ရှမ်းပြည်နယ် မြောက်ပိုင်းကျောက်မဲမြို့နယ်၌ ဧပြီ(၁)ရက် နံနက်(၁)နာရီခန့်က မိုးသက်လေပြင်း ကျရောက် ခဲ့သော်လည်း ဒေသတွင်း၌ လျှပ်စစ်မီးပြတ်တောက်မှုမရှိခဲ့ကြောင်း ဒေသခံများထံက သိရှိရသည်။
"မနေ့ညက လေအရမ်းတိုက်တယ်၊ မိုးရွာတာက တစ်နာရီလောက်တော့ ကြာမယ်၊ ဒါပေမဲ့ ရေသိပ်မပါဘူး၊ ထူးခြားတာ တစ်ခုကတော့ မီးမပျက်တာဘဲ၊ ခါတိုင်း (၁၅)မိနစ်လောက် မိုးရွာရင်ကို မီးကပျက်နေပြီ" ဟု ကျောက်မဲမြို့၊ အမှတ်(၈)ရပ်ကွက်နေ အမျိုးသမီးတစ်ဦးက ပြောသည်။
ကျောက်မဲမြို့ပေါ်၌ မီးမပျက်ခြင်းမှာ ဧပြီ(၂၈)ရက်နေ့က အန္တရာယ်ရှိနိုင်သည့် သစ်ကိုင်းများကို ရှင်းလင်းထားခြင်းကြောင့် ဖြစ်နိုင်ကြောင်း ကျောက်မဲ EPC ရုံးတာဝန်ရှိသူတစ်ဦးက ဆိုသည်။
မိုးသက်လေပြင်းကျရောက်ခဲ့ခြင်းကြောင့် လူအသေအပျောက်မရှိသော်လည်း ကျေးရွာအချို့ရှိ နေအိမ်များ ပျက်စီးမှု အနည်းငယ်ရှိခဲ့သည်ဟု ဒေသခံတို့က ဆိုသည်။
"ည(၁)နာရီခွဲလောက်ကနေ (၂)နာရီခွဲလောက် အထိ လေရောမိုးပါရွာတယ်၊ မိုးရေသိပ်မများပေမယ့် လေတိုက် တာတော့ပြင်းတယ်၊ အိမ်လေးလုံးလောက် သွပ်မိုးတွေလန်သွားတယ် လူကို ထိခိုက်တာ တော့မရှိဘူး" ဟု ကျောက်မဲမြို့နယ် နားအိုက်ခန့်ကျေးရွာနေ ရှမ်းအမျိုးသမီးတစ်ဦးက ပြောသည်။
ကျောက်မဲမြို့နယ်အတွင်းရှိ မြေပြန့်ကျသောကျေးရွာများဖြစ်သည့် ခိုက်တုန်ဟိုးကျေးရွာ၊ ခဲမွန်းရွာ နှင့် နားအိုက်ခန့်ကျေးရွာများတွင် မေလ နံနက်(၁)နာရီဝန်းကျင်မှစ၍လေပြင်းများတိုက်ခတ်သွားခဲ့ပြီး လေပြင်း တိုက်ခတ်မှုကြောင့် ခဲမွန်းကျေးရွာကိုဖြတ်သန်းသွားသော မန္တလေး-လားရှိုးအမြန်လမ်းမကြီးနံဘေးရှိ မယ်ဇလီပင်အချို့ လဲကျခဲ့သည်ဟု သိရသည်။
"ကားလမ်းဘေးက မယ်ဇလီပင်တစ်ချို့ လဲကုန်တော့ လမ်းခဏပိတ်သွားတယ်၊ ဒီလိုပဲဝိုင်းပြီးရှင်းလင်း လိုက် ရတာပေ့ါ မနက်ထိအပင်တစ်ချို့ကိုရှင်းနေရတုန်းပဲ၊ တဲသုံးလေးလုံးလောက်တော့အမိုးတွေ လန်သွားတယ်၊ ထိခိုက်မိတာမျိုးတော့ မရှိပါဘူး'' ဟု ခိုက်တုန်ဟုန်းကျေးရွာရှိ ရွာသားတစ်ဦးက ပြောသည်။
လေပြင်းတိုက်ခတ်ခြင်းကြောင့် ပျက်ဆီးသွားသည့် အိမ်အချို့ကိုလည်း ရပ်ကွက်နေ ဒေသခံများက ၀ိုင်းဝန်းပြင်ဆင်မှုများ ပြုလုပ်ပေးလျက်ရှိသည်ဟု သိရှိရသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။