ရှမ်းမြောက်ပိုင်းတွင် တအာင်းတပ်နှင့် အစိုးရတပ် တိုက်ပွဲ ဆက်လက်ဖြစ်ပွား

ရှမ်းပြည်နယ် မြောက်ပိုင်းအတွင်း အစိုးရစစ်တပ်ဖွဲ့နှင့် တအာင်း လက်နက်ကိုင်တပ်ဖွဲ့တို့ ယနေ့ နံနက်ပိုင်းတွင် တိုက်ပွဲများ ထပ်မံ ဖြစ်ပွားနေသည်ဟု ပလောင်ပြည်နယ် လွတ်မြောက်ရေး တပ်ဦး (PSLF)မှ အထွေထွေ အတွင်းရေးမှူး မိုင်ဘုန်းကျော်က ပြောသည်။

နံနက် ၇ နာရီချိန်မှစတင်၍ ယခု သတင်းရေးသားချိန် ၁၀ နာရီထိ ရှမ်းပြည်နယ် နမ့်ဆန်မြို့နယ် ဇယန်းကြီး အုပ်စု နမ့်ဆိုင်ခေါင် တောင်ကြောတွင် အစိုးရ၏ ခမရ ၅၀၄ တပ်ဖွဲ့နှင့် တအောင်းအမျိုးသား လွတ်မြောက်ရေး တပ်မတော် TNLA တပ်ရင်း ၂၅၆ တပ်ဖွဲ့တို့ တိုက်ပွဲ ဆက်လက် ဖြစ်ပွားနေခြင်း ဖြစ်သည်။

"ဒီမနက် နမ်ဆန်မြို့နဲ့ သိပ်မဝေးတဲ့နေရာမှာ ဖြစ်တယ်။ ခုလောလောဆယ် ငြိမ်သွားပြီ။ ဒါပေမယ့် ကွတ်ခိုင်နဲ့ နမ်ဆန်အစပ်မှာ ဖြစ်တဲ့ တိုက်ပွဲက အခုလည်း ဖြစ်နေပါတယ်။ နှစ်နေရာ ဖြစ်နေတာ။ တိုက်ပွဲက နည်းနည်း ပြင်းထန်တယ်။ အစိုးရတပ် အင်အားအလုံးအရင်းနဲ့ တက်လာတယ်။ ကျနော်တို့ နေတဲ့ တပ်စခန်းတွေဘက်ကို ဝင်လာတော့ ကျနော်တို့ ရှောင်လို့ မရတာနဲ့ တိုက်ပွဲဖြစ်တာ" ဟု ဗိုလ်မှူး မိုင်ဘုန်းကျော် က မဇ္ဈိမကို ပြောသည်။

ဧပြီလ ၁ ရက်နေ့က ကွတ်ခိုင်မြို့နယ် အခြေစိုက် TNLA တပ်ရင်း ၁၁၂ နှင့် မြန်မာ အစိုးရတပ် ခမရ ၅၀၂ နှင့် ခလရ ၄၅ တပ်ဖွဲ့တို့ နမ့်ဖတ်ကာ ကျေးရွာအုပ်စု၊ လူမ်ကမ်ကျေးရွာအနီး တိုက်ပွဲ ဖြစ်ပွားခဲ့ရာ ထိုတိုက်ပွဲတွင် အစိုးရဘက်မှ တဦး ကျဆုံးကာ နှစ်ဦး ဒဏ်ရာရခဲ့သည်ဟု ဆိုသည်။

နမ်ဆန်မြို့နယ် တိုက်ပွဲအတွင်း အစိုးရစစ်တပ်ဘက်မှ ၁၀ ဦးကျော် ကျဆုံးသည်ဟု ဆိုသည်။

ယခုရက်ပိုင်းအတွင်း မြန်မာအစိုးရ၏ ကျောက်မဲ၊ သီပေါ၊ လားရှိူး၊ နမ္မတူ၊ မန်တုံ၊ သိန္နီ၊ ကွတ်ခိုင်၊ နမ့်ခမ်းမြို့နယ်တွင် အခြေစိုက်ထားသော ခမရ ၅၀၁၊ ၅၀၂၊ ၅၀၃၊ ၅၀၄၊ ၅၀၇၊ ၃၂၄၊ ခလရ- ၂၃၊ ၁၃၀၊ ၁၄၄၊ ၄၅၊ ၆၈၊ ၆၉၊ ၂၄၀၊ ၁၂၃ စသည့် တပ်ရင်း ၁၀ ရင်းကျော်မှာ တအာင်းဒေသအတွင်း ထိုးစစ်ဆင်လာ၍ နှစ်ဖက် ရင်ဆိုင်တိုက်ပွဲများဖြစ်ပွားနေသည်ဟု TNLA က ဆိုသည်။

ယခင်က အစိုးရ၏ တပ်ရင်း ၇ ရင်းခန့်သာ လှုပ်ရှားနေရာမှ ယခု တပ်ရင်း ၁၀ ရင်းကျော်ထိ တိုးမြင့်လာသဖြင့် အစိုးရတပ်အင်အား အနည်းဆုံး ၃,၀၀၀ ခန့် ထိုးစစ်လှုပ်ရှားနေသည်ဟု ဗိုလ်မှူးမိုင်ဘုန်းကျော်က ပြောသည်။

အစိုးရစစ်တပ်ဘက်မှ ထိုးစစ်ဆင်လာမှုများအပေါ် PSLF က မတ်လ ၂၂ ရက်နေ့က ကန့်ကွက်ခဲ့ပြီး လက်ဖက်ရာသီ တွင် ၎င်းတို့၏ တပ်ဖွဲ့များကို တပ်လှုပ်ရှားမှု မလုပ်ရန် ညွန်ကြားထားသည်။ သို့သော် အစိုးရ စစ်တပ်ဘက်မှ ထိုးစစ်ဆင်လာ၍ ဖယ်ပေးရန် နေရာမရှိတော့သဖြင့် တိုက်ပွဲများ ဖြစ်ပွားရခြင်း ဖြစ်သည်ဟု တအာင်းတပ်မှူး တဦးက ပြောသည်။

မတ်လ ၂၇ ရက်နေ့က အစိုးရ၏ မန်တုံအခြေစိုက် တပ်ရင်း ၁၃၀ မှ မန်တုံမြို့အနောက်ဘက်တွင် လက်နက်ကြီး များဖြင့် ပစ်ခတ်ခဲ့သည်ဟု ဆိုသည်။

မတ်လဆန်းပိုင်းက ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီ ဒု-ဥက္ကဋ္ဌ ဝန်ကြီး ဦးအောင်မင်း က ငြိမ်းချမ်းရေး ဆွေးနွေးရန် ကြားခံလူများမှတဆင့် ညှိနှိုင်းနေသော်လည်း သဘောတူညီမှုမရသေးကြောင်း မိုင်ဘုန်းကျော်က ပြောသည်။

"ဦးအောင်မင်းက ပြောတာက ငြိမ်းချမ်းရေးတွေ လုပ်မယ်။ ဒါပေမယ့် အပြောနဲ့ လက်တွေ့မှာ ကွာခြားနေ တယ်။ ရှမ်းပြည်မြောက်ပိုင်း ကေအိုင်အို၊ ရှမ်းအဖွဲ့၊ တအာင်းတပ်တွေကို အပြင်းအထန် ထိုးစစ်တွေ ရှိမယ်ဆိုတာ ကျနော်တို့ ကောလဟလလို ကြားနေရတယ်။ အခုလက်တွေ့ တကယ်ဖြစ်နေတာလည်း စစ်ရုံးက ညွန်ကြားတဲ့အတိုင်း တကယ်လုပ်နေတယ်လို့ပဲ ထင်တယ်" ဟု ပြောသည်။

လက်ရှိ ကွတ်ခိုင်မြို့နယ်တွင်း ဖြစ်ပွားနေသော တိုက်ပွဲတွင် TNLA ၏ မဟာမိတ်  ရှမ်းပြည် မြောက်ပိုင်း တပ်မတော် SSPP နှင့် ကချင်လွတ်လပ်ရေးတပ် KIA တို့လည်း ပူးပေါင်းပါဝင် တိုက်ခိုက်နေသည်ဟု သိရသည်။

ဖွံ့ဖြိုးမှု အကူအညီ ရရေး အတွက် UNFC အဖွဲ့ ဂျပန် ထွက်ခွာ

သွေးစည်း ညီညွှတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) အဖွဲ့ဝင် များသည် ဖွံ့ဖြိုးရေး အကူအညီ သစ်များ ရရှိရေး အတွက် ဂျပန် ဝန်ကြီးချုပ် သစ်နှင့် တွေ့ဆုံ နိုင်ရန် ယမာန်နေ့ည (၁၀) နာရီ ခန့်တွင် ဂျပန် နိုင်ငံသို့ ထွက်ခွာသည်ဟု ခရီးစဉ် ထဲ၌ ပါသော အဖွဲ့ဝင် တဦးက ဆိုပါသည်။

"ဒီခရီးစဉ်ဟာ အဓိက ကတော့ ဂျပန် ဝန်ကြီးချုပ် သစ်နဲ့ တွေ့ဆုံ နိုင်ဖို့ပါပဲ၊ ၀န်ကြီးချုပ် အနေနဲ့ ကတော့ မြန်မာ နိုင်ငံရဲ့ အမျိုးသား ရင်ကြား စေ့ရေးကို ပိုဦးစားပေး ချင်တယ်၊ ဒီတော့ သူက လက်ရှိ ကျွှန်တော်တို့ နိုင်ငံရဲ့ အခြေ အနေကို သိချင် နေတယ်။ ပြီးတော့ ဂျပန် ODA ကတဆင့် တိုင်းရင်းသား ဒေသတွေမှာ လိုအပ် နေတဲ့ ရိက္ခာ၊ ပညာ၊ ကျန်းမာ၊ ဆေးဝါး၊ စိုက်ပျိုးရေး စတဲ့ အကူအညီတွေ ဘယ်လို ထပ်ပေး ရမလဲ ဆိုတာ တွေကိုလည်း ဆွေးနွေး လိုတယ်ပေါ့။ ဒါကြောင့် ဒီခရီးစဉ် ဖြစ်သွား တာပါ" ဟု ဆိုပါသည်။

ဂျပန် ဝန်ကြီးချုပ် သစ်နှင့် တွေ့ဆုံ နိုင်ရန် နိပွန် ဖောင်ဒေးရှင်းမှ ကမကထပြု စီစဉ်ခြင်းဖြစ် ပါသည်။ ဤခရီးစဉ်၌ UNFC အဖွဲ့မှ ကိုယ် စားလှယ်ပေါင်း (၂၀) ကျော် ပါဝင်ပြီး တွဲဖက် အတွင်းရေးမှူး (၂) ဖြစ်သူ ခွန်ဥက္ကာမှ ဦးဆောင်ပါသည်။ ဤကိုယ်စားလှယ်ထဲ၌ အထူး သဖြင့် UNFC ဥက္ကဋ္ဌနှင့် ဒုဥက္ကဋ္ဌတို့လည်းပါဝင်ပြီး ခရီးစဉ်သည် မတ်ခ်ျလ (၃၁) ရက်နေ့မှ ဧပြီလ (၆) ရက်နေ့အထိ (၇) ရက်ခန့် ကြာ မည်ဖြစ်ပါသည်။

1/4/2013 ရက်နေ့ ဂျပန် နိုင်ငံ ဒေသ စံတော်ချိန် နံနက် ၁၁း၃၀ တွင် ပထမအသုတ် အဖြစ် ရောက်ရှိ လာသော UNFC အဖွဲ့ဝင်များ ဖြစ်သည့် KIO နှင့် KNPP ကိုယ်စားလှယ် တို့အား တွေ့ရစဉ် (ဓါတ်ပုံ - Mai Kyaw Oo Facebook)

ဤခရီးစဉ်၌  ဂျပန် ဝန်ကြီးချုပ် သစ်နှင့် တွေ့ဆုံခြင်း အပြင် ဂျပန်ရောက် မြန်မာ တိုင်းရင်းသား များနှင့် တွေ့ဆုံ ရန်လည်း ဧပြီလ (၂) ရက်နေ့နှင့် (၃) ရက်နေ့ များတွင် စီစဉ် ထားသည်ဟု ဆိုပါသည်။

ဂျပန် နိုင်ငံသည် UNFC အား လူသားချင်း စာနာမှု အကူ အညီအဖြစ် ဒေါ်လာ သုံးသန်း ထောက်ပံ့ ပေးခဲ့ ပါသည်။  ဤဘတ်ဂျက်သည် နိပွန် ဖေါင်းဒေးရှင်း မှတဆင့် UNFC (၁၁) ဖွဲ့ အပါဝင် ရှမ်းပြည် ပြန်လည် ထူထောင်ရေး ကောင်စီ (RCSS) နှင့် ရခိုင်ပြည် လွတ်မြောက်ရေး ပါတီ (ALP) တို့အား လူသားချင်း စာနာသည့် အကူ အညီများ ပေးအပ် ခဲ့ပါသည်။

ယင်းအကူ အညီသည် ပြီးခဲ့သည့် ဂျပန် ၀န်ကြီးချုပ်ဟောင်း လက်ထက်က ထောက်ပံ့ ပေးခဲ့ခြင်း ဖြစ်ပြီး မတ်လတွင် သက်တမ်း ကုန်ဆုံးခဲ့ ပါသည်။ ဤသို့ကြောင့် အကူအညီ သစ်များ ထပ်မံ ရရှိ နိုင်ရန် ယခု ၀န်ကြီးချုပ် သစ်နှင့် ထပ်မံ ဆွေးနွေးခြင်း ဖြစ်ပါသည်။

"ကျနော်တို့ ဖက်က တင်ပြဖို့ ရှိတာက ဂျပန် နိုင်ငံရဲ့ လူသားချင်း စာနာတဲ့ အကူ အညီတွေဟာ ကျနော်တို့ တိုင်းရင်းသား ဒေသတွေမှာ ထပ်မံ လိုအပ် နေသေးတဲ့ အကြောင်း၊ ပြီးတော့ သူတို့ ပေးခဲ့တဲ့ အကူအညီ တွေကြောင့် ကျနော်တို့ ဒုက္ခသည် တွေမှာ ဘယ်လောက် အကျိုး ဖြစ်ထွန်း စေခဲ့တယ် ဆိုတဲ့ သက်သေ တွေပေါ့ အဲတာ တွေကို ကျနော်တို့ တင်ပြ သွားဖို့ ရှိပါတယ်။ သဘော ကတော့ ဂျပန် နိုင်ငံရဲ့ အကူ အညီတွေဟာ ငြိမ်းချမ်းရေး အတွက် အထောက်အကူ ဖြစ်တယ် ပေါ့ဗျာ။ အဲဒါကို ဂျပန် ၀န်ကြီးချုပ် သစ်ကို တင်ပြမယ်" ဟု ဒုဥက္ကဋ္ဌ ပဒိုဒေးဗစ် တာကပေါမှ ပြောပါသည်။

ထို့အပြင် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီသည်  ပြည်ထောင်စု ငြိမ်းချမ်းမှု ဖော်ဆောင်ရေး အဖွဲ့နှင့် နိုင်ငံရေး တွေ့ဆုံ ဆွေးနွေးမှု အကြို ညှိနှိုင်းပွဲ (၁/၂၀၁၃) ကို ထိုင်းနိုင်ငံ ချင်းမိုင်မြို့တွင် မကြာခင်က ကျင်းပ နိုင်ခဲ့ပြီး ဖြစ်ပါသည်။  ဤဆွေးနွေး ပွဲမှ နားလည်မှု ရရှိ ခဲ့သော မြန်မာ နိုင်ငံ၏ အမျိုးသား ရင်ကြား စေ့ရေး အခြေ အနေ များကိုလည်း ဂျပန် ၀န်ကြီးချုပ် သစ်အား တင်ပြ သွားမည် ဖြစ်ပါသည်။

ဂျပန် နိုင်ငံသည် UNFC နှင့် ပြည်ထောင်စု ငြိမ်းချမ်းမှု ဖော်ဆောင်ရေး အဖွဲ့ တို့၏ နိုင်ငံရေး ဆွေးနွေးပွဲ များတွင် Observer (လေ့လာ စောင့်ကြည့်သူ) အနေဖြင့် တက်ရောက် လိုကြောင်း သဘောထား ပေးခဲ့ပြီး ဖြစ်ပါသည်။ ဤသို့သော ဆန္ဒကြောင့် အမျိုးသားရင်ကြား စေ့ရေး အခြေ အနေအား တင်ပြ လိုခြင်း ဖြစ်ပါသည်။ အလားတူ UNFC သည် ဂျပန် နိုင်ငံ ကဲ့သို့ပင်  UN, အမေရိကန် (US), ဗြိတိသျှ (UK), တရုတ် (China), ထိုင်း(Thai) စသည့် နိုင်ငံ များကိုလည်း လေ့လာ စောင့်ကြည့်သူ (Observer) နိုင်ငံ များအဖြစ် တက်ရောက်ရန် ကမ်းလှမ်းထား ခဲ့ပါသည်။

ဤအထဲမှ အမေရိကန် နိုင်ငံ (US) အနေဖြင့် UNFC ၏ ဖိတ်ကြား ချက်ကို လက်ခံ သဘော တူကြောင်း ပြီးခဲ့သည့် မတ်လ (၁၃) ရက်နေ့က အကြောင်းပြန် ခဲ့ပါသည်။ ဤကဲ့ သို့ပင် ထိုင်း အစိုးရ အားလည်း လာမည့် အစိုးရနှင့် နိုင်ငံရေး ဆွေးနွေး ပွဲတွင် ပါဝင် တက်ရောက် ပေးပါ ရန် UNFC ဖက်မှ လိုလား နေပါသည်။

ဤသို့ကြောင့် UNFC ၏ ယခု ခရီးစဉ်သည် အရေး ကြီးသော ခရီးစဉ် တခုဖြစ်သလို ဒုတိယ မြောက် ဂျပန်နိုင်ငံ ခရီးစဉ်လည်း ဖြစ်ပါ သည်။

အစိုးရစစ်ကြောင်း မိုင်းနင်းမိ ၂ ယောက်သေ ကျေးလက်လူထု ခြိမ်းခြောက်ရိုက်နှက်ခံရ

သျှမ်းပြည်မြောက်ပိုင်း နမ္မတူအရှေ့ဘက် မိုင်းရင်အုပ်စုအသွားလမ်းစစ်ကြောင်းလှည့် အစိုးရစစ်တပ် ခမရ ၃၂၄ ကမိုင်းနင်း မိကာ သေကြေဒဏ်ရာရပြီးနောက် ဒေသခံလူထုအား တားဆီးစစ်ဆေး ရိုက်နှက်မှုများရှိနေ ကြောင်းစုံစမ်းသိရှိရသည်။

 " မတ်ခ်ျလ ၂၈ ကြာသပတေးနေ့ မနက် ၈ နာရီခွဲလောက်ကပေါ့။ တောနင်းတဲ့ နမ္မတူ အခြေ စိုက် ခမရ ၃၂၄ မိုင်းရင်ကား လမ်း နဲ့ ၉ မိုင်လောက်ဝေးတဲ့ ကောင်းခါးရွာနဲ့ ကောင်းဟုန်းရွာ ကြားမှာ မိုင်းနင်း မိတာ။ ၄ ယောက်ဒဏ်ရာရတယ်။ ၂ ယောက်သေတယ်" - ဟု နမ္မတူ ဒေသခံ စိုင်းခမ်းက သျှမ်းသံတော် ဆင့်အားပြောပြသည်။

အဆိုပါ စစ်ကြောင်းလှည့် အဖွဲ့မှာ အင်အား ၁၅၀ ခန့်ရှိပြီး ထိုဒေသတဝိုက် လှည့်ပတ်နေ သည်မှာ သုံးလေးရက်ရှိခဲ့ပြီဖြစ် ကြောင်း ၊ နယ်မြေစိုးမိုးရေးစီမံကိန်းဖြင့် လှည့်နေခြင်းဖြစ် ကြောင်း ရွာသားများကပြောပါသည်။

၎င်းတို့၏ ဒဏ်ရာရရဲဘော်များနှင့် အလောင်းများသယ်ယူရန် ယာဉ်အခက်အခဲရှိသဖြင့် ထိုအနီးတဝိုက်၌ပင် မြေမြုပ်သဂြိုဟ် လိုက်ကြောင်းဒေသခံ ကျေးရွာအုပ်ချုပ်ရေးမှူး တဦးကပြောပါသည်။

" သူတို့ ချောဆွဲဖို့ အဲဒီနားတဝိုက်ကရွာတွေမှာကားတွေထော်လာဂျီတွေကိုလိုက်ရှာတယ်။ မရှိဘူး။ဆိုတော့ သေဆုံး ရဲဘော် အလောင်းတွေကိုလဲဖြစ်သလိုဘဲ မြေမြုပ်လိုက်တယ်။ သူတို့က နားန ရွာမှာ အခြေချတာ။ ရခိုင်ပြည်နယ်မှာ ရှုပ်နေတုန်း အစိုးရတပ်က လိုင်ဇာကို ထိုးစစ်ဆင်တယ်။ အခုလဲ မိတ္ထိလာမှာရှုပ်နေတဲ့ အချိန်နဲ့တိုက်ဆိုင်စွာ သျှမ်းတပ်ကိုတိုက်ခိုက်ဖို့ ဒါအကွက်ချ စီမံချက်ဖြစ်နိုင်တယ်လို့တောင်လူတွေပြော နေကြတယ်" ဟု ကျားဖြူပါတီဝင်တဦးကပြောသည်။

ထိုနေ့တွင် နမ္မတူမြို့နယ် ဆိုက်ခေါင်အုပ်စု ဘက်လှုပ်ရှားသည့် ကျောက်မဲမြို့ အခြေစိုက်တပ် ခမရ ၅၀၁  အင်အား ၅၀ ခန့်ကလည်း ဆိုက်ခေါင်အုပ်စု ပန်ဝိုးရွာအလွန် ၂ မိုင်ခန့်နေရာ၌ တိုက်ပွဲအတု ဆင်နွှဲကြောင်း၊ ကျေးလက်ရွာသားများ ထိခိုက်မှုမရှိသော်လည်း တောင်ယာ ဆင်းရန်အခက်ကြုံနေရကြောင်း ဆိုက်ခေါင်မှ ရပ်ရွာအကြီးအကဲတဦး ကပြောပါသည်။

၎င်းတို့သည် လက်နက်ကြီး ၆ လုံး  စက်သေနတ်များအား အတွဲလိုက်ပစ်ခတ်ခဲ့ကြောင်းဒေသခံများကပြော သည်။

" အဲဒီအခင်းဖြစ်ပြီးနောက်တရက်မနက်ပိုင်း ဆိုက်ခေါင်အုပ်စုသားလက်သမား ၂ ယောက် စိုင်းထွန်းအေးနဲ့ စိုင်းလင်း မိုင်းရင်အုပ်စုဘက်အိမ်ဆောက်ဖို့အသွားမှာ အဲဒီ ၅၀၁ အဖွဲ့နဲ့ တိုးတော့ တားဆီးစစ်ဆေးခံရတယ်။ သူတို့ ၂ ယောက်ကလဲ နားဟိုင်းရွာမှာ အိမ်သွား ဆောက် ပေးမယ့်အကြောင်းပြောတော့ ဘာလူမျိုးလဲလို့ ဆက်မေးတယ်တဲ့။ သျှမ်းပါ လို့လဲ ဖြေရော စိုင်းထွန်းအေးရဲ့ မျက်နှာကိုလှမ်းထိုးတော့တာဘဲ။ မျက်နှာမှာ အဖုအယောင်တွေခုထိ ရှိနေတုန်းဘဲ" ဟု ဒေသခံ စိုင်းအိုက် ကပြောသည်။

အဆိုပါ ဒေသဘက်တွင် လှုပ်ရှားသည့် သျှမ်းပြည်တပ်မတော် SSPP/SSA သည် အစိုးရနှင့် ငြိမ်းချမ်းရေးယူ ထား သည်ဟု ဆိုသော်လည်း အစိုးရစစ်ကြောင်းနှင့် မကြာခဏတိုက်ပွဲဖြစ် ပွား၏။ အဆိုပါတိုက်ပွဲအား အကြောင်းပြုပြီး အစိုးရစစ်ကြောင်းများက ဒေသခံလူထုအပေါ် လူ့အခွင့်အရေး အမျိုးမျိုးချိုးဖေါက်ခဲ့သည်ဟု ဒေသခံ ကျားဖြူပါတီအကြီးအကဲတဦး ကပြော သည်။

ကျေးရွာအုပ်ချုပ်ရေး နှုတ်ထွက်ပေးရန် သံတွဲအမျိုးသမီးများဆန္ဒပြ

ရခိုင်ပြည်နယ် သံတွဲမြို့နယ် ဂျိတ္တောကျေးရွာအုပ်ချုပ်ရေးမှူးအား နှုတ်ထွက်ပေးရန် ယနေ့ နံနက်ပိုင်းက အမျိုး သမီးများ ဆန္ဒပြတောင်းဆိုခဲ့သည်ဟု သတင်းရရှိသည်။

ဆန္ဒဖေါ်ထုတ်ပွဲကို ယနေ့ မတ်လ ၃၁ ရက်နေ့ နံနက် ၈ နာရီကျော်တွင် ဂျိတ္တော ကျေးရွာ အုပ်ချုပ်ရေးမှူး အိမ်ရှေ့ မှ ဂျိတ္တောရဲစခန်းရှေ့ထိ အမျိုးသမီးအများစုအပါအ၀င် လူပေါင်း ၃၀၀ ကျော်ခန့်က လမ်းလျှောက် ချီတက်ကာ ဆန္ဒဖေါ်ထုတ်ခဲ့ခြင်း ဖြစ်သည်။

ဆန္ဒပြရသည့် ရည်ရွယ်ချက်နှင့် ပတ်သက်ပြီး ဆန္ဒပြတောင်းဆိုရာတွင် ပါဝင်သည့် အမျိုးသမီးတစ်ဦး က နိရဉ္စရာ သို့ ပြောသည်။

" ကျွန်မတို့ ဂျိတ္တောရွာမှာ ဂါမ ပညတ်အရ (ကျေးရွာစည်းကမ်း) ဗုဒ္ဓဘာသာများသာ နေထိုင်ခွင့် သတ်မှတ်ထား ပါတယ်။ အဲဒါကို သံတွဲ ခြံပြင်ရွာက မူဆလင်အမျိုးသမီး တစ်ဦးက တခြား အမျိုးသား တစ်ဦးနဲ့ လာရောက်နေထိုင် တာကို အုပ်ချုပ်ရေးမှူးကို နေခွင့်မပြုပါနဲ့လို့ ရွာသားတွေက ပြောပေ မယ့် အုပ်ချူပ်ရေးမှူးက ခွင့်ပြုထားပါတယ်။ အဲဒါကို မကျေနပ်လို့ ခုလိုဆန္ဒပြတောင်းဆိုရတာ ဖြစ်ပါတယ်။"

ကျေးရွာအုပ်ချုပ်ရေးမှူး ဦးလူလေးအား ကျေးရွာသားများက အဆိုပါ မူဆလင်အမျိုးသမီးကို ကျေးရွာတွင် နေ ထိုင်ခွင့်မပြုရန် တိုင်ကြားသော်လည်း တစုံတရာ လုပ်ဆောင်ပေးခြင်းမရှိသဖြင့် မတ်လ ၂၉ ရက်နေ့က တကြိ်မ်၊ မတ်လ ၃၀ ရက်နေ့တွင် တကြိမ် ကျေးရွာသားများက မူဆလင် အမျိုးသမီးအား နှင်ထုတ်ခဲ့သည်ဟု ဆိုသည်။

" ကျွန်မတို့ အုပ်ချုပ်ရေးမှူးကို မူဆလင်အမျိုးသမီးကို ကျေးရွာက နှင်ထုတ်ပေးဖို့ တောင်းဆိုပါတယ်။ အုပ်ချုပ် ရေးမှူးက ဘာမှ မလုပ်ပေးတဲ့အတွက် ၂၉ ရက်နေ့ကတကြိမ်၊ ရွာသားတွေက ၀ိုင်းဝန်း နှင်ထုတ် ခဲ့ပါတယ်။ နောက် ၃၀ ရက်နေ့မှာ အဲဒီ ဘင်္ဂလီအမျိုးသမီးက ဓါတ်ဆီတွေ ယူလာပြီးတော့ ရွာကို ပြန်ဝင်လာတယ်။ နောက် တကြိမ် နှင်ထုတ်လိုက်ကြပါတယ်။ အဲဒီနေ့  ည ၁၂ နာရီကျော်မှာ သံတွဲမြို့မ ရဲစခန်းက လာပြီးတော့ သံသယ ရှိတဲ့ အမျိုးသားနှစ်ဦးနဲ့ အမျိုးသမီးတစ်ဦးကို ဖမ်းဆီး ခေါ်ဆောင်သွားပါတယ်။ အဲဒီ နံနက်မှာဘဲ လူ ၂၀၀ နီးပါး က ရဲစခန်းကို သွားပြီး ချက်ချင်း ပြန်လွှတ် ပေးဖို့ တောင်းဆိုတဲ့အ တွက် ပြန်လွှတ်ပေးလိုက်ပါတယ်။"

ယခုကဲ့သို့ ရဲစခန်းမှ လာရောက်ဖမ်းဆီးခြင်းမှာ ကျေးရွာအုပ်ချုပ်ရေးမှူးမှ မဟုတ်မမှန် သတင်းပေး၍ ဖြစ်ရသည် ဟုဆိုကာ ကျေးရွာလူထုမှ ကျေးရွာ တည်ငြိမ် အေးချမ်းရေးကို မကြည့်ဘဲ ကျေးရွာ ဆူပူအောင် နစ်နာအောင်  ပြုလုပ်သည်ဟု ခံယူကာ ကျေးရွာ အုပ်ချုပ်ရေးမှူးကို နှုတ်ထွက်ပေးရန် ဆန္ဒပြ တောင်းဆိုခြင်း ဖြစ်သည်။

ဆန္ဒပြရတွင် "ဘင်္ဂလီအလိုတော်ရိ အုပ်ချုပ်ရေးမှူး အလိုမရှိ " " မော်လဝီလူလေး နှုတ်ထွက်ပေး " "ကျေးရွာ လူထုကို ကိုယ်စားမပြုသော အုပ်ချုပ်ရေးမှူး အလိုမရှိ " "ကျေးရွာလူထုကို နှောင့်ယှက်နေသော အုပ်ချုပ်ရေး မှူး အလိုမရှိ " "ရခိုင်ပြည်ကို ရခိုင်လူမျိုးလောက် မည်သူမျှ မချစ် " အစရှိသော ပိုစတာများကို ကိုင်ဆောင်ကာ ဆန္ဒပြ တောင်းဆိုခဲ့ခြင်း ဖြစ်သည်။

ဆန္ဒဖေါ်ထုတ်ပွဲကို အုန်းဆံကြိုးစက်ရုံအနီးမှ စတင်ပြီး အုပ်ချုပ်ရေးမှူး အိမ်ရှေ့နှင့် ဂျိတ္တော ရဲစခန်း ရှေ့ထိ ငြိမ်းချမ်း စွာ ချီတက် ဆန္ဒပြခဲ့ကြပြီး လူအုပ်စုကြီးသည် မြပြင်ကျေးရွာ အထိ ချီတက် ခဲ့ကြသည်ဟု သိရသည်။

မီးဘေးသင့်ကရင်နီဒုက္ခသည်များ အသက်ရှူလမ်းကြောင်းဆိုင်ရာနှင့်အခြားရောဂါများ စတင်ဖြစ်ပွား

ကရင်နီဒုက္ခသည် အမှတ် ၂ စခန်း မီးလောင်မှုဖြစ်ပွားပြီးနောက် အသက်ရှူလမ်း ကြောင်း ဆိုင်ရာ ရောဂါနှင့် ၀မ်းရောဂါများ ဖြစ်ပွားလာပြီလို့ ကရင်နီကျန်းမာရေးဌာန ကပြောပါတယ်။

"တနေ့တနေ့မှာ လူနာအခြေအနေအရ ကြည့်ရင်တော့ OPD ဆေးခန်းမှာ လာအိပ်စရာမလိုတဲ့သိပ်မဆိုးရွား ဘူးဆိုတဲ့ ရောဂါတွေက ၇၀ ၀န်းကျင်လောက်မှာရှိတယ်။ အဲဒီလူနာတွေထဲမှာမှ ခပ်များများတွေ့ရတာက အသက်ရှူလမ်းကြောင်းနဲ့ ဆိုင်တဲ့ဟာ မီးခိုးကြောင့်လာ၊ ဖုံမှုန့်တွေ ကြောင့်လာ၊ လေယာဉ်ပျံတက်ဆင်းလို့ အဲဒီအငွေ့တွေကြောင့်လာ လောလောဆယ်ဆယ် နှာစီးချောင်းဆိုး၊ တချို့ကလည်း လည်ချောင်းနာတာ နည်းနည်းလောက်တော့ စနေပြီ" - လို့ ကရင်နီကျန်းမာရေးဌာန က ဒုတိယ ညွန်ကြားရေးမှူး စောထူးထူးဂေ ကပြောပါတယ်။

တနေ့လျှင် အသက်ရှူလမ်းကြောင်းဆိုင်ရာ ရောဂါပြသမှုမှာ ပျမ်းမျှအားဖြင့် ၂၅ ယောက်ဝန်း ကျင် လောက်ရှိပြီး ၀မ်းရောဂါ ပြသမှုမှာ ၁၀ ယောက်ဝန်းကျင်လောက် ရှိပြီး ရှေ့ဆက်တွင် ၅ နှစ်အောက် ကလေးငယ်တွေ အထဲမှာမှ အာဟာရချို့တဲ့ တဲ့ကလေး၊ အားနည်းတဲ့ ကလေး တွေ ပိုခံစားရနိုင်ဖွယ် ရှိတယ်လို့လည်း စောထူးထူးဂေက ပြောပါတယ်။

"လူကြီးပိုင်းကတော့ သူ့ခံနိုင်ရည်နဲ့ သူ့ဝမ်းရောဂါကို သူလာပြဖို့ထက် သူပြန်လည်တည် ထောင်ဖို့ သူအလုပ် လုပ် ရအုံးမယ်။ အဲဒါကြောင့်မို့လို့ ဒီအတွက် နည်းနေလားလို့ တခုကျတော်တို့ ထင်ရတယ်။ ဒါပေမယ့် ကလေးကတော့ ၀မ်းသွားတာနဲ့ လာပြကြတယ်"

အသက်ရှူလမ်းကြောင်းဆိုင်ရာ ရောဂါမှာ ၀မ်းရောဂါထက် ဖြစ်ပွားနေပေမယ့် ၀မ်းရောဂါ ဖြစ်ပွားမှုကိုတော့ နောက်ပိုင်း ကပ်ရောဂါဖြစ်ပွားလာမှာကို ပိုပြီး စိုးရိမ်ရတယ်လို့ စောထူးထူး ဂေက ဆက်လက် ပြောကြားသွား ပါတယ်။
"စိုးရိမ်စရာကတော့ ဒီထက်ရက်များလာမယ်ဆိုရင် ကျတော်တို့ နေရာကလည်း အတည်တကျ မရှိတော့ အလေးစွန့် အပေါ့စွန့်တဲ့ဟာတွေ မသေချာသေးတော့ ၀မ်းရောဂါပိုဖြစ်လာမှာကို စိုးရိမ်ရတယ်"

ယခုလောလောဆယ် ကလိုရင်းခတ်ထားတဲ့ ရေရရှိနိုင်ဖို့နဲ့ အိမ်သာတွေ ကောင်းကောင်း စနစ်တကျ ရှိနိုင်ဖို့ အလောတကြီးလုပ်ဆောင်နေပြီး မီးလောင်ထားတဲ့ လူနာရှင်တွေကိုလည်း မီးမလောင်တဲ့ ရပ်ကွက် ၃ ဘက်ကို ပြောင်းရွှေ့နိုင်ဖို့ TBBC နဲ့ UNHCR တို့ ဦးဆောင်ပြီး ရပ်ကွက် ၃ ရှိ စာသင်ကျောင်းနဲ့ဘော်လုံးကွင်း တွေမှာ ရွက်ဖျင်တဲတွေ ထိုးပေးတာတွေလည်း စီစဉ်နေကြပါပြီ။

မီးလောင်မှုအတွင်းတွင် ဆေးပစ္စည်းများအပြင် စာရွက်စာတမ်းနှင့် ဆေးခန်းတခုလုံးလည်း မီးလောင်သွား ခဲ့ပါတယ်။ စခန်း ၂ မှ ဆေးမှူးအားလုံးနီးပါးရဲ့ အိမ်တွေက မီးလောင်မှုအထဲမှာ ပါသွားလို့ စခန်း ၁ ကဆေး မှူး ၄ ယောက်နဲ့ ကျန်ဝန်ထမ်း ၄ ယောက် ခေါ်ယူရပြီး အိုင်အာစီ ကလည်း ဒေါက်တာတယောက်နဲ့ သားဖွား ဆရာမတယောက်က အလှည့်ကျအနေနဲ့ ညစဉ် လာအိပ်ပေးနေပါတယ်။

Master နှင့် Visa Card များအား CB Bank ၏ POS စက်များတွင် အသုံးပြုငွေ ပေးချေနိုင်ပြီဖြစ်

ပြည်တွင်းသို့ လာရောက်ကြတဲ့ ဧည့်သည်များဟာ ဈေးဝယ်ခြင်း၊ တည်းခိုခြင်း စတဲ့ အရာတွေ အတွက် CB Bank ရဲ့ POS စက်တစ်လုံး တည်းမှာ

Master Card, Visa Cardတို့နဲ့ ငွေပေးချေမှုကို ပြုလုပ်နိုင်ပြီ ဖြစ်တယ်လို့ ဧပြီလ ၁ ရက်နေ့က ရန်ကုန်မြို့ ၂၃ လမ်းရှိ CB Bank ရုံးချုပ်မှာ ကျင်းပ ပြုလုပ်ခဲ့တဲ့ Visa Card နဲ့ CB Bank ရဲ့ POS စက်မှာ ငွေပေးချေမှု စတင် အသုံးပြု နိုင်ကြောင်း စာနယ်ဇင်း ရှင်းလင်းပွဲမှ သိရပါတယ်။

 

CB Bank POS(Point of Sales) စက်တွေမှာ Master Cardကို ၂၀၁၂ ခုနှစ် ဖေဖော်ဝါရီလ အတွင်းက စတင် အသုံးပြုနိုင်တာ ဖြစ်ပြီး အခု ဧပြီလ ၁ ရက်နေ့မှ စတင်ကာ Visa Card နဲ့ပါ ငွေပေးချေ နိုင်ပြီဖြစ်တယ်လို့ သိရပါတယ်။ အခုလက်ရှိ Master Card နဲ့ Visa Card တို့အတွက် POS စက်များကို စီးပွားရေး လုပ်ငန်းများ အချက်အခြာ ကျတဲ့နေရာ ၃၈ နေရာမှာ တပ်ဆင် ထားပြီး အသုံးပြုနိုင် နေပြီဖြစ်ပါတယ်။

 

ဒီလိုမျိုး Visa,Master Card တွေနဲ့ CB Bank ရဲ့ POS စက်တွေမှာ ငွေပေး ချေနိုင်နေပြီ ဖြစ်တဲ့ အတွက် စီးပွားရေး လုပ်ငန်းရှင်များနဲ့ ခရီးသွားလာရေး ကဏ္ဍတို့မှာ နှစ်ဖက်စလုံး တိုးတက်စေ လာမှာ ဖြစ်ပါတယ်။ ဒါ့အပြင် CB ဘဏ်အနေနဲ့ မကြာမီ မှာလည်း China Union Pay Card နဲ့ POS စက်မှာ ငွေပေးချေနိုင်ဖို့ စီစဉ်ဆောင်ရွက် လျက်ရှိတယ်လို့ သတင်း ရရှိပါတယ်။

ကျောင်းသူ တဦး ရိုက်နှက်ဆုံးမခံရမှု ဆရာနှင့်မိဘ အမှုအခင်းဖြစ်

ပဲခူးတိုင်းဒေသကြီး၊ ဇီးကုန်းမြို့နယ် ပါရဂူဘော်ဒါဆောင်တွင်  ကျောင်းသူတဦး ရိုက်နှိက်ဆုံးမခံရမှုအပေါ် ကျောင်းသူ၏ မိဘများက မကျေနပ်သဖြင့် ဆရာနှင့် မိဘအကြား တရားစွဲဆိုအမှုအခင်းဖြစ်ပွားလျက်ရှိကြောင်း သတင်းရရှိသည်။

ဖေဖော်ဝါရီလ ၁၉ ရက်နေ့က ပါရဂူဘော်ဒါဆောင်မှ ဆရာတဦးဖြစ်သူ ဦးစန်းမြင့်ထွန်းက တက္ကသိုလ်ဝင်တန်း ကျောင်းသူ တဦးဖြစ်သူ မဖြူဖြူသွင်စိုးနိုင်ကို ကျောင်းက စစ်ဆေးမေးမြန်းသော စာမေးပွဲကို အချိန်ပြည့် ဖြေဆိုခြင်း မပြုသည့် အတွက် ကြောင့် ဟုဆိုကာ ရိုက်နှက် ဆုံးမခဲ့ကြောင်း၊ ယင်းသို့ ရိုက်နှက်ရာတွင် ကျောင်းသူ၏ ကျောပြင်တခုလုံးတွင် အရှိုးရာများ ပြည့်နှက် နေပြီး အပေါ်ယံ အရေပြားများ ကွဲပြဲ ထွက်သွားသဖြင့် ဇီးကုန်းတိုက်နယ်ဆေးရုံတွင် ဆေးကုသမှုခံယူခဲ့ရကြောင်း ကျောင်းသူ၏ မိဘများက ပြောသည်။

"ကျနော့် ညီမ အပါအဝင် ကျောင်းသူ ၄ ယောက်ကို စာမေးပွဲ အချိန်ပြည့်အောင် မဖြေဘဲ ၁၅ မိနစ်စောပြီး ဆင်းတဲ့အတွက် ကျောင်း စောစော ဆင်းလာလို့ဆိုပြီး ဘော်ဒါဆောင်က ဆရာက ကြိမ်လုံးနဲ့ ရိုက်တယ်။ တခြားကျောင်းသူတွေ တော့ မသိဘူး။ ညီမလေး ကတော့ ကျောတပြင်လုံး အရှိုး ရာတွေ အပြင်ကို ကျောပေါ်က အရေပြား ၁ ပေလောက် ကွဲသွား တယ်။ဖုန်းဆက်ပြီး ကျနော့် ညီမကို ဘာအပြစ်ကြောင့် ရိုက်တယ်ဆိုတာ သိချင်လို့ပါလို့ မေးတော့ စာမေးပွဲခန်းထဲက ၁၅ မိနစ် စောထွက်လာလို့ဆိုပြီး ဖြေတယ်။ ဒါနဲ့ အကျိုးအကြောင်းသင့်ပြောပြီး ဒီအပြစ်နဲ့ ဒီလိုရိုက်တာ မလွန်လွန်းဘူးလားလို့ မေးမိတော့ ဘယ်သူ့မှ ဂရုမစိုက်ဘူး။ တိုင်ချင်တဲ့နေရာမှာတိုင်လို့  ပြောတယ်။ ပညာရေးမှူးကလည်း ဒီလောက်က ကိစ္စမရှိပါဘူး။ ဒါက ပြသနာမဟုတ်ဘူးလို့ ပြောတယ်"ဟု ကျောင်းသူ မဖြူဖြူသွင်စိုးနိုင်၏ အကိုဖြစ်သူ ကိုဝေလျံနိုင်က ဧရာဝတီသို့ ပြောသည်။

ကျောင်းသူ ရိုက်နှက်ဆုံးမခံရမှုအပေါ် မဖြူဖြူသွင်စိုးနိုင်၏ မိဘများက မကျေနပ်သည့်အတွက် ပဲခူးတိုင်းဒေသကြီး ဝန်ကြီးချုပ်၊ ဇီးကုန်းမြို့နယ် ရဲစခန်းနှင့် မြို့နယ်ပညာရေးမှူးတို့ထံသို့ တိုင်စာပို့ တိုင်ကြားထားကြောင်း၊ ထို့ပြင် ဇီးကုန်းမြို့နယ် တရားရုံးတွင် ရိုက်နှက်ခဲ့သော ဆရာဦးစန်းမြင့်ထွန်းကို ပုဒ်မ ၃၂၃ သာမန် နာကျင်စေမှုဖြင့် အရေးယူပေးရန် မတ်လဆန်းပိုင်းတွင် ဦးတိုက်လျှောက်ထားခဲ့ပြီး တရားရုံးက လက်ခံထားကြောင်း သိရှိရသည်။

သာမန်နာကျင်စေမှု ပုဒ်မ ၃၂၃ အရ ပြစ်မှုထင်ရှားလျှင် ထောင်ဒဏ် ခြောက်လ(သို့မဟုတ်) ငွေဒဏ် ၊ ဒဏ်နှစ်ရပ် လုံးဖြစ်စေ ချမှတ်နိုင်ကြောင်း သိရှိရသည်။

သို့ရာတွင် ဇီးကုန်းမြို့နယ်တွင် အကြမ်းဖက်လူအုပ်စုများက ဘာသာရေး အဆောက်အအုံနှင့် နေအိမ်များဖျက်ဆီးမှု များရှိနေသည့်အတွက် ဒေသခံအာဏာပိုင်များက ပုဒ်မ ၁၄၄ ထုတ်ပြန်ထားချိန်နှင့်တိုက်ဆိုင်နေသည့်အတွက် တရားရုံးက လက်ခံထားသော အမှုကို စစ်ဆေးနိုင်ခြင်းမရှိသေးကြောင်း သိရှိရသည်။

ကျောင်းသူရိုက်နှက်ခံရမှုနှင့်ပတ်သက်ပြီး ပါရဂူဘော်ဒါဆောင်မှ ဒေါက်တာကြည်ကြည်ဆန်းက မိမိတို့ဘက်မှ   မှားယွင်းမှုမရှိကြောင်း၊အမှုအတွက် ရှေ့နေငှားရမ်းထားကြောင်း ပြောသည်။

ပါရဂူဘော်ဒါဆောင်ဘက်မှ အမှုလိုက်ပါဆောင်ရွက်နေသော ရှေ့နေ ဦးသန်းဝင်းက မိမိတို့အနေဖြင့် ဥပဒေနှင့်အညီ ဆောင်ရွက်မည်ဖြစ်ကြောင်း၊ တရားနိုင်လျှင်လည်း ဥပဒေနဲ့ အညီအနိုင်ရမည်ဖြစ်ပြီး ရှုံးနိမ့်မည် ဆိုပါကလည်း ဥပဒေနှင့်အညီ ရှုံးနိမ့်ခြင်းသာ ဖြစ်လိုကြောင်း ဆိုသည်။

"ကျောမှာ ၁ ပေ လောက်ကွဲသွားတာတော့ မသိဘူး။ ဆေးစာမှာလည်း မပါဘူး။ ဆေးစာထဲမှာ ဖူးယောင်ပြီး ပေါက်ပြဲတယ် လို့ပဲ ဖော်ပြထားတာ။ ဓါတ်ပုံကလည်း တရားဝင်မဟုတ်ဘူး။ ဖလင်ကင်မရာနဲ့ ရိုက်ထားတယ်ဆိုရင် လက်ခံတယ်။

ဒစ်ဂျစ်တယ်ကင်မရာနဲ့ ဆိုရင်တော့ ကွန်ပျူတာ Effect တွေ ထည့်လို့ရလို့ ကျနော် လက်မခံဘူး"ဟု ရှေ့နေ ဦးသန်းဝင်းက ဆိုသည်။

ဇီးကုန်းမြို့နယ်ပညာရေးမှူး ဒေါ်နန်းမြင့်မြင့်အေးက  ပုဂ္ဂလိကဘော်ဒါဆောင်တွင် ကျောင်းသားကျောင်းသူများကို ဆရာ၊ ဆရာမက ရိုက်နှက် ဆုံးမခြင်းသည် ကောင်းစေချင်သော ဆန္ဒဖြင့်  ဆုံးမခြင်းဖြစ်ပြီး ကျောင်းသားကျောင်းသူများအား  ရည်ရွယ် ချက်ရှိရှိ ထိခိုက် နာကျင်စေသောစိတ်ဖြင့်  ပြုလုပ်သည်ဟု မိမိ မယူဆကြောင်း၊ ကျောင်းသူ၏ ကျောပြင် အရေပြား ပေါ်တွင် ၁ ပေ ခန့် ကွဲသွားသည်ဟု ဆိုခြင်းမှာလည်း မဟုတ်မှန်ဘဲ အရှိုးရာ ထင်ခြင်းသာဖြစ်ကြောင်း၊ ဓာတ်ပုံထဲတွင် သွေးအရောင်ကြောင့် ဒဏ်ရာထင်းပြီး ပြင်းထန်သည်ဟု ယူဆဖွယ်ရာရှိကြောင်း ပြောသည်။

အခြေခံပညာရေးစနစ်တွင် ကျောင်းသူကျောင်းသားများကို ရိုက်နှက်ဆုံးမခြင်းကြောင့် ကောင်းကျိုး၊ ဆိုးကျိုး များရှိနိုင်ကြောင်း၊ ကျောင်းဆရာ၊ ဆရာမများအနေဖြင့်  ကျောင်းသူကျောင်းသူကို ရိုက်နှက်ဆုံးမှုကြောင့် ဖြစ်ပေါ်လာမည့် ဆိုးကျိုး များ၏ အကျိုးဆက်အား ထိန်းကျောင်းကာကွယ်နိုင်မည့် နည်းလမ်း မရှိသေးသည့်အတွက် ရိုက်နှက်ဆုံးမမှုများကို ဆင်ခြင် သင့်ကြောင်း ၊ သတင်းအချက်အလက်နှင့် နည်းပညာ ထွန်းကားနေသော  ယခုခေတ် ကလေးများ၏ စိတ်ခံစားချက်သည် ဆရာ၊ ဆရာမ ပြောသမျှ ၊ လုပ်သမျှ ငြိမ်ခံမည့် အနေအထားမရှိတော့ကြောင်း ကျောင်းဆရာ၊ ဆရာမအချို့က သုံးသပ်သည်။

ကျောင်းသားကျောင်းသူများကို ရိုက်နှက်ဆုံးမရာတွင်  အရိုက်ခံရသော ကျောင်းသား၊ ကျောင်းသူက သဘောမတူပါက လက်ရောက်မှုမြောက်ပြီး  သွေးထွက်၊ သံယို ဖြစ်သည်ဆိုပါက အမှုပိုကြီးနိုင်ကြောင်း ပြင်ဦးလွင်၊ စိုးစံဘော်ဒါဆောင်မှ တာဝန်ရှိသူ ဦးတင်လတ်က ဆိုသည်။

ပုဂ္ဂလိကကျောင်းနည်းဥပဒေ၊ ပုဒ်မ ၁၈ (ဃ)တွင် ကျောင်းသား၊ ကျောင်းသူများကို အတင်းအကျပ်ခိုင်းစေခြင်း၊ ပိတ်လှောင်ခြင်း၊ ပြင်းထန်စွာ အပြစ်ပေးခြင်းမပြုရန် (သို့မဟုတ်) မပြုစေရန် ကြပ်မတ်ဆောင်ရွက်ရမည်ဟု ပြဋ္ဌာန်းထား ကြောင်း သိရှိရသည်။

အသက် အန္တရာယ်ရှိ ဓာတုပိုးသတ်ဆေးများ စိုက်ပျိုးရေး ဈေးကွက်အတွင်း ပျံ့နှံ့နေ

စပါးစိုက်ပျိုးနေသည့် တောင်သူလယ်သမားများ (ဓာတ်ပုံ – ဂျေပိုင် / ဧရာဝတီ)နိုင်ငံတကာတွင် တားမြစ်ပိတ်ပင်ထားသော အသက်အန္တရာယ် ထိခိုက်စေနိုင်သည့် ဓာတုပိုးသတ်ဆေး အမျိုးပေါင်း ၃၀ ကျော်ခန့် နိုင်ငံတွင်း၌ တရားမ၀င် ပျံ့နှံ့နေကြောင်း မြန်မာနိုင်ငံ မြေသြဇာ၊ မျိုးစေ့နှင့် စိုက်ပျိုးရေး ဆေးလုပ်ငန်းရှင်များအသင်း ဥက္ကဋ္ဌ ဦးသတိုးဟိန်း ထံမှသိရသည်။

တရားမ၀င် ပိုးသတ်ဆေးများနှင့် ပတ်သတ်၍ တောင်သူလယ်သမား အသင်းမှ ၂၀၁၃ ခုနှစ် ဇန်န၀ါရီနှင့် ဖေဖော်ဝါရီလ အတွင်းတွင် ဈေးကွက်အတွင်းရှိ ဓာတ်မြေသြဇာများနှင့် ပိုးသတ်ဆေးများကို ရှောင်တခင် စစ်ဆေးခဲ့ကြောင်း မတ် ၃၀ ရက်က မြန်မာနိုင်ငံ ဆန်စပါးအသင်း၌ ကျင်းပပြုလုပ်ခဲ့သော ဓာတ်မြေသြဇာနှင့် ပိုးသတ်ဆေးများ၏ စစ်ဆေးတွေ့ရှိချက်များနှင့် ပတ်သတ်သည့် သတင်းစာ ရှင်းလင်းပွဲ၌ သိရသည်။

"တချို့တောင်သူတွေက တရားမ၀င် ပိုးသတ်ဆေးတွေရဲ့ အန္တရာယ်ကို သိပေမယ့် ဈေးသက်သာလို့ သုံးတာတွေရှိပါတယ်။ တောင်သူတွေဘက်မှာ အသိ ဗဟုသုတတိုးဖို့လည်း လုပ်ဆောင်ပေးဖို့လိုတယ်" ဟု ဦးသတိုးဟိန်းက ပြောသည်။

မြန်မာနိုင်ငံအတွင်းသို့ တရားမ၀င် ပိုးသတ်ဆေး အမျိုးပေါင်း တရာကျော် တင်သွင်းရောင်းချလျှက် ရှိကြောင်းသိရပြီး ထိုကိစ္စနှင့် ပတ်သက်၍ စစ်ဆေးအရေးယူရာ၌ အားနည်းနေမှုများရှိကြောင်း တောင်သူလယ်သမား အသင်းမှ ဒေါက်တာစိုးထွန်းက ပြောသည်။

"စိုက်ပျိုးရေးကပဲ ဖြစ်ဖြစ်၊ ကုမ္ပဏီတွေပဲ ဖြစ်ဖြစ် စိုက်ပျိုးရေးနဲ့ ပတ်သတ်ပြီး ပညာပေးကြတယ် ဆိုပေမယ့် မြို့ပေါ်ပိုင်းနဲ့နီးတဲ့ ကျေးရွာတွေ လောက်ကိုပဲ ပညာပေးနိုင်တယ်။ ထဲထဲဝင်ဝင် မပေးနိုင်သေးဘူး။ ဒီတော့ အသိပညာ ဗဟုသုတပိုင်း အားနည်းတယ်။ ဒီမှာ ထဲထဲဝင်ဝင် လုပ်ပေးနိုင်ဖို့လိုပါတယ်" ဟု ဓနုဖြူမြို့နယ်မှ တောင်သူ ဦးသိန်းမောင်က ပြောသည်။

လက်ရှိတွင် တရားဝင် မှတ်ပုံတင်ထားသော ပိုးသတ်ဆေးအရေအတွက်မှာ အမျိုးပေါင်း ၂၀၀ ခန့်သာရှိကြောင်း၊ တရားမ၀င် ပိုးသတ်ဆေးများကို ၁၉၉၀ ပြည့်နှစ်က ထုတ်ပြန်ခဲ့သည့် ပိုးသတ်ဆေးဝါးဥပဒေနှင့် ၂၀၀၂ ခုနှစ်က ထုတ်ပြန်ခဲ့သည့် အပင်ပိုးမွှား ကာကွယ်ရေးဥပဒေများအရ အရေးယူနိုင်ကြောင်း မြန်မာ့ လယ်ယာစိုက်ပျိုးရေး ဦးစီးဌာန၊ မျိုးစေ့နှင့် မြေသြဇာ ဌာနမှ ညွှန်ကြားရေးမှူး ဦးတင်အောင်ဝင်းက ပြောသည်။

"မြေသြဇာပိုင်းမှာ အရည်အသွေးနိမ့်တာကို ရောင်းလိုက်ရင် သီးနှံအထွက်နှုန်း လျော့တာပဲရှိမယ်။ ကျန်းမာရေး အတွက်လည်း မထိခိုက်ဘူး၊ စားသုံးသူ မထိခိုက်ဘူး။ ဒါကြောင့်မြေသြဇာဥပဒေမှာ ရဲ အရေးပိုင်တဲ့ ဥပဒေမဟုတ်ဘဲ တရားမကြောင်းအရ ဥပဒေအနေနဲ့ ထားတာပါ။ ပိုးသတ်ဆေးကျတော့ မတူဘူး။ တရားမ၀င် တားမြစ်ထားတဲ့ ပိုးသတ်ဆေးတွေ ရောင်းမယ်ဆိုရင် လူ့အသက်ကိုပါ ထိခိုက်စေတယ်။ သုံးစွဲသူကိုကော၊ သုံးစွဲထားတဲ့ သီးနှံကို စားမိသူကိုကော အသက်အန္တရာယ် ထိခိုက် စေပါတယ်။ ဒါကြောင့် ရဲအရေးပိုင် အနေနဲ့ သတ်မှတ်ပြီး ထောင်ဒဏ်ကော၊ ငွေဒဏ်ကော သတ်မှတ်ပြီး အရေးယူပါတယ်" ဟု မြန်မာ့လယ်ယာ စိုက်ပျိုးရေးဦးစီးဌာန စိုက်ပျိုးရေးဌာနမှ ညွှန်ကြားရေးမှူး ဒေါက်တာ ရဲတင့်ထွန်းက ပြောသည်။

လက်ရှိ ဆောင်ရွက်နေသည့် တည်ဆဲဥပဒေများမှာ နိုင်ငံတကာအဆင့်မီ ဥပဒေများဖြစ်ကြောင်း၊ သို့ရာတွင် တောင်သူ လယ်သမားကို ယခုထက် ပိုမိုသော ကာကွယ်စောင့်ရှောက်မှုများ ပေးနိုင်မည့် ဥပဒေများ လိုအပ်နေသေးကြောင်း တောင်သူ လယ်သမားအသင်း ဥက္ကဋ္ဌ ဒေါက်တာစိုးထွန်းက ရှင်းပြသည်။

နိုင်ငံတကာမှ ပိုးသတ်ဆေးများ တရားဝင်မှတ်ပုံတင်ပြီး တင်သွင်းပါက ပိုးသတ်ဆေးများတွင် ပါဝင်သောပစ္စည်း၊ သုံးစွဲရမည့် ပမာဏ၊ သုံးစွဲရမည့် အသေးစိတ် ညွှန်ကြားချက်၊ အရေးပေါ် သတိပေးကြေညာချက်၊ အဆိပ်သင့်ပါက အရေးပေါ်ကုထုံး စသည့် အချက်များကို မြန်မာဘာသာဖြင့် ပြန်ဆိုပြီးမှသာ ထုတ်ခွင့်ရှိကြောင်း၊ ထိုအချက်များဖေါ်ပြမထားပါက ၎င်းမှာ တရားမ၀င်သည့် အမှတ်တံဆိပ်ဖြစ်ကြောင်း မြန်မာ့လယ်ယာ စိုက်ပျိုးရေးဦးစီးဌာန၊ မျိုးစေ့နှင့် မြေသြဇာဌာနမှ ညွှန်ကြားရေးမှူး ဦးတင်အောင်ဝင်းက ပြောသည်။

"၀င်လာတဲ့ဆေးတွေက နယ်စပ်ကနေ၀င်တာ၊ တရုတ်ဘက်ကကော၊ ထိုင်းဘက်ကကော ၀င်လာတယ်။ အဓိကကတော့ အိမ်နီးချင်းနိုင်ငံတွေက ၀င်နေတာတွေပါ" ဟု မြန်မာနိုင်ငံ မြေသြဇာ၊ မျိုးစေ့နှင့် စိုက်ပျိုးရေးဆေး လုပ်ငန်းရှင်များအသင်း ဥက္ကဋ္ဌ ဦးသတိုးဟိန်းက ပြောသည်။

အဆိုပါ တရားမ၀င် ပိုးသတ်ဆေးအန္တရာယ်နှင့် ပတ်သတ်ပြီး မြန်မာနိုင်ငံ တောင်သူလယ်သမား အသင်းနှင့် မြန်မာနိုင်ငံ မြေသြဇာ၊ မျိုးစေ့နှင့်စိုက်ပျိုးရေးဆေး လုပ်ငန်းရှင်များအသင်းမှ ဈေးကွက်အတွင်းရှိ စိုက်ပျိုးရေးသုံး ပိုးသတ်ဆေး ၈ မျိုးနှင့် မြေသြဇာ ၁၅ မျိုးကို အရည်အသွေးစစ်ဆေးမှုများ ဆောင်ရွက်ခဲ့ကြောင်း ဦးသတိုးဟိန်းထံမှသိရသည်။

"ဓာတ်ခွဲခန်းက လက်ရှိမြန်မာနိုင်ငံမှာ ဓာတ်မြေသြဇာနဲ့ ပိုးသတ်ဆေး စစ်လို့ရတာဆိုရင် ပုဂ္ဂလိကဆို မြန်မာ့သြဘာက ဓာတ်ခွဲခန်းရှိတယ်၊ မြန်မာ့စိုက် ပျိုးရေးမှာ ဓာတ်ခွဲခန်းတခုရှိတယ်။ သိပ္ပံနဲ့ နည်းပညာဌာနမှာ တခုရှိတယ်။ ဒီစစ်ဆေးတာတွေ ကိုတော့ မြန်မာ့သြဘာနဲ့ စိုက်ပျိုးဌာနမှာရှိတဲ့ ဓာတ်ခွဲခန်းတွေမှာ စစ်ပါတယ်။ စစ်တဲ့နမူနာတွေကို ပုံစံပြောင်းပြီး မသမာမူတွေ မရှိအောင် ကုတ်နံပါတ်တွေတပ် စစ်ခဲ့တယ်။ နောက်ပိုင်း ထိုင်းနိုင်ငံဘက်က ဓာတ်ခွဲခန်းကို ပို့နိုင်ဖို့စီစဉ်နေတယ်" ဟု တောင်သူလယ်သမား အသင်းဥက္ကဋ္ဌ ဒေါက်တာစိုးထွန်းက ပြောသည်။

ထို့အပြင် မြန်မာနိုင်ငံ အော်ဂင်းနစ်အဖွဲ့ကလည်း ဟင်းသီးဟင်းရွက်များတွင် ဓာတုဗေဒ ဆေးဝါးသုံးစွဲမှု များပြား နေသည့်အတွက် အစိုးရ အနေဖြင့် စိုက်ပျိုးသူများကို ပညာပေးသင့်ကြောင်း၊ ဟင်းသီးဟင်းရွက် များကို ဓာတု ပိုးသတ်ဆေး ဖျန်းပြီး အနည်းဆုံး ၁၅ ရက်ကြာပြီးမှသာ ခူးဆွတ်၍ ဈေးကွက်တွင် ရောင်းချသင့်ကြောင်း၊ စားသုံးသူ များကလည်း ဟင်းရွက်များကို ရေမဆေးဘဲ အစိမ်းစားခြင်း မလုပ်သင့်ဘဲ ရေဖြင့် သေချာစွာဆေးကြော၍ ကျက်သည်အထိ ချက်ပြုတ် စားသောက်သင့်ကြောင်း အကြံပြုပြောကြား ထားခဲ့သည်။

ပြည်တွင်းတွင်၂၀၁၂ – ၂၀၁၃ ဘဏ္ဍာနှစ်အထိ ဓာတ်မြေသြဇာ ၁၁၂၈ မျိုး နှင့် ပိုးသတ်ဆေး ၂၀၀ ကျော် တရားဝင် မှတ်ပုံတင် ဖြန့်ဖြူးခွင့်ပေးထားကြောင်း မြန်မာ့လယ်ယာ စိုက်ပျိုးရေးဦးစီးဌာနမှ စာရင်းများအရ သိရသည်။

ရွှေဂက်စ် လုပ်ကွက် လုပ်ပိုင်ခွင့် လွှဲပြောင်းမည့်သတင်း ဒေ၀ူး ငြင်းဆို

ပင်လယ်ပြင်ရှိ ကမ်းလွန် ရွှေသဘာဝ ဓာတ်ငွေ့ လုပ်ကွက်မှ ကျောက်ဖြူမြို့ ကျောက်တလုံး ကမ်းခြေသို့ ဆက်သွယ်ထားသည့် သဘာဝ ဓာတ်ငွေ့ပိုက်လိုင်း (ဓာတ်ပုံ – ကိုစိုး / ဧရာဝတီ)ရခိုင်ပြည်နယ် ကျောက်ဖြူမြို့ရှိ ကမ်းလွန် ရွှေ သဘာဝ ဓာတ်ငွေ့ လုပ်ကွက်မှ ၎င်းတို့ ၏ လုပ်ပိုင်ခွင့်ကို တခြား ကုမ္ပဏီ တခု သို့ လွှဲပြောင်းသွားမည်ဆိုသည့် သတင်းနှင့်ပတ်သက်ပြီး တောင်ကိုရီးယားနိုင်ငံ ဒေ၀ူး ကုမ္ပဏီက ငြင်းဆိုလိုက်ကြောင်း သတင်း ရရှိသည်။

ဒေးဝူး ကုမ္ပဏီသည် ရွှေသဘာဝ စီမံကိန်း လုပ်ပိုင်ခွင့်ကို တခြား ကုမ္ပဏီ တခုသို့ လွှဲပြောင်းမည်ဆိုသည့် ကောလာဟလ သည် အခြေအမြစ်မရှိကြောင်း ဒေ၀ူးကုမ္ပဏီ၏ အမှုဆောင် အရာရှိချုပ် မစ္စတာ လီဒေါင်ဟီး ၏ ယမန်နေ့က ပြောကြား ချက် ကို တောင်ကိုရီးယားအခြေစိုက် ကိုရီယားတိုင်းမ် သတင်းတပုဒ်တွင် ဖော်ပြထားသည်။

နာမည်ကြီး POSCO Energy ကုမ္ပဏီကြီးသို့ ဒေးဝူးကုမ္ပဏီက ရွှေသဘာဝ ဓာတ်ငွေ့စီမံကိန်း လုပ်ပိုင်ခွင့်များလွှဲပြောင်း ပေး မည်ဟု ယခင် သီတင်းပတ်က ကောလာဟလများ ထွက်ပေါ်ပြီးနောက် ယခုကဲ့သို့ ဒေ၀ူးကုမ္ပဏီက ငြင်းဆိုခြင်းဖြစ်သည်။

"ကျနော်တို့ ၁၃ နှစ်လောက် စီမံကိန်းကို အားစိုက်လုပ်လာနေချိန်မှာ ဒီလုပ်ပိုင်ခွင့်ကို လွှဲပြောင်းဖို့ဆိုတာ အဓိပ္ပာယ်မှ မရှိတာ"ဟု ဆိုးလ်မြို့ရှိ ဒေ၀ူးကုမ္ပဏီ ရုံးချုပ်၌ ဒေ၀ူး အစုရှယ်ယာဝင်များနှင့် လေ့လာသူများကို မစ္စတာ လီက ပြောဆိုသည်။

လက်ရှိ ရွှေ သဘာဝ ဓာတ်ငွေ့ လုပ်ငန်းသည် မြန်မာအစိုးရ၏ မြန်မာ့ရေနံနှင့် သဘာဝ ဓာတ်ငွေ့လုပ်ငန်း(MOGE) နှင့် အတူ အိန္ဒိယ၊ တရုတ်နိုင်ငံနှင့် တောင်ကိုရီးယား နိုင်ငံတို့က ဖက်စပ် လုပ်ကိုင်သည့် စီမံကိန်းလည်းဖြစ်ပြီး လုပ်ငန်း လုပ်ပိုင်ခွင့်များကို လွှဲပြောင်းမည်ဟု ပြောဆိုလာခြင်းသည် လုံးဝ မဖြစ်နိုင်ကြောင်းလည်း သူက ဆက်ပြောသည်။

ဒေ၀ူး၏ ယခုကဲ့သို့ ငြင်းဆိုမှုကြောင့် POSCO ၏ အစုရှယ်ယာ၊ စတော့ရှယ်ယာဈေးများလည်း ကျဆင်းသွားသည်ဟု ကိုရီးယား တိုင်းမ် သတင်းစာက ဆိုသည်။

ရွှေ သဘာဝ ဓာတ်ငွေ့ စီမံကိန်း ဓာတ်ငွေ့ ထုတ်လုပ်ရေး လုပ်ငန်းပိုင်းတွင် ဒေ၀ူး ကုမ္ပဏီမှ ၅၁ ရာခိုင်နှုန်း၊ MOGE မှ ၁၅ ရာ ခိုင်နှုန်း၊ အိန္ဒိယ၏ ရေနံနှင့် သဘာဝ ဓာတ်ငွေ့ ကော်ပိုရေးရှင်းမှ ၁၇.၅ ရာခိုင်နှုန်းနှင့် Gas Authority of India Limited-GAIL မှ ၈.၅ ရာခိုင်နှုန်းနှင့်တောင်ကိုရီးယား ကိုရီးယား ဂက်စ် ကော်ပိုရေးရှင်းမှ ၈.၅ ရာခိုင်နှုန်း ဖြင့် မြှုပ်နှံ လုပ်ကိုင်နေကြောင်း သိရသည်။

ပိုက်လိုင်း တည်ဆောက်မှု လုပ်ငန်း စီမံကိန်းကို တရုတ်နိုင်ငံ၏ အကြီးဆုံး ရေနံနှင့် သဘာဝဓာတ်ငွေ့ ထုတ်လုပ်ရေး ကုမ္ပဏီ ဖြစ်သည့် China National Petroleum Corporation (CNPC) မှ ၅၁.၉ ရာခိုင်နှုန်းရာခိုင်နှင့် MOGE မှ ၄၉.၁ ရာခိုင်နှုန်း ရာခိုင်ပါဝင်ကြောင်း၊ ဒေ၀ူး ကုမ္ပဏီကလည်း အစုရှယ်ယာ ထပ်မံပါဝင်သေးကြောင်း ရွှေသဘာဝ ဓာတ်ငွေ့ လှုပ်ရှားမှု အဖွဲ့မှ ဦးဝင်းအောင် က ရှင်းပြသည်။

ဒေ၀ူးကုမ္ပဏီသည် ရွှေဂက်စ် စီမံကိန်းတွင် ၂၀၀၄ ခုနှစ်ကတည်းက လုပ်ဆောင်လာသည့် ကုမ္ပဏီလည်းဖြစ်ပြီး ၂၀၀၄ ခုနှစ် မှ ၂၀၀၆ ခုနှစ်အတွင်း ရွှေဂက်စ် လုပ်ကွက် ၃ ခု တွေ့ရှိခဲ့သည်။

ရွှေ သဘာဝဓာတ်ငွေ့ ထုတ်လုပ်မှုများကို လာမည့် ဇွန်လတွင် စတင်မည်ဖြစ်ပြီး ရခိုင်ပြည်နယ် ကျောက်ဖြူမြို့မှ တရုတ်နိုင်ငံ ယူနန် ပြည်နယ်သို့ ပို့ဆောင်မည် ဖြစ်ကြောင်း သိရသည်။

ဒေ၀ူး ကုမ္ပဏီအနေဖြင့် ဂက်စ် ၄.၅ ထရီလျံ ကုဗပေ ပမာဏ ရမည်ဟု ခန့်မှန်းထားပြီး ကိုရီးယားနိုင်ငံအတွက် ၃ နှစ်တာ အသုံးပြုနိုင်မည့် ပမာဏဖြစ်ကြောင်း ပြောဆိုထားသည်။

ရွှေသဘာဝ ဓာတ်ငွေ့ ထုတ်လုပ်မှု လုပ်ငန်းဆိုင်ရာ နားလည်မှု စာချွန်လွှာ  စာချုပ်လက်မှတ်ရေးထိုးမှုကို ၂၀၀၁ ခုနှစ် ဇွန်လ တွင် စတင်လုပ်ဆောင်ခဲ့ကြောင်း၊ စီးပွားရေးသဘောအရ အစုရှယ်ယာရှင်များအား မက်လုံးပေးမှုများဖြစ်လေ့ရှိပြီး ထိုကဲ့သို့ကောလာဟလများ မကြာခဏဖြစ်ပေါ်တတ်ကြောင်း ဦးဝင်းအောင်က ဧရာဝတီကို ပြောသည်။

"၂၀၀၉ ခုနှစ်လောက်တုန်းက ဒေ၀ူးဆီက POSCO ကုမ္ပဏီက အစုရှယ်ယာ ၆၀ ရာခိုင်နှုန်း လောက်ကို ၀ယ်လိုက် သေးတယ်၊ POSCO ရဲ့ ရှယ်ယာ ဒေ၀ူးထဲမှာ ဘယ်လောက် အထိ ပါတယ်ဆိုတာ သူတို့ ထုတ်ပြန်တာမျိုး မရှိဘူး"ဟု သူက ဆိုသည်။

ဒေ၀ူးမှ တာဝန်ရှိသူတဦးက ကိုရီးယားတိုင်းမ် သတင်းစာအား ပြောပြချက်အရ POSCO ကုမ္ပဏီသည် ဒေ၀ူး၏ အကြီးဆုံး အစုရှယ်ယာဝင် ဖြစ်ကြောင်း သိရသည်။

လက်တွေ့တွင် ရွှေ သဘာဝ ဓတ်ငွေ့ စီမံကိန်းကြောင့် ဓာတ်ငွေ့ပိုက်လိုင်းချရာ လမ်းတလျှောက်မြေယာသိမ်းမှုများရှိပြီး သဘာဝ ပတ်ဝန်းကျင်၊ လူမှုပတ်ဝန်း ကျင် ထိခိုက်မှုများစွာ ရှိကြောင်း သူက ဆက်ပြောသည်။

"လယ်မြေဧက သိမ်းထားတာ ပိုက်လိုင်း တလျှောက်လုံး ရွာပေါင်း ထောင်ချီတယ်။ စီမံကိန်းလုပ်တဲ့နေရာတွေမှာ အိမ်ခြေ ရာနဲ့ချီပြီး ပြောင်းရွှေ့ရတာတွေရှိတယ်။ လျော်ကြေး တ၀က်တပြက်ရတဲ့ဟာတွေရှိတယ်။ မရတဲ့ဟာတွေရှိတယ်" ဟု ဦးဝင်းအောင်က ဆိုသည်။

ထို့အပြင် ရွှေဂက်စ် စီမံကိန်းကြောင့် ငါးဖမ်းလုပ်ငန်းလုပ်ကိုင်သူများ အနေဖြင့် ဘ၀ရပ်တည်ရေး လွန်စွာခက်ခဲသွားပြီ ဖြစ်ပြီး စီမံကိန်း၏ စွန့်ပစ်ပစ္စည်းများနှင့် မိုင်းခွဲမှုများကြောင့် သန္တာ ကျောက်တန်းများကို ထိခိုက်ပျက်ဆီးကြောင်း သူက ဆက်ပြော သည်။

"သဘာဝ ပတ်ဝန်းကျင်ဆို်င်ရာ လေ့လာစမ်းစစ်ချက်တွေရယ်၊ လူမှု ဒုက္ခဆိုင်ရာလေ့လာစမ်းစစ်ချက်တွေဆိုတာကို နိုင် ငံရေး ပါတီတွေအပါအ၀င်ပေါ့ ရခိုင်မှာ ရှိတဲ့ နိုင်ငံရေးပါတီတွေအပါအ၀င် ဒေသခံလူတွေကို ဘယ်လိုမှ ပေးသိမှု မရှိတာပါတယ်"ဟု ဦးဝင်းအောင်က ဆိုသည်။

မြန်မာနိုင်ငံတွင် နိုင်ငံခြားရင်းနှီးမြှုပ်နှံမှု လုပ်ငန်းများအနေဖြင့် ဒေသခံပြည်သူများအနေဖြင့် လုံလောက်သည့် ခံစားခွင့်မရကြ သေးကြောင်း၊ အဆိုပါ စီမံကိန်းများသည် ပွင့်လင်းမြင်သာမှု မရှိသည့်နောက်ကွယ်တွင် အဂတိလိုက်စားမှုများ ရှိနေသည့် အတွက် နိုင်ငံနှင့် ပြည်သူများအတွက် အကျိုးအမြတ်ခံစားရမှုအပိုင်းတွင် လွန်စွာ အားနည်းနေသေးကြောင်း သူက ဆက်ပြော သည်။

ရွှေဂက်စ် လုပ်ငန်းနှင့်ပတ်သက်ပြီး နှစ်ပေါင်း ၃၀ စာအတွက် အကျိုးအမြတ်အဖြစ် အမေရိကန်ဒေါ်လာ ၂၉ ဘီလျံကို မြန်မာ နိုင်ငံက ရမည်ဖြစ်ကြောင်း၊ ရွှေ သဘာဝ ဓာတ်ငွေ့ ထုတ်လုပ်မှု အကျိုးတူ စီးပွားဖက် လုပ်ကိုင်သူများ အစုအဖွဲ့ အနေဖြင့် အမေရိကန် ဒေါ်လာ ၁၂.၂၈ ဘီလျံ ရရှိမည်ဖြစ်ကြောင်း ရွှေဂက်စ် လှုပ်ရှားမှုအဖွဲ့က ခန့်မှန်း ပြောဆိုသည်။

မူဆယ်တွင် ရွှေဆိုင် ဓားပြတိုက်ခံရ

ဧပြီ ၁ ရက်နေ့က ဓားပြတိုက်ခံခဲ့ရသည့် ရွှင်လင်းရောင် ရွှေဆိုင် (ဓာတ်ပုံ – JLH / မူဆယ်)

ဧပြီ ၁ ရက်နေ့ မွန်းလွဲ ၁၂ နာရီခွဲခန့်က မူဆယ်မြို့ စည်ပင်သာယာ အမှတ် ၁ ဈေး အပေါ်ထပ်ရှိ ရွှင်လင်းရောင် ရွှေဆိုင်ကို ဓားပြတိုက်မှု ဖြစ်ပွားခဲ့ကြောင်း သိရသည်။

ထိုသို့ ဓားပြတိုက်မှု ဖြစ်ပွားခဲ့သည့်အတွက် တခြားရွှေဆိုင်များလည်း ထိတ်လန့်စိုးရိမ်မှု ဖြစ်ကာ ဆိုင်ပိတ်ပြီး အရောင်းအ၀ယ် ရပ်ဆိုင်း ထားလိုက်ရကြောင်း သိရသည်။

ဓားပြများက သေနတ်ဖြင့်ချိန်ပြီး ရွှေများကို လုယူသွားခြင်းဖြစ်ကြောင်းနှင့် သက်ဆိုင်ရာသို့ တိုင်ကြားထားကြောင်း ရွှင်လင်းရောင် ရွှေဆိုင်ပိုင်ရှင် စိုင်းယီလွန်းက ဧရာဝတီသို့ ပြောသည်။

"ဓားပြ သုံးယောက်ပါ။ မျက်နှာကတော့ အုပ်ထားတယ်။ မမြင်ရဘူး။ နှစ်ယောက်ကတော့ သေနတ်ပါတယ်။ သေနတ်နဲ့တော့ ချိန်ပဲချိန်တယ်။ ပြီးတော့အိတ်ထဲကို ရွှေထည့်ပြီး ပြေးသွားပါတယ်။ ခန့်မှန်းခြေတော့ ကျပ် သိန်းတထောင်ကျော်လောက် ပါသွားတယ်" ဟုစိုင်းယီလွန်းက ဆိုသည်။

အဆိုပါ ရွှေဆိုင်ဓားပြတိုက် ခံရမှုကြောင့် မြို့မဈေးအတွင်း ရွှေရောင်းသူများ စိုးရိမ်ကြောက်လန့်နေကြကြောင်း၊ ဓားပြမှု၊ လူယက်မှုတိုင်းတွင် တရားခံ ကိုဖမ်းဆီးနိုင်ခြင်း မရှိခဲ့ကြောင်း မူဆယ်ဒေသခံများက ပြောကြသည်။

မူဆယ်မြို့တွင် မကြာခဏ ဓားပြတိုက်ခံရလေ့ ရှိသည့်အတွက် ရွှေဆိုင်များနှင့် ငွေကြေးလဲလှယ်သည့် လုပ်ငန်း လုပ်ကိုင်သူများသည် ပစ္စည်းများကို အများအပြား မသယ်ဆောင်ရဲအောင် ဖြစ်နေကြသည်ဟု သိရသည်။

"ဒီလို ခဏခဏ ဓားပြတိုက် လုယက်မှုတွေ ရှိနေတယ်ဆိုတာကလည်း ရဲတွေက တရားခံကို ဖမ်းမမိတာကြောင့်နဲ့ အဲဒီလို လုယူပြီးသွားပြီ ဆိုရင် နယ်စပ်ကိုကျော်ပြီး သွားလို့ရတယ်။ ဒီလို ဖြစ်နေတော့ မူဆယ်ဒေသခံတွေက ဘာဆက် ဖြစ်လာမှာလဲ ဆိုတာ စိုးရိမ်နေကြပါတယ်" ဟု မူဆယ်မြို့ တောင်ရပ်ကွက်နေ စိုင်းအောင်မြင့်က ဧရာဝတီသို့ ပြောသည်။

မူဆယ်မြို့သည် စီးပွားရေးဖြစ်ထွန်းကာ လူမျိုးပေါင်းစုံ၊ လူတန်းစားပေါင်းစုံ လာရောက် နေထိုင် အလုပ်လုပ်ကိုင်ကြသည့် ဒေသဖြစ်ပြီး နယ်စပ်ဒေသ ဖြစ်သော်လည်း သက်ဆိုင်ရာ လုံခြုံရေးအဖွဲ့များ၏ တာဝန်ယူမှုမှာ အလွန် အားနည်းနေကြောင်း၊ ရဲတပ်ဖွဲ့ အနေဖြင့် လုံခြုံရေးကို ကြပ်မတ်စွာ ဆောင်ရွက်သင့်ကြောင်း၊ ဓားပြမှု ဖြစ်ပွားပြီးမှ လိုက်လံစစ်ဆေး ဖေါ်ထုတ်မည့် အစား ယခုကဲ့သို့သော နေရာမျိုးတွင် လုံခြုံရေးအတွက် စနစ်တကျ ကြိုတင်စီစဉ်ထားသင့်ကြောင်း စိုင်းအောင်မြင့်က ဆိုသည်။

ယခုနှစ်အတွင်း ဓားပြမှု ပိုမိုများပြားလာကြောင်းနှင့် ဆိုင်ကယ်ကယ်ရီ သမားများ၊ တရုတ်ငွေ လှဲလှယ်သူများ၊ ကားသမားများနှင့် ရွှေဆိုင်များကို ပစ်မှတ်ထားကာ လုယက်တတ်ကြပြီး လူသတ်မှု ကျူးလွန်သည် အထိ ရဲတင်းစွာ ပြုလုပ်လျက်ရှိကြောင်း၊ ယမန်နှစ်မှ စတင်၍ မူဆယ်တွင် ဓားပြမှုများ သိသာစွာ များပြားလာကြောင်း ရှမ်းပြည်နယ်မြောက်ပိုင်း မူဆယ်မြို့တွင် နေထိုင်သည့် ဒေသခံများထံမှ သိရသည်။

"ဒီလို ဓားပြမှုဖြစ်တိုင်း ရဲတွေဘယ်တော့မှ တရားခံမဖမ်းနိုင်တဲ့ အတွက် ဆက်တိုက်ပြန်ဖြစ်နေတယ်လို့ ယူဆတယ်။ အမှုဖွင့်ထားတာပဲ ရှိတယ်။ တရားခံ ဖမ်းမမိတော့ ဘာထူးမှာလဲ။ မနေ့ကဆိုရင် ရွှေဆိုင်တွေက ကြောက်လို့ ပိတ်ထားရတယ်" ဟု အခင်းဖြစ်ပွားခဲ့သည့် စည်ပင်သာယာအမှတ် (၁) ဈေး အပေါ်ထပ်တွင်ရွှေဆိုင်ဖွင့်လှစ်ထားသည့် အမျိုးသမီး တဦးက ဧရာဝတီသို့ပြောသည်။

ဓားပြမှုများ ဆက်တိုက်ဖြစ်ပွားနေသည့်အတွက် စိုးရိမ်စိတ်ဖြင့် ဆိုင်ဖွင့်နေရကြောင်း၊ သတိဖြင့်နေနေရကြောင်း၊ မိမိလုံခြုံရေးကို မိမိကိုယ်တိုင်တာဝန်ယူနေရကြောင်း၊ ၎င်း အမျိုးသမီးက ပြောသည်။

ယမန်နှစ် ဇန်န၀ါရီလက မူဆယ်မြို့ စံပယ်ရွှေဆိုင် ပိုင်ရှင် သားအမိနှစ်ဦး ဓားပြတိုက် ခံရပြီး တဦးသေဆုံး၍ ပစ္စည်း ကာလတန်ဖိုးငွေ ကျပ်သိန်း ၂၀၀၀ ခန့် ဆုံးရှုံးခဲ့ရသည်။ ယခုနှစ် ဇန်န၀ါရီလတွင်လည်း ကားသမားနှင့် တရုတ်ငွေလဲသည့် အမျိုးသမီး နှစ်ဦး ဓားပြတိုက် လုယက်ခံရမှု ဖြစ်ပွားခဲ့သေးကြောင်း သိရသည်။

သက်ဆိုင်ရာ ရဲစခန်းသို့ ဧရာဝတီက ဆက်သွယ်မေးမြန်းရာ "ပုဒ်မ ၃၉၂ နဲ့ အမှုဖွင့် ထားပါတယ်။ လုံခြုံရေးကိုတော့ အပြည့်အ၀ ယူထားပါတယ်။ အရင် ဓားပြတိုက်မှု ကတော့ တရားခံမတွေ့သေးပါဘူး။ စုံစမ်းဆဲပါ" ဟု ပြောသည်။

ဒုက္ခသည်များ သန်းခေါင်စာရင်းဝင် ဖြစ်ရန် နေရပ်ပြန်ရမည်

မယ်လ ဒုက္ခသည် စခန်းတွင် တွေ့ရသော ကလေးငယ်များ (ဓာတ်ပုံ – ရိုးကျော် / ဧရာဝတီ)

ထိုင်း-မြန်မာ နယ်စပ်ရှိ မြန်မာနိုင်ငံသား ဒုက္ခသည်များ သန်းခေါင်စာရင်းဝင် ဖြစ်လိုပါက ပြည်တွင်းသို့ပြန်လည် ၀င်ရောက်ရန် လို အပ်ကြောင်း လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဋ္ဌာနမှ အဆင့်မြင့်အရာရှိ တဦးက ဧရာဝတီသို့ ပြောပြသည်။

"မြန်မာနယ်နိမိတ်ထဲမှာပဲ ကောက်မှာပါ။ သူများနိုင်ငံနယ်နိမိတ်ထဲကဟာကို မကောက်ဘူး။ ဒါပေမယ့် အိမ်တွေမှာလိုက်ပြီး စာရင်း ကောက်တဲ့အခါတော့ ပြည်ပမှာ အလုပ်သွားလုပ်နေတဲ့ မိသားစုဝင်တွေရှိသလား ဆိုတာတွေမေးပြီး ထည့်ကောက်သွားမှာပါ"ဟု လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဋ္ဌာန ၀န်ကြီး၏ ကိုယ်ရေးအရာရှိ ဒေါက်တာ ဒေါ်ခိုင်ခိုင်စိုးက ပြောသည်။

ပြည်လုံးကျွတ် သန်းခေါင်စာရင်း ကောက်ယူရေး စီမံချက်သည် မြန်မာနိုင်ငံနယ် နိမိတ်အတွင်း၌သာ အကြုံးဝင်မည်ဖြစ်ကြောင်း လည်း သူကဆိုသည်။

အစိုးရစစ်တပ်နှင့် တိုင်းရင်းသား လက်နက်ကိုင် တပ်များအကြား ဖြစ်ပွားခဲ့သည့် ပြည်တွင်းစစ်များကြောင့် ထိုင်းနယ်စပ်သို့ ထွက်ပြေး တိမ်းရှောင်လာပြီး ဒုက္ခသည်စခန်းများတွင် နေထိုင်၍ မွေးဖွားလာသည့် တိုင်းရင်းသားများနှင့်ပတ်သက်၍ မည်သို့ စစ်တမ်း ကောက်ယူမည်ကို မေးမြန်းခဲ့ရာ အထက်ပါအတိုင်း ပြန်လည်ဖြေကြားခြင်း ဖြစ်သည်။

ပြည်တွင်းစစ်ကြောင့် မြန်မာနိုင်ငံ နယ်နိမိတ်ကျော်လွန် ထွက်သွားသူများအတွက် သန်းခေါင်စာရင်းကောက်ယူမှု မပြုလုပ် သော် လည်း၊ ပြည်တွင်းရွှေ့ပြောင်း ဒုက္ခသည်များ(IDP)ကို လိုက်လံ ကောက်ယူသွားမည်ဖြစ်ကြောင်းလည်း ဒေါက်တာ ဒေါ်ခိုင်ခိုင်စိုး က ဆက်လက် ပြောဆိုသည်။

ထိုင်းနိုင်ငံ တာ့ခ် ခရိုင်အတွင်းရှိ မယ်လဒုက္ခသည်စခန်းမှ အတွင်းရေးမှူး စောအယ်ကလယ် ကလည်း"ဒီမှာ မွေးလာတဲ့ သားသမီး တွေဟာ နိုင်ငံမဲ့တွေပါ။ ဘယ်နိုင်ငံသားမှ မဟုတ်တဲ့အတွက် သူတို့အနာဂတ်မှာ ပညာရေး၊ ကျန်းမာရေး၊ လူမှုရေးနဲ့ပတ်သက်ပြီး နိုင်ငံသားတယောက် ရသင့်တဲ့ ၀န်ဆောင်မှုတွေကို ဘယ်သူကပေးမလဲ။ ဒါက စိုးရိမ်စရာပါ"ဟု ပြောသည်။

ထိုင်းနိုင်ငံရှိ မယ်ဟောင်ဆောင် ခရိုင်၊ တာခ့် ခရိုင်၊ ကန်ချန ဘူရီ ခရိုင် စသည်တို့တွင် ကရင်ဒုက္ခသည် စခန်းပေါင်း ၇ ခု နှင့် ကရင်နီ ဒုက္ခသည်စခန်း၂ ခု၊ စုစုပေါင်း ၉ ခုရှိပြီး ဒုက္ခသည် ဦးရေ စုစုပေါင်း ၁၂၈၇၈၃ ဦး ရှိကြောင်း ထိုင်း-မြန်မာ နယ်စပ် အကူအညီပေးရေး အဖွဲ့(TBC)၏ ၂၀၁၂ ခုနှစ် ဒီဇင်ဘာလ ထုတ်ပြန်ချက်အရ သိရသည်။

ယင်း ဒုက္ခသည်များသည် ၁၉၈၃ ခုနှစ်က စတင်ကာ နယ်စပ်သို့ တိမ်းရှောင်လာခဲ့ခြင်းဖြစ်ပြီး ၎င်းတို့အား ထိုင်း-မြန်မာ နယ်စပ် တလျှောက် ကူညီစောင့်ရှောက်ရေး ညွန့်ပေါင်းအဖွဲ့(TBBC)က အခြေခံ ရိက္ခာများဖြစ်သည့် ဆန်၊ ပဲ၊ ငါးပိ၊ ဆား အစရှိသည်တို့ကို ထောက်ပံ့ပေးခဲ့ပြီး NGO လူမှုအဖွဲ့အစည်းများက ရေနှင့် သန့်ရှင်းရေး ပစ္စည်းများ ထောက်ပံ့ပေးလျှက်ရှိ သည်။ TBBC သည် TBC အမည်ဖြင့် ပြန်လည် ဖွဲ့စည်းထားသည်။

ထို့အပြင် ပြည်တွင်းရှိ တောတောင်များအတွင်း IDP စခန်း ၇ ခုရှိပြီး လူဦးရေ စုစုပေါင်း ၁၇၀၇၉ ဦး ရှိကြောင်း TBC ၏ ထုတ်ပြန်ချက် အရ သိရသည်။

ယင်းတို့အနက် အကြီးဆုံးနှင့် လူဦးရေအများဆုံးဖြစ်သည့် မယ်လဒုက္ခသည်စခန်းတွင် လစဉ် ကလေးငယ် အသစ်မွေးဖွားမှုဦးရေ စုစုပေါင်း ၇၀ မှ ၈၀ ကြားတွင်ရှိကြောင်း စောအယ်ကလယ်က ဧရာဝတီသို့ ပြောသည်။

ကရင်ဒုက္ခ သည်စခန်းများ ကော်မတီ(KRC)မှ ဒုတိယ ဥက္ကဋ္ဌ ဒေါက်တာဂျော့က"နယ်စပ်က ဒုက္ခသည်စခန်းမှာရောက်နေတဲ့ ကိုယ့်နိုင်ငံသားတွေနဲ့ မှတ်ပုံတင်တောင်မရှိဘဲ ထွက်ပြေးလာကြတဲ့ ကိုယ့်နိုင်ငံသားတွေအတွက် သမ္မတဦးသိန်းစိန်အစိုးရ က ဘယ် လို ထည့်စဉ်းစားပေးမလဲဆိုတာ ကျနော်တို့လည်း သိချင်နေပါတယ်"ဟု ပြောသည်။

ဒုက္ခသည်စခန်းများတွင် လာရောက်ခိုလှုံနေသူများ၏ ပြည်တွင်းသို့ ပြန်လည်ဝင်ရောက်နိုင်ရေးအတွက် အခက်အခဲများစွာ ရှိနေဆဲဖြစ်ကြောင်း ဒုက္ခသည်များနှင့် ၎င်းတို့အား အကူအညီပေးရေးအဖွဲ့များမှ သိရသည်။

"အဓိကအခက်အခဲတွေကတော့ သူတို့ဒေသတွေမှာ မရှင်းလင်းရသေးတဲ့ မြေမြှုပ်မိုင်းတွေရှိတယ်။ ပြီးတော့ အပစ်အခတ် ရပ်စဲ ရေး ကို စိတ်မချသေးဘူး။ တိုက်ပွဲတွေ ထပ်ဖြစ်လာမှာကို စိုးတယ်။ ပြီးတော့ သူတို့ပြန်သွားရင်ကြုံရမယ့် စားဝတ်နေရေး ပြဿနာ လည်းရှိနေတယ်။ အားလုံးမတည်ငြိမ်သေးဘဲ ပြန်လို့မရသေးဘူးလေ"ဟု ထိုင်းနယ်စပ်အခြေစိုက် ဒုက္ခသည် အကူအညီ ပေးရေး အဖွဲ့တခုမှ တာဝန်ရှိသူတဦးက ပြောသည်။

ထိုင်းအစိုးရသည် ပြည်တွင်းစစ်ပွဲများကြောင့် ထွက်ပြေးတိမ်းရှောင်လာသည့် ဒုက္ခသည်များကို လက်ခံထားခြင်းမှာ တာဝန်ကြောင့် မဟုတ်ဘဲ၊ လူသားချင်း စာနာထောက်ထားမှုကြောင့်သာ ဖြစ်ပြီး ဒုက္ခသည် စခန်းတွင်း မွေးဖွားလာသူများသည် တရားမ၀င် ၀င်ရောက် လာသူများ၏ သားသမီးများဖြစ်ခြင်းကြောင့် ထိုင်းနိုင်ငံသားအဖြစ် လက်ခံမည်မဟုတ်ကြောင်း မူလကတည်းက အသိ ပေး ထားသည်ဟု မယ်လစခန်း အတွင်းရေးမှူး စောအယ်ကလယ် က ပြောသည်။

ဒုက္ခသည်စခန်းများတွင် နေထိုင်သူများအနက် တချို့က ပြည်တွင်းသို့ ပြန်လည်ဝင်ရောက်ကာ မူလနေရပ်တွင်နေထိုင်လိုပြီး တချို့က တတိယနိုင်ငံများသို့ သွားရောက်ခိုလှုံလိုကာ တချို့မှာ လက်ရှိအခြေအနေ အတိုင်းပင်နေထိုင်လိုကြကြောင်း ၎င်း က ဆိုသည်။

မြန်မာနိုင်ငံတွင် ပြည်လုံးကျွတ် သန်းခေါင်စာရင်းကို လာမည့် ၂၀၁၄ ခုနှစ်တွင် ကောက်ယူသွားမည်ဖြစ်ပြီး ၁၉၈၃ နောက်ပိုင်း ပထမဆုံး ပြုလုပ်မည့် စီမံချက်တခုဖြစ်သည်။

အခန်း(၇)ခန်းနှင့် အပိုဒ် ၂၇ ခုပါဝင်သည့် လူဦးရေနှင့် အိမ်အကြောင်းအရာ သန်းခေါင်စာရင်း ဥပဒေကြမ်းကို ပြည် ထောင်စု လွှတ်တော်က ၂၀၁၂ ခုနှစ် အတွင်း ပြဋ္ဌာန်းခဲ့သည်။ ၁၉၇၂ ခုနှစ် ပြည်ထောင်စု မြန်မာနိုင်ငံ သန်းခေါင်စာရင်း ဥပဒေကို ယင်း ဥပဒေသစ်ဖြင့် ရုပ်သိမ်းလိုက်သည်။

မြန်မာနိုင်ငံ၏ ၂၀၁၀-၂၀၁၁ ခုနှစ် လူဦးရေကို ကမ္ဘာ့ကုလသမဂ္ဂအဖွဲ့က ၅၃.၄ သန်းဟု ခန့်မှန်းတွက်ချက်ထားပြီး မြန်မာနိုင်ငံ လူဝင်မှုကြီးကြပ်ရေး နှင့် ပြည်သူ့အင်အား ဝန်ကြီးဌာနက ၅၉.၈ သန်းဟု ခန့်မှန်း တွက်ချက်ထားသည်။