မြို့မ တေးဂီတ ရန်ကုန်တွင် ဖျော်ဖြေမည်

၂၀၁၂ သင်္ကြန်က မန္တလေးတွင် လိုက်လံဖျော်ဖြေခဲ့သော မြို့မ တေးဂီတဝိုင်း (ဓာတ်ပုံ – တေဇလှိုင် / ဧရာဝတီအတာတေးနဲ့ မြို့မ သင်္ကြန်သံစုံ ဂီတဖျော်ဖြေပွဲကို မန္တလေးမြို့မ တေးဂီတအဖွဲ့၏ တီးခတ်မှုနှင့်အတူ ဧပြီ ၆ (စနေ) ညနေ ၆ နာရီတွင် ရန်ကုန် မြို့မကျောင်းလမ်းရှိ အမျိုးသားကဇာတ်ရုံတွင် ဖျော်ဖြေမည်ဟု ၎င်းအဖွဲ့ ဥက္ကဋ္ဌ ဒေါက်တာလှခိုင် ထံမှ သိရသည်။

ဖျော်ဖြေပွဲကို JBL (Galaxy Pro Rent) ကုမ္ပဏီမှ ဦးစီးကျင်းပခြင်းဖြစ်ပြီး စင်ကာပူနည်းပညာရှင်များနှင့် ပူးပေါင်း ဆောင်ရွက်မည် ဖြစ်ကြောင်း မြို့မတေးဂီတ မန်နေဂျာ ဦးဇော်ဝင်းသန်းက ပြောသည်။

"ခေါင်းစဉ်ကတော့ JBL စက်တွေကို ပရိုမိုးရှင်း လုပ်တဲ့သဘောပါပဲ။ မြို့မတေးဂီတအဖွဲ့က အပုဒ်ရေ ၂၀ ကျော်လောက် တီးကြမယ်။ ဧည့်သည်တီးဝိုင်း ဖိတ်ထားတာတော့မရှိသေးပါဘူး" ဟု မန်နေဂျာ ဦးဇော်ဝင်းသန်းက ဆိုသည်။

ဖျော်ဖြေပွဲတွင် တေးသံရှင် တက္ကသိုလ်မင်းနောင်၊ ကိုသိန်းဝင်း၊ သန်းမြတ်စိုး၊ ရန်ပိုင်စိုး၊ မန္တလေးသိန်းဇော်၊ ဖိုးသောကြာ၊ ဇေယျာပြည့်ဖြိုး၊ ချစ်ကောင်း၊ စည်သူလွင်၊ ဘိုဘို၊ ထား၊ တင်တင်မြ၊ ရီရီသန့်၊ ညွန့်ညွန့်သိန်း၊ စိုးစန္ဒာထွန်း၊ အိအိချွန်၊ ပန်းအိဖြူ၊ ရတနာဦး စသည့် တေးသံရှင်များက ဖျော်ဖြေကြမည်ဖြစ်ပြီး မြန်မာသံတေးများ၊ သင်္ကြန်တေးအကများ ဖြင့်လည်း တင်ဆက် ဖျော်ဖြေမည်ဖြစ်သည်။

"ဧပြီ ၆ ရက်နေ့မှာ ကိုမင်းနောင်နဲ့ ကိုသိန်းဝင်းတို့ကတော့ ကိုယ်ပိုင်သီချင်းတွေနဲ့ အစပိုင်းမှာ ဖျော်ဖြေမယ်။ သင်္ကြန် သီချင်းတွေ မြို့မဧည့်ခံ သီချင်းတွေကို အများဆုံးဆိုကြမှာပါ။ မြို့မ တေးဂီတအနေနဲ့ ဘယ်သီချင်းဖြစ်ဖြစ် တီးနိုင်တယ် ဆိုတာလည်း ပြချင်ပါတယ်" ဟု မန်နေဂျာ ဦးဇော်ဝင်းသန်းက ပြောသည်။

မြို့မ တေးဂီတအဖွဲ့နှင့် ပါဝင်သီဆိုမည့် တေးသံရှင် စည်သူလွင်က "ဖိုးညိုမြနဲ့ ရှာပုံတော် မင်းသားကြီး သီချင်းနှစ်ပုဒ် ဖျော်ဖြေဖို့ စဉ်းစားထားပါတယ်။ သင်္ကြန် သီချင်းတွေအနေနဲ့ ဒီပွဲက မြို့မနဲ့ ဖျော်ဖြေတာ ပထမဆုံးပွဲပါ။တခြား သီချင်းတွေကိုတော့ မန္တလေးမှာမြို့မနဲ့ တခါ ဖျော်ဖြေဖူးတယ်။ မြို့မနဲ့ မန္တလေး၊ မြို့မနဲ့ သင်္ကြန်ဆိုတာ အစဉ်အလာရှိခဲ့ပါတယ်။ အခုလို ၀င်ရောက် သီဆိုရတဲ့အတွက် အရမ်းဝမ်းသာတယ်" ဟု ပြောသည်။

လက်မှတ်များကို ကျပ် ၁၀၀၀၀၊ ၂၀၀၀၀ သတ်မှတ်ထားကြောင်း၊ ယခုပွဲသည် JBL (Galaxy Pro Rent) ၏ ဒုတိယမြောက် ပွဲဖြစ်ပြီး ၂၀၁၁ ခုနှစ်တွင် ပထမဆုံး ပွဲအဖြစ် ဇော်ဝင်းထွဋ်နှင့် S.I.R ပွဲကို ကျင်းပခဲ့ကြောင်း JBL(Galaxy Pro Rent) ကုမ္ပဏီမှ တာဝန်ရှိသူ ဦးဇော်က ပြောသည်။

မြို့မတေးဂီတ၏ ဧပြီ ၆ ရက်နေ့ ဖျော်ဖြေပွဲသည် ရန်ကုန်တွင် ဒုတိယအကြိမ်ဖြစ်ပြီး ပထမအကြိမ်သည် ၂၀၀၉ တွင် ရန်ကုန် မျှော်စင်ကျွန်းတွင် ဖျော်ဖြေခဲ့ကြောင်း သိရသည်။

မြို့မ တေးဂီတသည် မတ် ၂၉ တွင် မန္တလေး အမျိုးသား ကဇာတ်ရုံတွင် မြန်မာ့ရိုးရာ ယဉ်ကျေးမှု မပပျောက်ရေး ရည်ရွယ်ချက်ဖြင့် မန္တလေးနှင့် မြို့မဟူသော ဖျော်ဖြေပွဲတပွဲ ကျင်းပရန်ရှိသေးသည်။

မန္တလေး မြို့မတေးဂီတသည် ၁၉၂၅ တွင် စတင်ခဲ့ပြီး အလင်္ကာကျော်စွာ ဆရာမြို့မငြိမ်း (ဦးကျော်ငြိမ်း) က တည်ထောင်ခဲ့ သူများထဲတွင် တဦးအပါအ၀င် ဖြစ်သည်။ မြို့မငြိမ်းသည် မြန်မာ့တေးဂီတ သမိုင်းတွင် ကျန်ရစ်စေသော မြန်မာသီချင်း (Modern Classicisms) များကို သီကုံးခဲ့၍ ပန်းချီပန်းပု ပညာရပ်များကိုလည်း တတ်မြောက်ခဲ့သူဖြစ်သည်။

၁၉၂၈ ခုနှစ်တွင် မန္တလေး မြို့မတူရိယာအဖွဲ့ကို ဦးကော်လုံဆိုသူက တည်ထောင်ခဲ့ရာ ဦးကျော်ငြိမ်းလည်း ပါဝင်ခဲ့သည်။ ဦးကျော်ငြိမ်းသည် မြို့မ အဖွဲ့သားအဖြစ် အနောက်တိုင်း တူရိယာ တီးနည်းနှင့် တူရိယာ သင်္ကေတ ပညာတို့ကို သင်ယူခဲ့သည်ပြီး ၁၉၃၁ မှစ၍ သီချင်းများကို ရေးစပ်ခဲ့ရာ မြို့မငြိမ်း ဟူသော ဂီတစာဆိုအမည်ကို ခံယူခဲ့သည်။

မြို့မငြိမ်း ရေးသားခဲ့သော သီချင်းပေါင်း ၂၀၀ ခန့် ရှိသည်ဟု မြန်မာ့စွယ်စုံကျမ်းတွင် ပါရှိသည်။ မြန်မာသင်္ကြန်၏ ပြယုဂ်ဖြစ်သော မန်းတောင်ရိပ်ခို သီချင်းကိုလည်း ၎င်းက ရေးစပ်ခဲ့သည်။ မြို့မငြိမ်း၏ သီချင်းများအနက် ပထမဦးဆုံး တတိုင်းပြည်လုံး ကျော်ကြားခဲ့သော သီချင်းမှာ "ချစ်တာပဓာန" သီချင်း ဖြစ်သည်။ သီချင်းရေး သက်တမ်း ၂၄ နှစ်အတွင်း ကျော်ကြားခဲ့သော သီချင်းများမှာ ခင့်အိပ်မက်၊ တစ်ချစ်ထဲ ချစ်၊ မြင်းခင်းတော်၊ နတ်သျှင်နောင်၊ မေ့ပါနိုင်၊ ပျို့မှာတမ်း၊ သက်ဝေ၊ ပါရမီတော်၊ ချစ်ရဲဘော်၊ မင်္ဂလာမောင်မယ်၊ ငွေဇင်ယော်၊ ပြုံးတဲ့မေ၊ လေချိုသွေး စသော သီချင်းများ ဖြစ်ကြသည်။ မြို့မငြိမ်း သီချင်း စတင်ရေးသားခဲ့သော အချိန်၌ အနောက်တိုင်း တေးသွားများကို ပုံတူကူး၍ မြန်မာစကားလုံး သွင်းကာ စပ်ဆိုသော အလေ့အကျင့် ခေတ်စားနေသော အချိန်ဖြစ်သည်။ သို့သော် မြို့မငြိမ်းသည် အနောက်တိုင်း ဂီတမှ သီချင်း စပ်နည်းကို မီငြမ်းသော်လည်း တေးသွားကို ခိုးချခြင်း မပြုဘဲ သူ၏ ပင်ကိုယ်ဂီတဉာဏ်ဖြင့်သာ ကိုယ်ပိုင် တေးသွားများ ရေးစပ်ခဲ့ကြောင်း www.Shwesu.web.com တွင် ဖော်ပြထားသည်။

KIO နှင့် အစိုးရ မြစ်ကြီးနားမှာ တွေ့ကြမည်

ချင်းမိုင်(မဇ္စျိမ)။   ။ ကချင်လွတ်လပ်ရေးအဖွဲ့ KIO နှင့် အစိုးရ ငြိမ်းချမ်းရေးအဖွဲ့တို့ ဧပြီလ ၆ ရက်နေ့တွင်
မြစ်ကြီးနားမြို့၌ တွေ့ဆုံမည်ဟု ကချင် ငြိမ်းချမ်းရေးအကျိုးဆောင် PCG မှ ဦးအင်စင်းဆန်အောင် က ပြောသည်။ 

စီတာပူရပ်ကွက်ရှိ ကချင်မနောကွင်း မဂျွယ် (Ma Joi) ခန်းမတွင် တွေ့ဆုံရန် သဘောတူထားသည်ဟု သိရသည်။  

"နှစ်ဖက်စလုံး အဲဒီနေ့တွေ့ဖို့ စာကတော့ ထုတ်ပြန်ပြီ။ ၅ ရက်နေ့ KIO ကို သွားခေါ်မယ်။ တွေ့ဖို့ ရာခိုင်နှုန်း များတယ်။ ယုံကြည်မှု တည်ဆောက်တဲ့အနေနဲ့ အတိုင်းအတာ တခုထိတော့ ရောက်လာပြီ။ သဘောတူ လက်မှတ်ထိုးရေး ရောက်ဖို့က ဆွေးနွေးတဲ့အပေါ်မှာ မူတည်တယ်" ဟု ဦးအင်စင်းဆန်အောင် က ပြောသည်။ 

ဧပြီ ၅ ရက်နေ့တွင် KIO ကိုယ်စားလှယ်များအား PCG ကိုယ်စားလှယ်များနှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ် ဗီဂျေး နမ်ဘီးယား၏ လက်ထောက် တဦးတို့ ပါဝင်၍ လိုင်ဇာမြို့သို့ သွားရောက် ကြိုဆိုမည်ဟု ဆိုသည်။

ထိုတွေ့ဆုံပွဲအတွက် ကြိုတင်ပြင်ဆင်သည့်အနေဖြင့် တနှစ်ကျော်ကြာ ချိတ်ပိတ်ထားသော KIO ဆက်ဆံရေးရုံးနှင့် မနောကွင်း ပတ်ဝန်းကျင်အား ယမန်နေ့မှ စတင်၍ ပေါင်းမြက်များ ရှင်းလင်းနေသည်ဟု မြစ်ကြီးနားမြို့ခံ ဦးအင်စင်းဆန်အောင် က ပြောသည်။ 

ထိုသို့ တွေ့ဆုံရန် သဘောတူညီမှု ရထားသော်လည်း KIO ကိုယ်စားလှယ်များ၏ လုံခြုံရေးအတွက် အစိုးရဘက်မှ မည်မျှ တာဝန်ယူပေးမည်ကို တင်ပြထားဆဲ ဖြစ်၍ ၎င်းအပေါ်မှာ မူတည်၍ တွေ့ဆုံမည် ဖြစ်ကြောင်း KIO ၏ အရပ်ဘက်အရာရှိ ဦးဒွဲပီဆား က ပြောသည်။ 

"မြစ်ကြီးနားမှာ ပြန်တွေ့ဖို့ စီစဉ်နေတာတော့ ရှိတယ်။ ဒါပေမယ့် တခြားလုံခြုံရေးနဲ့ ပတ်သက်လို့ ညှိနှိုင်းစရာတွေ နည်းနည်း ရှိသေးတယ် ထင်တယ်။ လုံခြုံရေးနဲ့ ပတ်သက်လို့ သူတို့ ဘယ်လောက် အတိုင်းအတာထိ တာဝန်ယူ
ပေးနိုင်မလဲ၊ ဘယ်လို လက်တွေ့လုပ်မလဲဆိုတာ တင်ပြထားတာရှိတယ်။ အဲဒါအပေါ် မူတည်တယ်" ဟု မဇ္စျိမကို ပြောသည်။ 

မတ်လ ၁၁ ရက်နေ့က တရုတ်နိုင်ငံ၊ ရွှေလီမြို့တွင် နှစ်ဖက် တွေ့ဆုံစဉ် စစ်မှန်သော နိုင်ငံရေးဆွေးနွေးမှုများ တနိုင်ငံလုံး အတိုင်းအတာ ကျင်းပနိုင်ရန်အတွက် တဆင့်ပြီးတဆင့် ညှိနှိုင်းဆောင်ရွက်ရေးနှင့် နှစ်ဖက် ပိုမိုနီးကပ်စွာ ညှိနှိုင်းဆောင်ရွက်နိုင်ရန်၊ စောင့်ကြပ်ရေး ရုံးများကို လိုအပ်သလို ထားရှိသွားရန်တို့ အပါအဝင် ပူးတွဲကြေညာချက် ထုတ်ပြန်ခဲ့သည်။ 

ကချင်နှင့် ရှမ်းပြည်နယ်အတွင်း အစိုးရတပ် လှုပ်ရှားမှုများရှိလာကာ ရှမ်းပြည်နယ်မြောက်ပိုင်း KIO ၏ တပ်မဟာ ၄ နယ်မြေနှင့် တပ်မဟာ ၂ လက်အောက်ခံ တပ်ရင်း ၅ နယ်မြေများတွင် ပြီးခဲ့သည့် ရက်ပိုင်းက တိုက်ပွဲ ဖြစ်ပွားခဲ့သည် ဟု သိရသည်။

ယမန်နေ့က မြစ်ကြီးနားနှင့် မိုးကောင်း ကားလမ်းအတိုင်း အစိုးရ စစ်ယာဉ်တန်း ကားစီးရေ ၄၀ ကျော်ဖြင့် ဖားကန့်မြို့သို့ စစ်သားအင်အား ၅၀၀ ကျော်ခန့် ရောက်ရှိလာသည်ဟု KIO ၏ တပ်မဟာ ၂ လက်အောက်ခံ တပ်ရင်း ၆ တပ်ရင်းမှူး ဒု-ဗိုလ်မှူး ဇော်ဒွဲက ပြောသည်။ 

"သူတို့တာက တပ်အပြောင်းအရွှေ့လုပ်တယ်လို့ ပြောတယ်။ ဒါပေမယ့် ဒီကတပ်တွေ ပြန်ဆင်းသွားတာက မတွေ့ရဘူး။ ကျနော်တို့ ဒီလမှာ ပြန်ဆွေးနွေးမယ်လို့ ပြောနေတဲ့ အချိန် တပ်ပြောင်းတာ မဟုတ်ဘဲ ထပ်တိုးလာတာက မကောင်းဘူး။ တပ်တိုးတယ် ဆိုရင်တော့ တိုက်ပွဲက ပြန်ဖြစ်မယ် ဆိုတဲ့ သဘောပဲ" ဟု မဇ္စျိမကို ပြောသည်။ 

အစိုးရ၏ တပ်မ ၁၀၁ လက်အောက်ခံ တပ်ဖွဲ့များက နေ့စဉ် ဖားကန့် မှော်စီဆာဘက်မှ ရေမဆေးကျောက်ရှာသူများ ခိုလှုံနေသော တဲများ၊ နေအိမ်များကို မီးရှို့ဖျက်ဆီးခြင်းနှင့် ခြိန်းခြောက်မှုများ ပြုလုပ်နေသည်ဟု ၎င်းက ပြောသည်။

KIO နှင့် အစိုးရ မြစ်ကြီးနားမှာ တွေ့ကြမည်

ချင်းမိုင်(မဇ္စျိမ)။   ။ ပြည်ထောင်စုအဆင့် နှစ်ဖက်သဘောတူညီချက်အရ အခြေစိုက်နေထိုင်နေခြင်း ဖြစ်၍ အစိုးရ စစ်တပ်က ရှမ်းပြည်မြောက်ပိုင်းတပ်မတော် SSA-N တပ်စခန်းများကို ဆုတ်ခွာပေးရန် ပြောဆိုမှု လက်ခံမည် မဟုတ်ကြောင်း ပြောရေးဆိုခွင့်ရှိသူ ဗိုလ်မှူးစိုင်းလှက ပြောသည်။ 

ဧပြီလ ၃ ရက်နေ့က အရှေ့မြောက်ပိုင်းတိုင်း စစ်ဌာနချုပ်(ရမခ)ရှိ ရွှေလီရိပ်သာတွင် အစိုးရ ဝန်ကြီးနှစ်ဦးနှင့်
တွေ့ဆုံစဉ် ပြောဆိုခဲ့ကြောင်း မဇ္ဈိမကို ပြောသည်။

"စာချုပ်အတိုင်း ကျနော်တို့ ရောက်ရှိတဲ့နေရာမှာ အခြေချ နေထိုင်ထားတယ်။ ကျနော်တို့က ကားလမ်း တလျှောက်မှာ ဝင်ပြီး တိုက်တာလည်း မရှိဘူး။ ကျနော်တို့ စပြီးတိုက်တာ မဟုတ်ဘူး။ သူတို့က ကျနော်တို့ ရှိတဲ့နေရာကို ဝင်ရှင်းတယ်။ ဖယ်ခိုင်းတာမျိုးတွေ လုပ်တော့ ပစ်ခတ်မှုတွေ ဖြစ်တယ်။ အခု တိုက်ပွဲဖြစ်တိုင်း တပ်မတော်က စပြီး ဝင်တိုက်တာမျိုး ဖြစ်နေတယ်။ အဲဒါ စဉ်းစားပေးဖို့ တင်ပြတယ်" ဟု ဗိုလ်မှူးစိုင်းလှ က ပြောသည်။ 

SSA-N အတွင်းရေးမှူး ဦးခွန်စိုင်း အပါအဝင် လေးဦး နှင့် အစိုးရ လျှပ်စစ်ဝန်ကြီး ဦးခင်မောင်စိုးနှင့် စီးပွားရေးနှင့် ကူးသန်းရောင်းဝယ်ရေး ဝန်ကြီး ဦးဝင်းမြင့်တို့ တွေ့ဆုံခဲ့ကြခြင်း ဖြစ်သည်။

မတ်လ ၂၅ ရက်နေ့က ရမခ တိုင်းမှူး ဗိုလ်မှူးချုပ် အောင်တိုး က ရမခနှင့် ရလခ တိုင်းဌာနချုပ် ဆက်သွယ်သည့် လားရှိုး-တန့်ယန်း-မိုင်းရှုး ကားလမ်းလုံခြုံရေးအတွက် နယ်မြေ ရှင်းလင်းမည် ဖြစ်၍ ရှမ်းပြည်နယ်မြောက်ပိုင်း တန့်ယန်းနှင့် လားရှိုးမြို့နယ်အတွင်းရှိ SSA-N ယာယီ တပ်စခန်းမှ ဆုတ်ခွာပေးရန် ပြောဆိုခဲ့ခြင်း ဖြစ်သည်။

"ဖယ်ပေးမယ်ဆိုရင်လည်း နေရာ မရှိတော့ဘူး။ ဆုတ်ပေးလို့လည်း မရဘူး။ ကျနော်တို့က ဘယ်နေရာမှ မရွှေ့နိုင်ဘူး။ ဒီနေရာမှာပဲ နေထိုင်ခဲ့တာ။ နောက် လက်နက်ကြီးနဲ့ ပစ်တော့ ရွာသားတွေ မနေရဲဘူး။ သူတို့ ရွာပြန်နေထိုင်ပေးဖို့၊ အဓိက စီစဉ်ပေးဖို့ သူတို့ အစိုးရတပ်တွေကို ထိန်းပေးဖို့၊ ထာဝရငြိမ်းချမ်းရေးကို လိုလားရင်တော့ သူတို့ အဲဒီနေရာကို ကွက်ပြီး စစ်ဆင်ရေး လုပ်စရာ မလိုဘူး" ဟု SSA-N ပြောခွင့်ရသူက
ပြောသည်။

ဆုတ်ခွာခိုင်းသော နေရာသည် SSA-N နှင့် ဝပြည် သွေးစည်းညီညွတ်ရေး တပ်မတော် UWSA တို့၏ နှစ်ဖက် မဟာမိတ် ဆက်ဆံရေးလမ်းကြောင်း ဖြစ်နေပြီး ထိုလမ်းကြောင်းမှ ဒေသထွက်ကုန်ပစ္စည်းများကို တရုတ်နိုင်ငံသို့ အဓိကတင်ပို့သော အရေးကြီး ကုန်သွယ်ရေးလမ်းကြောင်း ဖြစ်သည်ဟု ဆိုသည်။

"အရင်ဖြစ်ခဲ့တဲ့ တိုက်ပွဲတွေလည်း သူတို့ နယ်မြေရှင်းတာတို့၊ ဟိုလုံခြုံရေး၊ ဒီလုံခြုံရေး အကြောင်းပြပြီးတော့ ကျနော်တို့ကို ဆုတ်ခိုင်းခဲ့တာလည်း များပြီ။ ခုလည်း အဲဒီနယ်မြေကို စိုးမိုးချင်တဲ့ သဘောမျိုး။ အဲဒီနေရာက ကျနော်တို့ တလျှောက်လုံးနေခဲ့တဲ့ နယ်မြေတွေပဲ။ ကျနော်တို့လည်း မရွှေ့ပါဘူး" ဟု ဗိုလ်မှူး စိုင်းလ က ဆိုသည်။

၂၀၁၂ ခုနှစ်၊ ဇူလှိုင်လဆန်းပိုင်းက SSPP က တန့်ယန်းမြို့နယ် ၇ မိုင်စခန်းနှင့် မိုင်းရှူးမြို့နယ် လွိုင်ဖာဖိန့်ရှိ တပ်စခန်း နှစ်ခုကို ပြောင်းရွှေ့ပေးလိုက်ပြီး ၎င်းနေရာများတွင် အစိုးရ စစ်တပ်က အခိုင်အမာ တပ်စွဲထားလိုက်သည် ဟု ဆိုသည်။

ယမန်နေ့ တွေ့ဆုံပွဲသို့ ငြိမ်းချမ်းရေးလုပ်ငန်းဖော်ဆောင်ရေးလုပ်ငန်းကော်မတီ ဒု-ဥက္ကဋ္ဌ ဝန်ကြီး ဦးအောင်မင်း တက်ရောက်မည်ဟု ဆိုထားသော်လည်း လာရောက်လာခြင်း မရှိခဲ့ကြောင်း ဗိုလ်မှူးစိုင်းလ က ပြောသည်။

တိုက်ပွဲများကြောင့် တိမ်းရှောင်နေရသူ ဒေသခံ ရွာသားများနှင့် ပတ်သက်၍လည်း ယမန်နေ့ တွေ့ဆုံရာတွင်
ဆွေးနွေးတင်ပြခဲ့သည်။

တန့်ယန်းမြို့နယ်အရှေ့ဘက် ၁၀ မိုင်အကွာရှိ လွယ်စေးဒေသတွင် မတ်လအတွင်း နေ့စဉ် တိုက်ပွဲများ ဖြစ်ပွားခဲ့၍ ထိုဒေသအတွင်း ရွာပေါင်း ၁၄ ရွာမှ လူဦးရေ ၁,၀၀၀ ကျော်မှာ တန့်ယန်းမြို့ရှိ ဘုန်းကြီးကျောင်းများသို့ ထွက်ပြေး ခိုလှုံနေရသဖြင့် လုံခြုံရေး စီစဉ်ပေးရန် တင်ပြခဲ့သည်ဟု သူက ဆက်ပြောသည်။ 

လွယ်စေးဒေသ အခြေစိုက် ခလရ တပ်ရင်း ၂၉၁ နှင့် ၃၃ တပ်ဖွဲ့က လက်နက်ကြီးဖြင့် ပစ်ခတ်ခဲ့၍ ရွာသားများ ထွက်ပြေး တိမ်းရှောင်နေရသည်ဟု ဆိုသည်။

ဆွေးနွေးပွဲတွင် SSA-N ကိုယ်စားလှယ်များ၏ တင်ပြချက်များကို သက်ဆိုင်ရာ တိုင်းဌာနချုပ်များနှင့် သမ္မတ ဦးသိန်းစိန်တို့ထံ တင်ပြပေးမည်ဟု ဝန်ကြီး ဦးခင်မောင်စိုးတို့က ပြောဆိုခဲ့ကြောင်း ဗိုလ်မှူးစိုင်းလှက ပြောသည်။ 

တိုင်းဒေသကြီးနှင့် ပြည်နယ်များမှ ကင်းထောက်လူငယ်များနှင့် ဘက်စုံပညာ ထူးချွန်ကျောင်းသားများ နေပြည်တော်တွင် တွေ့ဆုံပွဲ ကျင်းပမည်

တိုင်းဒေသကြီးနှင့် ပြည်နယ်များမှ ကင်းထောက်လူငယ်များနှင့် ဘက်စုံပညာ ထူးချွန်ကျောင်းသားများ ၂၀၁၃ ခုနှစ် ဧပြီလ ၇ ရက်နေ့တွင် နေပြည်တော်ရှိ MICC အစည်းအဝေးခန်းမတွင် ပထမဆုံးအကြိမ် တွေ့ဆုံဆွေးနွေးပွဲ ကျင်းပမည်ဖြစ်ကြောင်း သတင်းရရှိသည်။

တိုင်းဒေသကြီးနှင့် ပြည်နယ်အသီးသီးမှ ကင်းထောက်လူငယ် စုစုပေါင်း ၄၈၀ ဦးနှင့် ဘက်စုံပညာ ထူးချွန်ကျောင်းသား ၅၁၀ ဦး တွေ့ဆုံပွဲတွင် နိုင်ငံတော်သမ္မတ တက်ရောက်မည်ဖြစ်ကြောင်း အမှတ် (၃) အခြေခံပညာ ဦးစီးဌာနမှ ညွှန်ကြားရေးမှူး (အငြိမ်းစား) ဦးတင်လှိုင်ထံမှ သိရသည်။

မြန်မာနိုင်ငံတွင် အမျိုးသမီး ကင်းထောက်လူငယ်အဖွဲ့ကို ၁၉၁၆ ခုနှစ်တွင် စတင်ဖွဲ့စည်းခဲ့ပြီး အမျိုးသား ကင်းထောက်အဖွဲ့အား ၁၉၂၀ ခုနှစ်တွင် ဖွဲ့စည်းခဲ့သည်။ ၁၉၅၀ ခုနှစ်တွင် ကမ္ဘာ့ကင်းထောက် အဖွဲ့အစည်းမှ အသိအမှတ်ပြုခြင်း ခံခဲ့ရကာ ၁၉၆၂ ခုနှစ်တွင် နိုင်ငံရေး အပြောင်းအလဲကြောင့် မှေးမှိန်ခဲ့ရကြောင်း ၂၀၁၃ ခုနှစ်တွင် အာရှပစ္စပိတ် ဒေသဆိုင်ရာ ကင်းထောက်အဖွဲ့အစည်းများနှင့် ဆက်သွယ်ပြီး ကမ္ဘာ့ကင်းထောက် အဖွဲ့အစည်းနှင့် ဆက်သွယ်ကာ ပြန်လည်ပါဝင်နိုင်အောင် ကြိုးစားလျက်ရှိကြောင်း သိရှိရသည်။

"ကင်းထောက်အဖွဲ့ဟာ စစ်သဘောတရား မပါ နိုင်ငံရေး ၀င်ရောက်မစွက်ဘက်ပဲ လူမှုဝန်ထမ်းသက်သက်သာ ဆောင်ရွက်နေပါတယ်။ ကျွန်တော်တို့ ကင်းထောက်အဖွဲ့ဟာ အများအကျိုးအတွက် အဆင်သင့်ဖြစ်တဲ့ အဖွဲ့အစည်း ဖြစ်တယ်။ ဒီကနေ့ လူငယ်တိုင်းဟာ ကင်းထောက်စိတ်ဓာတ်တွေ ရှိနေမယ်ဆိုရင် အနာဂတ်မှာ နိုင်ငံတော်အတွက် အများကြီး ကောင်းလာမှာပါ" ဟု ညွှန်ကြားရေးမှူး (အငြိမ်းစား) ဦးတင်လှိုင်မှ ဆက်လက်ပြောကြားခဲ့သည်။

စစ်တွေရှိ ဘင်္ဂါလီ ဒုက္ခသည် စခန်းများတွင် လူဦးရေ အဆမတန် များပြားလာသောကြောင့် တာဝန်ရှိသူများနှင့် ဒေသခံများ စိုးရိမ်နေ

စစ်တွေမြို့ရှိ ဘင်္ဂါလီ ဒုက္ခသည်စခန်း တစ်ခုသို့ သက်ဆိုင်ရာ တာဝန်ရှိသူများ ဇန်န၀ါရီလအတွင်း သွားရောက်ခဲ့စဉ်

စစ်တွေမြို့နယ်တွင် ရှိနေသော ဘင်္ဂါလီ ဒုက္ခသည် စခန်းသုံးခုဖြစ်သည့် သက်ကယ်၊ သဲချောင်းနှင့် အခြားစခန်း တစ်ခုတွင် ဘင်္ဂါလီ ဒုက္ခသည်ဦးရေ အဆမတန် များပြားလာသောကြောင့် တာဝန်ရှိသူများနှင့် ဒေသခံများ စိုးရိမ်နေကြောင်း ရခိုင်အမျိုးသား ဒီမိုကရေစီ အဖွဲ့ဥက္ကဌ ဦးအေးသာအောင်က ပြောသည်။

လက်ရှိ ဘင်္ဂါလီဒုက္ခသည် စခန်းရှိ လူဦးရေမှာ ယခင်ကထက် အဆမတန် များလာပြီး စစ်တွေမြို့ပေါ်နေ လူဦးရေထက် များပြားလာခြင်းဖြစ်ကြောင်း၊ ထို့သို့မြို့ပေါ်နေ လူဦးရေထက် များပြားနေခြင်းကြောင့် ပြဿနာ တစ်စုံတစ်ရာ ဖြစ်လာပါက ဖြေရှင်းရန် ခက်ခဲလာနိုင်ပြီး နှစ်ဦးနှစ်ဖက် ထိခိုက်နစ်နာမှု များပြားမည်ကို တာဝန်ရှိသူများနှင့် ဒေသခံများက စိုးရိမ်နေကြခြင်းဖြစ်ကြောင်း ဦးအေးသာအောင်က ဆိုပါသည်။

"အခု ဘင်္ဂါလီ ဒုက္ခသည်စခန်းမှာ လူတော်တော်များလာတယ်၊ တကယ်လို့ ပြဿနာ တစ်စုံတစ်ရာ ဖြစ်လာရင် ဖြေရှင်းရ ခက်သွားနိုင်တယ်၊ စစ်တွေမြို့ပေါ်နေ လူဦးရေက သိပ်မရှိဘူး၊ ဘင်္ဂါလီ ဒုက္ခသည်စခန်းမှာ ဒုက္ခသည်ဦးရေ တဖြည်းဖြည်း တိုးလာနေတော့ အကုန်လုံးက စိုးရိမ်နေကြတယ်၊ ဒီအချက်ကို ကျွန်တော်တို့ အစီရင်ခံစာမှာ ထည့်သွင်းသွားဖို့ ဆွေးနွေးနေကြတယ်၊ ဒါက တကယ့်ကို စိုးရိမ်စရာ အခြေအနေပါ" ဟု ရခိုင်မျိုးသား ဒီမိုကရေစီ အဖွဲ့ဥက္ကဋ္ဌ ဦးအေးသာအောင်က ပြောသည်။

ထိုဘင်္ဂါလီများမှာ ဒေသအတွင်း ရှိနေသူများဖြစ်ကြပြီး ပဋိပက္ခအတွင်း မပါဝင်သူများလည်း ရောက်ရှိလာပြီး တူရကီနိုင်ငံက လုံးချင်းအိမ်ဆောက်လုပ်ပေးရန် လာရောက်ကမ်းလှမ်းပြီး နောက်ပိုင်း သိသိသာသာ တိုးလာကြောင်း ဦးအေးသာအောင်က ပြောပါသည်။ "ကျွန်တော် သိရသလောက်တော့ အရင်က ဘင်္ဂါလီ ဒုက္ခသည်စခန်းမှာ ၇၅၀၀၀ လောက်ဘဲ ရှိတယ်၊ အခု တစ်သိန်းခွဲလောက် ဖြစ်နေပြီ အနယ်နယ် အရပ်ရပ်က ဘာမှဒုက္ခမရောက်ကြတဲ့ လူတွေလည်း ရောက်လာကြတယ်၊ ဘယ်လို ရောက်လာကြတယ် ဆိုတာတော့ အတိအကျ မသိဘူး။ တအားကို တိုးသွားတာ၊ လုံးချင်းအိမ်တော့ မဆောက်တော့ပါဘူး၊ ဒါပေမယ်လို့ ဒုက္ခသည် စခန်းတွေမှာ နေစရာ စားစရာကအစ ဘာမှမပူရဘူး၊ အဲဒီတော့ အလုပ်မလုပ်ချင်တဲ့ လူတွေက ဒုက္ခသည်စခန်းကို ရောက်လာကြတယ်" ဟု ရခိုင်အမျိုးသား ဒီမိုကရေစီ အဖွဲ့ ဥက္ကဋ္ဌ ဦးအေးသာအောင်က ပြောပါသည်။

ဘင်္ဂလီများအား တူရကီမှ လုံးချင်းအိမ်များ ဆောက်လုပ်ပေးရန် အစီအစဉ်နှင့် ပတ်သက်ပြီး ဒေသခံများက သဘောမတူသောကြောင့် မတ်လ ၇ ရက်နေ့က စစ်တွေ၊ ကျောက်တော်၊ မြောက်ဦးနှင့် မင်းပြားမြို့နယ်၊ ပန်းမြောင်းကျေးရွာတို့တွင် ဆန္ဒထုတ်ဖော်မှုများ ရှိခဲ့ကြောင်း သိရသည်။

လက်ရှိ စစ်တွေဘင်္ဂါလီ ဒုက္ခသည်စခန်း သုံးခုကို ၂၀၁၂ ခုနှစ် ဇူလိုင်လတွင် စတင်ဖွင့်လှစ်ခဲ့ခြင်းဖြစ်ကြောင်း သိရသည်။

လူရည်ချွန် မောင်မယ်များ တောင်ကြီးမြို့၊ ငွေဆောင်ပတ်ဝန်းကျင် ကျေးရွာများနှင့် ချောက်ရေနံမြေသို့ သွားရောက်လေ့လာ

စလေရုပ်စုံကျောင်းအား လေ့လာနေသည့် လူရည်ချွန် မောင်မယ်များကို တွေ့ရစဉ် (ဓာတ်ပုံ - ကိုနော်(ပုဂံ))

လူရည်ချွန် မောင်မယ်များသည် ဧပြီလ ၃ ရက်နေ့တွင် တောင်ကြီးမြို့၊ ငွေဆောင်ပတ်ဝန်းကျင် ကျေးရွာများနှင့် ချောက်ရေနံမြေသို့ သွားရောက်လေ့လာခဲ့ကြကြောင်း သိရသည်။

ဘက်စုံထူးချွန် အပန်းဖြေစခန်း (ပုဂံ) မှ လူရည်ချွန် မောင်မယ်များသည် ဧပြီလ ၃ ရက်နေ့တွင် ပုဂံအပန်းဖြေစခန်းမှ တစ်ဆင့် ချောက်ရေနံမြေရှိ အမှတ် (၂) ရေနံချက်စက်ရုံနှင့် စလေမြို့ရှိ ရုပ်စုံကျောင်း၊ ဓာတ်မြေသြဇာစက်ရုံတို့အား သွားရောက်လေ့လာခဲ့ကြောင်း ကျောင်းသား၊ ကျောင်းသူလေးများသည် နံနက် ၈ နာရီတွင် လေ့လာရေးခရီး စတင်ထွက်ခွာခဲ့ပြီး ညနေပိုင်းတွင် စခန်းသို့ ပြန်လည်ရောက်ရှိခဲ့ကြောင်း သိရသည်။

အလားတူ ဧရာဝတီတိုင်းဒေသကြီး ငွေဆောင်ကမ်းခြေစခန်းရှိ ဘက်စုံထူးချွန် လူငယ်များသည် ပုသိမ်မြို့၊ ကန်ကြီးထောင့်မြို့နှင့် ငွေဆောင်ပတ်ဝန်းကျင်ရှိ ကျေးရွာများသို့ ဧပြီလ ၂ ရက်နေ့နှင့် ၃ ရက်နေ့များတွင် ပြည်သူ့ဘ၀ လေ့လာရေး ခရီးစဉ်များအဖြစ် သွားရောက်ခဲ့ကြောင်း၊ လူငယ်များသည် ဧပြီလ ၂ ရက်နေ့တွင် ကန်ကြီးထောင့်မြို့နယ်ရှိ ဓာတ်မြေသြဇာစက်ရုံ၊ ပုသိမ်မြို့နယ်ရှိ အထပ်သားစက်ရုံ၊ ပုသိမ်ထီးလုပ်ငန်း၊ ပုသိမ်ဟာလ၀ါ လုပ်ငန်းများအား အသုတ်လိုက် အလှည့်ကျ လေ့လာခဲ့ကြပြီးနောက် ပုသိမ်မြို့ နောက်ခံသမိုင်းအား ပုသိမ်မြို့ မြို့တော်ခန်းမတွင် ပရိုဂျက်တာဖြင့် ရှင်းလင်းခဲ့သည်ကို ကြည့်ရှုလေ့လာခဲ့ကြကြောင်း သိရသည်။

ဧပြီလ ၄ ရက်နေ့တွင် ငွေဆောင်ဟိုတယ်ဇုန်ရှိ ဟိုတယ်ကြီးလေးခုအား သွားရောက်လေ့လာမည်ဖြစ်ပြီး ငွေဆောင်ကမ်းခြေတွင် ကျင်းပမည့် အကြိုဆီးဂိမ်းပြိုင်ပွဲကိုလည်း သွားရောက်လေ့လာမည်ဖြစ်ကာ ဧပြီလ ၅ ရက်နေ့တွင် ငွေဆောင်စခန်းမှ ပြန်လည်ထွက်ခွာ၍ နေပြည်တော်တွင် စခန်းသုံးခုမှ ထူးချွန်လူငယ်များ စုပေါင်းတွေ့ဆုံပွဲ ကျင်းပသွားမည်ဖြစ်ကြောင်း သိရသည်။

ထို့အတူ အင်းလေးအပန်းဖြေစခန်းမှ လူရည်ချွန် လူငယ်များသည် အပန်းဖြေစခန်းမှတစ်ဆင့် တောင်ကြီးမြို့ အ.ထ.က(၁) တည်းခိုစခန်းသို့ ဧပြီလ ၂ ရက်နေ့ ညနေတွင် ရောက်ရှိခဲ့ကြောင်း သိရသည်။

ဧပြီလ ၃ ရက်နေ့တွင် ပအို့ဝ် ကိုယ်ပိုင်အုပ်ချုပ်ခွင့်ရ ဟိုပုန်းမြို့နယ်တွင် တည်ရှိသော ထမ့်စမ်းလှိုင်ဂူတော်၊ တောင်ကြီးမြို့ စူဠာမုနိဘုရား၊ တောင်ကြီးမြို့မဈေးများသို့ သွားရောက်လေ့လာခဲ့ကြောင်း၊ ညနေပိုင်းတွင် ညောင်ရွှေစခန်းသို့ ပြန်ရောက်ခဲ့ကြောင်း သိရသည်။ ဧပြီလ ၅ ရက်နေ့ နေ့လည်ပိုင်းတွင် နေပြည်တော်သို့ ဆက်လက်ထွက်ခွာမည်ဖြစ်ပြီး လူရည်ချွန်များထဲတွင် အဋ္ဌမတန်း၊ န၀မတန်းနှင့် တက္ကသိုလ်ဝင်တန်းအရွယ်များ ပါဝင်ကြောင်း သိရသည်။

အင်းလျားကန်အနီး လူသတ်၍ ထွက်ပြေးသူ ကိုယ်တိုင် လာရောက်အဖမ်းခံ

အင်းလျား ကန်ဘောင် အနီး လူသတ်၍ ပြိုင်ကား မောင်းပြီး ထွက်ပြေး သွားသူဟု ရဲက သံသယ ရှိသူမှာ ၄င်းကိုယ်တိုင် လာရောက် အဖမ်းခံ လိုက်ကြောင်း သတင်း ရရှိသည်။ ဧပြီ ၁ ရက် နံနက် ၁၁ နာရီတွင် ရန်ကုန်တိုင်း ဒေသကြီး ရဲတပ်ဖွဲ့ မှူးရုံး၌ ၄င်းကိုယ်တိုင် လာရောက် အဖမ်းခံခြင်း ဖြစ်ကြောင်း လှိုင်မြို့နယ် ရဲစခန်းမှူးက ပြောသည်။ မတ် ၁၇ရက် ည ၈နာရီ ၅ မိနစ် ခန့်တွင် အေဒီမီးပွိုင့်မှ လှည်းတန်းသို့ မောင်းလာသော ယာဉ်အမှတ်(၇ဂ/---) ငွေမင်ရောင် ပြိုင်ကားသည် အင်းလျား ကန်ဘေးရှိ အိအိုင်ဘီစီရှေ့အရောက်တွင် ရပ်ပြီး ကားပေါ်မှ ထိုးသွင်း ဒဏ်ရာဖြင့် အမျိုးသား တစ်ဦး ဆင်းလာကာ လဲကျသွား၍ လုံခြုံရေး တာဝန်ကျက သွားရောက် ကြည့်ရှုစဉ် အဆိုပါ ပြိုင်ကားမှာ လာရာလမ်း အတိုင်း မောင်းနှင် ထွက်ပြေးသွား ခဲ့သည်။ ရဲများက ဒဏ်ရာ ရရှိသူအား ရန်ကုန် ဆေးရုံကြီးသို့ ပို့ပြီး ဆေးကုသမှု ခံယူနေစဉ် သေဆုံး သွားခဲ့သည်။

''သတ်ရတဲ့ အကြောင်း အရင်းကတော့ သေဆုံးသူက ရင့်ရင့် သီးသီး ပြောလို့ တစ်ယောက် တစ်ခွန်း စကားများရာ ကနေ အသင့်ပါလာတဲ့ ဓားနဲ့ ထိုးလိုက် တယ်လို့ ထွက်ချက် ရထားတယ်''ဟု စခန်းမှူးက ပြောသည်။ ယင်းသို့ ကားမောင်း ပြေးသွား ပြီးနောက် တာဝန်ရှိ သူများက ပြိုင်ကားကို ဝိုင်းဝန် ရှာဖွေကြရာ ည ၁၁ နာရီအချိန်၌ တောင်ဒဂုံ မြို့နယ်အတွင်း တွေ့ရှိခဲ့သည်။ ထို့နောက် တရားခံဟု သံသယရှိ သူ ကိုခိုင် နေထိုင်သော ရွှေပြည်သာရှိ ၄င်း၏ နေအိမ်သို့ သွားရောက်ရှာ ဖွေခဲ့ရာ ခရီးထွက်နေ သည်ဟု သိရှိ ရကြောင်း ၄င်းကပြောသည်။

ကိုကျော်မင်းခိုင် (ခ) ကိုခိုင်၏ မိသားစု များက အကူအညီ ပေးသဖြင့် ၄င်းမှာ တောင်ကြီး ရောက်နေကြောင်း သိရှိရပြီး ရဲတပ်ဖွဲ့ဝင်များ နှင့် မိသားစု ဝင်များ၏ တိုက်တွန်း စည်းရုံး မှုကြောင့် ၄င်းမှာ ရန်ကုန် သို့ပြန်လာကာ အဖမ်းခံ ခဲ့ခြင်း ဖြစ်သည်ဟု ၄င်းက ဆက်ပြောသည်။ ''တိုင်းတပ်ဖွဲ့ မှူးရုံးမှာ လ အဖမ်းခံတော့ တိုင်းရုံးကနေ ကျွန်တော်တို့ဆီ ပြန်လွှဲပေး လိုက်တာ။ ဒီနေ့တော့ သူ့ကို ရုံးထုတ်ပြီး ရမန်ယူ ထားတယ်''ဟု စခန်းမှူးက ပြောသည်။ ထိုအမှုနှင့် ပတ်သက်၍ လှိုင် ရဲစခန်းမှ (ပ) ၉၈/၁၃၊ ပုဒ်မ ၃ဝ၂ နှင့် မူးယစ် (ပ) ၁/၁၃၊ ပုဒ်မ ၁၉/(ဂ)၂ဝ(က) ဖြင့် အမှုဖွင့် ထားသည်။  

၄၈ လမ်း မီးလောင်မှုမှ လွတ်မြောက်လာသူအချို့ ဘာပြောကြသလဲ

ယခု ကျောင်းသား သုံးဦးမှာ ဧပြီ ၂ ရက် နံနက် သုံးနာရီက ဗိုလ်တထောင် မြို့နယ် ၄၈ လမ်းတွင် မီးလောင် ရာ၌ ရှိနေခဲ့ သူများ ဖြစ်သည်။ ဧပြီ ၂ ရက် ညနေ ၅ နာရီ ကျော်တွင် မီဒီယာ အချို့နှင့် တွေ့ဆုံခွင့် ရခဲ့သည်။ မီးလောင်မှု ဖြစ်စဉ်အတွင်း သူတို့ကြုံတွေ့ ခဲ့ရမှုများအား ကျွန်တော် တို့ကို ပြောပြခဲ့သည်။ ထို့ပြင် ဗလီ ဥက္ကဋ္ဌ ဦးဘနီနှင့် ကျောင်းဆရာ ဦးဆာအိ တို့က သတင်းစဉ်သို့ ပြောကြားချက် များကိုလည်း ပေါ်ပြူလာနယူးစ် ပရိသတ်များ သိရှိနိုင်ပါရန် စုစည်း တင်ဆက် လိုက်ပါသည်။

မောင်ဝေယံသူ(၁၄ နှစ်)

အဲဒီမှာ နေတာတော့ တစ်နှစ်ကျော် လောက်ရှိပြီ။ ကျွန်တော်က အောက်ထပ်မှာ အိပ်တယ်။ မီးလောင်နေတော့ ကျွန်တော်တို့ ထမင်းစား ခန်းထဲ ဝင်ပြေး ကြတယ်။ မီးသတ် တွေလာမှ ကျွန်တော်တို့ ထွက်လာ ကြတယ်။ သူတို့ကလည်း ကျောင်းသား လေးတွေ ထွက်လာလို့ ရပြီလို့ ပြောတယ်။ အဲဒီမှာ ထွက်လာ ကြတာ။ ကိုယ့်ဘာသာ လွတ်အောင် ပြေးလာတော့ တခြားသူတွေ ကိုလည်း ဂရုမစိုက် ဖြစ်ဘူး။ ဘေးအိမ်ကို အကူအညီ အော်တောင်းတော့ ဘေးအိမ်က မီးတော့ လင်းလာတယ်။ ဒါပေမဲ့ လူတစ်ယောက်မှ မတွေ့ဘူး။ မောင်ဇော်ဇော်ထက်(၁၈ နှစ်) လှေကား အရင်းက စလောင်တာ တွေ့တယ်။ ကျွန်တော်လည်း အောက်ထပ် မှာပဲ အိပ်တယ်။ အထပ်ခိုးမှာက ကလေးတွေပဲ ထားတာ။ ကလေးတွေ ဆိုတော့ ကြောက်နေကြ တာပေါ့။ ၁၃ နှစ်အရွယ် တချို့ကလေး တွေက လှေကားမှာ မီးစွဲ နေတော့ အပေါ်ကနေ ခုန်ချကြ တယ်။ ဆရာက ပြောတယ်။ မီးလောင် နေပြီ၊ မင်းတို့ ပြေးကြတော့၊ လွတ်ရာကို သွားလို့ ပြောတယ်။ ကျွန်တော် တို့လည်း မီးက အရမ်းပူတော့ စောင်တွေ ကာပြီး ထမင်းစား ခန်းထဲ ဝင်ပြေးကြတယ်။ ဓာတ်ကြိုး တွေကလည်း ထပေါက်တဲ့ ဟာက ထပေါက်တယ်။ နောက် မီးသတ် တွေလာလို့ရပြီ ပြောမှ ကျွန်တော်တို့ ဓာတ်ကြိုး အောက်ကနေပြီး လာရတယ်။

မောင်မင်းခန့်ဇော်(၁၇ နှစ်)

ကျွန်တော်တို့ ကြီးတဲ့ ကလေးတွေကို အောက်မှာ ပေးအိပ် ထားတယ်။ လှေကား နားမှာ အိပ်တဲ့ သူတွေလည်း ဘာမှမဖြစ်ဘူး။ အပေါ်က ကလေးတွေပဲ ဖြစ်သွားတာ။ ကျွန်တော် တို့လည်း အော်ပြီးအကူအညီ တောင်းကြတယ်။ ဒါပေမဲ့ ဘယ်သူမှ မသိကြဘူး။ ဗလီ ဥက္ကဋ္ဌနှင့် ကျောင်းဥက္ကဋ္ဌ ဖြစ်သူ ဦးဘနီက သတင်းစဉ် (ပြည်တွင်း)သို့ ပြောကြားချက် ကျွန်တော်လည်း သတင်း ကြားကြားချင်း ရောက်လာတာပါ။ ကျောင်းက ပိတ်ထား ရာကနေ ပြန်ဖွင့်တာ နှစ်ရက်ပဲ ရှိပါသေးတယ်။ လမ်းထဲက ရပ်ကွက်သူ ရပ်ကွက်သား တွေကလည်း အတော် စောင့် ရှောက်ကြပါတယ်။ ဒါကြောင့် ဒီရက်ပိုင်း အရင် ကျောင်းပိတ်ထားရာကနေ ပြန်ဖွင့်လိုက်တာပါ။ ဒီကလေးတွေကို ရပ်ကွက်က ကိစ္စတစ်ခုခု ရှိရင် ခေါ်ခိုင်းတာတွေ ရှိပါတယ်။ ပြီးတော့ လိုအပ်တာတွေကို ရပ်ကွက်က ဝိုင်းပံ့ပိုးကြပါတယ်။ ဒီရပ်ကွက်ကို ကျွန်တော်တို့ သိပ်စိတ်ချပါတယ်။ ကလေးတွေက ဒီလမ်း ထဲမှာပဲ အားလပ်ရင် ဆော့ကစားတယ်။ ဒီလမ်းက သိပ် စိတ်ချရတယ်။ ဒါကြောင့် ကျောင်း ပိတ်ရက်မှာ ကလေးတွေ စာတွေ မေ့သွားမယ်ဆိုပြီး ပြန်ဖွင့်တာ။ အခုမှ နှစ်ရက် ပဲ ရှိပါသေးတယ်။ အခုဖြစ်တော့ တံခါးတွေကပိတ်ထားတော့ ကလေးတွေ မီးခိုးတွေမွှန်ပြီး သေရတာပါ။ အောက်ထပ်က စာသင်တဲ့အဆောင်ပါ။ ရှေ့ဘက်မှာ ဝတ်ပြုဆောင်ရှိပါတယ်။ မီးလောင်စရာတော့ ကြီးကြီးမားမား ပစ္စည်းမရှိပါဘူး။ သစ်သားကြမ်းခင်းနဲ့ စီလင်ကလည်း သစ်သားပါ။ ဒါလောက်ပဲရှိတာပါ။ အခုတော့ မီး လောင်တာနဲ့ ပတ်သက်ပြီး အသေးစိတ်စစ်ဆေးနေတယ်လို့ပြောပါ တယ်။ မီးလောင်ချိန်ကတော့ သိပ်မကြာလိုက်ဘူး။ ကျောင်းက ကျောင်းသား ၇ဝ ကျော်လောက် ရှိတာမှာ အပေါ်ထပ်မှာနေတဲ့ ၁၃ ယောက်သေသွားတယ်။ ကျန်တဲ့ ကလေးတွေကိုတော့ မင်္ဂလာ တောင်ညွန့်မြို့နယ်မှာရှိတဲ့ ဗလီကို ရွှေ့ပြောင်းပေးထားပါတယ်။ အခု ဒီကျောင်းမှာ တက်နေတဲ့ အချို့က မိဘရှိသူလည်း ရှိပါတယ်။ အချို့ ကတော့ နယ်ဘက်က မိဘမဲ့တွေ ဖြစ်ပါတယ်။ မိဘမဲ့တချို့ကိုတော့ မင်္ဂလာတောင်ညွန့်ဗလီမှာ ဆက် လက်ထိန်းသိမ်းစောင့်ရှောက်ထား ပါတယ်။ တချို့ကိုတော့ သူတို့မိဘ တွေ လာခေါ်သွားတယ်လို့ သိရပါ တယ်။

ကျောင်းဆရာ ဦးဆာအိက သတင်းစဉ် (ပြည်တွင်း)သို့ ပြော ကြားချက်

ဒီမှာအိပ်တာက ဘော်ဒါဆရာ နှစ်ယောက်နဲ့ ကျောင်းသား ၇ဝ ကျော်ရှိပါတယ်။ ကျွန်တော်တို့က တော့ စာသင်ပြီး ပြန်တာပါ။ ကလေးငယ်တွေကို အပေါ်ထပ်မှာ သိပ်ပါတယ်။ ကလေး အလတ်တွေ နဲ့ ဆရာတွေကတော့ အောက်ထပ် မှာ အိပ်ပါတယ်။ မီးလောင်တာကို သူတို့ ငြှိမ်းသတ်ကြတယ်။ နောက် တော့ လှေကားတွေ မျက်နှာကြက် တွေ မီးလောင်ပြီး အပေါ်ထပ်က ကလေးတွေ ဆုံးသွားတာပါ။ မသင်္ကာစရာလူစိမ်း လုံးဝမတွေ့ခဲ့ ပါဘူး" ဟု ပြောခဲ့သည်။

ထိုကဲ့သို့ အမှားမခံနိုင်သည့် အခြေအနေကြောင့် ရန်ကုန်တိုင်း ဒေသကြီးအစိုးရအဖွဲ့မှ ယင်းနေ့ (ဧပြီ ၂ ရက်) မနက် ၁၁ နာရီ တွင် ရန်ကုန်တိုင်းဒေသကြီး အစိုးရအဖွဲ့ ရုံးခန်းမ ၃ တွင် သတင်းစာရှင်း လင်းပွဲတစ်ခု ချက်ခြင်းပြုလုပ်ခဲ့သည်။ ရန်ကုန်တိုင်းဒေသကြီး ဝန်ကြီး ချုပ်ဦးမြင့်ဆွေက အဆိုပါ ရှင်းလင်းပွဲ၌ "ဒီစာသင်ကျောင်းရဲ့ အားနည်းချက်က တံခါးတွေအလုံကြီး ပိတ်ထားတယ်။ ဖြစ်တဲ့အချိန်တုန်းက ဆိုရင် သော့နှစ်ထပ်ခတ်ထားတယ်။ သူ့ရဲ့ ပတ်ပတ်လည်ပြတင်းပေါက်နဲ့ မြေညီထပ်က တံခါးတွေ အကုန်လုံးမှာ သံတိုင်တွေ၊ သံဆန်ခါတွေ အထပ်ထပ်ခတ်ထားတယ်။ တော်ရုံ တန်ရုံဖွင့်လို့မရဘူး။ မီးလောင်တော့ ကလေးတွေက အပြင်မထွက်နိုင်ဘူး။ မထွက်နိုင်တဲ့အတွက် ဆင်းရမှာလည်း ဒီတစ်ပေါက်တည်း။ အောက် ထဲကို ဆင်းရမှာ၊ လောင်တာကလည်း ဒါပဲဆိုတော့ ကလေးတွေ အပြင် အချိန်မီ မရောက်တဲ့အတွက် မီးခိုး ငွေ့တွေထိပြီး အသက်ရှုကျပ်သေဆုံး ကြရတာပါ"ဟု ဖြစ်ပွားပုံကို ပြောခဲ့ သည်။

ထို့ပြင် "အဲဒါက တစ်စုံတစ် ယောက်က လုပ်တာမဖြစ်နိုင်ဘူးလို့ အကြမ်းဖျင်းတော့ ကျွန်တော်တို့ သုံးသပ်ပါတယ်။ သို့သော်လည်းပဲ စုံစမ်းစစ်ဆေးရေး ကော်မရှင်ဖွဲ့ပြီး တိတိကျကျ အဖြေပေါ်အောင်လုပ်မယ်။ မနေ့ကအထိတော့ ကျွန်တော် တို့ကင်းအဖွဲ့တွေ အကြမ်းဖျင်းစစ် ဆေးတော့ ဘာမှမသင်္ကာစရာမတွေ့ ဘူး။ အားလုံးလည်း သိကြတဲ့အတိုင်း ပုဒ်မ ၁၈၈ ထုတ်ပြန်ထားတော့ ည ကျရင် ၉နာရီ တော်ရုံ မထွက်ကြ တော့ဘူး။ ဒီလိုမျိုး မနက်ဆို ပိုပြီး တော့ ကင်းချထားတယ်" ဟု ၄င်း က ပြောသည်။

မြန်မာနိုင်ငံလုံးဆိုင်ရာ မော်လဝီ အဖွဲ့ချုပ် ဒုဥက္ကဋ္ဌ ကိုရဲနောင်သိန်းကလည်း "ဒီနေ့ မနက် ၉ နာရီက ရန်ကုန်တိုင်းဒေသကြီး ဝန်ကြီးချုပ် က အစ္စလာမ်ဘာသာကြီး ၅ ဖွဲ့ကို ခေါ်ပြီး အစည်းအဝေးလုပ်ပါတယ်။ ဒီဖြစ်စဉ်နဲ့ပတ်သက်လို့ လောလောဆယ် ချို့ယွင်းချက်အနေနဲ့မြင်တာ မီးအားမြှင့်စက်ပေါ့။ မီးအားမြှင့်စက်က မီးမြင့်ပြီး အပူဒဏ်မခံ နိုင်လုိ့ လောင်တယ်လို့ယူဆပါတယ်။ အဲလိုယူဆတဲ့ နေရာမှာတစ်နိုင်ငံလုံး အတိုင်းအတာ နဲ့ ကျွန်တော်တို့ ရန်ကုန်မြို့ကို စိုးရိမ် နေတာက လုပ်ကြံဖန်တီးမှုတစ်ခုလို့ ယူဆနေတာကြောင့် ကျွန်တော်တို့ အနေနဲ့ လုပ်ကြံဖန်တီးမှုလား အမှန်တကယ် မီးအားမြှင့်စက်ကြောင့်လားဆိုတာကို အဖြစ်မှန်စစ်ဆေး ဖော်ထုတ်ဖို့အတွက် တောင်းဆို ပါတယ်။ ဝန်ကြီးချုပ်ကလည်းအမြန်ဆုံးကျွမ်းကျင်တဲ့ ပညာရှင်တွေနဲ့ ကော်မတီဖွဲ့ပြီးအမြန်ဆုံး အမှန်ဆုံး ဖော်ထုတ်ပေးမယ်လို့ပြောပါတယ်" ဟု ဆိုခဲ့သည်။

ရန်ကုန်တိုင်းဒေသကြီး လျှပ် စစ်ဓာတ်အားဖြန့်ဖြူးရေး ဒုတိယ အင်ဂျင်နီယာချုပ် ဦးထွန်းကြွယ်က "စစ်ဆေးတွေ့ရှိချက်အရ မီးအား အလွန်အကျွံမြင့်တက်လို့ မဟုတ်ဘဲ မီးအားမြှင့်စက်ကြောင့် ဖြစ်တာတွေ့ရတယ်။ မီးအားမြှင့်စက်မှာ ဗို့အားကို Regulator သုံးထား တယ်။ ပြီးတော့ သူက Manual ဖြစ်နေတယ်။ ညဘက်ကျတော့ မူလထဲကတင်ထားတဲ့အားကို ပြန်မချတော့အပူလွန်ကဲ ပြီးစလောင်တာ။ လျှပ်စစ်ဓာတ်အား မြင့်တာနဲ့ မဆိုင်ဘူး"ဟု ရှင်းလင်းခဲ့ သည်။ ယင်းအချိန်ကာလတွင် အင်တာနက်စာမျက်နှာ အချို့၌ ဆူပူမှု ဖြစ်စေနိုင်သော သွေးထိုးလှုံ့ဆော်မှုများဖြင့် လှုပ်ခတ်နေခဲ့သော်လည်း အများစုအနေဖြင့်မျှတစွာရှုမြင်ကြ ပြီး အဓိကအားဖြင့် သေဆုံးခဲ့ကြသော ကလေးများအတွက် ဝမ်းနည်းမှုဖြင့် စိတ်ထိခိုက်ခံစားမှုများကို ရေးသား ဖော်ပြခဲ့ကြသည်ကို တွေ့ရသည်။

မြန်မာနိုင်ငံလုံးဆိုင်ရာ မော် လဝီအဖွဲ့ချုပ် အထွေထွေအတွင်း ရေးမှူး ဦးကျော်စိုးကလည်း "ဘယ် လိုပုံစံနဲ့ ဖြစ်တယ်ဆိုတာကိုသိဖို့က အစည်းအဝေးထိုင်ပြီး ဖြစ်ရပ်မှန်ကို ကော်မရှင်ဖွဲ့လုပ်နေတယ်လို့သိရတယ်။ ထွက်လာတဲ့အဖြေပေါ် ကြည့်ပြီးတော့မှ ပြောလို့ရမယ်။ အခုဟာက မမြင်တွေ့ရဘဲသုံးသပ်မှု မပြုနိုင်ဘူး။ ဒါက လတ်တလော ဖြစ်ပေါ်နေတဲ့ ကိစ္စရပ်၊ ဒါကို ဥပဒေအတိုင်း စုံစမ်းဖော်ထုတ်မယ်လို့ ရန်ကုန်တိုင်းအစိုးရအဖွဲ့က ပြောထားတာပဲ။ ဒီကိစ္စကြောင့်တော့ လူမျိုးရေး၊ ဘာသာရေး ပဋိပက္ခ ဖြစ်ဖို့မရှိဘူး။ ရန်ကုန် တိုင်းအစိုးရအဖွဲ့ကလည်း ဒါကို အဖြစ်မခံပါဘူး"ဟု သုံးသပ်သည်။

ယင်းမီးလောင်မှုမှာ လတ်တလော စစ်ဆေးမှုများအရ မီးအားမြှင့်စက် အပူလွန်ကဲရာမှ ဖြစ်ပွားခြင်းဟုသိရပြီး အဓိကတာဝန်ရှိသည့် ဗလီတာဝန်ခံနှစ်ဦးအား အမှုဖွင့် အရေးယူထားသည်ဟု သိရသည်။ နံနက် ၁၁နာရီတွင် ပြုလုပ်ခဲ့ သည့် သတင်းစာရှင်းလင်းပွဲ၌ ရန် ကုန်တိုင်းရဲမှူးကြီးဝင်းနိုင်က "ဗလီ တာဝန်ခံနှစ်ယောက်ကို အမှုဖွင့် အရေးယူထားတယ်။ အခုသေဆုံး သွားတဲ့သူတွေက မီးခိုးမွှန်ပြီး သေဆုံးတယ်ဆိုတဲ့ ဆရာဝန်ရဲ့ ဆေးစစ်ချက်အရသိရတယ်။ ဒီဖြစ်စဉ်က ဝါယာရှော့ဖြစ်တာ။ ဒါကို ဖုံးချင်ဇောနဲ့ မသမာမှုတွေလို့ လျှောက် ပြောနေတယ်။ လမ်းတိုင်းလမ်းတိုင်းမှာ အလှည့်ကျကင်းလှည့် စနစ်ထားပါတယ်။ ဘယ်လူစိမ်းမှ အဝင်မရှိဘူး။ အပြင်ပယောဂမပါတဲ့အတွင်းက ဖြစ်စဉ်ကြောင့် ဖြစ်တယ်။ ဒီဝါယာရှော့ ဖြစ်တယ်ဆိုတာက လျှပ်စစ်ကျွမ်းကျင်သူရော၊ မီးသတ်ရော ဒီပုဂ္ဂိုလ်တွေရဲ့ သုံးသပ်ချက်တွေပါ။ ဒီမီးလောင်မှုမှာ ဗလီတာဝန်ရှိသူတွေ တာဝန်ပေါ့လျော့ တယ်။ မီးလောင်နေ တာသိရက်နဲ့သော့ကိုင်သူက တံခါး ဖွင့်မပေးဘူး" ဟု ဆိုခဲ့သည်။

ရန်ကုန်တိုင်းဒေသကြီးဝန်ကြီးချုပ် ဦးမြင့်ဆွေကလည်း "အမှန်ဆိုရင် သူတို့လေးတွေ မသေသင့်ဘဲ သေသွားတာပါ။ ဗလီဆရာတွေရဲ့ မှားယွင်းစွာ ဆုံးဖြတ်မိလို့ပါ။ သူတို့ သာသော့ဖွင့်ပေးမယ်ဆိုရင် ကလေးတွေကို ကယ်တင်နိုင်မှာပါ။ တာ ဝန်ခံဖြစ်တဲ့နှစ်ဦးကို အရေး ယူပါ မယ်"ဟု ပြောခဲ့သည်။ မြန်မာနိုင်ငံလုံးဆိုင်ရာ မော်လဝီအဖွဲ့ချုပ် ဒုဥက္ကဋ္ဌ ကိုရဲနောင်သိန်းကလည်း ထပ်မံ၍ "ကလေးတွေရဲ့ မျက်မြင်ကိုယ်တွေ့ ဖြစ်စဉ်တွေလည်း ကျွန်တော်တို့ မေးမြန်းထား ပါတယ်။

ဒါတွေကတော့ အခုရန်ကုန်တိုင်း ဒေသကြီးအစိုးရအဖွဲ့က ကော်မရှင်ဖွဲ့ပြီး စုံစမ်းမှာဖြစ်တဲ့အတွက် ကော်မရှင် အဖြေလေး စောင့်စေချင်ပါတယ်။ ကော်မရှင် ကတော့ကျွန်တော် တို့လည်း မေတ္တာရပ်ခံတယ်။ ဝန်ကြီး ချုပ်ကလည်း ပြတ်ပြတ်သားသား ပြောပါတယ်။ အမှန်ဆုံးဖြစ်အောင် လုပ်ပေးမှာပါ။ ဒီကော်မရှင်က တကယ် ကျွမ်းကျင်တဲ့ ပညာရှင်တွေ နဲ့ဖွဲ့စည်းပြီး အမှန်ဆုံးဖော်ထုတ်မှာပါ။ ဘာကြောင့်လဲဆိုတော့ ရန်ကုန်မြို့က မြန်မာနိုင်ငံ မွတ်ဆလင် အများစု စိတ်ဝင်စားတဲ့နေရာ ဖြစ် တယ်လေ။ ဒီနေရာမှာ အမှားအယွင်း တစ်စုံတစ်ခုဖြစ်ခဲ့ရင် တစ်နိုင်ငံလုံး ပြန့်သွားဖို့အချိန်က မဆိုင်းတော့ဘူး။ အဲဒါကြောင့် ဒီနေရာမှာ အမြန်ဆုံး အမှန်ဆုံးဖော် ထုတ်မယ်ဆိုရင် တစ်နိုင်ငံလုံးရဲ့ဂယက်ကလည်း အေးချမ်းသွားမှာပါ။ အဲဒီအတွက်ကြောင့် အမြန်ဆုံးနဲ့ အမှန်ဆုံး ဖော်ထုတ်ပေး မယ်လို့ ဝန်ကြီးချုပ်ကကတိပေးပါ တယ်" ဟုဆိုခဲ့ပြီး

ယခုအခြေအနေ အရကြောက်ရွံ့မှုခံစားရခြင်းနှင့် ပတ်သက်၍မူ "ကျွန်တော်တို့က အမှန်တရားပဲလိုချင်တာ။ အမှန်တရား ပေါ်ပေါက်ဖို့ ကျွန်တော်တို့ ကြားတာ မြင်တာတွေ့တာကိုလည်း သက်ဆိုင် ရာကို တင်ပြပြောဆိုထားပါတယ်။ မီဒီယာကိုလည်း တရားဝင် ဗျုးထားပါတယ်။ ဒီကိစ္စတွေနဲ့ပတ်သက်လို့ ကျွန်တော်တို့ ထိန်ချန်တာ လျှို့ဝှက် တာဘာမှမရှိပါဘူး"ဟု ဆိုခဲ့သည်။ မီးလောင်မှုကို မျက်မြင်ကြုံ တွေ့ခဲ့ရပြီးအသက်ဘေးမှ လွတ် မြောက်ခဲ့သော ကလေးများနှင့်ပတ် သက်၍ ¤င်းက "လောလောဆယ် မှာ ကလေးတွေကို လုံခြုံတဲ့နေရာ မှာ အေးအေးချမ်းချမ်းနား နေခွင့်ပေး ထားတာပါ။ မိဘရပ်ထံကို ကျွန်တော် တို့ပြန်မပို့သေးပါဘူး။ ဒီကိစ္စက မမျှော်လင့်ဘဲ ကြီးကြီးမားမားဖြစ် တယ်ဆိုတော့ ဒီကိစ္စကို လောလော ဆယ်မှာ ကျွန်တော်တို့ အပြင်ကို မထုတ်သေးပါဘူး။

ဘာဖြစ်လို့လဲဆိုတော့ ရန်ကုန်တိုင်းဒေသကြီးအစိုးရ အဖွဲ့နဲ့ ညှိနှိုင်းဆောင်ရွက်ရမှာဆို တော့ တိုင်းဒေသ ကြီးအစိုးရအဖွဲ့က လုံလောက်အောင် ပြည့်စုံအောင်မှာ ကြားထားတာမို့ တိုင်းဒေသကြီး အစိုးရနဲ့ ပူးပေါင်းပြီး အမှန်တရား ပေါ်ပေါက်ဖို့ဆောင်ရွက်သွားမှာပါ"ဟု ထပ်လောင်းပြောခဲ့သည်။ မီးလောင်မှု ဖြစ်ပွားကြောင်း သတင်းကြားရပြီးနောက် မင်္ဂလာတောင်ညွန့်၁ဝ၁ လမ်းထိပ်မှ M.M ယောင်နက်အစ္စလာမ်ဗလီတွင် လာရောက်၍ ကူညီပေးခဲ့သော သုဝဏ္ဏ ဘက်တွင် ကိုယ်ပိုင်ဆေးခန်းဖွင့်ထားသည့် အစ္စလာမ်ဘာသာဝင် ဆရာဝန်(အမည်မပြော)က "တစ်ယောက်က လက်က ဒီလိုခေါက်သွားတာပေါ့ (လက်ဖမိုး နေရာကို ကွေးပြရင်း) လက်က ကျိုးသွားတာလား ခေါက်သွားတာလား မသိဘူး။

ဒါပေမဲ့ ကျွန်တော် ဘန်ဒေ့စည်းပေးလိုက်တယ်။ နောက်တစ်ယောက်ကျတော့ ခြေသန်းကွဲ သွားတယ်။ သူ့ကိုတော့ မေးခိုင်ကာကွယ်ဆေးထိုး ပေးလိုက်တယ်။ အနာကိုဆေး ထည့်ပေးလိုက်တယ်။ နောက်တစ်ယောက်ကကျတော့ ဒူးနည်းနည်းနာသွားတယ်။ ဒီလောက်ပဲ ။ ဟိုမှာတော့ ဘယ်လောက်သေလည်း ကျွန်တော်မသိဘူး။ ကျန်တဲ့အပိုင်းကတော့ ကလေးတွေ အေးဆေးပဲလား အေးဆေးပါပဲ။ ဆရာတစ်ယောက်ကတော့ လက်မောင်းမှာ မီးဟပ်ထားတဲ့ ဒဏ်ရာလေးရှိတယ် ။ အရေပြားတော့ ဘာမှမဖြစ်ဘူး။ ပူတယ်လို့ပဲသူပြောတယ်။ အရေပြားနည်းနည်း နီနေ တယ်။ ဒါပဲ" ဟု ပြောပြသည်။

မည်သို့ပင်ဆိုစေ မီးလောင်မှုအရ ဗလီမှ မီးအားမြှင့်စက်တစ်လုံး၊ အဆောက်အအုံလှေကားနှင့် ကြမ်းခင်းများအပါအဝင် ဆုံးရှုံးမှုငွေကျပ် တန်ဖိုးအားဖြင့် ကျပ် ရှစ်သိန်းငါး သောင်းနှင့် အသက် ၁၂ နှစ်မှ ၁၆ နှစ်ထိ ပါဝင်သော ကလေးကျား ၁၃ ဦး သေဆုံးခဲ့ရသည်။ လက်ရှိ အခြေအနေအရ အရပ်သားအစိုးရတက်လာပြီး အတန်အ သင့်ပွင့်လင်းလွတ်လပ်သည့် ကာလ တစ်ခုသို့ရောက်ချိန် နိုင်ငံအနေဖြင့် ရှေ့သို့သာသွားရမည့်အစား မလို လားအပ်သော လူမျိုးရေးနှင့်ဘာသာ ရေးပဋိပက္ခကို ဦးတည်သည့်အကြမ်း ဖက် လှုံ့ဆော်မှုများကတော့ အခွင့် ကောင်းကို ချောင်းနေပြီဖြစ်သည်။

ယင်းအခြေအနေတွင် လှုံ့ဆော် မှုကို မရည်ရွယ်ဘဲ အားပေးမိလျက် သားဖြစ်နိုင်သည့် အခြေအနေများကို သတိထားရှောင်လွှဲရမည်ဖြစ်ပြီး သြ ဇာသက်ရောက်မှုရှိသည့် အင်တာ နက်ကဲ့သို့ လူမှုဝက်ဘ်ဆိုက်များအနေ ဖြင့်လည်း အမုန်းတရားများ မပြန့် ပွားရန် သတိထားသင့်ကြောင်း နိုင်ငံ ရေး လေ့လာသူများက သုံးသပ်သည်။ ၄င်းအပြင် ပြန်ကြားရေးဝန်ကြီးဌာန ဒုတိယဝန်ကြီး ဦးရဲထွဋ်ကလည်း ၄င်း၏ ဖေ့စ်ဘွတ်ခ်တွင် ကောလာဟလများကို လွယ်လွယ်ကူကူ မယုံကြည်ကြရန်နှင့် မီဒီယာများအနေ ဖြင့်လည်း သတင်းမှန်ဖြစ် စဉ် အမှန်ကို ထုတ်ပြန်ပေးကြရန် အရေးကြီးကြောင်း သုံးသပ်ရေးသား ထားသည်။ ဒီမိုကရေစီလမ်းပေါ် စတင် လျှောက်လှမ်းခွင့်ရချိန် ဤကာလ တွင်မှ ယင်းကဲ့သို့ ပဋိပက္ခများ ပိုမို များပြားလာခြင်းသည် တိုင်းပြည်ကို အရောင် မထွက်စေလိုသူများ ကြောင့်လော၊ ပြောင်းလဲတိုးတက် မှုကို မမြင်လို၍ အာဏာနှင့်နေရာ အသက်ဆက်ချင်သူများကြောင့် လော။ သို့တည်းမဟုတ် ဖြစ်နိုင် ခြေများကတော့ ဖြစ်နိုင်သည်သာ ချည်းပင်။

သို့သော် အခွင့်အခါကောင်း ခေတ်စနစ်ပြောင်းချိန်ကျမှ ဤကဲ့သို့ အခြေအနေများ အသက်ဝင်လာခြင်းကတော့ တိုင်းပြည်နှင့် ပြည်သူအတွက် ရတက်မအေး စရာပင် ဖြစ်သည်။ ရန်ကုန်သည် ယခင်ပျော်ရွှင် ဖွယ် ကောင်းသော မြို့ပြဆန်မှုများ ဖြင့် ရန်ကုန်သာ ဖြစ်စေလိုပါသည်။ ရန်ကုန်သာမက မြန်မာတစ်နိုင်ငံလုံး ရှိသမျှ နေရာဌာနတိုင်းတွင်လည်း ကြောက်ရွံ့မှု၊ ထိတ်လန့်မှု၊ အကာ အကွယ်နှင့်လုံခြုံမှုမဲ့သည့် နေ့ည အချိန်များမရှိစေလိုပါ။ စိတ်ချလက် ချအိပ်စက်နိုင်သော ညများနှင့်အတူ စားဝတ်နေရေးအတွက် နေ့ည အချိန်မရွေး လုံခြုံသော လူမှုပတ် ဝန်းကျင်ထဲ အားလုံးရှင်သန်နေချင် ကြပါသည်။

ဤနေရာတွင် လူတိုင်းမလို လားသော အကြမ်းဖက်မှုများရှိနေ သည်ဟု ယူဆပါက စကားဟောင်း ဖြစ်သည့် အစိုးရနှင့်ပြည်သူ လက် တွဲ၍ တိုင်းပြည်ကို ထူရမည့်အချိန် ရောက်လာပြီဟုဆိုရမည် ဖြစ်သည်။ အယူအဆမတူကြသော်လည်း ငြိမ်းချမ်းစွာ အတူတကွယှဉ်တွဲနေ ထိုင်နိုင်ရေးသည် တိုင်းပြည်အတွက် အရေးပါသော မူဝါဒဖြစ်ပြီးမည် သည့် အရာတစ် ခုကမှ ပြာသာဒ်ကို မီးလောင်စေမည့် အမှိုက်များမဖြစ်စေ လိုသည်ကတော့ အားလုံး၏ဆန္ဒ ပင်ဖြစ်ပါမည်။ လက်ရှိဖြစ်ရပ်အတွက် သက် ဆိုင်ရာတာဝန်ရှိသူများအနေဖြင့် လည်း လျှပ်စစ်၊ မီးသတ်၊ တိုင်းသာသနာရေး၊ တိုင်းရဲတပ်ဖွဲ့နှင့် အစ္စလာမ်ဘာသာရေး ခေါင်းဆောင်များ ပါဝင်သည့် စုံစမ်းစစ်ဆေးရေး ကော်မရှင်ဖွဲ့ကာ ဖြစ်စဉ်နှင့်ပတ်သက် ၍ အမှန်တရားပေါ်အောင် ဆောင် ရွက်မည်ဟုလည်း တရားဝင် ထုတ် ပြန်ထားပြီး ဖြစ်သည်။

ထို့အတွက် အမုန်းတရားကို အခြေခံသောအတ္တနှင့်ဆန္ဒကို အသီး သီးထိန်းကာ ငြိမ်းချမ်းရေးအတွက် အတူယှဉ်တွဲ၍ အကြမ်းဖက်မှုမပါ သော တိုးတက်ပြောင်းလဲမှုကို တည် ဆောက်ရမည်ဟု ယုံကြည်ပါသည်။ ၂ဝ၁၃ ကတော့ မြန်မာနိုင်ငံအတွက် အမှားမခံသော စိန်ခေါ်မှုများနှင့် စောင့်နေပြီဖြစ်သည်။ ရခိုင်၊ မိတ္ထီလာ၊ ပဲခူး စသဖြင့် စသဖြင့် မည့် သည့်အရပ်ဒေသတွင်မှ အမုန်း တရား မရှိစေရ။ မည်သည့်အကြောင်းရင်းကြောင့်ဖြစ်ဖြစ် အပြစ်မဲ့သူများ အ သက်မဆုံးစေရ။ လောကပါလတရားများနှင့် အတူ ပြည်သူကတော့ ငြိမ်းချမ်းပျော် ရွှင်ဖွယ်ကောင်းသော ရန်ကုန်ညတွေ အမြန်ပြန် လာနိုင်ပါစေဟူသောဆု တောင်းသံများရင်ထဲတွင် ညံနေကြ ပြီ ဖြစ်ပါသည်။ 

CDMA-800 Sim Card များကို ငွေ ၁၅၀၀ ကျပ်ဖြင့် တစ်လလျှင် အလုံးရေ ၃၅၀၀၀၀ အား တစ်နိုင်ငံလုံး၌ ဧပြီလ ၂၄ ရက်နေ့တွင် စရောင်းမည်

ပြည်နယ်နှင့် တိုင်းဒေသကြီး အစိုးရ အဖွဲ့များမှတစ်ဆင့် CDMA-800 ဖုန်းများကို ငွေကျပ် ၁၅၀၀ ဖြင့် ဧပြီလ ၂၄ ရက်မှ စတင်ရောင်းချမည် ဖြစ်ပြီး အဆိုပါဖုန်းများမှာ နိုင်ငံရပ်ခြားသို့ပါ ဆက်သွယ် အသုံးပြုနိုင်မည် ဖြစ်ကြောင်း သိရှိရသည်။

မိုဘိုင်းဆက်သွယ်ရေး အင်ဂျင်နီယာချုပ် ဦးဌေးဝင်းက "ကျွန်တော်တို့ ဆက်သွယ်ရေးလုပ်ငန်းက ရောင်းပေးမှာ မဟုတ်ပါဘူး။ သက်ဆိုင်ရာ ပြည်နယ်နှင့် တိုင်းဒေသကြီး အစိုးရအဖွဲ့ကနေ တစ်ဆင့်ပဲ ရောင်းမှာပါ။ အစိုးရ အဖွဲ့က တစ်ဆင့် ရောင်းမှာဖြစ်တဲ့အတွက် ဘာတွေလိုမလဲဆိုတာ အတိအကျ မပြောတတ်ဘူး။ အဲဒီဖုန်းတွေ ၀ယ်ယူနိုင်ဖို့ မှတ်ပုံတင်ရယ်၊ သန်းခေါင်စာရင်း မိတ္တူရယ် လိုမယ်လို့ ထင်ပါတယ်။ နိုင်ငံတော်သမ္မတကြီး ပြောထားတဲ့ တစ်လကို အလုံး ၃၅၀၀၀၀ နှုန်းနဲ့ ပြည်နယ်နဲ့တိုင်းအလိုက် ရောင်းချပေးသွားမှာ ဖြစ်ပါတယ်" ဟု ဧပြီလ ၃ ရက်နေ့တွင် ပြောကြားခဲ့သည်။

CDMA-800 စနစ် တပ်ဆင်ထားခြင်း မရှိသော ဒေသများအတွက် WCDMA ဖုန်း (GSM အမျိုးအစား) များကို နှုန်းထားတူဖြစ်သည့် ငွေကျပ် ၁၅၀၀ နှုန်းဖြင့် ရောင်းချပေးမည်ဖြစ်ကြောင်း သိရှိရသည်။

ဖုန်းကတ်ဝယ်ယူထားသည့် နေ့မှ ၁၅ ရက်အတွင်း အနည်းဆုံး ၅၀၀၀ ကျပ်တန် ကြိုတင်ငွေဖြည့်ကတ်ဖြင့် ငွေဖြည့်အသုံးပြုရမည် ဖြစ်သည်။ လက်ဆင့်ကမ်းရောင်းချခြင်းမှ ကာကွယ်ရန် ၁၅ ရက်အတွင်း အသုံးပြုခြင်း မရှိပါက အလိုအလျောက် လိုင်းပိတ်သိမ်းမည် ဖြစ်သည်။

လစဉ်ပြောဆိုခ ကျပ် ၂၅၀၀ ကို အနည်းဆုံး သုံးစွဲရန် သတ်မှတ်ထားပြီး နှစ်လပြည့်သော်လည်း ကြိုတင်ငွေဖြည့်ကတ်မှ ၅၀၀၀ ကျပ်ကို အပြည့်မသုံးစွဲပါက အဆိုပါ ၅၀၀၀ ကျပ်မှာ အလိုအလျောက် ပြတ်တောက်သွားမည်ဖြစ်ကြောင်း သိရှိရသည်။ တယ်လီဖုန်း Sim Card တွင် ဖြည့်သွင်းထားသော ငွေကုန်ဆုံးပြီးနောက် ၁၅ ရက်အတွင်း ငွေထပ်မံဖြည့်သွင်းခြင်း မရှိပါက အဆိုပါ ဖုန်းကတ်သည်  အလိုအလျောက် ပိတ်သိမ်းသွားမည်ဖြစ်ကြောင်း သိရှိရသည်။

ယခုချထားပေးမည့် CDMA-800 ဖုန်းများအား ယခင်က မြန်မာ့ဆက်သွယ်ရေး လုပ်ငန်းမှ ကျပ်ငါးသိန်းနှုန်းဖြင့် ရောင်းချခဲ့သော နံပတ် ၀၉-၇၃. . .ဖြင့်စသော ဖုန်းများ ဖြစ်သည်။

ယခုချထားပေးမည့် မိုဘိုင်းဖုန်းများတွင် အထွက်ခေါ်ဆိုခများအား မိုဘိုင်းဖုန်းများ အားလုံးကဲ့သို့ပင် တစ်မိနစ်လျှင် ကျပ် ၅၀ သတ်မှတ်ထားပြီး အ၀င်ခေါ်ဆိုမှုအတွက် ပေးဆောင်စရာ မလိုကြောင်း သိရှိရသည်။

ကံထူးဖုန်းဆိုင်မှ ဦးကံထူးက "တစ်နိုင်ငံလုံးကို တစ်လသုံးသိန်းခွဲနှုန်း ဖြန့်ဖြူးပေးမယ်လို့ သိရတယ်။ ဒါ့ကြောင့် ပြည်နယ်နဲ့ တိုင်းတစ်ခုစီမှာ တစ်လကို Sim Card ၂၅၀၀၀ နှုန်း လောက်ရမယ်။ ဥပမာ-ရန်ကုန်ဆိုရင် တစ်လကို ဖုန်းအလုံး ၂၅၀၀၀ လောက် ရောင်းချခွင့်ရမယ်။ ရန်ကုန်မှာ အကြမ်းဖျင်း မြို့နယ် ၃၃ မြို့နယ်လောက် ရှိတယ်။ ရတဲ့ ၂၅၀၀၀ ကို ၃၃ မြို့နယ်နဲ့ စားရင်မြို့နယ် တစ်မြို့နယ်အတွက် တစ်လကို ဖုန်းအလုံးရေ ၇၅၀ လောက် ရောင်းခွင့်ရမယ်။ တစ်လကို ၇၅၀ နှုန်း ရောင်းခွင့်ရတဲ့အတွက် တစ်ရက်ကို တစ်မြို့နယ်မှာ အလုံးရေ ၂၅ လုံးလောက် ရောင်းခွင့်ရမယ်။ ဒါကို အစိုးရအဖွဲ့ ရုံးတွေမှာ သွားဝယ်ရမယ်။ လုံးဝ မလွယ်ကူတဲ့ ကိစ္စပဲ။ မှောင်ခိုဈေးကွက်ကတော့ ပေါ်လာမှာ အသေချာပဲ" ဟု ပြောကြားခဲ့သည်။

ယခု ကြေညာချက်ထုတ်ပြန်သည့် ဧပြီလ ၃ ရက်နေ့သည် ကမ္ဘာပေါ်တွင် မိုဘိုင်းဖုန်း စတင်သုံးစွဲသည့် နှစ် ၄၀  ပြည့်သည့် နေ့တစ်နေ့လည်း ဖြစ်သည်။

နိုင်ငံတော်သမ္မတ ဦးသိန်းစိန် တရုတ်နိုင်ငံသို့ တတိယ အကြိမ်မြောက် ခရီးစဉ်အဖြစ် ဧပြီလ ၅ ရက်တွင် သွားရောက်ရန် စီစဉ်ထား

နိုင်ငံတော်သမ္မတ ဦးသိန်းစိန်သည် တရုတ်နိုင်ငံသို့ တတိယအကြိမ်မြောက် ခရီးစဉ်အဖြစ် ဧပြီလ ၅ ရက်တွင် စတင်သွားရောက်ရန် စီစဉ်ထားကြောင်း နိုင်ငံတော်သမ္မတရုံးမှ ညွှန်ကြားရေးမှူး ဦးဇော်ဌေးက ပြောကြားခဲ့သည်။

သမ္မတဦးသိန်းစိန်သည် တရုတ်နိုင်ငံသို့ ချစ်ကြည်ရေးခရီး သွားရောက်ရာတွင် တရုတ်နိုင်ငံ ဟိုင်နန်ကျွန်း ဘိုအောင်းမြို့တွင် ကျင်းပမည့် ၂၀၁၃ ခုနှစ် အာရှဒေသဆိုင်ရာ ဘိုအောင်းဆွေးနွေးပွဲသို့လည်း တစ်ဆက်တည်း တက်ရောက်မည်ဖြစ်ကြောင်း သိရသည်။

အဆိုပါ ဘိုအောင်းဆွေးနွေးပွဲကို ဧပြီလ ၆ ရက်မှ ၈ ရက်ထိ ကျင်းပရန် စီစဉ်ထားပြီး ဆွေးနွေးပွဲသို့ အမေရိက၊ ဥရောပ၊ အာဖရိကနှင့် အာရှတို့မှ နိုင်ငံ့ခေါင်းဆောင်များ၊ အစိုးရအဖွဲ့ အကြီးအကဲများ တက်ရောက်မည် ဖြစ်ကြောင်း သိရသည်။

နိုင်ငံတော်သမ္မတ ဦးသိန်းစိန် တရုတ်နိုင်ငံသို့ လာရောက်လည်ပတ်ရန် တရုတ်သမ္မတသစ် ရှီကျင်းပင်က ဖိတ်ကြားခဲ့ခြင်း ဖြစ်သည်။

သမ္မတဦးသိန်းစိန်၏ တရုတ်နိုင်ငံခရီးစဉ်အတွင်း တရုတ်သမ္မတသစ် ရှီကျင်းပင်နှင့် တွေ့ဆုံဆွေးနွေး သွားရန်ရှိပြီး ထိုသို့တွေ့ဆုံရာတွင် နှစ်နိုင်ငံကြား အဓိက ကိစ္စရပ်များကို အမြင်ချင်း ဖလှယ်သွားမည် ဖြစ်ကြောင်း သမ္မတဦးသိန်းစိန်က ပြောကြားထားသည်။ ထို့ပြင် လယ်ယာစိုက်ပျိုးရေး ချေးငွေကိစ္စများနှင့် လက်ပံတောင်းတောင် ကိစ္စများကို ထည့်သွင်းဆွေးနွေး သွားဖွယ်ရှိကြောင်း သိရသည်။

သမ္မတဦးသိန်းစိန်သည် သမ္မတအဖြစ် တာဝန်ယူပြီး နောက်ပိုင်း တရုတ်နိုင်ငံသို့ ၂၀၁၁ ခုနှစ် မေလနှင့် ၂၀၁၂ ခုနှစ် စက်တင်ဘာလများအတွင်း သွားရောက်ခဲ့ဖူးပြီး ယခုခရီးစဉ်သည် တတိယအကြိမ်မြောက် ဖြစ်လာမည်ဖြစ်သည်။

ဂျော်ဒန်နိုင်ငံတွင် ကျန်ရှိနေသည့် မြန်မာအလုပ်သမား ၉၀၀ ကျော်မှာ နိုင်ငံသို့ ပြန်လာလိုသော်လည်း အခက်အခဲ အမျိုးမျိုးကြောင့် အလုပ် ဆက်လက်လုပ်ကိုင်နေရ

ဂျော်ဒန်နိုင်ငံမှ ပြန်ရောက်လာသော အလုပ်သမားများမှ ရှင်းလင်းပွဲ ပြုလုပ်နေသည်ကို တွေ့ရစဉ်

ဂျော်ဒန်နိုင်ငံတွင် ကျန်ရှိနေသည့် အလုပ်သမား ၉၀၀ ကျော်မှာ မြန်မာနိုင်ငံသို့ ပြန်လာချင်သော်လည်း အခက်အခဲ အမျိုးမျိုးကြောင့် အလုပ် ဆက်လက်လုပ်ကိုင်နေရကြောင်း အလုပ်သမားခေါင်းဆောင် မအိအိအောင်က ပြောပါသည်။

မတ်လ ၃၁ ရက်နေ့က ရန်ကုန်မြို့ သင်္ဃန်းကျွန်းမြို့နယ်ရှိ ၈၈ မျိုးဆက် ကျောင်းသားများ ရုံးခန်းတွင် ပြုလုပ်သည့် ဂျော်ဒန်နိုင်ငံမှ ပြန်လည်ရောက်ရှိလာသည့် အလုပ်သမားများ၏ ရှင်းလင်းပွဲ၌ မအိအိအောင်က ယင်းသို့ ပြောကြားခဲ့ခြင်းဖြစ်သည်။

"အလုပ်သမား ၁၃၀၀ ကျော်ရှိတဲ့ အထဲမှာ ၂၀၀ ကျော်က ပြန်ရောက်နေပါပြီ။ ကျန်တဲ့ ၉၀၀ ကတော့ သွားတုန်းက လယ်ပေါင်၊ အိမ်ပေါင်ပြီး သွားခဲ့ရတာဆိုတော့ အကြွေးတွေ မကျေသေးတဲ့အတွက် အိမ်ပြန်ဖို့ အဆင်မပြေတာရယ်၊ တချို့က စာချုပ်သက်တမ်း ကုန်တော့မို့ လျော်ကြေးမပေးချင်လို့ သက်တမ်းကုန်တဲ့အထိ ကြိတ်မှိတ်လုပ်နေတာမျိုး ရှိတယ်။ မြန်မာပြည်က လူကြီးတွေ ကူညီဖြေရှင်းပေးဖို့ အရမ်းမျှော်လင့်နေပါတယ်" ဟု မအိအိအောင်က ပြောသည်။

ဂျော်ဒန်နိုင်ငံ စီအမ်ဂျေအထည် ချုပ်စက်ရုံမှ မြန်မာအလုပ်သမားများသည် အလုပ်ရှင်မှကျွေးသော ထမင်းဟင်းကို စားသောက်ပြီး ၀မ်းပျက်ဝမ်းလျှော ဖြစ်ပွားခဲ့ရာမှ ဆန္ဒပြမှုများ စတင်ဖြစ်ပွားခဲ့ကြောင်း သိရသည်။

အခြေခံလစာကို အမေရိကန်ဒေါ်လာ ၂၀၀ ရရှိရေး၊ လူမျိုးရေး မခွဲခြားရေးနှင့် ကျန်းမာရေးနှင့် ညီညွတ်ပြီး မြန်မာလူမျိုးနှင့် ကိုက်ညီသည့် အစားအသောက်များ ချက်ပြုတ်ကျွေးမွေးရေး စသည့်အချက်များကို ဖေဖော်ဝါရီလ ၁၄ ရက်နေ့မှ မတ်လ ၂၅ ရက်နေ့အထိ အလုပ်မလုပ်ဘဲ ငြိမ်းချမ်းစွာ တောင်းဆိုခဲ့သော်လည်း အလုပ်ရှင်မှ လိုက်လျောခြင်း မရှိခဲ့ပေ။

အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာနသည် ဂျော်ဒန်နိုင်ငံသို့ အလုပ်သမား တရားဝင်စေလွှတ်ခွင့် မပြုထား၍ ယခုကဲ့သို့ အလုပ်သမား တရားမ၀င်စေလွှတ်ခဲ့သည့် New Convenant အေဂျင်စီအား ဥပဒေအရ အရေးယူမှုများ ပြုလုပ်မည်ဟု သိရသည်။

ဂျော်ဒန်နိုင်ငံ အထည်ချုပ်စက်ရုံ ခြောက်ရုံတွင် အလုပ်လုပ်ကိုင်နေသည့် မြန်မာအလုပ်သမား ၃၂၀၀ ကျော်ရှိကြောင်း သိရသည်။

ဗလီမီးလောင်မှု သတင်းဦးနှင့် မီဒီယာ (သို့မဟုတ်) အမှန်တရားကလွဲ၍ မှန်တဲ့အရာ ဘာမှမရှိ

မီးလောင်မှု ဖြစ်ပွားနေသော ဗလီအတွင်းမှ ပြေးထွက်လာသည့် ကလေးငယ်တစ်ဦးအား ဧပြီ ၂ ရက် နံနက် ၃ နာရီဝန်းကျင်က တွေ့ရစဉ် (ဓာတ်ပုံ - ထွယ်ဆန်အောင်)

ဧပြီလ ၂ ရက်နေ့ ရန်ကုန်မြို့ ဗိုလ်တစ်ထောင်မြို့နယ် ၄၈ လမ်း ဗလီတစ်ခု မီးလောင်မှု ဖြစ်ပွားခဲ့ပြီး Eleven Media Group မှ အချိန်နှင့်တပြေးညီ သတင်းဖော်ပြပေးခဲ့သည်။

Eleven Media Group ၏ Facebook စာမျက်နှာတွင် "၀ါယာရှော့ဖြစ်၍ ရန်ကုန်မြို့ရှိ အစ္စလာမ်ဘာသာရေး စာသင်ကျောင်းတစ်ခု မီးလောင်ကျွမ်းမှု . . ." ဟူသည့် သတင်းကို ဖော်ပြပေးခဲ့သည်။

အဆိုပါသတင်းနှင့် ပတ်သက်၍ အစွန်းရောက်သည့် အယူအဆရှိသူ အချို့မှ "Eleven က ဘာလို့ရောက်နေတာလဲ" "၀ါယာရှော့လို့ ဘာလို့ ပြောနိုင်တာလဲ" ဟူသည့် မေးမြန်းချက်များ Eleven Media Group ၏ အွန်လိုင်း စာမျက်နှာများသို့ ရောက်ရှိလာသကဲ့သို့ ကိုယ်ပိုင်ဝက်ဘ်ဆိုက် စာမျက်နှာများမှလည်း ရေးသားကာ ဖြန့်ဝေခဲ့ကြသည်။

"၀ါယာရှော့လို့ ဘာလို့ အစောဆုံး ၀က်ဘ်ဆိုက်မှာ တင်လိုက်တာလဲ" ဟူ၍ ကျွန်တော်တို့ Eleven Media ရုံးသို့ ဖုန်းဖြင့် မေးမြန်းမှုများပင် ရှိခဲ့သည်။

သတင်းဦး၊ သတင်းမှန်အဖြစ် ဖော်ပြပေးနိုင်သည့် နောက်ဆက်တွဲ အနေအထားအဖြစ် အခြေအမြစ် မရှိသော်လည်း အစိုးရဖြင့် ပူးပေါင်း၍ သတင်းဖြန့်သယောင် စွပ်စွဲခြင်း၊ ဝေဖန်ရေးသားခြင်း၊ ရှုတ်ချခြင်းများကို Social Network စာမျက်နှာများတွင် ရေးသားလာခဲ့ကြသည်။

သတင်းမီဒီယာ ဟူသည် အများပြည်သူ သိသင့်သိထိုက်သည့် သတင်းများကို အချိန်နှင့်တစ်ပြေးညီ မှန်ကန်စွာ ဖော်ပြပေးရန် တာဝန်ရှိပါသည်။

သတင်းတစ်ခုအား အချိန်နှင့် တပြေးညီ ဖော်ပြပေးနိုင်ခဲ့သည့် မီဒီယာတစ်ခု၏ စီမံထားမှုများနှင့် ပတ်သက်၍ ယခုဖြစ်ရပ်တွင် ကိုယ်တိုင် သတင်းလိုက်ပါရယူခဲ့သူ Eleven Media Group ၏ သတင်းထောက် မထွယ်ဆန်အောင်၊ ကိုအောင်ဇော်ထွန်းတို့၏ ကိုယ်တွေ့ပြောကြားချက်များကို ပြန်လည် ထုတ်နုတ်ပြလိုပါသည်။

 

မီးလောင်မှု ဖြစ်စဉ်သို့ အစောဆုံး ရောက်ရှိသည့် Eleven သတင်းထောက် မထွယ်ဆန်အောင်

"ကျွန်မက ၄၈လမ်းမှာ မီးလောင်တယ်ဆိုပြီး အော်သံကြားတယ်၊ ကြားကြားချင်းပဲ ရုံးကို ချက်ခြင်းဖုန်းဆက်တယ်။ ပြီးမှ ကျွန်မလည်း အိမ်ကနေ ချက်ခြင်းထွက်သွားတယ်။ နေတာက ၄၆ လမ်းမှာဆိုတော့ ၄၈ လမ်း ဗလီမီးလောင်တဲ့ နေရာနဲ့ နီးတယ်။ အဲဒါကြောင့် တခြားသတင်းထောက် အများစုထက်တော့ စောပြီးရောက်တာပေါ့။ ကျွန်မရောက်တဲ့ အချိန်က ၃ နာရီ မထိုးသေးဘူး။ လူ ၁၀ ယောက်ကျော်လောက် အုပ်စုလိုက် ရှိနေတယ်။ ဗလီထဲမှာတော့ မီးတောက်တွေ တွေ့ရတယ်၊ မီးခိုးတွေလည်း အူထွက်နေတာ တွေ့ရတယ်။ ဗလီခပ်လှမ်းလှမ်း အနီးအနား တချို့က လူတွေကတော့ အထုတ်အပိုးတချို့ပြင်ပြီး ပြေးလွှားနေကြတယ်။ လေးငါးယောက်တော့ ရှိမယ်။ ကျွန်မနဲ့ အတူတူပဲ မီးသတ်ကားနှစ်စီးလည်း ရောက်လာတယ်။ ရောက်တာနဲ့ ဗလီအပြင်ဘက်ကနေ ရေစဖြန်းတယ်။ ဘာကြောင့် ဗလီအပြင်ဘက်ကိုပဲ ရေဖြန်းရတာလဲဆိုတော့ ဗလီကပိတ်ထားတုန်းပဲ။ နည်းနည်းကြာတဲ့အခါမှာတော့ လူတွေအများကြီး ရောက်လာတယ်။ ရောက်လာပြီး သိပ်မကြာဘူး လူအုပ်ထဲက တချို့ကပြောတယ်။ အထဲမှာ လူတွေရှိတယ်၊ လူတွေကို ကယ်ထုတ်ဖို့ ပြောတယ်။ အဲဒီတော့မှ ဗလီကိုဖွင့်ဖို့ လုပ်တယ်။ ဗလီဆရာလား ဘာလားမသိဘူး။ အစ္စလာမ် ဘာသာဝင်တချို့လည်း ရှိတယ်။ အဲဒီအချိန်မှာပဲ ရဲတွေလည်း ရောက်လာတာ တွေ့ရတယ်။ ရဲတွေက အချင်းချင်း ဖုန်းနဲ့ဆက်သွယ်ပြီး ဗလီကို ရဲရော၊ လူရော၊ မီးသတ်ရော ပေါင်းပြီး ဖွင့်လိုက်တယ်။ တံခါးဖွင့်ဖွင့်ချင်း မီးသတ်တွေကလည်း ပြေးဝင်သွားတယ်၊ အထဲကနေပြီး ကလေးတချို့ ပြေးထွက်လာတယ်။ ဒါနဲ့အထဲထဲကို လူတချို့ဝင်ပြီး ကျန်တဲ့ကလေးတွေကို ခေါ်ထုတ်လာတယ်။ ၀င်ရှာတယ်။ ပြီးတော့ကလေးတွေကို တစ်နေရာမှာ စုထားတယ်။ ဗလီဆရာ လေးငါးယောက်က ကလေးတွေကို ဘယ်မှမသွားနဲ့ လူစစ်မယ်လို့ပြောတာ တွေ့ရတယ်။ ကျွန်မလည်း လွတ်လာတဲ့ ကလေးတစ်ယောက်ကို မေးကြည့်တယ် ၁၄ နှစ် အရွယ်လောက်တော့ ရှိပြီ။ ဘယ်လိုဖြစ်သွားတာလဲ ဆိုတော့ ကလေးက ပြောတယ်။ မသိဘူး အိပ်ပျော်နေတာ၊ အပြင်ကနေ မီးလောင်တယ်ဆိုပြီး အော်တဲ့အသံကြားမှ ကျွန်တော်က နိုးလာတယ် ဆိုတာလောက်ပဲ ပြောတယ်။ နောက်ကလေးတစ်ယောက်ကို ကျွန်မထပ်မေးတယ်။ အထဲမှာ ကလေးတွေ ကျန်သေးလားလို့မေးတော့ အထဲမှာ ကျန်သေးတယ်၊ လောလောဆယ် သူမှတ်မိသလောက် ခုနစ်ယောက်လောက် ပျောက်နေတယ် ဆိုတာမျိုး ကလေးက ပြန်ဖြေတယ်။ နောက်ကျတော့ ကလေးတွေကို အစ္စလာမ်ဘာသာဝင်တွေ အချင်းချင်း လာမေးသလို အနီးနားမှာ နေတဲ့သူတွေကလည်း မေးတာတွေ့တယ်။ အများစုကတော့ ကလေးတွေ ကျန်သေးလား၊ ဘာဖြစ်သွားသေးလဲ၊ ဘာကြောင့် လောင်တာလဲဆိုတာမျိုးတွေ မေးကြတာ တွေ့ရတယ်။ ပြောရရင် အပြင်ကနေ ရေဖြန်းတာနဲ့တင် မီးက တော်တော်လေး ငြိမ်းသွားတယ်။ ဗလီထဲကိုတော့ မီးသတ်ဖွင့်ပြီးမှပဲ ၀င်တယ်။ ရေထပ်ဖြန်းတယ်။ ၃ နာရီ ၁၅ မိနစ်လောက်မှာ မီးငြိမ်းသွားတယ်။ အဲဒီအချိန်မှာ ပျောက်တဲ့သူတွေကို ၀င်ရှာနေတုန်းပဲ။ ကျွန်မလည်း အနားမှာရှိတဲ့ ရပ်ကွက်က လူတစ်ယောက်ကို မေးကြည့်တဲ့အခါ ဘာကြောင့်လောင်တာလဲလို့ မေးတော့ မီးအားမြှင့်စက်က အပူလွန်ပြီး အနားမှာလည်း ဓာတ်ဆီပုံးတွေ ရှိတဲ့အတွက် လောင်တာလို့ ပြောတယ်"

 

မီးလောင်မှု ဖြစ်စဉ်သို့ ထပ်မံရောက်ရှိသည့် Eleven သတင်းထောက် ကိုအောင်ဇော်ထွန်း

"ကျွန်တော်က ညပိုင်းအရေးပေါ် ဂျူတီတာဝန် ထမ်းဆောင်နေတာပါ။ ဧပြီလ ၂ ရက်နေ့ နံနက် ၃ နာရီ မထိုးခင်မှာ ကျွန်တော်တို့ရုံးက သတင်းထောက် မထွယ်ဆန်အောင်က သူတို့အိမ်နားက ဗလီတစ်ခုမှာ မီးလောင်နေတယ်လို့ ကျွန်တော့် လက်ကိုင်တယ်လီဖုန်းကို ဆက်သွယ်ပြီး ပြောပါတယ်။ အဲဒါနဲ့ ကျွန်တော်ရယ်၊ ကိုနေမျိုးထွန်းရယ်၊ ရုပ်သံကင်မရာ သတင်းထောက် ကိုဇင်လင်းထွန်းရယ် မီးလောင်တဲ့နေရာကို ထွက်လာခဲ့ပါတယ်။ ကျွန်တော်ကိုယ်တိုင် ကားမောင်းပြီး သွားပါတယ်။ ညပိုင်းမှာ ယာဉ်ကြောရှင်းတဲ့အတွက် ကျွန်တော့်စိတ်ထင် ဆယ့်ငါးမိနစ်လောက်ပဲ မောင်းရပါတယ်။ မီးလောင်ပြင်ကို ရောက်တဲ့အခါ ကျွန်တော်တို့ဆီက သတင်းထောက်ကို တွေ့ပါတယ်။ သူ့ဆီမှာ ဓာတ်ပုံမှတ်တမ်း ယူထားပြီးဖြစ်သလို သတင်းအချက်အလက်တွေလည်း ရရှိထားပြီး ဖြစ်ပါတယ်။ သူက မိန်းကလေး ဖြစ်တဲ့အတွက် ပြန်ဖို့နဲ့ သတင်းထောက်ချုပ် ကိုမာန်သူရှိန်ဆီကို အချက်အလက်တွေပေးဖို့ ကျွန်တော်ပြောပြီး မီးလောင်မှုဖြစ်စဉ်ကို ဓာတ်ပုံမှတ်တမ်း ရယူပါတယ်။ ကျွန်တော်တို့ သတင်းထောက်သာ အဲဒီနားမှာ မရှိရင်လည်း ကျွန်တော်တို့လည်း ဒီလောက်အစောကြီး မရောက်နိုင်ပါဘူး။ ဗလီအတွင်းကို ၀င်ရောက်ပြီး သတင်းရယူတဲ့အခါမှာ ဗလီအတွင်းမှာရှိတဲ့ သူတစ်ယောက်ကို လူအသေအပျောက်ရှိလားလို့ ကျွန်တော်မေးတဲ့အခါ သူကရှိတယ်။ ကလေး ၁၅ ဦးလောက် အပေါ်ထပ်မှာ သေနေတယ်လို့ ပြောတယ်။ မီးလောင်တဲ့ အကြောင်းအရင်းကို မေးကြည့်တော့ ၀ါယာရှော့က စဖြစ်တာလို့ ပြောတယ်။ ပျောက်နေတဲ့ ကလေး လေးယောက်လောက် ရှိတယ်လို့ ပြောတယ်။ အဲဒါနဲ့ ကျွန်တော် အပေါ်ထပ်ကို တက်ပြီး သတင်းဓာတ်ပုံ ယူတဲ့အခါမှာ မီးသတ်ရဲဘော်တွေရယ် အစ္စလာမ်ဘာသာဝင် အမျိုးသား သုံးလေးယောက်လောက် တွေ့ရတယ်။ သေနေတဲ့ ကလေးငယ်လေးတွေကိုလည်း တွေ့ရပါတယ်။ စိတ်မကောင်းစရာပါ ကျွန်တော့်ဘ၀မှာ ပထမဆုံး မြင်ဖူးတဲ့ မြင်ကွင်းပါ။ ဗလီရဲ့ အပေါ်ထပ်ကို သတင်းဓာတ်ပုံယူပြီး ကျွန်တော် အောက်ကို ရောက်တဲ့အခါမှာ ကျွန်တော်တို့ သတင်းထောက်ချုပ်က ကျွန်တော်ဆီကို တယ်လီဖုန်း ဆက်ပါတယ်။ သေနေတဲ့ ကလေးငယ်တွေရဲ့ သတင်းဓာတ်ပုံတွေလည်း ရတဲ့အကြောင်းလည်း ကျွန်တော်ပြောပြပါတယ်။ ပြီးတော့ ရုံးအထိုင်မှာရှိတဲ့ Web Operator ဆီကို တယ်လီဖုန်းနဲ့ သတင်းအချက်အလက်တွေ ပေးပို့ပါတယ်။ သတင်းထောက်ချုပ်နဲ့ ဆက်သွယ်ပြီး ကနဦး သတင်းတင်ဖို့ ကျွန်တော်ပြောတယ်။ ပြီးတော့ ဗလီအနီးမှာနေတဲ့ ကျွန်တော်တို့ သတင်းထောက်ရဲ့ မန်မိုရီကတ်နဲ့ ကျွန်တော့်ကင်မရာထဲက မန်မိုရီကတ်ကို ရုံးကလိုက်လာတဲ့ သတင်းထောက် ကိုနေမျိုးထွန်းကိုပေးပြီး ရုံးကို သတင်းဓာတ်ပုံတင်ဖို့ ပြန်လွှတ်လိုက်ပါတယ်။ ကျွန်တော်ရယ် ရုပ်သံသတင်းထောက်ရယ် မီးလောင်ပြင်မှာ သတင်းယူဖို့ နေခဲ့ပါတယ်။ အစ္စလာမ်ဘာသာဝင် အချို့ကို ဗလီနဲ့ပတ်သက်ပြီး မေးပါတယ်။ မိဘမဲ့ ကလေးတွေ ၇၀ လောက်ရှိတယ် ဆိုတာရယ် ဘာသာရေး စာသင်ကျောင်း ဖြစ်တဲ့အကြောင်း ပြောပြပါတယ်။ ပြီးတော့ မီးလောင်မှုဖြစ်စဉ် အနီးမှာရှိတဲ့ မီးသတ်အရာရှိကို မေးတဲ့အခါ သေဆုံးတဲ့ကလေး ၁၃ ယောက်ရှိတယ်လို့ ထပ်ပြောတယ်။ မီးလောင်ပြင်မှာ ကြက်ခြေနီ အဖွဲ့ဝင်တွေလည်း ရောက်နေပြီ။ ရဲတပ်ဖွဲ့ဝင် အချို့လည်း ရောက်နေပါပြီ။ အစ္စလာမ် ဘာသာရေးခေါင်းဆောင်တွေကိုလည်း တွေ့ရတယ်။ ပြီးတော့ သက်ဆိုင်ရာ အာဏာပိုင် အဖွဲ့တွေနဲ့ ဘာသာရေး ခေါင်းဆောင်တွေ ညှိနှိုင်းပြီး ကလေးငယ်တွေရဲ့ ရုပ်အလောင်းတွေကို ကားတွေပေါ် တင်ပါတယ်။ ပြီးတော့  ရန်ကုန်တိုင်း မီးသတ်ဦးစီးမှူးနဲ့ ရန်ကုန်တိုင်း ဒုတိယ တိုင်းရဲတပ်ဖွဲ့မှူးတို့က မီဒီယာတွေကို မီးလောင်မှု အကြောင်းအရင်းနဲ့ သေဆုံးမှုတွေကို အတည်ပြုပေးပါတယ်။ ပြီးတော့ ကျွန်တော်တို့ ရုံးကိုပြန်လာပါတယ်။ မနက်ငါးနာရီ ကျော်နေပြီ"         

မီးလောင်မှု ဖြစ်ပွားခဲ့သည့် ၄၈ လမ်း ဗလီအပေါ်ထပ်အား ဧပြီလ ၂ ရက် နံနက် ၃ နာရီ ၃၀ မိနစ်ဝန်းကျင်က တွေ့ရစဉ် (ဓာတ်ပုံ - အောင်ဇော်ထွန်း)

ကိုယ်တိုင်ရယူသည့် သတင်းထောက်များမှ တာဝန်ရှိသူ အသီးသီး၏ အတည်ပြုချက်များအရ သတင်းဖော်ပြခဲ့ခြင်းဖြစ်ပြီး ယခုနောက်ဆုံး ရန်ကုန်တိုင်းဒေသကြီး အစိုးရအဖွဲ့၏ အဆင့်ဆင့် စိစစ်ထုတ်ပြန်ချက် အရလည်း "၀ါယာရှော့" ကြောင့်သာ လောင်ကျွမ်းသည့် ဖြစ်ရပ်မှန် ပေါ်ထွက်ခဲ့ပြီးဖြစ်သည်။

တစ်အချက် Eleven မှ သတင်းထောက်သည် ဖြစ်စဉ်နှင့် အနီးဆုံး နေရာတွင် ရှိသည့်အတွက် သတင်းကို ဦးစွာ ရယူနိုင်ခဲ့သည်၊ နှစ်အချက် တာဝန်ရှိသူ အသီးသီး၊ မျက်မြင်ကိုယ်တွေ့ ရပ်မိရပ်ဖများနှင့် သတင်းထောက်၏ ကိုယ်တိုင်ကြုံတွေ့ရမှုများ၊ အထောက်အထားများအရ "၀ါယာရှော့" ကြောင့်ဟူသည့် အကြောင်းရင်းကို အတည်ပြု ဖော်ပြနိုင်သည်။

မည်သည့် သတင်းမီဒီယာမဆို ယခုကဲ့သို့ သတင်းဦးရရှိပြီး အများပြည်သူ သိရှိရန် သတင်းဖော်ပြကြမည် ဖြစ်သည်။ ၂၀၀၈ ခုနှစ် မေလ ၂ ရက်နေ့တွင် ဖြစ်ပွားခဲ့သည့် နာဂစ်မုန်တိုင်း သတင်းအပါအ၀င် မကြာသေးမီက ဖြစ်ပွားခဲ့သည့် ပဲခူးတိုင်းဒေသကြီး အနောက်ခြမ်းရှိ မြို့နယ်အချို့တွင် ဖြစ်ပွားခဲ့သည့် ဖြစ်စဉ်သတင်းများကိုလည်း Eleven မီဒီယာမှ အချိန်နှင့်တစ်ပြေးညီ သတင်းဖော်ပြခဲ့သည်။

သတင်းဦး ဖော်ပြခဲ့သည့်အတွက် အစိုးရဖြင့် ပူးပေါင်းသည်ဟု ဆိုသော် နာဂစ်မုန်တိုင်းမှာ အစိုးရဖြင့် ပူးပေါင်းတိုက်ခိုင်းလိုက်သလား ဆိုသည်ကို အစွန်းရောက်သည့် အယူအဆရှိသူများကို အရင်ဦးစွာ ဖြေကြားစေလိုပါသည်။

မီဒီယာတစ်ခု၏ တာဝန်အရ အစိုးရသို့လည်း Eleven မှ ဝေဖန်ချက် များစွာပြုလုပ်သည်၊ အင်အားကြီး ခရိုနီများကိုလည်း ဝေဖန်ထောက်ပြသည်၊ နိုင်ငံရေး ပါတီများသို့လည်း အင်အားကြီးသည်ဖြစ်စေ ငယ်သည်ဖြစ်စေ လိုအပ်ချက်များ ရှိပါက ထောက်ပြသည်၊ မည်သည့် အဖွဲ့အစည်းကိုမဆို ထောက်ပြဝေဖန်လျက် ရှိပါသည်။

ထို့ကြောင့် မီဒီယာသည် အမှန်တရားဘက်တွင်သာ ရပ်တည်ရပါမည်။ အမှန်တရားမှ လွဲ၍လည်း မှန်သည့်အရာ ဘာမျှရှိနိုင်တော့မည် မဟုတ်ပါ။           

အင်္ကြန်တွင်း မြို့တွင်းနှင့်အဝေးပြေးယာဉ်လိုင်းများ ပုံမှန်ယာဉ်စီးခသာ ကောက်ခံရမည်

သင်္ကြန်ကာလအတွင်း မထသ(ဗဟို) လက်အောက်ရှိ မြို့တွင်းယာဉ်လိုင်း (၁၅၃)လိုင်းနှင့် မထသ(အဝေးပြေး)မှ ယာဉ်လိုင်း(၁၃)လိုင်းပြေးဆွဲသွားမည်ဟု သိရှိရသည်။

 

မထသ(ဗဟို) လက်အောက်ရှိ ယာဉ်စည်းကမ်းဖောက်ဖျက်သည့်ယာဉ်များအား ဖုန်းဆက်တိုင်ကြားလိုပါက တာဝန်မှူးရုံးခန်းသို့ ဖုန်းဆက်အကြောင်းနိုင်သလို အတတ်နိုင်ဆုံး ပြေလည်အောင် ဖြေရှင်း ပေးသွားမည်ဟု သိရှိရသည်။

 

သင်္ကြန်ကာလအတွင်း ရန်ကုန်မြို့တော်ခရီးသွားပြည်သူများ သွားလာမှုအဆင်ပြေစေရေးအတွက် ယာဉ်လိုင်း (၁၅၃) လိုင်းမှ ယာဉ်အစီးရေ (၂၀၁၉) ခန့်ကို မနက် (၆) နာရီမှ ညနေ (၆) နာရီအထိ ပြေးဆွဲပေးသွားမည်ဖြစ်သည်။

 

မထသ(အဝေးပြေး) ယာဉ်လိုင်း (၁၃) လိုင်းမှ ယာဉ်အစီးရေ (၂၈) စီးအား ပြေးဆွဲပေးမည်ဖြစ်ရာ ယာဉ်စီးခနှုန်းထားမှာ မူလသတ်မှတ်ယာဉ်စီးခနှုန်းထားအတိုင်းသာ ဖြစ်သည်ဟု မထသ(ဗဟို)မှ သတင်းထုတ်ပြန်ခဲ့သည်။

 

"လမ်းကြောင်းတွေမှာ တာဝန်ချထားဖို့ သက်ဆိုင်ရာယာဉ်လိုင်းတွေမှာ တာဝန်ချထားပါတယ်။ အရေးပေါ်အချိန်မှာ တာဝန်ချထားတဲ့အပိုင်းမှာ ကျွန်တော်တို့မထသ(ဗဟို)မှာက တာဝန်မှူးကြီးတွေ ဌာနခွဲမှူးကြီးတွေကို တာဝန်ခံ စာရေးတွေနဲ့ကျွန်တော်တို့ သင်္ကြန်တွင်းကာလမှာ ဖြစ်ပေါ်လာတဲ့ အခြေအနေတွေကို အတတ်နိုင်ဆုံးပြေလည်အောင် ရှင်းလင်းနိုင်ဖို့အတွက် တာဝန်ချထားတာ တွေရှိပါတယ်။"ဟု မထသ(ဗဟို)မှ အတွင်းရေးမှူး ဦးဘမြင့်ကပြောသည်။

 

သင်္ကြန်ကာလအတွင်း ယာဉ်လိုင်းများမှ ထူးခြားဖြစ်စဉ်များအပြင် ယာဉ်စီးခပိုမိုကောက်ခံခြင်းများ၊ စည်းကမ်းဖောက် ဖျက်ခြင်းများ အတွက် မထသသို့ သတင်းပေးပို့နိုင်ပြီး တာဝန်မှူးဖုန်းကိုလည်း အမြဲဖွင့်လှစ်ကာ တိုင်တန်းမှုများအား အရေးယူဆောင်ရွက်သွားမည်ဟု သိရသည်။

 

 "အတတ်နိုင်ဆုံးကျွန်တော်တို့ စည်းစနစ်တကျရှိရေးကိုလည်း မထသများအနေနဲ့က သက်ဆိုင်ရာ ယာဉ်လိုင်းကော်မတီကို အကြောင်းကြားပြီးတော့ စီမံဆောင်ရွက်ထားပါတယ်။ သို့သော်လည်းပဲ ဒီကြားထဲမှာထူးခြားဖြစ်စဉ်များ အားနည်းချက်များကိုလည်း ကျွန်တော်တို့ရုံးမှာ တာဝန်မှူးချထား ပါတယ်။ အဲ့ဒီကို သတင်းပို့ပေးပါ။ ကျွန်တော်တို့ ကိုတတ်နိုင်သမျှ ပူးပေါင်းပြီးတော့ သတင်းပေးရင် လည်း ကျွန်တော်တို့က သူ့ယာဉ်လိုင်းကို ပြောမယ်။ လူတာဝန်ချ ရှင်းပေးမယ်။ ကျွန်တော်တို့ မထသ တာဝန်မှူးရုံးဖုန်းကိုလည်း တောက်လျှောက်ဖွင့်ထားပေးပါမယ်။ တာဝန်ချတဲ့ သူတွေကိုလည်း တိုးပြီး ချထားပေးပါမယ်။" ဟု မထသ (ဗဟို) ဥက္ကဌ ဦးလှသောင်းမြင့်ကပြောသည်။

 

ရန်ကုန်မြို့တွင်း ပြေးဆွဲလျက်ရှိသော ခရီးသည်တင်ယာဉ်လိုင်းအဖွဲ့အစည်းများဖြစ်သော ရွှေဧည့် သည် ယာဉ်လိုင်း၊ မြို့တော်စည်ပင်ယာဉ်လိုင်း၊ ရွှေအင်းဝယာဉ်လိုင်း၊ စစ်မှုထမ်းဟောင်း (အတွင်း) ယာဉ်လိုင်း၊ စစ်မှုထမ်းဟောင်း(အပြင်)၊ ဂျီအီးစီ၊ မြန်မာ့သားကောင်းယာဉ်လိုင်းများမှာ ဧပြီ (၁၃)ရက် နေ့မှ ဧပြီ (၁၆) နေ့အထိ ယာဉ်လိုင်းပြေးဆွဲမှုများကို ရပ်နားထားမည်ဖြစ်ပြီး ဗန္ဓုလသယ်ယူ ပို့ဆောင် ရေး (ပါရမီ)ယာဉ်လိုင်းကိုမူ ဧပြီလ (၁၄)ရက်နေ့မှ ဧပြီလ (၁၆) ရက်နေ့အထိ ယာဉ်လိုင်း ပြေးဆွဲမှု ရပ်နားထားမည်ဟု သိရသည်။

 

ရန်ကုန်တိုင်ဒေသကြီးအတွင်း ပြေးဆွဲလျက်ရှိသည့် ယာဉ်လိုင်းများ အားလုံးနှင့် မထသ(အဝေးပြေး) ခရီးဝေးသွားယာဉ်လိုင်းများအား ဧပြီလ (၁၇) ရက် (မြန်မာနှစ်ဆန်းတစ်ရက်နေ့)မှ စတင်ကာ ပုံမှန် အတိုင်းပြန်လည်ပြေးဆွဲပေးမည်ဟု သိရသည်။

 

 

ရေစိုမိုဘိုင်းဖုန်းပြန်လည်အသုံးပြုနိုင်ရေး နည်းလမ်းကောင်းရှာဖွေခြင်း

သင်္ကြန်ကာလအတွင်း မိုဘိုင်းဖုန်းအသုံးပြုရာ၌ ရေစိုသွားပါက ဖုန်းကိုဓါတ်ခဲထုတ်ထားရန်နှင့် ဓါတ်ခဲ ထုတ်မရသည့် ဖုန်း များ ပါဝါပိတ်ထားရန်လိုအပ်သည်ဟု မိုဘိုင်းပြုပြင်ရေးဆိုင်ရာ ကျွမ်းကျင် ပညာရှင်များထံက သိရသည်။

 

အဓိကအချက်မှာ ရေစိုစိုချင်းဖုန်းပါဝါမဖွင့်စေရေးဖြစ်ကြောင်းနှင့် ရေစိုသွားသည့် ဖုန်းများမှာ display speaker Micro phone အပျက်များကြောင်းကိုလည်း သိရှိရသည်။

 

ရေစိုသွားသည့်ဖုန်းများအား နေပူလှမ်းခြင်း ခြောက်သွေ့သည့်နေရာတွင်းထား၍ ခြောက်သွေ့သွားပါက ပါဝါမဖွင့်စေရန် အရေးကြီးကြောင်းနှင့် ပါဝါ မဖွင့်မိပါက မိုဘိုင်းဖုန်းပြန်လည်ကောင်းမွန်စေရေး ၉၅% သေချာ ကြောင်းနှင့် display ပျက်သွားပါက ကျန် ၅%ကြောင့် ပြန်လည် အသုံးမပြုနိုင်ကြောင်းကိုလည်း လမ်း(၅၀) မိုဘိုင်းပြုပြင်ရေး စင်တာမှကျွမ်းကျင်ပညာရှင်က ဆိုသည်။

 

သင်္ကြန်တွင်းကာလ၌ ဖုန်းဆားဗစ်ဆိုင်များလည်း ညပိုင်းဖွင့်လှစ်ကြမည်ဖြစ်ကြောင်းကိုလည်း မိုဘိုင်ပြုပြင်ရေး ဈေးကွက်အတွင်းက သိရသည်။

 

"ကျွန်တော်တို့ ဆိုင်လည်း သင်္ကြန်အတွင်းမှာ ညနေ ၅နာရီကနေ ၉နာရီအထိဖွင့်မှာပါ၊ ဆိုင်မပို့နိုင်သေး ရင်တော့ အိမ်မှာထားပါ၊ ဖွင့်မကြည့်ဖို့နဲ့ ၂၄နာရီအတွင်း ပြင်ဆိုင်ပို့ဖို့လိုပါတယ်"ဟု လမ်း(၅၀) မိုဘိုင်း ဖန်ဂရုမှ တာဝန်ရှိသူက ပြောသည်။

 

သင်္ကြန်တွင်းကာလ အပျက်များသောမိုဘိုင်းဖုန်းများမှာ HTC, SAMSUNG, HAUWEI,SONY, I PHONE, NOKIA အမှတ်တံဆိပ်ဖုန်းများနှင့် တရုတ်နိုင်ငံထုတ်ဟန်းဆက်အမျိုးအစားများဖြစ်ကြောင်း သိရှိရသည်။

 

ပြင်ဆိုင်မပို့မီ မိုဘိုင်ဖုန်းပြန်မဖွင့်လျှင် မိုဘိုင်းပြန်လည်ကောင်းမွန်လာနိုင်ကြောင်းနှင့် display ပျက်သွားပါက ပြုပြင်ရ ခက်ခဲသွားကြောင်း ဆားဗစ်ပြုလုပ်သူတို့က ဆိုသည်။

 

မိုဘိုင်းဖုန်းရေစိုသွားပါက ဓါတ်ခဲထုတ်၍ ဆန်အိုးအတွင်း၌ (၁)ရက်ထားကာ၊  rice cookerဖြင့် ၁၅ မိနစ်မှ နာရီဝက်ခန့် ရေမထည့်ပဲ ဓါတ်ခဲမပါ ဖုန်းအလုံးချည်း ချက်၍ ပြန်ထုတ်ကာ dryer အပူအလျော့ဆုံးခလုတ်နှင့် ၁၅ မိနစ်မှ နာရီဝက်ခန့် မှုတ်၍ ဓါတ်ခဲတပ်ကာ ပါဝါပြန်ပွင့်ပါက ပြန်လည်သုံးစွဲနိုင်ကြောင်း ပြုပြင်သူများထံက သိရှိရသည်။

 

သင်္ကြန်ပြီးနောက်ပိုင်းတွင် ပြည်နယ်နှင့် တိုင်းဒေသကြီးများ၌ တန်ဖိုးနည်း မိုဘိုင်းဖုန်းများကို နိုင်ငံတော်မှ ချထားပေးတော့မည်ဖြစ်သည့်အတွက် မိုဘိုင်းဟန်းဆက်ရေစို ပျက်စီးမှုမှာ ယခုထက်ပိုမို များပြားလာဖွယ် ရှိကြောင်းကိုလည်း မိုဘိုင်းဖုန်းပြုပြင်ဈေးကွက်အတွင်းက သိရသည်။