မုံရွာတွင် CDMA 800 Mhz မိုဘိုင်းဖုန်း ရောင်းချမည့်အစီအစဉ်

ချင်းပြည်နယ် ခရီးသည်ကားများ ဆက်တိုက်တိမ်းမှောက်

ချင်းပြည်နယ်မြို့တော်ဟားခါးမြို့မှ ၁၄ မိုင်အကွာတွင် ကားတစီးတိမ်းမှောက်ခဲ့ရာ ဟားခါးမြို့နေ၊ ဆတ္တားဇာတိ ဖြစ်သူ ကားပိုင် ဒရိုင်ဗာ Heinawnkio ( 38) သေဆုံးပြီး ခရီးသည် ၁၄ ဦး ဒါဏ်ရာရရှိသည်ဟု ကြားသိရသည်။

ဖြစ်စဉ်မှာ ဧပြီလ ၁၀ ရက်နေ့ ည ၈း၀၀ နာရီခန့်က ဟားခါးမြို့မှ ဆတ္တားရွာသို့ သွားသည့် ၀ ဥ တင်ဆောင်သော ဒေသအခေါ် Haimual Jeep ကားတစီးသည် ကားလမ်းပေါ်တွင် ယုန်ကို တွေ့ပြီး ရှောင်ရာမှ ကားလမ်းအောက် သို့ ထိုး ကျခဲ့ခြင်းဖြစ်ပြီးသည်။

The Hakha Post သတင်းအရ ဒရိုင်ဗာသည် ဟားခါးဆေးရုံသို့ သယ်ဆောင်လာစဉ် လမ်းခုလပ်တွင် သေဆုံးသွားသည်။

လူနာများမှာ ဟားခါးမြို့နယ်  ဖိုင်ဇောင်းရွာမှ Pu Siang Tum၊  Pu Lian Kham၊ Pi Ni Men Zing နှင့် ၄င်း၏ ကလေးငယ်၊  ခွါပီးရွာမှ Pu Tin Cung၊  Pu Zung Ki၊ Pu Tha Peng၊ အမျိုးသမီးငယ် Far Hlei Sung၊ Pi Tial Sam၊ Pu Cung Lian၊ Pi Ni Ci ၊ Pi Thla Sui, ဆူးရ်ခွါး ရွာမှ Dawt Cin Sung အနှင့် ၄င်း၏ သားငယ် တဦးနှင့် သမီးငယ်တဦး တို့ဖြစ်ကြသည်။

လူနာတွေကို ဘာသာရေးပွဲတခုမှ ပြန်လာသည့် ခရီးသည်ကားများက ဟားခါးဆေးရုံသို့သယ်ဆောင်လာကြ သည်ဟု သိရသည်။

ယခုလ ၇ ရက်နေ့ကလည်း မင်းတပ်မြို့မှ ၀မ္မသူးရွာသို့ ခရီးသည် ၁၁ ဦးတင်ဆောင်သည့်ကားတစီးက မင်းတပ်မြို့အလွန် ၁၆ မိုင်အကွာတွင် တိမ်းမှောက်ခဲ့ရာမှာ ခရီးသည် ၄ ဦး သေဆုံးပြီး ၇ ဦး ဒါဏ်ရာရရှိသည်။

ချင်းပြည်နယ်သည် လမ်းပန်းဆက်သွယ်ရေးခက်ခဲကြမ်းတမ်းသည့် ဒေသဖြစ်ပြီး နှစ်စဉ် ကားမှောက်မှု များပြားနေကြောင်း၊ အထူးသဖြင့် မိုးရာသီတွင် ပိုမိုဖြစ်ပွားကြောင်း ပြောကြသည်။

ရေမရ၍ နွေစပါးစိုက်ဖို့ ကရင်နီလယ်သမားများ အခက်တွေ့

ကယား(ကရင်နီ) ပြည်နယ် ဒီးမောဆိုမြို့နယ် အတွင်းရှိ ဒေါဘူးကူးအုပ်စု အနီးတ၀ိုက်ရှိ လယ်တွေမှာ နွေစပါး စိုက်ပျိုးရန် ရေအလုံအလောက်မရတဲ့အတွက် တောင်သူလယ်သမားတွေ အခက်အခဲကြုံ တွေ့နေရတယ်လို့ ဆိုပါတယ်။

ထိုကဲ့သို့ရေမလုံလောက်သည့်အတွက် ဒေသခံတွေရဲ့ နွေစပါးစိုက်ပျိုးရန် ပျိုးထားသော ပျိုးပင်များမှာ ပျက်စီးသွားကြပြီး ထွန်ယက်ထားသော လယ်များမှာလည်း ပြန်လည်ခြောက်သွေ့သွားကြတယ်လို့ လည်းဆိုပါတယ်။

"ကျနော်တို့စိုက်ပြီဆိုရင်တော့ ရေမလောက်ဘူးဆိုရင် ကျနော်တို့ထွန်ယက်ထားတဲ့ လယ်တွေက ပြန်ခြောက်ကုန်တယ်လေ။ အဲလိုခြောက်သွားတာအပြင် အခုကျနော်တို့ ပျိုးထားတဲ့ ပျိုးပင်တွေက သေကုန်တယ်။ အဲဒီလို အများကြီးဆုံးရှုံးရတဲ့အတွက် ကျနော်တို့အတွက် အခက်ခဲအများကြီး ရှိတာပေါ့" လို့ လားလဲရွာမှ ဦးဗျားရယ်က ဆိုပါတယ်။
နွေစပါးစိုက်ပျိုးဖို့ အတွက် လယ်ယာဆည်မြောင်းဦးစီးဌာနက စပါးမျိုးစေ့၊ ထွန်ယက်စိုက်ပျိုးရေးအတွက် ဒီဇယ်ဆီများ ချပေးခဲ့ပြီး စပါးပေါ်ချိန်မှာ အဲဒီအဖိုးအခအတွက် စပါး ပြန်ဆပ်ရမှာ ဖြစ်ပါတယ်။  ယခုလို ရေလုံလုံလောက်လောက် မရတဲ့အတွက် လယ်အထွက် မကောင်းမှာကို စိုးရိမ်ပူပန်နေကြတယ်လို့ဆိုပါတယ်။

"ကျနော်တို့အတွက် ရေအလုံအလောက်ရှိရင်တော့ ကျနော်တို့ အားလုံးက လုပ်ချင်ပါတယ်။ ဒါပေမဲ့လို့ ကျနော်တို့က ဒီလိုခံ လာရတာတွေ များနေတာပေါ့နော။ နှစ်နှစ် သုံးနှစ်လောက် ခံလာရပြီးပြီလေ။ ကျနော်တို့ကို ဒီလိုလုပ်ခိုင်းတယ်။ ဒါပေမဲ့ ရေကို ကျနော်တို့အတွက် သေချာ မလုပ်ပေးဘူး။ လုပ်ပြီးလို့ ကျနော်တို့အတွက် ရေရှာပေးပါလို့ပြောတဲ့အခါ ဟိုပြောဒီပြော ပြောပြီးတခါမှ လာပြီးကွင်းဆင်းတာမတွေ့ရဘူး။ အဲဒါကြောင့် ကျနော်တို့ ဆုံးရှုံးတာ များနေပြီလေ။ " လို့ ဒေါဘူးကူးအုပ်စုမှ လယ်သမား ဦးငါးရယ်ကပြောပါတယ်။

ဒေါဘူးကူးအုပ်စုအတွင်းရှိ လယ်ဧက ၉၀၀ ကျော်သည် မိုးဗြဲဆည်မှ သွယ်ယူလာသော ချောင်း တူးမြောင်းမှတဆင့် ရေများကို ပိုက်များမှ ပြန်လည်သွင်းယူနေကြပါတယ်။ အခုလို လယ်သမားများ နွေစပါးစိုက်ပျိုးရန် ရေလုံလောက်စွာမရရှိတဲ့အပေါ်မှာ ဆည်မြောင်းဦးစီးဌာနကို မေးမြန်းကြည့်တဲ့အခါမှာတော့ …

"အခုကျနော်တို့ ဘာလုပ်နေလဲဆိုတော့ ကျနော်တို့မှော်ဆယ်နေတယ်။ မှော်ဆယ်နေတော့ ရေကနည်းနည်းလေး… မှော်ဆယ်ပြီး ရင်တော့ ရေကရမှာ။ မှော်ဆယ်တာလည်း တရက်ပဲ။ တရက်နှစ်ရက်ပြီးရင် ရေရမယ်။ နောက်ပြီးဒီဟာတွေက အမှန်ပြောရင် တော့ အထက်ပိုင်းက လူတွေက ပြောလို့မရဘူး။ အဲလိုဖွင့်… စည်းမဲ့ကမ်းမဲ့ ယူနေတာလည်း ပါတာပေါ့။ ဒါပေမဲ့ ကျနော်တို့ အမြန်ဆုံးရအောင် လုပ်ပေးမယ်" လို့ ဆည်မြောင်းဦးစီးဌာနက ဒုညွန်ကြားရေးမှူး ဦးအောင်မြင့်က ပြောပါတယ်။

အခုလိုမိုးဗြဲဆည်ကနေ ရေလုံလုံလောက်လောက် မရရှိတဲ့အတွက် စိမ့်စမ်းရေတွင်းတွေကနေတဆင့်ရတဲ့ ရေအနည်းအကျဉ်းကိုသာ အားထားနေရတယ်လို့ ဒေသခံများက ပြောပါတယ်။

ဖားကန့် ကျောက်စိမ်းမှော်တွင် သာမန်ပြည်သူများ ၀မ်းစာရှာရန် ခက်ခဲလာ

ကချင်ပြည်နယ် ဖားကန့်ကျောက်စိမ်းမှော်ဒေသရှိ ကျောက်စိမ်းတူးဖော်ရေးကုမ္ပဏီများတွင် အစိုးရစစ်တပ်များသာ နေရာယူ အခြေချ ထားလိုက်ခြင်းကြောင့် ဖားကန့်ပြည်သူများအတွက် တနိုင်တပိုင်ဝမ်းရေး ရှာဖွေစားသောက်ရန် အခက်အခဲဖြစ်လာကြောင်း ဖားကန့်ဒေသခံများကပြောသည်။

ပြီးခဲ့သည့် ဇန်န၀ါရီလတွင်း အစိုးရစစ်တပ်မှ အင်အားတိုးချ လာသောကြောင့် ကချင်လွတ်မြောက်ရေးတပ်ဖွဲ့ (KIA) နှင့်တိုက်ပွဲဖြစ်ကာ KIA ဖက်မှ နောက်ဆုတ်ထားလိုက်ချိန်မှစ၍ ကျောက်စိမ်းတူးဖော်ရေးနယ်မြေများတွင် အစိုးရကုမ္ပဏီများနေရာယူလာခြင်းဖြစ်သည်ဟု သိရသည်။

ထို့ပြင် ကုမ္ပဏီအတွင်း စွန့်ပစ်ကျောက်ရိုင်း (ရေမဆေး) ကောက်သူများနှင့် တနိုင်တပိုင်ကျောက်စိမ်းတူးဖော် နေသော ပြည်သူလူထုများကို အစိုးရစစ်တပ်မှ ခြောက်လန့်ပစ်ခတ်မှုများပြုလုပ်နေပြီး ယခုချိန် ကုမ္ပဏီ အဆောက်အဦးများတွင်လည်း အစိုးရတပ်မှလုံခြုံရေးယူထားကြောင်း သိရသည်။

အဆိုပါအစိုးရတပ်များမှ ဖားကန့်ဒေသ ဂွေခါ (Gwi Hka)၊ ဆိုင်းတောင် (Seng Tawng)၊ ရှရော်ခ (Sharaw Hka)၊ မှော်ဝမ်း (Maw Wan)၊ မှောစီဆာ (Maw Si Sa)၊ လုံးခင်း (Lawng Hkang) စသည့် ကျောက်စိမ်းထွက်ရာကျေးရွာများအားလုံးတွင် နေရာယူ အခြေချ လိုက်ခြင်းကြောင့် ထိုမှော်တို့တွင် ရှာဖွေစားသောက်နေသော ပြည်သူများ အခက်အခဲကြုံတွေ့နေရခြင်းဖြစ်သည်ဟု ဒေသခံများကပြောသည်။

မှော်ဝမ်းကလေးတွင်မူ ၄င်းနေရာတွင်ရှိသော အစိုးရတပ်ဖွဲ့ ဗိုလ်မှူးကြီးအား ဟင်းဖိုး၊ အရက်ဖိုးနှင့် ငွေများကို လစဉ် ပေးဆောင်နေရပြီး လုပ်ကွက်ပေးနေကြောင်း မှော်ဝမ်းကလေး ဒေသခံတစ်ဦးက KNG ကချင်သတင်းဌာနသို့ ပြောသည်။

"တခြားနေရာတွေမှာ လုံးဝလုပ်စားလို့မရတော့ဘူး။ ဒီကျနော်တို့မှော်ဝမ်းကလေး ကသေမှော်မှာက နည်းနည်း လုပ်စားလို့ရတယ်။ ဒီမှာလုပ်စား လို့ရတယ်ဆိုပေမဲ့ အဲဒီမှာရှိတဲ့ ဗိုလ်ကြီးကို အရက်တွေ အသားတွေ ဟင်းတွေ လိုလေသေးမရှိ ၀ယ်ပေးထားရတယ်။ ငွေလဲ တစ်လကို ၄-၅ သိန်း လက်ဆောင်ပေးနေရတယ်။ ဟင်းတွေ အရက်တွေက နေ့တိုင်းဝယ်ပေးရတယ်။ အဲလိုမျိုးကြောင့် လုပ်စားလို့ရနေတာပေါ့။ အဲလိုမလုပ်ရင်မှော် ရပ်ဆိုင်းမယ်ဆိုပြီး အမျိုးမျိုး ခြောက်လန့်တယ်။ အခုလူတွေအများပိုင်း ဒီမှာလာတူးစား နေတာများတယ်။ ဒုက္ခသည်တွေအားလုံးလည်း ဒီနေရာမှာ တူးစားနေတယ်" ဟုပြောသည်။

ဖားကန့်ဒေသသို့ ယခုလို နေရာယူလာသော စစ်တပ်သည် တပ်မ ၈၈ လက်အောက်ခံတပ်ဖွဲ့များဖြစ်ပြီးဒီအခြေ အနေကိုကြည့်ခြင်းအားဖြင့် ဖားကန့်ကျောက်စိမ်းမှော်ဒေသတွင် စစ်ရေးအားဖြင့် အစိုးရတပ်ဖွဲ့မှအပေါ်စီး ထားနိုင်ပြီဟု ပြောဆိုနိုင်ကြောင်း ဖားကန့်ဒေသခံများ က ဝေဖန် သုံးသပ်နေကြသည်။

ယခုချိန် နမ့်ယားနှင့် ဖားကန့် လမ်းတစ်လျှောက်တို့တွင်လည်း အစိုးရစစ်ယဉ်တန်းများ တရက်လျင် ၄ စီးဖြင့် အသွားအလာပြုလုပ်နေသောကြောင့် လူငယ်များကို အဖမ်းအဆီးပြုလုပ်မည်ကို စိုးရိမ်နေရကြောင်း ဖားကန့် ခရစ်ယာန်ဘာသာရေး ဆရာတစ်ဦးက ပြောသည်။

"စစ်သား၂၀ လောက်စီးတဲ့စစ်ကားက နေ့တိုင်း ၃၊ ၄ စီးပုံမှန် တက်လိုက် ဆင်းလိုက်လုပ်နေတယ်။လုံခြုံရေးယူ တာလားတော့ မသိဘူး။ အခုတော့ အစိုးရတပ်တွေ နေရာယူလိုက်ပြီဆိုတော့ အများပိုင်းက လူငယ်တွေအတွက် စိုးရိမ်ရတယ်။ ဟိုတလောကဆို လဖ္ဘက်ရည်ဆိုင်တွေက ဖမ်းယူပြီး သူတို့စစ်တပ်ကို ထည့်လိုက်တာတွေရှိပြီ အဲဒါကြောင့် ပြည်သူလူထုက သူတို့ဘယ်တော့ လာဖမ်းမယ်ဆိုတာကို ကြောက်နေရတယ်။ ခက်တော့ အရမ်း ခက်သွားတယ်။ အဲဒါကြောင့် လူငယ်တွေကိုလည်း ညမထွက်အောင်ပြောထားတယ်။ ထွက်လည်း မထွက်ကြတော့ဘူး" ဟု KNG ကချင် သတင်းဌာန သို့ပြောသည်။

အဆိုပါကျောက်စိမ်းကုမ္ပဏီများသည် ယခင် ကချင်လွတ်မြောက်ရေးအဖွဲ့ (KIO)ကို အခွန်ပေးဆောင်ကာ ကျောက်တူးဖော်ခွင့် လုပ်ကွက်ရ ထားသော်လည်း ယမန်နှစ် မေလမှ စပြီး အစိုးရမှ ကုမ္မဏီများကိုရပ်ဆိုင်းရန် အမိန့်ထုတ်လိုက်သောကြောင့် ရပ်လိုက်ရသေးသည်။

ထိုကုမ္ပဏီများရပ်ဆိုင်းထားစဉ် ၎င်းတို့၏ ကျန်ရှိနေသည့် ကျင်းဟောင်းများတွင် KIO က ပြည်သူများကို တနိုင်တပိုင် ဆက်လက်တူး ဖော်ခွင့် ပေးထားခဲ့သည်။

သို့သော် ယခုချိန်တွင် ဖားကန့် ဒေသသို့ ဇန်န၀ါရီလမှ အစိုးရစစ်အင်အား ပြန်လည်တိုးချဲ့လာ၍ တိုက်ပွဲများဖြစ်ပွားလာသောကြောင့် KIA ဖက်မှ လူထုကိုထိခိုက်မည်စိုးရိမ်၍ တပ်မဟာ (၂)၊ လက်အောက်ခံ တပ်ရင်း (၆) ကို နောက်ဆုတ်ပေးထားခဲ့ကြောင်း KIA ဖက်မှပြောသည်။

ထို တပ်ရင်း (၆)နေရာကို အစိုးရတပ်ကနေရာယူထားသည်ဟု ဒသခံများကပြောသည်။

အစိုးရအာဏာပိုင်များသည် ဇန်န၀ါရီလမှစ၍ ကျောက်တူးဖော်နေသူများကို မောင်းထုတ်နေခြင်းဖြစ်ပြီး ပြည်သူလုထုများထဲမှ ၀မ်းရေးအတွက် ဆက်လက်ရှာဖွေ၍ မလိုက်နာသူများကို အစိုးရတပ်မှ ဖမ်းဆီး အရေးယူမှုများလည်းပြုလုပ်နေကြောင်းသိရသည်။

အစိုးရတပ်သည် ကချင်လွတ်မြောက်ရေးတပ်ဖွဲ့ (KIA) ဌာနချုပ် လိုင်ဇာ အနီးတပ်စခန်းများအား ယမန်နှစ်ကုန်ပိုင်းမှစ၍ ပြင်းထန်စွာ တိုက်ပွဲများဆင်နွဲပြီး အဓိကကျသောစခန်းများကို သိမ်းပိုက်လိုက်သည်။ ကျောက်စိမ်းထွက်ရှိရာ ဖားကန့်ဒေသ ဘက်တွင်လည်း အစိုးရတပ်က ထို့နည်းတူ အင်အားဖြည့် နေရာယူလာခြင်းဖြစ်သည်။

ကချင်လူထု၏ အဓိကအသက်မွေးဝမ်းကျောင်းတခုဖြစ်သော ကျောက်စိမ်းတူးဖော်ရေးလုပ်ငန်းကို လွပ်လပ်စွာတူးဖော်ခွင့် မရှိသောကြောင့် နေ့စဉ်စားဝတ်နေရေးအခက်ခဲများ ပိုမိုရင်ဆိုင်လာရသည် ဟု ဒုက္ခသည်စောင့်ကြည့်သူများကလည်း ပြောဆိုသည်။

ဗန်းမော်က ကချင်ဒုက္ခသည်စခန်း ရေအခက်အခဲ နေ့စဉ်ရင်ဆိုင်နေရ

ကချင်ပြည်နယ် ဗန်းမော်ခရိုင် တရုတ်နယ်စပ်ရှိ စစ်ပြေးဒုက္ခသည် ၂၇၀၀ ကျော်ခိုလှုံနေသည့် လနားဇွပ်ဂျာ (Lana Zup Ja) ဒုက္ခသည်စခန်းတွင် သုံးစွဲရန်ရေ အခက်ခဲပြဿနာ နေ့စဉ်ရင်ဆိုင်နေရကြောင်းသိရသည်။

သုံးစွဲရန် ရေများခက်ခဲသောကြောင့် လနားဇွပ်ဂျာ (Lana Zup Ja) ဒုက္ခသည်စခန်းတွင် အိမ်သာ ၈၀ ကျော်ရှိ သည့်အနက် အိမ်သာ ၃၀ ပိတ်ထားရကြောင်း သိရသည်။

ထိုသို့သုံးစွဲရန်ရေမလုံလောက်ခြင်းကြောင့် တကိုယ်ရေ သန့်ရှင်းရေးအတွက်အခက်အခဲများရင်ဆိုင်ရပြီး ကျန်းမာရေးအတွက် စိုးရိမ်စရာဖြစ်လာကြောင်း ဒုက္ခသည်စခန်းမှတာဝန်ရှိသူတစ်ဦး KNG ကချင်သတင်းဌာနသို့ ပြောသည်။

"သုံးရေတွေလိုအပ်နေတယ်၊ အ၀ီစိ ကနေ စုတ်တင်တာ ၃၆ နာရီကြာမှ ရေလှောင်ကန်ကြီး ၂ ခု ပြည့်တယ်။ ပြန်သုံးဒါက ၁ ရက်အတွက်တောင်မလုံလောက်ဘူးဆိုတော့ အရမ်းခက်တယ်" ဟု ပြောသည်။

၎င်းဒုက္ခသည်စခန်းတွင် ရေတွင်း ၃ ခု၊ အ၀ီစိရေတွင်း ၁ ခု ရှိသော်လည်း နွေရာသီ ရေခမ်းခြောက်ခြင်း ကြောင့် အခြားရပ်ဝေးရွာသို့သွားခပ်ရသည်ဟု ပြောသည်။

စခန်းရှိ ဒုက္ခသည်လူဦးရေနှင့် ရေတွင်းမှရေသုံးစွဲရန်ညီမျှခြင်းမရှိသောကြောင့် ရေတွင်း များနောက်ထပ်လို အပ်နေသော် လည်း ငွေအခက်ခဲဖြစ်နေသောကြာင့် ကူညီမှုများလိုအပ်နေသည်ဟု စခန်းမှတာဝန်ရှိသူများ ပြောသည်။ ၎င်းဒုက္ခသည်စခန်းတွင် ဒီဇင်ဘာလမှစ၍ ရေတွင်းမှ ရေများစတင်ခမ်းခြောက်လာခြင်းဖြစ်ပြီး ယခုလမှပိုမိုခက်ခဲလာသည်ဟု သိရသည်။

လနားဇွပ်ဂျာ (Lana Zup Ja) ဒုက္ခသည်စခန်းကဲ့သို့ ထိုစခန်းမှ မှ ၄ မိုင်ကျော်အကွာရှိ ဒုက္ခသည် ၇၀၀ ကျော် ရှိသော ဘွမ်စစ်ပါ (Bum Tsit Pa) စခန်းတွင်လည်း သုံးရေများခက်ခဲနေကြောင်းသိရသည်။

အစိုးရထိန်းချုပ်နယ်မြေများရှိ ဒုက္ခသည်စခန်းတွင်သာမက KIO ထိန်းချုပ်နယ်မြေရှိ ဒုက္ခသည်စခန်းများတွင် ရေလုံလောက်စွာမရရှိသောကြောင့် အကူညီလိုအပ်နေဆဲဖြစ်ပြီး ဝိုင်းမော်မြို့နယ်စစ်ရှောင်စခန်းများတွင် လည်း ရေအပြင် ထင်းများလည်းခက်ခဲနေဆဲဖြစ်ကြောင်းသိရသည်။

ကရင်နီ မီးဘေးဒုက္ခသည်များအတွက် နေအိမ်များ ပြန်လည်ဆောက်ပေးနေပြီ

ထိုင်း-မြန်မာနယ်စပ် မယ်ဟောင်ဆောင်ခရိုင်အတွင်းရှိ ကရင်နီ အမှတ်(၂) ဒုက္ခသည်စခန်းတွင် မီးလောင် ကျွမ်း မှုကြောင့် အိုးအိမ် ဆုံးရှုံးသွားကြသူများအတွက် ယနေ့ ဧပြီလ ၁၂ ရက်နေ့မှစတင်၍ နေအိမ်များ ပြန်လည် ဆောက်လုပ်ပေးနေပြီဖြစ်ကြောင်း သိရသည်။

မီးလောင်ကျွမ်းမှုဖြစ်ပွားအပြီး မတ်လ ၃၀ ရက်မှ စတင်ကာ ပြန်လည်ထူထောင်ရေးအဖြစ် မီးဘေးသင့်သော စခန်းအတွင်းရှိ ရပ်ကွက်(၁)နှင့် ရပ်ကွက် (၄)နေရာတို့တွင် ဘူဒိုဇာကား ၂ စီးဖြင့် မြေညှိခြင်း မြေတိုင်းတာ ခြင်း နှင့် အကွက်ချစီစဉ်ခြင်းများပြုလုပ်ခဲ့ပြီးနောက် ယခုလို နေအိမ်များ စတင်ဆောက်လုပ်ပေးနေခြင်း ဖြစ်သည်။

"ဒီနေ့စပြီး ဆောက်နေပါပြီ။ ပြန်ဆောက်ဖို့ အိမ်က အိမ်ခြေ ၄၀၀ နီးပါးရှိတဲ့အခါကျတော့ ခန့်မှန်းခြေ နောက် ထပ် ၃ ပတ်လောက် ကြားအုံးမယ် ထင်တယ်။ အဓိက လိုအပ်တာကတော့ လူအင်အားပေါ့။ အဲဒီအတွက် တခြား စခန်းတွေအနေနဲ့ ပါဝင်ကူညီပေးဖို့ စီစဉ်တိုင်ပင်ထားပါတယ်"ဟု ကရင်နီ ဒုက္ခသည် ကော်မတီ KnRC မှ အတွင်းရေးမှူး(၁) နော်ထူးလွဲက ကေအိုင်စီသို့ ပြောသည်။

လက်ရှိ မီးဘေးဒုက္ခသည်များအနေဖြင့် ယခုလို ပူပြင်းသော နွေရာသီအတွင်းတွင် ယာယီအမိုးအကာအောက် တွင် နေထိုင်ရသောကြောင့် ကလေးသူငယ်နှင့် သက်ကြီးရွယ်အိုများအတွက် ကျန်းမာရေးစိုးရိမ်နေရပြီး နေအိမ်များ မြန်မြန်ပြီးစီးအောင် ဆောက်လုပ်နိုင်မှသာ အဆင်ပြေမည်ဟု နော်ထူးလွဲက ဆက်ပြောသည်။

ဒုက္ခသည်များအတွက် နေအိမ်ပြန်လည် ဆောက်လုပ်နိုင်ရာတွင် လိုအပ်သော သစ်၊ ၀ါး၊ အမိုးအကာနှင့် အစား အသောက်များကို ထိုင်း-မြန်မာနယ်စပ် အခြေစိုက် ဒုက္ခသည်များကို အကူအညီပေးနေသည့် (TBBC) အဖွဲ့မှ အဓိက ကူညီပံ့ပိုးပေးထားကြောင်း သိရသည်။

ထို့အပြင် ကရင်နီ အမှတ်(၂)ဒုက္ခသည်စခန်းတွင် နေအိမ်မီးလောင်မှု ဖြစ်ပွားခဲ့ပြီးနောက် လတ်တလော ပြန်လည်ထူထောင်ရေးပြုနေသည့် ကာလအထိ ဒဏ်ရာရသူများကို International Rescue Committee( IRC)မှ ကူညီပေးသော်လည်း ဆေးကုသဖို့အတွက် အကူအညီများ လိုအပ်လျက်ရှိနေသေးသည်ဟု နော်ထူးလွဲမှ ပြောသည်။

၎င်းက "ဒဏ်ရာ ပြင်းပြင်းထန်ထန်ရထားတဲ့ သူတွေပေါ့နော်၊ သူတို့အတွက် ဆေးကုသမှုစရိတ်က အရမ်းကြီး တယ်လေ။ နောက်ပြီး IRC က ကူညီတယ်ဆိုပေမယ့် အကုန်းလုံးတော့ ဖူလုံမှု မဖြစ်ဘူးလေ။ အဲဒါကြောင့် လူနာတွေအတွက် အကူအညီလိုအပ်နေတာပါ"ဟု ပြောဆိုသည်။

ကရင်နီ အမှတ်(၂)ဒုက္ခသည်စခန်းသည် ၁၉၉၂ ခုနှစ်တွင် စတင်တည်ထောင်ခဲ့ပြီး လူဦးရေ ၃,၄၀၀ ကျော်ရှိကာ မတ်လ ၂၂ ရက်နေ့ က ဖြစ်ပွားခဲ့သည့် မီးလောင်ကျွမ်းမှုတွင် လူ ၃၀ ကျော်သေဆုံးပြီး ၂၀၀ ကျော်ဒဏ်ရာရရှိခဲ့သည်။

သန်းခေါင်စာရင်း စမ်းသပ်ကောက်ယူမှု မြို့နယ် ၂၀ တွင် ပြုလုပ်ပြီးစီး

မြန်မာနိုင်ငံ လူဦးရေနှင့် အိမ်ယာ သန်းခေါင်စာရင်း ကောက်ခံမှုကို မတ်လ ၃၀ ရက်နေ့မှ ဧပြီလ ၁၀ ရက်နေ့အထိ မြို့နယ် ၂၀ တွင် စမ်းသပ် ပြုလုပ်နိုင်ခဲ့သည်။

ကျောင်းဆရာ/မ ၁၀၀ ခန့်က ရွေးချယ်ထားသော ကျေးရွာ များတွင် နေထိုင်သူများ၏ အသက်၊ လူမျိုး၊ ပညာရေး၊ အိုးအိမ်ချထားရေး၊ အခြေခံ အဆောက်အအုံ စသည်တို့နှင့် ပတ်သက်၍ မေးခွန်း မေးမြန်းခြင်းဖြင့် စာရင်းကောက်ယူမှုများ အစမ်း ပြုလုပ်ခဲ့ရာ ကုလသမဂ္ဂ လူဦးရေဆိုင်ရာ ရန်ပုံငွေ (UNFPA) အဖွဲ့က စောင့်ကြည့် လေ့လာပေးခဲ့သည်။

"သန်းခေါင်စာရင် စစ်တမ်း ကောက်ယူမှု မရှိခဲ့တာ နှစ်ပေါင်း ၃၀ လောက် ရှိခဲ့ပြီမို့ အသက် ၃၀ အောက် ပြည်သူများအနေနဲ့ စစ်တမ်းကောက်ယူမှုရဲ့ အဓိပ္ပါယ်ကို မသိတဲ့အတွက် စိန်ခေါ်မှုတရပ်၊ ဒါမှမဟုတ် အခွင့်အရေးတရပ် အနေနဲ့ မြင်မှာဖြစ်ပါတယ်" ဟု UNFPA နည်းပညာ အကြံပေး အကြီးအကဲ Frederick Okwayo က သန်းခေါင်စာရင် စစ်တမ်း ကောက်ယူမှုဆိုင်ရာ ညီလာခံတွင် ပြောကြားသည်။

ကောက်ခံသည့် အိမ်တိုင်း၏ အိမ်ထောင်ဦးစီးအား မေးခွန်း ၄၁ ခု မေးမြန်းကာ မှတ်တမ်းတင်ကြသည်။

ကောက်ယူသူများက နေ့စဉ် အတွေ့အကြုံ ပြန်လည် သုံးသပ်မှုများနှင့် မေးခွန်းများ ပြန်လည်စိစစ်ခြင်းများ
ပြုလုပ်ကြပြီး တာဝန်ရှိသူများထံ အစီရင်ခံကြသည်။

UNFPA မှ လိုက်ပါစောင့်ကြည့်သူများကလည်း လူထု ပူးပေါင်းပါဝင်မှု ပြည့်ဝစေရေးအတွက် မည်သို့ တိုက်တွန်းရမည်ကို သွားရောက်ခဲ့သော ဒေသများရှိ နိုင်ငံရေးပါတီများ၊ ရပ်ရွာ ခေါင်းဆောင်များနှင့် သြဇာတိက္ကမ ရှိသူများနှင့် ဆွေးနွေးခဲ့ကြသည်။

လေ့လာတွေ့ရှိရချက်များကို လူဝင်မှု ကြီးကြပ်ရေးဝန်ကြီးဌာနသို့ UNFPA က တင်ပြမည်ဖြစ်သည်။

တရားဝင် စစ်တမ်းကောက်ယူမှုကို ၂၀၁၄ ခုနှစ်၊ မတ်လ ၃၀ ရက်နေ့တွင် ဆောင်ရွက်မည်ဖြစ်ပြီး တနိုင်ငံလုံး ရှိ အိမ်ထောင်စု အားလုံးသို့ လိုက်လံ ကောက်ယူမည့်သူ တသိန်းက က ၁၂ ရက်အတွင်း ဆောင်ရွက်မည်ဖြစ်သည်။

၂၀၁၂ ခုနှစ်က ကုလသမဂ္ဂနှင့် ချုပ်ဆိုခဲ့သော စာချုပ်အရ ၂၀၁၄ ခုနှစ် သန်းခေါင်စာရင်း ကောက်ခံမှုကိုနိုင်ငံ တကာ စံနှုန်းများနှင့်အညီ ကောက်ခံမည် ဖြစ်သည်။

၁၉၈၃ ခုနှစ် ကတည်းက ကောက်ယူမှု မရှိခဲ့သောကြောင့် ယခင် ကိန်းဂဏန်းနှင့် မှတ်ပုံတင် စာရင်းဇယား များမှာ ယခုအခြေအနေနှင့် ဆီလျော်ခြင်း မရှိတော့ပေ။ ၂၀၁၀ ခုနှစ်၊ ရွေးကောက်ပွဲတွင်ထောင်ပေါင်းများ စွာသော ပြည်သူများမှာ ၎င်းတို့၏ အမည်များ မှတ်ပုံတင် စာရင်းထဲတွင် မပါသောကြောင့် မဲမပေးခဲ့ရကြောင်း တိုင်းတန်းမှုများ ရှိခဲ့သည်။ ထိုစာရင်းများကို သန်းခေါင်စာရင်း၏ တရားဝင် အချက်အလက်များမှ ယူထားခြင်း ဖြစ်သည်။

လက်ရှိ မြန်မာနိုင်ငံ၏ လူဦးရေကို အမျိုးမျိုး ခန့်မှန်းနေကြသည်။ ကမ္ဘာ့ဘဏ် (World Bank) က ၄၈ သန်းဟု လည်းကောင်း၊ အာရှ ဖွံ့ဖြိုးရေးဘဏ် (ADB) က သန်း ၆၀ ဟု လည်းကောင်း၊ အပြည်ပြည်ဆိုင်ရာငွေကြေး ရန်ပုံငွေအဖွဲ့ (IMF) ကမူ ၆၄ သန်းဟု လည်းကောင်း အသီးသီး ခန့်မှန်း တွက်ချက်ထားကြသည်။

နေပြည်တော်တွင် ရခိုင်တိုင်းရင်းသားရိုးရာ နံ့သာသွေးပွဲအား ပထမဆုံးအကြိမ် ကျင်းပ

၂၀၁၃ ခုနှစ် ဧပြီလ ၁၂ ရက်နေ့တွင် နေပြည်တော်ရှိ ဇမ္ဗူသီရိမြို့နယ် မင်္ဂလာသိဒ္ဗိရပ်ကွက် အေးမြရွှေပြည် ဘုန်းကြီးကျောင်းတွင် ရခိုင်တိုင်းရင်းသား ရိုးရာနံသာသွေးပွဲအား ကျင်းပပြုလုပ်ခဲ့ကြောင်းသိရသည်။

"ဒီမှာ ပထမဆုံးအကြိမ်ပြုလုပ်တာပါ။ဒီလို ပြုလုပ်ရတဲ့ ရည်ရွယ်ချက်ကတော့ နေပြည်တော်မှာရှိတဲ့ ရခိုင်မိသားစုတွေ ရပ်ဝေးကို ရောက်နေပေမယ့် ရောက်တဲ့နေရာမှာ စုစုစည်းစည်းလေးနဲ့ အစဉ်လာမပျက် ထိန်းသိမ်း စောင့်ရှောက်တဲ့အနေနဲ့ လုပ်တာပါ'' ဟု နေပြည်တော် ရခိုင်တိုင်းရင်းသားများအသင်းမှ ဦးသန်းညွန့်က ပြောကြားခဲ့သည်။

ရခိုင်ရိုးရာအရ နှစ်ဟောင်းမှ နှစ်သစ်ကူးသော သင်္ကြန်အချိန်အခါတွင် စေတီ၊ဘုရားများအား ရေသန့်စင်ပြီးမှ ရေကစားကြကြောင်းလည်း သိရသည်။

''ဒီနေ့သွေးထားတဲ့ နံ့သာတွေကို မနက်ဖြန် (ဧပြီလ ၁၃ )ရက်နေ့တွင် ဇမ္ဗူသီရိမြို့နယ် မင်္ဂလာသိဒ္ဗိရပ်ကွက် သဇင်ဆောင်ရှေ့ရှိ ဓာတ်ပေါင်းစုစေတီတွင် ရေသပ္ပါယ်မှာ ဖြစ်ပါတယ်'' ဟု ဦးသန်းညွန့်က ဆက်လက် ပြောကြားခဲ့သည်။

ရန်ကုန်-ပဲခူး လမ်းမပေါ်တွင် ဆလွန်းကားတစ်စီး အရှိန်လွန် ယာဉ်တိမ်းမှောက်

ဧပြီလ ၁၃ ရက်နေ့ နံနက် ၁၁ နာရီ ၃၀ မိနစ်အချိန်တွင် ရန်ကုန်-ပဲခူး ကားလမ်းမ မိုင်တိုင် ၃၈/၅ အနီးတွင် ယာဉ်မောင်း ကိုအောင်အောင် (၂၃ နှစ်၊ ကမာရွတ်မြို့နယ်၊ ရန်ကုန်မြို့) မောင်းနှင်လာသည့် ဆလွန်းကား အနက်ရောင်တစ်စီးသည် အရှိန်မထိမ်းနိုင်ဘဲ လမ်းလယ်ကျွန်းအား ဝင်တိုက်ကာ တိမ်းမှောက်မှုဖြစ်ပွားခဲ့သည်။

အဆိုပါဖြစ်စဉ်ကြောင့် ယာဉ်မောင်း ကိုအောင်အောင်မှာ ပွဲချင်းပြီး သေဆုံးခဲ့ပြီး ယာဉ်ပေါ်ပါသူ မသဇင်ဖြိုး၊ မဝါဝါဝင်း၊ ကိုထွန်းဇော်တို့မှာ ဒဏ်ရာများ အသီးသီးရရှိခဲ့သည်။

အဆိုပါဖြစ်စဉ်နှင့် ပတ်သက်၍ ပြစ်မှုဆိုင်ရာပုဒ်မ ၃၀၄ (က) ၃၃၇/၃၃၈ ဖြင့် အမှုဖွင့် စစ်ဆေးဆောင်ရွက်လျက်ရှိကြောင်း ပဲခူးတိုင်းဒေသကြီး အင်းတကော် စခန်းမှူး ဒုရဲအုပ် ဦးသန်းစိုးက ပြောကြားခဲ့သည်။

ယာဉ်တိမ်းမှောက်မှု ဖြစ်စဉ်နှင့် ပတ်သက်၍ အင်းတကော်မြို့နယ် ခေတ္တစခန်းမှူးဖြစ်သူ ဒုရဲအုပ် သန်းစိုးအား Eleven Media Group မှ ယနေ့ (ဧပြီ ၁၃ ရက်) ည ၈ နာရီခန့်က ဆက်သွယ်မေးမြန်းခဲ့ရာ "ဒီယာဉ်မတော်တဆမှု ဖြစ်စဉ်ကို အင်တာနက် စာမျက်နှာ အချို့မှာ ဒီဆလွန်းကားကို တခြားကားတစ်စီးက ဝင်တိုက်ပြီး ထွက်ပြေးသွားတယ်ဆိုပြီး ဖော်ပြနေတာကို တွေ့ရပါတယ်။ ဒါကြောင့်မို့ အထက်အဆင့်ဆင့် တာဝန်ရှိသူတွေက ထိထိရောက်ရောက် စစ်ဆေးဖော်ထုတ် အရေးယူပေးဖို့ ညွန်ကြားလာတဲ့အတွက် ယာဉ်မတော်တဆမှု ဖြစ်ပွားခဲ့တဲ့ အနီးနား ပတ်ဝန်းကျင်က မျက်မြင်တွေ့ရှိသူတွေ ဒီကားပေါ်မှာပါလာတဲ့ တခြားသူတွေကို စစ်ဆေးတဲ့အခါမှာ အရှိန်မထိန်းနိုင်ဘဲ လမ်းလယ်ကျွန်းကို ဝင်တိုက်ပြီး တိမ်းမှောက်ခဲ့တာလို့ အားလုံးက ထွက်ဆိုခဲ့ပါတယ်။ ဒါကြောင့်မို့ လက်ရှိအချိန်ထိ စစ်ဆေးရရှိထားတဲ့ အချက်အလက်တွေအရ ဆိုရင် ဒီယာဉ်မတော်တဆမှု ဖြစ်စဉ်ဟာ အရှိန်လွန် တိမ်းမှောက်သွားတယ်လို့ပဲ ယူဆပါတယ်" ဟု ပြန်လည်ဖြေကြားခဲ့ပါသည်။

ကရင်ပြည်နယ် ကော့ကရိတ်မြို့နယ်အတွင်း မိုးကြိုးထိမှန်ပြီး လူ ငါးဦး သေဆုံး

ကရင် ပြည်နယ်၊ ကော့ကရိတ်မြို့နယ်အတွင်း ဧပြီလ ၁၃ ရက်နေ့ (သင်္ကြန်အကြိုနေ့) ညနေ ၆ နာရီ မိနစ် ၃၀ အချိန့်ခန့်က မိုးရွာသွန်း၍ လေပြင်းတိုက်ခိုက်မှုများ ဖြစ်ပေါ်ခဲ့ကာ မိုးကြိုးပစ်မှုများကြောင့် မိုးကြိုးထိမှန်ပြီး လူငါးဦး သေဆုံးခဲ့သည်ဟု မြန်မာနိုင်ငံ ရဲတပ်ဖွဲ့မှ သတင်း ထုတ်ပြန်ခဲ့ပါသည်။

ပထမဖြစ်စဉ်မှာ ဧပြီလ ၁၃ ရက်နေ့ ညနေ ၆ နာရီ မိနစ် ၃၀ အချိန်ခန့်က ကော့ကရိတ်မြို့နယ် ကော့ဝါလဲကျေးရွာရှိ ဒေါ်မူတူး၏ နေအိမ်ကို မိုးကြိုးထိမှန် ခဲ့ခြင်း ဖြစ်ကာ မိုးကြိုးထိမှန်မှုကြောင့် နေအိမ်အတွင်း အိပ်ပျော်နေသော ဒေါ်မူတူး၏ သမီးဖြစ်သူ နော်အေးခိုင် (အသက် ၁၈) နှစ်သည် နေအိမ်ခန်းအတွင်း သေဆုံးခဲ့ပြီး ဒေါ်မူတူးမှာ ထုံကျင် ဒဏ်ရာများ ရရှိခဲ့သည်ဟု သိရသည်။

ထို့အတူ ဧပြီလ ညနေ ၆ နာရီ ၃၅ မိနစ်အချိန်တွင် ကော့ဖော်ရွာနေ မောင်ထွန်း (အသက် ၂၅) နှစ်နှင့် ကိုအေးမင်းသန်း (အသက် ၂၅နှစ်) တို့ နှစ်ဦးသည် ရွာတောင်ဘက် ရေတွင်း၌ ရေချိုးနေစဉ် မိုးကြိုးထိမှန်ပြီး သေဆုံးခဲ့ကြောင်း သိရပါသည်။

ထို့အပြင် သရက်တော ကျေးရွာနေ ဒေါ်အေးမာ (အသက် ၄၈နှစ်) မှာလည်း ရွာအနောက်ဘက် လယ်ကွင်း၌ နွားသိမ်းနေစဉ် မိုးကြိုး ထိမှန် သေဆုံးခဲ့ပြီး ဧပြီလ ၁၃ ရက်နေ့ ညနေ ၆ နာရီ ၃၅ မိနစ် အချိန်မှာပင် ရေပူကြီး ကျေးရွာနေ မနန်းသဲစုခိုင် (အသက် ၁၆ နှစ်) သည်လည်း ထမင်းချက်နေစဉ် မိုးကြိုး ထိမှန်ပြီး သေဆုံးခဲ့ကြောင်း မြန်မာနိုင်ငံ ရဲတပ်ဖွဲ့၏ Facebook စာမျက်နှာ ရဲဇာနည်တွင် သတင်း ဖော်ပြထားချက်အရ သိရှိရပါသည်။

ထို့အပြင် ဧပြီလ ၁၃ ရက်နေ့ ညနေ ၆ နာရီ ၃၅ မိနစ် အချိန်က ဖြစ်ပေါ်ခဲ့သော လေပြင်းတိုက်ခတ် မိုးရွာသွန်းမှုနှင့် မိုးကြိုးပစ်မှု ကြောင့် ကရင်ပြည်နယ်၊ ကျုံဒိုးမြို့အမှတ်(၂)ရပ်ကွက်၊ စည်ပင်ဈေးအနီးရှိ ဆုတောင်းပြည့်စေတီ၏ ထီးတော် အနောက်ဘက်သို့ ၅ ဒီကရီခန့် တိမ်းစောင်းသွားခဲ့ပြီး ကျုံဒိုးမြို့အမှတ်(၁) ရပ်ကွက်၊ ကျုံဒိုးမီးပုံးပျံပွဲပြုလုပ်သည့် ဒုံးစင်၏ နောက်ခံအုတ်တံတိုင်းလည်း ပြိုလဲသွားခဲ့ကြောင်း သိရသည်။

ထို့အတူ ကျုံဒိုးမြို့ အမှတ်(၂) ရပ်ကွက်နှင့် အမှတ် (၃) ရပ်ကွက် အတွင်းရှိ အိမ်ခြေအချို့အလဲ ယိုင်နဲ့ ပြိုလဲခြင်းများ ဖြစ်ပေါ်ခဲ့သည်ဟု သိရသည်။

သင်္ကြန်ကာလ ရန်ကုန်တိုင်းဒေသကြီးအတွင်း ရဲတပ်ဖွဲ့ဝင်အင်အား ၃၀၀၀ ကျော်ဖြင့် လုံခြုံရေး ဆောင်ရွက်လျက်ရှိ

သင်္ကြန်အကြိုနေ့တွင် ကန်တော်ကြီးပတ်လမ်းအတွင်း လုံခြုံရေးဆောင်ရွက်လျက်ရှိသော ရဲတပ်ဖွဲ့ဝင်အချို့

၁၃၇၄ ခုနှစ် သင်္ကြန်ကာလ ရန်ကုန်တိုင်းဒေသကြီး၌ ရဲတပ်ဖွဲ့ဝင်အင်အား ၃၀၀၀ ကျော်ဖြင့် လုံခြုံရေးဆောင်ရွက်လျက်ရှိကြောင်း ရန်ကုန်တိုင်းဒေသကြီး အစိုးရအဖွဲ့ နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး တင်ဝင်းက Eleven Media Group သို့ မွန်းလွဲ ၂ နာရီက ပြောကြားခဲ့သည်။

ရန်ကုန်တိုင်းဒေသကြီး အတွင်းသို့ အနယ်နယ်အရပ်ရပ်မှ ဝင်ထွက်သွားလာနိုင်သည့် ဂိတ်ပေါက်များဖြစ်သည့် တိုးဂိတ်များ၊ လေဆိပ်၊ ရေဆိပ်များနှင့် အခြားလမ်းများတွင်လည်း လုံခြုံရေး တင်းကြပ်စွာ ဆောင်ရွက်လျက်ရှိကြောင်း သိရှိရသည်။

သင်္ကြန်ကာလအတွင်း လုံခြုံရေး ဆောင်ရွက်နေသည့် ရဲတပ်ဖွဲ့ဝင်များအနေဖြင့် လှည့်ကင်းပတ်ကင်းများဖြင့် ဆောင်ရွက်နေသည့်အပြင် အရေးပေါ် အခြေနေများနှင့် ကြုံတွေ့လာပါက အမြန်ဆုံးဖြေရှင်းနိုင်ရန် ရဲတပ်ဖွဲ့ဝင်များကိုလည်း အသင့်ထားရှိထားကြောင်း နယ်စပ်ရေးရာနှင့် လုံခြုံရေး ဝန်ကြီး ဗိုလ်မှူးကြီးတင်ဝင်းက ပြောကြားခဲ့သည်။

သင်္ကြန်ကာလအတွင်း ရန်ကုန်တိုင်းဒေသကြီးအတွင်း လုံခြုံရေးဆောင်ရွက်နေမှုနှင့်ပတ်သက်၍ ရန်ကုန်တိုင်းဒေသကြီး အစိုးရအဖွဲ့ နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး တင်ဝင်းက "တိုင်းတစ်ခုလုံးအနေနဲ့ လုံခြုံရေး ဆောင်ရွက်နေတဲ့ ရဲတပ်ဖွဲ့ဝင်အင်အားက လူဦးရေ ၃၀၀၀ အထက်မှာရှိတယ်။ ဒါ့အပြင် မြို့နယ်အလိုက် အုပ်ချုပ်ရေးမှူးတွေနဲ့ ရပ်ကွက်တာဝန်ရှိသူတွေနဲ့ လုံခြုံရေး ဆောင်ရွက်နေတယ်။ လုံခြုံရေး အဓိက ဆောင်ရွက်နေတဲ့ နေရာကတော့ ကောလာဟလ သတင်းတွေ ထွက်ပေါ်နိုင်တဲ့ နေရာတွေ၊ ရန်ကုန်တိုင်းဒေသကြီးကို ဝင်ထွက်သွားလာနိုင်တဲ့ဂိတ်ပေါက်တွေနဲ့ မဏ္ဍပ်အများဆုံး ရှိတဲ့နေရာတွေပဲ ဖြစ်ပါတယ်။ အခုချိန်ထိတော့ အားလုံးအေးအေးချမ်းချမ်းနဲ့ ယဉ်ကျေးမှုနှင့်အညီ ပျော်ပါးစွာဆော့ကစားနေကြတယ်။ တိုင်းအတွင်းမှာ ပြဿနာ တစ်ခုမှမဖြစ်အောင် အားလုံးစီစဉ်ထားပါတယ်" ဟု သုံးသပ်ပြောကြားခဲ့သည်။

သင်္ကြန်ကာလအတွင်း ရန်ကုန်တိုင်းဒေသကြီး အတွင်း၌ မဏ္ဍပ် စုစုပေါင်း ၄၀ ကျော်ရှိပြီး မဏ္ဍပ်အများဆုံးရှိသည့် လမ်းများမှာ ကန်တော်ကြီး ပတ်လမ်းအတွင်း မဏ္ဍပ် ၁၇ ခု၊ ပြည်လမ်းအတွင်း မဏ္ဍပ် ၂ ခု၊ ကမ္ဘာအေးတွင် ၁၀ ခုရှိကြောင်း ရန်ကုန်တိုင်းဒေသကြီး မဏ္ဍပ်နေရာချထားရေး ကော်မတီမှ သိရှိရသည်။

နာရေး ကူညီမှုအသင်း (ရန်ကုန်)၏ ပေးဆပ်သူများ သံချပ်အဖွဲ့မှ မဟာသင်္ကြန်ရက် ကာလတွင် ရန်ကုန်မြို့အတွင်း လှည့်လည်ဖျော်ဖြေ

ဧပြီလ ၁၃ ရက် (သင်္ကြန်အကြိုရက်) ပုဇွန်တောင်ဈေး အနီးတွင် နာရေးကူညီမှုအသင်း (ရန်ကုန်) ပေးဆပ်သူ သံချပ်အဖွဲ့မှ ဖျော်ဖြေနေစဉ်

နာရေး ကူညီမှုအသင်း (ရန်ကုန်)၏ ပေးဆပ်သူများ သံချပ်အဖွဲ့မှ မဟာသင်္ကြန် ကာလ၌ ရန်ကုန်မြို့အတွင်း လှည့်လည်ဖော်ဖြေမှုများ ပြုလုပ်လျက်ရှိကြောင်းကို သံချပ်အဖွဲ့ အလုပ်မှုဆောင် ဦးမြတ်ဆွေ၏ ပြောပြချက်အရ သိရသည်။

ရန်ကုန်မြို့အတွင်း လှည့်လည်ဖျော်ဖြေမှုများအဖြစ် ပြည်မြန်မာ မီဒီယာရုံး၊ တပ်မတော်ခန်းမ၊ အမျိုးသား ဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်၏ နေအိမ်ရှေ့တို့တွင် ဖျော်ဖြေခဲ့ပြီး ယခုအခါ ဧပြီလ ၁၃ ရက် (သင်္ကြန်အကြိုရက်) ပုဇွန်တောင်ဈေးအနီး ထူးရေခဲမုန့်ဆိုင်ရှေ့တွင် လာရောက်ဖျော်ဖြေခြင်းဖြစ်ကြောင်း သံချပ်အဖွဲ့ အလုပ်မှုဆောင် ဦးမြတ်ဆွေက ပြောသည်။

"ဒီလို သံချပ်ဖျော်ဖြေမှုတွေ ပြုလုပ်ရတာကတော့ ပြည်သူတွေရဲ့ အခက်အခဲတွေကို သံချပ်အဖြစ် ဖျော်ဖြေတာပါ။ ဦးတို့ရဲ့ လူမှုရေးအသင်းလေး အောင်မြင်ရတာ ပြည်သူအကျိုးပြုအဖြစ် ရပ်တည်လို့ အောင်မြင်တာပါ။ ဒီလိုလှည့်လည် ဖျော်ဖြေတော့လည်း ဦးတို့ရဲ့ပိုက်ဆံတွေ မပါပါဘူး။ အလှူရှင်တွေရဲ့ အလှူငွေတွေပါ။ သူတို့ရဲ့ ဆန္ဒလေးတွေလည်း ပါဝင်ပါတယ်။ ကျွန်တော်တို့က လုပ်အားဒါန ပါဝင်တာပါ။ ပြီးတော့ ဒီလိုဖျော်ဖြေမှုတွေ ပြုလုပ်တဲ့ အခါမှာလည်း ဆရာဦးကျော်သူရဲ့ လမ်းညွန်မှုတွေဖြစ်တဲ့ စည်းကမ်းရှိရမယ်၊ ရိုးရာမပျက်ရဘူး၊ ပြည်သူလူထုနဲ့ ထိတွေ့ဆက်ဆံရာမှာ သည်းခံရမယ်၊ ပြဿနာမဖြစ်ရဘူးဆိုတဲ့ လမ်းညွန်မှုအတိုင်း လိုက်နာဖျော်ဖြေတာပါ" ဟု ၎င်းကပြောသည်။

အဆိုပါ ဖျော်ဖြေရေးအဖွဲ့တွင် သံချပ်ဖျော်ဖြေရေးအဖွဲ့ ၂၃ ဦး၊ တီးဝိုင်းအဖွဲ့ ၁၂ ဦးနှင့် အုပ်ချုပ်ရေးအဖွဲ့ အပါအ၀င် လူဦးရေ ၇၀ ဖြင့်လှည့်လည် ဖျော်ဖြေကြောင်း သိရသည်။