လက်ပန်းတောင်းတောင် ကြေးနီစီမံကိန်းကို ဆန္ဒပြခဲ့ကြတဲ့ သပိတ်စခန်းတွေ အကြမ်းဖက်ဖြိုခွဲခံရမှု ၃ လပြည့် အထိမ်းအမှတ်အဖြစ် ကျေးရွာ ၂၆ ရွာကို ကိုယ်စားပြုတဲ့ ဒေသခံ ၂၆ ဦးဟာ ဒီကနေ့ တုန်ရွာသပိတ်စခန်းမှာ အစာငတ်ခံ ဆန္ဒပြခဲ့ကြပါတယ်။
"၃ လသာပြည့်သွားပေမယ့် စုံစမ်းစစ်ဆေးမှုမလုပ်သေးဘူး၊ ဒီဟာကို လွှတ်တော်ကနေ လစ်လျူရှုထားတယ်ဆိုတာကို ကန့်ကွက်တဲ့ အနေနဲ့ နေ့လည် ၁၂ နာရီကနေ ည ၁၂ နာရီအထိ လက်ပန်းတောင်းတောင် ကြေးနီစီမံကိန်း ဖျက်သိမ်းရေး တောင်းဆိုနေတဲ့ တုန်ရွာထိပ်မှာရှိတဲ့ သပိတ်စခန်းမှာ ၂၆ ရွာကိုယ်စားပြုတဲ့ တောင်သူ ၂၆ ဦးက အစာငတ်ခံ ဆန္ဒပြနေတာပါ"
ဒေသခံတွေဟာ ဒီကနေ့မှာ ၁ ရက်ကြာ အစာငတ်ခံ ဆန္ဒပြခဲ့ကြတဲ့အပြင် မနက်ပိုင်းမှာလည်း သပိတ်စခန်း ဖြိုခွဲခံရမှုမှာ ကွယ်လွန်ခဲ့တဲ့သူတွေအတွက် ရည်စူးကာ သံဃာတော်တွေကို ဆွမ်းကပ်ပြီး ပရိတ်တရား နာခဲ့ကြပါတယ်။
ဒါ့အပြင် မနက်ဖြန် မတ်လ ၁ ရက်နေ့မှာလည်း မီးလောင်ဗုံးသုံးတဲ့ တရားခံတွေကို မကောင်းဆိုးဝါးလို့ သတ်မှတ်တဲ့အနေနဲ့ သံပုံးတွေထုပြီး မကောင်းဆိုးဝါး နှင်ထုတ်တဲ့ဆန္ဒပြပွဲ ထပ်မံပြုလုပ်ဖို့ရှိတယ်လို့ သိရပါတယ်
No comments:
Post a Comment
စာဖတ်သူများကွန်မန်.ပေးနိုင်ပါသည်။