“လုံခြုံရေးအခြေအနေ မကြာခင် ပိုကောင်းလာမယ်လို့ ကျွန်တော်တို့ မျှော်လင့်ပါတယ်။ အဲဒါမှကျွန်တော်တို့ အနေနဲ့ အစိုးရ ထိန်းချုပ်မှုအောက်နဲ့ KIO ထိန်းချုပ်မှုအောက်မှာရှိတဲ့ နယ် မြေတွေထဲက ဒုက္ခသည်တွေအားလုံးကို အကူအညီတွေ ပေးနိုင်မှာ ဖြစ်တယ်”ဟု UNHCR၏ ဌာနေကိုယ်စားလှယ် မစ္စတာ ဟန်စ်တန်ဖဲလ်က ဧပြီလ ၂၇ ရက် နေ့က မြန်မာတိုင်း(မ်)ကို ပြောသည်။
၎င်းကဆက်လက်၍၂၀၁၂ ခုနှစ်၊ မတ်လမှ ၂၀၁၃ ဖေဖော်ဝါရီလအတွင်း စစ်ပြေးဒုက္ခသည်ဦးရေမှာ ၅၀,၀၀၀ မှ ၆၀,၀၀၀ အထိသို့ ရောက်ရှိလာလိမ့် မည်ဟု မျှော်မှန်းထားကာ ထိုအတွက် လည်း မြန်မာနိုင်ငံ ကုလသမဂ္ဂအဖွဲ့ အစည်းအားလုံးမှ ပူးပေါင်းဆောင်ရွက် နေကြောင်း ပြောသည်။
ထိုစစ်ပြေးဒုက္ခသည်များအား ကူညီ ပေးနိုင်ရန်အတွက် စုစုပေါင်းရန်ပုံငွေ အမေရိကန်ဒေါ်လာ ၂၂ သန်းလိုအပ် ကာ လက်ရှိတွင် ဒေါ်လာ ၁၀ သန်းကို မြန်မာနိုင်ငံရှိ UN အဖွဲ့အစည်းများ၏ ကိုယ်ပိုင်ရန်ပုံငွေနှင့်အတူ အလှူရှင်များမှတစ်ဆင့် လက်ခံရရှိပြီး ဖြစ်ကြောင်း မစ္စတာတန်ဖဲလ်က ပြောသည်။
“လက်ရှိအချိန်မှာ ကျွန်တော်တို့စိုးရိမ် နေတာက မကြာခင်မှာမိုးရာသီစတော့ မယ်။ ဒုက္ခသည်တွေအတွက် အမိုး အကာတွေပေးနိုင်ဖို့ အရေးကြီးပါတယ်။ အဲဒါအပြင် မိုးရွာတဲ့အတွက် ကျွန်တော်တို့ရဲ့အကူအညီပေး လုပ်ငန်းတွေကိုလည်း ထိခိုက်နိုင်တယ်”ဟု ၎င်းက ပြောသည်။
နန်းတင်ထွေး (မြန်မာတိုင်းမ်)
No comments:
Post a Comment
စာဖတ်သူများကွန်မန်.ပေးနိုင်ပါသည်။