မန္တလေးမြို့ ဆရာတော် ဦးဝီရသူ တရားပွဲတွင် ပေါက်ကွဲမှု ဖြစ်စဉ်နှင့် ပတ်သက်ပြီး CCTV ကင်မရာ မှတ်တမ်းအရ မသင်္ကာသူနှစ်ဦးကို စစ်ဆေးလျက်ရှိ

မန္တလေးမြို့ရှိ ရတနာပုံ ဒိုင်းမွန်းပလာဇာတွင် CCTV ကင်မရာ တပ်ဆင်ထားသည်ကို တွေ့ရစဉ် (ဓာတ်ပုံ-မင်းသန့်)

မန္တလေးမြို့၊ ဇူလိုင် ၂၁ ရက်ညက မဟာအောင်မြေမြို့နယ်၊ ရတနာဘုမိ အနောက်ရပ်ကွက်၊ ၃၆ လမ်း၊ ၈၄ လမ်းနှင့် ၈၅ လမ်းကြားတွင် ပြုလုပ်ခဲ့သော သဟပုညကာရီဘုံ ဆွမ်းလောင်းအသင်းမှ ငါးနှစ်ပြည့် အထိမ်းအမှတ်အဖြစ် တရားပွဲကျင်းပခဲ့ရာ ငါးရက်မြောက်နေ့ ဆရာတော် ဦးဝီရသူ တရားပွဲတွင် ပေါက်ကွဲခဲ့သည့်ဖြစ်စဉ်နှင့် ပတ်သက်ပြီး CCTV ကင်မရာ မှတ်တမ်းအရ မသင်္ကာသူ နှစ်ဦးအား စစ်ဆေးလျက်ရှိကြောင်း မန္တလေးတိုင်း ရဲတပ်ဖွဲ့မှူးရုံးမှ သတင်းရရှိသည်။

"ဖြစ်စဉ်နဲ့ ပတ်သက်ပြီး ပေါက်ကွဲမှု ဖြစ်ပွားခဲ့တဲ့နေရာ အနီးမှာ တပ်ဆင်ထားတဲ့ CCTV ကင်မရာ မှတ်တမ်းကိုယူပြီး ခရိုင်ရဲမှူး ဦးစီးအဖွဲ့မှ စိစစ်ဆောင်ရွက်ခဲ့ရာ မသင်္ကာသူတွေကို စိစစ်တွေ့ရှိလို့ ဓာတ်ပုံမှတ်တမ်းများ ထုတ်ယူဆောင်ရွက်ခဲ့တယ်" ဟု ရဲမှူးဦးစိုးညိမ်းမှ ပြောကြားသည်။

"ဒီလို ဆောင်ရွက်ခဲ့ရာမှာ ဇူလိုင် ၂၂ ရက် ညနေ ၃ နာရီမှာ ဖြစ်စဉ်နဲ့ ပတ်သက်ပြီး အနီးမှာ တပ်ဆင်ထားတဲ့ CCTV ကင်မရာ မှတ်တမ်းအရ အခင်းဖြစ် ပတ်ဝန်းကျင်မှာ မသင်္ကာ သံသယဖြစ်ဖွယ် နှစ်ဦးကို ရဲတပ်ဖွဲ့မှူးရုံးမှာ ခေါ်ဆောင်ပြီး စစ်ဆေးနေပါတယ်။ CCTV ကင်မရာမှတ်တမ်းပါ မသင်္ကာသူတွေကိုလည်း တရားခံဖမ်းဆီး ရမိရေးအတွက် ဖော်ထုတ်စိစစ်ဆေးသွားမှာပါ" ဟု ရဲမှူးက ဆက်လက်ပြောကြားသည်။

ဇူလိုင် ၂၂ ရက် ညနေ ၃ နာရီမှာ ဖြစ်စဉ်နဲ့ ပတ်သက်ပြီး အနီးမှာ တပ်ဆင်ထားတဲ့ CCTV ကင်မရာ မှတ်တမ်းအရ အခင်းဖြစ် ပတ်ဝန်းကျင်မှာ မသင်္ကာ သံသယဖြစ်ဖွယ် နှစ်ဦးကို ရဲတပ်ဖွဲ့မှူးရုံးမှာ ခေါ်ဆောင်ပြီး စစ်ဆေးနေပါတယ် . . . . .

အဆိုပါဖြစ်စဉ်နှင့် ပတ်သက်ပြီး ပေါက်ကွဲမှု ဖြစ်ပွားခဲ့သည့် အနီးတွင် နေထိုင်သူ တစ်ဦးက "ပေါက်ကွဲမှု မဖြစ်ပွားခင် ည ၉ နာရီ ကျော်ကျော်လောက်မှာ အင်္ကျီမပါ လူတစ်ဦး ဆိုင်ကယ်တစ်စီးနဲ့ ကားအောက်ကို အရာဝတ္ထုတစ်ခု လှမ်းပစ်သွားတာကို တွေ့လိုက်ရတယ်။ ဆရာတော် ဦးဝီရသူရဲ့ တရားပွဲဆိုတော့ လူများတယ်။ လူများတော့ မထင်မရှားဘဲ တွေ့လိုက်ရတာပါ။ ပေါက်ကွဲမှုက ဆရာတော်ဦး ၀ီရသူရဲ့ တရားပွဲမပြီးခင် ပေါက်ကွဲသွားတာ" ဟု ပြောကြားသည်။

ပေါက်ကွဲမှုကြောင့် ဒေါက်တာတင်မြင့်၏ ၇က/၃၀၂၀ တိုယိုတာ ကိုရိုလာအဖြူရောင် ယာဉ်အနီးမှ ဗြောက်အိုးကွဲသံကဲ့သို့ အသံဖြစ်ပေါ်ခဲ့သည်။ ယာဉ်၏ နောက်ဘီးနှစ်ဘီး၊ ရှေ့ယာဘက်ဘီးတို့ ဘီးပေါက်ခဲ့ပြီး ကားဘော်ဒီ၊ ဆီတိုင်ကီများနှင့် အနီးရှိ လူငါးဦးတို့တွင် လက်လုပ်ဗုံးဟု ယူဆရသော သံကြွပ်စငယ်များ၏ ဒဏ်ရာများ ရရှိခဲ့သည်။

ပေါက်ကွဲမှုဖြစ်စဉ်အား မြို့မရဲစခန်း (မဟာအောင်မြေ) မှ (ပ) ၄၅၉/၂၀၁၃ ပြစ်မှုပုဒ်မ ၂၈၆ အမှုဖြစ်စဉ်သည် အခင်းဖြစ်ရှိလူများ သာမန်/ပြင်းထန်ဒဏ်ရာ ရရှိစေရန်နှင့် လူအများ၏ အသက်အန္တရာယ် ထိခိုက်စေရန် ရည်ရွယ်ပြုလုပ်ကြောင်း စိစစ်တွေ့ရှိရသဖြင့် ပြစ်မှုပုဒ်မ ၂၈၆/၃၃၇/၃၃၈/၃၀၇ တို့ ဖွင့်လှစ်ပြီး ခရိုင်ရဲမှူး ဦးစီးအမှုစစ် အဖွဲ့ဖြင့် ဖွဲ့စည်းစစ်ဆေးလျက်ရှိကြောင်း သိရသည်။

မန္တလေးတိုင်း ရဲတပ်ဖွဲ့မှူးရုံးမှ တရားခံ ဖမ်းမိရေးအတွက် မြို့ဝင်/မြို့ထွက်များတွင် မသင်္ကာသူများကို ပိတ်ဆို့စစ်ဆေးမှုများလည်း ပြုလုပ်လျက်ရှိကြောင်း သိရသည်။

SEA-ME-WE 3 ရေအောက်ဖိုက်ဘာဆက်ကြောင်း ပြတ်တောက်မှုကြောင့် အင်တာနက်လိုင်း အမြန်နှုန်းများ ထက်ဝက်ခန့် ကျဆင်း

၂၀၁၃ ခုနှစ် ဇူလိုင် ၂၂ ရက် ညနေပိုင်း၌ မြန်မာနိုင်ငံနှင့် နိုင်ငံတကာသို့ ချိတ်ဆက်ထားသည့် SEA-ME-WE 3 ရေအောက် ဖိုက်ဘာဆက်ကြောင်း ပြတ်တောက်မှုကြောင့် အင်တာနက်လိုင်း အမြန်နှုန်းများ ထက်ဝက်ခန့် ကျဆင်းခဲ့ကြောင်း မြန်မာ့ဆက်သွယ်ရေး လုပ်ငန်းမှ သိရသည်။

အဆိုပါ SEA-ME-WE 3 ရေအောက်ဖိုက်ဘာဆက်ကြောင်းသည် အရှေ့တောင်အာရှ၊ အရှေ့အလယ်ပိုင်းဒေသ၊ အနောက်ဥရောပ နိုင်ငံများအား ချိတ်ဆက်ထားသည့် ရေအောက်ဖိုက်ဘာ ကေဘယ်ကြိုးဖြစ်ပြီး မြန်မာနိုင်ငံသို့ ဖျာပုံမြို့အနီး၌ ၀င်ရောက်ချိတ်ဆက်ထားသော ရေအောက်ဖိုက်ဘာဆက်ကြောင်း ဖြစ်သည်။ ပြည်တွင်းမှ အသုံးပြုနေသည့် အင်တာနက်အမြန်နှုန်း Bandwidth စုစုပေါင်းမှာ 11.5 GB ရှိနေရာမှ ယခု ပြတ်တောက်မှုကြောင့် 5.5 GB နီးပါး ကျဆင်းသွားကြောင်း သိရသည်။

"မနေ့ညနေ ၅ နာရီဝန်းကျင်က အင်တာနက်လိုင်းတွေ ခဏပြတ်သွားတာ ည ၉ နာရီမှာ ဆက်သွယ်မှု ပြန်ရတယ်။ အရင်တုန်းက ကျွန်တော်တို့မှာရှိတဲ့ အင်တာနက် အမြန်နှုန်း စုစုပေါင်းက 11.5GB ကနေ အခု 5.5 GB ဆိုတော့ ထက်ဝက်လောက် ကျသွားတယ်။ ဖြစ်ဖို့များတာက မြန်မာ့ရေပိုင်နက်ထဲမှာ ဖြစ်ဖို့များတယ်။ အခုပြတ်တဲ့နေရာကို ရှာနေတယ်။ ရေထဲမှာ ပြတ်တာဆိုရင် SEA-ME-WE 3 နဲ့ ပတ်သက်တဲ့ လာပြင်တဲ့ သင်္ဘောတွေ ရှိတယ်။ အဲဒီလိုမျိုး ရေထဲမှာ ပြတ်တာဆိုရင် အနည်းဆုံး ရက် ၂၀ လောက်အထိ ကြာနိုင်တယ်လို့ သက်ဆိုင်တဲ့ အင်ဂျင်နီယာချုပ်က ပြောပါတယ်။ အခု လောလောဆယ်တော့ ပြတ်တဲ့နေရာကို ရှာနေပါတယ်" ဟု မြန်မာ့ဆက်သွယ်ရေးလုပ်ငန်း၊ ကြေးနန်းဆက်သွယ်ရေးနှင့် စာတိုက်သင်တန်းကျောင်း၊ ကျောင်းအုပ်ကြီး ဦးကျော်စိုးက ပြောကြားသည်။

မြန်မာနိုင်ငံတွင် နိုင်ငံတကာနှင့် ချိတ်ဆက်ထားသည့် ဆက်ကြောင်းကြီး သုံးခုဖြစ်သည့် ဂြိုဟ်တုဆက်ကြောင်း၊ နယ်စပ်ဖြတ်ကျော် ဖိုက်ဘာဆက်ကြောင်းနှင့် SEA-ME-WE 3 ဟူ၍ ဆက်ကြောင်းသုံးခုအနက် SEA-ME-WE 3 မှာ အရေးကြီးသည့် ဆက်ကြောင်းတစ်ခုဖြစ်ကြောင်း သိရသည်။

SEA-ME-WE 3 ရေအောက်ကေဘယ်လ် ဆက်ကြောင်းသည် ၂၀၁၁ ခုနှစ် အောက်တိုဘာ ၁၇ ရက်၌ ပြတ်တောက်မှု ဖြစ်ပွားခဲ့ပြီး ယင်းကာလ၌ အင်တာနက် ကွန်နက်ရှင် နှေးကွေးမှုမှာ လနှင့်ချီ ကြာမြင့်ခဲ့ပြီး အင်တာနက် အသုံးပြု စီးပွားရေး လုပ်ငန်းများတွင် ထိခိုက်နစ်နာမှု များပြားခဲ့ကြောင်း သိရသည်။ ၂၀၁၂ ခုနှစ် မတ် ၁၇ ရက်တွင်လည်း ဖျာပုံနှင့် ကျိုက်လတ်ကြားရှိ SEA-ME-WE 3 ပင်လယ်ရေအောက် ကေဘယ်လ်အင်တာနက် ဆက်ကြောင်းနှင့် မြ၀တီရှိ နိုင်ငံတကာ အင်တာနက် နယ်စပ်ဖြတ်ကျော် ဖိုင်ဘာကေဘယ်လ် ဆက်ကြောင်းအချို့ ပြတ်တောက်သွားသဖြင့် Bandwidth ပမာဏ 3.1GB ကျဆင်းသွားခဲ့သည်။
    
အဆိုပါ အာရှဥရောပ ရေအောက်ကေဘယ် SEA-ME-WE 3 သည် မြန်မာနိုင်ငံ အပါအ၀င် အာရှနှင့် ဥရောပရှိ နိုင်ငံပေါင်း ၃၄ နိုင်ငံနှင့် အဖွဲ့အစည်း စုစုပေါင်း ၆၄ ခုက စုစုပေါင်း အမေရိကန်ဒေါ်လာ ၁၄၃၄ သန်း ရင်းနှီးမြှုပ်နှံ ဆောင်ရွက်ရာတွင် မြန်မာနိုင်ငံက အမေရိကန်ဒေါ်လာ သန်း ၃၀ ခန့် ပါဝင်ထားပြီး မြန်မာနိုင်ငံ ဖျာပုံမြို့မှ အကွာအဝေး ၁၁၄၃ ကီလိုမီတာတွင် ရေအောက်ကေဘယ်ဖြင့် ဆက်သွယ်ထားသည့် ဆက်ကြောင်းဖြစ်သည်။

မြန်မာနိုင်ငံ နယ်စပ်တစ်လျှောက် လမ်းကြောင်းပေါင်း ၄၀ မှ တရားမ၀င် ကားသွင်းမှုများ ပြုလုပ်နေပြီး တရုတ်နှင့် ထိုင်းနယ်စပ်များမှ အများဆုံး ခိုးသွင်းကာ အစိုးရသစ်လက်ထက် ၂၀၀၇ စီးနှင့်အထက် ဖမ်းမိ

မြန်မာနိုင်ငံ နယ်စပ်တစ်လျှောက်ရှိ လမ်းကြောင်းပေါင်း ၄၀ မှ တရားမ၀င် ကားတင်သွင်းမှုများ ပြုလုပ်လျက်ရှိကြောင်း ဇူလိုင် ၂၃ ရက်က ကျင်းပသည့် အမျိုးသားလွှတ်တော် အစည်းအဝေးတွင် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ဒေါက်တာပွင့်ဆန်း၏ ရှင်းလင်းချက်အရ သိရသည်။

အစိုးရသစ်လက်ထက် ၂၀၁၁-၂၀၁၂ ဘဏ္ဍာရေးနှစ်မှ ၂၀၁၃ ခုနှစ် ဇွန်လအထိ ပြည်ထဲရေး ၀န်ကြီးဌာန၊ စီးပွား/ကူးသန်း ၀န်ကြီးဌာန၊ ဘဏ္ဍာ/အခွန် ၀န်ကြီးဌာနနှင့် ပြည်နယ်သုံးခု၊ တိုင်းဒေသကြီး တစ်ခုတို့မှ ဖမ်းဆီးရမိသည့် လိုင်စင်မဲ့ ကားစီးရေမှာ ၂၀၀၇ စီးနှင့် အထက်ရှိကြောင်း သိရသည်။

နယ်စပ်မှ တရားမ၀င် ကားတင်သွင်းရာတွင် ကချင်ပြည်နယ်မှ လမ်းကြောင်းငါးခု၊ ကယားပြည်နယ်မှ လမ်းကြောင်းနှစ်ခု၊ ကရင်ပြည်နယ်မှ လမ်းကြောင်း ၁၇ ခု၊ တနင်္သာရီမှ လမ်းကြောင်းလေးခု၊ ရှမ်းပြည်နယ်မှ လမ်းကြောင်း ၁၂ ခု စုစုပေါင်း လမ်းကြောင်း ၄၀ ရှိကြောင်း သိရသည်။

သောင်ရင်းမြစ် တစ်ဖက်ကမ်း ၁၃ ဂိတ် ကားဝင်းအတွင်း မြန်မာနိုင်ငံဘက်သို့ ရောင်းချမည့် လိုင်စင်မဲ့ကားများအား ဇူလိုင်ပထမပတ် အတွင်းက တွေ့ရစဉ် (ဓာတ်ပုံ-ကိုရွှေသိန်း)

"တရားမ၀င် လိုင်စင်မဲ့ယာဉ် ၀င်ရောက်နိုင်တဲ့ လမ်းကြောင်းတွေက ၄၀ ရှိပါတယ်။ ပြည်နယ်အတွင်း ခရီးသွားလာမှု အဆင်ပြေဖို့နဲ့ ကားဝယ်ယူ သုံးစွဲရတာ အဆင်ပြေဖို့အတွက် တရားဝင်ကားတွေကို အရစ်ကျငွေ ချေစနစ်နဲ့ ၀ယ်ယူသုံးစွဲနိုင်အောင် ကုမ္ပဏီတွေနဲ့ ဆက်သွယ်ပြီး အရောင်းပြခန်း ဖွင့်လှစ်ပေးသွားဖို့ စီစဉ်နေပါတယ်" ဟု ဒုတိယ၀န်ကြီး ဒေါက်တာပွင့်ဆန်းက တနင်္သာရီတိုင်းဒေသကြီး မဲဆန္ဒနယ် အမှတ် (၁၂) အမျိုးသားလွှတ်တော် ကိုယ်စားလှယ် ဦးတိုးဝင်း၏ လိုင်စင်မဲ့ကားများ တရားဝင်ဖွင့်လှစ်ထားသည့် နယ်စပ်ဂိတ်များမှသော် လည်းကောင်း၊ တရားမ၀င် နယ်စပ်ဂိတ်များမှသော် လည်းကောင်း ၀င်ရောက်လာခြင်းကို သိရှိခြင်း ရှိ၊ မရှိ မေးမြန်းချက်အပေါ် ပြန်လည်ဖြေကြားရာတွင် ထည့်သွင်းပြောကြားသည်။

တရားမ၀င် လိုင်စင်မဲ့ကားများ ၀င်ရောက်နေမှုအပေါ် လက်ရှိတွင် ပြည်ထဲရေး ၀န်ကြီးဌာန၊ နယ်ခြားစောင့်တပ်၊ ကျေးရွာအုပ်ချုပ်ရေး၊ ပြည်သူ့စစ်တပ်ဖွဲ့များမှ စောင့်ကြည့်စစ်ဆေးသည့်အပြင် ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနက အဖွဲ့ခေါင်းဆောင်အဖြစ် တာဝန်ယူထားပြီး အကောက်ခွန်၊ မြန်မာနိုင်ငံ ရဲတပ်ဖွဲ့၊ မြို့နယ် ထွေ/အုပ်၊ ကုန်သည်များ အသင်းရုံးတို့မှ အဖွဲ့ဝင်အဖြစ် ပါဝင်သည့်  Mobile Team အဖွဲ့ဖြင့်လည်း နယ်စပ်ကုန်သွယ်မှု လမ်းကြောင်းတစ်လျှောက် တားဆီးစစ်ဆေးလျက်ရှိကြောင်း သိရသည်။

နယ်စပ်မှတစ်ဆင့် လိုင်စင်မဲ့ကားများ တင်သွင်းရာတွင် စီးပွား/ကူးသန်း ဦးစီးဌာန၏ ဖမ်းဆီးရမိသည့် စာရင်းများအရ ထိုင်းနှင့်တရုတ် နယ်စပ်များမှ ခိုးသွင်းလျက်ရှိကြောင်း သိရသည်။

စီးပွား/ကူးသန်း ၀န်ကြီးဌာနမှ ၂၀၀၅ ခုနှစ်မှ ၂၀၁၁ ခုနှစ်အတွင်း ဖမ်းမိသည့် အစီးရေသည် ၅၉၆ စီးအထိရှိပြီး ကျပ် ၁၇ ဒသမ ၈၁၁ ဘီလျံကျော် တန်ဖိုးရှိကြောင်း သိရသည်။

ဆင်းရဲနွမ်းပါး၍ ကျောင်းပြင်ပရောက် ကလေးများအား ရခိုင်လူမှုအဖွဲ့အစည်းများ ကူညီမည်

ဆင်းရဲနွမ်းပါး၍ကျောင်းမတက်နိုင်သည့် တက္ကသိုလ်ဝင်တန်းကျောင်းသားကျောင်းသူများအား အတတ်နိုင်ဆုံး ကူညီပေးသွားမည်ဟု ရခိုင်လူမှုအဖွဲ့အစည်းများထံမှ သိရသည်။

ရခိုင်ပြည်နယ်ရှိ တက္ကသိုလ်ဝင်တန်းကျောင်းသားကျောင်းသူတစ်ချို့မှာ ဆင်းရဲ နွမ်းပါးသဖြင့် ကျောင်းမထားနိုင်သလို ကျူရှင်မတက်နိုင်သည့် ကျောင်းသားကျောင်းသူများအတွက် ပညာရေးကဏ္ဍအား မြင့်တင်ရန် ဝံလက် ဖေါင်ဒေးရှင်းမှစီစဉ်ခြင်းဖြစ်သည်ဟု သိရသည်။

 " ကလေးတွေက စာမသင်နိုင်တဲ့ ကလေးတွေ ဖြစ်တယ်၊ အဲဒီလို စာသင်ဖို့အတွက် အရမ်းခက်ခဲတယ်ဆိုရင် သူတို့ဟာ ကျောင်းရဲ့ ပြင်ပရောက်သွားတယ်ဆိုတော့ သူတို့ဟာ အမှိုက်လိုဖြစ်သွားတယ်၊ ကျွန်တော်တို့ဆီက သင်ပေးလိုက်တဲ့ ကလေးတွေ ဆယ်တန်းအောင်သွားတာရှိတယ်၊ သူတို့အတွက် ဘဝဖြတ်သန်းမှုတွေမှာ အောင်မြင်မှုတွေ ရသွားတယ်၊ ဒါဟာ အမှိုက်ကနေ ရွှေဖြစ်လိုက်တာဘဲ" ဝံလက် ဖောင်ဒေးရှင်းမှ ဒါရိုက်တာ ဦးထွန်းမြင့်သိန်း က ပြောသည်။

ဝံလက်ဖောင်ဒေရှင်းမှ ဖွင့်လှစ်သည့် စစ်တွေမြို့ မင်းဂံရပ်ကွက် အတွင်းရှိ " ရောင်ခြည်" အခမဲ့တက္ကသိုလ် ဝင်တန်းပညာသင်ကျောင်း အခမ်းအနား၌ ပြောကြားခဲ့ခြင်းဖြစ်သည်။

ရခိုင်ပြည်နယ်ပညာရေးကဏ္ဍ၌ လိုအပ်ချက်များစွာ ရှိနေသေးသလို ကျောင်းသားကျောင်းသူများ၏ ပညာရေး ကဏ္ဍမှာလည်း ကျောင်းပြင်ပသို့ ရောက်ရှိသွားသူများလည်း ရှိနေသည်ဟု သိရသည်။

" ကျွန်တော်တို့ တွေ့ရှိထားတာက ကျောင်းပြင်ပ ပညာရေးအရေးပါတယ်ဆိုတာ ကျောင်းအတွင်းမှာ သင်ကြားနိုင်တဲ့ ရာခိုင်နှုန်းက တော်တော်နည်းပါတယ်၊ လူတစ်ရာမှာ ၆၀ ရာခိုင်နှုန်း လောက်ဘဲ မူလတန်း အဆင့်ကို သင်ကြားနိုင်ပါတယ်၊ ကျန်တဲ့ ၄၀ ရာခိုင်နှုန်းက မသင်နိုင်ကြဘူး"ဟု ဦးထွန်းမြင့်သိန်းက ဆိုသည်။

ရခိုင်ပြည်နယ်ရှိကျောင်းသားကျောင်းသူအချို့မှာ စရိတ်ကြီးမားသည့် ကျူရှင်လခများ မပေးနိုင်သည့်အတွက် အခမဲ့ပညာသင်ကျောင်းကိုသာ အားထားနေရခြင်းဖြစ်သည်ဟု သိရသည်။

"စစ်တွေမှာ တက္ကသိုလ်ဝင်တန်း အခမဲ့ပညာသင်ကျောင်းတွေ တော်တော်လေးများလာတယ်၊ ဘာလို့လဲ ဆိုတော့ တကယ်ကို လိုအပ်လာတယ်၊ ဆင်းရဲနွမ်းပါးပြီး ကျောင်းပြင်ပကို ရောက်သွားတဲ့ ကလေးတွေအတွက် အခမဲ့ ပညာဒါနကျောင်းတွေက ပိုအရေးပါတယ်"ဟု စစ်တွေမြို့မှကျုရှင်ဆရာတစ်ဦးက ပြောသည်။

စစ်တွေမြို့တွင် တက္ကသိုလ်ဝင်တန်း ကျူရှင်လခနှုန်းထားများမှာ ကျောင်းသားတစ်ဦးလျှင် တစ်လလျှင် ကျပ်နှစ်သောင်းခွဲမှ သုံးသောင်းဝန်းကျင် ရှိနေပြီး အဆင့်မြင့်ဝိုင်းများဆိုလျှင် ထိုထက်များသည်ဟု ကျောင်းသားမိဘတစ်ဦးက ပြောသည်။

"ကျွန်တော့်သမီးလေးက ဒီနှစ် တက္ကသိုလ်ဝင်တန်းစာမေးပွဲကျတယ်၊ အပြင်ကျူရှင်ဝိုင်းမှာ ထားတယ်၊ တစ်လကိုတော့ သုံးသောင်း ပေးရတယ်၊ မရှိတဲ့ကြားက ပညာသင်ပေးနေရတာ၊ သားသမီးပညာရေး အတွက်ပေါ့"ဟု ကျောင်းသားမိဘတစ်ဦးက ပြောသည်။

ထို့အပြင် ဘော်ဒါဆောင်များ၌ တက္ကသိုလ်ဝင်တန်းကျောင်းသားတစ်ဦးလျှင် ကျပ် ၅ သိန်းနှင့် အထက်ရှိသည် ဟု စစ်တွေမြို့ဘော်ဒါဆောင်အသိုင်းအဝိုင်းမှ သိရသည်။

၂၀၁၃ခုနှစ် ရခိုင်ပြည်နယ်၏ တက္ကသိုလ်ဝင်စာမေးပွဲအောင်ချက်မှာ ၂၁.၇၂ ရာခိုင်နှုန်းရှိပြီး ပြီးခဲ့သည့် နှစ် နှစ်တာထက် ကျဆင်း သွားသည်။ ၂၀၁၁ ခုနှစ်က ၂၆.၈၁ ရာခိုင်နှုန်းနှင့်၂၀၁၂ ခုနှစ်က ၂၃.၈၈ ရာခိုင်နှုန်း အသီးသီးရှိသည်။

"ဒီကျောင်းပြင်က ပညာရေးဟာလည်း မရှိမဖြစ် လိုအပ်လာပါတယ်၊ နို့မဟုတ်ရင် ဒီ၄၀ ရာခိုင်နှုန်းကျောင်းသား တွေရဲ ပညာရေးဟာ ဘာဖြစ်သွားမလဲ ၊ ဒါကြောင့် ဒီအခမဲ့ ပညာသင်ကျောင်းတွေ ရှိဖို့ဆိုလို့ရှိရင် ပြောခဲ့တဲ့ ၄၀ ရာခိုင်နှုန်း ပညာသင်ကြားနိုင်မှာ မဟုတ်ဘူးဆိုရင်လည်း ကျွန်တော်တို့ အပါအဝင် လူမှုအဖွဲ့အစည်းတွေက တဖြည်းဖြည်းလုပ်လာရင် ဒီကွက်လပ်လေးကို ဖြည့်သွားနိုင်မယ်လို့ ယုံကြည်ပါတယ်၊ ဒါဟာ တကယ်တမ်း အရေးပါတယ်ဆိုတာကိုလည်း ပြောလို့ရပါတယ်"ဟု ဦးထွန်းမြင့်သိန်းက ဆိုသည်။

ဝံလက်ဖေါင်ဒေးရှင်းသည် ရခိုင်ပြည်နယ်အတွင်းရှိ ဖွံ့ဖြိုးရေးလုပ်ငန်းအပြင် ပညာရေးလုပ်ငန်း ၊ အသက်မွေးဝမ်း ကျောင်းပြုလုပ်ငန်းများအား အကူအညီပေးနေသည့် အဖွဲ့အစည်းတစ်ခုဖြစ်ပြီး ဇူလိုင်လ ၁၉ရက်နေ့ကလည်း စစ်တွေမြို့ မင်းဂံရပ်ကွက်၌ ဒုတိယအကြိမ် တက္ကသိုလ်ဝင်တန်းအခမဲ့ ပညာသင်ကျောင်းတစ်ခု ဖွင့်လှစ်ခဲ့ ကြောင်း သိရသည်။

ရခိုင်ပြည်နယ် စစ်တွေမြို့နယ်၌ ၂၀၁၃ခုနှစ် တက္ကသိုလ်ဝင်တန်း စာမေးပွဲဝင်ရောက်ဖြေဆိုရာတွင် ကျောင်းသား ကျောင်းသူ စုစုပေါင်း ၃၂၄၃ ဦးရှိပြီး ယင်းအနက် အတွင်းဖြေဆိုသူမှာ ၁၈၇၇ဦးနှင့် အပြင်မှ ဖြေဆိုသည့် ကျောင်းသားကျောင်းသူ အရေအတွက်မှာ ၁၃၆၆ ဦးရှိကြောင်း ရခိုင်ပြည်နယ် ပညာရေးညွှန်ကြားရေးမှူးရုံးမှ သိရသည်

ပုသိမ်၌ ပုဒ်မ(၁၈)ဖြင့် အရေးယူခံ လူမှုကွန်ယက်ခေါင်းဆောင်(၁၁)ဦး အထိရှိလာ

ဧရာဝတီတိုင်းဒေသကြီး မြို့တော်ပုသိမ်မှာ တိုင်းမြို့တော်ဖြစ်သည်နှင့်အညီ ဆန္ဒထုတ်ဖော်ပွဲများ အများဆုံးပြုလုပ်ရာမြို့ ဖြစ်သည့်အလျှောက် ပုသိမ်မြို့ရှိ ရဲစခန်း(၂)ခု၌ ပုဒ်မ(၁၈)ဖြင့် အမှုဖွင့်ခံထားရသော လူမှုကွန်ယက်ခေါင်းဆောင်(၁၁)ဦး အထိ ရှိနေပြီဖြစ်သည်ဟု သက်ဆိုင်ရာရဲစခန်းများမှ သိရှိရသည်။

 ဧရာဝတီတိုင်းဒေသကြီးအတွင်းရှိ အခြေခံလူတန်းစားများ တောင်သူလယ်သမားများ၏ နစ်နာဆုံးရှုံးမှုအရေး လိုက်ပါ ဆောင်ရွက်ပေးနေသော လူမှုကွန်ယက်အဖွဲ့အစည်းများမှ ခေါင်းဆောင်အားလုံးနီးပါးကို သက်ဆိုင်ရာ ရဲစခန်းအသီးသီးမှ ပုဒ်မ(၁၈)(က)ဖြင့် အမှုဖွင့်ခံထားရသည်ဟု သိရသည်။

၂၀၁၃ခုနှစ်နှစ်ဆန်းပိုင်းမှစတင်၍ ဒေသခံတို့၏ ဆန္ဒထုတ်ဖော်ပွဲများကို ဦးဆောင်ခဲ့သော မြန်မာ့လူမှုဘ၀ဖွံ့ဖြိုးတိုးတက်ရေး ကွန်ယက်မှ ဦးနေမျိုးဇင်အပါအ၀င် အမျိုးသားဒီမိုကရေစီကွန်ယက်(NDN)မှ ခေါင်းဆောင်(၇)ဦး၊ လူ့အခွင့်အရေး စောင့် ကြည့် ကာကွယ်ရေးကွန်ယက်(HRWDN)မှ ခေါင်းဆောင်(၂)ဦးနှင့် အခြားလူမှုအဖွဲ့အစည်းများမှ ခေါင်းဆောင် (၅)ဦးတို့မှာ ခွင့်ပြုချက်မရှိဘဲ ဆန္ဒထုတ်ဖော်ခဲ့ကြသဖြင့် သက်ဆိုင်ရာ ရဲစခန်းများမှ ပုဒ်မ(၁၈)(က)ဖြင့် အမှုဖွင့်ခံထားရခြင်း ဖြစ်သည်။

"ကျွန်တော်ကတော့ နောင်လာနောက်သားတွေအတွက် ဒီလိုမရှိသင့်တဲ့ ဥပဒေပုဒ်မတွေ ပပျောက်သွားအောင် တော်လှန် သွားမှာပါ၊ အမှုဖွင့်ပြီး ဒီပုဒ်မနဲ့ တရားစွဲဆိုခဲ့မယ်ဆိုရင်တော့ ၀ရမ်းပြေးလို့ပဲ သတ်မှတ် သတ်မှတ် ဒီတရားစွဲဆိုမှုကို အသိအမှတ် မပြုသလို ရင်ဆိုင်သွားမှာလည်း မဟုတ်ပါဘူး"ဟု ပုဒ်မ(၁၈)(က)ဖြင့် ပန်းတနော် ရဲစခန်းမှ အမှုဖွင့်ခံ ထားရသူ ဦးနေမျိုးဇင်က ပြောသည်။

မကြာသေးခင် ကာလကပုဒ်မ(၄၀၁)အရ ထောင်ကြွေးကျန်(၆)နှစ်ကျော်ကျခဲ့ပြီး နိုင်ငံတော် သမ္မတ၏ လွတ်ငြိမ်းချမ်း သာခွင့်ဖြင့် မအူပင်အကျဉ်းထောင်မှ ပြန်လည်လွတ်မြောက်ခဲ့သော ဗိုလ်ကြီးဟောင် နေမျိုးဇင်မှာ ဇန်န၀ါရီလအတွင်းက သက်ဆိုင်ရာရဲတပ်ဖွဲ့မှ ခွင့်ပြုချက်မရရှိပဲ ပြုလုပ်ခဲ့သောဝန်ကြီး ဦးဆန်းဆင့် မပြောင်းရွေ.ရေး ပန်းတနော် ဒေသခံများ၏ ဆန္ဒထုတ်ဖော်ပွဲကို ဦးဆောင်ခဲ့သဖြင့် ပုဒ်မ(၁၈)ဖြင့် အမှုဖွင့်ခံထားရခြင်းဖြစ်သည်ဟု ပန်းတနော်ရဲစခန်းမှူးက အတည်ပြု ပြောကြားထားသည်။

"အဲ့ဒီအမှုက အခုမှအသစ်ထပ်ဖွင့်တဲ့အမှု မဟုတ်ပါဘူး၊ အဲ့ဒီအချိန်ကတည်းက ဖွင့်ထားတဲ့ အမှုဟောင်းပါ၊ ပုဒ်မ(၁၈)နဲ့ပါ၊ ပုဒ်မ(၁၈)နဲ့ပတ်သက်ပြီးတော့ ဘာမှပြောစရာမရှိပါဘူး" ဟု ပန်းတနော်ရဲစခန်းမှူး ဦးကျော်အေးလှိုင်က ပြောသည်။

အမှုဖွင့်ခံထားရသော လူမှုကွန်ယက်ခေါင်းဆောင်(၁၁)ဦးမှာ ပုသိမ်မြို့တွင်း ယမန်နှစ် ဒီဇင်ဘာလတွင်းက ပြုလုပ်ခဲ့သော လက်ပန်တောင်းတောင်အရေးဆန္ဒထုတ်ဖော်ပွဲ၊ ယခုနှစ်တွင် ပြုလုပ်ခဲ့သော ကချင် ငြိမ်းချမ်းရေး လမ်းလျှောက်ပွဲ၊ တရားစီ ရင်ရေး မဏ္ဍိုင်တည့်မတ်စေရန်နှင့် ချမ်းမြေ့အေး အဝေပြေးယာဉ်လိုင်းအား ဆန္ဒထုတ်ဖော်ပွဲ၊ မြို့နယ်(၄)ခုမှ မြေသိမ်းခံ တောင်သူလယ်သမားများ၏ သိမ်းဆည်းခံ လယ်မြေများ ပြန်လည် ရရှိရေး ဆန္ဒထုတ်ဖော်ပွဲစသည့် ဆန္ဒထုတ်ဖော်ပွဲများကို ဥိးဆောင်ခဲ့သူများဖြစ်ကြောင်း အမှုဖွင့်ခံထားရသူတို့က ဆိုသည်။

"ဒီမိုကရေစီရဲ.စံနှုန်းကို ဆန္ဒထုတ်ဖော်ပွဲတွေနဲ့ပဲ တိုင်းတာပါတယ်၊ ပြည်သူတွေက သူတို့ရဲ့ဆန္ဒတွေကို ပွင့်ပွင့်လင်းလင်း ဖော်ထုတ်ခွင့်မရဘူးဆိုရင် ရနေတဲ့ ဒီမိုကရေစီကအရေခြုံထားတဲ့ အတုအယောင်ဒီမိုကရေစီပါပဲ၊ အမှုဖွင့်ခံထားရတဲ့ လူမှု ခေါင်းဆောင်တွေကိုလည်း အချိန်မရွေးနောက်ကြောင်းပြန်လှည့်ရင် ထောင်ထဲထည့်ထားမယ်ဆိုတဲ့ သဘောကို ပြည်သူဝန်ထမ်းအမည်ခံထားတဲ့ ရဲတပ်ဖွဲ့က လုပ်ပြနေတာပါ"ဟု ပုသိမ်မြို့ အမှတ်(၂)ရဲစခန်း၌ ပုဒ်မ(၁၈)ဖြင့် အမှုဖွင့် ခံထားရသူ အမျိုးသားဒီမိုကရေစီကွန်ယက်(NDN)မှ ဦးသန်းဝင်းက ပြောသည်။

ပုသိမ်မြို့၌ ပြုလုပ်ခဲ့သမျှ ဆန္ဒထုတ်ဖော်ပွဲများမှာ တရားဝင်ခွင့်ပြုမိန့်ရရန် ကြိုတင်ခွင့်ပြုမိန့်တင်ကြသော်လည်း မည်သည့် အခါမှ ခွင့်ပြုမိန့် ရရှိခဲ့ခြင်းမရှိခဲ့ကြောင်း၊ ဧရာဝတီတိုင်းဒေသကြီး အစိုးရအဖွဲ့အနေဖြင့်လည်း ယခုကာလသည် အပြောင်း အလဲကာလ ဖြစ်သည့်အတွက် မလိုလားအပ်သော ပြဿနာများ မဖြစ်ပွားအောင် ပြုလုပ်နေရခြင်းဖြစ်သောကြောင့် နားလည်ပေးစေလိုကြောင်း နောက်ပိုင်းတွင် ဆန္ဒထုတ်ဖော်ပွဲများကို တရားဝင်ခွင်ပြုမိန့်ပေးသွားမည့် အကြောင်း မိမိ တို့အား တိုင်းအုပ်ချုပ်ရေးမှူးက တွေ့ဆုံစဉ်ကပြောကြားခဲ့ကြောင်း အမျိုးသားဒီမိုကရေစီကွန်ယက် ခေါင်းဆောင် တစ်ဦး (NDN)ဖြစ်သူ ဒေါက်တာသန်းထိုက်က ပြောသည်

19.7.2013 မှ 25.7.2013 ရက်အထိ ၇ရက်ဟောစာတမ်း

တနင်္ဂနွေ

မရောက်ဖူးသောခရီး၊ မပေါင်းဘူးသော မိတ်ဆွေ မလုပ်ဘူးသော အလုပ်တို့လုပ်ဖြစ်မည်။ စူးစမ်းမှု၊ စုံစမ်းမှုတွေ လုပ်ဖြစ်မည်။ အထင်လွဲစွပ်စွဲမှုများခံရမည်။ သင့်ချစ်သူကိုယ်တိုင်ကလည်း သင့်အပေါ် အထင်လွဲမည်။ လုပ်နေသောအလုပ်အပြင် အလုပ်နှင့်မဆိုင်သော လုပ်ရပ်များလည်း လုပ်ဖြစ်မည်။ ရှယ်ယာလုပ်ငန်းအောင်မြင်မည်။လက်ဆောင်များလည်းရမည်။ မိသားစုအရေးကြောင့် ခရီးယာယီ ထွက်ဖြစ်မည်။

အကျိုးပေးဂဏန်း ၅၊၀၊၃

အထူးဟော       ထစ်ငေါ့ပြီးမှအောင်မြင်မည်။

ယတြာ            တနင်္ဂနွေနေ့နံနက်မှာ ကလေးငယ်များကို မုန့်ဝေလိုက်ပါ။

 

တနင်္လာ

သံယောဇဉ်တွေများလာမည်။ ရင်းနှီးသောအပေါင်းအသင်းများနှင့် ခွဲခွာမှုတွေဖြစ်မည်။ အမှတ်တရလေးများ လုပ်ဖြစ်မည်။ စွန့်စားမှု၊ စူးစမ်းမှုများ အကောင်အထည်ဖော်ဖြစ်မည်။ မရည်ရွယ်သောခရီးများလည်း ရောက်ဖြစ်မည်။ ထီထိုးပါ။ ထီပေါက်လိမ့်မည်။ လက်ဆောင်လေးတွေရမည်။ စက်၊ရွှေ၊မြေ ဝင်မည်။ ထွက်ဖြစ်မည်။ မိတ်ဆွေသစ်တွေများလာမည်။

အကျိုးပေးဂဏန်း ၂၊၄၊၈

အထူးဟော        ပျော်ရွှင်မှုများတွေ့လိမ့်မည်။

ယတြာ              ငါးအရှင်၁၅ကောင် တနင်္ဂလာနေ့တွင်လွှတ်ပါ။

အင်္ဂါ

ဒေါသထွက်စရာများ၊ စိတ်တိုင်းမကျမှုများ ကြုံရသည့်ကြားက အတတ်နိုင်ဆုံးပြုံးပြနေရခြင်းများ ဖြစ်နေမည်။ အလုပ်ကလည်းရှုပ်ပြီး မိသားစုအရေးကလည်း ရှုပ်ခြင်းကြောင့် စိတ်ပင်ပန်းမှုတွေ ဖြစ်နေမည်။ ဒါပေမယ့် ဝမ်းသာစရာတွေကတော့ တစ်ခုပြီးတစ်ခု ရမှာပါ။ ငွေဝင်ခြင်းနှင့် ချစ်သူ တစ်ယောက်တိုးလာလို့ဖြစ်ပါသည်။ မျှော်လင့်ချက်လေးတွေလည်း အောင်မြင်မည်။ လက်ထပ်ရက် ကတော့ ရွှေ့ဖြစ်တတ်သည်။

အကျိုးပေးဂဏန်း ၃၊၆၊၅

အထူးဟော        စိတ်ပင်ပန်းနေသော်လည်း စိတ်ချမ်းသာရမှာပါ။

ယတြာ               အင်္ဂါနေ့နံနက်တွင် ဘုရားကို ဇီးပေါင်းလှူပါ။

ဗုဒ္ဓဟူး

ဝေးလေဆွေးလေဖြစ်ရတတ်သည်။ ခရီးဝေးတွေရောက်မည်။ ချစ်သူနှင့်ဝေး၍ ခွဲခွာနေရတတ်သည်။ သို့သော် သင့်ချစ်သူက သင့်အပေါ် အထင်တမျိုးလွဲ နေသည်။ သူ့ကိုမလိုချင်လို့ ခွဲခွာသွားသည် ဟုထင်နေသည်။ ကတိမတည် သစ္စာမရှိဟုထင်သော်လည်း သင့်အပေါ်မေတ္တာရှိနေဆဲ ဖြစ်ပါသည်။ တစ်ယောက်မက ချစ်တတ်သော သင့်စိတ်ကြောင့် ရောက်သည့်နေရာမှာ ချစ်သူထပ်တွေ့ပါမည်။ အလုပ်အကိုင်၊ပညာရေးအားလုံး အဆင်ပြေမည်။ ကြီးသူ၊အဒေါ်နှင့် အမေ ကျန်းမာရေးဂရုစိုက်ခိုင်းပါ။ စက်ပစ္စည်းအဝယ်မှားတတ်၍ ဂရုစိုက်ပါ။

အကျိုးပေးဂဏန်း ၄၊၉၊၆

အထူးဟော        အားလုံးအဆင်ပြေပါမည်။

ယတြာ              ဘုရားကို ဗုဒ္ဓဟူးနေ့ သောက်တော်ရေသန့်ကပ်လှူပါ။

ကြာသပတေး

ရွေးပေါင်းတတ်သော သင့်စိတ်ကြောင့်လည်းကောင်း၊ အပြောကြမ်းပြီး ပွင့်လင်းတတ်သော သင့်စိတ်ကြောင့် လည်းကောင်း၊ အားမနာတတ်သော စိတ်ဓာတ်တို့ကြောင့်လည်းကောင်း၊ အနေအထိုင်တည်ကြည်ပြီး လူတိုင်းကိုမရောတတ်သော သင့်စိတ်တို့ကြောင့် သင့်ကိုဘဝင်မြင့်သည်၊ မာနကြီးသည်ဟု အထင်ခံနေရခြင်း ဖြစ်မည်။ ရွေးပေါင်းသည့်ကြားက လူပေါင်းမှားကိန်းရှိနေသည်။ ပညာရေးထူးချွန်လာမည်။ အချစ်ရေးအဆင်ပြေပြီးမှခွဲခွာရမည်။ မုန်းလို့လည်းရ၊ ချစ်လို့လည်းရသော စိတ်ကြောင့် ဝမ်းနည်းမှု့မရှိဖြစ်မည်။ အလုပ်ကိစ္စ၊ စာမေးပွဲ ကိစ္စများ၊ အင်တာဗျူးများ မုမျအောင်မြင်မည်။ ခရီးသွားရန်ရှိသော်လည်း မသွားဖြစ်တတ်ပါ။

အကျိုးပေးဂဏန်း ၅၊၀၊၁

အထူးဟော        သင်ကံကောင်းမည်။

ယတြာ              ပေါက်စီ၅လုံးဘုရားကပ်ပါ။ကြာသပတေးနေ့နံနက်တွင်ကပ်ပါ။

သောကြာ

တစ်ယောက်မက ချစ်တတ်ပြီး တဇွတ်ထိုးလုပ်တတ်မှုတွေကြောင့် ချစ်သူတွေများလာမည်။ ခရီးဝေးယာယီမြင်သည်။ ကျန်းမာရေးအနည်းငယ်ချူချာမည်။ ကိုယ်ပိုင်စီးပွားရေးလုပ်ငန်းများ အောင်မြင်မည်။ စာမေးပွဲ၊ အလုပ်အင်တာဗျူးအောင်မြင်မည်။ မမျှော်လင့်ဘဲ အိမ်ထောင်ပြုဖြစ်မည်။ အဝေးခရီးရောက်မည်။ လက်ဆောင်တွေရမည်။ ဆွေမျိုး၊သားချင်းအတွက် စိတ်ရှုပ်ရမည်။

အကျိုးပေးဂဏန်း ၆၊၁၊၉

အထူးဟော        အဆင်ပြေမည်။

ယတြာ              သောကြာနံနက်တွင် မြောက်အရပ်ရှိလမ်းကို သန့်ရှင်းရေးလုပ်ပါ။

စနေ                                                                                                                                                                                                            

စိုးရိမ်မှုများနှင့်ဖြစ်ပါ့မလားဟု တွေးပြီး လျှောက်လမ်းမှုများရှိနေမည်။ စိုးရိမ်မှုမလိုပါ။ အောင်မြင်မည်။ ဖြစ်ပါ့မလားဟုတွေးပြီး တထစ်ချ မဆုံးဖြတ်နိုင်မှုများရှိနေမည်။ မစိုးရိမ်နှင့်မုချဖြစ်ပါသည်။ ရပါ့မလား ဟုတွေးပြီး ဆောင်ရွက်မှုများလည်းရှိနေမည်။ မစိုးရိမ်နှင့်မုချရပါသည်။ ဘာလို့လည်းဆိုတော့ ဒီတပတ် သင့်ကံဇာတာ ကောင်းနေလို့ပါ။ မုန်းနေသူတို့ပြန်ချစ်မည်။ ခွဲခွာနေသူတို့ပြန်ဆုံမည်။ ဖုန်း၊အင်တာနက်နှင့် ပြောဆိုနေသောသူနှင့် လူကိုယ်တိုင်တွေ့ဖြစ်မည်။ သားချင်း၊မိသားစုတွေ အားလုံး စီးပွားရေး၊ကျန်းမာရေး အဆင်ပြေလာမည်။ သင်လည်းအောင်မြင်လာမည်။ ချစ်သူလည်း ကိုယ်နှင့်အဆင်ပြေပါမည်။

အကျိုးပေးဂဏန်း  ၇၊၀၊၂

အထူးဟော         အားလုံးကံကောင်းမည်။

ယတြာ               စနေနေ့နံနက်တွင် အိမ်ဘုရားကို ရေသက်စေ့ ရေအေးသပ္ပာယ်ပါ။

လိင်မှုဆိုင်ရာ အကြမ်းဖက်မှု၊ ကလေးစစ်သား အသုံးပြုမှု ရပ်တန့်သည့် စာချုပ် KNU နှင့် Geneva Call တို့ လက်မှတ်ထိုး

ကရင် အမျိုးသား အစည်းအရုံး (KNU) သည် ကလေး သူငယ်များဆိုင်ရာ အခွင့်အရေး ကာကွယ်ရေးနှင့် လိင်မှုဆိုင်ရာ အကြမ်းဖက်မှုများ ပိတ်ပင် တားဆီးရေး စာချွန်လွှာကို ဂျီနီဗာ အခြေစိုက် Geneva Call အဖွဲ့နှင့် နက်ဖြန်တွင် ကရင်ပြည်နယ် ဖါးအံမြို့ရှိ ဇွဲကပင် ဟိုတယ်၌ သဘောတူ စာချုပ် ချုပ်ဆိုမည်ဟု ပြောခွင့်ရသူ ပဒိုမန်းမန်းက ဆိုပါသည်။

" ဒီသဘော တူစာချုပ် လက်မှတ်ထိုးပွဲမှာ MPC က ၀န်ကြီး ဦးအောင်မင်းရယ်၊ ကရင်ပြည်နယ် ၀န်ကြီးချုပ် ဦးဇော်မင်းရယ်၊ သူတို့နှစ်ဦး ကိုလည်း သီးသန့် ဖိတ်ကြား ထားပါတယ်" ဟု ဆိုပါသည်။

လက်မှတ် ရေးထိုး ကြမည့် အကြောင်းအရာများမှာ လက်နက်ကိုင် ပဋိပက္ခကြောင့် သက်ရောက်မှု ခံစားရသော ကလေး သူငယ်များအား၊ ကာကွယ်ရေး ဆိုင်ရာ သန္ဓိဌာန်ပြု ၀န်ခံမှု စာချွန်လွှာ (Deed of commitment under Geneva Call for the protection of Children from the effect of armed conflict) နှင့် လက်နက်ကိုင် ပဋိပက္ခ အခြေအနေတွင် လိင်မှုဆိုင်ရာ အကြမ်းဖက်မှုများကို ပိတ်ပင် တားမြစ်ခြင်း နှင့် လိင်ကွဲပြားမှု အပေါ် ခွဲခြားဖိနှိပ် ဆက်ဆံမှုများ အဆုံးသတ်ရေး ဆိုင်ရာ သန္ဓိဌာန်ပြု ၀န်ခံမှု စာချွန်လွှာ (Deed of commitment under Geneva Call for the prohibition of several violence in situations of armed conflict and towards the elimination of gender discrimination) နှင့် ပါတ်သက်သည့် စာချွန် လွှာများ ဖြစ်ပါသည်။  

ယင်းစာချုပ် လက်မှတ် ရေးထိုး ပွဲသို့ KNU အထွေထွေ အတွင်းရေးမှူး ပဒိုကွယ်ထူးဝင်း ဦးဆောင်ပြီး၊ စစ်ဦးစီးချုပ် (GOC) ဗိုလ်ချုပ်ကြီး ဂျော်နီတို့ တက်ရောက် လက်မှတ် ရေးထိုးမည် ဖြစ်သည်။ Geneva Call ဖက်မှ (Rascal Bongard, Jonathan Somer, Reno Meyer and Christopher Rush တို့က လက်မှတ် ရေးထိုးမည်ဖြစ်သည်။

ဤလက်မှတ် ရေးထိုးပွဲသည် အပြည်ပြည် ဆိုင်ရာ လူ့အခွင့်အရေး စံချိန်စံညွှန်းများကို ကရင်အမျိုးသား လွတ်မြောက်ရေး တပ်မတော် အနေနှင့် လိုက်နာသွားမည့် ဂတိခံ ၀န်စာချုပ် လက်မှတ် ရေးထိုးပွဲဖြစ်ပါသည်။

ဤသို့ကြောင့် စာချုပ်ချုပ်ဆိုပွဲကို မြန်မာ့ ငြိမ်းချမ်းရေး စင်တာ (MPC) မှ ခေါင်းဆောင်များနှင့် ကရင်ပြည်နယ် ၀န်ကြီး များကိုပါ ဖိတ်ကြားခဲ့ခြင်း ဖြစ်ပါသည်။ ထို့အပြင် အခြားသော တိုင်းရင်းသား အဖွဲ့အစည်းများနှင့် လူထု အခြေပြု အဖွဲ့အစည်း များကိုလည်း ဖိတ်ကြားထားကြောင်း ဆိုပါသည်။

Geneva Call သည် ကုလသမဂ္ဂ္ဂ၏  အခွင့်အရေး ဆိုင်ရာ အဖွဲ့အစည်းများ အနက်၊ ကလေး အခွင့်အရေးနှင့် မြေမြုပ်မိုင်း ဆိုင်ရာ ကိစ္စများကို ဆောင်ရွက်နေသော အဖွဲ့ဖြစ်ပါသည်။ ၄င်းတို့သည် တိုင်းရင်းသား လက်နက်ကိုင် အဖွဲ့အစည်း ဖြစ်သော  မွန်ပြည်သစ်ပါတီ (NMSP)နှင့် ကရင်နီ အမျိုးသား တိုးတက်ရေး ပါတီ (KNPP) တို့နှင့် စာချုပ် ချုပ်ဆိုခဲ့ပြီး ဖြစ်ပါသည်။

ထို့အပြင် အခြား စာချုပ် မချုပ်ရသေးသော တိုင်းရင်းသား အဖွဲ့အစည်း များနှင့်လည်း အပြန်အလှန် နားလည်မှု ရရှိနေပြီး ဖြစ်ကြောင်း၊ ၄င်းတို့၏ လုပ်ထုံးလုပ်နည်းအရ စာချုပ်မချုပ်ဆိုနိုင်ခင် ထုတ်ဖေါ်ပြောဆို လေ့ မရှိသည့် အတွက် မည်သည့် အဖွဲ့အစည်းနှင့် သဘော တူညီချက် ရရှိထားသည်ကို ထုတ်ပြန် ပြောဆိုခြင်း မရှိပေ။

မိသားစုအရေး စိတ်ဖိစီးမှုကြောင့်ကလေးသုံးယောက်၏မိခင် ကြိုးဆွဲချသေ

ကယားပြည်နယ် လွိုင်ကော်မြို့နယ် နွားလဝိုးကျေးရွာမှ ကလေးသုံးဦးမိခင်ဖြစ်သူ ဒေါ်ခင်ချိုသင်း ဆိုသူသည် မိသားစုအရေး စိတ်ဖိစီးမှုတွေ အဆင်မပြေမှုတွေ များလာ၍ မိမိကိုယ်ကို ကြိုးဆွဲချ သေဆုံးခဲ့တဲ့ ဖြစ်ရပ်တခု ဖြစ်ပွားခဲ့တယ်လို့ နွားလ၀ိုးကျေးလက် ကျန်းမာရေးဌါနခွဲမှ သားဖွားဆရာမ ဒေါ်ခင်ချိုဝင်းက ပြောပါတယ်။

ဖြစ်စဉ်မှာ လင်မယားနှစ်ဦး အမြဲတမ်း ရန်တွေ့ စကားများကြ၍ တစ်အိမ်ထဲ အတူနေသော်လည်း အခန်းခွဲနေကြတာဖြစ်ပြီး မိသားစု အားလုံး အိပ်မောကျနေချိန်မှာ မိခင်ဖြစ်သူက ၁၂ ရက်နေ့ည ၉ နာရီခွဲဝန်းကျင်မှာ ကိုယ့်ကိုယ်ကို အဆုံးစီရင် ခဲ့တာဖြစ်တယ်လို့ ပြောပါတယ်။

"သူကတော့ သူ့အိမ်ထောင်ရေးနဲ့ ပတ်သက်လို့ တော်တော့်ကို စိတ်ဆင်းရဲနေတာပေ့ါနော်။ ကျန်တဲ့အကြောင်းအရာကတော့ ဘာမှမရှိပါဘူး။ သူအိမ်ထောင်ရေးမသာယာတဲ့ အပေါ်မှာ မူတည်ပြီးတော့ သူ့တစ်ယောက်ထဲ ရုန်းကန်ရတာများတော့ ဘ၀ကိုလေ။ ရုန်းကန်ရတာများလာတဲ့ အခါကျတော့ ကြာတော့ သူ့ရဲ့စိတ်က မခံနိုင်တော့ဘူး" လို့ ကျေးလက်သားဖွားဆရာမ ဒေါ်ခင်ချိုဝင်းက ပြောပါတယ်။

ဒေါ်ခင်ချိုသင်း၏ အမျိုးသားဖြစ်သူမှာ အမြဲတမ်း အရက်သောက် မူးယစ်ကာ မယားဖြစ်သူကို အနိုင်ကျင့် နှိမ့်စက်လျက်ရှိကြောင်း၊ မိသားစုဝမ်းရေးအတွက် သားသမီး သုံးဦးကို မိခင်ဖြစ်သူ တဦးတည်းသာ ကြုံရာကျပန်းလုပ်ငန်းဖြင့် လုပ်ကျွေးပြုစုနေရတာဖြစ်တယ်လို့ သိရပါတယ်။

ထိုအလောင်းကို ရဲ၊ ဆရာဝန် များ စစ်ဆေးချက်အရ သေဆုံးသူမှာ မိမိကိုယ်ကို သေကြောင်းကြံခြင်း ခိုင်လှုံကြောင်း ဆိုပါတယ်။

သေဆုံးသူမှာ အရင်က မိမိကိုယ်ကို သေကြောင်းကြံဖူးခဲ့တယ်လို့ ၎င်းနီးစပ်ရာ အိမ်နီးနားချင်းမှ ဒေသခံတွေက ပြောပါတယ်။

နွားလ၀ိုးကျေးရွာနေ အိမ်အမှတ် န/၂၀ တွင်နေထိုင်တဲ့ သေဆုံးသူ ဒေါ်ခင်ချိုသင်းမှာ အသက် (၃၁) နှစ်ရှိပြီး အမျိုးသားဖြစ်သူမှာ ဦးဝေဖြိုး အသက် (၃၈) ရှိသူဖြစ်တယ်လို့ သိရပါတယ်။

ကျန်ရစ်သူသားသမီးသုံးဦးမှာ သမီးကြီး ဝေနှင်းဖြူ အသက်(၉)နှစ် စတုတ္ထတန်း၊ သား အောင်မင်းဝေ (၆) နှစ် ပထမတန်း နှင့် (၂)နှစ် သမီး ချမ်းဇာဖြူတို့ ဖြစ်ကြပါတယ်။

ဆာမူရိုင်းဂိုဏ်းပြဿနာ ချင်းမိုင်အာဏာပိုင်များနှင့် သျှမ်းအဖွဲ့ပူးပေါင်းအဖြေရှာ

ဂျူလိုင် ၂၁ ရက် မွန်းလွဲ ၁ နာရီမှာ ညနေ ၄ နာရီ သျှမ်းအဖွဲ့များစုပေါင်း၍ ထိုင်းနိုင်ငံ ချင်းမိုင် မြို့ အုပ်ချုပ် ရေးပိုင်းဆိုင်ရာ အကြီးအကဲများအား ပင့်ဖိတ်ကာ ဖြစ်ပေါ်ခဲ့သော ဆာမူရိုင်း ဂိုဏ်းပြဿနာအား ၀ပ်ကူတောက် ဘုန်းကြီးကျောင်း၌ ဆွေးနွေးတိုင်ပင် ဝိုင်းဝန်းအဖြေရှာကြ ခြင်း ဖြစ်သည်။

လူမှုအသိုင်းအဝိုင်းတွင်အထူတကွနေထိုင်နိုင်ဖို့နှင့် နားလည်မှုတည်ဆောက်ခြင်းဆဲမ်မီနာ

"မဖြစ်ပေါ်ခင် ကြိုတင်တားဆီးဖို့၊ ဖြစ်နေသောပြဿနာကို ဖြေရှင်းဖို့ ဖြစ်တယ်။ ဒါကြောင့် ကျနော်ကိုယ်တိုင် ပါ ၀င်တဲ့ သျှမ်းဘက်က ကိုယ်စားလှယ် ၁၀ ယောက်အဖွဲ့ဖွဲ့တယ်။ ချင်းမိုင်အာဏာပိုင် တွေနဲ့ လက်တွဲ ပြီး ပြဿနာကို စုပေါင်းဖြေရှင်းသွားမယ်" - ဟု ထိုင်းနိုင်ငံ သျှမ်းပညာရေးနှင့် ယဉ်ကျေးမှု အသင်း ဥက္ကဌ စိုင်းဆိုင်မိဏ်း မန်းကောန်း က ပြောသည်။

ထို့အတူ ထိုင်းနိုင်ငံ ချင်းမိုင် ဒုတိယ အုပ်ချုပ်ရေးမှူး မစ္စတာ အဒီးဆွန် ကမ်နွတ်ဆီကလည်း - "ကျနော်က ဖှန် (ဖှန်မြို့နယ်သား) ဇာတိ ကျနော့်အနွယ်လဲ ထိုင်းယိုင် (သျှမ်း) လူမျိုးပါ ဘဲ။ ကျနော့် တာဝန်က ထိုင်းအမျိုးသား လုံခြုံရေးအဓိကဖြစ်တယ်။ ဖြစ်ပေါ်လာတဲ့ ပြဿနာကို ကျနော်တို့ လက်တွဲ ဖြေရှင်းသွားရပါလိမ့်မယ်။ အခု တင် ပြ ဆွေးနွေးတဲ့အချက်တွေ လဲ ကျနော်မှတ်သားပြီး ကြပ်မှတ် စီစစ်သွားပါ့မယ်" - ဟု ပြောသည်။

အခမ်းအနားသို့ တက်ရောက်လာသည့် လူပေါင်း ၂၀၀ ကျော်ထဲက - ပြဿနာဖြစ်လာလျှင် ဝါးလုံးရှည်ဖြင့် မရမ်း သင့်ကြောင်း၊ ငါးခုံးမ တကောင်ကြောင့် တလှေလုံးပုပ် ဆိုသကဲ့သို့ မိမိဝမ်းရေး အတွက် ရိုးသားစွာ ရှာဖွေစား သောက်ကြသူများပါ အခက်အခဲကြုံတွေ့ စေကြောင်း၊ ထိုင်း သတင်း သမားများလည်းဘက်မျှစွာ ရေးသား ထုတ် လွှင့်သင့်ကြောင်း၊ ဆာမူရိုင်း ဂိုဏ်း ပြဿနာအပြင် ယာယီနိုင်ငံကူးလက်မှတ်ကိုင်ဆောင်ထား သူများ လွတ်လပ်စွာ သွားလာလုပ်ကိုင်ခွင့်၊ လွတ်လပ်စွာဗီဇာတိုးခွင့်၊ ထိုင်းလူမျိုးများ တန်းတူ ဘတ်သုံး ဆယ်တန်ဆေးဝါးကုသခွင့်များ - - စသဖြင့်တင်ပြကြသည်။

စိုင်းဆိုင်မိန်း မန်းကောန်းနှင့် မစ္စတာအဒီးဆွန် ကမ်နွတ်ဆီ

လူမှုအသိုင်းအဝိုင်းတွင် အတူတကွနေထိုင်ဖို့နှင့် နားလည်မှုတည်ဆောက်ဖို့ ဆဲမ်မီနာကို ချင်းမိုင်မြို့ သျှမ်းစာပေနှင့် ယဉ်ကျေးမှုကော်မတီ နှင့် ထိုင်းနိုင်ငံ သျှမ်းပညာရေးနှင့် ယဉ်ကျေးမှုအဖွဲ့တို့ကမကထပြု ကျင်းပခဲ့ခြင်းဖြစ်သည်။

ဂျွန်လနှောင်းပိုင်းက သျှမ်းလူငယ်ဟု ယူဆရသည့် ဆာမူရိုင်းဂိုဏ်းအမည်ရ လူတစု က ချင်း မိုင် ခရိုင်အတွင်း ညပိုင်းသွားလာသူများအား ဓါးဖြင့်လိုက်လံ ခုတ်သတ်မှုဖြစ်ပေါ် ခဲ့ကြောင်း၊ ထို့အတွက် ထိုင်းနိုင်ငံ အမှတ် ၅ ရဲဌာနချုပ်မှ  တညလျှင် လမ်းသွားလာသူ သျှမ်းလူမျိုးများ အား စိစစ်သည့်အမှု ၅၀ အနည်းဆုံးရှိရမည်ဖြစ် ကြောင်း ရဲစခန်းတိုင်းသို့ ညွှန်ကြားခဲ့သည်။ ထို့အပြင် ရွှေ့ပြောင်းအလုပ်သမားတန်းလျားများသို့လည် မကြာခဏ ၀င်ရောက်စစ်ဆေးမှု ပြုလုပ်ခဲ့သည်။

ထို့ကြောင့် ကာရာအိုကေဆိုင်များ၊ စားသောက်ဆိုင်များ၊ ညဆိုင်းအလုပ် ဆင်းသူများ၊ ညပိုင်း ပညာလေ့လာ ဆည်းဖူးသူများ အတွက် အခက်အခဲဖြစ်စေသည့်အပြင် မကျေနပ်သည့် ထိုင်း လူငယ်တစု တုန့်ပြန်ရန်စ ရိုက်နှက် သတ်ဖြတ်မှုများလည်း ပေါ်ပေါက် ခဲ့သည်ဟု အခမ်းအနား တက်ရောက်လာသူများက ပြောပါသည်။

ဝါဆိုလပြည့် အခါသမယနေ့တွင် ရန်ကုန်မြို့ရှိ ရွှေတိဂုံဘုရားနှင့် တန်ခိုးကြီးဘုရားများတွင် ၀ါဆို ရွှေကြာသင်္ကန်းကပ်လှူပွဲ၊ ဘုရားဆွမ်းတော်ကြီးကပ်လှူပွဲများကို စည်ကားသိုက်မြိုက်စွာ ကျင်းပ

ရွှေတိဂုံစေတီတော်ကို ၀ါဆိုလပြည့်နေ့ နံနက် ၄ နာရီအချိန်ခန့်က ဖူးတွေ့ရစဉ်

ဇူလိုင်လ ၂၂ရက်၊ ၀ါဆိုလပြည့် အခါသမယနေ့၌ ရန်ကုန်မြို့ရှိ ရွှေတိဂုံဘုရားနှင့် တန်ခိုးကြီးဘုရားများတွင် ၀ါဆိုကြာသင်္ကန်းကပ်လှူပွဲ၊ဘုရားဆွမ်းတော်ကြီး ကပ်လှူပွဲများကို စည်ကားသိုက်မြိုက်စွာ ကျင်းပခဲ့ကြောင်း သိရှိရသည်။

ရန်ကုန်မြို့ရှိ တန်ခိုးကြီး စေတီတော်ဖြစ်သော ရွှေတိဂုံဘုရားတွင် နံနက်အစောပိုင်း ၄နာရီအချိန်၌ စေတီတော်၏ အရပ်လေးမျက်နှာရှိ ဘုရားများကို မျက်နှာတော်သစ်တော်မှုခြင်း၊ သောက်တော်ရေချမ်း ကပ်လှူခြင်း၊ ဆွမ်းတော်ကြီးများ ကပ်လှူခြင်း၊သစ်သီးဆွမ်း၊အချိုအချဉ် ခဲဘွယ်ဘော ဇယ်များ ကပ်လှူခြင်းနှင့် ၀ါဆို ရွှေကြာသင်္ကန်း ကပ်လှူခြင်းများကို ဘုရားဂေါပကအဖွဲ့များ ဦးဆောင်၍ ဘာသာရေး အသင်းအဖွဲ့များ၊၀န်ထမ်းများမှ ပြုလုပ်ခဲ့ကြပြီး ဘုရားဖူး အလှူရှင်များနှင့် နံနက် စောစောပိုင်း အချိန်ခါတွင် စည်ကားလျက်ရှိကြောင်း သိရသည်။

''အမေတို့က ၀ါဆိုလပြည့်နေ့ဆို နှစ်တိုင်းရွှေတိဂုံဘုရားကို လာဖူးမျှော်ရင်း အလှူဒါန ပြုဖြစ်ပါတယ်။ နံနက်စောစော ဆိုတော့ လူလည်းနည်းနည်း ရှင်းတယ်။ ဘုရားဆွမ်းကပ်တာတို့ ရေသပ္ပါယ်တာတို့ ပြုလုပ် ဖြစ်ပါတယ်'' ဟုပြောကြားခဲ့သည်။   

ဝါဆိုလပြည့် အခါသမယ နေ့တွင် ရန်ကုန်မြို့ရှိ ရွှေတိဂုံစေတီတော်၊ ဆူးလေဘုရား၊ ကမ္ကာအေးစေတီတော်၊စွယ်တော်စေတီတော်နှင့် ဗိုလ်တထောင် စေတီတော်တို့တွင် ၀ါဆိုကြာသင်္ကန်း ကပ်လှူပွဲ၊ ဘုရားဆွမ်းတော်ကြီး ကပ်လှူပွဲများကို စည်ကားသိုက်မြိုက်စွာ ကျင်းပခဲ့သည်။   

"ရွှေတိဂုံဘုရားမှာ ၀ါဆိုလပြည့်နေ့မှာ ဒီလိုအခမ်းနားတွေ စည်စည်ကားနဲ့ နှစ်တိုင်းပြုလုပ်ဖြစ်တယ် အလှူရှင်တွေ လှူထားတဲ့ငွေကြေးတွေနဲ့ စုပေါင်းပြီး ပြုလုပ်တာလည်း ဖြစ်ပါတယ်။ ပြုလုပ်ရခြင်း အကြောင်းရင်းကလည်း ဗုဒ္ဓသာသနာ ရေရှည်တည်တံ့နိုင်ဖို့ အတွက်ရယ်ပါ'' ဟု ဇူလိုင်လ ၂၂ ရက်နေ့ နံနက်ပိုင်း တွင် Daily Eleven သို့ ပြောကြားခဲ့သည်။

ဗိုလ်တထောင် စေတီတော်အား လာရောက်ဖူးမျှော်ကြသူများကို ၀ါဆိုလပြည့်နေ့ နံနက်ပိုင်းက တွေ့ရစဉ်

ထို့အပြင် ဗိုလ်တထောင်ဘုရားတွင်လည်း လာရောက်ဖူးမျှော်ကြ သူများဖြင့် အထူးစည်ကားလျက် ရှိကြောင်း သိရသည်။

ဝါဆိုလပြည့်နေ့သည် ရုံးပိတ်ရက်၊ ကျောင်းပိတ်ရက် ဖြစ်သည့် အတွက် လူကြီးများ သာမကပဲ လူငယ်များ၊ ကလေးများဖြင့် အထူးစည်ကား လျက်ရှိပြီး လူငယ်ပရဟိတအဖွဲ့များ၊ သူငယ်ချင်းများ စုပေါင်း၍လည်း စတုဒီသာ အလှူများ လာရောက်ပြုလုပ် ကြကြောင်း သိရသည်။     

ဗိုလ်တထောင်ဘုရားပေါ်တွင် စတုဒီသာအနေဖြင့် အအေး၊ ကြာဇံကြော် လှူဒါန်းခြင်းအပြင် မဏ္ဍပ်ဆောက်လုပ်၍ နေ့လည်စာ ထမင်း၊ ဟင်းများ စတုဒီသာ ပြုလုပ်လျက်ရှိပြီး ရွှေသင်္ကန်းကပ်လှူ ပူဇော်ခြင်း၊ အုန်းပွဲ၊ ငှက်ပျောပွဲများ ကပ်လှူပူဇော်ခြင်း ငှက်လွှတ်၍ ကုသိုလ်ပြုခြင်း၊ ငါးစာ၊ လိပ်စာများ ကျွေးခြင်း စသည်ဖြင့် ကုသိုလ်ကောင်းမှုများ ပြုလုပ်ကြကြောင်းလည်း သိရသည်။

စွယ်တော်မြတ် စေတီတော်အား လာရောက်ဖူးမျှော်ကြသူများကို ၀ါဆိုလပြည့်နေ့ နံနက်ပိုင်းက တွေ့ရစဉ်

ထို့အပြင် စွယ်တော်စေတီတော် တွင်လည်း ၀ါဆိုသင်္ကန်း ကပ်လှူခြင်းနှင့် ဘုရားဖူးဧည့်သည်များကို စတုဒီသာ ကျွေးမွေးခြင်း၊ နေ့လည်စာ ထမင်းဟင်း ကျွေးမွေးဧည့်ခံမှုများကို ဘုရားဂေါပက တာဝန်ရှိသူများမှ ပြုလုပ်ခဲ့ကြကြောင်း သိရသည်။