ရန်ကုန် - သံတွဲ အောင်သစ္စာကား တိမ်းမှောက်၊ လူ ၁၅ ဦးသေဆုံး

မရမ်းကုန်းမြို့နယ်အတွင်းရှိ မုန့်ဖုတ်လုပ်ငန်း လုပ်ကိုင်သော နေအိမ်တစ်လုံး မီးလောင်ကျွမ်း

မရမ်းကုန်းမြို့နယ်၊ ၁ ရပ်ကွက်၊ ၂ လမ်း၊ လမ်းသွယ် ၁ အတွင်းရှိ မုန့်ဖုတ်လုပ်ငန်း လုပ်ကိုင်သော နေအိမ်တစ်လုံး မီးလောင်ကျွမ်းမှု ဇန်န၀ါရီ ၂၃ ရက်၊ မွန်းလွဲ ၁ နာရီခန့်က ဖြစ်ပွားခဲ့သည်။ မုန့်ဖုတ် လုပ်ငန်းတွင်  အသုံးပြုနေသော အင်ဗာတာနှင့် ဂက်စ်အိုးတို့မှတစ်ဆင့် ယခုလို မီးကူးစက် လောင်ကျွမ်းခဲ့ခြင်းဖြစ်ကြောင်း မီးသတ်တပ်ဖွဲ့ တာဝန်ရှိသူတစ်ဦးက ပြောသည်။ ''သူတို့မုန့်ဖုတ်စက်က ဂက်စ် အိုးနဲ့ဖုတ်တာ။ မီးပျက်တဲ့အခါ Power Supply ပေးဖို့ မီးတွေလာဖို့ လျှပ်စစ်ပေးရတယ်။ မီးစက်က အပြင်မှာထားတာ။ မီးစက်နှိုးလိုက်တဲ့အခါ မုန့်ဖုတ်စက်နားမှာရှိတဲ့ အင်ဗာတာ ဘက်ထရီက ရှောခ့်ဖြစ်ပြီး အနီးမှာရှိတဲ့ ဂတ်စ်အိုးကနေ တစ်ဆင့် စပြီး ကူးစက်တာပါ။ ဂတ်စ်အိုးခေါင်းတွေက မလုံတဲ့အခါ အငွေ့လေးတွေ ထွက်နေတော့ ရှော့ခ်ဖြစ်ပြီး မီးပွားနဲ့ ထိတွေ့လောင်တာပါ'' ဟု မီးသတ်တပ်ဖွဲ့ တာဝန်ရှိသူတစ်ဦးက ပြောသည်။ အဆိုပါ မီးလောင်ကျွမ်းမှုကြောင့် နေအိမ်တစ်လုံး ပျက်စီးဆုံးရှုံးပြီး စတင်လောင်ကျွမ်းသည်မှ မိနစ် ၂၀ အတွင်း မီးငြိမ်းသွားသည်။ မီးလောင်မှုဖြစ်ပွားစဉ်အနီး ရှိနေသူတစ်ဦး၏ ပြောကြားချက်အရ ဂက်စ်အိုးမှထွက်ရှိသော ဓာတ်ငွေ့များ ရှိုက်မိသဖြင့် မူးဝေသူအချို့ရှိပြီး မီးလောင်ကျွမ်းချိန် မီးဟတ်သဖြင့် ဒဏ်ရာရရှိသူ တစ်ဦးရှိကြောင်း  သိရသည်။ ''လမ်းကကျဉ်းတော့ မီးသတ် ကားတွေ ရောက်လာပေမဲ့ အကုန် ၀င်လို့မရဘူး။ တစ်စီးချင်း တန်းစီဝင်ရတယ်၊  ဘေးအိမ်တွေကို ဆက်မကူးတာ ကံကောင်းတယ်။ လူအားက နိုင်သွားလို့''ဟု မီးလောင်မှု ဖြစ်ပွားသော ရပ်ကွက်အတွင်း နေထိုင်သူ အမျိုးသမီးကြီး တစ်ဦးက ဆိုသည်။ မီးလောင်မှု ဖြစ်ပွားရာသို့ မီးသတ်ကား ၃၄ စီး၊ အုပ်ချုပ်မှုယာဉ် နှစ်စီးဖြင့် လာရောက်ငြိမ်းသတ်ခဲ့ကြောင်း သိရသည်။

လားရှိုး – မူဆယ် ကုန်တင်ယာဉ် လက်ပစ်ဗုံးဖြင့် တိုက်ခိုက်ခံရ

၂၀၁၃ ခုနှစ် ဇန်န၀ါရီလ ၂၂ ရက်နေ့ ညနေ ၆ နာရီခန့်က လားရှိုး – မူဆယ် အဝေးပြေးလမ်းမပေါ်ရှိ နမ့်အွန် ကျေးရွာ အ၀င်တွင် ဖရဲသီး တင်ဆောင်လာသော ၁၂ ဘီးကားကို လက်နက်ကိုင် တစုက လက်ပစ်ဗုံးဖြင့် တိုက်ခိုက်ခဲ့ကြောင်း သတင်းရရှိသည်။

"မူဆယ် ဘက်ကနေ မြန်မာ့တပ်မတော် စစ်ကား ၆ စီးက လားရှိုးဘက် ဆင်းတာ။ နမ့်အွန်နားမှာ အဲဒီ ဖရဲသီးကားနဲ့ ရှောင်တဲ့ အချိန် လက်ပစ်ဗုံးက စစ်ကားကို မထိဘဲနဲ့ ဖရဲသီးကား ခေါင်မိုးပေါ် ကျတယ်လို့ ကြားတယ်" ဟု မူဆယ်မြို့ ဒေသခံ တဦးက ဧရာဝတီကို ပြောသည်။

တိုက်ခိုက်မှုကြောင့် ယာဉ်မောင်း ဒဏ်ရာရပြီး မူဆယ်မြို့နယ် ဆေးရုံတွင် တက်ရောက် ကုသနေကြောင်း မြန်မာ့ တပ်မတော်ပိုင် မြ၀တီ သတင်းဌာန၏ အင်တာနက် စာမျက်နှာတွင် ဖော်ပြထားသော်လည်း မူဆယ်ဆေးရုံသို့ ဆက်သွယ် မေးမြန်းခဲ့ရာ ဆေးရုံက အတည်ပြုချက် မပေးခဲ့ပေ။

မြဝတီသတင်းဌာန၏ အင်တာနက် စာမျက်နှာတွင် "KIA အကြမ်းဖက် သောင်းကြမ်းသူအဖွဲ့မှ အပြစ်မဲ့ ကုန်တင်ယာဉ် တစီးအား မိုင်းဆွဲ တိုက်ခိုက်" ဟု ရေးသားထားသည်။

အဆိုပါ တိုက်ခိုက်မှုနှင့် ပတ်သတ်ပြီး မူဆယ်မြို့နယ် ရဲတပ်ဖွဲ့စခန်း၊ မူဆယ်ခရိုင် ရဲတပ်ဖွဲ့ စခန်းများသို့ တယ်လီဖုန်းဖြင့် ဆက်သွယ်ခဲ့သော်လည်း တာဝန်ကျ တာဝန်မှူးများက ထိုတိုက်ခိုက်မှုကို မသိကြောင်း ပြန်လည်ဖြေကြားခဲ့သည်။

ပြည်ထောင်စု သမ္မတ မြန်မာ နိုင်ငံတော် သတင်း ထုတ်ပြန်ရေး အဖွဲ့၏ သတင်း ထုတ်ပြန်ချက် (၃/၂၀၁၃) ထုတ်ပြန် ကြေညာ ခဲ့ပြီးနောက် နမ့်အွန် တိုက်ခိုက်မှုသည် ကချင်လွတ်မြောက်ရေး တပ်မတော်၏ စစ်ရေးနှင့် မသက်ဆိုင်သော အရပ်သား ပစ်မှတ်များကို (၉) ကြိမ်မြောက် တိုက်ခိုက်ခြင်း ဖြစ်ကြောင်း မြ၀တီသတင်းဌာန၏ အင်တာနက် စာမျက်နှာတွင် ဖော်ပြထားသည်။

ဇန်န၀ါရီလ ၂၁ ရက်နေ့ကလည်း မြစ်ကြီးနားမှ ပူတာအိုသို့ လူသုံးကုန် ပစ္စည်းများ ပေးပို့သည့် ယာဉ်တန်းအား ကချင်လွတ်မြောက်ရေး တပ်မတော်က တိုက်ခိုက်ခဲ့သဖြင့် လုံခြုံရေးတာဝန် ရှိသူတချို့ ဒဏ်ရာရရှိပြီး ယာဉ် ၁ စီး ပျက်စီးခဲ့ရကြောင်း သိရသည်။

၂၀၁၂ ခုနှစ် အောက်တိုဘာလတွင် တရုတ်နိုင်ငံ ရွှေလီမြို့တွင် နောက်ဆုံးအကြိမ် ငြိမ်းချမ်းရေး ဆွေးနွေးခဲ့ပြီးနောက် ၂ လအကြာတွင် စစ်ရေးအရှိန် ပြန်လည်မြင့်တက်လာပြီး ဒီဇင်ဘာလ ၂၇ ရက်နေ့တွင် လဂျားယန် ဒေသရှိ ပွိုင့် ၇၇၁ တောင်ကုန်းကို မြန်မာ့ တပ်မတော်မှ လေကြောင်းပစ်ကူ တိုက်ခိုက်ခဲ့ပြီး စစ်ရေးအရှိန် ဆက်လက် မြင့်တက်နေခဲ့သည်။

ကေအိုင်အေ ဌာနချုပ်တည်ရှိရာ လိုင်ဇာနှင့် အနီးဆုံးဒေသဖြစ်သည့် လဂျားယန်တွင် မြန်မာ့ တပ်မတော်မှ ထိုးစစ်ဆင်မှု ရပ်ဆိုင်းလိုက်ကြောင်း ဇန်န၀ါရီလ ၁၈ ရက်နေ့တွင် သတင်းထုတ်ပြန်ပြီးနောက် တိုက်ပွဲများ ဆက်လက် ဖြစ်ပွားနေသကဲ့သို့ မီးရထားလမ်း ဖောက်ခွဲမှုများ၊ ယာဉ်တန်း တိုက်ခိုက်မှုများနှင့် ဖားကန့်ရှိ ကုမ္ပဏီများအား မီးရှို့ဖျက်စီးမှုများလည်း ဖြစ်ပွားနေဆဲ ဖြစ်သည်။

ပြည်ထောင်စု ငြိမ်းချမ်းရေး ဖောင်ဆောင်ရေး လုပ်ငန်းကော်မတီ၏ ငြိမ်းချမ်းရေး ဆွေးနွေးရန် ကမ်းလှမ်းမှုကို ကချင်လွတ်မြောက်ရေး တပ်မတော်မှ စစ်ရေး အရှိန် မြင့်တက်နေချိန်တွင် ၂ ဖွဲ့တည်း သီးသန့် မဆွေးနွေးလိုကြောင်း ညီညွတ်သော တိုင်းရင်းသားလူမျိုးများ ဖယ်ဒရယ် ကောင်စီအနေဖြင့်သာ ဆွေးနွေးလိုကြောင်း သတင်း ထုတ်ပြန်ထားသည်။

ရေယာဉ်များအတွက် စက်သုံးဆီ ရောင်းချခွင့်လိုင်စင် ပထမဆုံးခွင့်ပြုပြီ

ရန်ကုန် (မဇ္ဈိမ)။   ။ ပြည်တွင်းရေကြောင်းနှင့် ပြည်တွင်း ကမ်းရိုးတန်းတို့ရှိ ရေယာဉ်များအား စက်သုံးဆီ တိုက်ရိုက်
ဖြန့်ဖြူးရောင်းချခွင့် လိုင်စင်အား စွမ်းအင်ဝန်ကြီးဌာနမှ ဇန်နဝါရီလ ၂၂ ရက်နေ့မှ စတင်၍ ပထမဆုံးအကြိမ်အဖြစ် ခွင့်ပြုပြီဖြစ်ကြောင်း သိရသည်။

"ရေယာဉ်တွေကို စက်သုံးဆီ တိုက်ရိုက်ဖြန့်ဖြူး ရောင်းချတဲ့လုပ်ငန်း လုပ်လိုတဲ့သူအနေနဲ့ ကုမ္ပဏီ အဖွဲ့အစည်းရဲ့ အမည်၊ နိုင်ငံသား စီစစ်ရေးကတ်ပြားအမှတ်၊ ကုမ္ပဏီ မှတ်ပုံတင်အမှတ်နဲ့ ထုတ်ပေးတဲ့ရက်စွဲ၊ လုပ်ငန်းတည်နေရာရဲ့ လိပ်စာတွေနဲ့အတူ နေပြည်တော်ရုံးအမှတ် ၆၊ ဝန်ကြီးဌာနမှာ လျှောက်ထားနိုင်ပါတယ်" ဟု မြန်မာ့ရေနံထွက်ပစ္စည်း
 ရောင်းဝယ်ရေး လုပ်ငန်းရုံးချုပ်မှ တာဝန်ရှိသူတဦးက ပြောသည်။ 

ထို့အပြင် ရေယာဉ်မှတ်ပုံတင်လက်မှတ်၊ ရေယာဉ်အတွက် ရေနံတင်ဆောင်ရန် သင့်လျော်ကြောင်း သက်သေခံ
လက်မှတ်၊ ပြည်တွင်း ရေကြောင်းသွား ရေယာဉ်များနှင့် ကမ်းရိုးတန်းအနီိးသွား ရေယာဉ်များအတွက် စစ်ဆေးပြီး
ကြောင်း သက်သေခံလက်မှတ်၊ လုပ်ငန်းလိုင်စင်၊ စက်မဲ့ဆီတွဲအတွက် ရေနံတင်ဆောင်ရန် သင့်လျော်ကြောင်း သက်သေခံ လက်မှတ်၊ သယ်ယူဖြန့်ဖြူးရောင်းချမည့် ဒေသ၊ စက်သုံးဆီရရှိနိုင်သည့် ကုမ္ပဏီ အဖွဲ့အစည်း၏
ထောက်ခံချက် စာချုပ်စာတမ်း အထောက်အထား စသည်တို့နှင့်လည်း ပူးတွဲတင်ပြရမည် ဖြစ်သည်။

"ဒီလုပ်ငန်းကို လုပ်ကိုင်ချင်တဲ့သူ အနေနဲ့ အရင်က နားလည်မှုတွေနဲ့ လုပ်စားခဲ့ကြပြီးပါပြီ။ တရားဝင် လိုင်စင်ချထား
ပေးမှုရဲ့ နောက်မှာ ထပ်ချပ်မကွာ စစ်ဆေးမှုတွေ၊ စစ်ဆေးဖို့အတွက် တိုင်းဒေသကြီးတွေမှာ အဖွဲ့တွေဖွဲ့ ဖို့စီစဉ်နေပြီ
လို့လည်း ကြားပါတယ်" ဟု စွမ်းအင် ဝန်ကြီးဌာနမှ အငြိမ်းစားအရာထမ်း ဦးတင်လှ က ပြောဆိုသည်။

စမ်းချောင်းမြို့နယ်တွင် ၉ မမ အမျိူးအစား ကျည်ဆံများတွေ့

ရန်ကုန် (မဇ္ဈိမ)။      ။ အင်္ဂါနေ့နံနက် ၁၀ နာရီတွင် ရန်ကုန်တိုင်း၊ စမ်းချောင်းမြို့နယ် လင်းလွန်းတောင်ရပ်ကွက် လင်းလွန်းရိပ်သာ (၂) လမ်းတွင် ရေမြောင်းများ ရှင်းလင်းရာမှ ကျည်ဆံများ တွေ့ရှိခဲ့ကြောင်း နယ်ထိန်း ဦးမောင်မောင်ဦး က ပြောသည်။

၎င်းကျည်ဆံများမှာ ၉ မမ အမျိူးအစား ဖြစ်ပြီး စုစုပေါင်း ၁၄ တောင့်ဟု ဆိုသည်။

ရေမြောင်းများပေါ်တွင် ကတ္တရာများ ဖုံးရန်အတွက် စည်ပင်သာယာ ဝန်ထမ်းများဖြင့် ရေမြောင်း ရှင်းလင်းရာမှ
မြေကြီးများနှင့် ရောနှောကာ ထွက်ပေါ်လာသည်ဟု ရေမြောင်းတူးဖော်မှုအား စောင့်ကြည့်သည့် ရပ်မိရပ်ဖတဦးဖြစ်
သူ ဦးမျိူးထွန်း က ပြောသည်။

"ကျနော်တို့ အိမ်အမှတ် (၁၁)ရဲ့ မျက်နှာစာနဲ့ ၁၅ ပေအကွာမှာ တွေ့တာပါ။ တယောက်ယောက်က လာပြီး လွှင့်ပစ်ခဲ့
တာလို့ ထင်ပါတယ်" ဟု ဆိုသည်။

အဆိုပါ ကျည်ဆံ ၁၄ တောင့်အား လင်းလွန်းတောင်ရပ်ကွက် အုပ်ချူပ်ရေးမှူး ရုံးမှတဆင့် စမ်းချောင်းမြို့နယ် ရဲစခန်း
သို့ အပ်နှံလိုက်ကြောင်း သိရသည်။

"ကျနော်တို့ ဒီကျည်ဆံတွေကို စစ်ဆေးမှုတွေ ပြုလုပ်နေပါတယ်။ အရေးအခင်းတို့၊ စစ်ဖြစ်တုန်းကတို့မှာ ကျန်ခဲ့တာ
တွေလည်း ဖြစ်နိုင်ပါတယ်" ဟု လင်းလွန်းမြောက် ရပ်ကွက် နယ်ထိန်း ဦးမောင်မောင်ဦး က ပြောသည်။

လင်းလွန်းလမ်းသွယ် ၂ လမ်းမှ ရေမြောင်းအား လမ်းတည်ဆောက်ခဲ့သည့် လွန်ခဲ့သော နှစ် ၂၀ ကျော်ကပင်
ဖောက်လုပ်ထားခြင်း ဖြစ်ပြီး ရှင်းလင်းခြင်း မပြုလုပ်သည်မှာ လေးနှစ်ခန့်ရှိပြီကြောင်း သိရသည်။

အင်္ဂလန်၊ ကိုရီးယားနှင့် ထိုင်း အထည်ချုပ်စက်ရုံများ မြန်မာနိုင်ငံ၌ စက်ရုံ တည်ထောင်ရန် ကမ်းလှမ်း

အင်္ဂလန်၊ ကိုရီးယားနှင့်ထိုင်းနိုင်ငံတို့မှ အထည်ချုပ်လုပ်ငန်းရှင်များက မြန်မာနိုင်ငံ၌ အထည်ချုပ်စက်ရုံ တည်ထောင်ရန် ကမ်းလှမ်းမှုများရှိကြောင်း မြန်မာနိုင်ငံ အထည်ချုပ် လုပ်ငန်းရှင်များအသင်းမှ တာဝန်ရှိသူတစ်ဦး
ကပြောသည်။

''ဒီ နှစ်ဆန်းပိုင်းထဲမှာအထည်ချုပ်လုပ်ငန်း မြန်မာနိုင်ငံမှာတည်ထောင်ဖို့ စိတ်ဝင်စားတယ်လို့ အင်္ဂလန်၊ ထိုင်းနဲ့ ကိုရီးယားကလုပ်ငန်းရှင်တွေ ကမ်းလှမ်းတာတွေရှိပါတယ်။ အဲဒီလို ကမ်းလှမ်းတဲ့အခါမှာ သယ်ယူပို့ဆောင်ရေး
အတွက် ဆိပ်ကမ်းအနီးနဲ့ လုပ်သားအင်အား အလွယ်တကူ ရနိုင်မယ့်နေရာတွေမှာ စက်ရုံ တည်ဆောက်လိုတယ်
လို့လည်း သူတို့ဘက်က တင်ပြကြပါတယ်''ဟု အဆိုပါတာဝန်ရှိသူက ဆိုသည်။

လက်ရှိ မြန်မာနိုင်ငံ အထည်ချုပ်လုပ်ငန်းများတွင် ပြည်တွင်းလုပ်ငန်းရှင်ပိုင် စက်ရုံများရှိသကဲ့သို့ ပြည်ပနှင့် ဖက်စပ်လုပ်ကိုင်သည့်စက်ရုံများလည်းရှိရာ အများစုမှာကိုရီးယားနှင့် ဂျပန်နိုင်ငံတို့မှ လုပ်ငန်းရှင်များနှင့် ဖက်စပ်
လုပ်ကိုင်သော စက်ရုံများ အများစုဖြစ်သည်။

''မြေ သုံးဧက တစ်ဆက်တည်းရှိတဲ့ နေရာတွေမှာ စက်ရုံဆောက်ဖို့ အဆင်ပြေမယ်ဆိုရင်သူတို့ဘက်က လာ ရင်းနှီးမြှုပ်နှံမယ်လို့ ကမ်းလှမ်းကြတယ်။ ကျွန်တော်တို့ ဘက်ကတော့ ဘာမှအကြောင်းမပြန်ရသေးပါဘူး'' ဟု ၎င်းက ဆိုသည်။

၂ဝ၁၂ ခုနှစ်အတွင်း ပြည်တွင်း အထည်ချုပ် လုပ်ငန်းသို့ နိုင်ငံခြားမှ ဝင်ရောက်ရင်းနှီးမြှုပ်နှံသည့်ကုမ္ပဏီပေါင်း ရှစ်ခုရှိပြီး မြန်မာနိုင်ငံ ပြည်တွင်းစက်ရုံများမှ ထွက်ရှိသည့် ချုပ်ထည်များကို ဂျပန်နှင့်ကိုရီးယားနိုင်ငံတို့သို့ အများဆုံး တင်ပို့ပေးနေရပြီး အနောက်နိုင်ငံဖြစ်သည့် ဥရောပနှင့် အမေရိကန်နိုင်ငံတို့သို့ပါ ဈေးကွက် ထိုးဖောက်
နိုင်ရန် အထည်ချုပ်လုပ်ငန်းရှင်များအသင်းက စီစဉ်ဆောင်ရွက်နေလျက်ရှိသည်။

မြန်မာနိုင်ငံတွင် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီးနှင့် ကရင်ပြည်နယ် တို့တွင် အထည်ချုပ် စက်ရုံအများဆုံးရှိကာ တစ်နိုင်ငံလုံးအတိုင်းအတာဖြင့် အထည်ချုပ် စက်ရုံပေါင်း ၂ဝဝခန့် ရှိသည်ဟု ၎င်းကဆိုသည်။

ဖားကန့် တိုက်ပွဲ ဆက်လက် ဖြစ်ပွားနေ၊ စစ်ပြေးဒုက္ခသည်များ တိမ်းရှောင်နေရ

ချင်းမိုင်(မဇ္စျိမ)။     ။ ကချင်ပြည်နယ် ဖားကန့်မြို့နယ် ကချင်လွတ်လပ်ရေးအဖွဲ့ KIA ၏ တပ်မဟာ ၂ လက်အောက်ခံ တပ်ဖွဲ့များနှင့် မြန်မာအစိုးရ တပ်တို့ ယနေ့ နံနက်ပိုင်းက တိုက်ပွဲဖြစ်ပွားခြင်းကြောင့် စစ်ပြေးဒုက္ခသည်များ ထွက်ပြေး
တိမ်းရှောင် နေရသည်ဟု KIO နှင့် အမျိုးသားဒီမိုကရေစီ အင်အားစု NDF ပါတီမှ ဒေါ်ဘောက်ဂျာက ပြောသည်။

"သားကို လက်ငင်၊ လင်ကို လက်တို့၊ ခွေးကို အို့ခေါ်..." ကချင်ပြည်နယ်၊ လိုင်ဇာရှိ ဒုက္ခသည် စခန်းတခုအနီး စစ်ဘေးရှောင် ဒုက္ခသည်များကို ၂၀၁၃ ခုနှစ်၊ ဇန်နဝါရီ လဆန်းက တွေ့ရစဉ်။ (ဓာတ်ပုံ - ဂျွန်စံလင်း၊ မဇ္ဈိမ)

သမ္မတ ဦးသိန်းစိန် ညွန်ကြားခဲ့ပြီးနောက် ယမန်နေ့ထိ တိုက်ပွဲဖြစ်ပွားခြင်း မရှိသော်လည်း ယနေ့ နံနက်ပိုင်းတွင်  ဖားကန့်မြို့နယ် ဂင်စီကျေးရွာ အရှေ့ဘက်မှာ KIA တပ်ရင်း ၆ တပ်ဖွဲ့များနှင့် အစိုးရ တပ်ဖွဲ့များအကြား တနာရီကြာ တိုက်ပွဲ ဖြစ်ပွားခဲ့ခြင်း ဖြစ်သည်။

"ဂင်စီရွာနဲ့ အနီးမှာ မနက် ၈နာရီမှ ၉ နာရီမှ ဖြစ်တယ်။ အစိုးရဘက်က တပ်ရင်း ၂၄၂ က အင်အား ၇၀ လောက်ရှိ
မယ်။ သူတို့က ကျနော်တို့နေတဲ့ နေရာကို ထိုးစစ်လာပြီး လိုက်တိုက်နေတာပါ။ အကျအဆုံးတော့ မရှိဘူး"ဟု တပ်ရင်း ၆ တပ်ရင်းမှူး ဒု-ဗိုလ်မှူးကြီး ဇော်ဒွဲက မဇ္စျိမကို ပြောသည်။

တိုက်ပွဲများကြောင့် ယခု ဇန်နဝါရီလဆန်ပိုင်းမှ စတင်၍ ဖားကန့်၊ ဂင်စီ၊ လုံးခင်း၊ ဆိုင်းတောင်ရှိ ဘုန်းကြီးကျောင်းနှင့် ခရစ်ယာန်ဘုရားကျောင်းများသို့ ကျေးရွာ ၁၆ ရွာတို့မှ စာရင်းရရှိသော စစ်ပြေး ဒုက္ခသည်ပေါင်း ၈,၀၀၀ ကျော်ရှိ
နေပြီး အခြား စာရင်းမရရှိသော စစ်ပြေး ဒုက္ခသည် ဦးရေ ၄ သောင်းကျော်ရှိနေပြီ ဖြစ်ကြောင်း သူက မဇ္စျိမကို ပြော
သည်။

အလားတူ အောင်ရာကျေးရွာမှ ၂ မိုင်အကွာရှိ လောတ်ဂျာကျေးရွာအနီးတွင် ယနေ့ ၁၀ နာ၇ီ ကျော်ချိန်မှ မွန်းလွဲ တနာရီချိန်ထိ နှစ်ဖက် စစ်တပ်များ တိုက်ပွဲ ဖြစ်ပွားခဲ့သဖြင့် ဒုက္ခသည် ဦးရေ ၃၀၀ ကျော်သည် အောင်ရာကျေးရွာမှ ဘုန်းကြီးကျောင်းများ၊ ခရစ်ယာန်ဘုရားကျောင်းများသို့ ခိုလှုံနေရသည်ဟု NDF ပါတီမှ ကချင်ပြည်နယ် တာဝန်ခံ
ဒေါ်ဘောက်ဂျာက ပြောသည်။

"သမ္မတ ဆီက အပစ်ရပ်လိုက်တယ်ဆိုလို့ ကျမတို့ကလည်း ငြိမ်သွားမယ်လို့ အောက်မေ့တာ ခုတိုက်ပွဲက ပိုဆိုးလာ
တယ်။ ကျမတို့ ပတ်ဝန်းကျင်မှာ နေ့တိုင်းကြားရတယ်။ အခု ဒီနေ့ကျတော့ ရွာနဲ့ သိပ်မဝေးတဲ့ လောတ်ဂျာရွာမှာ တိုက်ပွဲ ဖြစ်တယ်။ ရွာသူရွာသားတွေက မနေ့ကတည်းက ထွက်ပြေးနေတာ ဒီနေ့ ခုချိန်ထိ ထွက်ပြေးနေတုန်းဘဲ" ဟုသူက ဆက်ပြောသည်။

ဒေါ်ဘောက်ဂျာသည် အစိုးရစစ်တပ်မှ ထိုးစစ်ဆင်လာမှုအား ကိုယ်တိုင် တွေ့ရှိပြီး တိုက်ပွဲကြောင့် ထွက်ပြေးလာသူ လူဦးရေ ၁၀၀ ခန့်ကို သူ့၏ နေအိမ်တွင် ခိုလှုံခွင့် ပြုထားသည်ဟု သူက မဇ္စျိမကို ပြောသည်။

"ဒီမနက် ၄ နာရီလောက်မှာ ခွေးတအားဟောင်လို့ ကျမ ထကြည့်တော့ ကျမတို့ ကားလမ်းမကနေ အဲဒီဘက်ခြမ်းကို သွားနေတာ တွေ့ရတယ်။ အင်အားက ၃၀၊ ၄၀ လောက်ရှိမယ် ထင်တယ်။ ဘယ်ဘက်ကို သွားမှန်း မသိဘူး။ ဒီမနက် ၁၀ နာရီ လောက်မှာ သေနပ်သံတွေ ကြားရတယ်။ အဲဒီအခါကျတော့ အဲဒီအနားမှာရှိတဲ့ ရွာသားတွေ ထွက်ပြေး လာကြတယ်"ဟု ဒေါ်ဘောက်ဂျာက ဆက်ပြောသည်။

ဒေသခံများ၏ အပြောအရ အစိုးရ စစ်တပ်ဘက်မှ ထိုလောတ်အောင် ကျေးရွာသားများ မှတဆင့် အစိုးရ စစ်တပ်များ လာရောက်မည် ဖြစ်၍ KIA တပ်များအား ရှောင်ပေးရန် ပြောဆိုသည် ဆိုသည့် သတင်းများ ကြားရသဖြင့် ယမန်နေ့မှ စတင်၍ ရွာသားများ စတင်တိမ်းရှောင်ခဲ့သည်ဟု ဆိုသည်။

အစိုးရ စစ်တပ်ဘက်မှ ထိုးစစ်ဆင်လာမှုကြောင့် ယခုကဲ့သို့ တိုက်ပွဲများ ဆက်လက် ဖြစ်ပွားနေခြင်း ဖြစ်ပြီး သမ္မတ ဦးသိန်းစိန်အနေဖြင့် လဂျားယန်ဒေသအား ထိုးစစ်မဆင်ရန် ကြေငြာရုံမက ကချင်ပြည်နယ်အတွင်းမှာ ရောက်ရှိနေ
သော အစိုးရ စစ်ကြောင်းများအား ဆုတ်ပေးရန် ကြေငြာပေးရန် လိုအပ်သည်ဟု ဒေါ်ဘောက်ဂျာက တိုက်တွန်းလိုက်
သည်။

"အစိုးရဘက်က ထိုးစစ်ဆင်တယ်ဆိုတာ ကျမတို့ ကိုယ်တိုင် မြင်နေရတယ်။ သူတို့ ထိုးစစ်မဆင်လာဘူးဆိုရင် စစ်ပွဲ
ဖြစ်စရာ မလိုဘူး။ သမ္မတက အပစ်ရပ်မယ်လို့ အကြိမ်ကြိမ်ပြောခဲ့တယ်။ ဒါပေမဲ့ တခါမှ ကတိမတည်ဘူး။ သမ္မတ အနေနဲ့ ဒီလိုလုပ်ဆောင်နေတာဟာ အင်မတန်မှ ရှက်ဖွယ်ကောင်းတယ်"ဟု သူက မဇ္စျိမကို ပြောသည်။

လက်ရှိ အောင်ဂျာကျေးရွာအတွင်း စစ်ပြေးဒုက္ခသည် ၃၀၀ ကျော်ရောက်ရှိနေပြီး ဖားကန့်မြို့ပေါ်တွင်လည်း စစ်ပြေး
ဒုက္ခသည် အနည်းဆုံး ၄ သောင်းကျော်ရှိနေပြီဟု သိရကြောင်း သူက ပြောသည်။

KIO ၏ လိုင်ဇာဌာနချုပ်အနီး ယနေ့ နံနက် ၁၀ နာရီကျော်ခန့် မှစတင်၍ မြို့၏ အထက်ပိုင်း ၅ မိုင်အကွာရှိ အလန်းဘွမ်၊ ၄င်း၏ တဖက်တောင်တန်းများ၊နှင့် KIO ၏ တပ်မဟာ ၅ လက်အောက်ခံ တပ်ရင်း ၂၃ စခန်း ခါရာဘွမ်တောင်ခြေအနီးတဝိုက်တို့ကို  အစိုးရစစ်တပ်က လက်နက်ကြီးများဖြင့် ပစ်ခတ်မှုများ ဆက်လက် ရှိနေ
သည်ဟုကျောင်းသားတပ်မတော် (မြောက်ပိုင်း) ABSDF ပြန်ကြာရေးတာဝန်ခံ ဗိုလ်မှူး မင်းဌေးက ပြောသည်။

"ဒီမနက်ပိုင်းတော့ ငြိမ်နေပြီးတော့ အခု ၁၀ နာရီ ၁၅ လောက်မှာ အလန်းဘွမ်နဲ့ ခရာဘွမ်ဘက်ကို စပစ်နေပြီ။ မနေ့ကလည်း ညနေပိုင်းထိ ခရာဘက် တိုက်ပွဲဖြစ်တယ်။ သူတို့ တက်ထိုးနေတဲ့  လိုင်ဇာအထက်က အလန်းဘွမ်နဲ့ ခရာဘွမ်ကို လက်နက်ကြီးနဲ့ လှမ်းပစ်နေတယ်"ဟု သူက မဇ္စျိမကို ပြောသည်။

KIO ၏ ခရာဘွမ်တောင်ခြေတွင် အစိုးရဘက်မှ ထိုးစစ်ဆင်တိုက်ခိုက်မှုမှာ ရက်သတ္တပတ်ကြာမြင့်ပြီ ဖြစ်ပြီး ထိုစခန်း
အား သိမ်းယူရန် ရည်ရွယ်၍ ယနေ့ နံနက်ပိုင်းတွင် အစိုးရစစ်တပ်များ ချဉ်းကပ် တိုက်ခိုက် နေခြင်း ဖြစ်သည်ဟု သူက ဆက်ပြောသည်။

လိုင်ဇာကို သိမ်းယူမည် မဟုတ်ကြောင်း ပြောဆိုနေသော်လည်း လိုင်ဇာမြို့ အထက်ပိုင်းရှိ အလန်းဘွမ်နှင့် ခရာဘွမ်
အား သိမ်းယူရန် ကြိုးစားနေသည်ဟု ဗိုလ်မှူးမင်းဌေးက ပြောသည်။

သမ္မတ ဦးသိန်းစိန်က KIO ထိန်းချုပ်ရာ လဂျားယန်ဒေသသို့ ထိုးစစ်ဆင်မှုများ စနေနေ့မှ စတင် ရပ်တန့်မည်ဟု ညွန်ကြားခဲ့သော်လည်း ထိုနေ့တွင်လည်း တိုက်ပွဲများ ဖြစ်ပွား၍ အစိုးရဘက်မှ လက်နက်ငယ် ၃၀ ကျော်သိမ်းယူခဲ့
သဖြင့် အစိုးရဘက်မှ ကျဆုံးမှု များမည်ဟု ခန့်မှန်းရသည်ဟု ဆိုသည်။

နယူးဒေလီရှိ အသက်မပြည့် ချင်းတိုင်းရင်းသူလေးများအား ပွဲစား လိမ်လည်ဟုဆို

နယူးဒေလီ (မဇ္ဈိမ)။   ။ အိန္ဒိယနိုင်ငံ၊ နယူးဒေလီမြို့တွင် ခိုလှုံရောက်ရှိနေသည့် မြန်မာဒုက္ခသည် ချင်းတိုင်းရင်းသူ အမျိုးသမီးငယ် ၈ ဦး အား အိမ်ဖော်လုပ်ငန်း လုပ်ကိုင်ရန်အတွက် ဒေသခံ ပွဲစား အမျိုးသမီးတဦး၏ လိမ်လည်ခြင်း ခံခဲ့ရကြောင်း ကာယကံရှင်များက ပြောသည်။ 

အသက် ၁၂ နှစ်မှ ၁၈ နှစ်အရွယ်အကြား မိန်းကလေးငယ်များအား ချမ်းသာသော နေအိမ်များတွင် အိမ်ဖော်အလုပ်
အတွက် အပ်နှံပေးသည့် အိန္ဒိယနိုင်ငံသူ အသက် ၃၅ နှစ်ခန့်ရှိ ပွဲစားအမျိုးသမီး တဦးက လုပ်ခ တနှစ်စာကို အိမ်ရှင်
များထံမှ ကြိုတင်ထုတ်ယူခဲ့ပြီး တိမ်းရှောင်နေခဲ့သည်ဟု ထွက်ပြေး လွတ်မြောက်လာခဲ့သည့် မိန်းကလေးတဦးက ဆိုသည်။ 

"သမီးကို UN (ကုလ ဒုက္ခသည်ရုံး)က ခေါ်လို့ ခွင့်တောင်းတာ နှစ်ရက်လောက်ရှိပြီ။ ပွဲစား အမကြီးဆီမှာရော၊ အိမ်ရှင့်
ဆီမှာရော တောင်းတယ်။ ဟိုလိုလို ဒီလိုလိုနဲ့ မပေးဘူး။ ကံကောင်းလို့ သမီးမှာ ဖုန်းရှိတာနဲ့ အကို့ကို ခေါ်လိုက်တာ။ အိမ်လိပ်စာ ပွဲစားကို တောင်းတော့လည်း အမှားကြီး ပေးတာ။ ဘေးအိမ်မှာ လိပ်စာဆိုင်းဘုတ် ကပ်ထားတာတွေ့လို့ အဲဒီအတိုင်း ပေးလိုက်တာ။ အကို ရောက်လာတော့ အိမ်ရှင်ဆီမှာ ခွင့်တောင်းတော့ မပေးတဲ့အပြင် နင့်ကိုငါ မသိဘူး
တဲ့၊ ငါ့အိမ်ထဲကနေ ချက်ခြင်းထွက်သွားတဲ့၊ ဒီကောင်မလေးကို တနှစ်စာ လခအတွက် ၂၆,၀၀၀ ပေးထားတာ။
ပြန်ခေါ်ချင်ရင် အဲဒီငွေတွေ ပြန်ပေးလို့ ပြောပြီး အကို့ကို မောင်းထုတ်တယ်။ သမီးကို တံခါးတွေ အထပ်ထပ်ပိတ်ပြီး
တော့ သော့တွေ ခတ်တာနဲ့ သမီးလည်း ကြောက်ပြီး အိမ်ရှင် မသိခင် ဝရံတာကနေ ခုန်ဆင်းလာတာ" ဟု ၁၅ ပေ အမြင့်မှ လွန်ခဲ့သည့် သီတင်းပတ်က ခုန်ချ လွတ်မြောက်လာခဲ့သည့် တော်ဝီလွန်း (Tawi Lun) က မဇ္ဈိမကို ပြော
သည်။ 

တော်ဝီလွန်း မှာ အသက် ၁၆ နှစ်ခန့်သာ ရှိသေးပြီး ပွဲစားအမျိုးသမီး၏ အဆက်အသွယ်ဖြင့် ဒေလီမြို့ရှိ ဒေသခံ အိမ်တအိမ်တွင် ၁၀ ရက်ခန့်သာ အလုပ်ဝင်ရသေးသည်။ ခုန်ချရာမှ ဒဏ်ရာ မရခဲ့ဟု ဆိုသည်။ 

တော်ဝီလွန်း အိမ်ပြန်ရောက်ပြီးနောက် ၎င်း၏ အတွေ့အကြုံ ပြောပြချက်အရ အခြား မိသားစုများလည်း ၎င်းတို့၏ သမီးနှင့် နှမများကို စိတ်ပူကာ လိုက်ရှာခဲ့ကြသည်။ 

"သမီးနှစ်ယောက် အလုပ်သွားလုပ်တာ တလကျော်ပြီ။ တယောက်တော့ အဆက်အသွယ်ရတယ် ကျန်တဲ့တယောက်
ကတော့ ဘယ်မှာ နေမှန်းတောင် မသိဘူး။ ဖုန်းလည်း မပါသွားဘူး။ ပွဲစားကို ဆက်သွယ်တော့လည်း အဆက်အသွယ်
မရဘူး။ အရမ်းစိတ်ပူတယ်" ဟု အသက် ၁၂ နှစ်နှင့် ၁၃ နှစ်အရွယ် သမီးလေးများဖြစ်ကြသည့် ကျင်စန်နှင့် ကျန်ဘွိုင့် တို့၏ မိခင် Nu Nuno (နူး နုနို)က ဆိုသည်။ 

ကျန်မိန်းခလေးများ၏ မိသားစုဝင်များ စိတ်ပူကာ သွားရောက်တွေ့ဆုံရာတွင် အိမ်ရှင်များ ခွင့်ပြုမူကို မရခဲ့ပေ။ 

"တချို့ကတော့ သူတို့သမီး ညီမတွေ ရှိတဲ့နေရာ အစအနတောင် မသိဘူး။ (ဒေသခံ)စကား တတ်တဲ့ လူနဲ့ သွားပြီး အိမ်ရှင်ဆီမှာ တွေ့ခွင့်သွားတောင်းတာ။ အိမ်ရှင်က ခွင့်မပေးဘူး တနှစ်စာ ပေးထားတယ်။ အဲဒီမတိုင်ခင် ဘယ်မှ မသွားရဘူးတွေပြောတာနဲ့ နောက်တနေ့တော့ ပွဲစားကို အလုပ်လိုတဲ့သူ ရှိတယ်ဆိုပြီး လိမ်ခေါ်တာ။ ပြီးတော့ ပွဲစားနဲ့ သူ့သမီးတွေဆီ သွားတွေ့ဖို့ သွားတာ။ သူ့သမီး ရှိတဲ့နေရာကို မခေါ်သွားဘဲ တနေကုန် ဟိုခေါ်သွားဒီခေါ်သွားနဲ့
နောက်ဆုံး အိမ်တအိမ်ကိုခေါ်သွားတာ အဲဒီမှာနေတာက သူ့တို့သမီး မဟုတ်ပေမယ့် ချင်းတိုင်းရင်းသူ မိန်းကလေး တယောက်ပဲ။ သူတို့လည်း မသိဘူး။ အဲဒါသူတို့ ချင်းစကားပြောတာကို အဲဒီအိမ်မှာ နေတဲ့ ကောင်မလေးက ကြားတာ
နဲ့ ပြေးဖက်ပြီး သူဒီမှာမနေချင်တဲ့အကြောင်း ပြီးတော့ သူ့ကိုခေါ်ထုတ်ပေးဖို့ ငိုယိုပြီးပြောတာနဲ့ ပတ်ဝန်းကျင်က ရဲတွေဝိုင်းလာတော့ အားလုံး ရဲစခန်းသွားကြတာ" ဟု ရဲဌာနတွင် စကားပြန်အဖြစ် ဆောင်ရွက်ပေးသူ Sweet Sweet က မဇ္ဈိမကို ပြောသည်။ 

အမျိုးသမီးငယ်များအား အလုပ်လုပ်ရာတွင် ခွင့်ရက်မပေးခြင်း၊ အပြင်ထွက်ခွင့် မပေးခြင်း၊ တချို့သော နေအိမ်များ
တွင် မိုဘိုင်းဖုန်းများကို သိမ်းဆည်းထားတာ မိသားစုဖြင့် အဆက်အသွယ် မရနိုင်အောင် လုပ်ဆောင်ထားကြောင်း မိန်းကလေးများ၏ ပြောပြချက်အရ သိရှိရသည်။ 

"သမီးတို့ကို တလ ၆,၀၀၀ ပေးမယ်လို့ ပြောတာ။ အဲဒါနဲ့ ရုံးတခုကို ခေါ်သွားပြီး လက်မှတ်တွေရော၊ လက်ဗွေတွေ
ရော နှိပ်ခိုင်းတယ်။ ၁၀ ချောင်းလုံးပဲ။ သူတို့ စာချူပ်ကလည်း ဘာတွေ ရေးမှန်း မသိဘူး။ အင်္ဂလိပ်လိုတွေ ရေးထား
တာ မဖတ်တတ်တော့ သူတို့ခိုင်းသလိုပဲ လိုပ်လိုက်တာ။ ပြီးတာနဲ့ သူဌေး လာခေါ်တဲ့နေရာ လိုက်သွားတာပဲ" ဟု စနေနေ့က လွတ်မြောက်လာခဲ့သည့် အသက် ၁၆ နှစ်အရွယ်ရှိ နမ်ဘွိုင်း က ဆိုသည်။ 

ပွဲစားထံမှ ရရှိသော လိပ်စာအရ ဇန်နဝါရီလ ၁၈ ရက်နေ့တွင် မိန်းကလေးများကို လိုက်လံခေါ်ထုတ်ခဲ့ရာ ဇန်နဝါရီလ ၂၁ ရက်နေ့အထိ ၅ ယောက်အား ခေါ်ထုတ်နိုင်ခဲ့ပြီး ကျန်နေသူများထဲမှ နှစ်ဦးမှာ အိန္ဒိယနိုင်ငံ မြောက်ပိုင်း ပန်ဂျပ်
ပြည်နယ်တွင် ရောက်နေပြီး သွားရောက်ခေါ်ထုတ်နေဆဲဟု သိရသည်။ 

ပွဲစားအမျိုးသမီးမှာ မြန်မာနယ်စပ်ရှိ ဒေသခံ ကူကီး၊ တီးတိန်နှင့် ဟိန္ဒူစတာန်နီအပြင် အင်္ဂလိပ် ဘာသာစကားများ တတ်ကျွမ်းသူတဦး ဖြစ်သည်။ လက်ရှိတွင် ၎င်းအား နယူးဒေလီမြို့၊ Uttam Nagar ရဲဌာနတွင် ထိန်းသိမ်းထားပြီး စစ်ဆေးမေးမြန်းလျက်ရှိကြောင်း သိရှိရသည်။ 

"ရဲတွေက အမှုတည်ဆောက်နေဆဲပဲ။ ဘာအမှုနဲ့ စွဲမလဲ မသိသေးဘူး။ လူကုန်းကူးမှု မြောက်/ မမြောက် ပြန်ကြည့်နေ
တဲ့ သဘောမှာ ရှိတယ်။ အခု ပန်ဂျပ်မှာ ရှိတဲ့ ကလေး နှစ်ယောက် အတွက်လည်း ဒေလီရဲက ပန်ဂျပ်ရဲနဲ့ ဆက်သွယ်
ပြီး ဆက်လုပ်နေတယ်။ သုံးယောက်က ကျမတို့ ဒုက္ခသည် အသိုင်းအဝိုင်းက ဆွေမျိုးတွေနဲ့ အတူရှိတယ်။ Children Welfare Committee မှာ ကလေး နှစ်ယောက် ရောက်တယ်။ ကျန်တဲ့ နောက်တယောက်က ဒေလီမှာ၊ ပိုက်ဆံ ၁၄,၀၀၀ နဲ့ သွားရွေးရမှာ" ဟု လူမှုလုပ်သား တဦးဖြစ်သည့် မအားခူ က ပြောသည်။ 

ထို့ပြင် မိခင်တဦးကိုလည်း ကလေးငယ်များအား အလုပ်ခိုင်းစေမှုဖြင့် အဆိုပါရဲဌာနတွင် ထိန်းသိမ်းထားရှိပြီး ၎င်းအတွက် အာမခံ ရှာနေကြောင်း သိရသည်။

စစ်ကြွင်းပစ္စည်းနှင့် စစ်သား ရုပ်အလောင်းများ ရှာဖွေရန် ဂျပန်အဖွဲ့ ကြိုးပမ်း

ဒုတိယ ကမ္ဘာစစ်အတွင်း တိုင်းရင်းသားလက်နက်ကိုင် တပ်များ ထိန်းချူပ်ထားရာဒေသများတွင်ကြွင်းကျန်ရစ်သည့် ဂျပန်စစ်သားအရိုးများနှင့် စစ်ကြွင်းကျန် ပစ္စည်းများ ရှာဖွေနိုင်ရန် TJEFD (Thai Japan Education Development Foundation ) မှ လုပ်ဆောင်နေသည်ဟု အဆိုပါအဖွဲ့၏  အလုပ်မှုဆောင် ညွှန်ကြားရေးမှူး  ဖြစ်သူ Mr. Tomoharu Ebihara မှ ပြောသည်။

ထိုသို့ ရှာဖွေရာတွင် ပထမအဆင့်အနေဖြင့် အရိုးများ၊ ပစ္စည်းများ၏ ပြန့်ကျဲနေသော တည်နေရာများကို သိရှိနိုင်ရန် ကွင်းဆင်းလေ့လာမှုတွေ ပြုလုပ်သွားရန် ရှိသည် ဟု Mr. Tomoharu Ebihara ကပြောသည်။

၎င်းက "ဒီအဆင့်မှာတော့ အရိုးအပါအ၀င် အခြားပစ္စည်းတွေ တူးဖော်ဖို့ မဟုတ်ပါဘူး။ အချက်အလက်တွေ ကောက်ယူတာ သက်သက် ဖြစ်ပါတယ်"ဟု မဇ္ဈိမကို  ပြောသည်။

ထို့အပြင် တိုင်းရင်းသားဒေသ အတွင်းရှိ သက်ရှိထင်ရှား ကျန်ရစ်နေသည့် ဂျပန်စစ်သားများအားလည်း အတတ်နိုင်
ဆုံး ကြိုးစားက ရှာဖွေဖော်ထုတ်သွားမည်ဟုလည်း ဆိုသည်။

အဆိုပါလုပ်ငန်းစဉ်ကို TJEDF မှဖွဲ့စည်းပေးထားသည့် Mekong Region Agriculture and Education Development Center နှင့် ညီညွှတ်သော တိုင်းရင်းသားလူမျိူးများ ဖက်ဒရယ်ကောင်စီ (UNFC) တို့ ပူးပေါင်း လုပ်ဆောင်လျက်ရှိသည်ဟု သိရသည်။

TJDEF တွင် တိုင်းရင်းသားအဖွဲ့တစ်ခုချင်းစီမှ အဖွဲ့ခေါင်းဆောင်တစ်ဦး ၀န်ထမ်းနှစ်ဦးဖြင့်ဖွဲ့စည်းထားသော အဖွဲ့အစည်းများ ပါဝင်သည်ဟုသိရသည်။ ယခုအခါ လုပ်ငန်းစဉ်များကိုလည်း တိုင်းရင်းသား ဒေသများ၌ အကောင်အထည် ဖော်နိုင်သည့် အခြေအနေ ရှိနေရာများတွင် စတင်လုပ်ဆောင်နေပြီ ဖြစ်ကြောင်း ညီညွှတ်သော တိုင်းရင်းသားလူမျိူးများ ဖက်ဒရယ်ကောင်စီ (UNFC) မှ ဒုဥက္ကဋ္ဌ(၂) စောဒေးဗစ် သာကပေါမှ ပြောသည်။

"အရင်ကသိတယ်၊ ဟောဒီနေရာမှာရှိခဲ့ဖူးတယ်၊ အဲလိုမှတ်တမ်းဓါတ်ပုံတွေပေါ့၊ နီးစပ်ရာနီးစပ်ရာတွေ စုစည်းပြီး လုပ်နေကြပါပြီ။ အဲဒါက အချိန်တော်တော်ယူရမယ်လို့ ထင်တာပဲ" ဟု၎င်းမှ မဇ္ဈိမသို့ ပြောသည်။

၂၀၁၃ခုနှစ်အား တစ်နှစ်တာပတ်လုံး အချက်အလက် ကောက်ယူစုဆောင်းကာ မြေပုံဖေယ်ခြင်းကာလဟု သတ်မှတ်
ထားပြီး ဆောင်ရွက်သွားမည်ဟု သိရသည်။ထိုမှတဆင့် ရရှိလာသည့် အချက်အလက် အစီရင်ခံစာ တည်နေရာ အမှတ်အသား ဓါတ်ပုံ အထောက်အထားများကို UNFC, ဂျပန်အစိုးရနှင့် မြန်မာအစိုးရတို့ထံ ထပ်မံအစီရင်ခံ တင်ပြ
သွားမည် ဖြစ်သည်။

အစိုးရ အုပ်ချူပ်နယ်မြေရှိ ဒေသများ၌ ဂျပန်အစိုးရ လက်အောက်ခံ အဖွဲ့အစည်းများ အပါအ၀င် အခြားဂျပန်အဖွဲ့များမှ ရှာဖွေခြင်း မှတ်တမ်းတင်ခြင်းကို လုပ်နေသဖြင့်  မိမိတို့ အနေနှင့် တိုင်းရင်းသားဒေသများကို ရှာဖွေရန် ဆုံးဖြတ်ခဲ့ခြင်း
ဖြစ်သည်ဟု Mr. Tomoharu Ebihara မှ ဆိုသည်။

ယခု လုပ်ဆောင် နေသည့် လုပ်ငန်းစဉ် အတွက် ငွေကြေး အထောက် အပံ့ များမှာလည်း ဂျပန် နိုင်ငံသား များ၏ ကူညီ ထောက်ပံ့ မှုများ ဖြစ်ကြောင်းလည်း သိရှိ ရသည်။

ယခု လုပ်ဆောင်ချက် များသည် ဂျပန် လူမျိုး များ၏ သမိုင်းကြောင်း များကို ပြန်လည် ဖော်ထုတ် ခြင်းလည်း
ဖြစ်ကြောင်း  စောဒေးဗစ်သာကပေါမှ ပြောသည်။

၎င်းက " အရင်က ဂျပန်က စစ်ပြီးတော့ မွဲတွေပြီးတော့ ပြန်လည် ထူထောင်ရေး လုပ်ရတယ် ဟုတ်လား၊ အဲဒီ တုန်းက ဒီ သမိုင်း ကြောင်း ကိစ္စကို သိပ်အားမစိုက် နိုင်ဘူးလေ၊ တစ်ပိုင်း အားဖြင့်လည်း သူတို့ရဲ့ ကြီးမားစွာ ရှိခဲ့ဖူးတဲ့ သမိုင်း
ကြောင်း တွေကို ပြန်လည် ဖော်ထုတ် တာလည်း ဖြစ်တယ်၊ နောင်လာ နောက်သားတွေ အမှတ်ရ နေအောင်ပေါ့" ဟု မဇ္ဈိမအား ပြောသည်။

နှစ်ပေါင်းအားဖြင့် နှစ် ခြောက်ဆယ်ကျော် ခုနှစ်ဆယ် ၀န်းကျင်ခန့် ရှိပြီ ဖြစ်သဖြင့် အရိုးများနှင့် စစ်ကြွင်းကျန် ပစ္စည်းများ ပြန်လည်ရှာဖွေ ဖော်ထုတ်နိုင်ရေးမှာ လျာထားသလောက် မအောင်မြင်မည်ကို စိုးရိမ်ကြောင်း စောဒေးဗစ်
သာကပေါက ပြောသည်။

မြေပုံဖော်ခြင်း လုပ်ငန်းစဉ် ပြီးဆုံးပါက ရှေ့ဆက်၍ တူးဖော်ရေး လုပ်ငန်းစဉ် များကို ဂျပန် နိုင်ငံမှ ကျွှမ်းကျင် ပညာရှင် အဖွဲ့ များဖြင့် လာရောက် တူးဖော် နိုင်ရန် ရည်ရွယ် ထားပြီး မဲခေါင် ဒေသတွင်းရှိ အခြား နိုင်ငံ များ၌လည်း ယခု ကဲ့သို့ အလားတူ စီမံ ကိန်းမျိုး လုပ်ဆောင် သွားရန် ရှိကြောင်း လည်း Mr. Tomoharu Ebihara မှ မဇ္ဈိမအား
ပြောကြား ခဲ့သည်။