မှော်ဘီမြို့နယ် အမှတ်(၄)ရပ်ကွက်အတွင်း ရေများဝင်ရောက်နေမှုကို သြဂုတ်လ ၁ရက်နေ့က တွေ့ရစဉ်
ရန်ကုန်တိုင်းဒေသကြီး မှော်ဘီမြို့နယ်တွင် တောင်ကျရေနှင့် မိုးသည်းထန်စွာ ရွာသွန်းမှုကြောင့် မှော်ဘီချောင်းရေပြည့်လျံခဲ့ပြီး ရပ်ကွက်အချို့ရှိ နေအိမ်အများစု ရေနစ်မြုပ်မှု ဖြစ်ပွားခဲ့ကြောင်း သိရှိရသည်။
ယင်းကဲ့သို့ မှော်ဘီမြို့ နယ်အတွင်းရှိ မှော်ဘီချောင်းရေ ပြည့်လျံမှုကြောင့် အဆိုပါချောင်းအနီးရှိ ရပ်ကွက်အချို့ရှိ နေအိမ်များ ရေနစ်မြုပ်မှုဖြစ်စဉ်ကို ဇူလိုင်လ ၃၀ ရက်နေ့မှစတင်၍ ယခုအချိန်ထိ ဖြစ်ပွားနေကြောင်း သိရသည်။
ချောင်းရေလျံမှုကြောင့် မြေနိမ့်ပိုင်းရပ်ကွက်များအနက် အမှတ် (၄) ရပ်ကွက်မှာအဓိက သက်ရောက်မှုရှိခဲ့ပြီး အိမ်ခြေ ၄၀၀ နီးပါးရေနစ်မြုပ်လျက်ရှိကြောင်းသိ ရှိရသည်။
မှော်ဘီမြို့နယ် အမှတ်(၄)ရပ်ကွက်အတွင်း ရေများဝင်ရောက်နေမှုကို သြဂုတ်လ ၁ရက်နေ့က တွေ့ရစဉ်
မှော်ဘီမြို့နယ် အမှတ် (၄)ရပ်ကွက် အုပ်ချုပ်ရေးမှူးဖြစ်သူ ဦးသိန်းဝင်းက ''ရေကြီးတာသုံး ရက်လောက်ရှိပြီ။ ဒီနေ့က အဆိုးဆုံးပဲ။အရင်နှစ်တွေကလည်းရေကြီးပေမယ့် ဒီနှစ်လောက်တော့မဆိုးပါဘူး။ ရပ်ကွက်က အနိမ့်ပိုင်းမှာ ရောက်နေတာရယ် မှော်ဘီချောင်း ကောနေတာ ကြောင့်ပါ အခုလိုမျိုးဖြစ်ရတာလို့ ထင်ပါတယ်။ ရေနစ်မြုပ်တဲ့ နေအိမ်တွေကို အစားအစာ၊ ရေသန့်တွေနဲ့ ကျန်းမာရေး စောင့်ရှောက်မှုအပိုင်းတွေကို ရေကျတဲ့အချိန်အထိ အကူအညီပေးသွားမှာပါ''ဟု ပြောပြခဲ့ပါသည်။
ရေသန့်ဘူးများ ရပ်ကွက်အတွင်း လိုက်လံပေးနေမှုကို တွေ့ရစဉ်
မှောဘီမြို့နယ်ရဲတပ်ဖွဲ့မှူးဖြစ်သူ ဒုရဲမှူးသန်းရှိန်က'' ရေနစ်သွားတဲ့အိမ်တွေက မိသားစုတွေအတွက် ကယ်ဆယ်ရေးစခန်း ဖွင့်လှစ်စောင့်ရှောက်ဖို့အတွက် ဘုန်းတော်ကြီးကျောင်းအချို့ကို ကြိုတင်ပြင်ဆင်ထားပါတယ်။ အခုလိုဖြစ်ရတဲ့ အဓိကအကြောင်းက ပဲခူးရိုးမဘက်က တောင်ကျချောင်းရေနဲ့ မိုးသည်းထန်စွာ ရွာသွန်းခဲ့တာကြောင့် မှော်ဘီချောင်းက ရေပြည့်လျံခဲ့ပြီး အခုလိုရေကြီးခဲ့တာပါ''ဟု သုံးသပ်ပြောကြားခဲ့ပါသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။