လက်ပံတောင်းတောင် သပိတ်စခန်းများ ဖြိုခွင်းခံရမှုတွင် ထိခိုက်ဒဏ်ရာ ပြင်းထန်စွာရရှိခဲ့သော ဆရာတော် ဥူးတိက္ခဥာဏမှာ ထိုင်းနိုင်ငံသို့ သွားရောက်ဆေးကုသမှု ခံယူရန် စီစဉ်လျက်ရှိ

လက်ပံတောင်းတောင် သပိတ်စခန်းများ ဖြိုခွင်းခံရမှုတွင် ထိခိုက်ဒဏ်ရာ ပြင်းထန်စွာ ရရှိခဲ့သော ဆရာတော် ဥူးတိက္ခဥာဏမှာ ထိုင်းနိုင်ငံသို့ သွားရောက်ဆေးကုသမှု ခံယူရန် စီစဉ်လျက်ရှိကြောင်း သိရှိရသည်။ ဆရာတော် ဥူးတိက္ခဥာဏမှာ ဒဏ်ရာရရှိခဲ့သည့် သံဃာအပါး ၁၀၀ ခန့်တွင် ဒဏ်ရာ အပြင်းထန်ဆုံးဖြစ်ပြီး ယခုကဲ့သို့ ပြည်ပသို့ သွားရောက်ဆေးကုသမှု ခံယူရန် စီစဉ်ရခြင်းဖြစ်သည်ဟု ကျန်းမာရေးစောင့်ရှောက်မှု ကော်မတီမှ ဘ၀အလင်း ဆရာတော်မှ မိန့်ကြားပါသည်။

 အယ်လ်ဂျာဇီးယား သတင်းဌာနမှ ထုတ်လွင့်မည့် ရခိုင်ပြည်နယ် ပဋိပက္ခသတင်း အစီအစဉ်တစ်ခုနှင့် ပတ်သက်၍ မြန်မာနိုင်ငံအစိုးရမှ ကန့်ကွက်

ကာတာနိုင်ငံအခြေစိုက် အယ်လ်ဂျားဇီးယား သတင်းဌာနမှ ထုတ်လွင့်မည့် ရခိုင်ပြည်နယ်ပဋိပက္ခ သတင်းအစီအစဉ်တစ်ခုအား မြန်မာနိုင်ငံအစိုးရမှ ပြင်းထန်စွာ ကန့်ကွက်ကြောင်းကို နိုင်ငံခြားရေး ၀န်ကြီးဌာနမှ ၂၀၁၂ခုနှစ်၊ ဒီဇင်ဘာလ ၆ ရက်နေ့တွင် သတင်းထုတ်ပြန်ခဲ့ကြောင်း သိရသည်။

 ကုလသမဂ္ဂ လူသားချင်းစာနာမှုနှင့် အရေးပေါ်ကယ်ဆယ်ရေးဆိုင်ရာ လက်ထောက် အတွင်းရေးမှူးချုပ် ရခိုင်ပြည်နယ်သို့ လာရောက်

ကုလသမဂ္ဂ လူသားချင်းစာနာမှုနှင့် အရေးပေါ်ကယ်ဆယ်ရေးဆိုင်ရာ လက်ထောက်အတွင်းရေးမှူးချုပ် Ms.Valerie Amos  သည် ဒုတိယဗိုလ်ချုပ်ကြီး သိန်းဌေးနှင့်အတူ ရခိုင်ပြည်နယ် စစ်တွေ လေဆိပ်သို့ ဒီဇင်ဘာလ ၅ ရက်နေ့ နံနက်ပိုင်းက ရောက်ရှိလာခဲ့သည်။Ms.Valerie Amos သည်  မြေပုံ၊ ပေါက်တော၊ မောင်တောနှင့် စစ်တွေမြို့နယ် တို့တွင်ရှိသော ကယ်ဆယ်ရေးစခန်းများသို့ သွားရောက်လေ့လာခဲ့ပြီး ရခိုင်တွင် အကူအညီလိုအပ်မှု စိန်ခေါ်ချက်များစွာ ရှိနေကြောင်း ပြောကြားခဲ့သည်။

သြစတြေးလျနိုင်ငံနှင့် နယူးဇီလန်နိုင်ငံ ချစ်ကြည်ရေးခရီးစဉ်ကို သမ္မတဦးသိန်းစိန် ရွှေ့ဆိုင်း

သြစတြေးလျ ဓနသဟာယ နိုင်ငံနှင့် နယူးဇီလန်နိုင်ငံ ချစ်ကြည်ရေးခရီးစဉ်ကို နိုင်ငံတော်သမ္မတ ဦးသိန်းစိန်က ရွှေ့ဆိုင်းလိုက်ကြောင်း  ဒီဇင်ဘာလ ၆ ရက်ထုတ် နိုင်ငံပိုင်သတင်းစာများက ဖော်ပြခဲ့သည်။

အကြမ်းမဖက်ရေးကို ဆက်လက်ကျင့်သုံးရန်နှင့် မြန်မာနိုင်ငံ၏ ယဉ်ကျေးမှု ဗဟိုအချက်အချာဖြစ်သော ဘာသာရေးသဟဇာတ ညီမျမှုကို တည်တန့်အောင်ထိန်းသိမ်းရန် ငြိမ်းချမ်းရေးနိုဗယ်ဆုရှင် ဘုန်းတော်ကြီး ဒလိုင်းလားမားတိုက်တွန်း

မြန်မာပြည်သူများအနေဖြင့် မြန်မာနိုင်ငံ၏ လက်ရှိဖြစ်ပေါ်နေသော အခြေအနေအရပ်ရပ်အပေါ် တုန့်ပြန်မှုများ လုပ်ဆောင်ရာတွင် အကြမ်းမဖက်ရေးကို ဆက်လက်ကျင့်သုံးရန်နှင့် မြန်မာနိုင်ငံ၏ ယဉ်ကျေးမှု ဗဟိုအချက်အချာဖြစ်သော ဘာသာ ရေးသဟဇာတညီမျှမှုကို တည်တန့်အောင် ထိန်းသိမ်းရန် ငြိမ်းချမ်းရေး နိုဗယ်ဆုရှင် ဘုန်းတော်ကြီး ဒလိုင်းလားမားက တိုက်တွန်းပြောကြားခဲ့ကြောင်း သိရသည်။      

လူ့အဖွဲ့အစည်းနှစ်ခု သင့်မြတ်အောင် ကြိုးပမ်းရေး ကုလသမဂ္ဂ တိုက်တွန်းပြောဆို

2012-12-06

ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေလိုမျိုး နောက်ထပ် မဖြစ်ပွားဖို့အတွက် လူ့အဖွဲ့အစည်း ၂ ခုအကြား သင့်မြတ်အောင် လုပ်ဆောင် မယ်ဆိုရင် မြန်မာအစိုးရကို ကုလသမဂ္ဂ အဖွဲ့အစည်း အနေနဲ့ ကူညီပေးသွားမှာ ဖြစ်ကြောင်း ထိုင်းနိုင်ငံ အခြေစိုက် အာရှနဲ့ ပစိဖိတ်ဒေသ ကုလသမဂ္ဂဒုက္ခသည်များ ဆိုင်ရာ အရေးပေါ် ကူညီကယ်ဆယ်ရေး အဖွဲ့ ပြန်ကြားရေးတာဝန်ခံ Ms. Kirsten Mildren က သတင်းထောက်တွေကို ပြောပါတယ်။

ဖုန်းခေါ်ဆိုမှုနှင့် အင်တာနက်မြန်နှုန်း ၂၀၁၃တွင် နိုင်ငံတကာ စံနှုန်းအတိုင်း မြှင့်မည်ဟုဆို

မြန်မာနိုင်ငံတွင် မိုဘိုင်းဖုန်း ခေါ်ဆိုမှုနှင့် အင်တာနက် မြန်နှုန်းများကို ၂၀၁၃ ခုနှစ် ဧပြီလတွင် နိုင်ငံတကာ စံချိန်စံညွန်း များနှင့် ကိုက်ညီအောင် လုပ်ဆောင် သွားမည်ဟု သိရကြောင်း အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ပြည်ထောင်စု ဝန်ကြီး ဒေါက်တာ ကံဇော်က ပြောကြားသည်။

မြန်မာနိုင်ငံတွင် ပထမဆုံး ကျင်းပသော အာဆီယံ ခေါင်းဆောင်မှု ၁၀၀ ဖိုရမ် ကျင်းပရာ ဆီဒိုးနား ဟိုတယ်တွင် ယင်းဖိုရမ် ဦးဆောင်ကျင်းပသူ Mr.Dato Timothy Ong က မိုဘိုင်းဖုန်းများ ခေါ်ဆိုရ အဆင်ပြေစေရန် မည်သို့ လုပ်ဆောင် ထားသနည်းဟု မေးမြန်းသဖြင့် ဒေါက်တာ ကံဇော်က ယင်းကဲ့သို့ ပြန်လည် ဖြေကြားခြင်း ဖြစ်သည်။

"အပြောင်းအလဲ တွေက ၂၀၁၃ခုနှစ် ဧပြီလ ၁ ရက်နေ့မှာ ထင်သာမြင်သာ ဖြစ်လာ လိမ့်မယ်။ အစိုးရ သက်တမ်းက ခုမှ လနှစ်ဆယ် သားပဲ ရှိသေးတယ်" ဟု ၎င်းက ဆိုသည်။
"မိုဘိုင်းဖုန်းက ကောင်းကောင်း ခေါ်မရဘူး။ Message (သတင်းတို) ပို့ရတာလည်း မလွယ်ဘူး" ဟု Mr.Dato Timothy Ong က ဝေဖန် သည်။

ပြည်သူအားလုံး သတင်းနည်းပညာ ဖွံ့ဖြိုးမှု၏ အကျိုးကျေးဇူးကို ခံစားနိုင်ရန် သတင်း နည်းပညာ နယ်ပယ်တွင် အကြီးစား ရင်းနှီးမြှုပ်နှံ မှုများ ဆောင်ရွက်လျက် ရှိကြောင်း ဒုတိယ သမ္မတ ဒေါက်တာ စိုင်းမောက်ခမ်းက ပြောဆိုသည်။

ဆက်သွယ်ရေး ကွန်ယက် ကောင်းမွန်ပါက လူသား ရင်းမြစ်ကို မြှင့်တင်နိုင်သည့် ပညာရေးကို အထောက်အကူ ဖြစ်စေကြောင်း၊ အစိုးရ၏ ပါဝင်ဆောင်ရွက်မှု အရမ်း အားကောင်းနေလျှင် လုပ်ငန်း အနည်းအကျဉ်းသာ ပြီးမြောက်နိုင်မည် ဖြစ်ကြောင်း၊ စီးပွားရေးတွင် တတ်နိုင်သမျှ အစိုးရ၏ ပါဝင် ပတ်သက်မှုကို လျှော့ချရမည် ဖြစ်ကြောင်း အစိုးရနှင့် ကော်ပိုရိတ် ဆိုင်ရာ အကြံပေး ဟောင်ကောင် ရှိ ဈေးကွက်ပြိုင်ဆိုင်မှု သင်တန်းကျောင်းကို တည်ထောင်သူ ပါမောက္ခ မိုက်ကယ်အန်ရိုက်က သုံးသပ်သည်။

တပ်ရိက္ခာစပါး ဝယ်ယူရန် တင်ဒါ ခေါ်ရာတွင် မွန်ပြည်နယ် ပါဝင်

၂၀၁၃-၁၄ ခုနှစ် တပ်မတော်ရိက္ခာအတွက် ဧည့်မထ အမျိုးအစား စပါးကို ပြည်နယ်နှင့် တိုင်းဒေသကြီးအလိုက် တင်ဒါစနစ်ဖြင့် ဝယ်ယူမည့် အစီအစဉ်တွင် မွန်ပြည်နယ်ရှိ (၁၀) မြို့နယ်လုံးကို စပါးဝယ်ယူမည့် ဒေသများအဖြစ် ထည့်သွင်းထားကြောင်း အစိုးရထုတ် သတင်းစာတွင် ဖော်ပြထားသည်။
မွန်ပြည်နယ်ရှိ စပါးကွင်းတစ်နေရာ ပြည်နယ်နှင့် တိုင်းဒေသကြီးအလိုက်၊ သတ်မှတ်သည့် နေရာအလိုက် တင်ဒါစနစ်ဖြင့် ၂၀၁၃ ခုနှစ် ဇန်နဝါရီလ ၁ ရက်နေ့မှ စတင်ဝယ်ယူတော့မည် ဖြစ်သည်။

"စပါးဝယ်မည့် ပြည်နယ်နဲ့ တိုင်းဒေသကြီး (၈) ခုထဲမှာ မွန်ပြည်နယ်အတွင်းက (၁၀) မြို့နယ်လုံးကို တပ်ရိက္ခာ ဝယ်ယူမယ့် စာရင်းမှာ ပါနေတာ" ဟု မော်လမြိုင်မြို့က ဆန်ကုန်သည်တဦးက ပြောသည်။
တပ်မှ ပေးသည့် ဈေးနှုန်းသည် ပေါက်ဈေးထက် နိမ့်နေခြင်း၊ လယ်သမားများ တပ်အထိ သွားရောက်ပို့ ဆောင်ရန် ခက်ခဲခြင်းကြောင့် မော်လမြိုင်ခရိုင် (၆) မြို့နယ်တွင် တပ်ရိက္ခာ စပါးဝယ်ယူရန် လွယ်ကူမည် မဟုတ်ကြောင်း မုဒုံမြို့မှ စပါးကုန်သည် တဦးက ပြောသည်။
"မနှစ်ကဆို ဒီလိုရပ်ထဲရွာထဲ လိုက်ဝယ်မရတဲ့အဆုံးမှာ ဒေသထဲက ကုန်သည်တွေကို ဝယ်ခိုင်းပြီး တပ်ကို တင်ဒါစနစ်နဲ့ သွင်းနေတာ ရှိတယ်" ဟု ၎င်းက ပြောသည်။
သို့သော် သထုံခရိုင် ပေါင်မြို့နယ်၊ သထုံမြို့နယ်ရှိ ကျေးရွာများမှာ တပ်ရိက္ခာစပါး ဝယ်ယူပါက ရောင်းပေးမည့် လယ်သမားများ ရှိပြီး၊ အထူးသဖြင့် မုတ္တမမြို့ အခြေစိုက် တပ်ရင်းများမှ လာရောက် ဝယ်ယူကြသည်ဟု ပေါင်မြို့နယ် ထန်းပင်ချောင်ရွာမှ လယ်ပိုင်ရှင် မိခိုင်မြင့်က ပြောသည်။
"မနှစ်က လာဝယ်တော့ ထန်းပင်ချောင်ရွာက ရောင်းပေးတာ ရှိတယ်။ ကောက်စောစပါး တင်း (၁၀ဝ) ကို သုံးသိန်းခွဲ ဈေးနဲ့ပါ၊ ဒီနှစ်ဈေးကိုက်ရင် ရောင်းပေးရမှာပေါ့" ဟု သူမက ပြောသည်။
တပ်ရိက္ခာစပါး ဝယ်ယူရေးကို အထူးသဖြင့် ဧရာဝတီတိုင်း၊ ပဲခူးတိုင်းကဲ့သို့ စိုက်ဧကများပြီး စပါးထွက် များပြား သည့် နေရာများတွင် ဝယ်ယူလေ့ ရှိပြီး ပဲခူတိုင်း သနပ်ပင်မြို့နယ်၊ ဝေါမြို့ နယ်၊ ကဝမြို့နယ်မှ တဆင့် ကုန်သည်များက ဝယ်ယူကာ တပ်ရင်းကို တင်ဒါစနစ်ဖြင့် သွင်းရသည်ဟု မုဒုံမြို့နယ် မြန်မာ့လယ် ယာထွက် ကုန် ရောင်းဝယ်ရေးမှ တာဝန်ရှိ ဝန်ထမ်းတဦးက ပြောသည်။
ကိုယ်တိုင် စပါးစိုက်ပျိုး ထုတ်လုပ်ပြီး တစ်ဦးချင်းသော်လည်းကောင်း၊ စုပေါင်း၍သော်လည်းကောင်း၊ စပါးတင်း (၁၀ဝ) နှင့် အထက် ရောင်းချပေးသွင်းနိုင်သည့် တောင်သူများအနေဖြင့် တိုင်းစစ်ဌာနချုပ်များ၊ ထောက်ပံ့နှင့် ပို့ဆောင်ရေး တပ်ရင်းများနှင့် တပ်ရင်းတပ်ဖွဲ့များသို့ ရောင်းချပေးသွင်းနိုင်ကြောင်း သိရသည်။
တပ်ရိက္ခာစပါး ဝယ်ယူရန် တင်ဒါခေါ်ယူသည့် ပြည်နယ်နှင့် တိုင်းဒေသကြီးများမှာ ကချင်ပြည်နယ်၊ ရှမ်းပြည်နယ် မြောက်၊ ရှမ်းပြည်နယ် အရှေ့၊ မွန်ပြည်နယ်၊ ရန်ကုန်တိုင်းဒေသကြီး၊ ရခိုင်ပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး အရှေု့၊ ပဲခူးတိုင်းဒေသကြီးအနောက်တို့ ဖြစ်သည်။
ပေးသွင်းရမည့် စပါးအရေအတွက်၊ စပါးအရည်အသွေး သတ်မှတ်ချက်၊ ပေးသွင်းရမည့်နေရာ၊ ပေးသွင်းရ မည့်ကာလ စသည့် အသေးစိတ် အချက်အလက်များနှင့် တင်ဒါပုံစံတို့အား အထက်ပါ နေရာများရှိ တိုင်းစစ်ဌာနချုပ်များ၊ ထောက်ပံ့နှင့် ပို့ဆောင်ရေး တပ်ရင်းများနှင့် တပ်ရင်း၊ တပ်ဖွဲ့များတွင် စုံစမ်းနိုင်ကြောင်း ဒီဇင်ဘာလ ၃ ရက်နေ့ထုတ် အစိုးရ သတင်းစာများတွင် ဖေါ်ပြပါရှိသည်။

Eleven Media Group ၏ www.news-eleven.com အား KCA (Kachin Cyber Army) ဟု သုံးနှုန်းထားသော Hacker အဖွဲ့တစ်ဖွဲ့မှ တိုက်ခိုက်ခဲ့ပါသည်။

Eleven Media Group ၏ www.news-eleven.com အား KCA (Kachin Cyber Army) ဟု သုံးနှုန်းထားသော Hacker အဖွဲ့တစ်ဖွဲ့မှ တိုက်ခိုက်ခဲ့ပါသည်။
ထို့ကြောင့် လက်တလောတွင် Eleven Media Group ၏ www.news-eleven.com အား ၀င်ရောက်ကြည့်ရှုနိုင်မည်

မဟုတ်ကြောင်း အသိပေးအပ်ပါသည်။
ယခု တိုက်ခိုက်သည့် အဖွဲ့သည် ကချင်အဖွဲ့ အမည်ကိုအသုံးပြုထားပြီး တရုတ်နိုင်ငံဘက်မှ IP များဖြင့် အသုံးပြုတိုက်ခိုက်ထားကြောင်း သိရှိရပါသည်။
မိမိတို့ website အား အမြန်ဆုံးပြန်လည်ကြည့်ရှုနိုင်ရန် ပြုပြင်လျက်ရှိပြီး ကချင်အဖွဲ့ အမှန်တကယ်ဟုတ်မဟုတ်နှင့် မည်သူတို့က လုပ်ဆောင်သည်ကို သိရှိနိုင်ရန် ဆက်လက် စုံစမ်းလျက်ရှိကြောင်း အသိပေးအပ်ပါသည်။
Eleven Media Group ၏ www.news-eleven.com အား ပြန်လည်ပြင်ဆင်နေစဉ်ကာလအတွင်း Eleven Media Group Facebook နှင့် Eleven Myanmar (www.elevenmyanmar.com) တို့မှ တဆင့် သတင်းများကို အချိန်နှင့်တပြေးညီ ဆက်လက် ဖော်ပြသွားမည်ဖြစ်ကြောင်း အသိပေးအပ်ပါသည်။

ထိုင်းဘုရင့်မွေးနေ့ဂုဏ်ပြုပွဲ၌ သျှမ်းအလုပ်သမားများအား RCSS/SSA ခေါင်းဆောင်မိန့်ခွန်းပြော

ထိုင်းနိုင်ငံ ဘုရင်မင်းမြတ် ဘူမိဘောအဒူလျာဒက်ဂ်ျ၏ သက်တော် ၈၅ နှစ်ပြည့်မွေးနေ့ပွဲအား ထိုင်းနိုင်ငံရှိမြို့ နယ်တိုင်း အုပ်စုတိုင်းတွင်ကျင်းပရာ ထိုင်းနိုင်ငံရောက်ရွှေ့ပြောင်းအလုပ်သမားသျှမ်းများလည်း မိမိနီးစပ်ရာ၌ ကျင်းပသော ပွဲတော်သို့ ပါဝင် ဂါရ၀ပြုကြကြောင်း စုံစမ်း သိရှိရသည်။

ဒေါန်းဂျန်ဘုန်းကြီးကျောင်း ၌ ဘုရင့်မွေးနေ့ဆုတောင်းပွဲနှင့်အတူ သျှမ်းနှစ်သစ်ကူးကျင်းပ

"ဒီဇင်ဘာ ၅ ရက်မနက်ပိုင်း ဘုရင်ကြီးအသက်ရှည်စေဖို့ ဇာတာဆက်ပွဲလုပ်တယ်။ ဘုန်းတော်ကြီး ၉ ပါးက မင်္ဂလာတရား ဟောပြီး ဆုတောင်းပေးတယ် အဲဒီကျောင်းမှာ။ ထိုင်းနိုင်ငံသားတွေနဲ့အတူ သျှမ်းပြည်အလုပ် သမား ၁၀၀ ကျော် ပူးပေါင်း ပါဝင်တယ်။ ညပိုင်းပျော်ပွဲရွှင်ပွဲမှာတော့ ပရိသတ် ၁ သောင်းထက်မနည်းဘူး။ RCSS/SSA ရဲ့ အတိုင်ပင်ခံပုဂ္ဂိုလ် စဝ်ကဏ်း ဂျစ်နဲ့ ဥက္ကဌကြီး စဝ်ယွက်စစ်က တက်ရောက်မိန့်ခွန်းပြောတယ်" ဟု ပွဲတက်ရောက် သတင်းယူသည့် သျှမ်းသံတော်ဆင့် သတင်း ထောက် စိုင်းဖောန်းလီက ပြောသည်။
RCSS ဥက္ကဌ ဒု-ဗိုလ်ချုပ်ကြီး ယွက်စစ်က - မွေးရပ်မြေစွန့်ခွါကာ တခြားတိုင်းတပါး၌ ခိုလှုံရောက်ရှိနေကြသော သျှမ်းပြည် သားတို့အချင်းချင်း သစ္စာရှိကြရန်၊ သတိ၊ ဝိရိယ ထားရှိကြရန်သတိပေးပြောဆိုလိုက်သည်ဟု စိုင်းဖောန်းလီက ပြန်လည် ပြောပြသည်။

ဒေါန်းဂျန်ဘုန်းကြီးကျောင်း ၌ကျင်းပသော ဘုရင့်မွေးနေ့တွင်တွေ့ရသော RCSS/SSA ခေါင်းဆောင် ဒု-ဗိုလ်ချုပ်ကြီးယွက်စစ်

"သစ္စာ၊ သတိ၊ ဝိရိယ ကင်းမဲ့တဲ့သူဟာ တိုးတက်ဖို့လမ်းမရှိဘူး လို့ပြောတယ်။ နောက်တခုက အချင်းချင်းကြား မှာ တရားမ ဝင်ကိုယ်ပိုင်ကဒ်ပြား မလုပ်ကြဖို့၊ မဖြားယောင်းကြဖို့၊ ထိုင်းအစိုးရမှ တရားဝင်ပြန်ပြီးဌာန ဆိုင်ရာတွေ၊ နှစ်နိုင်ငံသဘောတူညီမှုနဲ့ လုပ်ပေးတဲ့ ကဒ်ပြားတွေသာလုပ်ဖို့ တွန်းအားပေးသင့်တယ်။ သဘောကတော့ သူများချွေးနဲစာကို တန်ဖိုးထားတတ်ဖို့ပေါ့။ အရေးကြီးတာက ကိုယ့်ရွာကိုယ့် ဒေသကလူတွေ ကို ထိုင်းကိုထပ်ပြီး မခေါ်လာဖို့ပေါ့။ လူကုန်ကူးမှုမပြုဖို့။ ခုတလောသျှမ်းပြည် က မိန်းခလေးတွေ မလေးရှား အထိသွားပြီး မကောင်းတဲ့လုပ်ငန်းတွေမှာ လမ်းမှားပြီးသွားလုပ်နေတယ်ဆိုတာ ဆက်တိုက် ကြားနေရတယ် လို့ပြောသွားတယ်" ဟု ဆိုသည်။

ဘန်ကောက်မြို့၌ကျင်းပသောပွဲတွင်လည်း သျှမ်းလူမျိုးများ ပူးပေါင်းဂါရ၀ပြု

အလားတူ ချင်းမိုင်မြို့အထွေထွေအုပ်ချုပ်ရေးရုံး၊ တော်ဝင်ပန်းခြံ Royal Flora Ratchaphruek တွင်လည်း ထိုင်းနိုင်ငံ အစိုးရက မွေးနေ့ဆုတောင်းပွဲကျင်းပရာ သျှမ်းဝတ်စုံဖြင့်တက်ရောက်ဆုတောင်းခဲ့ကြသည့် ရွှေ့ပြောင်းအလုပ်သမား အများအပြား တွေ့ရကြောင်း၊ ဘန်ကောက်မြို့ အနန္ဒဆမားခုံး(မ်း) နန်းတော် ရင်ပြင်၌ ကျင်းပသည့် အခန်းအနား၌လည်း သျှမ်းလူမျိုး ၅၀၀ ကျော်က သျှမ်းဝတ်စုံဖြင့်တက်ရောက်ကြကြောင်း သိရသည်။

အပစ်ရပ်ပြီးနောက် လူ့အခွင့်အရေး ချိုးဖောက်ခံရမှု လျော့သွားသော်လည်း ညှင်းပမ်းမှုပိုများလာ

တိုင်းရင်းသားလက်နက်ကိုင်တပ်ဖွဲ့များနှင့် အစိုးရစစ်တပ်အကြား အပစ်ရပ်ကာ ငြိမ်းချမ်းရေး ဆွေးနွေးပြီး နောက်ပိုင်းကျေး လက်ဒေသ၌ လူ့အခွင့်အရေး ချိုးဖောက်မှု အတန်ငယ် လျော့ကျသွားသော်လည်း စစ်ပွဲဖြစ်ပွါးနေသည့် ဒေသများ၌ ညှင်းပမ်းမှု ပိုမိုများပြားလာသည်ကို တွေ့ရသည်ဟု သျှမ်းလူ့အခွင့်အရေး ဖောင်ဒေးရှင်း၏ နိုဝင်ဘာလထုတ်
အစီရင်ခံစာတွင်ဖော်ပြထားသည်။
ဒေသခံ အမျိုးသမီးများအပေါ် အဓမ္မပြုကျင့်မှု၊ အမျိုးသားများအား ပေါ်တာဆွဲ သတ်ဖြတ်မှုတို့မှာ သိသိသာသာ ကျဆင်း သွားသည်ကိုတွေ့ရသော်လည်း စစ်ပွဲဖြစ်ပွါးရာဒေသတို့၌ ကျေးလက်လူထု၏ ပိုင်ဆိုင်မှုများကို အဓမ္မ လုယက်စားသောက်မှု၊ အိမ်မွေးတိရစ္ဆာန် များအား ဖမ်းဆီးသတ်ဖြတ်ယူငင်မှု စသည်တို့မှာ လျော့ကျမသွားဘဲ ပိုမိုဖြစ်ပွါးလာသည် ကိုတွေ့ရကြောင်း အဆိုပါအစီရင်ခံစာ၌ ဖော်ပြထားသည်။
ယခင်က သေနတ်ဖြင့် ပစ်ခတ်သတ်ဖြတ်သည့်နည်းအစား လူထုအား ထိုးနှက်ရိုက်ပုတ်ခြင်း၊ လူထုပိုင် ပစ္စည်းဥစ္စာ ခိုးယူခြင်း၊ အဓမ္မလုပ်အားပေး ခိုင်းစေခြင်း စသည့် နည်းလမ်းများ ပြောင်းလဲပြုလုပ်နေဆဲ ဖြစ်သည်။ အဆိုပါ လုပ်ရပ်များအား သျှမ်းပြည်တောင်ပိုင်း ကွန်ဟိန်းမြို့နယ်၊ လဲချား၊ မိုင်းကိုင်၊ မိုးနဲနှင့် မိုင်းတုံမြို့နယ်တို့တွင် အများအပြား ပြုလုပ်နေသည်ကို တွေ့ရသည်ဟုလည်း ဆိုသည်။
ရှမ်းပြည် တပ်မတော် တောင်ပိုင်း SSA- S တပ်ဖွဲ့နှင့် ယမန်နှစ် ဒီဇင်ဘာလ ၂ ရက်နေ့က အပစ်ရပ်ရေး သဘောတူခဲ့ကြသော်လည်း မြန်မာစစ်တပ်ဘက်မှ ရန်စတိုက်ခိုက်နေသည် သာမက တိုက်ပွဲများတွင် လက်နက်ကြီးများဖြင့် ပစ်ခတ်နေသဖြင့် ဒေသခံလူထုများ ထိခိုက်ဒဏ်ရာရရှိမှု ပိုမိုများပြားလာသည်ဟုလည်း အစီရင်ခံစာက ဖော်ပြသည်။
ယငိးသို့ တိုက်ပွဲဖြစ်ပွါးမှု၊ လယ်ယာမြေသိမ်းယူမှု စသည့် ဖြစ်ရပ်များကြောင့် ထိုင်းနိုင်ငံသို့ ထွက်ပြေးတိမ်း ရှောင်သူ ပိုမိုများပြားနေကြောင်းနှင့် နယ်စပ်ဒေသများဖြစ်သည့် မယ်ဟောင်ဆောင်၊ ချင်းမိုင်နှင့် ချင်းရိုင်းခရိုင် တို့၌ လစဉ် ပျှမ်းမျှ ထောင်နှင့်ချီ၍ ဝင်ရောက်နေကြောင်း နယ်စပ် ဒုက္ခသည်အရေး ကူညီဆောင်ရွက် ပေးသည့်အဖွဲ့က ပြောဆိုသည်။
၁၉၉၆ ခုနှစ်မှ ၉၈ ခုနှစ်အထိ သျှမ်းပြည်အလယ်ပိုင်း ၁၁ မြို့နယ်ရှိ ရွာပေါင်း ၁၅၀၀ မှ လူဦးရေ ၃ သိန်းဝန်း ကျင်ခန့်အား အဓမ္မရွှေ့ပြောင်း ခိုင်းခဲ့သဖြင့် ထိုင်းနယ်စပ်နှင့် ထိုင်းနိုင်ငံအတွင်း အများအပြား ဝင်ရောက်ခို လှုံလာခဲ့ကြသည်။
ယင်းတို့အနက် အချို့မှာ ထိုင်းနိုင်ငံသားအဖြစ် တရားဝင် လျှောက်ထားခွင့် ရခဲ့သူများ ရှိသလို အများအားဖြင့် ထိုင်းအစိုးရမှ ထုတ်ပေးသည့် တိုင်းပြည်မဲ့ကဒ်ပြားများ၊ ရွေ့ပြောင်းအလုပ်သမားကဒ်များဖြင့် ထိုင်းနိုင်ငံအတွင်း၌ ခိုလှုံနေကြရသည်။

ကယား ပြည်နယ်သို့ ဂျပန်နိုင်ငံ နီပွန်ဖောင်ဒေးရှင်း ဥက္ကဌ လာရောက်လေ့လာ

တိုင်းရင်းသားလက်နက်ကိုင်အဖွဲ့အစည်းတွေရဲ့ နယ်မြေတွေမှာ လူမှုဖူလုံရေးအတွက် စားနပ်ရိက္ခာတွေလှူဒါန်းဖို့ ဂျပန်နိုင်ငံ နီပွန်ဖောင်ဒေးရှင်း အဖွဲ့ ဥက္ကဌက ကယား(ကရင်နီ)ပြည်နယ်သို့  လာရောက်လေ့လာသွားတယ်လို့ သိရပါတယ်။

မြန်မာတိုင်းရင်းသားများ၏ လူမှုဖူလုံရေးဆိုင်ရာ ဂျပန်နိုင်ငံ၏ ချစ်ကြည်ရေးသံအမတ်ကြီး လည်းဖြစ်သည့် အဖွဲ့ဥက္ကဌ (Yohei Sasakawa) မစ္စတာ ယောဟဲအိ ဆာဆာကာဝါက "နီပွန်ဖောင်ဒေးရှင်းက တိုင်းရင်းသား လက်နက်ကိုင်အဖွဲ့အစည်းတွေရဲ့နယ်မြေ ၁၁ ခုမှာရှိတဲ့ IDP Camp တွေကို ဆန်နဲ့ စားနပ်ရိက္ခာ၊ ဆေးဝါး တွေကို လှူဒါန်းမှာဖြစ်ပါတယ်။ ဒီလိုလှူဒါန်းပြီးရင် အမှန်တကယ် ဒုက္ခရောက်နေတဲ့သူတွေဆီကို ရောက်သလား၊ မရောက်ဘူးလား ဒီက တိုင်းရင်းသား ညီကိုမောင်နှမတွေကို စောင့်ကြည့်လေ့ လာစေချင် ပါတယ်။" လို့ ပြောပါတယ်။

လွိုင်ကော်မြို့ ကက်သစ်လစ် ဂရုဏာ ဓမ္မရုံတွင် Mr. Yohei Sasakawa မြင့်တွေ့ရစဉ် (ဓါတ်ပုံ-ကန္တာရဝတီတိုင်း(မ်))

နိုဝင်ဘာလ ၄ ရက်နေ့၌ ကယားပြည်နယ်အတွင်းရှိ လူထုအခြေပြုလူမှုအဖွဲ့အစည်းတွေနဲ့ လွိုင်ကော်မြို့ ကက်သလစ် ဂရုဏာဓမ္မရုံမှာ တွေ့ဆုံခဲ့စဉ်အချိန်က ပြောဆိုခဲ့တာဖြစ်ပါတယ်။
ကရင်နီအမျိုးသားတိုးတက်ရေးပါတီ (KNPP)၏ ဖိတ်ခေါ်မှုဖြင့် ကယားပြည်နယ်ကို လာရောက်လေ့လာခဲ့ပြီး လောပိတနှင့် ရှားတောမြို့နယ်အတွင်းရှိ စုစည်းရွာတွေဘက်ကိုလည်း သွားရောက်ခဲ့တယ်လို့ သိရပါတယ်။
KNPP အတွင်းရေးမှူး (၂) ဦးအောင်ဆန်းမြင့်က " နီပွန်ဖောင်ဒေးရှင်းက တိုင်းရင်းသားလက်နက်ကိုင် အဖွဲ့အစည်းတွေကို လူသားချင်းစာနာတဲ့ အကူအညီအထောက်အပံ့တွေကို ပေးဖို့ဆိုပြီးတော့မှ MOU ဗမာအစိုးရနဲ့ထိုးလိုက်တယ် ဆိုတော့ ကျနော်တို့ ကယား(ကရင်နီ)ပြည်နယ်ကို ကူညီဖို့ဆုံးဖြတ်ချက်ချပြီးပြီ စာချုပ်စာတမ်း (MOU) လုပ်ထားပြီးတဲ့အတွက် လာတာဖြစ်ပါတယ်။" လို့ ပြောပါတယ်။
အခု လုပ်ငန်းစဉ်ကို နီပွန် ဖောင်ဒေးရှင်း အပါအ၀င် တိုင်းရင်းသား တပ်ပေါင်းစုအဖွဲ့ဖြစ်သည့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC အဖွဲ့နှင့် မြန်မာ ငြိမ်းချမ်းရေးစင်တာ (MPC) အဖွဲ့တို့ ပူးပေါင်းဆောင်ရွက်ခြင်းဖြစ်တယ်လို့ သိရပါတယ်။
မွန်ပြည်နယ်၌ ဒီဇင်ဘာလ ၂၀ ရက်နေ့မှ စတင်ထောက်ပံ့မှာဖြစ်ပြီး အဲဒီနောက် ကရင်ပြည်နယ်၊ ကယားပြည်နယ်နဲ့ တခြားသော လက်နက်ကိုင် တိုင်းရင်းသားဒေသတွေကို ထောက်ပံ့မယ်လို့ သိရပါတယ်။
ထောက်ပံ့မှု တွေမှာ ရိက္ခာနှင့် ဆေးဝါးတွေကို ဦးစားပေးမှာ ဖြစ်ပြီး ပထမ အဆင့်မှာ အမေရိကန် ဒေါ် လာ (၃) သိန်းခန့် ကူညီ ပေးသွားမှာ ဖြစ်သလို ဒုတိယ အဆင့် ဖြစ်တဲ့ အမေရိကန် ဒေါ်လာ (၂.၇) သန်းကိုမူ လာမည့် ၂၀၁၃ ခုနှစ်မှာ ထောက်ပံ့မယ်လို့ သိရပါတယ်။

ထိုင်းဘက်ခြမ်းနေ ပလောင်ရွာသားအား မြန်မာစစ်တပ်က ပစ်ခတ်

သျှမ်းပြည်တောင်ပိုင်း ထိုင်းနယ်စပ်၌ လှုပ်ရှားနေသော မြန်မာအစိုးရ၏ စစ်ကြောင်းတကြောင်းက ထိုင်းဘက် ခြမ်းနေ ပလောင်ရွာသားအား ပစ်ခတ်သဖြင့် ထိုင်းနိုင်ငံချင်းမိုင်မြို့ ဆွန်ဒေါက်ဆေးရုံ၌ ဆေးကုသမှုခံ ယူနေရ ကြောင်း လူနာနှင့်နီးစပ်သူများ ပြောပြချက်အရ သိရသည်။
"ထိုင်းဘက်ခြမ်း နောလဲရွာမှာနေတဲ့ စိုင်းအောင်နဲ့အဖွဲ့ လမ်းကူးပြီး သျှမ်းပြည်ဘက်ခြမ်းမှာရှိတဲ့
လွယ်ဟိုနုတ် တောင်မှာ တောင်ယာလုပ်ဖို့သွားတာ။ အဲဒါကို ကင်းလှည့်ဗမာစစ်သားတွေက ပေးမသွားဘူး။ စိုင်းအောင်က သူ့မှာပါလာတဲ့ ရေပုံးကို ယာတဲမှာ သွားထားပြီးပြန်ထွက်အလာမှာ ဗမာစစ်သားက ပစ်လိုက်တာ။ သူ့ဗိုက်ထဲ ကျည်ဆံဝင်သွားတယ်။ အဲဒါကြောင့် ချင်းမိုင်ဆေးရုံကို ပို့လိုက်ရတယ်။ အခုဆွန်ဒေါက်ဆေးရုံမှာ" - ဟု စိုင်းအောင်နှင့် ရင်းနှီးသည့် လုပ်ဖော်ကိုင်ဖက် တဦးက သျှမ်းသံတော်ဆင့်အား ပြောသည်။
ထိုင်းနိုင်ငံ ချင်းမိုင်ခရိုင် ဖှန်မြို့နယ် မယ့်ငေါန်းအုပ်စုရှိ လွယ်အန်ခန် ဘုရင့်စိုက်ပျိုးရေးစီမံကိန်း အနီးရှိ နောလဲရွာတွင်နေထိုင်သော ပလောင်အမျိုးသား စိုင်းအောင် ၂၃ နှစ်အား ယခုလ ၂ ရက်နေ့ မနက် ၁၀ နာရီ အချိန်ခန့်က ပစ်ခတ်ခဲ့ခြင်းဖြစ်သည်။
"ဗိုက်ထဲ ကို ကျည်ဆံဝင်သွားတဲ့  စိုင်းအောင်ကို  ရွာသူကြီးနဲ့ ဒေသခံတွေ နယ်စပ်လုံခြုံရေး ထိုင်းစစ်သား တွေနဲ့ ဆွေမျိုးတွေ ကဘဲ ဖှန်ဆေးရုံကိုပို့တယ်။ ဖှန်ဆေးရုံကနေ ချင်းမိုင်ဆေးရုံကို လွှဲပြောင်းပေးလိုက်တယ်။ ထုတ်ရခက်တယ် လို့ဆေးရုံကပြောတယ်။" ဟု လွယ်အန်ခန်တွင် အလုပ်လုပ်နေသည့် သျှမ်းလူမျိုး စိုင်းရွှေက ပြောသည်။
အဆိုပါမြန်မာစစ်တပ်မှာ သျှမ်းပြည်အရှေ့ပိုင်း မိုင်းတုံမြို့နယ်အခြေစိုက် ခြေလျင်တပ်ရင်း ခလရ ၂၂၅ လက်အောက်ခံ တပ်ဖြစ်ပြီး နယ်စပ်ရှိ ပါခီးတပ်စခန်းမှ ဖြစ်ကြောင်း သိရသည်။ ဤစခန်းကို ၂၀၀၁ ခုနှစ်က SSA တောင်ပိုင်းက သိမ်းပိုက်ခဲ့ဖူးသည်။
လွယ်အန်ခန်အနီး နောလဲရွာသည် ထိုင်းနယ်အတွင်း ရှိပြီး ထိုင်း-မြန်မာနယ်စပ်မျဉ်းနှင့် ၃ ကီလိုမီတာ ကွာဝေးသည်။ ပုံပါကျင်သို့ ခြေကျင်သွားပါက ၃ နာရီ ခန့်သာ လျှောက်ရကြောင်း စိုင်းရွှေက ပြောသည်။

BNI

အိန္ဒိယ- မြန်မာ ကုန်သွယ်ရေးရုံး ဖွင့်လှစ်မည်

အိန္ဒိယအရှေ့မြောက်ပြည်နယ်များနှင့် မြန်မာတို့အကြား နှစ်နိုင်ငံ ကုန်သွယ်ရေး ကိစ္စရပ်များ ဆောင်ရွက်ရန် တရားဝင်ကိုယ်စားလှယ် ရုံးတရုံး ဖွင့်လှစ်သွားမည်ဟု အိန္ဒိယ နိုင်ငံထုတ် The Economic Time သတင်းစာတွင် ရေးသားဖော်ပြထားသည်။
အိန္ဒိယ၏ သွင်းကုန်၊ ထုတ်ကုန်လုပ်ငန်း ဘဏ်တခု ဖြစ်သည့် Export-Import Bank of India မှ မန်နေဂျင်း ဒါရိုက်တာလည်းဖြစ်၊ ဘဏ်ဥက္ကဋ္ဌ လည်းဖြစ်သူ T.C.A Ranganathan က မြန်မာနှင့် ကုန်သွယ်ရေး
အဆက်အသွယ် များ ဖွင့်လှစ်ချိတ်ဆက်ထားခြင်းနှင့် ဘင်္ဂလာဒေရှ့်တွင် ခရီးတထောက် နားခိုသည့်  ကြားစခန်းများထားရှိခြင်းသည် အိန္ဒိယ အရှေ့မြောက်ဒေသ၏ သဘာဝမြေသြဇာသုံးသည့် စိုက်ပျိုးရေး ထွက်ကုန်များအတွက် အခွင့်အလမ်းသစ် တခုဖြစ်လာနေကြောင်း ဗုဒ္ဓဟူးနေ့က ဘဏ်ဥက္ကဌ က ပြောဆိုသည်ဟု သတင်းစာက ရေးသားသည်။

အဆိုပါ ဘဏ်သည် မြန်မာနှင့် ဘင်္ဂလားဒေရှ့် နှစ်နိုင်ငံအား ဆိုင်းငံ့အကြွေးပေးချေ စနစ်ဖြင့် ကုန်ပစ္စည်းများ ဝယ်ယူနိုင်ရေး ခွင့်ပြုထားကြောင်း သိရပြီး "ကျနော်တို့ဟာ လာမယ့် လအနည်းငယ်အတွင်း မိမိတို့ရုံးကို စတင်လည်ပါတ်နိုင်မယ်လို့ မျှော်လင့်ထားသလို ခွင့်ပြုမိန့်ကိုလည်း လျှောက်ထားပြီး ဖြစ်တယ်" ဟု ဘဏ်ဥက္ကဌက ဆိုသည်။

အိန္ဒိယနိုင်ငံတွင်း၌ ၎င်းတို့၏ ရုံး ၁ဝ ရုံးနှင့် ပြည်ပနိုင်ငံများတွင် ရုံး (၇) ရုံး ဖွင့်လှစ် ထားကြောင်း သိရပြီး အရှေ့မြောက်ဒေသ အတွက် အိန္ဒိယ၏ နိုင်ငံခြားတင်ပို့ကုန် ရူပီးငွေ ကုဋေ ၁ ထောင် (အမေရိကန်ဒေါ် လာသန်းပေါင်း ၁၂,ဝဝဝ ခန့်) ထဲမှ ငွေပမာဏ၏ ၅ ရာခိုင်နှုန်းကို ဒေသစိုက်ပျိုးရေး ထွက်ကုန်များ တင်ပို့ခြင်း အတွက် လျာထားသုံးစွဲကြောင်း သိရသည်။

အဆိုပါဘဏ်သည် လက်ဖက်ခြောက် ထွက်ကုန်များ၊ ကျောက်မီးသွေးနှင့် ထုံးကျောက် တင်ပို့ခြင်းလုပ်ငန်းများ ကို အလုံးအရင်းဖြင့် လုပ်ကိုင်လျက်ရှိသည်။ အိန္ဒိယတနိုင်ငံလုံး နိုင်ငံခြားတင်ပို့ကုန် ပမာဏ၏ ၁ ရာခိုင်နှုန်း ထက် နည်းပါးသည့် ပမာဏအား  အရှေ့မြောက်ဒေသတွင်း ဖြတ်ကျော်ကာ ပုံမှန်ကုန်သွယ်မှု ပြုလုပ်ကြောင်း အိန္ဒိယနိုင်ငံ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန အဆိုရ သိရှိရကြောင်း The Economic Time က ရေးသားဖော်ပြသည်။ယ- မြန်မာ ကုန်သွယ်ရေးရုံး ဖွင့်လှစ်မည်

ရုပ်ရှင် အစည်းအရုံးမှ ဘုန်းတော်ကြီးကျောင်းများ အတွက် လှူဒါန်း ပစ္စည်းများ ရခိုင်သို့ ရောက်ရှိ

မြန်မာနိုင်ငံ ရုပ်ရှင်အစည်း အရုံးမှ မောင်တောမြို့နယ် အတွင်း မီးရှို့ခံခဲ့ရသည့် ဘုန်းတော်ကြီး ကျောင်း (၈) ကျောင်းအတွက် လှူဒါန်းသည့် ပစ္စည်းများမှာ ရခိုင်တို့၏ မြို့တော် စစ်တွေသို့ ရောက်ရှိလာပြီ ဖြစ်ကြောင်း သတင်း  ရရှိသည်။
လှူဒါန်းသည့် ပစ္စည်းများထဲတွင် GSM တယ်လီဖုံးများ၊ မီးစက်များ၊ ဘုရားဆင်းထုတော်များ၊ ပလ္လင်များ၊
သင်္ကန်း- သင်းပိုင်များနှင့် စောင်များလည်း ပါဝင်ကြောင်း  သိရသည်။
အဆိုပါ ပစ္စည်းများကို ရန်ကုန်မှ စစ်တွေသို့ သယ်ယူလာပြီး ဒီဇင်္ဘာလ ၅ ရက်နေ့က အလိုတော်ပြည့် ဆရာတော်ကြီးကိုယ်တိုင် သက်ဆိုင်ရာ ဘုန်းတော်ကြီး ကျောင်းများသို့ အခမ်းအနား ပြုလုပ်ပြီး လွှဲပြောင်း ပေးအပ်လိုက်သည်ဟု စစ်တွေ အလိုတော်ပြည့်ကျောင်းမှ ဆရာတော် တစ်ပါး မိန့်ကြားသည်။
"ရန်ကုန်မှာ ရှိတဲ့ ရုပ်ရုပ် အစည်းအရုံးက လူတွေက မလာနိုင်တဲ့ အတွက် အလိုတော်ပြည့် ဆရာတော်ကြီးကို ကထိန်ပွဲမှာ ဆက်ကပ် လွှဲအပ်လိုက်တာကြောင့် ဆရာတော်ကြီးက အဲဒီ ပစ္စည်းတွေကို ဘုန်း ကြီးကျောင်း (၈)ကျောင်းက ဘုန်းကြီးတွေကို မနေ့က လွဲပေးလိုက် တာ ဖြစ်ပါတယ်" ဟု ပြောသည်။
ရုပ်ရှင် အစည်းအရုံး၏ အလှူပစ္စည်းများ လွဲပြောင်းပွဲ အခမ်းအနားကို အဆိုပါနေ့ နေ့လည်းပိုင်းက စစ်တွေမြို့ အလိုတော်ပြည့်ကျောင်းတွင် ကျင်းပရာ အနောက်ပိုင်းတိုင်း တိုင်းမှူး ဗိုလ်မှူးချုပ် ကိုကိုနိုင်၊ ရခိုင် ပြည်နယ် စီးပွားရေးနှင့် ကူသန်းရေးဝန်ကြီး  ဦးမြအောင် အပါအ၀င် ပြည်နယ် ၀န်ကြီး တချို့ တက်ရောက်ခဲ့သည်ဟု ဆိုသည်။
လှူဒါန်း ပစ္စည်းများကို မောင်တောသို့ စစ်တွေမှ တဆင့် သင်္ဘောဖြင့် ပို့ဆောင်သွားမည်ဟု ဆိုသည်။
မောင်တောမြို့နယ်တွင် ဇွန်လ ၈ ရက်နေ့က ဖြစ်ပွားခဲ့သော ဘင်္ဂလီ မူစလင်များ၏ ဆူပူ အကြမ်းဖက်မှု အတွင်း မောရ၀တီ ကျောင်း၊ သရီကုန်ဘောင်ကျောင်း၊ ကိုင်းကြီးကျောင်း၊ ခရေမြိုင်ကျောင်း၊ ရွှေရင်အေး ကျောင်းနှင့် ဗောဓိကုန်းကျောင်း အပါအ၀င် စုစုပေါင်း ၈ ကျောင်း မီးရှို့ခံရပြီး ပြာပုံဖြစ်ခဲ့ရသည်။
ဘုန်းတော်ကြီးကျောင်းများကို ရုပ်ရှင် အစည်းအရုံး ကူညီ လှူဒါန်းငွေဖြင့် ပြန်လည် တည်ဆောက်ထားပြီ ဖြစ်သော်လည်း ဘာသာရေးနှင့် သက်ဆိုင်သည့် အသုံးအဆောင်ပစ္စည်းများ လိုအပ်နေသေးသဖြင့် ယခုလို ပေးပို့ လှူဒါန်းခြင်း  ဖြစ်ကြောင်း သိရသည်။
ယခု အလှူပစ္စည်းများ စုစုပေါင်းတန်ဖိုးမှာ ကျပ်သိန်း ၁၀၀ ကျော်ဖိုးရှိကြောင်း သိရသည်။ မြန်မာ ရုပ်ရှင် အစည်းအရုံးသည် ရခိုင်နှင့် ကချင်အရေးတွင် ကျပ်ငွေ သိန်းပေါင်း ၂၀၀၀ ခန့်လှူဒါန်း ကူညီ ခဲ့သည်ဟု ဆိုသည်။
အလားတူ အဆိုပါ အခမ်းအနားတွင် ဘုန်းတော်ကြီးကျောင်း (၈)ကျောင်းအတွက်  အမေရိကန်ရောက် စေတနာ ရှင်များမှ လှူဒါန်း ထားသည့် အမေရိကန်ဒေါ်လာ ၃၀၀၀ နှင့် ညီမျှသည့် မြန်မာ ကျပ်ငွေ ၂၅ သိန်းခန့်ကိုလည်း အလို တော်ပြည့်ဆရာတော်ကြီးမှ သက်ဆိုင်ရာသို့ လွဲအပ်ပေးခဲ့သည်ဟု သိရသည်။

BNI

-