၄၈ မီနီဘတ်စ် လူတိုက်ပြီးမောင်းပြေး

ကုမ္ပဏီ အဖွဲ့များကို မတည်ငွေ ကျပ် သန်း ၃၀ ဖြင့် နိုင်ငံခြားငွေ ရောင်းဝယ်ခွင့်ပြု

ရန်ကုန် (မဇ္ဈိမ)။   ။ မြန်မာနိုင်ငံတော် ဗဟိုဘဏ်က ဘဏ်မဟုတ်သော ကုမ္ပဏီ အဖွဲ့အစည်းများကို ဒီဇင်ဘာလ ၃ ရက်နေ့မှ စတင်၍ မတည်ငွေ ကျပ်သန်း ၃၀ ဖြင့် နိုင်ငံခြားငွေ ရောင်းဝယ်ခွင့် ပြုလိုက်ပြီဖြစ်ကြောင်း သိရသည်။ 

၁၉၉၀ ပြည့်နှစ် ဗဟိုဘဏ်ဥပဒေ ပုဒ်မ ၈၃ နှင့် နိုင်ငံခြားသုံးငွေ စီမံခန့်ခွဲမှု ဥပဒေပုဒ်မ ၃၂ ပါ စီမံခန့်ခွဲပိုင်ခွင့်များကို ကျင့်သုံးလျက် လိုင်စင်များကို စတင်ခွင့်ပြုလိုက်ခြင်း ဖြစ်သည်။ 

လိုင်စင်လျှောက်ထားသူသည် ငွေရင်းနှင့် ယင်းငွေများကို မည်သို့ရရှိမည်ဆိုခြင်း၊ မျှော်မှန်းထားသည့် အကျိုးအမြတ်၊ လုပ်ငန်းအတွက် စီမံခန့်ခွဲမည့်ပုဂ္ဂိုလ်၏ အရည်အချင်းနှင့် ကျွမ်းကျင်မူ စသည်တို့နှင့်အတူ လျှောက်ထားရမည်
ဖြစ်သည်။ 

"လိုင်စင် လျှောက်ထားဖို့အတွက် ကနဦး မတည်ငွေ အနည်းဆုံး ကျပ်သန်း ၃၀ ထည့်ဝင် လုပ်ကိုင်ရပါမယ်။ အဲဒီ
ငွေရင်းကို နိုင်ငံခြားငွေ ရောင်းဝယ်ခွင့် လိုင်စင်ရ ဘဏ်တခုမှာ စာရင်းဖွင့် ထည့်သွင်းရပါမယ်။ အကယ်၍ ငွေလဲ
ကောင်တာ တခုထက်မက လုပ်ကိုင်လိုရင် ကောင်တာ တခုစီအတွက် မတည်ငွေရင်း ကျပ် ၁၀ သန်းစီ ထပ်မံ ထည့်ဝင်ရမှာ ဖြစ်ပါတယ်" ဟု ဗဟိုဘဏ်မှ လက်ထောက်ညွှန်ကြားရေးမှူး ဒေါ်နော်အဲဖေါ က ပြောသည်။ 

လျှောက်ထားသူသည် မြန်မာနိုင်ငံ ကုမ္ပဏီများ အက်ဥပဒေအရ ဖွဲ့စည်းထားသည့် ကုမ္ပဏီ ဖြစ်ရမည်ဖြစ်ပြီး နိုင်ငံခြား
ငွေများ ရောင်းဝယ်မှု လုပ်ငန်းအတွက် ဈေးကွက်ရှိမှု၊ ဖောက်သယ်များ စိတ်ဝင်စားမှု ရှိခြင်းတို့ကို ဖေါ်ပြရမည်
ဖြစ်သည်။ 

ထို့အတူ စာရင်းထားသိုပုံစနစ်၊ အသုံးပြုမည့် ငွေကြေးများနှင့် နောက်ခံ အကြောင်း အချက်များ၊ သတင်းအချက် အလက်များ၊ စုဆောင်း ရယူပုံစနစ်၊ နိုင်ငံခြားငွေများ ရေတွက်ခြင်း၊ စစ်ဆေးခြင်း၊ အတုခွဲခြားခြင်းတို့အတွက် ပြည့်စုံ လုံလောက်သော အစီအမံများ ထားရှိခြင်းတို့ကို စီစဉ်ဆောင်ရွက်ရန် လိုအပ်မည်ဖြစ်သည်။ တရားမဝင်သော နည်းလမ်းဖြင့် ရရှိသော ငွေကြေးနှင့် ပစ္စည်းများ ထိန်းချုပ်ရေး ဥပဒေနှင့် နိုင်ငံခြားသုံးငွေ စီမံခန့်ခွဲမှု ဥပဒေတို့ကို သိရှိနားလည်၍ လိုက်နာဆောင်ရွက်မည်ဟု ဝန်ခံကတိ ပြုရမည် ဖြစ်သည်။ 

"ဗဟိုဘဏ်ကနေ ကုမ္ပဏီ အဖွဲ့အစည်းတွေကို နိုင်ငံခြားငွေ ရောင်းဝယ်ခွင့် ပေးလိုက်တာ ပိုကောင်းပါတယ်။ ဘာကြောင့်လဲဆိုရင် နိုင်ငံခြားသား ဝင်ရောက်မူက တနေ့တခြား ပိုပိုများလာတဲ့အတွက် ဒေါ်လာရောင်းတဲ့သူက တိုးတိုးလာတယ်။ ဘဏ်တွေချည်းပဲ ရောင်းခွင့် ပေးထားရင် ဘဏ်ဆိုတာ ဖွင့်ချိန် ပိတ်ချိန်ရှိနေတော့ အကန့်အသတ် လို ဖြစ်နေတယ်။ အခုလိုဘဏ်မဟုတ်တဲ့ အပြင်လူတွေကို ခွင့်ပြုလိုက်တဲ့အတွက် ပြည်ပနိုင်ငံတွေမှာလို အချိန်မရွေး
ငွေလဲနိုင်သွားမယ်" ဟု အာရှ စိမ်းလန်းဖွံ့ဖြိုးမှုဘဏ်မှ ဒုတိယ အုပ်ချုပ်မှုဒါရိုက်တာ ဦးသက်လွင်ရွှေ က သုံးသပ်ပြောဆိုသည်။

လက်ပံတောင်းတောင်ကိစ္စ ဂျာနယ်များ သတိထား ရေးသားဖော်ပြ

လက်ပံတောင်းတောင် သပိတ်စခန်းကို အာဏာပိုင်များက အကြမ်းဖက် ဖြိုခွဲခဲ့မှုနှင့် ပတ်သက်၍ ပြည်တွင်းဂျာနယ် အများစုတွင် သုံးသပ်ဝေဖန်မှုများထက် သတင်းသက်သက်ကိုသာ သတိထား၍ ရေးသားဖော်ပြမှု များပြားကြောင်း သိရသည်။

ပြည်တွင်းထုတ် ဂျာနယ်အများစုတွင် လက်ပံတောင်းတောင် ကြေးနီစီမံကိန်းနှင့် ပတ်သက်သည့် သတင်းများကို ဖော်ပြ နေသော်လည်း အများစုမှာ အဖွဲ့အစည်းများ၏ ကြေညာချက်၊ ဒေါ်အောင်ဆန်းစုကြည်၏ သတင်းစာရှင်းလင်းပွဲ၊ ပြောကြားချက်များနှင့် ဖြစ်စဉ်သတင်း တချို့ကိုသာ ဦးစားပေးဖော်ပြနေပြီး ဌာနဆိုင်ရာ မေးမြန်းချက်များနှင့် သုံးသပ်ချက်၊ ဝေဖန်ချက်၊ အာဘော်၊ ဆောင်းပါးများအပြင် ရန်ကုန်မြို့၌ ကြေးနီစီမံကိန်း ပြဿနာနှင့် ပတ်သက်၍ ဆန္ဒပြမှုတွင် ဖြစ်ပွားခဲ့သည့် ဖမ်းဆီးထိန်းမှုအကြောင်း ရေးသားဖော်ပြခဲ့ခြင်း မရှိသလောက် နည်းပါးသည်။

လူထုအုံကြွမှုကို အားပေးသကဲ့သို့ မဖြစ်စေရန်အတွက် လက်ပံတောင်းတောင် ကိစ္စနှင့် ပတ်သက်၍ သုံးသပ်ဝေဖန်ခြင်း မပြုလုပ်ဘဲ သတင်းသက်သက်ကိုသာ ဦးစားပေး ဖော်ပြနေကြကြောင်း၊ စာပေစိစစ်ရေး၏ ဆင်ဆာ မရှိတော့သော်လည်း ထုတ်ဝေသည့် ဂျာနယ်၏ မူဝါဒနှင့် ကိုက်ညီမှုရှိစေရန်နှင့် ပဋိပက္ခ ဖြစ်စဉ်များအပေါ် မူတည်၍သာ စာမျက်နှာထက်တွင် ဖော်ပြ ကြကြောင်း၊ အမျိုးသားရေး လှုံ့ဆော်မှု ဖြစ်စေနိုင်သဖြင့် ဖြစ်စဉ်အပေါ် သုံးသပ်ခြင်း၊ ထောက်ပြဝေဖန်ခြင်းများ မပြုလုပ်ကြကြောင်း၊ ထို့အပြင် ဌာနဆိုင်ရာက သတင်းသမားများ၏ မေးမြန်းချက်ကို ဖြေကြားမှု အားနည်းကြောင်း ပြည်တွင်း ဂျာနယ် ထုတ်ဝေသူ များနှင့် အယ်ဒီတာများက ပြောသည်။

"ဒီကိစ္စက လူထုနဲ့ သံဃာတော်တွေက စိတ်ထိခိုက်မှုများတဲ့ သတင်းဆိုတော့ ဘက်ပေါင်းစုံကနေ တော်တော်လေးကို သတိထားပြီး ရေးရတဲ့ အနေအထားပါ။ စိတ်ပူတာက Facebook စာမျက်နှာတွေမှာ ပြင်းထန်တာတွေလည်း ရေးနေကြတော့ ဂျာနယ်တိုက်တွေက တော်တော်လေး သတိထားပြီး ကျင့်ဝတ်အရ လုပ်နေကြတယ်" ဟု 7 Day News ဂျာနယ် အမှုဆောင် အယ်ဒီတာ ကိုအားမာန်က ပြောသည်။

ဒီဇင်ဘာ ၅ ရက်ထုတ် 7 Day News ဂျာနယ်တွင် "နောက်ကြောင်းပြန်မလှည့်ရန် အားလုံးမှာတာဝန်ရှိသည်" ဟု ခေါင်းစဉ်ပေးထားသည့် လက်ပံတောင်းတောင် ကြေးနီစီမံကိန်း ပဋိပက္ခအပေါ် အစိုးရ၏ ကိုင်တွယ်မှုနှင့် ပတ်သက်၍ ရှုထောင့်ပေါင်းစုံမှ သုံးသပ်ထားသည့် ဆောင်းပါးတပုဒ်ကို ဖော်ပြထားသည်။

အစိုးရ လုပ်ဆောင်ချက်အပေါ် ဝေဖန်သုံးသပ်ခဲ့သည့် 7 Day News ဂျာနယ်တွင် ပါရှိသော ဆောင်းပါးရေးသားရန် ကိုအားမာန်က အစိုးရသတင်း ထုတ်ပြန်ရေးနှင့် ပြည်ထဲရေး ဝန်ကြီးဌာနများသို့ ဆက်သွယ်မေးမြန်းသော်လည်း ဖြေကြားခြင်းမရှိခဲ့ကြောင်း၊ ထို့ကြောင့် ဖြစ်ပွားမှု ကြာမြင့်နေပြီး ရှုပ်ထွေးသည့် ကြေးနီစီမံကိန်း ကိစ္စတွင် စာပေစိစစ်ရေး မရှိသော်လည်း အစိုးရအပေါ် သုံးသပ်မှုများအား သတိထား ရေးသား ဖော်ပြခဲ့ရကြောင်း ရှင်းပြသည်။

ပြည်သူ့ခေတ်ဂျာနယ် အတိုင်ပင်ခံ အယ်ဒီတာ ဦးဖေမြင့်က "လူထုကို အသိပေးဖို့ ဂျာနယ်စာမျက်နှာမှာ ရေးသားဖော်ပြပေမယ့် တချို့ကိစ္စကို ပြင်းပြင်းထန်ထန်တော့ မရေးဘူး၊ တခုခုကို တိုက်ခိုက် ရေးသားတာမျိုးတော့ မလုပ်ဘူး" ဟု ပြောသည်။

ကြေးနီစီမံကိန်း အရေးကို ဂျာနယ်များက လွတ်လပ်စွာ ရေးသားနေသော်လည်း အကျိုးအကြောင်းနှင့် ထိန်းသိမ်း ရေးသားရန် လိုအပ်ကြောင်း၊ နိုင်ငံပိုင် သတင်းစာများကလည်း အစိုးရ လုပ်ဆောင်ချက်များကိုသာ ထုတ်ပြန်နေသည့် အတွက် အစိုးရ ပြန်ကြားရေး သက်သက်သာ ဖြစ်နေသည်ဟု သုံးသပ်မိကြောင်း သူက ဆိုသည်။

နိုင်ငံရေးသတင်းနှင့် ဒေသန္တရ သတင်းများကို အများဆုံး ဖော်ပြလေ့ရှိသည့် The Messenger ဂျာနယ် တာဝန်ခံအယ်ဒီတာ ကိုသူရအောင် ကလည်း ဂျာနယ်စာမျက်နှာများ ထက်၌ လက်ပံတောင်းတောင် ကြေးနီစီမံကိန်း အရေးများကို ဖော်ပြရာတွင် တိုင်းပြည် အကျိုးစီးပွားကို ထိခိုက်စေနိုင်မည့် သတင်းများ ရှောင်၍ လူထုကို ဆူပူအုံကြွမှု မရှိစေရန် အဓိကထား ဖော်ပြနေကြောင်း ပြောသည်။

ယခင် စာပေစိစစ်ရေးရှိစဉ်က ဆင်ဆာ ဖြတ်တောက် ခံရခြင်းကြောင့် ပြည်သူလူထု အနေဖြင့် သတင်း ဖြစ်ရပ်မှန်ကို မသိ ရသဖြင့် ဆုံးဖြတ်ချက်မှန်ကို မချနိုင်ခဲ့သော်လည်း လက်ရှိတွင် လွတ်လပ်စွာ ရေးသားပြောဆိုခွင့်များ ရှိလာသည့်အတွက် သတင်းများ မှန်ကန်မှုရှိရန်နှင့် ဘက်ပေါင်းစုံမှ တင်ပြနိုင်ရန် လိုအပ်လာကြောင်း ၎င်းက သုံးသပ်သည်။

Weekly Eleven ၏ အယ်ဒီတာချုပ် ကိုဝေဖြိုးက "သတင်းကို သတင်းလိုပဲဖော်ပြတယ်။ ဆင်ဆာရှိလည်း ဒီအတိုင်းပဲ၊ ဆင်ဆာမရှိလည်း ဒီအတိုင်းပဲ၊ ပြည်သူတွေ အတွက် လိုအပ်တယ် ထင်ရင် သိသင့်တာကို ဖော်ပြသွားဖို့လိုတယ်" ဟု ပြောသည်။

နေပြည်တော် တိုင်းမ်ဂျာနယ် တာဝန်ခံအယ်ဒီတာ ဦးစောလင်းအောင် ကလည်း စိစစ်ရေး၏ မူဝါဒကို သိနေသောကြောင့် သတင်း ဖော်ပြရာတွင် ပြဿနာမရှိကြောင်း၊ လက်ပံတောင်းတောင် ကိစ္စကိုမူ ဖြစ်စဉ်များအပေါ် မူတည်၍ မည်သို့ ကိုင်တွယ် ဖြေရှင်းမည် ဆိုသည့် အချက်ကိုသာ ဦးစားပေးဖော်ပြသွားမည်ဖြစ်ကြောင်း ဆိုသည်။

လက်တလောတွင် ဂျာနယ်အရောင်းဆိုင်များ၌ လက်ပံတောင်းတောင် ကြေးနီစီမံကိန်း ပြဿနာများနှင့် ဆက်စပ်နေသည့် သတင်းဂျာနယ်များကို လူထု စိတ်ဝင်စားမှု များပြားနေကြောင်း၊ အစိုးရအနေဖြင့် ကြေးနီ စီမံကိန်း ကိစ္စရပ်များ အပေါ် မည်သို့ ကိုင်တွယ်ဆောင်ရွက်လျှက်ရှိကြောင်း ပါရှိသည့် သတင်းဂျာနယ်များကို ပိုမို မေးမြန်းဝယ်ယူလိုကြကြောင်း ဆူးလေ ဘုရားလမ်းပေါ်ရှိ ဂျာနယ်ဆိုင်များမှ သိရသည်။

ရန်ကုန်သို့ ရောက်ရှိနေသော BBC သတင်းဌာန၏ မြန်မာပိုင်း အယ်ဒီတာ ကိုစိုးဝင်းသန်းက "ဒီမှာရှိတဲ့ လူငယ် သတင်းထောက်တွေက ဆင်ဆာ မရှိတော့ပေမယ့် အသားမကျသေးတော့ ထိန်းပြီး ရေးနေတာမျိုးတွေ ရှိတယ်။ သိပ်မရဲဘူး။ နည်းနည်းလေး လမ်းပွင့် လာပေမယ့် ရေးချင်တာ ရေးနေတာ ရှိသလို၊ စိုးရိမ်တာတွေလည်း ရှိနေတယ်" ဟု ပြည်တွင်း ဂျာနယ်တချို့၏ သတင်းရေးသား ဖော်ပြနေမှုများအပေါ် သုံးသပ်သည်။

လက်ပံတောင်းတောင် ကြေးနီစီမံကိန်းနှင့် ပတ်သက်၍ နိုင်ငံပိုင် သတင်းစာများအနေနှင့် လူထု သိသင့်သည့် အချက်အလက်များကို ပွင့်ပွင့်လင်းလင်းချပြရန် လိုအပ်ကြောင်း ၎င်းက ဆိုသည်။

"ဝေဖန်ဖို့ တွန့်နေတာလား၊ ညွှန်ကြားချက်ကြောင့် လားတော့ မသိဘူး၊ မီဒီယာဆိုရင် အစိုးရဖြစ်ဖြစ်၊ ပုဂ္ဂလိကဖြစ်ဖြစ်၊ အမှန်ကို ရေးဖို့လိုတယ်" ဟု သူက ဆက်ပြောသည်။

လက်ပံတောင်းတောင် သပိတ်စခန်း ဖြိုခွဲသည့် သတင်းများကို နိုင်ငံပိုင်သတင်းဌာနများတွင် ယနေ့အထိ ဖြစ်စဉ်အတိုင်း ဖော်ပြခြင်းမရှိဘဲ ဒုဝန်ကြီးများက လူနာများကို သွားရောက် အားပေးသည့် သတင်းနှင့် ဆရာတော်များထံမှ သြဝါဒ ခံယူသည့် သတင်းစသည့် သတင်းတချို့ကိုသာ ဖော်ပြထားကြောင်း တွေ့ရသည်။

နိုဝင်ဘာ ၂၉ ရက်နေ့က လက်ပံတောင်းတောင် သပိတ်စခန်းမှ လူထုနှင့် သံဃာတော်များကို တာဝန်ကျ ရဲတပ်ဖွဲ့က လက်နက်သုံး ဖြိုခွင်းလိုက်ရာမှ သပိတ်မှောက်သူများ မီးလောင်ဒဏ်ရာ ပြင်းထန်စွာ ရရှိခဲ့သည်။

ယခုအခါ အစိုးရက စုံစမ်းရေး ကော်မရှင်ဖွဲ့စည်း၍ ညှိနှိုင်းအစည်းအဝေး ကျင်းပနေပြီ ဖြစ်ကြောင်း ယမန်နေ့ထုတ် နိုင်ငံပိုင် သတင်းစာများတွင် ဖော်ပြထားသည်။

ယနေ့နံနက်တွင် ရန်ကုန်တိုင်းဒေသကြီး လွှတ်တော်၌ ကျင်းပသည့် လက်ပံတောင်းတောင် ကိစ္စ စုံစမ်းရေးကော်မရှင်၏ သတင်းစာရှင်းလင်းပွဲတွင် ယင်းကော်မရှင်ဥက္ကဋ္ဌ ဒေါ်အောင်ဆန်းစုကြည်က သတင်းထောက်များအား ဖြစ်ရပ်မှန်နှင့် နောက်ခံ အခင်းအကျင်းများကို သေချာစွာ စုံစမ်းပြီးမှ မှန်ကန်စွာ ရေးသားကြရန် ပြောကြားခဲ့သည်။

မန်းသံဃာအပါးများ၏ အိမ်တော်ရာထိုင်သပိတ်စတင်

မန္တလေးမြို့ အိမ်တော်ရာ ဘုရားဝင်း အတွင်းယနေ့ ဒီဇင်ဘာလ(၆)ရက်နေ့ နေ့လည် (၁)နာရီဝန်းကျင်၌ မန်း သံဃာတော် အပါး(၁၀၀)မှ ထိုင်သပိတ် စတင်ပြီဖြစ်သည်။

မန်းသံဃာများ ထုတ်ပြန် တောင်းဆိုထားသည့် အချက်များမှာ (၅)ရက်အတွင်း ထူးခြားမှု မရရှိသဖြင့် ယခုကဲ့ ဆန္ဒထုတ်ဖော် ရခြင်းဖြစ်ကြောင်း ကိုလည်း သိရသည်။

ထိုင်သပိတ်ပါ ကိုယ်တော်များမှ  ကြေးနီတောင် စီမံကိန်းကိစ္စကို ဒေသခံပြည်သူများ ကျေနပ်သည် အထိ ဆောင်ရွက်ပေးရန် ၊ အကြမ်းဖက်နှိမ်နင်းရာတွင် တာဝန်ရှိသူများအား ထိရောက်စွာ အရေးယူဆောင် ရွက်ရန်၊ နိုင်ငံတော်သမ္မတနှင့်အစိုးရအဖွဲ့ဝင်များက ထိခိုက်ဒဏ်ရာရ သံဃာတော်များကို အမြန်ဆုံး ၀န်ချတောင်းပန်ရန်နှင့် မီးလောင်ဗုံးသင့် သံဃာတော် ဓါတ်ပုံ ပိုစတာများနှင့် သာသနာ့အလံများ ကိုင်ဆောင်ထားကြောင်း တွေ့ရှိရသည်။

မင်းမင်းလတ်-မန္တလေး(မြစ်မခ)
by Myit Makha Mediagroup

ကမ္ဘာပျက် ရက်စွဲအကြောင်း စကားဝိုင်း ကျင်းပခဲ့

၂၀၁၂ ခုနှစ် ဒီဇင်ဘာလ ၂၁ ရက်နေ့မှာ ကျရောက်မယ်လို့ ကမ္ဘာတစ်လွှားမှာ ပြောဆို နေကြတဲ့ ကမ္ဘာပျက် ရက်စွဲ အကြောင်းနဲ့ပတ်သက်ပြီး ကြိုးကြာနီ

စာပေတိုက်မှ ကြီးမှူးကာ စကားဝိုင်း အဖြစ် ကျင်းပမှုကို ဒီဇင်ဘာလ ၄ ရက်နေ့က Central Hotel မှာပြုလုပ်ခဲ့ တယ်လို့ သိရပါတယ်။ အဆိုပါ စကားဝိုင်းဟာ စာရေးဆရာ သတိုးတေဇ ရေးသားထားတဲ့ ကမ္ဘာပျက် ရက်စွဲ စာအုပ်ကို အခြေခံပြီး ဟောပြော ဆွေးနွေး ခဲ့တာ ဖြစ်ပါတယ်။

 

ဒီလို ဆွေးနွေးရာမှာ ကမ္ဘာပျက် ရက်စွဲ စကားဝိုင်းကို ရာသီခွင်နဲ့လက္ခဏာ အမြင်များ အတွက် ဆရာစံ-ဇာဏီဘိုနဲ့ စာရေးဆရာ မင်းခိုက်စိုးစန် တို့က ဆွေးနွေးခဲ့ ကြတာ ဖြစ်ပါတယ်။ စာရေးဆရာ သတိုးတေဇ ရေးသား ထားထားတဲ့ ကမ္ဘာပျက် ရက်စွဲစာအုပ် မှာတော့ ကမ္ဘာပျက်ခြင်း အကြောင်း၊ Maya Calendar အကြောင်း၊ Hopi လူမျိုးစုအကြောင်း၊ အီဂျစ်လူမျိုး၊ Tiponi လူမျိုးများ စပ်ဆက်နေပုံ များကို ရေးသား ထားတာ ဖြစ်ပါတယ်။ အခုလို စကားဝိုင်း အဖြစ် ဆွေးနွေးခဲ့တဲ့ စာအုပ် တစ်အုပ်ကို ဖတ်ရှုလိုသူတွေ အတွက် ကိုတော့ တစ်အုပ်ကို ကျပ် ၂၂၀၀နဲ့ ရောင်းချ သွားမှာ ဖြစ်တယ်လို့ သိရပါတယ်။

မြန်မာ တံခါးဖွင့်ပေမယ့် အမေရိကန်တွေ အလောမကြီး

အမေရိကန်တွေ လာတာ ကြာတယ်၊ နှေးတယ်။ ဒါပေမယ့် ဆင်သွားရင် လမ်းဖြစ်တယ်။ (ဓာတ်ပုံ- Reuters)

စီးပွားရေး ဝုန်းခနဲ ထလာနိုင်တဲ့ လက္ခဏာတွေ မြန်မာပြည်မှာ ပြည့်နေတယ်။ ရန်ကုန်သွားမယ့် လေကြောင်း လိုင်းတွေဆိုလည်း ခရီးသည်အပြည့်၊ ဟိုတယ်ခန်းတွေဆိုလည်း အကုန်ဘွတ်ကင် လုပ်ပြီးသား၊ နိုင်ငံခြားသားတွေ အသွားများတဲ့ ဘားဆိုင်တွေမှာဆိုလည်း ကာကီအင်္ကျီနဲ့ ဂျင်းဘောင်းဘီဝတ် ဝဝ ဖြိုးဖြိုး အနောက်နိုင်ငံသားတွေ ကြိတ်ကြိတ်တိုးလို့ ၂၁ ရာစု ငွေရှာသူတွေဟာ အကျိုးစီးပွားကိုယ်စီနဲ့ ဒီရွှေနိုင်ငံဆီ တဖြည်းဖြည်း ခြေဦးလှည့်နေကြပါတော့တယ်။

မြန်မာပြည်ရဲ့ လက်ရှိအနေအထားကို ထပ်ပြီး မြှင့်တင်ပေးလိုက်တာကတော့ အမေရိကန်သမ္မတ ဘားရက် အိုဘား မားရဲ့ နိုဝင်ဘာလ ၁၉ ရက်နေ့ ခရီးစဉ်ပါပဲ။ ရေရှည် အထီးကျန်နိုင်ငံတခုကို နိုင်ငံတကာမိသားစုဆီ ပြန်ဝင်ခွင့်ရစေဖို့ နိုင်ငံရေးအရ ဦးဆောင်မှုပေးခဲ့တဲ့ တာဝန်ထမ်းဆောင်ဆဲ သမ္မတတယောက်ရဲ့ ပထမဆုံး ဒီခရီးစဉ်ကို နိုင်ငံတကာ ရင်းနှီးမြှုပ်နှံသူတွေ သတိမထားမိဘဲနေမှာ မဟုတ်ပါဘူး။ ဒါပေမယ့် အမေရိကန်ကုမ္ပဏီတွေကတော့ ရင်းနှီးမြှုပ်နှံမှု တွေ ကြီးကြီးမားမားလုပ်မယ့် လက္ခဏာတစုံတရာ အခုထိမပြသေးတဲ့အပြင် အဲ့ဒီကုမ္ပဏီတွေက သိပ်မကြာခင်မှာ သူ တို့ရပ်တည်ချက် ပြောင်းလိမ့်မယ်ဆိုတာကိုလည်း လူအနည်းငယ်လောက်ကပဲ မျှော်လင့်ထားကြပါတယ်။

အမေရိကန်အစိုးရအနေနဲ့ မြန်မာနိုင်ငံအပေါ်ချမှတ်ထားခဲ့တဲ့ ဒဏ်ခတ်အရေးယူမှုတွေကို တဖြေးဖြေး လျှော့ချပေးနေ တာပါ၊ ဒါပေမယ့် မြန်မာနိုင်ငံထဲက စီးပွားရေးလုပ်ငန်းတွေအပေါ် ဥပဒေကြောင်းအရ ကန့်သတ်ထားချက်တွေ အများ စုကိုတော့ ရုတ်တရက် ရပ်ဆိုင်းပေးတာမျိုး မဖြစ်နိုင်ပါဘူး။ ဒဏ်ခတ်အရေးယူထားတာတွေ ပြန်ရုတ်သိမ်းဖို့ အချိန်ယူ ရမှာ ဖြစ်တဲ့အပြင် လာဘ်ပေးလာဘ်ယူမှုတွေအပေါ် စိုးရိမ်မှုတွေလည်း ရှိနေပြီး နောက်ပိုင်းက နိုင်ငံရေးဖိအားတွေ လည်း ရှိနေတာမို့ အမေရိကန်ကုမ္ပဏီတွေအနေနဲ့ မြန်မာနိုင်ငံထဲဝင်ပြီး လုပ်ငန်းကြီးတွေ မြန်မြန်ဆန်ဆန်နဲ့ လုပ်ကိုင် ဖို့အရေးကို ရှုပ်ထွေးခက်ခဲစေပါတယ်။ တဖက်မှာလည်း ဘယ်အရာတွေကို သူတို့လုပ်နိုင်တယ်၊ ဘယ်အရာတွေကို မလုပ်နိုင်ဘူးဆိုတဲ့အပေါ် သူတို့အနေနဲ့ ရှင်းရှင်းလင်းလင်း မရှိတဲ့အပြင် လုပ်ငန်းအစီရင်ခံမှုနဲ့ပတ်သက်တဲ့ လိုအပ်ချက် အသစ်တွေကလည်း သူတို့ကို ဝန်ထုပ်ဝန်ပိုး ဖြစ်စေပြန်ပါတယ်။ ဒါ့ပြင် မြန်မာနိုင်ငံနဲ့ အမေရိကန်ပြည်ထောင်စု ၂ ခု စလုံး ရဲ့ မူဝါဒအပြောင်းအလဲတွေ မြဲပါ့မလားဆိုတဲ့အပေါ်မှာလည်း သူတို့က သံသယ တဝဲဝဲ ဖြစ်နေကြတာပါ။

ဒါပေမယ့် မြန်မာနိုင်ငံလို ဘယ်သူမှမထိရသေးတဲ့ နောက်ဆုံးကျန် ဈေးကွက်ကြီးတခုကလည်း သူတို့အတွက် ပစ်ရမှာ အဆီတဝင်းဝင်း ဖြစ်နေပါတယ်။ ဒီနိုင်ငံထဲ ဝင်ရောက်လုပ်ကိုင်မယ်ဆိုရင် ရေနံနဲ့သဘာဝဓာတ်ငွေ့၊ ရေအားလျှပ်စစ်၊ သစ်၊ ကျောက်မျက်နဲ့ ကမ္ဘာပေါ်က မြေသြဇာအကောင်းဆုံး မြေယာတချို့အပါအဝင် ထင်ရှားတဲ့ သဘာဝ သယံဇာတ တွေကိုလည်း လက်လှမ်းမီနိုင်တာကိုး။ အိန္ဒိယနဲ့ ကမ္ဘာပေါ်မှာ စီးပွားရေးအရ တိုးတက်မှု အမြန်ဆုံးဖြစ်တဲ့ တရုတ် နိုင်ငံတွေကြားမှာ တည်ရှိနေပေမယ့် ယနေ့မြန်မာနိုင်ငံမှာ အင်တာနက်နဲ့ မိုဘိုင်းဖုန်းအသုံးပြုမှုဟာ ကမ္ဘာပေါ် အဆင့်အနိမ့်ဆုံး နိုင်ငံတနိုင်ငံ ဖြစ်နေတာပါ။ လမ်း၊ ဆိပ်ကမ်း၊ ဟိုတယ်၊ ဆေးရုံ၊ ကျောင်းနဲ့ လျှပ်စစ်စွမ်းအား အဆင့်အတန်းတွေဟာလည်း အလားတူပါပဲ။

မြန်မာနိုင်ငံအပေါ် အမေရိကန်အစိုးရက ချမှတ်ထားတဲ့ ဒဏ်ခတ်အရေးယူမှုတွေကို ပြတ်ပြတ်သားသားနဲ့ ရုတ်သိမ်း လိုက်တာမျိုး ကုမ္ပဏီအတော်များများက မြင်ချင်ကြတာပါ။ ဒါပေမယ့် ဒီကိစ္စနဲ့ပတ်သက်ပြီး ဆွေးနွေးရာမှာ အရင်းခံကျတာကတော့ အမေရိကန်ကုမ္ပဏီတွေက မြန်မာနိုင်ငံမှာ ဘယ်လိုအခန်းကဏ္ဍကနေ ပါဝင်ဆောင်ရွက်သင့် သလဲဆိုတဲ့ မေးခွန်းတွေဖြစ်ပါတယ်။ သမ္မတအိုဘားမားကတော့ အမေရိကန်ကုမ္ပဏီတွေအနေနဲ့ "စံနမူနာပြ ဦးဆောင်" ရမယ်လို့ ရန်ကုန်တက္ကသိုလ်မှာ ပြောသွားခဲ့ပါတယ်။

စီးပွားရေးလုပ်ငန်းတွေကို လက်တွေ့ဆောင်ရွက်ရာမှာ ကောင်းမွန်တဲ့ အလေ့အထတွေနဲ့ ဆောင်ရွက်နိုင်ဖို့ သူ့အစိုးရ က တွန်းအားပေးနေတာပါ။ လုပ်ငန်းဆောင်ရွက်ရာမှာ ပွင့်လင်းမြင်သာမှု ရှိလာစေဖို့အတွက်လည်း မြန်မာပြည်မှာ ဒေါ်လာ ၅ သိန်းအထက် ရင်းနှီးမြှုပ်နှံတဲ့ ကုမ္ပဏီတွေအနေနဲ့ နိုင်ငံခြားရေးဝန်ကြီးဌာနကို အသေးစိတ်အစီရင်ခံဖို့ လိုမယ်လို့ ဆိုပါတယ်။ အဲ့ဒီထဲက တချို့အချက်အလက်တွေကို အများပြည်သူသိအောင် လုပ်ပေးမယ်လို့လည်း ပြောပါတယ်။ ဒါ့ပြင် အမေရိကန်ကုမ္ပဏီကြီးတွေအနေနဲ့ မြန်မာပြည်က အကြီးဆုံးနဲ့ ခြအစားဆုံး စီးပွားရေးသမား တွေနဲ့ လုပ်ငန်းပူးတွဲ မလုပ်ဖို့ကိုလည်း အမေရိကန်အစိုးရက ပိတ်ပင်ထားပါသေးတယ်။

စီးပွားရေးလုပ်ငန်း အပြိုင်အဆိုင်လုပ်ရာမှာ အမေရိကန်ကုမ္ပဏီကြီးတွေအတွက် နစ်နာစေမယ့် အဲ့ဒီတားမြစ်ကန့်သတ် ချက်တွေကြောင့် အမေရိကန်အစိုးရရဲ့ ရည်မှန်းချက် ပြည့်မပြည့်ဆိုတာကတော့ အခြေအတင် ဆွေးနွေးကြတဲ့အပေါ် မူတည်ပါတယ်၊ ဒါပေမယ့် ဒီစဉ်းစားချက်တွေက ရေရှည်မှာ တန်ဖိုးရှိကောင်း ရှိလာပါလိမ့်မယ်။

သမိုင်းပညာရှင်၊ စာရေးဆရာနဲ့ သမ္မတအကြံပေး ဦးသန့်မြင့်ဦးကတော့ မြန်မာပြည်ရင်ဆိုင်နေရတဲ့ အကြီးမားဆုံး စိန်ခေါ်ချက်ဟာ အပြောင်းအလဲအရှိန်ကို အထောက်အကူပြုနိုင်မယ့် စီးပွားရေးပုံစံသစ် ရှာဖွေတာဖြစ် တယ်လို့ ဆိုပါတယ်။

"ရာစုနှစ် ထက်ဝက်လောက် ဖရိုမရဲဖြစ်ခဲ့ပြီးတဲ့နောက် ပြုပြင်ပြောင်းလဲရေးဖြစ်စဉ်ကို လမ်းကြောင်းပေါ်ဆက်ရှိနေစေဖို့ နဲ့ တချိန်တည်းမှာလည်း လူတွေအတွက် ဝင်ငွေရဖို့နဲ့ အလုပ်အကိုင်တွေဖန်တီးပေးဖို့ တိုင်းပြည်စီးပွားရေးကို ဘယ်လို ပြင်ဆင်ရမယ်ဆိုတာ ဘယ်သူမှ မသိဘူးဖြစ်နေတယ်" လို့ သူက ပြောပါတယ်။

မြန်မာပြည်မှာ ကနေ့လွှမ်းမိုးထားတဲ့ စီးပွားရေးပုံစံ ၂ ခု (ခရိုနီ စီးပွားရေးသမားတွေနဲ့ တရုတ် ရင်းနှီးမြှုပ်နှံသူတွေ စီးပွားရေး မဟာမိတ်ဖွဲ့ထားကြတာ ဒါမှမဟုတ် လက်ဝဲ အထီးကျန် စီးပွားရေးပုံစံ) မှာ ဘယ်ဟာ ကမှ တိုင်းပြည်ကို တိုးတက်စေဖို့ လမ်းမဖောက်ပေးနိုင်ဘူးလို့လည်း သူက ဆိုပါသေးတယ်။ အမေရိကန် စီးပွားရေး လုပ်ငန်းတွေက တတိယနည်းလမ်း စဉ်းစားနိုင်ဖို့ အထောက်အကူဖြစ်စေလိမ့်မယ်လို့ သူက မျှော်လင့်နေတာပါ။

အမေရိကန်ပြည်ထောင်စုအနေနဲ့ ဒဏ်ခတ်အရေးယူမှုတွေ လျှော့ပေးတာ၊ သက်တမ်းတိုးတာ ဒါမှမဟုတ် ကန့်သတ် ချက်တွေကို တိုးမြှင့်တာ၊ ပြီးတော့ တချို့ကန့်သတ်ချက်တွေကို လျှော့ချတာတွေကို အချိန်နဲ့တပြေးညီ ဆောင်ရွက်ခဲ့ တာ ဖြစ်ပါတယ်။ ဒီလိုဆောင်ရွက်ခဲ့တဲ့အတွက် မြန်မာပြည်က နိုင်ငံရေးပြုပြုပြောင်းလဲမှုတွေ အရှိန်လျော့သွားရင် အမေရိကန်အစိုးရအနေနဲ့ ထိထိရောက်ရောက် တုံ့ပြန်ဆောင်ရွက်ခွင့် ရလာစေပါတယ်၊ ဒါပေမယ့် တချိန်တည်း မှာလည်း အဲ့ဒီလို ဆောင်ရွက်ချက်က ရင်းနှီးမြှုပ်နှံသူတွေအတွက် ရှုပ်ထွေးစရာတွေ ဖြစ်လာစေပါတယ်။

မြန်မာစစ်အစိုးရက ဒီမိုကရေစီရေးဆန္ဒပြသူတွေကို ရက်ရက်စက်စက် နှိမ်နင်းခဲ့တဲ့ ၁၉၈၈ လူထုအုံကြွမှုကြီးအပြီးမှာ အမေရိကန်ပြည်ထောင်စုက မြန်မာနိုင်ငံအပေါ် ပထမဆုံး ဒဏ်ခတ်အရေးယူခဲ့တာပါ။ အဲဒီ့ကာလနောက်ပိုင်း ဆယ်စု နှစ် ၂ ခုအတွင်းမှာတော့ မြန်မာပြည်မှာဖြစ်ပေါ်နေတဲ့ လူ့အခွင့်အရေးချိုးဖောက်မှုတွေ၊ အတိုက်အခံအင်အားစုအပေါ် နှိပ်ကွပ်နေတာတွေကို တုံ့ပြန်ဆောင်ရွက်တဲ့အနေနဲ့ အမေရိကန်အစိုးရက ဒဏ်ခတ်အရေးယူမှုတွေ တသီတတန်း တိုး မြှင့် ချမှတ်ခဲ့ပါတယ်။

အမေရိကန်လွှတ်တော် သုတေသန ဌာနခွဲ (Congressional Research Service) က အာရှရေးရာ အထူးကျွမ်းကျင်သူ မိုက်ကယ် မာတင် (Michael Martin) ရဲ့ အသေးစိတ်လေ့လာချက်အရ မြန်မာပြည်အပေါ် အမေရိကန်အစိုးရက သီးသန့် ချမှတ်ခဲ့တဲ့ ဒဏ်ခတ်အရေးယူမှုတွေဟာ ဖက်ဒရယ်ဥပဒေ ၆ ရပ်နဲ့ အုပ်ချုပ်ရေး အမိန့်အများအပြားအရ ချမှတ်ခဲ့တာဖြစ်ပြီး တချို့ ပြဌာန်းချက်တွေဆိုရင် တခုနဲ့တခု ထပ်နေတယ်လို့တောင် သိရပါတယ်။ ဒါ့ပြင် တားမြစ်အမိန့်လို့ခေါ် တဲ့ ဥပဒေတွေ ဥပမာ – ကလေးစစ်သားအသုံးပြုတဲ့ မြန်မာနိုင်ငံလို ဘယ်နိုင်ငံကိုဖြစ်ဖြစ် အမေရိကန်ပြည်ထောင်စုက စစ်သင်တန်းပေးတာနဲ့ လက်နက်ရောင်းချတာမလုပ်ဖို့ တားမြစ်ထားတာတွေလည်း ရှိတယ်လို့ သိရပါတယ်။

ဒါပေမယ့် အမေရိကန်အစိုးရအနေနဲ့ မြန်မာပြည်က ပြုပြင်ပြောင်းလဲရေး ကြိုးပမ်းမှုတွေအပေါ် မြန်မြန်ဆန်ဆန်ပဲ တုံ့ပြန်ခဲ့တာပါ။ မြန်မာအစိုးရက နိုင်ငံရေးအကျဉ်းသားတွေ လွှတ်ပေးပြီး ကြားဖြတ်ရွေးကောက်ပွဲကျင်းပပေးခဲ့တာမို့ အမေရိကန်အစိုးရ က ရင်းနှီးမြှုပ်နှံမှုအသစ်ဆိုင်ရာ၊ ဘဏ္ဍာရေးဝန်ဆောင်မှုတွေဆိုင်ရာ၊ ဘက်ပေါင်းစုံ အကူအညီပေးရေးဆိုင်ရာနဲ့ နောက်ဆုံး မြန်မာပြည်က တင်ပို့ကုန်ဆိုင်ရာတွေမှာ ကန့်သတ်ချက်တွေကို ဆိုင်းငံ့ပေးခဲ့ပါတယ်။

အခုဆိုရင် အမေရိကန် ကုမ္ပဏီကြီးတွေအတွက် ဥပဒေကြောင်းအရ အကြီးမားဆုံးပိတ်ဆို့မှုအဖြစ် ရှိနေသေးတာက တော့ စီးပွားရေးအတူ လုပ်လို့မရဘူးလို့ တားမြစ်ထားတဲ့ "သီးသန့် မြန်မာနိုင်ငံသားများ" နဲ့ ကုမ္ပဏီ စာရင်းပဲ ဖြစ်ပါတယ်။ အဲ့ဒီနိုင်ငံသားတွေနဲ့ ကုမ္ပဏီတွေဟာ အကြမ်းဖက်မှုတွေ၊ ဖိနှိပ်မှုတွေနဲ့ လာဘ်ပေးလာဘ်ယူမှုတွေမှာ အချိတ်အဆက်ရှိတယ်လို့ စွပ်စွဲခံထားရတာမို့ အမေရိကန်ကုမ္ပဏီတွေ လုပ်ငန်းအတူ တွဲမလုပ်ရဆိုပြီး တားမြစ်ထားတာပါ။ ဒါပေမယ့် မြန်မာနိုင်ငံထဲမှာ အခြေအနေက မှန်မှန်ကန်ကန်နဲ့ တည်တည်ငြိမ်ငြိမ်မရှိတဲ့အပြင် ခရိုနီတွေက လည်း နာမည်မျိုးစုံသုံးပြီး လက်အောက်ခံကုမ္ပဏီတွေ ထောင်တဲ့ အလေ့အထရှိကြတာမို့ အဲ့ဒီစာရင်းအတိုင်း လိုက် လုပ်ဖို့ အခက်အခဲရှိတယ်လို့ သူတို့က ညည်းညူကြပါတယ်။

"အစိုးရထဲမှာ ပြုပြင်ပြောင်းလဲလာဖို့ ကျနော်တို့ တွန်းအားပေးနေကြပါတယ်။ လူပုဂ္ဂိုလ်တယောက်ချင်းကိုတော့ ပြုပြင် ပြောင်းလဲအောင် ကျနော်တို့ တွန်းအားပေးလို့ မရပါဘူး" လို့ ဟောင်ကောင်အခြေစိုက် အမေရိကန်ကုန်သည်ကြီးများ အသင်း ဥက္ကဌ ရစ်ချတ် ဗိုင်းလ်စတိခ် (Richard Vuylsteke) က ပြောပါတယ်။ ဒဏ်ခတ်စာရင်းကို အမြန်ဆုံး လျှော့ချ ဖို့နဲ့ "အဲ့ဒီပုဂ္ဂိုလ်တွေကို လက်ရှိသွားနေတဲ့ စနစ်ထဲမှာ ပူးပေါင်းပါဝင်လာအောင် မက်လုံးပေးဖို့" ကိုလည်း သူက အမေ ရိကန်အစိုးရကို တိုက်တွန်းပါသေးတယ်။

အမေရိကန်အစိုးရဟာ မြန်မာနိုင်ငံအပေါ်ချမှတ်ခဲ့တဲ့ ဒဏ်ခတ်အရေးယူမှုတွေကို ပယ်ဖျက်မယ့်အစား ဆိုင်းငံ့ထားခဲ့ တာပါ (တချို့ကို ပယ်ဖျက်မယ်ဆိုရင် လွှတ်တော်ရဲ့ အတည်ပြုချက် လိုပါတယ်)။ ဆိုလိုတာကတော့ မြန်မာပြည်ရဲ့ ပြု ပြင်ပြောင်းလဲမှု အရှိန်ပျက်သွားတယ်ဆိုရင် အဲ့ဒီအရေးယူမှုတွေကို ပြန်လည်အသက်သွင်းနိုင်တဲ့ သဘောပါပဲ။ အမေရိ ကန်အစိုးရအနေနဲ့ ရှေ့ကို အလှမ်းကြီးတလှမ်း လှမ်းတိုင်းမှာ နောက်ကို အလှမ်းငယ်တလှမ်း ဆုတ်လေ့ရှိပါတယ်။

သမ္မတအိုဘားမား ရန်ကုန်မသွားခင် ၃ ရက်မှာ အမေရိကန်အစိုးရက မြန်မာပြည်က အထည်အလိပ်တင်ပို့ခွင့် တား မြစ်ထားမှုကို ဆိုင်းငံ့ပေးလိုက်ပါတယ်။ ဒါဟာ မြန်မာနိုင်ငံရဲ့ အထည်အလိပ်လုပ်ငန်း ပြန်လည် အသက်ဝင်လာစေဖို့ မျှော်လင့်နိုင်တဲ့ လုပ်ရပ်ပါ။ ဒါပေမယ့် တချိန်တည်းမှာလည်း အမေရိကန်ကုမ္ပဏီကြီးတွေ လုပ်ငန်းအတူလုပ်ခွင့်မရှိတဲ့ စာရင်းထဲမှာ ကုမ္ပဏီ ၇ ခုကို အမေရိကန်အစိုးရက ထပ်ထည့်လိုက်ပြန်ပါတယ်။

ဇူလိုင်လတုန်းကဆိုရင်လည်း အမေရိကန်အစိုးရက မြန်မာနိုင်ငံအပေါ် ချမှတ်ခဲ့တဲ့ ရင်းနှီးမြှုပ်နှံမှုအသစ်နဲ့ ဘဏ္ဍာရေး ဝန်ဆောင်မှုပေးရေးဆိုင်ရာ တားမြစ်ချက်ကို ဆိုင်းငံ့လိုက်တာနဲ့ တချိန်တည်းမှာ အခြားဆောင်ရွက်ချက်တရပ်ကို လုပ် ခဲ့ပါသေးတယ်။ အဲ့ဒါကတော့ အမေရိကန်ကုမ္ပဏီတွေရဲ့ လုပ်ငန်းအစီရင်ခံစာတင်သွင်းမှု အပိုင်းမှာ ထည့်သွင်းရမယ့် အချက်တွေကို ထပ်ဖြည့်တာနဲ့ ပြုပြင်ပြောင်းလဲမှုကို အားနည်းစေသူ၊ လူ့အခွင့်အရေးချိုးဖောက်မှုတွေမှာ ပါဝင်ပတ် သက်သူ ဒါမှမဟုတ် မြောက်ကိုရီးယားနဲ့ စစ်ဘက်ကုန်သွယ်မှုတွေမှာ ပါဝင်ပတ်သက်သူတွေကို ဒဏ်ခတ်အရေးယူ မယ့်သူစာရင်းထဲ ထပ်ဖြည့်လိုက်တာပါပဲ။ အဲ့ဒီလိုဆောင်ရွက်တာတာ "မတော်မတရားမှုတွေ၊ ခြစားမှုတွေ ဒါမှမဟုတ် တိုးတက်မှုတွေကို မတည်မငြိမ်ဖြစ်စေတဲ့ လုပ်ရပ်တွေမှာ ပါဝင်ပတ်သက်သူတွေအနေနဲ့ ပြုပြင်ပြောင်းလဲမှုရဲ့ အသီးအပွင့်ကို ခံစားရမှာမဟုတ်ဘူးဆိုတာကို" ရှင်းရှင်းလင်းလင်း စကားပါးတာဖြစ်တယ်လို့ အိမ်ဖြူတော်က ပြောပါတယ်။

အမေရိကန်ကုမ္ပဏီတွေဟာ သူတို့အစိုးရက မြန်မာပြည်နဲ့ပတ်သက်ပြီး ချမှတ်ထားတဲ့ ဒဏ်ခတ်အရေးယူမှုတွေအပြင်

တကယ်လို့ စီးပွားရေးလုပ်ငန်းအတူလုပ်ဖို့ မြန်မာပြည်ထဲမှာ ပါတနာမှားပြီးရွေးမိတယ်ဆိုရင်လည်း သူတို့နိုင်ငံက တင်းကျပ်တဲ့ ချစားမှုတိုက်ဖျက်ရေးဥပဒေတွေနဲ့ ရင်ဆိုင်ရရုံသာမကပဲ အဲ့ဒီလို လုပ်ငန်းတွဲလုပ်မိတဲ့အတွက် သူတို့ရဲ့

ဂုဏ်သတင်းထိခိုက်နိုင်တဲ့ အန္တရာယ်နဲ့လည်း ကြုံရနိုင်ပါတယ်။

"မြန်မာပြည်မှာက စီးပွားရေးလုပ်ငန်းလုပ်တဲ့နေရာမှာ ခြစားမှုတွေနဲ့ ပြည့်နေတာ၊ အမေရိကန်မှာဆိုရင်တော့ အဲ့ဒါ တွေက ဥပဒေကြောင်းနဲ့ ညှိနေတာလေ" လို့ အမေရိကန် သံရုံးတာဝန်ခံအဖြစ် ၁၉၉၉ ကနေ ၂၀၀၂ အထိ ရန်ကုန် အမေရိကန်သံရုံးမှာ တာဝန်ထမ်းဆောင်ခဲ့တဲ့ ပရစ်စီလီယာ ကလက်ပ် (Priscilla Clapp) က ဆိုပါတယ်။ "အမေရိကန် စီးပွားရေးလုပ်ငန်းတွေက အမေရိကန်စည်းမျဉ်းစည်းကမ်းတွေကို လိုက်နာရမှာဖြစ်ပါတယ်။ မြန်မာစီးပွားရေးလုပ်ငန်း တွေနဲ့ ပါတနာလုပ်မယ်ဆိုရင်လည်း ကျမတို့ စည်းမျဉ်းစည်းကမ်းတွေအတိုင်းပဲ လုပ်ရမှာဖြစ်ပါတယ်။ အဲ့ဒီလို လုပ်ဖို့က မလွယ်လှပါဘူး၊ ဘာဖြစ်လို့လဲဆိုတော့ ရာစုနှစ်နဲ့ချီနေတဲ့ လုပ်ရပ်ဆိုးတွေကို ပြောင်းပစ်ရမှာကိုး" လို့လည်း သူက ပြောပါတယ်။

အမေရိကန် စီးပွားရေးလုပ်ငန်းတွေ အခုလို အခြေအနေနဲ့ ကြုံနေခိုက်မှာ အခြားနိုင်ငံကုမ္ပဏီတွေကတော့ မြန်မာ

ပြည်ထဲကို တဖြေးဖြေးနဲ့ ဝင်ရောက်နေကြပါပြီ။

"မြန်မာပြည်ဟာ အမေရိကန်ကုမ္ပဏီတွေအတွက် လေဟာနယ်ဖြစ်နေခဲ့တာ ဆယ်စုနှစ် ၂ စုရှိပါပြီ" လို့ ဝါရှင်တန် အခြေစိုက် အမေရိကန်ကုန်သည်ကြီးများအသင်းရဲ့ အရှေ့တောင်အာရှဆိုရင် အကြီးတန်း ဒါရိုက်တာ ဂျွန် ဂိုယာ (John Goyer) က ဆိုပါတယ်။ "ဈေးကွက်နဲ့ လုပ်ငန်းလည်ပတ်မှုဆိုင်ရာတွေကို သူတို့ အများကြီး လေ့လာရပါအုံး မယ်။ တရုတ်၊ ထိုင်းနဲ့ မလေးရှားနိုင်ငံတွေကတော့ ဘယ်သူတွေက အရေးပါကြတယ်ဆိုတာကို သိတယ်ဆိုတော့ လုပ်ငန်းဝန်းကျင်ကို သိတာပေါ့ဗျာ။ ဒါက သူတို့အတွက် တပန်းသာမှုပေါ့" လို့ သူက ပြောပါတယ်။

အမေရိကန်ပြည်ထောင်စုအနေနဲ့ အခြားနိုင်ငံက ကုမ္ပဏီတွေ ဥပမာ – ဂျပန်ကုမ္ပဏီတွေနဲ့ ယှဉ်ရင် အားနည်းချက်တခု ရှိပါတယ်။ အဲ့ဒါကဘာလဲဆိုတော့ အဲ့ဒီကုမ္ပဏီတွေက သူတို့ အစိုးရတွေနဲ့ ပေါင်းပြီး ရင်းနှီးမြှုပ်နှံမှု၊ အကူအညီနဲ့ ကြွေးမြီပလပ်လိုက်တာတွေကို တပြိုင်ထဲ လုပ်နိုင်တာပါပဲ။

"အာရှက ကုမ္ပဏီတွေဟာ ငွေကြေးဆိုင်ရာ အကူအညီ အစီအစဉ်တွေ အားလုံးနဲ့ ပေါင်းစပ်ထုပ်ပိုးပြီး စီးပွားရေး အပေးအယူ လုပ်နိုင်တာ ဖြစ်ပါတယ်" လို့ ဂျွန် ဂိုယာက ဆိုပါတယ်။ အမေရိကန်ပြည်ထောင်စုမှာဆိုရင်တော့ "ပုဂ္ဂလိက ကုမ္ပဏီတွေ နိုင်ငံတနိုင်ငံထဲသွားပြီး ဆိပ်ကမ်းတွေ၊ မီးရထားလမ်းတွေ ဒါမှမဟုတ်လည်း အခြေခံအဆောက်အအုံတွေ တည်ဆောက်တာတွေ အတွက် အစိုးရက အကန့်အသတ်မရှိ အထောက်အပံ့ပေးတာမျိုး မရှိပါဘူး" လို့လည်း သူက ဖြည့်ပြောပါသေးတယ်။

အမေရိကန်-အာဆီယံ စီးပွားရေးကောင်စီရဲ့ မြန်မာနိုင်ငံဆိုင်ရာ တွဲဖက်ဒါရိုက်တာ အင်ထော်နီ နယ်လ်ဆင် (Anthony Nelson) ကလည်း အမေရိကန်ကုမ္ပဏီ အတော်များများအတွက် တစိမ်းပြင်ပြင် အဖြစ်ဆုံး ကမ္ဘာပေါ်က ဈေးကွက်ဟာ မြန်မာနိုင်ငံပါတဲ့။ "ဒီလို အခြေအနေမျိုးက မကြာခဏ ဖြစ်လေ့ရှိတာမျိုး မဟုတ်ပါဘူး။ နောင်လည်း ဘယ်တော့မှ ဖြစ်လာမှာ မဟုတ်ပါဘူး" လို့လည်း သူက ပြောပါတယ်။

ဒါပေမယ့် အမေရိကန်ကုမ္ပဏီတွေ မြန်မာပြည်ထဲ အလောတကြီးနဲ့ ဝင်ရောက်လုပ်ကိုင်ကြဖို့ကိုတော့ သူက မပြောပါ ဘူး။

"ဗီယက်နမ်ကို ကြည့်ကြည့်ပါ။ ကျနော်တို့ ဗီယက်နမ်နဲ့ ဆက်ဆံရေး ပုံမှန်ပြန်လည်တည်ဆောက်တဲ့အချိန်မှာ ကုမ္ပဏီ တွေ ဝင်လာပြီး နေရာယူကြတယ်။ ကိုယ်စားလှယ်ရုံးတွေလည်း ဖွင့်ကြနဲ့ပေါ့၊ ဒါပေမယ့် အဲ့ဒီလို ဖြစ်ကြတာက

အမေရိကန်ကုမ္ပဏီတွေ ရင်းနှီးမြှုပ်နှံမှု အလုံးအရင်းနဲ့ မလုပ်ခင် ၁၀-၁၅ နှစ် မတိုင်ခင်မှာ ဖြစ်ကြတာလေ။ အမေရိကန် ကုမ္ပဏီတွေ ဗီယက်နမ်ထဲဝင်တဲ့အခါမှာလည်း ရင်းနှီးမြှုပ်နှံမှုတွေ အကြီးကြီးနဲ့ ဝင်ကြတာပါ၊ ကိုယ်ဘာလုပ် မယ်ဆိုတာကို ကြည့်ဖို့ အချိန်လိုတယ်လေ" လို့ သူက ဆိုပါတယ်။

၂၀၁၃ ဧပြီလကုန်ပိုင်းတွင် ပြည်ပသို့သယ်ဆောင် ဖုန်းပြောခွင့် ရရှိနိုင်မည်

ပြည်တွင်းမှာ အသုံးပြုလျက် ရှိနေတဲ့ မိုဘိုင်းဖုန်း များကို အာဆီယံ နိုင်ငံတွေ အတွင်း သယ်ယူ ပြောဆို နိုင်ခွင့်နဲ့ပတ်သက်ပြီး လာမယ့် ၂၀၁၃ ခုနှစ် ဧပြီ

လကုန်ပိုင်း လောက်မှာ ရရှိအောင် ပြုလုပ် သွားမှာ ဖြစ်တယ်လို့ မြန်မာ့ ဆက်သွယ်ရေး လုပ်ငန်းမှ တာဝန်ရှိသူ တစ်ဦးရဲ့ ပြောပြချက် အရ သိရပါတယ်။ လက်ရှိမှာ အာဆီယံ နိုင်ငံများ အတွင်းရှိ ဖုန်းများ အားလုံးကို ပြည်တွင်းသို့ သယ်ဆောင် အသုံးပြု နေနိုင်ပြီ ဖြစ်ပါတယ်။

 

ဒါ့အပြင် အာဆီယံ ၁၀ နိုင်ငံ သာမက တရုတ်၊ ကိုရီးယားနဲ့ ဂျပန် နိုင်ငံမှ ဖုန်းများ ကိုလည်း ပြည်တွင်းမှာ အသုံးပြု နေနိုင်ပြီဖြစ်တဲ့ အတွက် ပြည်တွင်းရှိ ဖုန်းများကိုပါ အခြား အာဆီယံ နိုင်ငံများ အတွင်း သယ်ဆောင်ပြီး အသုံးပြု နေနိုင်အောင် စီစဉ် ဆောင်ရွက် ရတာ ဖြစ်ပါတယ်။ ဒါတင်မကဘဲ ပြည်တွင်း မှာလည်း မိုဘိုင်းလ် ဖုန်းတွေကို အများပြည်သူတွေ အများအပြား အသုံးပြု နိုင်အောင် စီစဉ် ဆောင်ရွက် လျက်ရှိတဲ့ အပြင် လာမယ့်နှစ် မှာလည်း မိုဘိုင်းလ်ဖုန်း စတင် တပ်ဆင်ခ တွေကို ဈေးနှုန်း ထပ်မံ လျှော့ချ ပေးသွားဖို့စီစဉ်ထားတယ် လို့လည်း သိရပါတယ်။

မြန်မာမီနီ ဆလွန်းကားများ ၀ယ်လိုအား ကျဆင်းလျက်ရှိ

မြန်မာနိုင်ငံ စက်မှုဝန်ကြီး ဌာနမှ ထုတ်လုပ် လျက်ရှိတဲ့ မြန်မာမီနီ ဆလွန်းကား များဟာ ၀ယ်လိုအား ကျဆင်းလျက် ရှိတယ်လို့ သိရပါတယ်။ အခုလို ကျဆင်းရ

တာဟာ ပြည်ပမှ တင်သွင်း လာတဲ့ ကားများ ၀င်ရောက် လာပြီးတဲ့ နောက်ပိုင်း မီနီ-ဆလွန်း ကားများမှာ တစ်ရက်ကို ပျမ်းမျှ ၃ စီးမှ ၄ စီးအထိသာ ရောင်းချ နိုင်တယ်လို့ သိရပါတယ်။ ယခင် ကတော့ အဆိုပါ မြန်မာမီနီ စလွန်းကား တွေကို တစ်ရက် ပျမ်းမျှ စီးရေ ၆ စီးလောက် ရောင်းချရတာ ဖြစ်ပါတယ်။

 

အဆိုပါ ကားများကို ကမ္ဘာအေး ဘုရားလမ်းနဲ့ချော်တွင်းကုန်း လမ်းရှိ စက်မှုဝန်ကြီး ဌာန ရွှေမြန်မာ အရောင်းဆိုင်မှာ ဆက်လက် ရောင်းချပေးလျက် ရှိပါတယ်။ အဆိုပါ မြန်မာ မီနီဆလွန်း ကားများကို ဧပြီလမှ နိုဝင်ဘာ လကုန် အထိ အစီးရေ ၆၅၀ ရောင်းချပြီး ဖြစ်ပါတယ်။ အဆိုပါ ကားများအား ၀ယ်ယူချင် ပါက ၇၅ သိန်း ပေးသွင်းရမှာ ဖြစ်ပြီး ကညန လိုင်စင် ပြုလုပ်ခြင်း၊ အခွန်စည်းကြပ်ခ ပြုလုပ်ခြင်းများ ပါဝင်ပါက ၈၁ သိန်း ခန့်နဲ့ပိုင်ရှင် အမည်ပေါက် လက်ဝယ် ပိုင်ဆိုင် နိုင်မှာ ဖြစ်တယ်လို့ သိရပါတယ်။

 

Myanmar mini-salon ကားများဟာ ဆီစား သက်သာခြင်း၊ အင်ဂျင် ပါဝင် နည်းခြင်း၊ Air-Con ကို အချိန်မရွေး/အချိန်ပြည့် သုံးစွဲနိုင်တဲ့ အတွက် မည်သူမဆို လွတ်လပ်စွာ ၀ယ်ယူနိုင်ပြီ ဖြစ်တယ်လို့ သိရပါတယ်။ လက်ရှိ မှာတော့ မြန်မာ မီနီစလွန်း ကားတွေ ရောင်းချမှုကို ရပ်နား ထားတာ မရှိဘဲ ၀ယ်ယူလိုသူတွေ အတွက် အချိန်မရွေး ရောင်းချပေး နေတာ ဖြစ်ပါတယ်။ ထပ်မံပြီးတော့လည်း လာမယ့် နှစ်တွေမှာ မြန်မာမီနီစလွန်းကား တွေကို ထပ်မံ ထုတ်ပေးသွား ဖို့လည်း စီစဉ်လျက် ရှိတယ်လို့ သိရပါတယ်။