အိန္ဒိယနှင့် မြန်မာ ကဏ္ဍမျိုးစုံ ပါဝင်သည့် စီးပွားရေး စာချုပ်များ လက်မှတ်ထိုး

မဇ္ဈိမ သတင်းဌာန ။            ။ မြန်မာနိုင်ငံ နှင့် အိန္ဒိယ နိုင်ငံတို့သည် ကဏ္ဍမျိုးစုံ ပါဝင်သည့် နှစ်နိုင်ငံ သဘောတူ စာချုပ်များ တနလာင်္နေ့က နေပြည်တော်တွင် လက်မှတ်ရေးထိုးခဲ့ကြပြီး အိန္ဒိယ-မြန်မာ ကုန်သွယ်ရေးနှင့် ပူးပေါင်း
ဆောင်ရွက်မှုများကို တိုးမြှင့်ကြမည် ဖြစ်သည်။

အိန္ဒိယ ဝန်ကြီးချုပ် ဒေါက်တာ မန်မိုဟန်ဆင်း
နှင့် မြန်မာ သမ္မတ ဦးသိန်းစိန်တို့သည်
နှစ်နိုင်ငံ ကုန်သွယ်ရေး သဘောတူညီမှု
စာချုပ်များကို အလေးထား ချုပ်ဆိုခဲ့ကြပြီး
ယဉ်ကျေးမှုများ ဖလှယ်ရေးနှင့် နှစ်နိုင်ငံ
အကြား ဆက်သွယ်မှုများ တိုးမြှင့်ရန်
သဘောတူခဲ့ကြသည်။

အိန္ဒိယ၏ ထောက်ပံ့ငွေနှင့် အမေရိကန်
ဒေါ်လာ ၁.၂ ဘီလီယံ အထူးချေးငွေ များဖြင့် မြန်မာနိုင်ငံတွင် ဖွံဖြိုးရေး လုပ်ငန်းများ လုပ်ဆောင်ရန် ဆွေးနွေးခဲ့ကြပြီး အနာဂတ်တွင် နောက်ထပ် စီမံကိန်းများ ချမှတ် လုပ်ဆောင်ရန်လည်း သဘောတူခဲ့ကြကြောင်း ပူးတွဲ ကြေညာချက်အရ သိရသည်။

အိန္ဒိယမှ မြန်မာနိုင်ငံအား ထုတ်ချေးထားသော အမေရိကန် ဒေါ်လာ သန်း ၅၀၀ တန် ချေးငွေနှင့် ပတ်သတ်၍လည်း
ပြန်ဆပ်ရမည့် ကာလကို နောက်ဆုတ် ပေးရန် သဘောတူညီထားသည့် နားလည်မှု စာချွန်လွှာကိုလည်း လက်မှတ်
ရေးထိုးခဲ့ကြသည်။ ထိုချေးငွေအား စိုက်ပျိုးရေး၊ ဆည်မြောင်း၊ ရထားပို့ဆောင်ရေးနှင့် လျှပ်စစ်စွမ်းအားနှင့် ပတ်သက် သည့် အခြေခံ အဆောက်အအုံများ တည်ဆောက်ရေး စီမံကိန်းများတွင် အသုံးပြုမည် ဖြစ်သည်။

အိန္ဒိယ အနေဖြင့် တမူး-ကလေးဝ လမ်းပေါ်ရှိ တံတား ၇၁ ခုအား ပြုပြင် အဆင့်မြှင့် တည်ဆောက်ရန် တာဝန်ယူမည်
ဖြစ်ကြောင်း ဒေါက်တာ မန်မိုဟန်ဆင်းက ကြေညာခဲ့သည်။ ထိုစီမံကိန်းမှာ အိန္ဒိယနိုင်ငံ မိုးရေးမှနေ၍ မြန်မာနိုင်ငံ ကို ဖြတ်သန်းကာ ထိုင်းနိုင်ငံ မဲဆောက်မြို့ကို ဆက်သွယ်ပေါင်းကူးပေးနိုင်မည့် စီမံကိန်းကို အထောက်အကူ ပြုမည်
ဖြစ်သည်။ အိန္ဒိယ-မြန်မာ-ထိုင်း သုံးနိုင်ငံ ဆက်သွယ်ပေးမည့် အဝေးပြေးလမ်းမ တည်ဆောက်ရေး လုပ်ငန်းများကို
ပြန်လည်အရှိန်မြှင့် လုပ်ဆောင်ရန် ဆွေးနွေးခဲ့ကြသည်။ ထို သုံးနိုင်ငံ ဆက်သွယ်ပေးနိုင်မည့် လမ်းအား ၂၀၁၆ ခုနှစ်တွင် ပြီးစီးရန် သဘောတူညီ ခဲ့ကြသည်။

ထို့ပြင် နှစ်နိုင်ငံ ပြည်သူအချင်းချင်း တိုက်ရိုက် ထိတွေ့ ဆက်ဆံမှုကို တိုးမြှင့်ရေးအတွက် အိန္ဒိယနိုင်ငံ Imphal နှင့်
မြန်မာနိုင်ငံ မန္တလေး အကြား ဘတ်စ်ကားလိုင်း ပြေှးဆွဲရန် သဘောတူခဲ့ကြသည်။

နှစ်နိုင်ငံအကြား စီးပွါးရေး ဆက်သွယ်မှုနှင့် ခရီးသွားလုပ်ငန်း တိုးမြှင့်ရန်အတွက် အထောက်အကူ ဖြစ်စေနိုင်မည့်
နှစ်နိုင်ငံအကြား တိုက်ရိုက် ပျံသန်းပြေးဆွဲပေးမည့် လေကြောင်းလိုင်း ဝန်ဆောင်မှု အသစ်ကိုလည်း လက်မှတ်ရေးထိုး ခဲ့ကြသည်။

ထို့ပြင် ထားဝယ် ရေနက်ဆိပ်ကမ်းကဲ့သို့သော မြန်မာနိုင်ငံ၏ အဓိကကျသော စီမံကိန်းများတွင် အိန္ဒိယနိုင်ငံ အနေဖြင့် ပါဝင်ဆောင်ရွက်နိုင်မည့် အလားအလာများကိုလည်း ဆွေးနွေးခဲ့ကြသေးသည်။

နယ်စပ်ဒေသတွင်လည်း မြန်မာနိုင်ငံအတွက် လမ်းများ အဆင့်မြှင့်တင်ပေးရေး၊ ကျောင်းများ၊ ကျန်းမာရေးနှင့် ဆိုင်သည့် အဆောက်အဦးများ၊ တံတားများ တည်ဆောက်ပေးရေး၊ စိုက်ပျိုးရေးနှင့် သင်ကြားရေးပိုင်း ဆိုင်ရာများတွင် အိန္ဒိယက ကူညီရန်လည်း သဘောတူညီခဲ့ကြသည်။

သိပ္ပံနှင့် နည်းပညာနှင့် ပတ်သတ်၍မူ စိုက်ပျိုးရေး ဇီဝနည်းပညာ၊ ရိတ်သိမ်းချိန်လွန် နည်းပညာများ၊ ဆေးဘက်ဆိုင်ရာ ဇီဝနည်းပညာ၊ ဆေးသုတေသနနှင့် စွမ်းအင်ပိုင်း ဆိုင်ရာများတွင် ဦးစားပေး၍ ပူးပေါင်းဆောင်ရွက်ရန် အတွက် ပူးတွဲလုပ်ငန်းအဖွဲ့မှ သဘောတူ သတ်မှတ်ခဲ့ပြီး ဖြစ်သည်။

မြန်မာ အိုင်တီသိပ္ပံ တည်ထောင်ရေး အတွက်လည်း အိန္ဒိယ အနေဖြင့် ငွေကြေးနှင့် နည်းပညာ အကူအညီများ
ပေးအပ်မည် ဖြစ်ကာ ရန်ကုန်မြို့ရှိ IMCEITS (India–Myanmar Centre for Enhancement of IT Skills) တွင် နောက်ထပ် ငါးနှစ်စာအတွက် နည်းပညာနှင့် ငွေကြေး အကူအညီများ ဆက်လက် ပေးအပ်သွားမည်
ဖြစ်ကြောင်း အိန္ဒိယ ဝန်ကြီးချုပ်က ကြေညာခဲ့သည်။

ကမ္ဘာ့လေထုနှင့် စပ်လျဉ်းသည့် သိပ္ပံပညာ၊ ဓာတုဗေဒပညာ၊ အင်ဂျင်နီယာသိပ္ပံ၊ ဇီဝသိပ္ပံ၊ ဆေးသိပ္ပံ၊ သချာင်္နှင့် ကွန်ပျူတာဆိုင်ရာ သိပ္ပံနှင့် ရူပဗေဒ ပညာရပ်များနှင့် ပတ်သတ်၍လည်း အိန္ဒိယမှ သုတေသန ထောက်ပံ့ကြေး ဆုများ ပေးအပ်မည် ဖြစ်ကြောင်း သဘောတူညီခဲ့ကြသည်။

ထို့ပြင် အိန္ဒိယမှ ကူညီလျက်ရှိသော သင်တန်းများနှင့် ပတ်သတ်၍ အိန္ဒိယ နည်းပညာနှင့် စီးပွါးရေး ပူးပေါင်း
ဆောင်ရွက်ရေး (ITEC) အစီအစဉ်၏ သင်တန်းသားများ အပါအဝင် မြန်မာနိုင်ငံမှ လက်ရှိခွဲတမ်း ရရှိနေသော သင်တန်းသား ဦးရေ ၂၅၀ အတွက် နေရာပေးနေခြင်းအား နှစ်ဆ တိုးမြှင့်၍ ၅၀၀ အတွက် နေရာပေးမည်
ဖြစ်သည်။

အိန္ဒိယ၏ ငွေကြေးနှင့် နည်းပညာ အကူအညီများကို ယူ၍ ဂေဟဗေဒဆိုင်ရာ အသိပညာများ၊ ရှေးရိုးအစဉ်အလာ ဗဟုသုတများနှင့် နောက်ဆုံးပေါ် နည်းပညာများကို အသုံးပြု၍ စိုက်ပျိုးရေး သုတေသနနှင့် စိုက်ပျိုးရေးပညာ အဆင့်မြင့်ဌာန (Centre for Excellence) အဖြစ် ထူထောင်ရန် နားလည်မှု စာချွန်လွှာ တခု လက်မှတ်ရေးထိုး ခဲ့ကြသည်။

ထို့ပြင် စိုက်ပျိုးရေး သုတေသန ဌာနတွင် စပါးဇီဝဥယျာဉ်တခု တည်ထောင်ရေး အတွက်လည်း သဘောတူညီခဲ့ကြ သည်။

ကုန်သွယ်ရေးနှင့် ရင်းနှီးမြှုပ်နှံမှု

နှစ်နိုင်ငံ ကုန်သွယ်ရေးအား နှစ်ဆ တိုးမြှင့်ရန် အတွက် ၂၀၁၅ ခုနှစ်ကို ပစ်မှတ်ထားရန် သဘောတူညီခဲ့ကြသည်။ ကုန်သွယ်ရေး တိုးမြှင့်ရန်အတွက် အသုံးမချရသေးသည့် နယ်ပယ်များ ရှိနေကြောင်း နှစ်နိုင်ငံ ခေါင်းဆောင်များက အလေးအနက်ထား ပြောကြားခဲ့ပြီး ထိုဖြစ်နိုင်ချေများအား အသုံးချကြကာ ကုန်သွယ်ရေး တိုးမြှင့်ကြရန် စီးပွါးရေးသမား များအား တိုက်တွန်းခဲ့သည်။ ထို့ပြင် အိန္ဒိယ ကုမ္ပဏီများ အနေဖြင့် ဆိပ်ကမ်းတည်ဆောက်ရေး၊ အဝေးပြေးလမ်းများ တည်ဆောက်ရေး၊ ရေနံနှင့် သဘာဝ ဓာတ်ငွေ့၊ စိုက်ခင်းများနှင့် ထုတ်လုပ်ရေး ကဏ္ဍများတွင် ရင်းနှီးမြှုပ်နှံကြရန် အတွက်လည်း အားပေးသွားမည်ဟု ဆိုသည်။

နှစ်နိုင်ငံ ကုန်သွယ်ရေး တိုးမြှင့်ရေးကို တားဆီးနေသည့် အရာများကိုလည်း ဖယ်ရှားကြမည် ဖြစ်ကြောင်း နှစ်နိုင်ငံ
ခေါင်းဆောင်များက ကတိ ပေးခဲ့ကြသည်။ ထို့ကြောင့် ပထမ အဆင့် အနေဖြင့် နှစ်နိုင်ငံအကြား စီးပွါးရေး လုပ်ဆောင်ရာတွင် ငွေကြေးလွှဲပြောင်းမှုများ လွယ်ကူချောမွေ့ စေရေးအတွက် United Bank of India ၏ ရုံးခွဲကို ရန်ကုန်မြို့တွင် ဖွင့်လှစ်မည့် အစီအစဉ်ကို နှစ်နိုင်ငံ ခေါင်းဆောင်များက ကြိုဆိုခဲ့ကြသည်။

မြန်မာ အရာရှိများ အား အိန္ဒိယဘဏ်များက ဘဏ်လုပ်ငန်းနှင့် ပတ်သတ်သည့် သင်တန်းများ ပေးမည် ဖြစ်သည်။ ထို့ပြင် Reserve Bank of India အနေဖြင့် မြန်မာနိုင်ငံ ဗဟိုဘဏ် (Central Bank) နှင့် နားလည်မှု စာချွန်လွှာတခု
ရေးထိုးကာ အနာဂတ် ကာလတွင် အိန္ဒိယနှင့် မြန်မာ ငွေကြေးများအကြား ငွေကြေးလဲလှယ်မှု နှုန်းထားများ သတ်မှတ်ရန် သဘောတူခဲ့ကြသည်။

စွမ်းအင်ကဏ္ဍ

အနာဂတ် စွမ်းအင်ကဏ္ဍနှင့် ပတ်သတ်၍ နှစ်နိုင်ငံ ပိုမို နီးကပ်စွာ ပူးပေါင်းဆောင်ရွက်ရန် လိုအပ်ကြောင်း နှစ်နိုင်ငံ
ခေါင်းဆောင်များက ဆိုခဲ့ကြသည်။ မြန်မာ့ ရေနံနှင့် သဘာဝ ဓာတ်ငွေ့ကဏ္ဍတွင် အိန္ဒိယ ကုမ္ပဏီများ အနေဖြင့် ပိုမို ရင်းနှီးမြှုပ်နှံလာစေရေးကို အားပေးမည် ဖြစ်ပြီး ရင်းနှီးမြှုပ်နှံမှုများ ပြုလုပ်ရန် ဖိတ်ခေါ်ထားသည့် လုပ်ကွက်များတွင် လည်း အိန္ဒိယကုမ္ပဏီများ ပါဝင် ရင်းနှီးမြှုပ်နှံရန် အားပေးမည် ဖြစ်သည်။ ထို့ပြင် ရေနံစက်ရုံ စီမံကိန်းများတွင်လည်း အိန္ဒိယ ကုမ္ပဏီများ ပါဝင်လာစေရန် အားပေးမည် ဖြစ်ကြောင်း သဘောတူခဲ့ကြသည်။

ထို့ပြင် ထမံသီနှင့် ရွှေစရေး ရေအားလျှပ်စစ် စီမံကိန်းများနှင့် ပတ်သတ်၍ အိန္ဒိယ၏ အသေးစိတ် အစီရင်ခံစာ အတွက် ပြင်ဆင်လုပ်ကိုင်မှုများအပေါ် ကျေနပ်အားရမှုကို မြန်မာသမ္မတ ဦးသိန်းစိန်က ဖော်ပြခဲ့သည်။

ထို့ပြင် အိန္ဒိယ ရှေးဟောင်းသုတေသန Survey အဖွဲ့မှ ဆောင်ရွက်နေဆဲ ဖြစ်သည့် ပုဂံရှိ အာနန္ဒာဘုရား ထိန်းသိမ်း
စောင့်ရှောက်ပြုပြင်ရေး လုပ်ငန်းများနှင့် ပတ်သတ်၍လည်း မြန်မာနိုင်ငံက ကျေနပ်ကြောင်း ဖော်ပြခဲ့သည်။ ထိုလုပ်ငန်းမှာ လာမည့် ၂နှစ်အတွင်း ပြီးစီးလိမ့်မည်ဟု မျှော်လင့်ရပေသည်။