ရန်ကုန်တိုင်းဒေသကြီး တာမွေမြို့နယ် လေးထောင့်ကန် လမ်းမကြီးပေါ်ရှိ တာမွေလေးခုံးကျော်တံတားတွင် မတ်လ ၇ ရက် နံနက် ၅ နာရီဝန်းကျင်က အငှားယာဉ်တစ်စီး ခုံးတံတားသံဘောင်အား ဝင်တိုက်မိရာ နှစ်ဦးဒဏ်ရရာရရှိခဲ့ကြောင်း သတင်းရရှိသည်။
ဖြစ်စဉ်မှာ ကျိုက္ကဆံအားကစားကွင်းဘက်မှ လေးထောင့်ကန်လမ်းမကြီးအတိုင်း စံပြဈေးဘက်သို့ မောင်းနှင်လာသည့် အငှားယာဉ်အမှတ် ကက/၉--- သည် တာမွေလေးဂုံးတံတား အတက်တွင် လမ်းဘေးပလက်ဖောင်းကိုကျော်ကာ တံတားသံဘောင်အား ဝင်တိုက်မိပြီး ယာဉ်မောင်းသူအပါအဝင် နှစ်ဦး ဒဏ်ရာရရှိခဲ့ကြောင်း ဖြစ်စဉ်အနီးတွင်ရှိသူ အမျိုးသားတစ်ဦး၏ ပြောကြားချက်အရ သိရသည်။
''ကားက တံတားသံဘောင်ကို ဝင်တိုက်ထားတာ။ အဲဒါအမြင်မတော်လို့ အငှားယာဉ်မောင်းတဲ့သူတွေက ဝိုင်းမပြီး နေရာရွှေ့ထားတာပါ'' ဟု အငှားယာဉ်မောင်းတစ်ဦးဖြစ်သူ ကိုအောင်သူထိုက်က ပြောပြသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။