2013-01-27
ရန်ကုန်မြို့ စမ်းချောင်းမြို့နယ် ရွှေလီလမ်းမှာရှိတဲ့ မြန်မာငြိမ်းချမ်းရေးစင်တာမှာ ဒီကနေ့ မနက်ပိုင်းက ပြည်ထောင်စုဝန်ကြီး (၃) ဦးနဲ့ လူမှုကူညီရေးအဖွဲ့အစည်းများတွေ တွေ့ဆုံ ဆွေးနွေးခဲ့ပါတယ်။
အဲဒီ တွေ့ဆုံပွဲမှာ ပြည်ထောင်စုဝန်ကြီး ဦးစိုးသိန်းက ဖွဲ့စည်းပုံအခြေခံဥပဒေမှာ ပြင်ဆင်သင့်တဲ့အချက်ရှိရင် လွှတ်တော်မှာတင်ပြဆွေးနွေးပြီး ပြင်ဆင်သွားဖို့ လိုအပ်တယ်လို့ ပြောကြားခဲ့ပါတယ်။
" ဖွဲ့စည်းအုပ်ချုပ်ပုံ အခြေခံဥပဒေကို ပြင်သင့်ရင်ပြင်ရမှာပေါ့၊ လူတွေကဆွဲထားတာပဲ လူတွေကောင်းဖို့အတွက်ဆို ပြင်ရမှာပေါ့၊ ကျွန်တော်တို့ သုံးယောက်ထဲနဲ့ ဒီမိုကရေစီပြုပြင်ပြောင်းလဲမှုလုပ်လို့ မရဘူး၊ တပြည်လုံးကလူတွေပါမှ ခင်ဗျားတို့ မျှော်မှန်းတဲ့ ဒီမိုကရေစီရမှာ၊ Civil Society အဖွဲ့တွေ အများကြီးပါမှ ကျွန်တော်တို့ မျှော်မှန်းတဲ့ တိုင်းပြည်တိုးတက်မှာ"
ဒါ့အပြင် ဦသိန်းစိန်ဦးဆောင်တဲ့အစိုးရအဖွဲ့ သက်တမ်းမကုန်ဆုံးမီ ၂၀၁၅ ခုနှစ်မတိုင်မီ အကျဉ်းထောင်အသီးသီးမှာ ကျန်ရှိနေသေးတဲ့ နိုင်ငံရေးအကျဉ်းသားတွေကို ထပ်လွှတ်ပေးဖို့ရှိကြောင်း သမ္မတရုံးဝန်ကြီး ဦးအောင်မင်းက ပြောခဲ့ပါတယ်။
" သမ္မတကြီးက ဒီမိုကရေစီစနစ်မှာ ပထမဆုံးတက်လာတဲ့ သမ္မတကြီးဖြစ်တာပေါ့၊ နိုင်ငံတကာကလည်း ထောက်ခံနေတာပေါ့ အများအတွက် တကယ်လိုအပ်တာတွေကိုလည်း လုပ်နေတာပေါ့၊ အထွေထွေလွတ်ငြိမ်းချမ်းသာခွင့်ပေးသင့်ပါတယ်၊ သမ္မတကြီးစဉ်းစားတဲ့ အထဲမှာလဲ ပါမှာပေါ့ဗျာ "
ဒီတွေ့ဆုံပွဲကို ပြည်ထောင်စုဝန်ကြီးတွေဖြစ်တဲ့ သမ္မတရုံးဝန်ကြီး ဦးအောင်မင်း၊ သမ္မတရုံးဝန်ကြီး ဦးစိုးသိန်းနဲ့ လူဝင်မှုကြီးကြပ်ရေးဝန်ကြီးဌာန ပြည်ထောင်စု ဝန်ကြီး ဦးခင်ရီ၊ လူမှုကူညီရေးအဖွဲ့အစည်း (၄၆) ဖွဲ့က ခေါင်းဆောင်တွေ တက်ရောက်ခဲ့ကြပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။