2012-07-26
မြန်မာနိုင်ငံရဲ့ ပထမဆုံး နိုင်ငံတကာ မာရသွန် အပြေးပြိုင်ပွဲကြီးကို လာမယ့်နှစ် ဇန်န၀ါရီလ ၂၇ ရက်နေ့ ရန်ကုန်မြို့မှာ ကျင်းပပြုလုပ်ဖို့ စီစဉ်နေကြောင်း ဆင်ဝှာ သတင်းဌာနက ဖော်ပြလိုက်ပါတယ်။
ရိုးမ ရန်ကုန်လို့ အမည်ပေးမယ့် အဲဒီ နိုင်ငံတကာ မာရသွန် အပြေးပြိုင်ပွဲကို ၄၂ ကီလိုမီတာ၊ ၁၀ ကီလိုမီတာနဲ့ ၃ ကီလိုမီတာလို့  ၃ ပိုင်းခွဲထားပြီး ပြည်တွင်း ပြည်ပ အပြေးသမား တစ်ထောင်နီးပါး ပါဝင်ကြမှာ ဖြစ်တယ်လို့ ဆိုပါတယ်။
ရွှေတိဂုံဘုရား အနောက်ဘက်မုဒ်အနီး ပြည်သူ့ ပန်းခြံကနေ တာထွက်ပြီး အဲဒီမှာပဲ ပန်းဝင်မယ်လို့ သိရပါတယ်။ ဒီ မာရသွန် ပြိုင်ပွဲကို စီစဉ်သူ အဖွဲ့အစည်းတစ်ခုဖြစ်တဲ့ Sporting Republic က David Shin ကို ကိုးကားပြီး သတင်း ပေးပို့ထားတာ ဖြစ်ပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။