မန္တလေးမြို့ ဆရာတော်ဦးဝီရသူ တရားပွဲတွင် ပေါက်ကွဲမှုမှ တရားခံအား ဖမ်းဆီးရမိရေး မြို့ဝင်/မြို့ထွက်များ၌ မသင်္ကာသူများကို ပိတ်ဆို့စစ်ဆေးနေ

ဇူလိုင် ၂၁ ရက်တွင် မန္တလေးမြို့၊ သဟပုညကာရီ ဘုံဆွမ်းလောင်း အသင်းမှ ငါးနှစ်ပြည့် အထိမ်းအမှတ်အဖြစ် တရားပွဲကျင်းပခဲ့ရာ ငါးရက်မြောက်နေ့ ဖြစ်သည့် ဆရာတော် ဦးဝီရသူ တရားပွဲညတွင် ပေါက်ကွဲခဲ့သည့်ဗုံးမှာ သံကြွပ်စ ထည့်သွင်း ပြုလုပ်ထားသည့် လက်လုပ်ဗုံးဟု ယူဆကြောင်း မန္တလေးတိုင်း ရဲတပ်ဖွဲ့မှူးရုံးမှ သိရသည်။

အဆိုပါ ပေါက်ကွဲမှုဖြစ်စဉ်နှင့် ပတ်သက်ပြီး မန္တလေးတိုင်း ရဲတပ်ဖွဲ့မှူးရုံးမှ တရားခံ ဖမ်းမိရေးအတွက် မြို့ဝင်/မြို့ထွက်များတွင် မသင်္ကာသူများကို ပိတ်ဆို့စစ်ဆေးမှုများ ပြုလုပ်လျက်ရှိကြောင်း သိရသည်။

ဖြစ်စဉ်မှာ ယင်းနေ့ည ၉ နာရီ အချိန်ခန့်တွင် မဟာအောင်မြေမြို့နယ်၊ ရတနာဘုမ္မိ အနောက်ရပ်ကွက်၊ ၃၆ လမ်း၊ ၈၄ လမ်းနှင့် ၈၅ လမ်းကြား ဒေါက်တာတင်မြင့်ပိုင် ၇က/ ၃၀၂၀ တိုယိုတာကိုရိုလာ အဖြူရောင်ယာဉ် အနီးမှ ဗြောက်အိုးကွဲသံကဲ့သို့ အသံဖြစ်ပေါ်ပြီး ယာဉ်၏ နောက်ဘီးနှစ်ဘီးနှင့် ရှေ့ယာဘီးတို့ ဘီးပေါက်ခဲ့ကြောင်း သိရသည်။

အဆိုပါ ဖြစ်စဉ်နှင့် ပတ်သက်ပြီး ရဲမှူးဦးစိုးညိမ်းက ''ပေါက်ကွဲမှုဖြစ်ခဲ့တဲ့ ယာဉ်အနီးကနေ သံကြွပ်အစငယ် လေးခုခန့် တွေ့ရှိခဲ့တယ်။ ယာဉ်ရဲ့ ယာဘက်နောက်တံခါးမှာ အစငယ်အချို့ ထိမှန်ထားတဲ့အရာ ၃/၄ ချက်ခန့် ထိမှန်တာကြောင့် ယာဉ်အောက်မှာရှိတဲ့ ဆီတိုင်ကီ အနည်းငယ်ပေါက်ပြီး ဆီယိုစိမ့်နေတာကို တွေ့ရှိခဲ့တယ်။ ဖြစ်စဉ်နဲ့ ပတ်သက်ပြီး မသင်္ကာဖွယ်ရာ အခြေအနေ ရှိသူတွေကို စုံစမ်းဖို့ မြို့ဝင်/မြို့ထွက် ထူးခြားမှုတွေကို စောင့်ကြည့်ဖို့ ရဲတပ်ဖွဲ့ဝင်တွေ စုဖွဲ့ပိတ်ဆို့ ဆောင်ရွက်နေပါတယ်'' ဟု ဆိုသည်။

ပေါက်ကွဲမှုကြောင့် ကိုရင် ရှင်ပညာသာမိ၊ မြတောင်ကျောင်းတိုက် ယာခြေသလုံး ပွန်းပဲ့ဒဏ်ရာ၊ မပန်းနုအောင် ၂၄ နှစ် ယာခြေသန်း ပွန်းပဲ့ဒဏ်ရာ၊ ဒေါ်အေးခင် ၄၆ နှစ် ၀ဲခြေသလုံး ပွန်းပဲ့ဒဏ်ရာ၊ ဦးကျော်ဦး ၃၆ နှစ် ၀မ်းဗိုက်ယာဘက် ပွန်းရှဒဏ်ရာ၊ အသက် ၆၀ နှစ်ခန့်ရှိ အမျိုးသမီးတစ်ဦး စကားမပြောတတ် (စိစစ်ဆဲ) မှာ ယာပေါင် ပေါက်ပြဲဒဏ်ရာများ ရရှိပြီး ဒေါ်အေးခင်မှာ မန္တလေး ဆေးရုံကြီးသို့ ပို့ဆောင်ခဲ့ကြောင်း သိရသည်။

ဗုံးပေါက်ကွဲမှု ဖြစ်ပွားရာနှင့် ပတ်သက်၍ ဖြစ်စဉ်အနီးတွင် နေထိုင်သူ တစ်ဦးက ''ပထမ ကြားလိုက်ရတာက ၀ုန်းဆိုတဲ့ အသံကို ကြားလိုက်ရတယ်။ တရားပွဲကလည်း မပြီးသေးဘူး။ မိုက်သံနဲ့ဆိုတော့ ပေါက်ကွဲသံက ပိုကျယ်တာကို သတိထားမိတယ်။ နိဗ္ဗာန်ဆော်က ကြေညာတာက ကားဘီးပေါက်တာလို့ ကြေညာပါတယ်။ နောက်မှ ဗုံးပေါက်တယ်ဆိုပြီး ရဲတပ်ဖွဲ့တွေနဲ့ စစ်သားတွေက လုံခြုံရေးနဲ့ ဗုံးရှင်းလင်းရေးတွေ လုပ်တာ တွေ့ရပါတယ်'' ဟု ၎င်းမြင်တွေ့ခဲ့ရပုံကို ပြောပြသည်။

ပေါက်ကွဲမှု ဖြစ်စဉ်နှင့် ပတ်သက်ပြီး စအရ (၉၁၀) နှင့် တာဝန်ရှိသူများက ဆက်လက် စိစစ်ခဲ့ရာ အခင်းဖြစ်ပွားသည့် အနီးပတ်ဝန်းကျင်တွင် နှစ်စင်တီမီတာခန့်ရှိ သံကြွပ်စ ၁၀ ခုခန့် ရှာဖွေတွေ့ရှိခဲ့သည်။ ပေါက်ကွဲမှု ဖြစ်ပွားရခြင်း အကြောင်းရင်းမှာ သံကြွပ်စ ထည့်သွင်းပြုလုပ်ထားသည့် ဒေသန္တရ လက်လုပ်ဗုံးဟု ယူဆရပြီး ပေါက်ကွဲစေနိုင်သည့် ပစ္စည်းဖြင့် ပေါက်ကွဲမှုဖြစ်အောင် ဆောင်ရွက်ခဲ့ခြင်း ဖြစ်ကြောင်း အဆိုပါ စစ်ဆေးချက်အရ သိရသည်။

''ပေါက်ကွဲမှု ဖြစ်တဲ့အချိန်မှာ တရားပွဲ ကျင်းပနေတာ မပြီးသေးဘူး။ ပေါက်ကွဲမှုကြောင့် တရားပွဲက ခဏရပ်နားသွားတယ်။ တရားနာလာတဲ့ သူတွေလည်း ရုတ်ရုတ်သဲသဲ ဖြစ်သွားတယ်။ တချို့ပြန်သွားကြပြီး စိုးရိမ်စိတ်တွေကြောင့် ပြန်မလာကြတော့ဘူး။ တရားပွဲကတော့ ဆရာတော်က ရေစက်ချဖို့ ကျန်နေသေးတာကြောင့် ဆက်ပြီး ဟောသွားခဲ့ပါတယ်'' ဟု တရားနာ ပရိသတ်တစ်ဦးက ဆိုသည်။

''ပေါက်ကွဲမှု ဖြစ်သွားတဲ့ကားက သမီးဆရာဝန်မ အပြင်က ပြန်လာချိန်မှာ ရပ်နေကျ နေရာမှာပဲ ရပ်ထားခဲ့တာပါ။ နေ့တိုင်း ဒီလိုပဲ ရပ်ထားနေကျလည်း ဖြစ်ပါတယ်။ ပေါက်ကွဲမှုကြောင့် ကားဘီးသုံးဘီး ပေါက်ပြီးတော့ ကားဘော်ဒီလည်း ထိခိုက်သွားတယ်။ အနီးနားမှာ ရှိနေတဲ့ လူငါးဦးလည်း ထိခိုက်ဒဏ်ရာတွေ ရသွားတာကို သိလိုက်ပါတယ်'' ဟု ပေါက်ကွဲမှု ဖြစ်ခဲ့ရသည့် ကားပိုင်ရှင်၏ မိခင်ဖြစ်သူက ပြောကြားသည်။

အဆိုပါ ပေါက်ကွဲမှု ဖြစ်စဉ်နှင့် ပတ်သက်ပြီး မြို့မရဲစခန်း (မဟာအောင်မြေ) မှ (ပ) ၄၅၉/၂၀၁၃ ပြစ်မှုပုဒ်မ ၂၈၆ အရ အမှုဖွင့် စုံစမ်းဆောင်ရွက်လျက် ရှိကြောင်း သိရသည်။

အင်းယားလမ်းရှိ ဖက်ရှင်ဆိုင် တစ်ဆိုင်မှ ကျပ်သိန်း ၇၀၀ ကျော် တန်ဖိုးရှိ အထည်များ ဖောက်ထွင်းခိုးယူမှုတွင် ပါဝင်ကျူးလွန်ခဲ့သူ သုံးဦးကို ဖမ်းမိ

ကမာရွတ်မြို့နယ် အင်းယားလမ်းရှိ ဖက်ရှင်ဆိုင် တစ်ဆိုင်၌ ဇူလိုင် ၂၁ ရက်က ကျပ်သိန်း ၇၀၀ ကျော်တန်ဖိုးရှိ အ၀တ်အထည်များ ဖောက်ထွင်းခိုးယူ ခံရမှုမှ ကျူးလွန်သူများအနက် သုံးဦးကို ဇူလိုင် ၂၂ ရက်က ဖမ်းဆီးရမိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။

ဖြစ်စဉ်မှာ ဇူလိုင် ၂၁ ရက် နံနက် ၁၀ နာရီခန့်တွင် ကုန်းမြင့်ရိပ်သာလမ်း၊ ၆ ရပ်ကွက်၊ မရမ်းကုန်း မြို့နယ်နေ ဒေါ်နီလာမြင့် (၄၀)နှစ်သည် ၎င်းပိုင်ဆိုင်သည့် ကမာရွတ်မြို့နယ်၊ ၁၀ ရပ်ကွက်၊ အင်းယားလမ်းရှိ MIB ဖက်ရှင်ဆိုင်အား ဖွင့်လှစ်ရန်သွားရာ ဆိုင်ကိုသော့ခတ် ထားခဲ့သော သံပန်းတံခါး သော့နှင့် အတွင်းမှတ် တံခါးသော့မှာ ပျက်စီးနေကြောင်း သိရသဖြင့် ဆိုင်အတွင်းသို့ ၀င်ရောက် စစ်ဆေးခဲ့ကြောင်း သိရသည်။

ထိုသို့ ၀င်ရောက် စစ်ဆေးကြည့်ရာ စုစုပေါင်းကျပ် ၇၂၉ သိန်းကျော် တန်ဖိုးရှိ ဖိနပ်၊ အင်္ကျီ၊ ဘောင်းဘီ၊ ခါးပတ်၊ ဖုန်းတို့ ပျောက်ဆုံးလျက် ရှိကြောင်း တွေ့ရှိခဲ့ရသည်။

ထိုသို့ ဖောက်ထွင်းခိုးရခံရမှုကို ကမာရွတ်မြို့နယ် မြို့မရဲစခန်းသို့ တိုင်ကြားခဲ့ပြီး ကမာရွတ် ရဲစခန်းက (ပ) ၃၂၆/၁၃ ဖြင့် အမှုဖွင့်ခဲ့ကြောင်း သိရသည်။

ယင်းနောက် အဆိုပါအမှုနှင့် ပတ်သက်၍ ရန်ကုန်တိုင်း ဒေသကြီး၊ ရဲတပ်ဖွဲ့မှူးရုံး၊ တိုင်းအကူတပ်ဖွဲ့ခွဲ၊ အုပ်ချုပ်မှုတပ်ခွဲ၊ မှုခင်းအကူဌာနစုမှ တပ်ဖွဲ့ဝင်များက နယ်မြေအတွင်း သတင်းစုံစမ်း ဆောင်ရွက်ခဲ့ရာ အမှုကျူးလွန်သူများ ဖြစ်သည့် သာကေတမြို့နယ်နေ ဝေဠု(ခ)နေ၀င်း၊ ရာဂျား(ခ)အေးလွင်နှင့် ဒလမြို့နယ်နေ စိန်သိုက်(ခ)ဘာဘူတို့အား ဖမ်းဆီးရမိခဲ့ပြီး ကျန်ကျူးလွန်သူများ ဖြစ်သည့် ကြွက်မြီး (ခ) ကျော်မြင့်၊ ပဲဖောနှင့် ကျားကြီး(ခ)မျိုးဌေးမောင် တို့သုံးဦးကို ဖမ်းဆီးရမိရေး ဆောင်ရွက်လျက် ရှိသည်။

အဆိုပါ ဖြစ်စဉ်နှင့် ပတ်သက်ပြီး ကမာရွတ် မြို့မရဲစခန်း တာဝန်ကျ တာဝန်မှူး တစ်ဦးက ''ဖမ်းမိတာကတော့ တိုင်းကဖမ်းမိတာပါ။ ကျွန်တော်တို့ နယ်မြေရဲစခန်းကို လွှဲပြောင်းခြင်း မပြုသေးလို့ ဘာမှပြောလို့ မရသေးပါဘူး'' ဟု ပြန်လည် ဖြေကြားသည်။

အဆိုပါ ဖောက်ထွင်းခံရသည့်ဆိုင်မှ အစုရှယ်ယာ ပိုင်ဆိုင်သူ တစ်ဦးက ''ဒီလိုမျိုး လမ်းအနေထားမှာ ခုလိုမျိုး ဖောက်ထွင်းမှုက မဖြစ်သင့်ဘူးလို့ ထင်တာပဲ။ အများသိတဲ့ အတိုင်းပဲ။ ဒီလိုနေရာတွေဆိုတာ လူသွားလူလာ မပြတ်ဘူး။ အခုဆို ပတ်ဝန်းကျင်ကပါ ထိတ်လန့်နေပြီ'' ဟု ပြောကြားသည်။

ချထားပေးသည့် အိမ်ရာများနှင့် အဆင်မပြေဖြစ်နေသည့် ရခိုင်ဒုက္ခသည်များ

ရခိုင်ဒုက္ခသည်များမှာ အသစ်ချပေးထားသည့် ခြေတံရှည်အိမ်များနှင့်   အဆင်မပြေမှုများနှင့် ကြုံတွေ့နေရ သလို လမ်းမရှိသည့်အတွက်လည်း သွားရလာရခက်ခဲသည်ဟု ရခိုင်ဒုက္ခသည်တို့က ဆိုသည်။

စစ်တွေမြို့ မင်းဂံ၊ ဓညဝတီ၊ ဒုံးတိုက်ကွင်း၊ မိုးဝေဝါသ၊ စက်ရုံစု အစရှိသည့် ဒုက္ခသည်စခန်းများမှ ဒုက္ခသည်များကို စက်မှုရပ်ကွက်အတွင်း၌ ဆောက်လုပ်ထားသည့် ခြေတံရှည်အိမ်များ၌ ဇူလိုင်လ ၂၀ ရက်နေ့မှ စတင်၍ အိမ်ထောင်စု (၆၀၀)ကျော်ကို နေထိုင်ခွင့်ပြုခဲ့ခြင်းဖြစ်သည်။

 "လမ်းတွေက အဆင်မပြေဘူးဗျာ၊ သွားမယ့်လမ်းတောင် မရှိဘူး၊ မိုးကြီးရင် ကလေးတွေ ကျောင်းသွားဖို့ အခက်အခဲရှိတယ်၊ ဒီနေရာက နဂိုကတည်းက ရေဝပ်တဲ့နေရာဆိုတော့ မိုးကြီးရင် ရေတွေက ပြည့်နေတယ်''ဟု မင်းဂံရပ်ကွက်ဒုက္ခသည်စခန်းမှ ရွှေ့လာသည့် ဒုက္ခသည်တစ်ဦးက ပြောသည်။

ရခိုင်ပဋိပက္ခတစ်နှစ်ကျော် ကြာပြီးနောက် ဇူလိုင်လ (၁၉)ရက်နေ့မှ စ၍ ရခိုင်ဒုက္ခသည်များအား ပြန်လည် နေရာချပေးထားခဲ့ခြင်း ဖြစ်သည်။

ပဋိပက္ခ့ဖြစ်ပွားခဲ့သည့် မြို့နယ်များဖြစ်သော ပေါက်တော၊မင်းပြား၊ မြေပုံ၊ ကျောက်တော်၊ကျောက်ဖြူ၊ရမ်းဗြဲ၊ မောင်တော၊စစ်တွေမြို၊ မြောက်ဦး၊ မြို့နယ်များရှိ ဒုက္ခသည်များအတွက် တန်းလျားများ ဆောက်လုပ်ထားရာ၌ စစ်တွေမြို့ရှိ ရခိုင်ဒုက္ခသည်များကို ပြန်လည်နေရာ ချပေးလိုက်ခြင်း ဖြစ်သည်။

" အိမ်က အိမ်ထောင်စုအတိုင်း ပေးတာပါ၊ စာရွက်စာတမ်းတွေလည်းပါတယ်၊ အပြီးအပိုင်နေထိုင်ခွင့်ပေးထားပါ၊ ပြန်လည် နေရာချပေးထားလို့လည်း ပြောကြတယ်၊ မီးရှိုးရာမှာ ပါသွားတဲ့ အိမ်နဲ့ မြေကွက်တွေတော့ ရမရကို မသိဘူး၊ အခုဒီအိမ်မှာနေရတာ အဆင်ပြေတယ်ဆိုပေမယ့် ထရံက ဝါးထရံဆိုတော့ မိုးပက်တယ်၊ လျှပ်စစ်မီးလည်း မရှိဘူး၊ ပြီးတော့ လမ်းမက တစ်ခုဘဲရှိတယ်၊ ဒါတောင်မြေသားလမ်း ၊မိုးရွာရင် သွားလို့ကို ခက်ခဲတာ၊ တစ်မိုးတော ဒီလိုဘဲ ဒုက္ခခံရဖို့ရှိတယ်''ဟု အသက် ၄၀ အရွယ် ဒုက္ခသည် အမျိုးသားတစ်ဦး က ပြောသည်။

ခြေတံရှည် အိမ်များသည် သွပ်မိုးပျဉ်ခင်း၊ဝါးထရံကာ အမျိုးအစားဖြစ်ရာ ရခိုင်ဒုက္ခသည်များအတွက် စုစုပေါင်း ခြေတံရှည် အိမ် ၆၀၀ ကျော် ဆောက်လုပ်ပေးထားခြင်းဖြစ်သည်။

ထို့အပြင် ဘင်္ဂလီဒုက္ခသည်များအား အမိုးအကာဖြင့် နေထိုင်ရန် စီစဉ်ခဲ့သော်လည့် ဒုက္ခသည်တစ်ချို့မှာ လယ်ကွက်များအတွင်း တဲထိုး၍ နေကြဆဲဖြစ်သဖြင့် ရွှေ့ပြောင်းရာတွင် အဆင်မပြေမှုများ ဖြစ်ပေါ်ရကြောင်းကိုလည်း သိရသည်။

"သူတို့က ဒုက္ခသည်အစစ်မဟုတ်တဲ့သူတွေ များတယ်၊ လယ်တဲမှာ ဖြစ်သလိုနေကြတာ၊ သူတို့ဟာ ဒုက္ခသည်စာရင်းထဲမှာ မပါတဲ့သူတွေလည်း ရှိတယ်''ဟု စစ်တွေမြို့နယ် သဲချောင်းမှ ဘင်္ဂလီ အမျိုးသားတစ်ဦးက ဆိုသည်။

"တစ်ချို့ကို ကျွန်တော်တို့က အမိုးအကာအောက်မှာ ရောက်ဖို့အတွက် စီစဉ်ပေးပေမယ့် လက်မခံကြတဲ့ သူတွေလည်းရှိတယ်၊ တော်တော်လေးကို လုပ်ရခက်တယ်၊''ဟု ဘင်္ဂလီဒုက္ခသည် စခန်းများသို့ သွားရောက်၍ ကယ်ဆယ်ရေးလုပ်ငန်းများ ဆောင်ရွက်နေသူတစ်ဦးက ပြောသည်။

ရခိုင်ဒုက္ခသည်များအနက်မှ ဘင်္ဂလီဒုက္ခသည်များအား အမိုးအကာအောက်တွင် နေထိုင်နိုင်ရေးအတွက် သုံးစွဲငွေ ကျပ်သန်းပေါင်း ၄၉၅ဝ ဒသမ ဝဝဝ ဖြင့် ရှစ်ခန်းတွဲပါ တန်းလျားအလုံး ၉၈၉ လုံး ဆောက်လုပ် ထားပြီး လူမှုစီးပွားရေးဘဝဖွံ့ဖြိုးတိုးတက်ရေးလုပ်ငန်းများ၌ အသုံးပြုရန် ငွေကျပ်သန်းပေါင်း ၁၅၅ဝ ဒသမ ၄၇၈ သန်း သုံးစွဲခဲ့သည်ဟု သိရသည်။

သို့သော် ဒုက္ခသည်လိုင်တန်းများဆောက်လုပ်ထားရှိမှုတွင် ဒုက္ခသည်များနှင့် အဆင်မပြေမှုများ ကြုံတွေ့ နေသည်ဟု စစ်တွေမြို့မှ ရခိုင်ဒုက္ခသည်များတို့က ဆိုသည်။

"ဆောက်လုပ်ပေးတာတော့ ကျေးဇူးတင်ပါတယ်၊ ဒါပေမယ့်ကျွန်တော်တို့က ဒီနေရာမှာ တစ်လထဲ နေရာမှာ မဟုတ်ဘူး၊ နှစ်ချီပြီး ကြာမယ်ဆိုတော့ အခု ဆောက်လုပ်ပေးထားတဲ့ အိမ်တွေမှာ လမ်းတွေ၊ သောက်ရေတွေ ၊ လုပ်ပေးဖို့လည်း လိုအပ်ပါတယ်။ အခုက အိမ်အောက်ကိုဆင်းလိုက်တာနဲ့ ရွံ့တွေနဲ့ ထိတွေ့နေရတယ်၊ ကျွန်တော်တို့ ကြားတာကတော့ ဟိုဘက်ဒုက္ခသည်တွေမှာ လမ်းတွေ အဆင်ပြေတယ်၊ သောက်ရေတွေ အဆင်ပြေတယ်လို့ ကျွန်တော်တို့ ကြားထားတယ်''ဟု ဒုက္ခသည်တစ်ဦးက ရှင်းပြသည်။

ရခိုင်ဒုက္ခသည်များအတွက် ခြေတံရှည်အိမ်များ ဆောက်လုပ်ပေးရာ၌ တစ်ချို့အိမ်များသည် ရေဝပ်သလို ရေမြောင်းများ ရှိ်သည့်အတွက် သွားလာရခက်ခဲသည့် အိမ်များလည်းရှိသည်ဟု သိရသည်။

ရခိုင်ပြည်နယ် ပဋိပက္ခမှာ တစ်နှစ်ကျော်ကြာမြင့်ခဲ့သော်လည်း ဘေးဒဏ်သင့်ဒုက္ခသည်များအား ပြန်လည် နေရချထားရေး ကိစ္စရပ်များဆောင်ရွက်ရာ၌ ခက်ခဲမှုများရှိသလို ကာလအတန်ကြာ လုပ်ဆောင်ရမည့် အပိုင်း များလည်း ရှိသည်ဟု သိရသည်

ရခိုင်ဒုက္ခသည် စာရင်းပြန်ကောက်ရန် အစ္စလာမ်ဘာသာရေးခေါင်းဆောင်များနှင့် နိုင်ငံတကာအဖွဲ့အစည်းများကို အကူအညီတောင်း

ရခိုင်ပြည်နယ်မှ ဒုက္ခသည် ဦးရေစာရင်းကို ပြန်လည်ကောက်ခံရန် အစ္စလာမ်ဘာသာရေးခေါင်းဆောင်များနှင့်
နိုင်ငံတကာအဖွဲ့အစည်းများကို အကူညီတောင်းထားသည်ဟု လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန
ဝန်ကြီး ဦးခင်ရီက ဇူလိုင် ၂၁ ရက်တွင် သတင်းထောက်များကို ပြောသည်။

ရခိုင်ပြည်နယ်တွင် ဘင်္ဂါလီမည်မျှရှိသည်ကို အတိအကျသိရှိရန် "ဆွဲတင်စစ်" စနစ်ဟု လူဝင်မှုကြီးကြပ်ရေး အရာရှိများ ခေါ်ဝေါ်သော မြေပုံဆွဲခြင်း၊ မှတ်တမ်းတင်ခြင်း၊ စစ်ဆေးခြင်း စနစ်ဖြင့် ကောက်ခံလျက်ရှိရာ ဘင်္ဂါလီများ
က အလိုမကျသဖြင့် အစိုးရအရာရှိများကို အုပ်စုလိုက်စုရုံး တောင်းဆိုခြင်း၊ ဆန္ဒပြခြင်း၊ အကျပ်ကိုင်ခြင်းများ လုပ်ကြ
သဖြင့် ယင်းလုပ်ငန်းကို ရပ်ဆိုင်းထားရသည်။

ဝန်ကြီး ဦးခင်ရီက "ကျွန်တော်တို့ ပြောရင် လက်မခံမှာစိုးလို့ အစိုးရအဖွဲ့ မဟုတ်၊ ရခိုင်တိုင်းရင်းသားမဟုတ်တဲ့ မွတ်စလင်ဘာသာရေးခေါင်းဆောင်တွေ၊ နိုင်ငံတကာအဖွဲ့အစည်းတွေကို စည်းရုံးပေးဖို့ မေတ္တာရပ်ခံထားပါတယ်" ဟု ပြောသည်။

လာမည့် ၂၀၁၄ ခုနှစ် မတ် ၃၀ ရက်မှ ဧပြီ ၁၀ ရက်အထိ မြန်မာနိုင်ငံတွင် ပြည်လုံးကျွတ်သန်းခေါင်စာရင်း ကောက်ခံ
မည်ဖြစ်ရာ ထိုသို့မကောက်မီ ရခိုင်ပြည်နယ်အတွင်းမှ လူဦးရေစာရင်းကောက်ယူမှု ပြီးပြတ်မည်ဟုလည်း ဝန်ကြီး ဦးခင်ရီက ဆိုသည်။

"လူဦးရေစာရင်းကောက်တာက လူမျိုးရေး၊ စစ်ရေး၊ နိုင်ငံရေးနဲ့မဆိုင်ဘူး ဖွံ့ဖြိုးတိုးတက်မှုအတွက် ကောက်တာ။ ဒါကို ဘယ်လိုလူမျိုးမှ တားဆီးခွင့်မရှိပါဘူး" ဟု သူက ဆက်ပြောပါသည်။ 

လက်ရှိတွင် ရခိုင်ပြည်နယ်၊ စစ်တွေမြို့နယ်၊ သက္ကေပြင်ကျေးရွာ၌ ဒုက္ခသည် စာရင်းကောက်ခံသည်ကို နှောင့်ယှက်ခဲ့
သူများအဖြစ် သံသယရှိသူ ရှစ်ဦးကို ရဲများ က ဖမ်းဆီးထားပြီး တရားစွဲဆိုရန် ဆောင်ရွက်လျက်ရှိကြောင်း မဇ္ဈိမက သတင်း ဖော်ပြခဲ့ဖူးသည်။

အိန္ဒိယ မြန်မာနယ်စပ်တွင် လက်နက်များ ဖမ်းမိ

အိန္ဒိယနိုင်ငံ၊ မဏိပူပြည်နယ်နှင့် မြန်မာနယ်စပ် မိုးရေးမြို့အနီး အေကေ ၄၇ ရိုင်ဖယ် နှစ်လက်၊ လက်ပစ်ဗုံးငါးလုံး တင်ဆောင်လာသည့် ဂျစ်ကားတစ်စီးနှင့် အတူ လူငါးဦးကို ဇူလိုင်လ ၁၉ ရက်တွင် ဖမ်းဆီးလိုက်သည်ဟု အိန္ဒိယနိုင်ငံThe Hindu သတင်းစာက ရေးသားသည်။

The Hindu က သတင်းစာ၏ ဇူလိုင် ၂၀ ရက် ဖေါ်ပြမှုတွင် အဆိုပါ မဏိပူပြည်နယ်သား ငါးဦးကို မဏိပူရဲက ဖမ်းဆီးထားသည်ဟု ရေးသားထားသည်။

အိန္ဒိယနိုင်ငံ သတင်းစာများ၏ ရေးသားမှုများတွင် မြန်မာ့မြေပေါ်ရှိ အိန္ဒိယ လက်နက်ကိုင်သူပုန်များ အခြေချလှုပ်ရှား
နေမှု အပေါ်စိုးရိမ်မှုများ မြှင့်မားနေကြောင်း အိန္ဒိယ ပြည်ထဲရေးဝန်ကြီး Sushilkumar Shinde ကိုကိုးကား၍ အိန္ဒိယ
သတင်းနှင့် ပြန်ကြားရေးဗြူရို ဇူလိုင် ၁၀ ရက်တွင် ရေးသား ဖော်ပြခဲ့သည်။

အိန္ဒိယနှင့် မြန်မာနိုင်ငံတို့သည် "လက်နက်ကိုင်အုပ်စုများ၏ နယ်စပ်ဖြတ်ကျော် စစ်ရေးလှုပ်ရှားမှု၊ လက်နက်ဖမ်းဆီး
ရရှိမှု၊ မူးယစ်ဆေးဝါးရောင်းဝယ်မှု၊ လက်နက်ရောင်းဝယ်မှု ကိစ္စရပ်များတွင် ကာကွယ်ရန်နှင့် ပူးပေါင်းဆောင်ရွက်ရန်
နှစ်နိုင်ငံသဘောတူညီ ထားကြသည်" ဟုလည်း Sangai Express သတင်းစာ ဇူလိုင်လ ၁၀ ရက်က ရေးသားသည်။

ဇူလိုင်လ ၁၆ ရက်ကလည်း မြန်မာနိုင်ငံသို့ သယ်ယူရန်ဟု သံယယရှိသော လက်နက်များကို ထိုင်း၊ မြန်မာနယ်စပ် မယ်ဟောင်ဆောင်ခရိုင်တွင် ဖမ်းဆီးရမိသည်။

အိန္ဒိယနိုင်ငံ ဗုဒ္ဓဂယာဗုံးခွဲမှု ရန်ကုန်တွင် ကန့်ကွက်ဆန္ဒပြ

ဗုဒ္ဓဘာသာတို့၏ အထွတ်အမြတ်ထားရာဖြစ်သော အိန္ဒိယနိုင်ငံ ဗုဒ္ဓဂယာဗုံးခွဲမှုကို ဆန့်ကျင်သည့် ဆန္ဒပြပွဲတစ်ခုကို သံဃာနှင့် လူထုအင်အား စုစုပေါင်း ၁၅၀ ခန့်က ရန်ကုန်မြို့၊ ဆူးလေဘုရားအနီးတွင် ဇူလိုင်လ ၂၁ ရက်က ပြုလုပ်ခဲ့
ကြသည်။

ဗုံးပေါက်ကွဲမှုမှာ ဇူလိုင် ၇ ရက် နံနက်ပိုင်းတွင် ဖြစ်ခဲ့ခြင်းဖြစ်ပြီး ဗုံး ၁၃ လုံး အနက် ကိုးလုံး ပေါက်ကွဲခြင်းဖြစ်သည်။ ကမ္ဘာ့ယဉ်ကျေးမှုအထိမ်းအမှတ်နယ်မြေဖြစ်သည့် ဗုဒ္ဓဂယာအား ဗုံးဖောက်ခွဲသည့် အကြမ်းဖက်သမားများကိုလည်း ဆန့်ကျင်သည်ဟု ဆန္ဒပြသူတို့က ဆိုသည်။

ဆန္ဒဖော်ထုတ်ပွဲသည် တရားဝင်ခွင့်ပြုချက်ရယူပြီးမှ ဆန္ဒဖော်ထုတ်ခြင်းဖြစ်ကာ ဖောက်ခွဲမှုပြုလုပ်ခဲ့သည့် တရားခံများ
ကို အိန္ဒိယအစိုးရက ထိရောက်စွာ အရေးယူပေးရန်လည်း မြန်မာဘုန်းတော်ကြီးအချို့က ဆန္ဒရှိနေသည်။ 

"အိန္ဒိယအစိုးရကို ဘုန်းဘုန်းတို့ မိန့်ချင်တာက ဖောက်ခွဲတဲ့ အကြမ်းဖက်သမားကို ထိထိရောက်ရောက် အရေးယူပေး
ပါ" ဟု ဒဂုံမြို့သစ်တောင်ပိုင်း တိပိဋိကတ်သုံးပုံ နိကယ်စာသင်တိုက် ဆရာတော် ဦးပညိန္ဒက မဇ္ဈိမကို မိန့်သည်။

ဗုဒ္ဓဂယာသည် ဗုဒ္ဓဘာသာဝင်တို့၏ မပာာမြေဖြစ်ပြီး၊ ဘုရား၏ သမိုင်းနှင့် ယဉ်ကျေးမှုရှိသည့်နေရာဖြစ်သည့်အတွက် ထိထိရောက်ရောက်အရေးယူမှသာ နောင်တွင် ဗုဒ္ဓ၏ယဉ်ကျေးမှုသမိုင်းများကို အကြမ်းဖက်သူများ ပပျောက်သွား
မည်ဖြစ်ကြောင်းလည်း ဆရာတော် ဦးပညိန္ဒိက မိန့်သည်။

ဆန္ဒဖော်ထုတ်ပွဲသည် မည့်သည့်ဘာသာကိုမျှထိခိုက်စေမည့်ပွဲမဟုတ်ဘဲ ဗုဒ္ဓဂယာအားဗုံးဖောက်ခွဲသည့် အကြမ်းဖက်
သမားများကိုသာ ရှုတ်ချဆန္ဒထုတ်ဖော်သည့် ပွဲသာဖြစ်သည်ပုာ ထေရဝါဒ ဓမ္မကွန်ယက်အဖွဲ့၏ ဥပဒေအကြံပေးနှင့် အလုပ်အမှုဆောင် ရှေ့နေဦးအေးပိုင်ကပြောသည်။

"ဒီပွဲပာ အခြားဘယ်ဘာသာကိုမှ ထိခိုက်ရှုတ်ချတဲ့ပွဲ မဟုတ်ပါဘူး။ ဗုဒ္ဓဂယာကို ဗုံးဖောက်ခွဲတဲ့သူတွေကိုဘဲ ရှုတ်ချ
တာပါ။ ဒီပွဲကိုလုပ်ဖို့ သက်ဆိုင်ရာကို တင်ထားတာ ကြာပါပြီ။ အကြောင်းအမျိူးကြောင့် ခွင့်ပြုချက်ရဖို့ နောက်ကျနေ
တော့ ဒီနေမှ လုပ်ဖြစ်တာပါ" ဟု ဆိုသည်။

ဗုဒ္ဓဂယာ ဗုံးပေါက်ကွဲမှုနှင့် ပတ်သက်ပြီး ထိုင်းနိုင်ငံရှိ မဟာချုလာတက္ကသိုလ်မှ မြန်မာနှင့်ဘင်္ဂလားဒေ့ရ်ှနိုင်ငံမှ သံဃာများ ဦးဆောင်ကာ နိုင်ငံတကာ သံဃာတော်များက ဘန်ကောက်မြို့ရှိ အိန္ဒိယနိုင်ငံသံရုံးရှေ့တွင် ဇူလိုင် ၁၀ ရက်က မေတ္တာပို့သ ဆန္ဒပြခဲ့ကြသည်။ ဆန္ဒပြပွဲတွင် သံဃာတော်များ၊ သီလရှင်များနှင့် လူထုအပါအဝင် စုစုပေါင်း ၃၀ဝ ခန့်က ပူးပေါင်းပါဝင်ခဲ့ကြသည်။

ယင်းအပြင် ဇူလိုင် ၈ ရက်ကလည်း အိန္ဒိယနိုင်ငံ မာဂဓတက္ကသိုလ် ကျောင်းများ သမဂ္ဂ၊ All India Bhikhu Sangah
နှင့် All India International Buddhist Council တို့က ဦးဆောင်၍ ဒေသခံများနှင့်အတူ ဆန္ဒပြပွဲများ ပြုလုပ်ခဲ့ကြ
သေးသည်။

ဗုံးပေါက်ကွဲမှုအတွက် သံသယရှိသူ တစ်ဦး၏ ပုံကြမ်းကို ဇူလိုင် ၁၆ ရက်တွင် အိန္ဒိယ ရဲတပ်ဖွဲ့က ထုတ်ပြန်ခဲ့သည်။ ဇူလိုင် ၉ ရက်နေ့ကလည်း သံသယရှိသူ လေးဦးကို ဖမ်းဆီးထိန်းသိမ်းစစ်ဆေးခဲ့ပြီး ပြန်လွှတ်ပေးခဲ့သည်။

ထိုင်းငါးဖမ်းစက်လှေတွင် အဓမ္မခိုင်းစေခံနေရသည့် မြန်မာအလုပ်သမား ၁၆ ဦး လွတ်မြောက်

ထိုင်းငါးဖမ်း စက်လှေများတွင် အဓမ္မခိုင်းစေခံနေရသည့် မြန်မာအလုပ်သမား ၁၆ ဦးကို ဇူလိုင် ၂၀ ရက်က ကယ်တင်
လိုက်ကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့(MAT) က ပြောသည်။

ထိုင်းလူကုန်ကူးမှု တိုက်ဖျက်ရေး အထူးထောက်လှမ်းရေး အဖွဲ့၏ အကူအညီဖြင့် ထိုင်းနိုင်ငံ တောင်းပိုင်း၊ ဆူရာတ်
ဌာနီခရိုင်၊ ကော့ဖငန်းကျွန်းတွင် ဆိုက်ကပ်ထားသည့် ငါးဖမ်းစက်လှေ ခြောက်စင်းမှ ညနေ သုံးနာရီက ကယ်တင်နိုင်
ခဲ့ခြင်းဖြစ်ကြောင်း MAT မှ ဒါရိုက်တာ ကိုကျော်သောင်းက ဆိုသည်။

"ရာသီဥတု ဆိုးရွားနေတဲ့အတွက် လှေတွေက ကော့ဖငန်းကျွန်းမှာ ကပ်ထားတုန်း ကျွန်တော်တို့ ကယ်နိုင်ခဲ့တယ်" ဟု ကိုကျော်သောင်းက ပြောသည်။

ယခု ကယ်တင်နိုင်လိုက်သည့် မြန်မာအလုပ်သမားများသည် ပထမတစ်ကြိမ်က ထိုင်းနိုင်ငံရောက် MAT သို့ ယခုနှစ်
မေလက အကူအညီ တောင်းခံခဲ့ဖူးပြီး ရာသီဥတုဆိုးရွား၍ ကမ်းကပ်ထားစဉ် အလုပ်သမားများက ထပ်မံ အကူအညီ
တောင်းသည့်အတွက် ကယ်တင်နိုင်ခဲ့ခြင်းဖြစ်သည်ဟု ကိုကျော်သောင်းက ပြောသည်။

မြန်မာ အလုပ်သမားများအနေနှင့် ပင်လယ်ပြင်တွင် ရှစ်လမှ ၁၈ လအထိ အဓမ္မခိုင်းစေခံရသည့်အတွက် ယခုကဲ့သို့ အကူအညီ တောင်းခံခဲ့ခြင်းလည်း ဖြစ်သည်။ 

"ပထမ သူတို့ပြောတော့ ပုစွန်ရုံ ပို့ပေးမယ်တဲ့၊ အလုပ်ကောင်းရင် ၅၀ဝ၀၊ စဝင်ဝင်ချင်းဆို ၄၅၀ဝ တဲ့၊ ဒီကို
ရောက်တော့ ပင်လယ်ထဲ ဆင်းရမယ်တဲ့။ ပိုက်ဆံတစ်ပြားမှ မရသေးဘူး။ ပင်လယ်ထဲ ရောက်လာတာလည်း တစ်နှစ်ပြည့်သွားပြီ မပြန်ရဘူး" ဟု ကရင်ပြည်နယ်သား လှေလုပ်သားတစ်ဦးက ပြောပြသည်။

လှေလုပ်သားများသည့် ပွဲစားများ၏ လိမ်လည်မှုကြောင့် ထိုင်းနိုင်ငံသို့ လာရောက် လုပ်ကိုင်ကြခြင်းဖြစ်ပြီး ကမ်းကပ်
ခွင့် မရဘဲ ပင်လယ်ပြင်တွင် အတင်းအဓမ္မခိုင်း စေခံကြရကာ လုပ်အားခလည်း မရရှိကြကြောင်း လှေလုပ်သားများက
ပြောပြကြသည်။ လှေလုပ်သားများအနေနှင့် မြန်မာနိုင်ငံသို့ ပြန်လိုကြပြီး ပြန်ပို့မည့်ရက်ကို စောင့်မျှော်နေကြောင်း ၎င်းတို့က ပြောသည်။

ရခိုင်ပြည်နယ်သား လှေလုပ်သား တစ်ဦးက "လှေအလုပ်ဆို မလုပ်ဘူးလို့ အရင်ကတည်းက ကျွန်တော်တို့ ပြောပြီး (ပွဲစားနဲ့) လိုက်လာတယ်။ လှေကို ပို့လို့ ကျွန်တော်တို့ ပြန်မယ်ပြောတော့ ရဲတွေနဲ့ ဖမ်းခိုင်းမယ် လုပ်တော့ ကျွန်တော်
တို့ ဘယ်ကိုမှ သွားလို့ မရဘူး။ ကျနော် ခုနစ်လခွဲ ရှိသွားပြီ။ အခုကျွန်တော်တို့ လုပ်အားခတွေ တစ်ပြားမှရဖို့ အခြေအနေ မရှိဘူး" ဟု ပြောသည်။

လွတ်မြောက်လာသည့် လှေလုပ်သားများတွင် ရခိုင်လူမျိုး ကိုးဦးနှင့် မွန်၊ ဗမာ၊ ကရင် ခုနစ်ဦး ပါဝင်ပြီး အသက်
အငယ်ဆုံး နှစ်ဆယ်နှစ်နှင့် အကြီးဆုံး လေးဆယ်နှစ် ဖြစ်ကာ အများစုမှာ အသက် နှစ်ဆယ်ကျော်များ ဖြစ်ကြသည်။

ငလျင်ဒဏ်ကြောင့် ပျက်စီးခဲ့သော မင်းကွန်းမြသိန်းတန် စေတီတော်ကြီး မွမ်းမံပြီးစီး၍ ထီးတော်တင် လှူမည်

မြသိန်းတန် စေတီအား နိုင်ငံခြားသား ခရီးသွားများ လာရောက်ဖူးမြော်နေစဉ်

၂၀၁၂ ခုနှစ် နိုဝင်ဘာလအတွင်းက ငလျင်ဒဏ်ကြောင့် ပျက်စီးခဲ့သော မင်းကွန်းဒေသရှိ ရှေးဟောင်းသမိုင်းဝင် မြသိန်းတန် စေတီတော်ကြီး မွမ်းမံပြီးစီး၍ ထီးတော်တင်လှူ ပူဇော်သွားမည်ဖြစ်ကြောင်း သိရသည်။

မြသိန်းတန် စေတီတော်ကြီးအား ရွှေထီးတော်အသစ် တင်လှူပွဲကို ဇူလိုင် ၂၄ ရက်နံနက် ၇ နာရီတွင် ကျင်းပသွားမည်ဖြစ်ကြောင်း၊ သံဃာတော်အပါး ၁၀၀၀ ကျော်တို့အား အရုဏ်ဆွမ်းနှင့် စာရေးတံမဲများကို လှူဒါန်းကာ သီလရှင်အပါး ၄၀၀ ကျော်တို့အား လှူဖွယ်ပစ္စည်းများ လှူဒါန်းမည်ဖြစ်ပြီး ၀ါဆိုလပြည့်နေ့မှ ၀ါဆိုလပြည့်ကျော် ၃ ရက်အထိ လေးရက်တိုင် ကျင်းပသွားမည်ဖြစ်ကြောင်း သိရသည်။

"တိမ်းစောင်းသွားတဲ့ ထီးတော်ကို ဇန်န၀ါရီ ၃၁ ရက်က အောက်ကိုချလိုက်တယ်။ ထီးတော်က ပိဿာချိန် တစ်ရာလောက် လေးတယ်။ အလေးချိန်များတဲ့အတွက် ငလျင်လှုပ်လိုက်တော့ ငှက်ပျောဖူးနာပြီး ကြံ့ခိုင်မှု လျော့နည်းသွားတယ်။ အဲဒါကြောင့် အလေးချိန်ပေါ့တဲ့ ထီးတော်နဲ့ အစားထိုးတင်လှူ ပူဇော်တာဖြစ်တယ်။ အတတ်နိုင်ဆုံး ရှေးမှုမပျက် မွမ်းမံပြီး ထီးတော်မတင်မီကတည်းက စေတီကိုယ်လုံးတော်ရဲ့ ကြံ့ခိုင်မှုကို ငလျင်နောက်ထပ် ဘယ်လောက်လှုပ်ရင် ခံနိုင်မလဲဆိုတာ စမ်းသပ်ပြီး အသစ်ပြန်တင်ဖို့ စီစဉ်တာ ဖြစ်ပါတယ်" ဟု သံဃာ့ဝန်ဆောင် ရွှေစင်တိပိဋကဓရ ဆရာတော်က မိန့်ကြားသည်။

မြသိန်းတန် စေတီတော်ကြီးကို ထီးတော်ပြင်ဆင် မွမ်းမံခြင်းများ ဆောင်ရွက်ခြင်းသည် ယခုအကြိမ် အပါအ၀င် သုံးကြိမ်မြောက်ဖြစ်ပြီး စေတီတော်ကြီး၏ စနစ်တော်မှာ ဖိနပ်အချင်း ၂၁၄ တောင်၊ ဥာဏ်တော်အမြင့် ၃၂ ပေ ရှိကြောင်း၊ သီတာခုနစ်တန်၊ တောင်ရံခုနစ်ထပ်၊ အာလိန်ငါးဆင့်၊ စောင်းတန်းသုံးသွယ်တို့ဖြင့် မြင်းမိုရ်တောင်နှင့် စကြ၀ဠာ တည်ရှိပုံကို ရည်ရွယ်ထားသည်မှာ အံ့ဖွယ်တစ်ခုဖြစ်ကြောင်း သိရသည်။

မြသိန်းတန် စေတီတော်ကြီးကို ကုန်းဘောင်ခေတ် မြန်မာသက္ကရာဇ် ၁၁၆၃ ခုနှစ်တွင် ဘကြီးတော်ဘုရား တည်ထားကိုးကွယ်ခဲ့ပြီး အိမ်ရှေ့စံမင်းသမီး ဆင်ဖြူမယ် ၀တ်ဆင်အပ်သော တစ်သိန်းတန် မြရတနာကို ဌာပနာမှုအစွဲပြု၍ မြသိန်းတန် စေတီတော်မြတ်ကြီးဟု အမည်တွင်ခဲ့ကြောင်း သိရသည်။

ဘင်္ဂလားဒေ့ရှ် နိုင်ငံသားများ မြန်မာ့ရေပိုင်နက်အတွင်း တရားမ၀င် ငါးဖမ်းဆီးခြင်းနှင့် လုယက်မှုကျူးလွန်ခြင်းများ ရှိနေ

ဘင်္ဂလားဒေ့ရှ် နိုင်ငံသားများ အနေဖြင့် မြန်မာ့ရေပိုင်နက်အတွင်း တရားမ၀င် ၀င်ရောက်ငါးဖမ်းဆီးခြင်းများနှင့် ငါးဖမ်းလှေများ၊ ခရီးသည်လှေများအား လုယက်မှု ကျူးလွန်ခြင်းများ ရှိနေကြောင်း သတင်းရရှိသည်။

"နတ်မြစ်အတွင်းမှာ ဓါးပြတိုက်မှုတွေက နှစ်တိုင်းလိုလို ဖြစ်တယ်။ ဘာကြောင့်လဲဆိုရင် ဘင်္ဂလားဒေ့ရ်ှက လူဆိုးအဖွဲ့တွေက တံငါသည်လို ဟန်ဆောင်ပြီး နတ်မြစ်အတွင်းမှာ ငါးဖမ်းနေကြတယ်။ မြန်မာဘက်က ခရီးသည်လှေတွေ၊ ငါးဖမ်းလှေတွေကို ချောင်းပြီးဓါးပြတိုက်တာ ဖြစ်တယ်။ လူကိုတောင် သတ်ခဲ့တာတွေ ရှိတယ်။ နတ်မြစ်အတွင်းမှာ ငါးဖမ်းနေတဲ့ တံငါလှေတွေဟာ အများစုက ဘင်္ဂလားကလှေတွေ ဖြစ်တယ်။ ဘင်္ဂါလီတွေက ရုပ်ချင်းဆင်တူတော့ ခက်ပါတယ်။ နောက်ပြီးနိုင်ငံနယ်နိမိတ်က မြစ်ကြောင်းအတွင်းမှာပဲ ခွဲတယ်ဆိုတော့ ပြစ်မှုကျူးလွန်ပြီး ဟိုဘက်ကူးသွားရင် ဒီကလုံခုံရေး အဖွဲ့တွေ အရေးယူလို့ မရတော့တာ များပါတယ်" ဟု မောင်တောမြို့နယ်၊ ရွက်ညိုတောင်ကျေးရွာသား တစ်ဦးက ပြောကြားသည်။

ယခုနှစ်အတွင်း ငါးဖမ်းရင်းဖြင့် မြန်မာနိုင်ငံ နယ်နိမိတ်အတွင်းသို့ ကျော်လွန်ဝင်လာသည့် ဘင်္ဂလားဒေ့ရ်ှရှစ်ဦးနှင့် မြန်မာနိုင်ငံပိုင်နက် နယ်မြေအတွင်းရှိ ကမ်းခြေတွင် သံသယဖြစ်စရာ အမူအရာဖြင့် တွေ့ရှိရသည့် ဘင်္ဂလားဒေ့ရှ် နိုင်ငံသားသုံးဦး စုစုပေါင်း ၁၁ ဦးအား ဖမ်းဆီးအရေးယူ ဆောင်ရွက်ခဲ့ . . . . .

မြန်မာနိုင်ငံအတွင်း တရားမ၀င် ၀င်ရောက်လာသည့် ဘင်္ဂလားဒေ့ရှ် နိုင်ငံသားများအား နယ်စပ်ဒေသ လူဝင်မှု စစ်ဆေးရေး ကွပ်ကဲမှု ဌာနမဖျက်သိမ်းမီက ဖမ်းဆီးအရေးယူ ဆောင်ရွက်မှုများ ရှိခဲ့ကြောင်း သိရသည်။

ယင်းသို့ တရားမ၀င် နယ်စပ်ဖြတ်ကျော် ၀င်ရောက်မှုများအား နှစ်နိုင်ငံပူးပေါင်းတားဆီး ကာကွယ်ရေးအတွက် ဇူလိုင် ၄ ရက်က ဘင်္ဂလားဒေ့ရ်ှနိုင်ငံ ကော့ဘဇားမြို့၌ ကျင်းပခဲ့သည့် နယ်စပ်လုံခြုံရေး အရာရှိများ အလံတင် ဆွေးနွေးပွဲတွင် မြန်မာဘက်မှ ထည့်သွင်းဆွေးနွေးခဲ့ကြောင်းလည်း သိရသည်။

ယခုနှစ်အတွင်း ငါးဖမ်းရင်းဖြင့် မြန်မာနိုင်ငံ နယ်နိမိတ်အတွင်းသို့ ကျော်လွန်ဝင်လာသည့် ဘင်္ဂလားဒေ့ရ်ှရှစ်ဦးနှင့် မြန်မာနိုင်ငံပိုင်နက် နယ်မြေအတွင်းရှိ ကမ်းခြေတွင် သံသယဖြစ်စရာ အမူအရာဖြင့် တွေ့ရှိရသည့် ဘင်္ဂလားဒေ့ရှ် နိုင်ငံသားသုံးဦး စုစုပေါင်း ၁၁ ဦးအား ဖမ်းဆီးအရေးယူ ဆောင်ရွက်ခဲ့ရကြောင်း သိရသည်။

မန္တလေးမြို့တွင် ဇူလိုင်လ ၂၁ ရက်နေ့ညက ဆရာတော်ဦးဝီရသူ၏ တရားပွဲ ကျင်းပနေချိန်တွင် ပေါက်ကွဲမှုတစ်ခု ဖြစ်ပွားခဲ့ပြီး လူလေးဦး ထိခိုက်ဒဏ်ရာရရှိ

ပေါက်ကွဲမှုဖြစ်စဉ်အား တာဝန်ရှိသူများမှ လာရောက်စစ်ဆေးနေကြစဉ်

မန္တလေးမြို့ မဟာအောင်မြေမြို့နယ် ၃၆ လမ်း၊ ၈၄ လမ်းနှင့် ၈၅ လမ်းကြားရှိ သဟပုညကာရီဘုံ ဆွမ်းလောင်းအသင်း၏ ငါးနှစ်ပြည့် အထိမ်းအမှတ်အဖြစ် တရားပွဲ ကျင်းပခဲ့ရာ ၅ ရက်မြောက်နေ့ဖြစ်သည့် ယနေ့ညတွင် ဆရာတော် ဦးဝီရသူ တရားပွဲကျင်းပနေရာတွင် ပေါက်ကွဲမှုတစ်ခု ဖြစ်ပွားခဲ့ပြီး လူလေးဦး ထိခိုက်ဒဏ်ရာများ ရရှိခဲ့ကြောင်း စုံစမ်းသိရသည်။

အဆိုပါ ပေါက်ကွဲမှုဖြစ်ပွားချိန်မှာ ဇူလိုင်လ ၂၁ ရက်နေ့ည ၉ နာရီ ၂၀ မိနစ်အချိန်ခန့်က တရားပွဲကျင်းပနေသည့် အနောက်ဘက် ပေ ၅၀ ခန့်အကွာတွင် ရပ်နားထားသည့် ကားတစ်စီးမှ ပေါက်ကွဲမှုတစ်ခု ဖြစ်ပွားခဲ့ကြောင်း ရဲမှတ်တမ်းများအရ သိရသည်။

"ကားကတော့ နေ့တိုင်းလိုလို ဒီနေရာမှာပဲ အမြဲတမ်း ရပ်နေကျပါ။ ဆရာမက အပြင်ကပြန်လာပြီးတော့ ကားကိုသူရပ်နေကျ နေရာမှာပဲ ရပ်ထားခဲ့ပြီးတော့ ၉ နာရီ ကျော်ကျော်လောက်မှာ တရားပွဲကလည်း မပြီးသေးဘူး။ အခုလို ၀ုန်းကနဲ အသံမည်ပြီးတော့ ပေါက်ကွဲမှု ဖြစ်သွားတာကို သိလိုက်ရတယ်" ဟု ကားရပ်နားထားသည့် ဆရာဝန်၏ မိခင်ဖြစ်သူက ပြောကြားသည်။

ပေါက်ကွဲမှု ဖြစ်စဉ်ကြောင့် ဒဏ်ရာရရှိခဲ့သူ လေးဦးအား မန္တလေး ဆေးရုံကြီးသို့ ပို့ဆောင်ထားကြောင်း၊ ပေါက်ကွဲမှုဖြစ်စဉ် ဖြစ်ပွားရာနေရာသို့ သက်ဆိုင်ရာ နယ်မြေခံ ရဲတပ်ဖွဲ့မှ လုံခြုံရေးချ ဆောင်ရွက်နေပြီး တပ်မတော်သားများမှလည်း ဗုံးပေါက်ကွဲမှု ဟုတ်မဟုတ်ကို စစ်ဆေးလျက်ရှိပြီး ပေါက်ကွဲမှုဖြစ်စဉ်ကြောင့် ဆလွန်းကားမှာ နောက်ဘီးနှစ်ဘီးနှင့် ရှေ့ယာဘက်ဘီး ပေါက်ကွဲခဲ့ပြီး နောက်ယာဘက် ကားတံခါးမှာလည်း ထိခိုက်မှုများ ဖြစ်ပေါ်ခဲ့ကြောင်း သိရသည်။

"ပေါက်ကွဲမှု ဖြစ်သွားတာက ည ၉ နာရီ ကျော်ကျော်လောက်မှာ ဖြစ်သွားတာပါ။ ဆရာတော် ဦးဝီရသူရဲ့ တရားပွဲမပြီးခင် အခုလို ပေါက်ကွဲသွားတာပါ။ ပေါက်ကွဲမှု မဖြစ်ပွားခင်တွင် ဆိုင်ကယ်တစ်စီးက ကားအောက်ကို အရာဝတ္ထုတစ်ခု လှမ်းပစ်သွားတာကို တွေ့လိုက်ရတယ်" ဟု ယင်းဖြစ်စဉ်အနီးတွင် မျက်မြင်တွေ့ရှိခဲ့သူ တစ်ဦးက ပြောကြားခဲ့သည်။

အဆိုပါ ဖြစ်စဉ်ဖြစ်ပွားခဲ့ရာနှင့် ပတ်သက်၍ ယင်းနယ်မြေပိုင် အမှတ် (၉) ရဲစခန်းမှ ပေါက်ကွဲမှုဖြစ်စဉ်အား စုံစမ်းစစ်ဆေးမှုများ ပြုလုပ်လျက်ရှိကြောင်း သိရသည်။

တောင်ငူမြို့ ကင်းဆိပ်ကျေးရွာ အုပ်စုတွင် ၀မ်းပျက်ဝမ်းလျှောခြင်းများ ဆက်တိုက်ဖြစ်ပွား၊ ဓာတ်ခွဲစစ်ဆေးချက်အရ ၀မ်းပျက်ကာလ၀မ်း ရောဂါပိုး မဟုတ်ဟုသိရ

တောင်ငူမြို့နယ် ကင်းဆိပ်ကျေးရွာ အုပ်စုတွင် ၀မ်းပျက်ဝမ်းလျှောခြင်းများ တစ်ပတ်အတွင်း ၁၀ ဦးခန့် ဖြစ်ပွားခဲ့ပြီး ဓါတ်ခွဲစမ်းသပ် စစ်ဆေးချက်အရ ၀မ်းပျက်ဝမ်းလျှော ဖြစ်ပွားစေသော ကာလ၀မ်းရောဂါပိုး မဟုတ်ကြောင်း တောင်ငူမြို့နယ် ကျေးလက်ကျန်းမာရေး ဌာနခွဲမှ တာဝန်ရှိသူ တစ်ဦး၏ ပြောကြားချက်အရ သိရှိရသည်။

ကင်းဆိပ်ကျေးရွာအုပ်စုတွင် ကင်းဆိပ်ကျေးရွာနေ အသက် ၇၇ နှစ်ရှိ ဒေါ်အေးတင်မှ ဇူလိုင် ၁၂ ရက်တွင် ၀မ်းပျက်ဝမ်းလျှောရောဂါ စတင်ဖြစ်ပွားခဲ့ပြီး ဇူလိုင် ၁၆၊ ၁၇၊ ၁၈၊ ၁၉ ရက်များတွင် ကျေးရွာအုပ်စု အောင်ပန်းစုကျေးရွာ၌ ၀မ်းပျက်ဝမ်းလျှောခြင်းများ ဆက်တိုက်ဖြစ်ပွားခဲ့ရာ ငါးဦးမှာ တောင်ငူမြို့ ပြည်သူ့ဆေးရုံကြီးတွင် ဆေးကုသမှု ခံယူနေရပြီး အသက် ၄ နှစ်နှင့် ၅ အရွယ် ကလေးများလည်း ပါဝင်ခဲ့ကြောင်း သိရှိရသည်။

"၀မ်းပျက်ဝမ်းလျှော ဖြစ်တာကတော့ မှန်ပါတယ်။ လေးရက်အတွင်းမှာ ဆက်တိုက်ဖြစ်လာတာကို သံသယရှိလို့ ဓါတ်ခွဲခန်းပို့ပြီး စစ်လိုက်တာ တွေ့တဲ့ပိုးက ၀မ်းပျက်ဝမ်းလျှော ဖြစ်စေတဲ့ ကာလ၀မ်းရောဂါပိုး မဟုတ်ဘူး။ ခရီးသွားရင်း ပါလာတဲ့ ရောဂါပိုး တစ်မျိုးမျိုးလည်း ဖြစ်နိုင်တယ်။ ဒီရွာမှာ ၀မ်းပျက်ဝမ်းလျှောဖြစ်ပြီး သေတဲ့သူတွေတော့ မရှိသေးပါဘူး" ဟု ကင်းဆိပ်ကျေးရွာအုပ်စု ကျန်းမာရေးဌာနမှ နယ်မြေခံ သားဖွားဆရာမ ဒေါ်နော်စိုဂေမှ ရှင်းပြသည်။

"အဖွားက ရန်ကုန်က သားသမီးတွေဆီ သွားလည်သေးတယ်။ အခုလို ၀မ်းသွားတာတွေ မဖြစ်ခင် အစားစားလို့ မရဘူး။ စားလည်း နည်းနည်းပဲဝင်တယ်။ အဲဒီကနေ တောင်ငူကို ရထားနဲ့ ပြန်လာတာ ရထားပေါ်မှာထဲက ၀မ်းကဒလဟော သွားတော့တာပဲ အခုရွာက ကျန်းမာရေး ဆရာမက ဂရုတစိုက်လာကြည့်ပေးလို့ သက်သာနေပါပြီ" ဟု ၀မ်းပျက်ဝမ်းလျှောရောဂါ စတင်ဖြစ်ပွားသည့် ဒေါ်အေးတင်က ပြောသည်။

တောင်ငူမြို့ ကင်းဆိပ်ကျေးရွာ အုပ်စုတွင် တစ်ပတ်အတွင်း ၀မ်းပျက်ဝမ်းလျှောခြင်းများ ဆက်တိုက်ဖြစ်ပွားပြီးနောက် ကျေးလက်ကျန်းမာရေး ဌာနခွဲမှ တာဝန်ရှိသူ ဦးသိန်းအောင်နှင့်အဖွဲ့မှ ရေတွင်းရေကန်များတွင် ကာလ၀မ်းရောဂါ ကာကွယ်ဆေး (ကလိုရင်းဆေးအမှုန့်) များ ထည့်ပေးခြင်းကို လုပ်ဆောင်ပေးခဲ့ပြီး၊ ယခုရက်ပိုင်းအတွင်း၌ ကင်းဆိပ်ရွာမှ အသက် ၃၀ ခန့် အမျိုးသားတစ်ဦးနှင့် ဆူးတပ်ရွာမှ ကောက်စိုက်သမတစ်ဦး ၀မ်းပျက်ဝမ်းလျှောခြင်းကြောင့် သေဆုံးမှုများ ဖြစ်ပွားခဲ့ကြောင်း ဒေသခံအချို့၏ ပြောကြားချက်အရ သိရှိရသည်။

Sky net ၊ ယုဇန၊ ၀ါဝါ၀င်း၊ ဧဒင်ကုမ္ပဏီများနှင့် ၀န်ကြီးဌာနများမှ ဥပဒေမဲ့ သိမ်းယူထားသည်ဆိုသော မြေကွက် ခုနစ်ရာကျော် ပြန်လည်ရရှိရေးအတွက် မြေပိုင်ရှင် ၇၀ ကျော် ဆန္ဒပြ

ဥပဒေမဲ့ သိမ်းယူထားသည်ဆိုသော မြေကွက်ခုနစ်ရာကျော် ပြန်လည်ရရှိရေးအတွက် ဇွန် ၁၁ ရက်တွင် မြေပိုင် ၇၀ ကျော်က ဆန္ဒပြထုတ်ဖော် နေစဉ် (ဓာတ်ပုံ-အောင်ရဲကို)

Sky net ၊ ယုဇန၊ ၀ါဝါ၀င်း၊ ဧဒင်ကုမ္ပဏီများနှင့် ဟိုတယ်နှင့် ခရီးဝန်ကြီးဌာန၊ မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနများမှ ဥပဒေမဲ့ သိမ်းယူလွှဲပြောင်း ထားသည်ဆိုကာ မြေကွက် ခုနစ်ရာကျော်၏ ပိုင်ရှင်များမှ ပြန်လည်ရရှိရေးအတွက် မြေပိုင်ရှင် ၇၀ ကျော်က ဆန္ဒပြမှုအား ဇွန် ၁၁ ရက်တွင် ပြုလုပ်ခဲ့သည်။

ယင်းဆန္ဒ ထုတ်ဖော်မှုများတွင် မြို့ရွာနှင့် အိုးအိမ်ဦးစီးဌာန ရှေ့မှ ယုဇန၊ ဧဒင်၊ ၀ါဝါ၀င်း ကုမ္ပဏီ ဥပဒေမဲ့ သိမ်းယူထားသည်ဆိုပြီး အဆောက်အအုံ ဆောက်လုပ်သည့် ဗိုလ်တထောင်မြို့နယ်၊ ဟိုတယ်နှင့် ခရီးသွားလာရေး ၀န်ကြီးဌာနမှ ဂိုဒေါင်အဖြစ် အသုံးပြုလျက်ရှိသည့် မြေနေရာဝင်းနှင့် မည်သည့်အဆောက် အအုံများမှ ဆောက်လုပ်ထားခြင်း မရှိသေးသည့် စီအိုဒီ ၀န်းအတွင်းသို့ စီတန်းလမ်းလျှောက်ခြင်းနှင့် မြေနေရာများ ပြန်ရရှိရေးဟူသော ကြွေးကြော်သံများ ဟစ်ကြွေးဆန္ဒ ပြခဲ့ကြောင်း သိရသည်။

ထိုသို့ ဆန္ဒထုတ်ဖော်မှုမှာ သုံးကြိမ်မြောက်အဖြစ် ပြုလုပ်ခဲ့ခြင်း ဖြစ်သည့်အပြင် နိုင်ငံတော် သမ္မတ၊ လွှတ်တော်အသီးသီး၊ သက်ဆိုင်ရာ ၀န်ကြီးဌာနနှင့် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီထံသို့ တိုင်ကြားခဲ့ပြီး ဖြစ်သော်လည်း လက်ရှိအချိန်ထိ ထူးခြားမှု မရှိသေးကြောင်း သိရသည်။

လျော်ကြေးပေးခြင်း မရှိဘဲ ဥပဒေမဲ့ သိမ်းဆည်းခံ ထားရသော မြေကွက်တစ်ကွက်၏ ပျှမ်းမျှအကျယ်မှာ ၂၅ ပေ _ ၅၈ ပေရှိပြီး ၇၁၃ ကွက်ရှိပြီး ရာဇာဓိရာဇ်လမ်း၊ ဗန္ဓုလလမ်း၊ ကမ်းနားလမ်းနှင့် ဗိုလ်တထောင် မြို့နယ်တို့တွင် တည်ရှိကြောင်း သိရသည်။

အဆိုပါ မြေများမှာ နှစ် ၉၀ သက်တမ်းရှိ ဂရန်မြေများဖြစ်ပြီး ၁၉၉၄ အထိ ကုန်သွယ်ရေး ၀န်ကြီးဌာနနှင့် ဟိုတယ်နှင့် ခရီးသွားဝန်ကြီး ဌာနတို့မှ ငှားရမ်းခဲ့ကြောင်း သိရသည်။

မြေပိုင်ရှင် တစ်ဦးဖြစ်သူ ဦးမြင့်အောင်က "လျော်ကြေးမပေး စာမလာနဲ့ နိုင်ငံရဲ့ လိုအပ်ချက်ဆိုပြီး သိမ်းယူခဲ့တာ ကျွန်တော်တို့ရဲ့ ဘိုးဘွားပိုင်တွေပါ။ ဂရန်တွေ အပြည့်အစုံ ရှိတယ်။ သူတို့ ဌာနတွေကို ငှားရမ်းခဲ့တဲ့ စာရွက်စာတမ်းတွေ ငှားရမ်းခ ရရှိတဲ့ ပြေစာစာရွက်တွေ ကျွန်တော်တို့ဆီမှာ အခိုင်အမာ ရှိပါတယ်" ဟုဆိုသည်။

သို့သော်လည်း အိုးအိမ်ဦးစီးဌာနမှ နိုင်ငံတော်၏ လိုအပ်ချက်အရ ဟုဆိုကာ ၁၉၉၄ ခုနှစ် နောက်ပိုင်းတွင် သိမ်းယူခဲ့ပြီး လက်ရှိတွင် ယုဇန၊ ဧဒင်၊ ၀ါဝါ၀င်း ဆောက်လုပ်ရေး ကုမ္ပဏီများသို့ ပြန်လည်ရောင်းချ နေသဖြင့် ယခုကဲ့သို့ ဆန္ဒထုတ်ဖော်ရခြင်း ဖြစ်ပြီး ဖြေရှင်းချက် မပေးပါက ရန်ကုန်မြို့ပေါ်ရှိ မြေသိမ်းခံသူများနှင့် ပူးပေါင်းကာ ထပ်မံဆန္ဒ ထုတ်ဖော်သွားမည်ဖြစ်ကြောင်း မြေသိမ်းခံရ၍ ဆန္ဒပြသူများထံမှ သိရသည်။

မြေသိမ်းခံရသူ ကိုတင်ဦး ဆိုသူကလည်း "အခုဆို ဂရန်သက်တမ်းက ကျန်သေးတယ်။ မြေသိမ်းခံခဲ့ရတဲ့ ၁၉၉၄ ခုနှစ်ကတောင် နှစ်နှစ်ဆယ် သက်တမ်းရှိသေးတယ်။ အဲဒါကို အိုးအိမ်က ဒီခရိုနီ ကုမ္ပဏီတွေနဲ့ ပူးပေါင်းပြီး အိမ်ရာတွေ ဆောက်လုပ်ဖို့ လုပ်နေတာ ဘယ်လိုမှ လက်မခံနိုင်ပါဘူး" ဟုဆိုသည်။

သိမ်းယူခံထားရသော မြေကွက်များ၏ ရာခိုင်နှုန်း ၈၀ ခန့်မှာ အဆောက်အအုံ တစ်စုံတစ်ရာမှ ဆောက်လုပ်ခြင်း မရှိသေးသဖြင့် ပြန်လည်ရရှိရန်နှင့် ဥပဒေမဲ့ ဆောက်လုပ်နေသော ကုမ္ပဏီများအား အရေယူ ဆောင်ရွက်ပေးရန် အထူးစုံစမ်းစစ်ဆေးရေး အဖွဲ့ဖွဲ့ကာ ဆောင်ရွက်ပေးရန် သမ္မတ၊ သက်ဆိုင်ရာ ဌာနအသီးသီးသို့ တင်ပြဆောင်ရွက်သွားမည် ဖြစ်ကြောင်း သိရသည်။

မိုးရွာသွန်းချိန် ဗိုလ်ဆွန်ပက်ကွန်ဒို ကားပါကင်၌ ကားနှစ်စီး ရေမြုပ်၍ ကရိန်းဖြင့် ဆယ်ယူခဲ့ရ

ဗိုလ်ဆွန်ပက် ကွန်ဒိုရှိ ကားပါကင်တွင် ရေနစ်မြုပ်နေသော ကားကို တွေ့ရစဉ် (ဓာတ်ပုံ-သက်မျိုးမင်း)

ဇွန် ၉ ရက် ညပိုင်းနှင့် ဇွန် ၁၀ ရက် နံနက်ပိုင်း မိုးရွာသွန်းမှုကြောင့် ရန်ကုန်မြို့လယ်ရှိ ပန်းဘဲတန်း၊ ကျောက်တံတား၊ လသာစသော မြို့နယ်များမှ လမ်းများတွင် အနည်းဆုံး ခြောက်လက်မမှ အများဆုံး နှစ်ပေအထိ ရေလျှံခြင်း ဖြစ်ပေါ်ခဲ့ပြီး ဗိုလ်ဆွန်ပက်ကွန်ဒို ကားပါကင်တွင် ကားနှစ်စီး ရေမြုပ်၍ ကရိန်းဖြင့် ပြန်လည်ဆယ်ယူ ခဲ့ရသည်။

ရေကြီးရေလျှံမှု အများဆုံးဖြစ်သော လမ်းများမှာ ဗိုလ်ဆွန်ပက်လမ်း၊ ၂၉ လမ်း၊ ၃၁ လမ်းတို့ဖြစ်ကာ ထိုလမ်းများ၏ အချို့နေရာများတွင် နှစ်ပေခန့်အထိ ရေလျှံနစ်မြုပ်မှုများ ဖြစ်ပေါ်ခဲ့ကာ ယင်းလမ်းများတွင် အလုပ်လုပ်ကိုင် နေသောသူများ အခက်ကြုံခဲ့ရပြီး၊ ရေလျှံမှု ဖြစ်ပေါ်သော အချိန်၌ အမှိုက်သရိုက် များသည်လည်း လမ်းပေါ်တွင် မျောပါနေကြောင်း သိရသည်။

ထို့ပြင် ဗိုလ်ဆွန်ပက်လမ်း၊ ဗိုလ်ဆွန်ပက် ကွန်ဒိုတွင်လည်း မြေညီထပ်ထိ ရေ၀င်ရောက်မှုမှာ ငါးပေခန့်ရှိကာ အောက်ဆုံးထပ် ကားပါကင်တွင်မူ ကားနှစ်စီး ရေမြုပ်သွားသည်အထိ ဖြစ်ခဲ့ရပြီး တစ်စီးကို ဇွန် ၁၀ ရက် နံနက်ပိုင်းက ကရိန်းဖြင့်ပင် လာရောက်ဆယ်ယူ သွားခဲ့ရကြောင်း သိရသည်။

"အခုထက်ထိ ကျွန်တော့်ကားက ရေမြုပ်နေတုန်းပဲ။ အောက်ထပ် ကားပါကင်ကို ရေ၀င်တာ ငါးပေကျော်လောက် ရှိမယ်။ အခု ရေလာစုပ်ထုတ်တယ် ဆိုတဲ့ပိုက်လုံးကလည်း အလုံးတော်တော် သေးသေးနဲ့ စုပ်ထုတ်နေပါတယ်" ဟု ရေနစ်မြှုပ်နေသည့် ဗိုလ်ဆွန်ပက် ကွန်ဒိုမှ ကားပိုင်ရှင်က ဆိုသည်။

မလေးရှားရှိ မြန်မာများအတွက် အစွမ်းကုန် ကာကွယ်စောင့်ရှောက်ပေးရန် သမ္မတ ဦးသိန်းစိန် ပြောကြား

မလေးရှားရှိ မြန်မာများအတွက် အစွမ်းကုန် ကာကွယ်စောင့်ရှောက်ပေးရန် မလေးရှား နိုင်ငံသို့ သွားရောက်မည့် မြန်မာအထူး ကိုယ်စားလှယ် အဖွဲ့အား သမ္မတ ဦးသိန်းစိန်က တွေ့ဆုံမှာကြားခဲ့ကြောင်း နိုင်ငံတော် သမ္မတရုံးမှ သတင်းရရှိသည်။

မလေးရှားနိုင်ငံတွင် မြန်မာအလုပ်သမားများ အကြမ်းဖက် အသတ်ဖြတ်ခံနေရမှုနှင့် စပ်လျဉ်း၍ လေ့လာစုံစမ်းမှုများ ပြုလုပ်သွားရန် နိုင်ငံခြားရေး ၀န်ကြီးဌာန ဒုတိယ၀န်ကြီး၊ အလုပ်သမား ၀န်ကြီးဌာန ဒုတိယ၀န်ကြီး ဦးဆောင်သည့် မြန်မာအထူး ကိုယ်စားလှယ်အဖွဲ့သည် မလေးရှားနိုင်ငံသို့ မြန်မာနိုင်ငံမှ ဇွန် ၁၁ ရက် ညနေပိုင်းတွင် မလေးရှား လေကြောင်းလိုင်းဖြင့် သွားရောက်မည်ဖြစ်ကြောင်း သိရသည်။

အဆိုပါ အဖွဲ့တွင် ပြည်ပအလုပ်အကိုင် အေဂျင်စီ အသင်းချုပ်မှ ခြောက်ဦးလည်း ပါဝင်မည်ဖြစ်ပြီး အေဂျင်စီ ကိုယ်စားလှယ် တစ်ဦးမှာ ရှေ့ပြေးသွားရောက်ပြီး ဖြစ်ကြောင်း သိရသည်။

"ဒီအထူး ကိုယ်စားလှယ် အဖွဲ့ရဲ့ လေ့လာတင်ပြချက်တွေပေါ် မူတည်ပြီး အစိုးရ အနေနဲ့ လိုအပ်တာ မှန်သမျှ ဆောင်ရွက်ပေးသွားမှာ ဖြစ်ပါတယ်။ မိမိ နိုင်ငံသားတွေကို ကာကွယ်စောင့်ရှောက်ဖို့ လုပ်လို့ရတာ အကုန်လုပ်ဖို့၊ လုပ်နိုင်တာ အကုန်လုပ်ဖို့ သမ္မတကြီးကိုယ်တိုင် ပြောကြားထားပါတယ်။ ပထမဆုံး ဖြစ်စဉ်တွေ ဖြစ်လာချိန်မှာ နိုင်ငံအချင်းချင်း ဆက်ဆံရေးဆိုင်ရာ ကွန်ဗင်းရှင်းတွေနဲ့အညီ သံတမန်ရေးအရ ညှိနှိုင်းဆောင်ရွက် ရပါတယ်။ မိတ်ဆွေနိုင်ငံရဲ့ ဖြေရှင်းဆောင်ရွက် မှုတွေကိုလည်း စောင့်ကြည့်ရပါတယ်။ ဆက်လက်ဖြစ်ပေါ်လာတဲ့ အခြေအနေတွေပေါ် မူတည်ပြီး အခုလို ဖြစ်စဉ် ဖြစ်ရပ် အမှန်တွေကို တိတိကျကျ သိရှိနိုင်ဖို့၊ မိမိနိုင်ငံ သားများကို ခိုင်ခိုင်မာမာ အကာအကွယ် ပေးနိုင်ဖို့ ခုလိုစေလွှတ်လိုက်တာ ဖြစ်ပါတယ်" ဟု နိုင်ငံတော် သမ္မတရုံးမှ ညွှန်ကြားရေးမှူး ဦးဇော်ဌေးက ပြောကြားသည်။

"မလေးရှားမှာရှိတဲ့ မြန်မာနိုင်ငံ သားတွေကိုယ်စား ဖြစ်ရပ်တွေ၊ လိုအပ်ချက်တွေ၊ အစိုးရချင်း ညှိနှိုင်းဆောင်ရွက် ပေးစေလိုတဲ့ အချက်တွေကို ဒီအထူး ကိုယ်စားလှယ်အဖွဲ့နဲ့ ဆက်သွယ်ပြီး ပြည့်ပြည့်စုံစုံ ခိုင်ခိုင်မာမာ အသိပေးကြဖို့ အရေးကြီးပါတယ်။ တချို့ဖြစ်ရပ်တွေ၊ လိုအပ်ချက်တွေကို အကုန်အစင် အသေးစိတ် သိရှိနိုင်ဖို့ ခဲယဉ်းနိုင်တာကြောင့် ဖြစ်ပါတယ်" ဟု ၎င်းက ဆက်လက်ပြောကြားသည်။

မလေးရှားနိုင်ငံတွင် အလုပ်လုပ်ကိုင်နေသော မြန်မာအလုပ်သမားများ အကြမ်းဖက် သတ်ဖြတ်ခံရမှုကြောင့် မေ ၃၀ ရက်မှ ဇွန် ၈ ရက်အထိ သေဆုံးသူဦးရေ ၆ ဦး ရှိသွားပြီဖြစ်ပြီး အတွင်းလူနာအဖြစ် 
ဆေးရုံတင်ထား ရသူဦးရေမှာ ၁၂ ဦး ရှိသွားပြီဖြစ်ကြောင်း မလေးရှားနိုင်ငံရှိ ကပုန်းနာရေးကူညီမှု အသင်းဥက္ကဋ္ဌ ဦးစန်းဝင်းက ပြောကြားသည်။

ဘင်္ဂလားဒေ့ရ်ှမှ ၀င်လာသော တိုင်းရင်းသားများအား ပြန်မသွားမှသာ နိုင်ငံသားဖြစ်ခွင့် မဖြစ်ခွင့်ကို စဉ်းစားမည်

ဘင်္ဂလားဒေ့ရ်ှနိုင်ငံမှ မောင်တောမြို့သို့ ပြန်လည်ဝင်ရောက်လာသော ရခိုင်တိုင်းရင်းသား မိသားစု တစ်စုအား မေလ ဒုတိယပတ်က တွေ့ရစဉ်

ဘင်္ဂါလီများ၏ အကြမ်းဖက်မှုများကြောင့် ရခိုင်ပြည်နယ် အတွင်းသို့ ၀င်ရောက်လာသော ရခိုင်တိုင်းရင်းသားများအား ဘင်္ဂလားဒေ့ရှ် နိုင်ငံသို့ ပြန်လည်မသွားဟု ဆိုမှသာ နိုင်ငံသားဖြစ်ခွင့် မဖြစ်ခွင့်ကို ထည့်သွင်းစဉ်းစား သွားမည်ဖြစ်ကြောင်း ပြည်နယ် အစိုးရထံမှ သိရသည်။

ဘင်္ဂလားဒေ့ရှ် နိုင်ငံမှ ရခိုင်ပြည်နယ် အတွင်းသို့ ခိုလှုံလာကြ သူများထဲတွင် သက်၊ မြို၊ ရခိုင်၊ ဒိုင်းနက် လူမျိုးများ ပါဝင်ပြီး မောင်တောမြို့နယ်နှင့် ကျောက်တော်မြို့နယ် အတွင်းသို့ ရောက်ရှိနေသော အိမ်ထောင်စု အရေအတွက်မှာ ၁၅၈ စုဖြစ်ကြောင်းနှင့် ကျားမ လူဦးရေမှာ ၇၂၅ ဦးအထိ ရှိနေပြီဖြစ်ကြောင်း သိရသော်လည်း မောင်တောဒေသခံများ၏ အဆိုအရ အိမ်ထောင်စု ၂၅၀ ကျော်နှင့် လူဦးရေ ၁၀၀၀ ကျော်နေပြီ ဖြစ်ကြောင်းလည်း သိရသည်။

တစ်နှစ်စာ ဆန်တွေ၊ ဆီတွေ၊ အသုံးစရိတ်တွေ ထုတ်ပေးထားတယ်။ နေရာထိုင်ခင်းအတွက် စီစဉ်ပေးနေတယ်။ ဥပဒေအရ ဆောင်ရွက်သွားမှာပါ။ ဖြစ်သင့်ရင် ဖြစ်မယ်၊ မဖြစ်သင့်ရင်တော့ မဖြစ်သေးဘူး . . . . .

ဘင်္ဂလားဒေ့ရှ် နိုင်ငံမှ ရောက်ရှိလာသူများနှင့် ပတ်သက်ပြီး ရခိုင်ပြည်နယ် အစိုးရအဖွဲ့ သတင်းထုတ်ပြန်ရေးနှင့် မှတ်တမ်းပြုစုရေး ဆပ်ကော်မတီ ဥက္ကဋ္ဌ ဦးလှသိန်းက "မြန်မာပြည်ထဲကို ၀င်လာတဲ့ ရခိုင်တိုင်းရင်းသားတွေကို နိုင်ငံသားဖြစ်ခွင့် ပေးမပေးဆိုတာ နောက်မှစဉ်းစားမယ်။ အဓိကတော့ မပြန်တော့ဘူးဆိုရင် သူတို့အတွက် ထည့်စဉ်းစားပေးမယ်။ အခု လောလောဆယ်တော့ ပြည်နယ်အစိုးရက တစ်နှစ်စာဆန်တွေ၊ ဆီတွေ၊ အသုံးစရိတ်တွေ ထုတ်ပေးထားတယ်။ နေရာထိုင်ခင်းအတွက် စီစဉ်ပေးနေတယ်။ ဥပဒေအရ ဆောင်ရွက်သွားမှာပါ။ ဖြစ်သင့်ရင် ဖြစ်မယ်၊ မဖြစ်သင့်ရင်တော့ မဖြစ်သေးဘူး။ သူတို့မှာလည်း အသက်အန္တရာယ်ရှိလို့ ပြေးလာကြတာတော့ သေချာတယ်" ဟု ပြောကြားခဲ့ပါသည်။

ဘင်္ဂလားဒေ့ရှ် နိုင်ငံမှ ရောက်ရှိလာသူများသည် ယင်းနိုင်ငံတွင် ဆက်လက်နေထိုင်၍ မရတော့သည့် အနေအထားကြောင့် ထိုသို့ထွက်ပြေး ခိုလှုံလာခဲ့ခြင်းဖြစ်ပြီး မြန်မာနိုင်ငံအတွင်း အမြဲနေထိုင် သွားကြမည့်သူများ ဖြစ်ကြောင်းလည်း မြန်မာနိုင်ငံ အတွင်းသို့ ရောက်ရှိလာသူများထံမှ သိရသည်။