ရုပ်သေး အလုပ်ရုံအတွင်း ထုလုပ်ထားသည့် လက်ဆောင်ရုပ်သေး ရုပ်များအား တွေ့ရစဉ်
မန္တလေးမြို့ရှိ ရုပ်သေးလုပ်ငန်းများတွင် လက်ဆောင်ရုပ်သေး လုပ်ငန်းလုပ်ကိုင်သူ အနည်းငယ်သာ ကျန်ရှိပြီး ရုပ်ထုလုပ်ခြင်းမှာ ပျောက်ကွယ်လုနီးပါး ဖြစ်ကြောင်း ရုပ်သေးထုလုပ် သူများနှင့် ရုပ်သေးပညာရှင်များထံမှ စုံစမ်းသိရှိရသည်။
မြန်မာ့ရိုးရာ လက်မှုအနုပညာ တစ်ရပ်ဖြစ်သော ရုပ်သေးပန်းပု လုပ်ငန်းများ တဖြည်းဖြည်း မှေးမှိန်လာရသည်မှာ ကုန်ကြမ်းရရှိမှု နည်းပါလာခြင်း၊ ပြည်တွင်းဈေးကွက်ထက် နိုင်ငံခြားခရီးသွား ရာသီဈေးကွက်ကိုသာ အဓိကအားထား လာရခြင်း ပြီးခဲ့သည့် နှစ်များက နိုင်ငံရေး အခြေအနေနှင့် နိုင်ငံခြားခရီးသွား လာရောက်မှု နည်းပါးခဲ့ခြင်းကြောင့် ရုပ်သေးပန်းပု လုပ်ကိုင်သူများ လျော့နည်းလာခဲ့ကြောင်း သိရှိရသည်။
"ရုပ်သေးပန်းပု လုပ်ငန်းတွေ မကောင်းတော့တာ ဆယ်စုနှစ်နီးပါး ရှိပြီ။ အရင်က တစ်ရပ်ကွက်လုံးနီးပါး ရုပ်သေးလုပ်ငန်းပဲ လုပ်ကြတာ။ အခုနောက်ပိုင်း သစ်သားကုန်ကြမ်း ရှားလာတယ်။ ဈေးကွက်လည်း မကောင်းတော့ လုပ်ကိုင်သူ ငါးဦးလောက်ပဲ ရှိတော့တယ်။ ဟိုတုန်းက တစ်ရက်ကို ရုပ်သေးခေါင်း ၉၀ လောက် ထုရတယ်။ အခုတော့ ၁၅ ခေါင်းလောက်ပဲ ထုရတယ်" ဟု ရုပ်သေးပန်းပု လုပ်ငန်းအများစု လုပ်ကိုင်သည့် သီတာအေး (၉၀၁) ရပ်ကွက်မှ ရုပ်သေးပန်းပု ဆရာတစ်ဦးက ပြောကြားသည်။
ရိုးရာလက်မှု အနုပညာ ပစ္စည်းအရောင်းဆိုင်များတွင် ခြောက်လက်မမှ နှစ်ပေခွဲ ရုပ်သေးများသာ အများဆုံး ရောင်းချရပြီး ရိုးရာရုပ်သေး ပန်းပုရုပ်များကို ပြင်သစ်၊ စပိန်နှင့် ဂျာမနီနိုင်ငံသားများ အများဆုံး စိတ်ဝင်တစား ၀ယ်ယူအားပေးကြကြောင်း မြန်မာ့ရိုးရာ လက်မှုအနုပညာ ပစ္စည်းအရောင်းဆိုင်များမှ သိရှိရသည်။
"ရုပ်သေးပန်းပု ဆရာတွေထဲမှာ ကရုပ်ထုနိုင်တဲ့သူက လက်ချိုးရေလို့ ရတယ်။ အခုနောက်ပိုင်း ကဇာတ်ရုံကို ပညာလာသင်တဲ့ လူငယ်တွေကလည်း ရုပ်သေးကတဲ့ ပညာရပ်ကိုပဲ စိတ်ဝင်စားကြတယ်။ အဓိကကျတဲ့ ရုပ်သေးရုပ်လုပ်တဲ့ ပညာရပ်ကို စိတ်မ၀င်စားကြဘူး။ အခုနောက်ပိုင်း ပြည်တွင်းက လူတွေလည်း ရုပ်သေးရုပ်လေးတွေ လာဝယ်တာ တွေ့ရတော့ ရုပ်သေးလုပ်ငန်းတွေအတွက် ၀မ်းသာစရာ တစ်ခုပါ" ဟု မန္တလေးမြို့တွင် တစ်ခုတည်းသာ ကျန်ရှိသည့် ဒေါ်မမနိုင် ရုပ်aသးကဇာတ်ရုံမှ ရုပ်သေးပညာရှင် ဦးသန်းညွှန့်က ပြောကြားပါသ
No comments:
Post a Comment
စာဖတ်သူများကွန်မန်.ပေးနိုင်ပါသည်။