2012-12-05
ကချင်ပြည်နယ်နဲ့ ရခိုင်ပြည်နယ်အတွင်း က ဒုက္ခသည်ပြည်သူတွေအတွက် ပန်းခရမ်းပြာ၏ အိပ်မက်များ ဂီတအဖွဲ့က အလှူငွေပေးအပ်ပွဲ အခမ်းအနားကို ရန်ကုန်မြို့ မြောက်ဒဂုံမှာရှိတဲ့ နာရေးကူညီမှုအသင်း(ရန်ကုန်)မှာ ဒီဇင်ဘာလ ၅ ရက် ဒီကနေ့ ကျင်းပခဲ့ပါတယ်။
နာရေးကူညီမှုအသင်း(ရန်ကုန်)မှာကျင်းပတဲ့ ကချင်နဲ့ ရခိုင်ပြည်နယ်က ဒုက္ခသည်တွေအတွက် ပန်းခရမ်းပြာ၏အိပ်မက်များ ဂီတအဖွဲ့ အလှူငွေပေးအပ်နေစဉ်
အမေရိကန်နိုင်ငံမှာရှိတဲ့ ပြည်သူ့ဂုဏ်ရည်အဖွဲ့ရဲ့ဖိတ်ကြားချက်အရ နာရေးကူညီမှုအသင်း(ရန်ကုန်)က ဒုဥက္ကဌ ဆရာမဒေါ်သန်းမြင့်အောင်၊ ရာသက်ပန် အသင်းဝင်တွေဖြစ်တဲ့ မဇ္ဈိမ ဦးရဲလွင်နဲ့ တေးရေး၊ တေးဆို ကိုဆောင်းဦးလှိုင် တို့ဟာ အမေရိကန်နိုင်ငံက ပြည်နယ် ၉ ခုလောက်မှာ ရံပုံငွေ ရှာဖွေပွဲတွေ ကျင်းပခဲ့ပါတယ်။ သူတို့ရရှိတဲ့ အလှူငွေတွေကို ရခိုင်နဲ့ ကချင်ပြည်နယ်က ဒုက္ခသည်တွေကို ကူညီသွားမယ်လို့ ဆိုပါတယ်။ ပြည်နယ်တစ်ခုကို သိန်း ၁၅ဝ စီ အသီးသီး လှူဒါန်းမယ်လို့ သိရပါတယ်။
ကချင်ြပည်နယ်က ဒုက္ခသည်တွေအတွက် ရရှိတဲ့ရန်ပုံငွေတွေကို ၈၈ မျိုးဆက်ကျောင်းသားများအဖွဲ့က လက်ခံပေးပို့ပေးမှာဖြစ်ပြီး ရခိုင်ပြည်နယ်တွင်းက ဒုက္ခသည်တွေအတွက်ကိုတော့ နာရေးကူညီမှုအသင်း(ရန်ကုန်)က လက်ခံပေးပို့မှာဖြစ်တယ်လို့ သိရပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။