ္စနှင့်ပတ်သက်၍လည်း ဆက်သွယ်ရေး၊ စာတိုက်နှင့် ကြေးနန်း ဝန်ကြီးဌာနမှ ပြည်ထောင်စုဝန်ကြီးက ယခုလ ၃ ရက်တွင် နေပြည်တော်၌ ကမ္ဘောဒီးယားနှင့် ဗီယက်နမ်နိုင်ငံတို့မှ သံအမတ်ကြီးများနှင့် Mobile Roaming ကွန်ရက်ကိစ္စများကို ညှိ နှိုင်းဆွေးနွေးခဲ့ကြောင်းသိရသည်
No comments:
Post a Comment
စာဖတ်သူများကွန်မန်.ပေးနိုင်ပါသည်။