ဓာတ်အားပေးစက်ရုံ တည်ဆောက်ရန် လျာထားသော မြေနေရာအား ရှင်းလင်းထားစဉ် ရွှေ့ပြောင်းရမည့် လော့လော့ရွာ မူလတန်းကျောင်း
တနင်္သာရီတိုင်း ဒေသကြီး၊ မြိတ်မြို့နယ်၊ လော့လော့ကျေးရွာရှိ မီဂါဝပ် ၅၀ ထုတ်လုပ်နိုင်သော ကျောက်မီးသွေးသုံး လျှပ်စစ်ဓာတ်အားပေး စက်ရုံတည်ဆောက်ရန် အတွက် လျာထားသော မြေနေရာတွင် ရှင်းလင်းမှုများ ပြုလုပ်နေပြီဖြစ်ကြောင်း သိရသည်။
ယင်းစက်ရုံ တည်ဆောက်ရန်အတွက် တိုင်းဒေသကြီး အစိုးရနှင့် သန်းဖြိုးသူ ကုမ္ပဏီတို့ ၂၀၁၂ ခုနှစ် ဇူလိုင် ၂၇ ရက်တွင် လက်မှတ်ရေးထိုးထားကြောင်း သိရသည်။ အဆိုပါ ကျောက်မီးသွေးစက်ရုံ တည်ဆောက်ရန်အတွက် ဒေသခံများကြားတွင် ထောက်ခံသူများနှင့် ကန့်ကွက်သူများ ရှိနေပြီး ၂၀၁၂ ခုနှစ်အတွင်း အပြန်အလှန် ဆန္ဒထုတ်ဖော်မှုများ ပြုလုပ်ခဲ့ကြောင်း သိရသည်။
"စက်ရုံတည်ဆောက်ဖို့အတွက် လော့လော့မှာ မြေဧက ၁၀၄ ဧက လာရောက်ဝယ်ယူထားပြီး အခု စတင်ရှင်းလင်း နေပါပြီ။ ရှင်းလင်းနေတာက နှစ်ပတ်လောက်ရှိပြီး အခု ၂၅ ဧကလောက် ပြီးနေပါပြီ။ ကျောက်မီးသွေး စက်ရုံနှင့် ပတ်သက်ပြီး နေရာကပ်လျက် ရှိနေတဲ့ လော့လော့ မူလတန်း ကျောင်းလေးကိုလည်း ရွှေ့ဖို့အစီအစဉ် ရှိတယ်လို့ သိရတယ်။ ကျေးရွာသူ၊ ကျေးရွာသားတွေနဲ့ ရပ်မိရပ်ဖတွေရဲ့ သဘောထားကိုယူပြီး လက်ရှိနေရာကနေ တစ်မိုင်နီးပါးလောက်ရှိတဲ့ ရွာအတွင်းကို ရွှေ့ဖို့လုပ်နေပါတယ်။ ဒီရွာမှာ စက်ရုံကို လိုလားတဲ့သူက အတော်နည်းကြပါတယ်" ဟု လော့လော့ကျေးရွာ အုပ်ချုပ်ရေးမှူး ဦးကျော်လွင်က ပြောကြားခဲ့သည်။
မူလတန်းကျောင်းအား ရွှေ့ပြောင်းရန်အတွက် ဇွန် ၂ ရက်က ကျောက်မီးသွေးစက်ရုံ တည်ဆောက်ရန် ဦးဆောင်လှုပ်ရှားနေသူ တစ်ဦးဖြစ်သူ ဦးမြင့်စိုးနှင့် လူ ၂၀ ခန့် ကျောင်းအုပ်ဆရာမနှင့် တွေ့ဆုံခဲ့ကြောင်း သိရသည်။ "ကျွန်မတို့ကျောင်းက ပုံစံ ၁၀၅ ရှိတဲ့ ကျောင်းပါ။ နှစ်ဧကရှိတဲ့ ကျောင်းဝင်းထဲမှာ တည်ဆောက်ထားတာဖြစ်ပြီး လက်ရှိကျောင်းသားကျောင်းသူ ၇၀ ကျော် တက်ရောက် ပညာသင်ကြား နေပါတယ်။ ကျွန်မတို့က တိုင်းပြည်ဝန်ထမ်း ဖြစ်တဲ့အတွက် အဲဒီစာသင်ကျောင်းပြောင်းတာ မပြောင်းတာကို မပြောလိုပါဘူး" ဟု လော့လော့ မူလတန်းကျောင်းအုပ် ဆရာမကြီးက ပြောကြားခဲ့သည်။
ကျောက်မီးသွေးသုံး လျှပ်စစ်ဓာတ်အားပေး စက်ရုံကို လော့လော့နှင့် သမုတ်စံပြကျေးရွာကို ခြားထားသော သမုတ်မြစ်ကမ်း အနီးတွင် ကပ်လျက်တည်ဆောက်မည်ဖြစ်ကာ စက်ရုံတည်ဆောက်မည့် နေရာနှင့် အနီးနားတွင်ရှိသော ကျေးရွာများတွင် လူဦးရေ ထောင်ချီနေထိုင်ကြကြောင်း သိရသည်။ "အခုမြေနေရာ လာရှင်းနေပေမယ့် ကျွန်တော်တို့ ဘာမှပြောခွင့် မရှိပါဘူး။ သူတို့ဝယ်ထားတဲ့ မြေကိုး။ ဒါပေမဲ့ စက်ရုံစဆောက်မယ် ဆိုတာနဲ့ ရတဲ့နည်းနဲ့ ကန့်ကွက်မှာပဲ" ဟု ရွာခံတစ်ဦးက ပြောကြားခဲ့သည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။