လှိုင်သာယာမြို့နယ်တွင် လိုင်စင်မဲ့ဆိုင်ကယ်များ ဖမ်းဆီးအရေးယူမှုကြောင့် ယာဉ်တိုက်မှုလျော့ကျဟု ဆို

ရန်ကုန်တိုင်းဒေသကြီး လှိုင်သာယာမြို့နယ်တွင် လိုင်စင်မဲ့ မော်တော်ဆိုင်ကယ်များကို အရှိန်မြှင့်ဖမ်းဆီး အရေးယူ မှုများ ပြုလုပ်လျက်ရှိရာ ယာဉ်တိုက်မှုများ လျော့ကျလာသည်ဟု လှိုင်သာယာမြို့နယ် အုပ်ချုပ်ရေးမှူးက သြဂုတ် ၂၀ ရက်တွင် မဇ္ဈိမသို့ ပြောသည်။

အဆိုပါ မြို့နယ်အုပ်ချုပ်ရေးမှုးက "ရန်ကုန်တိုင်း စည်ပင်သာယာနယ်နိမိတ်အတွင်းမှာ ဆိုင်ကယ်စီးခွင့် ပေးမထား ပါဘူး။ လိုင်စင်မရှိတဲ့ ဆိုင်ကယ်တွေကို သိမ်းတယ်။ လိုင်စင်ရှိတဲ့ ဆိုင်ကယ်တွေကို ဖမ်းပြီး ၅၁ လမ်းရုံးမှာ ဒဏ်ငွေငါးသောင်း ပေးဆောင်ပြီး ပြန်ရွေးရတယ်။ ဒီလို ဆိုင်ကယ်တွေကို အရေးယူပေးတဲ့အတွက် ယာဉ်တိုက်မှု
တွေ သိသိသာသာ လျော့ကျသွားတယ်"ဟု ပြောသည်။

လှိုင်သာယာမြို့နယ်အတွင်းတွင် ဆိုင်ကယ်ကယ်ရီ မောင်းနှင်သူများအပါအ၀င် ဆိုင်ကယ်စီးသူ အများအပြား ရှိနေပြီး ယင်းသို့ ဖမ်းဆီးမှုများကြောင့် ဆိုင်ကယ်ကယ်ရီသမားများ၏ မိသားစု စားဝတ်နေရေး အခက်အခဲနှင့် ရင်ဆိုင်နေရကြောင်းလည်း လှိုင်သာယာဒေသခံများက ဆိုသည်။

လှိုင်သာယာနယ်ခံ ကုမ္ပဏီ ၀န်ထမ်းတစ်ဦးက "ဆိုင်ကယ်ဖမ်းရင် ငွေဒဏ် ဆောင်ရတာတို့၊ ဆိုင်ကယ် သိမ်းခံရတာ တို့ အရင်ကတည်းက ရှိတယ်။ အခု ဆိုင်ကယ်ဖမ်းရင် လူကို ထောင်ချလို့ရတယ်လို့ပါပြောတာတွေ ရှိလာတယ်။ အဲတော့ ဆိုင်ကယ်တွေ မစီးရဲကြတော့ဘူး"ဟု ဆိုသည်။

ဆိုင်ကယ် ကယ်ရီသမားများကို ဖမ်းဆီးသောနေရာတွင် ကယ်ရီသမားများသည် ခရီးသည်အပါဝင် သုံးယောက် တင်ခြင်း၊ ဆိုင်ကယ်စီးဦးထုပ် ဆောင်းမထားခြင်း အစရှိသော စည်းကမ်း ဖောက်ဖျက်မှုများကြောင့် ဖမ်းဆီးရခြင်း
ဖြစ်ကြောင်း လှိုင်သာယာမြို့နယ် အုပ်ချုပ်ရေးမှူးက ဆိုသည်။

၎င်းက "ကယ်ရီသမားတွေက စည်းကမ်းမရှိကြဘူး။ ဒါကြောင့်ဖမ်းတာ။ ထောင်ချလို့ ရတယ်ဆိုတာက လိုင်စင်မဲ့ ဆိုင်ကယ်ကို စီးတာဖြစ်တဲ့အတွက် ပို့ကုန်သွင်းကုန် ဥပဒေ ပုဒ်မ ၈ အရ ထောင်ဒဏ်ချမှတ်လို့ ရတယ်ဆိုတာကို
ပြောတာပါ။ လှိုင်သာယာမှာက ထန်းတစ်ပင်၊ ဒလ၊ တွံတေးနယ်ဘက်က ဆိုင်ကယ်တွေ နယ်ကျွံပြီး စီးနင်းတာတွေ ရှိနေတဲ့အတွက် လွန်ခဲ့တဲ့ သုံးလလောက်ကစပြီး အရှိန်မြှင့် အရေးယူနေ ရခြင်းဖြစ်တယ်"ဟု ဆိုသည်။

ရန်ကုန် စည်ပင်သာယာနယ်နိမိတ်အတွင်း တရားမ၀င် စီးနင်းနေသော ဆိုင်ကယ်များကို ပြီးခဲ့သည့် ဇူလိုင် လဆန်းပိုင်းက မြောက်ဥက္ကလာပမြို့နယ် ခြောက်ကွေ့ရပ်ကွက်တွင် ဖမ်းဆီးခဲ့ပြီး အငှားဆိုင်ကယ်များကို ဖမ်းဆီးခဲ့ခြင်း ဖြစ်သည်။

ယင်းသို့ လှိုင်သာယာတွင် ဖမ်းဆီးခြင်းအပြင် အခြားဆင်ခြေဖုံးရပ်ကွက် အချို့တွင်လည်း ဖမ်းဆီးမှုများ ရှိနေသည် ကို ယင်းရပ်ကွက်ရှိ ဒေသခံများက ဆိုသည်။

ကြည့်မြင်တိုင်တွင် သစ်ကိုင်းပဲ့ကျသဖြင့် လူ(၂)ဦး ဒဏ်ရာရ

သြဂုတ်လ (၂၀)ရက်နေ့ ညနေ(၅း၀၀)နာရီကျော်တွင် ကြည့်မြင်တိုင်မြို့နယ်၊အိုးဘိုရပ်ကွက်၊ ဗိုလ်သူရလမ်း၊ မြို့နယ်စာတိုက် ရှေ့ရှိ သက်တမ်းရင့်ကုက္ကိုပင်ကြီးမှ လမ်းမပေါ်သို့ထွက်နေသည့် လုံးပတ်(၂)ပေ ခန့်ရှိသစ်ကိုင်းပဲ့ကျခဲ့ခြင်းကြောင့် လူနှစ်ဦး ဒဏ်ရာရရှိခဲ့ကြောင်း သိရသည်။

အဆိုပါ ပဲ့ကျသော သစ်ကိုင်းမှာ လမ်းဘေးတွင်သွယ်တန်းထားသောလျှပ်စစ်မီးကြိုးများ ပေါ်သို့ကျခဲ့သဖြင့် ကွန်ကရစ်ဓါတ်တိုင်(၆)တိုင်နှင့်ဓါတ်တိုင်များသို့ သွယ်တန်းထားသော အိုးဘိုရပ်ကွက်ရှိ ထရန်စဖော်မာ (၁)လုံးပြိုလဲခဲ့ကြောင်း သိရသည်။

 "သစ်ပင်ပဲ့ကျတာက ၁၈ ရက်နေ့ မနက် (၂း၀၀)နာရီ ၀န်းကျင်ကလေးပြင်းတိုက်ခတ်မှုဒဏ်ကြောင့် ၂၀ ရက်နေ့မှာ သစ်ပင်အိုကြီးတွေက ပဲ့ကျကြတာပါ" ဟုစည်ပင်သာယာရေးကော်မတီမှ တာဝန်ရှိသူတစ်ဦးက ပြောသည်။

ဓါတ်တိုင်(၆)တိုင် ပြိုလဲခဲ့ခြင်းကြောင့် ရပ်ကွက်အတွင်းမီးပြတ်တောက်သွားခဲ့ခြင်းရှိကာ မြို့နယ်လျှပ်စစ်မှ တာဝန်ရှိသူများမှာ(၂၄)နာရီအတွင်း မီးပြန်လည်ရရှိရန် ပြုလုပ်ပေးမည်ဖြစ်ကြောင်းပြည်သူများသို့ ပြောကြားခဲ့သည်။

ကျိုးကျသော သစ်ကိုင်းမှ အပင်အောက်တွင် ရပ်ထားသော ၃ဃ/----- ချယ်ရီဝက်ဂွန်အငှားယာဉ် ပေါ်သို့ ကျခဲ့သဖြင့် ယာဉ်အမိုးအနည်းငယ်ပိန်ချိုင့်ပျက်စီးခဲ့ကာ ၎င်းနေရာအနီးတွင် ထီရောင်းချနေသော

ကြည့်မြင်တိုင်မြို့နယ်တွင် နေထိုင်သူ သားအဖနှစ်ဦးအားထိခိုက်မိသောကြောင့် ဒဏ်ရာရရှိခဲ့ကြောင်း သိရသည်။

ထိခိုက်ဒဏ်ရာရရှိသူ နှစ်ဦးမှာ ဦးမြင့်စိုး နှင့် သမီးဖြစ်သူမယွန်းပိုးအိတို့(၂)ဦးဖြစ်ကာ ဒဏ်ရာအနည်းငယ် ရရှိခဲ့သောကြောင့်ရန်ကုန်အနောက်ပိုင်းဆေးရုံကြီးတွင် ဆေးကုသမှုခံယူနေကြောင်း သိရသည်။

"ဓါတ်တိုင်တွေကို လုလိက်ရှိ ပြန်ထောင်နေတယ်။ ထရန်စဖော်မာနှစ်ခုနဲ့ပတ်သတ်နေတဲ့ ရပ်ကွက်တွေကို နှစ်ဆယ့်လေးနာရီအတွင်း မီးပြန်လာအောင်လုပ်ပေးသွားမယ်။" ဟု မြို့နယ်လျှပ်စစ်အင်ဂျင်နီယာ ဦးကျော်စွာက ပြောသည်။မြို့နယ်စည်ပင်သာယာရေးကော်မတီမှလည်း လမ်းပိတ်ဆို့မှုမဖြစ်ပေါ်စေရန် လမ်းအားနှစ်နာရီအတွင်း ရှင်းလင်းမှုများပြုလုပ်ပေးခဲ့ကြောင်း သိရသည်။

သစ်ကိုင်းပဲ့ကျမှုကြောင့် တန်ဘိုးငွေကျပ်(၂၆)သိန်းခန့်ပျက်စီးဆုံးရှုံးခဲ့ကြောင်းနှင့် အဆိုပါ နေရာသို့ကြည့်မြင်တိုင်မြို့နယ်ရဲတပ်ဖွဲ့မှူးနှင့်တပ်ဖွဲ့ဝင်များမြို့နယ်စည်ပင်သာယာအဖွဲ့၊ မြို့နယ်လျှပ်စစ်မှ တာဝန်ရှိသူများ၊ မြို့နယ်မီးသတ်တပ်ဖွဲ့ဝင်တို့မှ ဖယ်ရှားရှင်းလင်းလျက်ပြုပြင်ရေးများ ဆောင်ရွက်လျက် ရှိကြောင်း သိရသည်။

"ဘာသံမှ မကြားရဘဲနဲ့ ၀ုန်းခနဲဆိုပြီး ပဲ့ကျတာ ဖြတ်သွားနေတဲ့ကားပေါ်ကိုကျတာ ကံကောင်းခြင်လို့ အဖျားလေးပဲ ထိသွားတာ။ ဒီမှာကလည်း အရင်ဆိုလူဖြတ်တယ်။ ခုက ရွှံဗွက်တွေရှိနေလို့ သိပ်မဖြတ်တာ။ မနက်ပိုင်းမဖြစ်တာကံကောင်းတယ်။ မနက်ဆို ဈေးသည်တွေနဲ့ ဖုန်းဘေလ်ဆောင်တဲ့သူတွေ ဒီနေရာမှာရှိနေတာပါ။"ဟု မျက်မြင်တွေ့ရှိသူတစ်ဦးက ပြောသည်။

သြဂုတ်လ (၁၈)ရက်နေ့မှာလည်း အထက်ကြည်မြင်တိုင်းလမ်းနှင့် ရုံးကြီးလမ်းထောင့်တွင် ညောင်ပင် တစ်ပင်မှာ လမ်းမပေါ်သို့ လဲကျမှုတစ်ခုဖြစ်ပွားခဲ့ကာ အချို့နေရာများတွင်လည်း သစ်ပင်အိုလဲကျမှုများ မကြာခဏဖြစ်ပွားလျက်ရှိနေကြောင်း ဒေသခံပြည်သူများထံမှ သိရသည်

ရွှေတွင်း၌ မြေပြိုကျမှုကြောင့် လူ(၅)ဦးသေဆုံး(၄)ဦး ဒဏ်ရာရ

ပဲခူးတိုင်း ဒေသကြီးနှင့် နယ်မြေချင်း ထိစပ်နေသော တောင်ငူမြို့၏ အရှေ့တောင်ဘက် ကရင်ပြည်နယ် သံတောင်ကြီးခရိုင် သပြေညွန့်မြို့နယ်၊ ချောင်းမငယ် ကျေးရွာအုပ်စု၊ လွန်းဘူး ကျေးရွာ နယ်မြေတွင်ပါဝင်သော ကရင်ပြည်နယ် တောင်တန်းများပေါ်၌ ရွှေတူးဖေါ်ရေး လုပ်ငန်းများ လုပ်ကိုင်နေကြသော ရွှေတွင်းများ အနက်(၁၅၊၈၊၂၀၁၃)ရက်နေ့ ညနေ(၄း၃၀)နာရီ အချိန်ခန့်က ရွှေတွင်းတစ်တွင်း မြေပြိုကျသဖြင့် ရွှေတွင်းတူး လုပ်သား (၅)ဦး သေဆုံးသွားပြီး(၄)ဦး ထိခိုက်ဒါဏ်ရာရမှုများ ဖြစ်ပွား ခဲ့ကြောင်း သိရသည်။

သေဆုံးတာ ကိုမောင်မြင့်၊ ချစ်မင်းသူ၊ ကိုဌေးဝင်း၊ အောင်သူထွေး(ခ)ကျော်သူထွေးနဲ့ ကျော်လင်းနိုင်တို့  (၅)ယောက်ပါ။ ဒဏ်ရာရသူ တွေကတော့ ကိုဌေးလွင်၊ ကိုဖိုးအေး၊ အရှည်ကြီး၊ ကိုဆန်းဝင်းတို့(၄)ယောက်ပါ၊ သေသွား တာက အောင်သူထွေး(ခ)ကျော်သူထွေးနဲ့ ကျော်လင်းနိုင်တို့(၂)ယောက်က ထန်းတပင်ဆေးရုံကို(၁၈၊၈၊၂၀၁၃)ရက်နေ့မှာ ရောက်လာလို့ ကျွန်တော်တို့စခန်းက ဆေးစာပေးထားပါတယ်။ သူတို့(၂)ယောက်က ဇီးဖြူသောင်ကျေးရွာကလို့ သိရပါတယ်၊ ကျန်တဲ့လူတွေနဲ့ ပါတ်သက်ပြီး သတင်းအတိအကျမသိရပါဘူး။ အခင်းဖြစ်ပွါးတဲ့ ဒေသက အပစ်ရပ်လက်နက်ကိုင်အဖွဲ့ တွေ ကျက်စားသွားလာတဲ့ နေရာဒေသပါ၊ သပြေညွန့်ရဲစခန်းအပိုင်နယ်မြေပေါ့။ လမ်းပန်းဆက်သွယ်ရေး ခက်ခဲတဲ့အပြင်နယ်မြေခြင်းတစ်ခြားစီမို့ အတိအကျသိဖို့ ခက်ပါတယ်ဟု ထန်းတပင်ရဲစခန်းမှ မှုခင်းစာရေးကြီး၏ ပြောပြချက်နှင့်သံတောင်ကြီး ခရိုင်ရဲတပ်ဖွဲ့ မှူးရုံးတာဝန်ရှိသူ ရဲတပ်ဖွဲ့ ဝင်တို့ ၏ ပြောပြချက်အရသိရသည်။

သပြေညွန့်ရဲစခန်းအပိုင် ကရင်ပြည်နယ်တောင်တန်းများ တစ်ကြော၌ အပစ်မရပ်မီ ကာလကတည်းကနယ်မြေ မအေးချမ်းသော်လည်း ရွှေထွက်ရှိခြင်း ပမာဏမှာ အတိုင်းအတာတစ်ခုအထိ အနေအထားကောင်းမွန်မှုကြောင့် ရွှေတူးဖေါ်ရေး ကုမ္ပဏီများ လာရောက်လုပ်ကိုင်ခဲ့ကြပြီး ဒေသခံပြည်သူတို့အတွက်သက်စွန့် ဆံဖျား အလုပ်အကိုင်များပ်ါပေါက်လာခဲ့သည် ဖြစ်ရာယခုကဲ့သို့ မြေပြိုကျ၍ ရွှေတွင်းများအောက်တွင် ပိတ်မိကာ လူသေဆုံးမှုများ ရံဖန်ရံခါကြုံတွေ့ရတတ်ကြောင်း ဒေသခံများ၏ ပြောပြချက်အရသိရသည်။

မောင်ဆွေ(တောင်ငူ)
by Myanmar News Now

အီလက်ထရောနစ် ဥပဒေပြင်ရေး ဆွေးနွေးရန် လွှတ်တော်သဘောတူ

နိုင်ငံရေးသမားတွေနဲ့ တက်ကြွလှုပ်ရှားသူတွေကို နှိပ်ကွပ်တဲ့နေရာမှာ အသုံးပြုခဲ့တဲ့ အီလက်ထရောနစ် ဥပဒေပြင်ဖို့ အဆိုတင်တာကို လွှတ်တော်က လက်ခံဆွေးနွေးဖို့ သဘောတူလိုက်ပါတယ်။ 

ဒီနေ့ပြုလုပ်တဲ့ လွှတ်တော်ထဲ သင်္ကန်းကျွန်းမြို့နယ်၊ ပြည်သူ့လွှတ်တော်ကိုယ်စားလှယ် ဦးသိန်းညွန့်က အီလက်ထရောနစ် ဆက်သွယ်ဆောင်ရွက်ရေးဥပဒေကို ပြင်ဆင်တဲ့ ဥပဒေကြမ်းကို အဆိုတင်ခဲ့တာဖြစ်ပြီး လွှတ်တော်က ဆွေးနွေးဖို့ လက်ခံလိုက်တာ ဖြစ်ပါတယ်။ 

သူအဓိက ပြင်ဆင်လိုက်တဲ့ ဥပဒေပါအချက်တချို့ကို ဦးသိန်းညွန့်က အခုလို ပြောပါတယ်။

"ဒီဥပဒေ အခန်း ၁၂ မှာ ပုဒ်မ ၃၃ ကနေ စပြီးတော့ ပြစ်ဒဏ်တွေကို ချမှတ်ထားတာ ရှိတယ်။ ဒီချမှတ်ချက်တွေဟာ ပြင်ထန်လွန်းပါတယ်။ နောက်တခါ ဒီဥပဒေရဲ့ ပြဋ္ဌာန်းချက်ဟာ အဓိပ္ပာယ်ကောက်တဲ့ အခါမှာ ကျယ်ကျယ်ပြန့်ပြန့် ကောက်ပြီးတော့ ပွင့်ပွင်လင်းလင်းပြောရရင်တော့ နိုင်ငံရေး ရည်ရွယ်ချက်နဲ့ အသုံးချလို့ ရတယ်။ ဥပမာ ပုဒ်မ ၃၃ မှာ နိုင်ငံတော်ရဲ့ လုံခြုံရေး၊ တရားဥပဒေ စိုးမိုးရေးနဲ့ နယ်မြေ အေးချမ်းသာယာရေး၊ တိုင်းရင်းသား စည်းလုံးညီညွတ်ရေး၊ နိုင်ငံရေး၊ စီးပွားရေး၊ အမျိုးသား ယဉ်ကျေးမှုကို ထိခိုက်မှု တခုခုကို ပြုရင် နိုင်ငံတော်ရဲ့ လုံခြုံရေး၊ တရားဥပဒေစိုးမိုးရေးနှင့် နယ်မြေအေးချမ်းသာယာရေး၊ တိုင်းရင်းသား စည်းလုံးညီညွတ်ရေး၊ နိုင်ငံတော် စီးပွားရေးနှင့် အမျိုးသား ယဉ်ကျေးမှုနှင့် စပ်လျဉ်း၍ နိုင်ငံတော်ရဲ့ လျှို့ဝှက်ချက်နဲ့ သက်ဆိုင်သော သတင်းအချက်အလက်များကို ရယူခြင်း သို့မဟုတ် ပေးပို့ဖြန့်ချိခြင်း။

"ဆိုတော့ အပေါ်မှာ တင်ပြထားတဲ့ ဥပဒေတွေက အင်မတန်မှ ကျယ်ဝန်းတယ်။ ဒီလိုကျယ်ဝန်းတဲ့ အခါကျတော့ ဒီဥပဒေနဲ့ နည်းပညာကို မသိတဲ့ တရားသူကြီးတွေ၊ ရှေ့နေတွေ အားလုံးပေါင်းပြီး တရားစီရင်လိုက်တဲ့ အခါကျတော့ မသိပဲ စီရင်လိုက်တဲ့ ဒဏ်ပေါ့။ တော်တော်များများ ဒီနေ့ ကျနော်လွှတ်တော်ထဲမှာ ထောက်ပြသလိုပေါ့။ နိုင်ငံရေးသမားတွေ၊ ကျောင်းသား ခေါင်းဆောင်တွေ ခံရတာကိုး။ အဲဒါကြောင့် ပြင်းထန်တဲ့ ပုဒ်မပေါ့။ ထောင်ဒဏ်တွေကို ထက်ဝက်လျှော့တဲ့ဟာပေါ့။ တတ်နိုင်သမျှ ကျနော် လျှော့ပစ်တာပေါ့။ ဤပြဋ္ဌာန်းချက်သည် နိုင်ငံတော်ရဲ့ လုံခြုံရေး၊ တရားဥပဒေ စိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအလို့ငှာ ပြဋ္ဌာန်းထားသည့် ဥပဒေနှင့် မဆန့်ကျင်သော မိမိယုံကြည်တဲ့ ထင်မြင်ယူဆချက်နဲ့ လွတ်လပ်စွာ ထုတ်ဖော်ပြောဆိုခွင့်၊ ရေးသား ဖြန့်ဝေတာနဲ့ မသက်ဆိုင်ဆိုပြီးတော့ ကျနော် ကင်းလွတ်ခွင့်ရအောင် ထပ်ထည့်တယ်။ မူလအုပ်စုမှာ ကင်းလွတ်ခွင့်မပါဘူး။"

ဦးသိန်းညွန့်ဟာ ပြီးခဲ့တဲ့ ၆ ကြိမ်မြောက် လွှတ်တော်ထဲ ဒီအီလက်ထရောနစ်ဥပဒေကို ပယ်ဖျက်ဖို့ အဆိုတင်ခဲ့ပေမယ့် လွှတ်တော်က ပယ်ချခံတာမို့ အခုလို ဥပဒေကိုပြင်ဆင်ဖို့ ကြိုးပမ်းတာ ဖြစ်ပါတယ်။

ထောင်အနှစ် ၆၀ ချခံခဲ့ရတဲ့ ၈၈ မျိုးဆက် ပွင့်လင်းလူ့အဖွဲ့အစည်းရဲ့ ခေါင်းဆောင်တဦးဖြစ်တဲ့ ဦးဂျင်မီက ဒီဥပဒေဟာ ဖျက်သိမ်းသင့်တဲ့ ဥပဒေလို့ ပြောပါတယ်။

"အဓိက ကျနော်ပြောချင်တာ ဥပဒေ ပုဒ်မ ၃၃ (က)မှာပေါ့။ အဲဒါက ကျနော်တို့ ဒီမိုကရေစီ နိုင်ငံတခု တည်ထောင်မယ်ဆိုရင် မဖြစ်သင့်တဲ့ ကိစ္စတခု။ ၃၃ (က)နဲ့ ကျနော်တို့ကို အမြင်ဆုံး ၁၅ နှစ်အထိ ချလို့ရတယ်။ ကျနော်တို့ဆိုရင် အီးမေးလ် ၄ စောင်ပို့တာနဲ့တင် အနှစ် ၆၀ ချတယ်။ အဲဒီလို ဥပဒေမျိုးကို ပြင်ဆင်ရုံပဲ ပြင်ဆယ်မယ်ဆိုရင် ဒီကနေ့ အင်တာနက် ခေတ်ကြီးမှာ တကမ္ဘာလုံးနဲ့ ဆက်နွှယ်ပတ်သက်ပြီးတော့ အသုံးပြုနေတဲ့ ခေတ်ကြီးမှာဆိုရင် နောက်ကျကျန်ခဲ့မယ့် ဥပဒေမျိုး ဖြစ်နေမှာကို ကျနော်စိုးရိမ်တယ်။ အကောင်းဆုံးကတော့ အဲဒီ ဥပဒေ တခုလုံးကို ပြန်သုံးသပ်ဖို့လိုတယ်။ ပြန်သုံးသပ်ပြီးတော့ ဖျက်သင့်ရင်လည်း ဖျက်လိုက်။ ဖျက်သင့်တယ်လို့ ကျနော် မြင်တယ်။ အဲဒီဥပဒေဟာ ဖျက်သင့်တဲ့ ဥပဒေကြီး။"

အီလက်ထရောနစ် ဆက်သွယ်ဆောင်ရွက်ရေးဥပဒေကို နအဖ စစ်အစိုးရခေတ် ၂၀၀၄ ခုနှစ်မှာ ပြဋ္ဌာန်းခဲ့တာ ဖြစ်ပါတယ်။ 

by ရွှေအောင်  

ကလေးဝမြို့ တွင် အလယ်တန်းပြ ကျောင်းဆရာမ တစ်ဦး ဆွဲကြိုးချ သေဆုံး

စစ်ကိုင်း သြဂုတ် ၂ဝ

စစ်ကိုင်းတိုင်း ဒေသကြီး ကလေးဝမြို့ အမှတ်(၃) ရပ်ကွက်၌ ယမန်နေ့မွန်းလွဲ ၁ နာရီခန့်က အလယ်တန်းပြ ကျောင်းဆရာမတစ်ဦး မိမိကိုယ်ကိုယ် ဆွဲကြိုးချ၍ သေဆုံးခဲ့ကြောင်း မြို့နယ် အထွေထွေ အုပ်ချုပ်ရေး ဦးစီးဌာနရှိ ဝန်ထမ်းတစ်ဦးက အတည်ပြု ပြောကြားခဲ့သည်။

သေဆုံးသူ အလယ်တန်းပြ ကျောင်းဆရာမကြီး ဒေါ်ခင်စန်းမြင့်သည် အသက် ၅၃ နှစ်ခန့် အရွယ်ရှိပြီး အိမ်ထောင်မရှိသူ တစ်ဦးတည်းနေ အပျိုကြီး တစ်ယောက်လည်း ဖြစ်သည်ဟု၎င်းက ဆက်လက် ပြောကြားခဲ့သည်။

ကလေးဝမြို့ ရဲဌာန၏ မှတ်တမ်းများတွင် အဆိုပါ လူသေဆုံးမှုနှင့် ပတ်သက်၍ သေဆုံးသူ ဆရာမကြီး ဒေါ်ခင်စန်းမြင့်သည် ကလေးဝမြို့ အထက်တန်းကျောင်း၌ အလယ်တန်းပြ တာဝန် ထမ်းဆောင်နေသူ တစ်ဦးဖြစ်ပြီး ဆေးနားခွင့် ရယူထားသူ တစ်ဦးဖြစ်ကာ စိတ်ကျရောဂါ ဝေဒနာရှင် တစ်ဦးဖြစ်သည်။

''ဆရာမကြီးက သဘောထား ကောင်းပြီး သင်ကြားမှုပိုင်း ဆိုင်ရာ မှာလည်း စိတ်ရှည် သည်းခံနိုင်တာကြောင့် တပည့်တွေ အားလုံး နီးပါးက ချစ်ခင် ရိုသေကြပါတယ်''ဟု အမှတ်(၁)ရပ်ကွက်နေ ရေယာဉ်ပိုင်ရှင် တစ်ဦးကလည်း ပြောကြားခဲ့သည်။

ထိုနေ့က ရဲစခန်း တာဝန်ကျ တာဝန်မှူး ဒုတိယ ရဲအုပ် ရဲစိုးမိုး၏ စစ်ဆေးချက်များ အရ သေဆုံးသူသည် ၎င်း၏ နေအိမ်အပေါ်ထပ်ရှိ ထုပ်တန်း၌ အရှည် ၁၁ ပေခန့်ရှိ ဖြူ၊ နီကျား နိုင်လွန်ကြိုးကို အသုံးပြု၍ ဆွဲကြိုးချ သေဆုံးနေခြင်း ဖြစ်သည်။

အဆိုပါ သေဆုံးမှုတွင် မည်သည့် အတွက်ကြောင့် သေဆုံး ရသည်ကို စစ်ဆေး ဆောင်ရွက်နိုင်ရန် ဒုတိယ ရဲအုပ် ရဲစိုးမိုးက တရားလို ပြုလုပ် တိုင်တန်းခဲ့ရာ ကလေးဝ ရဲစခန်းက သေမှုသေခင်း အမှတ်စဉ် (၃/၂ဝ၁၃)အရ ရေးဖွင့် လက်ခံ ဆောင်ရွက်လျက် ရှိကြောင်း စစ်ဆေး သိရှိရသည်။

မြ၀တီ

သံတွဲ ရေကြီးမှုကြောင့် လူအသေအပျောက်ရှိ

ရခိုင်ပြည်နယ် သံတွဲမြို့မှာ တောင်ကျရေကျခြင်း မိုးအဆက်မပြတ် ရွာသွန်းခြင်းတွေကြောင့် မြို့ပေါ်မှာ ရေကြီးမှုတွေဖြစ်ပြီး ရေနဲ့ အတူ မျောပါသွားပြီး လူအသေအပျောက်တွေ ရှိနေတယ်လို့ ဆိုပါတယ်။ အပြည့်အစုံကို ဆက်သွယ်စုံစမ်းထားတဲ့ မအေးအေးမာ က သတင်းပေးပို့ထားပါတယ်။

မြန်မာနိုင်ငံရဲ့ တိုင်းနဲ့ ပြည်နယ်တချို့မှာ ဇူလိုင်လကုန်နဲ့ သြဂုတ်လအတွင်းမှာ မိုးသည်းထန်စွာ ရွာသွန်းမှု၊ မြစ်ရေကြီးမှု၊ တောင်ကျရေ ကျဆင်းမှုတွေကြောင့် ကရင်ပြည်နယ်၊ မွန်ပြည်နယ်၊ ဧရာဝတီတိုင်း စတဲ့နေရာတွေမှာ ရေကြီးမှုတွေကို ကြုံနေကြရပါတယ်။

ဒီရက်ပိုင်းအတွင်းမှာပဲ မိုးအဆက်မပြတ် ရွာသွန်းမှုတွေကြောင့် ရခိုင်ပြည်နယ် သံတွဲမြို့ပေါ်မှာ ရေကြီးပြီး ဈေးများပိတ်ထားရသလို ကျောင်းတွေကိုလည်း ကျောင်းသားတွေ မသွားနိုင်ကြဘူးလို့ ဆိုပါတယ်။ သံတွဲမြို့ ရေကြီးမှုအတွင်း အသေအပျောက်တွေ ရှိနေတယ်လို့လည်း သံတွဲမြို့က သတင်းမှန် ဖော်ထုတ်ရေးအဖွဲ့ဝင် ဦးဝင်းနိုင် က ဆိုပါတယ်။

 "အသေအပျောက် ၃ ယောက်လောက်ရှိပါတယ်။ တချို့လည်း ဟိုအောက်ဘက်မှာ သွားတင်လို့ သွားယူနေကြတဲ့ လူတွေလည်းရှိပါတယ်။ အားလုံးတော့ မသိသေးပါဘူးခင်ဗျ။ ရေကြီးတယ်ဆိုတာကတော့ မိုးက တော်တော်လေး ရွာတယ်လေ။ မိုးတော်တော်ရွာတော့ ချောင်းဖျားမိုးပေါ့။ ချောင်းဖျားမိုး တော်တော်ရွာတယ်။ မိုးကလည်း ၃၊ ၄ ရက်လောက်ကို ရွာလိုက်တော့ ရေနဲ့ အင့်နေတာပေါ့။ အခုလောလောဆယ်ကို ၂ ပေ၊ ၃ ပေ လောက်တော့ ကျသွားပါပြီ။ ကျသွားပြီဆိုပေမဲ့လည်း ရေကတော့ ငြိမ်ပြီးတော့ အင့် နေတာပေါ့နော်။ ဈေးတို့၊ ကျောင်းတို့ ဆိုတာကတော့ ပိတ်တာမဟုတ်ပါဘူး။ ဈေးသည်လည်း မလာနိုင်ဘူး။ ကျောင်းသားလည်း မသွားနိုင်ဘူး။ အဲ့ဒီအနေအထားကြောင့်ပါ။ ကျနော်တို့ အမှတ်-၁ ရပ်ကွက်၊ ၂ ရပ်ကွက်ပေါ့ အဲ့ဒီနေရာတွေမှာတော့ မြုပ်နေပါတယ် အားလုံးကတော့။ လမ်းတွေအားလုံး မြုပ်နေတယ်။"

မြစ်ကမ်းပါးအနီးမှာ ဆောက်လုပ်ထားတဲ့ အိမ်တွေလည်း ပြိုနိုင်တဲ့ အခြေအနေ ရှိတာကြောင့် အိမ်ကို ဖျက်နေကြရတယ်လို့လည်း ဆိုပါတယ်။

"ရခိုင်ပြည်နယ်မှာဆိုရင် ကျနော်တို့ သံတွဲမြို့နဲ့ ၁၄ မိုင်ကွာတဲ့ ရွာမှာ ရသေ့အုပ်စု၊ ရွှေလေအုပ်စုဆိုတာရှိတယ်။ ရွှေလေအုပ်စုဆိုတာက အဲ့ဒီနေရာမှာတောင်မှ အခု အိမ်တွေ ၁၀ လုံးလောက်တော့ ဖျက်လိုက်ရတာပေါ့ဗျာ။ ဖျက်လိုက်ရတယ်ဆိုတာ ချောင်းရေက တအားကြီးတော့ ကားလမ်းတွေလည်း မြုပ်နေတယ်လေ။ ချောင်းရေက တအားကြီးတော့ အိမ်တွေက ကမ်းပါးပြိုတော့ ပါသွားမှာစိုးတော့ ပါသွားမယ့်အတူတူ ဖျက်နေကြတာပေါ့။ အခုတော့ ၁၀ လုံးလောက် ဖျက်နေပါတယ်လို့ ကျနော့်ဆီကို သတင်းပို့ပါတယ်ခင်ဗျ။"

အမျိုးသား ဒီမိုကရေစီအဖွဲ့ချုပ် ခရိုင်ဥက္ကဌလည်းဖြစ်တဲ့ ဦးဝင်းနိုင်ကတော့ ရေကြီးမှုကြောင့် စားသောက်ရေး ခက်ခဲနေတဲ့ သံတွဲမြို့က လူထုတွေထံကို စားစရာနဲ့ လိုအပ်တဲ့ ပစ္စည်းများကို သွားရောက်ပေးပို့မှုတွေ လုပ်ခဲ့တယ်လို့လည်း ဆိုပါတယ်။

"ကယ်ဆယ်ရေးကတော့ ရှိပါတယ်။ ဌာနဆိုင်ရာ အုပ်ချုပ်ရေးပိုင်းကရော၊ ကြက်ခြေနီတို့ ဘာတို့ကလည်း ကယ်ဆယ်ရေး ရှိပါတယ်။ ကျနော်တို့အဖွဲ့အနေနဲ့လည်း အခုလက်ရှိမှာ ကျနော်ကိုယ်တိုင်လည်း ရေမြုပ်တဲ့နေရာတွေဆီသွားပြီးတော့ ရိက္ခာခြောက်တွေ ဖြန့်ဝေပေးနေပါတယ်။"

ဒီရက်ပိုင်းအတွင်းမှာပဲ ပဲခူးတိုင်း ရွှေတောင်မြို့နယ်အတွင်းမှာ မြစ်ကမ်းပါးတွေ ပြိုဆင်းတာတွေလည်း ဖြစ်ခဲ့ပါတယ်။ ပြီးခဲ့တဲ့လကုန်ပိုင်းကတော့ ကရင်ပြည်နယ်တွင်းက မြ၀တီမြို့နဲ့ ဘားအံမြို့တွေမှာ ရေကြီးမှုတွေ အကြီးအကျယ် ဖြစ်ခဲ့ပြီး မြ၀တီမြို့မှာလည်း လူအသေအပျောက်တွေ ရှိခဲ့ပါတယ်။

မြ၀တီက ကယ်ဆယ်ရေးလုပ်ငန်းတွေ လုပ်ကိုင်နေသူ ဒေါ်ခင်ထားကတော့ အခုချိန်ထိ ရေဘေးဒုက္ခသည်တွေဟာ ဓမ္မာရုံတွေမှာ နေထိုင်နေရသူတွေ ရှိနေသေးသလို သေဆုံးသူတွေကို ရေကျသွားချိန်မှာ ထပ်မံတွေ့ရှိတဲ့အကြောင်းနဲ့ မြို့ခံ မဟုတ်တဲ့သူတွေ အများစုဟာ စာရင်းအတိအကျ မရှိတဲ့အတွက် သေဆုံးပျောက်ဆုံးမှုတွေ ဘယ်လောက် ရှိတယ်ဆိုတာကို ခန့်မှန်းဖို့ ခက်ခဲတယ်လို့ ဆိုပါတယ်။

"ကျန်နေပါသေးတယ်။ အိမ်ပျက်သွားတဲ့သူတွေက လုံးဝကို အိမ်ပြန်မဆောက်နိုင်ဘူးလေ။ တချို့တွေဆို ဓမ္မာရုံမှာ နေနေရတုန်းပဲ။ အတိဒုက္ခကို ရောက်နေကြပါတယ်။ ဒီမှာက သူ့မိသားစု၊ ကိုယ့်မိသားစု မရှိဘူး။ ပြန်ကျတွေရှိမယ်။ ပြန်ကျတွေများတယ်။ အထူးသဖြင့် ကမ်းနဖူး ရွှေ့ပြောင်းအလုပ်သမားတွေပေါ့နော်။ ကမ်းနဖူးမှာ စက်ရုံအလုပ်သမားတွေ အဲ့ဒါတွေကျတော့ သူတို့မှာ မိသားစုဆိုတာ မရှိဘူး။ အဲ့ဒါတွေ အများကြီးပဲ။ သေဆုံးစာရင်း အခုချိန်ထိ မသိသေးဘူး။ ဟိုတလောကတောင်မှ ကျမတို့သွားတော့ အလောင်း ၆ လောင်းထပ်တွေ့တယ်လေ။ ရေကြီးပြီး တော်တော်ကြာတော့မှနော်။ ရေကျပြီး ၁ ပတ်လောက်ကြာတော့မှ အလောင်း ၆ လောင်း ထပ်တွေ့ရတယ်။ အဲ့ဒီကုမ္ပဏီတွေကလည်း ဘာမှ တာဝန်မယူဘူး။ တာဝန်မယူတဲ့အခါကျတော့ သူတို့ကလည်း မြ၀တီရေကြီးတာ မကြုံဖူးကြဘူးလေ။ ဒါမျိုး မတွေ့ဖူးကြဘူး။ အဲ့တော့ ပြေးရလွှားရမယ်ဆိုတာလည်း မသိဘူးပေါ့။ ရာနဲ့ချီကတော့ ငတ်နေကြတာပေါ့။ အထူးသဖြင့် ဒုက္ခရောက်တာတော့ ရပ်ဝေးကသူတွေ တော်တော်ဒုက္ခရောက်တယ်။"

ကရင်ပြည်နယ်တွင်း ရေကြီးမှုကြောင့် သောင်းနဲ့ချီရှိတဲ့ လူထုတွေဟာ ရေဘေးဒဏ်ကို ခံစားခဲ့ရပါတယ်။ အစိုးရနဲ့ ဌာနဆိုင်ရာတွေကတော့ ကယ်ဆယ်ရေးစခန်းတွေ ဖွင့်ပြီး ကယ်ဆယ်ရေးလုပ်ငန်းတွေ လုပ်ဆောင်ခဲ့ပေမဲ့ ရေဘေးဒဏ်ခံပြည်သူတွေက အများအပြား ဖြစ်တာမို့  အစားအသောက်နဲ့ သောက်ရေတွေ အခက်အခဲတွေ ဖြစ်ခဲ့ရပါတယ်။ ရေကျသွားပေမဲ့လည်း ရေကြီးမှုရဲ့ နောက်ဆက်တွဲအဖြစ် အိမ်တွေ အလုံးလိုက် မျောပါသွားသူတွေ အိမ်တွေ ပျက်ဆီးသွားသူတွေကတော့ နေထိုင်စရာ အခက်အခဲတွေ ရှိနေဆဲပါ။

မြ၀တီမြို့မှာတော့ အဓိကကျတဲ့ လမ်းမကြီးတွေက လွဲရင် တခြား ချောင်ကျတဲ့နေရာတွေမှာ ရွှံနွံများ၊ အမှိုက်များနဲ့ မြို့ပျက်ကြီးတခုလို ဖြစ်နေပြီး အနံ့အသက် မကောင်းတာတွေ ရေမသန့်တာတွေကြောင့် ကျန်းမာရေးအရ စိုးရိမ်စရာတွေ ရှိနေတယ်လို့လည်း မြို့ခံတွေက ဆိုပါတယ်။

မအေးအေးမာ (ဗွီအိုအေ)

ထိုင်းထိန်းသိမ်းရေးစခန်းရှိ ရိုဟင်ဂျာတွေ လွှတ်ပေးရေး HRW တောင်းဆို

ထိုင်းနိုင်ငံ လူဝင်မှုစခန်းတွေမှာ ထိန်းသိမ်းထားတဲ့ လှေစီးပြေး ရိုဟင်ဂျာ ဒုက္ခသည်တွေကို ထိုင်းအစိုးရက ပြန်လွှတ်ပေးဖို့ လူ့အခွင့်အရေး စောင့်ကြည့်လေ့လာရေးအဖွဲ့ HRW က တောင်းဆိုလိုက်ပါတယ်။ ထိုင်းနိုင်ငံတောင်ပိုင်း လူဝင်မှု ထိန်းသိမ်းရေးစခန်း တစ်ခုကနေ ရိုဟင်ဂျာ ၈၀ ကျော် ထွက်ပြေးသွားတယ် ဆိုတဲ့သတင်း ထွက်လာချိန်မှာပဲ HRW အဖွဲ့က အဲဒီလို တောင်းဆိုလိုက်တာပါ။
 
သူတို့ကို ထိန်းသိမ်းထားစဉ်ကာလမှာလည်း ထိုင်းအစိုးရအနေနဲ့ အကာအကွယ်ပေး သင့်တယ်လို့ HRW က ပြောပါတယ်။ အပြည့်အစုံကို ဆက်သွယ်မေးမြန်းထားတဲ့ ကိုကျော်ကျော်သိန်းက ပြောပြပါမယ်။
 
ထိုင်းနိုင်ငံတ၀ှမ်းက လူဝင်မှု ထိန်းသိမ်းရေးစခန်းတွေနဲ့ လူမှုဝန်ထမ်းဂေဟာတွေမှာ ထိန်းသိမ်းထားတဲ့ ရိုဟင်ဂျာ ၁,၈၃၉ ဦးကို ထိုင်း-မြန်မာနယ်စပ်တလျှောက်က ဒုက္ခသည်စခန်းတွေဆီ လွှဲပြောင်းဖို့ ထိုင်းအစိုးရအဖွဲ့က စဉ်းစားနေတယ်ဆိုတဲ့ သတင်း သြဂုတ်လ ၁၃ ရက်နေ့မှာ ထွက်လာခဲ့ပြီး သီတင်းတပတ်အကြာ သြဂုတ်လ ၂၀ ရက်နေ့မှာ HRW အဖွဲ့က ထိုင်းအစိုးရကို တောင်းဆို တိုက်တွန်းလိုက်တာပါ။
 
ဆိုးရွားပြီး ဘေးကင်းလုံခြုံမှု မရှိတဲ့ အခြေအနေနဲ့ လက်ရှိမှာ သူတို့ကို ထိန်းသိမ်းထားတာကနေ ပြန်လွှတ်ပေးစေချင်ပါတယ်လို့ လူ့အခွင့်အရေး စောင့်ကြည့်လေ့လာရေးအဖွဲ့ HRW ရဲ့ အာရှဒေသဆိုင်ရာ ဒုတိယညွန်ကြားရေးမှူး ဖီလ် ရောဘတ်ဆန် (Phil Robertson) က ဗွီအိုအေကို ပြောပါတယ်။
 
"သူတို့ကို ယာယီ အကာအကွယ် ပေးသင့်ပါတယ်၊ သူတို့နဲ့ပတ်သက်ပြီး ဘာလုပ်မယ်ဆိုတာကို အစိုးရက နည်းလမ်းရှာနေတဲ့အချိန်မှာ လွတ်လပ်စွာ သွားလာခွင့်၊ အလုပ်လုပ်ခွင့်တွေ ပေးသင့်ပါတယ်။ သူတို့ကို အခုလိုမျိုး လူတွေပြည့်ကျပ်နေတဲ့၊ သန့်ရှင်းမှုမရှိတဲ့၊ ပွင့်ပွင့်လင်းလင်း ပြောရရင် အန္တရာယ်ရှိတဲ့ လူဝင်မှုစခန်းတွေမှာ ပိတ်လှောင်ပြီး ထိန်းသိမ်းမထားသင့်ပါဘူး။"
 
တရားမ၀င် ၀င်ရောက်လာသူတွေဆိုပြီး ထိုင်းအစိုးရက ဖမ်းဆီးထားသူတွေကို အခုလိုမျိုး လွတ်လပ်စွာ သွားလာခွင့်တွေ၊ အလုပ်လုပ်ခွင့်တွေ ပေးဖို့ဆိုတာဟာ တကယ်တမ်း ဖြစ်နိုင်ခြေရှိရဲ့လားဆိုတာက မေးခွန်းထုတ်စရာပါ။ ဖီလ် ရောဘတ်ဆန်ကတော့ ဒါဟာ ဖြစ်နိုင်ခြေရှိသလို နိုင်ငံတကာ လူ့အခွင့်အရေး စံနှုန်းစံထားတွေနဲ့လည်း ကိုက်ညီတယ်လို့ ပြောပါတယ်။ တကယ်တမ်းကျတော့ ရိုဟင်ဂျာတွေကို နိုင်ငံရေး ခိုလှုံခွင့် လျှောက်ထားသူတွေအဖြစ် သတ်မှတ် စဉ်းစားသင့်တယ်လို့ မစ္စတာ ရောဘတ်ဆန်က ပြောပါတယ်။
 
"သူတို့ကို ထိုင်းအစိုးရက အကာအကွယ် ပေးသင့်ပါတယ်၊ သူတို့ဟာ တတိယနိုင်ငံ တစ်ခုကို သွားခွင့်မရကြဘူးဆိုရင်၊ မြန်မာနိုင်ငံမှာ ဖိနှိပ်မှုတွေနဲ့ ရင်ဆိုင်ရမှာ ဖြစ်တဲ့အတွက် မြန်မာနိုင်ငံဆီ ပြန်လို့မရနိုင်တာကတော့ သေချာပါတယ်။ သူတို့အတွက် နောက်ထပ် အဖြေတစ်ခုကို ရှာရပါမယ်။ ရိုဟင်ဂျာတွေကို ထားတာဟာ နိုင်ငံတကာ လူ့အခွင့်အရေး စံချိန်စံညွှန်းတွေနဲ့ ကိုက်ညီတယ်ဆိုတာ သေချာစေရေး ထိုင်းနိုင်ငံအနေနဲ့ တိုးမြှင့်လုပ်ဆောင်ရပါမယ်။"
 
ထိုင်းအစိုးရကို HRW အဖွဲ့က တောင်းဆိုလိုက်တဲ့ တစ်ရက်ထဲမှာပဲ ထိုင်းနိုင်ငံတောင်ပိုင်း၊ Sadao ခရိုင်က လူဝင်မှုထိန်းသိမ်း ရေးစခန်းမှာ ထိန်းသိမ်းထားတဲ့ ရိုဟင်ဂျာလှေစီးပြေး ဒုက္ခသည်တွေထဲက ၈၆ ယောက် ထက်မနည်းဟာ စခန်းကိုဖောက်ပြီး ထွက်ပြေးသွားတယ်လို့ ထိုင်းတာဝန်ရှိသူတွေက ပြောပါတယ်။
 
ထိုင်းနိုင်ငံတွင်း တရားမ၀င် ၀င်ရောက်လာမှုနဲ့ သူတို့ကို ထိန်းသိမ်းထားတာပါ။ ထွက်ပြေးသွားသူတွေထဲက အနည်းဆုံးနှစ်ယောက်ကို ပြန်ဖမ်းမိပြီလို့တော့ ထိုင်းတာဝန်ရှိသူတွေက ပြောပါတယ်။
 
သူတို့တွေ အခုလိုထွက်ပြေးရတာဟာ HRW အဖွဲ့က ပြောသလိုပဲ စခန်းမှာ လူတွေပြည့်ကျပ်နေတာ၊ သန့်ရှင်းမှုနဲ့ လုံခြုံမှုမရှိတဲ့ ဆိုးရွားတဲ့ အခြေအနေတွေကြောင့်ဖြစ်တယ်ဆိုတာကို APHR လို့ခေါ်တဲ့ လူ့အခွင့်အရေးဆိုင်ရာ အရှေ့တောင်အာရှ လွှတ်တော်ကိုယ်စားလှယ်များအဖွဲ့ကလည်း ထောက်ပြ ပြောဆိုပါတယ်။
 
ရိုဟင်ဂျာတွေပတ်သက်တဲ့ စိုးရိမ်ချက်တွေကို ထိုင်း အစိုးရအနေနဲ့ ကိုင်တွယ်ဖြေရှင်းဖို့နဲ့ ဒေသဆိုင်ရာ အဖြေတစ်ခုရှာဖို့ APHR အဖွဲ့ကလည်း ထိုင်းအစိုးရကို တောင်းဆိုပါတယ်။
 
APHR အဖွဲ့ဥက္ကဋ္ဌ အင်ဒိုနီးရှားလွှတ်တော်အမတ် မစ္စ အီဗာ ဆွန်ဒါရီပါ။
 
တကယ်ကတော့ မြန်မာနိုင်ငံတွင်းမှာ၊ အထူးသဖြင့် ရခိုင်ပြည်နယ်ဘက်မှာ အခုလို ရိုဟင်ဂျာလို့ ခေါ်ဝေါ်သုံးစွဲတာကိုက အငြင်း ပွားဖွယ်ကိစ္စတစ်ခု ဖြစ်နေတာပါ။ မြန်မာနိုင်ငံက လူနည်းစု လူမျိုးစုတွေထဲမှာ ရိုဟင်ဂျာဆိုတာ မရှိဘူးလို့ မြန်မာအစိုးရကရော မြန်မာလူထုအများစုကပါ ရပ်တည် ပြောဆိုကြပါတယ်။
 
ဒါပေမဲ့လည်း နိုင်ငံတကာမှာတော့ ရိုဟင်ဂျာလို့ပဲ ခေါ်ဝေါ်သုံးစွဲကြပြီး သူတို့ဟာ ကမ္ဘာပေါ်မှာ အဆိုးရွားဆုံး ခွဲခြားဆက်ဆံမှုနဲ့ အဖိနှိပ်ခံရဆုံး လူနည်းစု လူမျိုးစုဝင်တွေဖြစ်ကြတယ်လို့ ကုလသမဂ္ဂက သတ်မှတ်ထားပါတယ်။

ကင်တားနားကို မိတ္ထီလာမှာ ဒေသခံတွေ ဆန္ဒပြ

မြန်မာနိုင်ငံအတွင်းက လူ့အခွင့်အရေး အခြေအနေတွေကို လေ့လာ သုံးသပ်ဖို့အတွက် ၁၀ ရက်ကြာရောက်ရှိနေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ်စ် အိုဟေး ကင်တားနား (Tomas Ojea Quintana) မနေ့ညက မိတ္ထီလာမြို့ကို ရောက်လာတဲ့အချိန် ရာနဲ့ချီတဲ့ ဒေသခံတွေ မြို့အ၀င်မှာစောင့်ပြီး ကန့်ကွက် ဆန္ဒပြခဲ့ကြပါတယ်။
 
မစ္စတာ ကင်တားနားဟာ သူ့ခရီးစဉ်ရဲ့ ၉ ရက်မြောက်နေ့မှာတော့ သမ္မတရုံး ၀န်ကြီးတွေဖြစ်ကြတဲ့ ဦးအောင်မင်းနဲ့ ဦးစိုးသိန်းတို့နဲ့ တွေ့ဆုံခဲ့ပါတယ်။ အပြည့်အစုံကိုတော့ ရန်ကုန်မြို့ကနေ ၀ိုင်းတော်သား ကိုဇော်ဝင်းလှိုင်က သတင်းပေးပို့ထားပါတယ်။
 
မြန်မာအစိုးရရဲ့ ဖိတ်ကြားချက်နဲ့ လူ့အခွင့်အရေး အခြေအနေတွေကို လေ့လာဖို့အတွက် ၁ဝ ရက်ကြာ ရောက်ရှိနေတဲ့ မစ္စတာ ကင်တားနားဟာ မြန်မာနိုင်ငံအတွင်း လူမျိုးရေးဆန်တဲ့ ပဋိပက္ခတွေ ဖြစ်ခဲ့တဲ့ အဓိက မြို့တွေကို သွားရောက် လေ့လာနေတာမှာ မနေ့က ရှမ်းပြည်နယ်ကို သွားရောက်အပြီး မန္တလေးကတဆင့် မိတ္ထီလာမြို့ကို ခရီးဆက်သွားတာ ဖြစ်ပါတယ်။
 
မိတ္ထီလာမြို့ကို သူရောက်လာတဲ့ အချိန်မှာတော့ ရာနဲ့ချီတဲ့ ဒေသခံတွေ စုဝေးပြီး ကန့်ကွက် ဆန္ဒပြခဲ့ကြတယ်လို့ ဆန္ဒပြပွဲမှာ ပါဝင်ခဲ့သူ မိတ္ထီလာမြို့ခံတဦးက ဗွီအိုအေကို ပြောပါတယ်။
 

ဖြေ။           ။ "ဆန္ဒပြဖြစ်ပါတယ်။"

မေး။          ။ လူအင်အားများလား။ ဘယ်လောက်လောက်ရှိသလဲ။ ဘယ်လိုပြကြတာလဲ။
ဖြေ။           ။ "ကျနော်တို့ ခန့်မှန်းလို့တော့ မရဘူးဗျ။ လူအင်အား တော်တော်များတယ်။ မစ္စတာ ကင်တားနား က ည ၁၀ နာရီ ၃၅ လောက်မှာ လာတယ်ပေါ့။ ဒါပေမဲ့ မစ္စတာ ကင်တားနား မလာခင် ညနေ ၅ နာရီခွဲ ၆ နာရီလောက်ကတည်းက ဆန္ဒပြဖို့အတွက် လူစုလူဝေးတွေက ပြင်ဆင်နေတာပေါ့နော်။ သူ ရောက်လာတဲ့အခါကျတော့ ကျနော်တို့ ဒီ လူအုပ်ကြီးက ညပိုင်းရောက်လာတဲ့အချိန်မှာ လူအုပ်က သူ့ကားကို ၀ိုင်းပြီးတဲ့အခါကျတော့ ကြွေးကြော်သံတွေ အော်တယ်ပေါ့။"

မေး။          ။ ဘယ်လိုကြွေးကြော်သံမျိုးတွေကို အော်တာလဲ။
ဖြေ။           ။ "ကင်တားနား အလိုမရှိ။ ဆိုင်းဘုတ်တွေလည်း ကိုင်ထားကြတယ်ခင်ဗျ။"

မေး။          ။ ဘယ်လို ဆိုင်းဘုတ်တွေများ ကိုင်ထားလဲ။
ဖြေ။           ။ "ဆိုင်းဘုတ်တွေကကျတော့ ဒီ ဟိုဟာပေါ့ ဘင်္ဂါလီ သွေးထိုးလှုံ့ဆော်သူ ကင်တားနား ထွက်သွားပေါ့။"

မေး။          ။ သူ အဲ့ဒီနေရာမှာ ဘယ်လောက်လောက်ကြာသလဲ။ သူ့ကားတန်းယာဉ်တန်းကြီး ရပ်သွားလား အဲ့ဒီမှာ။
ဖြေ။           ။ ယာဉ်တန်းကတော့ အဲ့ဒီနားမှာ ၅ မိနစ်လောက်တော့ ရပ်လိုက်တယ်ပေါ့နော်။ ၅ မိနစ်လောက်တော့ ရပ်လိုက်ပြီးတော့ သူ ပြန်ထွက်ခွာသွားတယ်ပေါ့နော်။ အဲ့ဒီနောက်မှာတော့ သူ ဟိုဟာကို သွားတယ်လို့ ကျနော်တို့ သတင်းကြားတယ်ပေါ့နော်။ မိတ္ထီလာကန်ဘေးက ဆက်သွယ်ရေး ဧည့်ရိပ်သာမှာ ခဏနေတယ်ပေါ့။

မေး။          ။ သြော် ဟုတ်ပြီ။ ဘယ်သူတွေနဲ့ တွေ့လဲ။ ဘာတွေ ကြားမိသေးလဲ။
ဖြေ။           ။ "ကျနော်တို့ ကြားမိတာကတော့ မိတ္ထီလာခရိုင် အုပ်ချုပ်ရေးမှူးနဲ့လည်း တွေ့သွားတယ်လို့လည်း ကြားတယ်ပေါ့။ ဒီနောက်မှာ ဆန္ဒထုတ်ဖော်တဲ့ မစ္စတာ ကင်တားနားကို ပေးမယ့် အိတ်ဖွင့်ပေးစာကိုလည်း မစ္စတာ ကင်တားနားလက်ထဲကို ခရိုင်အုပ်ချုပ်ရေးမှူးကတဆင့် ရောက်အောင် ပေးလိုက်တယ်လို့လည်း ကြားတယ်ဗျ။"

မေး။          ။ ပြီးတော့ရော မစ္စတာ ကင်တားနား က ဒီကနေ့မနက်မှ ပြန်သွားတာပေါ့ ဒါဆို။
ဖြေ။           ။ "မဟုတ်ဘူး။ ညတွင်းချင်းပဲ သူ ထွက်သွားတယ်လို့ ပြောတယ်ဗျ။"

မေး။          ။ ဒါဆို ခဏလေးပဲ၊ နာရီပိုင်းလေးပဲ နေသွားတာပေါ့။
ဖြေ။           ။ "နာရီပိုင်းလေးပဲဗျ။ အဲ့ဒီ ဆက်သွယ်ရေးဧည့်ရိပ်သာမှာလည်း ၁၅ မိနစ်လောက်ပဲ နေသွားတယ်ဗျ။"

မေး။          ။ သူ့ကားက ဘယ်နှစ်စီးလောက်ပါလဲ။ သူ့ယာဉ်တန်းက။
ဖြေ။           ။ "ကားကတော့ ကျနော်တို့ မြင်ရတာဆိုရင် အားလုံးပေါင်း ၆ စီး၊ ၇ စီးလောက်ပါပဲ။"

မေး။          ။ လက်နက်ကိုင် အစောင့်တွေဘာတွေရော ပါတာလား။ သူ့ယာဉ်တန်းထဲမှာ။
ဖြေ။           ။ "အဲ့လိုတော့ မပါပါဘူး။ ဒီက နယ်မြေခံတွေကပဲ နယ်မြေခံ ရဲတပ်ဖွဲ့ကပဲ သူ့အတွက် လုံခြုံရေးပေးထားတာရယ်၊ နောက် ဒီက ဆန္ဒပြတဲ့လူတွေအတွက်တော့ လုံခြုံရေး ပေးထားတာရယ်။"

မေး။          ။ နောက် မိတ္ထီလာမှာက Curfew (ညမထွက်ရအမိန့်) ထုတ်ထားတယ်ဆိုတော့ အဲ့လို ည ၁၀ နာရီ Curfew (ညမထွက်ရအမိန့်) ဆိုတော့ မစ္စတာ ကင်တားနား ရောက်တာပဲ ၁၀ နာရီကျော်နေပြီ၊ ရဲက မတားဘူးလား။ ဆန္ဒပြတဲ့သူတွေကိုပေါ့။
ဖြေ။           ။ "ကျနော်တို့လည်း အဲ့ဒီကိစ္စကိုပဲ စဉ်းစားနေတာပေါ့နော်။ အရင်ရက်တွေကဆိုရင် ကျနော်တို့ မိတ္ထီလာမှာ Curfew (ညမထွက်ရအမိန့်) ထုတ်ထားတယ်ဆိုရင် ၁၀ နာရီနောက်ပိုင်း ကျော်သွားတယ်ဆိုရင် ဖမ်းဆီးတာတွေ၊ စစ်မေးတာတွေ၊ အဲ့လိုပေါ့ အချုပ်ချတာတွေ၊ ဒါမျိုးတွေ ကျနော်တို့ တွေ့နေရတယ်။ ကြားနေရတယ်ပေါ့။ မနေ့ကကျတော့ ကျနော်တို့ ဒီ လူစုလူဝေးကြီးက ၁၀ နာရီခွဲပြီးတော့ အချိန်ထိကို ရဲတပ်ဖွဲ့တွေက လူစုခွဲမယ်လို့လည်း ပြောမထားဘူးပေါ့နော်။ ဒီအတိုင်းပဲ လွှတ်ထားတဲ့သဘောမျိုး ဖြစ်နေတယ်ပေါ့။"

မေး။          ။ ဘာမှကို မပြောတာလား။ သူတို့က လူစုခွဲဖို့ကိစ္စ တခွန်းမှကို မပြောဘူးလား။
ဖြေ။           ။ လူစုခွဲကို ဘာမှကို မပြောတာပေါ့။ အဖမ်းခံပြီးတော့ကို ဆန္ဒပြမယ်လို့လည်း တချို့တွေက ပြောကြတယ်။

မေး။          ။ မစ္စတာ ကင်တားနားကို ဆန္ဒပြတာနဲ့ ပတ်သက်ပြီး ဖမ်းတယ်၊ ဆီးတယ်လို့တော့ လုံးဝ မရှိဘူးပေါ့။ အခုအချိန်ထိတော့။
ဖြေ။           ။ "အခုအချိန်ထိတော့ ဖမ်းတယ်၊ ဆီးတယ်လို့တော့ မရှိဘူးပေါ့။ ကျနော်တို့ ထုံးစံအရဆိုရင် ဒါက ဟို ကျနော်တို့ ဥပဒေအရ ကြည့်မယ်ဆိုရင် ဒါက ပုဒ်မ ၁၈ နဲ့ ငြိစွန်းတယ်လို့လည်း မြင်တယ်ပေါ့။"
 
မစ္စတာ ကင်တားနားဟာ သူ့ရဲ့ မြန်မာပြည်ခရီးစဉ် အစ ရခိုင်ပြည်နယ်ကို သွားရောက်တဲ့အခါတုန်းကလည်း ဒေသခံတွေရဲ့ ကန့်ကွက် ဆန္ဒပြမှုတွေနဲ့ ကြုံတွေ့ခဲ့ရတာပါ။
 
မစ္စတာ ကင်တားနားဟာ မိတ္ထီလာမြို့ကနေ ဒီကနေ့ နေပြည်တော်ကို ရောက်သွားပြီး မနက်ပိုင်းမှာ ပြည်ထောင်စု ၀န်ကြီးတွေဖြစ်ကြတဲ့ ဦးစိုးသိန်း၊ ဦးအောင်မင်းတို့နဲ့ တွေ့ဆုံခဲ့တယ်လို့ အစိုးရတာဝန်ရှိသူတွေက ဗွီအိုအေကို ပြောပါတယ်။ ပြည်ထောင်စု ၀န်ကြီးတွေနဲ့ မစ္စတာ ကင်တားနားတို့ ဘယ်လို အကြောင်းအရာတွေကို ဆွေးနွေးကြတယ် ဆိုတဲ့ အသေးစိတ် အချက်အလက်ကိုတော့ နှစ်ဘက်စလုံးက ထုတ်ပြန်ခြင်း မရှိသေးပါဘူး။
 
မစ္စတာ ကင်တားနားဟာ သူ့ရဲ့ ခရီးစဉ်အတွင်း NLD အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တွေ့ဆုံမယ်လို့ သိရပါတယ်။ မနက်ဖြန် သူ မြန်မာနိုင်ငံက ပြန်လည်မထွက်ခွာခင် သူ့ခရီးစဉ်နဲ့ပတ်သက်လို့ ရန်ကုန်လေဆိပ်မှာ သတင်းစာရှင်းလင်းပွဲ ပြုလုပ်မယ်လို့ သိရပါတယ်။

ချီဖွေဒေသ KIA တပ်ရင်း ၁၀ သို့ အစိုးရတပ်နှင့် နယ်ခြားစောင့်တပ် ပူးပေါင်းထိုးစစ်ဆင်

ကချင်ပြည်နယ် ချီဖွေမြို့နယ် ကချင်လွတ်မြောက်ရေးတပ်ဖွဲ့ KIA တပ်မဟာ (၁) ဒေသ လက်အောက်ခံ တပ်ရင်း (၁၀) တွင် အစိုးရတပ်နှင့်နယ်ခြားစောင့်တပ်များပူးပေါင်း၍ သြဂုတ်လ ၁၇ ရက်နေ့တွင် ထိုးစစ်ဆင်ရာ ယနေ့နံနက်ပိုင်းအထိ ထပ်မံဖြစ်ပွားနေကြောင်းသိရသည်။

ကချင်လွတ်မြောက်ရေးတပ်ဖွဲ့ တပ်ရင်း (၁၀) နယ်မြေ ၅၉ မိုင်တွင် အစိုးရတပ်ရင်း ခမရ ၅၀၁ နှင့် ဦးဇခုန်တိန့်ယိန်းဖွဲ့စည်းထားသော ကချင်ဒီမိုကရေစီသစ်တပ်မတော် NDA-K နယ်ခြားစောင့်တပ်ပူးပေါင်း အင်အား ၂၀၀ ကျော်ဖြင့် ထိုးစစ်ဆင်တိုက်ခိုက်ခဲ့ခြင်းဖြစ်သည်ဟု KIO ဌာနချုပ်မှအတည်ပြုသည်။

သြဂုတ်လ ၁၇ ရက်နေ့ကဖြစ်ပွားခဲ့သော တိုက်ပွဲသည် နံနက် ၇ နာရီမှ ညနေ ၄ နာရီခန့်ထိ အပြန်အလှန် ပြင်းထန်စွာ  တိုက်ခိုက်ခဲ့ခြင်းဖြစ်ပြီး အစိုးရဖက်မှ အထိနာသွားခဲ့သည်ဟု တပ်ခွဲမှူး ဇော်ဆိုင်းက KNG ကချင်သတင်းဌာန သို့ပြောသည်။

"အစိုးရ နဲ့ နယ်ခြားစောင့်တပ်တွေစုပေါင်းပြီး အင်အား ၂၅၀ ကျော်နဲ့ တပ်ရင်း ၁၀ ကို တနေ့လုံးထိုးစစ်ဆင်တာ မနိုင်တဲ့ ခါကျတော့ အားလုံး ပြန်နောက်ဆုတ်သွားတယ်။ သူတို့ဆီက   ၄၀ မမ ဗုံး နဲ့ အမ် ၂၄၊ အမ်- ၂၂ တို့  သိမ်းယူနိုင်ခဲ့တယ်လို့ကြားတယ်။ သူတို့ အလောင်းတွေ အားလုံး ၁၀ ယောက်ကျော် ထားခဲ့တယ်လို့ကြား တယ်။ အဲဒါ တချို့ နီးစပ်တဲ့ မိသားစုဝင်တွေက အဲဒီ အလောင်းတွေကို လာယူမယ်လို့ တပ်ရင်း ၁၀ မှာ ခွင့်တောင်းတယ်လို့ အကြောင်းကြားလာပါတယ်" ဟု ပြောသည်။

တိုက်ပွဲကြောင့် ထိခိုက်ကျဆုံးမှုများရှိသည်ဟု သိရသော်လည်း နှစ်ဖက် အတည်ပြုချက်မရသေးပါ။

အဆိုပါတိုက်ပွဲမဖြစ်ပွားမီ ထိုနယ်မြေများတွင် တပ်ချထားသော KIA တပ်များ အားလုံးကိုဖယ်ရှားပေးရန်နှင့် မဖယ်ရှားပါက ထိုးစစ်ဆင်ပစ်ခတ်မည်ဟု အစိုးရဖက်မှ သတိပေးခဲ့သည်ဟု ဆိုသည်။ ထိုသို့ပြောဆိုပြီး ၂ ရက်အကြာတွင် နယ်ခြားစောင့်တပ်နှင့်ပူးပေါင်း၍ ထိုးစစ်ဆင်လာခြင်းဖြစ်သည်ဟု သိရသည်။

ယခုနှစ်အတွင်း ၄င်းနယ်မြေများတွင် တင်းမာမှုအခြေအနေများ လျှော့နေချိန်ဖြစ်သော်လည်း ချီဖွေနယ် မြေတွင်း တရုတ်အစိုးရနှင့် အစိုးရပူးပေါင်း၍ မေခမြစ်ပေါ်တည်ဆောက်မည့် ရေကာတာစီမံကိန်း ၂ ခုထက်မနည်း ရှိနေသောကြောင့် KIO ကိုရှောင်ရှားစေလိုခြင်းဖြစ်သည်ဟု KIAအရာရှိများကသုံးသပ်သည်။

အစိုးရတပ်များသည် မေခမြစ်တဖက်ကမ်း ၅၉ မိုင်အနီး တပ်ချထားခြင်းဖြစ်ပြီး တိုက်ပွဲများသည် ဆက်လက်တင်းမာနေဆဲဖြစ်ကြောင်းသိရသည်။

ဆီးဂိမ်းအကြို ဟာသပြဇာတ်နဲ့ တေးဂီတဖျော်ဖြေပွဲ ဝင်ကြေးအခမဲ့ ကျင်းပမယ်

အမျိုးသားယဉ်ကျေးမှု အနုပညာဦးစီးဌာနနဲ့ ဆီးဂိမ်းအကြို လှုံ့ဆော်ပွဲတွေကို စဉ်ဆက်မပြတ် ကျင်းပနေတဲ့ ADMA ကုမ္ပဏီတို့ ပူးပေါင်းပြီး ဆီးဂိမ်းအကြို ပြဇာတ်နဲ့ တေးသီချင်း ဖျော်ဖြေပွဲကို သြဂုတ်လ ၂၃ ရက်နေ့ ညနေ ၆ နာရီမှာ ရန်ကုန် အမျိုးသား ပြဇာတ်ရုံမှာ ဝင်ကြေး အခမဲ့ ကျင်းပမယ်လို့ သိရပါတယ်။

ပြဇာတ် အစီအစဉ်မှာ ဒါရိုက်တာ မောင်သီ ရိုက်ကူးမယ့် "ပြိုင်ပွဲ'' အမည်ရ ဟာသပြဇာတ်ကို ကပြမှာဖြစ်ပြီး မြင့်မြတ်၊ဟိန်းဝေယံ၊ သဉ္ဇာဝင့်ကျော်၊ အိချောပို၊ ခင်လှိုင်၊ ဒိန်းဒေါင်၊ ဧရာ၊ ပေါ်လေး၊ ဟားငါးကောင်တို့ ပါဝင် ကပြကြမှာ ဖြစ်ပါတယ်။

အဲဒီ ဟာသပြဇာတ်ကို မောင်ငယ်ရင်သွေးက ဇာတ်လမ်းရေးသားပေးပြီး လူရွှင်တော် ဧရာနဲ့ ချစ်ချောတို့က ဇာတ်ညွှန်း ခွဲပေးထားပါတယ်။

တေးဂီတဖျော်ဖြေမှု အစီအစဉ်မှာမှာတော့ အမျိုးသားယဉ်ကျေးမှု အနုပညာဦးစီးဌာနက အနုပညာရှင်တွေ ရေးသားစီစဉ်တဲ့ သီချင်းတွေကို တေးသံရှင် ဇော်ဝင်းထွဋ်၊ ထူးအယ်လင်း၊ ဗညားဟန်၊ ဖြိုးကြီး၊ စိုင်းစိုင်းခမ်းလှိုင်၊ ရဲလေး၊ ထွန်းထွန်း၊ မေခလာ၊ စိုးစန္ဒာထွန်း၊ ချမ်းချမ်း၊ နေနေ၊ နီနီခင်ဇော်တို့က သီဆိုဖျော်ဖြေ ကြမယ်လို့ သိရပါတယ်။

တေးဂီတအနေနဲ့ အင်ပါယာက တီးခတ်ပေးမှာဖြစ်ပြီး ဆီးဂိမ်းနဲ့ ပတ်သက်တဲ့ တေးသီချင်းတွေကို ပရိသတ်ကို ကြိုတင် ချပြပေးခြင်း ဖြစ်တယ်လို့ ADMA က တာဝန်ရှိသူ ကိုဝေလင်းက ပြောပါတယ်။

"ဆီးဂိမ်း ဖွင့်ပွဲနဲ့ ပိတ်ပွဲမှာ အသုံးပြုမယ့် သီချင်းတွေကို ယဉ်ကျေးမှု ဦးစီဌာနက မီဒီယာတွေကို ချပြတဲ့ပွဲပေါ့။ ဆိးဂိမ်းနဲ့ ပတ်သက်တဲ့ သီချင်းအပုဒ် ၂၀ လောက် ဆိုဖြစ်မယ်။ တယောက်တည်းကော၊ အတွဲကောဆိုမှာပါ" လို့ ဝေလင်းက ရှင်းပြပါတယ်။

ဆီးဂိမ်း ဟာသပြဇာတ်မှာ ဆရာမ နေရာကနေ သရုပ်ဆောင်မယ့် ခင်လှိုင်က ဆီးဂိမ်းပွဲကြီးမှာ ကိုယ့်နိုင်ငံ ဂုဏ်သိက္ခာ ညှိုးနွမ်းစေမယ့် အပြုအမူမျိုးတွေမလုပ်မိဖို့ အရေးကြီးတယ်လို့ ဆိုပါတယ်။

"ဆီးဂိမ်းက ကျနော်တို့ မီတဲ့အချိန်မှာ ပထမဆုံးလုပ်တာဆိုတော့ ကြည်နူးစရာ၊ ပျော်ရွှင်စရာ ဂုဏ်ယူစရာလည်း ကောင်းပါတယ်။ အိမ်ရှင်အနေနဲ့ လက်ခံရမှာလေ။ တလောကလို ဘောလုံးကွင်းမှာ ဖြစ်တာမျိုး ဆိုရင်တော့ နိုင်ငံတကာနဲ့ ဆိုတော့ အင်မတန် သိက္ခာကျစေမှာပါ။ အဲဒီလိုမျိုး မဖြစ်စေချင်ဘူး။ လူတိုင်းကတော့ ကိုယ့်နိုင်ငံကို နိုင်စေချင်တာပေါ့၊ ဒါမျိုးကျတော့ နိုင်ငံအကြီးအကဲတွေချည်းပဲ ထိန်းလို့ မရဘူး၊ တဦးချင်း တယောက်ချင်းစီ ထိန်းရမှာတွေပါ။ အရေးကြီးတယ်၊ ဒါက ကိုယ့်နိုင်ငံ တခုလုံး ဂုဏ်သိက္ခာ ညှိုးစေမှာလေ။ အားကစားစိတ်နဲ့ပဲ ကြည့်သွား စေချင်တယ်။ အဲဒါလေးကို ပြဇာတ်မှာ ထည့်သွင်းသွားမယ်။ စေတနာနဲ့ပါ။ ဒီလို အခွင့်အရေးကို ရုပ်ဆိုးစေခဲ့မယ်ဆို နောင်နှစ်များစွာတိုင် ဒီလို ဖြစ်လာဖို့ မလွယ်တော့ဘူး။ ဒီဟာလေးကို ပြဇာတ်ထဲမှာ ထည့်ပြီး အသိပေးမှာပါ" လို့ သရုပ်ဆောင်ခင်လှိုင်က ပြောပါတယ်။

တေးသံရှင် ဇော်ဝင်းထွဋ်က "မဟာ" တေးသီချင်းကို အင်ပါယာ တေးဂီတနဲ့ ဖျော်ဖြေမှာ ဖြစ်ပြီး သီချင်း ၂ ပုဒ် သီဆိုမယ်လို့ သိရပါတယ်။

"ဆီးဂိမ်းပွဲမှာ ကိုညီထွဋ်က မဟာသီချင်း ဆိုမယ်။ နောက်တပုဒ်က ရွေးနေတုန်းပါပဲ။ ကျနော်တို့က ကိုညီထွဋ်ကိုပဲ တီးပေး မှာပါ။ ကျန်တဲ့ အဆိုတော်တွေက CD နဲ့ ဆိုကြမယ်" လို့ အင်ပါယာတေးဂီတဝိုင်းရဲ့ မန်နေဂျာ ကိုသန့်ဇော်က ပြောပါတယ်။

အင်ပါယာ တေးဂီတရဲ့ ဘေ့စ်ဂစ်တာသမား ကိုမြတ်မိုးကလည်း သူတို့အနေနဲ့ ကိုယ့်နိုင်ငံမှာ ကျင်းပမယ့် ဆီးဂိမ်းဖြစ်တဲ့ အတွက် တတ်နိုင်သလောက် ဂီတနဲ့ အကောင်းဆုံး လုပ်ပေးချင်တယ်လို့ ဆိုပါတယ်။

"၂၂ ရက် ညကျမှ သီချင်းတိုက်ကြမယ်။ ဆီးဂိမ်းကတော့ ကိုယ်တွေ နိုင်ငံမှာလုပ်တဲ့ပွဲ ဆိုတော့ အကောင်းဆုံး ဖြစ်စေချင်တယ်၊ လုပ်ချင်တယ်ပေါ့။ ဂီတနဲ့ ပတ်သတ်ပြီးလုပ်နိုင်သလောက် လုပ်ပေးတာပါ။ ပရိသတ်တွေလည်း ကျယ်ကျယ်ပြန့်ပြန့် သိစေချင်ပါတယ်" လို့ ကိုမြတ်မိုးက ပြောပါတယ်။

ADMA မီဒီယာ အနေနဲ့ ဆီးဂိမ်းအကြို ပျော်ပွဲရွှင်ပွဲများ၊ ဖျော်ဖြေပွဲများ ကို ၂၀၁၂ ခုနှစ်ကနေ စတင်ပြီး ရန်ကုန်၊ မန္တလေး၊ နေပြည်တော်၊ ပြင်ဦးလွင် တောင်ကြီး စတဲ့ မြို့ကြီးတွေမှာ ကျင်းပလာခဲ့တာ ဖြစ်ပါတယ်။ ADMA က ဦးစီးပြီး ဇူလိုင် ၁၃ ရက်နေ့တုန်းကလည်း နေပြည်တော် မဏိရတနာ ကျောက်စိမ်းခန်းမမှာ ဒါရိုက်တာမီးပွားစီစဉ်တဲ့ "မြန်မာ" ဆီးဂိမ်း လှုံ့ဆော်ရေး ပြဇာတ်ကို သရုပ်ဆောင် ဝေဠုကျော်၊ မြင့်မြတ်၊ ဖြိုးငွေစိုး၊ ထွန်းထွန်း၊ မိုးအောင်ရင်၊ ခင်လေးနွယ်၊ ချစ်စနိုးဦး၊ အိချောပို၊ ရွှေမှုန်ရတီ၊ ယုသန္တာတင်၊ နန်းမြတ်ဖြိုးသင်း၊ ဖိုက်စတား လူရွှင်တော် အဖွဲ့တို့နဲ့ ဖျော်ဖြေခဲ့ကြတယ်လို့ သိရပါတယ်။

မွတ်စလင်ဆန့်ကျင်ရေး မတည်ငြိမ်မှုများ မြန်မာနိုင်ငံတွင် မြင့်တက်မည့် အန္တရာယ်ရှိနေကြောင်း လူ့အခွင့်အရေး အဖွဲ့တစ်ဖွဲ့ သတိပေး

မြန်မာနိုင်ငံတွင် ဘာသာရေး အကြမ်းဖက်မှုများအတွက် မွတ်စလင်ဆန့်ကျင်ရေး ၀ါဒဖြန့်ချိမှုများကို ဖြေရှင်းရမည်ဖြစ်ပြီး ပြစ်ဒဏ်ပေးမှုမှ ကင်းလွတ်ခြင်း အလေ့အထကို ပပျောက်ရန် ဆောင်ရွက်ရမည်ဖြစ်ကြောင်း၊ သို့မဟုတ်ပါက အကြမ်းဖက်မှုများ ဆိုးဆိုးရွားရွား မြင့်တက်လာနိုင်သည့် အန္တရာယ်ကို ရင်ဆိုင်ရနိုင်ကြောင်း လူ့အခွင့်ရေး အဖွဲ့တစ်ဖွဲ့က သြဂုတ် ၂၀ ရက်တွင် သတိပေးခဲ့သည်။

ပြီးခဲ့သည့်နှစ်က စတင်ဖြစ်ပွားခဲ့ပြီးနောက်ပိုင်း မြန်မာနိုင်ငံတစ်ဝန်း မွတ်စလင်တို့အပေါ် တိုက်ခိုက်မှုများသည် "ကျယ်ကျယ်ပြန့်ပြန့်နှင့် စနစ်တကျ" ဖြစ်နေကြောင်း Physicians for Human Rights အဖွဲ့က ဖော်ပြခဲ့သည်။ အမေရိကန် အခြေစိုက် လူ့အခွင့်အရေးအဖွဲ့က မြန်မာနိုင်ငံတွင် မွတ်စလင်တို့အပေါ် တိုက်ခိုက်သည့် အခြေအနေသည် လတ်တလောတွင် တည်ငြိမ်နေသည်ဟု ထင်ရဖွယ်ရှိကြောင်း၊ စုံစမ်းစစ်ဆေးမှုများ မျှတစွာဆောင်ရွက်ရန် ပျက်ကွက်ခဲ့မှုနှင့် ပဋိပက္ခ၏ အကြောင်းရင်းများကို ကိုင်တွယ်ဖြေရှင်းရန် ပျက်ကွက်မှုတို့ကြောင့် ပဋိပက္ခများ ထပ်မံဖြစ်ပွားလာနိုင်သည့် အန္တရာယ်ရှိနေကြောင်း ပြောကြားခဲ့သည်။

မြန်မာနိုင်ငံ၊ ရခိုင်ပြည်နယ်တွင် ရိုဟင်ဂျာတို့ကို လူမျိုးသုဉ်း သတ်ဖြတ်မှုများ ရှိနေကြောင်း လူ့အခွင့်အရေး စောင့်ကြည့်အဖွဲ့ Human Rights Watch အဖွဲ့က စွပ်စွဲပြောကြားခဲ့မှုများကို မြန်မာဘက်က ပြင်းပြင်းထန်ထန် ငြင်းဆိုထားခဲ့သည်။

၂၀၁၂ ခုနှစ် ဇွန်နှင့်အောက်တိုဘာက မြန်မာအနောက်ပိုင်း ရခိုင်ပြည်နယ်တွင် ဒေသခံ ဗုဒ္ဓဘာသာဝင်များနှင့် ရိုဟင်ဂျာ မွတ်စလင်တို့အကြား လူမျိုးရေးပဋိပက္ခများ ဖြစ်ပွားခဲ့သည်။ မြန်မာအာဏာပိုင်များသည် ရာဇ၀တ်မှု ကျူးလွန်သည်ဟူသော စွပ်စွဲချက်များဖြင့် ဗုဒ္ဓဘာသာဝင်များနှင့် မွတ်စလင်တို့ကို နှစ်ဖက်စလုံး အရေးယူမှုများ ဆောင်ရွက်ခဲ့ကြောင်း ယင်းလူ့အခွင့်အရေး အဖွဲ့က အသိအမှတ်ပြု ထည့်သွင်းပြောကြားခဲ့သည်။

"ဒါပေမဲ့ မွတ်စလင်တွေက ဗုဒ္ဓဘာသာဝင်တွေထက် ပိုမိုကြာရှည်တဲ့ ပြစ်ဒဏ်ကာလ ချမှတ်ခံရပြီး ဖမ်းဆီးခံရတဲ့ မွတ်စလင်တွေလည်း ပိုများလာနေပါတယ်" ဟု Physicians for Human Rights အဖွဲ့၏ မြန်မာနိုင်ငံဆိုင်ရာ ဒါရိုက်တာ ၀ီလျံဒေးဗစ်က ဘန်ကောက်တွင် သတင်းထောက်များကို ပြောကြားခဲ့သည်။

"အကြမ်းဖက်မှုက ရပ်တန့်နေပါတယ်။ ဒါပေမဲ့ ဖွဲ့စည်းပုံဆိုင်ရာ အကြမ်းဖက်မှုက ရှိနေဆဲပါ" ဟု ပြစ်ဒဏ်မှ ကင်းလွတ်သည့် အလေ့အထနှင့် တရားရေးစနစ်ကို ယုံကြည်မှုမရှိခြင်း၊ လူနည်းစုများကို ခွဲခြားဆက်ဆံသည့် ဥပဒေနှင့် ကျင့်ထုံးများကို သွယ်ဝိုက်ရည်ညွှန်းပြီး ၎င်းကဆိုသည်။

Ref:AFP

တီဗွီအပူလွန်ကဲရာမှ စားသောက်ဆိုင် တစ်ဆိုင်လုံးနီးပါး မီးလောင်ကျွမ်းမှု မော်လမြိုင်၌ဖြစ်ပွား

သြဂုတ်လ(၁၉)ရက်၊ နေ့လည် (၁၂း၀၀) နာရီဝန်းကျင်က မွန်ပြည်နယ်မော်လမြိုင်မြို့ ဘိုကုန်းရပ်ကွက်၊ သံလွင်ဥယျာဉ် ၀င်းအတွင်းရှိ City Top စားသောက်ဆိုင်မှ ရုပ်မြင်သံကြားစက်အပူလွန်ကဲရာမှတဆင့် ဆိုင်အတွင်းရှိ  အသုံးဆောင်ပစ္စည်းများကို ကူးစက်ကာ မီးလောင်ကျွမ်းမှု တစ်ရပ်ဖြစ်ပွားခဲ့သည်။

မီးလောင်ကျွမ်းမှုမှာ ဆိုင်ဝန်ထမ်းတစ်ဦးမှ (၂၁)လက်မ Samsung TV ဖွင့်ထားစဉ် မေ့လျောနေခဲ့သောကြောင့် တီဗွီမှတဆင့် အပူလွန်ကဲ၍ ပေါက်ကွဲကာ စားသောက်ဆိုင်အတွင်းရှိ ဆိုဖာများပေါ်သို့ ကူးစက်၍ စတင်လောင်ကျွမ်းခဲ့ခြင်းဖြစ်သည်ဟု မီးသတ်ဦးစီးဌာနမှ သိရသည်။

 

"ပထမတော့ မီးအားထိန်းစက်က ဖြစ်တယ်လို့ ပြောနေတာ။ ဒါပေမဲ့ အခုမှ TV က ဆိုတာ သိရတယ်။ မီးက တစ်နာရီ လောက် နီးပါးလောင်တယ်။ တော်သေးတယ်။ ဒါတောင် မီးလောင်တဲ့အချိန်က မိုးရွာနေလို့ နို့မို့ မလွယ်ဘူး" ဟု မျက်မြင်သက်သေ တစ်ဦးက ပြောသည်။

အဆိုပါ မီးလောင်ကျွမ်းမှုအား မော်လမြိုင်မြို့နယ် မီးသတ်ဦးစီးဌာနမှ မီးသတ်ယာဉ် (၆)စီးနှင့် ဒေသခံများက ၀ိုင်းဝန်းငြှိမ်းသတ် သည့်အတွက် နေ့လည်(၁၂း၄၅)နာရီ အချိန်ခန့်တွင် မီးငြိမ်းသတ်နိုင်ခဲ့ပြီး ထိခိုက်ဒဏ်ရာရသူ မရှိခဲ့ဟု မီးသတ်ဦးစီးဌာနမှ သိရှိ ရသည်။

မီးလောင်ကျွမ်းမှုမှာ စားသောက်ဆိုင်တစ်ခုလုံးနီးပါး လောင်ကျွမ်းခဲ့ခြင်းဖြစ်သည့်အတွက် ဆုံးရှုံမှုတန်ဖိုးမှာ စုစုပေါင်း ကျပ် (၁၉) သိန်း ခန့်ရှိခဲ့ကြောင်းနှင့် စားသောက်ဆိုင်ပိတ်ထားသည်မှာ ကြာပြီဖြစ်ကြောင်း မီးလောင်မှုနှင့် ပတ်သက်၍ ဆိုင်ဝန်ထမ်း တစ်ဦးဖြစ်သည့် အောင်အောင် အသက်(၂၅)နှစ်အား မြို့မရဲစခန်းမှ တည်ဆဲဥပဒေအရ အရေးယူဆောင်ရွက် ထားကြောင်း မော်လမြိုင်မြို့နယ် မီးသတ်ဦးစီးဌာန၏ သတင်းထုတ်ပြန်ချက်အရ သိရှိရသည်။

မော်လမြိုင်ခရိုင်အတွင်းတွင် ၂၀၁၃ ခုနှစ် အတွင်း မီးလောင်မှုစုစုပေါင်း (၃၁) ကြိမ်ခန့်ဖြစ်ပွားခဲ့ကြောင်းနှင့် ဆုံးရှုံးမှု တန်ဖိုး ကျပ်သိန်း(၄၀၀၀)ကျော်ဖိုးရှိကာ ပေါ့ဆမီးကြောင့် လောင်ကျွမ်းမှုအများဆုံး ဖြစ်ရသည်ဟု မော်လမြိုင်ခရိုင် မီးသတ်ဦးစီးဌာနမှ သိရှိရသည်

ကောလာဟလသတင်းများကြောင့် ဒေသခံများစိတ်ပိုင်းဆိုင်ရာထိခိုက်မှုများလာ

ရခိုင်ပြည်နယ်၊ မောင်တောနယ်စပ်နတ်မြစ်ကမ်းခြေတစ်လျှောက်တွင် ရေလုပ်ငန်းဖြင့် အသက်မွေး ၀မ်းကျောင်းပြုနေကြသော ဒေသခံရေလုပ်သား တံငါသည်များမှာ ကောလာဟလ သတင်းများကြောင့် နေရပ်ပြန်နေထိုင်ကြကြောင်း ဒေသခံရေလုပ်သားများ၏ပြောပြချက်များအရသိရသည်။

မောင်တောနယ်စပ်နတ်မြစ်ကမ်းခြေတစ်လျောက်၌ ယာယီတဲအိမ်များဆောက်လုပ်ပြီးရေလုပ်ငန်းဖြင့် အသက်မွေးဝမ်းကျောင်းပြုနေကြသည့် တံငါသည်အိမ်ထောင်စု(၅၀)ခန့်နှင့်ရေလုပ်သားအရေအတွက်(၂၅၀)ခန့်ရှိပြီး ၄င်းတို့အနေဖြင့်အတည်မပြုနိုင်သော ကောလဟသ သတင်းများကြောင့် စိတ်ပူပင်ကြောင့်ကျလျက်ရှိကြောင်း သိရှိရသည်။

 " RSO(ရိုဟင်ဂျာလွတ်မြောက်ရေးတပ်ဦး)ကဒီကနေ့လာ၊ မနက်ဖြန်လားဆိုပြီး ကျွန်တော်တို့ဒေသခံရေလုပ် သားတွေကို လက်စသတ် သုတ်သင်ရှင်းလင်းသွားမယ်ဆိုတဲ့သတင်းကြားလို့ ရေလုပ်သားတော်တော်များများ နီးစပ်ရာဒေသခံကျေးရွာတွေ ကိုနေရပ်ပြန်သွားကြပါပြီ" ဟုတောင်ပြိုလက်ဝဲနတလကျေးရွာမှရေလုပ်သားတစ်ဦးကဆိုသည်။

အဆိုပါသတင်းစကားများမှာ ယခုရက်ပိုင်းအတွင်း ဆက်တိုက်ထွက်ပေါ်လာခဲ့ပြီး ဒေသခံများအပေါ်တွင် စိတ်ပိုင်းဆိုင်ရာ ထိခိုက်ဖြစ်ပေါ် စေရန် ခြိမ်းခြောက်မှုများအသွင်ဖြစ်လာကြောင်း ဒေသခံတို့က သုံးသပ်ပြောဆိုသည်။

`ဒီလိုသတင်းတွေအဆက်မပြတ်ကြားနေရတော့ ဘယ်သူကလုံခြုံရေးကင်းမဲ့တဲ့နယ်စပ်ဒေသတွေမှာ ဆက်ပြီးနေရဲမှာလဲဗျာ။ စိတ်ခြိမ်းခြောက်မှု လွတ်ကင်းတဲ့ နေရပ်တွေကိုပြန်သွားကြတာပေါ့" ဟု တောင်ပြိုလက်ဝဲနတလကျေးရွာမှ ရေလုပ်သားတစ်ဦးကဆိုသည်။

အဆိုပါရေလုပ်သားများမှဖမ်းဆီးရရှိလာသည့်ရေထွက်ပစ္စည်းများကိုတစ်ဆင့်ခံဝယ်ယူပြီးဘင်္ဂလာဒေ့ရ်ှသို့ တင်ပို့နေသည့်ဒေသခံငါး၊ပုစွန်၊ ကဏန်းအ၀ယ်ဒိုင်အရေအတွက်(၁၈)ဒိုင်ရှိကြောင်းနံ့သာတောင်ကျေးရွာအနီး ငြိမ်းချမ်းရေကဏန်းအ၀ယ်ဒိုင်မှကိုမောင်ကျန်ကပြောကြားသည်။

ယခုလသြဂုတ်လ ပထမပတ်အတွင်းမှစပြီးနတ်မြစ်ကမ်းခြေတစ်လျှောက်ရှိ ရခိုင်ဗုဒ္ဒဘာသာဝင်ရေလုပ်သားတံငါသည် စခန်းများနှင့်ရေလုပ်သားများ အားလုံးကို အာအက်(စ်)အို(ရိုဟင်ဂျာလွတ်မြောက်ရေးတပ်ဦး)အကြမ်းဖက်စစ် သွေးကြွအဖွဲ့ကသုပ်သင်ရှင်းလင်းသွားမည်ဟုဆိုသည့် သတင်းထွက်ပေါ်လာခဲ့ခြင်းဖြစ်သည်။

မည်သူမည်ဝါဖြစ်ကြောင်းအတည်ပြုရန်ခက်ခဲသည့်ဒေသဧည့်နေဘဂါင်္လီတစ်ချို့၏ထပ်ဆင့်ပုံကြီးချဲ့သတင်းခြောက် လှန်မှု့ကြောင့်ဒေသခံရေလုပ်သားများမှာ ဆက်လက်နေထိုင်မလုပ်ကိုင်ရဲကြဘဲနေရပ်ပြန်သွားကြရခြင်း ဖြစ်ကြောင်းနတ်မြစ်ကမ်းခြေအောက်ပြုံးမကျေးရွာမှရေလုပ်ငန်းရှင်တစ်ဦးကပြောသည်။

`ဒီလိုသတင်းတွေထွက်လာတဲ့အပေါ်မှာ သက်ဆိုင်ရာကလည်း စစ်ဆေးပြီးတာဝန်ယူ ဖြေရှင်းပေးဖို့ လိုအပ်ပါတယ်၊ နို့မို့ရင် လုပ်သားခက်ခဲမှုနဲ့ ဒေသစီးပွားရေးလုပ်ငန်းတွေကို ထိခိုက်စေနိုင်ပါတယ်`ဟု နတ်မြစ်ကမ်းအောက်ပြုံးမ ကျေးရွာသားတစ်ဦးက ပြောသည်

မြ၀တီ၌ အယောင်ဆောင်လက်နက်ကိုင်အဖွဲ့အစည်းများ ရှိလာ

ကရင်ပြည်နယ် မြဝတီနယ်စပ်ဒေသအတွင်း၌ လက်နက်ကိုင်အဖွဲ့အစည်း အယောင်ဆောင်မှုများရှိလာသည်ဟု နယ်ခြားစောင့်တပ်ဖွဲ့ Boder Gward Force တပ်မှ ဗိုလ်မှူးကြီး စောချစ်သူက ပြောကြားသည်။

"အားလုံးသိထားဖို့က ဒီမှာအတုအယောင်တွေ တော်တော်များတယ်။ အတုအယောင်ဆိုတာက BGF လိုလို၊ KNU ယောင် ယောင်၊ DKBA ယောင်ယောင်တွေ အများကြီးရှိတယ်"ဟု BGFတပ်မှ ဗိုလ်မှူးကြီးစောချစ်သူက ပြောသည်။

နယ်စပ်မြို့များ၌ လက်နက်များ တရားမဝင်ဝယ်ယူကိုင်ဆောင်မှုများကြောင့် ယခုကဲ့သို့ လက်နက်ကိုင်အဖွဲ့ အစည်း အယောင် ဆောင်သူများ ရှိလာခြင်းဖြစ်ကြောင်း၊ ထိုကဲ့သို့အယောင်ဆောင်များကို ထိန်းချုပ်နိုင်ရေး ကရင့် လက်နက်ကိုင် အဖွဲ့အစည်း ညီညွတ်ရေး ကော်မတီကို ဖွဲ့စည်းထားသည်ဟု သိရှိရသည်။

"ဒီကိစ္စက ဝုန်းဒိုင်းဝုန်းဒိုင်းလုပ်လို့မရဘူး။ အချိန်ယူပြီးတော့ အတုအယောင်ရယ် မှန်ကုန်တဲ့ အဖွဲ့အစည်းရယ်လို့ ကွဲကွဲ ပြားပြားသိလာရအောင် လက်နက်ကိုင်အဖွဲ့အစည်းတွေနဲ့ တွေ့ဆုံမှုတွေ များများလုပ်ရမယ်"ဟု ဗိုလ်မှူးကြီး စောချစ်သူက ပြောသည်။

နယ်ခြားစောင့်တပ်(BGF)များသည် တရားဝင်အဖွဲ့အစည်းများဖြစ်သည့်အတွက်ကရင်ပြည်နယ်တစ်ခုလုံးတွင် လက်နက်ကိုင် ဆောင်ခွင့်ရှိကြောင်းနှင့် တာဝန်အရဆိုပါက တစ်နိုင်ငံလုံး၌ပင် လက်နက်ကိုင်ဆောင်ခွင့်ရှိသည်ဟု အဆိုပါအဖွဲ့အစည်းမှ သိရှိ ရသည်။

ဗဟို ကွပ်ကဲရေးနှင့် အကြံပေး အထွေထွေအတွင်းရေးမှူးအပြင် BGF တပ်မှ ဗိုလ်မှူးချုပ် စောချစ်သူသည် ကရင် အမျိုးသား အစည်းအရုံး (KNU) မှ ခွဲထွက်ကာ တိုးတက်သော ကရင် ဗုဒ္ဓဘာသာ တပ်မတော် (DKBA) အဖြစ် ထူထောင်ခဲ့သူများတွင် ခေါင်းဆောင် တစ်ဦးအဖြစ်ဆောင်ရွက်ခဲ့ကြောင်း သိရသည်။

၂၀၀၇ ခုနှစ်တွင် ၎င်းဦးဆောင်သော DKBA တပ်ဖွဲ့ဝင်များအနေဖြင့် အစိုးရမှ နယ်ခြားစောင့်တပ်အဖြစ် လက်ခံခဲ့ခြင်း ဖြစ်ကြောင်း သိရသည်။

သြဂုတ်၃ရက် က မြဝတီမြို့ပေါ်၌  နယ်ခြားစောင့်တပ်တပ်ဖွဲ့ဝင်တစ်ဦးထံမှ သေနတ်နှင့် ကျည်ဆန်များ ဖမ်းဆီး ရမိခဲ့သည်ဟု နယ်စပ်ဒေသလုံခြုံရေးဝန်ထမ်းတစ်ဦးက ဆိုသည်

ကမ္ဘာ့ ဖော်ရွေမှု အရှိဆုံးမြို့ကြီး ၂၀ တွင် မြန်မာမှ မန္တလေးမြို့ပါဝင်လာ

ကမ္ဘာ့ဖော်ရွေမှုအရှိဆုံး မြို့ကြီး၂၀ ကို CNN သတင်းဌာနက ဖော်ပြရာတွင် မြန်မာနိုင်ငံမှ မန္တလေးမြို့မှာ နံပါတ်စဉ် ရှစ်၌ ဖော်ပြခံရကြောင်း CNNနှင့် Xinhua သတင်းဌာနတို့၏ ဖော်ပြချက်အရ ၁၇-၈-၂၀၁၃ ရက်တွင် သတင်းရရှိသည်။ အလားတူပင် ကမ္ဘာ့ဖော်ရွေမှု အကင်းမဲ့ဆုံးမြို့ ၂၀ နှင့် နိုင်ငံတို့ကိုလည်း ဖော်ပြရေးသားခဲ့ပြီး တရုတ်နိုင်ငံမှ မြို့နှစ်မြို့လည်း ပါဝင်နေသည်ဟု ဖော်ပြချက်များမှ သိရသည်။

CNN သတင်းဌာနသည် ကမ္ဘာကျော် ခရီးသွားမဂ္ဂဇင်း (Conde Nest Traveller) ၏ စစ်တမ်းပြုစုမှုအပေါ် ကိုးကားပြီး ပြန်လည်ဖော်ပြခြင်းဖြစ်ကာ ဖတ်ရှုသူ ၄၆၀၀၀ ကျော်ထံမှ သုံးသပ်ချက်များကို အတည်ပြုထားခြင်း ဖြစ်ကြောင်းသိရသည်။ "နယူးယောက်မြို့နားမှာရှိတဲ့ Newark ဟာ အဆိုးဝါးဆုံး ဖော်ရွေမှု မရှိတဲ့ ဒေသထဲမှာ ပါဝင်နေတယ်လို့ စာအုပ်ဖတ်ရှုသူတွေဆီက ပြောကြားချက်တွေမှာ တွေ့ရပါတယ်" ဟု Conde Nest Traveller က ရေးသား ဖော်ပြထားသည်ကို တွေ့ရသည်။

ကမ္ဘာ့ဖော်ရွေမှုအရှိဆုံး မြို့များမှာ Florianopolis (ဘရားဇီး)၊ Hobart (Tasmania)၊ (Thimpu) (ဘူတန်)၊ Queenstown (နယူးဇီလန်)၊ Charleston (South Carolina)၊ Cork (အိုင်ယာလန်)၊ Paro (ဘူတန်)၊ မန္တလေး (မြန်မာ)၊ Margaret River (သြစတေးလျ)၊ Kilkenny (အိုင်ယာလန်)၊ Ubud Bali (အင်ဒိုနီးရှား)၊ Chaingmai (ထိုင်း)၊ Christchurch (နယူးဇီလန်)၊ Dubblin (အိုင်ယာလန်)၊ Galenal(Illinois)၊ Victoria( British Columbia)၊ Auckland (နယူးဇီလန်)၊ Savannah (ဂျော်ဂျီယာ)၊ Edinburgh (စကော့တလန်)နှင့် Asheville (North Corolina) တို့ဖြစ်ကြောင်း သိရသည်။

မြန်မာနိုင်ငံသည် ကမ္ဘာလှည့်ခရီးသွားများနှင့် နှစ်သက်မှုရှိသော တိုင်းပြည်တစ်ခုဖြစ်နေပြီး မြန်မာနိုင်ငံကို ရောက်ဖူးသူ အများစုထံမှ ပြောနေကျစကားဖြစ်သည့် "မြန်မာတွေက သဘောကောင်းကြတယ်။ ဖော်ရွေတယ်။ နိုင်ငံခြားသားတွေကို အထင်ကြီးလေးစား အရေးတယူ ရှိကြပုံပါပဲ" ဟူသော အချက်နှင့် ကိုက်ညီစွာပင် ယခုကဲ့သို့ ကမ္ဘာကျော် ခရီးသွားမဂ္ဂဇင်းနှင့် ကမ္ဘာကျော် သတင်းဌာနများက ရေးသား ဖော်ပြလာခြင်းဖြစ်ကြောင်း ၂၀၁၃ ခုနှစ် သြဂုတ်လ ၂၂ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။

ပြည်မြန်မာ