နိုင်ငံတော်သမ္မတ၏ လုပ်ဆောင်ချက် များအား ထောက်ခံသည့် လမ်းလျှောက် လှုပ်ရှားမှုကို လေးလတစ်ကြိမ် ပြုလုပ်မည်

နိုင်ငံတော်သမ္မတ၏ လုပ်ဆောင်ချက်များအား ထောက်ခံသည့် လှုပ်ရှားမှု ပြုလုပ်နေသည်ကို ဧပြီ ၂၁ ရက် နံနက်က တွေ့ရစဉ်

နိုင်ငံတော်သမ္မတ ဦးသိန်းစိန်၏ လက်ရှိဆောင်ရွက်ချက်များအား ထောက်ခံသည့် အနေဖြင့် One Myanmar အဖွဲ့မှ ဦးဆောင်ပြီး ''ပြည်ထောင်စုငြိမ်းချမ်းရေးလှုပ် ရှားမှု'' ခေါင်းစဉ်ဖြင့် ရန်ကုန်မြို့ ၌ ဧပြီလ ၂၁ရက် နံနက်ပိုင်းက လမ်းလျှောက်လှုပ်ရှားမှု ပြုလုပ်ခဲ့ပြီး ယင်းလှုပ်ရှားမှုမျိုး လေးလတစ်ကြိမ် ပြုလုပ်သွားမည်ဖြစ်ကြောင်း One Myanmar အဖွဲ့မှ ကိုမိုးကျော်သန့်က ပြောသည်။

အဆိုပါလှုပ်ရှားမှုတွင် လူဦး ရေ ၅၀ ၀န်းကျင် ပါဝင်ပြီး စမ်းချောင်းမြို့နယ် မြေနီကုန်း မီးပွိုင့်အနီးမှ ပြည်လမ်းမအတိုင်း လှိုင်မြို့နယ်ရှိ အင်းလျားကန်ဘောင်အထိ လမ်းလျောက်ခဲ့ခြင်း ဖြစ်ပြီး ငြိမ်းချမ်းစွာ စီတန်းလှည့်လည်ခွင့်၊ ငြိမ်းချမ်းစွာ စုဝေးခွင့် တို့ကို သက်ဆိုင်ရာ မြို့နယ်ရဲတပ်ဖွဲ့၏ ခွင့်ပြုမိန့်ဖြင့် ပြုလုပ်ခဲ့ခြင်းဖြစ်ကြောင်း သိရသည်။

နိုင်ငံတော်သမ္မတ၏ လုပ်ဆောင်ချက်များအား ထောက်ခံသည့် လှုပ်ရှားမှု ပြုလုပ်နေသည်ကို ဧပြီ ၂၁ ရက် နံနက်က တွေ့ရစဉ်

အဆိုပါ လမ်းလျောက်လှုပ်ရှားမှုတွင်''နိုင်ငံတော် အုပ်ချုပ်ရေးကဏ္ဍမှ သမ္မတကြီး၏ လက်ရှိဆောင်ရွက်ချက်များကို အပြည့်အ၀ ယုံကြည် ထောက်ခံပါသည်'' ''နိုင်ငံတော် သမ္မတ ငြိမ်းချမ်းစွာ ဆောင်ရွက်လျက်ရှိသော ဖြစ်ထွန်းတိုးတက်မှုများကို ကြိုဆိုထောက်ခံပါသည်'' ဟူသည့် ဆိုင်းဘုတ်များ ကိုင်ဆောင်ပြီး စီတန်းလှည့်လည်ခဲ့ခြင်းဖြစ်သည်။

''ဒီလိုလမ်းလျောက်ပွဲမျိုးကို လေးလတစ်ကြိမ် ပြုလုပ်သွားမှာပါ။ ပြည်ထောင်စုကြီး ငြိမ်းချမ်းရေးအတွက် တက်နိုင်သလောက် လုပ်ဆောင်တာပါ'' ဟု လှုပ်ရှားမှုကို ဦးဆောင်ခဲ့သည့် One Myanmar အဖွဲ့မှ ကိုမိုးကျော်သန့်ကပြောသည်။

One Myanmar အဖွဲ့မှ ကိုဆွေဆန်ဦးက ''ကျွန်တော်တို့ ဘယ် ပါတီ ဘယ်အဖွဲ့အစည်းရဲ အရိပ်ကို မှ မယူပါဘူး။ ကျွန်တော်တို့ မိတ် ဆွေနှစ်ယောက်သုံးယောက်ကနေ ဒီကိစ္စကို လုပ်ချင်လို့ဆိုလို့ လုပ်ရ တာပါ။ ရှင်းလင်းစွာပြောရရင် ကျွန် တော်တို့ရဲ့နောက်မှာ ဘယ်သူမှ မရှိပါဘူး။ အခု ဆိုင်းဘုတ်မှာပါတဲ့ နိုင်ငံတော်သမ္မတဆိုတဲ့ အသုံးအနှုန်းက လည်း နိုင်ငံတော်သမ္မတက လက်ရှိ ကျွန်တော်တို့နိုင်ငံကို ပဲ့ကိုင်တဲ့သူ ဖြစ်တယ်။ သူ့ရဲ့လုပ်ရပ်တွေကို ကျွန်တော်တို့ ချီးမွမ်းမယ်။ အဲဒီလိုချီးမွမ်းရင် သူက ဒီထက်ပိုပြီး ကောင်းတဲ့လုပ်ရပ်တွေကို လုပ်လာနိုင်တယ်။ အဲဒီလိုယူဆပြီး လုပ်တာပါ'' ဟု ပြောပြသည်။

အဆိုပါလှုပ်ရှားမှုတွင် ပါဝင်ခဲ့သည့် ကိုဝင်းကျော်က'' ကျွန်တော် ကဒေါပုံကလာတာပါ။ ကျွန်တော့် အသိက ခေါ်လို့လိုက်လာတာပါ။ ငြိမ်းချမ်းရေးအတွက် လမ်းလျှောက် တယ်ဆိုတာ ဒီရောက်မှသိတာပါ'' ဟု ပြောပြသည်။

မြစ်ကြီးနားတွင် CDMA ဆင်းကဒ် လျှောက်လွှာများ စတင်နေ

ချင်းမိုင်(မဇ္စျိမ)။   ။ ကျပ် နှစ်သိန်းဖြင့် ရောင်းချခဲ့သော CDMA 800 MHz မိုဘိုင်း ဆင်းကဒ်များကို ကျပ် ၁,၅၀၀ ဖြင့် ဝယ်ယူခွင့်ရရန် ကချင်ပြည်နယ်၊ မြစ်ကြီးနားမြို့တွင် တနင်္လာနေ့မှ ဗုဒ္ဓဟူးနေ့အထိ လျှောက်လွှာများ စတင်ဖြည့်သွင်းနေပြီ ဖြစ်ကြောင်း သိရသည်။

ထို တန်ဖိုးနည်း ဆင်းကဒ် ဝယ်လိုသူများက ရပ်ကွက် အလိုက် မြို့နယ်ရုံးသို့ လျှောက်လွာများကို ဖြည့်တင်ပြီး ဧပြီလ ၂၄ ရက်နေ့တွင် မဲစနစ်ဖြင့် ဆင်းကဒ်များ ထုတ်ပေးမည် ဖြစ်ပြီး ယနေ့ တရက်တည်းတွင်
လျှောက်လွှာ ၃,၀၀၀ ခန့် တင်ပြီးကြောင်း မြို့ခံတဦးက ပြောသည်။

"ဒီနေ့ကစပြီး လျှောက်လွာတွေ ပေးနေပြီ။ ၂၄ ရက်နေ့မှ အဖြေရမယ်လို့ ပြောတယ်။ လျှောက်လွာကို ကိုယ့် ရပ်ကွက် လူကြီးကနေ ယူ၊ ဖြည့်ပြီးတော့ မြို့နယ်ရုံးကို သွားတင်ရတယ်"ဟု မြစ်ကြီးနားမြို့ခံ ကိုဂွမ်ဆန့်အောင် က မဇ္ဈိမကို ပြောသည်။

ယခုလတွင် ကချင်ပြည်နယ်အတွက် ကဒ် ၄,၅၀၀ ကိုသာ
ရောင်းချမည့် ၎င်း မိုဘိုင်း ဆင်းကဒ်မှာ Public CDMA 800 MHz ရှိသော မြစ်ကြီးနားမြို့နှင့် မိုးညှင်းမြို့များ တွင်သာ ပြောဆိုနိုင်မည် ဖြစ်ပြီး အခြားတိုင်းနှင့်
ပြည်နယ်များသို့ သယ်ဆောင်သွားပါကလည်း CDMA 800 MHz ရှိသော နေရာများတွင်သာ ပြောဆိုနိုင်သည်ဟု
ပြည်နယ် အစိုးရက အသိပေးထားသည်။

မြန်မာ့ဆက်သွယ်ရေးလုပ်ငန်းမှ CDMA 800 MHz အောက်တွင် ပြောဆိုရ ရမည် မဟုတ်သော်လည်း အခြား မိုဘိုင်း/အောတိုဖုန်းများနှင့် ဆက်သွယ်ပြောဆိုနိုင်မည် ဖြစ်သည်။

လာမည့် လများတွင်လည်း ဆက်လက် ဖြန့်ချီသွားမည်ဟု ပြည်နယ်အစိုးရက ကြေညာသည်။

မြစ်ကြီးနား မြို့ခံအများအပြား လာရောက် လျှောက်လွှာ တင်နေကြသော်လည်း သာမန် အရပ်သား အနည်း အကျဉ်းသာ ရရှိနိုင်ပြီး အစိုးရ ဝန်ထမ်းများသာ ရနိုင်ခြေများမည်ဟု ဒေသခံများက ခန့်မှန်းနေကြသည်။

၎င်း ၁,၅၀၀ တန် ဆင်းကဒ် ဝယ်ယူပြီးသည့် ၁၅ ရက်အတွင်း အနည်းဆုံး ကျပ် ၅,၀၀၀ ငွေပြည့်သွင်းရန် လိုအပ်မည် ဖြစ်ကာ အကယ်၍ မဖြည့်သွင်းနိုင်ပါက ဖုန်းကဒ်သည် အလိုအလျောက် ပိတ်သိမ်းသွားမည်
ဖြစ်ကြောင်း ဧပြီလ ၃ ရက်နေ့က နိုင်ငံပိုင် ရုပ်သံသတင်းတွင် ကြေညာခဲ့သည်။

နိုင်ငံတဝှန်း တလလျှင် ဆင်းကဒ် အရေအတွက် ၃ သိန်းခွဲ ရောင်းချပေးသွားမည် ဖြစ်ကြောင်း သိရသည်။

သမီးဖြစ်သူ သေဆုံးမှုကို တိုင်ကြားသဖြင့် ဖခင်ဖြစ်သူ တရားရင်ဆိုင်နေရ

ချင်းမိုင်(မဇ္စျိမ)။      ။ သမီးဖြစ်သူ သေဆုံးမှုအား စုံစမ်းစစ်ဆေး ပေးရန် တိုင်ကြားမှု အပေါ် စစ်ဗျူဟာမှူးက မမှန်မကန် လိမ်လည်ရေးသား စွပ်စွဲသည်ဟု ဆိုကာ ပြစ်မှုဆိုင်ရာဥပဒေ ပုဒ်မ ၂၁၁ ဖြင့် ပြန်လည်တရားစွဲ ခဲ့ရာ ရှေ့နေဌားခွင့်ပြုရန် တရားစွဲခံရသူ ဦးဘရန်ရှောင်က ယနေ့ရုံးချိန်းတွင် လျှောက်ထားခဲ့သည်။

"ဒီနေ့က အမှုစစ်ဆေးခြင်း မရှိသေးဘူး၊ ဦးဘရန်ရှောင်က ရှေ့နေငှားဖို့ ရက်ချိန်းပေးဖို့ တောင်းဆိုတယ်"ဟုလ ဦးဘရန်ရှောင်၏ အမှုကူညီ ဆောင်ရွက်ပေးနေသူ ကချင်လူထုကော်မတီမှ လူငယ်တာဝန်ခံ ကိုလရိမ်က
ပြောသည်။

၂၀၁၂ ခုနှစ်၊ စက်တင်ဘာလ ၁၃ ရက်နေ့က ဖားကန့်မြို့ မှော်ဝမ်းရပ်ကွက် အုပ်စု (၁) ဆွတ်ငိုင်ယန် ကျေးရွာမှ အသက် ၁၄ နှစ်အရွယ် နဝမတန်း ကျောင်းသူ မဂျာဆိုင်အိန်အား ပစ်ခတ်ခဲ့သော တပ်ဖွဲ့အား စုံစမ်း စစ်ဆေး အရေးယူပေးရန်
သမ္မတ ဦးသိန်းစိန်၊ တရားဥပဒေစိုးမိုးရေးနှင့် အေးချမ်းတည်ငြိမ်ရေးကော်မရှင် ဥက္ကဌလဒေါ်အောင်ဆန်းစုကြည်၊နှင့်
မြန်မာနိုင်ငံ အမျိုးသား လူ့အခွင့်အရေး ကော်မရှင် တို့ထံ ဖခင်ဖြစ်သူက ပြီးခဲ့သည့်နှစ် အောက်တိုဘာလ ၁ ရက်နေ့ တိုင်ကြားခဲ့ခြင်းဖြစ်သည်။

တိုင်ကြားစာတွင် အင်အား ၈၀ ခန့်ပါဝင်သော ခလရ ၃၈၉ စစ်ကြောင်းသည် အခင်းဖြစ်ပွားသည့်နေ့က
မှော်ဝမ်းရပ်ကွက်တွင် နားနေခဲ့ပြီး ညနေပိုင်း ၄ နာရီခန့်တွင် ရွာပြင်ထွက်ရန် ပြင်ဆင်နေစဉ် ပေါက်ကွဲသံ ကြားသဖြင့် KIO တပ်များဟု ထင်မှတ်ကာ ယင်းရွာအတွင်း ပရမ်းပတာ ပစ်ခတ်ခဲ့သည်ဟု ဦးဘရန်ရှောင်၏ တိုင်ကြားစာတွင် ပါရှိသည်။

ထိုသို့ တိုင်ကြားမှုအပေါ် မတ်လ ၁၁ ရက်နေ့က ဒုတိယတန်း စစ်ဆင်ရေးမှူး ဗိုလ်မှူး ဇာနည်လင်းပိုက်မှ မမှန်မကန် တိုင်ကြားမှုဖြင့် ဦးဘရန်ရှောင်ကို စတင်တရားစွဲဆိုခဲ့ပြီး ဧပြီလ ၈ ရက်နေ့တွင် ဦးဘရန်ရှောင်အား ဖားကန့်မြို့နယ် တရားရုံးက ကျပ်ငွေ ၆ သိန်းဖြင့် အာမခံ ပေးခဲ့သည်။  

အခင်းဖြစ်ပွားသည့်နေ့က မဂျာဆိုင်းအိမ်နှင့်အတူ ဆရာမ ဒေါ်နန်ဆန့် အပါအဝင် ကျောင်းသူ လေးဦးတို့က
ကျောင်းအပြန်တွင် ပစ်ခတ်သံများကြောင့် လမ်းဘေးတနေရာတွင် ပုန်းအောင်းနေစဉ် အားလုံးထွက်လာရန်
ခြိမ်းခြောက်သဖြင့် ထွက်လာစဉ် မဂျာဆိုင်အိန်၏ နောက်တင်ပါးအောက်တွင် ကျည်ဆံထိမှန် သေဆုံးခဲ့ခြင်း
ဖြစ်သည်ဟု ဦးဘရန်ရှောင်က ယခင်က မဇ္စျိမကို ပြောဆိုခဲ့သည်။

ထိုတိုင်ကြားစာကို ကော်မရှင်က လက်ခံရရှိသဖြင့် သက်ဆိုင်ရာ ဌာနဆိုင်ရာများသို့ တင်ပြပေးခဲ့ပြီး
ဖြစ်သော်လည်း ယနေ့ထိ မည်သည့် တုံ့ပြန်မှုမှ မရှိသေးကြောင်း မြန်မာနိုင်ငံ အမျိုးသားလူ့အခွင့်အရေး
ကော်မရှင် အတွင်းရေးမှူး ဦးစစ်မြိုင်က ပြောသည်။

 "ဒီကျောင်းသူသေတာနဲ့ ပတ်သက်လို့ အန်ကယ်တို့ကတော့ refer (လွဲပြောင်းပေး) ဆက်လုပ်တဲ့ အပိုင်းဘဲရှိတယ်။ အန်ကယ်တို့က လိုအပ်သလို အရေးယူဆောင်ရွက်ပေးဖို့ဘဲ၊ လုပ်ငန်းစဉ် (procedure)အတိုင်းသွားရတယ်။ အဲဒါနဲ့ ပတ်သက်လို့ သက်ဆိုင်ရာ အဖွဲ့အစည်း ဌာနဆိုင်ရာတွေက အန်ကယ်တို့ဆီကို reply မရသေးဘူး။ ရတော့ ရခဲတယ်"ဟု သူက မဇ္စျိမကို ပြောသည်။

ပြီးခဲ့သည့် အောက်တိုဘာလအတွင်းက ကော်မရှင်၏ ကချင်ပြည်နယ် ခရီးစဉ်တွင် ၄င်းကိစ္စ သွားရောက် စုံစမ်းရန် ဖားကန့်မြို့သို့ လူ့အခွင့်အရေး အခြေအနေများ သွားရောက်စုံစမ်းလိုသော်လည်း လုံခြုံရေး စိုးရိမ်ရသဖြင့် မသွားနိုင်ခဲ့ကြောင်း သူက ဆိုသည်။

ကံယံကံရှင် ဦးဘရန်ရှောင် တဦးတည်း အမှု မရင်ဆိုင်နိုင်သဖြင့် အမျိုးသားဒီမိုကရေစီ အဖွဲ့ချုပ် NLD၊ ရိုမန်ကက်သလစ်၊ ကချင်နှစ်ခြင်းခရစ်ယာန်အဖွဲ့ချုပ် KBC၊ ကချင်ရိုးရာယဉ်ကျေးမှုအဖွဲ့ စသည့်တို့မှ ကိုယ်စားလှယ်များ ပါဝင်ဖွဲ့စည်းထားသော ကချင်လူထုကော်မတီကို ပြီးခဲ့သည့် မတ်လာက ဖွဲ့စည်း၍ ကူညီဆောင်ရွက်ပေးနေသည်ဟု တာဝန်ခံ ကိုလရိန်က ပြောသည်။

"ဒီကိစ္စက သူ့မိသားစုအရေးဘဲ မဟုတ်ဘူး။ လူထုနဲ့ သက်ဆိုင်တဲ့အတွက် ကျနော်တို့က ခုလို လူထုနဲ့ သက်ဆိုင်တဲ့ အတွက် လူထုနဲ့ ဖြေရှင်းရင် ပိုသင့်တော်တယ်ဆိုပြီး ကျနော်တို့ ကော်မတီဖွဲ့ပြီး ကူညီနေတာပါ"ဟု သူက မဇ္စျိမကို ပြောသည်။

လာမည့် မေလ ၆ ရက်နေ့မှာ ရုံးချိန်းထပ်မံ ပေးထားသည်ဟု သိရသည်။

ရှမ်းမြောက်ပိုင်း အစိုးရတပ် လတ်တလော လူ့အခွင့်အရေး ချိုးဖောက်မှုများ ထုတ်ဖော်

စံခလပူရီ (မဇ္ဈိမ)။   ။ သင်္ကြန်ကာလအတွင်း ရေကစားထွက်သည့် လူငယ်များကို ဖမ်းဆီးကာ လူသားဒိုင်းအဖြစ် အစိုးရတပ်က အသုံးပြုခဲ့ကြောင်း ရှမ်း လူ့အခွင့်အရေး မဏ္ဍိုင် (SHRF) က ဆိုသည်။

ရှမ်းပြည်နယ် မြောက်ပိုင်း တန့်ယန်းမြို့နယ်၊ မိုင်းကောင် မှ နမ့်ပန်ချောင်းကျေးရွာသို့ မော်တော်ဆိုင်ကယ်ဖြင့်
ရေကစားထွက်သည့် အမျိုးသမီး/သား လူငယ် ၅၀ ခန့်ကို ထိုဒေသတွင် လှုပ်ရှားနေသည့် စစ်ကြောင်းက ဖမ်းဆီးကာ ၎င်းတို့၏ လုံခြုံရေးအတွက် ဝမ့်မူးဆေး မှ နမ့်လောင်း ကျေးရွာထိ စစ်ကြောင်း ရှေ့ နောက်တွင် လျှောက်စေကာ လူသားဒိုင်းအဖြစ် အသုံးပြုခဲ့သည်ဟု ဆိုသည်။

"ရေကစားဖို့ ဆိုပြီးတော့ ဆိုင်ကယ်လေးတွေနဲ့ သွားကြတာပေါ့ဗျာ။ အဲဒီမှာ စစ်ကြောင်း တကြောင်းက အဲဒီသွားတဲ့ လူငယ်တွေကို ရပ်ပြီးတော့မှ သူတို့ဆိုင်ကယ်ကို လမ်းဘေးရပ်ခိုင်းပြီး ဖမ်းထားတာပေါ့။ လူပေါင်း ငါးဆယ်လောက် ရတဲ့အခါကျမှ သူတို့ သွားလိုတဲ့နေရာကို သူတို့နဲ့အတူ လမ်းလျှောက်ခိုင်းပြီး သွားတာ။ ရှမ်းတပ်က သူတို့ကို ဝင်မပစ်အောင်ပေါ့ဗျာ။ သွားချင်တဲ့နေရာ ရောက်ပြီး ဆိုတဲ့အခါကျမှ ပြန်လာပြီးမှ အဲဒီလူငယ်တွေကို ဖမ်းတဲ့နေရာမှာပဲ
ပြန်လွှတ်တယ်" ဟု SHRF မှ ဦးခမ်းဟန်ဖ က ပြောသည်။

သင်္ကြန်အကြတ်နှင့် အတက်နေ့ (ဧပြီလ ၁၅ နှင့် ၁၆ ရက်နေ့) များတွင် ရှမ်းပြည် တပ်မတော် မြောက်ပိုင်း (SSA/SSPP) နှင့် အစိုးရတပ်ကြား တန့်ယန်းမြို့နယ်အတွင်း မိနစ်ပိုင်းမျှ ကြာသည့် တိုက်ပွဲများ သုံးကြိမ်ထက်မနည်း
ဖြစ်ပွားခဲ့ပြီးနောက် အစိုးရတပ်ဘက်က လက်နက်ကြီးများဖြင့် ပစ်ခတ်ရာမှ ကလေး နှစ်ဦး ဒဏ်ရာ ရရှိခဲ့ကာ စာသင်ကျောင်းနှင့် လူနေအချို့လည်း ပျက်စီးခဲ့သည်ဟု SHRF က တနင်္လာနေ့တွင် ထုတ်ပြန်ကြေညာသည်။

၎င်းပြင် ကလေးငယ်အချို့ ပါဝင်သည့် ရွာပေါင်း ၉ ရွာမှ လူထုများအား ဖမ်းဆီးရိုက်နှက်မှုကြောင့် ဒဏ်ရာပြင်းထန်စွာ ရရှိခဲ့ကြပြီး ရွာသားများ ထွက်ပြေးရန် အသုံးပြုသည့် ယာဉ်များကို အစိုးရတပ်မှ မီးရှို့ဖျက်ဆီးကာ တိုက်ပွဲ
ဖြစ်ပွားရာအနီးရှိ ကျေးရွာများကိုလည်း မီးရှို့ဖျက်ဆီးမည် ဖြစ်ကြောင်း ခြိမ်းခြောက်ခဲ့သည်ဟု ကြေညာချက်က ဆိုသည်။

"တချို့ရွာသားတွေက ထွက်ပြေးဖို့ ရွာကနေ ထွက်ကြတော့ စစ်ကြောင်းနဲ့ တွေ့ပြီးတော့ ဘယ်သွားဖို့လဲ ဘာညာ
မေးတော့ ကြောက်လို့ တခြားနေရာကို ထွက်ပြေးမယ် ပြောတော့ မသွားရဘူး ဆိုပြီးတော့မှ သူတို့ရဲ့ ဆိုင်ကယ်၊ သူတို့ရဲ့ ယာဉ်တွေကို ယူပြီးတော့မှ မီးရှို့ပစ်တယ်" ဟု ဦးခမ်းဟန်ဖ က ပြောသည်။

မတ်လ နှောင်းပိုင်းတွင် ရှမ်းပြည်နယ် မြောက်ပိုင်း၊ တန့်ယန်းမြို့နယ်ရှိ လွယ်လန်းနှင့် လွယ်စေး ဒေသ တဝိုက်တွင် တိုက်ပွဲများ ဖြစ်ပွားခဲ့ရာ ရွာပေါင်း ၁၆ ရွာမှ လူဦးရေ ၁,၀၀၀ ကျော် တန့်ယန်းမြို့ပေါ်သို့ ထွက်ပြေး ခိုလှုံခဲ့ကြရာမှ သင်္ကြန်ကာလ နောက်ပိုင်းတွင် တိမ်းရှောင်သူပေါင်း ခန့်မှန်းခြေ ၂,၀၀၀ ခန့် ရှိလာခဲ့သည်ဟု SHRF မှ မယိင်းဟာန်ဖ က ပြောသည်။

"အစတုန်းက တထောင်ကျော်ကျော်ပဲ ရှိတယ်ရှင့်။ နောက်တော့ သင်္ကြန်အချိန်မှာ တိုက်ပွဲ ထပ်ဖြစ်လို့ ထပ်ပြေးလာ
ကြတော့ နှစ်ထောင်လောက် ရှိပြီရှင့်" ဟု မဇ္ဈိမကို ပြောသည်။

မြို့နယ် အုပ်ချူပ်ရေးအဖွဲ့၏ စီစဉ်မှုဖြင့် ဧပြီလ ၁၁ ရက်နေ့တွင် ဒုက္ခသည် ၃၀ ခန့် နေရပ် ပြန်သွားကြသော်လည်း တိုက်ပွဲများ ဆက်လက် ဖြစ်ပွားနေခြင်းကြောင့် တန့်ယန်းမြို့သို့ ဒုက္ခသည်များ ထပ်မံရောက်ရှိလာကြကာ ပြန်သွားသည့် ဒုက္ခသည်အချို့လည်း ပြန်လည် ရောက်ရှိလာကြသည်ဟု ကယ်ဆယ်ရေးစခန်း ကော်မတီဝင် ကိုစိုင်းလူ က ပြောသည်။

ဒုက္ခသည်များ၏ စားဝတ်နေရေးအတွက် လားရှိုးနှင့် တန့်ယန်းမြို့နယ်အတွင်းရှိ သံဃာတော်များ၊ လူငယ် အဖွဲ့အစည်းများ၊ လူမှု ကူညီရေးအသင်းများ၊ နိုင်ငံရေး ပါတီများနှင့် မြို့နယ် အာဏာပိုင် အဖွဲ့အစည်းများက အကူအညီများ ပေးလျက် ရှိသည်ဟု ဆိုသည်။ 

ဧပြီလ ၃ ရက်နေ့က အရှေ့မြောက်ပိုင်းတိုင်း စစ်ဌာနချုပ် (ရမခ) ရှိ ရွှေလီ ရိပ်သာတွင် အစိုးရ လျှပ်စစ်ဝန်ကြီး ဦးခင်မောင်စိုး၊ စီးပွားရေးနှင့် ကူးသန်းရောင်းဝယ်ရေး ဝန်ကြီး ဦးဝင်းမြင့်တို့နှင့် တွေ့ဆုံစဉ် ဒုက္ခသည်များအား
နေရပ်တွင် ပြန်လည်နေထိုင် လုပ်ကိုင်စားသောက်နိုင်ရန်အတွက် တိုက်ပွဲများ ထပ်မံမဖြစ်ပွားရန် SSA/SSPP ဘက်က တောင်းဆိုတင်ပြထားသော်လည်း တိုက်ပွဲများ ဆက်လက် ဖြစ်ပွားခဲ့ကာ၊ ယနေ့တွင်လည်း တန့်ယန်းမြို့နယ်၊ လွယ်ကျေး ကျေးရွာဘက်တွင် တိုက်ပွဲငယ် ဖြစ်ပွားခဲ့သည်ဟု SSA/SSPP မှ ဗိုလ်မှူးကြီး ဖိန်ဖ က ပြောသည်။

ဆက်သွယ်ရေး အခက်အခဲကြောင့် မည်သည့်တပ်ရင်းနှင့် ဖြစ်ပွားခဲ့ခြင်းနှင့် ထိခိုက်မှု အခြေအနေကို မသိရှိရ
သေးကြောင်း သူက ပြောသည်။

ရှမ်းပြည် တပ်မတော် မြောက်ပိုင်း (SSA/SSPP) သည် ၂၀၁၂ ခုနှစ်၊ ဇန်နဝါရီလတွင် အစိုးရနှင့် အပစ်အခတ် ရပ်စဲရေး သဘောတူညီချက် ရရှိခဲ့ပြီးနောက် အစိုးရတပ်နှင့် အကြိမ် ၁၀၀ ထက် မနည်း တိုက်ပွဲများ ဖြစ်ပွားခဲ့သည်ဟု ဗိုလ်မှူးကြီး ဖိန်ဖ က ပြောသည်။

၁၅၀၀တန် ဆင်းကဒ်များ မဲနှိုက်စနစ်ဖြင့်ရောင်း ၊ ကိုယ်တိုင် မနှိုက်ရ

တန်ဖိုးနည်း ၁၅၀၀တန် ဆင်းကဒ်များကို မဲနှိုက်စနစ်ဖြင့် ရောင်းချသော်လည်း ပြည်သူများ အနေဖြင့် မဲလိပ်များအား ကိုယ်တိုင်နှိုက်ခွင့်မရကြောင်း ယနေ့ရောင်းချခဲ့သည့် နယ်မြေများမှ ရပ်ကွက် အုပ်ချူပ်ရေးမှူးရုံးများမှ စုံစမ်းသိရှိရသည်။

" မဲက ကိုယ်တိုင် မနှိုက်ရဘူး။ လူရှုပ်မှာဆိုးလို့ ကော်မတီအဖွဲ့က သူ့နာမည်စာရင်းနဲ့ သူနှိုက်ပေးတာ။ အဲဒီ ကော်မတီကိုလဲ ရပ်ကွက်က လူကြီးတွေနဲ့ ဖွဲ့စည်းထားတာ၊ ပေါက်တယ် မပေါက်ဘူးဆိုတာ ချက်ချင်း သိရတယ်။ လုပ်ပုံလုပ်နည်းမတူ။
နောက်လုပ်မဲ့ အခေါက်တွေမှာ ဒီအခေါက် ရသွားတဲ့ သူတွေ မပါတော့ဘူး" ဟု မြောက်ဥက္ကလာပမြို့နယ် (၁) ရပ်ကွက် အုပ်ချူပ်ရေးမှူးရုံးမှ အုပ်ချူပ်ရေးမှူး ကိုသန်းမြင့်က မဇ္ဈိမကို ပြောသည်။

တလမ်းလျှင် ခြောက်လုံးနှုန်း မဲနှိုက်ပေးကာ ဧပြီလ ၂၄ရက်နေ့ ညနေ၄နာရီ ဖုန်းကဒ်များကို အိမ်အရောက် ပို့ပေးမည်
ဖြစ်ကြောင်း၊ ဖုန်းပေါက်သည့် မဲစာရင်းများကို ဧပြီ ၂၂ရက် ယနေ့တွင် မြို့နယ်ရုံးသို့ အပြီးတင်ပေးရမည်ဟု
မြောက်ဥက္ကလာပမြို့နယ် (၁)ရပ်ကွက် အုပ်ချူပ်ရေးမှူးက ရှင်းပြသည်။

မဲနှိုက်ရောင်းချမှုအား မြောက်ဥက္ကလာ မြို့နယ်နယ်နှင့် အခြားမြို့နယ် အချို့တွင် ယနေ့၈နာရီမှ စတင်ကာ နေ့လည် ၁နာရီအထိ ရောင်းချမှုများ ပြုလုပ်ခဲ့ပြီး ရောင်းချသည့် ဖုန်းအရေအတွက်မှာ တရပ်ကွက်နှင့် တရပ်ကွက် မတူညီကြောင်း ရပ်ကွက်သားများထံမှ သတင်းရရှိသည်။

မြောက်ဥက္ကလာပမြို့နယ် ၂ရပ်ကွက် အုပ်ချူပ်ရေးမှူးရုံးမှ အုပ်ချူပ်ရေးမှူး ဦးလှထွန်းက " မနက် ၈နာရီခွဲလောက်ကနေ ၁၂နာရီလောက်မှာ အကုန်ပြီးစီးသွားတယ်။ ရပ်မိရပ်ဖရယ် ဆရာမရယ် သူတို့တွေပဲ နှိုက်တာ။ ဘုန်းကြီးတွေ အတွက်ကော မယ်သီလရှင်တွေအတွက်ကော အကုန်ပါတယ်" ဟုဆိုသည်။

ယခုလို မြန်ဆန်စွာ မဲနှိုက်ရခြင်းမှာ ဖုန်းကဒ်မဲပေါက်သူ စာရင်းများအား ယနေ့၎နာရီတွင် မြို့နယ်ရုံးသို့ အပြီးပေးရမည် ဟု ထုတ်ပြန်ထားသည့်အတွက် ဖြစ်ကြောင်း ဦးလှထွန်းက ရှင်းပြသည်။

မြောက်ဥက္ကလာပ (၁)ရပ်ကွက်ရှိ ကွမ်းယာရောင်းသူ အမျိူးသမီးက"ကျွန်မတို့ အခုဆင်းကဒ်ရောင်းတဲ့ စနစ်ကို သိပ်စိတ်အလိုမကျဘူး။ သမာသမတ် မကျဘူးလို့ ပြောတာမဟုတ်ပါဘူး ဒါပေမဲ့ ကိုယ်တိုင်လဲ မနှိုက်ရဘူး။ ရောင်းတဲ့ အရေအတွက် ကလည်း အရမ်းနည်းတယ်။ အမှန်ဆို တအိမ်တယောက် ဆိုလည်း အားလုံးထုတ်ပြီး ရောင်းလိုက် အဲဒါရှင်းတယ်။ " သူမ၏ အမြင်ကိုပြောသည်။

၎င်း ၁,၅၀၀ တန် ဆင်းကဒ် ဝယ်ယူပြီးသည့် ၁၅ ရက်အတွင်း အနည်းဆုံး ကျပ် ၅,၀၀၀ ငွေပြည့်သွင်းရန် လိုအပ်မည်
ဖြစ်ကာ အကယ်၍ မဖြည့်သွင်းနိုင်ပါက ဖုန်းကဒ်သည် အလိုအလျောက် ပိတ်သိမ်းသွားမည်ဖြစ်ကြောင်း  ဧပြီလ ၃ ရက်နေ့က နိုင်ငံပိုင် ရုပ်သံသတင်းတွင် ကြေညာခဲ့သည်။

တနိုင်ငံလုံး အတိုင်းအတာဖြင့် ဖုန်းဆင်းကဒ်များကို တလလျှင် သုံးသိန်းခွဲ ရောင်းချပေးမည်ဖြစ်ပြီး ရန်ကုန်တိုင်း
ဒေသကြီးတွင် ဆင်းကဒ် တသိန်း နှစ်သောင်းခန့် ရောင်းချပေးသွားမည်ဟု အစိုးရအဖွဲ့၏ သတင်းထုတ်ပြန်ချက်အရ သိရသည်။ ရပ်ကွက်နှင့် မြို့နယ်အပေါ်မူတည်၍ ရောင်းချမည့် ဆင်းကဒ် အရေအတွက် အနည်းအများကွာခြားသည်။

ကျပ် ၁၅၀၀ တန်ဖုန်းများအတွက် သီးသန့်ငွေဖြည့်ကဒ် ရောင်းချပေးမည်

မြန်မာ့ဆက်သွယ်ရေးမှ ရောင်းချပေးတော့မည့် တန်ဖိုးနည်း ကျပ် ၁၅၀၀တန်ဖုန်းများ ၀ယ်ယူအသုံးပြုသူ များအတွက် ငွေဖြည့်ကဒ်များကို သီးသန့်ရောင်းချပေးမည်ဖြစ်ကြောင်း မြန်မာ့ဆက်သွယ်ရေးလုပ်ငန်းမှ သိရှိရသည်။

 

"ဒီငွေဖြည့်ကတ်ကို  သီးသန့်ရောင်းချပေးတဲ့ ဆိုင်တွေမှာပဲ ၀ယ်လို့ရမယ်"ဟု မြန်မာ့ဆက်သွယ်ရေး လုပ်ငန်းမှ မိုဘိုင်းအင်ဂျင်နီယာချုပ်တစ်ဦးကပြောသည်။

 

ဧပြီ ၂၄ ရက်တွင် မြန်မာ့ဆက်သွယ်ရေးလုပ်ငန်းမှ စတင်ရောင်းချပေးတော့မည် ကျပ် ၁၅၀၀ တန် CDMA-800 MHz  တန်ဖိုးနည်းဖုန်းများ ငွေဖြည့်ကတ်ထည့်သွင်းအသုံးပြုရာတွင် MECTel စာတန်းပါ ငွေဖြည့်ကတ်ကိုသာ ထည့်သွင်းအသုံးပြုရမည်ဖြစ်ကြောင်း သိရှိရသည်။

 

၁၅၀၀ ဖုန်းများသည် ယခင်ဖုန်းများကဲ့သို့ မည်သည့် ငွေဖြည့်ကတ်မဆိုထည့်သွင်းအသုံးပြုနိုင်ခြင်း မရှိဘဲ သတ်မှတ်ထားသည့် ငွေဖြည့်ကတ်ကိုသာ ထည့်သွင်းအသုံးပြုရမည်ဖြစ်ကြောင်းသိရှိရသည်။

 

"ဒီလိုတော့ မကောင်းပါဘူး အသုံးပြုသူတွေအတွက် အခက်တွေ့မှာပေါ့၊ ၀ယ်လို့မရတဲ့ နေရာရောက်နေတဲ့သူဆိုရင် ဘယ်လို လုပ်မှာလဲ"ဟုလည်းတန်းတွင်ငွေဖြည့်ကတ်ရောင်းချပေးနေသူ ကိုထိန်ကပြောသည်။

 

အဆိုပါတန်ဖိုးနည်းဖုန်းအသုးံပြုသူများအတွက် ငွေဖြည့်ကတ်ဝယ်ယူရရှိနိုင်သောဆိုင်များမှာ TMHC-ZK  ကမာရွတ်မြို့နယ်၊ MTS စမ်းချောင်မြို့နယ်၊ Best One လသာမြို့နယ်၊ Mobile လသာမြို့နယ၊် MTC မင်္ဂလာတောင်ညွန့်မြို့နယ်၊ 09 မရန်ကုန်းမြို့နယ် ၊လူကြီးမင်း သင်္ဃန်းကျွန်းမြို့နယ၊် Mobile King တာမွေမြို့နယ၊် Mobile Bank ကြည့်မြင်တိုင်မြို့နယ် ၊ISN Netအင်းစိန်ုမြို့နယ်၊ Missed-Call ဒေါပုံမြို့နယ်တို့တွင် သာ ရောင်းချပေးမည်ဖြစ်ကြောင်း သိရသည်။

 

လက်ရှိအချိန်တွင် ၄င်းငွေဖြည့်ကတ်များအား ရန်ကုန်မြို့တွင်  ၁၂ ဆိုင်သာဝယ်ယူအသုံးပြု   ငွေဖြည့်နိုင်မည်ဖြစ်ကြောင်း သိရ သည်။

 

"ကျွန်တော်တို့အတွက်တော့ လုံးဝအခက်အခဲပ၊ဲ အရင်ဖုန်းတွေဆိုရင် ငွေကုန်တာနဲ့ ငွေဖြည့်ကတ်ရောင်းတဲ့ ဆိုင် ဘယ်ဆိုင်မဆို ၀ယ်လို့ရတယ်။ ၁၅၀၀ တန်ဖုန်းကို ခုလိုကန့်သတ်လိုက်တော့ ကျွန်မဆိုရင် မ၀ယ်တော့ဘူးလို့ စဉ်းစားလိုက်တယ်"ဟု လက်ကိုင်ဖုန်းရောင်းချနေသူ ဒေါ်ခင်ဌေးက ပြောသည်။

 

၁၅၀၀ တန်ဖုန်းများကို သက်ဆိုင်ရာတိုင်းဒေသကြီးအသီးသီးရှိ ရပ်ကွက်အုပ်ချုပ်ရေးမှူးရုံးများတွင် ရောင်းချမည်ဖြစ်ပြီး လာရောက် လျှောက်ထားမှုနည်းပါးလျက်ရှိကြောင်း လှည်းတန်း (၇) လမ်းရှိအုပ်ချုပ်ရေးမှူးရုံးမှ သိရှိရသည်။

 

အဆိုပါ လျှောက်ထားမှုများကို ဧပြီလ ၂၂ရက်နေ့ ည ၁၀ နာရီ နောက်ဆုံးထားကာ သက်ဆိုင်ရာ မြို့နယ်နှင့်ရပ်ကွက်အုပ်ချုပ်ရေးမှူးရုံးများတွင် လျှောက်ထားနိုင်ကြောင်းသိရှိရသည်။

 

ငွေကျပ် ၁၅၀၀ တန် တန်ဖိုးနည်း စီဒီအမ်အေ ဆင်းမ်ကတ်များအား အမည်စာရင်းပေးသွင်းထားသူများကို မဲဖောက်ကာ မဲပေါက်သူကိုသာ ရောင်းချပေးသွားမည်ဖြစ်သည်။

 

ဆင်းမ်ကတ်များကို ဧပြီလ ၂၄ ရက်နေ့ ညနေပိုင်းတွင် လိုင်းဖွင့်ပေးသွားမည်ဖြစ်ကြောင်း မြန်မာ့ဆက်သွယ်ရေး လုပ်ငန်းမှ သိရသည်။

 

EU ဆုံးဖြတ်မည့်နေ့ BBC သတင်း နဲ့ Human Rights Watch အစီရင်ခံစာ အချိန်ကိုက်ထွက်လာသလား

ယနေ့ ဧပြီလ (၂၂) ရက်နေ့၊ ဥရောပသမဂ္ဂမှ မြန်မာနိုင်ငံအပေါ် စီးပွားရေးပိတ်ဆို့မှု (Sanction)နှင့်ပတ်သက်သော အရေးကြီး ဆုံးဖြတ်ချက် ချမည့်နေ့တွင် နိုင်ငံတကာရုပ်သံလိုင်းတစ်ခုဖြစ်သည့် ဘီဘီစီသတင်းဋ္ဌာနက မိထ္ထီလာတွင် မတ်လ ၂၀ ရက်ဝန်းကျင်က  ဖြစ်ပွားခဲ့သည့် ဗမာ-မွတ်ဆလင်ပဋိပက္ခ ကိစ္စရပ်များကို နေ့တွင် ထုတ်လွှင့်ပြသနေခြင်းက မြန်မာပြည်ကို ထိခိုက်စေနိုင်ကြောင်း ဝေဖန်သုံးသပ်မှုများ ထွက်ပေါ်လျက်ရှိသည်။

 

ထို့ပြင် ဧပြီလ ၂၂ ရက်နေ့၊ ဥရောပသမဂ္ဂမှ အစည်းအဝေးပြုလုပ်၍ မြန်မာနိုင်ငံအပေါ် စီးပွားရေး ပိတ်ဆို့မှုများကို ပြန်လည်ရုပ်သိမ်းပေးရန် အဆုံးအဖြတ်ပေးမည့်နေ့တွင် Human Rights Watch မှလည်း ရခိုင်ပြည်နယ်အတွင်း ဖြစ်ပွားခဲ့သည့် ပဋိပက္ခများနှင့် ပတ်သက်သည့် အစီရင်ခံစာထွက်ရှိခဲ့သည်။

 

 "တိုက်တိုက်ဆိုင်ဆိုင် ဥရောပသမဂ္ဂကနေ မြန်မာနိုင်ငံကို စီပွားရေးပိတ်ဆို့မှုတွေ ရုပ်သိမ်းဖို့ကို ပြန်လည် သုံးသပ်မယ့်နေ့မှာ ဘီဘီစီကနေ အခုလို မိထ္ထီလာဖြစ်ပွားမှုကို ထပ်ကာတလဲလဲ လွှင့်နေတာတွေ၊ Human Rights Watch က ရခိုင်ပြည်နယ်မှာ ဖြစ်ပွားခဲ့တဲ့ပဋိပက္ခများနဲ့ ပတ်သက်တဲ့အစီရင်ခံစာကို ဒီနေ့မှာ ထုတ်ပြန်ခဲ့တာတွေ က ပိတ်ဆို့မှုတွေရုပ်သိမ်းဖို့ကို ထိခိုက်အောင်လုပ်နေတယ်လို့ ထင်တယ်။ တစ်ခုခုအပေး အယူလုပ်ချင်လို့ ဒီလို အချိန်ကိုက်လုပ်နေတယ်လို့ မြင်တယ်။" တရားလွှတ်တော်ရှေ့နေ ဦးဌေးဦး(စိန်ပေါ) ကသုံးသပ်သည်။

 

ခုလို ဘီဘီစီသတင်းနှင့် Human Rights Watch က ရခိုင်ပြည်နယ်မှာ ဖြစ်ပွားခဲ့တဲ့ပဋိပက္ခများနဲ့ ပတ်သက်တဲ့အစီရင်ခံစာထွက်ပေါ်လာခြင်းကလည်း မြန်မာပြည်အပေါ်  ထိခိုက်စေနိုင်ကြောင်း တရားလွှတ်တော် ရှေ့နေ ဦးဌေးဦး(စိန်ပေါ) ကသုံးသပ်ပြောဆိုသည်။

 

 "တကယ်တမ်းကျတော့ ရခိုင်တို့ မိထ္ထီလာတို့မှာ ဖြစ်ပွားခဲ့တဲ့ကိစ္စတွေက မြန်မာနိုင်ငံရဲ့ပုံရိပ်နဲ့ လုံးဝမဆိုင်ဘူးလို့ ထင်တယ်။ ဒါပေမယ့် OIC ကတော့ မဆိုင်ဆိုင်အောင်လုပ်နေတယ်လို့ ထင်တယ်။ မဆိုင်ဆိုင်အောင်လုပ်ပြီး ဒါကို ပုံကြီးချဲ့ပြီးတော့ သူတို့ ဘာသာဝင်တွေ ဒီနိုင်ငံမှာ အထူးအခွင့်အရေးတွေရအောင် သူတို့ ကြိုးစားနေတယ် လို့မြင်တယ်။" ဟု တရားလွှတ်တော်ရှေ့နေ ဦးဌေးဦး(စိန်ပေါ)က ပြောသည်။

 

ရခိုင်ပြည်နယ်တွင်ဖြစ်ပွားခဲ့သော ပဋိပက္ခများနှင့်ပတ်သက်၍ စုံစမ်းရေးကော်မရှင်တစ်ရပ်ကို  ပညာရှင်များ၊ လူမှုအသိုင်းအဝိုင်းနှစ်ခုလုံးမှ လေးစားရသောပုဂ္ဂိုလ်များဖြင့် နိုင်ငံတော်သမ္မတက ဖွဲ့စည်းပေးခဲ့ကာ ၄င်းအဖွဲ့မှ တွေ့ရှိချက်များ၊ အကြံပြုချက်များ နှင့် အစီရင်ခံစာအပေါ်မူတည်၍ အလေးထားအကောင်အထည် ဖော်သွားဖြစ်ကြောင်း   နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က ၄င်း၏ လူမှုကွန်ယက်ဝက်ဆိုဒ်တွင် ဖော်ပြထားသည်။

 

"Human Rights Watch ရဲ့အစီရင်ခံစာဟာ တစ်ဘက်သတ်ရရှိတဲ့ သတင်းများကိုသာ အခြေခံရေး သားထားတာ ဖြစ်တဲ့အပြင် အစီရင်ခံစာမှာပါတဲ့ စကားလုံးအသုံးအနှုန်းများဟာလည်း လက်ခံနိုင်ဖွယ် မရှိပါဘူး။ နိုင်ငံတော်အနေနဲ့ ဒီလိုတစ်ဘက် သတ်ရေးသားတဲ့ အစီရင်ခံစာအပေါ် အလေးထားမှာ မဟုတ်ဘဲ တရားဝင် ဖွဲ့စည်းထားတဲ့ စုံစမ်းရေးကော်မရှင်ရဲ့ တွေ့ရှိချက်များ၊ အကြံပြုချက်များအပေါ်မှာပဲ အလေးထား အကောင်အထည် ဖော်သွားမှာ ဖြစ်ပါတယ်။ ဒါ့အပြင် မြန်မာနိုင်ငံအပေါ် အရေးယူပိတ်ဆို့ထားမှုများကို ပြန်လည်သုံးသပ်မယ့် ဥရောပသမဂ္ဂရဲ့ အစည်းအဝေး နဲ့ ချိန်ကိုက်ပြီး ထုတ်ပြန်ခဲ့တဲ့ Human Rights Watch ရဲ့ လုပ်ဆောင်ချက်ဟာလည်း မေးခွန်းထုတ်စရာ ဖြစ်နေပါတယ်။" ဟု ဦးရဲထွဋ်က  facebook တွင် ရေးသားထားခြင်းဖြစ်သည်။

 

ယခုလို တိုက်ဆိုင်နေရခြင်းမှာ ရည်ရွယ်ချက်ရှိရှိ ပြုလုပ်နေခြင်းဖြစ်နိုင်ကြောင်း၊ သို့သော် သမ္မတကြီး ဦးသိန်းစိန်နှင့် ဒေါ်အောင်ဆန်းစုကြည်တို့၏ သဘောထားပေါ်တွင်သာ မှုတည်နေသောကြောင့် စီးပွားရေးပိတ့်ဆို့မှုကိုရုပ်သိမ်းပေးမည့် ကိစ္စပေါ်တွင် အကျိုးသက်ရောက်မှု မရှိနိုင်ကြောင်း ပြည်သူတစ်ဦးကလည်း သုံးသပ်ပြောဆိုသည်။

 

"ဘီဘီစီရုပ်သံကနေ  အဲ့ဒီလို မိတ္ထီလာအရေးအခင်းကိစ္စကို လွှင့်နေတာက ရည်ရွယ်ချက်ရှိရှိ လုပ်တာတော့လုပ်တာပဲ။ ဒါပေမယ့် ဆန်ရှင်ရုပ်သိမ်းပေးဖို့ကိုတော့ မထိခိုက်နိုင်ဘူး။ ဘာကြောင့်လည်းဆိုတော့ ဦးသိန်းစိန်နဲ့ အန်တီတို့ရဲ့ သဘောထားကလည်း ရုပ်သိမ်းပေးစေချင်နေတယ် အဲ့ဒီအပေါ်မှာ မှုတည်နေတာရယ် သူတို့ကိုနိုင်ငံတကာကလည်း အသိအမှတ်ပြုတာရယ်ကြောင့်ပါ။" ဟု ပြည်သူတစ်ဦးဖြစ်သူ ကိုချိုကြီးက သုံးသပ်သည်။

 

စုံစမ်းစစ်ဆေးရေးကော်မရှင်အဖွဲ့သည် ရခိုင်ပြည်နယ်အတွင်း ပဋိပက္ခများနှင့် ပတ်သက်၍ အပြီးသတ် အစီရင်ခံစာကို ဧပြီလ၂၃ ရက် နေ့တွင် နိုင်ငံတော်သမ္မတထံသို့ စာတင်မည်ဖြစ်ကြောင်း ကော်မရှင်အဖွဲ့ဝင်ထံမှ သိရှိရသည်။

 

ရွေးကောက်ပွဲကော်မရှင်နှင့် နိုင်ငံရေးပါတီများတွေ့ဆုံပြီး ရွေးကောက်ပွဲအတွက်ဆွေးနွေးမည်

ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေး ၊ EUမှ  Roundtable ၊ အရပ်ဘက်လူမှု အဖွဲ့အစည်းများ နှင့်   နိုင်ငံရေးပါတီအချို့ ဧပြီလ(၂၆)ရက်နေ့တွင် နေပြည်တော်၌ တွေ့ဆုံကာ ၂၀၁၅ ရွေးကောက်ပွဲအတွက် အချက်(၅)ချက်ကို ဆွေးနွေးကြမည်ဖြစ်ကြောင်း သိရှိရသည်။

 

အဆိုပါ အချက်(၅)ချက်မှာ မဲဆန္ဒရှင်များ မှတ်ပုံတင်ရေး ၊ မဲဆန္ဒရှင်များကို ပညာပေးရေး ၊ နိုင်ငံရေးပါတီများကို ငွေကြေးထောက်ပံ့ရေး ၊ အရပ်ဘက်လူမှုအဖွဲ့အစည်းများ၏ အခန်းကဏ္ဍ နှင့် နိုင်ငံရေးပါတီတွေ စောင့်ထိန်းရမည့် ကျင့်ဝတ်များကို ဆွေးနွေးကြမည်ဖြစ်ကြောင်း ဗေဒါအခမဲ့စာသင်ကျောင်း တည်ထောင်သူ မျိုးရန်နောင်သိန်းက ဆိုသည်။

 

"အီးယူကလုပ်တာပါ သူဦးဆောင်ပြီး အရပ်ဖက်လူမှုအဖွဲ့အစည်း (၈)ခုရယ် ၊ နိုင်ငံရေးပါတီအချို့ရယ်ပေါ့ နေပြည်တော်မှာ   တွေ့မယ် တွေ့ပြီး မဲဆန္ဒရှင်တွေကို ပညာပေးရေး ကိစ္စတွေ ၊ နိုင်ငံရေးပါတီတွေကို ငွေကြေးထောက်ပံ့ပေးရေး အဲ့ဒါတွေကို ဆွေးနွေးကြမယ် ၊ ၈၈မျိုးဆက်ကျောင်းသားအဖွဲ့လည်းပါတယ် ၊ ကရင်အမျိုးသမီးဖွံ့ဖြိုးတိုးတက်ရေးအဖွဲ့လည်း ပါမယ်"  ဟု ကိုမျိုးရန်နောင်သိန်းက ပြောသည်။

 

၂၀၁၀ ရွေးကောက်ပွဲ နှင့် ၂၀၁၂ခုနှစ်တွင် ကျင်းပခဲ့သည့် ကြားဖြတ်ရွေးကောက်ပွဲများ မကျင်းပမီကာလတွင် ကြိုတင်ပြင်ဆင်ခြင်းများ ၊ အရပ်ဖက်အဖွဲ့အစည်းများနှင့် ပူးပေါင်းဆောင်ရွက်ရန် ဆွေးနွေးခြင်းမျိုးမရှိခဲ့ခြင်းကြောင့် လာမည့် ၂၀၁၅ ရွေးကောက်ပွဲသည် တရားမျှတနိုင်သည်ဟု ၄င်းက သုံးသပ်ပြောဆိုသည်။

 

ရွေးကောက်ပွဲကော်မရှင်၏ ပြင်ဆင်ချက်ဆွေးနွေးပွဲများအရ ၂၀၁၅ ရွေးကောက်ပွဲသည် ယမန်နှစ်များတွင် ကျင်းပခဲ့သည့် ရွေးကောက်ပွဲများထက် ပို၍ လွတ်လပ်ပြီးတရားမျှတနိုင်သည်ဟု ကရင်အမျိုးသမီးဖွံ့ဖြိုးတိုးတက်ရေးအဖွဲ့ ဥက္ကဌ ဒေါ်စူစန်နာလှလှစိုးက ဆိုသည်။

 

" ၂၀၁၀ ရွေးကောက်ပွဲတုန်းက အားမရဘူး ၊ ၂၀၁၂ ကြားဖြတ်ရွေးကောက်ပွဲကတော့ မဆိုးပါဘူး ၊ ဒါပေမယ့် အခု ၂၀၁၅ ရွေးကောက်ပွဲကတော့ ပိုပြီးလွတ်လပ်ပြီးတရားမျှတမယ်ထင်တယ် ဘာလို့လဲဆိုတော့ အခု အရပ်ဖက်အဖွဲ့အစည်းတွေလည်း များလာပြီ အစိုးရပိုင်းကလဲခေါ်ပြီး ပြင်ဆင်မှုတွေ လုပ်နေပြီ" ဟု ကရင်အမျိုးသမီးဖွံ့ဖြိုးတိုးတက်ရေးအဖွဲ့ ဥက္ကဌ ဒေါ်စူစန်နာလှလှစိုးက ပြောသည်။

 

ပြည်ထောင်စု ရွေးကောက်ပွဲကော်မရှင်မှလည်း လာမည့် ၂၀၁၅ ရွေးကောက်ပွဲကျင်းပရေးအတွက် မဲလိမ်မှုများ မဖြစ်ပေါ်ရေး ၊ ပဋိပက္ခမဖြစ်အောင် ပြုပြင်ရေး နှင့် အစိုးရမှ အရပ်ဖက်အဖွဲ့အစည်းများ နိုင်ငံရေးပါတီများနှင့် စုစည်းပြီး ပူးပေါင်းလုပ်ဆောင်သင့်သည်ဟု ၄င်းက အကြံပြုပြောဆိုသည်။

 

နိုင်ငံရေးပါတီအချို့မှလည်း လာမည့် ၂၀၁၅ ရွေးကောက်ပွဲတွင် ၀င်ရောက်ယှဉ်ပြိုင်ရန်အတွက် ကြိုတင်ပြင်ဆင်မှုများ ပြုလုပ်နေပြီး တိုင်းရင်းသားပါတီအချို့မှလည်း ကိုယ်တိုင် ရွေးကောက်တင်မြှောက်သည့် အစိုးရတစ်ရပ် ပေါ်ထွက်လာရေးအတွက် အစီအစဉ်ဆွဲ ဆွေးနွေး ဆောင်ရွက်ခြင်းများ ပြုလုပ်လျက်ရှိကြောင်း တိုင်းရင်းသားပါတီအချို့ထံက သိရှိရသည်။

 

ရှမ်းမြောက်ပိုင်း KIA နှင့် အစိုးရ ၃ နာရီကြာတိုက်ပွဲဖြစ်

ရှမ်းပြည်နယ်မြောက်ပိုင်း ကချင်လွတ်မြောက်ရေးတပ်ဖွဲ့ (KIA) တပ်ရင်း ၁၇ နယ်မြေတွင် အစိုးရနှင့် KIA တပ်ဖွဲ့ကြား  ၃ နာရီခွဲကြာ တိုက်ပွဲဖြစ်ပွားခဲ့ကြောင်း သိရသည်။

အစိုးရတပ် ခလရ ၁၄၅ စစ်ကြောင်းက KIA ၏ တပ်ရင်း ၁၇ နယ်မြေ မနောင်ဘွမ် (Manau Bum) ဘက်လှုပ်ရှား လာသောကြောင့် နှစ်ဘက်ရင်ဆိုင် တိုက်ပွဲဖြစ်ပွားခဲ့ခြင်းဖြစ်ကြောင်း တပ်မဟာ ၄ အရာရှိ တစ်ဦးကပြောသည်။

"ကျနော်တို့နေတဲ့နေရာမှာ အစိုးရတွေလာခဲ့တာလေ။ ကျနော်တို့ရှိတဲ့နေရာမှာလာခဲ့တော့ ကျနော်တို့ပစ်လိုက် တာပေါ့။ ကျနော်တို့ဘက်က ဘာမှမဖြစ်ဘူး။ သူတို့ဘက်က အရမ်းနာသွားတာထင်တယ်။ သူတို့ဒဏ်ရာရတဲ့ လူတွေကို အမြန်လာသယ်ယူဆိုပြီး သူတို့တိုင်းဌာနကို အကြောင်းကြားနေ တာကြားတယ်။ ဒီမနက်တော့ အချင်းချင်းပြန်စောင့်နေကြတယ်" ဟု KNG ကချင်သတင်းဌာန သို့ပြောသည်။

၎င်းအစိုးရတပ်ဖွဲ့များသည် ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီနှင့် ကချင်လွတ်မြောက် ရေးအဖွဲ့ (KIO) ကြား နိုင်ငံရေးတွေ့ဆုံဆွေးနွေးမှုပြုလုပ်နေစဉ်အတွင်း တပ်မဟာ ၄ လက်အောက် တပ်ရင်း ၃၄ နယ်မြေ သို့ နေရာယူလာခြင်းဖြစ်ပြီး ယခုချိန် ၃ နေရာတွင် အစိုးရတပ်စခန်းချထားလိုက်ပြီ ဖြစ်ကြောင်း အထက်ပါအရာရှိကပြောသည်။

"သူတို့စခန်းပြန်ချတာတွေက မန်တုန် (Mandong) အောက် ဟူတုန်းမှာ စခန်းတစ်ခု၊ ခွန်ခါးမှာတစ်ခု ပြီးတော့ ဟူမုန်းဆိုတဲ့နေရာမှာ စခန်းတစ်ခုချထားပြီ။ ဆွေးနွေးပွဲလုပ်နေတဲ့အချိန်မှာ သူတို့က နေရာတိုင်းမှာ နေရာယူ စခန်းချလာတဲ့သဘောပဲ"

ဧပြီ ၁၉ ရက် ၂၀၁၃ ယနေ့ ၁၁ နာရီဝန်းကျင်ကလည်း လားရှိုးဘက်မှ မူစယ် ၁၀၅ မိုင်ဘက်သို့ စစ်သည်များ၊ မြင်း နှင့် လားများပါတင်ဆောင်သော ကား ၁၀ စီး က ထပ်ရောက်လာကြောင်း သိရသည်။

၎င်းသည် အစိုးရတပ်ဖက်မှ  လူအလဲအလှယ်လုပ်ခြင်းမဟုတ်ပဲ အင်အားတိုးချလာခြင်းသာဖြစ်သည်ဟု KIA အရာရှိကပြောသည်။

"ခုနကပဲ စစ်သားတွေတင်ထားတဲ့ စစ်ကား ၁၀ စီး ၁၀၅ မိုင်ကိုဝင်လာတယ်လို့ သတင်းရောက်တယ်။ အဲဒီကနေ ကချင်ပြည်နယ်ဘက်ကိုသွားမလား။ မဟုတ်ရင် မုန်ဂိုဘက်ကို ထိုးစစ်ဆင်မလား အဲဒါက ကောင်းကောင်းမသိဘူး။ သူတို့က လူအပြောင်းအလဲ လုပ်သလားဆိုရင်လဲ မဟုတ်ပြန်ဘူး။ လာတိုးချထားတာ။ မြင်းတွေပါတယ်ဆိုတော့ တောင်ပေါ်တွေမှာ ၀င်ဖို့စီစဉ်တာပေါ့"

ရှမ်းပြည်မြောက်ပိုင်း တပ်မဟာ ၄ နယ်မြေတွင် သင်္ကြန်ရက်ကာလအတွင်း တိုက်ပွဲများ ငြိမ်သက်နေသော်လည်း သင်္ကြန်အပြီး ယမန်နေ့မှ တိုက်ပွဲ ပြန်လည်ဖြစ်ပွားလာခြင်းဖြစ်သည်။

အစိုးရနှင့် KIO ကြား မတ်လ ရွှေလီဆွေးနွေးပွဲတွင် ဧပြီလ ၁၀ ရက်နေ့မတိုင်မီ ပြန်လည်တွေ့ဆုံရန်သဘောတူထား မှု ပျက်ပြားပြီးနောက် သင်္ကြန်နောက်ပိုင်းတွေ့ဆုံရန် ပြောဆိုမှုရှိနေသော်လည်း သေချာမှုမရှိသေးကြောင်း KIO အရာရှိများကပြောသည်။

 

မြစ်ကြီးနား မလိယန်စခန်း ဒုက္ခသည်များစားဝတ်နေရေးအခက်ကြုံနေဆဲ

ကချင်ပြည်နယ် မြစ်ကြီးနားမြို့နယ် ဇီးလွန်ကျေးရွာ မလီယန် (Mali Yang) ကချင်နှစ်ခြင်းခရစ်ယာန်အသင်း တော်တွင် ခိုလှုံနေသော  ဒုက္ခသည်စခန်းတွင် နေ့စဉ်စားရေးသောက်ရေးအတွက်အခက်အခဲကြုံနေရဆဲဖြစ် ကြောင်း သိရသည်။

ကချင်နှစ်ခြင်းခရစ်ယာန်အဖွဲ့ချုပ် (KBC) အသင်းတော်များမှ ဟင်းဖိုးများ ထောက်ပံ့ပေးနေသော်လည်း ဒုက္ခသည်များ ချက်ပြုတ်စားသောက်ရန် ထင်းများဝယ်ယူဖို့ခက်ခဲနေသည်ဟု မလိယန်ဒုက္ခသည်စခန်းမှ သိရသည်။

"ကျနော်တို့က အုပ်စုလိုက် အုပ်စု လိုက် အဖွဲ့ ၄ ဖွဲ့ထားပြီးတော့ စုပေါင်းပြီးချက်စားတယ်။ အဖွဲ့တစ်ဖွဲ့က အချိန်တစ်ပါတ်စီချက်တယ်။ ကျနော်တို့အသင်းတော်က အသင်းတော်အသစ်ဆိုတော့ ဘတ်ဂျတ်လဲမရှိ တော့ခက်တာပေါ့နော်" ဟု ဒုက္ခသည်စခန်းကိုကြည့်ရှုနေသူ တာဝန်ရှိသူတစ်ဦးပြောသည်။

ဘူးဂါး (Buga) ကုမ္ပဏီမှ ဖြန့်ဝေပေးနေသည့်မီးသည်လည်း အချိန်မှန်မရခြင်းနှင့် အားမရှိသောကြောင့် ချက်ပြုတ်ရန် အခက်ခဲရင်ဆိုင်နေရသကဲ့သို့ ရေသုံးရန်လည်း မီးစက်မရှိသောကြောင့် အရာရာခက်ခဲနေသည် ဟု ပြောသည်။

မလိယန် (Mali Yang) နှစ်ခြင်းအသင်းတော် ဒုက္ခသည်စခန်းတွင် World Concern မှပြုလုပ်ပေးသည့် ရေတွင်းတခုရှိသော်လည်း ရေတင်ဖို့ရန် မီးစက်မရှိသောကြောင့်လည်း နေ့စဉ် ခက်ခဲနေသည်ဟု ဆိုသည်။

"ကျနော်တို့ Camp မှာ မီးစက် ၁ ခုတော့ အလှူရှိတယ်။ ဒါမဲ့ အဲဒီစက်လည်းပျက်နေတော့ ခက်နေတယ်။ ၀ယ်ထားတဲ့ ရေမြုပ်မော်တာက အားကြီးတော့လေ။ ဘူးဂါး မီးကလည်း အားလုံးကိုင်တယ်ဆိုတော့ ညဘက်ဆိုပိုဆိုး အားက ၁၁၀၊ ၁၂၀ သာရှိတဲ့ကြောင့်ခက်တယ်" ဟု ဒုက္ခသည် စခန်းမှဆရာ တဦးက KNG ကချင်သတင်းဌာနသို့ပြောသည်။

ယခုချိန် ဒုက္ခသည်စခန်းတွင် အယောက် ၃၀၀ ကျော်ခိုလှုံနေပြီး ထမင်းချက်ရန် ရေးတွင်းမှလက်ဖြင့် ဆွဲယူနေရသကဲ့သို့ အိမ်သာလည်း ၆ လုံးသာရှိသောကြောင့် ထပ်ဖြည့်ရန် လိုအပ်နေသည်ဟု ဆိုသည်။

၎င်းဒုက္ခသည်စခန်းတွင် အစာအိမ်သွေးကြောပေါက်ပြီး မြစ်ကြီးနားဆေးရုံတွင် ဆေးကုသမှုခံယူနေသူ ၁ ဦးလည်းရှိသည်။

အဆိုပါစခန်းအတွက် ကုလသမဂ္ဂ စားနပ်ရိက္ခာအစီအစဉ် World Food Program (WFP) မှ အဓိက ဆန်နှင့်အစားအသောက်များ ကူညီပြီး KBC နှစ်ခြင်းခရစ်ယာန်အသင်းတော်များမှ ဟင်းဖိုးအတွက် ကူညီပေးနေသော်လည်း လုံလောက်မှုမရှိဖြစ်နေခြင်းဖြစ်သည်။

မြန်မာအစိုးနှင့် KIO စစ်ပွဲများ စတင်ဖြစ်ပွားလာချိန်မှ KIO ထိန်းချုပ်နယ်မြေ ဂါးရာယန် (Ga Ra Yang)၊ ဂျာပူ (Ja Pu)၊ ဒဘတ် (Dabak)၊ ပန်ဒေါင် (Pandawng)၊ အောင်ဂျာယန် (Awng Ja Yang) ကျေးရွာများမှ ဒေသခံများ အဆိုပါ မလိယန် (Mali Yang) နှစ်ခြင်းအသင်းတော် ဒုက္ခသည်စခန်းသို့ထွက်ပြေးတိမ်းရှောင် လာခြင်းဖြစ်သည်။

 

ဗိုလ်ချုပ်ဟောင်း သားများ လက်ချက်ဖြင့် လူငယ် နှစ်ဦး ဓားဒဏ်ရာရ

ရန်ကုန်မြို့ သမ္မတ ရုပ်ရှင်ရုံဘေးရှိ ၃၆၅ ကော်ဖီဆိုင် (ဓာတ်ပုံ – tripadvisor.co.uk)

စစ်တပ်အရာရှိကြီးဟောင်း တချို့၏သားများပါဝင်သည့် လူငယ်အုပ်စုတစုက ရန်ငြိုးရန်စမရှိဘဲ ဓားခုတ်မှုတခု ရန်ကုန်မြို့လယ်တွင် ဖြစ်ပွားခဲ့ကြောင်း သိရှိရသည်။

ရန်ကုန်မြို့နေ ဖုန်းမြင့်ဝင်း၊ မင်းသတ္တိ ဆိုသည့် လူငယ် ၂ ဦး ပါဝင်သော သူငယ်ချင်း ၅ ဦးသည် ဧပြီ ၁၁ ရက်က သင်္ကြန် မဏ္ဍပ် ဆောက်လုပ်နေရင်း သမ္မတ ရုပ်ရှင်ရုံဘေးရှိ ၃၆၅ ကော်ဖီဆိုင်သို့ ညဘက် သွားရောက်ရာတွင် ၀င်းထွေးလှိုင်၊ သန့်စင်လှိုင် ဟုခေါ်သော လူငယ် ၂ ဦး ပါဝင်သည့် လူငယ်အုပ်စုတစုက ဓား ၊ သံပိုက် စသည့် လက်နက်များဖြင့် ခိုက်ရန်ပြု ခြင်း ခံခဲ့ရသည်ဟု ဦးခေါင်းတွင် ဓားဒဏ်ရာများ ရခဲ့သည့် ဖုန်းမြင့်ဝင်း က ဧရာဝတီကို ပြောသည်။

မင်းသတ္တိ ၏ ဦးခေါင်းနှင့် ခန္ဓာကိုယ်တွင်လည်း ဓားဒဏ်ရာ ရရှိခဲ့ကြောင်း သိရသည်။

"ကျနော့်ကို ခုတ်တာ။ ခေါင်းမှာ ၂ ချက်ချုပ်ထားရတယ်။ အဲဒါ ဓားနဲ့ခုတ်တာ။ သံပိုက်နဲ့လည်း ရိုက်တယ်။ လုပ်တဲ့သူ တွေ က သန့်ဇင်လှိုင်၊ သူက ဗိုလ်ချုပ်မြင့်လှိုင်ရဲ့ သား၊ ၀င်းထေွးလှိုင်၊ သူက ဗိုလ်ချုပ် ၀င်းလှိုင်ရဲ့ သား။ သူတို့အဖွဲ့က ကင်ဒို ဓား နဲ့ ခုတ်တာ။ ကျနော်နဲ့က ရန်စလည်း မရှိဘူး၊ လုံးဝ မသိဘူး၊ မြင်လည်း မမြင်ဖူးဘူး"ဟု ဖုန်းမြင့်ဝင်းက ဧရာဝတီ ကို ပြောသည်။

သို့သော် ဖုန်းမြင့်ဝင်း၊ မင်းသတ္တိတို့ သူငယ်ချင်း အုပ်စုထဲမှ ဘိုလေးဆိုသူနှင့် ၀င်းထွေးလှိုင် တို့ အမှုဖြစ်နေသည်ဟုလည်း သူက ဆက်ပြောသည်။

ဝင်းထွေးလှိုင်သည် ဦးပိုင် လီမိတက် ညွှန်ကြားရေးမှူးချုပ်ဟောင်း ဗိုလ်ချုပ် ၀င်းလှိုင်၏ သားဖြစ်ပြီး သန့်စင်လှိုင်သည် လယ်/ဆည် ၀န်ကြီး ဒုတိယဗိုလ်ချုပ်ကြီးဟောင်း မြင့်လှိုင်၏သား ဖြစ်ကြောင်း ဖုန်းမြင့်ဝင်းက ပြောဆိုသည်။

ဓားဒဏ်ရာများ ရခဲ့သူ အသက် ၂၃ နှစ်ရှိ မင်းသတ္တိ ကလည်း ဦးခေါင်းဒဏ်ရာ ချုပ်ရိုး မဖြေရသေးကြောင်း၊ အခင်းဖြစ် သည့် ဧပြီလ ၁၁ ရက်နေ့ကတည်းက ဒဂုံမြို့နယ် ရဲစခန်းတွင် အမှုဖွင့်၍ ရဲတပ်ဖွဲ့ကို ဖြစ်ရပ်စုံ ပြောပြခဲ့ကြောင်း ဧရာဝတီ ကို ပြောသည်။

"ကျနော်က ခေါင်းမှာ ၅ ချက် ချုပ်လိုက်ရတယ်"ဟု သူက ပြောပြသည်။

အဆိုပါ ဖြစ်ရပ်နှင့်ပတ်သက်ပြီး ဓားဖြင့်အခုတ်ခံရသူတို့က အခင်းဖြစ်သည့်နေ့က ၎င်းတို့စခန်းတွင် အမှုဖွင့်လှစ်ခဲ့သည်မှာ မှန်ကန်ကြောင်း ဒဂုံရဲစခန်းမှ တယ်လီဖုန်း လက်ခံဖြေကြားသူ ရဲ ၀န်ထမ်း တဦးက အတည်ပြုပြောသည်။

အခင်းဖြစ်ပွားပြီးနောက် ၄င်းတို့အား ဓားဖြင့် ခုတ်သွားခဲ့သူ အုပ်စုထဲမှ တဦးကို ဖမ်းမိထားသည်ဟု ရဲစခန်းမှူးက မင်း သတ္တိအား ဖုန်းဆက် အကြောင်းကြားခဲ့ကြောင်း၊ သို့သော် ဖမ်းဆီးထားသူ မည်သူ ဆိုသည်ကို မသိရှိကြောင်း မင်းသတ္တိက ဧရာဝတီကို ပြောပြသည်။

ဖုန်းမြင့်ဝင်းက"လူတယောက်ကို ဘာရန်ငြိုးမှ မရှိဘဲ အသေလုပ်တာ။ လက်သီးနဲ့ ထိုးတယ်ဆိုလည်း ဖြေသိမ့်နိုင်တယ်။ အခုဟာက ဓားတွေနဲ့ရော၊ တုတ်တွေနဲ့ရော လုပ်တာ။ သူတို့က ရမ်းကားသလိုဖြစ်နေတယ်"ဟု ဆိုသည်။

ကိုယ်ထိလက်ရောက် ကျူးလွန်သူများဘက်က ယခုအထိ တောင်းပန်ခြင်း မရှိသကဲ့သို့ တောင်းပန်ခဲ့လျှင်လည်း တရား ဥပဒေအရသာ ဆောင်ရွက်သွားလိုကြောင်း သူက ဆက်ပြောသည်။

"အဓိက ကျနော်တို့ သွားချင်တဲ့ပုံစံကတော့ တရားဥပဒေ စိုးမိုးရေးပါပဲ။ တကယ်တမ်း တရားဥပဒေအရ အရေးယူပေး တာကိုပဲ ဖြစ်စေချင်တာပါ"ဟု ဖုန်းမြင့်ဝင်းက ဆိုသည်။

မြန်မာစစ်တပ် အရာရှိကြီးများနှင့် အငြိမ်းစား အရာရှိကြီးများ၏ သားသမီးတချို့သည် မိဘများ၏ အရှိန်အ၀ါကို အသုံးချ၍ အုပ်စုဖွဲ့ အနိုင်ကျင့်ရမ်းကားမှုများ ရန်ကုန်မြို့တွင် မကြာခဏ ဖြစ်ပွားကြောင်း၊ ည အချိန်မတော်တွင် လောင်းကြေးဖြင့် ကားပြိုင်မောင်းခြင်းနှင့် တာဝန်ကျ အစိုးရ၀န်ထမ်းများကိုပင် ရိုင်းပြစွာ အနိုင်ကျင့်မှုများ ပြုလုပ်မှုများလည်း ရှိကြောင်း ရန်ကုန်မြို့က လူငယ်များအကြေားတွင် ပြောဆိုနေကြသည်။

 

စေတီပုံပါ အထည်စ ရောင်းတာ သာသနာကို ညိုးနွမ်းစေသလား

ရန်ကုန် ဗိုလ်ချုပ်ဈေးထဲက အထည်ဆိုင် တဆိုင် (ဓာတ်ပုံ – indochinatravelplan.com)စေတီပုံ ရိုက်နှိပ်ထားသော ချည်ထည်များ လက်ဝယ်တွေ့ရှိသောကြောင့် ရန်ကုန် မြို့ ယုဇနပလာဇာရှိ အထည်ဆိုင် ပိုင်ရှင်ကို သာသနာကို ညိုးနွမ်းအောင် လုပ်ဆောင်မှု ပုဒ်မဖွင့်၍ အရေးယူထားရပြီး အထည်တင်သွင်းလာသည့် မော်လမြိုင်မြို့သို့လည်း စုံစမ်းစစ်ဆေးမှုများ ပြုလုပ်မည်ဟု မင်္ဂလာတောင်ညွှန့်မြို့နယ် ရဲတပ်ဖွဲ့က ပြောဆိုသည်။

သို့သော် ဧရာဝတီမှ စုံစမ်းသိရှိရသမျှ အမှုသွား အမှုလာများအရ အထည်ဆိုင်ပိုင်ရှင်ကို တရားစွဲဆိုနိုင်လောက်သည့် အထောက်အထားများ မတွေ့ရှိရဘဲ  ဆိုရှယ်မီဒီယာပေါ်တွင် လူပြောများနေသည့် စေတီပုံ ဒီဇိုင်းဆင်ထားသည်ဆိုသော အထည်စများသည် ထိုင်းနိုင်ငံတွင် ထုတ်လုပ် တင်သွင်းလာသောအစများ ဖြစ်ဖွယ်ရှိသည်။

၂၀၁၃ ခုနှစ် ဧပြီလ ၁၁ ရက်နေ့က ယုဇနပလာဇာ မျက်နှာစာတမ်းအနီးရှိ မေခလာ(သမီး) အထည်ဆိုင်တွင် ရောင်းချလျက်ရှိသော ပိတ်စအချို့တွင် စေတီပုံ ရိုက်နှိပ်ထားသော ချည်ထည် ၇ ထည်ကို သိမ်းဆည်းရမိခဲ့ကြောင်း မင်္ဂလာတောင်ညွှန့်မြို့နယ် ရဲတပ်ဖွဲ့ စခန်းမှူး ဦးသက်နိုင်က ဧရာဝတီသို့ ပြောသည်။ 'အစကတော့ ထမီစလည်း ချုပ်လို့ရတယ်။ အကျီစလည်း ချုပ်လို့ရတယ်။ ပါတိတ်ပေါ့။ ကျနော်တို့ ၇ ထည် မိထားတယ်"ဟု သူက ပြောသည်။

ချည်ထည်အစများတွင် စေတီပုံ ရိုက်နှိပ်ထားခြင်းကို ကာယကံရှင် ဆိုင်ရှင်များကိုယ်တိုင် မသိရှိဘဲ ရဲများဝင်ရောက် ရှာဖွေမှသာ သိရှိရသည်ဟု ထွက်ဆိုထားကြောင်း စခန်းမှူးက ရှင်းပြသည်။

ယခုကိစ္စကို တိုင်း ခရိုင် အဆင့်ဆင့်တင်ပြခဲ့ပြီး သင်္ကြန်ကာလ အလုပ်ရှုပ်နေသောကြောင့် အမှုမဖွင့်ဘဲထားခဲ့ရာ  ဘာသာရေး အဖွဲ့အစည်းတခုမှ အမှုဖွင့်ပေးရန် ဖိအားပေး တောင်းဆိုသောကြောင့် ဧပြီလ ၁၄ ရက်နေ့တွင် သာသနာကို ညိုးနွမ်းအောင် လုပ်ဆောင်မှု ပုဒ်မ  ၂၉၅ ဖြင့် ရဲစခန်းမှ တာဝန်မှူး ဒုရဲအုပ် မင်းမင်းအောင်က တရားလိုလုပ်၍ အမှုဖွင့်ထားကြောင်း၊ စခန်းမှူးကိုယ်တိုင်က အမှုစစ်အရာရှိ အဖြစ်ဆောင်ရွက်နေကြောင်းလည်း ရှင်းပြသည်။

အမှုစစ်ဆေးပေါ်ပေါက်ချက်အရ အထည်အလိပ်များမှ မော်လမြိုင်ဘက်မှ ၀င်ရောက်လာခြင်းဖြစ်ကြောင်း၊ ထိုကြောင့် မော်လမြိုင် အဆက်အသွယ်ကို လိုက်လံ ဖော်ထုတ်လျက် ရှိကြောင်း၊ မေခလာပိုင်ရှင်မှာ ဗုဒ္ဓဘာသာဖြစ်ပြီး ဘုရားတည် ကျောင်းဆောက်နေသူ ဖြစ်ကြောင်း၊ ဆိုင်အပေါ်ထပ်သို့ ၀င်ရောက်ရှာဖွေရာ ဘုရားစင်တစ်ခုကို တွေ့ရှိရကြောင်း၊ သက်သေခံပစ္စည်းကို သိမ်းဆည်းထားပြီး စေတီပုံမှာ ပြောင်းပြန်လှန်လိုက်မှသာ နောက်ကျောဘက်တွင် တွေ့ရှိရကြောင်း၊အထည်စတိုင်းတွင် တွေ့ရှိရခြင်း မဟုတ်ဘဲ အချို့အစများတွင်သာ တွေ့ရှိရကြောင်း ရဲအရာရှိ ဦးသက်နိုင်က ဧရာဝတီနှင့် တွေ့ဆုံရာတွင် ရှင်းပြသည်။

ထိုသို့ စေတီပုံပါရှိကြောင်း ရဲတပ်ဖွဲ့သို့ ဖမ်းဆီးရန် သတင်းပေးသူများမှာ သာကေတမြို့နယ် အမျိုးသားဒီမိုကရေစီအဖွဲ့ချုပ်မှ ဖြစ်သည်။ ဇာတ်လမ်းအစမှာ ဧပြီလ ၁၁ ရက်နေ့ သာကေတမြို့နယ် အမျိုးသားဒီမိုကရေစီအဖွဲ့ချုပ် ရန်ပြေ ၃ ရပ်ကွက် ဥက္ကဋ္ဌ ဒေါ်ဥမ္မာ ဆိုသူသည် မေခလာ(သမီး) အထည်ဆိုင်တွင် ထမီချုပ်ရန် ပိတ်စတစ်ခုဝယ်ယူခဲ့ရာ အထည်စတွင် စေတီပုံပါနေသောကြောင့် အံ့သြသွားခဲ့ကြောင်း၊ အတူပါရှိလာသူ အဖော်များကို ပြ၍ မိမိအား ဖုန်းဆက်အကြောင်းကြားသောကြောင့် သွားရောက်ကြည့်ရှုခဲ့ရာ ဟုတ်မှန်နေကြောင်း သာကေတမြို့နယ် အမျိုးသားဒီမိုကရေစီအဖွဲ့ချုပ် ပြန်ကြားရေးဌာနမှ ဦးလှမိုးက ဧရာဝတီသို့ပြောသည်။

"ကျနော်လည်း မြို့နယ်ကို သတင်းပို့ပြီး ရပ်ကွက်ရုံးကို သွားတယ်။ ရဲတွေခေါ်တယ်။ ပြီးရင် ၀င်ဖမ်းတယ်။ ရဲတွေ ၀င်ဖမ်းတော့ ဘာမှမရှိဘူး။ ပထမ ပြောထားတုန်းက လိုသလောက်ရတယ်လို့ ပြောထားတာ။ ကိုယ်တိုင်ဝယ်ခဲ့တဲ့ မဥမ္မာက ကြားတွေကြားတွေမှာ ညှပ်ညှပ်ထားတာတွေကို ဆွဲထုတ်ပြတယ်။ အဲဒီအခါကျမှ ထွက်လာတာ"ဟု  ဦးလှမိုးက ပြောသည်။

သို့သော် ဧပြီလ ၁၁ ရက်နေ့ ဖြစ်စဉ်ကို လုံးဝမသိရှိခဲ့ဘဲ ၁၂ ရက်နေ့တွင် မန္တလေးမြို့မှ အရှင်ဝီရသူက ဖုန်း massage ပို့၍ အကြောင်းကြားမှသာ သိရှိရသောကြောင့် ၁၃ ရက်နေ့တွင် သာကေတ NLD ရုံးသို့ သွားရောက် စုံစမ်း၍ ၁၄ ရက်နေ့တွင် မင်္ဂလာတောင်ညွှန့် မြို့နယ် ရဲတပ်ဖွဲ့ စခန်းသို့ သွားရောက်စုံစမ်းခဲ့ကြောင်း ထေရ၀ါဒ ဓမ္မကွန်ရက်မှ ဆရာတော် ဦးကေသရက မိန့်သည်။

" စခန်းသွားစုံစမ်းတော့ အမှုမဖွင့်ရသေးဘူး။ မြို့နယ်မှူး ဦးဝင်းအောင်နီက စေတီတွေဟာ ပိတ်စပေါ်မှာ လုပ်ထားတာ သဘောရိုးနဲ့ လုပ်တာပါလို့ ထပ်ခါတလဲလဲ ပြောတယ်။ အထည်အကုန်လုံးမပါဘဲနဲ့ ကွက်တိကွက်ကျား ဟိုတစ ဒီတစ ပါတဲ့အတွက်ကြောင့် မှားယွင်းစွာ ပါလာတာလို့ ပြောတယ်။ နောက်တခုက ဗုဒ္ဓဘာသာဝင်တွေပါတဲ့။အရင် အုပ်ချုပ်ရေးမှူးဟောင်းရဲ့ သမီးတွေတဲ့။ အထည်တွေမှာ စေတီပုံပါတာ ဘယ်သူနစ်နာသလဲတဲ့။ နစ်နာတဲ့သူ အမှုဖွင့်၊ တိုင်ပေါ့တဲ့။ အထည်တွေတောင်း ကြည့်တော့ မရှိတော့ဘူး။အထက်ကို တင်လိုက်ပြီတဲ့။ သက်သေခံ ပစ္စည်းကို ကျုပ်တို့ကို ထုတ်မပြဘူး။ မြို့နယ်မှူးက ပိတ်စ ပိတ်လိပ်လို့ အကြိမ်ကြိမ် သုံးတယ်။ ဒီ အစက ဗြောင်မဟုတ်တဲ့အတွက်ကြောင့် ဘယ်သူမှ လုံချည်ချုပ်မ၀တ်ဘူး။ ထမီပဲ ချုပ်ကြမှာ"ဟု ဦးကေသရက ဧရာဝတီသို့ မိန့်သည်။

ထိုသို့ မေးမြန်းစုံစမ်းမှသာ အမှုဖွင့်ပေးခဲ့ခြင်း ဖြစ်ကြောင်း ဦးကေသရက ဆိုသည်။

ဘာသာရေး ရှုထောင့်မှ ကြည့်ပါက ဘာသာ သာသနာအတွက် လွန်စွာ နစ်နာကြောင်း၊ ဘုရားစေတီသည် ဗုဒ္ဓသာသနာအတွက် အထွတ်အမြတ်ဖြစ်ကြောင်း၊ အမျိုးသမီးဝတ် လုံချည်ဖြစ်သော အင်္ဂါဝရ နေရာတွင် ရိုက်နှိပ်ထားခြင်းသည် ဗုဒ္ဓဘာသာကို မဖွယ်မရာလုပ်ဆောင်သည့် သဘော ဖြစ်နေကြောင်း ထေရ၀ါဒ ဓမ္မကွန်ရက်မှ ဦးနေမိန္ဒက မိန့်သည်။

"ဦးဇင်းတို့က တိုင်းရုံးကို စုံစမ်းမေးမြန်းမှ မြို့နယ်ရုံးမှာ ဖွင့်ပေးထားတယ်လို့ ပြောတယ်။ ဦးဇင်းတို့ ပြန်လာပြီး ညကျမှ ဖွင့်ပေးတာ။ ပြီးတော့ ဒီဆိုင်ကို အငြိုးထားတာ မဟုတ်ဘူး။ ဘယ်က လာလဲဆိုတဲ့ Source ကိုလည်း သိချင်တယ်"ဟု ဦးနေမိန္ဒက ဆိုသည်။

စေတီတော်ပုံ အထည်စများ ရောင်းချမိခြင်းကို လုံးဝမသိရှိခဲ့ကြောင်း မေခလာအထည်ဆိုင် ပိုင်ရှင် ဒေါ်မေခလာသိန်းက ဧရာဝတီသို့ ပြောသည်။

"ရှက်လည်း ရှက်တယ်။ စိတ်လည်းညစ်တယ်"ဟူ၍သာ  ဒေါ်မေခလာသိန်းက ကောက်ချက်ချ ပြောဆိုပြီး မိမိသည် ဗုဒ္ဓဘာသာဝင် စစ်စစ်တစ်ယောက် ဖြစ်ကြောင်း၊ နှစ်စဉ် ၀ါဆိုသင်္ကန်းကပ်ကြောင်း၊ ဆရာတော် သံဃာတော်များကို အပတ်စဉ် ဆွမ်းကပ်လျက်ရှိကြောင်း၊ မြန်မာတနိုင်ငံလုံးတွင် ဘုရားတည် ကျောင်းဆောက်လျက်ရှိကြောင်း အထောက်အထား ဓါတ်ပုံများစွာ ထုတ်ပြခဲ့သည်။

"အမေ ကိုယ်တိုင်လည်း လက်မခံဘူး။ ရအောင် ဖော်ထုတ်ပါ။ အမေတို့ ကိုယ်တိုင် ဘုရားတည်နေတာပါ" ဟု ဒေါ်မေခလာသိန်းက မျက်ရည်စက်လက်ဖြင့် ပြောသည်။

ပြဿနာ ဖြစ်ပေါ်လျက်ရှိသော အထည်စ ပိတ်စများမှာ ၂၀၁၁-၁၂ ခုနှစ်ထဲတွင် မော်လမြိုင်မြို့မှ တင်သွင်းခဲ့ပြီး ဂိုဒေါင်ထဲတွင် သိုလှောင်ထားခဲ့ရာမှ ဈေးကွက် အနေအထားအရ ယခုလတွင် ထုတ်၍ ရောင်းချခဲ့ခြင်း ဖြစ်ကြောင်း အမှုဖွင့်ခံထားရသူ မေခလာအထည်ဆိုင်မှ ကိုကျော်လှိုင်သိန်းက ပြောသည်။

"ဒီလို အချိန်မျိုးမှာ ကျနော် ဘယ်လိုလုပ်ပြီး ရောင်းရဲမှာလဲ။ တကယ် သိသိကြီးနဲ့ ရောင်းခဲ့ရင် အခုချိန်ထွက်ပြေးနေပြီ"ဟု ကိုကျော်လှိုင်သိန်းက ဆိုသည်။

အထည်အလိပ်ပေါ်ရှိ စေတီပုံများမှာ ထိုင်းနိုင်ငံ၏ Trade Mark တခုသာ ဖြစ်ကြောင်း၊ မြန်မာနိုင်ငံတွင် ၄င်းပုံစံစေတီ မရှိကြောင်း၊ မေခလာအထည်ဆိုင်မှ အထည်စများကို မသိရှိဘဲ ရောင်းချခဲ့ခြင်းသာ ဖြစ်ကြောင်း၊ မေခလာ မှာ ဗုဒ္ဓဘာသာဆိုင်ဖြစ်ကြောင်းကို အာမခံကြောင်း ရွှေဝါရောင် ကျောင်းတိုက်ဆရာတော် ဦးပဏ္ဍ၀ံသက ဧရာဝတီကို မိန့်သည်။

"ထိုင်းနိုင်ငံက အယုဒ္ဓယဘက်မှာ ပိတ်တွေမှာ ဒီလိုပုံတွေ ရိုက်နေကြ။ အခုကိစ္စက ဘာသာရေး အစွန်းရောက်သူတွေ ထွင်တဲ့ လမ်းကြောင်းပါ။ ရိုးသားမှု မရှိပါဘူး"ဟု ဦးပဏ္ဍ၀ံသက မိန့်သည်။

မေခလာ အထည်ဆိုင် ၃ ဆိုင်ရှိရာ ယင်းအထည်စများကို မေခလာ(သမီး)ဆိုင်၌သာ ရဲက ရှာဖွေတွေ့ရှိခြင်း ဖြစ်ကြောင်း သိရှိရပါသည်။

 

တရုတ်ငလျင် ၁၅၀ ကျော်သေဆုံး

တရုတ်ငလျင် ဒဏ်ရာရသူများကို ကယ်တင်နေစဉ်။ (ဧပြီလ ၂၀ ရက်၊ ၂၀၁၃)။

တရုတ်နိုင်ငံ အနောက်တောင်ပိုင်း ဇီချွမ်ပြည်နယ်မှာ စနေနေ့က ပြင်းထန်တဲ့ငလျင်လှုပ်သွားလို့ သေဆုံးသူအရေအတွက်က ၁၅၀ ကျော်သွားပြီဖြစ်ပြီး ဒဏ်ရာရသူအရေအတွက်ကတော့ ၃,၀၀၀ ကျော်သွားပြီဖြစ်ပါတယ်။ ငလျင်ဘေးသင့်သူတွေကို ကယ်တင်ဖို့ ထိခိုက်ဒဏ်ရာရမှုတွေကို လျော့နည်းအောင် လုပ်ဆောင်ဖို့အတွက် လိုအပ်တဲ့နည်းပေါင်းစုံ အသုံးပြုပါလို့ သမ္မတ ရှီကျင်းဖျင်က အမိန့်ထုတ်ထားကြောင်း တရုတ်အစိုးရရဲ့ Xinghua သတင်းဌာနက ဖော်ပြပါတယ်။
 
ငလျင်ပြင်းအားက ၇.၀ ရှိတယ်လို့ တရုတ်အရာရှိတွေက ကြေညာပြီးတော့ အမေရိကန် ဘူမိတိုင်းတာရေးဌာနကတော့ ပြင်းအား ၆.၆ ရှိတယ်လို့ ပြောပါတယ်။ ငလျင်က အနက် ၈ မိုင်ကို ဗဟိုပြုပြီးတော့ လှုပ်သွားတာဖြစ်ပါတယ်။
 
တရုတ် ကြည်းတပ်နဲ့ လေတပ်တို့က ဝေဟင်ကနေ ရိုက်ယူထားတဲ့ဓာတ်ပုံတွေကို အစိုးရ ရုပ်မြင်သံကြားမှာပြသတော့ လုံးချင်းအိမ်တွေ ပျက်စီးနေတာတွေ့ရပြီး အိမ်လုံးကျွတ် ဘာမှမကျန်အောင် ပျက်စီးသွားတာတွေလည်း ရှိပါတယ်။

ဇီချွမ်ပြည်နယ်မှာ ၂၀၀၈ ခုနှစ်ကလည်း ငလျင်ကြီးတခါ လှုပ်ခဲ့ပြီး အဲဒီတုန်းကတော့ လူပေါင်း ခုနှစ်သောင်း သေဆုံးခဲ့ရတာဖြစ်ပါတယ်။

အစိုးရနဲ့ SSA တိုက်ပွဲ ဒေသခံတွေဒုက္ခရောက်

ရှမ်းပြည်နယ်မြောက်ပိုင်း တန့်ယန်းမြို့အနီးမှာ တရားဝင်အပစ်အခတ်ရပ်စဲထားတဲ့ ရှမ်းပြည်မြောက်ပိုင်းတပ်နဲ့ မြန်မာအစိုးရတပ်ဖွဲ့တွေကြား တိုက်ပွဲတွေပြင်းထန်နေတဲ့အတွက် အိုးအိမ်စွန့်ခွာ ထွက်ပြေးနေရတဲ့ စစ်ပြေးဒုက္ခသည်ဦးရေဟာ အခုဆိုရင် နှစ်ထောင်နီးပါးရှိသွားပြီလို့ ဒုက္ခသည်အရေး အကူအညီပေးနေသူတွေက ပြောပါတယ်။ ရာချီတဲ့ စစ်ပြေးဒုက္ခသည်တွေအတွက် သောက်သုံးရေပြတ်လပ်ပြီး စားနပ်ရိက္ခာတွေလည်း အရေးပေါ်လိုအပ်နေတယ်လို့ ရှမ်းလူထုအခြေပြု လူမှုအဖွဲ့အစည်းတွေက ဆိုပါတယ်။ အသေးစိတ်ကို မဆုမွန်က တင်ပြထားပါတယ်။

အပစ်ရပ်ဖို့ နှစ်ဘက်သဘောတူထားတဲ့ကြားကပဲ SSA ရှမ်းပြည်မြောက်ပိုင်းတပ်မတော်နဲ့ မြန်မာစစ်တပ်ကြား အခုဆိုရင် ရင်ဆိုင်တိုက်ပွဲတွေ ဆက်တိုက်ဖြစ်ပွားနေပြီး တိုက်ပွဲတွေက ပြင်းထန်လာနေတဲ့အတွက် ရာနဲ့ချီတဲ့ ဒုက္ခသည်တွေဟာ ထိုင်းနယ်စပ်၊ တရုတ်နယ်စပ်နဲ့ မြို့ပေါ်တွေကို ထွက်ပြေးတိမ်းရှောင်နေကြရတယ်လို့ ရှမ်းလူထုအခြေပြုအဖွဲ့ ပြောခွင့်ရ စိုင်းခေးစိုင်က ပြောပါတယ်။

"လောလောဆယ်မှာ လူဦးရေ ၂,၀၀၀ နီးပါး ရှိပြီခင်ဗျ။ အခုလတ်တလောကတော့ ပစ်ခတ်နေတဲ့နေရာတွေက ရွာသားတွေကတော့ တချို့မြို့ထဲမှာတော့ ခဏရှောင်နေတယ်။ တချို့ကတော့ ဘုန်းကြီးကျောင်းတွေဆီမှာ ရှောင်နေတယ်။ တချို့ကတော့ တရုတ်နယ်စပ်၊ တချို့ကတော့ ထိုင်းဘက်ခြမ်း အဲဒီလိုတော့ သူ့ဟာနဲ့သူ သူ့လမ်းနဲ့သူ ပုန်းရှောင်နေတာရှိပါတယ်။"

အခုဆိုရင် ရှမ်းပြည်မြောက်ပိုင်းမှာ ထွက်ပြေးတိမ်းရှောင်နေရတဲ့ စစ်ပြေးဒုက္ခသည်ဦးရေဟာ ၂,၀၀၀ လောက်ရှိသွားပြီဖြစ်ပြီး၊ ဒုက္ခသည်တွေအတွက် အရေးပေါ် စားနပ်ရိက္ခာနဲ့ သောက်သုံးရေတွေ အရေးတကြီး လိုအပ်နေတယ်လို့ စိုင်းခေးစိုင်က ပြောပါတယ်။

"အရေးကြီးဆုးကတော့ လတ်တလော ကျနော်တို့ အစားအစာရယ်၊ နောက်ပြီးတော့ သောက်သုံးရေ ရယ်ပေါ့။ နောက် တခြား အိပ်ယာ၊ ခြင်ထောင် အဲဒါတွေကတော့ ဒုတိယပေါ့နော်။ ပထမဆုံးကျတော့ သူတို့ နေ့စဉ်စားသောက်ဖို့ အစားအစာတွေကလည်း အရေးကြီးနေပါတယ်ခင်ဗျ။ အဲဒါကို ကျနော်တို့ ကူညီဖို့လည်း တခြားနေရာတွေကိုလည်း တိုက်တွန်းနေတယ်။"
 
တကယ်တော့ ရှမ်းပြည်တိုးတက်ရေးပါတီ SSPP ရဲ့ လက်အောက်ခံ ရှမ်းပြည်တပ်မတော် SSA မြောက်ပိုင်းတပ်ဖွဲ့နဲ့ မြန်မာအစိုးရငြိမ်းချမ်းရေး ကိုယ်စားလှယ်အဖွဲ့ကြား ၂၀၁၂ ခုနှစ်၊ ဇန်နဝါရီလတုန်းက အပစ်အခတ်ရပ်စဲရေး သဘောတူထားပြီးဖြစ်ပါတယ်။ နှစ်ဘက်တပ်ကြား ဒီလိုမျိုးတိုက်ပွဲတွေ ပြန်ဖြစ်နေတဲ့အပေါ်မှာလည်း နှစ်ဘက်တာဝန်ရှိသူတွေ ရှမ်းပြည်နယ် လားရှိုးမြို့မှာ တွေ့ဆုံဆွေးနွေးထားပြီးလည်းဖြစ်ပါတယ်။ ဒါပေမဲ့ ရှမ်းပြည်နယ်မြောက်ပိုင်း ဘက်မှာတော့ တိုက်ပွဲတွေ ဆက်ဖြစ်နေတုန်းပဲလို့ စိုင်းခေးစိုင်က ပြောပါတယ်။
"အပစ်အခတ်ရပ်စဲတာက နှစ်ကြိမ်တောင်ရှိပါပြီ။ အခု လတ်တလော အသစ်ပြန်ပြီးတော့ လက်မှတ်ရေးထိုးတာလည်း ရှိတယ်ခင်ဗျ။ နောက်ပြီးတော့ ဆွေးနွေးနေတာလည်း ရှိတယ်ခင်ဗျ။ အဲဒီလိုမျိုးလုပ်ရင်းတန်းလန်းနဲ့လည်း ပစ်နေတာတွေ ပိုဖြစ်လာတာကတော့ အဲဒါတော့ဘာကြောင့်လဲ ပြောလို့မတတ်ဘူး။"

မြန်မာစစ်တပ်နဲ့ SSPP/ SSA မြောက်ပိုင်းတပ်တွေကြား ပြီးခဲ့တဲ့ မတ်လကတည်း တိုက်ပွဲတွေဖြစ်ပွားခဲ့တာမှာ သင်္ကြန်တွင်းတုန်းကလည်း တိုက်ပွဲတွေဖြစ်ခဲ့ပါသေးတယ်။ ရှမ်းပြည်နယ် တန့်ယန်းမြို့နဲ့ မိုင်းရှူးမြို့ကြားမှာ အခုထက်ထိ တိုက်ပွဲတွေ ဖြစ်ပွားနေတဲ့အကြောင်းလည်း ဆက်ပြောပြပါတယ်။

"တန့်ယန်းနဲ့ မိုင်းရှူးပေါ့။ တန့််ယန်းရယ်၊ မိုင်းရှူးရယ်ကြားထဲမှာ ဖြစ်နေတယ်ခင်ဗျ။ အဲဒီလိုမျိုး လက်နက်ကြီးနဲ့ပစ်တာတွေ၊ ထိခိုက်မှုတွေ ရှိတယ်။ နောက်ပြီးတော့ ၀င်ပြီးတော့ လမ်းဖြတ်ရင်းနဲ့တိုက်တာတွေ။ တချို့ကတော့ အစီအစဉ်ရှိရှိနဲ့ တက်ပြီးတော့ တွေ့ဆုံတိုက်တာတွေ အဲဒါတော့ ခဏခဏဖြစ်နေတယ်။"

အခုအချိန်အထိ ရှမ်းပြည်မြောက်ပိုင်းတပ်နဲ့ အစိုးရတပ်ကြား စစ်ရေးတင်းမာမှုတွေ ရှိနေဆဲဖြစ်ပြီး နယ်မြေမတည်ငြိမ် မအေးချမ်းတဲ့အတွက် ဒေသခံပြည်သူတွေ အခုလို ဒုက္ခတွေတွေ့နေရတဲ့အပေါ် နှစ်ဘက်အပစ်အခတ်ရပ်စဲထားတဲ့ အဖွဲ့တွေအနေနဲ့ အပစ်ရပ်သဘောတူမှုကို လေးစားသင့်ပြီး ဒေသခံပြည်သူတွေကလည်း စစ်အမြန်ငြိမ်းဖို့ လိုလားနေကြတယ်လို့ ပြောပါတယ်။
 
"ကျနော်တို့ အပစ်အခတ်လည်း ရပ်စဲထားပြီးပြီ။ သိပ်မကြာသေးဘူး။ လက်မှတ်ထိုးတာလည်း သိပ်မကြာသေးဘူး။ အကောင်အထည်ဖော်ဖို့လည်း စကားပြောပြီးသားဖြစ်နေတဲ့ အတွက်ကြောင့် ဒီစစ်ကတော့ တတ်နိုင်လို့ရှိရင် ရပ်ပြီးတော့ နှစ်ဦးနှစ်ဘက် ကောင်းကောင်းဆွေးနွေး သဘောတူဖို့ပေါ့။ နောက်ပြီးတော့ ကျနော်တို့ အစိုးရဘက်ကလည်း ကျနော်တို့ သဘောတူထားတဲ့အတိုင်း အဲဒီနယ်မြေတွေကိုလည်း ပေးထားပြီဖြစ်တဲ့အတွက်ကြောင့် အဲဒီနယ်မြေကို ဘယ်လိုလုပ်ရင်ကောင်းမလဲ ဆိုတဲ့ဟာမျိုး နှစ်ဦးနှစ်ဘက်ပေါ့။ အဲဒီမှာ နိုင်ငံရေးအရရော၊ စစ်ရေးအရရော နှစ်ဘက်စလုံး သဘောတူညီချက်အတိုင်း လိုက်နာကြဖို့ရယ်၊ နောက်ပြီးတော့ ပြည်သူလူထု၊ အဲဒီဒေသခံတွေပဲဖြစ်ဖြစ် အဲဒီနေရာမှာရှိနေတဲ့ ထောင်သောင်းမက ပြည်သူလူထုရဲ့ အသက်အိုးအိမ်စည်းစိမ်တွေကိုလည်း ထည့်သွင်းစဉ်းစားပေးဖို့ မေတ္တာရပ်ခံချင်ပါတယ်ခင်ဗျ။"

မြန်မာအစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့ဟာ ရှမ်းပြည်တိုးတက်ရေးပါတီ SSPP/SSA မြောက်ပိုင်းနဲ့ ၂၀၁၂ ခုနှစ် ဇန်န၀ါရီလမှာ အပစ်ရပ်ဖို့ သဘောတူခဲ့ပေမဲ့ တနှစ်ကျော်ကာလ အတွင်းမှာ အနည်းဆုံး တိုက်ပွဲပေါင်း အကြိမ် ၁၀၀ ကျော် ဖြစ်ခဲ့သလို တနှစ်ကျော်ကြာ အပစ်ရပ်ထားတဲ့ ရှမ်းပြည်ပြန်လည် ထူထောင်ရေးကောင်စီ ခေါ် RCSS/SSA တောင်ပိုင်းနဲ့လည်း အပစ်ရပ်ဖို့ သဘောတူပြီးတဲ့နောက် တိုက်ပွဲပေါင်းအကြိမ် ၆၀ ကျော်လောက် ဖြစ်ပွားခဲ့ပါသေးတယ်။

တရုတ်ဇီချွမ်ငလျင် လူပေါင်းရာကျော်သေဆုံး

တရုတ်နိုင်ငံ ဇီချွမ်ဒေသအနောက်ပိုင်းမှာ စနေနေ့မနက်ပိုင်းက လှုပ်ခတ်သွားတဲ့ အင်အားပြင်း ငလျင်ဒဏ်ကြောင့် လူ ၁၁၃ ဦးထက်မနည်း သေဆုံးပြီး ၂,၆၀၀ ကျော် ဒဏ်ရာရခဲ့တယ်လို့ တရုတ်သတင်းမီဒီယာတွေက ဖော်ပြပါတယ်။ ငလျင်ဒဏ်ခံရတဲ့ ဒေသတွေမှာ ကယ်ဆယ်ရေးအဖွဲ့တွေက ရှာဖွေကယ်ဆယ်မှု တိုးလုပ်နေပြီး ရုပ်အလောင်းတွေ ရှာတွေ့လာတာနဲ့အမျှ သေဆုံးသူဦးရေ တိုးလာတယ်လို့ အစိုးရအာဘော် Xinghua သတင်းဌာနက ပြောဆိုပါတယ်။
 
ငလျင်ဒဏ် ပြင်းပြင်းထန်ထန်ခံရတဲ့ Lushan ဒေသမှာ တယ်လီဖုန်းလိုင်းတွေ ပြတ်တောက်နေပြီး လမ်းပန်းဆက်သွယ်ရေး ခက်တာကြောင့် ခုထက်ထိလက်လှမ်းမမီသေးဘူးလို့ အစိုးရသတင်းတွေက ဖော်ပြပါတယ်။ လူနေအိမ်တွေပျက်စီးပြီး တချို့ရွာတွေနဲ့ မြို့နယ်တွေမှာ ပြိုကျပျက်စီးပြီး အဆောက်အဦးတွေ ပြားချပ်ကုန်တာကို  တရုပ်စစ်တပ်ကထုတ်ပြန်တဲ့ ဒေသ ဧရိယာ ဓာတ်ပုံတွေနဲ့ အစိုးရရုပ်မြင်သံကြားမှာ တွေ့မြင်ကြရပါတယ်။ 
 
ကယ်ဆယ်ရေးလုပ်ငန်းတွေကို စောင့်ကြပ်ကြည့်ရှုဖို့ ငလျင်ဘေးသင့်ဒေသတွေကို တရုတ်ဝန်ကြီးချုပ် Li Keqiang သွားရောက်ခဲ့ပါတယ်။ အမေရိကန် ဘူမိဗေဒ လေ့လာရေး စစ်တမ်းအရ ပြင်းအား ၆.၆ ရှိတယ်လို့ဆိုပြီး တရုတ် ငလျင်တိုင်းထွာရေး စစ်တမ်းအရ ပြင်းအား ၇ ရှိတဲ့ငလျင်ကြောင့် အကြီးအကျယ် ထိခိုက်ပျက်စီးမှုတွေ ဖြစ်ခဲ့ပါတယ်။ မြေအောက် ၇ မိုင်အနက်လောက်ထိ ငလျင်ဒဏ်ခံစားခဲ့ရတာလည်း ဖြစ်ပါတယ်။

အရှေ့ဘက် မိုင် ၇၀ ကျော်လောက်မှာရှိတဲ့ ပြည်နယ်မြို့တော် Chendu မှာ လည်း အဆောက်အဦးတော်တော်များများ ငလျင်ဒဏ် ပြင်းပြင်းထန်ထန်ခံခဲ့ရပါတယ်။ ၂၀၀၈ ခုနှစ်ကလည်း တရုတ်နိုင်ငံ ဇီချွမ် ဒေသမှာ ပြင်းအားကြီး ငလျင်ကြောင့် လူ ခုနှစ်သောင်းကျော် အသက်ဆုံးခဲ့ရပါတယ်။