မြန်မာနိုင်ငံ စာနယ်ဇင်း ကောင်စီ (ယာယီ)နှင့် ပြန်ကြားရေး ဝန်ကြီးဌာန တို့က ၄င်းတို့ ရေးဆွဲထားသည့် ဥပဒေ မူကြမ်း အသီးသီးနှင့် ပတ်သက်၍ ဘုံတူညီချက် ရှာဖွေရန် တွေ့ဆုံ ဆွေးနွေးခဲ့ ကြောင်း စာနယ် ဇင်းကောင်စီ (ယာယီ) ၏ အတွင်းရေးမှူး ဦးကျော်မင်းဆွေ က ပြောသည်။
ယခုလ ၂၃ ရက်က မြန်မာနိုင်ငံ စာနယ်ဇင်း ကောင်စီရုံးရှိ အစည်းအဝေး ခန်းမ၌ ကောင်စီ ဥက္ကဋ္ဌ၊ အဖွဲ့ဝင် များနှင့် အတူ ပြန်ကြားရေး ဝန်ကြီးဌာန မြန်မာ့ အသံနှင့် ရုပ်မြင်သံကြားမှ ညွှန်ကြား ရေးမှူးချုပ် ဦးတင့်ဆွေ၊ ပုံနှိပ်ရေးနှင့် စာ အုပ် ထုတ်ဝေရေး လုပ်ငန်း အထွေထွေ မန်နေဂျာ ဦးမျိုးမြင့်မောင် အပါအဝင် တာဝန်ရှိသူ အချို့တို့ တွေ့ဆုံ ညှိနှိုင်းဆွေး နွေးခဲ့ကြခြင်း ဖြစ် သည်။
ပြန်ကြားရေး ဝန်ကြီးဌာနက ရေး ဆွဲပြီး ပြည်သူ့ လွှတ်တော်သို့ ယခင်လက တင်သွင်းခဲ့သည့် ပုံနှိပ်ခြင်းနှင့် ထုတ်ဝေခြင်း လုပ်ငန်း ဥပဒေမူကြမ်းနှင့် မြန်မာ နိုင်ငံ စာနယ်ဇင်း ကောင်စီ (ယာယီ) တို့ ကရေးဆွဲ ထား သည့် သတင်း မီဒီယာနှင့် ပုံနှိပ်ထုတ်ဝေရေး လုပ်ငန်း ဥပဒေကြမ်း တို့နှင့် ပတ်သက်၍ အားသာချက် အား နည်းချက် များကို အသေးစိတ် ညှိနှိုင်း ဆွေးနွေးမှုများကို ဆက်လက် လုပ်ဆောင် ရန် အစီစဉ် ရှိကြောင်းလည်း ဦးကျော် မင်းဆွေ က ပြောသည်။
ဆက်လက်ပြီး ၄င်းက စာနယ်ဇင်း ကောင်စီ မှရေးဆွဲထားသည့် သတင်း မီဒီယာနှင့် ပုံနှိပ် ထုတ်ဝေရေး လုပ်ငန်း ဥပဒေကြမ်း ကို ပြန်ကြားရေး ဝန်ကြီးမှ မူ အားဖြင့် လက်ခံသည်ဟု ဝန်ကြီး ဌာနမှ တာဝန်ရှိသူများ က တစ်ဆင့် ပြန်လည် ပြောပြခဲ့ကြောင်း ပြောသည်။
ပြန်ကြားရေး ဝန်ကြီးဌာနမှ ရေးဆွဲ ကာ လွှတ်တော်သို့ တင်သွင်းခဲ့သည့် ပုံနှိပ် ခြင်းနှင့် ထုတ်ဝေခြင်း လုပ်ငန်း ဥပဒေကြမ်းနှင့် ပတ်သက်ပြီး သတင်း မီဒီယာ လုပ်ငန်း လုပ်ကိုင်နေသူ များမှ ဝေဖန်မှု များထွက်ပေါ် လာခဲ့၍ အားကစား၊ ယဉ်ကျေးမှု နှင့် ပြည်သူ့ ဆက်ဆံရေး ကော်မတီ ဥက္ကဋ္ဌ သူရ ဦးအေးမြင့် အပါအဝင် အဖွဲ့ဝင်များနှင့် သတင်း မီဒီယာများ မတ်လ ၉ ရက်နေ့တွင် တွေ့ဆုံ ဆွေးနွေးမှုများ ပြုလုပ်ခဲ့ပြီးနောက် ယင်း ဥပဒေ ကြမ်း အား ကျင်းပ ပြီးစီးခဲ့သည့် လွှတ်တော် ဆဋ္ဌမ ပုံမှန် အစည်းအဝေးတွင် ဆွေးနွေး မှု မပြုနိုင်ခဲ့ပေ။ သတင်း မီဒီယာ အဖွဲ့အ စည်းများ အပါအဝင် စာနယ်ဇင်း ကောင်စီမှလည်း ထိုဥပဒေကြမ်း အား သဘောမ တူကြောင်း ကန့်ကွက်ခဲ့ပြီး ကောင်စီမှ ကန့်ကွက်စာအား နိုင်ငံတော် သမ္မတထံ တင်သွင်းခဲ့သည်။
ကန့်ကွက်ခြင်း ခံနေရသည့် ပုံနှိပ် ခြင်းနှင့် ထုတ်ဝေခြင်း လုပ်ငန်း ဥပဒေ ကြမ်းနှင့် ပတ်သက်ပြီး ယခင်လ ၂၃ ရက် တွင် ပြန်ကြားရေး ဝန်ကြီး ဌာန ပြည်ထောင်စု ဝန်ကြီးက စာနယ်ဇင်း ကောင်စီ နှင့် တွေ့ ဆုံဆွေးနွေး ခဲ့ပြီး ထပ်မံ၍ တွေ့ဆုံ ဆွေးနွေးရန်လည်း စီစဉ်ထား ကြောင်း သိရသည်။ မြန်မာနိုင်ငံ စာနယ်ဇင်း ကောင်စီသည် သတင်း မီဒီယာနှင့် ပုံနှိပ် ထုတ်ဝေရေးလုပ်ငန်း ဥပဒေကြမ်း ကို ယခင်လက သတင်း မီဒီယာ အဖွဲ့ အစည်းများ၊ ပုံနှိပ် လုပ်ငန်းရှင်များ၊ ဥပဒေ ပညာရှင်များနှင့် နှစ်ကြိမ် တွေ့ဆုံကာ တတိယ မူကြမ်း ရေးဆွဲ ပြီးစီးခဲ့သည်။
Thursday, April 25, 2013
စာနယ်ဇင်း ကောင်စီနှင့် ပြန်ကြားရေး ဝန်ကြီးဌာန ဥပဒေ မူကြမ်း ဆိုင်ရာ ဆွေးနွေး
မြန်မာ့ သွင်းကုန်များကို အမေရိကန်က အခွန်ကင်းလွတ်ခွင့် ပေးဖွယ်ရှိ
မြန်မာနိုင်ငံမှ ထောင်ပေါင်းများစွာသော သွင်းကုန်များအပေါ် အကောက်ခွန် ကောက်ခံနေမှုကို အဆုံးသတ်နိုင်ရေး အတွက် ကုန်သွယ်ရေး ဆက်ဆံမှုများကို အမေရိကန်က ပြန်လည်လေ့လာ သုံးသပ်လျက် ရှိသည်။
အမေရိကန် ခေတ္တကုန်သွယ်ရေး ကိုယ်စားလှယ် ဒီမီထရီရို့စ် မာရန်တစ်စ် (Demetrios Marantis) သည်လည်း ဗုဒ္ဓဟူးနေ့တွင် မြန်မာနိုင်ငံသို့ လာရောက်ကာ ရန်ကုန်နှင့် နေပြည်တော်မှ အစိုးရအရာရှိများနှင့် စီးပွါးရေးထိပ်သီး လုပ်ငန်းရှင်များအား တွေ့ဆုံမည်ဖြစ်ဟု ဝါရှင်တန်မှ ပေးပို့သည့် ရိုက်တာ သတင်းတရပ်က ဆိုသည်။
လွန်ခဲ့သော သီတင်းပတ်က မာရန်တစ်စ်၏ အာရှခရီးစဉ် မစတင်မီ အမေရိကန် ကုန်သွယ်ရေး ကိုယ်စားလှယ်ရုံးက ထိုသို့ပြန်လည်လေ့လာသုံးသပ်ရန် စတင် ဆောင်ရွက်ခဲ့ခြင်းဖြစ်သည်။
ထိုသုံးသပ်မှုအရ မြန်မာနှင့်လာအို နှစ်နိုင်ငံသည် ကုန်သွယ်ရေးအထူးအခွင့်အရေးရ (GSP) အစီအစဉ်တွင် ပါဝင်လာနိုင်မည် ဖြစ်သည်။ ထိုစနစ်အရ နိုင်ငံနှင့်နယ်မြေ ၁၂၈ ခုမှ ကုန်ပစ္စည်း အမည် ၅,၀၀၀ ခန့်အထိကို သွင်းကုန်ခွန် ကောက်ခံခြင်းမှ ကင်းလွတ်ခွင့်ရရှိစေမည်ဖြစ်သည်။
GSP စနစ်နှင့် စပ်လျဉ်း၍ စိတ်ဝင်စားကြောင်း မြန်မာနှင့် လာအို အစိုးရများက မကြာမီက ထုတ်ဖော်ပြောကြားခဲ့ သည်ဟု အမေရိကန် ကုန်သွယ်ရေး ကိုယ်စားလှယ် ဌာနရုံး (USTR) က ပြည်ထောင်စု ပြန်တမ်းအား ကိုးကား၍ ရိုက်တာသတင်းတွင် ရေးသားပါရှိသည်။ ထိုပြန်တမ်းတွင် ဖော်ပြထားချက်အရ လူထု၏ဆန္ဒသဘောထားကို
တောင်းခံထားပြီး ဇွန်လဆန်းတွင် ကြားနာမှု ပြုလုပ်ရန် သတ်မှတ်ထားသည်။
ထိုသို့ ပြန်လည်သုံးသပ်ခြင်းကို အလုပ်အကိုင် အခွင့်အလမ်းများ ဖန်တီးရေးအတွက် မြန်မာ အစိုးရကို ကူညီရန် အိုဘားမား အစိုးရ၏ ကြိုးပန်းဆောင်ရွက်မှု တစိတ်တပိုင်း အနေဖြင့် ပြုလုပ်ခြင်းဖြစ်သည်ဟု ဆိုသည်။
မြန်မာအစိုးရ ဆောင်ရွက်လျက်ရှိသော နိုင်ငံရေးပြုပြင် ပြောင်းလဲရေးလုပ်ငန်းများအပေါ် ဆုချသည့်အနေဖြင့် ကြာမြင့်စွာ ထားရှိခဲ့သော စီးပွါးရေး ပိတ်ဆို့ဒဏ်ခတ် အရေးယူမှုများကို အမေရိကန်နိုင်ငံက ပြန်လည် ရုပ်သိမ်းလိုက်ပြီ ဖြစ်သည်။ မြန်မာနိုင်ငံမှ ပို့ကုန် အများစုအပေါ် ပိတ်ဆို့ထားမှုများကိုလည်း ဖြေလျှော့ပေးလိုက်ပြီ
ဖြစ်သည်။
အဝတ်အထည်နှင့် အခြားကုန်စည် ဒေါ်လာ ၂၇၅ သန်းဖိုးကို အမေရိကန် နိုင်ငံက သွင်းကုန် ပိတ်ဆို့မှု မပြုလုပ်မီ ၂၀၀၃ ခုနှစ်က မြန်မာနိုင်ငံမှ တင်သွင်းခဲ့သည်။ အကန့်အသတ်အများစုကို ဖယ်ရှားပြီးချိန်မှစ၍ လွန်ခဲ့သောလများ အတွင်း မြန်မာနိုင်ငံမှ သွင်းကုန်များကို တတိတတိ တင်သွင်းခဲ့ရာ ဇန်နဝါရီလက ဒေါ်လာတသိန်းဖိုးနှင့်
ဖေဖော်ဝါရီလက ဒေါ်လာနှစ်သိန်းဖိုး ရှိခဲ့သည်ဟု ဝါရှင်တန်မှ ပေးပို့သည့် ရိုက်တာသတင်းတွင် ရေးသားထားသည်။
ရှမ်း တောင်မြောက်တပ်များမှ နိုင်/ကျဉ်းများ မလွတ်သေး၊ SSNA မှ ၄၀ လွတ်မြောက်လာ
ချင်းမိုင်(မဇ္စျိမ)။ ။ လွတ်ငြိမ်းချမ်းသာခွင့်ဖြင့် အင်္ဂါနေ့က လွတ်မြောက်လာသူ နိုင်ငံရေး အကျဉ်းသား ၅၉ ဦးထဲတွင် ရှမ်းလက်နက်ကိုင်အဖွဲ့တခုမှ ၄၀ ဦး ပါဝင်လာသော်လည်း ရှမ်းပြည်တပ်မတော် တောင်ပိုင်း (RCSS/SSA) အဖွဲ့ဝင် တဦးမှ လွတ်လာခြင်း မရှိသေးကြောင်း ဗိုလ်မှူး ဆိုင်းလောဝ်စိုင်း က ပြောသည်။
"ကျနော်တို့ စိစစ်ကြည့်မိသလောက် မပါဘူးလို့ သိရတယ်။ ကျနော်တို့ စာရင်းပြုစုပြီးတော့ တင်ပြထားပြီးပါပြီ။ ကျနော်တို့ တပ်ဖွဲ့ ထဲကပဲ ဆိုရင်တော့ ၅၀ ကျော်ရှိတယ်။ ခုထိ လွတ်လာတယ်လို့ မကြားသေးဘူး" ဟု RCSS/SSA ပြောခွင့်ရ ဗိုလ်မှူး ဆိုင်းလောဝ်စိုင်း က မဇ္ဈိမကို ပြောသည်။
၂၀၁၂ ခုနှစ်၊ မေလ ၁၉ ရက်နေ့က ရှမ်းပြည်နယ် ကျိုင်းတုံမြို့တွင် အစိုးရ ကိုယ်စားလှယ်များနှင့် လက်မှတ်
ရေးထိုးခဲ့သော ပြည်ထောင်စုအဆင့် အပစ်အခတ် ရပ်စဲရေး သဘောတူညီချက်တွင် ၎င်းတို့အဖွဲ့မှ အကျဉ်းကျခံရ သူများအား လွှတ်ပေးရေး ပါဝင်ခဲ့ပြီး လွှတ်ပေးရန် RCSS/SSA အဖွဲ့ဝင်ပေါင်း ၅၀ ကျော်၏ စာရင်းကို တင်ပြထားပြီး
ဖြစ်သည်။
၎င်းတို့မှာ ၁၉၉၆-၂၀၁၂ ခုနှစ်များအတွင်းက နိုင်ငံတော် ပုန်ကန်မှုနှင့် မတရားအသင်း ဆက်သွယ်မှုတို့ဖြင့် အင်းစိန်၊ ပူတာအို၊ ကျိုင်းတုံ စသည့် အကျဉ်းထောင်များတွင် အကျဉ်းကျခံနေရသည်ဟု ဆိုသည်။
၎င်းတို့ တပ်ဖွဲ့ဝင်များကို လွှတ်ပေးခြင်း မရှိသေးသော်လည်း ယခုကဲ့သို့ အကျဉ်းသားများကို လွှတ်ပေးခြင်းသည် အမျိုးသားပြန်လည် ရင်ကြားစေ့ရေးအတွက် အပြုသဘောဆောင်ခြင်း ဖြစ်သည်ဟု ရှုမြင်ကြောင်း ဗိုလ်မှူး ဆိုင်းလောဝ်စိုင်း က ပြောဆိုသည်။
ရှမ်းပြည်တပ်မတော် မြောက်ပိုင်း SSPP/SSA မှ အဖွဲ့ဝင်အချို့လည်း ဖမ်းဆီးခံထားရမှု ရှိပြီး ၎င်းတို့လည်း ဧပြီလ ၂၃ ရက်နေ့က လွတ်မြောက်လာမှုထဲတွင် ပါဝင်ခြင်း မရှိသေးပေ။
ယမန်နေ့ သာယာဝတီ အကျဉ်းထောင်မှ လွတ်မြောက်လာသူ ရှမ်းတိုင်းရင်းသား ၄၀ ဦးသည် ရှမ်းပြည် အမျိုးသား တပ်မတော် SSNA အဖွဲ့ဝင်များ ဖြစ်သည်ဟု ရှမ်းအမျိုးသား ဒီမိုကရေစီအဖွဲ့ချုပ် SNLD မှ ပြောခွင့်ရသူ ဦးစိုင်းလိတ် က ပြောသည်။
ယခင်က ဘိန်းဘုရင် ခွန်ဆာ၏ မော်ထိုင်း တပ်မတော် (MTA) မှ ခွဲထွက်၍ SSNA ပြန်လည် ဖွဲ့စည်းခဲ့သော
ခေါင်းဆောင် ဗိုလ်မှူးကြီး စိုင်းကန်းယွက်၏ လက်အောက်ခံ တပ်မဟာ ၁၁ မှ တပ်ဖွဲ့ဝင်များအား ၂၀၀၂ ခုနှစ်က အစိုးရတပ်မှ ဖမ်းဆီး၍ လက်နက်ချစေပြီးနောက် အကန့်အသတ်မရှိ ပစ်ဒဏ်များ ချမှတ်ခဲ့ပြီး ယမန်နေ့က
ပြန်လွှတ်ပေးခဲ့ခြင်း ဖြစ်သည်။
"(ထိုစဉ်က) ငြိမ်းချမ်းရေး ပျက်ပြားခါစဖြစ်တော့ သူတို့ ရှောင်တခင် တွေ့ကြပြီး တိုက်ပွဲဖြစ်တယ်။ လူအုပ်နဲ့ ဝိုင်းခံရပြီးတော့ လက်နက်ချခိုင်းတယ်။ လက်နက် အပ်ပြီးရင် ပြန်လွတ်ပေးမယ်ပြောလို့ သူတို့က လက်နက် ချလိုက်တယ်။ လားရှိုး စစ်ခုံရုံးမှာ စစ်တယ်။ ဘာမှ ပြန်ဖြေခွင့်မရှိဘဲ နှစ်အကန့်အသတ်မရှိ ထောင်ဒဏ် ချလိုက်တယ်" ဟု ဦးစိုင်းလိတ် က ပြောပြသည်။
၎င်းတို့မှာသည် လက်နက်ကိုင် တော်လှန်သမားများဖြစ်၍ နိုင်ငံရေး အကျဉ်းသား စာရင်းတွင် ပါဝင်သည်ဟု ဆိုကာ ပြီးခဲ့သည့် ဖေဖော်ဝါရီလက ဖွဲ့စည်းခဲ့သော နိုင်ငံရေးအကျဉ်းသား စိစစ်ရေး ကော်မတီ၏ ဥက္ကဌ ဝန်ကြီး ဦးစိုးသိန်းထံ ကော်မတီ အဖွဲ့ဝင်တဦးဖြစ်သော SNLD အတွင်းရေးမှူး ဦးစိုင်းညွန့်လွင် က တင်ပြခဲ့သည်ဟု ဦးစိုင်းလိတ် က မဇ္စျိမကို ပြောသည်။
"တချို့သော အဖွဲ့အစည်းက ပုဂ္ဂိုလ်တွေ ကျန်နေသေးတယ်။ ဥပမာ အခြား RCSS က ပုဂ္ဂိုလ်တွေ၊ အခြား မြေပေါ်
နိုင်ငံရေးပါတီက ကျန်ကောင်းကျန်မယ်။ ကျန်ရှိနေတဲ့ နိုင်ငံရေးအကျဉ်းသားတွေ အကုန်လုံးကို ဆက်လက်ပြီးတော့ မှ လွှတ်ပေးစေချင်တယ်" ဟု ပြောသည်။
လွတ်မြောက်လာသူများကို SNLD မှ သွားရောက်ကြိုဆိုခဲ့ပြီး နေထိုင် စားသောက်ရေးကို စီစဉ်ပေးနေကာ ယနေ့ နေ့လည်ပိုင်းတွင် ရွှေတိဂုံစေတီကို သွားရောက် ဖူးမြော်ပြီးနောက် ညနေပိုင်းတွင် လားရှိုးမြို့သို့ ထွက်ခွာမည်
ဖြစ်ကြောင်း သိရသည်။ ဧပြီလ ၂၅ ရက်နေ့တွင် လားရှိုးမြို့ SNLD ရုံးမှ မိသားစုများနှင့် တွေ့ဆုံမည် ဖြစ်ကြောင်း ဦးစိုင်းလိတ်က ပြောသည်။
လွတ်မြောက်လာသူများမှာ သိန္နီ၊ လားရှိုး၊ နမ့်ပေါင်၊ မိုင်းရယ်၊ တန့်ယန်း စသည့် မြို့နယ်များမှ ဖြစ်ကြပြီး မူလက ၄၅ ဦး ဖမ်းဆီးခံရာမှ အကျဉ်းကျခံရစဉ်အတွင်း နှစ်ဦးမှာ မိမိကိုယ်ကို လုပ်ကြံသေဆုံးခဲ့ပြီး သုံးဦးမှာ ကျန်းမာရေးကြောင့်
သေဆုံးခဲ့သည်ဟု စုံစမ်းသိရှိရသည်။
မြန်မာ-ဘင်္ဂလားဒေ့ရှ် နယ်စပ်ကုန်သွယ်မှု ယခင်နှစ်ထက် ထက်ဝက်လျော့သွား
"၂၀၁၁-၂၀၁၂ ဘဏ္ဍာရေးနှစ်က စစ်တွေ-ဘင်္ဂလားဒေ့ရှ် (နယ်စပ်) ကုန်သွယ်မှု ပမာဏဟာ ၁၅.၃၃၆ ဒေါ်လာသန်း ရှိပြီးတော့ ၂၀၁၂-၁၃ မှာကျတော့ ၇.၂၅၀ ဒေါ်လာသန်းပဲ ရရှိတယ်။ ရေထွက်ကုန် လျော့နည်းမှုနဲ့ မတည်ငြိမ်မှုတွေ
ကြောင့် ကျဆင်းသွားရတာပါ။ တိုးလာမယ့် သဘော မတွေ့ရသေးပါဘူး" ဟု စစ်တွေ နယ်စပ်ကုန်သွယ်ရေးမှ တာဝန်ရှိသူတဦးက မဇ္ဈိမကို ပြောသည်။
၂၀၁၂-၂၀၁၃ ဘဏ္ဍာရေးနှစ်အတွက် စစ်တွေ နယ်စပ်ကုန်သွယ်ရေး၏ လျာထားချက်မှာ ပို့ကုန် ပမာဏ ဒေါ်လာ ၁၅ သန်း၊ သွင်းကုန် ဒေါ်လာ ၇ သန်း၊ ကုန်သွယ်မှု ပမာဏ ဒေါ်လာ ၂၂ သန်း ဖြစ်ပြီး လက်တွေ့တွင်မူ ပို့ကုန်
ဒေါ်လာ ၆.၉၀၅ သန်း၊ သွင်းကုန် ဒေါ်လာ ၀.၃၄၅ သန်းနှင့် ကုန်သွယ်မှုပမာဏ ဒေါ်လာ ၇. ၂၅၀ သန်းသာ
ဖြစ်ခဲ့ကြောင်း ၎င်းက ဆိုသည်။
ထို့အတူ မောင်တော နယ်စပ်ကုန်သွယ်ရေး၏ မြန်မာ-ဘင်္ဂလားဒေ့ရှ် ကုန်သွယ်မှု ပမာဏမှာလည်း အရင်နှစ်များထက် ကျဆင်းနေကြောင်းကို စစ်တွေနယ်စပ်ကုန်သွယ်ရေးမှ တာဝန်ရှိသူတဦးက ဆိုသည်။
"၂၀၁၁-၂၀၁၂ ဘဏ္ဍာရေးနှစ်က မောင်တော နယ်စပ်ကုန်သွယ်ရေး ပို့ကုန်ပမာဏက အမေရိကန်ဒေါ်လာ ၇.၈၃၁ သန်း၊ သွင်းကုန်ပမာဏ ဒေါ်လာ ၀.၆၉၂ သန်း၊ ကုန်သွယ်မှု ပမာဏ စုစုပေါင်းတန်ဖိုး ဒေါ်လာ ၈.၅၂၃ သန်း ရှိခဲ့တယ်။ ဒါပေမယ့် ကုန်ခဲ့တဲ့ ဘဏ္ဍာရေးနှစ်မှာ ပို့ကုန် ပမာဏ ဒေါ်လာ ၅.၃၈၆ သန်း၊ သွင်းကုန်ပမာဏ ဒေါ်လာ ၀.၅၃၁ သန်းနဲ့ စုစုပေါင်း ကုန်သွယ်မှု ပမာဏ ဒေါ်လာ ၅.၉၁၇ သန်းပဲ ရတယ်" ဟု ၎င်းက ပြောသည်။
မောင်တော နယ်စပ်ကုန်သွယ်ရေးစခန်းမှ ဘင်္ဂလားဒေ့ရ်ှနိုင်ငံနှင့် ကုန်သွယ်မှု ဆောင်ရွက်နေသော ကုမ္ပဏီ ၅ ခုရှိနေပြီး ငါးကုန်းညို၊ င/နီတူ၊ ငါးခြောက်မျိုးစုံ အရောအနှော၊ မတ်ပဲ၊ ပုဇွန်၊ ဖိနပ်၊ အလှကုန်များကို တင်ပို့ကာ ဘိလပ်မြေ၊ ရေအိုး၊ ရေသန့်စက်ကို တင်သွင်းလျက် ရှိသည်။
"ကုန်သွယ်မှု ကျဆင်းနေရတာက ရခိုင်ဒေသ ပဋိပက္ခ တခုတည်းကြောင်းတော့ မဟုတ်ဘူး။ ပို့ကုန်အတွက် ကုန်ရ နည်းလာတာကြောင့်လည်း ပါတယ်။ ကျနော်တို့ စစ်တွေက အဓိက ပို့နေတဲ့ ဇီးထုပ်၊ ဇီးသီး၊ မန်ကျည်းသီး၊ ကုန်ရနည်းလို့ ပို့ကုန်ပမာဏ နည်းလာနေတယ်။ သွင်းကုန်ကတော့ ဈေးပေါတဲ့ တီရှပ်တွေနဲ့ တရုတ်ကိုပို့မယ့် ဆံပင်တွေကိုပဲ ပုံမှန်တင်သွင်း နေပါတယ်" ဟု စစ်တွေမှ ဘင်္ဂလားဒေ့ရ်ှနိုင်ငံ သို့ ကုန်ပစ္စည်းများ သယ်ပို့ ရောင်းဝယ်နေသူ ကုန်သည် ဦးညီချေ က ပြောသည်။
ယခုနှစ် မတ်လဆန်းက ပို့ကုန်သွင်းကုန်များ ဖြေလျှော့ပေးလိုက်ရာတွင် ဘင်္ဂလားဒေ့ရ်ှနှင့် ကုန်သွယ်ရေး လုပ်ကိုင်သည့် စစ်တွေရှိ ကုမ္ပဏီ ၇ ခု အနေနှင့် ပို့ကုန်အားမှာ ပိုကောင်းလာဖွယ် ရှိသော်လည်း သွင်းကုန်ပိုင်းတွင်မူ အပြောင်းအလဲ မရှိနိုင်ကြောင်း ဦးညီချေ က မှန်းဆသည်။
မတ်လ ၁ ရက်နေ့မှစ၍ ပို့ကုန်သွင်းကုန် လုပ်ငန်းလုပ်ကိုင်သူများ လွယ်ကူချောမွေ့စေရေးအတွက် ပို့ကုန်ပစ္စည်း ၁၅၂ မျိုး၊ သွင်းကုန်ပစ္စည်း ၁၆၆ မျိုးကို လိုင်စင်မဲ့ တင်သွင်းခွင့် ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာက ဖြေလျော့ပေးခဲ့ခြင်း ဖြစ်သည်။
"မြန်မာ-ဘင်္ဂလားဒေ့ရှ် နယ်စပ်ကုန်သွယ်ရေး အားကောင်းဖို့က ပို့ကုန်သွင်းကုန် ဖြေလျှော့ရုံနဲ့ မလုံလောက်ဘူး။
ဖြတ်သန်းလာတဲ့ သမိုင်းကို ကြည့်ရင် ကျနော်တို့ဆီက ကုန်သည်တွေ ဘင်္ဂလားဒေ့ရ်ှမှာ ဈေးနှိမ်ခံပြီးတော့
ရောင်းနေကြရတယ်။ ကျနော်တို့က ဆားသွားရောင်းတယ်။ အရင်တုန်းက ဆားအရည်အသွေး ညံ့တယ်ဆိုပြီးတော့
ဈေးနှိမ်ဝယ်တယ်။ အခုနောက်ပိုင်း ကျနော်တို့ရဲ့ ဆားကို လုံးဝ မဝယ်တော့ဘူး။ ကျနော်တို့ ပို့ကုန်တွေ အရည်အသွေး ပြည့်မီရင်တောင်မှ ဘင်္ဂလားဒေ့ရ်ှဟာ သူတို့နိုင်ငံရဲ့ အမျိုးသား အကျိုးစီးပွားရေးအရပဲ လုပ်ကိုင်နေလို့ပဲ။ ဒါကြောင့် နိုင်ငံတကာ ဈေးကွက်ကို ထိုးဖောက်နိုင်တဲ့အထိ ကျနော်တို့ ကုန်တွေ အရည်အသွေး
မြင့်ဖို့ လိုတယ်" ဟု ရခိုင်ပြည်နယ် ဆားလုပ်ငန်းရှင်များအသင်း အတွင်းရေးမှူး ဦးသန်းဝင်း က သုံးသပ်သည်။
ရခိုင်တွင် တာဝန်ထမ်းဆောင်ခဲ့ပြီး ယခုလက်ရှိ ဝန်ကြီးဌာန၌ တာဝန်ထမ်းဆောင်လျက်ရှိသော နယ်စပ် ကုန်သွယ်ရေးအရာရှိ တဦးက "ရခိုင်ပြည်နယ် ကုန်သွယ်ရေး ဦးမော့လာဖို့ဆိုရင် နိုင်ငံတကာနဲ့ အပြိုင် လုပ်နိုင်ဖို့လိုပါတယ်။ နိုင်ငံတကာ စံချိန်တင်နိုင်ဖို့အတွက် ကျနော်တို့ဘက်က Value Added (ထပ်တိုးတန်ဖိုး) များများ လုပ်နိုင်ရမယ်" ဟုလည်း အကြံပြုထားသည်။
ဘင်္ဂလားဒေ့ရှ်၌ လက်ရှိပေါက်ဈေးမှာ ငါးကုန်းညို တတန် ကို ဒေါ်လာ ၇၀၀၊ င/နီတူ တတန်ကို ဒေါ်လာ ၁,၃၀၀၊ ငါးခြောက်မျိုးစုံ အရောအနှော တတန်ကို ဒေါ်လာ ၄၆၀၊ မတ်ပဲ တတန်ကို ၅၆၀ ဒေါ်လာဈေးဖြင့် ရောင်းချနေကြရပြီး ဘိလပ်မြေ တတန်ကို ၈၅ ဒေါ်လာ၊ ရေအိုး (၁ ကီလိုဂရမ်) တလုံးကို ၃.၀၇၇ ဒေါ်လာ၊ ရေသန့်စက် တလုံးကို ၁၀ ဒေါ်လာပေး၍ ဝယ်ယူနေရသည်ဟု မောင်တောမှ ကုန်သည်များက ဆိုသည်။
မြန်မာ-ဘင်္ဂလားဒေ့ရှ် နှစ်နိုင်ငံကြား စုစုပေါင်းကုန်သွယ်မှု ပမာဏမှာ ၂၀၁၀-၂၀၁၁ ဘဏ္ဍာရေးနှစ်တွင် အမေရိကန်
ဒေါ်လာ ၁၃၆.၆၄ သန်း၊ ၂၀၁၁-၂၀၁၂ ဘဏ္ဍာရေးနှစ်တွင် ၈၄.၈၁ သန်း ရှိခဲ့ပြီး ၂၀၁၂-၂၀၁၃ ဘဏ္ဍာရေးနှစ်တွင် စက်တင်ဘာလအထိ ၂၆.၉၈၉ သန်း ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ စာရင်းများ အရ သိရသည်။
ဦးသိန်းစိန်နှင့် ယင်လက် ထားဝယ်စီမံကိန်း ထပ်မံဆွေးနွေးမည်
နယူးဒေလီ (မဇ္ဈိ)။ ။ နှစ်နိုင်ငံ ပူးပေါင်း အကောင်အထည်ဖော်နေသည့် ထားဝယ် ရေနက်ဆိပ်ကမ်းနှင့် အထူး စီးပွားရေးဇုန် တည်ဆောက်ရေးကိစ္စကို ထိုင်းဝန်ကြီးချုပ် ယင်လက် ရှီနာဝပ်ထရာ (Yingluck Shinawatra) က သမ္မတ ဦးသိန်းစိန်နှင့် ကြာသပတေးနေ့တွင် တွေ့ဆုံဆွေးနွေးဦးမည် ဖြစ်သည်။
ဘရူနိုင်းနိုင်ငံတွင် ကျင်းပနေသည့် အာဆီယံ ခေါင်းဆောင်များ ထိပ်သီးအစည်းအဝေး တက်ရောက်စဉ် ၎င်းတို့ သီးသန့်တွေ့ဆုံ၍ စီမံကိန်း အကောင်အထည်ဖော်မှု နောက်ဆုံးဖြစ်ပေါ် တိုးတက်မှုများကို ဆွေးနွေးကြမည်ဟု ထိုင်းနိုင်ငံခြားရေး ဝန်ကြီးဌာန အမြဲတမ်း အတွင်းဝန်အား ကိုးကား၍ The Nation သတင်းတရပ်တွင် ဖော်ပြပါရှိသည်။
၂၀၁၂ ခုနှစ်၊ ဒီဇင်္ဘာလလယ်က နှစ်နိုင်ငံခေါင်းဆောင်များ ကိုယ်တိုင် အတူသွားရောက် လေ့လာခဲ့သည့် ထားဝယ် ရေနက်ဆိပ်ကမ်း စီမံကိန်းမှာ ဒေါ်လာ ၉ ဘီလီယံ တန်ဖိုးရှိပြီး ထိုင်းက ၃၅ ရာခိုင်နှုန်း ထည့်ဝင် ရင်းနှီးမြှုပ်နှံထားသည်။
စီမံကိန်းတွင် ရေနက် ဆိပ်ကမ်း တခု၊ လျှပ်စစ် ဓါတ်အားပေး စက်ရုံများနှင့် အခြား စက်ရုံများ ပါဝင်မည် ဖြစ်သည်။ စီမံကိန်း အတွက် ထိုင်းနိုင်ငံ၏ ရင်းနှီးမြှုပ်နှံမှုများထဲတွင် ထားဝယ်မှ နေ၍ ထိုင်းနိုင်ငံ နယ်စပ်ကို ဖြတ်ကာ ဘန်ကောက်မြို့အထိ ဆက်သွယ်နိုင်မည့် အဝေးပြေးလမ်းမကြီး တခု ဆောက်လုပ်ရေးအတွက် ရင်းနှီးမြှုပ်နှံထားခြင်းလည်း ပါဝင်သည်။
ထိုင်းဝန်ကြီးချုပ်မှာ မြန်မာသမ္မတနှင့် တွေ့ဆုံခွင့်ရတိုင်း ထိုင်းနိုင်ငံ၏ အနောက်ဖက်သမုဒ္ဒရာ ထွက်ပေါက်ရနိုင်မည့် ထိုစီမံကိန်းကိစ္စကို အလေးပေး ဆွေးနွေးလေ့ရှိပြီး မကြာမီကပင် စီမံကိန်း ကြီးကြပ်ကွပ်ကွဲရန် နည်းပညာ
ကော်မတီတရပ်ကိုလည်း ထိုင်းအစိုးရက အတည်ပြုခဲ့ပြီး ဖြစ်သည်။
ဦးသိန်းစိန်ကလည်း အိန္ဒိယနိုင်ငံသို့ သွားရောက်စဉ် ထားဝယ်စီမံကိန်းတွင် အိန္ဒိယမှလည်း ရင်းနှီးမြှုပ်နှံရန် ဖိတ်ခေါ်ခဲ့သည်။
ရှေးဟောင်း သုတေသနဇုန်တွင် စေတီသစ် တည်ခြင်းအား တရားစွဲထား
စစ်တွေ(မဇ္ဈိမ)။ ။ ရခိုင်ပြည်နယ်၊ ကျောက်တော် ရှေးဟောင်း သုတေသနဇုန် နယ်မြေအတွင်းရှိ မဟာမုနိ ပရိဝုဏ်ဝင်းထဲ စေတီ တည်ထားမှုနှင့်ပတ်သက်၍ သက်ဆိုင်ရာ ရှေးဟောင်း သုတေသန ဌာနမှ စေတီတည်သူများ ကို တရားစွဲထားကြောင်း သိရသည်။
(ဓာတ်ပုံ - သိန်းလှိုင်၊ မဇ္ဈိမ)
အမြင့် ကိုးတောင် (၁၃.၅ ပေ) ရှိပြီး "ကိုးနဝင်း စေတီ" ဟု အမည်ပေးထားသည့် အဆိုပါ စေတီငယ်ကို အမည်မသိ လူတစုက ဧပြီလ ၈ ရက်နေ့မှ ဧပြီ ၁၉ ရက်နေ့အတွင်း ညအချိန်များတွင် တည်ထားခဲ့ကြခြင်း ဖြစ်သည်။
"ရှေးဟောင်း သုတေသန နယ်မြေထဲမှာ ဧပြီ ၈ ရက်နေ့က ပန်းရန်ဆရာ ၂၀ လောက်နဲ့ ပန္နက်ချတယ်။ ကျနော်တို့
ဌာနက တာဝန်အရ သွားပြီး ဟန့်တားပါတယ်။ ဒါပေမယ့် မြို့နယ် သံဃနာယက ဥက္ကဋ္ဌဆရာတော် ခွင့်ပြုချက်နဲ့ တည်ဆောက်တာဆိုပြီး တားမြစ်မှုကို မလေးမခန့် လုပ်ခဲ့တယ်။ ဒါကြောင့် ဧပြီလ ၉ ရက်နေ့မှာ ဌာနက ဥပဒေနဲ့ အညီ ကျောက်တော်မြို့နယ် ရဲစခန်းမှာ အမှုဖွင့် တိုင်ကြားခဲ့သလို မြို့နယ် သာသနာရေး ဦးစီးဌာနကိုလည်း အကြောင်းကြားထားတယ်။ အမှုမှာ မြို့နယ်သံဃနာယက ဥက္ကဋ္ဌ ဆက်စပ်ပါဝင်နေလို့ ပြည်နယ်ကို လွှဲထားတယ်။ ခုအချိန်ထိ ဘာမှအကြောင်း မပြန်သေးဘူး" ဟု မြောက်ဦး ရှေးဟောင်းသုတေသန ဦးစီးဌာနမှ ဝန်ထမ်းတဦးက ဆိုသည်။
ကျောက်တော် မဟာမုနိရှေးဟောင်းနယ်မြေကို မြောက်ဦးရှေးဟောင်းသုတေ သနဦးစီးဌာန အောက်တွင် ထားရှိသည်။
ယင်းသို့ တရားမဝင် စေတီတည်သူများအား ဥပဒေအရ အမှုဖွင့်ရာတွင် အလှူရှင်များကို မသိရသေးသဖြင့် ကာယကံမြောက် ကျူးလွန်ခဲ့သူ ပန်းရန်ဆရာ ဦးအောင်စိုးမိုး ကိုသာ တရားစွဲဆိုထားရသည်ဟု အဆိုပါဝန်ထမ်းက
ပြောသည်။
ထို စေတီငယ် တည်ထားခြင်းအပေါ် ရခိုင်သမိုင်းသုတေသီများ အပါအဝင် ပညာရှင်များ၊ ဒေသခံများကလည်း ကန့်ကွက်လျက်ရှိသည်။
"ရှေးဟောင်းသမိုင်းဝင်ဒေသကို မူလအတိုင်းပဲ ထားသင့်တယ်။ ဘယ်လို အဆောက်အဦ သစ်တွေကိုမှ မဆောက်လုပ်သင့်သလို သက်ဆိုင်ရာကလည်း ခွင့်မပြုသင့်ဘူး။ တကယ်လို့ စေတီဘုရား တည်ထားချင်ရင်လည်း ပရိဝုဏ် ပြင်ပမှာ တည်လို့ရတာပဲလေ" ဟု စစ်တွေမြို့မှ ရခိုင်သမိုင်း သုတေသီ အရှင်ပညာစာရ က မိန့်ကြားသည်။
မဟာမုနိရုပ်ပွားတော်မှာ ကျောက်တော်မြို့ အရှေ့ဘက် ၇ မိုင်အကွာရှိ ပေ ၃၀ မြင့်သည့် မဟာမုနိကုန်းတော်
ပေါ်ဝယ် ကိန်းဝပ်စံပ္ပါယ်နေခြင်း ဖြစ်သည်။ ဘုရား ကုန်းတော်တွင် ပစ္စယာ ၃ ခု ရှိပြီး ပထမ ပစ္စယာတွင် မဟာမုနိ ရုပ်ပွားတော်၊ ဒုတိယ ပစ္စယာတွင် နတ်များနှင့် တတိယ ပစ္စယာတွင် ပြတိုက်၊ သိမ်တော်၊ လက်ဆေးကန်တို့ ရှိသည်။ ထိုစေတီငယ်ကို တတိယ ပစ္စယာ အတွင်း တည်ထားခြင်း ဖြစ်သည်။ ရှေးဟောင်းဌာန ဥပဒေအရ ပရိဝုဏ်၏ ပြင်ပ ကိုက် ၅၀ အပြင်ဘက်၌သာ တည်ဆောက်ခွင့် ရှိသည်ဟု သိရသည်။
တာဝန်ရှိသူက ဟန့်တားစဉ် ဆက်တည်ခြင်း၊ လူခြေတိတ်ချိန် ညများတွင်သာ ဆောက်လုပ်ခြင်းနှင့် အမြန်လုပ်ကိုင်
နေခြင်းတို့ကြောင့် တစုံတရာ ယတြာချေခြင်း ဖြစ်နိုင်သည် ဟုလည်း ယူဆနေကြသည်။
"ဘယ်သူပဲဖြစ်ဖြစ် ဒါဟာ လုံးဝ မလုပ်သင့်တဲ့ကိစ္စ ဖြစ်တယ်။ ယဉ်ကျေးမှုနယ်မြေမှာ လောဘ၊ ဒေါသ၊ မောဟတွေနဲ့ ယတြာချေတာလိုမျိုးဟာ အတော့်ကို အရုပ်ဆိုးတယ်။ ဦးဇင်းကတော့ လုံးဝ ကန့်ကွက်ရှုတ်ချတယ်။ အားလုံး ဝိုင်းကန့်ကွက်ဖို့လည်း တိုက်တွန်းသွားမယ်" ဟု သံတွဲမြို့မှ ရခိုင်သမိုင်းသုတေသီ အရှင်ကုသလ(ငွေသဇင်)က အမိန့်ရှိသည်။
၎င်းစေတီမှာ ကျမ်းစာများနှင့် ရခိုင်ဓလေ့ထုံးတမ်းအရ ပူဇော်အပ်သည့် စေတီတဆူအဖြစ် အသိအမှတ်ပြုရန် ခက်ခဲသည်ဟု ရှေးဟောင်း သုတေသနညွှန်ကြားရေးမှူးဟောင်း ဦးကျော်ထွန်းအောင် က မှတ်ချက်ပြုသည်။
"စေတီဘုရားတွေ တည်မယ်ဆိုရင် သတ္တုရူပ ဗိသုကာကျမ်း အညီ တည်ဆောက် သွန်းလုပ်ကြရတယ်။ သတ္တုရူပဗိသုကာကျမ်း အလိုအရဆိုရင် စေတီတည်မယ့် မြေဟာ သန့်စင်ပြီးသား ဖြစ်နေ ရမယ်။ စေတီမှာ ဌာပနာမယ့် အခန်းအရံတွေ ရွေးချယ် ထည့်သွင်းရမယ်။ သူတို့မှာက ရှေးဟောင်း သုတေသနဌာနက ဥပဒေနဲ့အညီ ထိန်းချုပ်ထားတဲ့ မြေဖြစ်နေတယ်။ ပိုင်ရှင်ရဲ့ ခွင့်ပြုချက်မရဘဲ ဆောက်လုပ်ထားသလို အခန်းအရံ ရွေးချယ် ထည့်သွင်းခြင်း မရှိတာကိုလည်း တွေ့ရတယ်" ဟု ထောက်ပြသည်။
အခန်းအရံ ထည့်သွင်းခြင်းဆိုသည်မှာ ကျမ်းစာနှင့်အညီ ဌာပနာထည့်သွင်းခြင်းကို ဆိုလိုသည်။
"စေတီတည်သူတွေ နောက်ထပ် သိရမှာက ရခိုင်စေတီဌာပနာ ၃ ရပ် ရှိတယ်။ မြေအောက် ဌာပနာမှာ ဗုဒ္ဓမြတ်စွာ ဘုရားမဖြစ်မီ ဖွားတော်မူခန်း၊ တောထွက်ခန်းစတဲ့ ဗုဒ္ဓဝင်လာ ဆင်းတုတွေကို ဌာပနာရတယ်။ သပိတ်မှောက် ဌာပနာမှာက ဘုရားဖြစ်ပြီး ဗောဓိပင်နဲ့ ရွှေပလ္လင် အောင်တော်မူခန်းလို ဆင်းတုတွေကို ဌာပနာရတယ်။ ငှက်ပျောဖူး ဌာပနာကျတော့ ဘုရားက စကုပတိမင်းကို ချွတ်ခန်းစတာတွေနဲ့ ဌာပနာရပါတယ်။ မဟာမုနိကုန်းပေါ်မှာ ဥပဒေမဲ့ တည်ထားရာမှတော့ ဘီလူးရုပ်တွေ၊ ဇော်ဂျီရုပ်တွေနဲ့ လုပ်ထားတယ်။ ကျမ်းဂန်နဲ့ မညီသလို ရခိုင်ရိုးရာ ဓလေ့ထုံးစံတွေနဲ့လည်း ဆန့်ကျင်နေတယ်။ စေတီတခုရဲ့ အင်္ဂါရပ်တွေ မပါဘူးလို့ပဲ ပြောရမယ်" ဟု ရှင်းပြသည်။
မြောက်ဦးမြို့မှ ရခိုင်သမိုင်းသုတေသီ ဝေဒပညာရှင်တဦးကလည်း ပွင့်လင်းမြင်သာမှုလည်း မရှိဘဲ ဥပဒေကို ဆန့်ကျင်၍ သင်္ကြန်အတွင်း ညအချိန်များတွင် စေတီတည်ခြင်းအား ဝေဖန်လိုက်ပြီး ယတြာလုပ်ရန် ကြိုးပမ်းချက်တခုဟု စွပ်စွဲလိုက်သည်။
"ဒါဟာ နောက်ကွယ်က ဘယ်အဖွဲ့အစည်းက ကြိုးကိုင်နေမှန်းမသိပေမယ့် ရခိုင်ယဉ်ကျေးမှုကို ဖျက်ဆီးဖို့ ကြိုးစားတဲ့လုပ်ရပ်လို့ မြင်တယ်။ သူတို့က မဟာမုနိဟာ ရခိုင်တို့ရဲ့ အသက် ဆိုတာ သိတယ်။ ရခိုင်ကို တခုခု လုပ်ချင်ရင် ရခိုင်တို့ရဲ့ ဦးခေါင်းနဲ့ တူတဲ့ မဟာမုနိကို အဓိက ပစ်မှတ်ထားတယ်။ သူတို့က စေတီငယ်ကို ရှစ်သောင်း ပုထိုးပုံစံယူ တည်ထားတယ်။ ၁၅၃၅ ခုနှစ်၊ ရခိုင်ဘုရင် မင်းဗာကြီးက ရှစ်သောင်းကို တည်တဲ့အခါ ဗေဒင် ယတြာအရ တိုင်းပြည်ရဲ့ အာယုအရပ်ဖြစ်တဲ့ နန်းတော်ကုန်းရဲ့ မြောက်ဘက်မှာ တည်တယ်။ အခုဟာက ရှစ်သောင်း ပုံတူ စေတီကို မဟာမုနိရဲ့ အနောက်ဘက်အရပ်ဆိုတော့ ပရိဝါရ လို့ခေါ်တဲ့ မတည်သင့်တဲ့ အရပ်မှာ တည်လိုက်တာ
ဖြစ်တယ်။ ဒါဟာ ဗေဒင်ကိန်းခန်းအရ ကောင်းတဲ့ ရည်ရွယ်ချက် လုံးဝ မဟုတ်ဘူး" ဟု ဆိုသည်။
ယခု စေတီငယ်မှာ ရှစ်သောင်းပုထိုးတော်နှင့် ပုံစံတူဟု ဆိုသော်လည်း ကွဲပြားမှုများရှိသည်။ ရှစ်သောင်း တည်ပုံမှာ
ခေါင်းလောင်းမှောက် ပုံစံ ဖြစ်ကာ ဤစေတီငယ်မှာမူ အောက်ခြေမှစ၍ ၈ မျက်နှာယူထားပြီး အပေါ်ပိုင်း သပိက်မှောက်တွင် ဆောင့်ကြောင့်ထိုင်နေသော ဘီလူးရုပ်များကို ထည့်ထားသည်။
ရခိုင်ရှေးဟောင်းသုတေသနဌာန မြောက်ဦးဌာနကို ၁၉၂၀ ခုနှစ်က စတင်ဖွင့်လှစ်ပြီး ကျောက်တော် ရှေးဟောင်း နယ်မြေကို ပူးတွဲသတ်မှတ်ကာ၊ ၁၉၅၅ ခုနှစ်တွင် မဟာမုနိ ကုန်းတော်၌ ပြတိုက်တခုကို ကုန်းတော်၏ အောက်ဆုံး ပစ္စယာတွင် ထားရှိခဲ့ကြောင်း အဆိုပါဌာနမှ သိရသည်။
၂၀၁၂ ခုနှစ်၊ မေလ ၃ ရက်နေ့ထုတ် ကမ္ဘာ့အမွေအနှစ်များ ရန်ပုံငွေအဖွဲ့(Global Heritage Fund)မှ ထုတ်ပြန်သော အစီရင်ခံစာ၌ အဆိုပါ ကျောက်တော် မဟာမုနိ ရှေးဟောင်းဒေသအနီးရှိ မြောက်ဦးမြို့ဒေသကို အာရှတိုက်၏ စိုးရိမ်ဖွယ်ရာ အခြေအနေနှင့် ရင်ဆိုင်နေရသော ယဉ်ကျေးမူ အမွေအနှစ် ၁၀ ခု စာရင်းတွင် ထည့်သွင်းထားခဲ့သည်။
ဟံသာဝတီပွဲစားတန်းအပြင်၌ ကားအရောင်းအ၀ယ်ပြန်လည်ပြုလုပ်လာ
သီရိမင်္ဂလာဟောင်းဈေးရှိ ကားဝယ်ရောင်းအချို့မှာ ၄င်းတို့အရောင်းအ၀ယ်အဆင်ပြေသည့် ဟံသာဝတီ ကားပွဲစားတန်းဝင်းအပြင်ဘက်၌သာ ပြန်လည်၍ အရောင်းအ၀ယ်ပြုလုပ်လာကြောင်း သိရှိရသည်။
ယခင် ဟံသာဝတီယာဉ်ရောင်းဝယ်ရေးစခန်းအား ဖျက်သိမ်းပြီးနောက် ယာဉ်ရောင်းဝယ်ရေးစခန်းများအား သီရိမင်္ဂလာ ဈေးဟောင်းနှင့်မင်းရဲကျော်စွာ သို့ ပြောင်းရွှေ့ပေးခဲ့သည်။
" သီရိမင်္ဂလာဈေးက လူအလာနည်းတယ်၊ ဒီတော့ ဟံသာဝတီဘက်ပဲ ပြန်ရွှေ့လုပ်ဖြစ်နေတာ၊ ဒါက ၀င်းထဲမှာ လုပ်တာ မဟုတ်ဘူး၊ ၀င်းအပြင်မှာ အရောင်းအ၀ယ်လုပ်တာပါ၊ ဘယ်သူ့အတွက်မှ အနှောင့် အယှက် ဖြစ်မယ်လို့ မထင်ပါဘူး၊ ဒီဘက်ကျတော့ ကိုယ်နဲ့ အသားကျနေတဲ့ နေရာဆိုတော့ အရောင်းအ၀ယ်လုပ်ရတာ အဆင်ပြေတယ်" ဟု ယခင် ဟံသာဝတီ ၀င်းအပြင်ဘက်သို့ သီရိမင်္ဂလာ ယာဉ်ရောင်းဝယ်ရေးစခန်းမှ ပြန်လည် ရွှေ့ပြောင်းလာသူ ကားပွဲစားတစ်ဦးက ပြောသည်။
ဟံသာဝတီ ယာဉ်ရောင်းဝယ်ရေးစခန်းမှ မင်းရဲကျော်စွာသို့ ရွှေ့ပြောင်းသွားသည့် ကားဝယ်ရောင်းများ အရောင်းအ၀ယ် အဆင်ပြေလျက်ရှိသော်လည်း သီရိမင်္ဂလာဈေးဟောင်းသို့ ပြောင်းရွှေ့ရသည့် ၀ယ်ရောင်း များမှာ အရောင်းအ၀ယ် ပါးလျက်ရှိကြောင်း ကားဈေးကွက်အတွင်းမှ သိရှိရသည်။
"ကျွန်တော်လည်း ကားဝယ်ဖို့ဆို အရင်ကတော့ ဟံသာဝတီ သွားတယ်၊ ရွှေ့သွားကြတဲ့ နောက်ပိုင်းကျတော့ မင်းရဲကျော်စွာပဲ သွားဖြစ်တော့တယ်၊ ဘာလို့လဲဆိုတော့ မင်းရဲကျော်စွာက မြို့ထဲဆိုတော့ သွားရလာရ အဆင် ပြေတယ်၊ သီရိမင်္ဂလာဈေးဟောင်းကျတော့ အဲဒီကို သီးသန့်ကြီးသွားနေရတယ်၊ မင်းရဲကျော်စွာ ကျတော့ လမ်း လည်း အမြဲကြုံတယ်" ဟု ကားဝယ်လိုသူ ကိုရာဇာက ပြောသည်။
ကားဈေးကွက်အတွင်း 1300 CC ကားများနှင့် 1500 CC ကားများ အရောင်းအ၀ယ်အများဆုံး ဖြစ်လျက်ရှိပြီး ဂျပန်မှ ကားများအရောင်းအ၀ယ်ဖြစ်လျက် ရှိကြောင်း မင်းရဲကျော်စွာ ယာဉ်ရောင်းဝယ်ရေးစခန်းမှ ကားဝယ် ရောင်းများတို့က ဆိုသည်။
ယခုလက်ရှိ မင်းရဲကျော်စွာယာဉ်ရောင်းဝယ်ရေးစခန်းနှင့် သီရိမင်္ဂလာဈေးဟောင်း ယာဉ်ရောင်းဝယ်ရေး စခန်းများတွင် မည်သူမဆို အခမဲ့ယာဉ်ရပ်နား ရောင်းဝယ်ခွင့်ပြုထားကြောင်း ရန်ကုန်မြို့တော်စည်ပင်သာယာ ဦးစီးဌာနမှ သိရသည်။
Wednesday, April 24, 2013
ဒဏ်ခတ်ပိတ်ဆို့မှု ရုပ်သိမ်းလိုက်သည့်အပေါ် EU ကို UNFC ဝေဖန်
ဥရောပသမဂ္ဂ(EU)မှ မြန်မာနိုင်ငံအပေါ် လက်နက်ရောင်းဝယ်မှုမှလွဲ၍ ဒဏ်ခတ်ပိတ်ဆို့မှု အားလုံးရုပ်သိမ်းပေး ခြင်းမှာ စောလွန်းနေသေးကြောင်း ညီညွတ်သောတိုင်းရင်းသား လူမျိုးများဖက်ဒရယ်ကောင်စီ(UNFC)က ယနေ့ ဝေဖန်ပြောကြားလိုက်သည်။
ယမန်နေ့ ဧပြီလ ၂၂ ရက်နေ့၌ ဥရောပရှိ လူဇင်ဘတ်နိုင်ငံ၌ ပြုလုပ်သည့် EU (၂၇)နိုင်ငံမှ နိုင်ငံခြားရေးဝန်ကြီး များ အစည်းအဝေးတွင် မြန်မာအပေါ် ဒဏ်ခတ်ပိတ်ဆို့မှု အားလုံးနီးပါး ရုပ်သိမ်းပေးပြီးနောက် UNFC က ထိုသို့ ဝေဖန်လိုက်ခြင်းဖြစ်သည်။
မြန်မာနိုင်ငံအတွင်း လူ့အခွင့်အရေး ချိုးဖောက်နေမှုများ ဆက်လက်ဖြစ်ပွားနေသလို အစိုးရသည် တိုင်းရင်းသား များနှင့် ပြုလုပ်သော ငြိမ်းချမ်း ရေးဆွေးနွေးမှုများတွင် သိသာထင်ရှားပြီး ခိုင်မာသော အပြောင်းအလဲများမဖြစ် ပေါ်သေးသ၍ ဒဏ်ခတ်ပိတ်ဆို့ မှုများကို ရုပ်သိမ်းပေးရေး အချိန်မတန်သေးဘူးဟု UNFC ဒုဥက္ကဌ ပဒိုဒေးဗစ် သာကပေါက ယခုလို ပြောသည်။
"(မြန်မာ)အစိုးရအနေနဲ့က လိုအပ်တဲ့အပြောင်းအလဲတွေမဖြစ်သေးဘူး။ အတိုင်းအတာက အင်မတန်မှနည်း သေးတယ်။ အခုဆိုသျှမ်းပြည်မှာ တိုက်နေတုန်းပဲ။ ဒီလိုအချိန်မှာ ပိတ်ဆို့မှုတွေရုပ်သိမ်းလိုက်တာဟာ အစိုးရ ကို အားပေးသလို ဖြစ်သွားမယ်"ဟု ပဒိုဒေဗစ်သာကပေါက ကေအိုင်စီသို့ ပြောသည်။
မြန်မာနိုင်ငံရှိ လက်ရှိဖြစ်ပေါ်နေသည့် အခြေအနေများကို ကြည့်၍ ဥရောပသမဂ္ဂအနေဖြင့် ဒဏ်ခတ်ပိတ်ဆို့မှု ရုပ် သိမ်းပေးရေး အစီအစဉ်ကို ပြန်လည်သုံးသပ်ပြီး မဆုံးဖြတ်ရန် ဧပြီလ ၂၁ရက်နေ့က UNFC မှ ကြေငြာ ချက်တစ်စောင် ထုတ်ပြန်ခဲ့သေးသည်။
အဆိုပါ ထုတ်ပြန်ချက်ထဲတွင် အစိုးရအနေဖြင့် စစ်မှန်သောငြိမ်းချမ်းရေးနှင့် နိုင်ငံရေးအရ တွေ့ဆုံဆွေးနွေး မှုများကို ပီပြင်စွာ မလုပ်ဆောင်နိုင်သေးသည့်အပြင် ကချင်ပြည်နယ်နှင့် သျှမ်းပြည်မြောက်ပိုင်းတို့တွင် တိုက်ပွဲ များပြန်လည်ဖြစ်ပွားနေခြင်းများကို ထောက်ပြထားသည်။
ထို့အပြင် ပိတ်ဆို့အရေးယူမှုများသည် မြန်မာအစိုးရအား ကြီးမားသောဖိအားပေးမှုကိုဖြစ်ပေါ်စေပြီး (EU)မှ ပိတ်ဆို့မှုများကို ရုပ်သိမ်းလိုက်ပါက မြန်မာနိုင်ငံတွင် တိုင်းရင်းသားများ၏ ဒီမိုကရေအရေး၊ ငြိမ်းချမ်းရေးနှင့် လူအခွင့်အရေးတိုးတက်မှုအပေါ် ယုတ်လျော့သွားစေနိုင်သည်ဟုလည်း ဖော်ပြထားသည်။
ပဒိုဒေးဗစ်သာကပေါက " အခုလို (EU)က ပိတ်ဆို့လို့ ထိခိုက်နစ်သွားတာ စစ်တပ်အသိုင်းအ၀ိုင်းတွေ၊ အစိုးရနဲ့ နီးစပ်တဲ့ လုပ်ငန်းရှင်တွေကိုပဲ ထိခိုက်တာပါ။ ပြည်သူလူထုကတော့ သိပ်ပြီးမထူးဆန်းပါဘူး။ နောက်ပြီး ပိတ်ဆို့ တာတွေအားလုံး ရုပ်သိမ်းရင် အဲဒီ လူတွေပဲအဆင်ပြေမှာလေ။ တိုင်းရင်းသားတွေဘက်က ဘာအခွင့် အရေးမှ ရမှာ မဟုတ်ဘူး"ဟု ဆက်ပြောသည်။
အလားတူ လူ့အခွင့်အရေးအဖွဲ့များကလည်း မြန်မာနိုင်ငံတွင်း လူ့အခွင့်အရေး အခြေအနေများသည် တိုးတက် သင့်သလောက် မတိုးတက်သေးသည့်အတွက် EU မှ ယခုကဲ့သို့ အရေးယူမှုများကို ရုပ်သိမ်းလိုက်ခြင်းမှာ အချိန်စောလွန်းနေသေးသည်ဟု ဝေဖန်ထောက်ပြကြသည်။
မြန်မာ့ ရေဒီယိုနှင့် ရုပ်မြင်သံကြားမှ ချင်းဘာသာစကား(၂) ဘာသာ ဖြင့် ထုတ်လွှင့်မည်
လာမည့် စက်တင်ဘာလတွင် စတင်လွှင့်ရန် စီစဉ်နေသည့် မြန်မ့ရေဒီယိုနှင့် ရုပ်မြင်သံကြားသစ်တစ်ခုဖြစ် သည့် ပြည်ထောင်စု ရုပ်သံလှိုင်းတွင် တိုင်းရင်းသား ဘာသာကြီး (၈)ခုအနက် ချင်းဘာ သာစကား (၂)ဘာသာဖြင့် ထုတ်လွှင့်ပြသမည်ဖြစ်သည်။
ယခုမြန်မာ့ အသံမှ ထုတ်လွှင့်နေသည့် တိုင်းရင်းသားသာသာ စကား (၁၄)ခုကို နံနက် ၆း၀၀ နာရီ မှမွန်းလွဲ ၁၂း၀၀နာရီအထိ တစ်ကြိမ်၊ နေ့ လယ် ၂း၀၀ နာရီမှ ည ၁၀း၀၀ နာရီအထိ တစ်ကြိမ် ထုတ်လွှင့်ခြင်းကို အားဖြည့်သည့်အနေဖြင့် ပြည်ထောင်စု ရုပ်သံလှိုင်းအသစ်တစ်ခု ထပ်မံဆောင် ရွက်ရန်စီစဉ်ခြင်းဖြစ်ကြောင်း ယနေ့ ထုတ်မြန်မာ့ အလင်းသတင်းစာတွင် ဖေါ်ပြထားသည်။
ယင်းသတင်းစာက တိုင်းရင်းသား ဘာသာကြီးဖြစ်သည့် ကချင်၊ ကယား၊ ကရင်၊ ချင်းဘာသာ (၂) ဘာသာ၊ မွန်၊ ရခိုင်၊ ရှမ်းနှင့် တိုင်းရင်းသားရေးရာတို့ ဖြစ်ကြောင်း၊ ချင်းဘာသာတွင် ဖလမ်း ဘာသာနှင့် မင်းတပ် ဘာသာစကားဖြင့် ထုတ်လွှင့်ပြသ မည်ဖြစ်ကြောင်း ဖေါ်ပြထားသည်။
ယင်းတိုင်းရင်းသား ဘာသာစကားကို နံနက် ၆း၀၀ နာရီမှ ည ၁၁း၀၀ နာရီအထိ ထုတ်လွှင့် မည် ဖြစ်သည်ဟု သိရသည်။ သို့ သော် တိုင်းရင်းသား ဘာသာတခုက မည်သည့် အချိန်အတွင်း ထုတ် လွှင့်မည်ကိုမူ ဖေါ်ပြခြင်းမရှိပေ။
ပြည်ထောင်စု ရုပ်သံလှိုင်း ထုတ်လွှင့်ပြသနိုင်ရန် ၂၀၁၃ ခုနှစ် မတ်လ တွင် သက်ဆိုင်ရာ ပြည်နယ် အစိုးရများနှင့် ဆွေးနွေးပွဲ ကို နေပြည်တော်ရှိ ပြန်ကြားရေးဝန်ကြီးဌာန၏ အစည်းအဝေးခန်းမတွင် ပြုလုပ်ပြီးဖြစ်ကြောင်း အဆိုပါ သတင်းစာက ဆိုသည်။
ထိုအပြင် မြန်မာအစိုးရက ၂၀၁၂ခုနှစ် သြဂုတ်လမှ စာပေစီစစ်ရေးစနစ်ကို လုံးဝဖျက်သိမ်းပြီး ဂျာနယ်ထုတ် ဝေခွင့်ကို ပိုမိုခွင့်ပြုခဲ့ကြောင်း၊ ယခုအချိန်အထိ တိုင်းရင်းသားဘာသာဖြင့် ထုတ်ဝေ လျက်ရှိသည့် မွန်ဘာသာဖြင့် ထုတ်ဝေသည့် စာစောင်နှစ်ခု၊ မွန်- မြန်မာဘာသာဖြင့် တစ်စောင်၊ ရှမ်း- မြန်မာ နှစ်ဘာသာဖြင့် တစ်စောင်နှင့် ပိုးကရင်-မြန်မာ၊ စကောကရင်-မြန်မာ၊ တီးတိန်း ချင်း- မြန်မာ များကို ခွင့်ပြုထားပြီးဖြစ်ကြောင်း သိရသည်။
မြန်မာနိုင်ငံရှိ တိုင်းရင်းသားများအားလုံး၏ အကျိုးကို ဖေါ်ဆောင်ပေးမည့် အများပြည်သူဝန်ဆောင် မှု မီဒီယာ ဥပဒေကြမ်းကိုလည်း မကြာမီ ထွက်ပေါ်လာတော့မည် ဖြစ်ကြောင်း အဆိုပါ သတင်းစာ ကရေးသား ထားသည်။
နိုင်ငံတကာ မြန်မာ့ သတင်းအဖွဲ့ (BNI) က နိုင်ငံတကာ စံချိန် စံညွှန်းနှင့် ပြည်စုံပြီး ဒီမိုကရေစီနည်း ကျသည့် မီဒီယာ ဉပဒေ တရပ် ပေါ်ထွန်းလာရေး၊ တိုင်းရင်းသား ဒေသများတွင် ဘက်စုံ မာလ်တီ မီဒီယာများ ပေါ်ထွန်းလာရေးနှင့် ငြိမ်းချမ်းရေး ဖြစ်စဉ်တွင် တိုင်းရင်းသား မီဒီယာများ၏ အခန်း ကဏ္ဍ မြင့်မားလာစေရေးအတွက် ဉီးတည်ပြီး တိုင်းရင်းသား မီဒီယာ ညီလာခံ တပ်ရပ် ကျင်းပမည့် အချိန်နှင့် တိုက်ဆိုင်နေပါသည်။
ယင်းမီဒီယာ အစည်းအဝေးကို ဧပြီလ ၂၅ ရက်နေ့ မှ ၂၇ ရက်နေ့ အထိ မွန်ပြည် နယ်၊ မောလမြိုင် မြို့၊ စထရင်း ဟိုတယ်မှာ ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်း စသည့် တိုင်းရင်းသား သတင်းဌာနများပါဝင်သည့် BNI အဖွဲ့  က ကျင်းပပြုလုပ်မည်ဖြစ်သည်။
သမ္မတရုံးဝန်ကြီးနှင့် ကာကွယ်ရေး ၀န်ကြီးတို့ စစ်တွေ မြို့မိ မြို့ဖ ၁၆ ဦးနှင့် တွေ့ဆုံ
စစ်တွေမြို့ကို ရောက်ရှိနေတဲ့ သမ္မတရုံး ၀န်ကြီး ဦးတင်နိုင်သိန်းနဲ့ ကာကွယ်ရေးဝန်ကြီး ဒုတိယ ဗိုလ်ချူပ်ကြီး ဝေလွင်တို့ဟာ ဧပြီလ ၁၉ ရက်နေ့ ညနေ ၆ နာရီကနေ ၈ နာရီကျော်ထိ စစ်တွေ တပ်နယ်ရှိ ရမ္မာဝတီ ခန်းမမှာ စစ်တွေမြို့မိ မြို့ဖ (၁၆) ဦးကို ခေါ်ယူ တွေ့ဆုံခဲ့ပါတယ်။
အဲဒီ အစည်းအဝေးမှာ အဓိက ဘာတွေကို ဆွေးနွေးခဲ့တယ်ဆိုတာကို ကိုယ်တိုင်တက်ရောက်ခဲ့တဲ့ ဦးသန်းထွန်းကို မေးကြည်တဲ့ အခါ သူက အခုလို ပြောပါတယ်။
(နှစ် ၂၀၀ နီးခန့်ရှ်ိ အင်္ဂလိပ်တို့ တည်ဆောက်ပေးခဲ့သော စစ်တွေ နာရီစင်)
( ဦးတင်နိုင်သိန်းနဲ့ ဒုတိယ ဗိုလ်ချုပ်ကြီး ဝေလွှင်တို့က မြို့မိ မြို့ဖတွေကို ဒီဘင်္ဂလီတွေနဲ့ ပတ်သက်တဲ့ ပဋိပက္ခ အလွန်ကာလမှာ ဘယ်လိုပုံစံမျိုးနေထိုင်ကြမလဲဆိုတာနဲ့ပတ်သက်ပြီး နည်းနည်း သူတို့ ပြောဆို ဆွေးနွေးတာတွေ ရှိပါတယ် ခင်ဗျား။ ပြောဆို ဆွေးနွေးတာတွေ ရှိတယ်ဆိုတော့ အတူယှဉ်တွဲ နေထိုင်ရေး ဆိုတဲ့ နေရာမှာ ရောယှက် နေထိုင်ရေး မဟုတ်ဘဲနဲ့ လူမျိုးစု တစ်စုနဲ့ တစ်စုကြားမှာ (ဘင်္ဂလီနဲ့ ရခိုင်ကြားမှာ) သီးခြားနေထိုင်ကြဖို့ကိုဘဲ ဆွေးနွေးကြပါတယ်။)
" ဟုတ်ကဲ့။ သမ္မတရုံး ၀န်ကြီးနဲ့ ကာကွယ်ရေးဝန်ကြီးတို့က ဘယ်လို သဘောထားမျိုးနဲ့ နေထိုင် စေချင်တယ် လို့ ပြောဆိုပါသလဲ ခင်ဗျား"
( ဟုတ်ကဲ့ပါ။ ကာကွယ်ရေး ၀န်ကြီးရော၊ သမ္မတရုံး ၀န်ကြီးရော ကတော့ ဘင်္ဂလီနဲ့ ရခိုင်တွေဟာ အခုအချိန်မှာတော့ ဘယ်လိုဘဲ ဖြစ်ဖြစ် ဖိအားပေး အတူ ရောယှက်နေထိုင်ခိုင်းရင်လည်း ပြဿနာက မလွဲမသွေပေါ်လာမှာကို သူတို့ သိတဲ့ အတွက်ကြောင့် ဘာခေါ်မလဲဆိုတော့ ရောထွေးနေထိုင်တာမျိုး မဟုတ်ဘဲနဲ့ လူမျိုးစု တစ်စုနဲ့ တစ်စု အကြားမှာ သီးခြားစီ ငြိမ်းငြိမ်းချမ်းချမ်း နေစေချင်တဲ့ ဆန္ဒတွေ ရှိကြပါတယ်။)
" စစ်တွေမြို့က မြို့မိ မြို့ဖတွေဘက်က သဘောထားက ဘယ်လိုရှိပါသလဲ″
( မြို့မိ မြို့ဖ ဆန္ဒကလည်း အဲဒီအတိုင်းပါဘဲ။ စစ်တွေ မြို့မိ မြို့ဖတွေကလည်း နဂိုကတည်းက ဒီသဘော ထားကို ပေးထားပြီးသားပါ။ ဒီဘင်္ဂလီတွေနဲ့ ရခိုင်တွေဟာ ခုအချိန်မှာ ဘယ်လိုမှ အတူတူ ရောထွေးနေ ထိုင်လို့ မရတော့တာကြောင့် သူတို့နဲ့ သီခြားစီဘဲ နေလိုတဲ့ ဆန္ဒကို ပဋိပက္ခ ဖြစ်ကတည်းက ရှိတာပါ။ အဲဒီအတိုင်းဘဲ ကျွန်တော်တို့ တင်ပြတယ်။ အဲဒါကိုလည်း ၀န်ကြီးတွေက စာနာ နားလည်ပါတယ်။)
" နောက်တစ်ခုကပေါ့လေ သူတို့ကို အဆောက်အဦးတွေ ဆောက်ပေးမယ်။ အိမ်တွေဆောက်ပေးမယ်ဆို တော့ စစ်တွေမြို့က လူတွေက ၁၉၈၂ ခုနှစ် နိုင်ငံသား အက်ဥပဒေအရ သူတို့ကို စိစစ်ပြီးမှ လက်ခံဖို့ ဆိုတာ တင်ပြ တောင်းဆိုထားတွေ ရှိပါတယ်။ အဲဒါတွေကို ခု အစည်းအဝေးမှာ တင်ပြတာတွေကော ရှိပါသလား"
( ဟုတ်ကဲ့ခင်ဗျား။ ကျွန်တော် ပြောပါမယ်။ သူတို့ကို အခုဆောက်ပေးမယ်ဆိုတဲ့ဟာာက မြေတွေသတ်မှတ်ပြီး လုံးချင်း အိမ်ယာတွေ ဆောက်ပေးမှာ မဟုတ်ပါ။ သူတို့ကို ဒုက္ခသည် စခန်းတွေမှာလို သတ်မှတ်ပြီး တန်းလျားကြီးတွေ ဆောက်ပေးမှာ ဖြစ်တဲ့ အတွက် ရခိုင်တွေဘက်က ဒီကိစ္စ အပေါ် ကန့်ကွက်စရာ မရှိပါဘူး။)
" ဒီနေ့ လုပ်တဲ့ အစည်းအဝေးမှာ ပေါ့လေ ဘာတွေ ထူးခြားမူတွေ ရှိပါသလဲ။ မှတ်မှတ်ရရ ဘာတွေ ထူးခြားမူတွေ ရှိတယ်လို့ ထင်ပါသလဲ"
( မှတ်မှတ်ရရ ထူးခြားမူ ရှိတာကတော့ စစ်တွေမြို့ပေါ်မှာ မကြာခင် လ၀က ကနေ လူဦးရေ စာရင်း ကောက်မယ့် အစီအစဉ်ရှိတယ်လို့ သူတို့ တင်ပြ ပြောဆိုပါတယ်။ လ၀က စကားနဲ့ ပြောရင် ဆွဲတင်စစ်လို့ ခေါ်တာပေါ။ ဆွဲတင်စစ်ကို မကြာခင် လုပ်မယ်လို့ ပြောပါတယ်။)
" စစ်တွေမြို့မိ မြို့ဖ ဘက်က တက်ရောက်ခဲ့တဲ့သူတွေကို ပြောပြလို့ ရပါမလား"
( ရပါတယ်။ ဦးသာပွင့်၊ ဦးအောင်ကျော်သာ၊ ဦးသန်းထွန်း၊ ဦးရွှေကျော်သာ၊ ဦးလှသာထွန်း၊ ဦးစံကျော် အပါအ၀င် ၁၆ ဦး တက်ပါတယ်။)
" စစ်တွေမြို့မိ မြို့ဖဘက်က တင်ပြတာတွေကို မရှိဘူးလား ခင်ဗျား"
( ရခိုင်မြို့မိ မြို့ဖဘက်က လိုချင် တာတွေနဲ့ တင်ပြခဲ့တာတွေကတော့ ရခိုင်တွေနဲ့ ဒီဘင်္ဂလီတွေဟာ ဘယ်လိုမှ ခုချိန်မှာ အတူနေထိုင်လို့ မရတာကြောင့် အတတ်နိုင်ဆုံး လောလောဆယ် လိုအပ်တဲ့ အချိန် ကာလ အတိုင်းအတာ တစ်ခုထိ ခွဲခြားထားခြင်း ဟာ ပဋိပက္ခ ထပ်မံ မဖြစ်ပွားဖို့ အတွက် အကောင်းဆုံး ကိစ္စလို့ တင်ပြပါတယ်။ ပြန်ပြောရရင် ခွဲခြားထားတာဟာ အခုအချိန်မှာ အကောင်းဆုံး ဖြစ်ပါတယ်။ ဒါ့ပြင် အခုအချိန်မှာ ဘင်္ဂလီတွေဟာ အကြမ်းဖက်မူတွေ ထပ်မံ ပြန်လည် လုပ်ဆောင်လာနိုင်တယ် ဆိုတဲ့သတင်း တွေ ကျယ်ကျယ်ပြန့်ပြန့် ထွက်ပေါ်နေတဲ့ အတွက်ကြောင့် စစ်တွေမြို့မိ မြို့ဖတွေက လုံခြုံရေးကို တင်းတင်းကျပ်ကျပ် စီမံဆောင်ရွက်ပေးဖို့ တောင်းဆိုတာတွေ ရှိပါတယ်။ စစ်တွေ မြို့လယ်ကောင် တည့်တည့်မှာ ရှိတဲ့ အင်ဘာလာ ရပ်ကွက် ကြောင့် အချိန်မရွှေး ပြဿနာတွေ ဖြစ်လာနိုင်တဲ့ အတွက် အစိုးရ ၀န်ကြီးများ အနေဖြင့် စဉ်းစားပေးသင့်တယ်လို့ တင်ပြကြပါတယ်။ အဲဒီရပ်ကွက်သာ မရှိရင် ရခိုင်နဲ့ ဘင်္ဂလီတွေ အကြား ပဋိပက္ခတွေ အလွန် နည်းသွားနိုင်တယ်လို့ တင်ပြကြပါတယ်။)
(အင်တာဗျူးတွင် ဖြေဆိုထားသည့် အတိုင်း တင်ပြပေးလိုက်ခြင်း ဖြစ်ပါသည်။)
al-Qaida အကြမ်းဖက် ကြံစည်မှု ကနေဒါ ကြိုတင်ဟန့်တား
al-Qaida အဖွဲ့ရဲ့ ပံ့ပိုးမှုနဲ့ ခရီးသည်တင် မီးရထားတစင်းကို တိုက်ခိုက်ဖို့ လျှို့ဝှက် ကြံစည်ခဲ့တဲ့ ကနေဒါနိုင်ငံမှာ နေထိုင်သူ ၂ ဦးကို ဖမ်းဆီးပြီး စွဲချက်တင်ထားပြီ
ဖြစ်တဲ့အကြောင်း ကနေဒါ အာဏာပိုင်တွေက ပြောဆိုလိုက်ပါတယ်။
အမေရိကန် အာဏာပိုင်တွေရဲ့ အကူအညီနဲ့ အခုလို ဖမ်းဆီးလိုက်တာဖြစ်ကြောင်း ကနေဒါ ရဲတပ်ဖွဲ့က တနင်္လာနေ့မှာ ပြောကြားခဲ့ပါတယ်။ ချီဟပ်ဘ် အပ်စပ်ဟိုင်အာ (Chiheb Esseghaier) နဲ့ ရာရိ ဂျတ်ဆာ (Raed Jaser) တို့ကို Montreal နဲ့ Toronto နယ်မြေအတွင်းမှာ ဖမ်းဆီးခဲ့တာပါ။
အခုလို ဖမ်းဆီးခံခဲ့ရသူတွေဟာ တိုက်ခိုက်ဖို့အတွက် ကြံရွယ်ခဲ့တယ်လို့ ယုံကြည်ရပေမဲ့ အများပြည်သူ သွားလာနေတာတွေ၊ ရထားဝန်ထမ်းတွေ၊ ခရီးသည်တွေနဲ့ ရထားလမ်းကြောင်းတွေကို လတ်တလော တိုက်ခိုက်မယ့် လက္ခဏာတွေတော့ မတွေ့ရဘူးလို့ ရဲတပ်ဖွဲ့က ထုတ်ပြန်တဲ့ ကြေညာချက် ထဲမှာ ဖော်ပြထားပါတယ်။
ဖမ်းဆီးခဲ့သူ ၂ ဦးဟာ ခရီးသည်တင် ရထားကို Toronto မြို့တွင်းမှာ တိုက်ခိုက်ဖို့ ဆောင်ရွက်ခဲ့တာ ဖြစ်တယ်လို့ စုံစမ်းစစ်ဆေးသူတွေက ပြောပါတယ်။ ဒါပေမဲ့လည်း ပြီးခဲ့တဲ့အပတ်အတွင်း အမေရိကန် ပြည်ထောင်စု Boston မာရသွန် ပြေးပွဲကို ဗုံးဖောက်ခွဲ တိုက်ခိုက်သူတွေနဲ့ ဆက်စပ်မှု မရှိဘူးလုိ့ ပြောပါ တယ်။
ရခိုင်စုံစမ်းရေးကော်မရှင် အစီရင်ခံစာ သမ္မတဆီ တင်ပြ
လူပေါင်း ၂၀၀ လောက် သေဆုံးပြီး လူ ၁ သိန်းလောက် အိုးမဲ့အိမ်မဲ့ ဖြစ်ခဲ့ရတဲ့ ပြီးခဲ့တဲ့နှစ် ရခိုင်ပြည်နယ် အကြမ်းဖက်မှုနဲ့ ပတ်သက်ပြီး စုံစမ်းစစ်ဆေးရေး
ကော်မရှင်ရဲ့ အစီရင်ခံစာကို ဒီရက်ပိုင်းအတွင်း နိုင်ငံတော်သမ္မတဆီ တင်ပြထား လိုက်ကြောင်း ကော်မရှင်အဖွဲ့ဝင်တဦးက ပြောပါတယ်။ အစီရင်ခံစာပါ သတင်း အချက်အလက်တွေကိုတော့ လကုန်ရက်ပိုင်းလောက်မှာ အများပြည်သူထံကို သတင်းထုတ်ပြန်သွားဖို့ ရှိနေတယ်လို့ ခန့်မှန်းထားပါတယ်။ ဒီသတင်းကိုတော့ ရန်ကုန်မှာရှိတဲ့ ဗွီအိုအေသတင်းထောက် ကိုမိုးဇော်က သတင်းပေးပို့ခဲ့ပါတယ်။
ရခိုင်ပဋိပက္ခစုံစမ်းရေးကော်မရှင်ရဲ့ အစီရင်ခံစာကို ပြီးခဲ့တဲ့ မတ်လကုန်မှာ တင်ပြဖို့ ရက်သတ်မှတ်ခဲ့တာ ဖြစ်ပေမဲ့ လုပ်ငန်း မပြီးပြတ်သေးတာကြောင့် ဒီလ ၂၃ ရက်နေ့ကို ရက်ရွှေ့ဆိုင်းထားတာ ဖြစ်ပါတယ်။
လောလောဆယ်မှာတော့ ကော်မရှင်က ပြုစုထားတဲ့ အစီရင်ခံစာကို နိုင်ငံတော် သမ္မတဆီ တင်ပြလိုက်ပြီဖြစ်ပြီး မကြာခင်မှာ လူထုထံကို သတင်းထုတ်ပြန်ဖို့ ရှိနေတယ်လို့ ကော်မရှင် အဖွဲ့ဝင်တဦးဖြစ်တဲ့ ဗဟု ဖွံ့ဖြိုးရေးအဖွဲ့က ဦးအောင်နိုင်ဦး က ပြောပါတယ်။
"ကျနော်တို့အနေနဲ့ နိုင်ငံတော်သမ္မတဆီကို အစီရင်ခံစာကို မနေ့ကပေါ့နော် ၂၂ ရက်နေ့က ပို့ပြီးပါပြီ။ အဲ့တော့ အဲ့ဒီပို့ပြီးတဲ့နောက်ပိုင်းမှာတော့ ကျနော်တို့ ဒီဧပြီလ မကုန်ခင်လောက်မှာ သတင်းစာ ရှင်းလင်းပွဲတရပ် ပြုလုပ်မှာဖြစ်ပါတယ်။ ၂၉၊ ၃၀ တရက်ရက်တော့ ဖြစ်နိုင်မယ်လို့ ထင်ပါတယ်။"
ရခိုင်ပြည်နယ်အတွင်းမှာ ပြီးခဲ့တဲ့နှစ် ဇွန်လအတွင်းက ရခိုင်နဲ့ ဘင်္ဂါလီ လို့ အစိုးရက သတ်မှတ်တဲ့ မူဆလင်တွေအကြား ပဋိပက္ခ ဖြစ်ပွားခဲ့တာကြောင့် မတူညီတဲ့ ဘာသာရေး အဖွဲ့အစည်းတွေ၊ လူမှုရေး အဖွဲ့အစည်းတွေ၊ နိုင်ငံရေး အဖွဲ့အစည်းတွေနဲ့ တတ်သိပညာရှင် ၂၇ ဦးကို စုစည်းပြီး နိုင်ငံတော်သမ္မတက စုံစမ်းရေးကော်မရှင်ကို သြဂုတ်လမှာ ဖွဲ့စည်းခဲ့တာဖြစ်ပါတယ်။
ကော်မရှင် ဖွဲ့စည်းစဉ်က စုံစမ်းစစ်ဆေး တွေ့ရှိချက်တွေကို နိုဝင်ဘာလလယ်မှာ အစီရင်ခံ တင်ပြဖို့ သတ်မှတ်ခဲ့ပေမဲ့ အောက်တိုဘာလအတွင်းမှာ ပဋိပက္ခတွေ ထပ်မံ ဖြစ်ပွားခဲ့တဲ့နောက် အစီရင်ခံစာကို ဒီနှစ် မတ်လကုန်မှာ တင်သွင်းဖို့ ပထမအကြိမ် ရွှေ့ဆိုင်းခဲ့ပါတယ်။ နောက်ပိုင်းမှာ လုပ်ငန်းမပြီးပြတ်တာကြောင့် ဧပြီလအတွင်းကို ဒုတိယအကြိမ် ထပ်မံ ရွှေ့ဆိုင်းခဲ့တာ ဖြစ်ပါတယ်။
ဒီလိုကော်မရှင်က နိုင်ငံတော်သမ္မတဆီကို အစီရင်ခံစာ တင်သွင်းလိုက်တဲ့ နေ့မှာ ပဲ အမေရိကန်နိုင်ငံ နယူးယောက်မြို့အခြေစိုက် Human Rights Watch ခေါ် လူ့အခွင့်အရေး စောင့်ကြည့်ရေးအဖွဲ့က အစီရင်ခံစာတစောင် ထုတ်ပြန်ခဲ့ပါတယ်။
ဒီအစီရင်ခံစာမှာ ရခိုင်ပြည်နယ်အတွင်း မူဆလင်တွေအပေါ် အကြမ်းဖက် တိုက်ခိုက်တာတွေမှာ အာဏာပိုင်တွေ ပါဝင်ပတ်သက်နေကြောင်း စွပ်စွဲထားပြီး ဒီလုပ်ဆောင်မှုဟာ လူမျိုးတုံး သတ်ဖြတ်မှု အသွင်ဆောင်နေကြောင်း ဖော်ပြထား ပါတယ်။
HRW အဖွဲ့ရဲ့ အစီရင်ခံစာကိုတော့ တဖတ်သတ် ရရှိတဲ့ သတင်းတွေအပေါ်မှာ အခြေခံထားကြောင်းနဲ့ စကားလုံး အသုံးအနှုန်းတွေဟာ လက်ခံနိုင်ဖွယ် မရှိကြောင်း သမ္မတ ပြောရေးဆိုခွင့်ရှိသူ ဦးရဲထွဋ် က ပြောဆိုပြီး ပယ်ချကြောင်း ဒီနေ့ထုတ် The Voice Daily သတင်းစာမှာ ဖော်ပြထားပါတယ်။
HRW ရဲ့ အစီရင်ခံစာနဲ့ ပတ်သက်ပြီး သဘောထား မေးမြန်းရာမှာ စုံစမ်းရေး ကော်မရှင် အဖွဲ့ဝင် ဦးအောင်နိုင်ဦးက အစီရင်ခံစာနဲ့ပတ်သက်ပြီး တိုက်ရိုက် တုံ့ပြန်ပြောဆိုတာ မရှိပါဘူး။ ဒါပေမဲ့ ပြည်ပက လေ့လာ စုံစမ်းမှုတွေနဲ့ ပတ်သက်ပြီး သူ့အမြင်ကို အခုလို ပြောပါတယ်။
"ရခိုင်အရေးအခင်းနဲ့ပတ်သက်ပြီးတော့ နိုင်ငံတကာက အမြင်တွေလည်း ရှိပါ တယ်။ အောက်ခြေမှာ ကျနော်တို့ကိုယ်တိုင် မြင်ရကြုံရတဲ့ ပြဿနာတွေ၊ အခက်အခဲတွေလည်း ကျနော်တို့ မြင်ပါတယ်။ အဲ့တော့ တခါတခါမှာ အပြင်က ပြောတဲ့ကိစ္စနဲ့ လက်တွေ့ အောက်ခြေမှာ ဖြစ်နေတဲ့ကိစ္စမျိုး ကွာဟတာမျိုးတွေလည်း ရှိတတ်ပါတယ်။ ပဋိပက္ခတခုကို ကြည့်မယ်ဆိုလို့ရှိရင် ကျနော်တို့ ပဋိပက္ခဟာ တဖက်တည်းလည်း မဟုတ်ပါဘူး။ ဘက်တွေ အများကြီးလည်းရှိတတ်ပါတယ်။"
"နောက်ပြီးတော့ ဒီလို ပြဿနာတွေ ရှိလာတာဟာလည်း ဖြစ်တဲ့ အချိန်ဟာ လည်းပဲ ပွင့်လင်းလာတဲ့ အခြေအနေမှာ ဖြစ်တဲ့အတွက် ဒီလို ကိစ္စမျိုးတွေ ဟာ ရှောင်လွှဲလို့ရတတ်တဲ့ သဘာဝတော့ မရှိပါဘူး။ အဲ့တော့ ဒီပြဿနာတွေကို ကျနော်တို့ လက်တွေ့ အောက်ခြေမှာ ဘယ်လို တဖြေးဖြေးချင်း ဖြေရှင်းသွားမလဲ ဆိုတာပဲ အရေးကြီးပါတယ်။ နိုင်ငံတကာအနေနဲ့ကတော့ သူတို့အမြင်ကို သူတို့
ပြောမှာပေါ့နော်။ ဒီအမြင်နဲ့ ကျနော်တို့ လက်တွေ့ ဖြစ်နေတာနဲ့တော့ ကွာခြား တတ်တဲ့ သဘာဝလေးတွေလည်း ရှိပါတယ်။"
ရခိုင်ပဋိပက္ခ စုံစမ်းရေး ကော်မရှင်ဟာ ပဋိပက္ခ ဖြစ်ပွားရာဒေသကို သွားရောက်ပြီး ပဋိပက္ခ ဖြစ်ပွားရာ ဘက်နှစ်ဘက်က လူထု လူတန်းစား အသီးသီးကို တွေ့ဆုံ
မေးမြန်းခဲ့သလို၊ ဘာသာရေးအဖွဲ့အစည်း၊ လုံခြုံရေးတပ်ဖွဲ့နဲ့ အာဏာပိုင်တွေကို ပါ တွေ့ဆုံမေးမြန်းပြီးနောက် အစီရင်ခံစာကို ပြုစုခဲ့တာ ဖြစ်ပါတယ်။
ရခိုင်ပြည်နယ်အတွင်းမှာ ဖြစ်ပွားခဲ့တဲ့ အကြမ်းဖက်မှုတွေကြောင့် အိုးအိမ်စွန့်ခွာ ထွက်ပြေးရတဲ့ ဒုက္ခသည်ပေါင်း ၁ သိန်းနီးပါးလောက် ရှိနေပြီး သူတို့ကို ထောက် ပံ့ရေးနဲ့ ပြန်လည် နေရာချထားရေးအတွက် အစိုးရနဲ့ ကုလသမဂ္ဂ အပါအ၀င် နိုင်ငံတကာ အဖွဲ့အစည်းတွေက စီစဉ်ဆောင်ရွက်နေ ပါတယ်။
လောလောဆယ်မှာတော့ ဒုက္ခသည် အများစုအတွက် မိုးတွင်းကာလအတွက် အရေးပေါ် ရန်ပုံငွေ လိုအပ်နေပါတယ်။
အင်းစိန်အဝေးပြေးကားဂိတ် ဂက်စ်အိုးပေါက်ကွဲ လူ ၄ ဦး သေ
အင်းစိန်မြို့နယ်၊ စော်ဘွားကြီးကုန်း၊ အဝေးပြေးဝင်း၊ ကျောက်စိမ်း ၆ လမ်းက အိမ်ဆောက်ပစ္စည်းဆိုင်တခုက ဂက်စ်အိုး ပေါက်ကွဲခဲ့တဲ့အတွက် လူ ၄ ဦးကျော် ဒဏ်ရာရပြီး ၄ ဦး သေဆုံးခဲ့တာပါ။ ဆိုင်က အလုပ်သမားတွေ အပါအ၀င် လမ်းပေါ်က လူတွေပါ ထိခိုက်ပြီး ဒဏ်ရာရခဲ့တဲ့အတွက် အင်းစိန်ရဲစခန်းကနေ ဆိုင်ပိုင်ရှင်ကို အမှုဖွင့် အရေးယူထားပါတယ်။ ဒီပေါက်ကွဲမှု အခြေအနေနဲ့ ပတ်သက်ပြီး သတင်းရယူထားတဲ့ ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင် က သတင်းပေးပို့ခဲ့ပါတယ်။
အင်းစိန်မြို့နယ် စော်ဘွားကြီးကုန်း ရပ်ကွက်အတွင်း ငွေလမင်း အိမ်ဆောက် ပစ္စည်း အရောင်းဆိုင်မှာ သံချောင်းတွေကို ဂဟေဆက်နေရင်း အနီးနားက ဂက်စ်အိုး ထပေါက်တာကြောင့် လူ ၄ ဦး သေဆုံးပြီး ၄ ဦး အင်းစိန်ဆေးရုံကြီး မှာ ဆေးဝါး ကုသနေရတယ်လို့ အင်းစိန်မြို့နယ် ရဲစခန်းက ဒုရဲအုပ် ဦးအောင်မြတ်ဦး က ဗွီအိုအေကို ပြောပါတယ်။
"အခု နောက်ဆုံးအခြေအနေမှာ ဒဏ်ရာရတာ ၄ ယောက်၊ အခု ဒဏ်ရာရတဲ့ သူတွေ ကို ဆေးဝါးကုသနေပါတယ်။"
လုပ်ငန်းလုပ်ဆောင်နေစဉ်မှာ ပေါ့လျော့မှုကြောင့် ဆိုင်မှာရှိတဲ့ ၀န်ထမ်းတွေအပြင် လမ်းပေါ်က လူတွေပါ ထိခိုက်သေကြေ ဒဏ်ရာရတဲ့အတွက် ဆိုင်ပိုင်ရှင် ဒေါ်နီနီဝင်းကို အင်းစိန်ရဲစခန်းက ပုဒ်မ ၂၀၆၊ ၃၃၇၊ ၃၃၈၊ ၃၀၄ က တို့နဲ့ ပနံပါတ် ၁၄၈/၂၀၁၃ နဲ့ အမှုဖွင့်ထားတယ်လို့ ဒုရဲအုပ် ဦးအောင်မြတ်ဦး က ပြောပါတယ်။
အခုလို ပေါက်ကွဲမှု ဖြစ်ခဲ့တဲ့ အချိန်ကတော့ နေ့လယ် ၂ နာရီမှာဖြစ်ပြီးတော့ အနီးဝန်းကျင်က ကယ်ဆယ်သူတွေရဲ့ အကူအညီနဲ့ ဒဏ်ရာရသူတွေကို အမြန်ဆုံး ဆေးရုံပို့ဆောင်နိုင်ခဲ့ပြီး ပေါက်ပွဲမှုကြောင့် အနီးအနားမှာ မီးလောင်တာတွေတော့ မဖြစ်ခဲ့ဘူးလို့ ဆူးလေမီးသတ်ဌာနချုပ်က တာဝန်ခံ တစ်ဦးကပြောပါတယ်။
"ပေါက်ကွဲမှုဖြစ်တော့လေ ကျနော်တို့က ဒီဟာလေးတွေကို ကယ်ဆယ်ရေးလုပ်ဖို့ အတွက် သွားတာ။ ဟိုရောက်တော့ လူနာအကုန်လုံးက ဆေးရုံရောက်နေပြီ။ ပေါက်ကွဲမှုဖြစ်တော့ အဲ့ဒီမှာ ဒဏ်ရာရတဲ့ သေဆုံးတဲ့သူတွေကို ကျနော်တို့က စာရင်းလေးပဲ သွားယူလိုက်တာ ရှိပါတယ်။"
အခင်းဖြစ်ခဲ့ပြီးတဲ့နောက်မှာ ပေါက်ကွဲမှု ဖြစ်ခဲ့တဲ့ လမ်းကို ပိတ်ဆို့တာတွေ မလုပ်ဘဲ လမ်းဖွင့်ပေးထားပြီး ပေါက်ကွဲခဲ့တဲ့ အိမ်နားကိုသာ ရဲလုပ်ငန်းတွေ ဆောင်ရွက်ဖို့ ပိတ်ထားတယ်လို့ အဲ့ဒီလမ်းနဲ့ တလမ်းကျော်က အိမ်ဆောက်ပစ္စည်း အရောင်းဆိုင် ဖွင့်ထားတဲ့ ကိုဝင်းမောင် က ပြောပါတယ်။
အခင်းဖြစ်ပွားခဲ့ချိန်တုန်းကတော့ အနီးပတ်ဝန်းကျင်မှာ အနည်းငယ် ရှုပ်ထွေးသွားပြီး ဒဏ်ရာရသူတွေထဲမှာ ကိုယ်လက်အင်္ဂါ ပြတ်တောက်တာတွေထိ ပါရှိခဲ့တယ်လို့ ပြောပါတယ်။ ဒါပေမဲ့ လက်ရှိအချိန်မှာတော့ ပတ်ဝန်းကျင်မှာ အေးအေးဆေးဆေး ပုံမှန် လုပ်ရိုးလုပ်စဉ် လုပ်ငန်းတွေ ဆောင်ရွက်နေတယ် လို့လည်း သူက ပြောပါတယ်။
"ဂက်စ်အိုးပေါက်တယ်ဆိုတာ သိရတယ်။ လူ ဘယ်နှစ်ယောက်လောက်
သေသွားလဲဆိုတာ အတိအကျ မသိရဘူး။ နောက် ခြေပြတ်လက်ပြတ်တွေ ကိုလည်း ၄၊ ၅၊ ၆ ယောက် ၇ ယောက်လောက် တွေ့ရတယ် ခင်ဗျ။ ဖြစ်တဲ့ အချိန်မှာတော့ အဲ့ဒီဖြစ်တဲ့နေရာနဲ့ လမ်းလေးပဲ ၀ိုက်ပြီး ပိတ်ထားတာရှိပါတယ်။"
၂၀၁၃ ခုနှစ်အတွင်းမှာ မီးလောင်မှုတွေ ရှိခဲ့ပေမဲ့ ပေါက်ကွဲမှုကြောင့် လူအသေ အပျာက် ရှိခဲ့တာ ဒါ ပထမဆုံး ဖြစ်စဉ်လည်း ဖြစ်ပါတယ်။ ပြီးခဲ့တဲ့ ၂၀၁၂ ခုနစ် နှစ်ဆန်းပိုင်းတုန်းကလည်း ပရ ဆေးဝါးတွေ သိုလှောင်ထားတဲ့ မင်္ဂလာတောင်ညွန့် မေတ္တာညွန့်ရပ်ကွက်အတွင်းမှာ အကြီးစား ပေါက်ကွဲမှု
ဖြစ်စဉ်တွေ ဖြစ်ခဲ့လို့ လူ ၂၀ ထက်မနည်း သေဆုံးခဲ့တဲ့ ဖြစ်စဉ်တွေလည်း ရှိခဲ့ဖူးတာပါ။
ဒီနေ့ အင်းစိန်စော်ဘွားကြီးကုန်း ဂက်စ်အိုး ပေါက်ကွဲမှု ဖြစ်စဉ်ကြောင့် အိမ် အပါအ၀င် ဆုံးရှုံးမှု ကာလတန်ဖိုး ၄၄ သိန်းလောက် ရှိခဲ့တယ်လို့လည်း အင်းစိန်ရဲစခန်းက ဆိုပါတယ်။
ဲမြန်မာနိုင်ငံရေးအကျဉ်းသားတွေ လွှတ်ပေးမှု အမေရိကန်ကြိုဆို
မြန်မာအာဏာပိုင်တွေကနေ နိုင်ငံရေး အကျဉ်းသား ၅၀ ကျော် ပြန်လွှတ်ပေးလိုက်တဲ့ အပေါ် အမေရိကန် ပြည်ထောင်စုက ကြိုဆိုလိုက်ပြီး၊ ကျန်နိုင်ငံရေး အကျဉ်းသားတွေ ကိုပါ ပြန်လွှတ်ပေးဖို့ တောင်းဆိုလိုက်ပါတယ်။ မြန်မာနိုင်ငံမှာ နိုင်ငံရေး အကျဉ်းသား တချို့ ပြန်လွတ်လာတာနဲ့ပတ်သက်လို့ အမေရိကန် ပြည်ထောင်စုနဲ့ ဗြိတိန်တို့ရဲ့ တုံ့ပြန်မှုတွေကို ကိုသားညွန့်ဦးက တင်ပြထားပါတယ်။
မနေ့တုန်းက မြန်မာနိုင်ငံတွင်း အကျဉ်းသားတွေ ပြန်လွှတ်ပေးတဲ့အထဲ နိုင်ငံရေး အကျဉ်းသား ၅၉ ဦး ပါဝင်တယ်လို့ သိရပါတယ်။ ကျန်နေတဲ့ နိုင်ငံရေး အကျဉ်းသားတွေ ပြန်လွတ်ဖို့အတွက် အစိုးရကိုယ်တိုင်က နိုင်ငံရေး အကျဉ်းသား စိစစ်ရေးကော်မတီ ဖွဲ့စည်းခဲ့ပြီးနောက်ပိုင်း၊ ဒါ ပထမဆုံးအကြိမ် အသုတ်လိုက် လွတ်လာတဲ့ နိုင်ငံရေး အကျဉ်းသားတွေ ဖြစ်ပါတယ်။
အမေရိကန် ပြည်ထောင်စုအနေနဲ့ အခုလို လွတ်မြောက်လာတာတွေကို ကြိုဆိုသလို၊ ထပ်လွှတ်ပေးဖို့လည်း တောင်းဆိုပါတယ်လို့ နိုင်ငံခြားရေးဌာန ယာယီ လက်ထောက် ပြောခွင့်ရသူ ပတ်ထရစ် ဗန်ထရေးလ် (Patrick Ventrell) က ပြောပါတယ်။
"အကျဉ်းသား ၉၃ ဦး လွတ်လာတဲ့အထဲမှာ နိုင်ငံရေး အကျဉ်းသား ၅၀ ပါဝင်ပါတယ်။ အခုလို နိုင်ငံရေး အကျဉ်းသားတွေ လွှတ်ပေးတာကို ကြိုဆိုသလို၊ ကျန်တဲ့ နိုင်ငံရေး အကျဉ်းသားအားလုံး လွှတ်ပေးဖို့ကိုလည်း အားပေး တိုက်တွန်းလိုပါတယ်။"
ဗြိတိန်နိုင်ငံခြားရေးဌာနရဲ့ အာရှရေးရာ ၀န်ကြီး ဟူဂို ဆွိုင်းယား (Hugo Swire) ကလည်း အခုလို နိုင်ငံရေး အကျဉ်းသားတွေ လွတ်လာတာကို ကြိုဆိုလိုက်ပြီး၊ နိုင်ငံရေး အကျဉ်းသား တစ်ယောက်ဆို တစ်ယောက် အကျဉ်းထောင်ထဲမှာ ရှိနေတာကိုက အတော့်ကို များနေပြီလို့ ပြောပါတယ်။
ဒါကြောင့်လည်း ကျန်နေသေးတဲ့ နိုင်ငံရေး အကျဉ်းသားတွေကို ပြန်လွှတ်ဖို့ နဲ့၊ မြန်မာနိုင်ငံသားတွေရဲ့ လူ့အခွင့်အရေးကို လေးစား အကောင်အထည်ဖော် ဖို့ မြန်မာအစိုးရကို တိုက်တွန်း တောင်းဆိုထားပါတယ်။
EU ဥရောပသမဂ္ဂကနေ မြန်မာနိုင်ငံအပေါ် အရေးယူမှုတွေကို ရုပ်သိမ်းလိုက်ပြီးတဲ့ နောက်တနေ့မှာပဲ နိုင်ငံရေး အကျဉ်းသားတွေ လွတ်မြောက်လာတာပါ။ အမေရိကန် ပြည်ထောင်စုအနေနဲ့က မြန်မာအပေါ် အရေးယူမှု အတော်များများကို ဆိုင်းငံ့ ရပ်ဆိုင်းထားပါတယ်။ ဒီ့ထက်ပိုပြီး အရေးယူမှုတွေကို ရုပ်သိမ်းနိုင်ဖို့အတွက် အမေရိကန် ပြည်ထောင်စုအနေနဲ့ မူဝါဒ ဆန်းစစ်မှုတွေ လုပ်နေတယ်လို့ နိုင်ငံခြားရေးဌာန ပြောခွင့်ရသူ ပတ်ထရစ် ဗန်ထရေးလ် (Patrick Ventrell) က မနေ့က ပုံမှန် သတင်းစာ ရှင်းလင်းပွဲမှာ ပြောပါတယ်။
"အမေရိကန် ပြည်ထောင်စုရဲ့ ငွေကြေးဆိုင်ရာ ပိတ်ဆို့ထားမှုတွေနဲ့ အမေရိကန် ရင်းနှီးမြှုပ်နှံမှုတွေ မလုပ်ဖို့ တားမြစ်ထားတာကို ပြန်ရုပ်သိမ်းထားပါတယ်။ ဒါပေမဲ့ မြန်မာနိုင်ငံတွင်း ပြုပြင်ပြောင်းလဲမှုတွေကို အားပေး တိုက်တွန်းနိုင်ဖို့ ပိတ်ဆို့ အရေးယူမှုတွေ အပါအ၀င် အမေရိကန် မူဝါဒတွေကို ပြန်ပြီး ဆန်းစစ်လုပ်ကိုင်နေပါတယ်။"
မြန်မာနိုင်ငံမှာ သိသာတဲ့ အပြောင်းအလဲတွေ ရှိခဲ့တဲ့အပြင်၊ နောက်ထပ် အပြောင်းအလဲတွေ ပိုဖြစ်လာဖို့ အားပေး တိုက်တွန်းမှုအနေနဲ့ EU ကနေ မြန်မာနိုင်ငံအပေါ် အရေးယူမှုတွေကို ပြန်ရုပ်သိမ်းလိုက်တာ ဖြစ် တယ်လို့ဆိုပါတယ်။
အခုလို မြန်မာနိုင်ငံနဲ့ ပတ်သက်လို့ အပြုသဘော အားရစရာတွေ တွေ့နေရတယ် ဆိုပေမဲ့လည်း၊ လူနည်းစု လူမျိုးစုအပေါ် အကြမ်းဖက်မှုတွေ အပါအ၀င် တခြား လူ့အခွင့်အရေး အခြေအနေအရ စိုးရိမ်စရာတွေတော့ ရှိသေးတယ်လို့ အမေရိကန် ပြည်ထောင်စုရော ဗြိတိန်ကပါ ထောက်ပြ ပြောဆိုကြပါတယ်။
အခုလို အရေးယူမှုတွေကို ရုပ်သိမ်းခြင်းအားဖြင့် မြန်မာအစိုးရနဲ့ ပိုပြီး ထဲထဲဝင်ဝင် ဆက်ဆံနိုင်ပြီး၊ မြန်မာနိုင်ငံမှာ ကျန်နေတဲ့ စိန်ခေါ်မှုတွေကို ပိုပြီး ဖြေရှင်းနိုင်လိမ့် မယ်လို့ ယူဆတဲ့အကြောင်းလည်း ဗြိတိန်ဝန်ကြီး ဟူဂို ဆွိုင်းယား (Hugo Swire) က ပြောပါတယ်
ဲမြန်မာအစိုးရ ကိုယ်စားလှယ်အဖွဲ့ အမေရိကန်ခရီးစဉ်
နယူးယောက်အခြေစိုက် ICG လို့ခေါ်တဲ့ နိုင်ငံတကာ ပဋိပက္ခ ဖြေရှင်းရေးအဖွဲ့ကြီးက သမ္မတ ဦးသိန်းစိန်ကို ချီးမြှင့်တဲ့ ငြိမ်းချမ်းရေးဆုကို သမ္မတကိုယ်စား လက်ခံရယူဖို့ ပြည်ထောင်စု ငြိမ်းချမ်းရေးဝန်ကြီး ဦးအောင်မင်း ခေါင်းဆောင်တဲ့ ကိုယ်စားလှယ်အဖွဲ့ဟာ ဧပြီလ ၂၂ ရက်နေ့က ဆုပေးပွဲအပြီးမှာ ၀ါရှင်တန်ဒီစီ မြို့တော်ကို ရောက်ရှိလာခဲ့ပါတယ်။ အဖွဲ့ရဲ့ အမေရိကန်ခရီးစဉ်နဲ့ပတ်သက်လို့ အဖွဲ့မှာ လိုက်ပါလာတဲ့ လူဝင်မှုကြီးကြပ်ရေး ပြည်သူ့အင်အား ၀န်ကြီးဌာနက ပြည်ထောင်စုဝန်ကြီး ဦးခင်ရီကို ဗွီအိုအေ ၀ိုင်းတော်သားတဦးဖြစ်တဲ့ ကိုကျော်ကျော်သိန်း က ဆက်သွယ်မေးမြန်းထားပါတယ်။
မေး။ ။ ပထမဆုံးအနေနဲ့ ၀န်ကြီး သမ္မတဦးသိန်းစိန်ကို ဒီ Pursuit of Peace Award ငြိမ်းချမ်းရေး ဖော်ဆောင်တဲ့သူအနေနဲ့ ဆုပေးတဲ့ပွဲကို ၀န်ကြီးတို့ လာတယ်လို့ ကျနော်တို့ သိရပါတယ်။ ဆိုတော့ ဒီဆုချီးမြှင့်တာနဲ့ ပတ်သက်ပြီးတော့ ၀န်ကြီးရဲ့ အမြင် သဘောထားလေး အရင် သိပါရစေခင်ဗျ။
ဖြေ။ ။ "ကျနော်တို့ အဓိက လာတာကတော့ လန်ဒန်နဲ့ မြောက်အိုင်ယာလန်ကိုလေ ငြိမ်းချမ်းရေးကိစ္စ၊ ဒီဘက်ကလုပ်တဲ့ အတွေ့အကြုံတွေ ဖလှယ်ဖို့ ယူဖို့ အဲ့ဒီကိစ္စနဲ့ လာတာခင်ဗျ။ လာရင်းနဲ့ ဒီဘက်မှာလည်း ဒီနေ့မှာပေါ့ ICG ပေးတဲ့ဆုကို ကျနော်တို့ သမ္မတကြီးက လက်ခံယူဖို့ ရှိတဲ့အခါကျတော့ ကျနော်တို့အဖွဲ့ ခေါင်းဆောင် ဦးအောင်မင်းက သမ္မတကြီးကိုယ်စား ယူဖို့ တက်ကြတာပါ။ သူတို့က ရေးထားတာတော့ In Pursuit of Peace ဆိုတော့ အဲ့ဒါနဲ့ ပတ်သက်လို့ ပေးတဲ့သဘောပဲပေါ့။"
မေး။ ။ ဟုတ်ကဲ့။ ပထမတုန်းက သမ္မတကြီးကိုယ်တိုင် လာမယ်လို့ ကျနော်တို့ သိထားပါတယ်။ သမ္မတကြီးကိုယ်တိုင် မလာဖြစ်တဲ့ အကြောင်းရင်းက ဘာများပါလိမ့်ခင်ဗျာ။
ဖြေ။ ။ "ကျနော်တော့ တိတိကျကျ မသိဘူး။ သို့သော်လည်း ကျနော်တို့ လာခါနီးလေးမှာ သမ္မတကြီးက တရုတ်ပြည်ခရီးစဉ်လေးကို သွားနေတာရှိတယ်လေ။ ကျနော်တို့ထွက်မယ့်နေ့နဲ့ တရက်စောပြီးတော့ပဲ သမ္မတကြီးက တရုတ်ပြည်က ပြန်ရောက်ပါတယ်ခင်ဗျ။ အဲ့လိုခရီးစဉ် ပျက်တာလည်း ဖြစ်နိုင်ပါတယ်ခင်ဗျ။ အဲ့ဒါတော့ ကျနော် အတိအကျ မသိပါဘူး။"
မေး။ ။ ဒီဆုချီးမြှင့်တာနဲ့ ပတ်သက်ပြီးတော့ ဝေဖန်ကြတာတွေလည်း ရှိပါတယ်။ ၀န်ကြီးတို့လည်း နယူးယောက်မှာ ဆန္ဒပြသူတချို့နဲ့ ကြုံခဲ့ရတယ်လို့ ကျနော် သိထားပါတယ်။ ဒီဝေဖန်သံတွေအပေါ်မှာရော ၀န်ကြီးအနေနဲ့ ဘယ်လိုများ သဘောထား မှတ်ချက်ပေးလိုပါသလဲ။
ဖြေ။ ။ "အဲ ဝေဖန်သံတွေတော့ ကျနော်က ကျကျနန မကြားသေးဘူးလေ။ ဒီအပေါ်မှာတော့ ကျနော် မှတ်ချက် မပေးလိုဘူး။ ကျနော်တို့ နယူးယောက်မှာ နေတုန်းက ဆန္ဒပြတယ်ဆိုတာက ကျနော်တို့ အဲ့ဒီမှာ Civil Society တွေ မြန်မာအဖွဲ့အစည်းတွေနဲ့ တွေ့တာပါခင်ဗျ။ အဲ့ဒီဆန္ဒပြတဲ့ အဖွဲ့ခေါင်းဆောင်ကိုက ကျနော်တို့နဲ့ တက်ပြီးတော့ ဆွေးနွေးပါတယ်။ အဓိကကတော့ သူက ကျနော်တို့ ဆန္ဒပြတာကို ဘာပြမှန်း ကျနော် မသိဘူးပေါ့လေ။ အောက်ကို ဆင်းလာတော့ ဆိုင်းဘုတ်တွေမှာ တွေ့တာတော့ တချို့ ဖမ်းထားတဲ့ ကလေးတွေ လွှတ်ပေးရေး ဆိုပြီးတော့ ဘယ်တုန်းက ဘယ်ကလေးတွေ ဘယ်လို ဖမ်းသလဲ သေချာ မသိဘူးပေါ့ဗျာ။ အဲ့ဒီကိစ္စကို ဆန္ဒပြတာ အဓိကဖြစ်ပါတယ်။"
မေး။ ။ နောက်တခုကတော့ ၀န်ကြီးတို့ ဒီကို ရောက်တဲ့အချိန်မှာ အမေရိကန် တာဝန်ရှိသူတွေနဲ့လည်း တွေ့ဆုံဆွေးနွေးတာတွေ ရှိတယ်လို့ ကျနော်တို့ အဲ့ဒီလို နားလည်ထားပါတယ်။ အမေရိကန် တာဝန်ရှိသူတွေနဲ့ အဓိက ဆွေးနွေးဖြစ်ခဲ့တဲ့ အကြောင်းအရာတွေနဲ့ ဆွေးနွေးပွဲတွေရဲ့ ရလဒ်တွေနဲ့ ပတ်သက်လို့ရော ဘာများပြောလိုပါသလဲ။
ဖြေ။ ။ "ကျနော် အဓိက အင်္ဂလန်ဘက်က စရမှာပေါ့ဗျာ။ ကျနော်တို့ အင်္ဂလန်တို့ မြောက်အိုင်ယာလန်တို့တော့ ကျနော်တို့ စောစောက ပြောသလို ဗြိတိသျှအစိုးရနဲ့ IRA နဲ့ ငြိမ်းချမ်းရေး Process တွေ ဆောင်ရွက်ခဲ့တဲ့ဟာတွေ။ ကျနော်တို့နိုင်ငံမှာလည်း တိုင်းရင်းသားလက်နက်ကိုင် အဖွဲ့အစည်း ၁၁ ဖွဲ့နဲ့ ငြိမ်းချမ်းရေး စကားပြောတဲ့ လုပ်ငန်းတွေ ဆောင်ရွက်နေကြတာကိုး။ ဒီဘက်မှာရှိတဲ့ ဆောင်ရွက်မှုတွေအပေါ်မှာ အတုယူစရာများ ရှိမလား။ အတွေ့အကြုံတွေ ဖလှယ်တဲ့ သဘောနဲ့ အဲ့ဒီ အင်္ဂလန်နဲ့ အိုင်ယာလန်မှာတော့ ဒီကိစ္စတွေကို ဆောင်ရွက်ခဲ့တဲ့ သဘောပါပဲ။ အမေရိကန်မှာလည်း ကျနော်တို့ နိုင်ငံအတွက် လိုအပ်တဲ့ကိစ္စ အ၀၀ပေါ့ဗျာ အနာဂတ်မှာ ပူးပေါင်းဆောင်ရွက်သွားမယ့် ကိစ္စတွေ၊ လေ့ကျင့်ရေးဆိုင်ရာ ကိစ္စတွေ စသည်ဖြင့် ဒီလိုကိစ္စတွေကို အဓိကထားပြီး တာဝန်ရှိသူ အဆင့်ဆင့်နဲ့ ဆွေးနွေးသွားကြတာ ဖြစ်ပါတယ်။"
မေး။ ။ လေ့ကျင့်ရေးဆိုတဲ့နေရာမှာ မြန်မာနိုင်ငံ ရဲတပ်ဖွဲ့နဲ့ပတ်သက်တဲ့ လေ့ကျင့်ရေးကိစ္စတွေ ဘာတွေရော ဆွေးနွေးတာမျိုး ရှိပါပြီလား။
ဖြေ။ ။ "ဆွေးနွေးပါတယ်။ ဆွေးနွေးပါတယ်။ ကျနော်တို့ နယူးယောက်မှာလည်း ဆွေးနွေးပါတယ်။ ၀ါရှင်တန်ဒီစီမှာလည်း ကျနော်တို့ ဆွေးနွေးပါတယ်။ ကျနော်တို့ ရဲတပ်ဖွဲ့ကြီးကို ခေတ်မှီတိုးတက်တဲ့ တပ်ဖွဲ့ကြီးတခု ဖြစ်လာအောင်၊ တကယ့် လုံခြုံရေးမှာ အရေးပါတဲ့ တပ်ဖွဲ့ကြီးတခု ဖြစ်လာအောင် ဘယ်လို အသုံးပြုရမယ် ဆိုတာကစပြီး ရဲတပ်ဖွဲ့ လေ့ကျင့်ရေးဆိုင်ရာ၊ ပူးပေါင်းဆောင်ရွက်မှုဆိုင်ရာ ကိစ္စရပ်တွေ ကျနော်တို့ တော်တော်လေး ကျယ်ကျယ်ပြန့်ပြန့် ဆွေးနွေးဖြစ်ပါတယ်။"
မေး။ ။ အမေရိကန်တာဝန်ရှိသူတွေဘက်ကရော မြန်မာနိုင်ငံ ရဲတပ်ဖွဲ့ကို ခုနပြောတဲ့ အဆင့်မှီ နိုင်ငံတကာ အဆင့်မှီတဲ့ ရဲတပ်ဖွဲ့ကြီး ဖြစ်လာအောင် လေ့ကျင့်ပေးဖို့အတွက် အမေရိကန် တာဝန်ရှိသူတွေဘက်က အကူအညီပေးဖို့ စသည်အားဖြင့် အဲ့ဒီ ကတိက၀တ်တွေကိုရော ရပါပြီလားခင်ဗျ။
ဖြေ။ ။ "မှန်ပါတယ်ခင်ဗျ။ ကျနော်တို့ ရဲတပ်ဖွဲ့မှာလည်း သက်ဆိုင်ရာ သူ့ဟာနဲ့သူ စည်းမျဉ်းစည်းကမ်း ဥပဒေတွေ ရှိပြီးသားပါခင်ဗျ။ ခုန ကျနော်ပြောသလို နိုင်ငံချင်း knowledge sharing လုပ်တဲ့သဘော၊ လေ့ကျင့်ရေးတွေ ဖလှယ်တဲ့သဘော ဖြစ်ပါတယ်။ ကျနော်တို့ဘက်က လိုလိုလားလား ရှိသလို၊ အမေရိကန်အစိုးရကလည်း ဒါတွေနဲ့ပတ်သက်လို့ လိုလိုလားလားရှိတာ တွေ့ရပါတယ်ခင်ဗျ။"
မေး။ ။ နောက်တခုပါပဲ ၀န်ကြီး။ ၀န်ကြီးက ငြိမ်းချမ်းရေးကိစ္စတွေမှာလည်း ပါတယ်။ အခု အင်္ဂလန်နဲ့ အိုင်ယာလန်မှာလည်း သူတို့ဆီက ငြိမ်းချမ်းရေး ရယူခဲ့ပုံတွေကို လေ့လာဆွေးနွေးခဲ့တယ် ဆိုတဲ့အခါကျတော့ ကျန်နေသေးတဲ့ တနိုင်ငံလုံး အပစ်အခတ်ရပ်ပြီးတော့ ငြိမ်းချမ်းရေး ရဖို့ အလားအလာနဲ့ ပတ်သက်ပြီးတော့ ၀န်ကြီးအနေနဲ့ ဘယ်လောက်အထိ အကောင်းမြင် မျှော်လင့်ချက် ရှိထားပါပြီလဲခင်ဗျ။
ဖြေ။ ။ "ကျနော့်ဘက်က ကျနော်ဟာ ငြိမ်းချမ်းရေးမှာ ထဲထဲဝင်ဝင် ဆောင်ရွက်နေတဲ့ ပုဂ္ဂိုလ်ဖြစ်တယ်။ ပြည်ထောင်စုအဆင့် ငြိမ်းချမ်းရေး ဖော်ဆောင်ရေး ကော်မတီဝင်လည်းဖြစ်တယ်။ မြန်မာ့ ငြိမ်းချမ်းရေး peace center ရဲ့ အဖွဲ့ဝင်လည်းဖြစ်တယ်။ နောက် ကျနော်ကိုယ်တိုင်လည်း အထူးသဖြင့် ကရင်ပြည်နယ်မှာ ထဲထဲဝင်ဝင် ဆောင်ရွက်နေတာ ဖြစ်တဲ့အတွက်ကြောင့် ကျနော့်ရဲ့ သဘောဆိုတာ တကယ့် မြေပုံမှာ တွေ့တဲ့ဟာတွေပါ။ ကျနော်တို့ ငြိမ်းချမ်းသွားပါပြီ။ အဓိကကျတဲ့ တိုင်းရင်းသား လက်နက်ကိုင်အဖွဲ့အစည်း ၁၁ ဖွဲ့ထဲက ကျနော်တို့ ၁၀ ဖွဲ့နဲ့က ကျနော်တို့ အပစ်အခတ် ရပ်စဲနိုင်တဲ့ အဆင့်ရောက်ပြီ။ ကျနော်တို့ KIA/KIO နဲ့ကလည်း ၂ ကြိမ် ဆွေးနွေးပြီးပြီ။ မြေပြင်မှာလည်း တိုက်ပွဲတွေ မရှိတော့ဘူး။ အခု ဒီက ပြန်သွားရင်လည်း ဦးအောင်မင်းတို့အဖွဲ့က ထပ်ပြီး ဆွေးနွေးဖို့ ကမ်းလှမ်းကြပါတယ်။ ဘယ်လိုပဲဖြစ်ဖြစ် ဒါလည်း ကျနော်တို့က ကျိမ်းသေ အောင်မြင်မယ့်ကိစ္စ ဖြစ်ပါတယ်။ ကျနော့်ရဲ့သဘော၊ ပြည်သူပြည်သားတွေရဲ့ သဘောကို ကိုယ်စားပြု ပြောရမယ်ဆိုရင် ကျနော်တို့ ထာဝရ ငြိမ်းချမ်းရေးကို ကျိမ်းသေရပါမယ်။"
မေး။ ။ အဲ့ဒီအချိန်အတွင်းမှာပဲ ရှမ်းပြည်ဘက်မှာလည်း တိုက်ပွဲတွေ ပြန်ဖြစ်တဲ့အသံ ကျနော်တို့ ကြားနေရပါတယ်။ အဲ့ဒီအခြေအနေနဲ့ ပတ်သက်လို့ကရော ဘယ်လို ဖြေရှင်းဆောင်ရွက်ဖို့ ရှိပါသလဲ။
ဖြေ။ ။ "အဲ့ဒီလို နည်းနည်းပါးပါးလေး ထိတွေ့တာတွေတော့ ရှိတာပေါ့။ ဘာကြောင့်လဲဆိုတော့ အောက်မှာက ဟို လက်နက်ကိုင်တပ်ဖွဲ့တွေ ဖြစ်နေကြတယ်လေ။ ဖြစ်နေကြတဲ့အခါကျတော့ ကိုယ့်ရဲ့ အုပ်ချုပ်မှုကိစ္စတွေ၊ စစ်ရေးဆိုင်ရာ လုံခြုံရေးဆိုင်ရာကိစ္စတွေ သွားရင်းလာရင်းနဲ့ အောက်ခြေအဆင့်ဆိုတာက သူ့စည်း ကိုယ့်စည်းပေါ့ နေရာကလည်း ဒီမှာ တည်ရှိနေတဲ့ တပ်တွေကို အကျအန ပြန်ပြီး နေရာချရမယ့်အဆင့်ကို မရောက်သေးဘူး။ အဲ့ဒီအတွက်ကြောင့် မှားယွင်းပစ်ခတ်မှုတွေ ဒါမျိုးတွေလည်း ရှိတတ်ပါတယ်။ အကျအဆုံး အထိအခိုက်ကတော့ မကြားပါဘူးခင်ဗျ။ မရှိပါဘူး။"
ကျေးဇူးတင်ပါတယ်ခင်ဗျ။