ပုသိမ်မြို့မှ ရန်ကုန်မြို့သို့ နေ့စဉ်ထွက်ခွာနေသော ခရီးသည်တင်လိုင်းကားခများကို ဇန်န၀ါရီလအတွင်း တိုးမြင့်ကောက်ခံသွားမည်ဖြစ်ကြောင်း ပုသိမ်ကားလက်မှတ်အရောင်းဌာနများထံမှ သိရှိ ရသည်။
ပုသိမ်-ရန်ကုန်ကားလက်မှတ်နှုန်းခမှာ သုံးထောင် ကျပ်ဖြစ်ပြီး ထပ်မံတိုးမြှင့်မည့် နှုန်းထားမှာ ကုန်သွယ်ခွန်(၁၅၀)ကျပ် အသက်အာမခံ (၁၀၀)ကျပ် နှင့် အခြားဝန်ဆောင်မှုအတွက် (၂၅၀)တိုးမြှင့်မည်ဖြစ်၍ ခရီးသည်တစ်ဦးတစ်တွက် (၃၅၀၀)ကျပ် ကျသင့်မည်ဖြစ်ကြောင်း သိရှိရသည်။
"နဂိုက ကုန်သွယ်လုပ်ငန်းခွန်ကို ကားဂိတ်တွေက စိုက်ပြီး ပေးသွင်းနေတာပါ။ အခု တိုးကောက်မယ့် ကုန်သွယ်ခွန်အကြောင်းကိုလည်း ခရီးသည်တွေသိအောင် ရှင်းပြသွားမှာပါ။ ၀န်ဆောင်မှုတွေအနေနဲ့ စနိုးတာဝါနဲ့ ရေသန့်ဘူးသေးလေးတွေ ပေးသွားမှာပါ။ ကားလိုင်းတွေ အားလုံးနဲ့ညှိပြီး တပြိုင်တည်း ကောက်ခံသွားမှာပါ။ "ဟု ရန်ကုန်-ပုသိမ် သို့မောင်းနှင်နေသော" မြင့်" ခရီးသွားလုပ်ငန်းမှ လက်မှတ် အရောင်းစာရေးက ပြောသည်။
ပုသိမ်မှရန်ကုန်သို့ နေ့စဉ်ပြေးဆွဲနေသော ကားလိုင်း(၁၀)လိုင်းခန့်ရှိပြီး ၀န်ဆောင်မှုအပြည့် ပေးထားကာ ယခင်ကတည်းက ယာဉ်စီးခတိုးမြှင့်ထားသော ဧရာရွှေစင်နှင့် ရွှေမန်းသူ ကားဂိတ်ယာဉ်လိုင်းများအနေဖြင့် ထပ်မံ တိုးမြှင့်သွားမည်မဟုတ်ဟု သိရသည်။
"တိုးကောက်မယ်ဆိုရင်တော့ ကားလက်မှတ်အပေါ်မှာလည်း အခွန်ဦးစီးတံဆိပ်တုံးရိုက်ပြီး ယာဉ်စီးခ ကုန်သွယ်ခွန်နဲ့ အသက်အာမခံကြေး စုစုပေါင်း ဘယ်လောက်ဆိုပြီး ဖော်ပြထားရင် ပိုကောင်းမယ် ဒါမှ ခရီးသွားတွေ နားလည်ပြီး အခွန်ဆောင်ချင်လာအောင် အခွန်ဦးစီးရော ကားဂိတ်တွေပါ ရှင်းပြဖို့ တာဝန် ရှိတယ်။ ဒီကခရီးသည်အများစုက နယ်တွေက ဖြစ်နေတော့ ချက်ချင်းနားမလည်နိုင်ဘူး" ဟု ပုသိမ်- ရန်ကုန် ခရီးသည်တစ်ဦးက ပြောသည်။
ထိုကဲ့သို့ အခွန်တိုးမြှင့်ကောက်ခံခြင်းနှင့် ပတ်သက်၍ ပုသိမ်မြို့နယ် အခွန်ဦးစီးဌာနမှ ပြည်သူများ အခွန် စနစ်ကို သိရှိပေးဆောင်နုိုင်ရေး အလေ့အကျင့်ပြုလုပ်ပေးခြင်းဖြစ်ပြီး နောက်ပိုင်းတွင် ပုသိမ်မြို့ကို အခြေပြုထွက်ခွာနေသော ကားလိုင်းများနှင့် ရေယာဉ်များအားလုံးပါ ကုန်သွယ်ခွန်ကို တိုးမြှင့်ကောက်ခံသွားမည်ဖြစ်ကြောင်း ရှင်းပြသည်။
"ကုန်သွယ်လုပ်ငန်းခွန်ဥပဒေကို အရင်ကတည်းက ပြဌာန်းထားတာပါ။ အဲ့ဒီအထဲက နောက်ဆက်တွဲ ဇယား(၇)မှာ ရထား ၊ ရေကြောင်း ၊ လေကြောင်းနဲ့ကုန်းလမ်းခရီးတွေမှာ ကုန်သွယ်လုပ်ငန်းခွန် ၅ရာခိုင်နှုန်း ကောက်ခံရမယ်လို့ ညွှန်ကြားထားပါတယ်။ အရင်က ၈ ရာခိုင်နှုန်းအထိ ကောက်ခံပြီး အခုမှ ၅ ရာခိုင်နှုန်းသာ ကောက်ခံတော့တာပါ။ " ဟု ပုသိမ်မြို့နယ် အခွန်ဦးစီးဌာနမှူးက ရှင်းပြသည်။
ပြည်တွင်းအခွန်ဦးစီးဌာန၏ မှတ်တမ်းများအရ မြန်မာနိုင်ငံ၏ အခွန်နှင့် GDP အချိုးမှာ ၃.၂၇ ရာခိုင်နှုန်း ရှိပြီး နှစ်စဉ် အခွန်ထမ်းဆောင်သူဦးရေမှာ တိုးလာသော်လည်း အာဆီယံနိုင်ငံများနှင့် ယှဉ်ပါက အလွန်နည်းပါးနေသေးကြောင်း သိရသည်။
မြန်မာနိုင်ငံတွင် ၂၀၁၁ခုနှစ်အထိ အခွန်ဆောင်သည့် ရာခိုင်နှုန်းမှာ တိုင်းပြည်လူဦးရေ၏ ၁(%) ရာခိုင်နှုန်းသာရှိကြောင်း သိရှိရသည်။
.JPG)
No comments:
Post a Comment
စာဖတ်သူများကွန်မန်.ပေးနိုင်ပါသည်။