မြောင်းမြ ဘုရားချောင်းရပ်ကွက်ရှိ ကျေးရွာအချို့တွင် ၀မ်းပျက်ဝမ်းလျှော ရောဂါကြောင့် လူတစ်ဦး သေဆုံး

ဝမ်းပျက်ဝမ်းလျှောရောဂါ ဖြစ်ပွားလျက်ရှိသော မြောင်းမြမြို့နယ် ဘုရားချောင်း တိုးချဲ့ရပ်ကွက်အပိုင် ဘုရားချောင်း (C,D) ရပ်ကွက်တွင်း တစ်နေရာအား မေ ၂၉ ရက်က တွေ့ရစဉ်

မြောင်းမြမြို့နယ် ဘုရားချောင်း တိုးချဲ့ရပ်ကွက်အပိုင် ဘုရားချောင်း (C,D) ရပ်ကွက်နှင့် ကျွန်းကြားလေး ကျေးရွာများတွင် ၀မ်းပျက်ဝမ်းလျှောရောဂါ ဖြစ်ပွားလျက်ရှိပြီး ၀မ်းရောဂါဖြင့် လူတစ်ဦး သေဆုံးခဲ့ကြောင်း သတင်းရရှိသည်။

ဖြစ်ပွားပုံမှာ အထက်ပါ ကျေးရွာများတွင် မေ ၂၅ ရက်မှ စတင်ပြီး ၀မ်းရောဂါများ စတင်ဖြစ်ပွားလာခဲ့ကာ ဖြစ်ပွားသည့်နေ့တွင်ပင် ဘုရားချောင်း (C,D) ရပ်ကွက်နေ ကိုမောင်ဇော် (ခ) ကိုဂွတို အသက် (၃၀) ၀န်းကျင် အသက်ဆုံးပါးခဲ့ကြောင်း၊ အနီးနား ကျေးရွာဖြစ်သော ကျွန်းကြားလေး ကျေးရွာတွင်လည်း အဆိုပါနေ့တွင် ၀မ်းရောဂါကြောင့် လူနှစ်ဦး မြောင်းမြပြည်သူ့ ဆေးရုံကြီးကို တင်ပို့ခဲ့ရကြောင်း၊ မတ် ၂၈ ရက်တွင် မြောင်းမြပြည်သူ့ ဆေးရုံကြီးမှ ခရိုင်ဆေးရုံအုပ်ကြီးနှင့် အဖွဲ့မှ လာရောက်ပြီး ၀မ်းရောဂါ ဖြစ်ပွားနေသူများအား ပြည်သူ့ဆေးရုံကြီးကို လာရောက်ခေါ်ဆောင်ကာ ရပ်ကွက်အတွင်း ၀မ်းရောဂါများ ဆက်လက်မဖြစ်ပွားစေရန် ကြိုတင်ကာကွယ်ရမည့် နည်းလမ်းများနှင့် ရောဂါများဖြစ်ပွား လာပါကလည်း ဆေးရုံကို အမြန်ဆုံး ပို့ဆောင်ရန်၊ လာရောက် အသိပညာများ ပေးဝေခဲ့ကြောင်း၊ ယနေ့အချိန်ထိ (မေ ၂၉ ရက်) ပြည်သူ့ဆေးရုံကြီးတွင် ၀မ်းရောဂါဖြင့် တက်ရောက် ကုသနေရသူ ခြောက်ဦးရှိကြောင်း သိရသည်။

"ကျွန်မတို့ဆီကို မနေ့က ခရိုင်ဆရာဝန်ကြီး လာပြီး ဒီမှာရောဂါ ဖြစ်နေတဲ့ သူတွေကို ဆေးရုံကို ခေါ်သွားတယ်။ ပိုက်ဆံမရှိလို့ ဆေးရုံမသွားရဲတဲ့ သူတွေကို အကုန်ခေါ်သွားပြီး အခမဲ့ ကုပေးမယ် ပြောတယ်။ ပြီးတော့ ရေကိုကျိုချက်ပြီး သောက်ဖို့ပြောသွားတယ်။ မြောင်းတွေထဲကို ဆေးဖျန်းဖို့ကတော့ အကျယ်အ၀န်းကကြီးလို့ မဖြစ်နိုင်ဘူးတဲ့။ ဒီမှာ ၀မ်းရောဂါဖြစ်တဲ့ ကောင်လေးဆို မနက်ပိုင်းမှာ ၀မ်းသွားပြီး လက်တွေက ရေနူးသလို ပဲကြီးတွေ တွန့်လာပြီး ဆေးရုံတင်တာ လမ်းမှာဆုံးတာပဲ။ တစ်မိသားစုလုံး အချင်းချင်းကူးပြီး ၀မ်းပျက်လို့ ဆေးရုံတင်ထားရတယ်" ဟု ဘုရားချောင်း (C,D) ရပ်ကွက်နေ ဒေါ်ပြုံးက ပြောကြားခဲ့သည်။

အထက်ပါ သတင်းအကြောင်းအရာနှင့် ပတ်သက်ပြီး မြောင်းမြခရိုင် ဆေးရုံအုပ်ကြီးထံ တွေ့ဆုံမေးမြန်းရန် သွားရောက်ခဲ့ရာ လုပ်ငန်းများ မအားလပ်သောကြောင့် ဟုဆိုကာ တွေ့ဆုံမေးမြန်းရန် ငြင်းဆန်ခဲ့သည်။

လားရှိုးမြို့တွင် မေ ၂၉ ရက်က ပဋိပက္ခဖြစ်စဉ်များ ဆက်လက်ဖြစ်ပွားခဲ့ပြီး တစ်ဦးသေဆုံးကာ ငါးဦးဒဏ်ရာရ

ဘာသာရေး ပဋိပက္ခအသွင် ဖန်တီးကာ အကြမ်းဖက် ဖျက်ဆီးမှုများ ရှိနေသော လားရှိုးပဋိပက္ခ ဖြစ်စဉ်အတွင်း မေ ၂၉ ရက်က တုတ်၊ ဓားလက်နက် ကိုင်ဆောင်ထားသော လူအုပ်စုကို တွေ့ရစဉ်

လားရှိုးမြို့တွင် မေ ၂၈ ရက် ညနေပိုင်းက အမျိုးသမီးတစ်ဦးအား ဓာတ်ဆီဖြင့်ပက်ပြီး မီးရှို့ခဲ့ရာမှတစ်ဆင့် ဖြစ်ပွားခဲ့သော ပဋိပက္ခသည် မေ ၂၉ ရက်တွင်လည်း နေရာအချို့တွင် ဆက်လက်ဖြစ်ပွားခဲ့သည်။ မေ ၂၉ ရက်တွင် ဆူပူမှု၊ အကြမ်းဖက် ဖျက်ဆီးမှု အချို့ကြောင့် ရုပ်ရှင်ရုံ တစ်ရုံနှင့် ကားတစ်စီး ပျက်စီးခဲ့ပြီး တစ်ဦးသေဆုံးကာ ထိခိုက်ဒဏ်ရာ ရရှိသူ ငါးဦးရှိခဲ့ကြောင်း တရားဝင် ထုတ်ပြန်ချက်အရ သိရသည်။ မေ ၂၉ ရက် မွန်းလွဲ ၂ နာရီတွင် ဦးရေ ၂၀၀ ခန့်ရှိသော လူများက ဆူပူအကြမ်းဖက်မှု ပြန်လည်ပြုလုပ် ခဲ့ကြခြင်းဖြစ်ကြောင်း သိရသည်။

ဆူပူအကြမ်းဖက်မှု ဖြစ်စဉ်တွင် သေဆုံးသူမှာ (၇) ရပ်ကွက်တွင် နေထိုင်သူ အသက် ၅၅ နှစ်အရွယ် ဦးမြင့်ဝင်း (ဘ) ဦးစမိုင်ဆိုသူ ဖြစ်ပြီး ဒေါ်ခင်ခင် (၅၂ နှစ်) (ဗုဒ္ဓ)၊ မောင်ဝဏ္ဏ မင်းထိုက် ၃၀ နှစ်(ဗုဒ္ဓ)၊ ဦးအောင်အောင် ၃၈ နှစ်(ဗုဒ္ဓ)၊ ဦးချစ်ကို(ဗုဒ္ဓ)၊ ဦးမြင့်နိုင် ၄၁ နှစ်(ဗုဒ္ဓ)နှင့် DVB သတင်းထောက် ဦးခွန်ဇော်ဦးတို့မှာ ဒဏ်ရာများ အသီးသီး ရရှိခဲ့ကြကြောင်း သိရသည်။ ထိခိုက်ဒဏ်ရာ ရရှိသူများကို လားရှိုးပြည်သူ့ ဆေးရုံကြီးသို့ ပို့ဆောင်ခဲ့ပြီး မောင်ဝဏ္ဏမင်းထိုက်မှာ ဦးခေါင်းဒဏ်ရာ အပြင်းအထန် ရရှိသဖြင့် ခွဲစိတ်ခန်းသို့ ပို့ဆောင်ကုသ ပေးခဲ့ရကြောင်း၊ ကျန်လူနာများမှာ လက်ရှိတွင် မစိုးရိမ်ရသော အခြေအနေတွင် ရှိကြောင်း သိရသည်။

သာသနာရေး ၀န်ကြီးဌာန ပြည်ထောင်စုဝန်ကြီးနှင့် ရှမ်းပြည်နယ် ၀န်ကြီးချုပ်တို့က အကြမ်းဖက် ဆူပူသူများအား မေတ္တာရပ်ခံ ပြောကြားနေသည်ကို မေ ၂၉ ရက် ညနေ ၃ နာရီခွဲက တွေ့ရစဉ်

ထို့ပြင် ဆူပူ အကြမ်းဖက်မှုများကြောင့် အမှတ် (၂) ရပ်ကွက်ရှိ သီတာအေးရုပ်ရှင်ရုံ အတွင်းပိုင်း မီးလောင်ဖျက်ဆီး ခံခဲ့ရသော်လည်း အချိန်မီ ငြိမ်းသတ်နိုင်ခဲ့သောကြောင့် နောက်တန်းခုံများနှင့် ရုပ်ရှင်ပိတ်ကားတို့သာ ပျက်စီးခဲ့သည်။ ထို့အတူ အမှတ် (၇) ရပ်ကွက်တွင် လူဦးရေ ၃၀ ခန့်က ဆလွန်းကား တစ်စီးကိုလည်း ၀ိုင်းဝန်းဖျက်ဆီးခဲ့သည်။

အကြမ်းဖက်လူတစ်စုမှ လားရှိုးမြို့နယ် (၃) ရပ်ကွက် ဈေးအနီးရှိ ဗလီတစ်ခုအား မီးရှို့ဖျက်ဆီးမှုကြောင့် အမှတ် (၁) ရဲစခန်းက (ပ) ၂၅၈/၂၀၁၃ ပြစ်မှုဆိုင်ရာပုဒ်မ ၄၃၆/၄၂၇/၄၅၂၊ အစ္စလာမ်မိဘမဲ့ ဂေဟာအား မီးရှို့ဖျက်ဆီးမှုကြောင့် အမှတ် (၁) ရဲစခန်း (ပ) ၂၅၉/၂၀၁၃ ပြစ်မှုဆိုင်ရာပုဒ်မ ၄၃၆/၄၂၇/၄၅၂၊ ရပ်ကွက် (၉) ရှိ အစ္စလာမ် စာသင်ကျောင်း တစ်ခုအား ဖျက်ဆီးမှုကြောင့် လားရှိုးမြို့နယ် နယ်မြေရဲစခန်း (ပ) ၆၃/၂၀၁၃ ပြစ်မှုဆိုင်ရာပုဒ်မ ၄၅၂/၄၂၇/၃၄ ဖြင့် အမှုဖွင့် စစ်ဆေးဆောင်ရွက်လျက်ရှိကြောင်း လားရှိုးမြို့နယ် ရဲတပ်ဖွဲ့မှူးရုံးမှ သိရသည်။

ဆူပူ အကြမ်းဖက်မှုတွင် ပါဝင်သူအချို့ကို ရဲတပ်ဖွဲ့မှ ဖမ်းဆီးနေစဉ်

ရှမ်းပြည်နယ် ရဲတပ်ဖွဲ့မှူး ရဲမှူးကြီး ၀င်းထွန်းက "ဖြစ်သွားတဲ့ ဒီဖြစ်စဉ်ကို သုံးသပ်ရမယ်ဆိုရင် အဓိက လူတွေရဲ့ တရားဥပဒေ စိုးမိုးမှုအပေါ် လိုက်နာမှု အပိုင်းတွေ အားနည်းတယ်။ ဒေါသကို ရှေ့ထားပြီးတော့ လုပ်ဆောင်ခဲ့ကြတာတွေကို တွေ့ရတယ်။ ပြစ်မှုကျူးလွန်တဲ့ နေ၀င်းကို ရဲတပ်ဖွဲ့က ဥပဒေအရ ဖမ်းဆီးစစ်ဆေးနေတဲ့ အချိန်မှာ ဒီလိုအကြမ်းဖက်မှုတွေ ဆက်လက်ပြုလုပ်ခဲ့တယ်။ အမှန်တော့ တာဝန်ရှိသူတွေက ကျူးလွန်တဲ့သူကို ဥပဒေအရ ထိထိရောက်ရောက် ဆောင်ရွက်မှု မရှိဘူးဆိုရင် ကျေနပ်မှု မရှိတဲ့သူတွေ ဥပဒေအတိုင်း ဆက်လက်လုပ်ပိုင်ခွင့် ရှိတယ်။ ဒါ့အပြင် ထိထိရောက်ရောက် မီဒီယာတွေ အနေနဲ့ ထောက်ပြရေးသားပိုင်ခွင့် ရှိတယ်။ ဒီလို ဖြစ်စဉ်တွေကြောင့် နိုင်ငံတကာက မြန်မာလူမျိုးတွေအပေါ် အထင်မှားစရာတွေ ဖြစ်လာနိုင်တယ်။ မြန်မာလူမျိုးတွေက မင်းမဲ့စရိုက် ဆန်တယ်ဆိုတဲ့ အတွေးမျိုးတွေ ၀င်သွားနိုင်ပါတယ်" ဟု မေ ၂၉ ရက် နံနက်ပိုင်းက ပြောပြခဲ့သည်။

ဖြစ်ပွားနေသည့် ဖြစ်စဉ်ကို ထိန်းသိမ်းနိုင်ရန် ရဲတပ်ဖွဲ့အင်အား ၂၀၀ ကျော်နှင့် တပ်မတော်အင်အား ၃၀၀ ကျော်တို့ဖြင့် လုံခြုံရေး ဆောင်ရွက်လျက်ရှိကြောင်း လားရှိုးမြို့နယ် ရဲတပ်ဖွဲ့မှူးထံမှ သိရသည်။

တုတ်၊ ဓားလက်နက် ကိုင်ဆောင်ထားသော လူအုပ်စုတစ်စုကို မေ ၂၉ ရက် ညနေပိုင်းက တွေ့ရစဉ်

မေ ၂၉ ရက်ည နိုင်ငံပိုင် ရုပ်သံသတင်း ကြေညာချက်တွင် မွန်းလွဲ ၁ နာရီ မိနစ် ၄၀ ခန့်က ရပ်ကွက် ၂၊ ရပ်ကွက် ၃၊ ရပ်ကွက် ၇ နှင့် ရပ်ကွက် ၈ တို့မှာ အပြန်အလှန် တိုက်ခိုက်မှုများ စတင်ဖြစ်ပွားခဲ့ရာ ယင်းနေ့ညနေ ၅ နာရီခန့်အထိ တိုက်ခိုက် မီးရှို့ဖျက်ဆီးမှု ခုနစ်ကြိမ် ဖြစ်ပွားခဲ့ကြောင်း၊ မေ ၂၈ ရက်မှ ၂၉ ရက်အထိ အပြန်အလှန် တိုက်ခိုက်မှုများကြောင့် လူနေအိမ် ငါးလုံး၊ ဘာသာရေး အဆောက်အအုံ သုံးလုံး၊ ရုပ်ရှင်ရုံ တစ်ရုံ၊ ဂိုဒေါင် လေးလုံး၊ ဆိုင်ခန်း ၃၁ ခန်း၊ မော်တော်ယာဉ် နှစ်စီး၊ ဆိုင်ကယ် ၁၁ စီး မီးလောင်ပျက်စီးခဲ့ကြောင်း၊ တစ်ဦးသေဆုံးပြီး ငါးဦး ဒဏ်ရာရရှိခဲ့ကြောင်း သိရသည်။

ယမန်နေ့က ပြစ်မှုကျူးလွန်ခဲ့သော တရားခံဖြစ်သူသည် မူးယစ်ဆေးဝါး သုံးစွဲမှုကြောင့် ပြစ်မှုကျူးလွန်ခြင်းဖြစ်ပြီး ဘာသာရေး၊ လူမှုရေး ကိစ္စများနှင့် ပတ်သက်ခြင်း မရှိကြောင်း၊ ယင်းပြစ်မှုကို အကြောင်းပြုပြီး ဘာသာရေး ပဋိပက္ခအသွင် ဖော်ဆောင်ခြင်း မပြုရန်အတွက် ဘာသာရေး အဖွဲ့အစည်းများ၊ လူမှုရေး အဖွဲ့အစည်းများနှင့် ပြည်သူများက ၀ိုင်းဝန်းကူညီ ဆောင်ရွက်ကြရန် သက်ဆိုင်ရာ တာဝန်ရှိသူများက မေတ္တာရပ်ခံထားကြောင်း ထုတ်ပြန်ကြေညာ သွားခဲ့သည်ဟု သိရသည်။

တုတ်၊ ဓားလက်နက် ကိုင်ဆောင်ထားသော လူအုပ်စုနှင့် ဖျက်ဆီးခံထားရသော မော်တော်ယာဉ် တစ်စီးအား မေ ၂၉ ရက် ညနေပိုင်းတွင် တွေ့ရစဉ်

မေ ၂၉ ရက် မွန်းလွဲ ၃ နာရီတွင် ပြည်နယ်ဝန်ကြီးချုပ် ဦးစ၀်အောင်မြတ်၊ သာသနာရေး ၀န်ကြီးဌာန ပြည်ထောင်စုဝန်ကြီး ဦးဆန်းဆင့်၊ ရှမ်းပြည်နယ် ကာ/လုံဝန်ကြီး ဗိုလ်မှူးကြီးအောင်သူ၊ မန်ဆူရှမ်းကျောင်း ဆရာတော်တို့ ဦးဆောင်သော အဖွဲ့က ပဋိပက္ခများ ဖြစ်ပွားနေသည့် လားရှိုးမြို့ အမှတ်(၇) ရပ်ကွက်အတွင်း လှည့်လည်၍ အကြမ်းဖက်မှုများ ဆက်လက်မဖြစ်ပွားရန် တားမြစ်ခဲ့ပြီး ယင်းဆူပူ အကြမ်းဖက်မှုတွင် ပါဝင်သူများကို ရဲတပ်ဖွဲ့မှ ထိန်းသိမ်းခဲ့ကြောင်း သိရသည်။

လားရှိုးမြို့နယ် ရဲတပ်ဖွဲ့မှူးက "အခုလက်ရှိ လားရှိုးမြို့မှာ အကြမ်းဖက်မှု ဖြစ်စဉ်တွေ အများစုကို ထိန်းချုပ်နိုင်ပါပြီ။ ဒါပေမဲ့ လားရှိုးမြို့ရဲ့ ဆင်ခြေဖုံး ရပ်ကွက်တွေမှာ နေထိုင်တဲ့ လူတစ်စုက အစ္စလာမ်ဘာသာဝင်တွေ နေထိုင်တဲ့ မြို့ပေါ်ရပ်ကွက်တွေကို လာရောက်ပြီး အကြမ်းဖက် ဖျက်ဆီးမှုတွေ ရှိနေသေးတဲ့အတွက် ဒါတွေကို အမြန်ဆုံး ထိန်းသိမ်းနိုင်ဖို့ လုံခြုံရေးအင်အား ၅၀၀ ကျော်နဲ့ ဆောင်ရွက်နေပါတယ်" ဟု မေ ၂၉ ရက် ညနေပိုင်းတွင် ပြောကြားထားသည်။

မေ ၂၉ ညပိုင်းတွင် လုံခြုံရေး ပိုမိုတင်းကျပ်စွာ ဆောင်ရွက်လျက်ရှိပြီး တားမြစ်နေရာများသို့ မည်သူ့ကိုမှ သွားလာခွင့် မပြုကြောင်း သိရသည်။

တုတ်၊ ဓားလက်နက်များ ကိုင်ဆောင်ထားသူများကို ရဲတပ်ဖွဲ့ဝင်များက လူစုခွဲရန် ဖျောင်းဖျနေစဉ်

ထို့ပြင် မေ ၂၉ ရက် ညပိုင်းတွင် တပ်မတော်၊ ရဲတပ်ဖွဲ့၊ အထွေထွေ အုပ်ချုပ်ရေး ဦးစီးဌာန၊ သာသနာရေး ၀န်ကြီးဌာနတို့မှ တာဝန်ရှိသူများနှင့် ဆရာတော် သံဃာတော်ကြီးများ ပါဝင်သော အဖွဲ့ငါးဖွဲ့က မြို့တွင်းလှည့်လည်၍ လုံခြုံရေး ကိစ္စများ ဆောင်ရွက်လျက်ရှိကြောင်း သိရသည်။

မေ ၂၈ ရက်နေ့က ဓာတ်ဆီနှင့်ပက်၍ မီးရှို့ခံရသော မအေးအေးဝင်းသည် လားရှိုး ပြည်သူ့ဆေးရုံကြီးတွင် အတွင်းလူနာအဖြစ် တက်ရောက်ကုသလျက်ရှိပြီး လက်ရှိတွင် အသက်အန္တရာယ် စိုးရိမ်ရသည့် အခြေအနေ မရှိကြောင်း သိရသည်။  

စက်မှုဇုန်များ၏ ရေဆိုးထွက်ရှိမှုအပေါ် စိစစ်အရေးယူ သွားမည်ဖြစ်ကြောင်း သိရ

တောင်ဒဂုံ စက်မှုဇုန်အနီး ဖြတ်သန်းစီးဆင်းသော ငမိုးရိပ်ချောင်းအား တွေ့မြင်ရစဉ်

ရန်ကုန်မြို့ လှိုင်သာယာ စက်မှုဇုန်ရှိ စက်ရုံများမှ ရေဆိုးထွက်ရှိသည့် စက်ရုံများကို စိစစ်ကြပ်မတ်ရန် စီစဉ်နေပြီး သတ်မှတ်ချက်များနှင့် မကိုက်ညီပါက လိုအပ်သလို အရေးယူ သွားမည်ဖြစ်ကြောင်း လှိုင်သာယာ စက်မှုဇုန်ဥက္ကဋ္ဌ ဦးမြတ်သင်းအောင်က ပြောကြားသည်။

"စက်မှုဇုန် အတွင်းမှာရှိတဲ့ စက်ရုံတွေက ရေဆိုးထွက်တဲ့ စက်ရုံတွေကို စိစစ်ကြပ်မတ် သွားမယ်။ တချို့စက်ရုံတွေက water treatment မလုပ်တာတွေ ရှိတယ်။ အဆင်ပြေသလိုပဲ လုပ်နေကြတော့ အနံ့အသက်ဆိုး ထွက်တာ ရှိတယ်။ ပတ်ဝန်းကျင်ကို ညစ်ညမ်းထိခိုက် နေတာတွေ ရှိတယ်။ ဒါတွေနဲ့ ပတ်သက်ပြီး စက်ရုံတွေကနေ ကျွန်တော်တို့ဆီကို တိုင်ကြားတာတွေ ရှိတယ်။ ကျွန်တော်တို့ ဆီမှာရှိတဲ့ လုပ်ငန်းကော်မတီက စစ်ဆေးကြပ်မတ် သွားမယ်။ သတ်မှတ်ချက်နဲ့ မကိုက်ညီရင်တော့ အရေးယူ ဆောင်ရွက်မှာ ဖြစ်ပါတယ်" ဟု ၎င်းက ဆက်လက်ပြောကြားသည်။

ငါးနှစ်တာ ကာလအတွင်း ရန်ကုန်မြို့ရှိ စက်မှုဇုန်များရှိ စက်ရုံပေါင်း ၁၆၅ ရုံမှ ထွက်ရှိသော စွန့်ပစ်ရေဆိုးများအား နမူနာယူ စစ်ဆေးခဲ့ရာ ရေဆိုးသန့်စင်မှုစနစ် ပြုလုပ်ပြီးမှ စွန့်ပစ်ရန် လိုအပ်သည့် စက်ရုံအရေအတွက် ၁၃ ရုံသာ တွေ့ရှိကြောင်း ရန်ကုန်မြို့တော်ဝန် ဦးလှမြင့်က ပထမအကြိမ် ရန်ကုန်တိုင်းဒေသကြီး လွှတ်တော်စတုတ္ထပုံမှန် အစည်းအဝေးတွင် အထက်ပါအတိုင်း ပြောကြားခဲ့သည်။

ရန်ကုန်မြို့တော် စည်ပင်သာယာ နယ်နိမိတ်အတွင်း လည်ပတ်ဆောင်ရွက်နေသော စက်ရုံစုစုပေါင်း ၃၅၆၂ ရုံရှိကြောင်း၊ ယင်းအထဲတွင် အရက်ချက် စက်ရုံ၊ ဆေးဆိုးပန်းရိုက် စက်ရုံ၊ အအေးခန်းစက်ရုံများ ပါဝင်ကြောင်း၊ ယင်းစက်ရုံများမှ ထွက်ရှိသော စွန့်ပစ်ရေဆိုးများမှာ ရေထုထဲသို့ ရောက်ရှိပါက ရေထုကို ညစ်ညမ်းစေခြင်း၊ အလားတူ ရန်ကုန်မြို့ရှိ မြစ်ချောင်းများဘေးတွင် တည်ဆောက်ထားသော စက်ရုံများမှ စွန့်ပစ်ရေဆိုးများကို မြစ်ချောင်းများ အတွင်းသို့ တိုက်ရိုက်စွန့်ပစ် နေမှုကြောင့် မြစ်ချောင်းများ၏ ရေထုညစ်ညမ်းမှု ပမာဏမှာလည်း မြင့်နေကြောင်း သိရသည်။

စက်မှုဇုန်များ အနီးရှိ ကျူးကျော်တဲများကို သတ်မှတ်ရက်အတွင်း မပြောင်းရွှေ့ပါက ဥပဒေအရ တရားစွဲဆိုမည်ဟု သိရ

ရန်ကုန်မြို့ စက်မှုဇုန်များ အနီးပတ်ဝန်းကျင်၊ စက်မှုဇုန် လမ်းဘေးဝဲယာမှ ကျူးကျော်တဲများကို သတိပေးချက် (Notice) များပေး၍ သတ်မှတ်ရက်အတွင်း ဖျက်ခိုင်းခြင်းဖြင့် လည်းကောင်း၊ သတ်မှတ်ရက်အတွင်း မပြောင်းရွှေ့ပါက ဥပဒေအရ တရားစွဲဆို သွားမည်ဖြစ်ကြောင်း လှိုင်သာယာ စက်မှုဇုန် တာဝန်ရှိသူများထံမှ သိရသည်။

ယင်းကဲ့သို့ အရေးယူ ဆောင်ရွက်မှုများ ပြုလုပ်နိုင်ရန်အတွက် တိုင်းဒေသကြီး ၀န်ကြီးချုပ်နှင့် သက်ဆိုင်ရာ တိုင်းဒေသကြီး ၀န်ကြီးများ၏ လမ်းညွှန်မှုများ တရားဝင် ရရှိထားပြီ ဖြစ်ကြောင်းလည်း သိရှိရသည်။

သက်ဆိုင်ရာ တာဝန်ရှိသူများထံမှ ညွှန်ကြားချက်များ တရားဝင် ရရှိထားပြီ ဖြစ်သောကြောင့် စက်မှုဇုန် လုပ်ငန်းရှင်များ အနေဖြင့် မိမိတို့ စက်ရုံဝန်းကျင်၌ ကျူးကျော်တဲများ လာရောက်ဆောက်လုပ်ပါက သက်ဆိုင်ရာ ဒေသအာဏာပိုင်များ ထံသို့လည်းကောင်း၊ စီမံခန့်ခွဲရေး ကော်မတီရုံးသို့ လည်းကောင်း၊ အချိန်နှင့်တစ်ပြေးညီ အကြောင်းကြား ပေးကြရန်နှင့် စက်မှုဇုန်များ စီမံခန့်ခွဲရေး ကော်မတီ အနေဖြင့်လည်း တစ်တဲဆောက် တစ်တဲဖျက် စနစ်ဖြင့် ကျူးကျော်တဲများ ထပ်မံပေါ်ပေါက်ခြင်း မရှိအောင် ဆောင်ရွက်သွားမည် ဖြစ်ကြောင်းလည်း သိရသည်။

"ကျူးကျော်တွေကတော့ နေရာတိုင်းမှာ ရှိနေတယ်။ စက်မှုဇုန်ထဲက စက်ရုံတွေ နားမှာရော လမ်းဘေးဝဲယာမှာပါ ရှိနေတာပါ။ ကျူးကျော်တွေနဲ့ ပတ်သက်ရင် အရင်ဆုံး ဘယ်နေ့ဘယ်ရက် နောက်ဆုံးထားပြီး ပြောင်းရွှေ့ပေးရမယ်၊ ဖျက်ပေးရမယ်ဆိုတာ Notice တွေ ထုတ်ပြီးသားပါ။ သတ်မှတ်ရက်အတွင်းကို ဖယ်မပေးရင်၊ ပြောင်းမပေးရင် တရားဥပဒေအရ တရားစွဲ အရေးယူ သွားမှာပါ။ ဒီလို အရေးယူဖို့ကိုလည်း ၀န်ကြီးချုပ်ဆီက တရားဝင် ညွှန်ကြားချက် ရထားပြီးပါပြီ" ဟု လှိုင်သာယာ စက်မှုဇုန်မှ တာဝန်ရှိသူ တစ်ဦးက ပြောကြားသည်။

အလားတူ စက်မှုမြို့တော်များ အတွင်းရှိ ကျူးကျော်တဲများသည် အမြင်မတင့်တယ်သည့်အပြင် စက်ရုံများ၏ လုံခြုံရေးနှင့် မီးဘေး စိုးရိမ်ရသောကြောင့် စက်မှုလုပ်ငန်းရှင်များ အသင်းအနေဖြင့် မိမိတို့ စက်ရုံဝန်းကျင်၌ ကျူးကျော်တဲများ လာရောက်ဆောက်လုပ်ပါက စီမံခန့်ခွဲရေး ကော်မတီရုံးသို့ အကြောင်းကြားရန် ညွှန်ကြားထားကြောင်းလည်း သိရသည်။

ရက်ရှည် ဆန္ဒပြနေသော Esquare စက်ရုံသို့ အမျိုးသားလွှတ်တော် ဒုဥက္ကဋ္ဌနှင့်အဖွဲ့ လာရောက်ညှိနှိုင်းသော်လည်း အဆင်မပြေ

ရက်ရှည် ဆန္ဒထုတ်ဖော်နေသော Esquare ဖိနပ်စက်ရုံသို့ အမျိုးသားလွှတ်တော် ဒုဥက္ကဋ္ဌ ဦးမြငြိမ်းနှင့် အဖွဲ့သည် မေ ၂၉ ရက်တွင် အလုပ်ရှင်နှင့် အလုပ်သမားများအကြား ညှိနှိုင်းသော်လည်း အဆင်မပြေသေးကြောင်း ဆန္ဒပြ အလုပ်သမားများက ပြောကြားသည်။

ဦးမြငြိမ်းနှင့် လွှတ်တော်ကိုယ်စားလှယ်များ ပါဝင်သော အဆိုပါ ညှိနှိုင်းရေးအဖွဲ့သည် Esquare ဖိနပ်စက်ရုံမှ တာဝန်ရှိသူများနှင့် ဦးစွာတွေ့ဆုံ ညှိနှိုင်းခဲ့ကြောင်း သိရသည်။

ထို့နောက် အမျိုးသားလွှတ်တော် ဒုတိယဥက္ကဋ္ဌနှင့် အဖွဲ့သည် အလုပ်ထုတ်ခံရaသာ အလုပ်သမားငါးဦးနှင့် ထပ်မံတွေ့ဆုံ ညှိနှိုင်းခဲ့ကြောင်း သိရသည်။ "ဦးမြငြိမ်းတို့က ပြောတယ်။ ကျွန်မတို့ကို အလုပ်ပြန်ခန့်ဖို့ အလုပ်ရှင်ကို ပြောထားတယ်။ အဲဒီမှာ အလုပ်ရှင်က စဉ်းစားဦးမယ်လို့ ပြောတယ်။ ညနေ အလုပ်ဆင်းချိန် ရောက်နေပေမယ့် အလုပ်ရှင်က အကြောင်းပြန်တာ တစ်ခုမှ မရှိသေးဘူး" ဟု အဆိုပါစက်ရုံမှ အလုပ်သမားအဖွဲ့ ခေါင်းဆောင် မကြူကြူဝင်းက ဆိုသည်။

Esquare ဖိနပ်စက်ရုံတွင် အလုပ်သမားဦးရေ ၂၀၀ ခန့်မှ ဆန္ဒထုတ်ဖော်နေရခြင်းမှာ Esquare ဖိနပ်စက်ရုံ၏ အလုပ်သမား အဖွဲ့အစည်းခေါင်းဆောင် ငါးဦးကို အလုပ်မှ ထုတ်ပယ်ခဲ့ခြင်းကြောင့် ဆန္ဒထုတ်ဖော်ရခြင်း ဖြစ်ကြောင်း သိရသည်။

"မင်းတို့ အလုပ်ကို ပြန်လုပ်မှာလား မလုပ်ဘူးလားလို့ မေးတယ်။ ကျွန်မတို့က ပြန်လုပ်မယ်လို့ ပြောတယ်။ အဲဒါဆိုရင် ၀န်ခံကတိ ထိုးပေးရမယ်လို့ ပြောတယ်။ MD ကိုယ်တိုင်က အမြဲတမ်း ကတိတွေ ဖျက်နေတယ်။ ကျွန်မတို့ကို မနိုင်ဝန် ထမ်းခိုင်းတာတွေ၊ ခြေထောက်နဲ့ထိုးပြီး ခိုင်းတာတွေ ရှိတယ်။ အဲဒါတွေကို ဘယ်လိုဖြေရှင်းပေးမလဲ" ဟု မကြူကြူဝင်းက ဆိုသည်။

အဆိုပါ ဖိနပ်စက်ရုံမှ တာဝန်ရှိသူများနှင့် တွေ့ဆုံရန်အတွက် စက်ရုံဝင်ပေါက်ရှိ ဂိတ်စောင့်အား ပြောကြားခဲ့သော်လည်း ဂိတ်စောင့်မှ ၀င်ခွင့်၊ တွေ့ခွင့် မပေးနိုင်ကြောင်း ဆိုသည်။        

ယခုနှစ် ပထမ လေးလအတွင်း ရန်ကုန်နှင့် ရန်ကင်းကလေး ဆေးရုံကြီးများတွင် သွေးလွန်တုပ်ကွေးကြောင့် ဆေးရုံတက်ရသူ ၈၀၀ ကျော်ခန့် ရှိနေ

မေ ၂၉ ရက်က ရန်ကင်း ကလေးဆေးရုံတွင် တက်ရောက်ကုသမှု ခံယူနေသော ကလေးငယ် တစ်ဦးအား သက်ဆိုင်ရာ ဆရာဝန်တစ်ဦးက လိုအပ်သော စမ်းသပ်မှုများ ပြုလုပ်နေသည်ကို တွေ့ရစဉ်

ယခုနှစ် ပထမ လေးလအတွင်း ရန်ကုန် ကလေးဆေးရုံကြီးနှင့် ရန်ကင်း ကလေးဆေးရုံကြီး၌ သွေးလွန်တုပ်ကွေး ရောဂါကြောင့် ဆေးရုံတက်ရောက် ကုသနေရသူ ဦးရေ ၈၀၀ ကျော်ခန့် ရှိနေပြီဖြစ်ကြောင်း ဆေးရုံအုပ်ကြီးများ၏ ပြောကြားချက်အရ သိရသည်။

ပုံမှန်အားဖြင့် သွေးလွန်တုပ်ကွေး ရောဂါသည် မိုးဦးကျနှင့် မိုးတွင်းကာလများဖြစ်သည့် ဇွန်၊ ဇူလိုင်၊ သြဂုတ်လများတွင် ဖြစ်ပွားမှုနှုန်း များလေ့ရှိသော်လည်း ယခုနှစ်၌ သွေးလွန်တုပ်ကွေး ရာသီမရောက်ခင် ပထမ လေးလအတွင်းမှာပင် ရောဂါဖြစ်ပွားသူဦးရေ သိသိသာသာ မြင့်တက်နေကြောင်း သိရသည်။

"နှစ်တစ်နှစ်ရဲ့ ပထမ လေးလဆိုတာ သွေးလွန်တုပ်ကွေး လူနာများလေ့ ရှိတဲ့ကာလ မဟုတ်ပါဘူး။ အခုနှစ်မှာတော့ လူနာအတော်များနေတယ်။ ပထမလေးလ အတွင်းမှာပဲ ဆေးရုံတက်လူနာ ၅၁၁ ဦးရှိပြီး သေဆုံးလူနာ တစ်ဦးရှိနေပြီ။ ဆေးရုံတက်တဲ့ လူနာတွေထဲမှာတော့ ရန်ကုန်နဲ့ အနီးတစ်ဝိုက် မြို့တွေကသူတွေ လာတာများပါတယ်။ ဒီလိုဖြစ်နှုန်း များနေတဲ့အတွက် ကျန်းမာရေး ၀န်ကြီးဌာနအောက်မှာ ရှိတဲ့ တိုင်း၊ မြို့နယ်ကျန်းမာရေး ဦးစီးဌာနတွေပေါင်းပြီး မြို့နယ်အသီးသီးမှာ ကာကွယ်ရေး လုပ်ငန်းတွေ လုပ်သွားဖို့ စီစဉ်နေတယ်လို့ သိရပါတယ်" ဟု ရန်ကုန် ကလေးဆေးရုံကြီးမှ ဆေးရုံအုပ်ကြီး ဒေါက်တာသန်းထိုက်က မေ ၂၉ ရက်က ပြောကြားသည်။

ရန်ကုန် ကလေးဆေးရုံကြီးသို့ သွေးလွန်တုပ်ကွေးကြောင့် ဆေးရုံတက်ရောက် ကုသခဲ့သူ ဦးရေမှာ၂၀၁၁ ခုနှစ်အတွင်း ၅၀၀ ကျော်နှင့် ၂၀၁၂ ခုနှစ်အတွင်း ဦးရေ ၁၀၀၀ ၀န်းကျင်အထိ ရှိခဲ့ကြောင်း သိရသည်။

ထို့ပြင် ရန်ကုန်တိုင်း ဒေသကြီး အတွင်းရှိ မြို့နယ်အချို့တွင်လည်း သွေးလွန်တုပ်ကွေးရောဂါ ဖြစ်ပွားနှုန်း များနေပြီး လက်ရှိ ရန်ကုန် ကလေးဆေးရုံကြီးနှင့် ရန်ကင်း ကလေးဆေးရုံကြီးများတွင် သွေးလွန်တုပ်ကွေး ရောဂါကြောင့် ဆေးရုံတက်ရောက် ကုသနေသူ ဦးရေ ယခင်နှစ်များထက် သိသိသာသာ များပြားနေကြောင်း ဆေးရုံအုပ်ကြီးများက ပြောကြားကြသည်။

ရန်ကင်း ကလေးဆေးရုံကြီးတွင် ယခုနှစ် ပထမ လေးလအတွင်း သွေးလွန်တုပ်ကွေးလူနာ ၃၀၀ ကျော်ခန့် ရှိပြီး သေဆုံးသူ တစ်ဦးရှိကြောင်းနှင့် လက်ရှိ ဆေးရုံတက်ရောက် ကုသနေသူများအနက် သွေးလွန်တုပ်ကွေး လူနာဦးရေမှာ အများဆုံးဖြစ်ကြောင်းလည်း ရန်ကင်း ကလေးဆေးရုံကြီးမှ ဆေးရုံအုပ်ကြီး ဒေါက်တာအောင်မြင့်လွင်က ပြောကြားသည်။

မြန်မာနိုင်ငံတွင် သွေးလွန်တုပ်ကွေး ရောဂါကြောင့် အသက်သေဆုံးမှု ကျဆင်းလာသော်လည်း ရောဂါဖြစ်ပွားမှု အများဆုံး နိုင်ငံများတွင် ပါဝင်နေဆဲဖြစ်ကြောင်း၊ မြန်မာနိုင်ငံ၏ သွေးလွန်တုပ်ကွေးရောဂါ ဖြစ်ပွားမှုနှုန်းမှာ ၁၉၇၀ ပြည့်နှစ်က သွေးလွန်တုပ်ကွေးလူနာ ၁၀၀ လျှင် သေဆုံးသူဦးရေ ခြောက်ဦးအထက် ရှိခဲ့ရာမှ ၂၀၁၀ ပြည့်နှစ်တွင် လူနာ ၁၀၀ လျှင် တစ်ဦးနှုန်းသာ သေဆုံးလာကြောင်း ကျန်းမာရေး ၀န်ကြီးဌာန၏ ထုတ်ပြန်ချက်အရ သိရသည်။

ထို့ပြင် တစ်ကမ္ဘာလုံး သွေးလွန်တုပ်ကွေးရောဂါ ဖြစ်ပွားမှု၏ ၇၅ ရာခိုင်နှုန်းသည် အာရှပစိဖိတ် ဒေသများမှ ဖြစ်ကြောင်းနှင့် အရှေ့တောင်အာရှ နိုင်ငံများသည် တစ်ကမ္ဘာလုံး သွေးလွန်တုပ်ကွေး ကူးစက်ဖြစ်ပွားမှုရှိသော ဒေသ၏ ၅၂ ရာခိုင်နှုန်းဖြစ်ပြီး အင်ဒိုနီးရှား၊ ထိုင်းနှင့် မြန်မာနိုင်ငံတို့သည် ရောဂါဖြစ်ပွားမှု အများဆုံးဖြစ်ကြောင်း သိရသည်။

သရုပ်ဆောင် ရဲတိုက်အား ချုပ်ရက်ရမန်ပေးပြီး ဗိုလ်တထောင် ရဲစခန်းတွင် ဆက်လက်ထိန်းသိမ်းထား

သရုပ်ဆောင် ရဲတိုက်အား တရားရုံးသို့ ရမန်ယူရန် ခေါ်ဆောင်လာစဉ် (ဓာတ်ပုံ-ဥာဏ်ဝင်းရှိန်)

မေ ၂၈ ရက်က ဗိုလ်တထောင်မြို့နယ်ရှိ စိန့်မေရီကာသီဒြယ် ခရစ်ယာန်ကျောင်းအတွင်း သက်ဆိုင်ရာ၏ ခွင့်ပြုချက် မရဘဲ ဆန္ဒဖော်ထုတ်ခဲ့သည့် သရုပ်ဆောင် ရဲတိုက်အား ဗိုလ်တထောင် ရဲစခန်း၌ပင် ဆက်လက်ထိန်းသိမ်းထားကြောင်း သိရသည်။

သရုပ်ဆောင် ရဲတိုက်အား ဘုရားကျောင်း သာသနာ့ အကျိုးတော်ဆောင်အဖွဲ့ ဥက္ကဋ္ဌ ဦးခင်မောင်ဝင်းက တရားလိုအဖြစ် တိုင်တန်းခဲ့သဖြင့် ဗိုလ်တထောင် ရဲစခန်းမှ လူတစ်စား ကိုးကွယ်သည့် ဘာသာ၊ သာသနာကို ညှိုးနွမ်းအောင် ရည်ရွယ်ချက် အကြံအစည်၊ ပြုမူလုပ်ဆောင်ခြင်း ပြစ်မှုဆိုင်ရာ ဥပဒေပုဒ်မ ၂၉၅/(က)ဖြင့် အမှုဖွင့် ထိန်းသိမ်းခဲ့ပြီး သက်သေ အထောက်အထား စစ်ဆေးရန်အတွက် ဆက်လက်ထိန်းသိမ်းရန် ချုပ်မိန့်ရမန် တောင်းခံခဲ့ရာ ဗိုလ်တထောင်မြို့နယ် တရားရုံးမှ ၎င်းအား ဗိုလ်တထောင် ရဲစခန်းတွင် ဆက်လက်ချုပ်ထားရန် မေ ၂၉ ရက် မွန်းလွဲပိုင်းက ချုပ်မိန့်ရမန် ပေးခဲ့ကြောင်း သိရသည်။

ဗိုလ်တထောင် ရဲတပ်ဖွဲ့မှူးဖြစ်သူ ရဲမှူးစိန်ဝေက "လက်ရှိ ရမန်ပေးထားတဲ့ အတွင်းမှာပဲ စစ်ဆေးလို့ သက်သေခိုင်လုံရင် တရားစွဲ တင်ပို့သွားလို့ ရတယ်" ဟု မေ ၂၉ ရက် ညနေ ၆ နာရီ အချိန်က The Daily Eleven သတင်းစာသို့ ပြောကြားသည်။

ထို့ပြင် ဘုရားကျောင်း သာသနာ့အကျိုးတော်ဆောင် အဖွဲ့ဥက္ကဋ္ဌဖြစ်သူ ဦးခင်မောင်ဝင်းက "ကျွန်တော်တို့ဘက်က အမှားမရှိဘဲ မှန်တယ်ဆိုတာကို သက်သေပြပြီး သရုပ်ဆောင် ရဲတိုက်အနေနဲ့ သူမှားကြောင်း လူသိရှင်ကြား တောင်းပန်ရင်တော့ ကျွန်တော်တို့ဘက်က ကျေအေးပေးသွားပါမယ်" ဟု The Daily Eleven သတင်းစာသို့ မေ ၂၉ ရက် ညနေပိုင်းက ပြောကြားသည်။

အဆိုပါကိစ္စနှင့် ပတ်သက်၍ သရုပ်ဆောင် ရဲတိုက်အား တရားရုံး၌ ချုပ်ရက်ရမန်ယူစဉ် The Daily Eleven က မေးမြန်းရာ "ကျွန်တော် မှားတယ်ဆိုရင်တော့ တောင်းပန်မှာပေါ့" ဟု ပြန်လည်ဖြေကြားခဲ့သည်။

ဗဟိုဘဏ်မှ သတ်မှတ်သည့် ဈေးအောက်ရောက်သည် အထိ ဒေါ်လာဈေး ပြန်ကျ

ဗဟိုဘဏ်မှ နေ့စဉ်သတ်မှတ်သည့် ဒေါ်လာလဲနှုန်း Reference Exchange Rate အောက် ရောက်သည်အထိ အမေရိကန်ဒေါ်လာ လဲနှုန်းမှာ ပြင်ပဈေးကွက်၌ ပြန်ကျဆင်းလာကြောင်း သိရသည်။

မေ ၂၉ ရက်တွင် ဗဟိုဘဏ်မှ အမေရိကန် တစ်ဒေါ်လာလျှင် ၉၄၅ ကျပ်အထိ သတ်မှတ်ထားသော်လည်း ပြင်ပဈေးကွက်တွင် တစ်ဒေါ်လာ ၉၄၃ ကျပ်ဖြင့် လဲလှယ်လျက်ရှိကြောင်း သိရသည်။

ဗဟိုဘဏ်မှ ယခုလပိုင်းများ အတွင်း နေ့စဉ်နီးပါး အမေရိကန်ဒေါ်လာ ငွေလဲနှုန်းကို တိုး၍သတ်မှတ်လျက်ရှိခြင်း၊ တစ်ဒေါ်လာ ကျပ် ၁၀၀၀ အထိ ဆွဲတင်မည်ဟူသော သတင်းများ ဖြန့်ခြင်း၊ အချို့ ကစားလိုခြင်းများကြောင့် ဒေါ်လာဈေးမှာ မေ ၂၃ ရက်က ၉၆၁ ကျပ်အထိ ဆက်တိုက်ထိုးတက် သွားခဲ့ရသည်။ သို့သော် မေ ၂၉ ရက်တွင် တစ်ဒေါ်လာ ၉၄၃ကျပ် ဖြစ်သည့်အတွက် ရက်ပိုင်းအတွင်း တစ်ဒေါ်လာလျှင် ၁၈ ကျပ်အထိ ပြန်လည်ကျဆင်းလာခဲ့သည်။

ပြင်ပဈေးကွက် ဒေါ်လာဝယ်လိုအားမှာ ပုံမှန်အတိုင်း ရှိနေပြီး အသုံးလို၍ ၀ယ်ယူသည့်သူသာ ရှိနေရာ အမြတ်ရရေး ၀ယ်စုမည့်သူများ မရှိသည့်အတွက်  . . .

ဗဟိုဘဏ်မှ သတ်မှတ်သည့် အမေရိကန် ဒေါ်လာလဲနှုန်းမှာ နေ့စဉ်ဆက်တိုက် ထိုးတက်နေခဲ့ပြီး မေ ၂၃ ရက်က တစ်ဒေါ်လာ ၉၄၆ ကျပ်၊ မေ ၂၇ ရက်တွင် တစ်ဒေါ်လာ ၉၄၉ ကျပ်အထိ တိုး၍ သတ်မှတ်ခဲ့သည်။

သို့သော် ပြင်ပဈေးကွက် ဒေါ်လာဝယ်လိုအားမှာ ပုံမှန်အတိုင်း ရှိနေပြီး အသုံးလို၍ ၀ယ်ယူသည့်သူသာ ရှိနေရာ အမြတ်ရရေး ၀ယ်စုမည့်သူများ မရှိသည့်အတွက် ထပ်မံမြင့်တက်ခြင်း မရှိဘဲ မေ ၂၈ ရက်မှစ၍ ပြန်လည် ကျဆင်းခဲ့သည်။

မေ ၂၈ ရက်တွင် ဗဟိုဘဏ်မှ သတ်မှတ်သည့် အမေရိကန်ဒေါ်လာ ငွေလဲနှုန်းမှာ တစ်ဒေါ်လာ ၉၄၆ ကျပ်သို့ ပြန်ဆင်းသွားပြီး ပြင်ပဈေးကွက်၌လည်း တစ်ဒေါ်လာကျပ် ၉၅၀ အထိ ပြန်ဆင်းခဲ့ခြင်း ဖြစ်သည်။

ယခင်က ဈေးမြင့်တက်ပြီဆိုပါက ကစားမည့်သူ၊ ၀ယ်စုသူများကြောင့် ဈေးကွက်ပိုမို မတည်မငြိမ် ဖြစ်ရသော်လည်း ယခုအခါတွင်မူ ထိုသို့ဝင်ကစားသူများ လိုက်ပါမလာတော့ဘဲ ပုံမှန်အရောင်းအ၀ယ်သာ ရှိခြင်း၊ ကမ္ဘာ့ရွှေဈေး ပြန်လည်ဦးမော့ လာမှုနှင့်အတူ နိုင်ငံတကာ ဈေးကွက်တွင်လည်း ဒေါ်လာတန်ဖိုးမှာ တည်ငြိမ်နေခြင်း စသည့်ဈေးကွက်မှန် အခြေအနေကြောင့် မည်မျှဆွဲတင် နေသည်ဖြစ်စေ ဈေးကွက်မှန်အတိုင်း ပြန်လည်ကျဆင်းခြင်းဟု သုံးသပ်နေကြသည်။

ကမ္ဘာ့ရွှေဈေးမှာ ယခုရက်ပိုင်းအတွင်း တစ်အောင်စလျှင် အမေရိကန်ဒေါ်လာ ၁၃၈၀၊ ၁၃၉၀ ၀န်းကျင်တွင် တည်ငြိမ်လျက်ရှိကြောင်း သိရသည်။         

တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေး ဥပဒေ ပြင်ဆင်ရေးဆွဲရန် စီစဉ်နေ

တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေး ဥပဒေကို ပြန်လည်ပြင်ဆင် ရေးဆွဲရန် စီစဉ်နေကြောင်း ပြည်ထဲရေး ၀န်ကြီးဌာန၏ အစည်းအဝေး သတင်းထုတ်ပြန်ချက်များအရ သိရသည်။

အဆိုပါ ဥပဒေမှာ ယခင် စစ်အစိုးရလက်ထက် ဥပဒေအမှတ် (၆/၂၀၀၂)ဖြင့် ၂၀၀၂ ခုနှစ် ဇွန် ၁၇ ရက်က ပြဋ္ဌာန်းထုတ်ပြန်ခဲ့ပြီး ဖြစ်သော်လည်း အသက်ဝင်မှု နည်းပါးနေရုံသာမက အဆိုပါ ဥပဒေ ထုတ်ပြန်ထားကြောင်း သိရှိသူပင် နည်းပါးနေသေးကြောင်း ဥပဒေ လေ့လာသူများက ဆိုသည်။

ငွေကြေးခ၀ါချခြင်း၊ ငွေဖြူငွေမည်း ပြဿနာများနှင့် ပတ်သက်ပြီး မြန်မာနိုင်ငံတွင် ရင်းနှီးမြှုပ်နှံကြသည့် နိုင်ငံသား ရင်းနှီးမြှုပ်နှံသူ အချို့၏ ရင်းနှီးမြှုပ်နှံသည့် ပမာဏများမှာ အခွန်ပေးဆောင်ထားသည့်ငွေများ ဟုတ်မဟုတ်၊ ၀င်ငွေရ လမ်းပြနိုင်သည့် ငွေများ ဟုတ်မဟုတ်၊ တရားမ၀င် ငွေကြေးများဖြင့်  မြှုပ်နှံခြင်း ဟုတ်မဟုတ် စသည့်အကြောင်း အရာများကို စိစစ်ရန် လိုအပ်ကြောင်း မီဒီယာတွင် ဖော်ပြခဲ့ပြီးနောက် တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေး ဥပဒေကို ပြင်ဆင်ရေးဆွဲရန် စီစဉ်နေသည့် သတင်းပေါ်ထွက်ခဲ့ခြင်း ဖြစ်သည်။

တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများကို အသုံးပြု၍ နိုင်ငံတော်၏ အုပ်ချုပ်ရေး၊ စီးပွားရေး၊ လူမှုရေး ကဏ္ဍများတွင် ၀င်ရောက်စွက်ဖက်ခြင်းမှ ကာကွယ်ရန် . . . .

အဂတိ လိုက်စားမှု၊ မူးယစ်ဆေးဝါး ရောင်းဝယ်မှု၊ လက်နက်ခဲယမ်း မီးကျောက်နှင့် ပေါက်ကွဲစေတတ်သော ပစ္စည်းများ တရားမ၀င် ရောင်းဝယ်မှု၊ အခွန်တိမ်းရှောင်မှု၊ လူကုန်ကူးမှု၊ တရားမ၀င် သစ်ခိုးထုတ်မှုများ၊ မြန်မာနိုင်ငံတော် ဗဟိုဘဏ်က ထုတ်ပေးသည့် လုပ်ငန်းလိုင်စင် မရှိဘဲ ငွေရေးကြေးရေး အဖွဲ့အစည်း၏ လုပ်ငန်းလုပ်ကိုင်မှု စသည့် ပြစ်မှုတစ်ရပ်ရပ်ကို ကျူးလွန်ရာမှ ရရှိသည့် ငွေကြေးနှင့် ပစ္စည်းများကို တရားဝင်အသွင်သို့ ရောက်ရှိစေရန် တရားမ၀င်သော နည်းလမ်းဖြင့် ပြောင်းလဲခြင်း၊ လွှဲပြောင်းခြင်း၊ ဖုံးကွယ်ခြင်း၊ ဖျောက်ဖျက်ခြင်း သို့မဟုတ် အသွင်ပြောင်းလဲခြင်းပြုသည့် ပြစ်မှုများသည် ဤဥပဒေနှင့် သက်ဆိုင်စေရမည်ဖြစ်ကြောင်း တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေးဥပဒေ ပုဒ်မ ၅(က) တွင် ပြဋ္ဌာန်းထားသည်ဟု သိရသည်။

တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများကို ထိန်းချုပ်ပြီး ထိရောက်စွာ အရေးယူနိုင်ရန်နှင့် ဆင့်ပွားပေါ်ပေါက်နိုင်သည့် ပြစ်မှုများကို ကာကွယ်ဟန့်တားနိုင်ရန်၊ တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေးအတွက် အပြည်ပြည်ဆိုင်ရာ အဖွဲ့အစည်းများ၊ ဒေသဆိုင်ရာ အဖွဲ့အစည်းများ၊ အိမ်နီးချင်း နိုင်ငံများနှင့် ပူးပေါင်းဆောင်ရွက်နိုင်ရန် စသည့်ရည်ရွယ်ချက်များဖြင့် တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများထိန်းချုပ်ရေး ဥပဒေကို ပြဋ္ဌာန်းခဲ့ခြင်းဖြစ်ကြောင်း ဥပဒေ ပြဋ္ဌာန်းချက်များအရ သိရသည်။

ထို့ပြင် တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများ ထိန်းချုပ်ရေး ဥပဒေ၏ ရည်ရွယ်ချက်များထဲတွင် တရားမ၀င်သော နည်းလမ်းဖြင့် ရရှိသည့် ငွေကြေးနှင့် ပစ္စည်းများကို အသုံးပြု၍ နိုင်ငံတော်၏ အုပ်ချုပ်ရေး၊ စီးပွားရေး၊ လူမှုရေး ကဏ္ဍများတွင် ၀င်ရောက်စွက်ဖက်ခြင်းမှ ကာကွယ်ရန်ဟူသည့် အချက် ပါဝင်နေသည်ကို တွေ့ရသည်။          

ဟိုတယ်နှင့် စီးပွားရေးလုပ်ငန်းများကြောင့် အင်းလေးကန် ထိခိုက်မှုများကို စောင့်ကြည့်တော့မည်

ဟိုတယ်များနှင့် စီးပွားရေးလုပ်ငန်းများကြောင့် အင်းလေးကန်အပေါ် ထိခိုက်မှုများ စောင့်ကြည့်ရန် အင်းလေးကန်
စောင့်ကြည့်လေ့လာရေးအဖွဲ့ကို ဖွဲ့စည်းသွားမည်ဖြစ်ကြောင်း အင်းတိုင်းရင်းသား ရေးရာဝန်ကြီး ဦးဝင်းမြင့်က မဇ္စျိမကို ပြောကြားသည်။

အဆိုပါအဖွဲ့တွင် အစိုးရအဖွဲ့အစည်းများမှပုဂ္ဂိုလ်များ ပါဝင်မည်မဟုတ်ဘဲ ပညာရှင်များ၊ ဒေသခံတိုင်းရင်းသား များဖြင့်သာ ဖွဲ့စည်းသွားမည် ဖြစ်ကြောင်းလည်း ၎င်းက ရှင်းပြသည်။

''ကန်နားဝန်းကျင်မှာ ဟိုတယ်တွေလာ ဆောက်တာကို ဒေသခံတွေက လုံးဝ သဘောမကျကြဘူး။ အင်းလေးကန်မှာ စီးပွားရေး လာလုပ်ကြပြီး ကန်ထိန်းသိမ်းစောက်ရှောက်ရေးတို့ကို မလုပ်ကြဘူး ဖြစ်နေတယ်။ ဒီလိုတွေ ဖြစ်လာနေလို့ စောင့်ကြည့်လေ့လာရေးအဖွဲ့ကို ဖွဲ့ဖို့ဆောင်ရွက်နေတယ်'' ဟု သူက မှတ်ချက်ပြုသည်။

လက်ရှိတွင် အင်းလေးကန် ထိန်းသိမ်းစောက်ရှောက်ရေး လုပ်ငန်းစဉ်များကို အစိုးရ အဖွဲ့အစည်းဖြစ်သည့် အင်းလေးကန် ရေရှည်တည်တံ့ ထိန်းသိမ်းရေးအဖွဲ့မှ ဆောင်ရွက်လျက်ရှိသော်လည်း ထိုအဖွဲ့အပြင် ယခုလို စီးပွားရေးလုပ်ငန်းများက အင်းလေးကန်အပေါ် သက်ရောက်မှုကို အကဲဖြတ်ရန် အဖွဲ့အစည်းထပ်မံဖွဲ့လိုက်ခြင်း
ဖြစ်သည်။

အစိုးရ၏ အင်းလေးကန် ထိန်းသိမ်းရေးအဖွဲ့သည် ကုလသမဂ္ဂဖွံ့ဖြိုးရေး အစီအစဉ်(UNDP)နှင့် နော်ဝေအစိုးရမှ လှူဒါန်းသည့် အမေရိကန် ဒေါ်လာ နှစ်သန်းကျော်ကို အသုံးပြုကာ အင်းလေးကန် ထိန်းသိမ်းစောက်ရှောက်ရေး လုပ်ငန်းစဉ်များကို လုပ်ဆောင်လျက်ရှိသည်။

အင်းလေးဒေသခံ ဦးစိုင်းဝဏ္ဏက ''အခုဆောက်နေတဲ့ ဟိုတယ်တွေက ကန်နဲ့ အရမ်းထိစပ်နေတယ်။ နောင်ဆိုရင် ဟိုတယ်တွေရဲ့ စွန့်ပစ်စ္စည်းတွေက ကန်ပတ်ဝန်းကျင်ကို ထိခိုက်လာနိုင်တယ်။ စီးပွားရေး တစ်ခုတည်းကြည့်ပြီး ကန်အလှအပကို ထိခိုက်လာမှာကို မလုပ်သင့်ဘူး'' ဟု ပြောသည်။

ဝန်ကြီးဦးဝင်းမြင့်က အင်းလေးကန်စောင့်ကြည့်လေ့လာရေး အဖွဲ့ကို အသင်း၏ လုပ်ငန်းစဉ်များ၊ ဖွဲ့စည်းပုံများ သတ်မှတ်ပြီးလျှင် ပြည်ထဲရေးဝန်ကြီးဌာနသို့ တင်ပြသွား မည်ဖြစ်ပြီး တရားဝင် ဖွဲ့စည်းသွားမည့် လူမှုရေးအဖွဲ့
ဖြစ်ကြောင်း၊ ဟိုတယ်များ စည်းကမ်းမဲ့ ဆောင်ရွက်မှုများကိုတွေ့လျှင် ပြည်ပမှ ပတ်ဝန်းကျင် ထိန်းသိမ်းရေးအဖွဲ့များ ၏ အကူအညီကို ရယူပြီး သက်ဆိုင်ရာ အစိုးရဌာနများသို့ တိုင်ကြားသွားမည်ဖြစ်ကြောင်း ဆိုသည်။

ယခုလက်ရှိ ဆောက်လုပ်နေသည့် ဟိုတယ်များအနက် ဟိုတယ် ၁ဝ လုံးကို ယခင်အစိုးရလက်ထက်တွင်
ဆောက်လုပ်ခွင့် ရရှိခဲ့ခြင်းဖြစ်ပြီး အစိုးရသစ်လက်ထက်တွင် ရပ်ဆိုင်းသွားခဲ့ပြီး ခရီးသွားလုပ်ငန်းကဏ္ဍဖွံဖြိုး တိုးတက်လာသည့်အတွက် သက်ဆိုင်ရာသို့ တင်ပြပြီး ပြန်လည် တည်ဆောက်လာခြင်းကြကြောင်း အင်းလေး
ဒေသခံများက ပြောဆိုသည်။

လက်ရှိတွင် အင်းလေးကန်စပ်အနီး ဟိုတယ်များ ဆောက်လုပ်နေခြင်းကြောင့် ဒေသခံများမှ စိုးရိမ်လျက်ရှိပြီး အင်းလေးကန် အရှေ့ဘက် ကန်ပတ်လမ်းတွင် ဟိုတယ် ၁၂ လုံးခန့် ကန်စပ်အနီး ဆောက်လုပ်လျက်ရှိကြောင်း
ဒေသခံများက ပြောသည်။

မှတ်ပုံတင်မထားသည့် ပိုးသတ်ဆေးကို ဈေးကွက်အတွင်းမှ ပြန်သိမ်းမည်

ရန်ကုန်တိုင်း ဒေသကြီးအတွင်း လက်လီလက်ကား အရောင်းဆိုင်များတွင် ဈေးနှုန်းချိုသာစွာဖြင့် ရောင်းချလျက် ရှိသော တရုတ်စာသားများသာပါဝင်သည့် မှတ်ပုံတင် ထားခြင်းမရှိသော ပိုးသတ်ဆေးတစ်မျိုးကို ဈေးကွက် အတွင်းမှ ပြန်သိမ်းမည်ဖြစ်ကြောင်း လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန၊ သီးနှံကာကွယ်ရေးဌာန ရန်ကုန်တိုင်း ဒေသကြီးတာဝန်ခံ ဦးမြင့်ဇော်က မဇ္ဈိမ သတင်းဌာနသို့ ပြောသည်။

အဆိုပါ ပိုးသတ်ဆေး အထုပ်တွင် မီသိုမိုင်း Methomyl ဟုသာ အင်္ဂလိပ်စာသားပါဝင်ပြီး ကျန်စာသားများ အားလုံးမှာ တရုတ်စာသားများသာ ပါဝင်သည်။ တရားဝင်ဆေးများတွင် အညွှန်းကို မြန်မာဘာသာဖြင့်
ရေးရမည်ဖြစ်ရာ ယင်းပိုးသတ်ဆေးတွင် ရေးသားထားခြင်း မရှိဟု သိရပြီး အထုပ်မှာ ပုံမှန်ဆိုဒ် မဟုတ်သော အထုပ်ငယ်များဖြင့် ထုပ်ပိုးထားကာ ဈေးနှုန်းချိုသာစွာဖြင့် တောင်သူများ အလွယ်တကူဝယ်ယူ နိုင်ရန်ရည်ရွယ် ထုတ်လုပ်ထားခြင်း ဖြစ်သည်ဟုလည်း ၎င်းက ပြောသည်။

ဦးမြင့်ဇော်က ''တရားဝင်ဆေးဆိုရင် အညွှန်းမှာမြန်မာလို ရေးထားရမယ် ပါဝင်တဲ့ ပစ္စည်းတွေကို ရေးထားရမယ်။ အင်္ဂလိပ်လိုတော့ မီသိုမိုင်းဆိုပြီး ပါတယ်။ ကျန်တာအားလုံး တရုတ်စာတွေချည်းပဲ ဘာကိုဖတ်ပြီး ဘယ်လိုအသုံးပြု ရမလဲ မသိနိုင်ဘူး။ ပြီးတော့ သူ့ရဲ့ပြင်းအားက ပုံမှန်ထက် နှစ်ဆပိုပြီး အဆိပ်ပြင်းတယ်။ ပုံမှန်ဆိုရင် ပိုးသတ်ဆေးက တစ်ကီလိုဂရမ်၊ ငါးရာ ဂရမ်၊ နှစ်ရာ့ငါးဆယ်ဂရမ်အထုပ်တွေ ထုပ်တယ်။ အခုအထုပ်တွေက ငါးဂရမ်လောက်ပဲ ရှိတယ်။ ဈေးချိုတယ်။ ဆိုလိုတာက ရောင်းကောင်းအောင် တမင်ထုတ်လုပ်ထားတာမျိုးပေါ့'' ဟု ပြောသည်။

ဈေးကွက်တွင်း ရောက်ရှိနေသော ၎င်းပိုးသတ်ဆေးကို သိမ်း ဆည်းသွားမည်ဖြစ်ပြီးမည်သူ တင်သွင်းသည်ကို စုံစမ်း၍မရ သေးကြောင်းလည်း သိရသည်။ စိုက်ပျိုးထုတ်လုပ်သူ တောင်သူများက သီးနှံများအထွက်တိုးရန်
မြေသြဇာအ သုံးပြုခြင်း၊ သီးနှံအဖျက် ပိုးများ ချေမှုန်းရန် ပိုးသတ်ဆေးများ အသုံးပြုခြင်းများ ရှိရုံသာမက
တောင်သူများထံက ဝယ်ယူပြီး ဈေးကွက်တွင်း ပြန်လည်ရောင်းချသူများသည် ပိုးသတ်ဆေးများကို အသုံးချနေမှု များနေသောကြောင့် သီးနှံကာကွယ် ရေးဌာနများ၊ စားသုံးသူ ကာကွယ်ရေး အဖွဲ့အစည်းများအနေဖြင့်
ဈေးကွက်တွင်း ရောင်းချနေသူများကိုပါ အသိပညာပေးမှုများ ပြုလုပ်ရန် လိုအပ်သည်ဟုလည်း ၎င်းက ပြောသည်။

ဦးမြင့်ဇော်က ''ပိုးသတ်ဆေး ဖျန်းပြီးဘယ်နှစ်ရက်အတွင်း မစားရဘူးဆိုပြီး ဆေးရဲ့ပြင်းအားပေါ်မူတည်ပြီး သတ်မှတ်ထားတာရှိတယ်။ ဒါကြောင့် ချက်ချင်း ဈေးကွက်ကို တင်ပို့တော့မယ် သီးနှံတွေကိုထပ်ပြီး ဆေးဖျန်းဖို့ ဘယ်လိုမှ မသင့်တော်ဘူး စားသုံးသူကို တိုက်ရိုက်ထိခိုက်တယ် ပိုးသတ်ဆေးကို တောင်သူတွေပဲ အသုံးပြုတယ် ဆိုပြီး ပိုးသတ်ဆေးကို အန္တရာယ်မဖြစ်အောင် တောင်သူတွေကို ပညာပေးရတယ်။ ခုဆိုရင် တောင်သူတွေတင်မက
ရောင်းချတဲ့ ကုန်သည် တွေကိုပါ ပညာပေးဖို့ လိုအပ်လာတယ်'' ဟုလည်း မဇ္ဈိမ သတင်းစာသို့ ပြောသည်။

ထားဝယ်ရှိ စစ်တပ်က သိမ်းထားသော မြေများအတွက် စာရင်းလာကောက်ယူ

ထားဝယ်မြို့ ဇလွန်းကျေးရွာရှိ တောင်သူ ၆၄ ဦးပိုင်ဆိုင်သည့် လယ်မြေဧက ၃၅ဝ ကျော်ကို လွန်ခဲ့သည့် နှစ်
နှစ်ဆယ် ဝန်းကျင်က စစ်တပ်ပိုင်မြေအဖြစ် သိမ်းထားရာ ယခုယင်းမြေများအတွက် စစ်တပ်က စာရင်းလာ
ကောက်ခြင်းများပြုလုပ်နေသည်ဟု ထားဝယ်မြို့ လူ့အခွင့်အရေးစောင့်ကြည်ရေးကွန်ရက်မှ ဦးသန်းဝင်း က
ပြောသည်။

အဆိုပါ လယ်မြေများ သိမ်းထားခြင်းနှင့်ပတ်သက်ပြီး ယင်းဒေသခံများက ရန်ကုန်တွင် ပြီးခဲ့သည့် မေလ ၁၆ ရက်က လယ်သိမ်းခံရသည့်အတွက် မကျေနပ်ကြောင်းနှင့် ယင်းကိစ္စအတွက် တိုင်းဒေသကြီး အစိုးရထံသို့ တင်ပြထားသည် များနှင့် ပတ်သက်ပြီး စာနယ်ဇင်း ရှင်းလင်းပွဲလုပ်ခဲ့သည်။ ယင်းနောက်တွင် လယ်မြေများအတွက် စစ်တပ်က မေလ ၂၄ ရက်တွင် စာရင်းလာကောက်နေပြီး ပြန်ပေးမည်၊ မပေးမည်ကိုမူ သိရှိရခြင်း မရှိသေးပေ။

အသိမ်းခံထားရသော မြေနေရာများမှာ ထားဝယ်မြို့နယ်၊ ဇလွန်းကျေးရွာရှိ တောင်သူ ၆၄ ဦးပိုင်ဆိုင်သည့် လယ်မြေဧက ၃၅၃.၇၈ ဧက ကို လွန်ခဲ့သည့် ၁၉၉၃ ခုနှစ်တွင် စစ်တပ်က တပ်ပိုင်မြေအဖြစ် သိမ်းဆည်း ထားခြင်းဖြစ်ပြီး ယင်းတောင်သူများထဲမှ ၄ ဦးကိုသာ လယ်မြေအငှားဖြင့် ပြန်လုပ်ကိုင်ခွင့်ပေးခဲ့သည်။ ကျန်သူများမှာ လျော်ကြေး မရှိသေးပေ။ 

ဦးသန်းဝင်းက ''တပ်သိမ်းမြေတွေကို စာရင်းယူသွားတာပါ၊ တပ်ကလာပြီး စာရင်းကောက်တယ်လဲဆိုရော တချို့တောင်သူတွေက နဂိုစာတင်ထားတဲ့ ဥယျာဉ်ခြံမြေအပြင် ထပ်တိုးပြီး စာရင်းပေးလာတာတွေ ရှိနေတယ်'' ဟု ပြောသည်။

ထားဝယ်မြို့တွင် အကြောင်းအမျိုးမျိုးကြောင့် အသိမ်းခံထားသောမြေများ ရှိနေပြီး ဆန်းချီအနောက်ကွင်း၊ ရွှေဂူကွင်း ရွာများတွင် ၁၉၉၃ ခုနှစ်က အသိမ်းခံထားရသည့် လယ်မြေလေးထောင်ကျော်နှင့် ထားဝယ်မြို့ရှိ ဆန်းလွန်း၊ သပြေချောင်းရှိ စစ်တပ်သိမ်း ဥယျာဉ်ခြံမြေများအားလုံးကို တောင်သူများ ပြန်လည်ရရှိစေရေးအတွက် သမ္မတနှင့် လယ်ယာမြေစုံစမ်းစစ်ဆေးရေးကော်မရှင်သို့ မေလအတွင်းကပင် တင်ပြထားခဲ့ခြင်းဖြစ်သည်ဟု သိရသည်၊။

တနသာင်္ရီတိုင်းဒေသကြီးတွင် စစ်တပ်သိမ်းလယ်မြေ၊ ကုမ္ပဏီမှသိမ်းထားသည့် လယ်မြေများနှင့် လေယာဉ်ကွင်း
ဆောက်လုပ်ရန်အတွက် သိမ်းထားသည့် လယ်မြေအမှုပေါင်း ၁ဝ မှုကို လက်ခံစစ်ဆေးလျက်ရှိနေသည်ဟု တနင်္သာရီတိုင်းဒေသကြီး လယ်ယာမြေစုံစမ်းစစ်ဆေးရေး ကော်မရှင်အဖွဲ့ဝင် အမျိုးသားလွှတ်တော်ကိုယ်စားလှယ် ဦးတင်မောင်မြင့်က ပြောသည်။

လားရှိုးပဋိပက္ခ ပျက်စီးမှုတန်ဖိုး သိန်း ၆ဝဝ ရှိ လုံခြုံရေးအဖွဲ့များ တိုးချဲ့ဖွဲ့စည်း

ရှမ်းပြည်နယ် လားရှိုးမြို့တွင် မေလ ၂၈ ရက်ကဖြစ်ပွားခဲ့သော ပဋိပက္ခများမှ မီးလောင်ပြီး ပျက်စီးဆုံးရှုံးခဲ့မှု တန်ဖိုး သိန်း
၆ဝဝ နီးပါးရှိပြီး လုံခြုံရေးအတွက် အဖွဲ့ငါးဖွဲ့ ဖွဲ့စည်းလိုက်သည်ဟု လားရှိုးမြို့ ပြန်ကြားရေးနှင့် ပြည်သူ့ဆက်ဆံရေး ရုံးမှ လက်ထောက်ညွှန်ကြားရေးမှူး ဦးဝေလင်းက မဇ္ဈိမကို ပြောသည်။

မေလ ၂၈ ရက်နေ့ညနေက ဓါတ်ဆီရောင်းချရာတွင် စကားများရာမှ အမျိုးသားတဦးက အမျိုးသမီးတဦးကို မီးရှို့ ခဲ့သည့် အဖြစ်အပျက်မှ စတင်ကာ ဈေးဆိုင်၊ ဘာသာရေး အဆောက်အဦးနှင့် စာသင်ကျောင်းတခုတို့ကို မီးရှို့ ဖျက်ဆီးမှု ဖြစ်ပွားခဲ့သည်။ ဖျက်ဆီးခံရသည့် လားရှိုးမြို့လယ်မှ ဈေးဆိုင်အချို့ မေလ ၂၈ ရက်နေ့ညက ဖျက်ဆီးခံရပြီးနောက် မေလ ၂၉ ရက်နေ့နံနက်ပိုင်းတွင် တွေ့မြင်ရစဉ်။ (ဓာတ်ပုံ - မဇ္ဈိမ)

ဖွဲ့စည်းလိုက်သည့် လုံခြုံရေးအဖွဲ့များတွင် အထွေထွေအုပ်ချုပ်ရဲမှူး၊ ရဲတပ်ဖွဲ့၊ စစ်တပ်နှင့် သံဃာတော်များ ပါဝင်ပြီး ''လုံခြုံရေးအဖွဲ့ ငါးဖွဲ့ချထားတယ်။ ညနေကမှ အစည်းအဝေးလုပ်တာဆိုတော့ ကျွန်တော်တို့လည်း အသေးစိတ်ကို
တော့မသိရသေးဘူး'' ဟု ဦးဝေလင်းက ပြောသည်။ ရိုက်နှက်မှုများ ဖြစ်ပေါ်လာခြင်းကြောင့် အခြေအနေကို ထိန်းသိမ်းရန် ဖွဲ့စည်းခြင်းဟုလည်း သူက ဆိုသည်။

ပဋိပက္ခများအတွင်း လားရှိုးမြို့ အမှတ် (၈) ရပ်ကွက်တွင် ယမန်နေ့ညနေက မီးရှို့မှုဖြစ်ပွားခဲ့ပြီး ဗလီတစ်လုံး၊ အစ္စလာမ် မိဘမဲ့ ကျောင်းနှင့် ပြန်/ဆက်ဌာနပိုင်ဆိုင်ခန်း နှစ်ခန်းအပါအဝင် ပုဂ္ဂလိက ဆိုင်ခန်းများနှင့် ဂိုထောင်များ မီးလောင်ကျွမ်းခဲ့ပြီး ဆုံးရှုံးမှုတန်ဖိုး အတိအကျမှာ ၅၈၃ ဒသမ ၈ သိန်း ဖြစ်သည်ဟုလည်း ပြန်ကြားရေးနှင့်
ပြည်သူ့ဆက်ဆံရေးရုံးက ထုတ်ပြန်သည်။

ထို့အပြင် မေလ၂၉ရက်နေ့လည်တွင် အမှတ် (၇) ရပ်ကွက်၌ လူတစ်စုက အကြမ်းဖက်ရိုက်နှက်မှုကြောင့် အစ္စလာမ်ဘာသာ ဝင်တစ်ဦးသေဆုံးကာ အမျိုးသားလေးဦးနှင့် အမျိုးသမီးတစ်ဦး ဒဏ်ရာရရှိခဲ့ပြီး လားရှိုးမြို့
ပြည်သူ့ဆေးရုံတွင် ဆေးကုခံယူနေသည်။ တစ်ဦးမှာ ဦးခေါင်းဒဏ်ရာရကာ ခွဲစိတ်ခန်းသို့ ပို့ထားရကြောင်း
ပြန်ကြားရေးနှင့် ပြည်သူ့ဆက်ဆံရေးဝန်ကြီးဌာနမှ သိရသည်။

ထိုရပ်ကွက်တွင်ပင် သတင်းထောက် နှစ်ဦးအား ရိုက်နှက်မှုဖြစ်ပွားရာ တစ်ဦးမှာ ဦးခေါင်းကွဲခဲ့ပြီး တစ်ဦးမှာ သံတုတ်ဖြင့် နောက်ကျောကို ရိုက်နှက်ခြင်းခံခဲ့ရသည်။ ''ကျွန်တော်တောင် အခုပဲ အရိုက်ခံလိုက်ရတယ်။ ကျွန်တော်က ခေါင်းကွဲသွားတယ်။ ကျွန်တော့်သူငယ်ချင်းကိုလည်း နောက်ကနေ သံတုတ်နဲ့ ရိုက်လိုက်တယ်။ ခုထိမထနိုင်ဘူး။ ကင်မရာထဲက မန်မိုရီကတ် (Memory Card) ကိုလည်း ယူထားလိုက်တယ်။ ဆေးခန်းတွေ လည်း ပိတ်တယ်'' ဟု လားရှိုးဒေသခံ အလွတ်တန်းသတင်းထောက် ကိုခွန်ဇော်ဦးက မဇ္ဈိမကိုပြောသည်။

ယမန်နေ့ ည ၈ နာရီမှာလည်း ညကိုးနာရီကျော်လျှင် မထွက်ရအမိန့် ပုဒ်မ ၁၄၄ ချက်ချင်းထုတ်ပြန်ခဲ့ရပြီး ရဲတပ်ဖွဲ့နှင့် စစ်တပ်အင်အားများ ချထားခဲ့သေးသော်လည်း နေ့လည်ပိုင်းတွင် ပြန်လည်ဖြစ်ပွားခဲ့သည်။

''မြို့ကကျယ်တော့ လုံခြုံရေးယူနိုင်တဲ့ နေရာတော့ အေးချမ်းပေမယ့် မြို့ပြင်တွေမှာတော့ နေ့လည်ပိုင်းမှာ လှုပ်လှုပ်၊ လှုပ်လှုပ်ဖြစ်နေတုန်းပဲ'' ဟု ကျားဖြူပါတီဝင် အမျိုးသားလွှတ်တော်ကိုယ်စားလှယ် ဦးစိုင်း စံမင်းကပြောသည်။

မေလ ၂၉ ရက်တွင် လားရှိုးမြို့ရှိ မြို့မဈေးနှင့် ဈေးဆိုင်များအားလုံး ပိတ်ထားကြပြီး မနက်ပိုင်းတွင် အခြေအနေ တည်ငြိမ် မှုရှိကြောင်းဒေသခံများကပြောကြသည်။

ယနေ့ နေ့လည်ပိုင်းတွင် သာသနာရေးဝန်ကြီး ဦးဆန်းဆင့်၊ ရှမ်းပြည်နယ်ဝန်ကြီးချုပ် စဝ်အောင်မြတ်၊ နယ်စပ်ရေးရာဝန်ကြီး ဗိုလ်မှူးကြီး အောင်သူတို့သည် လားရှိုးမြို့ သာသနာ့ဗိမာန်တွင် သံဃာတော်များ၊ အစ္စာလာမ်ဘာသာရေးခေါင်းဆောင်များ၊ ခရစ်ယာန်ဘာသာရေးခေါင်းဆောင်များနှင့် တွေ့ဆုံခဲ့ကြသေးသည်။

ဆင်ပေါင်ဝဲမြို့နယ်မှ သိမ်းထားသော ယာမြေများ ပြန်ရရေး ထွန်တုံးတိုက်ပွဲစ

ရန်ကုန် (မဇ္ဈိမ)။     ။ မကွေးတိုင်းဒေသကြီး ဆင်ပေါင်ဝဲမြို့နယ်၊ သရက်ခရိုင် ကာကွယ်ရေးပစ္စည်းစက်ရုံ အမှတ် ၈ မှ သိမ်းဆည်းထားသော ဘိုးဘွားပိုင်ယာမြေများ ပြန်လည်ရရှိရေးအတွက် ယင်းမြို့နယ် ဘော်မြင့်ကျေးရွာအုပ်စုမှ လယ်သမား ၁၅၀ ခန့် မေလ ၂၉ ရက်တွင် ထွန်တုံးတိုက်ပွဲဆင်နွဲခဲ့ကြောင်း သိရသည်။

ဆင်ပေါင်ဝဲ မြို့နယ်ရှိ ဘော်မြင့်ကျေးရွာနှင့် မကျည်းပင်ပုကျေးရွာမှ လယ်ယာဧက ၁၅၀ ကျော် ပြန်လည် ရရှိရေး အတွက် ၄င်းကျေးရွာများမှ တောင်သူများကဆန္ဒထုတ်ဖော်ခဲ့ခြင်းဖြစ်ကြောင်း ဘော်မြင့်ကျေးရွာအုပ်စု မှ ယာမြေ ၁၄ဧက သိမ်းဆည်းခံရသူ ဦးပေါ်ဦးက မဇ္ဈိမကို ပြောသည်။

ယာမြေဧက ၁၄  ဧကသိမ်းဆည်းခံရသူ  ဦးပေါ်ဦးက "ဘိုးဘွားစဉ်ဆက်က စိုက်ပျိုးခဲ့တဲ့မြေတွေ ကို မတရားသိမ်း ဆည်းပြီး၊ သီးနှံစိုက်တဲ့တောင်သူ တွေကိုထောင်ချပါတယ်။ စိုက်ထားတဲ့မြေတွေကို ဖျက်စီးပါတယ် ဒါကြောင့် ဆန္ဒဖော်ထုတ်တာပါ" ဟု ဆိုသည်။

ယင်းမြေများကို သိမ်းဆည်းထားသည်မှာ ၁၄ နှစ်ခန့် ရှိပြီ ဖြစ်ပြီး ကျေးရွာ ၁၃ ရွာ ရှိ လယ်ယာမြေ ဧက ၂၈၀၀၀
ကျော်သိမ်းဆည်း ထားခြင်းဖြစ်သည်။

ယခုဆန္ဒပြရာတွင် ကျေးရွာ နှစ်ရွာမှ သိမ်းထားခံရသော ယာမြေဧက ၁၅၀ ကျော်အတွက်  ဆန္ဒပြ ကြခြင်းဖြစ်သည်။

ယင်းယာမြေများမှာ သိမ်းဆည်းခြင်းခံရသော်လည်း ကျန်ရှိသော တောင်သူများက နှစ်စဉ် သီးနှံစိုက်ခဲ့ကြသည်။

ယခုနှစ် မေလဆန်းပိုင်းတွင်မူ ယင်းယာမြေများပေါ်တွင် စိုက်ထားသော သီးနှံပင်များကို ကာကွယ်ရေး ပစ္စည်း စက်ရုံ အမှတ် ၈ မှ ၀င်ရောက် ဖျက်ဆီးခဲ့ခြင်းကြောင့် ယင်းသို့ ဆန္ဒဖော်ထုတ်ခြင်း ဖြစ်သည်။

ထွန်တုံးတိုက်ပွဲပြုလုပ်နေစဉ် တားဆီးမှုများဖြစ်ပေါ်ခဲ့ပြီး ခရိုင်ရဲမင်းကြီးနှင့် အုပ်ချုပ်ရေးမှုးတို့ မှ ကြားဝင်ဖြေရှင်း
ပေးခဲ့ရပြီး ယနေ့တွင်  သက်ဆိုင်သူ နှစ်ဘက်လုံးဖြင့် တွေ့ဆုံကာ ညှိနှိုင်း ပေးမည်ဟုလည်း ခရိုင်ရဲမင်းကြီးက
နှုတ်ကတိ ပေးခဲ့ကြောင်း ထွန်တုံးတိုက်ပွဲတွင် ပါဝင်သူများ ကဆိုသည်။

ထွန်တုံးတိုက်ပွဲတွင် ပါဝင်သူ ယာသိမ်းခံ တောင်သူ တစ်ဦးဖြစ်သည့် ဦးလှဦးက " ရဲတပ်ဖွဲ့ဝင်(၃၀)၊ မြို့နယ် အုပ်ချုပ်ရေးမှူး နှင့် တာဝန်ရှိသူတွေလာတယ် ကြံ့ခိုင်ရေးနဲ့ဖွံ့ဖြိုးရေးအသင်းက လာမယ်လို့ ကြားထားပေမယ့် အခုထိ ဘယ်သူမှ မလာသေးဘူး။ "ဟု မဇ္ဈိမကို ပြောသည်။

ထွန်တုံးတိုက်ပွဲတွင်  ဘိုးဘွားပိုင်မြေယာများပြန်လည်ရရှိရေး၊ ၂၀၁၃ မိုးရာသီတွင်းစိုက်ပျိုးထားသော သီးနှံများ ဖျက်စီးခဲ့သဖြင့် လျော်ကြေးများပြန်လည်ရရှိရန်၊ ပိတ်ထားသော ယာသွားလမ်း များပြန်ဖွင့်ပေးရန်၊ ဘိုးဘွားပိုင်မြေ များအား ထွန်စက်များဖြင့်တူးဖော်လိုက်ခြင်းကြောင့်နစ် နာကြေးများ ပြန်ပေးရန်၊ သီးနှံစိုက်ပျိုးခြင်းကြောင့် ဖမ်းဆီးထားသော တောင်သူကိုးဦးအား ပြန်လွှတ်ပေးရန် အချက် ငါးချက် တောင်းဆိုထားကြောင်း သိရသည်။ တောင်သူများ ထွန်တုန်းတိုက်ပွဲ ဆင်နွှဲသည့် ယာမြေများတွင် လုံခြုံရေး အင်အား ငါးဆယ်ခန့် ချထားသည်။

မကွေးတိုင်းဒေသကြီး ဆင်ပေါင်ဝဲမြို့နယ် အုပ်ချုပ်ရေးမှူး ဦးကိုကိုအောင်က "ကာကွယ်ရေး ပစ္စည်းစက်ရုံက တာဝန်ရှိသူတွေနဲ့ညှိနိုင်းပေးသွားမှာပါ။ နိုင်ငံတော်က လိုအပ်လို့ ဥပဒေနဲ့အညီ သိမ်းတယ် ဆိုရင်လည်း
တောင်သူတွေ လက်ခံနိုင်အောင် ရှင်းပြရမှပေါ့'' ဟု  မဇ္ဈိမကို ပြောသည်။

ယခုနှစ် မေလ၂၄ရက်နေ့က က သိမ်းဆည်းခံထားရပြီး  ကျန်ရှိ ယာခင်းများကို ပေါင်းထိုးပြုပြင်သူ တောင်သူ ကိုးဦးအား ဆင်ပေါင်ဝဲမြို့နယ် ရဲတပ်ဖွဲ့က ဖမ်းဆီးသွားခဲ့ပြီးမှ  ကာကွယ်ရေး ပစ္စည်းစက်ရုံ အမှတ်၈မှ စိုက်ပျိုး ထားပြီးသော နှမ်းပင်ပေါက်များနေရာတွင် မန်ကျည်းပင်များနှင့် အခြား အပင်ကြီးများကို လာရောက် စိုက်ပျိုးထား
ကြောင်း မန်ကျည်းပင်ပု ကျေးရွာနှင့် ဘော်မြင့်ကျေးရွာ ဒေသခံများက ဆိုသည်။

ကမ္ဘာအေးရှိ ကျောက်မျက်ခန်းမကြီး ပြင်ဆင်ပြီးပါက ဓါတ်ခွဲခန်းတခု ထားမည်

ရန်ကုန် (မဇ္ဈိမ)။    ။ ကမ္ဘာအေးရှိ ကျောက်မျက်ရတနာ ခန်းမကြီးကို ကျောက်မျက်ရတနာ အချောထည်ရောင်းချ သည့် ကုန်တိုက်ကြီး တစ်ခုအဖြစ် ပြန်လည်ပြုပြင်နေပြီ ဖြစ်ကြောင်း HTOO GROUP OF COMPANIES မှအမှုဆောင် ဒါရိုက်တာ ဦးသက်နိုင် က ပြောသည်။

၎င်းက "ကျွန်တော်တို့ဥက္ကဌ ကြီး ဦးတေဇ အနေနဲ့ သိန်း၅၀၀၀ လောက်မတည်ပြီးတော့ ကမ္ဘာအေးက ကျောက်မျက် ရတနာခန်းမကြီးကို ကုန်တိုက်ကြီး တခုအသွင် စပြီးအကောင်အထည် ဖော်နေပါပြီ။ဒိကုန်တိုက်ကြီးက အသင်းအနေနဲ့ ထောင်တဲ့ကုန်တိုက် ဖြစ်ပါတယ်" ဟု ဆိုသည်။

အဆိုပါ ကျောက်မျက်ရတနာ အချောထည် ကုန်တိုက်ကြီးကို ကျောက်မျက်ရတနာ လုပ်ငန်းရှင်များ အသင်း ဥက္ကဌ ဦးတေဇ မှ ကျပ်သိန်းပေါင်း ၅၀၀၀ ခန့်ဖြင့် မတည်ပြီး တည်ဆောက်ခြင်း ဖြစ်သည်။

ထိုကျောက်မျက်ရတနာ အချောထည်ကုန်တိုက်ကြီးတွင် ၀ယ်ယူသည့်ရတနာများကို အာမခံချက် ပေးနိုင်ရန် ဓါတ်ခွဲခန်းတစ်ခု ထားရှိမည်ဖြစ်ပြီး အချောထည် ရောင်းချသည့် ဆိုင်ခန်းများ၊ ပြခန်းများလည်း ပါဝင်မည်ဖြစ်သည်။

မြန်မာနိုင်ငံ ကျောက်မျက်ရတနာလုပ်ငန်းရှင်များ အသင်းမှ တာဝန်ရှိသူတစ်ဦးက "အခွန်ဆောင်မှု အပိုင်းကတော့ မန္တလေးနဲ့ရန်ကုန်မှာ one stop service စပေးနေပါပြီင်္။ လူကြီးတွေကလဲအခွန်ကို တတ်နိုင်သလောက်
လျှော့ချပြီးတော့မှ ဆောင်ရွက်ပေးနိုင်ဖို့ အသင်းကရော လုပ်ငန်းရှင်တွေကပါ တင်ပြထားတာရှိပါတယ်။ အခုတော့ ဘာမှမသိရသေးဘူး" ဟု ပြောသည်။

ထို့ပြင် ယခုနှစ် နိုဝင်ဘာလတွင် စင်ကာပူနိုင်ငံမှ လာရောက် ပြုလုပ်မည့် ကျောက်မျက်ရတနာ ပြပွဲကို
ကျောက်မျက်ရတနာ အချောထည်ကုန်တိုက် သစ်ကြီးတွင် ပြုလုပ်ရန် ရည်ရွယ်ထားကြောင်း၊ ယင်းပြပွဲတွင်
ပြည်ပနိုင်ငံများမှ လုပ်ငန်းရှင်များ အနေဖြင့် ၀ယ်ယူရုံတင်မက ပြသနိုင်အောင် ဆောင်ရွက် ပေးမည် ဖြစ်သည်။