ဒုဗိုလ်အဆင့်ရှိသူ ဒီကေဘီအေ တပ်ဖွဲ့ဝင်တစ်ဦးကို အစိုးရစစ်တပ် ထိန်းသိမ်းထား

ကရင်ပြည်နယ် ဘုရားသုံးဆူမြို့တွင် အခြေစိုက်သည့် ဒီမိုကရေစီကရင်အကျိုးပြုတပ်မတော်(ဒီကေဘီအေ)ဌာနချုပ် လက်အောက်ခံ အထူးစစ်ကြောင်းတပ်ဖွဲ့မှ ဒုဗိုလ် အဆင့်ရှိသူတစ်ဦးကို ဧရာဝတီတိုင်း၊ မအူပင်မြို့ နယ်ရှိ အစိုးရစစ်တပ်က ဖမ်းဆီးထိန်းသိမ်းထားကြောင်း ဒီကေဘီအေက ယနေ့တွင် ပြောကြားလိုက်သည်။

မအူပင်မြို့နယ် အခြေစိုက် ခြေမြန်တပ်ရင်း(ခမရ-၂၇)မှ ဗိုလ်မှူးဝင်းအောင်က ဒီကေဘီအေမှ ဒုဗိုလ် စောမြစော ဆိုသူကို သြဂုတ်လ ၂၆ရက်နေ့က မအူပင်မြို့နယ်အတွင်းတွင် ဖမ်းဆီးခဲ့ခြင်းဖြစ်ကြောင်း ဒီကေဘီအေ၏
အထူးစစ်ကြောင်းမှူး ဗိုလ်မှူးစောအေ၀မ်းက ကေအိုင်စီသို့ ပြောသည်။

"အလုပ်လက်မဲ့ဖြစ်နေတဲ့ ဧရာဝတီတိုင်းက လူတွေ ကျနော်တို့ဆီမှာရှိတဲ့ ရာဘာလုပ်ငန်း၊ သစ်မွေးစိုက်ပျိုးရေး လုပ် ငန်း စတဲ့ အလုပ်တွေ လာလုပ်ဖို့ သူ(စောမြစော)ပြန်ခေါ်တော့ အဲလို အဖမ်းခံရတာပဲ။ ဒီလိုငြိမ်းချမ်း ရေးဖော် ဆောင်နေတဲ့ ကာလမှာ စောမြစောကို ဘာပုဒ်မတပ်ပြီး ဖမ်းတာလဲဆိုတာ သိချင်တယ်"ဟု ဗိုလ်မှူးစောအေ၀မ်း က ပြောဆိုသည်။

သြဂုတ်လ ၂၁ရက်က စောမြစောသည် ဘုရားသုံးဆူမြို့မှ ၎င်း၏ ဇာတိ မြောင်းမြသို့ ပြန်သွားပြီးနောက် သြဂုတ်လ ၂၆ရက်နေ့တွင် အဖမ်းဆီးခံရကာ သက်ဆိုင်ရာ အစိုးရအာဏာပိုင်များက  ပြန်လည်လွတ်ပေး မည်ဟု ပြောသော်လည်း ယခုထိ ပြန်လွတ်ပေးခြင်းမရှိသေးကြောင်း ဒီကေဘီအေက ဆိုသည်။

ဘုရားသုံးဆူမြို့ရှိ အမည်အဖော်လိုသူ အစိုးရနှင့် နီးစပ်သူတစ်ဦးက "သူ့(စောမြစော)ဆီကနေ ကျည်ဆံ နှစ်ထောင့်တွေ့လို့ အဲလိုထိန်းသိမ်းထားလိုက်တာလို့ ကျနော်တို့ ကြားရတယ်။  ပြန်လွတ်ပေးဖို့တော့ အစီအစဉ် ရှိတယ်။ ဘယ်နေ့ဘယ်ရက်မှာ ပြန်လွတ်ပေးမယ်ဆိုတာတော့ ပြောလို့ မရပါဘူး"ဟု ကေအိုင်စီသို့ ပြောသည်။

ဘုရားသုံးဆူမြို့ရှိ အစိုးရနှင့် ဒီကေဘီအေအကြား နှစ်ဖက်ဆက်သွယ်ရေးကိစ္စအတွက် ထားရှိသည့် စစ်ဖက်ရေး ရာ လုံခြုံရေးအဖွဲ့(စရဖ) တာဝန်ရှိသူနှင့် ယမန်နေ့က တွေ့ဆုံခဲ့သလို ယနေ့နံနက် ၈နာရီခန့်၌လည်း တွေ့ဆုံပြီး စောမြစော ပြန်လည်လွတ်မြောက်ရေးအတွက် ဆက်သွယ်ပေးရန် ပြောဆိုထားသည်ဟု ဗိုလ်မှူး စောအေ၀မ်းက ပြောဆိုသည်။

ဗိုလ်မှူးစောအေ၀မ်းက "စရဖနဲ့ ကျနော်တွေ့တဲ့အခါ ကျနော့်လူကို လွတ်ပေးဖို့ (ခမရ-၂၇)နဲ့ ဆက်သွယ်ပေးဖို့ ပြောတယ်။ လွတ်ပေးမယ်ဆိုရင်လည်း အချိန်အတိအကျ ပြောဖို့ပေါ့နော်"ဟု ရှင်းပြသည်။

ဒေသဖွဲ့ဖြိုးရေးအတွက် ရည်ရွယ်၍ ရာဘာ(ကော်)လုပ်ငန်းနှင့် သစ်မွေးစိုက်ပျိုးရေးလုပ်ငန်းများ လုပ်ဆောင်နေ သော ဒီကေဘီအေ အထူးစစ်ကြောင်း အခြေစိုက်ရာ ဘုရားသုံးဆူဒေသတွင် ဧရာဝတီတိုင်းရှိ သံတွဲနှင့် မအူပင် မြို့နယ်တို့မှ လာရောက် အလုပ်လုပ်ကိုင်သည့် ကရင်လူမျိုးဦးရေ ၅၀ ကျော်ရှိသည်ဟု သိရသည်။

အဆိုပါ ဖွံ့ဖြိုးရေးလုပ်ငန်းများကို လုပ်ကိုင်နေသော အလုပ်သမားများအတွက် တရက်လျှင် မြန်မာကျပ်ငွေ ၄,၅၀၀ မှ ၅,၀၀၀ အထိ လုပ်အားခပေးသောကြောင့် အလုပ်လက်မဲ့ဖြစ်နေသော ဧရာဝတီတိုင်းမှ
အလုပ်သမား များအား ပြန်ခေါ်ရန် စောမြစောကို  စေလွှတ်ခဲ့ခြင်းဖြစ်သည်ဟုလည်း ဒီကေဘီအေက ဆိုသည်။

လက်ရှိ စောမြေစော အဖမ်းခံရခြင်းနှင့် ပတ်သက်၍ ဒီကေဘီအေဌာနချုပ်ရှိ ခေါင်းဆောင်အချို့အပါအ၀င် ဗိုလ်ချုပ် စောလားပွယ်သို့ အသိပေးအကြောင်းကြားထားသည်ဟု ဗိုလ်မှူး စောအေ၀မ်းက ပြောသည်။

အဆိုတော် Nကိုင်ရာ စက်တင်ဘာလလယ်တွင် လက်ထပ်မည်

"ကိုယ်မညာတော့ဘူး" သီချင်းဖြင့် ပရိသတ်များအကြား ရေပန်းစားခဲ့သော အဆိုတော် Nကိုင်ရာသည် ရည်းစား သက်တမ်း တစ်နှစ်ကျော်တွင် သူ၏ ချစ်သူ Nဘုန်းအောင်နှင့် လက်ထပ်မည်ဖြစ်ကြောင်း ၎င်းက မဇ္ဈိမသို့
ဖြေကြားခဲ့သည်။

" ကျွန်မက ၂၀၁၂ ခုနှစ်လောက်က တောင်ကြီးမှာသီချင်းသွားဆိုတော့ သူနဲ့တွေ့တာပါ။ အသက်ကတော့ ကျွန်မထက် နှစ်နှစ်ကြီးပါတယ်။ ကျွန်မတို့က ဘုရားကျောင်းမှာ မင်္ဂလာဆောင်မယ်။ လုပ်နေတုန်းပဲ။ လလယ်
လောက်လုပ်ဖို့ စီစဉ်နေတယ်။ ရက်အတိအကျတော့ မသိရသေးဘူး။ ကျွန်မတို့က ခရစ်ယာန်အနေနဲ့ရော ကချင်အနေနဲ့ရောက သတို့သမီးအပ်နှံပွဲရှိတယ်လေ။ အဲဒါကိုတော့ မိုးကုတ်မှာလုပ်ဖို့ စီစဉ်ထားပါတယ်။ ရန်ကုန်မှာကတော့ မင်္ဂလာဆောင်မှာပါ"ဟု ပြောခဲ့သည်။

အဆိုတော်  Nကိုင်ရာသည် ၂၀၀၇ ခုနှစ်တွင် ဂီတအနုပညာလောကထဲကို စတင်ဝင်ရောက်လာပြီး "ကိုယ်မညာ
တော့ဘူး" သီချင်းဖြင့် ပရိသတ်များ၏ အသိအမှတ်ပြုခဲ့ခြင်းကိုခံခဲ့ရသည်။ ယခုအခါတွင် "Lady ကိုင်ရာ" ဆိုသည့်အမည်ဖြင့် စီဒီထွက်ရှိထားပြီး ဗီစီဒီတေးစီးရီးကိုထုတ်ရန် ပြင်ဆင်နေခြင်းဖြစ်သည်။

အလုပ်မှ ရပ်နားခံရပါက ကျွမ်းကျင်သင်တန်းတက်ရန် လုပ်သားများငွေချေးနိုင်တော့မည်

အကြောင်းအမျိုးမျိုးကြောင့် အလုပ်မှရပ်နားခံရသည့် အလုပ်သမားများသည် အခြားအလုပ်တစ်ခုသို့ ပြောင်းလုပ်ရန် လိုအပ်နေသည့်ကျွမ်းကျင်မှုအတွက် သင်တန်းတက်လိုလျှင် ငွေချေးယူနိုင်တော့မည်ဖြစ်သည်။

လွတ်လပ်ရေးရပြီး နှစ်နှစ်အကြာတွင် ပြဌာန်းခဲ့သည့် အလုပ်အကိုင်နှင့် လေ့ကျင့်သင်ကြားရေး အက်ဥပဒေကို ပယ်ဖျက်ပြီး ပြီးခဲ့သည့်သြဂုတ် ၃၀ ရက်က အသစ်ပြဌာန်းလိုက်သည့် "အလုပ်အကိုင်နှင့် ကျွမ်းကျင်မှု ဖွံ့ဖြိုးတိုးတက်ရေး ဥပဒေ" တွင် ထိုအချက်ကို ထည့်သွင်းပြဌာန်းထားခြင်းဖြစ်သည်။

ထိုဥပဒေတွင် အလုပ်သမားဝန်ကြီးက ဥက္ကဌအဖြစ်ဦးစီးမည့် အလုပ်အကိုင်နှင့် ကျွမ်းကျင်မှုဖွံ့ဖြိုးတိုးတက် ရေးအဖွဲ့ကို ဖွဲ့စည်းရမည်ဖြစ်ပြီး ထိုအဖွဲ့က ရန်ပုံငွေထားရှိကာ အလုပ်သမားများကို ငွေချေးပေးမည်ဟု ဖော်ပြထားသည်။

အလုပ်ပြုတ်ချိန်တွင် နောက်အလုပ်တစ်ခုအတွက် ကျွမ်းကျင်မှုမြှင့်တင်ရန် ထိုသို့ငွေချေးနိုင်သည်သာမက လက်ရှိ အလုပ်တွင် တာဝန်ထမ်းဆောင်နေစဉ်တွင်လည်း မိမိကျွမ်းကျင်မှုမြှင့်တင်လိုသည့် လုပ်သားများသည် သင်တန်း တက်ရန် ငွေချေးနိုင်သေးကြောင်း ယင်းဥပဒေတွင်ပါရှိသည်။

ဆန္ဒပြလုပ်သားများဘက်မှ မကြာခဏလိုက်လံကူညီသည့် အလုပ်သမားအခွင့် အရေးရှေ့နေ ဦးဌေးက "ဥပဒေထဲမှာ ပါတဲ့ ရည်ရွယ်ချက်ကတော့ ကောင်းပါတယ်။ လက်တွေ့အကောင်အထည်ဖော်ဖို့ပဲ လိုတယ်။ ပြဌာန်းထားပြီး အကောင်အထည် မဖော်တာ တွေများနေတော့ အလုပ်သမားတွေ နစ်နာနေပါတယ်" ဟု ထောက်ပြသည်။

ကျွမ်းကျင်မှုမြှင့်တင်ရေး သင်တန်းတက်ရန် ငွေချေးပေးမည့် အလုပ်သမားအမျိုးအစားမှာ စက်မှုလက်မှုလုပ်ငန်းနှင့် ၀န်ဆောင်မှုလုပ်ငန်းများမှ အလုပ်သမားများဖြစ်သည်ဟု ဥပဒေတွင်ဖော်ပြထားသဖြင့် ဆောက်လုပ်ရေး လုပ်သားများနှင့် လယ်ယာလုပ်သားများကဲ့သို့သော လုပ်သားများမှာ သင်တန်းတက်ရန် ငွေချေးနိုင်မည်မဟုတ်ပေ။

အလုပ်သမားများ ကျွမ်းကျင်မှုမြှင့်တင်ရန် ထိုကဲ့သို့ငွေချေးပေးမည့်အပြင် လုပ်သားများကို ကျွမ်းကျင်မှု သင်တန်း
ပေးသည့် အလုပ်ရှင်များကိုလည်း ငွေချေးပေးဦးမည်ဟုလည်း ဥပဒေတွင် ထည့်သွင်းပြဌာန်းထားသေးသည်။

"အလုပ်သမားများ လုပ်ငန်းခွင်ကျွမ်းကျင်ရန် အချိန်ပြည့် သို့မဟုတ် အချိန်ပိုင်းသင် တန်းတစ်ခုခုသို့ စေလွှတ်ခြင်း၊ သင်တန်းဖွင့်လှစ်ခြင်းနှင့် သင်တန်းအစီအစဉ်တိုးချဲ့ခြင်းများပြုလုပ်မည့် အလုပ်ရှင်များအား ငွေထောက်ပံ့ခြင်း သို့မဟုတ် ငွေချေးခြင်းကို ရန်ပုံငွေစီမံခန့်ခွဲရေးကော်မတီက ငွေထုတ်ပေးရမည်" ဟု ဥပဒေတွင် ဖော်ပြထားသည်။

ပြည်ထောင်စုလွှတ်တော်၏ အလုပ်သမား၊ အလုပ်ရှင်အခွင့်အရေး လေ့လာရေးကော်မရှင်၏ အတွင်းရေးမှူးဖြစ်သည့် လွှတ်တော်အမတ် ဦးခိုင်မောင်ရည်ကလည်း "အလုပ်သမားတွေအတွက် အာမခံချက်ရှိလာတဲ့ သဘောပါပဲ" ဟု ယခု ဥပဒေအပေါ် မှတ်ချက်ပြုသည်။

သို့သော် ပြည်ထောင်စုအဆင့် အလုပ်သမား အငြင်းပွားမှုဖြေရှင်းရေး ခုံသမာဓိကောင်စီမှ အလုပ်သမား ကိုယ်စားလှယ် ကိုရဲနိုင်ဝင်းကမူ "ကျွန်တော်မြင်တာကတော့ နောက်ပိုင်းအလုပ်အကိုင်တွေပေါလာမှ အခု ဥပဒေ အတိုင်း အကောင်အထည်ဖော်နိုင် မယ်ထင်တယ်။ အခုကအလုပ်လက်မဲ့တွေ ဒီလောက်များနေတာ ချေးပေးဖို့
ဖြစ်မှာမဟုတ်ပါဘူး" ဟုသုံးသပ်သည်။

အလုပ်သမားများအတွက် ငွေချေးရန် အပြင်ထောက်ပံ့ကြေးများလည်းစီမံရန် ဥပဒေတွင် ထည့်သွင်း ပြဌာန်းထား
သော်လည်း ငွေကိုမည်သို့ချေးနိုင်ပြီး ထောက်ပံ့ကြေးကို မည်သို့ရယူနိုင်သည်ကိုမူ ဥပဒေတွင် အသေးစိတ် မပါရှိသေးပေ။ ထိုအကြောင်းအရာများသည် ယခုဥပဒေ၏ "နည်းဥပဒေ" ထွက်ရှိလာမှသာ ပါဝင်လာမည်ဖြစ်သည်။

သို့သော်လွှတ်တော်သည် ဥပဒေပြဌာန်းပြီးနောက် ၁ နှစ်နှင့်ခြောက်လခန့်အထိ နည်းဥပဒေမပြဌာန်းနိုင်သည့် ဥပဒေများရှိ နေရာယခုဥပဒေအတွက် နည်းဥပဒေသည်လည်း မည်မျှကြာမြင့်မည်ကိုမူမသိနိုင်သေးပေ။

ရန်ကုန်-ကျိုက်ထို အထူးအမြန်ရထားရန်ကုန်မှ တစ်ပတ်တစ်ကြိမ်ပြေးဆွဲမည်

ရန်ကုန်နှင့် မွန်ပြည်နယ် ကျိုက်ထိုမြို့သို့ တစ်ပတ်လျှင်တစ်ကြိမ် အထူးအမြန် ရထားတစ်စင်းပြေးဆွဲမည်ဖြစ်ပြီး စက်တင်ဘာ ၇ ရက်တွင် စတင်မည်ဖြစ်ကြောင်း မြန်မာမီးရထား အောက်မြန်မာပြည်ဌာနမှ အထွေထွေမန်နေဂျာ ဦးမောင်မောင်သင်းက စက်တင်ဘာ ၃ ရက်တွင် ပြောကြားသည်။

အဆိုပါခရီးစဉ်သို့ ပြေးဆွဲမည့် အမြန်ရထားနှစ်စင်းရှိပြီး ကျိုက်ထို ၁ နှင့် ၂ ဖြစ်သည်။ အမြန်ရထားကျိုက်ထို ၁ သည် အပတ်စဉ် စနေနေ့တိုင်း ရန်ကုန်မှ နံနက် ၆ နာရီ ၂၅ မိနစ်တွင် စတင်ထွက်ခွာ၍ ပဲခူး၊ ဝေါ၊ သိမ်ဇရပ်ဘူတာများတွင် ရပ်နားမည်ဖြစ်ပြီး ကျိုက်ထိုမြို့သို့ နေ့လည် ၁၁ နာရီတွင် ဆိုက်ရောက်မည်ဖြစ်သည်။

ကျိူက်ထိုမြို့မှ ရန်ကုန်ခရီးစဉ်ကို အပတ်စဉ်တနင်္ဂနွေနေ့တွင် ထွက်မည်ဖြစ်ပြီး ကျိုက်ထို ၂ အမြန်ရထားမှာ နေ့လည် ၁၂ နာရီအချိန်တွင် စတင်ထွက်ခွာမည်ဖြစ်သည်။ လမ်းတွင် သိမ်ဇရပ်၊ ဝေါ၊ ပဲခူးဘူတာများ တွင်ရပ်နားပြီး ရန်ကုန်သို့ ညနေ ၄ နာရီ ၃၅ မိနစ်အချိန်တွင် ရောက်မည်ဖြစ်သည်။

ဦးမောင်မောင်သင်းက"ရထားတွဲတွေမှာက အဲယားကွန်းနဲ့ အဆင့်မြင့်ထိုင်ခုံတွေ တပ်ဆင်ပေးထားပါတယ်။ ၀န်ဆောင်မှု ကိုလည်း အဆင့်မြင့်ပေးမှာပါ" ဟုဆိုသည်။

လက်မှတ်ခဈေးနှုန်းသည် ခရီးစဉ်တစ်ကြောင်းအတွက် ၃၅၀၀ ကျပ်ဖြစ်ပြီး နိုင်ငံခြားသား ခရီးသွားများအတွက် ၁၀ ဒေါ်လာ (၁၀၀၀၀ ကျပ်နီးပါး) ဖြစ်သည်။

ယင်းကဲ့သို့ လမ်းကြောင်းသစ်များ ပြေးဆွဲခြင်းနှင့်ပတ်သက်၍ Exotissimo Travel မှ မန်နေဂျာ ကိုကျော်ဆန်းဝင်းက "မြန်မာပြည်မှာ ရထားစီးရတာက တောတောင်ရေမြေသဘာဝနဲ့ မြင်ကွင်းတွေကိုကြည့်ပြီး ရထားစီးရတာ ကောင်းပါ တယ်။ အချိန်မမှန်တာတွေ၊ ၀န်ဆောင်မှုကောင်းကောင်း မပေးတာကတော့ မြန်မာ့မီးရထားတွေမှာ အမြဲတွေ့နေရ
သေးတယ်။ ဒီလိုအားနည်းချက် အားသာချက်တွေ မြန်မာနိုင်ငံကမီးရထား တွေမှာ ရှိနေသေးတယ်" ဟု မှတ်ချက်ချ သည်။

မီးရထားများတွင် ထိုင်ခုံပေါင်း ၇၂ ခုံပါရှိပြီး ဂျပန်နိုင်ငံမှ ၂၀၁၂ တွင်ထုတ်လုပ်ခဲ့သော RPE အမျိုးအစား မီးရထား
ဖြစ်သည်။ ယခုပြေးဆွဲသော ရထားလိုင်းအဆင်ပြေ အောင်မြင်ပါက ရန်ကုန်၊ ကျိုက်ထို၊ မြိတ်၊ ကော့သောင်းမြို့များ အထိ ပြေးဆွဲရန်အထွေ ထွေမန်နေဂျာ ဦးမောင်မောင်သင်းက ဆိုသည်။

ဘင်္ဂလားဒေ့ရ်ှအစိုးရ လက်ခံပါက မောင်တောဒေသဧည့်နေဘဂါင်္လီအချို့နေရပ်ပြန်ကြမည်

ရခိုင်ပြည်နယ် မောင်တောမြို့နယ်အတွင်း လွန်ခဲ့သည့် ဆယ့်သုံးနှစ်အတွင်းကပင် အလုပ်သမားများအဖြစ် နေထိုင်လာကြသည့် ဘင်္ဂလားဒေ့ရ်ှနိုင်ငံသား ဘင်္ဂါလီအချိုမှာ မူရင်းဒေသ ဘင်္ဂလားဒေ့ရ်ှနိုင်ငံမှ လက်ခံမည် ဆိုပါက နေရပ်ပြန်မည်ဟု မောင်တော ဒေသ ဧည့်နေဘဂါင်္လီတချို့ထံမှ သိရသည်။

"အမှန်အတိုင်းပြောရရင် ကျွန်တော်တို့က ဒီဒေသမှာ မနေချင်တာ ကြာပါပြီ။ ကျွန်တော်တို့ အဘိုးအဘီးတွေက ဘင်္ဂလားဒေ့ရ်ှနိုင်ငံ တက္ကန(ဖ်)နယ်စပ်မြို့ကပါ။ မှတ်မှတ်ရရ (၁၉၈၉)ခုနှစ်မှာ ဒီကိုဝင်လာတာဖြစ်တယ်။ ကျွန်တော်တို့ အဖေအမေတွေလည်း ဒီမှာပဲ ခေါင်းချသေဆုံးသွားတာ ဖြစ်တယ်။ ၂၀၁၂ခုနှစ် အဖြစ်အပျက် တွေကြောင့် ကျွန်တော်တို့အပေါ်မှာ အမြင်လွဲမှားမှုတွေနဲ့ ခါးခါး သီးသီးမုန်းတီးသွားကြပါတယ်။ ဒါကြောင့်စိတ်ရဲ့ ထာဝရလုံခြုံမှုထွက်ပေါက်နေရာ တစ်ခုကိုအခြေချဖို့ သွားချင်တာပါ"ဟု မောရ ၀တီကျေးရွာအနီး အလယ်သံကျော် ဘင်္ဂါလီကျေးရွာမှ အသက်(၅၀)၀န်းကျင်ရှိ ဘဂါင်္လီလူမျိုး ဦးအဒူရောင်းက ပြောသည်။

 အဆိုပါ နေရပ်ပြန်မည့် ဘင်္ဂါလီတစ်ချို့မှာ မြို့ပြစီးပွားရေးကောင်းမွန်သည့် နေရာဒေသများမှ မဟုတ်ဘဲ ဒေသခံ ရခိုင်လူမျိုးများ ၏ နေအိမ်များ မီးရှို့ဖျက်ဆီးခံခဲ့ရသော အနီးနားကျေးရွာဒေသများနှင့် လုပ်စားရန် အခွင့်အရေး ခက်ခဲကာ ကျဉ်းမြောင်းသည့် ကျေးလက်ဒေသများမှ ဘဂါင်္လီအချို့ဖြစ်သည်ဟု သိရသည်။

"နောက်ပြီးတော့ ကျွန်တော်တို့မှာ လုပ်စားဖို့နေရာကလည်း ရခိုင်တွေက လယ်ယာမြေလုပ်ကွက်တွေ ငှားမရတာ၊ စီးပွားရေး အရ လုပ်စားကွက်တွေ ကျဉ်းမြောင်းလာတာတို့ကြောင့် ဒီမှာဆက်နေလို့ကတော့ မထူးပါဘူး။ ဘင်္ဂလားဒေ့ရ်ှကသာ ပြန်ပြီး လက်ခံမယ်ဆိုရင် ကျွန်တော်တို့ ပြန်သွားဖို့အစီအစဉ်ရှိပါတယ်" ဟု ၎င်းက ဆက်ပြောသည်။

ရခိုင်လူမျိုးများအား မှီခိုကာလုပ်ကိုင်စားသောက်နေကြရသည့် ဘင်္ဂါလီအချို့မှာလည်း လက်ရှိကာလများ၌ အခက်အခဲနှင့် ရင်ဆိုင်နေကြရသည့်အတွက် မူရင်းဒေသများသို့ ပြန်သွားလိုခြင်းဖြစ်သည်။

"ဒီမှာက မူရင်းဘင်္ဂလားဒေ့ရ်ှကို ပြန်သွားချင်ကြတဲ့ ဘဂါင်္လီတချို့ကို ဘင်္ဂလားဒေ့ရ်ှက ပြန်လည်လက်ခံမယ်ဆိုရင် သွားဖို့ အစီအစဉ်ရှိကြပါတယ်။ ဒါပေမဲ့ နိုင်ငံတော်အဆင့်အနေနဲ့ ပို့ပေးရမှာဖြစ်တယ်။ ကျွန်တော်တို့ ဒီမှာ ပိုင်ဆိုင်တဲ့ လယ်ယာမြေ တွေကို ရောင်းပြီး ဘင်္ဂလားဒေ့ရ်ှမှာ ဖြစ်သလိုအခြေချလုပ်ကိုင်စားသောက်လို့ရပါတယ်။" ဟု တမန်းသားကျေးရွာမှ ဘင်္ဂါလီ တစ်ဦးက ပြောသည်။

၂၀၁၂ခုနှစ် လူမျိုးနှစ်စု ပဋိပက္ခဖြစ်စဉ်ကြောင့် မောင်တောဒေသတွင်း ဒေသခံရခိုင်လူမျိုးများနှင့် ဒေသဧည့်နေ ဘင်္ဂလား ဒေ့ရ်ှနိုင်ငံသား ဘင်္ဂါလီများအကြား ယုံကြည်မှုပြတ်တောက်သွားကာ လယ်ယာမြေအငှားလုပ်ငန်း၊ ဈေးရောင်းဈေးဝယ်နှင့် ကုန်ကူးသန်းခြင်းလုပ်ငန်းများကိုလည်း သီးခြားစီ ရပ်တည်လာခဲ့ကြသည်

 

 

မန္တလေး ဈေးကွက်တွင် တရုတ်ပြည်မမှ ကုန်သည်များ ကိုယ်တိုင် လာရောက် ၀ယ်ယူမှုကြောင့် ကျောက်စိမ်းဈေးများ အဆမတန် မြင့်တက်နေ

မန္တလေး ဈေးကွက်တွင် တရုတ်ပြည်မမှ ကုန်သည်များ ကိုယ်တိုင်လာရောက် ၀ယ်ယူမှုကြောင့် ကျောက်စိမ်းဈေးများ အဆမတန် မြင့်တက်နေကြောင်း သိရသည်။

''တရုတ်ပြည်မထဲက ကုန်သည်တွေ ကိုယ်တိုင် မန္တလေး ဆင်းဝယ်နေတဲ့ အတွက် မြန်မာကုန်သည်တွေ နယ်စပ်မှာ ဈေးမရတော့ဘူး။ အဲတော့ မန္တလေးကို ပြန်သယ်လာပြီး ရောင်းတာ။ တချို့လည်း အရင်း၊ မြတ်တဲ့သူလည်း မြတ်တာပေါ့။ တချို့ကုန်သည်တွေ ကျလည်း သယ်ယူစရိတ် မတတ်နိုင်လို့ ရွှေလီမှာတင် သောင်တင်နေတာ။ အရှုံးခံပြီးလည်း မရောင်းနိုင် ကျောက်ထဲ ငွေအောင်းနေတော့ ကျောက်ဈေးသာ မြောက်နေတာ ငုတ်တုတ် ထိုင်နေရတာလည်း ရှိတယ်'' ဟု ရွှေလီ(နယ်စပ်) သို့ တင်ပို့နေသည့် ဦးလင်းက ဆိုသည်။

''ကိုယ့်ပြည်တွင်းထွက် ပစ္စည်းကို လက်ကုန်နှိုက် လာဝယ်နေတော့ မြန်မာကုန်သည်တွေ ဘယ်လိုမှ ဈေးမယှဉ်သာတော့ဘူး။ သူတို့တွေရဲ့ နယ်စပ်(တရုတ်) သယ်ယူမှု လမ်းကြောင်းကို ကြည့်ရင်လည်း လက်တစ်လုံးခြားနဲ့ သယ်နေတာ ကျောက်တစ်လောကလုံး သိတယ်။ တရားဝင် အခွန်ဆောင်ပြီး သယ်ခွင့်ပြုထားတာ စီ၊ ဒီ အဆင့် ကျောက်တွေပါ။ ဒါပေမဲ့ အေ၊ ဘီ အဆင့် ကျောက်တွေလည်း သယ်နေတာပဲ။ မန္တလေးမှာ အမြဲတမ်းနေတဲ့ တရုတ်တွေနဲ့ ရောနေတော့ ထိထိရောက်ရောက် မလုပ်နိုင်ဘူး။ တရုတ်ကုန်သည်တွေ ၀င်ရောက်မှုကို မစိစစ် နိုင်သေးသမျှတော့ ပြည်တွင်း ကုန်သည်တွေက တရုတ်အကျန်ဈေးပဲ ရနေဦးမှာ'' ဟု ဆက်လက် ပြောကြားသည်။

လတ်တလော ဈေးကွက်တွင် ကျောက်စိမ်း အရိုင်းတုံးများ စိတ်ဝင်စား ၀ယ်ယူမှု ပိုမိုများနေကာ ကျောက်စိမ်း လက်ကောက်ဈေးငြိမ်ကာ အရောင်းဝယ် ကောင်းနေကြောင်း၊ နယ်စပ်သို့ တင်ပို့ရာတွင် လွှာချပ်၊ ကျောက်စိမ်းတုံး တင်ပို့မှု အားကောင်းနေကြောင်း သိရသည်။

တာချီလိတ် မြို့နယ်တွင် စိတ်ကြွရူးသွပ်ဆေးပြား ကိုးသိန်းကျော် ဖမ်းဆီးရမိ

သြဂုတ် ၃၁ ရက် ညနေပိုင်းက တာချီလိတ်မြို့နယ်၊ မိုင်းဖုန်း (ခ) အုပ်စု၊ ပါခုတ် ပူးပေါင်းစစ်ဆေးရေး စခန်း၌ စိတ်ကြွရူးသွပ်ဆေးပြား ၉ ဒသမ ၈၄ သိန်း (တန်ဖိုး ငွေကျပ် ၁၉၆၈ သန်း)ကို ဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့ ဌာနချုပ်၏ သတင်းထုတ်ပြန် ချက်အရ သိရသည်။

ဖြစ်စဉ်မှာ ယင်းနေ့ ညနေ ၃ နာရီခွဲ ခန့်က တာချီလိတ် မူးယစ် (အထူး) တပ်ဖွဲ့မှ တပ်ဖွဲ့ဝင်များသည် ပါခုတ်ပူးပေါင်း စစ်ဆေးရေးဂိတ်တွင် တာချီလိတ်ဘက်မှ ယာဉ်မောင်းအိုက်အွမ် (၃၀ နှစ်) မောင်းနှင်လာသည့် တိုယိုတာ ဒိုင်နာယာဉ်၊ အမှတ် ၉ဂ /_____အား ရပ်တန့်စစ်ဆေးခဲ့ရာ ယာဉ်နောက် ဘော်ဒီကြမ်းခင်း နှစ်ထပ်အံဝှက်အတွင်း လျို့ဝှက်သယ်ဆောင် လာသည့် စိတ်ကြွရူးသွပ်ဆေးပြား ၉ ဒသမ ၈၄ သိန်းပြား (တန်ဖိုးငွေကျပ် ၁၉၆၈ သန်း)အား သိမ်းဆည်းရမိခဲ့ခြင်း ဖြစ်သည်။

ဝမ်တုံကျေးရွာရှိ နေအိမ်အား စစ်ဆေးရှာဖွေရာ နေအိမ်အိပ်ခန်းထဲမှ အမေရိကန်ဒေါ်လာ ၂၆၈၀၀ အား သိမ်းဆည်းရမိခဲ့ပြီး စစ်ဆေးချက်အရ ဖမ်းဆီးရမိခဲ့သည့် မူးယစ်ဆေးဝါးများကို တာချီလိတ်မြို့နယ်၊ မိုင်းကိုးကျေးရွာအုပ်စု၊ စီဝမ်း (၁) ရွာနေ အိုက်စံမှ အိုက်အွမ်အား မိုင်းဖုန်း (ခ) အုပ်စု လွန်းကျိုင်းကျေးရွာသို့ ထိုင်းဘတ်ငွေ ၁၀ သန်းဖြင့် ပို့ဆောင်ပေးခိုင်း ခဲ့ကြောင်း...

ယင်းနောက် ဆက်လက်ပြီး အိုက်အွမ်နေထိုင်ရာ မိုင်းဖုန်း (ခ) အုပ်စု၊ ၀မ်တုံကျေးရွာရှိ နေအိမ်အား စစ်ဆေးရှာဖွေရာ နေအိမ်အိပ်ခန်းထဲမှ အမေရိကန်ဒေါ်လာ ၂၆၈၀၀ အား သိမ်းဆည်းရမိခဲ့ပြီး စစ်ဆေးချက်အရ ဖမ်းဆီးရမိခဲ့သည့် မူးယစ်ဆေးဝါးများကို တာချီလိတ်မြို့နယ်၊ မိုင်းကိုးကျေးရွာအုပ်စု၊ စီဝမ်း (၁) ရွာနေ အိုက်စံမှ အိုက်အွမ်အား မိုင်းဖုန်း (ခ) အုပ်စု လွန်းကျိုင်းကျေးရွာသို့ ထိုင်းဘတ်ငွေ ၁၀ သန်းဖြင့် ပို့ဆောင်ပေးခိုင်း ခဲ့ကြောင်း သိရသည်။

ထို့ကြောင့် မူးယစ်ဆေးဝါးများကို ပို့ဆောင်ခိုင်းသူ အိုက်စံနှင့် ပို့ဆောင်ပေးသူ အိုက်အွမ်တို့အား တာချီလိတ် မြို့မရဲစခန်းမှ မယ (ပ) ၁၀၇/၂၀၁၃၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉(က)/၂၁ ဖြင့် အမှုဖွင့် အရေးယူထားကြောင်း သိရသည်။

အဆိုပါ ဖြစ်စဉ်နှင့် ပတ်သက်ပြီး တာချီလိတ် မြို့မရဲစခန်းသို့ စက်တင်ဘာ ၂ ရက် နံနက် ၁၁ နာရီခန့်က ဆက်သွယ်မေးမြန်းခဲ့ရာ တာဝန်ကျ တာဝန်မှူး ဒုရဲအုပ်တစ်ဦးမှ ဖြေပေးနိုင်မည့် အရာရှိမှာ အပြင်ထွက် သွားသဖြင့် ပြောခွင့်မရှိကြောင်း ပြန်လည် ဖြေကြားခဲ့သည်။

အဲယားကွန်းပါသော ဂျပန် RBE ရထားအား မြို့ပတ်ရထားအဖြစ် ပြေးဆွဲရန် စီစဉ်

ဂျပန်နိုင်ငံမှ ၀ယ်ယူလိုက်သော RBE ရထားတွဲအား ရန်ကုန်ဘူတာကြီးတွင် တွေ့ရစဉ်

အတွဲလိုက် အင်ဂျင်ပါဝင်ပြီး အဲယားကွန်းများ တပ်ဆင်ထားသော RBE ရထားအား မြို့ပတ်ရထားအဖြစ် ပထမဆုံး ပြေးဆွဲရန် စီစဉ်နေကြောင်း ရန်ကုန်ဘူတာကြီးမှ တာဝန်ရှိသူ တစ်ဦးထံမှ သိရသည်။

ယခုနှစ်အတွင်း ဂျပန်နိုင်ငံမှ ၀ယ်ယူလိုက်သော RBE ရထားတွဲအား စက်တင်ဘာ ၁ ရက်က ရန်ကုန်မြို့အတွင်း စမ်းသပ်ပြေးဆွဲလျက် ရှိနေကြောင်း သိရသည်။

ရန်ကုန်ဘူတာကြီးမှ ဒုတိယရုံပိုင်ချုပ် ဦးရဲလွင်က ''အခုရောက်ရှိနေတဲ့ RBE ရထားတွဲက ဂျပန်နိုင်ငံမှာ သုံးပြီးသားကို ၀ယ်ယူထားတာ ဖြစ်ပေမယ့် အားလုံး အကောင်းအတိုင်းပါပဲ။ ရထားတွဲက ၁၀ တွဲပါတယ်။ အားလုံးမှာ အင်ဂျင်တပ်ထားတယ်။ ဂျပန်နိုင်ငံက ရထားလမ်း စနစ်နဲ့ဆိုရင်တော့ တစ်တွဲမှာ တစ်မြို့နယ်စီ တင်ပြီးတော့ တစ်ဂိတ်ကို တစ်တွဲဖြုတ်နိုင်ပေမယ့် ကျွန်တော်တို့ စီမှာတော့ မရနိုင်သေးဘူး။ ဒါပေမဲ့ အဲဒီလို ဖြစ်နိုင်အောင် နောက်ပိုင်းတွေ စီစဉ်မှာပါ'' ဟု ပြောကြားသည်။

စမ်းသပ်ပြေးဆွဲရာတွင် ရန်ကုန်မြို့ပတ် ရထားလမ်း အခြေအနေနှင့် ကိုက်ညီမှု မရှိသေးသော နေရာများတွေ့ ရှိခဲ့ရပြီး ပြင်ဆင်မှုများ ပြုလုပ်သွားပြီး စတင်ပြေးဆွဲ သွားမည်ဖြစ်ကြောင်း ဦးရဲလွင်က ပြောကြားခဲ့သည်။

RBE ရထားတွဲအား မြို့ပတ်ရထားအဖြစ် ပြေးဆွဲရာတွင် တစ်ဦးလျှင် ကျပ် ၃၀၀ နှုန်း ကောက်ခံသွားမည် ဖြစ်သည့်အပြင် ကျိုက်ထီးရိုးသို့ ပို့ဆောင်မည့် လမ်းကြောင်းများပါ ပြေးဆွဲသွားမည် ဖြစ်ကြောင်း ဈေးနှုန်းမသတ်မှတ် ရသေးကြောင်း သိရသည်။

ဦးရဲလွင်က ''သီတင်းကျွတ်က ရောက်တော့မယ်။ ကျိုက်ထီးရိုးကို ပြေးဆွဲဖို့လည်း စီစဉ်နေတယ်။ ရန်ကုန်ကိုရောက်တဲ့ နိုင်ငံခြားသားတွေ အနေနဲ့ကလည်း ရထားနဲ့ သွားချင်တာ ဖြစ်တဲ့အတွက် ပို့ဆောင်ဖို့ စီစဉ်နေပါတယ်'' ဟု ဆိုသည်။

မြန်မာနိုင်ငံရှိ ရထားလမ်း ပို့ဆောင်ရေး စနစ်များအတွက် ဂျပန်နိုင်ငံနှင့် ပူးပေါင်းလုပ်ဆောင်ရန် ၂၀၁၂ ခုနှစ် နှစ်ကုန်းပိုင်းမှ သဘောတူညီမှု ရရှိခဲ့သည့်အတွက် ရထားလမ်းများအား ဂျပန်နိုင်ငံရှိ ပညာရှင်များနှင့် ရထားလမ်း စစ်ဆေးပြုပြင်မှုများ ပြုလုပ်နေပြီ ဖြစ်ကြောင်း ရန်ကုန်ဘူတာကြီးမှ သိရသည်။

30.8.2013 မှ 5.9.2013 အထိ၇ရက်ဟောစာတမ်း

တနင်္ဂနွေ

ရည်ရွယ်ချက်တွေများနေမည်။ တစ်ခုပြီးမှ တစ်ခုလုပ်ပါကအောင်မြင်မည်။ ကျန်းမာရေးကောင်းမည်။ အချစ်ရေးကဇဝေဇဝါဖြစ်နေမည်။ အလုပ်အကိုင်က အဆင်ပြေလိုက်၊ အဆင်မပြေလိုက်ဖြစ်နေမည်။ အတိုက်အခံတွေကြုံနေမည်။ ပူစရာမလိုကျော်နိုင်မည်။ ပြောင်းလဲမှုတွေနှင့်ပြောင်းရွှေ့မှုတို့ဖြစ်မည်။ မိခင် သို့မဟုတ် အဒေါ် ကျန်းမာရေးဂရုစိုက်ပါ။ ခြေ၊လက်ခိုက်မိတက်သည်။

အကျိူးပေးဂဏန်း ၁၊၆၊၂

အထူးဟော       ရေလှိုင်းပမာနိမ့်လိုက်၊မြင့်လိုက် ဖြစ်နေမည်။

ယတြာ               မြောက်အရပ်မှာ လမ်းခင်းပါ။

 

တနင်္လာ

ဆုံးဖြတ်ချက်တွေမြန်နေမည်။ ဆန္ဒတွေစောနေမည်။ နေရာပြောင်းရွှေ့ခြင်း၊ ခရီးဝေးသွားခြင်းတို့ဖြစ်မည်။ ပညာရေးဖြေဆိုမှုများ၊အလုပ်ရာထူးအင်တာဗျူးများ ၊ရာထူးတိုးစားမေးပွဲများ အောင်မြင်မည်။ အချစ်လုခြင်းခံရတက်သည်။ စပ်တူရှယ်ယာလုပ်ဖြစ်မည်။ မြေဝယ်၊မြေရောင်းဖြစ်မည်။ ထီထိုးလိုက်ပါ။ ၇စ ၇ပိတ် ထိုးပါက ပေါက်မည်။ အရှေ့မြောက်ထောင့်အရပ်မှာထိုးပါ။ ငွေကြေး၊ပစ္စည်း၊ရည်းစားစာ၊ဓာတ်ပုံ လူကြုံမလှမ်းနှင့် ပျောက်တက် လိမ်တက်သည်။ အဝေးနေဆွေမျိုးသားချင်းတို့အတွက် စိတ်ပူရမည်။

အကျိုးပေးဂဏန်း ၂၊၄၊၈

အထူးဟော       လူယုံမထားရ။

ယတြာ               ငါးအရှင်လေးတွေကို အရှေ့မြောက်ထောင့်အရပ်သွားလွှတ်ပါ။

အင်္ဂါ

စွန့်စားမှု၊ စူးစမ်းမှု၊ လွတ်လပ်မှု တွေလုပ်လာရလိမ့်မည်။ လုပ်ပါ။ မုချအောင်မြင်သောကာလ ဖြစ်ပါသည်။ ကွက်ကျော်မြင်အကဲခတ်ကောင်းသော်လည်း ကိုယ့်စိတ်ကိုမပိုင်ဖြစ်တက်သည်။ သင့်လုပ်ငန်းနှင့်ပတ်သတ်၍ သတင်းကောင်းကြားရမည်။ အချစ်ရေး အိမ်ထောင်ရေး ပြန်လည်ငြိမ်သင်မှုရမည်။ ရုတ်တရက်ခိုက်မိမှုတွေ့ကြုံမည်။ ဂရုစိုက်ပါ။ ထင်ပေါ်ကျော်ကြားမှုတို့ဖြစ်မည်။

အကျိုးပေးဂဏန်း ၅၊၇၊၉

အထူးဟော       အဆင်ပြေအောင်မြင်မည်။

ယတြာ             အိမ်ဘုရားကို အဂါင်္နံနက်တွင် အောင်သပြေလှူပါ။

ဗုဒ္ဓဟူး

ပညာရေး၊အချစ်ရေး၊စီးပွားရေး၊အလုပ်အကိုင်များအားလုံး အောင်မြင်မည်။ ဟိုဘက်တစ်မျိုး ဒီဘက်ကတပုံ ငွေဝင်မည်။ လူချစ်လူခင်များမည်။ မရောက်ဖူးသောခရီးတွေရောက်မည်။ ခြေ၊လက်အပူလောင်ခြင်း ခိုက်မိခြင်း တစ်ခုခုဖြစ်မည်။ ငွေကြေးကိစ္စလူလိမ်ခံရမည်။ စကားပြော ဆင်ခြင်ပါ။ ထီထိုးပါ။ ထီပေါက်မည်။ ၄စ ၄ပိတ်ထိုးပါ။ အရှေ့တောင်အရပ်ကထီဆိုင်ကိုထိုးပါ။

အကျိုးပေးဂဏန်း ၄၊၉၊၆

အထူးဟော         အဆင်ပြေမည်။

ယတြာ               တန်ခိုးကြီးဘုရားကို ရင်၊ဝမ်း ရွှေသင်္ကန်းကပ်ပါ။

ကြာသပတေး

ချစ်သူ၏ လိမ်လည်ခြင်းခံရမည်။ ရင်းနှီးသူနှင့်စိတ်ဝမ်းကွဲခြင်းဖြစ်မည်။ မမျှော်လင့်သောခရီးတစ်ခုခုသွားရမည်။ မရည်ရွယ်ဘဲ ချစ်သူဖြစ်လိမ့်မည်။ လုပ်ငန်းသစ်တစ်ခုလုပ်ဖြစ်မည်။ ဝမ်းဗိုက်နှင့်ပတ်သက်၍ ချူချာမည်။ ကား၊ဆိုင်ကယ် ခိုက်မိတက်သည်။ ထီပေါက်ကိန်းရှိသည်။ ထီထိုးပါ။ ၅စ ၂၊၃၊၆ပိတ်ထိုးပါ။ ပစ္စည်းပျောက်ကိန်းရှိသည်။ ငွေလိမ်ခံရကိန်းရှိသည်။ ဆွေမျိုးသားချင်းတို့အတွက်စိတ်ရှုပ်ရတက်သည်။

အကျိုးပေးဂဏန်း ၅၊၇၊၁

အထူးဟော       အတိုက်အခံရှိနေသည်။

ယတြာ             အိမ်ဘုရားကို ကြာသပတေးနံနက်မှာအုန်းပေါင်းနှင့်အကြော်   လှူပါ။

သောကြာ

ရည်ရွယ်တာတွေမလုပ်ဖြစ်သေးပါ။ မရည်ရွယ်တွေတော့လုပ်ဖြစ်လိမ့်မည်။ သူများပြောတာမယုံဖို့တော့လိုပါသည်။ သူများစကားယုံ၍ အလုပ်မှာပြသနာတက်မည်။ ရန်ကြုံမည်။ ဂရုစိုက်ပါ။ ရုတ်တရက် ဆိုင်ကယ်၊ကားခိုက်မိတက်သည်။ အလုပ်ရာထူးတက်မည်။ ခရီးဝေးယာယီတွေရောက်မည်။ ဘဝအတွက် တိုးတက်မှုများအတွက် အကောင်အထည်ဖော်ဖြစ်မည်။ သင့်အား သင်၏ ဆွေမျိုးသားချင်းအကြီးတို့က သင့်ဘဝတိုးတက်မှုအတွက် အဖက်ဖက်က ကူညီမှုပေးလိမ့်မည်။

အကျိုးပေးဂဏန်း

အထူးဟော      

ယတြာ            

စနေ

ရည်ရွယ်ချက်များ၊ ရည်မှန်းချက်များ အကောင်အထည်ဖော်နေမည်။ ယှဉ်ပြိုင်သူများ မနာလိုသူများကြးမှ ရုန်းထွက်ပြီး အောင်မြင်ကျော်ကြားလာမည်။ လူချစ်လူခင်များမည်။ ကောင်းသောကျော်ကြားခြင်း၊ ကြီးပွားခြင်း၊ ချမ်းသာခြင်းတို့ အောင်မြင်မည်။ငွေအစုလိုက်ဝင်မည်။ ပညာရေးဖြေဆိုမှုများအောင်မြင်မည်။ အချစ်ရေးထက် ပညာရေး၊စီးပွားရေးကို ပို၍ဦးစားပေး လုပ်ဆောင်နေဖြစ်မည်။ ကျန်းမာရေးအနည်းငယ်ချူချာနိုင်သည်။ လုံးဝမစိုးရိမ်ရပါ။ စက်ပစ္စည်း၊ ကား၊ မြေတို့ ဝင်မည်။ ထွက်မည်။ အချစ်ရေးမှာ သူချစ်ကိုယ်ချစ် ၁ဦး၊ မောင်နှမလိုခင်ရာမှချစ်လာသူက ၁ဦး၊ ကိုယ်ကမချစ်ဘဲ ဇွတ်လာစွဲလန်းသူက ၁ဦး တို့ပေါ်နေမည်။ လက်ဆောင်ရမည်။

အကျိုးပေးဂဏန်း ၉၊၀၊၁

အထူးဟော         အောင်မြင်မည်။ ဇွဲရှိဖို့လိုမည်။

ယတြာ        နှင်းဆီနီနီ ၇ပွင့်ကို စနေနံဘုရားကို စနေနေ့ကပ်၍ ဆုတောင်းပါ။   မုချအောင်မြင်မည်။

 

(၂၇) ကြိမ်မြောက် ဆီးဂိမ်းစ်ဖွင့်ပွဲ၊ ပိတ်ပွဲအခမ်းအနား အတွက် နည်းပညာပိုင်း ဆိုင်ရာကို တရုတ်နိုင်ငံက အခမဲ့ကူညီမည်

မြန်မာနိုင်ငံတွင် ကျင်းပမည့် (၂၇) ကြိမ်မြောက် ဆီးဂိမ်းစ်ပြိုင်ပွဲ ဖွင့်ပွဲနှင့် ပိတ်ပွဲအခမ်းအနားအတွက် လိုအပ်သည့် နည်းပညာပိုင်း ဆိုင်ရာများကို တရုတ်နိုင်ငံက အခမဲ့ကူညီ ပံ့ပိုးမည်ဟု စက်တင်ဘာ ၂ ရက်တွင် ကျင်းပသည့် ဖွင့်ပွဲပိတ်ပွဲအတွက် နည်းပညာကူညီ ပူးပေါင်းဆောင်ရွက်မှု စီမံကိန်း စတင်အကောင် အထည်ဖော်ခြင်း အခမ်းအနားတွင် ယဉ်ကျေးမှု ၀န်ကြီးဌာနမှ ညွှန်ကြားရေးမှူးချုပ် ဦးရန်နိုင်ဦးက ပြောကြားသည်။

''နှစ် ၄၀ ကျော်မှ ပြန်လည် ကျင်းပဖြစ်တဲ့ ဒီပြိုင်ပွဲကို အရှေ့တောင်အာရှမှာ အဆင့်အတန်းမီမီ ကျင်းပနိုင်ဖို့ ဆောင်ရွက်နေပါတယ်။ လိုအပ်တဲ့ နည်းပညာပိုင်း ဆိုင်ရာတွေကို အတွေ့အကြုံရှိတဲ့ တရုတ်နိုင်ငံက ပညာရှင်တွေနဲ့ ပူးပေါင်းဆောင်ရွက် သွားမှာပါ။ ကွင်းအတွင်းမှာ သုံးမယ့်အသံစနစ်၊ အယ်အီးဒီ၊ ပရိုဂျက်တာတွေနဲ့ ဖွင့်ပွဲ၊ ပိတ်ပွဲကို ကျင်းပသွားမှာပါ။ တရုတ်နိုင်ငံရဲ့ အကူအညီ ယူရတာက ဘေဂျင်းအိုလံပစ်မှာ သူတို့သုံးသွားတာ တကယ်ကို အဆင့်မြင့်လို့ပါ။ စက်ပစ္စည်း တချို့တစ်ဝက်လောက် ရောက်နေပါပြီ'' ဟု ဦးရန်နိုင်ဦး၏ ပြောကြားချက်အရ သိရသည်။

ဆီးဂိမ်းစ်ပြိုင်ပွဲအတွက် တရုတ်နိုင်ငံမှ နည်းပညာများ၊ အားကစားပစ္စည်းများ၊ နည်းပြများ၊ အားကစားနည်း ၁၃၂ မျိုး စသည်ဖြင့် ထောက်ပံ့ပေးမည့်အပြင် အားကစားသမား ၂၁၇ ဦးကိုလည်း တရုတ်နိုင်ငံတွင် လေ့ကျင့်ပေးလျက် ရှိကြောင်း၊ နည်းပညာပိုင်း ဆိုင်ရာများကို တရုတ်နိုင်ငံမှ အခမဲ့ ကူညီမည်ဖြစ်ကြောင်း သိရသည်။

''တရုတ်ပညာရှင်တွေနဲ့ လေ့ကျင့်နေတာ ရက် ၂၀၀ လောက်ရှိပါပြီ။ တရုတ်နည်းပြတွေနဲ့ ပတ်သက်ပြီးတော့လည်း ကျွန်တော်တို့ဘက်က ကုန်ကျမှု မရှိပါဘူး။ နည်းပညာ ပိုင်းဆိုင်ရာ အားလုံးကို တရုတ်နိုင်ငံက ကူညီသွားမှာ ဖြစ်ပါတယ်'' ဟု ဒါရိုက်တာ စင်ရော်မောင်မောင်က ပြောကြားခဲ့သည်။

မြန်မာတယ်လီကွန်း ဈေးကွက်နှင့် နိုင်ငံတကာ ဆက်သွယ်ရေး လုပ်ငန်းများကို ဆက်သွယ်ပေးမည့် Myanmar Connect 2013 ဆွေးနွေးပွဲ ကျင်းပမည်

မြန်မာနိုင်ငံ၏ တယ်လီကွန်း ဈေးကွက်နှင့် နိုင်ငံတကာ ဆက်သွယ်ရေး လုပ်ငန်းများကို ဆက်သွယ်ပေးမည့် Myanmar Connect 2013 ထိပ်သီး အစည်းအဝေးပွဲကို နေပြည်တော်ရှိ Myanmar International Convention Center (MICC) တွင် စက်တင်ဘာ ၁၀ ရက်နှင့် ၁၁ ရက်များတွင် ပြုလုပ်သွားမည်ဟု သိရသည်။

အဆိုပါ အစည်းအဝေးပွဲကို ဆက်သွယ်ရေး သတင်းအချက်အလက်နှင့် နည်းပညာ ၀န်ကြီးဌာန ပြည်ထောင်စုဝန်ကြီး ဦးမြတ်ဟိန်းက ဖွင့်လှစ်ပေးမည် ဖြစ်သည်။

မြန်မာနိုင်ငံ အတွင်းရှိ ဆက်သွယ်ရေး ၀န်ဆောင်မှု လုပ်ငန်းများ ဆောင်ရွက်ခွင့်ရှိသည့် MICT၊ MPT၊ PDT၊ ရတနာပုံတယ်လီပို့၊ အော်ရီဒူးနှင့် တယ်လီနော် မြန်မာတို့ကို ကမ္ဘာ့စီးပွားရေး စင်မြင့်ထက်တွင် ပေါင်းစည်း ပေးသွားမည်ဟု ဆိုသည်။

အဆိုပါ အစည်းအဝေးသို့ MPT ၏ မန်နေဂျင်းဒါရိုက်တာ ဦးအောင်မော်၊ ရတနာပုံတယ်လီပို့ ကုမ္ပဏီ၏ စီအီးအို ဦးတင်ဝင်း၊ တယ်လီနော် ကုမ္ပဏီ၏ စီအီးအို မစ္စတာပတ်တာ ဖားဘတ်နှင့် အော်ရီဒူး ကုမ္ပဏီ စီနီယာ ကိုယ်စားလှယ်ဖြစ်သူ ရော့စ်ကောမတ်တို့ တက်ရောက်ကြမည်ဟု သိရသည်။

အစည်းအဝေးတွင် မြန်မာ့ဆက်သွယ်ရေး လုပ်ငန်းလိုင်စင်ကို လက်ဝယ်ရရှိထား သူများက ၎င်းတို့ ရှေ့ဆက်လုပ်ကိုင်မည့် အစီအစဉ်များကို ယှဉ်ပြိုင်လုပ်ကိုင်မည့် သူများနှင့် အကျိုးတူ ပူးပေါင်းလုပ်ကိုင်မည့် သူများကို ရှင်းလင်းပြောကြား နိုင်မည်ဖြစ်သည်။

အဆိုပါ အစည်းအဝေးနှင့် ပတ်သက်သည့် သတင်းစာ ရှင်းလင်းပွဲကို စက်တင်ဘာ ၁၀ ရက် မွန်းလွဲ ၁ နာရီ ၅၀ မိနစ် တွင် ပြုလုပ်သွားမည်ဖြစ်ပြီး အစည်းအဝေးပွဲ တက်ရောက်မည့် သူများက ရှင်းလင်းပြောကြားမည် ဖြစ်ကြောင်း သိရသည်။

ရခိုင် ပြည်နယ် ပဋိပက္ခ နိုင်ငံတကာ အမြင်လွဲမှုရှိဟု နမ်ဘီယာ ပြော

ခိုင်ပြည်နယ်အတွင်း ဖြစ်ပွားခဲ့သည့် ပဋိပက္ခများနှင့်ပတ်သက်၍ နိုင်ငံတကာက အမြင်လွဲမှားမှုရှိနေသည်ဟု ကုလသမဂ္ဂ အထွေထွေ အတွင်းရေးမှူးချုပ် ၏ အထူးကိုယ်စားလှယ် မစ္စတာ ဗီဂျေ နမ်ဘီယာ က ပြောဆိုကြောင်း သိရသည်။

မစ္စတာ ဗီဂျေနမ်ဘီယာ သည် ရခိုင်ပြည်နယ် စစ်တွေ မြို့နှင့်ဒေသတွင်း နေရာတချို့သို့ သွားရောက်ကာ အစိုးရ အာဏာပိုင် များနှင့်ဒုက္ခသည် အရေးကိစ္စများကို ယမန်နေ့က ဆွေးနွေးစဉ် ထိုသို့ ထည့်သွင်း ပြောဆိုသွားကြောင်း ရခိုင်ပြည်နယ် အစိုးရ ၏ ပြန်ကြားရေး တာဝန်ခံ ဦးဝင်းမြိုင် က ဧရာဝတီ ကို ပြောသည်။

"ပြည်နယ်အစိုးရရဲ့ လုပ်ဆောင်ချက်တွေကို အားရကျေနပ်တဲ့ အကြောင်း၊ ပဋိပက္ခတွေ အပေါ်မှာ နိုင်ငံတကာက အမြင်လွဲ မှားနေတာတွေကိုလည်း လက်ရှိအခြေတွေနဲ့ ယှဉ်ပြီးတော့ နားလည်လာအောင် ပြောပေးမယ်၊ ကုလသမဂ္ဂ အဖွဲ့ကြီးဆီကို လည်း တင်ပြပေးမယ်လို့ ပြောသွားတယ်"ဟု ၎င်းက ဆိုသည်။

ယခုခရီးစဉ်မှာ ဩဂုတ်လ ဒုတိယပတ်အတွင်း လူတဦး သေဆုံးမှုကြောင့် မွတ်ဆလင်ဒုက္ခသည်များနှင့် ရဲတပ်ဖွဲ့ကြား ရုန်းရင်းဆန်ခတ်ဖြစ်ပွားကာ လူ ၁၀ ဦး ဒဏ်ရာရရှိသွားခြင်းကြောင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက မွတ်ဆလင်အသိုင်းအဝိုင်းနှင့် တွေ့ဆုံဆွေးနွေးရန် မြန်မာအာဏာပိုင်များကို တိုက်တွန်းခဲ့အပြီး မြန်မာအာဏာပိုင်များက ကုလသမဂ္ဂ အကြီးတန်းအရာရှိတဦးကို ဒုတိယအကြိမ် လာရောက်ကြည့်ရှုခွင့်ပေးခဲ့ခြင်း ဖြစ်သည်။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူး စုံစမ်း စစ်ဆေးရေးမှူး မစ္စတာ သောမတ်စ် အိုဟေး ကင်တာနာ သည်လည်း ပြီးခဲ့သည့် သြဂုတ်လဆန်းပိုင်းတွင် ရခိုင်ပြည်နယ်သို့ သွားရောက်ခဲ့ရာ ၄င်းသည် မွတ်စလင်များဘက်မှ ရပ်တည် ဘက်လိုက်ခြင်း၊ ၎င်း၏အစီရင်ခံစာသည်လည်း မျှတမှု မရှိခြင်းဟု ဆိုကာ ဒေသခံတချို့၏ ကန့်ကွက် ဆန္ဒပြမှုများနှင့် ကြုံခဲ့ရသည်။

မစ္စတာ နမ်ဘီယာ ၏ ရခိုင်ပြည် ခရီးစဉ်တွင်မူ နယ်စပ်ရေးရာ ၀န်ကြီး ဒု ဗိုလ်ချုပ်ကြီး သက်နိုင်ဝင်း၊ လူဝင်မှု ကြီးကြပ်ရေးနှင့် ပြည်သူ့ အင်အား ၀န်ကြီးဌာန ၀န်ကြီး ဦးခင်ရီ၊ ရခိုင်ပြည်နယ် ၀န်ကြီးချုပ် ဦးလှမောင်တင်နှင့်သက်ဆိုင်ရာ အာဏာပိုင် အဖွဲ့ များ ပါဝင်သည်။

မစ္စတာ နမ်ဘီယာသည် မြန်မာနိုင်ငံသို့ သြဂုတ် ၂၅ ရက်နေ့က ရောက်ရှိခဲ့ပြီး ကချင်ပြည်နယ်၊ မန္တလေးတိုင်း ဒေသများသို့ လည်း သွားရောက်ခဲ့သည်။ ကချင် ခရီးစဉ်တွင် ကေအိုင်အို ဥက္ကဋ္ဌ အပါအ၀င် ဗဟိုကော်မတီဝင်များနှင့် တွေ့ဆုံကြောင်း၊ မန္တလေးတိုင်း၊ မိတ္ထီလာမြို့တို့တွင်လည်း ဘာသာရေး ခေါင်းဆောင်များနှင့် သြဂုတ် ၂၈ ရက်နေ့တွင် တွေ့ဆုံခဲ့ကြောင်း သိရသည်။

အာဏာပိုင်များနှင့် ဆွေးနွေးရာတွင် ပြည်နယ်အစိုးရ၏ လုပ်ဆောင်ချက်များကို အသိအမှတ်ပြုကြောင်း၊ နိုင်ငံတကာမှ ပြော ဆိုနေမှုများနှင့်လက်တွေ့ အခြေအနေမှာ ကွာခြားကြောင်း၊ ဒုက္ခသည်များ အတွက် လိုအပ်သည့် အကူအညီ များကို ဆောင် ရွက်ပေးသွားမည်ဟု ပြောဆိုသွားကြောင်းလည်း ဦးဝင်းမြိုင် က ပြောသည်။

အကူအညီပေးမည်ဟု ဆိုသော်လည်း မည်သည့်အကူအညီမျိုး ပေးမည်ဆိုသည်ကို တိတိကျကျ ပြောဆိုမှု မရှိဟု ပြည်နယ် အစိုးရ ပြောခွင့်ရသူ က ဆိုသည်။ မစ္စတာ နမ်ဘီယာ၏ ရခိုင် ခရီးစဉ်သည် စက်တင်ဘာလ ၁ ရက်နေ့က စတင်ခဲ့ပြီး ၃ ရက်ကြာ မည်ဖြစ်ကာ ဒုတိယ ခရီးစဉ်လည်း ဖြစ်သည်။

၎င်းသည် ရခိုင်သို့ ရောက်ရှိစဉ် စစ်တွေ၊ မောင်တော၊ ပေါက်တော၊ သံတွဲ စသည့် ဒေသများသို့ သွားရောက်ခဲ့ကြောင်း ပြည် နယ် အစိုးရအဖွဲ့က ပြောသည်။ မစ္စတာ နမ်ဘီယာသည် ပေါက်တောမြို့နယ်အတွင်းရှိ မွတ်စလင် ဒုက္ခသည် စခန်းများသို့ သွားရောက်၍ ဒုက္ခသည်များနှင့်တွေ့ဆုံခဲ့ကြောင်း သိရသည်။

မစ္စတာ နမ်ဘီယာသည် မောင်တောဒေသသို့ ယမန်နေ့က ရောက်ရှိခဲ့ပြီး မီးရှို့ခံရ၍ အိုးအိမ်မဲ့ ဖြစ်သွားခဲ့ရသော ဒေသခံ ရခိုင် တိုင်းရင်းသားများနှင့်လည်း တွေ့ဆုံသည်။ ဒေသခံများနေထိုင်သည့် မောရ၀တီ ကျေးရွာသို့ သွားရောက် တွေ့ဆုံစဉ် ဒေသခံများ၏ အခက်အခဲများကို မေးမြန်း၍ အားပေးစကားများ ပြောကြားခဲ့ကြောင်း ဒေသခံများ က ပြောသည်။

ဒေသခံ တိုင်းရင်းသားများ အနေဖြင့် မိမိတို့ ဒေသကို စွန့်ခွာ၍ တခြား ဒေသများသို့ ပြောင်းရွှေ့ မသွားကြရန် အရေးကြီးကြောင်း တိုက်တွန်းသွားခဲ့သည်ဟု မစ္စတာ နမ်ဘီယာ နှင့်ဒေသခံများ တွေ့ဆုံပွဲသို့ တက်ရောက်ခဲ့သည့် မောင်တော ဒေသခံ ဦးလှရွှေ က ဧရာဝတီ ကို ပြောသည်။

"ဒေသခံ တိုင်းရင်းသားတွေကို မိမိတို့ဒေသကို စွန့်ခွာမသွားဖို့ နမ်ဘီယာက ပြောပါတယ်၊ ဒေသခံတွေကလည်း နမ်ဘီယာ လာပြီး အားပေးစကား ပြောလို့ အရမ်းကျေးဇူးတင်တဲ့ အကြောင်း၊ နောင်လည်း ခဏခဏ လာကြည့်ပေးဖို့ နမ်ဘီယာ ကို ဖိတ်ခေါ်လိုက်ကြတယ်"ဟု ၎င်း က ဆိုသည်။

မစ္စတာ နမ်ဘီယာသည် ယနေ့တွင် သံတွဲမြို့သို့ ရောက်ရှိနေပြီး မနက်ဖြန်တွင် ၎င်း၏ ရခိုင် ခရီးစဉ်နှင့်ပတ်သက်၍ သတင်း များ ထုတ်ပြန်ပေးသွားမည်ဟု ရခိုင်ပြည်နယ် အစိုးရ အဖွဲ့တာဝန်ရှိသူ က ပြောသည်။

ရခိုင်ပြည်နယ်အတွင်း ၂၀၁၂ ခုနှစ် ဇွန်လက စတင်ပြီး ရခိုင်တိုင်းရင်းသားများနှင့် မွတ်စလင်များအကြား ပဋိပက္ခ ဖြစ် ပွားမှုကြောင့် ထောင်နှင့်ချီသည့် အိုမဲ့အိမ်မဲ့များသည် ဒုက္ခသည် စခန်းများ၌ နေထိုင်နေရဆဲ ဖြစ်သည်။

ဒေးဒရဲ ၌ လေဆင်နှာမောင်း တိုက်၍ ကျောင်းနှင့် အိမ်တချို့ပျက်စီး

ဧရာဝတီတိုင်း ဒေးဒရဲမြို့နယ် အကယ်ချောင်းဝ ကျေးရွာတွင် လေဆင်နှာမောင်း တိုက်ခတ်မှုကြောင့် စာသင်ကျောင်းနှင့် နေအိမ် တချို့ ပျက်စီးခဲ့ကြောင်း ဒေသခံများနှင့် ဒေးဒရဲမြို့နယ် ပညာရေးဌာန တာဝန်ရှိသူများက ပြောသည်။

ယခင်လ ၃၀ ရက်နေ့ ညနေ ၆ နာရီခန့်က တိုက်ခတ်ခဲ့ခြင်းဖြစ်ပြီး လူနှင့် တိရစ္ဆာန်များ ထိခိုက်ပျက်စီးခြင်း မရှိသော်လည်း လေဆင်နှာမောင်း တိုက်ခတ်ရာ လမ်းကြောင်းပေါ်ရှိနေသော အကယ်ချောင်းဝ ကျေးရွာ အခြေခံပညာ အထက်တန်းကျောင်းခွဲ မှ ကျောင်း ဆောင် ၃ ဆောင်နှင့် ကျေးရွာအတွင်းက အိမ်ခြေ ၆ လုံးခန့် ပျက်စီးခဲ့သည်ဟု သိရသည်။

အဆိုပါ အထက်တန်းကျောင်းမှ ကျောင်းဆရာတဦးက "လေဆင်နှာမောင်းက တဝူးဝူးတိုက်လိုက်တာ ၅ မိနစ်လောက်ပဲ ကြာမယ်၊ အရှိန်ပြင်းတော့ ကျောင်းနားက ထန်းပင်တွေပါ ခေါင်းပြတ်ထွက်တယ်၊ ကျောင်းဆောင်တွေလည်း အမိုးတွေ လန်ကုန် ပြီးတော့ ကျောင်းဆောင်ကြီးက အပေါ်ထပ်ပြိုကျသွားတာ၊ အမိုးတွေဆိုရင် အချပ်လိုက်လန်ထွက်သွားပြီး ပေ ၁၅၀ လောက်မှာ သွားကျတာ" ဟု သူက ဧရာဝတီသို့ ပြောသည်။

လေဆင်နှာမောင်း တိုက်ခတ်မှု ခံခဲ့ရသော အဆိုပါကျောင်းတွင် ကျောင်းဆောင် ၃ ဆောင်ရှိသည့် အနက် ပေ ၆၀ ပတ်လည် ကျောင်းဆောင် ကြီးမှာ အမိုးအကာများလွင့်ထွက်သွာခဲ့ပြီး အပေါ်ထပ်ပြိုကျပျက်စီးခဲ့ကြောင်းနှင့် ပေ ၁၅၀-၃၀ ကျောင်းဆောင် မှာလည်း ပေ ၉၀ ကျော်ပျက်စီးသွားကြောင်း သိရသည်။ အလားတူ ကျန်သည့် ပေ ၆၀-၃၀ ကျောင်းဆောင်မှာ ကျောင်းခေါင်မိုး ကွာထွက်ရုံသာဖြစ်ခဲ့ပြီး ပျက်စီးမှု နည်းသည်ဟုသိရသည်။

၂၀၀၈ ခုနှစ်က ဧရာဝတီတိုင်းတွင် နာဂစ်မုန်တိုင်း တိုက်ခတ်ခဲ့ရာ ပင်လယ်ဝတွင် တည်ရှိသော အဆိုပါ အကယ်ချောင်းဝ ကျေးရွာလည်း မုန်တိုင်းဒဏ်ခံခဲ့ရပြီး ယခု ပျက်စီးခဲ့သော ကျောင်းဆောင်များမှာ နာဂစ်ပြန်လည် ထူထောင်ရေး အစီအစဉ်ဖြင့် တည်ဆောက်ထားသောကျောင်းများဖြစ်ကြောင်းသိရသည်။

အဆိုးဆုံး ပြိုကျ ပျက်စီးသွားသော ပေ ၆၀ ပတ်လည် ကျောင်းဆောင်ကြီးမှာ ဂျာမနီနိုင်ငံထောက်ပံ့မှုဖြင့် အမရာဖောင်ဒေးရှင်းက တည်ဆောက်ခဲ့ခြင်းဖြစ်ပြီး တည်ဆောက်ထားမှုမှာ ခိုင်ခံ့ခြင်းမရှိသည့် အတွက် ကျောင်းဆရာများက မြို့နယ် ပညာရေး ဌာနကို နှစ်စဉ် သတိပေးအကြောင်းကြားမှုများပြုလုပ်ခဲ့ကြောင်းလည်းသိရသည်။

အထက်တန်းပြ ကျောင်းဆရာ တဦးက "အပေါ်ထပ်ကို အောက်က ခံတဲ့ ဆင့်တို့၊ ယက်မတန်းတို့ကို ဝါးနက်တွေနဲ့ခံထားပြီး ဝါးထရံ ယက်ထားတဲ့အပေါ်မှာ ဘိလပ်မြေလောင်းပြီး အခင်းလုပ်ထားတာ၊ မိုးယိုလာရင် အဲဒီ ဒုတိယထပ် အခင်းကြီးက နိမ့်နိမ့်လာတယ်ပြီးခဲ့တဲ့ နှစ်ကဆိုရင် တစ်ထွာလောက်ကိုနိမ့်သွားတာ၊ အခုလေဆင်နှာမောင်းတိုက်ချိန်ဟာ ကျောင်းတက် ချိန်သာဆိုရင် ကျနော့် ကျောင်းသားတွေအတွက် မတွေးဝံ့စရာအဖြစ်ပဲ"ဟု သူကပြောသည်။

ကျောင်းဆောင်များပျက်စီးသွားသဖြင့် ၉ တန်း၊ ဆယ်တန်း ကျောင်းသားများကို အနီးရှိ ကျေးရွာဘုန်းကြီးကျောင်းတွင် ယာယီ သင်ကြားလျက်ရှိပြီး၊ မူလတန်းနှင့် အလယ်တန်းကျောင်းသားများကိုတော့ ပျက်စီးမှု နည်းသော ကျောင်းဆောင်များကို ပြုပြင် တည်ဆောက်ပြီး သင်ကြားပေးမည်ဟု သိရသည်။

ပျက်စီးမှုနည်းသော ကျောင်းဆောင် ၂ ခု၏ ကုန်ကျစရိတ်မှာ ကျပ် ၁၇ သိန်းခွဲကျော်ရှိပြီး ယင်းကုန်ကျငွေ၏ တဝက်ကို ဒေးဒရဲ မြို့နယ် အုပ်ချုပ်ရေးမှူး ဦးတင်ရွှေက အကုန်အကျခံကာ ကျန်တဝက်ကိုတော့ ရွာခံများက စုပေါင်း အကုန်အကျ ခံကြောင်း သိရ သည်။

လေဆင်နှာမောင်းဒဏ်ကြောင့် ပျက်စီးသွားသော အဆိုပါကျောင်းဆောင်ကြီးပြန်လည်တည်ဆောက်နိုင်ရေးအတွက် မြို့နယ် ပညာရေးဌာနမှ၊ တိုင်းပညာရေးဌာနသို့ တင်ပြထားကြောင်း၊ တိုင်းမှတဆင့် ဗဟိုကိုတင်ပြပြီး ခွင့်ပြုချက် ပြန်ကျလာလျှင် ပြန်လည်တည်ဆောက်ပေးသွားမှာဖြစ်ကြောင်း ဒေးဒရဲမြို့နယ် ဒုတိယမြို့နယ် ပညာရေးမှူး ဦးကျော်ဦး ကပြောသည်။

"ဒီအဆောက်အအုံကြီးက အန္တရာယ်ရှိတဲ့ အဆောက်အအုံဖြစ်တဲ့ အကြောင်းရယ်၊ အခုပျက်စီးမှုအခြေအနေတွေရယ်ကို တင်ပြ ထား ပြီးတော့ ခိုင်ခန့်တဲ့ ကျောင်းဆောင်အသစ် တည်ဆောက်ပေးနိုင်အောင် ကျနော်တို့ တိုင်းကို တင်ပြထားပြီးပါပြီ၊ အဆင့်ဆင့် က ခွင့်ပြုချက် ကျလာတာနဲ့ ကျနော်တို့ ပြန်ဆောက်ပေးမှာပါ" ဟု ဦးကျော်ဦး က ဧရာဝတီသို့ ပြောသည်။

ပြိုကျပျက်စီးသွားသော ကျောင်းဆောင်ခိုင်ခံ့မှု မရှိခြင်းနှင့် ပတ်သက်၍ ကျောင်းသားမိဘများက ကျေနပ်မှုမရှိ၍ ပြောဆိုနေမှုများ ရှိပြီး အမရာ ဖောင်ဒေးရှင်းအပေါ် အရေးယူဆောင်ရွက်မှုများ ရှိမရှိ မသိရသေးသော်လည်း ခိုင်ခံမှုမရှိခြင်းနှင့် တည်ဆောက် ထားပုံ အဆင့်ဆင့် အချက်လက်များကိုလည်း ဧရာဝတီတိုင်း ပညာရေးဌာနသို့ တင်ပြထားပြီးဖြစ်ကြောင်း သူက ဆက်၍ ရှင်းပြသည်။

အကယ်ချောင်းဝ ကျေးရွာသည် ပင်လယ်ဝတွင်တည်ရှိပြီး ၂၀၀၈ ခုနှစ် နာဂစ်မုန်တိုင်း တိုက်ခတ်မှုတွင် လူသေဆုံးမှု၊ တိရစ္ဆာန်များနှင့် လယ်ယာကိုင်းကျွန်းများပျက်စီးဆုံးရှုံးမှုများနှင့် ရင်ဆိုင်ကြုံတွေ့ခဲ့ရသည့် ကျေးရွာဖြစ်သည်။

မိုးလေဝသနှင့် ဇလဗေဒ ညွှန်ကြားမှုဦးစီးဌာန၏ ယနေ့မွန်းလွဲ ၂ နာရီအချိန်အထိ ထုတ်ပြန်ထားချက်အရ ဘင်္ဂလားပင်လယ်အော်နှင့် ကပ္ပလီပင်လယ်ပြင်တွင် မုတ်သုံလေ အားအနည်းငယ်မှ အားအသင့်အတင့် ရှိနေကြောင်း ထုတ်ပြန်ထားသည်။

ထို့အပြင် လွန်ခဲ့သော ၂၄ နာရီအတွင်းက ဧရာဝတီတိုင်း အပါအဝင် မန္တလေးတိုင်း၊ တနင်္သာရီတိုင်း၊ ကယားပြည်နယ်နှင့် မွန်ပြည်နယ်တို့တွင် နေရာကျဲကျဲနှင့် စစ်ကိုင်းတိုင်းအောက်ပိုင်း၊ မကွေးတိုင်း၊ ပဲခူးတိုင်းနှင့် ရခိုင်ပြည်နယ်တို့တွင် နေရာ စိပ်စိပ်နှင့် ကျန်ရှိသော တိုင်းနှင့် ပြည်နယ်များတွင် နေရာအနှံ့အပြား မိုးထစ်ချုန်းရွာခဲ့ပြီး ကချင်ပြည်နယ်တွင် နေရာကွက်၍ မိုးကြီးခဲ့သည်ဟု ထုတ်ပြန်ထားသည်။

ဟွန်ဒိုင်း ကုမ္ပဏီထုတ် ကားများသာ ၀ယ်ယူရရှိနိုင်မည့် Car Show Room တစ်ခုဖွင့်လှစ်ခဲ့

ပြည်တွင်းမှာ စီးပွားရေး အခွင့်အလမ်းများ ပွင့်လင်း လာတာနဲ့ အမျှ Car Show Room တွေဖွင့်လှစ်မှုဟာ ပိုမိုများပြား လာတယ်လို့ သိရပါတယ်။ ဒါကြောင့်

ပြီးခဲ့တဲ့ သြဂုတ်လ ၃၁ ရက်နေ့ ကလည်း ရန်ကုန်မြို့ မရမ်းကုန်း မြို့နယ်၊ အင်းစိန် လမ်းဆုံနဲ့ သမိုင်းလမ်းဆုံကြားမှာ Hyundai Car Show Room တစ်ခုကို ဖွင့်လှစ်ခဲ့ပါတယ်။ အဆိုပါ tqkdygHyundai Brand ဟာ ကမ္ဘာ့အဆင့် ၅ နေရာမှာရှိတဲ့ Brand တစ်ခုဖြစ်ပြီး နိုင်ငံပေါင်း ၁၉၃ နိုင်ငံမှ မှာယူတင်သွင်း ရောင်းချလျက် ရှိတယ်လို့ သိရပါတယ်။

 

အခုလို ဖွင့်လှစ် လိုက်ပြီဖြစ်တဲ့ Hyundai Car Show Room မှာလည်း ကား Sale Center အပြင် Car Service Center နဲ့ ကားအပိုပစ္စည်း အရောင်းဆိုင်ကိုပါ တွဲဖက် ဖွင့်လှစ် ထားတာ ဖြစ်ပါတယ်။ ဒီလို Hyundai Car Show Room ကို ဖွင့်လှစ်လိုက်တဲ့ အတွက် ပြည်သူတွေ အနေနဲ့ ကမ္ဘာ့အဆင့်မီ အရည်အသွေး ကောင်းတဲ့ ကားများကို သင့်တင့်တဲ့ ဈေးနှုန်းနဲ့ အလွယ်တကူ ၀ယ်ယူနိုင်မှာ ဖြစ်တယ်လို့ သိရပါတယ်။ ဒါ့အပြင် နောက်ပိုင်း မှာလည်း နေပြည်တော်၊ မန္တလေးနဲ့ အခြားတိုင်းဒေသကြီး များမှာပါ နောက်ထပ် ဖွင့်လှစ် သွားဖို့ ဆောင်ရွက်မှုများ ရှိနေတယ်လို့ သတင်း ရရှိပါတယ်။

 

 

တုတ်ကွေးရောဂါအတွက် အုပ်ချုပ်ရေးမှူးရုံးတွင် ယာယီဆေးခန်းဖွင့်ကာ ကုသပေးနေရ

စစ်ကိုင်းတိုင်း ဆားလင်းကြီးမြို့နယ်အတွင်းရှိ ဇီးပဏီမြောက်ရွာတွင် ကလေး ၄၂ ဦး တုတ်ကွေးရောဂါ ဖြစ်ပွားလျက် ရှိခြင်းကြောင့် ကျေးရွာအုပ်ချုပ်ရေးမှူးရုံးတွင် ယာယီဆေးခန်းဖွင့်ကာ စက်တင်ဘာ ၁ ရက် တွင် ဆေးကုသမှု
ပေးနေရသည်ဟု ဆားလင်းကြီးမြို့နယ်မှ တိုင်းလွှတ်တော်ကိုယ်စားလှယ် ဦးနေ၀င်းက ပြောသည်။

"သွေးလွန်တုတ်ကွေးရောဂါ အနည်းငယ်လေးဖြစ်ပွားတာပါ။ အုပ်ချုပ်ရေးမှူးကို အချိန်မီပြောပြလိုက်တဲ့အတွက် မနေ့ကခရိုင်၊ မြို့နယ်ကျန်းမာရေးဝန်ထမ်းတွေ သွားရောက်ပြီး ဆေးကုသပေးလျက်ရှိပါတယ်" မဇ္ဈိမကို ပြောသည်။

ရာသီပေါ် ရောဂါတစ်ရပ်ဖြစ်သည့် သွေးလွန်တုတ်ကွေးရောဂါ ခံစားနေရသည့် အဆိုပါကျောင်းသား ၄၂ ဦးအနက် သူငယ်တန်းကျောင်းသား မောင်မျိုးသီဟအပါအ၀င် ကျောင်းသား၊ ကျောင်းသူ ခြောက်ဦးကို ကျန်းမာရေးဝန်ထမ်းများ မှ အထူးစောင့်ကြပ်ကာ ဆားလင်းကြီးမြို့နယ် ပြည်သူ့ဆေးရုံကြီးတွင် အရေးပေါ်လူနာအဖြစ် ဆေးဝါးကုသမှု ခံယူလျက်ရှိသည်။

"ကျန် ၃၆ ဦးကို တောကျားတက်တိုက်နယ်ဆေးရုံက ကျန်းမာရေးဝန်ထမ်းတွေနဲ့ ခရိုင်/မြို့နယ် ကျန်းမာရေး ၀န်ထမ်း စုပေါင်းပြီး ကျန်းမာရေးစောင့်ရှောက်မှု ပေးလျက်ရှိပါတယ်" ဟု ဒေသခံလူနာ ကျောင်းသားမိဘတစ်ဦးမှ ဆိုသည်။

ပဉ္စမတန်းကျောင်းသာ မောင်သန့်ဇင်ဦးကို ပုလဲမြို့နယ် ပြည်သူ့ဆေးရုံကြီးမှ ဆားလင်းကြီးမြို့နယ် ပြည်သူ့ဆေးရုံကြီး သို့ လည်းကောင်း၊ ပထမတန်းကျောင်းသူ မသိန်းသိန်းစိုးနှင့် သူငယ်တန်းကျောင်းသူ မယုစံ တို့ကို မုံရွာမြို့နယ်
ပြည်သူ့ဆေးရုံကြီးတို့သို့ အသီးအသီးပို့ဆောင်ကာ ဆေးကုသမှုခံယူနေရသည်။