ပြည်တွင်းငါးရှဥ့်ဈေးကွက်၌ လပိုင်းအတွင်း တစ်တန်လျှင် ကန်ဒေါ်လာ (၁၀၀၀)ကျော်အထိ ဈေးနူန်းမြင့်တက်လာပြီး အမြင့်ဆုံးဈေးဖြင့် အရောင်းအ၀ယ်ပြုလုပ်နေရကြောင်း ငါးရှဥ့်လုပ်ငန်းရှင်များအသင်းမှ သိရှိရသည်။
"ငါးရှဥ့်ဈေးက
အခုတော်တော်လေး ဈေးကောင်းတယ်။ ပြည်ပကလည်းအ၀ယ်များတယ်။ ပြီးခဲ့တဲ့
လပိုင်းတွေကထက် ကို နိုင်ငံတကာက ငါးရှဥ့်ဝယ်မယ်ဆိုပြီး လာဆက်နေကြတယ်"ဟု
ငါးရှဥ့်လုပ်ငန်းရှင်များအသင်း ဥက္ကဌ ဦးဘသော်က ပြောသည်။
ငါးရှဥ့်ဈေးကွက်တွင်
စက်တင်ဘာလပိုင်း၌ တစ်တန်လျှင် အမေရိကန် ဒေါ်လာ ၅၆၀၀ ကျော်သာ ဈေးကွက်ရှိခဲ့
ပြီး လက်ရှိ နိုဝင်ဘာလကုန်ပိုင်း- ဒီဇင်ဘာလဆန်းပိုင်းတွင် တစ်တန်လျှင်
ကန်ဒေါ်လာ ၆၈၀၀ ၀န်းကျင် ဈေးမြင့် တက်လာခြင်းဖြစ်သည်။
ဇူလိုင်လနှင့် သြဂုတ်လများတွင် ငါးရှဥ့်ဈေးကွက်၌ ကန်ဒေါ်လာ ၄၂၈၀ မှ ၅၁၈၀ ၀န်းကျင်အထိသာ ဈေးရှိခဲ့ကြောင်း သိရှိရသည်။
"အပြင်တွေက
အ၀ယ်များတယ်။ သူအချိန်လည်းမရောက်သေးပဲ ရှားနေသေးတဲ့အချိန်ဆိုတော့
ဈေးကောင်း နေတာဖြစ်မယ်။ သူအချိန်ရောက်ရင် ဒီလိုဈေးကောင်းမရကြဘူး။"ဟု
ပဲခူးတိုင်း ဒေသကြီးတွင်း ငါးရှဥ့်အရောင်း အ၀ယ်ပြုလုပ်နေသူ ဦးသန်းဌေးက
ပြောသည်။
မြန်မာနိုင်ငံတွင်
ငါးရှဥ့်များကို ရန်ကုန်တိုင်းဒေသကြီး၊ ဧရာဝတီတိုင်း၊
ပဲခူးတိုင်းဒေသကြီးများနှင့် အခြားဒေသ များမှလည်း ထွက်ရှိပြီး
တရုတ်နိုင်ငံသို့ အဓိကတင်ပို့နေရပြီး ၄င်းနိုင်ငံမှလည်း အများဆုံး
ဝယ်ယူနေခြင်းဖြစ်သည်။
ပြည်တွင်းမှ
ငါးရှဥ့်များကို ပြည်ပနိုင်ငံအသီးသီးသို့တင်ပို့နေရပြီး
၂၀၁၂-၂၀၁၃ခုနှစ်တင်ပို့မှုပမာဏ သန်း ၃၀ လျာ ထားသော်လည်း ယခုနှစ်
နိုဝင်ဘာလပိုင်းတွင်း တင်ပို့မှု ပမာဏ (၃၁) သန်းကျော်သို့
တင်ပို့ပြီးဖြစ်ကြောင်း သိရှိရသည်။
Myit makha media group
No comments:
Post a Comment
စာဖတ်သူများကွန်မန်.ပေးနိုင်ပါသည်။