2012-12-01
စနေနေ့ မွန်းလွဲပိုင်းက စစ်ကိုင်းတိုင်းဒေသကြီး မုံရွာမြို့မှာ မြန်မာနိုင်ငံရဲတပ်ဖွဲ့က သံဃာတော်များရဲ့ သြဝါဒခံယူပွဲတစ်ရပ် ကျင်းပခဲ့ပါတယ်။ မုံရွာမြို့ ရွှေစည်းခုံဘုရားဝင်းအတွင်း တင်ဝင်းထွန်း ဓမ္မဗိမာန်မှာ မွန်းလွဲ နှစ်နာရီခွဲလောက်က ကျင်းပခဲ့တာဖြစ်ပါတယ်။
အဲဒီပွဲမှာ စစ်ကိုင်းတိုင်း၊ ရဲမင်းကြီးဦးစန်းယု က သံဃာတော်များကို လက်ပံတောင်းကြေးနီစီမံကိန်းရပ်ဆိုင်းရေး သပိတ်စခန်းတွေ ထိန်းချုပ်ခဲ့တာနဲ့ပတ်သက်ပြီး လျှောက်ထားခဲ့ရာမှာရဟန်းသံဃာတွေရဲ့ အရိပ်ကိုခိုပြီး ဆန္ဒပြနေကြသူတွေကို သတ်မှတ်ချိန်ထက် ၂၇ နာရီ နောက်ဆုတ်ပေးပြီး လူစုခွဲဖို့ အကြိမ်ကြိမ်သတိပေးခဲ့ပေမဲ့ မလိုက်နာခဲ့တာကြောင့် ဥပဒေနဲ့အညီ အဆင့်ဆင့် လူစုခွဲခဲ့ရတာဖြစ်ကြောင်း၊ မရည်ရွယ်ဘဲ သံဃာတော်တွေ ထိခိုက်ခဲ့ရတဲ့အတွက် စိတ်မချမ်းမြေ့ဖြစ်ရကြောင်း၊ မိမိတို့အနေနဲ့ တရားဥပဒေစိုးမိုးရေးအတွက် ဆောင်ရွက်ရတာဖြစ်ကြောင်းရဲမင်းကြီး ဦးစန်းယု က လျှောက်ထားပြီး သံဃာတော်တွေကို လှူဖွယ်ပစ္စည်းများ ဆက်ကပ်လှူဒါန်းခဲ့ပါတယ်။
မူလက သံဃာ အပါး ၂ဝ ပင့်ဖိတ်ခဲ့ပေမဲ့ မဟာဇောတိကာရုံကျောင်းတိုက် အပါအဝင် သံဃာအများစု မကြွရောက်ခဲ့ဘူးလို့ မြို့ခံတစ်ယောက်ကပြောပါတယ်။
ဒါ့ပြင် ရဲတပ်ဖွဲ့အနေနဲ့ သံဃာတော်တွေကို အပြည့်အဝ တောင်းပန်တဲ့အသွင်ကို မဆောင်ဘူးလို့ မုံရွာ မြို့ခံတွေက ယူဆနေကြကြောင်း သိရပါတယ်။
မူလက သံဃာ အပါး ၂ဝ ပင့်ဖိတ်ခဲ့ပေမဲ့ မဟာဇောတိကာရုံကျောင်းတိုက် အပါအဝင် သံဃာအများစု မကြွရောက်ခဲ့ဘူးလို့ မြို့ခံတစ်ယောက်ကပြောပါတယ်။
ဒါ့ပြင် ရဲတပ်ဖွဲ့အနေနဲ့ သံဃာတော်တွေကို အပြည့်အဝ တောင်းပန်တဲ့အသွင်ကို မဆောင်ဘူးလို့ မုံရွာ မြို့ခံတွေက ယူဆနေကြကြောင်း သိရပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။