မြန်မာနိုင်ငံရှိ အလုပ်သမား ဆေးရုံများကို နိုင်ငံတကာနှင့် ပူးပေါင်း၍ အဆင့်မြှင့်တင်မည်

ရန်ကုန်အလုပ်သမား ဆေးရုံကြီးကို တွေ့ရစဉ် (ဓာတ်ပုံ-ဥမ္မာအောင်)

မြန်မာနိုင်ငံရှိ အလုပ်သမား ဆေးရုံများကို အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာန၏ အစီအစဉ်ဖြင့် နိုင်ငံတကာနှင့် ပူးပေါင်း၍ အဆင့်မြှင့်တင်မှုများ ပြုလုပ်ရန် စီစဉ်ဆောင်ရွက်လျက်ရှိကြောင်း လူမှုဖူလုံရေး အဖွဲ့မှ သိရသည်။

အဆိုပါ နိုင်ငံတကာနှင့် ပူးပေါင်း၍ အဆင့်မြှင့်တင်မည့် ဆေးရုံများမှာ ရန်ကုန်၊ မန္တလေးနှင့် ရွှေဘိုမြို့များရှိ အလုပ်သမား ဆေးရုံများဖြစ်ကြောင်း သိရသည်။

ယင်းကဲ့သို့ အဆင့်မြှင့်တင်ရန်အတွက် စင်ကာပူ၊ ထိုင်း၊ ကိုရီးယား နိုင်ငံတို့နှင့် ဆွေးနွေးပြီးဖြစ်ပြီး ယခုအခါ ဂျပန်နိုင်ငံကလည်း ဆေးရုံများ အဆင့်မြှင့်တင်ရာတွင် ပူးပေါင်းပါဝင်ရန် အဆိုတင်သွင်းထားကြောင်း သိရသည်။

"ဆေးရုံကြီးတွေ အဆင့်မြှင့်တင်မှု စီမံကိန်း ဘယ်တော့ပြီးမယ် ဆိုတာတော့ သေချာ မပြောနိုင်သေးဘူး။ ပူးပေါင်းခွင့်ရတဲ့နိုင်ငံ အတည်ဖြစ်မှ အကောင်အထည် ဖော်လို့ရမှာပါ။ ဒီကိစ္စတွေအတွက် ဆွေးနွေးမှုတွေ ဆက်တိုက်ပြုလုပ် နေပါတယ်" ဟု လူမှုဖူလုံရေး အဖွဲ့ဥက္ကဋ္ဌ ဦးယုလွင်အောင်က ဆိုသည်။

အဆိုပါ ဆေးရုံများ အဆင့်မြှင့်တင်ရာတွင် ပူးပေါင်းဆောင်ရွက်ခွင့် ရရှိမည့် နိုင်ငံကို လူမှုဖူလုံရေး ၀န်ကြီးဌာန၊ ဆက်စပ်ဝန်ကြီးဌာနများနှင့် အစိုးရ အဖွဲ့များမှ အဆင့်ဆင့် တင်ပြရွေးချယ် သွားမည်ဖြစ်ကြောင်း သိရသည်။

လူမှုဖူလုံရေး ကျန်းမာရေး စောင့်ရှောက်မှု အာမခံ ထားရှိထားသည့် အလုပ်သမားများသည် လူမှုဖူလုံရေး လက်အောက်ရှိ ဆေးခန်းများသာမက ယခု အဆင့်မြှင့်တင်မည့် ဆေးရုံများတွင်လည်း မိမိထားရှိထားသည့် အာမခံနှင့်အညီ ဆေးကုသနိုင်မည်ဖြစ်ကြောင်း သိရသည်။

"ကျွန်တော်တို့ အခုစီစဉ်နေတဲ့ အာမခံ Smart Card က ဒီဆေးရုံ၊ ဆေးခန်းတွေမှာ ဆေးကုသခဲ့ရင် ဆေးကုသစရိတ်ကို ကတ်ထဲကနေ ဖြတ်သွားမယ်။ အာမခံ ထားတဲ့လူတွေ အနေနဲ့ ငွေကြေးထပ်မံ ပေးစရာ မလိုပါဘူး။ အာမခံ ထားရှိထားတဲ့ အလုပ်သမားတွေ အဆင်ပြေဖို့အတွက် ကျွန်တော်တို့ အနေနဲ့ အဆင့်မြှင့် ပူးပေါင်းဆောင်ရွက်မှုတွေ လုပ်တာပါ" ဟု ဦးယုလွင်အောင်က ဆိုသည်။

လူမှုဖူလုံရေး အာမခံ လုပ်ငန်းမှ အလုပ်သမား ဆေးရုံကြီးများကို နိုင်ငံတကာနှင့် ပူးပေါင်း၍ အဆင့်မြှင့်တင် မှုများအပြင် ယခုအခါ ပြည်တွင်းရှိ ပုဂ္ဂလိက ဆေးရုံ ၁၂ ရုံနှင့်လည်း ၎င်းတို့၏ အာမခံ အလုပ်သမားများ ဆေးကုသနိုင်ရန် ဆေးကုသမှု စံနှုန်းစနစ်များ သတ်မှတ်၍ ပူးပေါင်းဆောင်ရွက်ရန် စီစဉ်လျက်ရှိကြောင်း သိရသည်။

မြန်မာ တစ်နိုင်ငံလုံး၌ လူမှုဖူလုံရေး အဖွဲ့တွင် လူမှုဖူလုံရေး နည်းဥပဒေအရ လက်ရှိတွင် အာမခံထားရှိသည့် အလုပ်သမားဦးရေ စုစုပေါင်း ခြောက်သိန်းလေးသောင်း ခန့်ရှိကြောင်း လူမှုဖူလုံရေး အဖွဲ့မှ သိရသည်။

လှိုင်သာယာ စက်မှုဇုန် (၂) ရှိ ဟောင်ကောင် ကြာဆံစက်ရုံတွင် မီးလောင်မှု ဖြစ်ပွား

ဇွန် ၄ ရက်က လှိုင်သာယာစက်မှုဇုန် ၂ ရှိ ဟောင်ကောင်ကြာဆံစက်ရုံ မီးလောင်မှုအား ငြိမ်းသတ်နေသည်ကို ည ၇ နာရီ ခန့်က တွေ့ရစဉ်

ရန်ကုန်မြို့၊ လှိုင်သာယာ စက်မှုဇုန် (၂) ဦးရေပေါလမ်းတွင် တည်ရှိသော ဟောင်ကောင် ကြာဆံစက်ရုံတွင် ဇွန် ၄ ရက်က မီးလောင်မှု ဖြစ်ပွားခဲ့သည်။

အဆိုပါ မီးလောင်မှုမှာ ညနေ ၆ နာရီ၊ မိနစ် ၃၀ ခန့်တွင် စတင်လောင်ကျွမ်းခြင်းဖြစ်ပြီး ည ၇ နာရီခွဲခန့်တွင် မီးငြှိမ်းသတ်နိုင်ခဲ့ကြောင်း လှိုင်သာယာမြို့နယ် မီးသတ်တပ်ဖွဲ့မှ သိရသည်။

ထို့ပြင် မီးလောင်မှု အကြောင်းအရင်းကို စုံစမ်းဆဲဖြစ်ကာ အဆောက်အအုံ ငါးလုံးနှင့် ဒီဇယ်ဆီဂါလန် ၃၀ ပျက်စီး လောင်ကျွမ်းခဲ့ကြောင်း သိရသည်။

မီးလောင်မှုကို ငြှိမ်းသတ်နေသော မီးသတ်တပ်ဖွဲ့ဝင် တစ်ဦးက "အထဲမှာ မီးမလောင်သေးတဲ့ ဒီဇယ်ပေပါ ၁၆ လုံးလောက် ရှိမယ်။ ပြီးတော့ ဒီဇယ်မီးစက် အကြီးစားနှစ်လုံးလည်း မီးလောင်ထားတယ်။ လူအထိအခိုက်တော့ မရှိဘူး" ဟု ပြောသည်။

အဆိုပါစက်ရုံ မီးလောင်မှုကို မီးသတ်ယာဉ် ၄၆ စီး၊ ကွပ်ကဲမှုယာဉ် ခြောက်စီးလာရောက် ငြှိမ်းသတ်ခဲ့ကြောင်း သိရသည်။

"စလောင်တဲ့ နေရာက အလုပ်သမားတွေ နေတဲ့တန်းလျားက စလောင်နေတာ တွေ့ရတယ်။ လောင်လောင်ချင်း မီးသတ်ဆေးဘူးနဲ့ ငြှိမ်းပါသေးတယ်။ နောက်တော့ မီးသတ်ကားတွေ ရောက်လာပါတယ်" ဟု အဆိုပါ စက်ရုံမှ စက်ပြင်တာဝန်ခံ ဦးမျိုးထွဋ်က ပြောသည်။  
   

မူဆယ်နယ်စပ်မှ နှစ်လအတွင်း အကောက်ခွန်မဲ့ပစ္စည်း တင်သွင်းမှု ကျပ်သိန်း ၆၀၀၀ ကျော် ဖမ်းဆီးရမိခဲ့ရာ စားသောက်ကုန်များ အများဆုံးဖြစ်

မြန်မာ-တရုတ် နယ်စပ်ရှိ မူဆယ်နယ်စပ်မှ ၂၀၁၃ ခုနှစ်၊ ဧပြီလနှင့် မေလအတွင်း အကောက်ခွန်မဲ့ ပစ္စည်းများ တင်သွင်းလာမှုအား ကျပ်သိန်း ၆၀၀၀ကျော် ဖမ်းဆီးရမိခဲ့ရာ စားသောက်ကုန်များ အများဆုံးဖြစ်ကြောင်း မူဆယ်နယ်စပ်ကုန် သွယ်ရေးဌာနမှ ဒုတိယညွှန်မှူး ဦးနန္ဒက ပြောကြားခဲ့သည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန အနေဖြင့် စားသုံးသူ ကာကွယ်ရေးနှင့် တရားမ၀င် ကုန်သွယ်မှုတားဆီး ထိန်းချုပ်ရေးအဖွဲ့ Mobile Team များ ဖွဲ့စည်းကာ နယ်စပ်ဂိတ်များမှ တရားမ၀င် အကောက်ခွန်မဲ့ ပစ္စည်းများ ၀င်ရောက်လာမှုကို စစ်ဆေးအရေးယူ လျက်ရှိကြောင်း သိရသည်။

တရုတ်ဘက်မှ ကြက်ငှက်တုပ်ကွေး ဖြစ်နေတယ်ဆိုတဲ့ သတင်းတွေကြောင့် အဲဒီဘက်က ကြက်ဥ၊ ကြက်သားတွေ ပြည်တွင်းကို လှိမ့်သွင်းလာတာလည်း စစ်ဆေးတွေ့ရှိ ခဲ့ရပါတယ်။ ဒါတွေကို သက်ဆိုင်ရာ ဌာနတွေနဲ့ ပူးပေါင်းပြီး အရေးယူဖို့ ဆောင်ရွက်နေပါပြီ . . . . .

တရားမ၀င် ကုန်သွယ်မှုများကြောင့် ၂၀၁၂ ခုနှစ်အတွင်း နယ်စပ်ကုန်သွယ်ရေး ကုန်သွယ်မှုများ သိသာစွာ တိုးတက်မှု မရှိခဲ့ကြောင်းလည်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဦးဝင်းမြင့်က ပြောကြားခဲ့သည်။

"အခု ကျွန်တော်တို့ ဖမ်းဆီးရမိတဲ့ အကောက်ခွန်မဲ့ ပစ္စည်းတွေက စားသောက်ကုန်တွေ များပါတယ်။ ချောကလက်၊ ချိုချဉ်စတဲ့ မုန့်မျိုးစုံလည်း ပါဝင်ပါတယ်။ ဒါ့အပြင် တရုတ်ဘက်မှ ကြက်ငှက်တုပ်ကွေး ဖြစ်နေတယ်ဆိုတဲ့ သတင်းတွေကြောင့် အဲဒီဘက်က ကြက်ဥ၊ ကြက်သားတွေ ပြည်တွင်းကို လှိမ့်သွင်းလာတာလည်း စစ်ဆေးတွေ့ရှိ ခဲ့ရပါတယ်။ ဒါတွေကို သက်ဆိုင်ရာ ဌာနတွေနဲ့ ပူးပေါင်းပြီး အရေးယူဖို့ ဆောင်ရွက်နေပါပြီ" ဟုလည်း ဦးနန္ဒက ဆက်လက်ပြောကြားခဲ့သည်။

မဲခေါင်မြစ် တစ်လျှောက်တွင် မြန်မာနိုင်ငံ ပါဝင်သည့် လေးနိုင်ငံ မူးယစ်နှိမ်နင်းရေး တပ်ဖွဲ့များ စစ်ဆင်ရေးဆင်နွှဲ

မြန်မာ၊ ထိုင်းနှင့် လာအိုနိုင်ငံတို့မှ မူးယစ်ဆေးဝါးနှင့် လူသတ်မှု ကျူးလွန်သူ လေးဦးကို သတ်ဖြတ်ခဲ့ပြီးနောက် တရုတ်နိုင်ငံ၏ လုံခြုံရေး တပ်ဖွဲ့များသည် မဲခေါင်မြစ်တစ်လျှောက်မှ နိုင်ငံများနှင့် ပူးပေါင်းကာ မူးယစ်တိုက်ဖျက်ရေး စစ်ပွဲအား တိုးချဲ့ဆင်နွှဲနေပြီ ဖြစ်သည်ဟု China Daily သတင်းစာက ဆိုပါသည်။

ဧပြီ ၁၉ ရက်က စတင်ခဲ့သော စစ်ဆင်ရေးမှ လက်ရှိအချိန်အထိ မူးယစ်ဆေး ကြွယ်ဝသော ရွှေတြိဂံဒေသမှ သံသယရှိသူ ၈၁၂ ဦးကိုလည်း ဖမ်းဆီးထားပြီဖြစ်ပြီး စစ်ဆင်ရေးသည် ဇွန် ၂၀ ရက်တွင် ပြီးဆုံးမည် ဖြစ်သည်။ အဆိုပါ စစ်ဆင်ရေးတွင် မဲခေါင်မြစ်အတွင်း သွားလာနေသော ကုန်တင်သင်္ဘောများ၊ ခရီးသည်တင် သင်္ဘောများကို ပြောက်ကျားများ၊ ပြန်ပေးသမားများနှင့် ဓားပြများရန်မှ အကာအကွယ် ပေးခြင်းလည်း ပါဝင်သည်။

စစ်ဆင်ရေးအတွင်း တရုတ်၊ ထိုင်း၊ မြန်မာနှင့် လာအိုနိုင်ငံများမှ ကာကွယ်ရေး တပ်ဖွဲ့များသည် လက်နက်ခဲယမ်းများ အပါအ၀င် မူးယစ်ဆေးဝါး ၂ တန်ကျော် ဖမ်းဆီးရမိ ထားသည်ဟု ဆိုပါသည်။ ဖမ်းဆီးထားသော သံသယရှိသူ ၈၁၂ ဦးတွင် တရုတ်၊ ထိုင်း၊ မြန်မာနှင့် လာအိုနိုင်ငံသားများ အပြင် ဗီယက်နမ် နိုင်ငံသားများလည်း ပါဝင်သည်ဟု တရုတ်နိုင်ငံ ယစ်မျိုးအရာရှိ Lan Weihong က ဆိုပါသည်။

Mr. Lan က ယခုကြေညာချက်ကို ယူနန်ပြည်နယ် တောင်ပိုင်းရှိ မဲခေါင်မြစ်ဆိပ်ကမ်း ဂျင်ဟောင်း (Jinghong) တွင်ရှိသော လေးနိုင်ငံမှ မူးယစ်နှိမ်နှင်းရေး တပ်ဖွဲ့များ ရုံးချုပ်တွင် မေ ၂၁ ရက်က ပြောဆိုခဲ့ခြင်း ဖြစ်သည်။ ထိုဌာနချုပ်တွင် ပူးပေါင်းဆောင်ရွက်နေသည့် လေးနိုင်ငံမှ အရာရှိများသည် အခန်းတစ်ခန်းထဲတွင် စကားပြန်များမှတစ်ဆင့် တိုက်ရိုက်ဆွေးနွေး ပြောဆိုနေကြခြင်း ဖြစ်သည်။ ထိုကဲ့သို့ ပူးပေါင်းဆောင်ရွက်ခြင်းဖြင့် ယခင်က လုပ်ငန်းများကို နှေးကွေးစေခဲ့သည့် ကြိုးနီစနစ်ကို လျှော့ချနိုင်ပြီး လုပ်ငန်းများ ပိုမိုလျင်မြန် လာသည်ဟုလည်း Mr. Lan က ဆိုပါသည်။

လွန်ခဲ့သော လများအတွင်း အမှုပေါင်း ၅၆၀ ဖြင့် ဖမ်းဆီးခဲ့သည့် အဆိုပါ သံသယရှိသူ ၈၁၂ ဦးအား မည်သည့်နေရာတွင် ဖမ်းဆီးထားသည်ကိုမူ ပြောဆိုခဲ့ခြင်း မရှိခဲ့ချေ။ ထိုသူများကို မည်သည့်နိုင်ငံတွင် တရားစွဲဆိုမည် ဖြစ်ကြောင်းနှင့် ပတ်သက်၍လည်း ရှင်းလင်းစွာ မသိရသေးချေ။ ယခုစစ်ဆေးရေးကို တရုတ်နိုင်ငံမှ ဦးဆောင်ပြုလုပ်ခဲ့ခြင်း ဖြစ်သည်။ မဲခေါင်မြစ်သည် တရုတ်နိုင်ငံ တိဘက်ဒေသမှ ရေခဲမြစ်များ အရည်ပျော်ခြင်းဖြင့် ဖြစ်ပေါ်လာခြင်းဖြစ်ပြီး မိုင်ပေါင်း ၂၇၀၀ ရှည်လျားကာ တောင်တရုတ် ပင်လယ်ထဲသို့ စီးဝင်သော မြစ်တစ်ခု ဖြစ်သည်။

ထိုမြစ်သည် ရွှေတြိဂံဒေသကို ဖြတ်သန်းစီးဆင်းသည့် မြစ်တစ်ခုလည်း ဖြစ်သည်။ ရွှေတြိဂံ ဒေသသည် မြန်မာ၊ လာအိုနှင့် ထိုင်းနိုင်ငံ သုံးနိုင်ငံဆုံသည့် ဒေသတစ်ခုဖြစ်ပြီး တရုတ်နိုင်ငံ တောင်ပိုင်းနှင့်လည်း ထိစပ်လျက် ရှိသည်။ ယခု စစ်ဆင်ရေးသည် တရုတ်နိုင်ငံမှ ဦးဆောင်ပြီး မြန်မာ၊ ထိုင်း၊ လာအိုနိုင်ငံမှ မူးယစ်နှိမ်နင်းရေး တပ်ဖွဲ့ဝင်များ ပူးပေါင်းဆောင်ရွက်သည့် ပထမဆုံးအကြိမ် စစ်ဆင်ရေးလည်း ဖြစ်သည်။

ဂျပန်နိုင်ငံ၏ ကူညီမှုဖြင့် မြို့ကြီးသုံးမြို့ကို ဆက်သွယ်မည့် မြန်နှုန်းမြင့် ဖိုက်ဘာဆက်ကြောင်းကို ဆီးဂိမ်းစ်အမီ အပြီးတည်ဆောက်မည်

ဂျပန်နိုင်ငံ၏ အကူအညီဖြင့် တည်ဆောက်ပေးနေသော မြန်မာနိုင်ငံ၏ မြို့ကြီးသုံးမြို့ကို ဆက်သွယ်ပေးမည့် မြန်နှုန်းမြင့် ဖိုက်ဘာဆက်ကြောင်းကို မြန်မာနိုင်ငံတွင် လက်ခံကျင်းပမည့် အရှေ့တောင်အာရှ အားကစားပြိုင်ပွဲကြီးအမီ အပြီးတည်ဆောက် သွားမည်ဟု ဆူမီတိုမို ကော်ပိုရေးရှင်း၏ Telecommunication Business Dept မှ General Manager Mr. Y Benino က ဇွန် ၃ ရက်တွင် ပြောကြားခဲ့သည်။

မြန်မာနိုင်ငံ၏ အဓိကမြို့ကြီး သုံးမြို့ဖြစ်သော ရန်ကုန်၊ မန္တလေးနှင့် နေပြည်တော်ကို ဆက်သွယ်မည့် ဆက်သွယ်ရေး ဖိုက်ဘာဆက်ကြောင်းကို ဂျပန်နိုင်ငံ၏ ကူညီထောက်ပံ့ငွေဖြင့် ဆူမီတိုမို၊ NEC နှင့် NTT ကုမ္ပဏီတို့မှ Optical Fiber-based ဆက်သွယ်ရေးဆက်ကြောင်း တည်ဆောက်ရန် မြန်မာအစိုးရနှင့် အပြီးသတ် စာချုပ်ချုပ်ဆို ပြီးစီးပြီ ဖြစ်သည်။ "ကျွန်တော်တို့ အင်ဂျင်နီယာတွေ အကုန်ရောက်နေပါပြီ။ နိုဝင်ဘာ ကုန်တာနဲ့ အကုန်ပြီးအောင် တည်ဆောက်ရမှာ ဖြစ်ပါတယ်။ မြို့ကြီးသုံးမြို့အပြင် အားကစား စတေဒီယမ်ကြီးတွေ အတွင်းပိုင်းမှာလည်း ဆက်သွယ်ပေးသွားမှာ ဖြစ်ပါတယ်။ မြန်မာအစိုးရ အနေနဲ့ SEA Game စတာနဲ့ ဒီလိုဆက်သွယ်ရေး လိုအပ်ချက်တွေ ရှိလာမှာ ဖြစ်ပါတယ်" ဟု Mr. Y Benino က ဆက်လက်ပြောကြားခဲ့သည်။

အဆိုပါ ဆက်ကြောင်းများ တည်ဆောက်မည့် ဂျပန်ကုမ္ပဏီကြီး သုံးခုက တစ်စက္ကန့်လျှင် ၃၀ ဂစ်ဂါဘိုက် ထုတ်လွှတ်နိုင်စွမ်းရှိမည့် မြန်နှုန်းမြင့် ကွန်ရက်ကို တည်ဆောက်သွားမည် ဖြစ်သည်။ ထို့ပြင် ၎င်းကုမ္ပဏီ သုံးခုက ရန်ကုန်၊ မန္တလေးနှင့် နေပြည်တော်တို့တွင် တစ်စက္ကန့်လျှင် ၁၀ ဂစ်ဂါဘိုက်နှုန်းဖြင့် အသံနှင့် ဒေတာများ ထုတ်လွှင့်နိုင်မည့် Fiber-Optic ကွန်ရက်များကို တပ်ဆင်သွားမည်ဟု ဆိုသည်။

ကူမင်း ကုန်စည်ပြပွဲသို့ မြန်မာစီးပွားရေးလုပ်ငန်းရှင် ၁၈၀ ကျော် သွားမည်

ရန်ကုန် (မဇ္ဈိမ)။    ။ ဇွန်လ ၆ ရက်မှ ၁၀ ရက်နေ့အထိ ပြုလုပ်မည့် တရုတ်နိုင်ငံ၊ ယူနန်ပြည်နယ်၊ ကူမင်း ကုန်စည်ပြပွဲသို့  မြန်မာနိုင်ငံမှ စီးပွားရေးလုပ်ငန်းရှင် ၁၈၀ ကျော် သွားရောက်မည်ဟု ကုန်သည်များနှင့် စက်မှုလုပ်ငန်းရှင်များ အသင်းချုပ် (UMFCCI) မှတဆင့် သိရသည်။

"စီးပွားရေးနှင့် ကူးသန်းရောင်းဝယ်ရေး ပြည်ထောင်စု ဝန်ကြီးနဲ့ တာဝန်ရှိသူတွေ၊ ကုန်သည်စက်မှု အသင်းချုပ်မှ ကိုယ်စားလှယ်အဖွဲ့၊ သမဝါယမ ဦးစီးဌာနမှ ဦးဆောင်တဲ့ ကိုယ်စားလှယ်အဖွဲ့၊ သစ်လုပ်ငန်းရှင်များအသင်းနဲ့
ကျောက်မျက်ရတနာ ရောင်းဝယ်ရေးအသင်းတို့မှ ပြခန်းပေါင်း ၃၀ ပါဝင်ပြသမှာဖြစ်ပြီး ကိုယ်စားလှယ်အဖွဲ့ စုစုပေါင်း ၁၈၀ ကျော် တက်ရောက်မှာ ဖြစ်ပါတယ်" ဟု UMFCCI ဒု-ဥက္ကဋ္ဌ ဦးဇော်မင်းဝင်း က အတည်ပြု ပြောကြားသည်။

ပထမအကြိမ် တရုတ်-တောင်အာရှပြပွဲနှင့် ၂၁ ကြိမ်မြောက် ကူမင်း ပို့ကုန်/သွင်းကုန် ပြပွဲကို တောင်အာရှ
နိုင်ငံများနှင့် တရုတ်နိုင်ငံအကြား စီးပွားရေးချိတ်ဆက်မှုနှင့် ကုန်သွယ်မှု လမ်းကြောင်း ပွင့်စေရန် ရည်ရွယ်ပြုလုပ်ခြင်းဖြစ်သည်ဟု ဆိုသည်။

"ဒီပြပွဲမှာ သွားရောက်ပြသရင် တရုတ်ကုန်သည်တွေအပြင် အခြားနိုင်ငံပေါင်း ၄၀ က စီးပွားရေး လုပ်ငန်းရှင် ၅,၀၀၀ ခန့် လာရောက်မှာ ဖြစ်တဲ့အတွက် ဈေးကွက်တွေ ပိုရလာမယ်လို့ မျှော်လင့်ရပါတယ်။ ပြပွဲမှာ လက်မှုအနုပညာတွေ၊ သစ်နဲ့ ကျောက်မျက်တွေလည်း ဝင်ရောက် ပြသမှာပါ။" ဟု ကူမင်း ကုန်စည်ပြပွဲကော်မတီ၏ အတွင်းရေးမှူး ဦးမျိုးသန့် က ပြောသည်။

ကူမင်း ကုန်စည်ပြပွဲသို့ ၁၉၉၅ ခုမှ စတင်၍ မြန်မာနိုင်ငံက ပါဝင်ပြသခဲ့သည်။ ၂၀၁၀ ခုနှစ်တွင် ပြခန်းပေါင်း ၃၆ ခန်းဖြင့် ကုမ္ပဏီ ၂၅ ခုမှ စီးပွားရေး လုပ်ငန်းရှင် ၁၄၆ ဦး တက်ရောက်ခဲ့သည်။ ၂၀၁၁ ခုနှစ်တွင် ပြခန်းပေါင်း ၃၀ ဖြင့် ကုမ္ပဏီ ၁၆ ခုမှ လုပ်ငန်းရှင် ၁၄၅ ဦး တက်ရောက်ခဲ့ပြီး ၂၀၁၂ ခုနှစ်တွင် ကုမ္ပဏီ ၂၈ ခုမှ ပြခန်းပေါင်း ၃၀ ဖြင့် လုပ်ငန်းရှင် ၁၄၄ ဦး တက်ရောက်ခဲ့ကြသည်။

"ဒီပြပွဲမှာ ဘယ်လောက်ရောင်းရမလဲ ဆိုတဲ့ မျှော်လင့်ချက်နဲ့ သွားတဲ့သူက နည်းပါတယ်။ မြန်မာ ထွက်ကုန်တွေကို အနောက်နိုင်ငံတွေက စီးပွားရေး ပိတ်ဆို့မှုတွေ လုပ်ခဲ့တုန်းက အိမ်နီးချင်း နိုင်ငံတွေကိုပဲ အားကိုးပြီး ကုန်သွယ်ခဲ့ရ တာပါ။ တရုတ်နိုင်ငံနဲ့က နယ်စပ်ကုန်သွယ်ရေးရော၊ ပုံမှန် ကုန်သွယ်ရေးရော နှစ်ခုလုံး ရှိပြီးသားပါ။ ဖောက်သည် ရှိပြီးသားတွေပါ။ ဒီပွဲမှာ စာချုပ် ချုပ်ရင်လည်း ချုပ်ရမယ်။ ဒါမှမဟုတ် ပွဲတွေ ပြီးမှ မေးလ် အဆက်အသွယ်နဲ့ ပစ္စည်းရောင်းချရမှုတွေလည်း ရှိလာနိုင်ပါတယ်" ဟု ဦးမျိုးသန့် က ဆက်လက် ပြောကြားသည်။

ကျောင်းများတွင် သုံးနှစ်တာ နို့ တိုက်ကျွေးခြင်း စီမံကိန်း စတင်မည်

ရန်ကုန် (မဇ္ဈိမ)။   ။ ဆွီဒင်နိုင်ငံမှ ကုမ္ပဏီ၏ ထောက်ပံ့မှုဖြင့် အခြေခံပညာ ကျောင်းများတွင် နို့ တိုက်ကျွေးခြင်း စီမံကိန်းများ စတင်တော့မည်ဖြစ်ကြောင်း မွေးမြူရေးနှင့် ရေလုပ်ငန်း ဝန်ကြီးဌာနမှ တဆင့် သိရသည်။

"နို့ တိုက်ကျွေးတဲ့ စီမံကိန်းကို ရန်ကုန် တိုင်းဒေသကြီး ၄၃ မြို့နယ်က စာသင်ကျောင်း ၁၁၀ ရှိ ကျောင်းသား ၁၇,၅၀၀၊ မန္တလေး တိုင်းဒေသကြီး ၂၈ မြို့နယ်က ကျောင်း ၇၉ ကျောင်းက ကျောင်းသား ၁၇,၅၀၀ အပြင်
နေပြည်တော် ၈ မြို့နယ်က စာသင်ကျောင်း ၂၈ ကျောင်းက ကျောင်းသား ၁၀,၀၀၀ ကိုလည်း တပြိုင်နက်တည်း တိုက်ကျွေးမှာ ဖြစ်ပါတယ်" ဟု ဝန်ကြီးဌာနမှ ဒုတိယညွှန်ကြားရေးမှူး ဒေါက်တာအောင်ကြီး က ပြောသည်။

ယင်းအစီအရ မြို့နယ်ပေါင်း ၇၉ မြို့နယ်ရှိ စာသင်ကျောင်း ၂၁၇ ကျောင်းမှ ကျောင်းသူ/ကျောင်းသား ၄၅,၀၀၀ အား သုံးနှစ် ဆက်တိုက် နို့ တိုက်ကျွေးသွားမည် ဖြစ်သည်။

အဆိုပါ စီမံကိန်းကို ဇွန်လ ၁၈ ရက်နေ့တွင် ရန်ကုန်တိုင်း၊ မရန်းကုန်းမြို့နယ် မင်းဓမ္မ လမ်းပေါ်ရ်ှိ မြန်မာကွန်းဗင်းရှင်း စင်တာတွင် ဖွင့်ပွဲပြုလုပ်မည် ဖြစ်သည်။

"ဒီစီမံကိန်းအတွက် ဆွီဒင်နိုင်ငံက Tetra Pak South East Asia ကုမ္ပဏီက အမေရိကန်ဒေါ်လာ ၈ သန်း လှူဒါန်း တာပါ။ စီမံကိန်းကို မွေးမြူရေးနှင့် ရေလုပ်ငန်း ဝန်ကြီးဌာန၊ ကျန်းမာရေး ဝန်ကြီးဌာနဲ့ ပညာရေး ဝန်ကြီးဌာနတို့ ပူးပေါင်း အကောင်အထည်ဖော်မှာ ဖြစ်ပါတယ်" ဟု ဒေါက်တာအောင်ကြီး က ဆက်လက်ပြောကြားသည်။

အထွေထွေ ရောဂါကု ဆရာဝန် တဦးဖြစ်သည့် ဒေါက်တာကိုထွေး က "ကလေး သူငယ်တွေအတွက် ကျန်းမာ သန်စွမ်းပြီး ဉာဏ်ရည် တိုးတက်အောင် နွားနို့ နေ့စဉ် တိုက်ကျွေးတဲ့ အစီအစဉ်ကို နိုင်ငံတော်စီမံချက်နဲ့ ပထမဆုံး လုပ်ဆောင်ပေးတာ ကျေးဇူးတင်ရပါတယ်။ မြန်မာ အများစုက နွားနို့ နေ့စဉ်သောက်တဲ့ အလေ့အကျင့် မရှိတာကို အလေ့အကျင့် ဖြစ်အောင် ပြုလုပ်ပေးတာလို့ မြင်ပါတယ်။ စီမံကိန်း အလှူရှင်ရဲ့ ဆန္ဒတွေကို တကယ်ပဲ ထိရောက်အောင် ဆောင်ရွက်ဖို့တော့ လိုမယ်ထင်ပါတယ်" ဟု သုံးသက်သည်။

ရခိုင်တွင် ကလေးမွေးဖွားမှုနှုန်း ကန့်သတ်မှုအမိန့်ဒေသခံ ရာပေါင်းများစွာ ထောက်ခံဆန္ဒပြ

ရခိုင်ပြည်နယ်အစိုးရ၏ ရခိုင်ပြည်နယ် ဘူးသီးတောင်၊ မောင်တောခရိုင်များအတွင်း ကလေးမွေးဖွားမှုနှုန်း ထိန်းချုပ်သည့် ဒေသန္တရအမိန့်ကို ဒေသခံ ၃ဝဝဝ ခန့်နှင့် သံဃာတော်များပါဝင်သည့် ထောက်ခံ ဆန္ဒထုတ်ဖော်ပွဲကို ဇွန်လ ၄ ရက် မွန်းလွဲပိုင်းက စစ်တွေတွင် ပြုလုပ်ခဲ့သည်။

ရခိုင်ပြည်နယ်အစိုးရ၏ ဒေသန္တရအမိန့်ကို ထောက်ခံဆန္ဒပြကြသော အင်အား ၃,၀၀၀ ခန့်ရှိ သံဃာနှင့် ဒေသခံများအား ၂၀၁၃ ခုနှစ်၊ ဇွန်လ ၄ ရက်နေ့ မွန်းလွဲ ၁ နာရီခွဲက စစ်တွေမြို့၌ တွေ့ရစဉ်။ (ဓာတ်ပုံ - သိန်းလှိုင်၊ မဇ္ဈိမ) ထိုအမိန့်အရ မူဆလင် အများစု နေထိုင်ရာ ဘူးသီးတောင်နှင့် မောင်တောမြို့နယ်များတွင် တလင်တမယား စနစ်နှင့် သားသမီး နှစ်ဦးသာ ရယူခွင့်ရှိမည်ဖြစ်သည်။

ဆန္ဒထုတ်ဖော်မှုကို သံဃာတော်အပါး ၄ဝဝ ခန့်က ကြီးကြပ်ခဲ့ပြီး မှန်ကန်သည့် လုပ်ရပ်ဟုဆိုကာ ထောက်ခံဆန္ဒပြ
ခြင်းဟု ဆန္ဒထုတ်ဖေါ်မှုတွင် စည်းကမ်းထိန်းသိမ်းရေးနှင့် ကူညီစောင့်ရှောက်ရေး ရဟန်းတော်များအဖွဲ့ အတွင်းရေးမှူး ဆရာတော်ဦးကေသရ က အမိန့်ရှိသည်။

''လူဦးရေထိန်းချုပ်မယ့် ဒေသန္တရ အမိန့်ဟာ တိုင်းရင်းသားတွေအတွက် အသက်တမျှ အရေးကြီးလှတယ်။ သင့်မြတ်မှန်ကန်ပြီး ဒေသအခြေအနေနဲ့ ကိုက်ညီတယ်။ ဒါကြောင့် ဒီအမိန့်ကို ဆက်လက်ကျင့်သုံးဖို့ ဦးဇင်းတို့ တိုင်းရင်းသားတွေက ထောက်ခံ ဆန္ဒဖော်ထုတ်ရတာဖြစ်တယ်'' ဟု အမိန့်ရှိသည်။

ဒေသန္တရအမိန့်ကို ထောက်ခံသူများသည် စစ်တွေမြို့ဝင်္ကပါကွင်းတွင် စုဝေးခဲ့ကြပြီး တောင်းဆိုချက်များ ကြွေးကြော် လျက် ဦးဥတ္တမလမ်းမှသည် မင်းဘာကြီးလမ်းမှ သင်္ဘောဆိပ်ဘက်သို့ ချီတက်ခဲ့ကာ ထိုမှတစ်ဆင့် လမ်းမကြီး တစ်လျှောက် လှည့်လည်၍ ဝင်္ကပါကွင်း၌ အဆုံးသတ်ခဲ့ကြသည်။

ဆန္ဒပြသူများက အဆိုပါအမိန့်ကို ရခိုင်ပြည်နယ်တစ်ခုလုံး ထုတ်ပြန်ပေးရန် တောင်းဆိုလိုက်ပြီး လူဝင်မှုကြီးကြပ်ရေး စီမံချက်များကိုလည်း အကောင်အထည်ဖော်ပေးရန် တောင်းဆိုခဲ့ကြသည်။ ဆန္ဒပြမှုကို ဒေသအာဏာပိုင်မှုထားထံ ခွင့်ပြုချက်တောင်းခံခဲ့သော်လည်း တုံ့ပြန်မှုမရှိဟု ရခိုင်အမျိုးသမီးကွန်ရက် ခေါင်းဆောင် ဒေါ်ညိုအေး က ဆိုသည်။

''ဘာတုံ့ပြန်မှုမှမရှိတာကြည့်ရင် ခွင့်ပြုတယ်လို့ မှတ်ယူရပါမယ်။ လုံခြုံရေးတွေလည်း ချပေးထားတယ်ဆိုတော့ လက်ခံတဲ့ သဘောပါပဲ'' ဟု ဆိုသည်။

ဆန္ဒပြရန်အတွက် ဇွန်လ၂ ရက်က စစ်တွေမြို့တွင် သံဃာတော်များ၊ အမျိုးသားဒီမိုကရေစီအဖွဲ့ချုပ်၊ ပြည်တောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ ရခိုင်တိုင်းရင်းသားများတိုးတက်ရေးပါတီနှင့် ရခိုင်ဒီမိုကရေစီ အဖွဲ့ချုပ်တို့မှ မြို့နယ် အဆင့် နိုင်ငံရေးပါတီများ၊ ရခိုင်လူမှုအဖွဲ့ ၁၄ ဖွဲ့တို့က အစည်းအဝေးပြုလုပ်ပြီး ဆန္ဒပြမှု ဦးဆောင်ကော်မတီ တစ်ရပ်ကို ဖွဲ့စည်းခဲ့သည်။

ရခိုင်ပြည်နယ် ရှစ်မြို့နယ်မှ အမျိုးသားဒီမိုကရေစီအဖွဲ့ချုပ် (NLD) အဖွဲ့ဝင်များကလည်း မောင်တောခရိုင်အတွင်း လူဦးရေ မွေးဖွားနှုန်းကန့်သတ်ရန် ထုတ်ပြန်ထားသည့် ဒေသန္တရအမိန့်ကို ထောက်ခံကြောင်း သဘောထားကို
မေလ ၃၁ ရက်တွင် ထုတ်ပြန်ထားသည်။

သို့သော် NLD ဥက္ကဋ္ဌ ဒေါ်အောင်ဆန်းစုကြည်ကမူ မောင်တောခရိုင်အတွင်း ဒေသန္တရ အမိန့်ထုတ်ပြန်ခြင်းမှာ ခွဲခြားဆက်ဆံမှုဖြစ်ပြီး လူ့အခွင့်အရေးချိုးဖောက်မှုဖြစ်သည်ဟု မေလ ၂၇ ရက်က မီဒီယာများသို့ ပြောဆိုထားသလို၊ လူ့အခွင့်အရေး လေ့လာစောင့်ကြည့်ရေးအဖွဲ့ (HRW)၊ အမေရိကန်အစိုးရနှင့် ကုလသမဂ္ဂ အဖွဲ့ကြီးတို့ကလည်း
ဝေဖန်ထောက်ပြမှုများရှိနေသည်။

ထို့ပြင် ဗဟိုအစိုးရ ပြန်ကြားရေးဒု-ဝန်ကြီး ဦးရဲထွဋ်ကလည်း အဆိုပါဒေသန္တရအမိန့်ကို ပြန်လည်သုံးသပ်ရန် ရှိကြောင်း ဗွီအိုအေ အမေရိကန်အသံသို့ ပြောဆိုထားရှိသည်။ လွန်ခဲ့သည့် မေလအတွင်း ၎င်းခရိုင်၌ မွေးဖွားမှုနှုန်း ကန့်သတ်သည့် ဒေသန္တရအမိန့်ကို ဒေသဆိုင်ရာအာဏာပိုင်တို့က ထပ်မံထုတ်ရန်ပြင်ဆင်နေကြောင်း ရခိုင်ပြည်နယ် အစိုးရအဖွဲ့ သတင်းပြန်ကြားရေးနှင့် မှတ်တမ်းစုဆောင်းရေး ဆပ်ကော်မတီ အတွင်းရေးမှူး ဦးဝင်းမြိုင်က မဇ္ဈိမသို့ ပြောကြားထားသည်။

ဒေသန္တရအမိန့်၌ အသက် ၁၈နှစ် ပြည့်မှ အိမ်ထောင်ပြုရမည်ဖြစ်ပြီး၊ တစ်လင် တစ်မယားစနစ်သာ ကျင့်သုံးလျက် အိမ်ထောင်တစ်ခုတွင် ကလေးနှစ်ဦးသာ မွေးဖွားခွင့်ရှိသည်။ ဤအမိန့်မှာ စစ်အစိုးရလက်ထက် ၁၉၉၃ ခုနှစ်တွင် ထုတ်ပြန်ထားခဲ့သည်။

ရုံးချိန်းများမှ ရုန်းမထွက်နိုင်သေးသည့် ရဲမင်းဦး

ရန်ကုန်မြို့ သာကေတမြို့နယ် တရားရုံးမှ ပုဒ်မ(၂)ခုဖြင့် တရားစွဲဆိုခြင်းခံထားရသူ ကိုရဲမင်းဦးကို ပုဒ်မပြောင်းလဲကာ တရားစွဲမှုပြုလုပ်ခဲ့ကြောင်း အဆိုပါမြို့နယ်တရားရုံးက သိရှိရသည်။

 

သာကေတမြို့နယ်တရားရုံး၌ တရားလိုသည် ကိုရဲမင်းဦးအား စွဲဆိုထားသည့် ပုဒ်မ ၁၅၃ (က) အား ရုပ်သိမ်းရန်တောင်း ဆိုခြင်းကို  တရားရုံးမှ ခွင့်ပြုခဲ့ပြီး တရားလိုမှ ပုဒ်မ ၅၀၅ (ခ) ဖြင့် ပြောင်းလဲကာ တရားစွဲဆိုမှုကိုလည်း တရားရုံးမှ ခွင့်ပြုကြောင်း သိရှိရသည်။

 

ဇွန်လ(၃)ရက်နေ့ ရုံးချိန်းတွင် တရားလိုအနေဖြင့် ပုဒ်မ ၁၅၃ (က) ဖြင့် တရားစွဲဆိုထားသော အမှုကို သက်သေခံပစ္စည်း ပြသရန် ချိန်းဆိုသည့်ရက်ဖြစ်သော်လည်း သက်သေခံပစ္စည်းပြနိုင်ခဲ့ခြင်း မရှိဘဲ ပုဒ်မပြောင်းလဲတရားစွဲဆိုခဲ့ကြောင်း ကိုရဲမင်းဦး၏ အမှုလိုက်ရှေ့နေထံက သိရှိရသည်။

 

တရားလိုမှ ပုဒ်မ ၁၅၃ (က) အမျိုးသားတစ်စုနှင့် တစ်စု ရန်ငြိမ်းထားစေအောင် ပြုလုပ်သောအမှုအား ရုပ်သိမ်းကာ ပုဒ်မ ၅၀၅ (ခ) နိုင်ငံတော် အကြည်ညိုပျက်စေမှုဖြင့် ပြောင်းလဲတရားစွဲဆိုခဲ့ခြင်းဖြစ်သည်။ 

 

"အမှုချိန်းထားတာက အသံဖိုင်ကို သက်သေခံအဖြစ် လက်ခံခြင်းရှိမရှိ တရားရုံးက အမိန့်ချဖို့ ချိန်းထားတာ အဲ့ဒါကို တရားလိုဘက်ကနေ အမှုကို ရုပ်သိမ်းဖို့လျှောက်တယ်။ တရားရုံးကနေရုပ်သိမ်းခွင့်ပြုလိုက်တယ်။ ကိုရဲမင်းဦးကို တရားရှင်လွှတ်လိုက်တယ်။ နောက်တစ်နာရီလောက်ကြာတော့ တရားလိုကနေ ပြစ်မှုဆိုင်ရာ ဥပဒေပုဒ်မ ၅၀၅ (ခ)နဲ့ တရားထပ်စွဲတယ်။ တရားရုံးကလက်ခံတယ်။ ရုံးချိန်းကို ထပ်ပေးလိုက်တယ်။" ဟု ကိုရဲမင်းဦး၏ ရှေ့နေ ဦးကျော်ဟိုးက ပြောသည်။

 

မေလ(၂၀)ရက်နေ့တွင် တရားလိုမှ သက်သေရုံးချိန်းခေါ်ယူရာ၌ ကိုရဲမင်းဦးသည် ဖေဖော်ဝါရီလအတွင်းက သာကေတမြို့နယ်အတွင်း ဖြစ်ပေါ်ခဲ့သည့် ဘာသာရေးအဆောက်အအုံဆောက်လုပ်မှုနှင့် ပတ်သက်၍ ပြသာနာ ကြီးထွားအောင် လုပ်ဆောင်စေခဲ့ကြောင်း ရန်ကုန်တိုင်း ရဲတပ်ဖွဲ့မှူး ဒုရဲမှူး ဦးမြင့်မောင်က ထွက်ဆိုခဲ့သည်။

 

"တခြားပုဒ်မက သူတို့တွေ အနေနဲ့ တရားစွဲဆိုဖို့အတွက် သိပ်အဆင်မပြေဘူးနဲ့တူပါတယ်။ ထိထိ ရောက်ရောက် အပြစ်ပေး ဒဏ်ပေးလို့မရဘူးထင်တယ် ဒါကြောင့် နောက်တစ်မှုပြောင်းပုံရတယ်။ ဒါက ကျွန်တော်အမြင်ပါ။ ၁၅၃ကို ပြန်ပြီး ရုပ်သိမ်းလိုက်တာ အမှုကို ရုပ်သိမ်းလိုက်ပြီဆိုတော့ ၀မ်းသာသွားတာ ပြီးတော့မှနောက်တစ်မှု ပြန်တတ်လိုက်တာ။"ဟု ကိုရဲမင်းဦး၏ အကိုဝမ်းကွဲ ကိုဖိုးသားက ပြောသည်။

 

ရုံးချိန်းများတွင် ပုဒ်မ ၅၀၅ (ခ) တစ်မှုတည်းဖြင့်သာ ရုံးထုတ်တော့မည်ဖြစ်ပြီး ဇွန်လ(၁၃)ရက်နေ့ တွင် ကျောက်တံတား တရားရုံး ၊ ဇွန်(၁၄)ရက်နေ့တွင် ဗဟန်းတရားရုံးတွင် နှင့် ဇွန်(၁၇)ရက်နေ့တွင် သာကေတ တရားရုံးတို့၌ ဆက်လက်ရုံးထုတ်သွားမည် ဖြစ်ကြောင်း သိရသည်။

 

NLD ပါတီဝင်နှုတ်ထွက်ခြင်း PNO လုပ်ဆောင်ချက်မဟုတ်ဟု ဖြေရှင်း

တောင်ကြီးမြို့တွင် (PNO) အသွင်ပြောင်းပြည်သူ့စစ် (ဌာနေ)မှ NLD ရုံးအား လူအင်အားဖြင့် ၀ိုင်းခြင်း၊ ပါတီဝင်များအား နှုတ်ထွက်ရန်ပြောဆိုခြင်း နှင့် ရွာသားများအား နှိပ်စက်ခြင်းတို့မှာ မဟုတ်မှန်ကြောင်း ဗိုလ်မှူးကြီး ခွန်လာက သတင်းစာရှင်းလင်းပွဲပြုလုပ်၍ ပြောဆိုသည်။

 

"ကျွန်တော်တို့ ပုံမှန်သွားလာနေတာပါ။ ၀ိုင်းမယ်ဆိုရင် ဖမ်းဆီးဖို့ အဆင်သင့်လုပ်ဆောင်ချက်ပဲ။ ၀ိုင်းပြီးတော့ ဖမ်းဆီးသလား။ သူတို့ပိုက်နက်ထဲဝင်သလား။ သူတို့အိမ်ဘေးမှာ လူသွားလမ်းရှိမယ်၊ လှည်းလမ်းရှိမယ်၊ ရေခပ် လမ်းရှိမယ်၊ အဲ့ဒီကဖြတ်သွားရုံနဲ့ သူတို့ကို ၀ိုင်းတယ်လို့ပြောလို့ရလား"ဟု (PNO)အသွင်ပြောင်း ပြည်သူ့စစ် (ဌာနေ)မှ ဗိုလ်မှူးကြီး ခွန်လာက ပြောသည်။

 

အဆိုပါ သတင်းစာရှင်းလင်းပွဲကို ဇွန်လ(၃)ရက်နေ့တွင် တောင်ကြီးမြို့နယ် ကျောင်းတောစခန်း၌ ကျင်းပပြုလုပ်ခဲ့ခြင်းဖြစ်သည်။

 

PNOသည် ၂၀၁၃ ခုနှစ် မေလ (၁၄)ရက်နေ့တွင် မောက်စံရွာနေ ဒေသခံနှစ်ဦးကို ဖမ်းဆီးခေါ်ဆောင်သွားခဲ့ပြီး မေလ (၁၅)ရက်နေ့တွင် မောက်စံကျေးရွာရှိ NLD ရုံးအား ပြည်သူ့စစ်အင်အား (၃၀) ဖြင့်ဝိုင်းခဲ့သည်ဟု ပြည်တွင်းမီဒီယာများနှင့် လူမှုကွန်ယက်စာမျက်နှာများ၌ မေလ(၁၇)ရက်နေ့တွင် ဖော်ပြပါရှိခြင်းကြောင့် သတင်းစာရှင်းလင်းပွဲပြုလုပ်ကာ ဖြေရှင်းရခြင်းဖြစ်ကြောင်း သိရှိရသည်။

 

"ကျွန်တော် ပြည်ပခရီးတွေသွားနေလို့ ဒီလိုသတင်းပျံ့နေတာကို အချိန်မီ မဖြေရှင်းနိုင်ခဲ့တာပါ။ " ဟု ဗိုလ်မှူးကြီး ခွန်လာက ပြောသည်။

 

အဆိုပါ ကိစ္စနှင့်ပတ်သက်၍ (PNO)အသွင်ပြောင်းပြည်သူ့စစ်(ဌာနေ)မှ အချိန်မီ ဖြေရှင်းပေးမည်ဆိုပါက ပြဿနာများ ကြီးထွားမလာနိုင်ကြောင်း ဒီချုပ်ပါတီ ရှမ်းပြည်နယ် အလုပ်အမှုဆောင်အဖွဲ့ ဥက္ကဌ ဒေါ်ခင်မိုးမိုးအေးက ဆိုသည်။

 

"ကျွန်မတို့အနေနဲ့ ဘာမှ ပြောစရာမရှိပါဘူး၊ဒါလည်းသူတို့ဘက်က အကြောင်းပြချက်ပဲ၊ ဒီဖြစ်စဉ်ကို တာဝန်ရှိတဲ့ ဗိုလ်မှူးကြီးခွန်လာကိုယ်တိုင်က အချိန်မီ ဖြေရှင်းပေးမယ်ဆိုရင် အခုလို ဖြစ်လာနိုင်စရာမရှိပါဘူး" ဟု ရှမ်းပြည်နယ် အလုပ်အမှုဆောင်အဖွဲ့ ဥက္ကဌဒေါ်ခင်မိုးမိုးက ပြောသည်။

 

တောင်ကြီး အန်အယ်လ်ဒီရုံးသို့ နှုတ်ထွက်စာ(၅၇)စောင် ရှောက်ရှိလာခဲ့ပြီး အကြောင်းမှာ အတင်းအကြပ်ခိုင်းစေခြင်းကြောင့် နှုတ်ထွက်ရခြင်းဖြစ်သည်ဟု မေလ(၁၉)ရက်နေ့တွင် တောင်ကြီး အန်အယ်လ်ဒီရုံး၏ ထုတ်ပြန်ကြေငြာချက်အရ သိရှိရသည်။

 

"ပါတီဝင်တွေကို နှုတ်ထွက်ခိုင်းတာမရှိပါဘူး။ ရွာသားတွေကိုဖမ်းတာမဟုတ်လောက်ပါဘူး။ တစ်ခုခုဖြစ်မှာ စိုးလို့ ထိန်းထားတဲ့ သဘောပဲဖြစ်နိုင်ပါတယ်။"ဟု တောင်ကြီးမြို့ နန်းဟောင်း ကျေးရွာအုပ်စုမှ ဒေသခံတစ်ဦး က ပြောသည်။

 

အဆိုပါ ကိစ္စနှင့် ပတ်သက်၍ ဒေသခံများကို ဖမ်းဆီးသူမရှိကြောင်း ၊ အန်အယ်လ်ဒီပါဝင်များကိုလည်း နှုတ်ထွက် ခိုင်းစေခြင်းမျိုးကို မတွေ့ရှိရကြောင်း ကျေးရွာအုပ်ချုပ်ရေးမှူးများထံက သိရှိရသည်။

 

 

လားရှိုးပဋိပက္ခလျော့ပါး - ဒုက္ခသည်တထောင်ခန့်ရှိနေဆဲ

သျှမ်းပြည်မြောက်ပိုင်း လားရှိုးမြို့နယ် ၃ ရက်တာ ဖြစ်ပွါးခဲ့သော ဘာသာရေးဆိုင်ရာ ပဋိပက္ခမှာ ယနေ့တွင် လျော့ပါး သွားပြီဖြစ်သော်လည်း မန်ဆူ ဘုန်းကြီးကျောင်းတွင် ဒုက္ခသည် တထောင်ခန့်ရှိ နေကြောင်း လားရှိုးမြို့သတင်း ရပ်ကွက်က ဆိုပါသည်။

" ဒီနေ့တော့ မြို့ထဲမှာ ဈေးဆိုင်တချို့ပြန်ဖွင့်နေပြီ ။ လမ်းမပေါ်မှာ လူသွားလူလာလဲ နဲနဲကျဲကျဲ တွေ့နေရ တယ်။ ရိုက်မှု နှက်မှုတော့ ထပ်မကြားရသေးဘူး။ အိမ်တိုင်းလိုလိုမှာ ရွှေတိဂုံဘုရားပုံတော်တွေ မဟာမြတ်မုနိ ဘုရားပုံတော် တွေကိုအိမ် ရှေ့မှာ ထင်ထင်ရှားရှား ကပ်ထားတယ်။ သျှမ်းအိမ်တွေဆိုရင်တော့ သျှမ်းအလံ ထူထားတယ်" ဟု လားရှိုးမြို့ခံ စိုင်းဆိုင် က ပြောသည်။

မေလ၂၈၊  ၂၉ နှင့် ၃၀ ရက်နေ့အတွင်းဖြစ်ပွါးခဲ့သော မူစလင်ဘာသာဝင်များနှင့် လူတစုတို့၏ ရိုက်နှက် သတ်ဖြတ် မှု နေအိမ်နှင့် ဗလီများမီးရှို့မှုတို့ကြောင့် အစိုးရက  အရေးပေါ် ဥပဒေ ပုဒ်မ ၁၄၄ ထုတ်ပြန်ခဲ့ရာ လားရှိုးမြို့တွင်း ဆိတ်ငြိမ်လျှက်ရှိခဲ့သည်။

ထိုပဋိပက္ခများကြောင့် ဆုံးရှုံးမှုသိန်းပေါင်းထောင်ချီပြီး လူတဦးသေဆုံးမှုရှိကြောင်း၊ အများအပြားဒဏ်ရာ ရှိကြောင်း၊ မူစလင်ဘာသာဝင်(အများစုပါဝင်သော) ဒုက္ခသည် ၁၀၀၀ ခန့် မန်ဆူဘုန်းကြီးကျောင်း တွင်ခို လှုံနေလျက်  ရှိကြောင်း ၊ ၎င်းတို့အား ပြည်သူ့အားကစားကွင်း မိုးလုံလေလုံခန်းမသို့ပြောင်းရွှေ့မည်ဆိုသည့် သတင်းလည်းထွက်ပေါ်နေကြောင်း မြို့ခံလူငယ် အမျိုးသမီးတဦးက လည်းပြော သည်။

"ဒုက္ခသည်တွေကိုတော့ မြို့ထဲကလူတွေနဲ့ ယူနီဆက်က အစားအသောက်တွေလာပေးတယ်။ လမ်းပေါ်မှာ သွားလာမှုရှိ နေတယ် ဆိုပေမယ့် သတိတော့ထားနေတုန်းဘဲပေါ့နော်။  ဘယ်ချိန်ဘယ်နေရာမှာဘာကိုမီးထပ် ရှို့မလဲ စိုးတထိတ်ထိတ်နဲ့ပေါ့" ဟု အဆိုပါအမျိုး သမီးကပြောသည်။

မေလ ၂၈ ရက်ညက လားရှိုးမြို့၌ ဓါတ်ဆီရောင်းအမျိုးသမီး မအေးအေးဝင်အား ကျိုင်းတုံမှတ်ပုံတင်ကိုင် ဆောင်သည့် ဦးနေဝင်းက ဓါတ်ဆီလောင်းမီးရှို့ရာမှာ လားရှိုးမြို့တွင်း ဗလီနှင့်လူနေအိမ်များမီးရှို့မှုဖြစ်ပွါးခဲ့ သည်။

အဆိုပါ မီးရှို့မှုဖြစ်ပွားအောင်စတင်လုပ်ဆောင်ခဲ့သော တရားခံဦးနေဝင်းသည် ကျိုင်းတုံမြို့၌ လေယာဉ် လက်မှတ်ပွဲစား လုပ်ကိုင်နေသူတဦးဖြစ်ပြီး ၎င်း၏ အထက်စီးဆက်ဆံမှု ရိုင်းပျမှုကြောင့် ကျိုင်းတုံလူထုမှ  အမြင်မကြည်ဖြစ်ကြကြောင်းလည်း ကျိုင်းတုံဒေသခံ အိုက်စိုင်းကလည်း သျှမ်းသံတော်ဆင့်အားပြောပြသည်။

၎င်းသည်   မန္တလေး၊ ကျိုင်းတုံနှင့် တောင်ကြီးမြို့ တို့တွင် ဆူပူမှု ဖြစ်ဖို့ ဖန်တီးခဲ့ဖူးပြီး လားရှိုး၌ အမျိုးသမီး အားဓာတ်ဆီ လောင်းမီးရှို့မှုမှသာ ပဋိပက္ခ ပေါ်လာကြောင်း မေလ ၂၉ ရက်နေ့က  မြစ်ကြီးနားတွင် သတင်း ထောက်များနှင့် တွေ့ဆုံစဉ် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဥက္ကဌ ပြည်ထောင်စု ဝန်ကြီး ဦးအောင်မင်းက ပြောဆိုခဲ့ကြောင်း ဒီဗီဘီသတင်းဌာနကလည်း ဖော်ပြထားသည်။

သျှမ်းပြည်နယ်နေ့က အဓမ္မမှုကျူးလွန်သည့် တပ်သား ထောင်ဒဏ် ၉ နှစ်ချမှတ်ခံရ

သျှမ်းပြည်တောင်ပိုင်း ကျေးသီးမြို့နယ်တွင်  ဖေဖော်ဝါရီလ (သျှမ်းပြည်နယ်နေ့) က သားသည်မိခင်တဦး အား ဓါးပြတိုက် မုဒိန်းကျင့်သည့် အစိုးရတပ်ပြေးအားယနေ့  လူထုတရားရုံး၌ ပြစ်ဒဏ်ချမှတ်ခဲ့ရာ ထောင်ဒဏ် ၉ နှစ် ချမှတ်ခံရကြောင်း ဒေသခံများကပြောသည်။

"အစက သူ့ကို အထူးစစ်ခုံရုံးဖွဲ့ပြီးစစ်ဆေးမယ်လုပ်သေးတယ်။ ဒါပေမယ့် နောက်တော့ စစ်တပ်က တာဝန် ၀တ္တရား လစ်ဟင်းမှု ၊ မူးယစ်မှုဘဲကိုင်တယ်။ ဆိုတော့ မြို့နယ်တရားရုံးကနေ သူ့ကို မုဒိန်းကျင့်မှု ထောင်ဒဏ် ၆ နှစ်၊ ညအချိန်ပုန်းလျှိုးကျော်နင်းမှု ထောင်ဒဏ် ၂ နှစ် နဲ့ စစ်တပ်ကပေးတာအလုပ်ကြမ်းနဲ့ ထောင်ဒဏ် ၁ နှစ် စုစုပေါင်း သူ့ကို ထောင်ဒဏ် ၉ နှစ်ချမှတ် ပေးတယ်" ကျေးသီးမြို့ခံ ပါ့အေးနန်းက သျှမ်းသံတော်ဆင့် အားပြောပြသည်။

ဖေဖော်ဝါရီ ၇ ရက် ညသန်းခေါင်အချိန်က ကျေးသီးမြို့ မိုင်းနင်အုပ်စု နောင်ယုံးရွာသူ တဦးအား ခလရ ၁၃၁ မှတပ်သား မောင်ဦး က ဓါးပြတိုက်အဓမ္မ ပြုကျင့်ခဲ့သည်။ ထိုသို့မပြုကျင့်မီကလည်း နောင်ယုံးရွာထဲရှိ  အိမ်နှစ်လုံးကို ခိုးဝင်ခဲ့သေးကြောင်း၊ ကျေးရွာအတွင်း ရေအားလျှပ်စစ်မီးကြိုးအားလည်းခုတ်ဖြတ်ခဲ့သေး ကြောင်း သိရသည်။

အဆိုပါတပ်သားမောင်ဦးသည်  ၂၀၁၁ က တကြိမ် ၂၀၀၇ ကတကြိမ် သျှမ်းပြည်အလယ်ပိုင်း ဒေသခံအမျိုး သမီးများအား မုဒိန်းကျင့်ခဲ့ဖူးသည်ဟုလည်း ကျေးသီးမြို့ခံများက ပြောပြသည်။

"အဲဒီအချိန်တွေတုန်းက  စစ်အုပ်ချုပ်ရေးစနစ်ဆိုတော့  လျော်ကြေးလဲမရ၊ ပြစ်ဒဏ်လဲမစီရင်ဘဲ အဲလိုဘဲပြီး သွားတယ်။ အခုတော့ ကျနော်တို့ မြို့နေလူထုတွေ ရပ်မိရပ်ဖနဲ့ ကျေးရွာအုပ်ချုပ်ရေးမှူးတွေရဲ့အင်အားနဲ့ အလကားဖြစ်မသွားအောင် ဝိုင်းကူပြီးတွန်းအားပေးကြတယ်။ ဆိုတော့အမှုကိုစီရင်နိုင်ခဲ့တယ်" ဟု ဒေသခံ စိုင်းခမ်းကလည်း သျှမ်းသံတော်ဆင့်အား ပြောပြသည်။

၂၀၀၈ ဖွဲ့စည်းပုံအခြေခံဥပဒေပါ တပ်မတော် အခန်းကဏ္ဍ ၊ အခန်း ၈ ပုဒ်မ ၃၄၃ စစ်ဘက်တရားစီရင်ရာတွင် - တပ်မတော် သားများအတွက် အဖွဲ့ဖြင့်ဖြစ်စေ၊ တဦးတည်းဖြစ်စေ ဥပဒေနှင့် အညီစီရင်နိုင်သည်၊ တပ်မတော်ကာကွယ်ရေး ဦးစီးချုပ်၏ အဆုံးအဖြတ်သည် အပြီးအပြတ်ဖြစ်သည် ဟုပါရှိပါသည်။

စစ်ပြေး ဒုက္ခသည်များကို ကူညီခွင့်ပြုရန် အမေရိကန် တောင်းဆို

ရန်ကုန်မြို့ရှိ မြန်မာနိုင်ငံ ဆိုင်ရာ အမေရိကန် သံရုံးသည် ကချင်  လွတ်လပ်ရေး အဖွဲ့ (KIO)နှင့် အစိုးရတို့ တွေ့ဆုံဆွေး နွေးမှုရလာဒ်ကို ထောက်ခံသော်လည်း စစ်ပြေး ဒုက္ခသည် အရပ်သားများ၏ ဘေးကင်း လုံခြုံရေးနှင့် ကျန်းမာရေးကို များစွာ စိုးရိမ်ရကြောင်း ယနေ့ ထုတ်ပြန် ကြေညာ ခဲ့ပါသည်။

၎င်းတို့သည် ကချင်ပြည်နယ် အပါအ၀င် ပဋိပက္ခ ဖြစ်ပွားသော ဒေသများရှိ  ပြည်တွင်း နေရပ်စွန့်ခွာ ထွက်ပြေး သူများနှင့် အကူအညီ လိုအပ်သော အခြား အရပ်သားများအား အကူအညီ ပေးခွင့် ပြုရန် တောင်းဆို ခဲ့ပါသည်။

ကြေညာချက်နှင့် အတူ KIO နှင့် အစိုးရ ဆွေးနွေးရေး ကိုယ်စားလှယ် များသည်လည်း ယနေ့ နံက်ပိုင်းတွင် မြစ်ကြီးနားနှင့် ၀ိုင်းမော် မြို့နယ်ထဲ၌ ရှိသော ကချင် စစ်ပြေး ပြည်သူ များအား သွားရောက် ကြည့်ရှု အားပေး ခဲ့ကြောင်း ခရစ်ယာန် အသင်းအုပ် ဆရာတော် တစ်ပါး ဖြစ်သူ ဆရာတူးဂျာက ဆိုပါသည်။

 " KIO နဲ့ အစိုးရ ကိုယ်စားလှယ်တွေ ပေါ့လေ သူတို့ အဖွဲ့(၄) ဖွဲ့ခွဲပြီး ဒီနေ့မနက်ပိုင်းမှာ ကချင် စစ်ပြေး ဒုက္ခသည် စခန်း တွေကို လိုက်လံကြည့်ရှု အားပေးခဲ့တယ်။ UN မှ ဗီဂျေနမ်ဗီးယာလည်း ပါတယ်။ သူတို့ ရည်ရွက်ချက် ကတော့ ဒီဒုက္ခသည်တွေ အရေး စဉ်းစားတဲ့ အခါမှာ အထောက်အကူ ဖြစ်စေဖို့ပါ။" ဟုဆိုပါသည်။

KIO နှင့်အစိုးရ ကိုယ်စားလှယ်များ၏ သဘော တူညီချက်များထဲတွင် ကချင် စစ်ပြေး ဒုက္ခသည်များ ပြန်လည် နေရာချ ထားရေးလည်း ပါဝင်သည်။ သို့သော်နိုင်ငံရေး ကိစ္စနှင့် စစ်ရေး ကိစ္စများကြောင့် ဒုက္ခသည် အရေးဖက်၌ ဖြေရှင်း ပေးနိုင်ဦးမည် မဟုတ်သလို အကူအညီ များလည်း ပေးနိုင်လိမ့်မည် မဟုတ်သေးချေ။

 ဤသို့သော အခြေအနေ မျိုးတွင် မြန်မာနိုင်ငံ ဆိုင်ရာ အမေရိကန် သံရုံးမှ ဒုက္ခသည် အတွက် ၀င်ရောက် ကူညီခွင့် ပြုရန် တောင်းဆို လိုက်ခြင်း ဖြစ်ဖွယ် ရှိနေသည်ဟု အကဲခတ်များက ဆိုပါသည်။

 လက်ရှိ၌ ကချင်ပြည်နယ်တွင် စစ်ပြေး ဒုက္ခသည် ၁ သိန်းခန့် ရှိနေပြီး စခန်းပေါင်း ၁၄၀ ခန့် ရှိနေပါသည်။ ဤအထဲ၌ အစိုးရ ထိန်းချုပ် နယ်မြေထဲတွင် စခန်းပေါင်း (၁၀၀) ခန့်ရှိပြီး KIO ထိန်းချုပ် နယ်မြေတွင် စခန်းပေါင်း (၄၀) ခန့် ရှိသည် ဟု စခန်း တာဝန်ခံများက ဆိုပါသည်။

 ဗိုလ်ချုပ် ဂွမ်မော် ဦးဆောင်သော အဖွဲ့သည် UN ကိုယ်စားလှယ် ဗီဂျေနန်ဗီးယာနှင့် အတူ ဝိုင်းမော်မြို့နယ်ရှိ ကချင် စစ်ပြေး ဒုက္ခသည် စခန်းများသို့ သွားရောက် ကြည့်ရှုခဲ့ပါသည်။ ဗိုလ်ချုပ် ဂွမ်မော်သည် အစိုးရနှင့် ဆွေးနွေးမှု ရလာဒ် အခြေအနေများကို ဒုက္ခသည်များအား တင်ပြခဲ့ပါသည်။

 "နှစ်ဖက် ခေါင်းဆောင်တွေထံ ကနေ တစ်စုံတရာ အကူအညီတွေ ရရှိလိမ့်မယ်လို့မျှော်လင့်မထားပါဘူး။ ၂ နှစ်ခန့်ရှိပါပြီ။ ဘယ် NGO အကူအညီမှ မရဘဲ ကြပ်ကြပ် တည်းတည်းနဲ့ နေလာခဲ့ပြီးပြီးလေ။ ကျနော်တို့ကို အခုလို လာရောက် ကြည့်ရှု အားပေးပြီး အသိအမှတ်ပြုတဲ့ အတွက် ကျေနပ်တယ်။" ဟု ဒုက္ခသည် တစ်ဦးက ဆိုပါသည်။

ဤစစ်ပြေး ဒုက္ခသည်များသည် တိုက်ပွဲများ ပြင်းထန်စွာ ဖြစ်ပွားခဲ့သော ဒေသမှ လာကြသူများဖြစ်သည်။ ကျေးရွာများ မီးရှို့ခံရခြင်း၊ စီးပွားရေး ဖျက်ဆီးခံရပြီး၊ လူမှုရေးနှင့် ရပ်တည်ရာမဲ့ သွားသူများ ဖြစ်နေကြပါသည်။

 "ဝိုင်းမော် တဝိုက်မှာ ရှိတဲ့ ဒုက္ခသည် စခန်းတွေကတော့ နမ်ဆန်ယန်၊ ဆွမ်းပရာဘွန်တို့လို တိုက်ပွဲပြင်းပြင်း ထန်ထန် ဖြစ်ပွားတဲ့ နေရာကလာတဲ့ သူတွေပါ။ နေရပ်ပြန်ဖို့ဆိုတာက အိမ်လည်း မရှိ ခြံတွေယာတွေ ဘာမှ မရှိတော့ဘူး။ တိုက်ပွဲကြောင့် ပျက်စီးကုန်ပြီးလေး။ အခုထိ ပြန်ခွင့် မရသေးသလို အခုပြန်သွားရင်လည်း ရပ်တည်ဖို့ မလွယ်သေးဘူးလေ" ဟုဆိုပါသည်။

စစ်ပြေး ဒုက္ခသည် (၅) မျိုး ရှိပါသည်။ NGO အဖွဲ့မှ တာဝန်ယူ ဖွင့်လှစ်ပေးထားသည့် စခန်းအတွင်း နေထိုင်သည့် ဒုက္ခသည်များ၊မြို့ပေါ်ရှိ ဘာသာရေး အသင်းများ ခေါင်းဆောင်ပြီး ဖွင့်လှစ်ပေးထားသည့် စခန်းအတွင်း နေထိုင်သည့် ဒုက္ခ သည်များ၊ တောတွင်းသို့ ထွက်ပြေး တိမ်းရှောင်နေရသည့် ဒုက္ခသည်များ၊ တိုင်းရင်းသား လက်နက်ကိုင် အဖွဲ့ထိန်း ချုပ်နယ်မြေ အတွင်း နေထိုင်ကြသည့် ဒုက္ခသည်များနှင့် လုံခြုံမှုရှိသော ဆွေမျိုး မိတ်ဆွေထံ သွားရောက် ခိုလှုံနေသည့် ဒုက္ခသည်များ ဖြစ်ပါသည်။

 ဤသို့သော အခြေအနေကြောင့် မြန်မာနိုင်ငံဆိုင်ရာ အမေရိကန် သံရုံးသည် မြန်မာနိုင်ငံ ပြည်သူများ အကြား ထာဝရ ငြိမ်းချမ်းရေး၊ သာတူ ညီမျှဖွံ့ဖြိုး တိုးတက်ရေးနှင့် အမျိုးသား ပြန်လည် သင့်မြတ်ရေး အတွက် ပံ့ပိုး ကူညီသွားရန် ဆုံးဖြတ်ထား ကြောင်း၊ ဤသို့ကြောင့် ကချင်ပြည်နယ်တွင်းနှင့် အခြား အကူအညီ လိုအပ်နေသော နေရာများမှ နိုင်ငံရေး၊ စစ်ရေးနှင့် လူသားချင်း စာနာ ထောက်ထားမှု အခြေအနေ များကို ကုလ သမဂ္ဂအပါဝင် ရည်မှန်းချက်တူ အဖွဲ့အစည်းများနှင့် နီးနီးကပ်ကပ် တိုင်ပင်ဆွေးနွေးပြီး စောင့်ကြပ်ကြည့်ရှု သွားမည်ဟု ထုတ်ပြန်ခဲ့ပါသည်။

တရားမဝင် ဝင်ရောက်ရန် ကြိုးစားသည့် မြန်မာ ၃၈ ဦး ထိုင်းမှ ဖမ်းဆီး၊ ပစ်ခတ်မှု ရှိခဲ့ဟုဆို

တနင်္သာရီတိုင်း၊ ကော့သောင်း ခရိုင် လုံးဖောကြီး ကျေးရွာအနီး၌ ထိုင်းနိုင်ငံဘက်သို့ တရားမဝင် ဝင်ရောက် ရန် ကြိုးစားသည့် မြန်မာနိုင်ငံသား ၃၈ ဦးအား ယနေ့တွင် ထိုင်းအာဏာပိုင်မှ ဖမ်းဆီးရမိထား ကြောင်း ရနောင်း ရဲစခန်းမှ ထိုင်းရဲတဦးက ပြောသည်။

"ကျနော်တို့ အချုပ်ထဲမှာတော့ အခု ၃၈ ဦး ဖမ်းမိထားပါတယ်။ ခုန နာရီပိုင်းလေးတင်က မြန်မာ အရာရှိ လေးငါး ယောက်လောက် လာပြီး စုံစမ်းမေးမြန်းမှုတွေ လုပ်သွားခဲ့တယ်" ဟု ရနောင်း ရဲစခန်းမှ ထိုင်းရဲ တဦးက မဇ္ဈိမကို ပြောသည်။

လုံဖောကြီး ကျေးရွာနှင့် ထိုင်းနိုင်ငံသည် ပါချန် မြစ်တခုသာ ခြားပြီး ကားဖြင့် ၁၀ မိနစ် ခရီးသာ ကွာဝေးသည်။ ထိုသို့ ထိုင်းအာဏာပိုင်များဘက်မှ ဖမ်းဆီးရာတွင်လည်း ပစ်ခတ်မှုများ ရှိခဲ့ကြောင်း လုံးဖော ဒေသခံတဦး ဖြစ်သူ ကိုမင်းမင်း က မဇ္ဈိမကို ပြောသည်။

"သေနတ်သံက ကျနော် တယောက်တည်း မဟုတ်ဘူး၊ တရွာလုံး ကြားရတာပေါ့။ ပစ်တာက ၇ ချက်နဲ့ ၈ ချက်လောက် ပစ်တယ်။ တရွာလုံး ကလေး လူကြီး အကုန်ကြားတယ်" ဟု ဆိုသည်။

လုံးဖောကြီး ကျေးရွာမှ ဦးအောင်စိန်၊ ဦးသာထူး၊ သန်းထိုက်တို့ သုံးဦးမှာ ပဲ့ချိတ်လှေ ကိုယ်စီဖြင့် မေလ ၃၀ ရက်နေ့ ညသန်းခေါင်ကျော် ၂ နာရီခန့်တွင် အဆိုပါ လူများအား လိုက်လံပို့ဆောင်စဉ် ဖမ်းဆီးခံခဲ့ရခြင်းဖြစ်ကာ ဦးသာထူး ပဲ့ချိတ်မှ လူများအား ဖမ်းမိလိုက်သည်ဟု ဆိုသည်။

ပြီးခဲ့သည့် တနှစ်ကျော်ခန့်က တကြိမ် နယ်စပ်ဖြတ်ကျော်ရန် ကြိုးပမ်းသည့် မြန်မာနိုင်ငံသားများ စီးနင်းလာ သည့် ကားအား ထိုင်းစစ်တပ်မှ ပစ်ခတ်ခဲ့ရာ ၃ ဦး သေဆုံးခဲ့ရပြီး နောက်ပိုင်း၌ မိုးပေါ်သို့ ထောင်၍ခြောက် လှန့်ပစ်ခတ်မှုများသာ ရှိကြောင်း ရနောင်းဒေသခံများက ပြောသည်။

ယနေ့ဖြစ်ပွားသည့် ကိစ္စနှင့်ပတ်သက်၍ ကော့သောင်း ရဲသတင်းတပ်ဖွဲ့သို့ မဇ္ဈိမက ဆက်သွယ်မေးမြန်းခဲ့ရာ တွင် "သတင်းကိုတော့ ကြားတော့ ကြားတယ်။ အတည်ပြုနိုင်အောင် ကြိုးစား နေတုန်းပဲ" ဟု ပြန်လည်ဖြေ ကြားခဲ့သည်။

ထပ်မံ၍ ကော့သောင်း ခရိုင် ရဲတပ်ဖွဲ့ရုံးသို့ ဆက်သွယ်မေးမြန်းရာ၌လည်း ဒု-ရဲအုပ် မျိုးအောင် က ၎င်းသတင်း အား "မသိရှိရသေးကြောင်း" သာ ပြန်လည် ဖြေကြားခဲ့သည်။

ဖမ်းဆီးခံရသူများသည် လုံဖောကြီး ကျေးရွာမှ ထွက်သွားကြစဉ် ပဲ့ချိတ်လှေ ၃ စီးဖြင့် စုစုပေါင်း ၅၄ ဦး ရှိသည်ဟု ကိုမင်းမင်း က ပြောဆိုကာ ရနောင်း ဒေသခံ ဖြစ်သည့် ဦးကျော် ကမူ ယင်းအုပ်စုတွင် စုစုပေါင်း ၄၂ ယောက် ဖြစ်ပြီး အမျိုးသမီး ၃ ဦးနှင့် အမျိုးသား ၁ ဦးတို့ ပျောက်ဆုံး နေသည်ဟု ကွဲလွဲသည့် အချက်များ လည်း ရှိနေသည်။

မန္တလေးတွင် ကျပ်သိန်းတစ်ရာအောက် အိမ်ရာစီမံကိန်း ယခုနှစ် အပြီးတည်ဆောက်ပြီး ၀င်ငွေနည်းအိမ်ရာ မရှိသူများကို ဦးစားပေးရောင်းချမည်

ကျပ်သိန်း ၁၀၀ အောက် တန်ဖိုးနည်းအိမ်ရာ တည်ဆောက်မည့် ချမ်းမြသာစည်မြို့နယ် မြရည်နန္ဒာ ရပ်ကွက်အား မေ ၃၀ ရက်က တွေ့ရစဉ်

မန္တလေးတွင် ကျပ်သိန်းတစ်ရာအောက် တန်ဖိုးနည်းအိမ်ရာ စီမံကိန်းကို တိုင်းဒေသကြီး အစိုးရမှ ခွင့်ပြုသဖြင့် ယခုနှစ်ဘတ်ဂျက်တွင် စတင်တည်ဆောက်သွားမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီ၊ အဆောက်အအုံနှင့် ကုန်ရုံဌာနမှ ဌာနမှူး ဦးမျိုးအောင်က ပြောကြားခဲ့သည်။

ချမ်းမြသာစည်မြို့နယ် ၄၄ လမ်းနှင့် ၄၈ လမ်းအတွင်းရှိ မြရည်နန္ဒာရပ်ကွက်တွင် တန်ဖိုးနည်းအိမ်ရာ စီမံကိန်း တည်ဆောက်မည် ဖြစ်သည်။ ထိုသို့ တန်ဖိုးနည်းအိမ်ရာများကို ကျပ်သိန်း ၁၀၀ အောက် ဈေးနှုန်းဖြင့် ရောင်းချနိုင်ရန်အတွက် နည်းပညာပိုင်းဆိုင်ရာများ၊ အဆောက်အအုံ ဒီဇိုင်းများဆိုင်ရာများနှင့် ပတ်သက်၍ ဧပြီ ၂၅ ရက်က မန္တလေးမြို့တော်ခန်းမတွင် ဆွေးနွေးပွဲ ကျင်းပခဲ့ပြီး ခွင့်ပြုခဲ့သဖြင့် ယခုနှစ်တွင် စတင်တည်ဆောက်သွားမည် ဖြစ်ကြောင်း သိရသည်။

''တန်ဖိုးနည်းအိမ်ရာ စီမံကိန်းကို မြရည်နန္ဒာရပ်ကွက်မှာပဲ တည်ဆောက်မှာပါ။ အခုလောလောဆယ်တော့ နှစ်ဘလောက်ပဲ စတင်တည်ဆောက်မှာပါ။ အဓိကကတော့ ရောင်းမှားဝယ်မှား ဖြစ်တဲ့သူတွေကို ဦးစားပေးရောင်းချသွားဖို့ စာရင်းပြန်ကောက်နေတယ်။ ကျပ်သိန်းတစ်ရာအောက်ပဲ ရောင်းမှာပါ'' ဟု အဆောက်အအုံနှင့် ကုန်ရုံဌာနမှူး ဦးမျိုးအောင်က ဆိုသည်။

ယင်းအိမ်ရာများကို မြေဧက ၁၁၇ ဧကပေါ်ရှိ ၅၇ ဧကတွင် ဆောက်လုပ်မည် ဖြစ်ပြီး တစ်ခန်းလျှင် စတုရန်းပေ ၆၀၀ ကျယ်ဝန်းမည် ဖြစ်ကြောင်း၊ ကျန်ဧကများတွင် ဈေး၊ ကျောင်း စသည့်မြို့အင်္ဂါရပ်များကိုပါ ထည့်သွင်း အကောင်အထည်ဖော်မည် ဖြစ်ကြောင်း စည်ပင်သာယာရေး ၀န်ကြီးဌာန အဆောက်အအုံနှင့် ကုန်ရုံဌာနမှ ဌာနမှူးက ပြောကြားခဲ့သည်။