ရဟန်းတပါးအား ဗလီထဲစွဲယူသွားကာ အက်ဆစ်နှင့်ပက် ဓာတ်ဆီနှင့်လောင်းပြီး မီးရှို့သတ်ပစ်

ထောင်ဂဏန်းဖုန်း မည်သို့ ရောင်းချမည်ဆိုသည်ကို ဆက်သွယ်ရေးပင် မသိသေး

ဧပြီလ ၁ ရက်၌ စတင်၍ အထူး နှုန်းဖြင့် ချထား ပေးမည့် ဖုန်းများအား မည်သို့ ရောင်းချ ပေးမည် ဆိုသည်ကို ယနေ့ အချိန် အထိ မသိ သေးကြောင်း မြန်မာ့ ဆက်သွယ်ရေး လုပ်ငန်းမှ သိရသည်။

''ဘယ်လို ပုံစံနဲ့ ရောင်းပေးမယ် ဆိုတာကို ဘာမှ ညွှန်ကြားစာ မလာသေး ဘူး။ အထက် လူကြီးတွေ ဆုံးဖြတ် ပြီးမှ သိရမှာပါ။ လူတစ်ယောက်ကို တစ်လုံးပဲ ရောင်းမလား၊ လိုသလောက် ရောင်းမလား ဆိုတာ မသိဘူး။ ကျွန်တော်တို့ ကတော့ အထက်က ခိုင်းတာပဲ လုပ်ရ တာပါ''ဟု မြန်မာ့ ဆက်သွယ် ရေးမှ အရာရှိ တစ်ဦးက ပြောသည်။

သမ္မတရုံးဝန်ကြီး ဦးစိုးသိန်းမှ ကျပ်ထောင်ဂဏန်းသာရှိမည့် နှုန်းထားဖြင့် ဧပြီလ ၁ ရက်နေ့တွင် ဖုန်း များရောင်းချပေးမည်ဟု ပြောကြားထားသည်။ အဆိုပါ သတင်း များကြောင့် ဖုန်းဝယ် ယူချင် သူအချို့မှ အလွယ် တကူ ဖုန်းဝယ် ယူခွင့် မရမည်ကို စိုးရိမ် နေသည့် အပြင် တစ်ဆင့် ပြန်ရောင်းမည့် မိုဘိုင်း ဟန်းဆက် အရောင်း ဆိုင်များ မှာလည်း ရောင်းခွင့် မရမည်ကို အလားတူ စိုးရိမ် လျက်ရှိ နေကြောင်း သိရသည်။

''သမ ဝါယမမှာ ဆန်၊ ဆီ ဝယ်ရ သလို တန်းစီ ရမယ့်အခြေအနေ ထပ်ဖြစ်မယ် ထင်ပါတယ်။ ဒီတစ်ကြိမ် ဖုန်းဝယ် ရမှာ နှစ်သိန်း ဖုန်းဝယ် ရသလို မျိုးထက် ပိုပြီး ခက်ခဲမယ် ထင်တယ်။ မှောင်ခို ဈေးကွက်လည်း ရှိလာ နိုင်တယ်။ ကျွန်တော်တို့ သုံးချင်တဲ့ သူတွေ ကတော့ ဘယ်လိုပဲ တန်းစီပြီး ရောင်းပေး ပါစေ အလုံးရေ မကန့် သတ်ဘဲ ရောင်းပေး စေချင်တယ်။ တန်းစီပြီး ဖုန်းဝယ် ရမယ့် အဖြစ်ကို ထပ်ပြီး မကြုံစေ ချင်ပါဘူး''ဟု မြောက်ဥက္ကလာပ မြို့နယ်မှ ကို သိန်းသန်းဦးက ပြောသည်။

ယင်းအပြင် ပုဇွန်တောင် မြို့နယ် မှ Htoo မိုဘိုင်း ဖုန်းဆိုင် ပိုင်ရှင် ကလည်း ဆင်းကတ် များအား ဈေးနှုန်း မြှင့်တင ရောင်းရ ခြင်းမှာ ကတ်အလွယ် တကူ ဝယ်ယူ နိုင်ခြင်း မရှိသည့် အတွက် ဖြစ်ကြောင်း အလွယ် တကူ ဝယ်ယူရောင်း ချခွင့် ရရှိ မည်ဆိုပါက ဈေးနှုန်း မြှင့်တင် ရောင်းချ ကြမည် မဟုတ်ဟု ပြောသည်။ 

မိတ္ထီလာ ပဋိပက္ခနင့်ပတ်သတ်၍ သံဃာ ၁ ပါးနင့် လူတစ်ဦးသေဆုံး

၁၇း၅၅ အချိန်တွင် အဆိုပါ ဖြစ်စဉ်နှင့် ပတ်သက်၍ အောက်ပါ ၆ ဦး(သံဃာ ၁ ပါး၊ ကျား ၅ ဦး)တို့ မိတ်္ထီလာ ဆေးရုံသို့ ရောက်ရှိ ဆေးကုသမှု ခံယူလျက်ရှိပြီး သံဃာ ၁ ပါးမှာ မန္တလေး ဆေးရုံကြီးသို့ လွှဲပြောင်း ကုသရန် စီစဉ် လျက်ရှိကြောင်း သိရှိရသည်-

(က) သံဃာ ၁ ပါး(ဘွဲ့အမည် စိစစ်ဆဲ)၊ မီးလောင် ဒဏ်ရာ။

(ခ ) မောင်မောင်သိန်း (၂၂) နှစ်၊ (ဘ) ဦးလှထွန်း၊ ၀မ်းတော်ပြည့် တိုးချဲ့ရပ်၊ မိတ်္ထီလာမြို့ နေသူ၏ ဦးခေါင်းဝဲ ဘက်ဂျိုစောင်း၊ ယာလက်မောင်း ပေါက်ပြဲပြတ်ရှ၊ ယာခြေမပေါက်ပြဲ၊ ဦးခေါင်းထိပ်ယာဂျိုစောင်းပေါက်ပြဲ၊ ၀ဲဒူးပွန်းပဲ့ဖူးရောင်ဒဏ်ရာ(မစိုးရိမ်ရ)။

(ဂ ) ကိုမင်း(၁၈)နှစ်၊ (ဘ)ဦးတင်ရွှေ၊ ရွှေမန်းသာရပ်၊ အောင်လံမြို့နေသူ၏ ၀ဲလက် ဖမိုးပေါက်ပြဲဒဏ်ရာ(မစိုးရိမ်ရ)။

(ဃ) ခင်မောင်လွင်(၅၀)နှစ်၊ (ဘ)ဦးသန်းဆွေ၊ သာယာကုန်း(၁)ရပ်ကွက်၊ မိတ်္ထီလာမြို့ နေသူ၏ ၀ဲဂျိုစောင်း/၀ဲနားရွက်/၀ဲနားထင်ပေါက်ပြဲ၊ ၀ဲလက်ဖျံဖူး ရောင်ဒဏ်ရာ(မစိုးရိမ်ရ)။

(င) ကိုဇော်(၂၃)နှစ်၊ (ဘ)ဦးသန်းထွန်း၊ အောင်ဇေယျာရပ်ကွက်၊ မိတ်္ထီလာမြို့ နေသူ၏ ယာပါး ပေါက်ပြဲ၊ ဦးခေါင်း ထိပ်ပေါက် ပြဲဒဏ်ရာ (မစိုးရိမ်ရ)။

(စ ) သန်းမြင့်နိုင်(၂၆)နှစ်၊ (ဘ) ဦးမောင်မောင်မြင့်၊ သီရိ မင်္ဂလာ ရပ်ကွက်၊ မိတ်္ထီလာမြို့ နေသူတွင် မီးလောင်ဒဏ်ရာ။

၂၀၅၅ အချိန်တွင် ဆေးရုံ တက်ရောက် ကုသ လျက်ရှိသော သံဃာနှင့် သန်းမြင့် နိုင်တို့သည် မီးလောင် ဒဏ်ရာဖြင့် သေဆုံး ခဲ့ကြောင်း သိရှိ ရသည်။ ၂၁၄၅ အချိန်တွင် ပုဒ်မ ၁၄၄ ထုတ်ပြန် ခဲ့ကြောင်း သတင်း ရရှိသည်။ 

မိတ္ထီလာမြို့ရှိ ရွှေဆိုင်တစ်ဆိုင်တွင် ဖြစ်ပွားခဲ့သည့် သာမန်ခိုက်ရန်ဖြစ်ပွားမှုမှ အစပြုကာ ဘာသာရေးအဓိကရုဏ်းအသွင် ဖန်တီးမှုများ ရှိခဲ့သော်လည်း သက်ဆိုင်ရာက ပုဒ်မ ၁၄၄ ထုတ်ပြန်ပြီး ထိန်းသိမ်းခဲ့

မိတ္ထီလာမြို့ နယူးဝိန့်စိန်ရွှေဆိုင်ရှေ့တွင် အဓိကရုဏ်းဖြစ်ပွားနေမှုအား မတ်လ ၂၀ ရက်နေ့ ညနေပိုင်းက တွေ့ရစဉ်

မန္တလေးတိုင်းဒေသကြီး မိတ္ထီလာမြို့တွင် မတ်လ ၂၀ ရက်နေ့က ရွှေဆိုင်တစ်ဆိုင်တွင် ဖြစ်ပွားခဲ့သည့် သာမန်ခိုက်ရန်ဖြစ်ပွားမှုမှ အစပြုကာ ဘာသာရေးအဓိကရုဏ်းအသွင် ဖန်တီးမှုများ ရှိခဲ့သော်လည်း သက်ဆိုင်ရာက ပုဒ်မ ၁၄၄ ထုတ်ပြန်ကာ ထိန်းသိမ်းခဲ့ကြောင်းမိတ္ထီလာမြို့ရှိ Eleven Media Group သတင်းထောက်၏ သတင်းပေးပို့ချက်အရ သိရသည်။

မိတ္ထီလာမြို့ရှိ ရွှေဆိုင်တစ်ဆိုင်တွင် မတ်လ ၂၀ ရက်နေ့ နံနက် ၁၀  နာရီက သာမန် ခိုက်ရန်ဖြစ်ပွားမှု တစ်ခုမှအစပြုကာ ဘာသာရေးအဓိကရုဏ်းအသွင် ဖန်တီးမှုများ ရှိလာခြင်းအပေါ် ယင်းနေ့ ည ၉ နာရီကျော်တွင် သက်ဆိုင်ရာက ပုဒ်မ ၁၄၄ ထုတ်ပြန်ကာ ထိန်းသိမ်းခဲ့ခြင်းဖြစ်ကြောင်း သိရသည်။

မတ်လ ၂၀ ရက်နေ့ နံနက် ၉ နာရီခွဲအချိန် မိတ္ထီလာမြို့၊ ဈေးအရှေ့ ပြင်ရပ်ရှိ နယူးဝိန့်စိန် ရွှေဆိုင်သို့ မိတ္ထီလာမြို့နယ်၊ ပြွန်ကောက်ရွာနေ လေထိုးကျွတ်ဖာလုပ်ငန်း လုပ်ကိုင်သည့် ဦးခင်မောင်ဝင်း(၄၅)နှစ်၊ ၎င်း၏ဇနီး ဒေါ်အေးနိုင်(၄၆)နှစ်နှင့် မညိုညိုသန်း (၃၆)နှစ်တို့ သုံးဦးမှ ငွေလိုအပ်သဖြင့် ငွေကျပ် ၁၄၀၀၀၀ ခန့် တန်ဖိုးရှိ ရွှေဆံညှပ်တစ်ခုအား သွားရောက်ရောင်းချခဲ့ကြောင်း သိရသည်။

ထိုသို့ သွားရောက်ရောင်းချရာ ဆိုင်ရှင်ဒေါ်တင်အေး၏ သမက် ထွန်းထွန်းဦး(ခ)အာရှစ်(၂၃)နှစ်မှ ငွေကျပ် ၁၀၅၀၀၀ သာ ပေးမည်ဖြစ်ကြောင်းပြောကြား၍ မှတ်ကျောက်တင်ရန် ဈေးအတွင်းသို့ ယူဆောင်သွားခဲ့ကြောင်း၊ ဆိုင်သို့ပြန်ရောက်စဉ် ရွှေဆံထိုးမှာပဲ့နေသဖြင့် ထွန်းထွန်းဦး(ခ)အာရှစ်မှ တန်ဖိုး ငွေကျပ် ၅၀၀၀၀ သာ ပေးမည်ဖြစ်ကြောင်း ပြောကြားရာမှ နှစ်ဖက်အချင်းများခဲ့ကြောင်း မြန်မာနိုင်ငံရဲတပ် ဖွဲ့ ၏ Facebook  ဖြစ်သည့် ရဲဇာနည် Facebook တွင် ဖော်ပြထားချက်အရ သိရသည်။

ဆိုင်ရှင် မမြင့်မြင့်အေးက ရွှေဆံညှပ်အား လွှင့်ပစ်ပြီး ထွန်းထွန်းဦး(ခ) အာရှစ်နှင့် ဆိုင်လုပ်သား ညီညီ(ခ)မင်းအောင်တို့မှ ဦးခင်မောင်ဝင်းအား လက်သီးဖြင့် ထိုး၊ သစ်သားတုတ်နှင့် ရိုက်၍ ဦးခင်မောင်ဝင်းတွင် ဒဏ်ရာများရရှိခဲ့သဖြင့် မိတ္ထီလာဆေးရုံသို့ တင်ပို့ ကုသခဲ့ကာ ဦးခင်မောင်ဝင်း၏ ဇနီးဖြစ်သူ ဒေါ်အေးနိုင်မှ တိုင်တန်းသဖြင့် ထွန်းထွန်းဦး(ခ)အာရှစ်၊ ညီညီ(ခ)မင်းအောင်နှင့် မြင့်မြင့်အေးတို့ သုံးဦးအား မိတ္ထီလာ အမှတ်(၂)ရဲစခန်း (ပ)၇၄/၂၀၁၃၊ ပြစ် မှုပုဒ်မ၃၂၆/၂၉၄/ ၄၂၇/၁၁၄ဖြင့် ဖမ်းဆီးအမှုဖွင့် အရေးယူခဲ့ကြောင်း တရားဝင်ထုတ်ပြန်ချက်များအရ သိရသည်။

လူ ၂၀၀ ခန့်က မွန်းလွဲ ၂ နာရီ ၁၅ မိနစ်အချိန်တွင် ထွန်းထွန်းဦး(ခ) အာရှစ်၏ ဆိုင်ပတ်ဝန်းကျင်ရှိ ဈေးအ ရှေ့ဘက် တိုက်သုံးလုံး၌ရှိသော ဆိုင်ခန်းခြောက်ခန်းအား ခဲဖြင့်ထု၊ ဆိုင်အတွင်းဝင်၍ ပစ္စည်းများ ရိုက်ခွဲခဲ့သဖြင့် ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရဟန်းသံဃာများနှင့် ရပ်မိရပ်ဖများမှ လူစုခွဲတားဆီးခဲ့ကြောင်း၊ မွန်းလွဲ ၂ နာရီခွဲအချိန်တွင် အဆောက်အဦ ဖျက်ဆီးမှုများ ရပ်တန့်သွားခဲ့ပြီး လူထိခိုက်ဒဏ်ရာရရှိမှု မရှိကြောင်းနှင့် အဆိုပါ ဆိုင်ခန်းခြောက်ခန်း ပျက်စီးခဲ့ကြောင်း၊ ညနေ ၃ နာရီဝန်းကျင်တွင် ၎င်းလူအုပ်စုမှ အဆိုပါတိုက်သုံးလုံးအား ဆက်လက်ဖျက်ဆီးလျက်ရှိသဖြင့် မိတ္ထီလာ ခရိုင်ရဲတပ်ဖွဲ့မှူး ဦးစီးသည့် ရဲတပ်ဖွဲ့ဝင်များဖြင့် လုံခြုံရေး ထိန်းသိမ်းဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့၏ ထုတ်ပြန်ချက်များအရ သိရသည်။

ညနေ ၅ နာရီခွဲ ၀န်းကျင်အချိန်တွင် ဈေးအနောက်ဘက်ရှိ ပါကစ္စတန် ဂျာမေ့ဗလီအား မီးရှို့ခဲ့ရာ လူထုမှဝိုင်းဝန်း ငြှိမ်းသတ်ခဲ့သဖြင့် မီးငြိမ်းသွားခဲ့ကြောင်း မြန်မာနိုင်ငံရဲတပ်ဖွဲ့၏ ရဲဇာနည် facebook စာမျက်နှာတွင် ဖော်ပြထားချက်အရ သိရသည်။
ယခုကဲ့သို့ သာမန် ခိုက်ရန်ဖြစ်ပွားမှုအပေါ်တွင် အစပြုကာ လူအချို့က ဘာသာရေး အဓိကရုဏ်း အသွင်ဆောင်သည့် ဖန်တီးမှုများ ရှိခဲ့သော်လည်း သက်ဆိုင်ရာက ပုဒ်မ ၁၄၄ ထုတ်ပြန်၍ ထိန်းသိမ်းခဲ့ကြောင်း မိတ္ထီလာမြို့ခံအချို့ထံမှ သိရသည်။ 
လူစုလူဝေးမပြုလုပ်ရန်နှင့် တာဝန်ကျရဲတပ်ဖွဲ့ဝင်များအား အနှောင့် အယှက်မပေးရန် ပုဒ်မ ၁၄၄ ထုတ်ပြန်ခဲ့ခြင်းဖြစ်ကြောင်း သိရသည်။

မိတ္ထီလာမြို့တွင် သိရိမင်္ဂလာဗလီနှင့် အခြားဗလီအချို့ မီးလောင်မှုဖြစ်ပွားခဲ့ပြီး အပြန်အလှန်မီးရှို့မှုများ ဖြစ်ပေါ်ခဲ့ကြောင်း နေရာအနှံ့မီးလောင်မှုများအား ည ၈ နာရီအချိန်တွင် ငြိမ်းသတ်နိုင်ပြီဖြစ်ကြောင်း အခြားနေရာအချို့တွင် ဒဏ်ရာရရှိသူအချို့ ရှိနေပြီး မြို့နေလူထုမှာ အရွှေ့အပြောင်း လုပ်နေပြီဖြစ်ကြောင်း  မိတ္ထီလာမြို့ရှိ Eleven Media Group သတင်းထောက်၏ သတင်းပေးပို့ချက်အရ သိရသည်။

မတ်လ ၂၀ ရက်နေ့ ည ၈ နာရီ ၃၀ မိနစ်တွင် မိတ္ထီလာအမှတ်(၃) ရဲစခန်းအား ဆက်သွယ်မေးမြန်းရာ အဆိုပါ ရဲစခန်းမှ တာဝန်ရှိသူတစ်ဦးက ''လောလောဆယ်မှာ တည်ငြိမ်မှုမရှိသေးတဲ့အတွက် သက်ဆိုင်ရာအဖွဲ့အစည်းအ သီးသီးနဲ့ ပူးပေါင်းပြီးတော့ လုံခြုံရေး ရယူနေပါတယ်။ လူတစ်စုက ရုန်းရင်းဆန်ခတ်မှုတွေ လုပ်ဆောင်နေဆဲမို့ တည်ငြိမ်အောင် ဆောင်ရွက်နေပါတယ်''ဟု ပြောကြားခဲ့ပါသည်။

မိတ္ထီလာမြို့၏ အ၀င်အထွက် ရှေ့နောက်ကို ပိတ်ထားပြီဖြစ်ကြောင်း၊  မီးရှို့ဖျက်ဆီးခံရသည့် ဆိုင်ကယ် ၁၀ စီးကျော် ရှိနေပြီဖြစ်ကြောင်း ဓာတ်ပုံရိုက်သည့် သတင်းထောက်နှင့် ရဲဝန်ထမ်းအချို့ကို ခဲများဖြင့် ပစ်ပေါက်မှုများလည်း ရှိခဲ့ကြောင်း မိတ္ထီလာမြို့ခံ သတင်းထောက်၏ သတင်းပေးပို့မှုအရ သိရသည်။

မတ်လ ၂၀ ရက်နေ့ ည ၁၂ နာရီအချိန်တွင် မန္တလေးတိုင်းဒေသကြီးမှ ဒုတိယတိုင်းရဲတပ်ဖွဲ့မှူးဖြစ်သူအား Eleven Media Group မှ ဆက်သွယ်မေးမြန်းရာ ၎င်းက ''လက်ရှိအချိန်မှာတော့ အခင်းဖြစ်ပွားတဲ့နေရာမှာ လူအချို့ပဲ ကျန်ရှိနေပါတော့တယ်။ အဲဒါကို ညှိနှိုင်းဖြေရှင်းမှု ဆက်လက်လုပ်ဆောင်လျက်ရှိပါတယ်''ဟု  ပြန်လည် ဖြေကြားခဲ့သည်။

မိတ္ထီလာမြို့တွင် ဖြစ်ပွားခဲ့သည့် ပဋိပက္ခဖြစ်စဉ်နှင့် ပတ်သက်၍ မတ် လ ၂၁ရက်နေ့ နံနက် ၂ နာရီဝန်းကျင်တွင် Eleven Media Group မှ မိတ္ထီလာမြို့ အမှတ်(၂)ရဲစခန်းအား ဆက်သွယ်မေးမြန်းခဲ့ပါသည်။

ထိုသို့ဆက်သွယ်မေးမြန်းခဲ့ရာတွင် တာဝန်ရှိသူ ရဲတပ်ဖွဲ့ဝင်တစ်ဦးက ''လက်ရှိအချိန်မှာ အခြေအနေက ပြန်လည်တည်ငြိမ်မှု ရရှိနေပါပြီ။ ရမည်းသင်းဘက်က နယ်မြေခံရဲတပ်ရင်း နှစ်ရင်း ရောက်ရှိနေပြီး ဒေသတည်ငြိမ်အေးချမ်းရေးအတွက် ဆောင်ရွက်နေပါတယ်။ တိုင်းအဆင့် အရာရှိကြီးတွေကိုယ်တိုင် စီမံကွပ်ကဲနေပါတယ်၊ နယ်မြေမှာ လှည့်ကင်းဆောင်ရွက်ပြီး မြို့ရဲ့လုံခြုံရေးကို ရယူနေပါတယ်။ အခုအချိန်မှာတော့ လူစုကွဲသွားပြီဖြစ်ပေမယ့် ဟိုတစ်စု ဒီတစ်စုတော့ ရှိနေပါသေးတယ်။ သတင်းရရှိမှုအပေါ် မူတည်ပြီး ဒေသခံများလုံခြုံရေးအတွက် ဆောင်ရွက်နေပါတယ်''ဟု ပြန်လည် ဖြေကြားခဲ့သည်။

မတ်လ ၂၁ ရက်နေ့ နံနက် ၃ နာ ရီ မိနစ် ၄၀ အထိ မြန်မာနိုင်ငံရဲတပ်ဖွဲ့၏ ရဲဇာနည် facebook စာမျက်နှာမှတစ်ဆင့် သတင်းထုတ်ပြန်ချက်အရ သံဃာတော်တစ်ပါးနှင့် အမျိုးသားတစ်ဦးတို့ မီးလောင်ဒဏ်ရာဖြင့် သေဆုံးခဲ့ကြောင်း၊ အမျိုးသားလေးဦး ဒဏ်ရာရရှိခဲ့ကြောင်း သိရသည်။

တရားမဝင် ရွှေတူးဖော်သည့် တရုတ်နိုင်ငံသားများ စစ်တပ်က ဖမ်းမိ

ကချင်ပြည်နယ် တနိုင်းမြို့နယ်နှင့်မိုးကောင်းမြို့နယ်အနီးက ရွှေမှော်များတွင် တရားမဝင် ဝင်ရောက်၍ ရွှေတူးဖော်ရေး လုပ်ငန်းများ လုပ်ကိုင်နေသည့် တရုတ်နိုင်ငံသား ၆၀ ကျော်ကို ဒေသခံ အစိုးရ စစ်တပ်က ဖမ်းဆီးခဲ့ကြောင်း ဒေသတွင်း အစိုးရအဖွဲ့များ ကပြော သည်။

စစ်တပ်အနေဖြင့် တရားမဝင်နိုင်ငံခြားသားများကို ထိုသို့ဖမ်းမိသော်လည်း ဒေသဆိုင်ရာ ရဲတပ်ဖွဲ့နှင့် လူဝင်မှုကြီးကြပ်ရေးနှင့် ပြည်သူ့ အင်အားဦးစီးဌာန(လဝက) သို့ အပ်နှံခြင်းမရှိကြောင်း ယင်း အဖွဲ့များက ပြောဆိုသည်။

ကချင်ပြည်နယ် ရဲတပ်ဖွဲ့မှုရုံး ရဲအရာရှိ တဦးက"၆၄ ဦးလို့တော့ တပ်ကလှမ်းပြောတယ်၊ တပ်မတော်စစ်ကြောင်းက လှုပ်ရှား သွားလာရင်းနဲ့ မိတာ၊ တပ်က တို့ကို ကြေးနန်းနဲ့ပဲ လှမ်းပို့တာ၊ ပြန်လွှတ်လိုက်ပါသည်၊ သိရှိနိုင်ပါရန် အကြောင်းကြားပါသည် ဆိုတဲ့ စာနဲ့ ပို့လိုက်တာ၊ မအပ်ဘူး၊ မလွှဲဘူး"ဟု သူက ဧရာဝတီသို့ ပြောသည်။

ထို တရုတ်နိုင်ငံသားများကို ယခုလ ဒုတိယပတ်က ဒေသခံ ခလရ ၂၉၇ တပ်ရင်းမှ ဖမ်းဆီးခဲ့ပြီး အဆိုပါ တပ်ရင်းမှပင် နှင်ထုတ် ခဲ့ သည်ဟု တနိုင်းမြို့နယ် လဝက ရုံးအနေဖြင့် သိရှိရကြောင်း၊ သို့သော်လည်း ၎င်းတို့ထံ တိုက်ရိုက် အကြောင်း ကြားခြင်းမရှိကြောင်း တနိုင်းမြို့နယ် လဝက ရုံးအရာရှိတဦးကလည်း ပြောပြသည်။

"ကျနော်တို့ကတော့ သတင်းပဲကြားလိုက်တာ၊ အဲဒီနေရာက လဝက တွေ၊ ရဲတွေနဲ့ရော အလှမ်းဝေးနေတော့ တပ်ကနေ သူ့နည်း၊ သူ့ဟန်နဲ့ ပြန်လွှတ်လိုက်တာလို့ထင်တယ်၊ ကျနော်တို့ဆီကိုတော့ အကြောင်းကြားလာတာ မရှိပါဘူး"ဟု သူက ဧရာဝတီသို့ ပြောသည်။

တရုတ်နိုင်ငံသားများ လုပ်ကိုင်နေသည့် ရွှေမှော်များသည် ကချင်လွတ်လပ်ရေးအဖွဲ့ (KIO) ထိန်းချုပ်နယ်မြေများ အတွင်း၌ ရှိကြောင်း၊ အစိုးရ စစ်ကြောင်းက နှင်ထုတ်လိုက်ပြီးနောက် တရုတ်နိုင်ငံဘက်သို့ ပြန်သွားခြင်း ရှိမရှိကိုမူ တနိုင်းမြို့နယ် ရဲတပ်ဖွဲ့များ အနေဖြင့် စုံစမ်းနေဆဲဖြစ်ကြောင်း တနိုင်းမြို့နယ် ရဲစခန်းမှ တာဝန်ကျ ရဲအရာရှိတဦးက ပြောဆိုသည်။

နိုင်ငံအတွင်း တရားမဝင် ဝင်ရောက်နေထိုင်သည့် နိုင်ငံခြားသားများ ကိစ္စ အရေးယူဆောင်ရွက်နိုင်ရေး လဝက အဖွဲ့တွင် တာဝန်ရှိသော်လည်း ၎င်းတို့ထံ အကြောင်းကြားခြင်း မရှိသည့်အတွက် အရေးယူဆောင်ရွက်နိုင်ရန် ခက်ခဲနေကြောင်း ကချင်ပြည်နယ် လဝက ရုံးအရာရှိတဦးကလည်း ပြောသည်။

"ကျနော်တို့ သိသလောက်တော့ တပ်ကနေပြန်လွှတ်လိုက်တယ်လို့ပဲ သိထားတာ၊ ကျနော်တို့လည်း အဲဒီကွင်းဆက်ကို လိုက်နေ တာ၊ ကျနော်တို့ဆီအပ်ရင်တော့ လဝက ဥပဒေနဲ့ အရေးယူမှာပေါ့"ဟု သူက ဆိုသည်။

တချိန်တည်းမှာပင် ရှမ်းပြည်နယ် တာချီလိတ်ခရိုင် တာလေမြို့ရှိ တိမ်ကောလာသည့် နမ့်လင်းချောင်းအတွင်း သဲတူးဖော်မှုကို ဗန်းပြပြီး တရုတ်လူမျိုးများ တရားမ၀င် ရွှေတူးဖော်မှုများရှိနေကြောင်း သိရသည်။

မိုင်းလားဒေသ အခြေစိုက် လွိုင်လုံ သတ္တုတူးဖော်ရေး ကုမ္ပဏီက တိမ်ကောလာသည့် နမ့်လင်းချောင်း တူးဖော်ရန် အဆိုပါ တရုတ် လူမျိုးများကို ခေါ်ယူလာခြင်းဖြစ်ပြီး ရက်သတ္တနှစ်ပတ် နေထိုင်ခွင့်ရှိသည့် နိုင်ငံကူးလက်မှတ်ဖြင့် ၀င်ရောက်လာသူများ ဖြစ်ကြောင်း ဒေသခံများက ပြောသည်။

နမ့်လင်းချောင်းသည် တာလေဒေသကို ဖြတ်ကာ မဲခေါင်မြစ်အတွင်း စီးဝင်သည့် ချောင်းတခုဖြစ်ပြီး ယခုအခါ တိမ်ကောလာသည့် အတွက် လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန၏ အကူအညီနှင့် တာလေဒေသ အာဏာပိုင်များ၊ မြို့မိမြိုဘများ ပူးပေါင်းကာ လွိုင်လုံ သတ္တုတူးဖော်ရေး ကုမ္ပဏီအား ကျပ် သိန်း ၃၀ ဖြင့် ငှားရမ်း လုပ်ဆောင်စေခြင်း ဖြစ်ကြောင်း၊ လွန်ခဲ့သည့် ၁၀ ရက်ခန့်က လုပ်ငန်းစတင်ခဲ့ခြင်း ဖြစ်ကြောင်း သိရသည်။

ရဲမှူးတဦး အဓမ္မပြုကျင့်မှုဖြင့် တရားစွဲခံရ

မန္တလေးတိုင်း ကျောက်ဆည်ခရိုင် မြစ်သားမြို့နယ် ရခိုင်ကြီးကျေးရွာတွင် ရဲစခန်းမှူး တဦးက ရွာခံ အိမ်ထောင်ရှင် အမျိုးသမီး တဦးအား အဓမ္မ ပြုကျင့်မှုဖြင့် စွပ်စွဲ တိုင်ကြားမှုတခု ဖြစ်ပွားခဲ့ကြောင်း သတင်းရရှိသည်။

ခင်ပွန်းသည် မရှိခိုက် မြစ်သား ရဲစခန်းမှူး ဦးကြည်လှ ဆိုသူက အဓမ္မ ပြုကျင့်ခဲ့သည်ဟု တရားလို တိုင်ကြားသူ အသက် ၃၉ နှစ် အရွယ် ကလေး ၄ ယောက် မိခင် ဒေါ်သန်းခင်က ဧရာဝတီကို ပြောသည်။

လွန်ခဲ့သည့် ၂၀၁၂ ခုနှစ် ဒီဇင်ဘာလ ၃၀ ရက်နေ့ ညက အခင်းဖြစ်ပြီးနောက် မြစ်သားရဲစခန်းသို့ သွားရောက်တိုင်ကြား ခဲ့သော် လည်း အမှုဖွင့်ပေးခြင်း မပြုခဲ့ကြောင်း၊ ကျောက်ဆည်ခရိုင် တရားရုံးအား တိုင်ကြားရာ ၇ ရက်ကြာ သွားခဲ့ကြောင်း၊ စခန်းမှူး ရဲအုပ် ဦးကြည်လှ (လ-၁၄၃၈၃၁)ကို တပတ်ကြာပြီးမှ ရှေ့နေကွန်ရက် အဖွဲ့ အကူအညီဖြင့် အမှုဖွင့်နိုင်ခဲ့ ခြင်းဖြစ်ကြောင်း ဒေါ်သန်းခင်က ဆိုသည်။

ဒေါ်သန်းခင်၏ အမှုလိုက် တရားလို ရှေ့နေ ဦးစန်းညွှန့်ဝေက ရဲစခန်းမှူး ဦးကြည်လှကို အဓမ္မ ပြုကျင့်မှု ပုဒ်မ ၃၇၆ ဖြင့် မြစ်သားမြို့နယ် တရားရုံးတွင် တရားစွဲဆို အမှုဖွင့်ခဲ့ကြောင်း၊ ကျောက်ဆည်နှင့် မြစ်သား တရားရုံးတို့ တွင် အမှုမှန်မပေါ်မည် စိုးရိမ်၍ မန္တလေး တိုင်းတရားရုံးသို့ ပြောင်းလဲ စစ်ဆေးရန် ရုံးပြောင်း လျှောက်ထား ခဲ့ကြောင်း ဧရာဝတီကို ပြောသည်။

"စခန်းမှူး ဦးကြည်လှကို ပုဒ်မ ၃၇၆ နဲ့ တရားစွဲဆိုခဲ့တယ်။ အခု တရားရုံးမှာဆို သူကလည်း ရဲ ဆိုတော့ အမှုမှန် မပေါ်မှာစိုးလို့ ရုံးပြောင်းလျှောက်ထားတာပါ"ဟု သူက ဆိုသည်။

ထို့ကြောင့် ဦးကြည်လှအား ယခုနှစ် မတ်လဆန်းက ဖမ်းဆီး ချုပ်နှောင်ထားခဲ့ကြောင်း ဦးစန်းညွှန့်ဝေ က ဆက်ပြောသည်။ ကျောက်ဆည်ခရိုင် ရဲစခန်းမှ ဒုရဲအုပ် ချမ်းငြိမ်းနိုင်ကလည်း  ဦးကြည်လှကို ဖမ်းဆီးထိန်းသိမ်းထားသည်မှာ မှန်ကန်ကြောင်း၊ သို့သော် အမှုကိစ္စနှင့်ပတ်သက်၍ မသိကြောင်း၊ မိသားစုဝင်များ လာရောက် တွေ့ဆုံခွင့်ကိုလည်း စခန်းမှူးခွင့်ပြုချက် ဖြင့် တွေ့ဆုံခွင့် ပေးထားကြောင်း ဧရာဝတီကို ပြောသည်။

"ဖမ်းထားတာ ဆိုပေမယ့် ချုပ်ထားတာ။ ဒီမှာ အချုပ်ခန်းမှာ ချုပ်ထားတာ။ သူ့အမှုအခြေအနေက ကျနော်တို့ မသိဘူးလေ၊ သူ့ ကျန်းမာရေးကတော့ ကောင်းပါတယ်။ သူတို့ မိသားစု လာတွေ့တဲ့ဟာတော့ တွေ့ကြပါတယ်"ဟု ဒုရဲအုပ် ချမ်းငြိမ်းနိုင်က ဆိုသည်။

အမှုမဖွင့်နိုင်ခင်က ဦးကြည်လှသည် ရခိုင်ကြီးကျေးရွာ ရပ်မိရပ်ဘ တဦးဖြစ်သူ ဦးထွန်းထွန်းဝင်း နေအိမ်တွင် ကျပ် သိန်း ၁၀၀ ပေးမည် ကမ်းလှမ်း၍ ကျေအေးပေးရန် ဒေါ်သန်းခင်အား ညှိနှိုင်းဆွေးနွေးခဲ့ကြောင်း၊ ထိုစဉ်က ဒေါ်သန်းခင်က ကျပ် သိန်း ၅၀ ကို လက်ခံယူသွားခဲ့သည်ဟု ဦးထွန်းထွန်းဝင်းက တဖန် ဒေါ်သန်းခင် တို့ ဇနီးမောင်နှံအား လိမ်လည်မှုဖြင့် ကျောက်ဆည်မြို့နယ် တရားရုံးတွင် ပြန်လည် တရား စွဲဆိုခဲ့ကြောင်း ဦးစန်းညွှန့်ဝေက ပြောဆိုသည်။

ရဲစခန်းမှူး ရဲအုပ် ဦးကြည်လှသည် ဒေါ်သန်းခင်တို့ မိသားစုနှင့် ရင်းနှီးကြပြီး ရံဖန်ရံခါ အိမ်သို့ လာတတ်ပြီး အခင်းဖြစ်ချိန်တွင် ခင်ပွန်းဖြစ်သူ မရှိဟု သိရသည်။ ဒေါ်သန်းခင်၏ ခင်ပွန်း အသက် ၄၂ နှစ်ရှိ ဦးအောင်မင်းကြည်ကလည်း အမှန်တရားပေါ်ပေါက်ရေးအတွက် ကြိုးစားနေကြောင်း ပြောသည်။

ဒေါ်သန်းခင်တို့ ဇနီးမောင်နှံအား စွဲဆိုထားသည့် လိမ်လည်ငွေယူမှု ပုဒ်မ ၄၂၀ နှင့် ပတ်သက်သည့် ကျောက်ဆည်မြို့ ရုံးချိန်းကို မတ် ၁၉ ရက်တွင် ချိန်းဆိုခဲ့ကြောင်း၊ လာမည့် မတ်လ ၂၁ ရက်နေ့တွင် ဦးကြည်လှအား ဒေါ်သန်းခင်က တရားလိုဖြင့် စွဲဆို ထား သည့် ပုဒ်မ ၃၇၆ ဆိုင်ရာ အမှုကို မြစ်သားမြို့၌ ရုံးချိန်း ရှိကြောင်း သိရသည်။

ယင်းဖြစ်စဉ်သတင်းကို အချိန်နှင့် တပြေးညီ သတင်းများ ထုတ်ပြန်နေသော မြန်မာနိုင်ငံ ရဲ တပ်ဖွဲ့ အင်တာနက် စာမျက်နှာတွင်မူ ယနေ့အထိ ဖော်ပြထားခြင်း မရှိသေးပေ။

MNL အမှတ်ပေးပြိုင်ပွဲ မတ်လ (၂၃၊ ၂၄) ရက်တွင် ပြန်လည်ကျင်းပမည်၊ KBZ - ရတနာပုံ၊ ဧရာဝတီ-ရန်ကုန် တို့ တွေ့ဆုံသော ပွဲကောင်းများ ပါဝင်နေ

မြန်မာနိုင်ငံ ဘောလုံးအဖွဲ့ချုပ် MFF က ကျင်းပပြုလုပ်လျက်ရှိသည့် ၂၀၁၃ MNL အမှတ်ပေး ဘောလုံးပြိုင်ပွဲ ပွဲစဉ် (၆)ကို လာမည့် မတ်လ ၂၃၊ ၂၄ ရက်များတွင် ပြန်လည် ကျင်းပသွားမည် ဖြစ်ကြောင်း သိရသည်။ ယင်းပြိုင်ပွဲကို မြန်မာ့လက်ရွေးစင် အသင်း၏ AFC Challenge Cup ခြေစစ်ပွဲကြောင့် ဖေဖော်ဝါရီလ ၁၀ ရက် ပွဲစဉ်များ အပြီးတွင် ခေတ္တရပ်နား ထားခြင်းလည်း ဖြစ်သည်။

ယခုတစ်ပတ် ပြန်လည်ကျင်းပမည့် ပွဲစဉ် (၆)တွင် အသင်းကြီး အချင်းချင်း တွေ့ဆုံသော ပွဲကောင်းများ ပါဝင်နေပြီး အမှတ်ပေးဇယား ထိပ်ဆုံးနေရာမှ လက်ရှိချန်ပီယံ ရန်ကုန်အသင်းနှင့် ဧရာဝတီအသင်း၊ KBZ အသင်းနှင့် ရတနာပုံအသင်းတို့ ယှဉ်ပြိုင်ကစားရမည် ဖြစ်ကြောင်း သိရသည်။ ရတနာပုံ အသင်းသည် ရာသီအစတွင် ရလဒ်များ ဆိုးရွားခဲ့သော်လည်း ပြီးခဲ့သည့်ပွဲစဉ် (၅)တွင် အဓိကပြိုင်ဘက် ဇေယျာရွှေမြေ အသင်းကို အနိုင်ရပြီး လမ်းကြောင်းမှန်ပေါ် ပြန်လည်ရောက်ရှိလာသည့် အသင်းလည်း ဖြစ်သည်။ KBZ အသင်းသည် လက်ရှိတွင် အမှတ်ပေးဇယား တတိယ နေရာတွင် ရပ်တည်နေသည့် အသင်းလည်း ဖြစ်သည်။

အမှတ်ပေးဇယား ဒုတိယနေရာမှ ဇေယျာရွှေမြေ အသင်းသည် အိမ်ကွင်း၌ ရခိုင်အသင်းနှင့် ကစားရမည်ဖြစ်ပြီး မကွေးအသင်းမှာလည်း ဟံသာဝတီ အသင်းနှင့် တွေ့ဆုံနေလျက် ရှိသည်။ ပွဲစဉ် (၅)အပြီးတွင် ရန်ကုန်အသင်းက ထိပ်ဆုံးနေရာတွင် ဦးဆောင်နေပြီး ဇေယျာရွှေမြေ အသင်းက ဒုတိယ၊ KBZ အသင်းက တတိယနေရာတို့တွင် ရပ်တည်နေသည်။ ပြိုင်ပွဲဝင် အသင်း ၁၂ သင်းတွင် မနောမြေနှင့် ရခိုင်တို့မှာ အမှတ်မရရှိသေးပေ။

ပြည်သူလက်ဝယ်သုံးစွဲနေသော FEC ယူနစ်ပေါင်းသန်း ၃၀ ကျော်ကို ဒေါ်လာ(သို့) ကျပ်ငွေဖြင့် လဲလှယ်ပေးမည့် အစီအစဉ်ကို ပြည်ထောင်စုလွှတ်တော် အတည်ပြု

အများပြည်သူလက်ဝယ် လှည့်လည်သုံးစွဲလျက်ရှိသည့် FEC ယူနစ်ပေါင်း ၃၀ ဒသမ ၉၂ သန်းကျော်ကို တန်ဖိုးညီမျှသော အမေရိကန်ဒေါ်လာ (သို့မဟုတ်)မြန်မာကျပ်ငွေဖြင့် လဲလှယ်ပေးမည့် အစီအစဉ်ကို ပြည်ထောင်စုလွှတ်တော်က မတ် ၂၀ ရက် တွင် အတည်ပြုခဲ့သည်။

နိုင်ငံတော်သမ္မတ ဦးသိန်းစိန်က နိုင်ငံတော်၏ စီးပွားရေးစနစ်အတွင်း ကြားခံအဖြစ် သတ်မှတ်သုံးစွဲလျက်ရှိသော FEC အား ပြန်လည်ရွေးနုတ်မည့် အစီအစဉ်နှင့် ပတ်သက်၍ ပြည်ထောင်စုလွှတ်တော်သို့ သ၀ဏ်လွှာပေးပို့ခဲ့ပြီး ပြည်ထောင်စုလွှတ်တော်၏ သဘောတူညီချက် ရယူရာတွင် လွှတ်တော်ကိုယ်စားလှယ် အားလုံး၏ သဘောတူညီချက်ဖြင့် အတည်ပြုခဲ့ခြင်း ဖြစ်သည်။
    
နိုင်ငံတော်သမ္မတ၏ သ၀ဏ်လွှာတွင် ''၂၇-၁-၁၉၉၃ တွင် ကျင်းပသော အစိုးရအဖွဲ့အစည်းအဝေး အမှတ်စဉ် (၄/၉၃)၏ သဘောတူခွင့်ပြုချက်ဖြင့်  ၄-၂-၁၉၉၃ ရက်နေ့မှစ၍ မြန်မာနိုင်ငံတော်ဗဟိုဘဏ်က နိုင်ငံတော်၏ကိုယ်စား နိုင်ငံခြားငွေလက်မှတ်(FEC) များ ထုတ်ဝေခဲ့ပါသည်။ FEC တစ်ယူနစ် သည် အမေရိကန်တစ်ဒေါ်လာနှင့် တန်ဖိုးတူညီပြီး ၃၁-၁၂-၂၀၁၂ ရက်ရှိ အများပြည်သူလက်ဝယ် လှည့်လည် သုံးစွဲလျက်ရှိသည့် FEC ယူနစ်မှာ ၃၀ ဒသမ ၉၂ သန်းရှိပါသည်'' ဟူ၍ ပါရှိပါသည်။
    
ထို့ပြင် ''နိုင်ငံခြားငွေ လဲလှယ်နှုန်း စနစ်သစ်အရ နိုင်ငံခြားငွေ လက်ဝယ်ထားရှိခြင်း၊ ကိုင်တွယ်သုံးစွဲခြင်း၊ လွှဲပြောင်းပေးချေခြင်းများ ပြုလုပ်နိုင်သဖြင့် နိုင်ငံတော်၏ စီးပွားရေးစနစ်အတွင်း FEC အား ကြားခံအဖြစ် သုံးစွဲရန် မလိုအပ်တော့ကြောင်း တွေ့ရှိရပါသည်။ FEC ကို ကြားခံထားခြင်းကြောင့် နိုင်ငံခြားငွေလဲလှယ်နှုန်း အမျိုးမျိုးကို ဖြစ်ပေါ်စေသဖြင့် တန်ဖိုးညီမျှသော အမေရိကန်ဒေါ်လာ(သို့မဟုတ်) မြန်မာကျပ်ငွေဖြင့် ပြန်လည်လဲလှယ်ပေးပြီး ပြည်သူများလက်ဝယ်ရှိ FEC များကို ပြန်လည်ရွေးနုတ်ယူသင့်ကြောင်း၊ ထိုသို့ ဆောင်ရွက်မည့် အစီအစဉ်ကို ၂၀၁၃ ခုနှစ် မတ်လတွင် အများပြည်သူသို့ အသိပေးကြေညာသင့်ကြောင်း၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့၏ မေခရို စီးပွားရေးအခြေအနေ စောင့်ကြည့်အကဲဖြတ်မည့် အစီအစဉ်က အကြံပြုခဲ့ပါသည်။

FEC များ ပြန်လည်ရွေးနုတ်ယူခြင်းကို မြန်မာနိုင်ငံတော်ဗဟိုဘဏ်၊ နိုင်ငံပိုင်ဘဏ်များ၊ ပုဂ္ဂလိကဘဏ်များနှင့် ဆက်စပ်အဖွဲ့အစည်းများ ပူးပေါင်းလျက် စနစ်တကျ ဆောင်ရွက်မည်ဖြစ်ပါသည်''ဟု ပါရှိသည်။

အိန္ဒိယ-အာဆီယံ လွတ်လပ် ကုန်သွယ်မှုကိစ္စ မြန်မာနယ်စပ်ရှိ NGO အဖွဲ့များ စိုးရိမ်

အိန္ဒိယနှင့် အာဆီယံနိုင်ငံများအကြား ၂၀၁၂ ခုနှစ်၊ ဒီဇင်ဘာလအတွင်းက သဘောတူခဲ့ကြသည့် လွတ်လပ်စွာ ကုန်သွယ်မှု (FTA)မှာ ပိုမိုပွင့်လင်းသော လုပ်ငန်းစဉ် ရှိရန် မြန်မာ နယ်စပ်ရှိ အိန္ဒိယ လူမှုအဖွဲ့အစည်းများက
တောင်းဆိုလိုက်ကြသည်။

မြန်မာနိုင်ငံနှင့် နယ်နိမိတ်ချင်း ထိစပ်နေသည့် အိန္ဒိယနိုင်ငံ အရှေ့မြောက်ပြည်နယ်များရှိ The North East Peoples Alliance ၊ Forum for Indigenous Perspectives and Action ၊ Center for Organization, Research and Education နှင့် Women in Governance (WinG) တို့က ထိုင်းအစိုးရ ဝန်ကြီးချုပ်ရုံး အမြဲတမ်း ကိုယ်စားလှယ်
ဒေါက်တာ Nalinee Taveesin ထံသို့ FTA ညှိနှိုင်း ဆွေးနွေးမှုတရပ်ကို တင်ပြခဲ့ကြကြောင်း မဏိပူရပြည်နယ် အခြေစိုက် Imphal Free Press သတင်းစာက ရေးသားထားသည်။

ပိုမိုပွင့်လင်းမြင်သာမှု ရှိမှသာ ညှိနှိုင်းဆွေးနွေးထားမှုနှင့် ကွာဟမှုကို အများပြည်သူသို့ သိရှိစေပြီး ၎င်းတို့၏ စိုးရိမ် ပူပန်မှုများကို အပြည့်အဝ နားလည်သဘောပေါက်မည်ဟု ၎င်းတို့က ဆိုသည်။

အထိန်းအကွပ်မဲ့ ကုန်သွယ်မှုနှင့် ရင်းနှီးမြှုပ်နှံမှု ပုံစံဖြင့် ဖွံ့ဖြိုးတိုးတက်မှုကို အာမခံစေခြင်းသည် လူထုဘဝနှင့် ၎င်းတို့၏ ဝန်းကျင်တွင် ကသောင်းကနင်း ဖြစ်နိုင်ကြောင်း ထောက်ပြထားသည်။

မြန်မာနိုင်ငံသည် အာဆီယံနှင့် အိန္ဒိယ အပါအဝင် တောင်အာရှနိုင်ငံများအကြား ပေါင်းကူး ကုန်းမြေတရပ်အဖြစ် တည်ရှိနေသည်။

အိန္ဒိယနှင့် အာဆီယံနိုင်ငံများအကြား စီးပွားရေး ဆက်ဆံမှုများ ပိုမို အားကောင်းလာစေရေး အတွက် အခရာကျလှသည့် ဝန်ဆောင်မှုနှင့် ရင်းနှီးမြှုပ်နှံမှုတွင် လွတ်လပ်သော ကုန်သွယ်ရေး သဘောတူညီမှု (FTA) တရပ်ကို ယမန်နှစ် ဒီဇင်ဘာလ ၂၀ ရက်နေ့က အပြီးသတ် ဆွေးနွေးနိုင်ခဲ့ကြသည်။

"အိန္ဒိယ အရှေ့မြောက်တလျှောက် လွတ်လပ်စွာ ကုန်သွယ်မှု သဘောတူညီချက် (FTA) ကို ၁၉၉၅ အိန္ဒိယ-မြန်မာ နယ်စပ်ကုန်သွယ်ရေး အတွေ့အကြုံ သတင်းအချက်အလက်များ ပေးရပါမည်။ ထို အတွေ့အကြုံအရ ဒေသတွင်း ထုတ်ကုန်အရင်းခံများ ပျက်စီးမှု ကြုံခဲ့ရသည်။ အိန္ဒိယ-အာဆီယံ FTA အကောင်အထည်မဖေါ်မီ တူညီသော အကဲဖြတ် ဆောင်ရွက်မှုတခု လုပ်ရပေမည်" ဟု ဖေါ်ပြသည်။

ဇီဝမျိုးကွဲနှင့် ယဉ်ကျေးမှု၊ သတ္တု၊ ရေအား စွမ်းအင် အရင်းအမြစ်များအရ အိန္ဒိယ အရှေ့မြောက်သည် မျိုးကွဲ အစုံလင်ဆုံး ဒေသတခုဖြစ်ပြီး သဘာဝရင်းမြစ်များ ထုတ်ယူ သုံးစွဲသော လုပ်ငန်းများနှင့် ရေအရင်းအမြစ် စွမ်းအင် ထုတ်ယူမှုများကြောင့် ဒေသခံများ ရွှေ့ပြောင်းမှုများနှင့် အသက်မွေးဝမ်းကျောင်း ထိခိုက်ရမှုများ ရှိလာနိုင်သည်ကို ယင်းတင်ပြချက်တွင် မီးမောင်းထိုးပြခဲ့သည်။ အတိတ်ကာလက ဧရာမ ဆည်ကြီးများကြောင့် ဒေသတွင်း သဘာဝ ဝန်းကျင် ထိခိုက်ခဲ့ရမှုများကိုလည်း အသားပေး ဖေါ်ပြထားသည်။

ထို့ကြောင့် နိုင်ငံတကာ လူ့အခွင့်အရေး စံများအရ လူမှုကဏ္ဍ တင်းကျပ်မှုများ လိုအပ်ကြောင်း တင်ပြချက်က ဆိုသည်။

လွတ်လပ်စွာ ကုန်သွယ်ရေး သဘောတူညီမှု လုပ်ငန်းစဉ်နှင့် ယင်းကို အကောင်အထည် ဖေါ်ခြင်းကို ကုလသမဂ္ဂ၏
ဒေသခံလူထု အခွင့်အရေးဆိုင်ရာ ကြေညာချက်၊ အပြည်ပြည်ဆိုင်ရာ အလုပ်သမားအဖွဲ့ချုပ်(ILO) ၁၆၉၊ ကုလသမဂ္ဂ၏ စီးပွားရေးနှင့် လူ့အခွင့်အရေးဆိုင်ရာ လက်ရှိ ညွှန်ကြားချက်တို့ကို စောင့်ထိန်းသည့်အနေဖြင့် အရှေ့မြောက်ဒေသ လူထု အခွင့်အရေးများအရ အသိပေးရမည်ဟုလည်း အိန္ဒိယ NGO အဖွဲ့များ၏ တင်ပြချက်တွင် ထပ်မံဖေါ်ပြထားသည်။

လက်ရှိ အိန္ဒိယ-အာဆီယံ ကုန်သွယ်မှု ပမာဏမှာ အမေရိကန်ဒေါ်လာ ၈ဝ ဘီလီယံ ရှိနေပြီး လွတ်လပ်စွာ ကုန်သွယ်မှု
နောက် ၂ဝ၁၅ ခုနှစ်တွင် နှစ်ဖက် ကုန်သွယ်မှုကို ဒေါ်လာ ၁ဝဝ ဘီလီယံ ရောက်ရန် ရည်ရွယ်ထားကြသည်။

မြန်မာနှင့် အိန္ဒိယ နယ်စပ်ကုန်သွယ်ရေးမှာ လက်ရှိ ဘဏ္ဍာနှစ်တွင် လျာထားချက်ထက် ကျော်လွန်ခဲ့သည်ဟု မဇ္ဈိမက စုံစမ်းသိရှိရသည်။ မတ်လ ကုန်အထိ ဒေါ်လာ ၂၂ သန်း ကုန်သွယ်နိုင်ရန် လျာထားခဲ့ရာ မတ်လ ၁ ရက်နေ့တွင်ပင် လျာထားချက် ကျော်စွာ ကုန်သွယ်နိုင်ခဲ့ကြောင်း တမူး နယ်စပ်ကုန်သွယ်ရေးစခန်းမှ တာဝန်ရှိသူတဦးက ပြောဆိုသည်။

ထို့ပြင် ၁၉၈၈ မိုင် ရှည်လျားသည့် အိန္ဒိယ-မြန်မာ-ထိုင်း အဝေးပြေး ကားလမ်းမကြီးကို ၂၀၁၆ ခုနှစ်တွင် အပြီး
ဖောက်လုပ်ရန် အိန္ဒိယဘက်မှ စိုင်းပြင်းလျက်ရှိသည်။

၂၀၀၈ ဖွဲ့စည်းပုံ ပြင်ရေး ရှမ်းနှင့် ကယား ညီလာခံ ဆွေးနွေး

ချင်းမိုင်(မဇ္စျိမ)။   ။ တိုင်းရင်းသားများနှင့် ငြိမ်းချမ်းရေး ရရန်အတွက် လက်ရှိ နိုင်ငံတော် ဖွဲ့စည်းပုံ အခြေခံဥပဒေကို
ပြင်ရန်လိုအပ်ကြောင်း ယနေ့ စတင်ကျင်းပနေသည့် ရှမ်းနှင့် ကယားပြည်နယ်ရှိ လက်နက်ကိုင်နှင့် နိုင်ငံရေးပါတီများ ညီလာခံတွင် ဆွေးနွေးသဘောတူညီခဲ့ကြသည်ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)က ပြောသည်။

'ငြိမ်းချမ်းရေးအတွက် ယုံကြည်မှု တည်ဆောက်ခြင်း ဆွေးနွေးပွဲ' တွင် အဖွဲ့အစည်းပေါင်း အနည်းဆုံး ၇ ဖွဲ့ခန့်
ဆွေးနွေးခဲ့ကြပြီး အကျိုးရလဒ်အဖြစ် ငြိမ်းချမ်းရေး အမှန်တကယ် လိုလားနေခြင်းကို တွေ့ရှိရကြောင်း ဦးဆောင် စီစဉ်သည့် SNLD ပြောခွင့်ရပုဂ္ဂိုလ် ဦးစိုင်းလိတ် က ပြောသည်။

"အားလုံးဆွေးနွေးတာက ဖွဲ့စည်းပုံ ဥပဒေကို မဖြစ်မနေပြင်ဖို့ ဆိုတာ တွေ့ရတယ်။ ငြိမ်းချမ်ရေး လမ်းစပေါ်
နေတယ်ဆိုတာ ကျနော်တွေ့ရပါတယ်။ ဖွဲ့စည်းပုံဥပဒေ ပြင်နိုင်ဖို့ လမ်းစပေါ်နေတယ်လို့ ဒါက ကောင်းတဲ့အချက်လို့ ကျနော် သုံးသပ်လို့ ရပါတယ်" ဟု မဇ္စျိမကို ပြောသည်။

ထို့ပြင် ရေရှည် တည်တံ့သည့် ငြိမ်းချမ်းရေး ဖြစ်ပေါ်ရေးအတွက် သက်ဆိုင်သူများအကြား ခိုင်မာသည့် ယုံကြည်မှု တည်ဆောက်ရန် လိုကြောင်း ဦးခွန်ထွန်းဦး က ၎င်း၏ အဖွင့်မိန့်ခွန်းတွင် ပြောဆိုသွားခဲ့သည်ဟု ညီလာခံ တက်ရောက်ခဲ့သူ ဦးစိုင်းလိတ်က ပြောသည်။

"ဖွဲ့စည်းပုံဥပဒေရဲ့ မှားယွင်းချက်ကြောင့် တိုင်းရင်းသား အချင်းချင်းကြား မညီညွတ်ဖြစ်ပြီး တိုက်ပွဲတွေ ဖြစ်ပေါ်တယ်။
ရေရှည်တည်တံ့တဲ့ ငြိမ်းချမ်းရေး ဖြစ်ပေါ်ဖို့ ဆိုရင် တိုင်းရင်းသား အချင်းချင်းကြားမှာရော၊ တိုင်းရင်းသားနဲ့ အစိုးရကြားမှာ ခိုင်မာတဲ့ ယုံကြည်မှု တည်ဆောက်ရမယ်။ ဒါမှ အားလုံးမျှော်မှန်းတဲ့ ဖယ်ဒရယ် ပြည်ထောင်စု ဖြစ်ပေါ်
ရးအတွက်ကို ဖွဲ့စည်းပုံအခြေခံ ဥပဒေတရပ် ရေးဆွဲပြီးတော့မှ ရှေ့ဆက်လှမ်းနိုင်မယ်" ဟု ပြောပြသည်။

လားရှိုးမြို့တွင် ကျင်းပသည့် အဆိုပါ ညီလာခံသို့ လူဦးရေ စုစုပေါင်း ၁၈၄ ဦး တက်ရောက်နေပြီး နံနက် ၉ နာရီမှ ညနေ ၄ နာရီထိ ဆွေးနွေးခဲ့သည်ဟု သိရသည်။ 

ဦးခွန်ထွန်းဦး အပြင် ဝန်ကြီးဦးအောင်မင်း၊ နိုင်ငံရေးပါတီများ ကိုယ်စား ဦးအေးသာအောင်၊ လက်နက်ကိုင် အဖွဲ့အစည်းများ ကိုယ်စား SSPP မှ ဗိုလ်ချုပ်ဆေထင်က အဖွင့် မိန့်ခွန်းများ ပြောကြားခဲ့သည်။ 

ဝန်ကြီး ဦးအောင်မင်းက ငြိမ်းချမ်းရေး ရရှိရန် အထူးလိုအပ်နေသဖြင့် အခက်အခဲ ကြုံတွေ့နိုင်သော်လည်း တိုင်းရင်းသားများနှင့် တပ်မတော်အစိုးရကပါ ငြိမ်းချမ်းရေး ဖော်ဆောင်ရေး လုပ်ငန်းတွင် ပါဝင်ပူးပေါင်းရန် လိုအပ်သည်ဟု ပြောကြားခဲ့သည်။

ဖွဲ့စည်းပုံ အခြေခံဥပဒေ လေ့လာသုံးသပ်ရေး ကော်မတီနှင့် ကော်မရှင်များ ဖွဲ့စည်းရေး အရေးကြီး အဆိုကို မတ်လ ၁၅ ရက်နေ့က ကျင်းပသည့် ပြည်သူ့လွှတ်တော် အစည်းအဝေးတွင် အတည်ပြုခဲ့ပြီး ဖြစ်သည်။

ယနေ့ ညီလာခံသို့ လေ့လာသူများအဖြစ် အဖွဲ့အစည်းပေါင်း ၁၉ ဖွဲ့မှ ကိုယ်စားလှယ်များ တက်ရောက်ခဲ့ကြပြီး အင်္ဂလန်၊ အမေရိကန်၊ အင်ဒိုနီးရှာ၊ ဘရူနိုင်း သံရုံးများမှ ကိုယ်စားလှယ်များလည်း တက်ရောက်ခဲ့ကြသည်။

ရှမ်းပြည်နယ်နှင့် ကယားပြည်နယ်အတွင်းရှိ လားဟူ၊ ကိုးကန့်၊ ရှမ်း၊ ဝ၊ တအောင်း(ပလောင်)၊ ဓနု၊ အင်း၊ ပအိုဝ်း၊ ကယန်း၊ ကရင်နီ စသည့် တိုင်းရင်းသား လူမျိုးပေါင်းစုံ ပါဝင်သည့် နိုင်ငံရေးပါတီနှင့် လက်နက်ကိုင် အဖွဲ့အစည်းများမှ အဖွဲ့ပေါင်း ၂၅ ဖွဲ့ ဖိတ်ခေါ်ခဲ့ရာမှ ၂၁ ဖွဲ့ တက်ရောက်ခဲ့ခြင်း ဖြစ်သည်။

သို့သော် ရှမ်းတိုင်းရင်းသားများဒီမိုကရက်တစ်ပါတီမှ မြို့နယ်အဆင့် ကိုယ်စားလှယ်သာ တက်ရောက်ခဲ့ပြီး ဝ ဒီမိုကရက်တစ်ပါတီ၊ ပအိုဝ့် အမျိုးသားလွတ်မြောက်ရေးအဖွဲ့ PNLO နှင့် ကရင်နီ အမျိုးသား တိုးတက်ရေးပါတီ KNPP တို့ တက်ရောက်နိုင်ခြင်း မရှိခဲ့ပေ။ 

PNLO မှာ ပြည်ထောင်စုအဆင့် ငြိမ်းချမ်းရေးဆွေးနွေးပွဲအတွက် ပြင်ဆင်မှုများ ရှိနေသဖြင့် ထိုညီလာခံသို့ တက်ရောက်လာခြင်း မရှိကြောင်း အဖွဲ့မှ ဥက္ကဋ္ဌ နိုလ်မှူးကြီး ခွန်ဥက္ကာ က မဇ္စျိမကို ပြောဆိုထားသည်။

အပစ်အခတ် ရပ်စဲရေး လက်မှတ်ရေးထိုးပြီးသော KNPP ပါတီကမူ ထိုညီလာခံ၏ ရည်မှန်းချက် အသေးစိတ်မသိရ သဖြင့် တက်ရောက်ခြင်း မရှိကြောင်း ပါတီ၏ အထွေထွေအတွင်းရေးမှူး(၁) ခူဦးရယ် က ပြောသည်။

"တကယ်တန်း ညီလာခံရဲ့ ရည်ရွယ်ချက်၊ ဘယ်ပုံစံနဲ့ သွားကြမယ်။ ဘယ်လို ရှိတယ်ဆိုတာ ကျနော်တို့ အဆက်အစပ် မရှိဘူး။ နောက်ပြီး သူတို့က ငြိမ်းချမ်းရေး ဖြစ်စဉ်ကို ပံ့ပိုးဖြစ်မယ်ဆိုတဲ့ ရည်ရွယ်ချက်တော့ ပြောပါတယ်။ သို့သော် ဘယ်လိုသွားမယ်ဆိုတာ အသေးမသိတဲ့ အခါကျတော့ မသေချာ မရေရာဘဲ၊ တစုံတရာ ဂဃနဏ မသိဘဲ ကျနော်တို့ သွားတာမျိုး မဖြစ်သင့်ဘူးဆိုပြီး မတက်တာပါ" ဟု မဇ္စျိမကို ရှင်းပြသည်။ 

အစိုးရထဲမှ ဝန်ကြီး ဦးအောင်မင်း အပြင် လျှပ်စစ်စွမ်းအားဝန်ကြီး ဦးခင်မောင်စိုး၊ သစ်တောဝန်ကြီး ဦးဝင်းထွန်းတို့ အပြင် ငြိမ်းချမ်းရေး စင်တာမှ အကျိုးဆောင် ဦးလှမောင်ရွှေ၊ ဒါရိုက်တာအဖွဲ့ဝင် ဒေါက်တာမင်းဇော်ဦးနှင့် ဦးအောင်နိုင်ဦးတို့လည်း တက်ရောက်ကြသည်။ 

၂၀၁၂ ခုနှစ်၊ နိုဝင်ဘာလအတွင်းကလည်း ရှမ်း နိုင်ငံရေးပါတီနှင့် လက်နက်ကိုင် အဖွဲ့အစည်းများ ပါဝင်သော ပထမဆုံး ညီလာခံတရပ်ကို ရန်ကုန်မြို့တွင် "ငြိမ်းချမ်းရေးအတွက် ယုံကြည်မှု တည်ဆောက်ခြင်း" ခေါင်းစဉ်ဖြင့် ကျင်းပခဲ့သည်။ ယခုတကြိမ် ညီလာခံသည် ဒုတိယအကြိမ် ကျင်းပနေခြင်း ဖြစ်ပြီး ကယား အဖွဲ့အစည်းများပါ ဖိတ်ခေါ်ကျင်းပခြင်း ဖြစ်သည်။

ပထမ ညီလာခံ ပြီးနောက် ဒီဇင်ဘာလအတွင်း SNLD ပါတီ အဖွဲ့ဝင်များ ရှမ်းပြည်နယ်နှင့် ကယားပြည်နယ်သို့
လေ့လာရေးခရီးစဉ်သွားရောက်စဉ် ဒေသခံ ပြည်သူများနှင့် တွေ့ဆုံခဲ့ရာ ကယား ပြည်သူလူထုနှင့် ရှမ်းပြည်သူလူထု၏ လိုအပ်ချက်၊ နိုင်ငံရေး ရည်မှန်းချက်များ ထပ်တူ ခံစားနေရသည်ကို တွေ့ရှိရ၍ ယခုကဲ့သို့ ပူးပေါင်း၍ ညီလာခံကို ကျင်းပရခြင်း ဖြစ်သည်ဟု ဦးစိုင်းလိတ်က မဇ္စျိမကို မကြာမီက ပြောဆိုခဲ့သည်။

ညီလာခံ ဒုတိယနေ့ဖြစ်သည့် ကြာသပတေးနေ့တွင် ချင်းမိုင်အခြေစိုက် ရှမ်းသံတော်ဆင့် သတင်းဌာနမှ အယ်ဒီတာချုပ် ဦးခွန်ဆိုင်း၊ ရှေ့နေများကွန်ယက်မှ တရားလွှတ်တော်ရှေ့နေ ဦးလှထွန်း၊ မြန်မာ ငြိမ်းချမ်းရေး စင်တာ မှ ဒေါက်တာမင်းဇော်ဦးတို့ ဆွေးနွေးကြမည် ဖြစ်သည်။

ဦးအောင်မင်းနှင့် PNLO ရန်ကုန်မြို့မှာ ဆွေးနွေးမည်

ချင်းမိုင်(မဇ္စျိမ)။   ။ အပစ်အခတ် ရပ်စဲဖြစ်ပြီးသော ပအိုဝ်းအမျိုးသား လွတ်မြောက်ရေး အဖွဲ့ PNLO နှင့် အစိုးရ ငြိမ်းချမ်းရေးအဖွဲ့တို့ မတ်လ ၂၂ နှင့် ၂၃ ရက်နေ့များတွင် ပြည်ထောင်စုအဆင့် ငြိမ်းချမ်းရေး ဆွေးနွေးမည် ဖြစ်သည်။

ရန်ကုန်မြို့ရှိ ငြိမ်းချမ်းရေးစင်တာတွင် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒု-ဥက္ကဋ္ဌ ဦးအောင်မင်း ဦးဆောင်သော ကိုယ်စားလှယ်များနှင့် PNLO ဥက္ကဋ္ဌ ဗိုလ်မှူးကြီး ခွန်ဥက္ကာ ပါဝင်သော ကိုယ်စားလှယ်အဖွဲ့တို့
ဆွေးနွေးမည်ဟု ဗိုလ်မှူးကြီး က ပြောသည်။ 

"ကျနော်တို့ ပြည်ထောင်စုအဆင့် တွေ့ဖို့ ရှိတယ်။ ဦးကြီး ဦးအောင်မင်းဆီက ဖိတ်စာရောက်လာလို့ ကျနော်တို့ ထွက်လာတာ။ သူတို့ အစိုးရဘက်က လာကြိုတယ်။ ခု သထုံရောက်ပြီ။ မနက်ဖြန် ရန်ကုန်ဝင်မယ်။ ကိုယ်စားလှယ် ၁၅ ယောက် တက်မယ်။ ၅ ယောက်က ရန်ကုန်မှာ ရောက်နေပြီ" ဟု PNLO ဥက္ကဋ္ဌ က မဇ္ဈိမကို ပြောသည်။ 

ထိုဆွေးနွေးပွဲအတွက် ပြင်ဆင်မှုများ ပြုလုပ်နေရသဖြင့် ယနေ့ လားရှိူးမြို့တွင် စတင်ကျင်းပနေသော ရှမ်းနှင့်ကယား ပါတီအဖွဲ့အစည်းများ ညီလာခံသို့ တက်ရောက်နိုင်ခြင်း မရှိကြောင်း သူက မဇ္စျိမကို ပြောသည်။ 

PNLO သည် အစိုးရ ငြိမ်းချမ်းရေးအဖွဲ့နှင့် ထိုင်းနိုင်ငံတွင် အလွတ်သဘော နှစ်ကြိမ် တွေ့ဆုံပြီးနောက် ၂၀၁၂ ခုနှစ်၊ သြဂုတ်လ ၂၅ ရက်နေ့က ပြည်နယ်အဆင့် ပထမဆုံးအကြိမ် အပစ်အခတ် ရပ်စဲရေးသဘောတူ လက်မှတ်ရေးထိုးခဲ့ သည်။ 

သဘောတူညီချက်အရ PNLO ၏ ဆက်ဆံရေးရုံးများကို ရှမ်းပြည်နယ်ရှိ တောင်ကြီး၊ မောက်မယ်နှင့် ဆီဆိုင်မြို့များတွင် ဖွင့်လှစ်ရန် သဘောတူခဲ့ပြီး မွန်ပြည်နယ်ရှိ သထုံမြို့တွင် ဆက်ဆံရေးရုံး ဖွင့်လှစ်ရန် ဆွေးနွေးပွဲတွင် ညှိနှိုင်းသွားရန် ရှိသည်။ 

ထို့ပြင် အပစ်အခတ် ရပ်စဲမှု ခိုင်မာရေး၊ နှစ်ဖက် တပ်ဖွဲ့ဝင်များ လိုက်နာရမည့် စည်းကမ်းချက်များ သတ်မှတ်နိုင်ရေး၊ ဆက်ဆံရေးရုံး လုပ်ငန်း လည်ပတ်နိုင်ရန်အတွက် ကူညီပံ့ပိုးရေး၊ PNLO/PNLA တပ်ဖွဲ့ဝင်များ၏ တပ်တည်နေရာ ညှိနှိုင်းရေး၊ မူးယစ်ဆေးဝါး တိုက်ဖျက်ရေးတွင် ပူးပေါင်းဆောင်ရွက်ရေး စသည်တို့ကို ဆွေးနွေးရန် သဘောတူ ထားကြပြီး ဖြစ်သည်။

PNLO ကို ၂၀၀၉ ခုနှစ်၊ ဒီဇင်ဘာလတွင် ပြုလုပ်သည့် ပအိုဝ်း အမျိုးသား ညီလာခံမှ စတင် ဖွဲ့စည်းခဲ့ပြီး ရှမ်းပြည်နယ်နှင့် ကယားပြည်နယ် နယ်စပ်တွင် လှုပ်ရှားလျက် ရှိကာ လက်နက်ကိုင် တပ်ဖွဲ့ဝင် အင်အား ၂၀၀ ကျော် ရှိကြောင်း သိရသည်။ ထို့အပြင် တိုင်းရင်းသား တန်းအခွင့်အရေး အတွက် ဖွဲ့စည်းထားသော လက်နက်ကိုင်အဖွဲ့ ၁၁ ဖွဲ့ပါ ညီညွတ်သော တိုင်းရင်းသားလူမျိုးများကောင်စီ UNFC တွင် အဖွဲ့ဝင် ဖြစ်သည်။

ဂါလံ ၅၀၀ ထုတ်ပေးနိုင်သည့် ဒီဇယ်ဖြူ ပြီးနောက် ဓါတ်ဆီဖြူ လာတော့မည်

ဒီဇယ်မှဒီဇယ်ဖြူ(White Diesel)ပြောင်းလဲထုတ်လုပ်လိုပါက တစ်ရက်လျှင် ဂါလံ ၅၀၀ခန့် ပြည်တွင်း၌ပင် ထုတ်ပေးနိုင်ကြောင်း စက်မှုနှင့် စက်သုံးဆီထုတ်လုပ်ရေးအင်ဂျင်နီယာသုတေသီများထံက သိရသည်။

 

ရွေ့လျားဒီဇယ်ဖြူ (White Diesel)ထုတ်စက်အား မည်သည့်နေရာဒေသတွင် မဆို လိုအပ်၍ ခေါ်ယူလိုပါ ထုတ်လုပ်ပေးနိုင်ကြောင်းကိုလည်း အင်ဂျင်နီယာသုတေသီဦးကျာ်ကျော်က ဆိုသည်။

 

"အခုထုတ်မဲ့စနစ်က မော်တော်ကားပေါ်မှာ ဒီဇယ်ဖြူထုတ်စက်ကို တင်ထားပြီးတစ်ဘက်က ဒီဇယ်ထည့်လိုက်ရင် နောက် တစ်ဘက်ကနေသူ့အချိန်၊ သတ်မှတ်တဲ့ မိနစ်ပြည့်ပြီဆိုတာနဲ့ ဒီဇယ်ဖြူအဖြစ် ပြန်ထုတ်ပေးမှာပါ၊ တစ်ရက်ကိုဂါလံ ၅၀၀ စပြီး၊ ထုတ်ပေးနေပါပြီ၊ မန္တလေးက ခေါ်မယ်ဆို မန္တလေးကို ဒီကား ရွှေ့သွားယုံဘဲ၊ ဘယ်ကခေါ် ခေါ် အလွယ်တကူသွားလို့ ရပါတယ်"ဟု အင်ဂျင်နီယာသုတေသီ ဦးကျော်ကျော်က ပြောသည်။

 

အဆိုပါ ဒီဇယ်ဖြူကို သုံးစွဲခြင်းအားဖြင့် သဘာဝပတ်ဝန်းကျင်ကို ထိန်းသိမ်းရာရောက်သည့်အပြင်ဒီဇယ်ဂါလံ ၁၀၀ အပ်လျှင်ပြောင်းလဲပြီးဒီဇယ်ဖြူ ၁၂၅ ဂါလံရရှိမှာဖြစ်သည့်အတွက် ဂါလံအရေအတွက်များလျှင် အပ်နှံသူ ဘက်မှ ပို၍တွက်ခြေကိုက်ကြောင်း သိရသည်။

 

"မီးရထား၊ သင်္ဘော၊ ကားတွေကနေ နေ့စဉ်ထွက်လာတဲ့အဆိပ်ငွေ့တွေ ကာဗွန်ဒိုင်အောက်ဆိုဒ်ရှိမယ်၊ ကာဗွန်မို နော့ဆိုဒ်၊ ကာဗွန်ဟိုက်ဒြောဆိုဒ် အားလုံးကို ဒီဇယ်ဖြူက လျှော့ချပေးနိုင်တယ်၊ ဒါ့အပြင် ဒီဇယ်ဂါလံ ၁၀၀၀ လာအပ်ရင် ဒီဇယ်ဖြူ ၁၂၅၀ ဂါလံရမယ်၊ဒီဇယ်ပေပါ အလုံး ၁၀၀ အပ်ရင် ဒီဇယ်ဖြူ ၁၂၅ လုံးပြန်ရမယ်၊ ကိုယ်က ၁ ဂါလံ Convert လုပ်ခ ၂၅၀- ၃၀၀ ပဲယူမယ်၊ လာအပ်တဲ့သူကိုလည်း ကိုယ့်ထက်ပိုများများရစေ ချင်တယ်"ဟု အင်ဂျင်နီယာသုတေသီဦးကျော်ကျော်မှပြောသည်။

 

အဆိုပါ White Diesel ထုတ်စက်နှင့် နည်းပညာများကိုမြန်မာပြည်တွင်း၌သာ ပြုလုပ်ခြင်းဖြစ်ပြီး ဒီဇယ်မှ ဒီဇယ်ဖြူ ရရှိစေရန် ရေ၊ဒီဇယ်နှင့်သဘာဝအော်ဂဲနစ်မှထုတ်ယူထားသည့်ဓာတု ပစ္စည်းပါဝင်ကြောင်းနှင့် ကားများ မီးစက် များ လယ်ထွန်စက်များအား ဒီဇယ်လုံးဝမသုံးဘဲ၊ ပြောင်းလဲထားသော ဒီဇယ်ဖြူ တစ်မျိုးထဲနှင့်သာ စမ်းသပ်   မောင်းနှင်ပြီးဖြစ်ကြောင်း သိရသည်။

 

"ပထမဆုံး White Diesel နဲ့ တစ်လုံးအင်ဂျင်ကိုမောင်းတယ်၊အဲ့ဒီ့ကနေတဆင့်ထပ်မြှင့်ပြီး ၂၀၀၀ CC လိုက်ထရပ် ဇုန်ထုတ်ကားကို မောင်းတယ်၊ မုံရွာမှာ သီဟထွန်းကုမ္ပဏီက ထုတ်တဲ့မြင်းကောင်ရေ ၂၂ ကောင်အားရှိတဲ့ လယ်ထွန်စက်မှာသုံးတဲ့ အင်ဂျင်ကိုဘာ ဒီဇယ်မှမပါပဲ ဒီဇယ်အကုန်ဖောက်ချပြီး White Diesel အင်ဂျင်ထဲ ထည့်ပြီး မောင်းပြခဲ့တယ်"ဟု အင်ဂျင်နီယာသုတေသီတစ်ဦးက ပြောသည်။

 

ဒီဇယ်ဖြူကို ၂၀၁၀ ခုနှစ် ဇူလိုင်လမှစတင်၍ စမ်းသပ်မူများပြုလုပ်ခဲ့ပြီး ယခုအခါ အောင်မြင်စွာအသုံးပြုနှိင်ပြီ ဖစ်ကြောင်းနှင့် များမကြာမီကာလအတွင်း ဓာတ်ဆီဖြူပေါ်ထွက်လာတော့မည်ဖြစ်ကြောင်း အင်ဂျင်နီယာ သုတေသီအသိုင်းအ၀ိုင်းမှသိရသည်။

 

"အဓိကကတော့ တွင်တွင်ကျယ်ကျယ်အသုံးပြုနှိင်အောင် လုပ်နှိင်ရင်တော့ ကောင်းပါတယ်၊ဒီဇယ်ဖြူနဲ့မောင်းလို့ ရတယ်ဆိုပေမဲ့ အင်ဂျင်ကို ထိခိုက်မှုရှိတယ်မရှိဘူးဆိုတာ သေသေချာချာသိအောင် လုပ်ပေးဖိုတော့လိုမယ် ၊ ဈေးသက်သာတယ် ဆိုရင် သယ်ယူပိုဆောင်စရိတ်သက်သာမယ်၊ ဒါဆိုကုန်ပစ္စည်းဈေးနှုန်းလည်း ကြလာနှိင်တယ်" ဟု အဝေးပြေးကုန်တင်ကားမောင်းသူကိုဝင်းမောင်က ဆိုသည်။

 

အဆိုပါဒီဇယ်ဖြူအားအိမ်နီးချင်းနိုင်ငံများဖြစ်သည့်ထိုင်းနှင့် စင်္ကာပူတွင်ကျယ်ပြန့်စွာအသုံးပြုလျှက်ရှိပြီး ဂျပန်၊ အမေရိကန်၊ ဂျာမနီစသောနိုင်ငံကြီးများ၌လည်း လွန်ခဲ့သောနှစ်ပေါင်း (၄၀) မှ စတင်အသုံးပြုခြင်းဖြစ်သည်။

 

ရဲဆေးစာ အချိန်မီမရသော်လည်း ဆေးရုံများသို့ တက်ရောက်၍ အရေးပေါ်ကုသနိုင်

မော်တော်ယာဉ်တိုက်မှုအပါအဝင် ခိုက်ရန်ဖြစ်ပွားမှုများအား ပြစ်မှုဆိုင်ရာဥပဒေပါ ရဲအရေးယူခွင့်‌ရှိ သည့် ပြစ်မှုတွင် အကျုံးဝင်သည့် ထိခိုက်ဒဏ်ရာရသူများအတွက် ရဲဆေးစာအချိန်မီမရလျှင်လည်း လူနာအသက် မဆုံးရှုံးစေရေး   ပြည်သူ့ဆေးရုံကြီး၊ အရေးပေါ်ဌာနသို့ အချိန်မဆိုင်းဘဲ ပို့ဆောင်ကုသပေးရန် လိုအပ်ကြောင်း  ဥပဒေပညာရှင် များနှင့်ကျန်းမာရေးဝန်ထမ်းများက သုံးသပ်ကြသည်။

 

 "ယာဉ်တိုက်မှုလိုမျိုး ထိခိုက်ဒဏ်ရာရရင် ရဲစခန်းတို့ ယာဉ်ထိန်းရဲတို့ကို စောင့်မနေပဲ ရန်ကုန်ပြည်သူ့ဆေးရုံကြီး အရေးပေါ်ဌာနကို ခေါ်လာလို့ ရပါတယ်၊ ဒီမှာက မှုခင်းရဲတွေ အချိန်ပြည့်ရှိနေပြီး ဆောင်ရွက်ပေးပါတယ်"ဟု ရန်ကုန်ပြည်သူ့ဆေးရုံကြီးမှ တာဝန်ရှိသူတစ်ဦးက ဆိုသည်။

 

ပြည်သူအများစုမှာ ယာဉ်မတော်တဆဖြစ်ပွားပါက သက်ဆိုင်ရာ ယာဉ်ထိန်းရဲအား စောင့်ဆိုင်းခြင်း၊ ရဲတပ်ဖွဲ့ဝင် များအား ရဲဆေးစာရရှိရန် စောင့်ခြင်းတို့ကြောင့် ထိခိုက်ဒဏ်ရာရရှိသူများမှာ ဆေးရုံသို့ အချိန်မီ မရောက်ရှိနိုင် ပဲ သေဆုံးရသည့်အဖြစ်များ ဖြစ်ပွားလျက်ရှိကြောင်း သိရှိရသည်။

 

မြန်မာနိုင်ငံတွင် ယာဉ်တိုက်မှုဖြစ်ပါက ဘေးပတ်ဝန်းကျင်မှသူများမှာ အမှု၌ ပါဝင်ပတ်သက်မည်ကို စိုးရိမ်စိတ် ဖြင့် ထိခိုက်ဒဏ်ရာရရှိသူများအား ကူညီရမည်ကို တွန့်ဆုတ်လေ့ရှိသည်ဟု မတ်လ(၁၇)ရက်နေ့က ကြည့်မြင် တိုင်မြို့နယ် ၌ ဖြစ်ပွားခဲ့သောယာဉ်တိုက်မှုတစ်ခုတွင် မျက်မြင်သက်သေ ဦးထွန်းထွန်းဦး က ပြောသည်။

 

'ကျွန်တော်မရောက်ခင် နာရီဝက်နီးပါလောက်က တိုက်ထားတာ၊ စောစောက လူတစ်ယောက်က ပုဆိုးကို   ရေစွတ်ပြီး သွေးသုတ်ပေးဖို့လုပ်တော့၊ ဘေးကလူက မင်းအမှုပါတ်မယ်လို့ပြောတယ်၊ ဒါနဲ့သူလည်း လုပ်မပေး ရဲတော့ဘူး၊ တာဝန်ရှိသူတွေ အချိန်မှီရောက် မလာတော့ သွေးလွန်ပြီး လူနာလည်းသေနိုင်တယ်၊ တိုက်တဲ့ ကားသမားလည်း ယာဉ်တိုက်မှုကနေ လူသေမှုအထိ နှစ်မှုဖြစ်သွားတာပေါ့'ဟု ယာဉ်တိုက်မှုတစ်ခုတွင် မျက်မြင်သက်သေတစ်ဦးဖြစ်သော ဦးထွန်းထွန်းဦးက ဆိုသည်။

 

ယဉ်မတော်တဆဖြစ်ပွားမှု၌ ပါဝင်ကူညီလိုသူများမှာ ငွေကုန်၊ အချိန်ကုန်သောကြောင့် လူအများစုမှာ အကူအညီ ပေးရမည်ကို ၀န်လေးနေခြင်းဖြစ်ကြောင်း အဌားကားမောင်းသူ ဦးသိန်းအောင်က ဆိုသည်။

 

" ကျွန်တော်တို့ကားနဲ့ လိုက်ပို့ရင် စစ်ချက်ရေးဖို့ ဆိုပြီးခေါ်ထားတာ တော်တော်နဲ့မပြန်ရဘူး၊ ကျွန်တော်တိုက အချိန်နဲ့ အလုပ်လုပ်ရတဲ့လူတွေဆိုတော့ ဒုက္ခရောက်တာပေါ့၊ တခါတလေ ဒါနဲ့မပြီးဘူး ရုံးချိန်းလည်းသွား ရသေး တော့ ငွေကုန်လည်းကုန်ပြီး လူပါ ပင်ပန်းတယ် မကူညီချင်လိုတော့ မဟုတ်ပါဘူး စားဝတ်နေရေးက ရှိသေး တယ်လေ" ဟု အဌားကားမောင်းသူ ဦးသိန်းအောင်က ဆိုသည်။

 

မတ်လတတိယပတ်အတွင်းကပြုလုပ်သော  ပြည်သူ့လွှတ်တော်ဆဋ္ဌမပုံမှန်အစည်းအဝေး၌ ကန်ပက်လက် မဲဆန္ဒနယ်၊ သူရဦးအောင်ကိုက မြန်မာနိုင်ငံတစ်ဝှမ်းတွင်ဖြစ်ပွား နေသော ယာဉ်မတော်တဆမှု၊ ထိခိုက်မှုအပါ အဝင် အခြားမတော်တဆဖြစ်ပွားမှုများကြောင့်လည်းကောင်း၊ ခိုက်ရန်ဖြစ်ပွားမှုများကြောင့် လည်းကောင်း ရရှိသည့် ထိခိုက်ဒဏ်ရာရ လူနာများအား အချိန်မီဆေးကုသနိုင်ရေးအတွက် လုပ်ထုံးလုပ်နည်းနှင့် ပြဋ္ဌာန်းချက် များ မရှိသေးပါက လိုအပ်သည့် လုပ်ထုံးလုပ်နည်းများကို ဆောလျင်စွာ ထုတ်ပြန်ပေးရေးအတွက် အရေးကြီး အဆိုအဖြစ် ပြည်သူ့လွှတ်တော်၌ တင်သွင်းခဲ့ကြောင်း သိရှိရသည်။

 

အဆိုပါအရေးကြီးအဆိုနှင့်ပတ်သက်၍ ရှေ့နေချုပ်ရုံး ဒုတိယရှေ့နေချုပ် ဦးထွန်းထွန်းဦးကလည်း မော်တော် ယာဉ်တိုက်ခိုက်မှုအပါအဝင် ခိုက်ရန်ဖြစ်ပွားမှုများမှာ  ပြစ်မှုဆိုင်ရာ ဥပဒေပါ ရဲအရေးယူပိုင်ခွင့်‌ရှိတဲ့ ပြစ်မှုတွင်  အကျုံးဝင်သောကြောင့် ထိခိုက်ဒဏ်ရာရရှိသူကို ဆေးရုံမှာ ဆေးကုသမှုခံယူရာမှာ သက်ဆိုင်ရာ ရဲစခန်း၏ ပြစ်မှုနှင့်သက်ဆိုင်တဲ့ ဆေးစာပါရှိမှသာ ဆေးရုံက လက်ခံ ကုသပေးနိုင်သည်ဟု သာမန်အားဖြင့် နားလည် နေကြကြောင်း၊ အမှန်မှာ ရဲဆေးစာ အချိန်မီမရောက်လည်း အရေးပေါ်ကုသပေးရန် လိုအပ်ပါက ဆေးရုံများမှ အမြန်ဆုံးကုသပေးရန် လိုအပ်ကြောင်း ပြည်သူများသာမက ဆေးရုံများကပါ ကျယ်ကျယ် ပြန့်ပြန့်သိရှိ အောင် ဆောင်ရွက်ပေးရန် လိုအပ်ကြောင်း ပြည်သူ့လွှတ်တော်၌ ဆွေးနွေးခဲ့ကြောင်း သိရှိရသည်။

 

ထို့ပြင် အလားတူ ပြစ်မှုနှင့်‌ အကျုံးဝင်တဲ့ ထိခိုက်ဒဏ်ရာလူနာများကို ပုဂ္ဂလိကဆေးရုံ၊ ဆေးခန်းများအနေဖြင့် လည်း ကုသခွင့်မရှိဘူးဟု နားလည်နေကြောင်း၊ ပုဂ္ဂလိက ကျန်းမာရေး လုပ်ငန်းဆိုင်ရာ ဥပဒေ ပုဒ်မ ၂၅ ပုဒ်မခွဲ (ဆ)မှာ မည်သည့် အရေးပေါ်လူနာကိုမဆို အသက်ကယ်လုပ်ငန်းများ ဆောင်ရွက်ကုသပေးခြင်းနှင့် လိုအပ်ပါ က ညွှန်းပို့ခြင်းဆိုတာ ပြဋ္ဌာန်းထားပြီးဖြစ်သောကြောင့် အဆိုပါအချက်ကိုလည်း  ပုဂ္ဂိုလ်ကဆေးရုံများအနေဖြင့် ကျယ်ကျယ်ပြန့်ပြန့် သိရှိရန်လိုအပ်ကြောင်း ဆွေးနွေးခဲ့သည်။

 

ထို့ပြင် မြန်မာနိုင်ငံတွင် ကြက်ခြေနီအသင်းခွဲပေါင်း ၃၃၀ ၀န်းကျင်ရှိနေကြောင်းနှင့် လိုအပ်သည့် အချိန်၌   ခေါ်ယူနိုင်ကြောင်း ရှေးဦးသူနာပြုစုနည်းဖြင့် ကုသ၍ အမြန်ဆုံးဆေးရုံသွားနိုင်ရန် အကူအညီပေးနေကြောင်း ကိုလည်း သိရသည်။

 

'မြို့နယ်တိုင်းနီးပါးမှာ ကြက်ခြေနီအသင်းတွေရှိပါတယ်၊လိုအပ်ရင် နီးစပ်ရာမြို့နယ်က ကြက်ခြေနီအသင်းကို အကြောင်းကြားနိုင်ပါတယ်၊ လူနာရှိတဲ့နေရာကို အမြန်ဆုံးရောက်အောင် သွားပြီး ပြုစုပေးပါတယ်၊ဒါပေမယ့် ကျွန်မတို့မှာ လူနာတင်ယာဉ်မရှိတဲ့အတွက် ဆေးရုံပို့ဖို့ကိုတော့ အခက်အခဲရှိတယ်၊ကျွန်မတို့  ကြက်ခြေနီ အသင်း ဆေးရုံပို့ပေးတဲ့အခါမှာ ရဲဆေးစာကို စောင့်စရာမလိုပါဘူး'ဟု မြန်မာနိုင်ငံကြက်ခြေနီအသင်းမှ တာဝန်ရှိသူတစ်ဦးကဆိုသည်။