သာပေါင်းမြိ်ု့နယ် ဘုရားငူကျေးရွယ အခြေခံပညာအလယ်တန်းကျောင်းခွဲအားတွေ့ရစဉ်
မြစ်ရေကြီးမြင့်မှုဒဏ်ကြောင့် ဧရာဝတီတိုင်းဒေသကြီးအတွင်းရှိ မြို့နယ်၂၆ မြို့နယ်အနက် မြို့နယ် ၁၂ မြို့နယ်မှ ကျောင်းပေါင်း ၄၆၇ ကျောင်းအား ယာယီပိတ်ထားခဲ့ပြီး လတ်တလောကာလတွင် ဖွင့်လှစ်နိူုင်မှု မရှိသေးကြောင်း ဧရာဝတီတိုင်းဒေသကြီး အုပ်ချူပ်ရေးမှုး ဦးအေးကျော် ကပြောသည်။
မြစ်ရေကြီးမှု အဆိုးရွားဆုံး ဖြစ်ပေါ်ခဲ့သည့် သာပေါင်း၊ ရေကြည် ၊ကျုံပျော် ၊ ပုသိမ်၊ ကန်ကြီးထောင့် ၊ ကျောင်းကုန်း ၊ ပန်းတနော် ၊ဓနုဖြူ အစရှိသည့် ဒေသများနှင့် ဇလွန် ၊လေးမျက်နှာ ၊ အိမ်မဲ၊ ညောင်တုန်း အစရှိသည့် မြို့နယ်များတွင် ကျောင်းများ ပိတ်ထားရပြီး လတ်တလောကာလတွင့် ပြန်လည် ဖွင့်လှစ်နိုင်ဦးမည် မဟုတ်ကြောင်း သိရှိရပါသည်။
“ကျောင်းတွေ စပိတ်ခဲ့တာက သြဂုတ်လ ၄ ရက်နေ့ ကတည်းကပါ မြိုနယ်အလိုက်တော့ ပိတ်ရက် မတူပါဘူး ။ တချို့မြှိုတွေမှာက မြို့ပေါ်မှာ ရေကြီးလို့ ပိတ်ထားတာ မဟုတ်ဘူး။ ရွာတွေက လာမဲ့ ကျောင်းသူကျောင်းသား ကလေးငယ်တွေ ရေပြင်ကျယ်ကြီး ဖြတ်လာရမှာ အန္တရာယ် ရှိလို့ ပိတ်ထားတာပါ”” ဟု ဦးအေးကျော် ကပြောသည်။
မြစ်ရေကြီးမှု အဆိုးရွားဆုံး ဖြစ်ပေါ်ခဲ့သည့် သာပေါင်းမြို့တွင် ကျောင်းပေါင်း ၉၀ ၊ ရေကြည်မြို့တွင် ကျောင်းပေါင်း၄၅ကျောင်း ၊ကျုံပျော်မြို့တွင် ကျောင်းပေါင်း ၂၄ ကျောင်း ၊ ပုသိမ်မြို့တွင် ကျောင်းပေါင်း ၉၆ကျောင်း၊ ကန်ကြီးထောင့် မြို့တွင် ကျောင်းပေါင်း၄၅ကျောင်း၊ ကျောင်းကုန်းမြို့တွင် ကျောင်းပေါင်း ၄၅ကျောင်း ၊ ပန်းတနော်မြို့တွင် ကျောင်းပေါင်း ၂၆ ကျောင်း ၊ဓနုဖြူ မြို့တွင် ကျောင်းပေါင်း ၂၃ကျောင်း၊ဇလွန်မြို့တွင် ကျောင်းပေါင်း၂၆ကျောင်း ၊လေးမျက်နှာမြို့တွင် ကျောင်းပေါင်း ၁၄ ကျောင်း၊ အိမ်မဲမြို့တွင် ကျောင်း ၁ ကျောင်းနှင့် ညောင်တုန်းမြို့တွင် ကျောင်း ၁ ကျောင်း ပိတ်ထားရပြီး လတ်တလောကာလတွင့် ပြန်လည် ဖွင့်လှစ်နိုင်ဦးမည် မဟုတ်ကြောင်း သိရှိရပါသည်။
“လတ်တလောမှာတော့ ဖွင့်နိုင်ဖို့ မလွယ်သေးဘူး ။ တချို့ကျောင်းတွေက ကယ်ဆယ်ေ၇းစခန်း ဖွင့်ထားရတယ်။ တချို့ကျောင်းတွေကလည်း ရေမြုပ်နေတယ် ။ ကလေးတွေအတွက် ဘေးကင်းလုံခြုံစွာ သင်ကြားနိုင်တဲ့ အချိန်ကျမှ ဒေသအလိုက် ပြန်ဖွင့်ပေးပြီး အစားထိုးသင်ကြားမှု အစီအစဉ်တွေနဲ့ ပြန်ပြီး ဂရုတစိုက် သင်ကြားပေးရမှာပါ” ဟု ယင်းက ဆက်လက်ပြောကြားသည်။
လက်ရှိကာလတွင် င၀န်မြစ်ရေ အခြေအနေမှာ မြို့ပေါ်နေရာများတွင် ရေကျနေသော်လည်း အဓိကရေနစ်မြုပ်နေသည့် ကျေးရွာ အုပ်စုများတွင် ရေကျဆင်းမှု သိသာစွာ မရှိသေးဘဲ စိုးရိမ်ရေမှတ်အထက်တွင် ၃ ရက်ခန့် ဆက်လက်ရှိနေနိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဋ္ဌာနမှ ဦးချစ်ကျော်က ပြောသည်။
“အထက်မှာ မိုးကောင်းနေတာ မရှိတဲ့အတွက် အထက်ရေ ကျလာစရာ မရှိတော့လို့ င၀န်မြစ်ရေက စိုးရိမ်ရေမှတ်အထက်မှာ ၃ ရက်လောက် ဆက်ရှိနေနိုင်ပေမဲ့ စိုးရိမ်စရာ မရှိပါဘူး။ အခုအချိန်ထိ သိသိသာသာ ရေမကျသေးတာက အောက်ဖက်တွေမှာ မိုးများနေတဲ့အတွက် ရေမဆင်းနိုင်သေးလို့ပါ”ဟု ဦးချစ်ကျော်ကသုံးသပ်ပြောကြားသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။