မြောက်ကိုရီးယား စစ်ရေးလေ့ကျင့်နေစဉ်။အမေရိကန်ပြည်ထောင်စုအပေါ် Nuclear လက်နက်နဲ့ တိုက်ခိုက်ဖို့ စစ်တပ်က နောက်ဆုံးခွင့်ပြုချက်ပေးလိုက်ပြီလို့ မြောက်ကိုရီးယားက ကြာသပတေးနေ့မှာ ပြောကြားခဲ့ပါတယ်။ သုံးသပ်သူ အများစု ကတော့ မြောက်ကိုရီးယား အစိုးရအနေနဲ့ အဲဒီလို တိုက်ခိုက်နိုင်စွမ်း မရှိဘူးလို့ ပြောနေကြပါတယ်။
မြောက်ကိုရီးယားက Missile ဒုံးလက်နက်တွေကို နိုင်ငံရဲ့ အရှ့ဖက် ကမ်းရိုးတမ်းကို ရွှေ့ထားတယ်ဆိုတာကို တောင်ကိုရီးယားက ကြာသပတေးနေ့က အတည်ပြုပါတယ်၊ ဒီဒုံးလက်နက်ဟာ အကွာအဝေး တခုအထိသွားနိုင်ပေမဲ့ အမေရိကန် ပြည်မကြီးကို ရောက်နိုင်မဲ့ပုံတော့ မရှိဘူးလို့ တောင်ကိုရီးယား ကာကွယ်ရေးဝန်ကြီး Kim Kwan Jin ကပြောပါတယ်၊
ဗုံးတန်ချိန် ၁ တန်ကျော်တင်ဆောင်နိုင်တဲ့ ပေ ၄၀ ကနေ ၆၂ ပေရှည်တဲ့ Musudan Rocket ဒုံးကျည်ဖြစ်ပုံရတယ်လို့ Seoul မြို့တော်က တာဝန်ရှိသူတွေကို ကိုးကားပြီး အစိုးရ အာဘော် ပါတဲ့ တောင်ကိုရီးယား သတင်းအေဂျင်စီမှာ ဖော်ပြထားပါတယ်။ ဒီ Rocket ဒုံးကျည်ဟာ Nuclear ထိပ်ဖူးတပ်နိုင်စွမ်းရှိပေမဲ့ အဲဒီလောက်အထိ မြောက်ကိုရီးယားအစိုးရမှာ လုပ်နိုင်စွမ်း မရှိဘူးလို့လဲ လေ့လာသူတွေက သုံးသပ်နေ ပါတယ်။ မြောက်ကိုရီးယား တို့ရဲ့ ခြိမ်းခြောက်မှု ကို Pantegon စစ်ဌာနချုပ်က အလေးအနက် ထားတယ်လို့ အမေရိကန် ကာကွယ်ရေးဝန်ကြီး Chuck Hagel ကလဲ ပြောပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။