ဗဟိုစံပြငါးဈေးကြီးတွင် ပုစွန်များရောင်းဝယ်နေကြစဉ်။
ဓာတ်ပုံ - ကိုတိတ်
သယံဇာတထိန်းသိမ်းရေးနှင့်ပတ်သက်၍ ရေသတ္တ၀ါများ သားပေါက်မျိုး ပွားချိန်တွင် မဖမ်းဆီးကြရန်နှင့် ငါးဖမ်းကာလနှင့် ငါးဖမ်းကွက်များကို သတ်မှတ် ပြီးဖြစ်ကြောင်း၊ ရေသတ္တ၀ါများအား ဖမ်းဆီးရာတွင် တားမြစ်ထားသော ဘက်ထရီရှော့တိုက်ဖမ်းခြင်း၊ အဆိပ်ချခြင်း၊ မိုင်းခွဲ ကာငါးဖမ်းသည့် နည်းစနစ်များ အသုံးချ နေခြင်းတို့ကို မပြုလုပ်ကြရန် အမိန့် ကြော်ငြာစာများထုတ်ပြန် တားမြစ်ထား ပြီး ဒရွတ်ဆွဲ ငါးဖမ်းကိရိယာများအတွက် ပိုက်ကွက်အကျယ်မှာ ငါးအတွက် နှစ် လက်မ၊ ပုစွန်အတွက် တစ်လက်မခွဲသတ် မှတ်ပေးခြင်းများကို ငါးလုပ်ငန်းဦးစီး ဌာနက ညွှန်ကြားချက်များထုတ်ပြန်ထား ပြီးဖြစ်ကြောင်း ၀န်ကြီးကပြောသည်။
"ငါးရှဥ့်၊ ကဏန်း၊ အလှမွေးငါး၊ ရေချို ရေငန်ငါး၊ ပုစွန် ဒီလိုရေသယံဇာတတွေ က အသစ်ပြန်လည်ထုတ်ပေးနိုင်ပြီး ထပ်မံပေါက်ပွား နိုင်တဲ့ သတ္တ၀ါတွေ ဖြစ်တဲ့အတွက် စနစ်တကျ စည်းကမ်းရှိ ရှိ ဖမ်းဆီးထုတ်လုပ်သုံးစွဲရင်ရေရှည် အတွက် အကျိုးရှိမှာပါ။ စည်းမျဉ်း စည်းကမ်းတွေကို လိုက်နာဆောင်ရွက် ဖို့ လိုပါတယ်"ဟု ၎င်းက ပြောသည်။
ရေချိုငါးဖမ်းဆီးထုတ်လုပ်ရေး ကဏ္ဍတွင်လည်း မြန်မာနိုင်ငံတွင် ပြည်ထောင်စု စာရင်းဝင် အင်းပေါင်း ၃,၇၂၁ အင်း ရှိရာ အခြေခံ ဥပဒေပါပြဋ္ဌာန်းချက်များနှင့်အညီ အင်းများလေလံတင်ရောင်းချ ခြင်းကို သက်ဆိုင်ရာတိုင်းဒေသကြီး နှင့် ပြည်နယ်များသို့ လွှဲပြောင်း ပေးပြီး ဖြစ်ကြောင်းလည်း ပြောသည်။
"အင်းတွေကို ဈေးပြိုင်စနစ်နဲ့ လေလံ ဆွဲဝယ်ယူရာမှာ မတော်လောဘစိတ် တွေနဲ့ အပြိုင်အဆိုင်ဆွဲဝယ်ကြလို့ အင်း ဈေးတွေ အဆမတန်ကြီးမြင့်ပြီး ငါး ဈေးနှုန်းတွေလည်း ကြီးလာတာကြောင့် အသိတရားနဲ့ ဆောင်ရွက်ကြပါလို့ မှာကြားလိုပါတယ်"ဟု ၀န်ကြီးက ပြောသည်။
အင်းငါးများထုတ်လုပ်ရာတွင်လည်း ဒေသထွက် တိုင်းရင်းငါးမျိုးများကို အင်းများအတွင်း ငါးမျိုးချန်လှပ်ကာ မွေးမြူသားဖောက်သော နည်းလမ်းများ အသုံးပြုပြီး ထုတ်လုပ်မှုကို မြှင့်တင်နိုင် ကြရမည်ဖြစ်ကြောင်း၊ ထိုသို့မြှင့်တင် နိုင်ရန် လုပ်ကိုင်သောအင်းများကို ရေစီး ရေလာကောင်းအောင် ပြုပြင်ထိန်းသိမ်း သော လုပ်ငန်းများဆောင်ရွက်ရမည် ဖြစ်ကြောင်းလည်း ပြောသည်။
"ရာသီဥတုက ဖောက်ပြန်ပြောင်းလဲ လာနေလို့ ရေလမ်းကြောင်းတွေပြောင်း လဲပြီး ငါးနေငါးထိုင်ကွင်းတွေ၊ ငါး အတက်အဆင်း လမ်းကြောင်းတွေ ပြောင်းလဲလာတော့ ငါးတွေ ပေါက်ဖွား ကြီးထွားဖို့နေရာတွေ ပျောက်ဆုံးပြီး တိုင်းရင်းငါးမျိုးတွေ ရှားပါးလာတာ တွေ့ရတယ်" ဟု ပြောသည်။
ကြေးတိုင်လုပ်ကိုင်ခွင့်ရရှိသော အင်းသားကြီးများအနေဖြင့်လည်း အင်းများ ရေရှည်တည်တံ့စေရန် အင်းပြင်ဆင် ရန်၊အင်းငါး အထွက်ကောင်းစေရန် ကြေးတိုင်စည်းကမ်းများအတိုင်းလိုက်နာဆောင်ရွက်ရန် ပြောသည်။
၂၀၁၁ -၂၀၁၂ ဘဏ္ဍာရေးနှစ် ရေထွက်ကုန်ပစ္စည်းတင်ပို့မှုတွင် အမေရိကန် ဒေါ်လာ သန်း ၇၀၀ လျာထားရာ မက်ထရစ် တန် ၃ ဒသမ ၈၆ သန်း တင်ပို့နိုင်ပြီး အမေရိကန်ဒေါ်လာ ၆၅၃ သန်း ရရှိကာ ၉၃ ရာခိုင်နှုန်း အကောင်အထည်ဖော် ဆောင်ရွက်နိုင်ပြီး ဖြစ်ကြောင်း ပြောသည်။
"ကဏန်းနဲ့ ငါးရှဥ့်ကရတဲ့ နိုင်ငံခြား ၀င်ငွေတွေကလည်း ဒီနှစ်ဘဏ္ဍာနှစ် မှာ စံချိန်တင်ရရှိခဲ့ပါတယ်။ အရင်နှစ်တွေက တစ်နှစ်ကို ဒေါ်လာ ၅၄ သန်း ခန့်လောက်ရခဲ့ရာကနေ အခုနှစ်မှာ ဈေးနှုန်းပိုရပြီး အမေရိကန်ဒေါ်လာ ၈၃ သန်းထိ တိုးမြင့်ရလာခဲ့ပါတယ်" ဟု မြန်မာနိုင်ငံငါးလုပ်ငန်းအဖွဲ့ချုပ်ဥက္ကဋ္ဌ ဦးဌေးမြင့်က ပြောသည်။
စိုးစန္ဒာဦး(မြန်မာတိုင်းမ်)
No comments:
Post a Comment
စာဖတ်သူများကွန်မန်.ပေးနိုင်ပါသည်။