မြိတ်မြို့တွင် နေထိုင်သော ငါးနှစ်အောက် ကလေးငယ် များ၌ ခဲဆိပ် သင့်မှုများ တွေ့ရှိရကြောင်း လုပ်ငန်းခွင် ကျန်းမာရေး ဦးစီးဌာနမှ ဒုတိယ ညွှန်ကြားရေး မှူး ဒေါက်တာ ကြည်လွင်ဦးက ပြောကြားသည်။
လေ့လာ သုတေသနပြုခြင်းကို စက်တင် ဘာလတွင် စတင်မည်ဖြစ်ပြီး ရေအရည် အသွေးတိုင်းတာ စစ်ဆေး (PH Level) ပြီး၊ သောက်သုံးရန်သင့်၊ မသင့် ကို လေ့လာ စစ်ဆေးမည်ဟု ဆိုသည်။ သို့သော် ယင်းမြို့အတွက် ရေကို ရေရှည်အသုံးချစီမံခန့်ခွဲမှုပါရှိမည်မဟုတ်သေးဘဲ ဂျပန်နိုင်ငံ တွင်ဖြစ်ပွား ခဲ့သည့် ပြဒါးအဆိပ်သင့်မှုမျိုး မြန်မာနိုင်ငံတွင် မဖြစ်စေရန် လက်ရှိ အကောင်အထည်ဖော်ဆောင်ရွက်နေသော စက်ရုံ၊ အလုပ်ရုံ များ၏ ရေဆိုးစွန့်ပစ်မှုများကို စံချိန်စံညွှန်းများဖြင့် ထားရှိသင့်ကြောင်း အထက်ပါ ပုဂ္ဂိုလ်က အကြံပြုသည်။ တနင်္သာရီတိုင်းဒေသကြီးသည် မြန်မာတစ်နိုင်ငံလုံးတွင် ခဲနှင့် အဖြိုက်နက်သတ္တုသိုက်များအများဆုံးရှိသောနေရာများဖြစ်ပြီး သတ္တုတွင်းတူးဖော်သည့် ကုမ္ပဏီ၁၀၀ (တရားဝင်နှင့် တရားမ၀င်) ကျော်ရှိကြောင်း သတ္တုတွင်းဝန်ကြီးဌာနက တရားဝင်ထုတ်ပြန်ထားသော စာရင်းများအရ သိရသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။