ပဲခူးတိုင်းဒေသကြီး ဒိုက်ဦးမြို့နယ်ကုန်ဝိုင်းကြီးကျေးရွာရှိ ချောင်းဟောင်းတာကျိုး၍ စိုက်ပျိုးပြီးလယ်ယာမြေဧက(၃၀) ရေနစ်မြုပ်ပြီး ကျေးရွာအတွင်း ရေလွှမ်းမိုးမှုများ ဖြစ်ပွားခဲ့သည်။
ထိုကဲ့သို့ တာကျိုး၍ ရေလွှမ်းမိုးမှုဖြစ်ပေါ်ရခြင်းမှာ ချောင်းအတွင်း တိမ်ကောမှုဖြစ်ပေါ်လာခြင်း၊ ချောင်း၏ အကျယ်အ၀န်းမှာ ကျဉ်းမြောင်းလာခြင်းစသည့်အချက်များကြောင့်ဖြစ်သည်ဟု ဒေသခံတို့က ဆိုသည်။
အဆိုပါ ကုန်းဝိုင်းကြီးကျေးရွာအတွင်းသို့ ချောင်းရေများတိုး၍ ၀င်ရောက်လျက်ရှိပြီး ကျောင်းသား/သူကလေးငယ်များ ကျောင်းတက်ရာတွင် အခက်ခဲများရှိနေသည့်အပေါ်တွင် ကျေးရွာနေပြည်သူများမှ စိုးရိမ်မှုများ ရှိနေခြင်းဖြစ်သည်။
" ဇူလိုင်လနောက်ဆုံးအပတ်အတွင်းက တာကျိုးသွားတယ် ၊ လယ်တွေက စိုက်ပျိုးထားပြီးပြီ ၊ ကျွန်တော် လယ်နဲ့ အနီးအနားက လယ်မြေ ဧက(၃၀)လောက် ရှိတာ အကုန်လုံး ရေတိုက်စားပြီး ပျက်စီးကုန်တယ် ၊ ချောင်းနားက လယ်မြေကွက်ဆို ရေထိုးကျလို့ ချောက်ကြီးဖြစ်သွားတယ်၊ အောက်နားက လယ်တွေကတာ့ စိုက်ပင်တွေ ကျွတ်ကုန်ပြီး သဲမြေတွေ ဖို့ခံလိုက်ရတယ် " ဟု လယ်ပိုင်ရှင် ဦးဝင်းညွှန့်က ပြောသည်။
လယ်ယာမြေစိုက်ပျိုးချိန်၌ ချောင်းရေများ လယ်ယာမြေများသို့ ရေလွှမ်းမိုးမှုများ နှစ်စဉ်လိုလို ဖြစ်ပေါ်လျက်ရှိကြာင်းကိုလည်း သိရ သည်။
ချောင်းအတွင်း တုံးကျော်တမံချက်များ အဆင့်ဆင့်ပြုလုပ်၍ ငါးရှာဖွေခြင်းများကြောင့် ရေစီးရေလာ
နှောင့်နှေးပြီး လယ်မြေများ မှာ ရေနစ်မြုပ်ပျက်စီးခြင်း ၊ စိုက်ပျိုးချိန် နောက်ကျခြင်းများ ဖြစ်လာရသည်ဟု ဒေသခံတို့က ဆိုသည်။
" ပြီးခဲ့တဲ့(၅)နှစ်လောက် က ချောင်းကောင်းပြီး လယ်မြေတွေ စိုက်ပျိုးနိုင်ကြတယ် ၊ နှစ်သီးစား စိုက်လို့ရတဲ့ နေရာတွေပါ အခုတော့ နှစ်လလောက် နောက်ကျပြီးမှ တစ်သီးစားပဲ စိုက်လို့ ရတယ် ၊ မိုးရာသီ စိုက်
ပျိုးစရိတ်ဘဏ်ချေးငွေ ကျွန်တော်ဆီမှာ မရရှိကြသေးတော့ လယ်သမားတွေက အတိုးပေးတဲ့ သူဆီက(၁၀)တိုးနဲ့ ချေးငှားပြီး စိုက်ပျိုးရတယ်၊ လယ်လုပ်သားခတွေ မပေးနိုင်လို့ အလုပ်သမား မရနိုင်တာတွေလည်း ရှိတယ် ၊ လယ်စရိတ်က တစ်ဧကကို (၆၀၀၀၀)လောက်ကုန်တယ်"ဟု ကုန်းပိုင်းကြီးကျေးရွာမှ တောင်သူတစ်ဦးက ပြောသည်။
မိုးရာသီ စိုက်ပျိုးစရိတ် ဘဏ်ချေးငွေ နောက်ကျရခြင်းမှာ ဆောင်းရာသီ သီးနှံစိုက်ပျိုးဘဏ်ချေးငွေ ပြန်လည် ပေးဆပ်ချိန် နောက်ကျခြင်းများကြောင့်ဖြစ်ပြီး ကျေးရွာအတွင်း မိုးစပါးစိုက် တောင်သူ (၃၀၀) ဦးခန့်ရှိပြီး လယ်မြေဧက (၇၀၀) ကျော် ရှိသည်ဟု သိရသည်။
ရာသီအမှီစိုက်ပျိုးရာတွင် တစ်ဧကလျှင် စပါးတင်း(၇၀)နှုန်းထွက်ရှိပြီး နောက်ကျမျိုးရင့် ချိန်တွင်စပါးတင်း(၅၀)နှုန်းသာ ထွက်ရှိသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။