နိုင်ငံတစ်ဝန်း လက်ပံတောင်း အရေး နောက်ဆက်တွဲ ဆန္ဒပြမှု များနှင့် ပတ်သက်၍ အဓိက လိုအပ်ချက်ကို သိလိုကြောင်း ဒေါ်အောင်ဆန်းစုကြည်က မေးခွန်း ထုတ်လိုက်သည်။
''ဘာအတွက် ဆန္ဒပြလဲဆိုတာ သိချင်ပါတယ်။ သိလို့ရှိရင် ဆန္ဒပြသူတွေ ရဲ့လိုအပ်ချက်တွေ၊ သဘောထား တွေ သိလို့ရှိရင် ပိုပြီးတော့ အဆင်ပြေအောင် လုပ်နိုင်မှာပေါ့။ အဲဒီဟာ ကတော့ အရေးကြီး ပါတယ်။ နောက်ပြီးတော့ ဘယ်လိုပဲဖြစ်ဖြစ် တရားဥပဒေ စိုးမိုးရေးကို ဦးထိပ် ထားရမယ်။ ဒါပေမဲ့လည်း နားလည်မှုနဲ့ အားလုံး အဆင်ပြေရေး ကိုလည်း ကျွန်မတို့ ဦးတည်ပြီးတော့ လုပ်သွားမှာပါ''ဟု ဒေါ်အောင်ဆန်း စုကြည်က ရန်ကုန်တိုင်းဒေသကြီး လွှတ်တော်တွင် မီဒီယာများနှင့်တွေ့ဆုံ စဉ် ပြောကြားခဲ့ခြင်းဖြစ်သည်။
လက်ရှိ လက်ပံတောင်းတောင်ကိစ္စ နှင့်ပတ်သက်၍ တစ်နိုင်ငံလုံးတွင် ဆန္ဒပြ မည့်သတင်းများ ထွက်ပေါ်နေသော ကြောင့် နောက်ပြန်လှည့်နိုင်မည့် လက္ခဏာများအဖြစ် နိုင်ငံရေးသမား အချို့က ဝေဖန်မှုများ ရှိနေသည်။
''ကျွန်မ ခဏခဏ ပြောတယ်။ ပြဿနာတွေက အခုလည်း ရှိမှာပဲ၊ နောင် လည်း ရှိမှာပဲ။ ဒီပြဿနာတွေကို ဘယ်ပုံဘယ်နည်းနဲ့ ဖြေရှင်းမယ်ဆိုတာ သာ အရေးကြီးတာ။ အကောင်းဆုံး ဖြေရှင်းပုံဖြေရှင်းနည်းတွေကို ကျွန်မတို့ သုံးနိုင်ရမယ်။ အခြေခံအားဖြင့်တော့ ဆွေးနွေးပြီးတော့ အပေးအယူ လုပ်နိုင် ရမယ်။ အပေးအယူ မလုပ်ဘဲနဲ့ ဒီကမ္ဘာကြီးမှာ ဘယ်လိုမှ မတိုးတက်နိုင် ဘူး'' ဟု ဒေါ်အောင်ဆန်းစုကြည်က ထပ်လောင်းပြောသည်။
မြန်မာပြည် အထက်ပိုင်းမှ သံဃာတော်များအဖွဲ့ကလည်း နိုင်ငံတော် သမ္မတနှင့် အစိုးရအဖွဲ့က ထိခိုက်ဒဏ်ရာ ရသူများကို အမြန်ဆုံး ဝန်ချတောင်းပန်ရန်၊ အကြမ်းဖက်နှိမ်နင်းမှုတွင် တာဝန်ရှိသူများအား ထိရောက်စွာအရေးယူရန်၊ ကြေးနီစီမံကိန်းနှင့်ပတ်သက်၍ ဖမ်းဆီးထားသူများအား ချက်ချင်း ပြန်လွှတ်ရန်၊ ကြေးနီစီမံကိန်း ကို ဒေသခံများနှင့်ပြည်သူများက ကျေနပ်လက်ခံအောင် ဆောင်ရွက်ပေး ရန်၊ ဒီမိုကရေစီအစိုးရတစ်ရပ် ပေါ် ပေါက်လာရန်နှင့်နောက်နောင်တွင် ယခုကဲ့သို့အကြမ်းဖက်မှု မပေါ် ပေါက်စေရန် လွှတ်တော်များနှင့် အစိုးရတွင် ပါဝင်လျက်ရှိသော တပ်မတော်သားများ အမြန်ဆုံးနုတ် ထွက်ပေးရန်ဟူ၍ အချက်(၅)ချက် ကို ထုတ်ပြန်ခဲ့ပြီး လိုက်လျောခြင်း မရှိပါက ဒီဇင်ဘာ ၁၂ ရက်နေ့ တွင် နိုင်ငံအဝန်းဆန္ဒဖော်ထုတ်သွားမည် ဟု သိရသည်။
''နောက်ကြောင်းပြန် လှည့်နိုင်မလှည့်နိုင်ဆိုတာ ကျွန်မတို့ရဲ့လက်ထဲမှာ ရှိတယ်။ ဘယ်ပုဂ္ဂိုလ်တစ်ဦးရဲ့ လက်ထဲမှာမှ မရှိဘူး။ ဒီနိုင်ငံက နိုင်ငံသူနိုင်ငံ သားတွေ လက်ထဲမှာပဲ ရှိပါတယ်''ဟုဒေါ်အောင်ဆန်းစုကြည်က ဒီမိုကရေစီ အရေး နောက်ပြန်လှည့်နိုင်ခြင်းကိစ္စနှင့် ပတ်သက်၍ ၄င်း၏ယုံကြည်ချက်ကို
ချပြခဲ့သည်။
ထို့ပြင် နိုင်ငံရေးအရ နောက် ပြန်လှည့် မလှည့်ဆိုသည့်ကိစ္စသည် ပြည်သူ များ၏ဆန္ဒအပေါ် မူတည်ပါ ကြောင်း၊ ပြည်သူကို မေးကြည့်လျှင် မည်သို့ မျှ နောက်ပြန်လှည့်လိုသည့် ဆန္ဒရှိမည်မဟုတ်ကြောင်း၊ ပြည် သူက နောက်ပြန်မလှည့်လိုသည့် အတွက် မိမိတို့ကလည်း နောက်ပြန် မလှည့်နိုင်အောင် ကြိုးစားသွားမည်ဖြစ်ကြောင်း နိုင်ငံတော်သမ္မတ ဦးသိန်း စိန်က ပြည်တွင်းပြည်ပမီဒီယာများနှင့် ပထမဆုံးအကြိမ် တွေ့ဆုံပွဲ တွင် ပြောကြားခဲ့သည်။
ယင်းကိစ္စနှင့် ပတ်သက်၍ ပြည်သူ့လွှတ်တော် ဒုတိယဥက္ကဋ္ဌက ''သူတို့ စိတ်ကူးနဲ့သူတို့ လုပ်ချင်တာ လုပ်တာပဲလေ။ အရေးကြီးတာက ဒီနေ့ အလုပ်ကို ဘယ်လိုလုပ်ရမလဲ၊ မနက်ဖြန် ထမင်းဘယ်လိုစားရမလဲ၊ လူတွေက ကိုယ့်တာဝန်ကိုယ်ထမ်း တာ။ ကျန်တဲ့အလုပ်တွေ လိုက်ပြီး စဉ်းစားနေဖို့ မလွယ်ဘူး။ ဒီနေ့ ပြီးသွားတဲ့အလုပ်တွေ၊ နက်ဖြန်လာမယ့် အလုပ်တာဝန်တွေကို ဘယ် လိုလုပ်မလဲဆိုတာကို စဉ်းစားရမယ်။ ဒီကိစ္စမှာ မှားတယ်မှန်တယ် ဆိုတာဆုံးဖြတ်ပိုင်ခွင့်မရှိတဲ့ သဘော မှာလူတွေကလည်း ကိုယ်ပြောချင် တာပြောကြတာပဲ။ အားလုံး နားလည်သွားကြပါလိမ့်မယ်'' ဟု ပြော ကြားခဲ့သည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။