2012-08-10
ရခိုင်ပြည်နယ်ကို လာရောက်ကြည့်ရှုဖို့ ကမ္ဘာ့အကြီးဆုံး မူဆလင်အဖွဲ့ဖြစ်တဲ့ OIC အစ္စလာမ် ပူးပေါင်း ဆောင်ရွက်ရေး အဖွဲ့ကို မြန်မာနိုင်ငံက ဖိတ်ခေါ်ထားပါတယ်။
၂၀၁၂ ခုနှစ် သြဂုတ်လ ၉ ရက်က သမ္မတ ဦးသိန်းစိန် တူရကီ နိုင်ငံခြားရေးဝန်ကြီး Mr. Ahmet Davutoglu ဦးဆောင်သည့် ကိုယ်စားလှယ် အဖွဲ့အား လက်ခံတွေ့ဆုံစဉ်။
သမ္မတ ဦးသိန်းစိန်ကလည်း ရခိုင်ပြည်နယ် ပဋိပက္ခကို စုံစမ်းဖို့ ဆော်ဒီအာရေဗျ အခြေစိုက် OIC အဖွဲ့ လာရောက်တာ ကြိုဆိုကြောင်း၊ OIC အတွင်းရေးမှူးဟာ ရခိုင်ပြည်နယ်က အခြေအနေမှန်တွေကို မျက်မြင် တွေ့ရှိနိုင်လိမ့်မယ်လို့ မျှော်လင့်ကြောင်း ပြောဆိုပါတယ်။
မြန်မာနိုင်ငံကို ရောက်ရှိနေတဲ့ တူရကီ နိုင်ငံခြားရေး ၀န်ကြီး အနေနဲ့လည်း မြန်မာနိုင်ငံက အခြေအနေမှန်တွေနဲ့ ပတ်သက်ပြီး OIC ကို ရှင်းပြဖို့လည်း ဦးသိန်းစိန်က တိုက်တွန်းပါတယ်။
ရခိုင်ပြည်နယ်မှာ မူဆလင်တွေအပေါ် လုံခြုံရေးတပ်တွေက ဖိနှိပ် နှိမ်နင်းနေတယ်ဆိုတဲ့ စွပ်စွဲချက်တွေကို မြန်မာအစိုးရက ပယ်ချထားပါတယ်။ ရခိုင်ပြည်နယ် တခွင်လုံး ဇွန်လ အစောပိုင်းကစလို့ အရေးပေါ် အခြေအနေ ကြေညာထားပြီး စစ်တပ်နဲ့ ရဲအဖွဲ့တွေ ထူထူထပ်ထပ် ချထားပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။