နိုင်ငံတော်ဖွဲ့စည်းပုံ အခြေခံဥပဒေခုံရုံးဥက္ကဌနှင့် အဖွဲ့ဝင်များအား ၎င်းတို့၏ သဘောဆန္ဒအလျောက် ရာထူးမှနုတ်ထွက်ခွင့်ပြု

နိုင်ငံတော် ဖွဲ့စည်းပုံအခြေခံ ဥပဒေ ခုံရုံးဥက္ကဋ္ဌနှင့် အဖွဲ့ဝင်များအား ၎င်းတို့၏ သဘောဆန္ဒအလျောက် ရာထူးမှ နုတ်ထွက်ခွင့်ပြုကြောင်း အမိန့်ကြော်ငြာစာကို နိုင်ငံတော်သမ္မတရုံးမှ စက်တင်ဘာလ ၆ ရက်နေ့က ထုတ်ပြန်ခဲ့ကြောင်း သတင်းရရှိသည်။

နုတ်ထွက်ခွင့်ပြုခဲ့သော ခုံရုံး ဥက္ကဋ္ဌနှင့် အဖွဲ့ဝင်များမှာ ဦးသိန်းစိုး -ဥက္ကဋ္ဌ၊ ဒေါက်တာတင်အောင်အေး -အဖွဲ့ဝင် (၁)၊ ဒေါ်ခင်လှမြင့် -အဖွဲ့ဝင်(၂)၊ ဦးထွန်းကြည်-အဖွဲ့ဝင် (၃)၊ ဦးစိုးသိန်း-အဖွဲ့ဝင် (၄)၊ ဦးခင်ထွန်း- အဖွဲ့ဝင် (၅)၊ ဦးဆန်းမြင့်-အဖွဲ့ဝင် (၆)၊ ဦးမြင့်ကြိုင်-အဖွဲ့ဝင် (၇)၊ ဒေါ်မိမိရီ-အဖွဲ့ဝင် (၈) တို့ဖြစ်ကြောင်း သိရသည်။

ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေပုဒ်မ ၄၆ ပြဋ္ဌာန်းချက် နှင့်အညီ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးကို ဖွဲ့စည်းပြီး နိုင်ငံတော် သမ္မတက ခုံရုံးဥက္ကဋ္ဌ အပါအ၀င် အဖွဲ့ဝင် စုစုပေါင်း ၉ ဦးကို ၂၀၁၁ ခုနှစ် မတ်လ ၃၀ ရက်နေ့က ခန့်အပ်တာဝန်ပေးခဲ့ခြင်း ဖြစ်ကြောင်း သိရသည်။

နိုင်ငံတော် အခြေခံ ဥပဒေဆိုင်ရာ ခုံရုံးကို စီမံကိန်းနှင့် ဖွဲ့စည်းပုံ စိစစ်ရေးအဖွဲ့၏ ကြိုတင်ခွင့်ပြုမိန့်အရ အရာထမ်းရာထူး ၆၄ နေရာ၊ အမှုထမ်း ရာထူး ၁၃၄ နေရာ၊ စုစုပေါင်းရာထူး ၁၉၈ နေရာဖြင့် ဖွဲ့စည်း ခဲ့ပါသည်။ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၏ သက်တမ်းသည် ပြည်ထောင်စု လွှတ်တော်၏ သက်တမ်းနှင့်အညီ ငါးနှစ်ဖြစ်သည်။

နိုင်ငံတော် သမ္မတရုံး၏ ယခုအမိန့် မထွက်ပေါ်မီက လွှတ်တော်နှင့် ဖွဲ့စည်းပုံ အခြေခံဥပဒေခုံရုံးအကြား အပြန်အလှန် အငြင်းပွားမှုများ ပေါ်ပေါက်ခဲ့သည်။

လွှတ်တော်ကော်မတီများအား ပြည်ထောင်စုအဆင့် မဟုတ်ကြောင်း ဖွဲ့စည်းပုံအခြေခံ ဥပဒေဆိုင်ရာခုံရုံးက ဆုံးဖြတ်ခဲ့ပြီးနောက် ပြည်သူ့လွှတ်တော် ကိုယ်စားလှယ် ၃၀၀ ကျော်က လက်မှတ်ရေးထိုးပြီး ဖွဲ့စည်းပုံ အခြေခံဥပဒေဆိုင်ရာ ခုံရုံးအား စွပ်စွဲပြစ်တင်နိုင်ရန် ပြည်သူ့လွှတ်တော် ဥက္ကဋ္ဌထံ သြဂုတ်လ ၈ ရက်နေ့က တင်ပြခဲ့သည်။ ယင်းနှင့်ပတ်သက်၍ ဖွဲ့စည်းပုံအခြေခံ ဥပဒေဆိုင်ရာ ခုံရုံးဥက္ကဋ္ဌနှင့် အဖွဲ့ဝင်များအား ၎င်းတို့ အသိစိတ်ဓာတ်ဖြင့် တာဝန်မှ အနားယူရန် အစရှိသည့် အချက်များ ပါဝင်သော သ၀ဏ်လွှာကို ပြည်သူ့လွှတ်တော် ဥက္ကဋ္ဌက နိုင်ငံတော် သမ္မတထံ ပေးပို့ခဲ့သည်။ ယင်းကဲ့သို့ပေးပို့သည့် သ၀ဏ်လွှာအပေါ် လွှတ်တော်က စွပ်စွဲပြစ်တင်သည့် နည်းလမ်းအစား ဖွဲ့စည်းပုံအခြေခံ ဥပဒေကို ပြင်ဆင်ရန် ပိုမိုသင့်လျော်မည် ဖြစ်ကြောင်း နိုင်ငံတော်သမ္မတက ပြည်သူ့လွှတ်တော်သို့ သြဂုတ်လ ၂၀ ရက်နေ့တွင် အကြောင်း ပြန်ကြားခဲ့သည်။ ထို့နောက် သြဂုတ်လ ၂၄ ရက်နေ့က ပြုလုပ်သော အမျိုးသားလွှတ်တော် အစည်းအဝေးတွင် ဖွဲ့စည်းပုံ အခြေခံ ဥပဒေဆိုင်ရာ ခုံရုံးဥက္ကဋ္ဌနှင့် အဖွဲ့ဝင်များအား အမျိုးသား လွှတ်တော် ကိုယ်စားလှယ် ၁၆၂ ဦးက လက်မှတ်ရေးထိုး၍ စွပ်စွဲပြစ်တင်မှုအဆို တင်သွင်းခဲ့သည်။ ယင်းအဆိုနှင့် ပတ်သက်၍ အမျိုးသား လွှတ်တော် ကိုယ်စားလှယ် ၁၆ ဦးက ဆွေးနွေးခဲ့ပြီး တပ်မတော်သား လွှတ်တော် ကိုယ်စားလှယ်များမှလွဲ၍ ကျန်ကိုယ်စားလှယ် အားလုံးက ထောက်ခံခဲ့ကြသည့်အတွက် အဆိုအတည်ဖြစ်ခဲ့သည်။

ထို့နောက် ယင်းစွပ်စွဲချက် အဆိုအား ပြည်သူ့လွှတ်တော်သို့ ဆက်လက်ပေးပို့ခဲ့သည်။ ပြည်သူ့လွှတ်တော်မှ အဆိုပါအဆိုနှင့် ပတ်သက်၍ စုံစမ်းစစ်ဆေးမှုများ ပြုလုပ်နိုင်ရန်အတွက် စုံစမ်းစစ်ဆေးရေး အဖွဲ့အား သြဂုတ်လ ၂၉ ရက်နေ့တွင် ဖွဲ့စည်းခဲ့သည်။

ပြည်သူ့လွှတ်တော် ကိုယ်စားလှယ်များဖြင့် ဖွဲ့စည်းထားသော အဆိုပါစုံစမ်းရေး အဖွဲ့သည် စက်တင်ဘာလ ၃ ရက်နေ့တွင် ခုံရုံးမှ စွပ်စွဲခံရသူများအား စတင်ကြားနာ နိုင်ရန်အတွက် ဖိတ်ခေါ်ခဲ့ကြောင်း သိရသည်။ သို့သော် ၃ ကြိမ်တိုင် ဆင့်ခေါ်ခဲ့သော်လည်း ခုံရုံးမှ တာဝန်ရှိသူများ လာရောက်ခဲ့ခြင်း မရှိကြောင်း သိရသည်။ ထို့ကြောင့် စက်တင်ဘာလ ၆ ရက်နေ့တွင် အဆိုပါစုံစမ်းရေးအဖွဲ့မှ စုံစမ်းစစ်ဆေးမှု အစီရင်ခံစာကို ပြည်သူ့လွှတ်တော်တွင် တင်သွင်းခဲ့ပြီး ယင်းအစီရင်ခံစာကို လွှတ်တော်မှ အတည်ပြုမပြု အဆုံးအဖြတ်ခံယူခဲ့ရာ ကန့်ကွက်သူ မရှိသဖြင့် အတည်ပြုခဲ့ကြောင်း သိရသည်။ ထို့နောက် ခုံရုံးဥက္ကဋ္ဌ အပါအ၀င် အဖွဲ့ဝင်များအား စွပ်စွဲပြစ်တင်သည့် အဆိုကို ပြည်သူ့လွှတ်တော်တွင် အတည်ပြုနိုင်ရန် မဲခွဲဆုံးဖြတ်ရာ ထောက်ခံမဲ ၃၀၇ မဲဖြင့် ပြည်သူ့လွှတ်တော် ကိုယ်စားလှယ် သုံးပုံနှစ်ပုံကျော်က ထောက်ခံသည့်အတွက် အဆိုအား အတည်ပြုခဲ့ကြောင်း သိရသည်။